రచన,స్వరకల్పన&గానం:డా.రాఖీ
బంధించు నీ హృదయంలో
సంధించు నీ ప్రణయంలో
సాధించు నన్ను సఖీ నీ సన్నిధిలో
ముంచిఉంచు ఎప్పటికీ ప్రేమాంబుధిలో
హక్కులన్ని చేసేసా నీ పరమే
నువు నాకు దక్కడమన్నది ఒక వరమే
1.ఊపిరాడనీయకూ నీ కౌగిలిలో
తేరుకోనీయకు ముద్దుల జడిలో
గాయపరచవే నన్ను నాలిక ఛూరికతో
దోచేయి సర్వస్వం మంత్రతంత్ర విద్యలతో
హక్కులన్ని చేసేసా నీ పరమే
నువు నాకు దక్కడమన్నది ఒక వరమే
2.బానిగా మార్చుకో వశీకరణ చేసి
దాసునిగా చేసుకొ దేవీ కోరికలే తీర్చేసి
నను కట్టడి చేసేయి కనికట్టు చేసేసి
నేన్నే లేకుండా చేయి నీవుగా మార్చేసి
హక్కులన్ని చేసేసా నీ పరమే
నువు నాకు దక్కడమన్నది ఒక వరమే
No comments:
Post a Comment