రచన,స్వరకల్పన&గానం:డా.రాఖీ
ఏముంటుంది మనసును మించెడి కానుక
ఏదౌతుంది మైత్రితో తూగెడి బహుమతి
నేస్తమా సర్వం సహా నా సమస్తమా
అందిస్తాను బ్రతుకే కట్నంగా
అర్పిస్తాను భవితే ఇష్టంగా
నువ్వునువ్వని భావించే నువ్వే నా ప్రతిబింబం
నన్నేఆవిష్కరించేటి నువ్వు నా అంతరంగం
నటప్రేక్షక సమాగమానికి నీవే నా రంగస్థలం
నాకు నేనే ప్రేరణ పొందగ నీవే నాకిల
ఉత్ప్రేరకం
ద్వైదీభావన కలిగేటందుకు ఏదీ ఆస్కారం
బాధ నాదయీ నొప్పి నీదయే స్నేహ సంస్కారం
మనో మథనాన కవనామృతమే నిత్య పురస్కారం
నీ చిరునవ్వుల ప్రశంసలే నా సందేహ
పరిష్కారం
No comments:
Post a Comment