తిప్పల రెప్పలు

.
చెప్పిన మాట వినవు-కనురెప్పలదెంత హఠము
వద్దని వారిస్తున్నా -నిద్దుర కొరకే..తగవు
కలనైనా..కననీవు-తలపులసలు రానీవు
మూయాలనుకొంటే..మూతలు పడవు
తెరవాలనుకొంటే..ఎంతకు విడివడవు

.
1. భువిభారం మోయునట్లుగా.. ధనగారం..దాయు నట్లుగా
కను స్వేచ్ఛను కాయునట్లుగా...తము ధర్మం తప్పనట్లుగా
సైనికులై పహారాలే..వేస్తుంటాయి..పాలకులై. కట్టడులే చేస్తుంటాయి
కలనైనా..కననీవు-తలపులసలు రానీవు
తెరవాలనుకొంటే..ఎ౦తకు విడివడవు||

2. అలసిన *కుడి సేదదీరగా..విచలిత మది విశ్రమించగా
వేదనలలో ఊరడిల్లగా..ఇహపరముల కతీతమ్ముగా
కోరుకున్న వారినీ..లేక్కచేయవు –వేడుకున్నా ఏమాత్రం చెవిని పెట్టవు
కలనైనా..కననీవు-తలపులసలు రానీవు
మూయాలనుకొంటే..మూతలు పడవు||

3. ప్రేమికులతొ పగలే బూను ..రోగులకూ..వైరుల తీరు
విద్యార్థుల కిల విరోధులే..రసికుల పాలిటి రిపులే
విద్యుక్త ధర్మాన్నీ విస్మరించ లేవు...సందర్భ సహితంగా ప్రవర్తించలేవు
కలనైనా..కననీవు-తలపులసలు రానీవు
మూయాలనుకొంటే..మూతలు పడవు
తెరవాలనుకొంటే..ఎ౦తకు విడివడవు

*కుడి = శరీరం..దేహము..

https://youtu.be/xo3XIJuBlVU

రచన:డా.గొల్లపెల్లి రాంకిషన్ రాఖీ "సరస్వతీ నమస్తుభ్యం.!!"

రాగం :మోహన 

వరవీణా మృదు పాణీ-నమోస్తుతే పారాయణీ
సంగీతామృత తరంగిణీ-సారస్వతపుర సామ్రాజ్ఞి
మంద్రస్వర వీణ గాన ప్రియే-మంజుల చరణ శింజినీ నాదమయే
పాలయమాం..పరిపాలయమాం.. పాలయమాం..పరిపాలయమాం...

1.అక్షర రూపిణి-అక్షర దాయిని-భాషా లక్ష్మీ భావమయి
అగణిత పదయుత- అద్భుత పదనుత- విద్యాదేవీ వాక్య మయి
అతులిత జ్ఞాన -ప్రదాయిని భారతి –మేధావిని హే వేద మయి
పాలయమాం..పరిపాలయమాం.. పాలయమాం..పరిపాలయమాం...

2. సుస్వర మార్దవ –మాధుర్యాన్విత –గాత్రప్రదాయిని గానమయి
శ్రుతిలయ పూరిత –భావగర్భిత-నాదవినోదిని మోదమయి
రాగ తాళ సమ్మేళన గీతా-వాణీ మహదను రాగమయి
పాలయమాం..పరిపాలయమాం.. పాలయమాం..పరిపాలయమాం...

అనుభూతి

నీ తలపే..మైమరపు..

నీ తలపే..హాయి గొలుపు

నీ తలపే.. నను మేలుకొలుపు

నీ తలపే.. ముందుకు..నడుపు

1.       స్ఫురణకు రాగానె మదితేలియాడు

స్మృతిలో..మెదలగనె కలతలు వీడు

జ్ఞప్తికి రాగానె చిరునవ్వు కదలాడు

గుర్తుకు రాగానె నా చేష్టలుడుగు

2.       కోవెల జనినంత దేవిగ నీవే

పూవుల గనినంత తావిగ నీవే

విరిసే హరివిల్లు వర్ణాల్లొ నీవే

కురిసే చిరుజల్లు వర్షాల్లొ నీవే

3.       చిలుక పలుకగ నీ తేనె మాటలు

కోయిల కూయగ నువు పాడుపాటలు

శాకుంతలానా నీ పోలికలు

బృందావనానా నీ అడుగుజాడలు..

https://youtu.be/q3gKM4G4cOI

గళమునందు గరళమున్నా...హృదయమెంత అమృతమో..

నేత్రమగ్నిహోత్రమైనా....చూపులెంత శీతలమో...

నమో నీలకంధరా...నమో భోళా శంకరా....

1.    ఒంటి నిండ నాగులున్నా ...నవ్వులు నవనీతమే..

పులిచర్మ ధారియైన..పలుకులు  మకరందమే..

మేనంత భస్మమైన శ్మశానమే నివాసమైన..

ఈయగలవీవే   ఈశ్వర... ఐశ్వర్యము..

2.    జన్మవైరులేగాని..జగడమెరుగవెన్నడైన..

ఎద్దు పులి ఎలుక పాము నెమలి కైలాసాన..

నీ భక్తులు అసురులైన అల్పులు అజ్ఞానులైన

 కరుణించి కడ తేర్తువు భవసాగరమ్మున-భవా వేగిరమ్మున..

భళా రామపాదం - భజే రామ పాదం.

ప్రమోదాలు కూర్చే రామ పాదం

పరమ పదము చేర్చే రామ పాదం       

1.    శాపాలను తీర్చిన పాదం-పాపాలను కడిగిన పాదం

పతితుల కిల పవిత్ర ధామం-పరితాపుల జీవన వేదం

సురల మునుల కేవ్వరికైనా..అపురూపం రామపాదం

2.    గుహుడి ఆర్తి తీర్చిన పాదం –భరతుడు తల దాల్చిన పాదం

జటాయువున్గాచిన పాదం-శబరీ తావుకేగిన పాదం

వనములెల్ల పావనమవగా-సంచారము చేసిన పాదం

3.    హనుమకుబహు-ప్రియమగు పాదం- చెలిమికిఇల సరియగుపాదం

గంగానది పుట్టిన పాదం-బ్రహ్మరోజు కడిగెడి పాదం

త్యాగరాజు రామదాసుల-తరియింపగ జేసిన పాదం

సాకార సంగీతం

నింగిలోన తొంగి చూసే –నక్షత్రం నీవే

నేలదిగిన గంధర్వ –గాత్రం నీవే

సృష్టిలోని సంగీత –శాస్త్రం నీవే

స్నేహానికె చెలిమి నేర్పే –సూత్రం నీవే...ఓంకార మంత్రం నీవే..

అందుకో నీకివే జన్మదిన అభినందనలు..!

శతమాన ఆనందానికి ఎనలేని దీవెనలు..!!

1.       గాలితాకితె మేను మరచే మేఘమాలవు నీవు

దైవ సన్నిధి కొరకే విరిసే –పూలబాలవు నీవు

మచ్చలేని జాబిలి నీవు-స్వచ్ఛమైన స్ఫటికము నీవు

పసివారి మోమున మెరిసే –బోసి నవ్వు నీవు

ప్రతివారికి నీడనిచ్చే పచ్చని తరువే నీవు

అందుకో నీకివే జన్మదిన అభినందనలు..!

శతమాన ఆనందానికి ఎనలేని దీవెనలు..!!

2.       కలుషితముల పాలబడని-సురగంగవే నీవు

అపశ్రుతులే పాడబడని-స్వరగంగవే నీవు

కల్మషాలు లేనేలేవు- కపటాలు అసలే తెలియవు

పవిత్రతకు ప్రతిరూపం కృష్ణ గీతవే నీవు

తిమిరాలను పరిమార్చే పరంజ్యోతివే నీవు

అందుకో నీకివే జన్మదిన అభినందనలు..!

శతమాన ఆనందానికి ఎనలేని దీవెనలు..!!

గుండె తావే ఔదార్యం –గొంతు తావే  మాధుర్యం..

అనునాదం బహు సౌందర్యం –నీ గాత్రం పాటకు ఆహార్యం 

ఓ రూపు దాల్చిన గీతమా- పాదాభివందనం

ఓ చెలిమి పంచిన నేస్తమా-స్నేహాభినందనం

1.    వెదక బోయిన తీగలాగా తారసిల్లినావే

ఎదుట నిలిచి స్వరనిధివీవై వరములిచ్చినావే

గమకాలు సంగతులన్నీ – అలవోకగ పలికించావే

అనుభూతులు భావాలన్నీ – పన్నీరుగ చిలికించావే

ఓ సంగీత శారదా –శిరసు వంచేను సదా

ఓ ప్రత్యక్ష భారతీ –నీ భక్తుడనైతి కదా

2.   అక్షర సుమ మాలికతో అలరించెద నిన్ను

పదముల మధు ఫలములనే నివేదింతు నీకు

కవితల గేయాల హారతులందించెద నీకు

కృతులూ కీర్తనలెన్నో ఆర్తిగ వినిపించెద నీకు

ఓ అపర వాణీ –నీకు గీతాంజలి

అభినవ గీర్వాణీ-ముకుళిత హస్తాంజలి

OK

https://youtu.be/ZMnXyYH1liw?si=5IDjiRdqs69cnK_B

పరుల మాటలు పట్టించు కొనుచు

పలుచన సేయకు నను ప్రాణనాథా..

నీవేరుగనిదా నా మది- నీకది ఏడేడు జన్మాల ఖైదీ

1.     ప్రీతిగా చేకొన్న సీతను సైతం-

అడవుల పాల్జేసే అలనాడు రాముడు

సాధ్విగ పేరున్న రేణుక నైనా

దండించె జమదగ్ని మునివర్యుడు

ఘనులకైనా తప్పనిదే విధి-అనితర సాధ్యము మీ ప్రేమ పెన్నిధి

2.     ఒరుల మెప్పుకు బలిసేయవలేనా

నరుల దృష్టికి మసి బారవలెనా

పచ్చనైన కాపురాన -చిచ్చు రేపుట న్యాయమా

సాగుతున్న సంసార నావను -సుడిలొ ముంచుట భావ్యమా

          నీవేరుగనిదా నా మది- నీకది ఏడేడు జన్మాల ఖైదీ

ఆమని అరుదెంచినా-మామిడి చిగురించినా

పాడవేల  కోయిలా-మూగవైతివే ఎలా?

ప్రేమగ నిను పిలిచినా-ఎంతగ కవ్వించినా

ఉలకవైతివే పికమా!అలక ఏల ప్రియతమా !!

1.  1.    గ్రీష్మం భీష్మించినా -వర్షం వారించినా

శరత్తే చకోరాల-మత్తులోన మునిగినా

హేమంతం పంతంగా-ముఖం చాటేసినా

శిశిరం కలవరపడి -మాట దాటవేసినా

వసంతం తనుసాంతం-నీకు సొంతమయ్యెగా

నీ గీతం అమృతమని-నీకు బానిసయ్యెగా

పాడవేల  కోయిలా- మూగవైతివే ఎలా?

ఉలకవైతివే పికమా!అలక ఏల ప్రియతమ!!

2.   2.   గాలి కూడ కలుషితమై-ఊపిరాడకున్నదా

నిర్మలమగు నీరు లేక-దప్పి దీరకున్నదా

నిప్పులకొలిమిలాగా-ఎండెంత బాధించెనా

ప్రశాంతతే కరువైన-ప్రకృతియే వేధించెనా

తోడెవరూ లేరనుకొని-ముభావంగ ఉన్నావో

కోవెలలో దేవతగా-కొలిచే నను మరిచావో

పాడవేల  కోయిలా-మూగవైతివే ఎలా?

ఉలకవైతివే పికమా...!అలక ఏల ప్రియతమా..!!

OK

OK

జర పైలం బిడ్డో..!!

పరువమా..పాడకే..వలపుపాట..

ఏ క్షణం..జవదాటకే..మనసు మాట..

వయసు నిను..ఉడికిస్తుంది..- సొగసు నిను ఊరిస్తుంది....

తెలిసి తెలియనితనమే.నిన్ను.ఉక్కిరిబిక్కిరి..చేసేస్తుంది.

1.        ఎంతగా ఉదహరించినా..దృష్టి పెట్టవెందుకు..నేస్తం..

సాటివారి..భంగపాట్లను..పట్టించుకోని తత్వం..

మృగతృష్ణ కై పరుగెడితే..మూర్ఛ వచ్చు నీకు తథ్యం..

స్థాయి మరచి ఉట్టి కెగిరితే..దెబ్బతినుట..నీకు ఖాయం..

వయసు నిను..ఉడికిస్తుంది..- సొగసు నిను ఊరిస్తుంది....

తెలిసి తెలియనితనమే.నిన్ను.ఉక్కిరిబిక్కిరి..చేసేస్తుంది.

2.       తప్పు నీది కాకున్నా....శిక్ష నీకె..పడుతుంది..

సృష్టి సహజమైనా..గాని..నష్టం వాటిల్లుతుంది..

ఆకు ముల్లు సామెత..నీకు..అతికినట్టు సరిపోతుంది..

ఆకతాయి పనులకు..మూల్యం..జీవితమే..అవుతుంది..

వయసు నిను..ఉడికిస్తుంది..- సొగసు నిను ఊరిస్తుంది....

తెలిసి తెలియనితనమే.నిన్ను.ఉక్కిరిబిక్కిరి..చేసేస్తుంది.

సంగీత లహరి

సంగీత లహరి

ఆశయాలు కావాలి-హిమవన్నగ శిఖరాలు
నీ శ్రద్ధా సాధనలిక- అనన్య సాధ్యాలు
అనుక్షణం శ్రమించాలి-ప్రతిరోజూ పరీక్షగా
సడలని సంకల్పమే-శ్రీరామ రక్షగా

1. సరిగమ పదనిసలే-పాడాలి సరిగా
శ్రుతీ లయ అమరాలి-పాటకు ‘సిరి-హరి’ గా
వర్ణాలూ పదాలూ-సాగాలి భావ’లహరి’గా
రాగంతానంపల్లవి-మారాలి బిలహరిగా

2. అవాంతరాల అపస్వరాలు-అధిగమించాలి
రణగొణ ధ్వనులున్నా-లయలయమై పోవాలి
నాభినుండి భావమెపుడు-ఉబికి ఉబికి రావాలి
తన్మయముగ పాటనెపుడు-నీకొరకే పాడాలి

3. అక్షరాలు స్పష్టంగా ఇష్టంగా పలకాలి
ప్రతి పదార్థ తత్వమెరిగి ప్రతి స్పందించాలి
పల్లవాల రుచిమరిగిన కోకిల కుహు కుహులే
పల్లవించి తీరాలి పల్లవెత్తుకొనగనే..

https://youtu.be/ZYygbKRhd7o

ఎందరికో ఎంత గురి రాజన్న-వేములవాడ రాజన్న

నీవల్లనె ఎందరికో తరగని సిరి రాజన్న
కోట్లాది భక్తుల కొంగుబంగారమీవె
ఎనలేని జనులకు ఆరాధ్య దైవమీవె

1. నీడ కొరకు గూడు నల్లి మాడిపోయె సాలీడు
మూఢభక్తి గొడవలోన ప్రాణాలిచ్చె కరినాగులు
తలనీలాలిచ్చేరు నేడూ తన్మయముగ రాజన్న
నిలువుదోపిడిచ్చేరు నియమముతో రాజన్న
నీవంటే ఎందరికో గుడ్డి గురి రాజన్న
నిను నమ్మితె ఎందరికో మోక్షపాప్తి రాజన్న

2. నరాలతో రుద్రవీణ వాయించె రావణుడు
శరాలనే సంధించి మెప్పునొందె అర్జునుడు
పతినీవని కొందరింక భావింతురు రాజన్న
గతినీవని జన్మంతాఅర్పింతురు రాజన్న
నీవంటే ఎందరికో వింత గురి రాజన్న
నీ దయతో ఎందరికో వరముల ఝరి రాజన్న

3. కంటిబాధ చూడలేక కన్నిచ్చె తిన్నడు
శరణనగనె చిరాయువొందె బాలమార్కండేయుడు
ముడుపుగట్టి కోర్కెదీర చెల్లింతురు రాజన్న
కోడెను గట్టి సంతతి నొంది సంతస మొందురు రాజన్న
నీవంటే ఎందరికో పిచ్చి గురి రాజన్న
నీచెంత ఎందరికో నిర్భీతి రాజన్న

4. కమలార్చన గణన తగ్గ నయనకమలమిచ్చె హరి
భస్మాసుర బారినిగావ మోహినిగా మారె మరి
శివకేశవ భేదమే లేదుకదా రాజన్న
హరిహరసమ తత్వమే అద్వైతముకద రాజన్న
దోసెడు నీళ్లు నిర్మలభక్తి నీకుచాలు రాజన్న
పిడికెడు పత్రే నీకైతె తృప్తే వెములాడ రాజన్న

https://youtu.be/xJFhTmysg_k?si=daBxNr-XwlRCoFKq

నీకు గాక ఎవ్వరికని చెప్పుకోను నా బాధ
నీవుదప్ప దిక్కెవ్వరు సదాశివా నాకు సదా
నిన్ను మించి వేరెవ్వరు ఎరుగరయ్య వెతల కత
వేడగనే స్పందించే దైవమే నీవు కదా
అరుణాచల అరుణాచల అరుణాచల పరమ శివ

1. గరళము కబళింపబోగ గళమునందు నిలిపినావు
గంగమ్మ దూకుడునే సిగలో బంధించినావు
లోకాలను వణికించిన త్రిపురాసురు వధియించినావు
శోకాలను పరిమార్చగ వెములాడన వెలిసినావు
రాజన్నా రాజన్నా వెన్నమనసు రాజన్న

2. వరములు నేనడుగలేదు రావణాసురుడి వోలె
ప్రాణభిక్ష నడుగలేదు మార్కండేయునోలె
పాశుపతము నర్థించలె అల పార్థునికి మల్లె
మననీయమంటిని నను నీ పాదరేణువల్లె
రామలింగ రామలింగ ధర్మపురిశ్రీ రామలింగ

https://youtu.be/HE1x-iwUF7g?si=7-D58Nx7T39Lkc_t

గూడు చెదిరిపోయింది
మేడ నేల కూలింది
బంగారు కల నేడే కరిగి చెరిగి పోయింది
ఆశయాల పూదోట బీడుగా మారింది-వల్లకాడుగా మారింది

1. చల్లనైన సంసారం జనుల కన్నుకుట్టింది
పచ్చనైన కాపురం దిష్టి తగిలి మాడింది
తెలియని ఏదేని శాపమే తగిలెనో
పూర్వజన్మ పాపమే వీడక వెంటాడెనో
ప్రతి క్షణమూ మరణమై-అనుదినమూ నరకమై
బ్రతుకేదుర్భరమైపోయింది-మనుగడయే ప్రశ్నగా మిగిలింది

2. పరిష్కారమే లేని సమస్యలే ఎదురాయె
ప్రమేయమే లేకున్నా ప్రతిచర్యకు బాధ్యతాయె
ప్రాణమెఫణమన్ననూ ఫలితం శూన్యమాయె
సృష్టిలొ ఏ శక్తీ భవిష్యత్తు మార్చదాయె
అనునయముతొ నయమాయేనా?-సానుభూతి సాయమాయేనా?
కాలకేళిలో నందమొందాలి-హాలహలమల్లె మ్రింగాలి

https://youtu.be/CnShe4fbO6g

రాగం :శివరంజని

కరుణ ధార కురిపించే అరుణాచల శివ
మరణబాధ తొలగించే అరుణాచల శివ
విశ్వవ్యాప్త విమల రూప తేజోలింగ శివ
ఆదిమద్యాంత రహిత హే పరమ శివా
అరుణాచల శివా అరుణాచల శివా అరుణాచల శివా

1. మాయమ్మ అన్నపూర్ణ ఆలి కదా నీకు
ఈ కలిలో ఆకలి కేకల కలతల నీయ మాకు
బిక్షమెత్తైనసరే ఎవరిని పస్తుంచబోకు
బిచ్చములో బిచ్చమట రాజేశుని బిచ్చమట
ఋజువు పఱచు క్షుద్బాధ తీర్తువన్న మాట
అరుణాచల శివా అరుణాచల శివా అరుణాచల శివా

2. దిగంబరా త్రయంబకా హే త్రిపురారీ
సుశరీర దాయక జటాఝూట ధారీ
రుజలు రుగ్మతలు వ్యాధులు పరిమార్చరా
మహామృత్యుంజయా శంభో సుధాంశ శేఖరా
అపమృత్యుహాని మాపి ఆరోగ్యమీయరా
అరుణాచల శివా అరుణాచల శివా అరుణాచల శివా

3. పంచభూతాత్మకా ఆకసలింగా చిదంబరా
పంచానన వాయులింగ శ్రీకాళహస్తీశ్వరా
పంచప్ర్రాణాధిపా తేజోలింగ అరుణాచలేశ్వరా
పంచభాణధారిహారి జలలింగ జంబుకేశ్వరా
పంచేంద్రియపాలక పృథ్విలింగ ఏకామ్రేశ్వరా
అరుణాచల శివా అరుణాచల శివా అరుణాచల శివా

4. చిదానంద రూప సదానంద దాతా
భస్మ చందనార్చిత భవబంధ మోచక
త్రిశూలపాణీ కపర్దీ కపాల ధారి
సన్మార్గ బోధక జగద్గురో చంద్ర మౌళీ
నటరాజ హఠయోగీ అందుకో హృదయాంజలి
అరుణాచల శివా అరుణాచల శివా అరుణాచల శివా

నిగళ గళ హరా!

నిగళ గళ హరా!

స్వరవరమే కోరితి-ఈశ్వర ప్రవరమే కోరితి
అనవరతముగా గానమె వ్రతముగ
జన్మజన్మలుగ నిను ప్రార్థించితి

1. పదములనొదలక-పదముల పాడితి
శ్రుతులను తప్పక-కృతుల నుతించితి
లయతోలయమై-భావ నిలయమై
గీతార్చననే ప్రీతిగ జేసితి

2. గరళ గళ హే –కళాధర హర
సరళ హృదయ-ఏదీ నీదయ
మధురతరమగు –మధుధార మజ్జింతు
మాధుర్య రసరమ్య గాత్రము నర్థింతు

https://youtu.be/je1AmY7csrI

రచన,స్వరకల్పన&గానం:డా.గొల్లపెల్లి రాంకిషన్ రాఖీ

అంతవాడివని ఇంతవాడివని -ఎంతెంతొ పొగిడాను రాజన్నా
నిన్నెంతెంతొ పొగిడాను రాజన్నా
నమ్మిన వాడిని నట్టెట ముంచుట
నీకైతె తగదయ్య స్వామి-రవ్వంత దయజూడవేమి

1. పరమదయాళుడ వీవేనంటూ
పదివేల మందికి చెప్పినానయా-నిదర్శనాలెన్నొ చూపినానయా
కరుణాసాగరుడ వీవేనంటూ
కనబడ్డవారికి చెప్పినానయా -నీలీలలెన్నెన్నొ చాటినానయా
భోలాశంకర ననుపరీక్షించగ
నీకింక తగదయ్య స్వామీ- రవ్వంత దయజూడుస్వామి

2.దానవుల సైతం ప్రేమతొ బ్రోచే
వెన్నంటిమనసు నీదంటిని-నిన్నే నమ్ముకొంటిని
దోషాల నెంచక శరణాగతినిచ్చే
భక్త సులభుడ వీవంటిని-నిన్నే వేడుకొంటిని
గరళకంఠ నా కడగండ్లు తొలగింప
పరుగుపరుగున రావేమి- రవ్వంత దయజూడుస్వామి

3. ఆకలిగొనియున్న నన్నాదరించి
కడుపునిండ బువ్వ పెట్టినావు-కోరిన వరముల నిచ్చినావు
సంబరపడతూ అదమరచినేనుంటె
వీపుమీద చఱిచి కొట్టినావు-కొత్తకొత్త కష్టాలు తెచ్చినావు
త్రిపురాసురసంహారి-హే సంకటహారీ
మొరవిని ననుగావ రావేమి-రవ్వంత దయజూడు స్వామి

కోడె నెక్కి ఊరేగే వాడ
రాజన్నా-నీవుండెతావిల వేములవాడ
కళ్లురెండు చాలవయ్య నిన్నుజూడ
పిలిచిన పలికే తండ్రి రాయేశుడ

1. మొదటిగ మొక్కేటి గణపతి నీకు
ముద్దులొల్కె పెద్ద కొడుకేనంట
గారాలమారాజు నెమిలివాహనుడు
కుమారస్వామే ప్రియ పుత్రుడంట

గంగమ్మతల్లినీ తలమీదకొలువుండ
రాజేశ్వరమ్మ నే నీ సగమై వెలుగొంద

కళ్లురెండు చాలవయ్య నిన్నుజూడ
పిలిచిన పలికే తండ్రి రాయేశుడ -వెములాడ రాయేశుడ

2. ఇంటి చుట్టు ఎటుజూసిన పెన్నగములే
ఒంటినిండ నగలన్నీ పన్నగములే
సిగలొతురిమినావంట చంద్రయ్యనే
మనసు నిండ పొంగిపొర్లు దయాసంద్రమే


సింగారాల శివరాయా సిత్రము నీ నగవే
చర్మాంబరదారి నీ రూపము గనగ వరమే

కళ్లురెండు చాలవయ్య నిన్నుజూడ
పిలిచిన పలికే తండ్రి రాయేశుడ-వెములాడ రాయేశుడ

https://youtu.be/aKU_UJnHSCI

ఊరేగెను పురవీథుల యోగనారసింహుడు
తీరొక్క వాహనముల శ్రీలక్ష్మీనరసింహుడు
ప్రతిముంగిట అందుకొనుచు జననీరా జనములు
కురిపించుచు తరలెను కటాక్షవీక్షణామృతములు

1. సన్నాయి మేళమే చెవులకు చవులూరించగ
డప్పువాద్యకారులే గొప్ప ప్రజ్ఞ కనబరచగ
డోలుమోతలింపుగా జనపదముల కదిలింపగ
కంజర నాదమ్ములోఎద తన్మయమొందగా

2. చిఱుతలువాయించుచూ హరిదాసులు పాడగ
కోలాటములాడుచు తరుణులు నర్తించగా
నీభక్తజనులందరు భజనల నినుకీర్తించగ
చతుర్వేద పారాయణ భూసురులొనరించగ

3. ఉగ్రనృకేసరీయుతముగ వేంకటపతి సహితముగ
అశ్వ సింహ హస్తి హనుమ గరుడ వాహనమ్ముల
గోపికల వలువలదోచు పొన్నచెట్టు కన్నయ్యగ
కుంటివాడిఇంటికేగు భగీరథీ చందంబుగ

https://youtu.be/-X9NLm6n_7s

ముక్కోటి ఏకాదశి వేడుక
చూడ శతకోటి నయనాలు చాలవిక
రంగరంగ వైభవంగ నరసింగరాయడు
అలరారుచున్నాడు ప్రహ్లాద వరదుడు
గోవిందా గోవింద గోవిందా గోవిందా

1. తొలికోడికూతకన్న ముందుగనే
మేలుకొన్నాడు స్వామి మేల్కొలుపగనే
పావన గోదారి తీర్థములో
జలకమాడినాడు తనివితీరగనే
పట్టుబట్టలేగట్టి పసిడి మకుటమేబెట్టి
వైజయంతి మాలవేసి మాలక్ష్మిని చేబట్టి
రంగరంగ వైభవంగ నరసింగరాయడు
అలరారుచున్నాడు ప్రహ్లాద వరదుడు
గోవిందా గోవింద గోవిందా గోవిందా

2. తీరైన పూలనన్ని ఏరేరి తెచ్చి
తీర్చిదిద్దినారు వేదికనీనాడు
ఉత్తరద్వారాభిముఖముగా శ్రీవిభుడు
సుఖాసీనుడైనాడు వజ్రనఖుడు
కన్నులకే విందుగా వేదనలకు మందుగా
ఎదలే చిందేయగా అందాల పందిరిలో
దర్శనమిస్తునేడు ధర్మపురీ ధాముడు
జన్మలు తరియింపజేయు శేషప్ప సన్నుతుడు
గోవిందా గోవింద గోవిందా గోవిందా

3. వేదమంత్రాలతో బ్రాహ్మణ పుంగవులు
గోవిందనామాలతొ అర్చకశ్రేష్ఠులు
భజనగీతాలతో సంగీత కారులు
జయజయధ్వానాలతొ నీ భక్తజనులు
మారుమ్రోగుతున్నది వైభవ మండపం
భువికే దిగివచ్చిందిట శ్రీ వైకుంఠపురం
రంగరంగ వైభవంగ నరసింగరాయడు
అలరారుచున్నాడు ప్రహ్లాద వరదుడు
గోవిందా గోవింద గోవిందా గోవిందా

https://youtu.be/_GNaNVvFBI8?si=L0lm1wYy7Lwki5H7

పాతా నర్సిమ్మసామీ-నీకు పదివేల దండాలయ్యా
కొత్తానర్సిమ్మసామీ- నీకు కోటికోటి దండాలయ్యా
దరంపుర్ల వెల్సినావు-దయగల్ల తండ్రివీవు
లచ్చుమమ్మ తోటి నీవు లచ్చనంగ ఉన్నావు

1. పాతా నర్సిమ్మసామీ-నీకు పట్టేనామాలయ్యా
కొత్తానర్సిమ్మసామీ-నీకు కోఱామీసాలయ్యా
బాసికాలు నీవుకట్ట-కళ్ళారజూతుమయ్య
బత్తేరుసాలమాల -నీమెళ్ళొ వేతుమయ్య

2. పాతా నర్సిమ్మసామీ-నీకు ప్రతియేట జాతరాలయా
కొత్తానర్సిమ్మసామీ-నీకు ఏటేట ఉత్సవాలయా
కోనేట్లొ నీవూగడోలా-సంబరాలు మా గుండెల
ఏటేటా నీలగ్గం-మాబతుకులకొక సొర్గం

3. పాతా నర్సిమ్మసామీ-నీకు పప్పూబెల్లాలయ్యా
కొత్తానర్సిమ్మసామీ-నీకు కొబ్బారి కాయలయ్యా
గోదారిగంగలోన-తలనిండమునిగిమేము
తడిబట్టలారకుండ-గుడిజేర వస్తిమయ్య

4. పాతా నర్సిమ్మసామీ-నీకు పట్టూబట్టలయ్యా
కొత్తానర్సిమ్మసామీ-నీకు బుక్కాగులాలయ్యా
పిల్లామేకనెల్లప్పుడూ సల్లంగ జూడవయ్య
పాడిపంట మాకెప్పుడు-పచ్చంగనుంచవయ్య

5. పాతా నర్సిమ్మసామీ-నీకు మంచీ గంధాలయ్యా
కొత్తానర్సిమ్మసామీ- నీకు తులసీ దండలయ్యా
కట్టేల మోపుగట్టి-నెత్తీన మోసుకొస్తం
కొత్తాబియ్యంతొ-పాయసవండితింటం

6. పాతా నర్సిమ్మసామీ-నీవు శాంతమూర్తివయ్యసామీ
కొత్తానర్సిమ్మసామీ-నీవు ఉగ్రమూర్తివయ్యసామీ
యోగనారసిమ్మ నీవు-కోర్కెలన్ని దీర్చేవు
ఉగ్రనారసిమ్మ నీవు-అభయమ్మునొసగుతావు

https://youtu.be/kiaKS3lA6Ig?si=Yyht1iioIfkoYGIs

నిత్య కళ్యాణం పచ్చతోరణం-ధర్మపురి అపర వైకుంఠం

ధర్మపురి నృసింహా-దయాపూర్ణబింబా
స్తంభ సంభవా స్వామీ వందనాలయా
జ్వలితనేత్ర నీకివే చందనాలయా

1.వైశాఖ శుద్ధ చతుర్దశి-గోధూళిశుభ ఘడియలలో
ప్రహ్లాదునిగావగ నీవు ఆవిర్భవించితివయ్యా
కరినగరం జిల్లాయందు-గోదావరి తీరమునందు
భవ్యమైన యోగ ముద్రతో ధర్మపురిన వెలసితివయ్యా
ఎదనివేదనలనందుకొనిమా వేదనలను తీర్చవయ్యా

2.ఫాల్గుణ శుద్ధ ద్వాదశినాడు-కళ్యాణమాడుతావు
హోళీనపుష్కరణియందున-డోలాల నూగుతావు
ధర్మసంస్థాపన జేయుచు ధర్మపుర వీధులయందు
పంచమీపర్వదినాన-రథమున ఊరేగుతావు
రెండు కళ్లు చాలవయ్యా నీ విభవము కనితరియించ

3.ధనుర్మాస ఏకాదశిన -వైకుంఠ దర్శనభాగ్యం
వైశాఖ ఏకాదశిన-అద్భుతమే చందనోత్సవం
కార్తీకపౌర్ణమి రోజున-కాంతులీను దీపోత్సవం
మాఘశుద్ధ పంచమినాడు-అలరించు వసంతోత్సవం
ధర్మపురిన నిత్యమూ కళ్యాణ వైభవమే-జాతరాసంబరమే

https://youtu.be/zH03-nkLCGc

ఏలరా ఏలరా నన్నింక నీవేల రావేలరా
ఏల రావేల ఈవేళ నీవేల రావేలరా

మురళీలోలా మువ్వగోపాలా
అలకలదీర్చగ ఓలలాడించు నీ రాసలీలలా

నా స్పూర్తిగ నిను నే తలచితిని
మనస్పూర్తిగనే కొలిచితిని

1. వాడల వాడల వెన్నమీగడల
జుర్రుకొన నీ కడుపు నిండగ

వెన్నెల రేయిల పొన్నల నీడల
వే్ల గోపికల కలలు పండగా

తనివిదీరగ తపనలారగ
అదమరచినావా నను మరచినావా

నా స్పూర్తిగ నిను నే తలచితిని
మనస్పూర్తిగనే కొలిచితిని

2. రాధకు రానీవదే విరహ వేదన
మీరాఎరుగనిదే నా వింత యాతన

యమునాతీరమునఈ సమయమున
బృందావనమున సుఖజీవనమున

మునిగితేలితివ మదనజనక
ముంచబోకు నను నా మనవి వినక

నా స్పూర్తిగ నిను నే తలచితిని
మనస్పూర్తిగనే కొలిచితిని

https://youtu.be/ZH5HHnR3WcA?si=N3O5jFufjezv0mK3

నీ బిడ్డ సమ్మక్కను సూడ మేము పోతుంటిమి
సారక్క జంపన్నను కలువమేము బోతుంటిమి
నీ మాటగ జెప్పవయ్య రాజన్న రాజన్నా
సిఫారసే జెయ్యవయ్య రాజన్న రాజన్నా
మేడారం పోతుంటిమి తోడురావొ రాజన్న
జాతరలో భద్రంగా మమ్ముగావు రాజన్న

1. కోటొక్క మందిలో కోన్ కిస్క గాళ్లమని
కోసంత వరుసలో కొసలొమమ్ము నిలువుమని
దూరంగ తోసేసే దుస్థితి రాకూడదని
పుట్టింటి మర్యాదకు లోటు తేకూడదని
చెప్పవయ్య మాయమ్మకు పెద్దపీటవేయమని
ఒప్పించు మాతల్లిని ముందుగ వరమీయమని
నీ మాటగ జెప్పవయ్య రాజన్న రాజన్నా
సిఫారసే జెయ్యవయ్య రాజన్న రాజన్నా

2. దొంగాముచ్చు భయమింక మాకురాకుండ జూడు
పిల్లాపాపా మముతప్పిపోకుండ మరిజూడు
మా మొక్కులు తీర్చుకొనగ ఆసరాగ నీవుండు
జాతర సంబరాలు సంబరంగ జరిపించు
మాతోడు నీవుండగ మాకు ఇంక దిగులేది
మా అండ నీవుండగ మాకు గండమింకేది
రాజన్న రాజన్న మారాజువె రాజన్న
మమ్మేలు మాతండ్రి దండాలివె రాజన్న

https://youtu.be/qhHt8VWrIi8

చూడుచూడు జాతర సూడసక్కని జాతర
సూడరారొ ఎములాడ రాజన్న జాతర
ఏడాది కోసారొచ్చే శివరాత్రి జాతర
ప్రతి మడిసీ జన్మకో శివరాత్రి జాతర

1. రోజంత నామ స్మరణ
రేయంత జాగరణ
ఉడత కూడ శివరాత్రి ఉపవాస ముంటదట
పిల్లలైన మసలోళ్ళైన మెతుకైన ముట్టరంట
మనసంతా శివుడె నిండ మైమరచిపోయేరు
జనమంతా కలలు పండ పులకించి పోయేరు

2. పొద్దుగాల నిద్దుర లేసి
గుండంలొ మునకలేసి
చెంబుతో లింగంపైన గంగదార పోసేసి
మారేడు పత్రిని పోసి రాజన్నకు పూజ చేసి
కొలుతురు రాజన్నను కోరికలీడేర్చమంటు
వేడేరు భీమన్నను వేదనలే తీర్చమంటు

https://youtu.be/_jEjXZgo_IY

ఎములాడ రాజన్న- కొమురెల్లి మల్లన్న
కొత్తకొండ ఈరభద్రన్నా-నీకు కోటికోటి దండాలోరన్నా
పిల్లామేకా సల్లగజూడు-పాడీపంటా పచ్చగ జూడు
రవ్వంతనీదయ ఉంటే రాజన్నా-రపరపలే ఉండవింక రాజన్న
జరంత కనికరిస్తెనూ మల్లన్నా-జనమంత జబర్దస్తెగా మల్లన్న

1.సేనుసెలకలల్ల నీళ్లబొట్టులేక-పంటమాడిపోయెరా రాజన్నా
మా కడుపుల్ల మంటాయె- కంటేమొ నీరాయెరా
బావుల్ల సెరువుల్ల ఊటైనలేక-గొంతెండిపోతోందిరా మల్లన్నా
తాగనీకి ఒకసుక్కలేదాయె-నాలికింక పోడిబారిపోయే
తలమీద గంగమ్మ తాలాపు గోదారి నీమాట ఇనకుందురా
నువ్వు తల్సుకొంటె నీకు లెక్కకాదురా
మా తప్పు మన్నించి మమ్మింక కావర గంగాధరా
సిరులెల్ల కురిపించి వరముల్ని -మాకిచ్చి మముబ్రోవర శంకరా

2. మారు మూలనుంచి దూరాలుపారొచ్చి నిను జేరమేమొస్తిమి రాజన్న
మారాజు నీవంటిమి మమ్మేలు దొరవంటిమి
కడగండ్లు తొలగించి కష్టాలు కడతేర్చి కాపాడమనియంటిమి మల్లన్నా
మనసారా నమ్మితిమి నిన్నింక మదిలొనకొల్చితిమి
సెరణంటు నినువేడ బాలుణ్ని బతికించిన కథమేము విన్నామురా
నీ మైమల్ని ఎరిగేమురా నీలీలలనికన్నామురా
దయగల మాతండ్రి నీవేనురా ధర్మప్రభువింక నువ్వేనురా
దీనులపాలిటి దిక్కు నువ్వేరా-పేదల పాలిటి పెన్నిధివేరా

OK

https://youtu.be/c2ySdDgdrJQ

అదిగదిగో వేములవాడ-అల్లదిగో మన రాజన్న జాడ
ఎదిరెదిరి చూసిన ఘడియ అంతలోనె వచ్చింది
ఎన్నాళ్లకోరికనో ఈడేరబోతోంది

1. తెలంగాణ నట్టనడిమిలో-కరినగరం జిల్లాలో
అలరారుతోంది రాజన్న వెలసిన క్షేత్రం
కాశీకైలాసం కన్నా ఇది ఎంతో పరమ పవిత్రం

2. అడుగడుగున ఆలయాలు-శివుడికి అవి నిలయాలు
ధూళిదుమ్ముసైతం రాజన్న పాదరేణువే
ఏరాయి తాకినా ఆసామి స్థాణువే

3. ధర్మగుండ స్నానాలు ముడుపుల తలనీలాలు
కోడె మొక్కు తీర్చడాలు-గండా దీపాలు
తులాభార బంగారాలు- దానాలు ధర్మాలు

4. ఇటుపక్కన సిద్దిగణపతి-కుడిపక్కన రాజేశ్వరి
ఇద్దరి మధ్యన నందికెదురుగా ఈశ్వరుడు
దర్శనమిచ్చును మన రాజరాజేశ్వరుడు

5. హరిహరులకు ఆలవాలము-కులమతముల లేదు భేదము
రామపద్మనాభులు కొలువున్న శైవమందిరం
మహ్మదీయ దర్గాసైతం కోవెలలో దర్శనీయం

6. చాళుక్యుల చెక్కణాలు –చెదరిపోని కుడ్యాలు
పంపకవి ప్రాభవాలు భీమకవి విభవాలు
సంగీత సాహితీ దురంధరుల చేవ్రాలు

7. రాజన్న గోపురాలు కాంతులీను శిఖరాలు
భీమేశ్వర నగరేశ్వర బద్దిపోచమ్మ గుళ్లు
వెములాడ చూడ చూడ చాలవింక రెండు కళ్ళు

https://youtu.be/QSrMKO5N4OI

రాజన్న రాజన్న రాజన్న ఎములాణ్ణ కొలువున్న రాజన్నా
దండాలు నీకింక రాజన్నా పేదోళ్ళపెన్నిధి నీవన్నా

దయగలసామివి నీవేనంటు నినుదర్శించ వొస్తిమి రాజన్నా
మా ఆశదీర్చేటి ఆసామి నీవని ముడుపింక దెస్తిమి రాజన్న

1. ఎంకన్న సామిని సూసొద్దమంటే ఏడేడు కొండలు ఎక్కాలంటా
రైళ్లు బస్సులెన్నొ మారాలంటా

అయ్యప్ప సామిని దర్సిద్దమంటే అల్లంత దూరాన ఉన్నాడంటా
నీమాల నోములు నోచాలంటా

కూతవేటులోన రాజన్న నువ్వు కొలువుంటివయ్య రాజన్నా
మనసున్న మారాజు నీవేనన్న మాకొంగు బంగారు సామివన్న

సాగిల దండాలు నీకన్నా-సాంబ శివుడవో రాజన్న
పొర్లుడు దండాలు నీకన్నా-పార్వతీశరాజరాజన్న

2. కాసిన్ని నీళ్లు తలమీద బోస్తే కనికరించె తండ్రివీవన్న-
గంగమ్మతల్లికి ప్రియుడవన్న

మారేడు పత్రి మనసార బెడ్తె-దయజూచే పెబువేనీవంట-
రాజేశ్వరమ్మకు పెన్మిటివన్న

ముందుగ మొక్కే గణపయ్య నీకు ముద్దులకొడుకేనంట
సూరుడు వీరుడు సుబ్బయ్య నీకు మోదమిచ్చెకుమరుడంట

కోడెమొక్కులింక నీకయ్యా-నందివాహన రాజ రాజన్న
మాతలనీలాలు నీకయ్యా-భీమలింగరూప రాజన్న

OK

https://youtu.be/7Uz8qZKvaY4

గీతాగోవిందం-జీవిత మకరందం

నీ మేను వీణ - నే మీటు వేళ
రవళించు రసరమ్య రాగాల హేల
నీమోవి మురళి - మ్రోయించు వేళ
మకరంద సంద్రాల మాధుర్య లీల
గాలికి తావివ్వని మన తనువుల కలయిక
జ్వాలలు రగిలించగ చెలరేగిన మధుగీతిక

1. సుమశరముల నవమదనునికిది కదన కాహళి
బృందావన రాధిక ప్రియ మోహన కృత రాసకేళి
చుంబిత విజృంభిత అంగాంగ సంవిచలిత ఉధృతి
నాసిక పరితోషిత ఆఘ్రాణిత ఉన్మత్త వ్యావృతి
శ్రుతి చేయగనే నీ సమ్మతి- పోగొట్టెనులే నాకున్న మతి


2. వాత్సాయన విరచిత సురుచిర శృంగార సూచిక
జయదేవ కవిప్రోక్త అష్టపదాన్విత విరలి వీచిక
శ్రీనాథ సరసరాజ నైషధ సారాంశ జీవ చిత్రిక
సృజియించెద అసమాన వలరస కావ్య కన్యక
లయమొందగ నా పరిస్థితి-అద్వైత అనుభవైక నిర్వృతి

https://youtu.be/FEns5L4Z5Fs?si=jSpSP3mnxAhohYPT

అమ్మా నీకు జోహారు!అమ్మా నీ వెతలెప్పుడు తీరు?

అమ్మ మనసు-ఎవరికి తెలుసు
అమ్మంటె అందరికీ ఎందుకింత అలుసు
నవ్వుతునవమాసాలు మోస్తుందనా
నెత్తురునే దారబోసి పాలిస్తుందనా

1. కడలిలోతు సైతం కనుగొన్నారెందరో
విశ్వరచననైనా తెలుపగలిగిరెందరో
గగనాంతర సీమల మర్మమెరిగిరెందరో
అమ్మ ఆంతర్యమే అంతుచిక్క దవనిలో

2. గుండెలపై తన్నినా ఎదకు హత్తుకొంటుంది
ఆకలిపై అలకొద్దని బుజ్జగించి పెడుతుంది
తప్పులెన్నిచేసినా వెనకవేసుకొస్తుంది
తలతాకట్టుపెట్టి గండం గట్టెక్కిస్తుంది

3. కడుపున బుట్టిన బొట్టె పట్టించుకోకున్న
నట్టేట పుట్టి ముంచు మేబుట్టువులున్నా
లోకమంత ఒక్కటై తనకు ఎదురుతిరిగినా
సంతతె సర్వస్వమనే వెర్రిది అమ్మా

https://youtu.be/YWx6B4IX54c?si=BpvZ2GOtaN-kxYKj

రచన,స్వరకల్పన&గానం:డా.గొల్లపెల్లి రాంకిషన్ రాఖీ

చాలింక నీ కేళి-నను సేయకే గేలి
విసిగినాను నిన్నెంతొ బ్రతిమాలి
మారు అడగనికెంప్పుడు మతిమాలి

బుద్దినిస్తె ఎద్దునీయవు-ఎద్దునిస్తె బుద్దినీయవు
నీ మాయామర్మమేమొ బ్రహ్మకైన ఎరుగనీయవు
ఓ అమ్మా మాయమ్మా అమ్మలగన్నయమ్మా
ముగురమ్మల మూలపుటమ్మా

1. ఏమడిగితి నిను తల్లీ సుస్వరమే చాలంటిని
నే కోరిన దేమిటని సుమధురమౌ కంఠధ్వని
ప్రార్థించితి లయను నాలొ లయం చేయవేయని
రాజ్యమడుగలేదమ్మా శ్రుతి సరాగ మీయమంటిని

బుద్దినిస్తె ఎద్దునీయవు-ఎద్దునిస్తె బుద్దినీయవు
నీ మాయామర్మమేమొ బ్రహ్మకైన ఎరుగనీయవు
ఓ అమ్మా మాయమ్మా అమ్మలగన్నయమ్మా
ముగురమ్మల మూలపుటమ్మా

2. చందమామకైన నీవు మచ్చలు కలిగించినావు
రామదాసుకైన నాడు జైలు శిక్ష నిచ్చినావు
పోతన్నకు లభియించిన వైభోగములేమిటో
శేషప్పకు అందించిన సుఖ సంపదలేమిటో

బుద్దినిస్తె ఎద్దునీయవు-ఎద్దునిస్తె బుద్దినీయవు
నీ మాయామర్మమేమొ బ్రహ్మకైన ఎరుగనీయవు
ఓ అమ్మా మాయమ్మా అమ్మలగన్నయమ్మా
ముగురమ్మల మూలపుటమ్మా

3. సిరులిచ్చుడేమొగాని ఉన్నది ఊడ్చేసినావు
పేరొచ్చుడేమొగాని బద్నాము జేసినావు
ఉన్నచోట ఉంచవాయె ఉట్టికి ఎగిరించవాయె
నట్టనడిమి కడలిలోన నా నావ ముంచితివే

బుద్దినిస్తె ఎద్దునీయవు-ఎద్దునిస్తె బుద్దినీయవు
నీ మాయామర్మమేమొ బ్రహ్మకైన ఎరుగనీయవు
ఓ అమ్మా మాయమ్మా అమ్మలగన్నయమ్మా
ముగురమ్మల మూలపుటమ్మా

https://youtu.be/OMmSdYe5UGM

ఎన్నసొంటి మనసునీది ఎములాడ రాజన్న
ఎముకలేని సెయ్యినీది ఏదడిగిన ఇత్తువన్న

గంగనీళ్ళు తలన బోస్తె-సంబరపడిపోతావు
పత్తిరినీ నెత్తినెడితె-పరవసించి పోతావు

“గుండంల తానాలు నీకయ్యా-గండాదీపాలింక నీకయ్యా
కోడెమొక్కులిగొ నీకయ్యా-నిలువెత్తు బెల్లాలు నీకయ్యా||”

1. పామునైన ఏనుగునైన పావురంతొ సూసావు
సాలెపురుగైతేనేమి-మోచ్చమిచ్చి వేసావు
కోడికీ కోతికీ రాజభోగ మిచ్చినావు
సివరాత్రిన కుక్క సస్తె ముత్తినిచ్చినావు నీవు

గంగనీళ్ళు తలన బోస్తె-సంబరపడిపోతావు
పత్తిరినీ నెత్తినెడితె-పరవసించి పోతావు

“గుండంల తానాలు నీకయ్యా-గండాదీపాలింక నీకయ్యా
కోడెమొక్కులిగొ నీకయ్యా-నిలువెత్తు బెల్లాలు నీకయ్యా||”

2. ఎదిరించిన అర్జునునికి పాశుపతము నిచ్చావు
సెరణని నినుపట్టుకుంటె మార్కండేయు గాచావు
కన్నిచ్చిన తిన్ననికీ కైవల్యమునిచ్చావు
రాజన్నా పబ్బతంటె అండగ నీవుంటావు

గంగనీళ్ళు తలన బోస్తె-సంబరపడిపోతావు
పత్తిరినీ నెత్తినెడితె-పరవసించి పోతావు

“గుండంల తానాలు నీకయ్యా-గండాదీపాలింక నీకయ్యా
కోడెమొక్కులిగొ నీకయ్యా-నిలువెత్తు బెల్లాలు నీకయ్యా||”

3. భక్తికి నువ్వెప్పుడైన బంధీవై పోతావు
ఇవ్వరాని వరములైన ఇట్టే ఇచ్చేస్తావు
అడిగాడని రావణుడికి ఆలినైన ఇచ్చావు
ఆపైన పట్టుబడితె ఆత్మలింగమిచ్చావు

నీకన్న జాలిజూపు దైవమేది శంకరా
(మావంటి)దీనులకీవె ఆప్తుడవన లేదు మాకు శంకరా

“గుండంల తానాలు నీకయ్యా-గండాదీపాలింక నీకయ్యా
కోడెమొక్కులిగొ నీకయ్యా-నిలువెత్తు బెల్లాలు నీకయ్యా||”

https://youtu.be/rf5Bb_WlxZY

గణనాథ నీరూపమే-త్రిగుణాతీతము
వరదాత నీ గానమే శ్రవణానందము
విఘ్నేశ నీ నామనే భవ్య భవతారకం
కరివదన నీ చరణమే మాకు శరణం

1. తొలుతగనిన్నే కడకడ నిన్నే
ఆపద సంపదలన్నిట నిన్నే
ప్రతిపనికీ కడు శుభఫల మీయగ
పూజింతుము నిను శ్రద్ధాసక్తుల

2. నిదురలొ నిన్నేమేల్కొని నిన్నే
నిత్యము నిన్నే నిరతము నిన్నే
అనవరతముగా స్థిర సాధనగా
చేతుము స్వామీ నీ స్మరణమునే

https://youtu.be/ohBbV88BT8w

విఘ్నాలు తొలగించు వెనకయ్యా
నీకు వేనవేల వందనాలు అందుకోవయా
గండాలు తొలగించు గణపయ్యా
నీకు కోటి కోటి దండాలు సందుకోవయా
ఎలుకనెక్కి పరుగునొచ్చి గుజ్జు గణపతీ
వేగిరమే మముగావర బొజ్జ గణపతి

1. పేదా గొప్పా భేదమేది నీకు లేదయా
చిన్నాపెద్దా తేడాలేవీ ఎంచబోవయా
చేతులెత్తి మొక్కితే నీకు చాలయా
నినువినా దైవమే వేరు లేదయా
గుంజీలు తీస్తే మన్నింతువు
చెంపలేసుకొంటే క్షమియింతువు

2. గరికలేస్తె సిరులిత్తువు సిద్ది వినాయకా
మందారాల పూజిస్తే వరమిత్తువు కరిముఖా
వెలగపండు నందజేస్తె వేదన తొలగించేవు
మోదకాలు నివేదిస్తె మోక్షమే ఇచ్చేవు
లంబోదరా మము లాలించరా
వక్రతుండ వేగమే మమ్ము బ్రోవరా

“పాంచజన్యం-అన్నా సౌజన్యం”

“పాంచజన్యం-అన్నా సౌజన్యం”

వినీలవీథిలో విజయ బావుటా
అవినీతి గుండెలో పేలెను తూటా
అన్నాహజారే ఆశయాల పూదోట
విరజిమ్మెను పరిమళాలు విశ్వమంతటా

1. ప్రభుత గాదె క్రింద మెక్కు పందికొక్కులు
ప్రజల ఓట్ల విశ్వాస ఘాతకులౌ కుక్కలు
పథకాలను పక్కదారి పట్టించే నక్కలు
మనభారత క్షేత్రాన మొలిచె కలుపు మొక్కలు

సస్యశ్యామలగు నిక మన భారతదేశం
యువతకిపుడు అన్నా హజారేనే ఆదర్శం

2. తేరగ మ్రింగే పరాన్న బుక్కులే కడతేరగా
బల్లకింద చెయిసాచే బల్లుల బలినీయగా
చీమలపుట్టలమెట్టే పాముల పనిపట్టగా
లంచాల పీడించే జలగల నలిపేయగా

అవతరించె జనలోక్పాల్ శిలాశాసనం
అవుతుందిక భారతమే ఇలలొ నందనం

3. అధికారం ఆసరగా అక్రమమౌ ఆర్జనలు
పదవుల ముసుగుతో పద్మనాభ సమనిధులు
రాజకీయచతురతతో అంతులేని దోపిడులు
తరతరాలు తరుగని మలిన నీలి ధనరాశులు

పాతర వేస్తుంది జనలోక్పాల్ చట్టము..
పాడుతుంది చరమగీతి ఇది సుస్పష్టము

https://youtu.be/T51XDXPXF6U

కొండలు మోసిన కోనేటిరాయ
మాగుండెలందు కొలువుండు తిరుమలరాయ
అండదండనీవె మాకు కొండంత బలము నీవె
మా కోర్కెలు దీర్చేటి కొంగుబంగారమీవె

1. కూర్మావతారాన క్షీరసాగరాన
సురలగావ మోసావు మంధరగిరిని
కృష్ణావతారాన గోకులాన్ని గావగ
గోటిపైన మోసావు గోవర్ధన గిరిని
వరాహావతారాన ధరనే భరియించితివని
అరెరె అంతలోనే నేనేల మరచితిని

అండదండనీవె మాకు కొండంత బలము నీవె
మా కోర్కెలు దీర్చేటి కొంగుబంగారమీవె

2. కరిరాజ వరద ఆర్తత్రాణ బిరుద
తనపరభేదమేది నీకు లేదయా
ప్రహ్లాద రక్షకా శరణాగత వత్సల
పిలువగనే స్పందించే ఎదనే నీదయా
అగణిత నీ గుణగణాలు పొగడంగ అన్నమయా
ముప్పదిరెండు

వేల కీర్తనలు రాసెనయా

అండదండనీవె మాకు కొండంత బలము నీవె
మా కోర్కెలు దీర్చేటి కొంగుబంగారమీవె

https://youtu.be/XDrqJUZePbg

నీరాజనం క్షీరజ
జయ నీరాజనం చంద్ర సహజ
నీరాజనం హరివల్లభ
మంగళ నీరాజనం భక్త సులభ

1. నీ పదములొసగు కొదవలేని సంపదలు
నీ కరుణ కురియు సిరులే సిరులు
దయతో నువుబ్రోవగ భోగ భాగ్యమ్ములు
కృపతో నువుజూడగ ఆయురారోగ్యమ్ములు

2. అడుగిడితే సరి పాడీపంటలు నవధాన్యాలు
నీ పొడగంటే మరి అస్తీఅంతస్తులు నవనిధులు
నీదర్శన మాత్రాన కాసులు ధన రాశులు
కాలుమోపినంతనే తొలుకు కనక వర్షాలు

3. నీ చరణాలు శరణంటే మణి మాణిక్యాలు
నీ పాదాలు తలదాల్చితె శాంతీ సౌఖ్యాలు
నీవు కటాక్షిస్తే పదవులు అధికారాలు
ప్రేమమీర వీక్షిస్తే పేరూ ప్రఖ్యాతులు

https://youtu.be/w3ymTtvtvew

వరలక్ష్మీ సుస్వరలక్ష్మీ ఈశ్వరలక్ష్మీ భాస్వరలక్ష్మీ

శ్రీ లక్ష్మీ వాణిశ్రీలక్ష్మీ విజయశ్రీలక్ష్మీ మాతృశ్రీలక్ష్మీ

దండాలు నీకివే దాక్షాయణి

గండాలు తొలగించవె గజవాహిని

1.      శ్రీలలితే -విస్తృత చరితే

మహిమాన్వితే-మహిషాసుర సంహృతే

నమోవాకాలు నీకు కాత్యాయిని

         వందనాలు నీకివే వరదాయిని

2.      ప్రణవప్రభవితే-ప్రమోద విలసితే

ప్రజ్ఞానదాయకే-శ్రీపథ దాయకే

ప్రణతులివే నీకు పరదేవతా

ప్రణుతులివే నీకు లోకపూజితా

3.      జయహే వాజ్ఞ్మయి-హే కరుణామయి

సదా చిన్మయి- సుజన మనోమయి

నమస్తే నమస్తే-నాదమయి

నమోస్తుతే-సచ్చిదానందమయి

https://youtu.be/0Hmz7PSshx0

గళసీమ గరళాన్ని సహియించినావు
శిరమందు నభగంగ భరియించినావు

ఇంతకన్న ఏముంది తార్కాణం
భోళాశంకరా నీది సార్థక నామం

మహాదేవ మహాదేవ నీలకంధరా పాహి
వామదేవ వ్యోమకేశ గంగాధరా దేహి

1. పులితోలు వలువల్లె ధరియించినావు
నాగుల్ని నగలల్లె మెయి దాల్చినావు
భస్మాన్ని ఒళ్ళంత పులిమేసుకున్నవు
వృషభాన్ని తురగంగ ఊరేగినావు

ఇంతకన్న ఏముంది తార్కాణం
భోళాశంకరా నీది సార్థక నామం

సద్యోజాత తత్పురుషా భూతనాథ పాహి
ఈశానా అఘోరా అనాధ నాథ దేహి

2. నిలువనీడలేకనీవు కొండకోననుండేవు
ఊరువాడ విడిచివల్ల కాడున మసలేవు
తపమైన చేసెవు-చితులైన పేర్చేవు
మోదమైన క్రోధమైన చిందులేసి ఆడేవు

ఇంతకన్న ఏముంది తార్కాణం
భోళాశంకరా నీది సార్థక నామం
నిటలాక్ష నటరాజ విరూపాక్ష పాహి
పశుపతి ఫాలనేత్ర కాలభైరవా దేహి

3. ఇల్లిల్లు బిచ్చమెత్తి బొచ్చెలోన తింటావు
నీ కడలేనిదైన ఐశ్వర్యమునిస్తావు
అడిగితెఅనుచితమైనా అర్ధాంగి నిచ్చేస్తావు
అదియిదియనిగాదు ఆత్మనె అర్పిస్తావు

ఇంతకన్న ఏముంది తార్కాణం
భోళాశంకరా నీది సార్థక నామం

జంగమయ్య లింగమూర్తి ఋతంబరా పాహి
చంద్రమౌళి పింగళ పినాకపాణి దేహి

https://youtu.be/_KqOt-TMWVY

“కృష్ణ తృష్ణ”

లోకుల గాచిన గోకుల కృష్ణా-గోపికల వలచిన మోహన కృష్ణా
కాళియ మర్దన తాండవ కృష్ణా-గోవర్దన ధర గోపాల కృష్ణా

1. వెన్నతిన్నందుకా నీ మనసు మెత్తనాయె
మన్నుతిన్నందుకా మమతలు మొలకెత్తెనాయె
కన్నయ్య నినుజూడ కనులకెపుడు కొత్తనాయె
నినివీడి మనలేక నే కోవెల కొత్తునాయె

మురిపించబోకు నన్ను మురళీ కృష్ణా
మైమరపించకు నన్ను మీరా కృష్ణా

2. అమ్మ మనసు రంజింప ఆటలెన్నొ ఆడావు
అఖిలభువనభాండమ్ములు నోటిలోనె చూపావు
ధర్మసంస్థాపనకై ధరణిలోన వెలిసావు
కర్మసిద్ధాంతమెరుగ గీతను బోధించావు

మమకా’ర’మించ రారాదా రాధా కృష్ణా
విరమించ నీయవదే ఐహిక తృష్ణా కృష్ణా

https://youtu.be/yTCwbyyKrJs?si=NZ7pc1xcWg_D99ప్స్

&

https://youtu.be/-hOqRzsFQ_k?si=PsBgpWZxBOA23dSx

రాజరాజేశ్వరీ బాల త్రిపుర సుందరీ
ఈశ్వరీ జగదీశ్వరీ పరమేశ్వరీ భువనేశ్వరీ

క్షణముకొక్క పేరు నే తలచినా –నూరేళ్ళ జీవితం చాలదు
వేయినాల్కలున్న ఆదిశేషుడూ-నీ నామాలు లెక్కించ జాలడు

1. నిన్ను తెలియ యత్నించి బ్రహ్మ దేవుడు
భంగపాటు చెందినాడు కదానాడు

నీ మాయకు లోబడి అలనాడు మాధవుడు
యోగనిద్రలోనే మునిగి తేలినాడు

నీ మహిమల నెరుగకనే సదా శివుడు
అయినాడుగా సదా సాంబశివుడు

ముక్కోటి దేవతలూ నీకు భృత్యులు
సప్తమహాఋషులందరు నీ పాద దాసులు

ఘటికులంత నీ సేవకులైనప్పుడు-నేనెంతటి వాడినని ఈనా టెక్కులు
వేయిచేతులున్న కార్తవీర్యుడూ-అయిపోడా నీ ముందు శూన్యుడు

2. శాంకరి-మంగళ గౌరి-మాధవేశ్వరి
కామరూప- కామాక్షి-విశాలాక్షి

చాముండి-శృంఖలాదేవి-వైష్ణవి
జోగులాంబ-భ్రమరాంబ-మాణిక్యాంబ

ఏకవీరిక-మహాకాళిక-పురుహూతిక
గిరిజా సరస్వతి మహాలక్ష్మి

అష్టాదశ శక్తిపీఠ వాసిని
అష్టాదశ దుర్గుణ నిర్మూలిని

నా మనోవాక్కాయ కర్మలు-నీవే కావాలి జన్మజన్మలు
శరణాగతి నీవమ్మ ఎప్పుడు-నాపై దయ చూపించు గుప్పెడు

https://youtu.be/MHYIoqBhHss

బలిదానాల ఫలితమ్మే మన స్వాతంత్ర్యం
పోరాటాల విజయమ్మేఈ స్వేఛ్ఛాగీతం
జై బోలో స్వతంత్ర భారత మాతకీ
జైబోలో అమరుడైన ప్రతి నేతకీ-మన గాంధీ తాతకీ

1. సిపాయిలందరి తిరుగుబాటుతో-మొదలయ్యింది సంగ్రామం-స్వతంత్ర సంగ్రామం
మంగళ్ పాండే ఉరితీతే-పూరించింది సమర శంఖం
జై బోలో స్వతంత్ర భారత మాతకీ
జై బోలో ఝాన్సీలక్ష్మీబాయికి-తాంతియాతోపెకి

2. *రౌలట్ చట్టపు నిరసన తెలుపగ-కల్లాకపటం తెలియని ప్రజలు
జలియన్ వాలా బాగ్ లోనా- అసువులు బాసిరి ఎందరొ జనులు
జై బోలో స్వతంత్ర భారత మాతకీ
రాజ్ గురు భగత్ సుఖదేవ్ కి-చంద్రశేఖరాజాద్ కి

3. స్వరాజ్య వాదం వినిపించి-జాతీయతనే నాటారు
స్వదేశి వాడి విదేశి వీడి-ఉద్యమ స్పూర్తిని చాటారు
జై బోలో స్వతంత్ర భారత మాతకీ
జై బోలో లాల్ పాల్ బాల్ కీ-ఆంధ్రరత్నకు అల్లూరికీ

4. బ్రిటీష్ పాలన నిరసించి-సహాయమ్మునే నిరాకరించి
కొత్త రీతుల్లొ పోరాడారు-అహింస మార్గం వాడారు
జై బోలో స్వతంత్ర భారత మాతకీ
జైబోలో గోపాల క్రిష్ణగోఖ్లేకి-ఆంధ్రకేసరి టంగుటూరికి

5. దండియాత్రతో దండును నడిపి-ఉప్పెఉప్పెనగ తలపించారు
ముప్పు తప్పదని తెలిపారు-సత్యాగ్రహమే చేసారు
జై బోలో స్వతంత్ర భారత మాతకీ
జైబోలో రాజాజీ సర్దార్లకీ –భారతకోకిల సరోజినికీ

6. అజాద్ హింద్ ఫౌజ్ గా-భారత సైన్యం నిర్మించారు
సాయుధపోరే మార్గంగా-క్విటిండియాయని నినదించారు
జై బోలో స్వతంత్ర భారత మాతకీ
జై బోలో సుభాస్ చంద్ర బోస్ కీ-బూర్గులరామకృష్ణకి

7. జాతి వివక్షను కాలరాచి-అస్పృశ్యతనే రూపుమాపి
అహింసాయుధంవాడాడు-ఆదర్శంగా నిలిచాడు
జైబోలో మోహన్ దాస్ గాంధీకి
జై బోలో జాతిపిత మహాత్మగాంధీకీ-మన గాంధీ తాతకీ

జై బోలో స్వతంత్ర భారత మాతకీ
జైబోలో అమరుడైన ప్రతి నేతకీ-మన గాంధీ తాతకీ



(*)1919 లో చేయబడిన రౌలట్ చట్టం సంస్కరణల సత్ఫలితాలను తీవ్రంగా తగ్గించి వేసింది. బ్రిటీష్ సామ్రాజ్యానికి వ్వతిరేకంగా జరిగిన హిందూ-జర్మన్ కుట్ర, భారతదేశంలో మొదలయిన సాయుధ పోరాటాలలో జర్మన్ మరియు బోల్ష్విక్ ల పాత్ర ల పై విచారణచేయటానికి సామ్రాజ్య విధాన మండలి (ఇంపీరియల్ లెజిస్లేటివ్ కౌన్సిల్)చే నియమించ బడిన రౌలట్ అధికార సంఘం (రౌలట్ కమీషన్) సిఫార్సులకణుగుణంగా రౌలట్ పేరుపై ఈ చట్టం చేయబడినది. చీకటి చట్టంగా పరిగణింపబడిన రౌలట్ చట్టం వైస్రాయి పభుత్వానికి కుట్రని విచ్ఛినం చేయటానికనే సాకుతో వార్తాపత్రికలపై ఆంక్షలువిధించటం, రాజకీయ కార్యకర్తలను విచారణ లేకుండానే బహిష్కరించటం, సామ్రాజ్యానికి వ్యతిరేకంగా కుట్రకు పాల్పడుతునారనే అనుమానంపై ఏ వ్యక్తినైనా ధృవీకరించకనే నిర్భంధించటం లాంటి విశేష అధికారాలను దకలు పరిచింది.