https://youtu.be/kwXrnwCjWpg
రచన,స్వరకల్పన&గానం:డా.రాఖీ
కష్టాలెన్నో ఇచ్చావా ఫరవాలేదు ప్రభూ
కన్నీళ్ళను ఇగిర్చావా ఇబ్బందేం లేదు ప్రభూ
జీవన పోరాటానికి వెనుకాడిందే లేదు ప్రభూ
పరమ దయాళా నినువేడేదొకటే అనునిత్యం
చెరగనీకు మా ఎదలో స్థైర్యం పెదాల దరహాసం
1.సృష్టిలోని వేదననంతా గుండెనిండ నింపావు
పుండుమీద కారాన్నింకా చల్లుతూనే ఉన్నావు
గాయాలెపుడు మానకుండా కెలుకుతూనె ఉన్నావు
నయమవడమేమోగాని అనునయమూ పొందనీవు
పరమ దయాళా నినువేడేదొకటే అనునిత్యం
చెరగనీకు మా ఎదలో స్థైర్యం పెదాల దరహాసం
2.చుట్టూరా మంటబెట్టి వినోదిస్తుంటావు
కొట్టుమిట్టాడుతుంటే వెక్కిరిస్తు ఉంటావు
నట్టనడిమి సంద్రంలో నెత్తిన బరువెడతావు
సాయంమాట ఏమోగాని కసాయిగా తోస్తావు
పరమ దయాళా నినువేడేదొకటే అనునిత్యం
చెరగనీకు మా ఎదలో స్థైర్యం పెదాల దరహాసం
No comments:
Post a Comment