అమ్మా శ్రీ లలితా శివాత్మికా - నివాళి నీకిదే నిర్మల చరిత
కాత్యాయిని కాదంబరి కమలలోచని- సహస్ర నామాంకిత సకల లోకజనని
1. అతివలంత జేరి నిను ధ్యానించిరి- అలివేణులందరూ
ఆసన మందించిరి
అ౦గనలంత కలిసి అర్ఘ్యాదులనిచ్చిరి- పడతులంత గూడి పాదపూజ జేసిరి
||అమ్మా
శ్రీ లలితా ||
2. అంబుజాక్షులందరూ అభ్యంజన మొనరించిరి- వనితలంత
నీకు పట్టు వస్త్ర మిచ్చిరి
గరిత లంత జేరి గంధమ్ము బెట్టిరి -తెరవ లంత నీకు తిలకమ్ము దిద్దిరి
||అమ్మా శ్రీ లలితా ||
3. పూబోడులంత నీకు పూమాలలు వేసిరి- సుదతులంత
నీ సహస్ర నామాలు చదివిరి
తరుణులంత తపన పడి ధూపమ్ము వేసిరి- ప్రమదలంత భక్తితొ ప్రమిదలు
వెలిగించిరి
||అమ్మా
శ్రీ లలితా ||
4. నెలతలంత నీకు నైవేద్యము నొసగిరి- ముదితలంత
ముదమార తాంబూల మిచ్చిరి
హేమలంత ప్రియమారగ హారతులిచ్చిరి- కాంతల౦త ముక్తకంఠ గీతమాలపించిరి
||అమ్మా
శ్రీ లలితా ||
5. భామలంత కలిసి నీ భజనలు జేసిరి- నారీమణులందరూ
నాట్యాలు జేసిరి
మగువలంత నీకు మనసారా మ్రొక్కిరి- రమణులంత నీ ముందర సాగిల పడిరీ
||అమ్మా
శ్రీ లలితా ||
