రచన,స్వరకల్పన&గానం:డా.రాఖీ
నువ్వు నవ్వితే రోజూ పున్నమి
నాకన్నుల నీవే నిండు జాబిలి
మేఘమాల మధ్యన చందమామ నీ మోము
ఒక నిమిషమైనా దృష్టి మరల మనలేము
1.పొందికలోనె ఉంది నీ ఎనలేని అందము
ఒద్దికనే తెలుపుతోంది పొందిన ఆనందము
నిను గనినంతనే పరవశమౌ నా డెందము
కలయే నిజమై కలవరమౌ చందము
2.హళేబీడు శిల్పాలు నినుగాంచి చెక్కినవే
అజంతా చిత్రాలకు అలనాడు ప్రేరణవే
ప్రబంధ నాయిక పాత్రలు నీ వల్ల వెలిసినవే
దేవీ మూర్తులన్ని నీ స్ఫూర్తితొ మలచినవే
No comments:
Post a Comment