రచన,స్వరకల్పన&గానం:డా.రాఖీ
నిద్దురపోతే కల్లో కొచ్చి
మెలకువలోను తలపులజొచ్చి
నిండిపోయావే నా మనసంతా
నేనే నీవైపోయానేమో అనేంత
1.చీమ చిటుకుమన్నా నీవే అనుకుంటున్నా
గాలితాకిపోతున్నా నీ కబురేదంటున్నా
ప్రాణవాయువై నన్ను బ్రతికించమంటున్నా
హృదయలయగ మారి నినదించమంటున్నా
2. వెచ్చించగ నాకోసం నిమిషమైన నీకుందా
యోచించగ నాకై క్షణమైన వీలౌతుందా
నూరేళ్ళ జీవితాన్ని నీ కంకిత మిచ్చేస్తా
మరుజన్మలోనైనా నీజతకై జన్మిస్తా
No comments:
Post a Comment