రచన,స్వరకల్పన&గానం:డా.రాఖీ

రాగం: భూపాలం

కోవెల వేలుపు మేలుకొలుపులే శుభోదయం

కువకువ సడులే రేగెడి వేకువ శుభోదయం

తూరుపు వాకిట అరుణ రుచస్సే శుభోదయం

గరికపైన మెరిసే తుషార బిందుల శుభోదయం

1. కనుమల  పొడసూపెడి రవికిరణం శుభోదయం

   కొలను తామరలు విరిసిన తరుణం శుభోదయం

   పడుచు భామల రంగవల్లుల వరవడి శుభోదయం

   ఆలమందలు మేతకు చనెడి అలజడి శుభోదయం

2.చిరుచిరు బుడతలు బడులకు వెళ్ళే శుభోదయం

పెరుగు పాలమ్మిలు పరుగున వాడలు తిరిగే శుభోదయం

కూరగాయల బేరం చేసే నారయ్యలు అరిచే శుభోదయం

పేపరు వేసే కర్మవీరుల   సైకిల్ సవ్వడి శుభోదయం