https://youtu.be/9EBhsqmkDdA

కలలన్ని కల్లలై కన్నీటి వరదలై
సాగింది గోదావరి- అది చేరేది మరియే దరి

1. కనలేదు ఏనాడు కన్నయ్య రూపు
వినలేదు ఏనాడు ఆ మురళి పిలుపు
లేవు భామాకలాపాలు
లేవు లీలావినోదాలు
తోడు కరువై బ్రతుకు బరువై ||సాగింది||

2. యమునకు దొరికిన అనుభూతి లేదు
రాధకు దక్కిన అనురాగమూ లేదు
ఓ కాకిలాగా ఏకాకిలాగా
శోకాలవానా ముంచెత్తిపోగా
ఆశ దోషమై బాస మోసమై ||సాగింది||

3. జీవితమే ఒక సాగరమాయే
అమృత జలమే విషతుల్యమాయే
గలగలరావాలు మూగవోయే
కమనీయ భావాలు శిథిలమాయే
మానలేని గాయమై తిరిగిరాని కాలమై ||సాగింది||

కలలన్ని కల్లలై కన్నీటి వరదలై
ఆగింది గోదావరి అది గతిలేని కడలిగ మారి

OK

https://youtu.be/GpUYw-TURF4?si=KRKNfSf2gdl9IYx7

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:దర్బార్ కానడ

నా మొర నాలించవయ్యా- నన్ను పరిపాలించవయ్యా
ఓ బొజ్జ గణపయ్యా-ఓ వికట వెంకయ్యా

1. ఆశల పాలిటి దాసుని జేయకు
భవ బంధాలకు బానిసజేయకు
కలలో ఇలలో కైవల్యములో
నీ నామ స్మరణ మరువనీయకు

2. వేదము నీవే నాదము నీవే
నే నమ్మిన శ్రీ పాదము నీదే
ఆవేదనలో ఆనందములో
సదా నే చేయు ఆరాధన నీదే

3. పిలిచిన పలికే గిరిజానందన
కోర్కెల దీర్చే మూషక వాహన
కరుణాంతరంగా ఓ వక్రతుండా
నీవే నాకిల కొండంత అండ

https://youtu.be/XQt5YfqrLkQ?si=Q9VdYRRM_Yyudkzw

చిత్తము నీమీద స్థిరమగు రీతి
నన్నాయత్త పరచుము ఓ గణపతి
చెలగెటి నా మది చంచలమైనది
సంకెలవేయుము సరగున గణపతి

1. మాయాజగమిది క్షణభంగురమిది
ఎరిగీ చిక్కెడి రంగుల వలయిది
తాపత్రయముల బానిస మనసిది
శరణం శరణం నీవే నాగతి

2. మోహావేశము తీరని పాశము
నిలుపుము నా మది నీపై నిమిషము
జీవన సారము భవసాగరము
కడతేర్చుము నను కరుణతొ గణపతి

https://youtu.be/ZUL_LAWK_Jc?si=Qkt3aWUOZkNzR4hI

ఓ ప్రేయసీ!
భువికి దిగిన ఊర్వశీ
నిన్ను చూసి సౌందర్యానికి ఎంతటి జెలసీ
నీవేలే నా ప్రణయ గీతం
నీవేలేనా ఉషస్సరాగం
1. అందమైన సాయంత్రాలు
ఆర్ద్రమైన నీ నేత్రాలు
నేర్పు ప్రేమ తొలి పాఠాలు
తీర్చును మొహమాటాలు
నీవేలే నా ప్రణయ గీతం
నీవేలేనా ఉషస్సరాగం
2. నీ నవ్వుల గలగలలే
సెలయేరులు ఆశించు
నీ పలుకుల కులుకులకే
రాచిలుకలు తలవంచు
నీవేలే నా ప్రణయ గీతం
నీవేలేనా ఉషస్సరాగం

https://youtu.be/jF7QQZ3W_I8?si=7mTXeK_D78JbWkm7

మనసైన చెలియలేక
నయనాల ఏరువాక
సాగింది శిథిలనౌక
తీరాన్ని చేరలేక

1. ఎనలేనిదీ ఈ మోహము
మనలేనిదీ విరహం
విధి వ్యూహం తీరదు దాహం
తీర్చదు ఏ ప్రవాహం

2. ఏ మ్మూఢమో ఆషాఢమో
దృఢమైన ఎద సడలే
అనురాగం అతి గాఢం
బంధించగా జాలం

3. ఈ గీతమే సందేశము
అందించవే మేఘం
కలిగించు రసయోగం
రసరాగ సంయోగం

OK

https://youtu.be/TGPkLCp0zXs

రాగాలు చిలుక సరస హృదయ రమ్య వీణనూ
మ్రోయించువారు లేక నేడు మూగవోయెను

1. మధుమాసవేళ పాడుటకై కోయిలమ్మకూ
లేమావి చివురులేక నేడు అలమటించెను

2. బృందావనాన రాధకాలి అందె సవ్వడి
కనలేక మురళి కంటిలోన నిండెనే తడి

3. జాబిల్లి జాడ కననిబేల జీవజీవము(చకోరి)
గోదారివరద భంగి పొంగె గుండె శోకము

ఊహలలోనే నన్ను జీవించనీ
స్వప్నాలందే నన్ను విహరించనీ
రాలేనురాలేను రాజీల దారిని
భరియించలేను నేను నగ్నసత్యాలని
1. కళ్ళుతెరిస్తె ఏముంది-కనరానిచీకటి
మెలకువొస్తె ఏముంది-మెలితిప్పే ఆకలి
ఈ లోకపు కుళ్ళు రూపు-నేచూడలేను
ఈ వాడిముళ్ళదారి –నే నడవలేను
2. నా గుప్పిటి విప్పనీకు-గుట్టురట్టౌతుంది
ఈ ముసుగు జారనీకు-ముప్పువాటిల్లుతుంది
అతికించికోనీయి-పెదవుల చిరునవ్వులని
మైమరచి బ్రతకనీయి-వేదనాశ్రుధారలని

https://youtu.be/ppNM70xggM8?si=oM0iz30eg7VS479f

నీరాకతోనే నాఎద ఎడారే
మారింది పారే ఒక సెలయేరే
నీ ప్రేమతోనే నా బ్రతుకు మోడే
చిగురించె నేడే వేదనను వీడే
1. గాజుపూసలను చూసి-రత్నరాశులనుకొని భ్రమిసా
గార్ధభస్వరాలనే-అమరగానమనుకొని మురిసా
తెలిసింది నేడే మాణిక్యమంటే
ఎరిగించినావే మాధుర్యమంటే
2. కాగితం పూలెపుడూ-పరిమళాలు కూర్చవనీ
ఎండమావులెన్నటికీ-దాహాన్ని తీర్చవనీ
ఎరిగించినీవే గుండె మీటినావే
ఎదబీడులోనా ప్రేమనాటినావే

https://youtu.be/Lsyvplf_Sq0?si=yKmAQPhWHw9ko-as

గుండెనిండ నీవేనయ్యా కొండగట్టు అంజయ్యా
మా అండ దండ నీవేనయ్యా రామభక్త హనుమయ్యా
వందనమిదె గొనుమయ్యా వాయుపుత్ర హనుమయ్యా
సుందరమూర్తీ స్వామీ అంజనిసుత అంజయ్యా

1. ఇలవేల్పువు నీవే మా కులదైవమూ నీవే
బుద్దెరిగిన నాటి నుండి ఇష్టదైవమూ నీవే
కష్టములే కలుగనీయవు-నష్టములే జరుగనీయవు
గ్రహపీడల హరియించి అనుగ్రహించేవు స్వామి

2. రామనామ స్మరణయన్న ప్రేమమీరజేసేవు
రామనామ గానమున్న మేనుమరచి ఆడేవు
రామపాదసేవకే అంకితమైనావు
శ్రీరాముని ప్రియసఖునిగ వన్నెకెక్కినావు

3. దంపతులకు ఎడబాటును తొలగించిన వాడవు
పునర్జీవితులజేయు సంజీవరాయుడవు
యుగయుగాల వెలుగులీయు చిరంజీవివైనావు
స్వామిభకిపరాయణకు తార్కాణమైనావు

OK

https://youtu.be/EfKcuTci6Bs

https://youtu.be/9qeFwL4gKnc

హనుమాన్ చాలీసా పారాయణము
అది సుందరకాండతో సరిసమానము
పావనినిల సేవించగ బ్రతుకు పావనం
మారుతియే కరుణించగ జన్మసార్థకం

1. ఉదయించే సూర్యుని కని కమ్మని ఫలమని
భావించిన మారుతి మ్రింగె బాల భానుని
గురువుకన్న ఘనుడగునని శిశ్యునిగా గైకొని
నేర్పెను రవి పావనికి వేద వేదాంగములని

2. కిష్కింద కాండలో స్నేహానికి సారథి
సుందరకాండలో విరహానికి వారధి
యుద్ధకాండలో కలహానికి ప్రతినిధి
జీవనకాండలో భక్తి దాహానికి తియ్యని జలధి

3. సింధూర ధారణతో శ్రీరాముడు వశమగునని
తలపోసిన కపివరుడది ఒళ్ళంతా పులుముకొని
తెలిపె మనకు భక్తిలోని పరాకాష్ఠ వైనముని
ఎరిగిమసలుకొన్నవారు పొందగలరు ముక్తిని

https://youtu.be/qeEl2WQWSg0?si=Cs_Ivy2k4Zt4DZ4Z

హనుమంతుని ప్రతిమ లేని ఊరుఊరేకాదు
రామనామ భజన అనని నోరునోరేకాదు
కపివరునికి ప్రియమైనది ఒకటే అది రామకథా
అష్టాక్షరి పంచాక్షరి సంకలనమె రామ కదా

1. కలియుగాన ప్రత్యక్ష దైవమే హనుమంతుడు
కలికల్మష నాశకుడే వీరాంజనేయుడు
భక్తిమార్గ భోదకుడే భక్తాంజనేయుడు
భక్తసులభుడేకాదా ప్రసన్నాంజనేయుడు

2. భూతాలనుప్రేతాలను దునుమాడును మారుతి
రోగబాధ సత్వరమే తొలగించును పావని
దారిద్ర్యము బాపేటి కేసరీ నందనుడు
వేదనలో ఓదార్చే శ్రీ రాముని ప్రియ సఖుడు

ఇంకేమి కోరను స్వామీ
నినువినా నా మనమునా
ఇంకేమి కోరను స్వామీ
1. ఇచ్చితివి నాకిల సుందర దేహము
అంతోఇంతో విజ్ఞానము
కడుపు నిండుటకు సరిపడు అన్నము
తలదాచుకొనుటకు చక్కని గృహము
2. పలికే ప్రతి మాట నీనామ మవనీ
తలిచే ప్రతి తలపు నీ భావమవనీ
వేసే ప్రతి అడుగు నీవైపె సాగనీ
చూసే ప్రతిచూపు నీరూపు నిలపనీ

ఏ పాద మంజీర నాదాలలో
జగతి పులకించి మైమరచునో
ఏ దివ్యతేజః పుంజాలలో
జనులు జ్ఞాన చక్షులు తెరచి తిలకింతురో
ఏ తల్లి కరుణార్ద్ర దృక్కాంతి ప్రసరించగా
జన్మ చరితార్థమగునో
ఏ అమ్మ చనుబాలు మృతసంజీవినీలై
మనిషి మనుగడను కాపాడునో
ఏ వదన వీక్షణామాత్రంబు
సర్వజన దుఃఖ పరిహారమగునో
ఏ దేవి నర్చింప
సకల సౌభాగ్య భోగములు లభియించునో
అట్టి వనశంకరీ దేవి
సింహవాహిని
డోలాసుర భయంకరి
పద్మాసని
అఖిలాండకోటి బ్రహ్మాండ నాయకి
వాగ్దేవి
నన్ను నిన్ను సకల మానవాళిని
సదా సర్వదా రక్షించుగాక!

OK

https://youtu.be/vxtRwOiWf8s

అమ్మా సరస్వతి నువ్వే నాగతి
నిన్నే నమ్మితి నిన్నే వేడితి

1. పుత్రుడైనందుకా నారదుణ్ని బ్రోచింది
ఆప్తుడైనందుకా తుంబురుణ్ని కరుణించింది
త్యాగరాజు నీకెలా బంధువో చెప్పవమ్మ
అన్నమయ్య నీకెలా అస్మదీయుడోనమ్మ
అందరూ నీకన్న బిడ్డలే కదమ్మా
నన్నింక చేరదీసి ఆదరించవేమమ్మ

2. వ్యాసుడే పూలతో పూజించె నిన్ను
వాల్మీకి నోచిన నోములేమిటందు
శంకరాచార్యుడెట్లు సేవించెనోగదమ్మ
పోతన్న పూర్వజన్మ పుణ్యమేమిటమ్మ
ఏరీతిగానిన్ను మెప్పించగలనమ్మ
చేజోతలర్పించి ధ్యానింతునమ్మా

3. కోరలేదు నిన్నునే కొండంత సిరులు
అడగలేదు నిన్నునే మేడలు మిద్దెలూ
అర్థించలేదులే పదవులు రాజ్యాలు
వాంఛించలేదమ్మ భోగభాగ్యాదులు
మేధలో గొంతులో నీవు కొలువుంటెచాలు
నీ పాద పద్మాల నందిస్తె కొదవే లేదు

ఇంతలోనే ఈ చింతలేల-వింతగా నీ కవ్వింతలేల
పులకింత-గిలిగింత దొరికాయని నీ చెంత
అనుకుంటే వెనువెంటే నా కంట నీరంట
ఇంతలోనే ఈ చింతలేల-ఇంతగా నీ పంతమేల
అలిసేంత ఆటంతా ఆడేది నావంతా
ఎపుడైనా ఎటులైనా-గెలిచేది నీవంటా
స్వామీ నీవె ఇక శరణం నాస్తి- స్వామీ నిన్నే మనసా స్మరిస్తి

1. ఎత్తుకోమని నిన్ను వేడుతుంటే-ఊబిలో దించేసి వెడుతుంటావు
ఎత్తునుంచి దించవయ్యా భయమని నేనంగలార్చినా
ఆనందం పొందే నీ మనసు మార్చునా
ఇంతలోనే ఈ బింకమేలా-అందుకేమైనా సుంకమియాలా
స్వామీ నీవె ఇక శరణం నాస్తి- స్వామీ నిన్నే మనసా స్మరిస్తి

2. గగనంలో జాబిల్లిని చూపిస్తావు-అద్దంలో చందమామనందిస్తావు
తాగేందుకు తగినన్ని నీళ్ళంటావు-
నడి సంద్రంలోన నన్ను వదిలేస్తావు
ఇంతగానీ పంతమేల-ఎంతకీదీనికంతు లేదా
స్వామీ నీవె ఇక శరణం నాస్తి- స్వామీ నిన్నే మనసా స్మరిస్తి
అంతలోనే వసంతమేలా-నీసొంతమైతే ఏ చింతలేల నాకు సాంత్వనేల
స్వామీ నీవె ఇక శరణం నాస్తి- స్వామీ నిన్నే మనసా స్మరిస్తి

https://youtu.be/PgbQTmlSW9k?si=cNOf6uYNUIS5plHY

వాయుపుత్రా నీకు వేయి దండాలు
లక్ష్మణప్రాణదాత నీకు లక్ష దండాలు
కొండగట్టు హనుమయ్యా కోటికోటి దండాలు
అంజనాదేవితనయ అనంతకోటి దండాలు

సంజీవరాయా నీకు సాష్టాంగ దండాలు
సీతాశోకనాశక చేతులెత్తి దండాలు
రామదూతా నీకు రాంగపోంగ దండాలు
కేసరీనందన నీకు పొర్లుడుదండాలు

పవనాత్మజానీకు పగడాల దండాలు
సుగ్రీవమిత్రా నీకు ముత్యాలదండాలు
చిరంజీవి హరీశుడా రత్నాల దండాలు
వాగధీశానీకివె వజ్రాల దండాలు

దినకరుని మ్రింగిన నీకు దినందినం దండాలు
ఘన సంద్రం దాటిన నీకు క్షణం క్షణం దండాలు
లంకగాల్చిన స్వామినీకు అడుగడుగు దండాలు
వనము కూల్చిన స్వామినీకు వంగి వంగి దండాలు

మనసెరిగిన మారుతీ మనసారా దండాలు
కరుణించే పావనీ తనివిదీర దండాలు
జితేంద్రియా నీకివే గొంతెత్తి దండాలు
పంచముఖీ ఆంజనేయ తలవంచి దండాలు

వాయుపుత్రా నీకు వేయి దండాలు

లక్ష్మణప్రాణదాత నీకు లక్ష దండాలు

కొండగట్టు హనుమయ్యా కోటికోటి దండాలు

అంజనాదేవితనయ అనంతకోటి దండాలు

OK 

https://youtu.be/SpYBuFAzLBw

రచన,స్వరకల్పన&గానం:డా.గొల్లపెల్లి రాంకిషన్ రాఖీ,

రాగం:తోడి]

జయ కళ్యాణ గోపాల జయహారతి
జయ బృందా మనోహర శుభ హారతి
జయ కళ్యాణ గోపాల జయహారతి
జయ బృందా మనోహర శుభ హారతి
జయహే ముకుందా మంగళహారతి
జయహే ముకుందా మంగళహారతి
జయ మురళికృష్ణయ్య కర్పూరహారతి
జయ మురళికృష్ణయ్య కర్పూరహారతి

అష్టభార్యలను ఇష్టపడి
పరిణయ మాడిన వైనమునేగని
అష్టభార్యలను   నీ విష్టపడి
పరిణయ మాడిన వైనమునేగని
పదహారువేల గోప భామలను
ప్రాణప్రదముగ ప్రేమించావని
పదహారువేల గోప భామలను
ప్రాణప్రదముగ ప్రేమించావని
ఇచ్చితిమయ్యా మా ఆడపడచుని
ఇచ్చితిమయ్యా మా ఆడపడచుని
కళ్యాణమాడగ మా కన్నె తులసిని
కళ్యాణమాడగ మా కన్నె తులసిని

జయహే ముకుందా మంగళహారతి
జయహే ముకుందా మంగళహారతి
జయ మురళికృష్ణయ్య కర్పూరహారతి
జయ మురళికృష్ణయ్య కర్పూరహారతి

2.ఏటేట జరిపేము మీ కళ్యాణోత్సవం
కమనీయమిది బహు శుభదాయకం
ఏటేట జరిపేము మీ కళ్యాణోత్సవం
కమనీయమిది బహు శుభదాయకం
కనులార దర్శించ మది పావనం
మనసార ప్రార్థించ అఘనాశకం
కనులార దర్శించ మది పావనం
మనసార ప్రార్థించ అఘనాశకం
మీ పాద తీర్థమే పరమౌషధం
మీ పాద తీర్థమే పరమౌషధం
వడపప్పు బెల్లమే మధుర ప్రసాదం
వడపప్పు బెల్లమే మధుర ప్రసాదం

జయహే ముకుందా మంగళహారతి
జయహే ముకుందా మంగళహారతి
జయ మురళికృష్ణయ్య కర్పూరహారతి
జయ మురళికృష్ణయ్య కర్పూరహారతి

(గతంలో రాసినది-ప్రస్తుతానికి అప్రస్తుతమైనది)

(గతంలో రాసినది-ప్రస్తుతానికి అప్రస్తుతమైనది)
మరువకో మల్లన్న-ఒక మంచిమాట చెబుతున్నా
ఇనుకోయే రాజన్న-ఇవరమైన ముచట చెబుత
రాకరాక వచ్చెనట-సక్కనైన పథకమట
దక్కన్ గ్రామీణబ్యాంకుల-రైతన్నల కోసమట
నడిచిసూడు ఈ బాట-బతుకంతా పూదోట
ఈనెలతో ఆఖరంట-ఏగిర పడమంట
1. అప్పుడెప్పుడోనీవు అప్పులెన్నొదెచ్చావు
గ్రామీణబ్యాంకుకేమొ-బాకీ పడిపోయావు
వడ్డీమీద వడ్డీపడే-నడ్డిరిగీ మూలబడే
బాకీకట్టబ్యాంకుబోతె-కళ్లుదిరిగి కూలబడే
2. మనకోసమె వచ్చింది మామంచి పథకము
ఏడికో ఓకాడికి-తెగతెంపుల పథకము
వడ్డీలను మాఫిజేసి-ఖర్చులన్నిరద్దుజేసి
రెండుమూడుకిస్తుల్లైన-కట్టగలిగె పథకము
3. సన్నకారు చిన్నకారు రైతులకే ఈపథకము
స్వల్పకాలదీర్ఘకాల అప్పులకే ఈ పథకము
ఎగసాయఋణాలకే చెందినదీ ఈ పథకము
రైతన్నలనాదుకొనే-రంజైన పథకము
ఋణవిముక్తి పథకము
4. రెండువేలఒకటినాటి మొండిఅప్పుల వడ్డీ మాఫి
అటెనుక పెండింగైతె-వడ్డీలోన సగం మాఫి
ఎన్కబడ్డ బకాయిలకు-ఇతర ఖర్చులన్ని రద్దు
కడితె తీరు ఋణమిదే-మించి పోని తరుణమిదే
5. కోర్టుకెక్కిన బాకైనా-ఫరవాలేదంట
తాతల నాటి అప్పైనా-పథకానికి తగునంట
కన్వర్షన్ క్రాపులోను-కైనా వర్తించునట
పాతబాకి చెల్లిస్తే కొత్తబాకి దొరుకునంట

https://youtu.be/Osk3ULlSM7I

రాకరాక వచ్చెనేడు పండుగు- చిన్ననాటి దోస్తులు కలిసినందుకు
ఆర్డరియ్యి వెంటనే మందుకు- గ్లాసులన్ని పెట్టవోయి ముందుకు
అందరం హాయిగా తాగెటందుకు-కమ్మనైన నేటి విందుకు

బాధలన్ని మరచిపోయె సమయమే ఇది
భాయిభాయి కలిసిపోయె తరుణమే ఇది
చిత్తుగా తాగవోయి చిందులేయగా మది
వూగిపోవాలి మరీ గమ్మత్తుగా నా హృది-ఈ గది

ఎన్నడూ మరవలేని గురుతుగా మారనీ రాతిరి
ఎవ్వరూ జరుపుకోని రీతిగా సాగనీ పార్టీ
మందేమో గొంతులోకి వెళ్ళాలి- పాటలెన్నొ గొంతెత్తి పాడాలి
ఖుషీగా నషాగా వొళ్ళుతేలిపోవాలి –
మత్తుకే మత్తువచ్చి సొమ్మసిల్లిపోవాలి

సిగ్గులన్ని పక్కనెట్టి పెగ్గుమీద పెగ్గుకొట్టు
మధ్యమధ్య నాటుకోడి లెగ్గు కాస్త నోటబెట్టు
తుళ్ళితుళ్ళినవ్వుకొనే పచ్చిజోకులెన్నొజెప్పు
మళ్ళిమళ్ళినీ దోస్తుగ పుట్టకుంటె ఒట్టుపెట్టు

https://youtu.be/IswDXEbd_qc?si=RiiCdHU8BOy_AeZl

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హిందోళం

సర్వము తానైనవాడు శ్రీగురుడు- సృష్టి స్థితి లయ కారకుడు
ఘటనా ఘటన సమర్థుడు- అఖిలాండకోటి బ్రహ్మాండ నాయకుడు
దీనుల పాలిటి కల్పతరువుగ ఖ్యాతిని పొందినవాడు
అతడే అతడే సచ్చిదానంద సద్గురు దత్తుడు

1. మాయామయమౌ జగత్తులో సత్యము తానైనవాడు
అజ్ఞాన గాఢ తమస్సులో జ్యోతిగ వెలుగొందువాడు
అజరామరమైన ఆత్మకు తానే అమృతమైనవాడు
ఆదిమధ్యాంతరహిత ప్రణవ స్వరూపుడు

2. కంటికి దొరకక అంతట నిండిన సర్వాంతర్యామి
తోలుబొమ్మల ఆటలాడే జగన్నాటక సూత్రధారి
త్రిగుణాలు గలిగిన త్రిమూర్తి తానే దత్తాత్రేయుడు
ఆడించి ఓడించి లాలించిగెలిపించె పితృదేవుడు

3. గొడ్రాలికి బిడ్డలనిచ్చినవాడు
మృతుడికి ప్రాణము పోసినవాడు
రజకుని సైతం రాజుగ మార్చిన మహిమాన్వితుడే గురుడు
పతితపావనుడు బుధ వంద్యుడు శ్రీపాద వల్లభుడు

4. మోడును చిగురింప జేసినవాడు
మేడికి మహిమలు కూర్చినవాడు
వొట్టిపోయిన గేదెకు దండిగ పాడిని ఒసగినవాడు
గురువులగురుడు తానే జగత్పతి నృసింహ సరస్వతి

https://youtu.be/4M2s9lCIdcU

సంగీత సాధనయే సాయుజ్య సాధనము
గానామృతపానముతో
నరులజీవనము-పరమ పావనము

1. పాడుకున్నా పాటవిన్నా-పరవశించేను మనసు
రాగమన్నా అనురాగమన్నా-పులకరించేను తనువు
లయతో లయమై మది తన్మయమై ఊగిపోయేను శిరసు
పదమే పథమై పరమ పదమై నాట్యమాడేను పదము

2. శిశువులైనా పశువులైనా-వశులుకారా పాటకు
నాగులైనా వాగులైనా -ఆగిపోవా పాటకు
కవితాఝరికి నాట్యపురికి-వారధి కాదా గీతము
స్వరమేవరమై సాగేవారికి-సారథికాదా సంగీతము

3. నారద మహతి తుంబురు కళావతి పలికిన వైనం
గీర్వాణి కఛ్ఛపి నటరాజ ఢమరు మ్రోగిన యోగం
మోహనబాలుని పిల్లనగ్రోవిన వినబడిన శ్రావ్యం
అనుభవించి భవముమించి తరియించగ జన్మధన్యం

OK

https://youtu.be/BL5NN4U0jqs?si=fJ0qWOu7OTu6_O3b

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఆనందమైతే వేణుగానము
ఆవేదనైతే వాయులీనము
కళ్యాణమైతే మాణిక్యవీణ
కలచెదిరిపోతే సన్నాయి పాట

1. రోదనతో మొదలయ్యేను జీవన సంగీతము
అమ్మలాలి పాటయే అద్భుత సంగీతము
ఆలుమగల కలహాలే సంసారపు సరిగమలు
పసిపాప రువ్వేనవ్వులె ప్రతి ఇంట్లో పదనిసలు

2. కొండవాగు పాడుతుంది గలగలల సరాగము
కోకిలమ్మ పాడుతుంది కుహూకుహూ గీతము
గుండె గుండె నినదిస్తుంది తనకుతానె స్పందిస్తుంది
అలసిసొలసి అంతలోనే మౌనగీతి వినిపిస్తుంది

https://youtu.be/afja2ErxyGY?si=oNO73lXVwudQVbsB

స్వాగతమయ్యా మహాశయా! సుస్వాగతమయ్యా మహోదయా
ఘనతవహించిన ఘనులే మీరు-గణుతికెక్కిన మహనీయులు

1. మీరాకతోనే ఈ సభనేడు -పరిపూర్ణత సంతరించికొనెను
మిము దర్శించగ మామనసీనాడు-ఆనందముతో డోలలూగెను

2. మా ఆహ్వానము మన్నించిమీరు-పెద్దమనసుతో ఇట కేతెంచినారు
క్షణమైన తీరిక చిక్కనివారు-దయతో సమయము కెటాయించినారు

3. అరుణ తివాచీలు పరువగ లేము -పన్నీటిజల్లులు చల్లించలేము
పుష్పవర్షమును కురిపించలేము-కనకాభిషేకము చేయించలేము

4. ఏరీతిగ మిము సమ్మానింపగలము-ఏపదముల మిము కీర్తించతరము
ఉడుతాభక్తిగ వందన మిడుదుము-మీ కీర్తి గురుతుగ జేజేలు కొడుదుము

మా బాబు బంగారు కొండ
మా తండ్రి వజ్రాల కొండ
మముగన్న పగడాల దండ
నీకు పరమాత్ముడే అండదండ

1. నవ్వుతేనే ముత్యాల వాన
ముద్దుమురిపాలె రతనాలకోన
ఆటపాటల్లె వరహాల మూట
నోటి మాటలే తేనేల ఊట

2. నడయాడు నీవేర మానోము పంట
సిరిలొలుకు నువ్వేర మాకలల పంట
నీరాకతోనిండె వెన్నెలే మాఇంట
వెయ్యేళ్ళు వర్ధిల్ల దీవింతునంట

3. ఎక్కెకి నీవెందు కేడ్చేవు నాన్నా
ఊరుకోఊరుకో చిన్నారి కన్నా
వేదనలు బాధలు నీకేలనయ్యా
ఆదమరచి హాయిగ నిదురపోవయ్యా

https://youtu.be/MYoRAQqN1Ks?si=1sNdh7-rEZj759nw

చేజేతులారా చేసుకోకు నేస్తం
పండంటి సంసారం ప్రత్యక్షమైన నరకం
ఏమరుపాటుగా చేజారనీకు నేస్తం
పగిలితే అతకదు అద్దం-పదిలంసుమా జీవితం
1. మలుచుకుంటె ప్రతి బ్రతుకు-మణిదీపమై వెలుగు
మనసుంటె ప్రతి మార్గం-చేర్చేనుగా స్వర్గం
పట్టుదలే ఉలిగా చేసి భావి శిలను దిద్దుకో
ఓరిమితో గాలంవేసి ఎద చేపను పట్టుకో

2. నీడ చూసి బెదిరావంటే- వెలుగైనా భయపెడుతుంది
అనుమానం ముదిరిందంటే- అనుబంధం చెడగొడుతుంది
అనురాగపు రాగం పాడితె- నీ గీతం రసగీతం
ఆనందపు గుళికలు వాడితె-నీ రోగం మటుమాయం

https://youtu.be/mpKDOA9tM_I?si=v0IQhWbEu65CHac8

మల్లెలు పూసే నా మదిలో

 అది ఏమాసమైనా మధుమాసమే 

వెన్నెలకాసే నా తలపులలో 

అమవసనిసిలోను ఆహ్లాదమే 

 1. లేనివెక్కడ లేమి వేదన 

కార్చనిదెవరిల కన్నీరు 

బాధే సుఖమను భావన కలిగిన 

జీవనమే కదా బృందావనము 

 2. చిరునవ్వుమాటున బడబాగ్ని దాగద 

హృదయాంతరాళాన ప్రళయ హేల 

విశ్వజనీనము అనురాగమైన 

రాగము ద్వేషము హాస్యాస్పదము 

 3. శాంతి సుఖము తృప్తియన్నవి 

అనుభూతికే కదా అందునవి

అందగ రాని చందమామను 

పొందగరాదా అద్దమునందున

https://youtu.be/KKQfvPLQ11U?si=RW-5uJ4TksUzTusM

వెళ్ళిరానేస్తం! వెళ్ళిరా వెళ్ళిరా(వీడ్కోలిదె వెళ్ళిరా)
నీ భవితన విరియాలి మురిపాలవెల్లిరా
మాయదారి ఈలోకం ఓ ఊసరవెల్లిరా
మనస్నేహం ఏనాటికీ వాడని సిరిమల్లిరా

1. బీరకాడ బీడీలు మావితోపు కబాడీలు
ఒకరిమీద ఒక్కరము చెప్పుకున్న చాడీలు
ఏటిలోన ఈతలు-కోతికొమ్మ ఆటలు
చిన్ననాటి మన చేతలు మధురమైన గాధలు

2. కోకిలమ్మ కూకూ అంటే నాపాటగ భావించుకో
పిల్లగాలి నిమిరిందంటే ఆలింగనమే అనుకో
వానచినుకు తాకిందంటే కరచాలనమని అనుకో
మేఘమాల మెరిసిందంటే నా కుశలం తెలుసుకో

3. ఏడాదికోమారైనా ఉగాదిలా కదిలిరా
జన్మకోశివరాత్రిగ మనమైత్రిని చేయకురా
ఏదేశమేగినగాని ఎందరెందరో నీకున్నగాని
మనచెలిమిని ఎన్నటికీ మరువనే మరువకురా

4. ఉత్తరాలు మోయలేవు గుండెలోని భావమంతా
ఉత్తమాటలెందుకులే మదినిండా నీవేనంటా
ప్రతికలయిక గమ్యము విడిపోవడమేనంటా
అనుభవానికొచ్చేవరకు చేదునిజమిది ఎరుగనంటా

Ok

మరణమా నీవింత దారుణమా
కారుణ్యమే ఎరుగని కాఠిన్యమా
కనురెప్పపాటులోనే కబళించు రక్కసివా
పండంటి బ్రతుకులనే బలిగొనే ఘోరకలివా
1. ఉప్పెనలూ భూకంపాలు నీసృష్టి కార్యాలు
రోగాలు ప్రమాదాలు నీ క్రౌర్య రూపాలు
క్షామాలు సంక్షోభాలు నీ కృపా కటాక్షాలు?
అనాధలూ అన్నార్తులూ నీదయావిశేషాలు
2. కన్నతల్లి గుండెకోత నీకద్భుత వినోదము
చిన్నిపాప కఠంశోషనీకమితమైన మోదము
పారాణి ఆరకముందే పతిని విడదీయుటనీనైజం
ముసలితల్లిదండ్రులదిక్కగు సుతుని ఎడబాపుట నీవైనం
3. కనులు విప్పిచూడని పాపను గొయ్యితీసి పూడుస్తావు
ఇపుడిపుడే ఎదిగే మొక్కను మొదలంటా పెరికేస్తావు
పడుచుజంట ఆశలనన్ని- చితిలోన కాలుస్తావు
అంతులేని వేదన మినహా నీవేమి మిగులుస్తావు
4. ఇపుడే మాటాడిన మిత్రుని-ఇట్టే నువు మాయంచేస్తావ్
చిరునవ్వుల మాలోగిలిని ఇంతలోనె నరకం చేస్తావ్
నూరేళ్ళ బంధాన్నిసైతం-నిమిషంలో నువు తెంచేస్తావ్
కన్నీటి వరదల్లోనా నిర్దయగా మము ముంచేస్తావ్

గమ్యమెరుగని ఓ బాటసారి
నువు పయనించే దారి ఎడారి
1. కనుచూపుమేరలొ కనిపించదేది
నీరు లేని సంద్రమురా అది
ఓపిక తగ్గి ఆశే ఉడిగి
ఏడ్వకముందే ఆలోచించర
2. ఎండమావులను నీటితావులని
భ్రమపడుతూ త్వరపడతావు
దప్పికగొన్ననీగొంతుకను
కన్నీటితోనే సరిపెడతావు
3. ఒంటెకాదురా నీ ఒంటరి బ్రతుకు
సాగలేదురా అది కడవరకు
ఎందుకురా ఈ రోదన నీకు
సరియగు దారి దొరుకును వెదకు

సంసార సంద్రాన మునిగేటి ఓ మానవా! దేవుడే శరణము
మనసేమొ అతి చంచలం-చేయర దేవుడికి మది అంకితం
నిన్ను నీవు తెలుసుకొనుటె నిజమైన తత్వము
1. సాటిమనిషికి సాయమునందించు
హరిసేవ అదియే సత్యము
మనిషిలొ దేవుని చూసినంతనె
కలుగును లేరా పరసౌఖ్యము
ఎందులకీ స్వార్థము-ఎరగర పరమార్థము
సర్వజనుల సౌఖ్యచింతనతొ సాఫల్యమొందేను నీ జన్మము
2. పరమాత్మ సన్నిదియె మానవుని పెన్నిధి అన్నది అద్వైతము
మట్టిమనిషిలో పిచ్చిప్రాణములొ-పరమాత్మ రూపము లభ్యము
మానవుని సేవలో- మహనీయుల త్రోవలో
చేరిపోర జీవన తీరము- చివర నీకు దేవుడె శరణము

జీవితమే పెద్ద హోరు
వయసే పారే సెలయేరు
ఎందులకీ బ్రతుపోరు
ఎపుడూ ఉంటుంది కన్నీరు
1. బాల్యమేమో బడిలోన మరిచేను
యవ్వనాన్ని చెలి ఒడిలోన విడిచేను
సంసార జీవనము చెరసాల సమము
వృద్ధాప్యమంతా వ్యధతోనె గడచును
2. ఏదో అందుకోవాలని ఆరాటం
తీరని కోర్కెల ఉబలాటం
దినదినము ఆకలి పోరాటం
అనుక్షణము మృత్యువు చెలగాటం
3. మంచిని త్రుంచి వంచన పెరిగెను
మనిషి మనసులో ఘర్షణ జరిగెను
నూరేళ్ళబ్రతుకున ఏమి ఒరిగెను
తత్వచింతనయె తరియింపజేయును

నీ ప్రేమను కోరిన ఆరాధకుడను
నిత్యం నిను సేవించే నీ భక్తుడను

నిన్నే నమ్మిన దీనుడను......
ప్రభూ!శ్రీనివాసా నీ దాసానుదాసుడను

1. శిలయైన మనసును శిల్పంగ మార్చేవు
శిల్పాన్నె చివరకు శిథిలాన్ని చేస్తావు
మనసుతోనే సయ్యాటలా.....

ప్రభూ!తిరుమలేశా మనుషులతోనే దొంగాటలా

2. అందని అందాలనెన్నో సృష్టిస్తావు
అందరికీ ఆశలు కలిగిస్తావు
భ్రమలనెన్నో కలిపిస్తావు........

ప్రభూ!వేంకటేశా మాలో నిన్నే మరిపిస్తావు

OK

గోదావరంటేనె నాకెంతొ ఇష్టం
మా వూరి(ధర్మపురి) గోదారి మరి ఎంతొ ఇష్టం
1. వాన చినుకే శైశవత్వంగా
పిల్లకాలువయే పసితనంగా
యవ్వనంతొ గోదారి ఎగురుతూ ఉరుకుతూ
కలిసిపోతుంది కదలిలో-రుచిని గతిని విడిచి
2. నిండుకుండవోలె గాంభీర్యముతో
అంతుతెలియని అంతరంగంతో
పదిమందికీ సాయపడుతుంది
ఫలితాన్నివారికే వదిలి వేస్తుంది
3. తనునర్పించి తానణిగి ఉంటుంది
ఆవేశమొచ్చెనా ఉప్పొంగి పోతుంది
మనిషి బ్రతుకునకు మచ్చుతునకలాగ
మహిలోనవెలుగును మణిపూసగా
4. గోదావరే నా జీవితానికి దారి
దానిహోరే నాకు జయభేరి
గోదావరే నాకు ఆదర్శనీయముర
వేదాలకన్నా పూజనీయమురా

https://youtu.be/tp3D27jM0cs

నేనునేనని అంతా నాదని-ఎగురుటెందుకే మనసా

మూడునాళ్ళముచ్చట బ్రతుకని ఎరిగి మరతువే మనసా

1. శాంతి సుఖము తృప్తి యన్నవి ఎచటనొ లేవే మనసా

బ్రతుకుతోటి రాజీ పడుతూ-నందమొందవే మనసా

2. వెలుగువెలుగని వెతికేవు కాని-వెలుతురెందుకే మనసా

చీకటి వెలుగుల చిందులాటనే జీవితమన్నది మనసా

3. ప్రేమప్రేమనే పెనుగులాటలో రామునె మరతువె మనసా

చేసేది చేయక కూడనిది చేసి-చెడుదువెందుకే మనసా

4. గీతాబోధలు బ్రతుకు బాటలు-ఎరిగి ఎందుకే మనసా

ఆలోచనలతొ సతమత మయ్యి-హతమయ్యేవే మనసా

5. ఫలమును కోరక కృషిచేసిచూడు-విజయమునొందేవు మనసా

శ్రీ వీరహనుమాన్ దయనీపైన-ఎప్పుడుయుండునె మనసా

OK

ఈ లోకంలో నీ వొంటరివి

ఈ లోకంలో నీవొంటరివి
ఏనాడైనా ఏకాకివి
విశ్వమనంతం కాలమనంతం
అంతానేననే ఎందులకీ పిచ్చిపంతం
1. ఎవరెవరు నీవాళ్ళు ఎందాక స్నేహితాలు
ఎవరు హితులు- ఎవరు మిత్రులు
బెల్లముంటె సరి ఈగలు
నిజం మరచి నిదురోయేవు -ఏటిలోన మునిగేవు
లేనెలేదు స్నేహితత్వం-అసలులేదు మానవత్వం
సృష్టిలోని భ్రమలన్నిటికీ-ప్రతి మనిషీ బానిసత్వం

2. నేలవిడిచి సాములు- ఉత్త గాలిమేడలు
నూనెరాని గానుగలు-బ్రతికిన ఈ పీనుగలు
ఎవరురారు నీదారికి-నీకు నీవె మరి ఆఖరికి
భయపడకు ధైర్యం విడకు-ప్రతి క్షణము తొందర పడకు
ఎక్కరాని శిఖరాలైనా- చేరగలవు నీవే తుదకు

https://youtu.be/0nJ7Gmq4ZAI

ఓ నాలుకా! నా నాలుకా
నీకెందుకే వాచాలత-నీకేలనే చాపల్యత
అంటే అనునీవు హరి నామము-లేకుంటె పాటించవే మౌనము
పెట్టింది తినకుంటె నీదే లోపము
రుచి మరచిపోకుంటె పస్తే తథ్యము
1. దంతాలు నిన్నెంత బంధించినా-చింతన్నదే లేక చిందులు వేస్తావు
అధరాలు నిన్నెంత వారించినా-బెదురన్నదే లేక వదురుతూ ఉంటావు
భాషణల ముత్యాలు నువు దాచుకుంటావు
మాటల తూటాలు పేల్చుతూ ఉంటావు ||అంటే||

2. షడ్రుచులు తీవ్రమై బాధించినా-వెర్రిగా వాటికై అర్రులు చాస్తావు
పంచభక్ష్యాలు...రోగాల పెంచినా-లక్ష్యపెట్టక నీవు విందులారగిస్తావు
ప్రాణాలు హరియించె ధూమపానమే ప్రియమా
నీకు జీవశ్చవమొనరించు మధువే ఇష్టమా ||అంటే||

OK

https://youtu.be/j-UA9i8rpuY?si=kb4f9wxyKrKZ6JxB

శ్రీ సత్యనారాయణస్వామి మంగళ హారతి- రచన : రాఖీ

సత్యమేవ జయతే - గొనుమా సత్యదేవ హారతినే

సకల దేవతా స్వరూప – ఈయవె శరణాగతినే

|| సత్యమేవ జయతే||

1. షోడషోపచారములతొ-శోభిల్లగ పూజిస్తాము

వ్రతమహిమ తెలిపే కథలను-మనసారా ఆలకిస్తాము

చివరి వరకు వేచియుండి-తీర్థప్రసాదం సేవిస్తాము

నీ భక్తి భావనలోనే- బ్రతుకంతా తరియిస్తాము || సత్యమేవ జయతే||

2. ఏడాదికో మారైనా-నోచేము నీ నోము

శుభకార్యమేదైనా- వ్రతమాచరించేము

కర్తలమే మేమెపుడు-కర్తవ్యము నీ వంతు

ఆచరణయె మా వంతు – ఆదరణయె నీ వంతు || సత్యమేవ జయతే||

3. సత్యమునే పలికెను నాడు-సత్య హరిశ్చంద్రుడు

సర్వము కోల్పోయినా-సత్య వ్రతము వీడలేదు

మహనీయుల మార్గములో-స్వామీ మము నడిపించు

శ్రీ సత్యనారాయణ – అభయ హస్తమందించు || సత్యమేవ జయతే||

OK

 https://youtu.be/uDNJ_tNKz6k?si=QgBzzOP1FwWMU_9D

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:యమన్ కళ్యాణి

వివరించరా కృష్ణా ఎరిగించరా-
నా మార్గము నువు సవరించరా
అవతరించరా- ననువరించరా-
నా కౌగిలిలో నువుతరించరా
నాకై మరిమరి కలవరించరా- 
అనుభూతులనే పలవరించరా

1.నా పెదవి పిల్లన గ్రోవి-వద్దననెపుడూ వాయించరా/
నా కనులు విరియని కలువలు-సిద్ధమే సదా పూయించరా/
నా కౌగిలిలో నువుతరించరా/
నాకై మరిమరి కలవరించరా- అనుభూతులనే పలవరించరా

2. నామెడ వంపు- ఎంతో ఇంపు-నీ ఊపిరితో అలరించరా/
నాజూకు నా నడుము నీ పిడికిట ఇముడు-
అరచేతితోయత్నించరా/
నా కౌగిలిలో నువుతరించరా/
నాకై మరిమరి కలవరించరా- అనుభూతులనే పలవరించరా

3. నాభికి తోడైతె నీ నాసిక-ఆనందముతో జలదరించురా/
నువు సేదదీరగ నామేనే పరుపు-పవళించి  పరవశించరా/
నా కౌగిలిలో నువుతరించరా/
నాకై మరిమరి కలవరించరా- అనుభూతులనే పలవరించరా

https://youtu.be/gCycWJkzwFg

నీ పాదాల జన్మించిన సురగంగనూ
హరీ పంపరా తీర్చగ మా దప్పిక బెంగనూ
తలపైన కొలువైన శివగంగనూ
అందించరా శివా ఎప్పటికీ మా కరువు దీరనూ ||నీ ||

1. పాపాలను బాపేటి లోకపావని
దాహాలను తీర్చేటి మందాకిని
భువికే దిగి వచ్చిన భాగీరథి
తరగని విధి తరలించర విష్ణుపది
అడగము మిము ఏ వరములు ఈనాటితో
కడిగేము మీ పదములు కన్నీటితో

2. నీరంటే నీకెంత ఇష్టమో కదా
తేలియాడేవు నీవు కడలిపైననే సదా
మామగారంటె మరిమరి ప్రేమేమో మరి
ఇల్లరికంతోనే నీవు పొందావు సిరిగురి
నీ చుట్టూ నీరుంచుకుంటె సరిపోతుందా
కాసిన్ని మాకిస్తే మామసొమ్ము తరుగుతుందా

3. అభిషేకం అత్యంత నీకిష్టమనే కదా
నీ శిరసున గంగమ్మకు స్థలమిచ్చావు
గిరిజమ్మ కినుక నీవు తీర్చడానికే కదా
మామ గారింటిలోనె మకాంవేసినావు
నీ చుట్టూ నీరుంచుకుంటె సరిపోతుందా
కాసిన్ని మాకిస్తే మామసొమ్ము తరుగుతుందా
మా యమ్మ సొమ్ము తరుగుతుందా

OK

OK

సాగిపో యేటి సంగీతమై 

సాగిపో ఎదుగు సూర్య బింబమై 

సాగిపో ఆశయాల అంబరాలు గమ్యమై 

సాగిపో సాగిపో సాగిపో || సాగిపో|| 

1. అదురులేక బెదురులేక వడివడిగా సాగిపో 

ఒడుదుడుకులు ఎదురైనా అధిగమించి సాగిపో 

పంజరాలు బంధనాలు శృంఖలాలు త్రెంచుకొని 

సాచిన రెక్కల స్వేఛ్ఛా విహంగ భంగి ఎగిరిపో || సాగిపో|| 

 2. నిరాశా చీకట్లను ఛెండాడుతు సాగిపో 

నిరోధాల మబ్బులనిక ఛేదించుక సాగిపో 

గ్రహణాలు మరణాలు కారణాలు ఎదిరించి 

అపరాహ్ణ గ్రీష్మకారు భానుడిలా రగిలిపో || సాగిపో|| 

 3. భగీరథుడి మనోరథపు చెదరని సంకల్పమై 

ఏకలవ్య హృదయాంతర నిశ్చల ఏకాగ్రతై 

శ్రమఏవ జయమన్నది సదా నీ నినాదమై 

గెలుపు గెలుపు గెలుపు గెలుపు-గెలుపె నీ ప్రధానమై || సాగిపో||

వినవే ఓ మనసా

వినవే ఓ మనసా
పదవే పోదాం బిరబిరగా
నీ ధ్యేయం-నా గమ్యం ఏమిటో ఎక్కడో ఎరుగం

1. ఆశల తీరం చేరే కోసం-ఈ నీ పయనం
అనితర సాధ్యము అనుభవసారము నా మార్గం
నీ పయనం-నా మార్గం- మంచిదో కాదో ఎరుగం

2. తెఱచాప చిఱిగి చుక్కాని విరిగి శిథిలమైంది నావ
కాకులు దూరని కారడవిలోన కఠినమైంది త్రోవ
నీ నావా నా త్రోవా ఎందుకో ఎందుకో ఎరుగం

3. అమవాస్య రేయిలొ పెనుతుఫానులొ సాగే నీవు
ఊహే అర్హత తలపే సాధనగా నేనూ
ఆ నీవు -ఈ నేను - ఒకటే ఒకటే ఒకటే

నీ నమ్మకమే దైవము

నీ నమ్మకమే దైవము
ఆ శక్తి రూపమే విశ్వము
1. అంతులేని అనంతానికి ఆవలఉన్నది దైవము
అంతుచిక్కనీ అణువులొ ఉన్నదీ....మర్మమూ
ఉన్నది దైవము-లేనిది దైవము
నమ్మితేనే దైవము- నమ్మకుంటే శూన్యము

2. ఆకలి మనిషీ ప్రేగులలోనా-అరిచేది దైవము
ఆశల మనిషీ ఊహలలోనా-నిలిచేదీ దైవము
కాంతి దైవము-భ్రాంతి దైవము
రగిలే క్రాంతీ దైవమూ-మిగిలే శాంతీ దైవము

నవ్వకూ నవ్వంటే చికాకు

నవ్వకూ నవ్వంటే చికాకు
నవ్వించకూ నవ్వొస్తే నాకు విసుగు
దరహాసం పరవాలేదు-పరిహాసం పనికిరాదు
1. ఏ చరిత్ర చూసినా ఏమున్నది వేదనొక్కటే
ఏబ్రతుకు తిరగేసినా బాధామయ సంపుటే

2. తోటివాడు గోతిలొ పడితే- పగల బడి నవ్వకురా
సాటివాడు కన్నీరుపెడితే-గొల్లుమని నవ్వకురా

3. మగవాడుఏడ్చాడంటే –మొదలవుతుందీ ప్రళయం
ఆడది ఏడ్చిందంటే-నమ్మకురా ప్రమాదం

4. పుడుతూనే ఏడుస్తాము-పోతూ ఏడిపిస్తాము
నడమంత్రంగా నవ్వేము-నవ్వులపాలయ్యేము-నట్టేట్లో కలిసేము

అన్నాచెల్లీ అనుబంధం-ఎన్నడువాడని సుమగంధం

అన్నాచెల్లీ అనుబంధం-ఎన్నడువాడని సుమగంధం
అన్నాచెల్లీ అభిమానం-ఆత్మీయతకూ సంకేతం
కలకాలం నిలిచేది రాఖీ బంధం-కలనైన వీడనిదీ స్నేహబంధం

1. స్వార్థమెరుగనిది-స్వఛ్ఛమైనది
పాపమెరుగనిది-పావనమైనది
కపటమెరుగనిది-సత్యమైనది
కాలంవలె ఇది-శాశ్వతమైనది
కలకాలం నిలిచేది రాఖీ బంధం-
కలనైన వీడనిదీ స్నేహబంధం

2. ఆపదలోనా ఆదుకుకునేది
వేదననంతా పంచుకునేది
అనురాగానికి ఆలయమైనది
త్యాగానికి ఇది అంకితమైనది
కలకాలం నిలిచేది రాఖీ బంధం-
కలనైన వీడనిదీ స్నేహబంధం

https://youtu.be/melZBkJjdLE

రంగుల పండుగరా- 

ఎదలు పొంగే పండుగరా /

చిందుల పండుగరా- 

కనువిందుల పండుగరా /

అందాలు చింది అనుభూతి నింపి 

ఆనందసాగ రాలందు ముంచే…

1.మరుమల్లెతెలుపు-రోజాల ఎరుపు-మురిపాలు చిందగా

చామంతి పసుపు-కనకాంబరాల-వర్ణాలు కురియగా

ఆ నింగినుండి ఈ నేలవరకు హరివిల్లు విరియగా 

దివి భువికి నేడు దిగివచ్చె చూడు సౌందర్య లహరిగా

2.చల్లాదనాల మామీడి తోట ఒక వేదికై నిలువగా

పచ్చాదనాల వరిపైరు తాను తలయూచి మురియగా కమ్మాదనాల కోయీల పాట కచ్చేరి సాగగా

నాల్గూదినాల ఈ బ్రతుకులోన ఈ హాయి చాలుగా

OK

OK

https://youtu.be/Q6nOOmjC4ck?si=j-xWNskTspEIJmJo

ప్రతి సంఘటనకు ప్రతిస్పందించకురా
అడుగడుగున ఈ బ్రతుకే నీకొక అశనిపాతంరా

1. కనుమూస్తే నిను కాటేసే విష సర్పాలున్నవిరా
నమ్మించీ నిను వంచించే ఘన తోడేళ్ళున్నవిరా

2. వసంతమన్నది నీతోటకు ఇక రానేరాబోదు
ప్రభాతమెన్నడు నీ వాకిట మరి వెలుగులు తేబోదు

3. దూరపు కొండలు నునుపను సత్యం నమ్ముతు కొనసాగు
భవితవ్యం నీ పాలిటి బంగరు బాతగు నిత్యంనీకు

4. ఆకాశం తను పిడుగుల వర్షం కురిపించనిగాకా
ఆవేశం నిను ఉప్పెనలా ముంచెత్తినను నువు చెదరకిక

https://youtu.be/HGgvV-6HuBA?si=wq7AyRIFQGBMtVNU

ఒహొ గోదారీ నాకిగ దారేది సెప్పవే
ఆవలిదరి నాను సేరేది ఎట్టాగే
1. ఈత రాని నేను నిన్నేతీరుగ దాటనూ
దాటేసె పడవేది లేదీ సోటనూ
గుండెల్లొ నిండినా గుబులూ దీసెయ్యవే
దిక్కుతోచని నన్ను జర సముదాయించవే

2. దాటేసేవోడు నన్నోగ్గేసి పోయాడు
నేనె దాటుదమని సూత్తే నీట మునకలేసేను
దారి తెన్నూలేకా నీ దరికి సేరేను
దరమ తల్లివి నీవే నా నేస్తమంటాను

3. ఎఱ్ఱిబాగుల మేళం ఏటని సూత్తన్నావా
ఏడ సత్తెనాకేటని ఎల్లెల్లి పోతన్నవా
దిక్కుమాలిన నాకు దేముడే దిక్కంటాను
ఆడు దిగివొచ్చేదాక ఈడనే కూకుంటాను
నా నీడనే కూకుంటాను

https://youtu.be/thF0rJbz-n8

మాధుర్యమంటె వేరె లేనెలేదోయి
ఘంటసాల గాత్రానికి మారుపేరోయి

1. అమృతము తేనియ పంచదార కలిపి
వండిన పాయసము ఘంటసాల గానము
ఎంతగ్రోలినా గాని తనివి తీరదు
ఎంతసేపువిన్నా మనకొకింత చాలదు

2. గంధర్వులు కోటిమంది పోటీగా పాడిన
తుంబుర నారదులు గొంతుచించుకున్నా
సాటిరారు ఒకేఒక ఘంటసాలకు
దీటురాదు ఎన్నటికీ ఆ మహనీయుని పాటకు

3. భక్తుల పాలిటి ముక్తిదాయకం
రసజ్ఞుల పాలిటి కల్పవృక్షము
రోగాలను బాపేటి దివ్యౌషధం
వేదనలో నేస్తం-మన ఘంటసాల గాత్రం

4. నవ్వించీ ఏడ్పించీ ఏడ్చే మన వెన్నుతట్టి
నవరసాలు తన గొంతులొ సరసంగా పలికించి
ఆస్థాన విద్వాంస పదవినే అలరింప
శ్రీనాథుని పిలుపువిని తరలివెళ్ళె ధన్యజీవి 

OK