రచన,స్వరకల్పన&గానం:డా.రాఖీ
వాడొక్కడే కారకుడు
వాడొక్కడే కార్యకారణ సంబంధితుడు
వాడొక్కడే ఉన్నఫళంగా బ్రతుకు కుదిపివేసేది
వాడొక్కడే ఓడలు బళ్ళుగ బళ్ళు ఓడలుగ మార్చేది
పనికిరాని ఆటలెందుకు ఆడుతాడో
ఏ పావునెలా కదుపుతూ ఎందుకు మట్టుబెడతాడో
1.పట్టకొనగ ప్రయత్నిస్తే పారిపోతాడు
పట్టించుకోకపోతే మరీగుర్తుచేస్తాడు
అంతతిక్కలోడు లేడెవడూ లోకానా
అంత తింగరోడు కానరాడు జగానా
పనికిరాని ఆటలెందుకు ఆడుతాడో
ఏ పావునెలా కదుపుతూ ఎందుకు మట్టుబెడతాడో
2.చేయి పట్టినడిపించే తండ్రి తానే
పాఠాలు బోధించే గురువు తానే
ఏమరుపాటుకు గుణపాఠం నేర్పేది తానే
జీవితాన్నే మూల్యంగా గైకొనెది తానే
పనికిరాని ఆటలెందుకు ఆడుతాడో
ఏ పావునెలా కదుపుతూ ఎందుకు మట్టుబెడతాడో
No comments:
Post a Comment