పన్నగేంద్రునిపైన పవళించియున్నావొ
శేష తల్పము మీద సేదదీరుతున్నావొ
మా యమ్మ అలమేలు సేవగొనుచున్నావొ
మామేలుకూర్పగా ఆదమఱచి యున్నావొ
ఏడుకొండలవాడ ఏమిటో నీమాయ
యతిరాజుకైనను గతిగానరాదాయే
1. కాలైన కదపక నీ గుడికి రాలేక
పేరైన పలకక నీ నామమనలేక
కళ్ళున్నవేగాని నిను కాంచలేక
నా దేహమెప్పుడు నా మాట వినక
ఏలదిగజార్చావొ జీవచ్ఛవమల్లె
నువులేక నాకేల ఈ బ్రతుకు డొల్లే
ఏడుకొండలవాడ ఏమిటో నీమాయ
యతిరాజుకైనను గతిగానరాదాయే
2.పక్షివాహన నీవు పక్షపాతివి స్వామి
ఆపేక్ష నెరవేర్చ నీకు ఆక్షేపణయేమి
ముంచగా ఎంచితివి నా జీవనావను
దరిజేర్చ దయలేద నను ఇకనైనను
నీ పాదపద్మాలె నెరనమ్మితి
ఎదలోనె నిన్నింక స్థాపించితి
ఏడుకొండలవాడ తాళరా నీమాయ
యతిరాజుకైనా దొరుకునా నీదయ
No comments:
Post a Comment