రచన,స్వరకల్పన&గానం:డా.రాఖీ
గడిచింది గతమంతా- ఎదిరిచూపులోనే
కరిగింది యవ్వనమంతా-ఎడబాటులోనే
ప్రియతమా నా నేస్తమా
మన అడుగులు సాగేదెపుడో-బ్రతుకు బాటలో
పదిలమైన నా హృదయమా
మాధుర్యం చిలికేదెపుడో-నాతో జతగ పాటలో
1.సేదదీరు శుభఘడియేదో నీ ఎదపై
పవళించు పరవశమెపుడో నీ ఒడిలో
పసిపాపలాగా లాలించవే నన్ను
కనురెప్పలాగా పాలించవే నన్ను
అక్కున జేర్చుకోవే మిక్కిలి గారాబంగా
గ్రక్కున అరుదెంచవే అలరులు కురియంగా
2.ప్రణయ గోదారిలో నన్ను ఓలలాడనీ
పాలకడలిలోన తలమునకలవనీ
కవ్వించి నన్ను కలతల్లో ముంచకు
ఊరించి నాలో ఉద్వేగం పెంచకు
మనసనేది నీకుంటే మరిజాగు సేయకు
ప్రాధేయ పడుతోంటే ఇక జాలిమానకు
No comments:
Post a Comment