రచన,స్వరకల్పన&గానం:డా.రాఖీ
సైచలేను నేను సై అనని నీ మౌనాన్ని
మరచిపోలేను జన్మల మన ప్రణయాన్ని
ఓపలేను విరహాన్ని మానలేను నీ ఊహల్ని
ఎంతకష్టం ఈ ప్రేమికుడిది ఓ చెలియా
బ్రతుకలేక చావలేక అనుక్షణం నా ప్రియా
1.తటపటాయిస్తావు ఔననడానికి
వెనకంజవేస్తావు కాదనడానికి
అనురాగం నిండిన నీహృదయం
మానసమేమో డోలాయమానం
తాత్సారమెందుకు పచ్చ జెండాకై
తర్కించగా తగదు స్వచ్ఛమైన ప్రేమకై
2.బంధనాలు త్రెంచుకో మన అనుబంధానికి
రెక్కలను విప్పుకో నింగికి నీవెగరడానికి
చేరుకుందాము సరికొత్త స్వర్గాలే
మనంవేసె అడుగుల్లో మల్లెపూల మార్గాలే
మేడకడతా మనకై స్వప్నాల పొలిమేరల్లో
పడకనౌతా నీకై పండువెన్నెల రాత్రుల్లో
No comments:
Post a Comment