రచన,స్వరకల్పన&గానం:డా.రాఖీ

నిండైన అందమెపుడు ప్రౌఢలదే

మెండైన సోయగమంటే నడివయస్సు భామలదే

హుందాతనంతో కనువిందుగొలిపేరు

లౌక్యతను ఆపాదించి కుసుమ సొగసులీనేరు

1.సౌందర్యపోషణలో ఆరితేరిపోతారు

ఆకర్షణ కేంద్రమేదో ఎరిగి మరీ ఉంటారు

ఆకట్టుకోవడంలో కనికట్టు చేస్తుంటారు

కట్టుబొట్టు గుట్టంతా పుక్కిట పట్టేస్తారు

2.నవ్వులతో పెదాలపై హరివిల్లే వెలిపిస్తారు

చూపులతో కన్నులలో వెన్నెలలే కురిపిస్తారు

మాటమాటలోను మకరందం ఒలికిస్తారు

మనసెరిగిన చేతలతో ఎదుటివార్ని గెలిచేస్తారు