రచన,స్వరకల్పన&గానం:డా.రాఖీ
నిత్యం పలకరింపులే లేక
నగవుల చిలకరింపులూ లేక..
ఊపిరాగి పోతోందే..గొంతునొక్కినట్టూ
గుండె నలిగిపోతోందే రోట దంచినట్టూ
నేస్తమా నీవే నా సమస్తము
అనుకుంటే ఇంతేనా నా ప్రాప్తము
1.ఊసైనా వినలేక ,ఊహైనా కనరాక..
పట్టలేకా విడవలేకా దూరమౌతూ భారమౌతూ
సతమతమైపోంది పండంటి బ్రతుకే
చేరుతుంది చేరువలోనే మండేటి చితికే
నేస్తమా నీవే నా సమస్తము
అనుకుంటే ఇంతేనా నా ప్రాప్తము
2.తమాషగా ఏర్పడలేదు మన మధ్య బంధము
అషామాషీ అనుకోలేదు నీతోటి స్నేహము
విధిమనని కలిపింది పరమార్థమేదో ఉంది
మన సంగమ నిమిత్తమేదో ఉత్కృష్టమవనుంది
నేస్తమా నీవే నా సమస్తము
అనుకుంటే ఇంతేనా నా ప్రాప్తము
No comments:
Post a Comment