రచన,స్వరకల్పన&గానం:డా.రాఖీ

ఉన్నా లేకున్నా రెండు చేతులు నేస్తం

ప్రతి మనిషి కలిగిఉంటాడు మరో  హస్తం

అంతరాన అద్భుతమౌ అదృశ్య హస్తం

అదే అదే  దయగలిగిన ఆపన్న హస్తం

ఉపయోగించనపుడు జీవితమే వ్యర్థం

1.సంపన్నులమైతేనే అన్న షరతులేదు

పుష్కల ఆదాయమే అర్హత కాదు

ప్రతిఫలమాశించే అవసరమే లేదు

పేరు ప్రఖ్యాతులు పెద్ద విషయమే కాదు

సహృదయత ఒక్కటుంటే పేదరికం అడ్డుకాదు

2.అభద్రతే పిసినారికి అతిపెద్ద ఆటంకం

తృణమో ఫణమో ఇవ్వగలగడం ముఖ్యం

సహానుభూతి చెందితే ఉదారతే సులభం

చందా దానము  విరాళము వితరణదొక రూపం

ధనమో వస్తువో శ్రమనో ఏదో ఒక చిరు సాయం