https://youtu.be/OYLlnCdeakM?si=GVgohm_lcuyNClgz

15) గోదాదేవి పదిహేనవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం: కీరవాణి

చిలుక పలుకుల ఓ చినదానా

గోవిందుని మది దాచినదానా

వేకువాయేను మేలుకొనవే వేగిరాన

కులుకులొలికే నెరజాణలారా

కాకిగోలగ సణిగే రణగొణలేలా

అందరినొదిలి ముందుగ నన్నే లేపాలా

1.మాటలతొ మాయచేసే మానినీ

సరిచూసుకో లేచివచ్చి మన లెక్కనీ

సజావుగా సాగనీవే సిరి వ్రతమునీ

ఎరుగవే రోజూ నీదే జాప్యమనీ

2.మత్తగజమునే వధించిన విధి

కంసుని సంహరించిన సంగతి

లీలామానుష వేషధారి మురారికీర్తి

కీర్తించెదము నోరారా తీరగ మన ఆర్తి