https://youtu.be/db493H0yqdo?si=IkDYui_xYIMUgTF_
రచన,స్వరకల్పన&గామం:డా.రాఖీ
పేటలు పట్టణాలు కడచి వచ్చినాను
నీ చరణాలనెప్పుడో శరణుజొచ్చినాను
ఏనాటికి మాపురవేల్పువు నీవేస్వామి
సంకటములనిక మాన్పర పాహిపాహి
ధర్మపురి లక్ష్మీ నరసింహ స్వామి
మా ధర్మపురి లక్ష్మీ నరసింహ స్వామి
1.నీ సుందర రూపాన్ని కనుల ముందు చూపు
నీ మంగళ విగ్రహాన్ని నా తలపున నిలుపు
నీ ఉగ్రరూపంతో అరివర్గము నెడబాపు
నీ శాంత స్వరూపమే సర్వదా నాకు ప్రాపు
ధర్మపురి లక్ష్మీ నరసింహ స్వామి
మా ధర్మపురి లక్ష్మీ నరసింహ స్వామి
2.మా ఈతి బాధలన్ని ఏ రీతి తొలగింతువొ
మా లోన జ్ఞానజ్యోతి ఎప్పుడు వెలిగింతువో
బ్రతుకంతా వ్యాధులతో పోరాటమె సరిపోయే
నీ సన్నిధి చేరినంత మనసుకెంతొ ఊరటాయె
ధర్మపురి లక్ష్మీ నరసింహ స్వామి
మా ధర్మపురి లక్ష్మీ నరసింహ స్వామి
No comments:
Post a Comment