అనుమానం నీ బహుమానం
అవమానం నీ అభినందనం
ఇన్నినాళ్ల మన స్నేహం ముక్కలైపోయింది
అనుభూతుల మన సౌధం నేలకూలి పోయింది
1. వేదనా చీకటీ నన్నవరించాయి
ఆనందం వెలుతురు అంతరించి పోయాయి
నూరేళ్ల జీవితం శిథిలమై పోయింది
పండంటి ఈ బ్రతుకు శిశిరమై మిగిలింది
2. కలిసి చేసె రైలు పయనమంతమై పోయింది
మూడునాళ్ళ ముచ్చటగా పరిసమాప్త మయ్యింది
ఈ అనంత పయనానికి గమ్యమనే దెక్కడో
ఈ ఒంటరి బికారికి భవితవ్యం ఏమిటో

https://youtu.be/lAEs8-BbQm8?si=ZmB-HV0_fvrqPisD

నా మదిలో మెదిలే స్మృతిలో కదిలే మధుర ఊహ నీవే
క్షణమే వెలిగే మెరుపుతీగలా గలగలపారే కొండవాగులా
ఉరకలు వేసే భావము నీవే-నా ప్రాణము నీవే
1. అందరాని ఆకసానా చందమామలా నీవూ
ఉట్టికైనా ఎగురలేకా పట్టువదలని నేను
నువు అందానివి ఆనందానివి
నా అంతరంగాన వెలుగులు నింపే జ్యోతివి –ఆశాజ్యోతివి
ప్రేమబంధాన వలపులు కురిసే వర్షానివి-నా హర్షానివి
2. చిలుకలకే పలుకులు నేర్పే రాచిలుకవీ
హంసలకే కులుకులు నేర్పే కలహంసవీ
నీ గొంతున కోకిల గానం-నీ నడకే మయూర నాట్యం
కాచివడబోసి కలిపి నినుజేసి ధన్యుడాయెనా బ్రహ్మా-పరబ్రహ్మా
చూచి నినుజేరి వలచి నినుకోరి తరించెనా జన్మ-తరించె నా జన్మ
3. నా కన్నులలోకి ఒకసారి చూడు –కనిపిస్తుంది నీరూపం
నా హృదయం చేసే సవ్వడినీ విను-తపిస్తున్నది నీ కోసం
నే కన్న కలలే నిజమై-నాలో నీవే సగమై
నీవూనేనే జగమై బ్రతుకే సాగనీ-కొనసాగనీ
ఈ యుగమే క్షణమై కాలం ఆగనీ-ఇక ఆగనీ

OK

అమృతంబే స్వామి నీ పాదతీర్థం 

ఔషదంబే స్వామి దివ్యప్రసాదం 

మంత్రముగ్ధమె స్వామి నీభవ్య వీక్షణం 

ముగ్ధమోహనమె స్వామి నీ మందహాసం

అమృతంబే స్వామి నీ పాదతీర్థం 

ఔషదంబే స్వామి దివ్యప్రసాదం 

మంత్రముగ్ధమె స్వామి నీభవ్య వీక్షణం 

ముగ్ధమోహనమె స్వామి నీ మందహాసం

శబరీ పీఠం అపర వైకుంఠం 

అయ్యప్పస్వామి నీవే పరమాత్మరూపం

సన్నిధానమె స్వామి భూలోక స్వర్గం 

నీ శరణుఘోషయే కైవల్యమార్గం 

అమృతంబే స్వామి నీ పాదతీర్థం 

ఔషదంబే స్వామి దివ్యప్రసాదం 

మంత్రముగ్ధమె స్వామి నీభవ్య వీక్షణం 

ముగ్ధమోహనమె స్వామి నీ మందహాసం

ఇరుముడి తలదాల్చ ఇడుములు తొలగు 

దీక్షనుగైకొంటె మోక్షమె కలుగు

స్వామినిను సేవిస్తె శుభములు జరుగు 

నీ కరుణ లభియిస్తే జన్మధన్యంబు

అమృతంబే స్వామి నీ పాదతీర్థం 

ఔషదంబే స్వామి దివ్యప్రసాదం 

మంత్రముగ్ధమె స్వామి నీభవ్య వీక్షణం 

ముగ్ధమోహనమె స్వామి నీ మందహాసం

సాయిబాబా పల్లకిసేవ పాట 

ఓం ఒహోం ఒహోం -ఓం ఒహోం 

ఓం ఒహోం ఒహోం -ఓం ఒహోం 

ఓమ్ సాయి శ్రీసాయి జయజయ సాయి 

ద్వారకామాయి వాస-సద్గురు సాయి 

అందమైన అందలమిది మోయరండి 

అందరికిది అందనిది వేగరండి 

సాయిరాముడు ఎక్కినదిది సొగసైనదండి 

చేయివేసి సేవచేసి తరియించగ రారండి 

1. గురుపాదం తలదాల్చే అవకాశమండి 

గురువారం మాత్రమే దొరికేటిదండి 

మహిమాన్వితుడే బాబా మరువకండి 

మహిలోన వెలిసింది మనకొరకేనండి 

2. హరిని మోయు అదృష్టం గరుడపక్షిదేనండి 

శేషశాయి సేదదీర్చు శేషుడిదే భాగ్యమండి 

వసుదేవుడు ఒక్కడే పొందినదీ సౌఖ్యమండి 

మరల మరల మనకు రాని మంచితరుణ మిదేనండి 

3. కరతాళం జతజేస్తే మేళతాళ మదేనండి 

గొంతుకలిపీ వంతపాడితె సాయికదే కచ్చేరండి 

తన్మయముతొ తనువూగితె అదేనాట్యమౌనండి 

ఎంత పుణ్యమండి మనది జన్మధన్యమైన దండి

https://youtu.be/hKwaAO70jGs

హర హర హర శివ శివ శంభో
పరమేశా మాం పాహి ప్రభో
దక్షుని మదమణిచి వేసిన
గిరిరాజ తనయ విభో

1. నయనాలు కల్గినా అంధుల మయ్యా మేము
విద్యలెన్నొ నేర్చినా మూర్ఖులమేనయ్యా మేము
మా జ్ఞాన చక్షులను తెరిపించవేమయ్యా
విజ్ఞాన జ్యోతులను వెలిగించ రావయ్యా

2. నీ జగన్నాటకంలో నటియించు పాత్రలం
తోలుబొమ్మలాటలొనీవు ఆడించే బొమ్మలం
నీ ఆజ్ఞ లేనిదే చీమైనా చావదు
నీ కరుణలేనిదే క్షణమైనా సాగదు

3. ఆశామోహాలతోటి అలమటించు జీవులం
గీయబడిన గిరిలో తిరిగే చదరంగపు పావులం
ఇహలోక చింతననిక తొలగించవేమయ్యా
కైవల్య పథములొ మమ్ము నడిపించవేమయ్యా

OK

https://youtu.be/bIUBAlptFJU?si=1Z50u0VCs747BnBq

గుండెలలో రేగిన గాయం
మందులతో కాదు నయం
శిశిరమైన నాహృదయం
పొందదులే వాసంతం

1. కరిగిన కల కావేరై
నా కన్నీరే గోదారై
వరదల పాలాయే జీవితం
సుడిలోపల చిక్కే భవితవ్యం

2. వెలిగే రవి కొడిగట్టే
చందురుడే మసిబట్టే
జగమంతా నిండే అంధకారం

వేదనతో కృంగే నా శరీరం
3. శిథిలంగా మారిన బ్రతుకే
తరలేదిక మండే చితికే
ఆశలన్ని బూడిదైతే
అంతరించు ఈ పయనం
అవరించు అనంత శూన్యం

https://youtu.be/oifCoBXXcBY?si=kEAPmxCYZ0DBNC_l

తొలిచూపులు కలిసిన తరుణంలో
వెలిసిన స్నేహం మనది
అనురాగం నిందిన లోకంలో
నిలిచిన భావం మనది

1. నిన్నటిదాకా నీవెవరో నేనెవరో
నీకూ నాకూ ఎంత దూరమో
కాలం కలిపిన తీరాలం
ఒకటైపోయిన నేస్తాలం

2. ఎన్ని జన్మలదొ మన బంధం
మరచిపోరులే మన చరితం
మనమార్గం అనితర సాధ్యం
దివారాత్రులు ఒకరొకి ఒకరం

నామది నీ రథము-స్వామి యోగము నా పథము
సారథి నీవేలే- స్వామి నాగతి నీవేలే-శరణాగతినీవేలే

స్వామి శరణం అయ్యప్పా -స్వామి శరణం అయ్యప్పా

1. ఈ జగమే కురు క్షేత్రం-జీవనమే సంగ్రామం
నా అస్త్రము నీవేలే-స్వామి శస్త్రము నీవేలే

స్వామి శరణం అయ్యప్పా -స్వామి శరణం అయ్యప్పా

2. అరిషడ్వర్గాలే స్వామి నాకిలలో శత్రువులు
ధైర్యము నీవేలే-మనస్థైర్యము నీవేలే

స్వామి శరణం అయ్యప్పా -స్వామి శరణం అయ్యప్పా

3. చేసే నరుడవు నీవే-చేయించే హరియూ నీవే
కార్యము నీవేలే స్వామి-కైవల్యము నీవేలే

స్వామి శరణం అయ్యప్పా -స్వామి శరణం అయ్యప్పా

https://youtu.be/UapAh6CbL04

సాయి నామాలే అమృతము
పాడుము వేడుము ప్రతిదినము
సందేహమెందుకు చింతలుదీరగ
పావనమగు నీ జీవనము

1. గౌతమితీరాన షిర్డీ పురమున
విలిసిల్లు చున్నాడు శ్రీసాయి
అపర వైకుంఠం –శాంతికి అది నిలయం
శ్రీ సాయి సమాధి మందిరము
ప్రశాంతి నిలయమీ మందిరము

2. కోరుకున్నవారికిల కొంగు బంగారము
ప్రత్యక్ష దైవము శ్రీసాయి
తృణమో పణమో-దినమో క్షణమో
చేసుకుంటే సేవ హాయి-కరుణించు షిర్డీ సాయి

3. పనిపాటలలో సాయిని తలపోసి
సర్వం సాయి సమర్పణ జేసి
సాయీ నిను వినా-శరణం నాస్తియని
శరణాగతి పొందవోయి-కైవల్య గతి సాగవోయి

హరి హరి హరి హరి-యనరాదా- హరి నామమే చేదా
హరి గుణ గానము అమృతపానము-
హరిపద సేవయే-పరమానందము
1. అలనాడు కరిరాజు-ఎలుగెత్తి మొరవెట్ట
వేవేగ అరుదెంచి –రక్షించలేదా
నడి సభలొ ద్రౌపది- నోరార పిలువగ
ఉడుపుల నందించి –కాపాడలేదా
మరి మరి ప్రార్థింప-పరుగున రాడా
మనసార యర్థింప-వరముల నీడా
2. రాగాల క్షీరాల అభిషేకములు జేయ
త్యాగయ్య కిచ్చాడు సాయుజ్యము
కవితల కుసుమాల అర్చింపగాజేయ
పోతన్న కిచ్చాడు పరసౌఖ్యము
మైమరచి కీర్తింప కైవసము కాడా
త్వమేవ శరణన్న కైవల్యము నీడ

చిలికి చిలికి చిరుగాలి వానయ్యింది
ఒలికి ఒలికి కన్నీరు ఏరయ్యింది
కరుగని నీ హృదయం శిలగా మారింది
వీడని నా పట్టుదలే ఉలిగా నిను తొలిచింది
1. మూడునాళ్ళ అందానికి మురిసి పోకులే
వయసుమీరి నీ కది ఒక శాపమగునులే
ఎన్నటికీ చెదరనిదీ మనసొకటేలే
ఏనాటికి నా ఎదనీకై మూయబడదులే
2. అద్దం నిన్నెప్పుడు వెక్కిరించునో
జనమెప్పుడు నీ నీడను తప్పుకొందురో
మరువకు నేనింకా బ్రతికి ఉన్న విషయం
మదిలోపల తలచినంత వాలుదు నీ కోసం-నీ ముందు తక్షణం
3. తోడెవరూ లేక నీవు ఒంటరివైతే
పలికేందుకు నీకంటూ మనిషేలేకుంటే
నిను దేవతగా కొలిచేందుకు నేనున్నాను
4. ఓ చిరునవ్వే వరముగా ప్రసాదించమంటాను

తిలకించే నయనాలకు జగమంతా అందం
అనుభవించె మనసుంటే బ్రతుకంతా ఆనందం
1. ఆరు ఋతువులకు ఆమని అందం
ఆకసాన హరివిల్లు అందం
రోజుకు ఉదయం అందం
మనిషికి హృదయం అందం
2. చీకటిలో చిన్ని దీపం అందం
బాధలలో చిరు ఆశే అందం
జగతికి ప్రకృతి అందం
ఇంటికి ఇల్లాలు అందం

https://youtu.be/7WVs9NFWTks?si=M2_P0m9lI3Tma1hv

దారి నీవూ తప్పకు-కన్నెస్వామి 

మాయదారి నడవకు 

వేసే పాదం ఆపకు-గురుని నామం మరువకు 

స్వామి-శరణుఘోషను విడువకు 

1. ఎన్ని జన్మల నెత్తావో 

ఎంత పుణ్యం చేసావో 

దొరికింది నీకు మణికంఠ నామం 

శరణంటూ విడవకు అయ్యప్ప పాదం

 2. సంపదల నిమ్మని అడగకు 

ఆపదల్లొ రమ్మని కోరకు 

స్వామిపదములు గట్టిగ పట్టుకో 

పరమ పదమును పట్టుగ పట్టుకో 

3. దీక్ష లక్ష్యం ఒక్కటే 

మోక్ష మార్గం పట్టుటే 

మాలను మెడదాల్చి నియమాల పాటించు 

భవబంధ పంబను అయ్యప్పనె దాటించు

https://youtu.be/iVEWQOpKTcY

నిను తలచుకుంటే సాయి
బ్రతుకంత హాయి హాయి
నిను కొలుచుకుంటే సాయి
కొదవన్నదే లేదోయి
సాయి రామయ్యా-సౌఖ్యమీవయ్యా
సాయి రామయ్యా-శాంతినీవయ్యా

1. దత్తావతారము నీవేనులే
మాణిక్యప్రభువన్న నీవేనులే
పండరిపురి లోని విఠలుడవీవేలె
పుట్టపర్తిలోని సత్యసాయి నీవేలె
సాయి రామయ్యా-దారి చూపయ్యా
సాయి రామయ్యా-దరికి జేర్చవయా

2. శ్రద్ధ-ఓరిమి నీ సూక్తులు
శాంతి ప్రేమలు నీబోధలు
దీనులు ఆర్తులు నీ భక్తులు
మహిమాన్వితములు నీ గాధలు
సాయి రామయ్యా-జ్ఞాన మీయవయా
సాయి రామయ్యా-ధ్యానము నీయవయా

సుఖమేలరా ఓ నరుడా
ఈ నశ్వర దేహానికి
1. పాలు మీగడల పోసిపెంచేవు
పంచ భక్ష్యాల ఆరగించేవు
జిట్టెడు పొట్టకు పట్టెడు చాలుర
పుట్టేడు నీకేలరా
2. మిద్దెలు మేడలు కట్టించేవు
ఆస్తులు జాస్తిగ కూడబెట్టేవు
ఆరడుగుల అవనియె చాలుర
జగమంతా ఏలరా
3. వేసవిలోనా ఖద్దరు గుడ్డలు
శీతాకాలం ఉన్ని దుస్తులు
రగిలే చితిలో రక్షించదేదీ
దేహచింతేలరా
4. శాశ్వతమంటే హరిపాదసేవే
సౌఖ్యమంటే హరి నామగానమె
క్షణభంగురమీ ఇహలోక చింతన
కైవల్య గతి సాగరా ఓ నరుడా
నీ కష్టాలు కడతేరురా

మల్లెలు విరిసే వేళ
వెన్నెల కురిసే వేళ
నాచెలి రాలేదేల
నను మురిపించే బాల
1. గుసగుస లాడ పొద ఉంది
గుబులును దీర్చ ఎద ఉంది
నాచెలి రాలేదేల
నను మురిపించే బాల
2. కన్నులు కాయలు కాచే
క్షణమే యుగమై తోచే
నాచెలి రాలేదేల
నను మురిపించే బాల
3. చెలిలేనీ నిశీధి వృధా
చెలి సన్నిధినే కోరితిసదా
నా చెలి రాదేమీ వేళా
నాలోరేగే హిమజ్వాలా

పెదవి పలవరించెనే
కనులు కలతచెందెనే
తనువులోని అణువణువు నీకై తపియించెనే-పరితపించెనే
1. గున్నమావి చిగురించెనే
సన్నజాజి విరిసెనే
తోటలోని పరిమళాలు
నిన్నుజేర పరువెట్టెనే
2. సంధ్య కాస్తా కనుమరుగాయే
చుక్కలొక టొకటొచ్చి జేరే
నింగిలోనా చందమామా
తొంగి తొంగి చూసెనే
3. కోయిలపాడుతు రమ్మనెనే
కాలము ఆగను పొమ్మనెనే
కొండవాగు నిన్ను వెదక
వడివడిగా సాగెనే

OK

https://youtu.be/iKizMV4btkg?si=DMb-zeN-m7VhR-5Q

చలికి తట్టుకోలేను ఆకలికి తాళలేను 

చేయగ నా తరమా నీ దీక్ష నిష్ఠగా 

చేయించే భారం నీదే - స్వామి అయ్యప్పా-శరణమయ్యప్పా 

1. సూర్యోదయ పూర్వమే నిద్రలేవ నావశమా 

సుప్రభాత గీతి పాడి నన్ను మేలుకొలుపు సుమా 

చన్నీళ్ళతొ తలస్నానం-జివ్వుమంటుంది ప్రాణం 

హైమవతీ తనయ స్వామీ –అయ్యప్పా నీవే శరణం-అయ్యప్పానీవే శరణం 

2. శ్లోకాలూ స్తోత్రాలూ పలుకలేను స్వామీ 

శరణుఘోష ఒక్కటే నోరారా చేతునయా 

పడిపూజలు నీ భజనలు వీలవడం లేదయ్యా 

మదిలో నీ నామ స్మరణ మరువనులే అయ్యప్పా- మరువనులే అయ్యప్పా 

3. పాపిష్టివి నా కళ్ళు-కోపిష్టిది నానోరు 

భ్రష్టమైన చక్షువులు-నికృష్టపు చిత్తము 

తప్పించర భవ చెఱనిక స్వామీ హే భూతనాథ 

భవతనయా తవ దర్శన అనుభవమే కలిగించు- అనుభవమే కలిగించు 

4. అడుగుతీసి అడుగైనా వేయలేను నేను 

పాదరక్షలే లేక కదపలేను మేను 

పెద్ద పాదమార్గమతి కష్టంబట కద స్వామీ 

చేయి పట్టి నడిపించి శబరి చేర్చరావేమి-నీ చెంత జేర్చుకో స్వామీ

https://youtu.be/YzOEAevisWI?si=SKU19cSqZwi_sfSW

సంధ్యానటా,గంగాఝటా
హే చంద్ర మౌళీ , హే శూలపాణీ
హరహరహర శంభో శివ శంకరా
మొరవిని రావేరా భక్త వశంకరా

మొరవిని రావేరా భక్తవ శంకరా

సంధ్యానటా,గంగాఝటా
హే చంద్ర మౌళీ , హే శూలపాణీ
హరహరహర శంభో శివ శంకరా
మొరవిని రావేరా భక్త వశంకరా

మొరవిని రావేరా భక్తవ శంకరా

దక్షిణోరువు మీద గణపతి స్వామీ
కొలువుండగ విఘ్నాలు హరియించవా
వామాంకస్థితమైన గౌరీదేవీ
దరినుండగ విజయాలు వరియించవా 
త్రిపురాసుర సంహారా పురహర పాహీ
రతిపతినే దహియించిన త్రినేత్ర దేహీ

సంధ్యానటా,గంగాఝటా
హే చంద్ర మౌళీ , హే శూలపాణీ
హరహరహర శంభో శివ శంకరా
మొరవిని రావేరా భక్త వశంకరా

మొరవిని రావేరా భక్తవ శంకరా

కిరాతుని వేషమున గర్వము నణచి
పార్థుడికిల పాశుపతము నీయలేదా 
వీరభద్రుడివై రుద్ర నర్తన జేసీ
దక్షయజ్ఞము భగ్నము చేయలేదా 
కరుణతోడ వరములిచ్చే భోలా శంకరా దేహీ
క్రమత నడిపి మోక్షమిచ్చే ప్రణవ శంకరా పాహీ

సంధ్యానటా,గంగాఝటా

హే చంద్ర మౌళీ , హే శూలపాణీ

హరహరహర శంభో శివ శంకరా

మొరవిని రావేరా భక్త వశంకరా

మొరవిని రావేరా భక్తవ శంకరా

OK

https://youtu.be/6xXqmh2r-Qs

తారక మంత్రం సాయీరాం సాయీరాం
త్వమేవ శరణం సాయీరాం సాయీరాం
సర్వాంతర్యామి సాయీరాం
కరుణాంతరంగా సాయీరాం

1. క్షణమైన నీ మీద మది నిలుపకున్నాను
ఇహలోక చింతన నే వదలకున్నాను
నీ యోగ సాధన సాధింపకున్నాను
నా భారమంతా నీదేనన్నాను

2. కలియుగమిది సాయి తపమెరుగలేను
కల్లా కపటము మానగ లేను 
పరోపకారినని బొంకగలేను
నీ నామ జపమొకటె ఎరిగితి నేను

3. ధ్రువుడిని బ్రోవగ శ్రీహరి వైనావు
ప్రహ్లాదునిగావగా నరహరి వైనావు
పిలిచిన పలికే హే షిర్డీశా
నను దయగనవేల శ్రీ సాయినాథా

OK

అపజయమే నాకు నేస్తం
అవమానమే నాకు ప్రాణం
విషాదమే నా ముద్దుపేరు
ఆవేదనే నా పుట్టినూరు
1. ఆపదలు నా ఆప్త మిత్రులు
దారిద్ర్యం నా దగ్గరి చుట్టం
కన్నీళ్ళతో గాని తీరదు నా దాహం
రుధిరంతో నాకుపశమనం
2. వంచనే నాకు జనమిచ్చే బహుమానం
మౌనమే నేను పంచె అభిమానం
జీవితం నాకడుగడుగున ఒకరణం
శాశ్వతం నాకగత్యం మరణం

OK

ఈ ఉదయం గులాబి నీ కోసం విరిసింది 

నీ జడలో మెరవాలని పరితపించి పోతోంది

ఈ ఉదయం గులాబి నీ కోసం విరిసింది 

నీ జడలో మెరవాలని పరితపించి పోతోంది

తూరుపునా నీబుగ్గా ఎరుపెక్కిందెందుకో 

నన్నుచూడగానే సిగ్గుముంచుకొచ్చిందో 

తొంగి చూశావేమో నీ తిలకం కనిపైంచింది 

గొంతువిప్పావేమో భూపాలం వినిపించింది 

ఈ ఉదయం గులాబి నీ కోసం విరిసింది 

నీ జడలో మెరవాలని పరితపించి పోతోంది

నా పైనా నీ ప్రేమా మంచుబిందువయ్యింది 

కాలందొంగాటకు తామరాకుపై నిలిచింది 

నీ కిరణమే మన ప్రేమకారణం 

నీ కరుణయే నాకిక శరణం

ఈ ఉదయం గులాబి నీ కోసం విరిసింది 

నీ జడలో మెరవాలని పరితపించి పోతోంది

ఈ ఉదయం గులాబి నీ కోసం విరిసింది 

నీ జడలో మెరవాలని పరితపించి పోతోంది

OK

నిన్నే నిన్నే వేడుకొందు శరణమయ్యప్పా-

స్వామి శరణమయ్యప్పా 

శబరిగిరిని చేరుకొందు కావు మయ్యప్పా-

నను కావుమయ్యప్పా

నిన్నే నిన్నే వేడుకొందు శరణమయ్యప్పా-

స్వామి శరణమయ్యప్పా 

శబరిగిరిని చేరుకొందు కావు మయ్యప్పా-

నను కావుమయ్యప్పా

కన్నూ మిన్నూ కానకుంటి- శరణమయ్యప్పా పాపపుణ్యమెంచకుంటి-కావుమయ్యప్పా 

మధు మాంసం వీడకుంటి శరణమయ్యప్పా 

నన్ను కడతేర్చే భారమింక నీదే అయ్యప్పా 

నిన్నే నిన్నే వేడుకొందు శరణమయ్యప్పా-

స్వామి శరణమయ్యప్పా 

శబరిగిరిని చేరుకొందు కావు మయ్యప్పా-

నను కావుమయ్యప్పా

ధనదాహం మరువనైతి- శరణమయ్యప్పా 

వ్యామోహం విడువనైతి కావుమయ్యప్పా 

మదినీపై నిలుపనైతి శరణమయ్యప్పా

కలుషితమెడ బాపి నన్ను కావుమయ్యప్పా 

నిన్నే నిన్నే వేడుకొందు శరణమయ్యప్పా-

స్వామి శరణమయ్యప్పా 

శబరిగిరిని చేరుకొందు కావు మయ్యప్పా-

నను కావుమయ్యప్పా

కామానికి దాసుణ్నైతి శరణమయ్యప్పా 

వ్యసనానికి బానిసైతి కావుమయ్యప్పా 

అన్యధా శరణం నాస్తి శరణమయ్యప్పా 

వ్రతదీక్ష పరిసమాప్తి జేయుమయ్యప్పా

నిన్నే నిన్నే వేడుకొందు శరణమయ్యప్పా-

స్వామి శరణమయ్యప్పా 

శబరిగిరిని చేరుకొందు కావు మయ్యప్పా-

నను కావుమయ్యప్పా

https://youtu.be/YHzObMbiZqQ

సాటి మనిషితో ప్రియ భాషణలే సాయీ స్తోత్రాలు
జీవకోటిపై ప్రేమాదరణలె బాబా సూత్రాలు
మానవత్వము స్నేహతత్వము ముక్తికి మార్గాలు
దయకురిపించే మంచి మనసులే భువిలో స్వర్గాలు
నిండాలీ ఈ బావనలే ఎదఎద నిండా
ఉండాలీ బాబా దీవెన బ్రతుకులు పండ
షిర్డీశునీ దివ్య చరణాలే శరణమంటా

1. స్వార్థం ఎంతనర్థం-పతనమగునీ జీవితం
అర్థం ఎంత వ్యర్థం-కాదు నీకు శాశ్వతం
ద్వేషం పెంచుకోకు-పెంచుకోకు పంతము
మోసం చేసుకోకు –నిన్ను నీవే నేస్తము
వెలిగించుకో ప్రేమ దీపాలు నీ ముంగిట
చిత్రించుకో సాయి రూపాలు నీ గుండెన

2. మోహం వింత దాహం-తీరి పోదు ఎప్పుడు
రాగం దీర్ఘ రోగం- మానిపోదు ఎన్నడు
కామం బ్రతుకు క్షామం-చేసిపోయే గ్రీష్మము
కోపం నీకు శాపం-తెలుసుకో ఈ సూక్ష్మము
చే జార్చకు అతి విలువైందిలే కాలము
కడతేర్చులే సాయీ శరణంటె భవసాగరం

OK

https://youtu.be/W3egBBIo5Z4

రామ భజనము సేయవే మనసా
శ్రీ రామ పాదమె శరణు నీ కెపుడు తెలుసా

1. శివ ధనస్సును చిటికెలో విరిచేసినా రఘురాముడు
తల్లిజానకి తనువులో సగమైన సీతా రాముడు
తండ్రిమాటను తలపునైన జవదాటనీ గుణధాముడు
ఇహములోనా సౌఖ్యమిచ్చే-పరములో సాయుజ్యమిచ్చే ||రామ భజనము||

2. త్యాగరాజుకు రాగమిచ్చిన సంగీతరాజ్య లోలుడు
రామదాసుకు యోగమిచ్చిన భద్రగిరి శ్రీ రాముడు
కొంగుసాచిన చింతదీర్చే ఆర్తజన పరిపాలుడు
అన్నకొద్దీ అఘము బాపే-విన్నకొద్దీ శుభములొసగే ||రామ భజనము||

తెల్లనివన్నీ పాలనుకొన్నాను
నల్లనివన్నీ నీళ్ళనుకొన్నాను
వంచనకే నిలయమైన ఈ లోకంలో

ఎక్కడుంది ఎక్కడుంది ఎక్కడుంది మంచితనం
1. తోడేళ్ళను నమ్ముకున్న మేకపిల్లనయ్యాను
పులినోట్లో తల దూర్చిన ఆవుదూడనయ్యాను
కసాయి మాటలకే పరవశించిపోయాను
కత్తుల కౌగిళ్ళలో పులకరించి పోయాను

2. అపకారం అసలెరుగని అమాయకుడనే
నిజాయితిని ఆశ్రయించె సగటు మనిషినే
మంచితనం మనసుల్లో ఇంత కుళ్ళిపోయిందా
నీతిగుణం మనుషుల్లో వ్యభిచారిగ మారిందా

https://youtu.be/HxDPwYZqtHI?si=TNspJOdFrxZheXhl

ఎందుకో ఎందుకో
నాఎద పులకించి పాడింది ఈ వేళలో

1. అంతరాలలో దాగిన పాట
నా అనుభూతులు నిండిన పాట
వెల్లువలా పెల్లుబికీ-ఉప్పెనలా ఉప్పొంగీ
చెలియలి కట్ట దాటింది ఈ గీతమూ

2. మనసూ మనసూ కలిసిన వేళా
మమతల మల్లెలు విరిసినవేళా
అందమే ఆనందమై-ఆనందమే ఆవేశమై
ఉరకలు వేసింది ఈనాడు మది ఎందుకో

3. ఆశలు అవనిని విడిచిన వేళా
కోరిక నింగిలొ నిలిచిన వేళా
గగనమే గమ్యమై-గమ్యమే రమ్యమై
పరుగులు తీసింది ఈనాడు మది ఎందుకో

https://youtu.be/7ggogQgPnZc?si=4hN4sEyYLmIfZnCn

నడిచే వాడెవడో శబరికి నడిపించే వాడెవడో 

చేరే వాడెవడో సన్నిధానం చేర్చే వాడెవడో 

ఏ నయనాలో తిలకించు మకరజ్యోతిని తనివిదీరా 

ఏ హృదయాలో పులకించు అయ్యప్ప నిను గని మనసారా 

1. కష్టములే అంతరించే కాలమే వచ్చెనో 

స్వామి దీక్ష గైకొనుటకు మనసందుకే మెచ్చెనో 

అఖిలాండకోటి బ్రహ్మాండనాయక స్వామీ అయ్యప్పా 

అంతరార్థము నేనెరుగను తండ్రీ శరణం అయ్యప్పా 

2. ఋషులకు మునులకైన సాధ్యమా 

ప్రభు – నీ పరీక్షలు గ్రెలువగను 

మామూలు మానవుణ్ణి-అజ్ఞాన పామరుణ్ణి- 

నేనెంతవాణ్ణి నిను తెలువగను 

హరిహర తనయా-ఆపద్భాంధవ- స్వామీ అయ్యప్పా

 విల్లాలి వీర వీరమణికంఠ-శరణం అయ్యప్పా 

3. శరణు ఘోష ఒక్కటే తెలిసింది నాకు స్వామీ అయ్యప్పా మరణకాలమందైన కరుణించవయ్యా-శరణం అయ్యప్పా పదునెట్టాంబడి యధిపతి స్వామీ శరణం అయ్యప్పా 

వన్ పులి వాహన మహిషీ మర్ధన స్వామీ అయ్యప్పా

https://youtu.be/_mpc4BiZ1kE?si=Y0n8rRVgBNSwdRJq

దూరం చేయకు బాబా-మా భారం నీదే కాదా
నేరములెంచకు బాబా-సన్మార్గము చూపగ రావా

1. మా వూరే షిర్డీ పురమవగా
ఈ మందిరమే ద్వారకగా
కొలువైతివిగా ఇలవేలుపుగా
చింతలు దీర్చే చింతామణిగా
కనిపించే దైవం నీవే బాబా
కరుణించే తండ్రివీవె బాబా

2. నీవే గురువని నమ్మినవారం
నీ గుడికొస్తిమి ప్రతి గురువారం
మోసితిమిఛ్ఛతొ పల్లకి భారం
ధన్యులె కారా నీ పరివారం
నీ కన్నుల వెన్నెల హాయి
నీ నవ్వులె మధురం సాయి

3. కోపానికి కోరిక మూలం
అర్థానికి ఆశాంతి అర్థం
ఇల జనులందరు నీ ప్రతి రూపం
మానవతే నీ బోధల సారం
శరణం సాయి నీ చరణం
నీ చరణం భవ పాప హరణం

OK

రామా నీదింతటి కఠిన హృదయమా
మొలచిన మొలకను పెరకుట న్యాయమా
1. మోళ్ళైన పూవులు పూచేను రామా
రాళ్ళైన రాగాలు పలికేను రామా
ఎడారి దారుల సెలయేరు పారినా
ఎంతకు కరుగని నీ ఎడద మారునా
2. ఆశలు చూపి ఆర్తిని రేపి
చింతలేని నా చిత్తము చెఱచి
నడిసంద్రములో నన్నొదిలివేసి
ఆనందించుట అభినందనీయమా
3. కన్నుల మాయను కప్పేస్తావు
రంగుల కలలే రప్పిస్తావు
కలలు కల్లలై కలవర పడితే
తెరలు తెరలుగా నవ్వేస్తావు

https://youtu.be/uOKoPnrF68w?si=u5ThSQ2_tacYgVfj

తలపండి పోయింది
తలపెండి పోయింది
బ్రతుకంత బాధల్లోనే
అణగారి పోయింది-శిథిలంగ మారింది

1. కలలాగ కరిగింది
కన్నీరు మిగిలింది
రేయంత ఊహల్లోనే
తెల్లారి పోయింది-చల్లారి పోయింది

2. మనసు మసి బారింది
భవిత తెర జారింది
వాసంత మాసంలోనే
చిగురాకు రాలింది-శీతాగ్ని రగిలింది

3. రేవతి నా రాగం కాగా
వేదన నా వేదం కాగా
నీ జీవన వేణువు మీద
విషాదమే ఒలికింది-విరాగమే పలికింది

వేణువునై నీకై వేచేనురా
యమునా నదినై ఎదురు చూసేనురా
రారా కృష్ణా- రారా కృష్ణా రారా రారా రావేర కృష్ణయ్యా
ఈ జాగేలరా కృష్ణయ్యా

1. నెమలి పింఛమునై నీ శిఖలో నిలవాలని
కస్తూరి తిలకమునై నీ నుదుట మెరవాలని
నీలి వర్ణమునై నీ దేహాన్ని నిమరాలని
నేకన్న తీపి కలలు కల్లలు చేయకురా ||రారా కృష్ణా||

2. ఒక రాధ ఎదలో కొలువై యున్నావు
ఒక మీరా మదిలో నెలకొని యున్నావు
ఒక కుబ్జ పాలిటి వరము నీవైనావు
ఈ దీనురాలి మొరనే వినకున్నావు

3. చిరుగాలికెరుకా నావిరహ వేదన
మరుమల్లికే తెలుసు నావయసు తపన
వెన్నెలకే ఎరుకా నా నిట్టూర్పుల వేడిమి
సర్వాంతర్యామి నను నీవెరుగకున్నావా

OK

స్వామిశరణం స్వామిశరణం-శబరిగిరి అయ్యప్ప శరణం స్వామిశరణం స్వామిశరణం-కాంతిమల మణికంఠ శరణం

 1. విఘ్నేశ్వర స్వామి శరణం- స్వామిశరణం స్వామిశరణం పళనిమల శ్రీ సుబ్రహ్మణ్య- స్వామిశరణం స్వామిశరణం 

కొండగట్టు ఆంజనేయ- స్వామిశరణం స్వామిశరణం 

ధర్మపురి శ్రీ నారసింహ- స్వామిశరణం స్వామిశరణం 

2. ఏడుకొండల వేంకటేశ్వర- స్వామిశరణం స్వామిశరణం 

గూడెం సత్యనారాయణ- స్వామిశరణం స్వామిశరణం

 మంత్రాలయ రాఘవేంద్ర- స్వామిశరణం స్వామిశరణం 

శ్రీశైల మల్లిఖార్జున- స్వామిశరణం స్వామిశరణం 

3. వేములవాడ రాజేశ్వర- స్వామిశరణం స్వామిశరణం 

భద్రగిరి శ్రీ రామచంద్ర- స్వామిశరణం స్వామిశరణం 

గురువాయూర్ శ్రీ కృష్ణమూర్తి- స్వామిశరణం స్వామిశరణం ద్వారకామయి సాయిబాబా- స్వామిశరణం స్వామిశరణం

https://youtu.be/hvo_uKqcEaQ?si=ASxe4UtDg0CuHuUJ

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:తోడి

రావేరా షిరిడీ సాయినాథా-హే దీనబాంధవా
మా ఆర్తిబాపవేరా-ఓ ప్రేమ సింధువా –దేవా

1. తిరుగలితో గోధుమలు విసిరి-మహమ్మారిని మాపితివి
బూడిదతో కోరిన దొసగి-నీ మహిమలు చూపితివి

2. శిథిలమ్మగు మసీదె కాదా- నీ నివాస మందిరము
దయామృతం కురిసే నీ- నయనమ్ములె సుందరము

3. దీనులె కద నీ బంధువులు-ఆర్తులె కద నీకతి ప్రియులు
మనసారా నిను నమ్మితిమి-మముగాచే దైవం నీవని

4. కన్నీళ్ళతొ నీ పాదములే-నే కడిగితి షిర్డీశా
కరుణించగ జాగేలా-ద్వారకామయివాసా

https://youtu.be/OHL1FJzOI1E

శంభో శంకరా-గంగాధర హర
మొరవిని రావేరా-పరాత్పరా
వరములనీవేరా

1. సాటి మనిషి పైన మనిషికెందుకింత కక్ష
దీనజనులకేనాటికి నీవేకద రక్ష
గెలవలేరు ఎవ్వరు నీ వింత పరీక్ష
కరుణతోడ ప్రసాదించు విజ్ఞాన భిక్ష

2. ఆవేశం మా పాలిటి అతి ఘోర శాపం
కోపం మే చేసుకొన్న గతజన్మ పాపం
విశ్వజనీనమైన ప్రేమ నీ స్వరూపం
దర్శింతుము వెలిగించుము సుజ్ఞాన దీపం

OK

మనసే ఎగసే కడలి తరంగం
బ్రతుకే మ్రోగే మరణ మృదంగం
విధి ప్రియమైనది విషాదరాగం
అది చేయునులే విషమ ప్రయోగం
1. జగమే మనిషికి ఒక రణరంగం
ఆశే మనిషికి కదనతురంగం
ప్రయత్నమే తన విక్రమ ఖడ్గం
ఫలితం విజయమె వీరస్వర్గం
2. ప్రేమే మనిషికి ఒక ఆకర్షణ
పెళ్ళే మనిషికి ఒక సంఘర్షణ
కట్టుబాట్లతో నిత్యం ఘర్షణ
జీవితమే ఆవేదన కర్పణ

OK

జీవితం ప్రేమమయ గీతము
పాడుకోవాలి ప్రతి ఒక్కరం
జీవితం వేదనా సాగరం
నవ్వుతూ చేరవలె తీరము

జీవితం మధుర స్వప్నము
దాచుకోవాలి ప్రతి హృదయము
జీవితం తీరని దాహము
తీర్చు’నది’ ఒకటె అది స్నేహము

జీవితం ప్రేమమయ గీతము
పాడుకోవాలి ప్రతి ఒక్కరం
జీవితం వేదనా సాగరం
నవ్వుతూ చేరవలె తీరము

జీవితం ఒక చదరంగము
ఆడిగెలవాలి ఆసాంతము
జీవితం అద్భుత పుస్తకం
చదివి తీరాలి ప్రతి అక్షరం

జీవితం ప్రేమమయ గీతము
పాడుకోవాలి ప్రతి ఒక్కరం
జీవితం వేదనా సాగరం
నవ్వుతూ చేరవలె తీరము

జీవితం ముద్ద మందారము
గ్రోలితీరాలి మకరందము
జీవితం సాహస భరితము
పొందితీరాలి ప్రతి అనుభవం

జీవితం ప్రేమమయ గీతము
పాడుకోవాలి ప్రతి ఒక్కరం
జీవితం వేదనా సాగరం
నవ్వుతూ చేరవలె తీరము

జీవితం ఒక సందేహము
దొరకదెపుడూ సమాధానము
జీవితం ఒక విద్యాలయం
నేర్చుకోవాలి ప్రతి పాఠము-గుణపాఠము

జీవితం ప్రేమమయ గీతము
పాడుకోవాలి ప్రతి ఒక్కరం
జీవితం వేదనా సాగరం
నవ్వుతూ చేరవలె తీరము

OK

చిత్తములో అయ్యప్పా-స్థిరవాసం ఉండిపోతే 

మనసంతా ఓ మణికంఠా-నీవే మరి నిండిపోతే 

తావేది నీచపు యోచనకు-చోటేది వక్రపు భావనకు

శరణం శరణం అయ్యప్పా-స్వామిశరణం అయ్యప్పా

 1. సుందరమైన నీరూపం-మా కన్నుల కెప్పుడు చూపిస్తే మధురంబైన నీ నామం-మా నోటివెంట నువు పలికిస్తే 

తావేది నీచపు దృశ్యాలకు-చోటేది వక్రపు భాష్యాలకు 

2. శ్రావ్యంబైన నీ గానం-మా వీనులకెప్పుడు వినిపిస్తే

 దివ్యమైన నీ మార్గం-మా తోడుండీ నువు నడిపిస్తే 

తావేది నీచపు వాదాలకు-చోటేది వక్రపు దారులకు 

3. నీ పూజలు చేయుటకొరకే-మా కరముల వినియోగిస్తే 

నీ ప్రసాద భక్షణ కొరకై-మా నాలుక నుపయోగిస్తే 

తావేది పాపపు కృత్యాలకు-చోటేది దోషపు వ్యాఖ్యలకు

https://youtu.be/voCKY24dR_E?si=Hr6LWgGc3xCETYWC

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం : భీంపలాస్

అమృతంబే సాయి నీ పాదతీర్థం
ఔషదంబే సాయినీ దివ్య ప్రసాదం
మంత్రముగ్ధమె సాయి నీ భవ్య వీక్షణం
ముగ్ధమోహనమె సాయి నీ మందహాసం

1. షిర్డీ పురమే అపర వైకుంఠం
శ్రీ సాయినాథ నీవే పరమాత్మ రూపం
శిథిల ద్వారక మాయి భూలోక స్వర్గం
నీ పాద సేవయె కైవల్య మార్గం

2. నిను స్మరియిస్తే జన్మ చరితార్థం
నిను దర్శిస్తే జన్మ రాహిత్యం
నిన్ను కీర్తిస్తే సాయి సచ్చిదానందం
ప్రార్థిస్తె చాలు సాయి నువు సాక్షాత్కారం

https://youtu.be/C4v7YcLyxXs?si=jbn9FvmBm7eNvLnC

నా ఎదనే పగిలిన శిల్పం
నే బ్రతికీ ఏమిలాభం
నా మనసే తెగిన పతంగం
ఇక భవితే నాకు శూన్యం

1. చీకటిలో నీ దారి కొరకు
వెలిగించా నాదు హృదయం
నువు గమ్యం చేరు వరకు
అర్పించా నీకు సకలం
నువు లేక వృధా ఈ లోకం
ఇక ఎన్నున్నా ఏమి లాభం

2. అందరాని చందమామా
కనులముందు ఉంటె నరకం
పొందలేని అందమంతా

కెలుకుతోంది గుండె శోకం
చేజారె సదవకాశం
ఇక వగచీ ఏమి లాభం

కలువలు నీ కన్నులలో కాపురం చేయునా
మల్లెలు నీ నవ్వులలో మనుగడ సాగించునా
సంపెంగా మురిపెంగా నాసికగా మారెనా
జగతిలోని ప్రతి అందం నీ రూపున నిలిచెనా
1. నా ఊహకు నీవే ఊపిరివైనావు
నా ఆశకు నీవే ప్రాణం పోశావు
నా హృదయపు కోవెలలో దేవతవైనావు
అనురాగ సామ్రాజ్యపు మహరాణివి నీవు
2. కనులముందు నీవుంటే కవిత పారదా
పెదవివిప్పి పలికితే పికము పాటఅవదా
నీవలపే నూరేళ్ళూ నను బ్రతికించు
నీ తలపే పదిజన్మల కనుభూతిగ మిగులు

https://youtu.be/wnNoP-D8zm0

నిన్ను మించిన అందమేదీ - లేనె లేదులె సాయిరాం 

నీ సేవ కన్నా సౌఖ్యమన్నది-వేరెలేదులె సాయిరాం 

1. వాడితే వసివాడిపోయే-పూలదా సౌందర్యము 

తాగితే రుచి తరిగిపోయే-తేనెదా మాధుర్యము 

చూపుమరలదు వేళ తెలియదు సాయి నీ సందర్శనం 

నోరునొవ్వదు తనివి తీరదు-సాయి నీ సంకీర్తనం 

2. వరదలైతే వరదలవనీ నదులదా సేవాగుణం 

ఘనములయ్యీ జగమునంతకు గగనమయ్యేవా ఘనం 

దారితప్పిన వారినైనా చేరదీసే అమ్మఒడి షిర్డీపురం 

కోరికొలిచే వారికీ కొంగుబంగారమే సాయి నీ అవతారం

Ok

OK

శబరిమలై నిలయా-శివకేశవ తనయా 

శరణమయా-శరణమయా స్వామీ అయ్యప్పా

శబరిమలై నిలయా-శివకేశవ తనయా 

శరణమయా-శరణమయా స్వామీ అయ్యప్పా

ఇరుముడి నిడి తలపై-

తరలగ నీ గిరికై 

తరించగమే-అవతరించెదవే 

మకరజ్యోతివి నీవై

శబరిమలై నిలయా-శివకేశవ తనయా 

శరణమయా-శరణమయా స్వామీ అయ్యప్పా

నలభయ్యొక్క రోజులు-

కఠినదీక్షను బూనుకొని 

జపించెదము-భజించెదము 

నీ నామ గానామృతాలే

శబరిమలై నిలయా-శివకేశవ తనయా 

శరణమయా-శరణమయా స్వామీ అయ్యప్పా

మదినే కబళించే-అరిషడ్వర్గాల 

జయించగ మా ఆత్మ-బలమ్మును పెంచగ 

వరంబుల నొసగవయా

శబరిమలై నిలయా-శివకేశవ తనయా 

శరణమయా-శరణమయా స్వామీ అయ్యప్పా

మరతునో ఏమో మహేశా
నిను మది తలతునో లేదో
భవసాగరమున మునకలు వేయుచు
భవ బంధమ్ముల పెనుగులాడుచు
1. నా ఆత్మ లింగమై దేహాన నిలిచి
నిత్యాభిషేకాలు చేయించుకో
నాహృదయ నాదమై నూరేళ్ళు పలికి
ఢమరుకా రావాలు మ్రోయించుకో
2. అంతర్మధనలొ ఆవేదనలో
హాలాహలమ్మును దిగమింగుకో
చిరుచిరు హర్షాల సిరిసిరి మువ్వల
ఆనంద నాట్యాల నర్తించుకో
3. పలికే పలుకుల సద్వాగ్రూపమై
వేదాంత సారాల వచియించుకో
తలచే తలపుల నీ స్మృతి చిహ్నమై
విజ్ఞాన దీపాల వెలిగించుకో

ఏదీ ఆనాటి ఆ వైభవం
ఆనంద మతిశయిల్లు సంతోషము
అనురాగ సమ్మోహ సంయోగము
ఏదీ నాఎడద సంగీతము
నా మావితోపున వసంతము
మైమరచిపాడుకోయిలగానము

1. ఎటుచూసినా గాని చితి మంటలు
ఎడబాటు బలిగొన్న యువజంటలు
కన్నీరు ఇంకినట్టి కనుల కొలనులు
వసివాడిపోయిన ప్రణయ కలువలు

2. తల పండి పోయిన పసికూనలు
వలపన్నదే లేని జనఘోషలు
జీవిత పరమార్థం వ్యర్థమైతే
లేదు మనిషి జన్మకే సార్థకత

ఒకమౌనం పలికింది
ఒక మోడు చిగురించింది
హృదయవీణ మీటగానే
ప్రణయరాగ మొలికింది

1. ఆనందం తొలకరి జల్లై
అవని ఎదలొ కురిసింది
అనురాగం సిరిమల్లికయై
అమర సుధలు చిలికింది

2. ఎడారిలో గులాబి పూచింది
తిమిరంలో వెన్నెల కురిసింది
ప్రేమ పిపాసి దాహాన్నీ
చెలి అమృతమై తీర్చింది

స్వామి గీతం పాడుదాం-స్వామీ శరణని వేడుదాం
స్వామితింతక తోంతోమని-మేనుమరచి ఆడుదాం
1. మొద్దు నిద్దుర వదిలేద్దాం-పొద్దుపొద్దున నేలేద్దాం
చన్నీటితో స్నానం-సరదాపడి చేసేద్దాం
2. నల్లబట్టలనే కడదాం-ఒళ్ళంతా విభూతి పూద్దాం
నుదురు గంధం కుంకుమతో-అందంగా అలంకరిద్దాం
3. ఇరు సంధ్యల్లో స్వామిని-మనసారా పూజిద్దాం
పలుమార్లు శరణుఘోష-నోరారా చేసేద్దాం
4. ఒక్కపూటనే తిందాం-రుచి సంగతి వదిలేద్దాం
భుక్తాయాసమన్న మాట-మనకెందుకు వదిలేద్దాం
5. నేలపైనే నిద్దుర పోదాం-పాదరక్షలే వదిలేద్దాం
మాలవున్న మండలకాలం-నియమాలకు బంధీలవుదాం
6. ఎదురైన ప్రతి స్వామిని-స్వామి శరణని పలుకరిద్దాం
గురుస్వాములందరికి-చేతనైన సేవలు చేద్దాం
7. ఐదు పూజలైనా చూద్దాం-ఐదు భిక్షలైనా చేద్దాం
స్వాములైదుగురికైనా-భిక్షను ఏర్పాటుచేద్దాం
దీక్షను పరిపూర్తి చేద్దాం

https://youtu.be/Gd9fSPVT34k

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:శుద్ధ ధన్యాసి(ఉదయ రవి చంద్రిక)

బండరాయి ఇష్టమైతె సాయి
నా గుండెకాయ మీద కూర్చుండవోయీ
ద్వారకామాయి ఏల సాయీ
నాహృదయమూ శిథిలమైనదేనోయి

1. ఆడుకొన నీకు నేను పసివాడనేనోయి
మేన దాల్చుకఫ్నీగ నా చిత్తముందోయి
నా ఇంద్రియాలతొ కొలువుదీరు బోధించడానికి
నా శత్రువులార్గురితో చేయి పోరు జయించడానికి

2. నా జీవిత పాత్ర నీకిస్తా బిచ్చమెత్తడానికి
నా ఆశలజోలె నీకిస్తా నిండిపోదు ఎన్నటికీ
నీటికింక కరువు లేదు కన్నీటి చెరువులున్నయ్
నిదురించ బెదురు లేదు వేదనల పరుపులున్నయ్

https://youtu.be/wYJfz8WdYRU?si=jkWZgC6sltzibh_r

టెంకాయ కొట్టి వెంకయ్య నిన్నే సేవించుకోవాలి
చేతులెత్తిమొక్కి మనసార నిన్నే వేడుకోవాలి
సాయి గణపతి నీపై మనసాయే గణపతి
హాయి గణపతి నీనామం నీవే నాగతి

1. గుండెగుండెలో నీ దివ్య రూపం నిలుపుకోవాలి
గొంతుగొంతూ నీనామగానం వంత పాడాలి
వాడవాడలో నీభక్తి గీతాలు మారుమ్రోగాలి
జగమంత నీ చవితి సంబరాలే జరుపుకోవాలి

2. సంసారకూపం బహుజన్మపాపం సంగతి మరిచేము
మిడిమిడిజ్ఞానం మెట్టవేదాంతం పాఠాలు నేర్చేము
విభూతి గంధం కాషాయ వస్త్రం వేషాలు వేసేము
నిజమైన తత్వం నీ పరమార్థం తెలియకున్నాము

ఒక నిమిషం జననం
మరునిమిషం మరణం
రెంటిమధ్య నలిగే ఏమిటి ఈజీవితం
ఏమిటీ జీవితం
1. వేసిన ఆ స్వర్గానికి పలు నిచ్చెనలు
కూలిన ఈ అనుభవాల సౌధములు
ఆశల అడియాసల ఈ గారడిలో
ఏమిటి ఈజీవితం- ఏమిటీ జీవితం
2. మనుషుల మాటవినని మనసులు
మనసులతో పనిలేని మనువులు
ఇరుమనసుల ఈ మనువుల రాపిడిలో
ఏమిటి ఈజీవితం -ఏమిటీ జీవితం
3. మెరిసిన ఆనందపు చంద్రికలు
ముసిరిన ఆవేదన తిమిరములు
ఈ చీకటి వెలుగుల దీపావళిలో
ఏమిటి ఈజీవితం -ఏమిటీ జీవితం

https://youtu.be/tQovoNNc8GE?si=eKH--Igf9zl80KmZ

పలుకు బంగారమాయె 

తలపు సింగారమాయె 

మనసు మందారమాయె 

రేయి జాగారమాయే 

1. చెలియ చెక్కిలి ఒక రోజా 

చెలియ నయనం నీరజా 

చెలియ పెదవుల హరివిల్లు 

చెలియ నవ్వుల ముత్యాలజల్లు

 2. చెలియ స్థానం బృందావనం

 చెలియ గానం మురళీరవం

 చెలియ ధ్యానం మృదు భావనం

 చెలియ లేనిది శవ జీవనం

OK

శబరిగిరిని ఒక్కసారి వీడిరారో
నాచిన్న చిన్న చిక్కులన్ని తీర్చిపోరో
ఒక్కగానొక్క నా దిక్కు నీవేరో
చక్కనైన అయ్యప్పా బిరబిర రారో
శరణమయ్య శరణమయ్య శరణ మయ్యప్పా
స్వామి కరుణజూపి కావుమయ్య శరణమయ్యప్పా

1. ఏబ్రాసిగ తిరుగునాకు గురువైనావు
నియమనిష్ఠలన్ని తెలిపి మాలవేసినావు
విఘ్నమొందకుండ దీక్ష సాగించావు
ఎగరేసిన నాశిరమున ఇరుముడినుంచావు

2. బెదరిన నాకెరుమేలిలొ ఎదురొచ్చావు
దారితప్పకుండ నాకు తోడైనావు
వెన్నుతట్టి చేయిపట్టి నడిపించావు
కఠినమైన కరిమలనే ఎక్కించావు

3. పద్దెనిమిది పసిడిమెట్ల నెక్కించావు
కన్నులార నీ మూర్తిని చూపించావు
నేనలసిపోగ అయ్యప్పా ఆతిథ్యమిచ్చావు
మహిమ గల మకరజ్యోతి చూపించావు

4. అప్పుడే నన్నిట్టా మరచిపోతె ఎట్టారా
ననుగన్నతండ్రినీవని- నమ్మితి మనసారా
ఆదరించు మారాజా-పిలిచితి నోరారా
ఆలస్యము జేయక-వేగమె రావేరా

https://youtu.be/khjnGm4CmKQ

షిర్డీ పురము-అతి సుందరము
అట వెలసెను-బాబా మందిరము
షిర్డీ యాత్రయె-మనకొక వరము
సాయి దర్శనం సంపత్కరము

1. సాయి బాబా పాదస్పర్శతో-పావన మాయెను అణువణువు
సాయిరాముని సాంగత్యముతో-పరవశమాయెను ప్రతి హృదయం
ద్వారక మాయియే భువిలో వెలసిన స్వర్గము
సాయిబోధనయె కైవల్య మొసగెడి మార్గము

2. గురుస్థానము ధునిలో ధూపము- దర్శనమాత్రము తొలగు పాపము
పల్లకి సేవలు సాయి హారతులు-వర్ణించతరమా ఆ అనుభూతులు
బాబా కృపలేనివారు-ఎవరూ షిర్డీ పోలేరు
సాయి కరుణిస్తె చాలు-కలుగును సుఖ సంతోషాలు

OK

https://youtu.be/7eSMlp1lnyo

ముజ్జగాల ఏలికా-సిద్ధి గణనాయకా
బొజ్జనిండదినుమురా-ఉండ్రాళ్ళు దండిగ

1. మా కలలు పండగ-వచ్చె చవితి పండగ
వేడగానె గుండెలో-వరములిచ్చు మెండుగ
కొండంత అండగ –వక్రతుండనీవుండగ
ఉండనే ఉండవుగా-గండాలు మొండిగ

2. తండోప తండాలే-భక్తజన సందోహాలే
ఊరువాడ జగము నిండా-నవరాత్రి సంబరాలే
దినమంత పూజలే-రేయంత భజనలే
గణపతి అనుక్షణం-శరణుమాకు నీ చరణాలే

నను లాలించగ రావే ఓ నిద్దుర తల్లీ
నను ఓదార్చగ రావే ఓ ముద్దుల చెల్లీ
1. జీవితాన నేనెంతో అలసిసొలసి నిలిచితిని
పదేపదే పరుగిడి నే పలుమార్లు విసిగితిని
సహనమనేది నాలో సమూలంగ చచ్చినది
కరుణించి నీ ఒడిలో సేదదీర్చుకోనీవే
2. తపము చేసి నీకై నే కోరితి ఈ చిరువరం
నా వంటి వారంటే నీకెందుకు ఈ వైరం
శయనించవె కనుపాపల తల్పముపైన
ఎక్కించవె నన్నొకపరి కలల పల్లకీ మీద
3. లయకారుడి సిరిమువ్వవి నీవే కాదా
యమరాజుకు ప్రియసఖివి నీవే కాదా
మృత్యుదూతనెచ్చెలీ-మరణ ఢమరుకధ్వనీ
శాశ్వతముగ నాచెంతకు ఇకనైనా రారాదా

దర్పణమై నీ అందాలే కొలిచా
దరహాసమునై-నీ పెదవులపై నిలిచా
ఆతృతగా నా ఎదవాకిలి తెఱిచా
అర్పణగా నా బ్రతుకే నీకై పరిచా
1. రాతిరినై నీ కురులలోన కలిసా
ఉదయమునై నీ వదనముపై వెలిసా
రంగుల హరివిల్లును నేనై
తనువంతా ప్రభవింపజేసా-పరవశింపజేసా
2. మరుమల్లికనై నీ జడలో మెరిసా
మందారమునై నీ చెక్కిలిపై విరిసా
సుగంధాల ప్రబంధ నాయికగా
నిన్నే పరిమళింపజేసా-ప్రస్తుతింపజేసా
3. అనురాగమునేనై మనసారా వలచా
ఆనందమునై నను నేనే మరిచా
తగనివాడనని తప్పుకొంటివని
తలచితలచి నే వగచా-జీవశ్చవమై నిలిచా

OK

శరణం అయ్యప్ప-శరణం అయ్యప్ప
శరణాగత త్రాణ -శరణం అయ్యప్ప
శ్రీ శబరి గిరివాస- శరణం అయ్యప్ప

ఓంకార రూపా- శరణం అయ్యప్ప
బ్రహ్మాండనాయక- శరణం అయ్యప్ప
మోహినిపుత్రా- శరణం అయ్యప్ప
జగదేక మోహన- శరణం అయ్యప్ప

హరిహర నందన- శరణం అయ్యప్ప
ఆపద్భాందవ- శరణం అయ్యప్ప
భవబంధమోచక- శరణం అయ్యప్ప
మోక్షప్రదాయక- శరణం అయ్యప్ప

విష్ణుకుమారా- శరణం అయ్యప్ప
శంకరాత్మజా- శరణం అయ్యప్ప
పార్వతిపుత్రా- శరణం అయ్యప్ప
పరమ పవిత్రా- శరణం అయ్యప్ప

గణపతి అనుజా- శరణం అయ్యప్ప
షణ్ముఖ సోదర- శరణం అయ్యప్ప
కైలాసవాసా- శరణం అయ్యప్ప
కైవల్యదాయక- శరణం అయ్యప్ప

దత్తావతారా- శరణం అయ్యప్ప
సాయిస్వరూపా- శరణం అయ్యప్ప
సద్గురునాథా- శరణం అయ్యప్ప
సద్గుణ మూర్తీ- శరణం అయ్యప్ప 

పందళరాజా- శరణం అయ్యప్ప
పాండు కుమారా- శరణం అయ్యప్ప
విల్లాలివీరా- శరణం అయ్యప్ప
వీరమణికంఠా- శరణం అయ్యప్ప

గురువేదన తీర్చావు- శరణం అయ్యప్ప
గురుదక్షిణ ఇచ్చావు- శరణం అయ్యప్ప
పులిపాలు తెచ్చావు- శరణం అయ్యప్ప
తల్లికోర్కె తీర్చావు- శరణం అయ్యప్ప

దీక్షాభీష్టుడా- శరణం అయ్యప్ప
మాలధారణాతుష్టుడ- శరణం అయ్యప్ప
కన్నెస్వామి ఇష్టుడ- శరణం అయ్యప్ప
మండలనిష్ఠుడా- శరణం అయ్యప్ప

ఇరుముడి ప్రియుడా- శరణం అయ్యప్ప
ఎరుమేలివాసుడ- శరణం అయ్యప్ప
పేటతుళ్ళి నృత్యుడా- శరణం అయ్యప్ప
వావరు మిత్రుడా- శరణం అయ్యప్ప

అళుదా స్నాతుడా- శరణం అయ్యప్ప
అళుదామేడవాస- శరణం అయ్యప్ప
మహిషీ మర్ధన- శరణం అయ్యప్ప
మదగజ వాహన- శరణం అయ్యప్ప

కరిమల నిలయ- శరణం అయ్యప్ప
పంపావాసా- శరణం అయ్యప్ప
నీలిమల నిలయ- శరణం అయ్యప్ప
అప్పాచిమేడువాస- శరణం అయ్యప్ప

శబరిపీఠవాస- శరణం అయ్యప్ప
శరంగుత్తి ప్రియుడా- శరణం అయ్యప్ప
శబరీమలనిలయ- శరణం అయ్యప్ప
పదునెట్టాంబడియె- శరణం అయ్యప్ప

స్వామిసన్నిధానమే- శరణం అయ్యప్ప
స్వామిసాక్షాత్కారమె- శరణం అయ్యప్ప
స్వామిదివ్యరూపమె- శరణం అయ్యప్ప
స్వాముదరహాసమె- శరణం అయ్యప్ప

శ్రీ ధర్మశాస్తా- శరణం అయ్యప్ప
హే భూతనాథా- శరణం అయ్యప్ప
మణికంఠస్వామి- శరణం అయ్యప్ప
తారకప్రభువే- శరణం అయ్యప్ప

భస్మకుళమే- శరణం అయ్యప్ప
నెయ్యాభిషేకమె- శరణం అయ్యప్ప
కర్పూరజ్యోతియె- శరణం అయ్యప్ప
మాలికాపురోత్తమ- శరణం అయ్యప్ప

తిరువాభరణాలే- శరణం అయ్యప్ప
ఉత్తరా నక్షత్రం- శరణం అయ్యప్ప
కాంతిమలవాసా- శరణం అయ్యప్ప
జ్యోతిస్వరూపా- శరణం అయ్యప్ప

అన్నదానప్రభువే- శరణం అయ్యప్ప
కన్నవారి ప్రియనే- శరణం అయ్యప్ప
దీనజన్ రక్షకనే- శరణం అయ్యప్ప
పరమ దయాళా- శరణం అయ్యప్ప

నీలివస్త్రధారియే- శరణం అయ్యప్ప
నిత్యబ్రహ్మచారియే- శరణం అయ్యప్ప
శరణుఘోష ప్రియనే- శరణం అయ్యప్ప
సచ్చిదానందమూర్తియె- శరణం అయ్యప్ప

https://youtu.be/w5q79Fg2p1g

సాయి రామయ్యా నీవే నా గతివయ్య
మౌనం ఏలయ్య-మార్గంచూపవయ్య

1. మందువునీవే మాకువు నీవే
వ్యాధులు మాన్పే ఔషధమీవే
మంత్రము నీవే తంత్రము నీవే
పీడల బాపే యంత్రము నీవే
వైద్యడవీవే-సిద్ధుడవీవే
సరగున బ్రోచే సద్గురువీవే

2. అన్నము నీవే-పానము నీవే
మాలో వెలిగే ప్రాణము నీవే
గానము నీవే ధ్యానము నీవే
శాంతినొసగు సన్ని ధానము నీవె
భాగ్యము నీవే భోగము నీవే
కడకు చేరే పర సౌఖ్యము నీవే

OK

https://youtu.be/CyQlkWT5evE?si=gMShUWKlRbAHI-FK

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:మధ్యమావతి

దండాలయా శతకోటి దండాలయా
లంబోదరా నీ దయ ఉండాలయా

1. కష్టమొచ్చినా నిన్ను మ్రొక్కలేదా
కలిమి వచ్చినా నీవె దిక్కుకాదా
ఎన్నడూనిన్ను మేమూ ఏకదంత మరువం
గిరిజాతనయా శ్రీ గణనాయక
ఆనందనిలయా సిద్ధివినాయక

2. పేరుపేరునా నిన్ను తలవ లేదా
ఏటేటనిన్ను మేము నిలిపేము కాదా
నవరాత్రులూనీభజనలూ-ఇలాచేసేము వెంకయ్యా
శ్రీ విఘ్నేశ్వర నమో నమో
పాప సంహార నమోనమో

ఆ విధి నను వంచించింది
స్నేహ నది నను ముంచేసింది
నమ్మకాల ఈ జగన్నాటకంలో
నా నీడే నను నిలదీసింది
నాతోడే నను బలిచేసింది
1. సృష్టిలొ మధురం స్నేహమేనని-మనసావాచాకర్మలనమ్మితి
తీరనిజీవిదాహమునంతా-స్నేహమె తీర్చెడి నదియని ఎంచితి
హితులూ నను పరిహసించారు-సన్నిహితులూ నట్టేటముంచారు
2. మనసులలోనా-విషములదాచి-కాటువేసిరి దొంగచాటుగా
మాటలోలనా మధువులు చిలికి-కత్తులు దింపిరి వెన్నుపోటుగా
నేస్తాలు మసిలిరి మర్యాదగా-నవ్వుతుచేసిరి దగా దగా

మందాకినీ నీ ఎద బృందావని
నీ పలుకే మురళీ రవళీ
1. మల్లెలెందుకూ-నీనవ్వులుండగ
వెన్నెలెందుకూ-నీదృక్కులుండగ
వాసంతమెందుకు-నీతోడు ఉండగ
కలతఎందుకూ-మన కలలు పండగ
2. అన్నమెందుకూ-నీ అందమే చాలు
మధువులెందుకూ-నీ అధరమే చాలు
సిరులెందుకూ-నీ మరులే పదివేలు
కైవల్యమెందుకు-నీ కౌగిలే చాలు

OK

అయ్యప్ప అయ్యప్ప అయ్యప్ప
నీ నామ భజన నేనుదప్ప
స్వామి శరణ మయ్యప్ప
దిక్కెవరూ నాకు నీవుదప్ప

నల్లబట్టకట్టినాను-కల్లబొల్లి మాటలే మానినాను
తులసిమాల వేసినాను-కల్లు బీడి వ్యసనాలు వీడినాను
ఉదయం లేచింది మొదలు-రేయి నిదురించు వరకు
నీ నామ భజన నేనుదప్పా- స్వామి శరణ మయ్యప్ప

అయ్యప్ప అయ్యప్ప అయ్యప్ప

నీ నామ భజన నేనుదప్ప

స్వామి శరణ మయ్యప్ప

దిక్కెవరూ నాకు నీవుదప్ప

కన్నెస్వామినైనాను-కలికి ధ్యాస వదిలినాను
గురుస్వామి సేవచేసినాను-గుండెలొ నిను నింపినాను
దీక్షగైకొన్నదిమొదలు-మోక్షము దొరికేటివరకు
దిక్కెవరూ నాకు నీవుదప్ప- స్వామి శరణ మయ్యప్ప

అయ్యప్ప అయ్యప్ప అయ్యప్ప
నీ నామ భజన నేనుదప్ప
స్వామి శరణ మయ్యప్ప
దిక్కెవరూ నాకు నీవుదప్ప

నెయ్యాభిషేకమే- కన్నులార గాంచితి
మకరజ్యోతినే స్వామి మైమరచి నే జూసితి
నేలపై జీవించింది మొదలు-హాయిగ నీ సన్నిధి చేరువరకు
అయ్యప్ప అయ్యప్ప అయ్యప్పా-స్వామి శరణ మయ్యప్ప

అయ్యప్ప అయ్యప్ప అయ్యప్ప
నీ నామ భజన నేనుదప్ప
స్వామి శరణ మయ్యప్ప
దిక్కెవరూ నాకు నీవుదప్ప

https://youtu.be/RRIa4PGgIxw

నా దేహమే షిర్డీ సాయీ
నా హృదయం ద్వారక మాయీ
నా పలుకే సాయి లీలామృతము
నా బ్రతుకే సాయి నీకంకితము

1. నీ నామగానమే నాకు సుప్రభాతము
నే చేయు స్నానమె నీ దివ్యాభిషేకము
నే పాడే కీర్తనలే నీ కైదు హారతులు
నను వేధించే వేదనలే నీకై నివేదనలు

2. జనుల తోటి నాచర్చలే నీ భజనలు
వాదనల సారమే సాయి నీ బోధనలు
నే చేసే కర్మల ఫలము నీకే సమర్పయామి
మనసావాచాకర్మణా సాయి నమో నమామి

OK

https://youtu.be/KouVApgX-IQ?si=_S8H4Uchk_KuKp7V

వర్ణించలేను నిన్ను శ్రీ విఘ్నేశ్వరా
ఘన కవులకే తరము గాదది గౌరీకుమారా

1. మణిమయ మకుటము-కర్ణకుండలములు
అందాల గజవదన మా ఏకదంతము
భస్మము తిలకము గల ఫాల భాగము
కలుగిన ముఖబింబము-సదానందము-సచ్చిదానందము

2. ఒకచేత పాశము- ఒక చేత అంకుశము
ఒకచేత ఫలపాత్ర-ఒకచేత చిన్ముద్ర
ఆయుధ ధర హస్తాలు- కంఠహారములు
విఘ్నహరములు-భక్త వరములు

3. మౌంజిలు యజ్ఞోపవీతం-పట్టుపీతాంబరం
నడుము నాగా భరణ శోభితం
విరజిల్లెడు ముంగాలి కంకణం
మూషికారూఢ-మహా మహా దివ్య తేజం

4. ఒకవంక సిద్ధితో-ఒకవంక బుద్దితో
ఇరువురు సతుల జ్ఞానమూర్తివి
నిన్ను దర్శించగానే కలిగేను పుణ్యము
లేకున్న మిగిలేది మాకింక  శూన్యము

ఈ మూగ గొంతులో –సంగీతం పలుకునా
ఈ మోడు గుండెలో-వాసంతం చిలుకునా
నాలో చెలరేగే దావానలమిక ఆగునా
ఆగని కన్నీరే ఇల గోదారిగ పారునా

1. చేసిన ఆబాసలు-రేపెను పలు ఆశలు
ఆ బాసలు నా బ్రతుకును బలిపశువుగ చేసెనా
ఆ ఆశలు మరునిమిషము అడియాసగ మారెగా
మనసులు ఎడబాసెగా

2. ఇది ఎంగిలి విస్తరాకు-

ఈ ముంగిలి చేరరాకు

చితికే చినదాని బ్రతుకు
చితికే ఇది చేరు తుదకు

https://youtu.be/dKB1P99lySc?si=4UzNztyWhJwxhmo5

కోకిల కూజితం నీగాత్రం
కలువవిరాజితం నీ నేత్రం
ఆరాధన పూరితం ఈ స్తోత్రం
అనురాగ నిగూఢితం ఈ పత్రం

1. నా కవితకు నీవే కాదా చెలి ప్రేరణ
నీ గీతికి నేనే కానా ఆలాపన
ఓపలేను నేనింకా ఈ విరహ వేదన
ఆలకించి వేవేగ దరిజేర ప్రార్థన

2. నీ కనులకు నేనే కానా చెలి కాటుక
నీ కురులలొ నిలిచేందుకు అయిపోనా మల్లిక
మధురమైన ఈ క్షణము మళ్ళీ మరి రాదిక
రావేలా నా మానస బృందావన రాధిక

OK

శరణంటిరా కరుణించరా- శరణం శరణం అయ్యప్పా 

జపియించితీ జాగేలరా- శరణం శరణం అయ్యప్పా 

దర్శించెద దరిజేర్చరా- శరణం శరణం అయ్యప్పా 

ఘోషించితీ మొరాలించరా- శరణం శరణం అయ్యప్పా

శరణంటిరా కరుణించరా- శరణం శరణం అయ్యప్పా 

జపియించితీ జాగేలరా- శరణం శరణం అయ్యప్పా 

దర్శించెద దరిజేర్చరా- శరణం శరణం అయ్యప్పా 

ఘోషించితీ మొరాలించరా- శరణం శరణం అయ్యప్పా

నే రాసే ప్రతి పదము- శరణం శరణం అయ్యప్పా

నే పాడే ప్రతి పదము- శరణం శరణం అయ్యప్పా 

నే పలికే ప్రతి పదము- శరణం శరణం అయ్యప్పా 

నే కోరే పరమ పదము- శరణం శరణం అయ్యప్పా 

శరణంటిరా కరుణించరా- శరణం శరణం అయ్యప్పా 

జపియించితీ జాగేలరా- శరణం శరణం అయ్యప్పా 

దర్శించెద దరిజేర్చరా- శరణం శరణం అయ్యప్పా 

ఘోషించితీ మొరాలించరా- శరణం శరణం అయ్యప్పా

నే నెరిగిన దొక మంత్రం- శరణం శరణం అయ్యప్పా

నే నేర్చిన దొక సూత్రం- శరణం శరణం అయ్యప్పా 

నే చేసే దొకే స్తోత్రం- శరణం శరణం అయ్యప్పా

నా ఎదకొకటే ఆత్రం- శరణం శరణం అయ్యప్పా

శరణంటిరా కరుణించరా- శరణం శరణం అయ్యప్పా 

జపియించితీ జాగేలరా- శరణం శరణం అయ్యప్పా 

దర్శించెద దరిజేర్చరా- శరణం శరణం అయ్యప్పా 

ఘోషించితీ మొరాలించరా- శరణం శరణం అయ్యప్పా

https://youtu.be/A78qWC6yuNs

నిన్నే నమ్మినాను అన్యమెరుగను
ఎన్నడైనగాని నిన్ను మరువను
సచ్చిదానంద రూపా హే సాయిబాబా
రాజాధిరాజ హే యోగి మహారాజా

1. మోదములో ఖేదములో అశ్రువులే వర్షిస్తాయి
జననంలో మరణంలో రోదనలే వినిపిస్తాయి
అశ్రుధారలేవైనా చేసేను నీ అభిషేకం
నాదరీతులేవైనా అదియె నీ సంకీర్తనం
సచ్చిదానంద రూపా హే సాయిబాబా
రాజాధిరాజ హే యోగి మహారాజా

2. నిద్దురలో మెలకువలో నినదించును నాహృదయం
ఆశలలో అడియాసలలో స్పందించును నాచిత్తం
ఎదకెప్పుడు నీదే ధ్యాస-చిత్తములో నీదే ధ్యానం
కోరికదిక ఒకటే కోరిక- నాలో తను లేకపోవుట
సచ్చిదానంద రూపా హే సాయిబాబా
రాజాధిరాజ హే యోగి మహారాజా

OK

https://youtu.be/wVMDYlfhsYk

దేవా జయజయ విఘ్నేశా
నీ భక్తుల మొర వినిరావా
హారతి గొనుమా గజవదనా
శుభములనిడుమా

1. విద్యను కోరేము వినాయకా
మంగళహారతి గొను మంగళదాయకా
పాపులము మేము పరితాపులము
పాపలము మేము నీ దాసులము

2. కలిమిని కోరేము ఓ ఏకదంతా
కర్పూర హారతిదే కామరూప ధారీ
ప్రతియేటా ఈపాటా ప్రతిపూటా మానోట
నవరాత్రులూ నిను భజియింతుమూ విను

కన్నీళ్లు కాల్వలై పారుతున్నా
గుండెలో మంటలే రగులుతున్నా
కరుగదా ఓ చెలీ నీ యెద
తీరదా ఎప్పటికీ నా వ్యధ
1. దర్పణానికైనా దర్శనమిస్తావు
చందమామకైనా దరహాసమిస్తావు
కలలోకి కూడ రమ్మంటే రావాయే
కలహానికైనా నాతో మాటాడవాయె
పలుకవా ఓ చెలీ కోపమా
మనుగడే నా కిక శూన్యమా
2. వసంతాలెన్నెన్నో వెళ్ళిపోతున్నాయి
ప్రభాతాలింకెన్నో కనుమరుగౌతున్నాయి
ఒక్క మలయ పవనమే కరువైపోయే
ఒక్క వెలుగు కిరణమైన కనబడదాయే
కరుణయే మరచిన ప్రాణమా
మరణమే నాకిక శరణమా

ఒక గీతం నాలో పొరలింది
ఒక రాగం నీలో పలికింది
నా గీతం నీరాగం అనురాగ సంగమం
సాహిత్యం సంగీతం అపురూపమేళనం
1. అనుభవాలకిది నవగీతమాల
అనుభూతి జగతిన రసరాగ హేల
మురళీరవళుల ఎదప్రేమ డోల
రాధాకృష్ణుల మధురాసలీల
2. ఒక పికమూ పలికేందుకు మధుమాసం
ఒక చకోరి మురిసేందుకు చంద్ర హాసం
ఒక మయూరి ఆడేందుకు చిరు వర్షం
నా మనుగడ సాగేందుకు నీ స్నేహం-ప్రియా నీ స్నేహం

https://youtu.be/eA0xGshXiM0?si=1ajwxOFClIneCs38

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం :తోడి

శరణమ్మని శరణమ్మని చరణమ్ములె శరణమ్మని నమ్మితినయ్యా/
హరిహర సుత నానందచిత్తనయ్యనయ్యప్పస్వామీ నిను వేడితినయ్యా

1. దిక్కు దెస తెలియనీ దీనుడనయ్యా/
మొక్కు ముడుపెరుగనీ మూఢుడనయ్యా/
వ్యసనాల చెఱసాలలొ బంధీనయ్యా/
కన్నులుండి చూడలేని అంధుడనయ్యా/
కనికరముతొ కని కరమును నా శిరముననుంచీ వరమీయవయ్యా-/
హరిహర సుత నానందచిత్తనయ్యనయ్యప్పస్వామీ నిను వేడితినయ్యా

2. పూర్వజన్మ పుణ్యముతో దొరికె నాకు గురుస్వామీ/
ప్రేమమీర వేసెనయ్య నా మెడలో తులసిమాల/
నియమాలను తెలిపి నాకు ఇచ్చెనయ్య మండలదీక్ష/
మంత్రోపదేశమొసగె అదియె స్వామి శరణమయ్యప్పా/
ఇరుముడినా తలనిడి నే వడివడి పదునెట్టాంబడి నెక్కితినయ్యా/
హరిహర సుత నానందచిత్తనయ్యనయ్యప్పస్వామీ నిను వేడితినయ్యా

3. నయనా నందకరమె నీదివ్య రూపము/
పరమానంద భరితమె నెయ్యాభిషేకము/
ప్రశాంతి నిలయమే స్వామి సన్నిధానము/
జన్మ చరితార్థమే మకరజ్యోతి వీక్షణం/
ఆశ్రితజన రక్షిత బిరుదాంకిత ననువేగమె నీచెంతజేర్చుకోవయ్యా/
హరిహర సుత నానందచిత్తనయ్యనయ్యప్పస్వామీ నిను వేడితినయ్యా

https://youtu.be/eSTXsQXxw8k?si=gkWrrWoJCFnokSqF

బాబా నువు ఆదుకుంటె భయమేముంది
బాబా నిను నమ్ముకుంటె కొదవేముంది
బాబానువు దీనుల ఎడ కల్పవృక్షము
బాబా నువు ఆర్తులకిల అభయ హస్తము

1. మితిమీరెడి నా కోపము నీ చలవే కాదా
ప్రతిదానిపై వ్యామోహము నీ లీలయె కాదా
నా మేధలొ కొలువున్న అజ్ఞానము నీప్రసాదమే కాదా
అడుగడుగున నే చేసెడి తప్పిదాలు నీ ప్రతాపమే కాద

2. బాబా నువు పరీక్షిస్తె తాళజాల లేనయ్యా
బాబా కన్నెర్రజేస్తె తట్టుకోగ లేనయ్యా
బాబా నువు మూఢులకొక జ్ఞాన దీపము
బాబా నువు గురువులకే దత్త రూపము

3. అక్షరాల పరమార్థము నీ పదమేకాదా
పదముల కొక చరితార్థము నీ పదమే కాదా
పల్లవులే పల్లవించు నిజ తరుణము నీ పదమే కాదా
చరణములే శరణుకోరు శుభ చరణము నీ పదమే కాదా

4. బాబా నువు కరుణిస్తే అంతకన్న ఏముంది
బాబా నువు దయజూస్తే చింతయన్న దేమొంది
బాబా నువు తలచుకుంటె బ్రతుకు స్వర్గ ధామము
బాబా నిను గెలుచుకుంటె ఎద షిర్డీ సంస్థానము

OK

https://youtu.be/14UOgSrqK-Y

ఏ పాట పాడినా విఘేశునిదేరా
ఏ పూజచేసినా గణపతికేరా
పాటపాడని పూజసేయని మనిషే ఎందుకురా
ఆ మనసే దండగరా-ఆ బ్రతుకే దండగరా

1. అజ్ఞానపు చీకటి వదలాలీ-జ్ఞాన మార్గమే నడవాలీ
మనిషీ మనసూ కలవాలీ-ఏకాగ్రతనే పొందాలీ
యోగమే నిత్యమై-దైవమే గమ్యమై
భగవన్నామస్మరణలో-లీనమై నిలిచిపో-ఐక్యమై వెలిగిపో

2. ఇహమూ దేహము మరవాలీ-మదిలో గణేశున్నిలపాలి
గానము ధ్యానము కావాలీ-భక్తితత్వమూ పుట్టాలీ
ముక్తినే కోరుతూ-భక్తిలో మునుగుతూ
భక్తి ముక్తి కలయికలో-దైవాన్నే తెల్సుకో-దైవం నీవని తెలుసుకో

ఎదలోపల మర్మం దాచేయలేను
పెదవిదాటి భావం రానీయలేను
కక్కలేను మ్రింగలేను హాలాహలం
ఆరదు చెలరేగదు ఈ దావానలం

1. వయసేమో ఉప్పెనగా ఎగసిఎగసి పడుతోంది
మనసు మేల్కొని చెలియలి కట్టను కడుతోంది
పిల్లులచెలగాటం ఎలుక ప్రాణసంకటం
అడకత్తెరలో చిక్కిన పోకచెక్క జీవితం

2. మమతల పాశం గొంతు నులిమేస్తోంది
ప్రబలిన స్వార్థం గుండె కబళిస్తోంది
త్యాగంభోగం మధ్యన ఊగుతోంది లోలకం
బ్రతుకే విధి సయ్యాటల వింతనాటకం

OK

ఒక రాధిక మానస చోరా
ఒక మీరా హృదయ విహారా
రావేరా ప్రణయ కిషోరా
నన్నేలా ధీరసమీరా

ఒక రాధిక మానస చోరా
ఒక మీరా హృదయ విహారా
రావేరా ప్రణయ కిషోరా
నన్నేలా ధీరసమీరా

1. ఇసుక తిన్నెలేలా పరచితి నాఎద
పిల్లగాలులేలా వీచితి పయ్యెద
యమునాతటియేల నే మందాకినే కాద
ఆరాధ నీకేల అనురాగ సుధగ్రోల

ఒక రాధిక మానస చోరా
ఒక మీరా హృదయ విహారా
రావేరా ప్రణయ కిషోరా
నన్నేలా ధీరసమీరా

2. వేణువు నీకేల గొను అధరామృతాల
నర్తన నీకేల కను నానయనహేల
కీర్తన నీకేల విను నా ప్రార్థన గోల
ఆ మీర నీకేల నీ చరణాల నేవ్రాల

ఒక రాధిక మానస చోరా

ఒక మీరా హృదయ విహారా

రావేరా ప్రణయ కిషోరా

నన్నేలా ధీరసమీరా

OK

మాధుర్యమెక్కడ తేనయ్యనేనూ
తేనాభిషేకాల మునిగేటి స్వామి
రాగాల నెట్టుల నేర్చేను నేను
క్షీరాభిషేకాల మునిగేటి స్వామీ
స్వామీస్వామీ శరణం స్వామీ-ఓంకార రూపా శరణం స్వామీ

శృతినే రీతిగ నిలిపేను నేను
శర్కరా స్నానాలు చేసేటిస్వామీ
లయనే విధముగ కలిపేను స్వామీ
పెరుగుతో స్నానాలు చేసేటి స్వామీ
స్వామీస్వామీ శరణం స్వామీ-జ్యోతి స్వరూపా శరణం స్వామీ

గమకాలనేభంగి పలికేను నేను
నెయ్యాభిషేకాల కులికేటి స్వామీ
ఎలుగెత్తి నేనెట్లు పాడేను తండ్రీ
పంచామృతస్నాన మాడేటి స్వామీ
స్వామీస్వామీ శరణం స్వామీ-చిన్ముద్ర ధారీ శరణం స్వామీ

3మార్దవంబేలయ్య ఆర్తియే చాలదా
మదగజంబేరీతి పాడిందనీ
సంగీత మెందుకూ భక్తియే సరిపోద
పన్నగమ్మేభంగి నుడివిందనీ
స్వామీస్వామీ శరణం స్వామీ-పరమేశ తనయా శరణం స్వామీ

మాధుర్యమెక్కడ తేనయ్యనేనూ

తేనాభిషేకాల మునిగేటి స్వామి

రాగాల నెట్టుల నేర్చేను నేను

క్షీరాభిషేకాల మునిగేటి స్వామీ

స్వామీస్వామీ శరణం స్వామీ-ఓంకార రూపా శరణం స్వామీ

https://youtu.be/xEM4TJJvYvg?si=ZtbKEt8eHS6hM7K4

అట్టాంటిట్టాంటోడివి కాదు బాబయ్యా-షిర్డి బాబయ్యా
నను ఎట్టాగైనా గట్టెక్కించే దిట్టవు నీవయ్యా-జగజ్జెట్టివి నీవయ్యా

1. ఎల్లలు తెలియని దప్పిక ఆరని నీళ్ళే ఉన్నాయి-కన్నీళ్ళే ఉన్నాయి
కల్లలై మిగిలిన అల్లరై పోయిన ఆశలు ఉన్నాయి-అడియాసలు ఉన్నాయి
శరణని వేడగ కరుణతొ బ్రోవగ చరణాలున్నాయి-నీదివ్య చరణాలున్నాయి
దీనులపాలిటి దిక్కుగ నిలిచే దృక్కులు ఉన్నాయి-చల్లనీ దృక్కులు ఉన్నాయి

2. కష్టము తీర్చే చుట్టము నీవని నిన్నే నమ్మితిని-బాబా నిన్నే నమ్మితిని
తోడుగనిలిచే జోడువు నీవని నిన్నే వేడితిని-సాయీ నిన్నే వేడితిని
అక్కునజేర్చే తండ్రివి నీవని నీకే మ్రోక్కితిని-బాబా నీకే మ్రొక్కితిని
పిలిచిన పలికే పెన్నిధి నీవని నిన్నే మొరలిడితి-సాయీ నీకై మొరలిడితి

3. విఘ్నము బాపే గణపతినీవని తొలుతగ కొలిచితిని-బాబా నిన్నే కొలిచితిని
విజయము కూర్చే మారుతి నీవని జపమే చేసితిని-శ్రీరామ జపమే చేసితిని
విద్యలనొసగే గురువే నీవని పూజలు చేసితిని-బాబా హారతి పాడితిని
వ్యధలను బాపే అయ్యప్ప నీవని శరణము కోరితిని-సాయీ శరణము కోరితిని

https://youtu.be/H3Q78HyCXO0

లంబోదరా జగదంబాసుతా
దయగన రావేరా ఓ ఏకదంతా

1. నేరక నేరాలు ఎన్నెన్నొ చేసేము
ఎరుగక ఏవేవొ పెడదారుల నడిచేము
చేసిన తప్పులు మన్నించవయ్యా
మా త్రోవ మళ్ళించి మము కావుమయ్యా

2. తెలిసీ తప్పేటి మూర్ఖులమయ్యా
తెలియక చేసేటి మూఢులమయ్యా
కోరికలెన్నెన్నొ కోరుతూ ఉన్నాము
నువు కల్పతరువని నమ్ముతూ ఉన్నాము

3. విద్యల నొసగే వినాయకా
సంపద నొసగే గణనాయకా
అంజలి ఘటించి నీకు మ్రొక్కేము
అంతకు మించి ఏ సేవ చేసేము

https://youtu.be/igJwDQYxNqQ?si=aNZVGbucZCdRZhTB

నిన్ను ఊరంతా చూడ తగునేమో
నేను చూస్తేనే దోషమగునేమో
ఇది ఎంతటి విడ్డూరం-ఇది ఎక్కడిదో న్యాయం
1. గాలేమో నీ తనువును తాకవచ్చును
నీళ్ళేమో అణువణువును తడమ వచ్చును
కోకేమో కౌగిలిలో బంధించ వచ్చును
నన్ను చూస్తేనే సిగ్గు నీకు ముంచుకొచ్చును
2. తాంబూలం నిన్నెంగిలి చేయవచ్చును
దర్పణమూ నీ అందం కొలువవచ్చును
సింధూరం నీ నుదుటిని చుంబించ వచ్చును
నువ్వు సయ్యాటలాడి నన్నుడికించవచ్చును
3. తొంగితొంగి నీవేమో చూడవచ్చును
నంగనాచిలాగా నటియించవచ్చును
పదేపదే పరువాలతొ ఊరించవచ్చును
కడలి నడుమ నా నావ ముంచవచ్చును

నీ మౌనము తొలగించనా
ఈ తీగలు సవరించనా
నీ వీణను పలికించనా
నీలోన రాగాలు రవళించనా
అనురాగాలు నే పంచనా
1. నీ తోటకు ఆమని నేనై
నీ కొమ్మన కోయిల నేనై
నీ మోడుకు జీవమునేనై
నీ లోన ఆనందమై మురియనా
మందార మకరందమై కురియనా
2. నీవొంటికి చీరను నేనై
నీ కంటికి కాటుక నేనై
నీ నుదుటికి తిలకము నేనై
నీ లోని అణువణువు చుంబించనా
నీ అందాల విందారగించేయనా
3. నీ రేయికి వేకువనేనై
నీ వలపుల వాకిలి నేనై
నీ ముంగిటి ముగ్గును నేనై
నీ లోని తిమిరాలు పరిమార్చనా
ప్రణయ కిరణాలనే నేను ప్రభవించనా

OK

https://youtu.be/us-keB8_8cc?si=mYqplzYxkFkSjzgb

అయ్యప్పనిన్నూ కోరేది నేను ఒక్కటే
నాగొంతు పాడాలీ ఎప్పుడూ నీ పాటే
కొండలు కరగాలీ-కోనలు మ్రోగాలీ
గుండెలు పరవశమై ఊయలలే ఊగాలీ
స్వామి అయ్యప్పా-శరణమయ్యప్పా
స్వామి శరణం-శరణం శరణం- శరణమయ్యప్పా ||అయ్యప్ప||

1. ఆకలన్నదే లేదు నీ పాటే కడుపు నిండె
దాహమన్నదే కాదు గానగంగలొ మునిగి ఉంటే
నిద్ర దూరమాయే నీభజనలు సేయగాi
అలుపు పారిపోయె నీ కీర్తన ఆలపించగా
స్వామి అయ్యప్పా-శరణమయ్యప్పా
స్వామి శరణం-శరణం శరణం- శరణమయ్యప్పా

2. తనువు మఱచిపోతి నీ పాటకు తాళంవేయగా
తన్మయమే చెందితి నీ గీతికి వంత పాడగా
గొంతు చిరిగినా గుండె పగిలినా
ఎలుగెత్తిపాడితీ విశ్వము నినదించగా
స్వామి అయ్యప్పా-శరణమయ్యప్పా
స్వామి శరణం-శరణం శరణం- శరణమయ్యప్పా

3. నిన్నే నమ్మినానయ్యా స్వామీ ఈ జన్మకు
అన్నీ ఇచ్చినావయ్యా అయ్యప్పా నాకు
ఎన్నో ఇచ్చిన అయ్యాప్పా ఎందుకయా స్వామి
కమ్మనైన గొంతునీయ మఱచిపోతివా ఏమి
స్వామి అయ్యప్పా-శరణమయ్యప్పా
స్వామి శరణం-శరణం శరణం- శరణమయ్యప్పా

https://youtu.be/LBZ6VjNQfD4?si=5Jt2T7MLIyhKkHqC

 రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం : చంద్రకౌcస్

రావయ్యా షిర్డీ బాబయ్యా
నా మొరవిని పరుగిడి రావయ్యా షిర్డీ బాబయ్యా
ప్రార్థన వినవయ్య ఆర్తిని కనవయ్య
సద్గురుమూర్తీ నా సంకటముల నెడబాపవయా

1. కంటనీరే ఆగకున్నది-గొంతులో తడి ఆరుతున్నది
ఎద తన లయ వీడి సాయీ అంటోంది
చిత్తము నినుగని చిత్తరువైనది
బాబా బాబా హే సాయి బాబా

2. వంచన నేర్చిన కొంచపు వాడనని-ఎంచకుసాయీ ఈ పూట
పుణ్యము ఎరుగని అన్యుడనేనని కోపించకు బాబా పిమ్మట
దీనుడనూ నేననాథుడను-నిను వినా ఎరుగని వాడను
అంధుడనూ మనో వికలాంగుడను చేయూతనందించ ఇతరుల వేడను
సాయీసాయీ షిర్డీ సాయీ

3. దారులన్నీ మూసుకున్నవి-షిర్డీ ఒకటే దగ్గరైనది
నీవేదప్ప నాకెవరు దిక్కు- నువు కాదంటే మరణమె దక్కు
ద్వారకమాయి సాయీ సాయీ

https://youtu.be/5UQQrx1qGFI

గజవదనా గౌరీ నందన
అనుదినమూ నిను పూజింతుమురా

1. సృష్టి స్థితిలయ కారకుడవు
విద్యలకెల్లను ఆదిదేవుడవు
చేసిన తప్పులకు గుంజీలు తీసేము
కుడుములుండ్రాళ్ళు నైవేద్యమిచ్చేము

2. నూటొక్క టెంకాయ మేకొట్టలేము
నూటొక్క పూజల మేచేయలేము
కన్నీట నీ పాదాలు కడిగేము
చేతులు జోడించి ధ్యానింతుము

3. ఏ పనికైనా ముందుగ నిన్నే తలచేము
మోరయా కావుమని నోరార పిలిచేము
దేవతలు కొలిచేటి దేవుడవు నీవు
భక్తులపాలిటి కల్పతరువువు

లోకంలో ఎంతటి శోకం ఉంది
నా శోకం అది ఎంతటిదీ
లోకుల వేదన చూసిన కొలది
అవేదననే మరచితిని
1. కోటికి ఎవరో సుఖపడతారు-ఎవరైనా సరె దుఃఖిస్తారు
తింటే అరగని దొక శోకం-తిండే దొరకని దొక శోకం
ఇంటింటికీ ఒక ఖేదం ఉంది-నా శోకం అది ఎంతటిది
2. ఇంద్రధనువులే అగుపిస్తాయి-ఎండమావులే ఎదురొస్తాయి
పెదవులవిరియును చిర్నవ్వులు-కన్నుల కురియును అశ్రువులు
సుఖదుఃఖాలకు నిలయం బ్రతుకు-తెలిసీ వగచుట ఎందులకు
3. మండే కొలిమి ప్రతి గుండె-ఎండని కొలను ప్రతి కన్ను
ఎదఎదకూ ఒక వ్యధ ఉంది-ప్రతి వ్యధకూ ఒక కథ ఉంది
ఈ జగమే విషాదమయం-జనజీవనమే దయనీయం

OK

బుగ్గగిల్లితే పాలుగారును
గుండె తాకితే ప్రేమకారును
తోడు దొరకనీ కుర్రకారును
తాళలేను నా వయసు పోరును

1. కలలు పండించు కామధేనువును
వన్నెలొలికెడి ఇంద్ర ధనువును
వయసు పలికెడి వలపు వేణువును
అలిగి పలిగెడి పరమాణువును

2. కన్నె నెమలికి వానకారును
కన్నె మనసుకి పూలతేరును
పరుగు ఆపని పిల్ల ఏరును
అదుపు తప్పని కడలి హోరును 

OK

నేను తప్పుచేసానంటే ఆ తప్పు నీదే
అయ్యప్పా! నే దాన్ని ఒప్పుకోలేకపోతె ఆ తప్పూ నీదే
నీవూ నేనూ ఒకటె అన్నది తప్పుకాకపోతే
తప్పు నాదన్నా నీదన్నా అది తప్పు కాదే!

నేను తప్పుచేసానంటే ఆ తప్పు నీదే
అయ్యప్పా! నే దాన్ని ఒప్పుకోలేకపోతె ఆ తప్పూ నీదే
నీవూ నేనూ ఒకటె అన్నది తప్పుకాకపోతే
తప్పు నాదన్నా నీదన్నా అది తప్పు కాదే!

1. పూర్వజన్మ కృతమన్నది స్వీకృతమే ఐతే
జన్మదాటి వెంటాడిన దోషానిదె దోషము
గతజన్మలోనేను పాపాత్ముడనే ఐతే
పాపికి మరుజన్మనిచ్చిన నీదేకద లోపము
తప్పులెన్నువారు తమ తప్పులెరుగరట స్వామీ
నా తప్పులనెంచ బూనితె నీదీ ఒక తప్పేకద

నేను తప్పుచేసానంటే ఆ తప్పు నీదే
అయ్యప్పా! నే దాన్ని ఒప్పుకోలేకపోతె ఆ తప్పూ నీదే
నీవూ నేనూ ఒకటె అన్నది తప్పుకాకపోతే
తప్పు నాదన్నా నీదన్నా అది తప్పు కాదే!

2.పొరపాటులె నాకలవాటుగ అయినాయంటే
ఆ దురలవాటు మాన్పించని నీదే కద పొరబాటు
పుట్టుకతో నేనెరుగని నేరములన్నీ
నాతో చేయించే నీదే కద ఆ నేరము
నాటకాలు ఆడించీ నవ్వుకునే సూత్రధారీ
ఆటగెలిచినా ఓడినా నీవే కద జవాబుదారీ

నేను తప్పుచేసానంటే ఆ తప్పు నీదే
అయ్యప్పా! నే దాన్ని ఒప్పుకోలేకపోతె ఆ తప్పూ నీదే
నీవూ నేనూ ఒకటె అన్నది తప్పుకాకపోతే
తప్పు నాదన్నా నీదన్నా అది తప్పు కాదే!

https://youtu.be/R3JEO2sBbAs

గంపెడంత ఆశతొ షిర్డీకి వచ్చాను
గడపలెన్నొ ఎక్కిదిగి విసిగి వేసరి నే దిక్కు తోచకున్నాను
ఆదరించె మారాజు నీవని నమ్మి నీ పంచన జేరాను
వట్టిచేతులతొ బాబా నే వాపసు పోనయ్యా
వరములిస్తెనే గానీ నీ పదాలనొదలనయా

1. గణపతివి నీవె మారుతివి నీవె
శరణంటె కరుణించె అయ్యప్పవూ నీవె
హరిహర బ్రహ్మలు ముగ్గురొక్కటైన
సాక్షాత్తు పరబ్రహ్మ దత్తాత్రివీ నీవే
అభయమీయగా ఎవ్వరూ నీ సరి రారయ్యా

వెన్న కంటెనూ మెత్తనిదీ నీ మనసేనయ్యా ||వట్టి చేతులతొ||

2. నిరీక్షించలేనయ్య పరీక్షించ బోకయ్యా
నీ రక్ష కోరి వచ్చాను బాబయ్య
భిక్ష పెట్టవయ్య నన్ను-లక్ష్యపెట్టవయ్య
నీ శరణు వేడి వచ్చాను బాబయ్యా
కడలి కంటెనూ గొప్పదయా-నీదయ బాబయ్యా
వెన్నెల కంటెనూ చల్లనయా-నీ చూపు బాబయ్యా ||వట్టి చేతులతొ||

3. తిట్టినా నువ్వే కొట్టినా నువ్వే
మెడ బట్టి నన్ను వెళ్ళగొట్టినా నువ్వే
పెట్టినా నువ్వె చే పట్టినా నువ్వే-
కడుపార నాకు బువ్వ పెట్టినా నువ్వే
నను గన్న తండ్రివి నీవే ఓ షిర్డి బాబయ్యా
చావైన బ్రతుకైన నీ తోనే ఓ సాయి బాబయ్యా ||వట్టి చేతులతొ||

https://youtu.be/Qn1E08A5-3A?si=EiRNWJysMF3uKxHT

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:శివరంజని

ఓ బొజ్జ గణపయ్యా కరుణించవేమయ్యా
ఎన్నాళ్ళు నీ పూజలూ-ఎన్నాళ్ళు నీ భజనలు
నిరతమూ వేడినా-నిను మదిలొ నిలిపినా
దయరాదా నాపైనా-సిద్ధివినాయకా బుద్ది ప్రదాయక

1. నీ పాద దాసుడనై-నీ మీది ధ్యాసుడనై
నీ దివ్య సన్నిధిలో-
నేను నీలొ కలిసి పోయి-నీవె నాలొ నిలిచి పోయి
తనువూ-జగమూ శూన్యమై
నా మనసే నీలో లీనమై
పరవశించె ఆ భాగ్యం-కలిగించవయ్యా-కరుణించవయ్యా

2. క్షణికమైన సుఖములను ఆశించ లేదయ్యా
తుఛ్ఛమైన కోరికలు అర్థించలేదయ్యా
ఈ అంధకార మార్గంలో
వెలుగు దారి చూపించు
జ్ఞాన దృష్టి కలిగించు
బాధా భరితము ఈ జీవితము
సారరహితమీ సంసారం.........
ఈదలేను విఘ్నేశా
దాటించవయ్యా నీ దరి జేర్చవయ్యా

https://youtu.be/KnC8FWne40o

చేజారెను గతమంతా వృధా వృధా
గడిచిపోయె బ్రతుకంతా నిస్సరముగా
దిక్కునీవె సాయి నాకు వేరెవరూ లేరుగా
మ్రొక్కగ నీవొక్కడివే కరుణింతువుగా –సాయి కరుణింతువుగా
సాయిరాం సాయిరాం సాయిరాం సాయిరాం

విననీయి చెవులారా నీ నామగానం
కననీయి కనులారా నీ దివ్య రూపం
అననీయి నోరారా నీ నామ భజనం
కొలవనీయి మనసారా సదానిన్నే సాయిరాం

2. ఎత్తుకుంటా సాయి పుత్రునివై జన్మిస్తే
హత్తుకుంటా ఎదకు నేస్తమై నువు వస్తే
చేసుకుంటా సేవ గురుడివై కరుణిస్తే
చేరుకుంటా నిన్ను సద్గతిని నడిపిస్తే
3. భోగభాగ్యాలను ప్రసాదించ మనలేదు
ఐహిక సౌఖ్యాలను నే వాంఛించలేదు
జీవితమే సాయి నీకు కైంకర్య మందును
కైవల్య పదమె నాకు దయచేయమందును

https://youtu.be/W_j-0YLXW6s?si=Z6IAU8vsSMZfETx8

జయ గణపతీ నీకిదె హారతీ
మంగళమ్మిదె మంగళ మూర్తీ
కరుణ జూపి వరములిచ్చి
మమ్ముల బ్రోచే దయానిధి

1. అణువుఅణువున నీవె నిండిన అమృతమూర్తీ హారతీ
నా కవితలోని భావమైనా ధ్యానమూర్తీ హారతీ
ఆదిమధ్యాంతరహిత వేదాంత మూర్తీ హారతీ
ఆర్తత్రాణపరాయణా కరుణాంతరంగా హారతీ

2. చవితి పండగ మా కనుల పండగ
మాకు నీవే అండయుండగ
కుడుములుండ్రాల్ బొజ్జనిండగ
భుజియించు తండ్రీ తనివిదీరగ

3. పిలిచినంతనె ఎదుటనిలిచే ఏకదంతా హారతీ
అడిగినంతనె వరములిచ్చే విఘ్ననాయక హారతీ
జ్యోతులమహర్జ్యోతివీవే పార్వతీసుత హారతీ
జ్ఞానముల విజ్ఞానమీవే జ్ఞానమూర్తీ హారతీ

https://youtu.be/M50krDkDtgM

సిద్ధి వినాయక స్వామీ స్వామీ
నా మీద నీకింక దయరాదేమి

1. పాడితి నీ గీతి ప్రతి నిమిషమ్మున
వేడితి గణపతి నిను వేవిధముల
కొలిచితి నిన్ను శతకోటి రీతుల
తలచితి నీనామ మనంత మారుల

2. లయనేనెరుగను కరతాళములే
రాగములెరుగను భవరాగములే
తపముల నెరుగను తాపత్రయములె
వేదములెరుగను నీ పాదములే

https://youtu.be/nqAnU9fBwEE?si=lUCPl-jJWp8lfFx3

నిన్నే నే మది నమ్మితిని షిరిడీ సాయి
దిక్కిక నీవేనని నే చేరితిని ద్వారకమాయి
1) పంచేంద్రియములు మరి శత్రువులార్గురు
వంచనతో మది చంచల పరతురు
సంచితమాయె ప్రాపంచిక చింతన
చింతదీర్చి నన్నించుక బ్రోవర
2) కులమిది నాది మతమది నీదని
ఇతరులతో నే వాదములాడితి
జగతికి మూలం జనులకు దైవం
ఒకడవె నీవని ఎరుగనైతిని
3) జీవరాశులలొ జీవమునీవే
పంచభూతముల భావము నీవే
అణువణువున చైతన్యము నీవే
అంతరాత్మలో స్పందన నీవే

నిన్నే నే మది నమ్మితిని మణికంఠ 
దిక్కిక నీవేనని నే చేరితిని శబరికొండ 

1) పంచేంద్రియములు మరి శత్రువులార్గురు
వంచనతో మది చంచల పరతురు
సంచితమాయె ప్రాపంచిక చింతన
చింతదీర్చి నన్నించుక బ్రోవర

2) కులమిది నాది మతమది నీదని
ఇతరులతో నే వాదములాడితి
జగతికి మూలం జనులకు దైవం
ఒకడవె నీవని ఎరుగనైతిని

3) జీవరాశులలొ జీవమునీవే
పంచభూతముల భావము నీవే
అణువణువున చైతన్యము నీవే
అంతరాత్మలో స్పందన నీవే

రాలిపోయె ఒక వసంతము
మూగవోయె సంగీతము
వాడిపోయె పారిజాతము
విషాదమే నా జీవితాంతము

1. పికము పాట పాడితే వస్తుందా మధుమాసం
నెమలి నాట్యమాడితే-వర్షిస్తుందా మేఘం
కలువ భామ వికసిస్తే వెలిగేనా శశి కిరణం
గొంతుచించి అరిస్తే అవుతుందా రసరాగం
శివరంజని రాగం

2. అనురాగం ఆలపిస్తె కరిగేనా కఠిన హృదయం
ఆనందం ధారపోస్తె నిజమౌనా మధురస్వప్నం
నయనం వర్షిస్తే అధరం హర్షిస్తే అవుతుందా స్వార్థం
అనర్థాల అద్భుతాల విధిలీలలు ఎవరికి అర్థం
అది-(ఏ)యే-పరమార్థం

OK

https://youtu.be/7RbjWUTGrD0

మురిపించవేర నను మురళీ కృష్ణా
తీర్చగ రావేర నా జీవన తృష్ణా

1. గోదావరినే యమునగ భావించి
నా హృదయమునే బృందావనిజేసి
వేచితి నీకై యుగయుగాలుగా
కొలిచితి నిన్నే నా ప్రణయ స్వామిగ

2. పికము పాటనే పిల్లనగ్రోవని
నే పరవశించితి వసంతమై
నీలిమేఘమే నీవని భ్రమిసి
మైమరచి ఆడితి మయూరమై

3. కోకలు దోచే తుంటరి నీవని
జలకములాడితి వలువలు విడిచి
రసికత నేర్చిన సరసుడవీవని
వలపులు దాచితి విరహము సైచి

https://youtu.be/gN0XhuH-c48

ఈ పూవు పూచింది నీ పూజకే 

ఈ జన్మఎత్తింది నీ సేవకే 

కలనైన ఒకసారి కనిపించరా 

అయ్యప్ప కాసింత కరుణించరా 

1. కలుషాల వశమాయె నా దేహము 

దోషాల మయమాయె నా జీవితం 

మన్నించి నన్నింక చేపట్టరా 

ఇక్కట్లు చీకట్లు తొలగించరా

 ఓంకార రూపా జ్యోతిస్వరూపా 

శబరీశ నిన్నే శరణంటిరా 

2. నిమిషానికోమారు చెడుగుడే ఆడేవు 

అప్పచ్చులే చూపి ఆశలు రేపేవు 

ఊహలమేడలూ ఉత్తినే కూల్చేవు 

తోలుబొమ్మలాడించి-నువ్వేమురిసేవు 

చాలించవయ్యా సయ్యాటలు 

తెరదించి ఆపాలి ఈ నాటకాలు 

3. మాయావినోదాలు నా మీదనా 

నేను లీలావిలాసాల నీ కేళినా 

బ్రహ్మాస్త్రమేలయ్య పిచ్చుక పైనా

 నే తాళలేనయ్య నీ ఈ పరీక్ష 

పంపానివాసా పందళాధీశా

 శబరీశ నిన్నే శరణంటిరా

https://youtu.be/FiiLHYFdm6A

ఓంసాయి శ్రీసాయి జయజయ సాయని
మైమరచి పాడితె మదికెంతొ హాయి
సచ్చిదానంద శ్రీ సద్గురు సాయని
మనసార వేడితె బ్రతుకంత హాయి

1. మాలలో నియమాలలో-పాలలో-లోపాలలో
తప్పులెన్ననీ సాయీ-పాదసేవయే హాయి
మరువబోకు ఓ భాయీ-లోటనేది ఉండదోయి

2. చెరగని చిరునవ్వు-వే దనలకు దవ్వు
దయకురియు కనుదోయి-పాపహారకమోయి
జన్మంతా సేవ చేయి-జన్మరాహిత్యమోయి

OK

https://youtu.be/wADofQ5Bmjc

అందుకోరా ఏకదంతా-

అందుకోరా ఫాలచంద్రా 

నీకొరకే హారతులు-చేసేము ప్రార్థనలు 

నా నామమే శుభదాయకం-నీగానమే అఘనాశకం 

రారా వేగమే విఘ్నేశా-నీదే గొనుమిదె తొలిపూజ 

1. పార్వతితనయా పాపము పోగొట్టవా 

విఘ్నవినాశకా-విఘ్నము రానీకుమా 

సిద్ధిబుద్ది ఉన్నవయ్యా నీకు అండగా 

అవి మాకు ఈయవయ్య కాస్త దండిగా 

నా మనసులో నీ మూర్తినే 

నిలిపియుంతు స్వామి-దయజూడవేమి 

జాగుసేతువేమి జాలిమాని 

2. వేదనలేలా నీ కరుణ ప్రసరిస్తే 

వేకువ లేలా నీ జ్ఞానముదయిస్తే 

ఆశ నాకు పాశమల్లె చుట్టుకున్నది 

కోరికేమొ నాలొ ఇంక చావకున్నది 

నా జీవితం నీకంకితం 

రాగబంధమేల-మోక్షమీయవేల 

ప్రాణదీపమిదె హారతిస్తా

ఏమీ చేయగలేను-చూస్తూ ఊర్కోలేను
కనలేను నిను నే పరదానిగా
మనలేను నేనూ ఒకమోడుగా
తీరని ఆశే ఉరిత్రాడుగా
1. ఆకాశానికి నిచ్చెనవేసి-దివి చేరాలని కలగన్నాను
అందాల జాబిలి పొందాలనుకొని-అందనిదానికి అర్రులు సాచాను
మేను మరచిన నేనూ-నిప్పై రగిలాను
నిజము నెరిగిన వేళా-నివురై మిగిలాను
2. ఏడేడు జన్మల బంధానికై-ఎన్నాళ్ళుగానో ఎదిరి చూసాను
మూడుముళ్ళ అనుబంధానికి-యవ్వన మంతా ధారపోసాను
శిల్పాలు శిథిలాలుగామారితే-చిత్తరువైనాను
క్షీరాలు రుధిరాలుగా పారితే-విస్తుపోయాను

https://youtu.be/GnzG2b6R83M

వేయకే చెలీ నీ చూపుల గాలము 

తీయకే చెలీ ఈ బాలుని ప్రాణము 

ఒక్క చూపుకే చిక్కిపోతానేమో 

చిన్ననవ్వుకే చిత్తవుతానేమో 

1. తపోధనులు నీ ముందు తలవంచరా 

ప్రవరాఖ్యుడు నీకే దాసోహమనడా 

బ్రహ్మకైన మతిచలించు నీ చూపుల తోటి 

మామూలు మానవుణ్ని నేనేపాటి 

2. కోహినూరు వజ్రమైన సరితూగదు నీ నవ్వుతో 

తాజ్ మహలు అందమైన దిగదుడుపే నీ రూపుతో 

మయబ్రహ్మ విశ్వకర్మ మలచిన సౌందర్యమా

మడిగట్టుక మనడమ్మిక నాకు సాధ్యమా

OK

దారి తప్పినవారిని-దరిజేర్చుకున్నావే 

అక్కరకే రానివారిని -అక్కున జేర్చుకున్నావే 

దయగల మారాజువే-స్వామి శరణమయ్యప్పా 

మముగన్న తండ్రివే - స్వామి శరణమయ్యప్పా 

పడవ నడిపే గుహుడికి –పరసౌఖ్యమిచ్చావే 

ఎంగిలైన పళ్ళనీయ –శబరిని కరుణించావే 

ఉనికిలేని ఉడతకైన-ఉన్నతినే ఇచ్చావే 

శత్రువుకూ తమ్ముడైన శరణన ఆదరించావే 

దయగల మారాజువే-స్వామి శరణమయ్యప్పా 

మముగన్న తండ్రివే - స్వామి శరణమయ్యప్పా 

కుచేలుణ్ని నాడు అపర-కుబేరునిగ మార్చావే

కురూపి ఆ కుబ్జకైన- ప్రేమతొ వరమిచ్చావే 

భక్తిమీర భజన సేయ -మీరాబాయిని బ్రోచావే 

కురుక్షేత్ర సమరంలో-గీతను బోధించావే 

దయగల మారాజువే-స్వామి శరణమయ్యప్పా 

మముగన్న తండ్రివే - స్వామి శరణమయ్యప్పా 

మూగయైన గురుసుతునికి-మాట ప్రసాదించావే దుష్టుడైన వావరుని-దురితము లెడబాపావే కుటిలుడైన మంత్రికీ-గుణపాఠంనేర్పగా అమ్మకొరకు అడవికేగి- పులిపాలు తెచ్చావే పులినేఎక్కి వచ్చావే దయగల మారాజువే-స్వామి శరణమయ్యప్పా మముగన్న తండ్రివే - స్వామి శరణమయ్యప్పా

దారి తప్పినవారిని-దరిజేర్చుకున్నావే 

అక్కరకే రానివారిని -అక్కున జేర్చుకున్నావే 

దయగల మారాజువే-స్వామి శరణమయ్యప్పా 

మముగన్న తండ్రివే - స్వామి శరణమయ్యప్పా

[హిందోళ రాగం ]

[https://youtu.be/HE67lUJJcfM]

వేడితి వేడితి కలలో ఇలలో షిరిడీ సాయీ
మధురంమధురం నీ నామ గానం మది హాయి వేడితి వేడితి కలలో ఇలలో షిరిడీ సాయీ
మధురంమధురం నీ నామ గానం మది హాయి హాయి

ఏజన్మలోని నాపుణ్యఫలమో
నీకృప గాంచితి నే తరియించితి
ద్వారకమాయి విలసిల్లు సాయి
నీదివ్య రూపం నే వీక్షించితి

వేడితి వేడితి కలలో ఇలలో షిరిడీ సాయీ
మధురంమధురం నీ నామ గానం మది హాయి హాయి

ఆశల జోలెతొ నీ దరిజేరితి
ఆర్తిని బాపి దయగను సాయి
భంగపడలేదు భక్తజనులెవ్వరూ
నిన్ను అర్థించి షిరిడీ సాయి

వేడితి వేడితి కలలో ఇలలో షిరిడీ సాయీ

మధురంమధురం నీ నామ గానం మది హాయి హాయి

https://youtu.be/UyuMt6Jevrc?si=EajWDBPI7FLkYI4h

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:మధ్యమావతి

నీరాజనం జగదంబ తనయ గొనుమా
నీరాజనం హేరంబ కరుణ గనుమా
ఈ నవరాత్రాల సంబరాల వేళలో

1. నీరాజనం ఓ ఏకదంత గొనుమా
నీరాజనం ఆనంద నిలయ గొనుమా
గుండెలను గుడిచేసి ఉంచామయ్యా
నీ రూపునే ప్రతిష్ఠించామయ్యా
నీదు నామమే మధురాతి మధురమయ్యా
నీదు గానమే కైవల్యమార్గమయ్యా
పాహిరా మాం పాహిరా నీదు దివ్య చరణం

2. నీరాజనం ఓ ఫాలచంద్ర గొనుమా
నీరాజనం ఓ వక్రతుండ గొనుమా
విఘ్నాలు నీవుంటె రాలేవుగా
పాపాలు నే చెంత సమసేనుగా
నీరాజనం ఓ ఆర్తత్రాణ పాలా
నీరాజనం ఓ నాట్యకేళి లోల
కానరా వేవేగమే నీవే మాకు శరణం

కోకిలకేమెరుకా-వేచెనని తనకై రాచిలుకా
ఒంటరి తానని కంట తడేల నిజము నెరుగదు బేలా
1. కోరిన కొలదీ దూరము పెరిగే
పెరిగిన దూరము ప్రేమను పెంచే
తీరని దాహము ఆరని మోహము
హృదయము దహియించే
2. చిలకా కోకిల జత కుదరనిదని
లోకము ప్రేమని గేలిచేసే-వింతగ చూసే
నవ్వుకొందురు నాకేటి సిగ్గని
చిలుక ఎదిరించే
3. పెదవి విప్పదు ప్రేమని తెలుపదు
మౌనగీతం పాడక మానదు
ఎన్నినాళ్ళో చిలుక నిరీక్షణ
విధికి దయలేదా.... ఓ..

https://youtu.be/BYpLvedUoAE

చిటుకు చిటుకు చిటుకు చిటుకు వానా
నువు చిందేయవే చిన్నాదానా
వణుకు వణుకు వణుకు వణుకు లోనా
నను పెనవేయవే కుర్రదానా

1. పరచిన ఈ పచ్చనైన ప్రకృతి నీవు
మెరసిన ఆ మెరుపులకే ఆకృతి నీవు
నింగిని ముద్దాడుతున్న నీలగిరి కొండలు
జాలువారుతున్న ఆ జలపాతపు హోరులు
నీ తళుకు బెళుకు మేని మెరుపు చూసీ
నేను వెర్రెత్తీ పోనా

2. పద్మినీజాతి స్త్రీలు ప్రస్తుతించె అందం
రతీదేవి తలవంచే తీరైన నీపరువం
పొరపాటున భువికి దిగిన శృంగార దేవతవు
పెద్దన కవి సృష్టించిన వరూధినీ ప్రతీకవు
నీ వలపు పిలుపు మేలుకొలిపె నన్నూ
నీకు దాసోహమననా

OK

OK

చిత్తగించు స్వామీ నా చిత్తము నీకిచ్చితి
అవధరించు స్వామీ నావ్యధను విన్నవించితి
ఆదరించు స్వామీ అన్యధా శరణం నాస్తి
అయ్యప్పస్వామీ నీవే నాకిక శరణాగతి
స్వామి శరణమయ్యప్పా-శరణం శరణమయ్యప్పా

1. రెప్పలిస్తివి కన్నులకు-స్వామి శరణమయ్యప్పా
చప్పున అవి మూసుకోవు- స్వామి శరణమయ్యప్పా
కూడని దృశ్యాలనే చూపించే నయ్యప్పా
జ్ఞాననేత్రమిస్తె చాలు-కన్నులేల అయ్యప్పా

స్వామి శరణమయ్యప్పా-శరణం శరణమయ్యప్పా

2. పెదవులిస్తివి నోటికి- స్వామి శరణమయ్యప్పా
గమ్మున అవి ఊరుకోవు- స్వామి శరణమయ్యప్పా
వ్యర్థవాదులాటలకే-వెంపర్లాడునయ్యప్పా
మూగయైనమేలే-నీ నామమనకపోతె అయ్యప్ప

స్వామి శరణమయ్యప్పా-శరణం శరణమయ్యప్పా

3. చెవులెందుకు పోగులకా- స్వామి శరణమయ్యప్పా
చేతులెందుకు మింగుటకా- స్వామి శరణమయ్యప్పా
నీ గానంవినని చెవులు చేటలే అయ్యప్పా
నీభజన చేయని చేతులు-చెక్కలే అయ్యప్పా

స్వామి శరణమయ్యప్పా-శరణం శరణమయ్యప్పా

4. కాళ్ళిస్తివి దేహానికి- స్వామి శరణమయ్యప్పా
నీ సన్నిధికే నడిపించు- స్వామి శరణమయ్యప్పా
తోలిస్తివిఅస్తిపంజరానికి- స్వామి శరణమయ్యప్పా
నీ భావనకే పులకరించగ-అనుగ్రహించు అయ్యప్ప

స్వామి శరణమయ్యప్పా-శరణం శరణమయ్యప్పా

https://youtu.be/20VidC86Un8?si=X4CEtCTKojmyFT1D

శరణం శరణం బాబానే-ముక్తికి మార్గం బాబానే
శాంతికి నిలయం బాబానే-ప్రేమస్వరూపం బాబానే
సాయి రామయ్యా-బాబా-సాయి కృష్ణయ్యా

1. మెలకువలోను బాబానే-నిద్దురలోను బాబానే
గుడిలో గుండెలొ బాబానే-పనిలోపాటలొ బాబానే
గణపతి బాబానే బాల మురుగను బాబానే

2. వేదనలోను బాబానే-మోదములోను బాబానే
తల్లీదండ్రీ బాబానే-గురువూ దైవము బాబానే
మారుతి బాబానే-స్వామి అయ్యప్ప బాబానే

https://youtu.be/tBWET4hgRA8?si=Bxq-O647pKfXsg4v

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:కనకాంగి

నమోనమో సిద్ధి వినాయక-నమోస్తుతే శ్రీ గణనాయక
గొనుమిదె మంగళ హారతి-వినుమిదె దీనుల వినతి

1. మూషికారూఢ దేవా-ఓ బొజ్జ గణపయ్యా
మహాకాయ మాంపాహి-ఓ వికట వెంకయ్యా
దాసజనపాల వేగ-దర్శనమ్మీవయ్యా
కామిత మోక్షవరద-దరిజేర్చుకోవయ్యా
నీదు మంగళానామం-మాకు మంగళదాయం
నీ కొరకే అంకితమై-సర్వాన్నీ త్యజిస్తుంటే
వలదిక వేరే సుఖము-లేదిక మరియే స్వర్గము

2. ఆడుతూ పాడుతూ మా- బాల్యమే మాయమాయే
క్షణిక దాహాలలోనా-యవ్వనం జారిపోయే
ఇహసౌఖ్య చింతనల్లో-దేహమే మోడువారే
ఇన్నాళ్ళ జీవితంలో- నిన్ను స్మరియించనాయే
నీదు దివ్య సన్నిధిలో-ఈ తొమ్మిది రాత్రులలో
ఈ క్షణమే శాశ్వతమై-నీ నామం జపిస్తుంటే
వలదిక వేరే వరము-లేదిక మరియే పరము

నయనాలలో ఈ జలధారలు
హృదయాలలో ఈ చితిజ్వాలలు
ఉప్పొంగిఉప్పొంగి నను ముంచెను
చెలరేగి చెలరేగి నను కాల్చెను
1. కనురెప్పపాటులో కరుగు ఈ స్నేహము
మెరుపులా మెరిసి మరి మటుమాయము
కలగన్న క్షణములో మిగులు ఆనందము
కల్పనై తలపున రగులు గాయము
వసివాడు పూలదీ ఉద్యానము
శృతిలయలు లేనిదీ ఈ గానము
2. ఆషాఢమేఘాలు అశ్రువులు కురిసే
గ్రీష్మతాపము గుండె మండించగా
శిశిరాన వృక్షాలు మోడులై నిలిచే
శీతకాలము మంచు కురిపించగా
కళ్ళాలు లేనిదీ ఈ కాల హయము
బ్రతుకు సుఖదుఃఖాల నిలయము

నయనాలలో నీ చిరునవ్వులు 

అధరాలలో కొంటె కవ్వింపులు 

ఊరించిఊరించి వలవేసెను 

ఉడికించిఉడికించి నను దోచెను 

1. హరివిల్లువిరిసె నీ కెమ్మోవిలో 

నా పెదవి రవికళ్ళు అలరించగా 

చిరుజల్లు కురిసె నా ఎదదీవిలో 

నా బ్రతుకులో బీళ్లు పులకించగా 

అనురాగమయమే మనలోకము 

కలనైన దరిరాదు ఏ శోకము 

2. కార్తీక వెన్నెలలు అమృతము కురిసే 

తొలిరేయికై హాయి కానుకగ నీయ 

వసంత కోయిలలు స్వాగతము పలికే 

శుభలగ్న సమయాన సన్నాయిలై కూయ 

తేనె విందులె మనకు ప్రతి నిత్యము 

పూలపానుపె బ్రతుకు ఇది సత్యము

https://youtu.be/QMlCLiGi8CQ?si=q0mmwUmeBIDLAnTG

ఈజన్మకొక్కెసారైనా-శబరిమలకు వెళ్ళాలి
మనిషిగా పుట్టినందుకు-మాలవేసుకోవాలి
మోక్షమింకకోరుకుంటే-దీక్షతీసుకోవాలి
స్వామి శరణమయ్యప్పా- స్వామి శరణమయ్యప్పా

1. కన్నెస్వామికున్నవిలువ-ఎన్నలేనిదేనయ్యా
గురుస్వామి పాదసేవయే-పరసౌఖ్యదాయమయ్యా
స్వామిశరణం శరణుఘోషయే-ముక్తిదాయకంబయ్యా

2. నీలివస్త్ర ధారణలో-సచ్చిదానందమయ్యా
ఇరుముడినీ తలదాల్చిన-అనుభవమే వేరయ్యా
ఎరుమేలిలో ఆడే-పేటైతుళ్ళే భాగ్యమయ్యా

3. కరిమలను ఎక్కగలిగితే-కైవల్యం తప్పదయ్యా
పంబాలోమేను ముంచితే-జన్మధన్యమేనయ్యా
వనయాత్ర అనుభూతులు-వర్ణించలేమయ్యా

4. శరంగుత్తిలో బాణం గ్రుచ్చితె సంతోషమయ్యా
శబరిపీఠంపై పాదం-మోపితేపునీతులమయ్యా
పద్దెనిమిది మెట్లనెక్కితే-బ్రతుకు సార్థకంబయ్యా

5. సన్నిధానం వైభోగం-చూడకళ్ళు చాలవయ్యా
స్వామి దర్శనానందం-చెప్పనలవి కాదయ్యా
మకరజ్యోతి సందర్శనం-మహిమ చెప్పరాదయ్యా

https://youtu.be/ym9fypA4V10

సాయిబాబా సన్నిధానం
సకల జనులకు ముక్తిధామం
షిరిడీనాథుని దివ్య చరితం
భవబంధమోచక సాధనం

1. సాయిరూపం-విశ్వదీపం
సాయినామం- మోక్షమార్గం
సాయిగానం-స్వర్గయానం
సాయితత్వం-మహిమాన్వితం

2. సాయినయనం-మలయపవనం
సాయిహృదయం-ప్రేమమయము
సాయి భజనం-భవపాప హరణం
సాయినిలయం-ప్రశాంతి నిలయం

OK

https://youtu.be/bZtV4JW7ysw

భజనసేయ భయమేల బ్రతుకు పండురా
నిజముగ ఆ గజముఖుడే మనకు అండరా
నమోనమో గణాధిపా అనిన చాలురా
సదాతనే మనశ్రేయం మరువకుండురా

1. గుండె గొంతునొకటిచేసి- కరతాళం జతగ జేసి
వీథివీథి వాడవాడ –పురమెల్లా మారుమ్రోగ

2. బిడియాలను వదిలివేసి-హృదయాలను తెరిచివేసి
కదంతొక్కి కాలువేసి-తనువే మైమరచి పోగ

3. పిల్లాపెద్దా కలిసిమెలిసి-ఆడామగా అందరు కలిసి
జనశ్రేయమె ధ్యేయంగా- జగమంతా ఊగిపోగ

శరణుశరణు వినాయకా-శరణు కరిముఖా
శరణు ఏకదంత పాహి-పార్వతీ సుతా
పాహిపాహి విఘ్నేశా పాహి గణపతి
పాపములను తొలగింపగ నీవె మాగతి

https://youtu.be/wUxBiigONcE

ఎరుగని ఓ నగ్న సత్యం ప్రేమా- ఎరిగిన గూఢ రహస్యం ప్రేమా
తెలిసితెలిసీ జనులు ఎందుకో ప్రేమిస్తారు
సాఫీగ సాగే నావను సుడిలోన ముంచేస్తారు

1. ప్రేమ పుట్టుకనే ఎరుగం-ప్రేమ గిట్టుటనే ఎరుగం
నట్టనడిమి సంద్రంలో కొట్టుమిట్టాడుతునే ఉంటాం
ప్రేమ ఒక గమ్మత్తు-అనురాగమే మత్తు
మనచిత్తమన్నది చేయిజారితే భవిష్యత్తే చిత్తు
బయటపడలేని ఊబి ప్రేమైనా-త్రెంచుకోలేని వల ప్రేమైనా
తెలిసి తెలిసీ జనులు ఎందుకో దిగబడతారు
ప్రేమకొరకై మూర్ఖులు వెర్రిగా ఎగబడతారు

2. అందాల హంగులు ఉంటాయి
పరువాల పొంగులు ఉంటాయి
మనసు వయసూ ఎపుడూ దొంగాటలాడుతు ఉంటాయి
విధి వేచి చూస్తుంది-గారడీలు చేస్తుంది
పొరపాటుచేసి ప్రేమిస్తే మన పనిపడుతుంది
ప్రేమ సాలెగూడైనా-ప్రేమే ఉరిత్రాడైనా
తెలిసితెలిసీ జనులు ఎందుకో చిక్కడతారు
భగ్నమైన హృదయంతో బేలగా తలపెడతారు

3. మజ్నూల గాథలు వింటారు
దేవదాసు కథనే వింటారు
అనార్కలిని సమాధిచేయడం-అందరూ ఎరిగే ఉంటారు
కావ్యాలు చదివేస్తారు-కన్నీరు కార్చేస్తారు
తమదాక వస్తేనే కథ మళ్ళీ మొదలెడతారు
ప్రేమ గరళమే ఐనా- ప్రేమ నరకమే ఐనా
తెలిసి తెలిసీ జనులు ఎందుకో తాగేస్తారు
ప్రేమకొరకై అందరు ఎందుకో పడిఛస్తారు
ఆనందమనుకొని తామే వేదనను కొనితెస్తారు

https://youtu.be/EWEqXRyCtrw

ఊగవే ఊయల-పాడవే కోయిల
మామిడీ కొమ్మాపై-హాయిగా తీయగా

1. నాదాలు నీ గొంతులో-అపురూపమై విరజిల్లగా
రాగాలు నీ పాటలో-రసరమ్యమై రవళించగా

2. అరుదెంచెలే ఆమని- నీ గానమే విందామని
కురిపించెలే ప్రేమని-నీ తోడుగా ఉందామని

3. దాచిందిలే నీ కోసమే-చిగురాకులా అందాలని
వేచిందిలే పలుకారులు- అందాలు నీకే అందాలని

https://youtu.be/FiHvhQdZjL0?si=FPokm6ekMci3vFBW

శబరీ భావన మెదలగనే-ఎదలో మొదలగు పులకరము
స్వామిని చూడగ తలవగనే-కన్నులయందున కల వరము

1. కొండలైదెక్కి కూర్చొని-దాల్చెనభయ ముద్రని
నవ్వుతు మొరలను విని-నెరవేరుస్తాడు మనవిని

2. తల్లిదండ్రి తానే శబరీశుడు-సద్గురువు తానే దేవదేవుడు
తోడు నీడ తానే మణికంఠుడు-వీడని స్నేహితుడు భూతనాథుడు

3. ఇరుముడి ప్రియుడే అయ్యప్ప-అభిషేక ప్రియుడే అయ్యప్ప
ఓంకార రూపుడు అయ్యప్ప-జ్యోతి స్వరూపుడు అయ్యప్ప

OK

నీ మహిమ పొగడతరమా-షిరిడీశ సాయిరామా
నీ మాయలెరుగ వశమా-జగమేలు సార్వభౌమా
మూఢమతిని-మోక్షార్థిని-జోలె తెఱచి నీ వాకిట
నిశ్చయముగ సుస్థిరముగ విశ్వాసముగ నిలిచితి

1. మనిషి మనిషిలో నిన్నే ఎంచి చూడమంటావు
జీవరాశులన్నీ నీ ప్రతిరూపాలంటావు
సహజీవన సమభావన నువు చాటిన బోధన
మది నిండానువు నిండితె మనిషికేది వేదన

2. దీర్ఘకాల వ్యాధులన్ని చిటికలోన మాన్పేవు
సారమున్న చదువులన్ని క్షణములోన నేర్పేవు
నిత్యబిచ్చగాడినైన కుబేరునిగ చేస్తావు
గుండెలోని భారమంత చిరునవ్వుతొ తీస్తావు

3. అద్భుతాలనెన్నొ జేసి అబ్బురాన ముంచేవు
గారడీలనెన్నొ జూపి వశీకరణ జేస్తావు
మాయా జగమిదియని మా భ్రమలను తొలగిస్తావు
విభూతినీ మాకొసగీ మర్మము నెరిగిస్తావు

OK

https://youtu.be/SBbWEcAbOd4

జయహో విఘ్నరాజా జయహో మహాతేజ

 జయ గిరిజాతనయ జయ మూషిక విజయ 

1. మును మాతృమూర్తి కోరిక మీరగ 

నిను పిండి బొమ్మలో మలచగ 

బ్రహ్మదేవుడే ఆయువు పోయగ 

వెలసిన దేవా మహానుభావ 

2. తండ్రినెదుర్కొన తనయుడవీవె 

భక్తగజాసుర శిరమందితివే 

దేవ గణములకు నేతవు నీవై

 వెలిగే దేవా గణాధిపా

 3. నిండుసభలోన నిన్నుజూడగా

 కొంటె చంద్రుడు పకపక మనెగా 

చవితి జాబిలిని జూచిన వారికి 

నీలినిందలను ఒసగుదువా 

4. అఖిలజగమునకు యధిపతి నీవే

 శుభముల మాకు కలుగజేయుమా

 నీదు పాదముల నెప్పుడు కొలుతుము

 విజయము నీయర వినాయకా

అనుక్షణం నా మదిలో- మెదులునులే నీతలపు
అదిపిలుపై మేలుకొలుపై- తెలుపునులే నావలపు

1. ఎదలోని ఊసులన్ని గాలితోటి కబురంపాను
నా ప్రణయ సందేశాలు మేఘాలకు అందించాను
అవి నిన్ను చేరులోగా -విరహాలు మదిలోరేగా
తాళలేక మానలేక మరిగిపోయాను-నేను
కన్నీరై కరిగిపోయాను

2. ఆకసాన నీవున్నావని -నింగికినే నిచ్చెన వేసా
నిన్ను చేరు ఆరాటంలో-విరిగిన నా రెక్కలు సాచా
స్వప్నాలు దూరమాయే-సత్యాలు భారమాయే
చావలేక బ్రతకలేక సతమతమై పోయా
నే జీవశ్చవమైనా

3. నీటిలోని ప్రతిబింబాలే -నిజమనినే భ్రమపడినాను
అందరాని సౌందర్యాలకు-అనవసరపు శ్రమపడినాను
కనుగీటితె మోసపోయా చిరునవ్వుకు బానిసనైన
ఇదే నేస్తం ప్రేమతత్వం బ్రతుకు సత్యం తెలుసుకున్నా
పొరపాటులు దిద్దుకున్నా

OK

https://youtu.be/ipa2t3EbfhI?si=DzFAVCa_vDd9TCcy

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం : మాండ్

నా మది పాడిన ఈగీతం 
వేసవిలోనా హిమపాతం 
ఆశల శిఖరాల దూకిన జలపాతం 
అమితానందపు శుభ సంకేతం 

1. ఆకులు రాలే శిశిరములోనా 
ఆమని పాడే ఋతుగీతం 
విరహిణి చకోరి తృష్ణను తీర్చే 
జాబిలి పాడే అమృతగీతం 

2. మోడులనైనా చిగురింపజేసే 
తొలకరి పాడే జీవన గీతం 
యమునాతటిలో యెడబాటునోపక 
రాధిక పాడే మోహన గీతం 

3. ఏతోడులేని ఏకాకి కొరకే 
కోకిల పాడే స్నేహ సంగీతం 
స్పందన ఎరుగని కఠినపు శిలకే 
ప్రణయము నేర్పిన పరవశ గీతం

https://youtu.be/Bp5oROyrJ0M?si=k746p1ed_qZgMqdt

OK

మణికంఠ నీ దివ్య గీతార్చనం
స్వామీ మా మదిలోన దర్శింతుము
శబరీశ నీ భవ్య సంకీర్తనం
మైమరచి నోరార భజియింతుము

మణికంఠ నీ దివ్య గీతార్చనం

స్వామీ మా మదిలోన దర్శింతుము

శబరీశ నీ భవ్య సంకీర్తనం

మైమరచి నోరార భజియింతుము

విఘ్నేశుడే నిన్ను రమ్మని ధ్యానించె
హిమవంతుడే హృదయాసనమందించె
అష్టదిక్పాలురే అర్ఘ్యపాద్యాలనిచ్చిరి
గంగమ్మ నిన్నింక జలకమ్ములాడించె

మణికంఠ నీ దివ్య గీతార్చనం
స్వామీ మా మదిలోన దర్శింతుము
శబరీశ నీ భవ్య సంకీర్తనం
మైమరచి నోరార భజియింతుము

శ్రీలక్ష్మి వస్త్రాలు ధరియింపజేసే
గాయిత్రి యజ్ఞోపవీతమ్మునిచ్చె
గోవిందుడే నీకు చందనమ్ము పూసే
పరమేశుడే నీకు భస్మాన్ని రాసే

మణికంఠ నీ దివ్య గీతార్చనం
స్వామీ మా మదిలోన దర్శింతుము
శబరీశ నీ భవ్య సంకీర్తనం
మైమరచి నోరార భజియింతుము

వాగ్దేవి కుసుమాల మాలలే వేసే
బ్రహ్మ-అగ్నిలు ధూపదీపాలు వెలిగించె
పార్వతీమాతయే నైవేద్య మందించె
నాగరాజు తాంబూలమిచ్చే-షణ్ముఖుడు హారతులు పట్టే

మణికంఠ నీ దివ్య గీతార్చనం
స్వామీ మా మదిలోన దర్శింతుము
శబరీశ నీ భవ్య సంకీర్తనం
మైమరచి నోరార భజియింతుము

సప్తఋషులే వేద మంత్రాలు చదివిరి
నవగ్రహములు పాదసేవలు జేసిరి
నారదుడు తుంబురుడు గానాల తేల్చిరి
నందియూ భృంగియూ నాట్యాలు చేసిరి

మణికంఠ నీ దివ్య గీతార్చనం
స్వామీ మా మదిలోన దర్శింతుము
శబరీశ నీ భవ్య సంకీర్తనం
మైమరచి నోరార భజియింతుము

https://youtu.be/XhCBhh6CJEM

ప్రేమ స్వరూప షిర్డీ బాబా
శాంతి ప్రదాతా హే సాయిబాబా
నీపదసేవ నిరతము జేసెద
కలలో ఇలలో నిను మది నమ్మెద

1. క్షణికానందము ఈ భవ బంధము
నీవే సత్యము నిత్యానందము
నీవే పావన గంగాతీర్థము
నీవే సాయి బ్రహ్మపదార్థము

2. పొరపాటుగను పొరబడనీయకు
అరిషడ్వర్గపు చెఱ బడవేయకు
పంచేంద్రియముల చంచల పఱచకు
మోహకూపమున నను ముంచేయకు

https://youtu.be/FrOT0KWRT-8

నిను నమ్మిచెడలేదు ఏనాడు
నిను అర్థించి నే భంగపడలేదు
వరదాభయ హస్త సిద్ధివినాయక
వేరెవరు నిను వినా దిక్కునాకిక

1. నీ మాయలే ఈ ఇహలోక సౌఖ్యాలు
నీ లీలలే కడు ఇడుములు బాధలు
చాలించవయ్యా ఈ వింత నాటకం
తెరిపించవయ్యా ప్రభో నా కనులు తక్షణం

2. నీ నామ గానాలు ముక్తి సోపానాలు
నీ అర్చనతొ సడలు భవబంధనాలు
అందుకోవయ్య నా హృదయాంజలి
ఆదుకోవయ్య నన్ను పరమ దయాంబుధి

OK

బాబా సాయి సాయి-సాయినామమే హాయి
ఎంతగ్రోలినా గానీ తనివిదీరదోయి
సాయిసాయి రామం-సాయిసాయి కృష్ణం
సాయిసాయితిరుపతి-శ్రీ వేంకటేశం

1. అంధులనిల నడిపించే శక్తిసాయి
మూఢులకును జ్ఞానమొసగు భక్తి సాయి
ఇహలోక చింతనమ్మౌ అనురక్తి సాయి
పరసౌఖ్య పరమార్థమ్మగు ముక్తి సాయి
సాయి సత్యము-సాయి శివము
సాయి దివ్యరూపమ్మే సర్వసుందరం

2. సత్కాలము నాకు సమీపించె గాబోలు
సాయినామమందులకే రుచియించెనోయి
గతజన్మలొ నేజేసిన పుణ్యకర్మ ఫలమేమో
సాయిప్రేమ నామీద కురిపించెనోయి
సాయి రాగము-సాయితాళము
సాయి కీర్తనమ్ములే సర్వజన రంజకం

OK

ఓంకార నాదమూలం హంసధ్వని రాగం
శ్రీకార బీజారావం హంసానంది రాగం
అయ్యప్ప ఆరాధనం షణ్ముఖ ప్రియమే కాగా
మణికంఠ గీతార్చనం శివరంజనియేకాదా

1. స్వామి సుప్రభాతం పాడుతుంది భూపాలం
ధర్మశాస్త నభిషేకించు భీంపలాస్ రాగము
షోడషోపచారములు ఒనరించును హిందోళం
మంగళనీరాజనానికి తిలక్కామోద్ రాగం

2. వేదనా నివేదనం అర్పించును కానడ రాగం
వేదోక్త మంత్రపుష్పం అంజలించు రేవతిరాగం
సంగీత సేవ కోసం సాధన కళ్యాణి రాగం
ఆనంద నాట్యమునే అలరించును మోహన రాగం

3. స్వామి శరణం వేడాలంటే సింధు భైరవి
స్వామిభజన సేయాలంటే నఠబైరవి
స్వామి కటాక్షించుటకై హిందుస్తాన్ భైరవి
శయనగీతి నాలపించు ఆనందభైరవి

https://youtu.be/xQhksvUNznY?si=NXoDt3UHi1u3g8qz

ఎలమావి తోటల్లొ ఎందెందు కోయిలా
దోబూచులాడేవు ఎందుకో-యిలా
అనురాగ రాగాల మురిపించనా
నీ మధుర గీతాల మరపించనా

1. వేచాను నీకై పలుకారులు
వేశాను నీకై విరిదారులు
వేసారెవేసారె నా జీవితం
ఓసారి కాదేల నీ దర్శనం

2. రాకాసి కాలం కసిబూనెను
కనరాని దైవం దయ మానెను
విరహాలు నాలోన విషమించెను
జవరాల జాగేల కరుణించను

3. చందురుని కోరే చకోరే నేను
స్వాతిచినుకునాశించే అల్చిప్పనేను
కానీకు నీ ప్రేమే ఎండమావి గాను
నిరీక్షణే నాపాల్టి ఆజన్మ శిక్షయ్యేను

https://youtu.be/1iqwEyHGRfE?si=NQP9uNbJFbHbzzwp

మందారమే నీ అందము
మకరందమే నీ అధరము
నువు సయ్యంటెనే చెలి
నా జన్మ ధన్యము

1. నీ మేని మెరుపుకీ తగలేదు మేనక
నీ నాట్యహేలకీ దిగదుడుపే రంభ
నీ కాలిగోటికి సరిరాదు ఊర్వశి
జగదేక సుందరీ నీవేగ ప్రేయసి

2. గొంతులొ ఏవో ఇంద్రజాలాలు
కంటితొ వేస్తావు ప్రేమ గాలాలు
చిరునవ్వుతూనే గుండెగాయాలు
విరహంతొ తీస్తావు నా పంచప్రాణాలు

https://youtu.be/2CakOl8SXFE

నమో నమో హే ప్రభో గౌరీ నందన
అని నువు భజించు మోక్షం తథాస్తు
విఘ్నాలే హరించు విఘ్నేశుని స్మరించు
కోరికలే ఈడేర్చు గణనాథుని స్మరించు
నీ కార్యం సిద్ధించు నిను విజయం వరించు

1. గడచిన ఏ క్షణము నీకు మరలిరాదుగా
దిరికిన ఈ నిమిషమైన వృధా సేయకా
కళ్ళు తెరవరా తొందరించరా
ఏకదంత పాహియని వేడుకొనుమురా

2. ఈ జగమే బంధాల సాలెగూడురా
అందులోన చిక్కెను నీ బ్రతుకు ఈగరా
అహము మరవరా పరమాత్మనెరుగరా
వినాయకా శరణు వినా వేరులేదురా

3. కరివదనుని మదితలచిన కరుణజూచురా
అంజలించి వరమడిగిన ప్రసాదించురా
కీర్తించరా మది ప్రార్థించరా
నోరారా భజన జేసి మోక్షమందరా

https://youtu.be/9EBhsqmkDdA

కలలన్ని కల్లలై కన్నీటి వరదలై
సాగింది గోదావరి- అది చేరేది మరియే దరి

1. కనలేదు ఏనాడు కన్నయ్య రూపు
వినలేదు ఏనాడు ఆ మురళి పిలుపు
లేవు భామాకలాపాలు
లేవు లీలావినోదాలు
తోడు కరువై బ్రతుకు బరువై ||సాగింది||

2. యమునకు దొరికిన అనుభూతి లేదు
రాధకు దక్కిన అనురాగమూ లేదు
ఓ కాకిలాగా ఏకాకిలాగా
శోకాలవానా ముంచెత్తిపోగా
ఆశ దోషమై బాస మోసమై ||సాగింది||

3. జీవితమే ఒక సాగరమాయే
అమృత జలమే విషతుల్యమాయే
గలగలరావాలు మూగవోయే
కమనీయ భావాలు శిథిలమాయే
మానలేని గాయమై తిరిగిరాని కాలమై ||సాగింది||

కలలన్ని కల్లలై కన్నీటి వరదలై
ఆగింది గోదావరి అది గతిలేని కడలిగ మారి

OK

https://youtu.be/GpUYw-TURF4?si=KRKNfSf2gdl9IYx7

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:దర్బార్ కానడ

నా మొర నాలించవయ్యా- నన్ను పరిపాలించవయ్యా
ఓ బొజ్జ గణపయ్యా-ఓ వికట వెంకయ్యా

1. ఆశల పాలిటి దాసుని జేయకు
భవ బంధాలకు బానిసజేయకు
కలలో ఇలలో కైవల్యములో
నీ నామ స్మరణ మరువనీయకు

2. వేదము నీవే నాదము నీవే
నే నమ్మిన శ్రీ పాదము నీదే
ఆవేదనలో ఆనందములో
సదా నే చేయు ఆరాధన నీదే

3. పిలిచిన పలికే గిరిజానందన
కోర్కెల దీర్చే మూషక వాహన
కరుణాంతరంగా ఓ వక్రతుండా
నీవే నాకిల కొండంత అండ

https://youtu.be/XQt5YfqrLkQ?si=Q9VdYRRM_Yyudkzw

చిత్తము నీమీద స్థిరమగు రీతి
నన్నాయత్త పరచుము ఓ గణపతి
చెలగెటి నా మది చంచలమైనది
సంకెలవేయుము సరగున గణపతి

1. మాయాజగమిది క్షణభంగురమిది
ఎరిగీ చిక్కెడి రంగుల వలయిది
తాపత్రయముల బానిస మనసిది
శరణం శరణం నీవే నాగతి

2. మోహావేశము తీరని పాశము
నిలుపుము నా మది నీపై నిమిషము
జీవన సారము భవసాగరము
కడతేర్చుము నను కరుణతొ గణపతి

https://youtu.be/ZUL_LAWK_Jc?si=Qkt3aWUOZkNzR4hI

ఓ ప్రేయసీ!
భువికి దిగిన ఊర్వశీ
నిన్ను చూసి సౌందర్యానికి ఎంతటి జెలసీ
నీవేలే నా ప్రణయ గీతం
నీవేలేనా ఉషస్సరాగం
1. అందమైన సాయంత్రాలు
ఆర్ద్రమైన నీ నేత్రాలు
నేర్పు ప్రేమ తొలి పాఠాలు
తీర్చును మొహమాటాలు
నీవేలే నా ప్రణయ గీతం
నీవేలేనా ఉషస్సరాగం
2. నీ నవ్వుల గలగలలే
సెలయేరులు ఆశించు
నీ పలుకుల కులుకులకే
రాచిలుకలు తలవంచు
నీవేలే నా ప్రణయ గీతం
నీవేలేనా ఉషస్సరాగం

https://youtu.be/jF7QQZ3W_I8?si=7mTXeK_D78JbWkm7

మనసైన చెలియలేక
నయనాల ఏరువాక
సాగింది శిథిలనౌక
తీరాన్ని చేరలేక

1. ఎనలేనిదీ ఈ మోహము
మనలేనిదీ విరహం
విధి వ్యూహం తీరదు దాహం
తీర్చదు ఏ ప్రవాహం

2. ఏ మ్మూఢమో ఆషాఢమో
దృఢమైన ఎద సడలే
అనురాగం అతి గాఢం
బంధించగా జాలం

3. ఈ గీతమే సందేశము
అందించవే మేఘం
కలిగించు రసయోగం
రసరాగ సంయోగం

OK

https://youtu.be/TGPkLCp0zXs

రాగాలు చిలుక సరస హృదయ రమ్య వీణనూ
మ్రోయించువారు లేక నేడు మూగవోయెను

1. మధుమాసవేళ పాడుటకై కోయిలమ్మకూ
లేమావి చివురులేక నేడు అలమటించెను

2. బృందావనాన రాధకాలి అందె సవ్వడి
కనలేక మురళి కంటిలోన నిండెనే తడి

3. జాబిల్లి జాడ కననిబేల జీవజీవము(చకోరి)
గోదారివరద భంగి పొంగె గుండె శోకము

ఊహలలోనే నన్ను జీవించనీ
స్వప్నాలందే నన్ను విహరించనీ
రాలేనురాలేను రాజీల దారిని
భరియించలేను నేను నగ్నసత్యాలని
1. కళ్ళుతెరిస్తె ఏముంది-కనరానిచీకటి
మెలకువొస్తె ఏముంది-మెలితిప్పే ఆకలి
ఈ లోకపు కుళ్ళు రూపు-నేచూడలేను
ఈ వాడిముళ్ళదారి –నే నడవలేను
2. నా గుప్పిటి విప్పనీకు-గుట్టురట్టౌతుంది
ఈ ముసుగు జారనీకు-ముప్పువాటిల్లుతుంది
అతికించికోనీయి-పెదవుల చిరునవ్వులని
మైమరచి బ్రతకనీయి-వేదనాశ్రుధారలని

https://youtu.be/ppNM70xggM8?si=oM0iz30eg7VS479f

నీరాకతోనే నాఎద ఎడారే
మారింది పారే ఒక సెలయేరే
నీ ప్రేమతోనే నా బ్రతుకు మోడే
చిగురించె నేడే వేదనను వీడే
1. గాజుపూసలను చూసి-రత్నరాశులనుకొని భ్రమిసా
గార్ధభస్వరాలనే-అమరగానమనుకొని మురిసా
తెలిసింది నేడే మాణిక్యమంటే
ఎరిగించినావే మాధుర్యమంటే
2. కాగితం పూలెపుడూ-పరిమళాలు కూర్చవనీ
ఎండమావులెన్నటికీ-దాహాన్ని తీర్చవనీ
ఎరిగించినీవే గుండె మీటినావే
ఎదబీడులోనా ప్రేమనాటినావే

https://youtu.be/Lsyvplf_Sq0?si=yKmAQPhWHw9ko-as

గుండెనిండ నీవేనయ్యా కొండగట్టు అంజయ్యా
మా అండ దండ నీవేనయ్యా రామభక్త హనుమయ్యా
వందనమిదె గొనుమయ్యా వాయుపుత్ర హనుమయ్యా
సుందరమూర్తీ స్వామీ అంజనిసుత అంజయ్యా

1. ఇలవేల్పువు నీవే మా కులదైవమూ నీవే
బుద్దెరిగిన నాటి నుండి ఇష్టదైవమూ నీవే
కష్టములే కలుగనీయవు-నష్టములే జరుగనీయవు
గ్రహపీడల హరియించి అనుగ్రహించేవు స్వామి

2. రామనామ స్మరణయన్న ప్రేమమీరజేసేవు
రామనామ గానమున్న మేనుమరచి ఆడేవు
రామపాదసేవకే అంకితమైనావు
శ్రీరాముని ప్రియసఖునిగ వన్నెకెక్కినావు

3. దంపతులకు ఎడబాటును తొలగించిన వాడవు
పునర్జీవితులజేయు సంజీవరాయుడవు
యుగయుగాల వెలుగులీయు చిరంజీవివైనావు
స్వామిభకిపరాయణకు తార్కాణమైనావు

OK

https://youtu.be/EfKcuTci6Bs