రచన,స్వరకల్పన&గానం:డా.రాఖీ

కవ్వించకే నీ వాలుచూపులతో

నను చంపకే నీ చిలిపి నవ్వులతో

అందించవే అధరామృతం బ్రతికించగా

బంధించవే బిగికౌగిట దివిని తలపించగా

1.ప్రేమలేఖలేవో కనుపాపల కదలాడే

మూగబాసలేవో మానసాన్ని వెంటాడే

అందరాని చందమామలా దోబూచులాడేవు

హృదయాన్ని బంతిచేసి ఆటలెన్నొ ఆడేవు

2.నీ తనువు కావ్యాన్ని తనివార చదువుకోనీ

నీ మానసవీణపై నవరాగం పలికించనీ

నా పెదాల కుంచెతో నీదేహమంత చిత్రించనీ

అనుభూతుల నవరసాలతో అనుభవాలు మించనీ