రచన,స్వరకల్పన&గానం:రాఖీ
రెప్పకు చూపుకు పోరాటం
తనువుకు మనసుకు తప్పని జగడం
రెప్పనిదుర పొమ్మంటుంది
చూపు ఆగమంటుంది
తనువు తప్పదంటుంది
మనసు గోడు వినమంటుంది
1.రెప్ప చెప్పి ఒప్పిస్తోంది
కలకు చెలిని రప్పిస్తానని
చూపు నమ్మనంటోంది
నిమిషమైన ఆపలేనని
నిదుర బెదిరి పోతోంది
కలత కుదరదంటోంది
గొడవ సద్దుమణిగే లోగా
వేకువ పొడసూపుతోంది
2.రెప్పమూసినా గాని
చెలి రూపు నిలిపింది
స్వప్నాల సౌధం లోకి
సఖిని సాగనంపింది
తనువుతో రాజీకొచ్చి
మనసు నెమ్మదించింది
చెలియ మనసుతో చేరి
ప్రణయ గీతి పాడింది
No comments:
Post a Comment