https://youtu.be/w3ymTtvtvew

వరలక్ష్మీ సుస్వరలక్ష్మీ ఈశ్వరలక్ష్మీ భాస్వరలక్ష్మీ

శ్రీ లక్ష్మీ వాణిశ్రీలక్ష్మీ విజయశ్రీలక్ష్మీ మాతృశ్రీలక్ష్మీ

దండాలు నీకివే దాక్షాయణి

గండాలు తొలగించవె గజవాహిని

1.      శ్రీలలితే -విస్తృత చరితే

మహిమాన్వితే-మహిషాసుర సంహృతే

నమోవాకాలు నీకు కాత్యాయిని

         వందనాలు నీకివే వరదాయిని

2.      ప్రణవప్రభవితే-ప్రమోద విలసితే

ప్రజ్ఞానదాయకే-శ్రీపథ దాయకే

ప్రణతులివే నీకు పరదేవతా

ప్రణుతులివే నీకు లోకపూజితా

3.      జయహే వాజ్ఞ్మయి-హే కరుణామయి

సదా చిన్మయి- సుజన మనోమయి

నమస్తే నమస్తే-నాదమయి

నమోస్తుతే-సచ్చిదానందమయి

https://youtu.be/0Hmz7PSshx0

గళసీమ గరళాన్ని సహియించినావు
శిరమందు నభగంగ భరియించినావు

ఇంతకన్న ఏముంది తార్కాణం
భోళాశంకరా నీది సార్థక నామం

మహాదేవ మహాదేవ నీలకంధరా పాహి
వామదేవ వ్యోమకేశ గంగాధరా దేహి

1. పులితోలు వలువల్లె ధరియించినావు
నాగుల్ని నగలల్లె మెయి దాల్చినావు
భస్మాన్ని ఒళ్ళంత పులిమేసుకున్నవు
వృషభాన్ని తురగంగ ఊరేగినావు

ఇంతకన్న ఏముంది తార్కాణం
భోళాశంకరా నీది సార్థక నామం

సద్యోజాత తత్పురుషా భూతనాథ పాహి
ఈశానా అఘోరా అనాధ నాథ దేహి

2. నిలువనీడలేకనీవు కొండకోననుండేవు
ఊరువాడ విడిచివల్ల కాడున మసలేవు
తపమైన చేసెవు-చితులైన పేర్చేవు
మోదమైన క్రోధమైన చిందులేసి ఆడేవు

ఇంతకన్న ఏముంది తార్కాణం
భోళాశంకరా నీది సార్థక నామం
నిటలాక్ష నటరాజ విరూపాక్ష పాహి
పశుపతి ఫాలనేత్ర కాలభైరవా దేహి

3. ఇల్లిల్లు బిచ్చమెత్తి బొచ్చెలోన తింటావు
నీ కడలేనిదైన ఐశ్వర్యమునిస్తావు
అడిగితెఅనుచితమైనా అర్ధాంగి నిచ్చేస్తావు
అదియిదియనిగాదు ఆత్మనె అర్పిస్తావు

ఇంతకన్న ఏముంది తార్కాణం
భోళాశంకరా నీది సార్థక నామం

జంగమయ్య లింగమూర్తి ఋతంబరా పాహి
చంద్రమౌళి పింగళ పినాకపాణి దేహి

https://youtu.be/_KqOt-TMWVY

“కృష్ణ తృష్ణ”

లోకుల గాచిన గోకుల కృష్ణా-గోపికల వలచిన మోహన కృష్ణా
కాళియ మర్దన తాండవ కృష్ణా-గోవర్దన ధర గోపాల కృష్ణా

1. వెన్నతిన్నందుకా నీ మనసు మెత్తనాయె
మన్నుతిన్నందుకా మమతలు మొలకెత్తెనాయె
కన్నయ్య నినుజూడ కనులకెపుడు కొత్తనాయె
నినివీడి మనలేక నే కోవెల కొత్తునాయె

మురిపించబోకు నన్ను మురళీ కృష్ణా
మైమరపించకు నన్ను మీరా కృష్ణా

2. అమ్మ మనసు రంజింప ఆటలెన్నొ ఆడావు
అఖిలభువనభాండమ్ములు నోటిలోనె చూపావు
ధర్మసంస్థాపనకై ధరణిలోన వెలిసావు
కర్మసిద్ధాంతమెరుగ గీతను బోధించావు

మమకా’ర’మించ రారాదా రాధా కృష్ణా
విరమించ నీయవదే ఐహిక తృష్ణా కృష్ణా

https://youtu.be/yTCwbyyKrJs?si=NZ7pc1xcWg_D99ప్స్

&

https://youtu.be/-hOqRzsFQ_k?si=PsBgpWZxBOA23dSx

రాజరాజేశ్వరీ బాల త్రిపుర సుందరీ
ఈశ్వరీ జగదీశ్వరీ పరమేశ్వరీ భువనేశ్వరీ

క్షణముకొక్క పేరు నే తలచినా –నూరేళ్ళ జీవితం చాలదు
వేయినాల్కలున్న ఆదిశేషుడూ-నీ నామాలు లెక్కించ జాలడు

1. నిన్ను తెలియ యత్నించి బ్రహ్మ దేవుడు
భంగపాటు చెందినాడు కదానాడు

నీ మాయకు లోబడి అలనాడు మాధవుడు
యోగనిద్రలోనే మునిగి తేలినాడు

నీ మహిమల నెరుగకనే సదా శివుడు
అయినాడుగా సదా సాంబశివుడు

ముక్కోటి దేవతలూ నీకు భృత్యులు
సప్తమహాఋషులందరు నీ పాద దాసులు

ఘటికులంత నీ సేవకులైనప్పుడు-నేనెంతటి వాడినని ఈనా టెక్కులు
వేయిచేతులున్న కార్తవీర్యుడూ-అయిపోడా నీ ముందు శూన్యుడు

2. శాంకరి-మంగళ గౌరి-మాధవేశ్వరి
కామరూప- కామాక్షి-విశాలాక్షి

చాముండి-శృంఖలాదేవి-వైష్ణవి
జోగులాంబ-భ్రమరాంబ-మాణిక్యాంబ

ఏకవీరిక-మహాకాళిక-పురుహూతిక
గిరిజా సరస్వతి మహాలక్ష్మి

అష్టాదశ శక్తిపీఠ వాసిని
అష్టాదశ దుర్గుణ నిర్మూలిని

నా మనోవాక్కాయ కర్మలు-నీవే కావాలి జన్మజన్మలు
శరణాగతి నీవమ్మ ఎప్పుడు-నాపై దయ చూపించు గుప్పెడు

https://youtu.be/MHYIoqBhHss

బలిదానాల ఫలితమ్మే మన స్వాతంత్ర్యం
పోరాటాల విజయమ్మేఈ స్వేఛ్ఛాగీతం
జై బోలో స్వతంత్ర భారత మాతకీ
జైబోలో అమరుడైన ప్రతి నేతకీ-మన గాంధీ తాతకీ

1. సిపాయిలందరి తిరుగుబాటుతో-మొదలయ్యింది సంగ్రామం-స్వతంత్ర సంగ్రామం
మంగళ్ పాండే ఉరితీతే-పూరించింది సమర శంఖం
జై బోలో స్వతంత్ర భారత మాతకీ
జై బోలో ఝాన్సీలక్ష్మీబాయికి-తాంతియాతోపెకి

2. *రౌలట్ చట్టపు నిరసన తెలుపగ-కల్లాకపటం తెలియని ప్రజలు
జలియన్ వాలా బాగ్ లోనా- అసువులు బాసిరి ఎందరొ జనులు
జై బోలో స్వతంత్ర భారత మాతకీ
రాజ్ గురు భగత్ సుఖదేవ్ కి-చంద్రశేఖరాజాద్ కి

3. స్వరాజ్య వాదం వినిపించి-జాతీయతనే నాటారు
స్వదేశి వాడి విదేశి వీడి-ఉద్యమ స్పూర్తిని చాటారు
జై బోలో స్వతంత్ర భారత మాతకీ
జై బోలో లాల్ పాల్ బాల్ కీ-ఆంధ్రరత్నకు అల్లూరికీ

4. బ్రిటీష్ పాలన నిరసించి-సహాయమ్మునే నిరాకరించి
కొత్త రీతుల్లొ పోరాడారు-అహింస మార్గం వాడారు
జై బోలో స్వతంత్ర భారత మాతకీ
జైబోలో గోపాల క్రిష్ణగోఖ్లేకి-ఆంధ్రకేసరి టంగుటూరికి

5. దండియాత్రతో దండును నడిపి-ఉప్పెఉప్పెనగ తలపించారు
ముప్పు తప్పదని తెలిపారు-సత్యాగ్రహమే చేసారు
జై బోలో స్వతంత్ర భారత మాతకీ
జైబోలో రాజాజీ సర్దార్లకీ –భారతకోకిల సరోజినికీ

6. అజాద్ హింద్ ఫౌజ్ గా-భారత సైన్యం నిర్మించారు
సాయుధపోరే మార్గంగా-క్విటిండియాయని నినదించారు
జై బోలో స్వతంత్ర భారత మాతకీ
జై బోలో సుభాస్ చంద్ర బోస్ కీ-బూర్గులరామకృష్ణకి

7. జాతి వివక్షను కాలరాచి-అస్పృశ్యతనే రూపుమాపి
అహింసాయుధంవాడాడు-ఆదర్శంగా నిలిచాడు
జైబోలో మోహన్ దాస్ గాంధీకి
జై బోలో జాతిపిత మహాత్మగాంధీకీ-మన గాంధీ తాతకీ

జై బోలో స్వతంత్ర భారత మాతకీ
జైబోలో అమరుడైన ప్రతి నేతకీ-మన గాంధీ తాతకీ



(*)1919 లో చేయబడిన రౌలట్ చట్టం సంస్కరణల సత్ఫలితాలను తీవ్రంగా తగ్గించి వేసింది. బ్రిటీష్ సామ్రాజ్యానికి వ్వతిరేకంగా జరిగిన హిందూ-జర్మన్ కుట్ర, భారతదేశంలో మొదలయిన సాయుధ పోరాటాలలో జర్మన్ మరియు బోల్ష్విక్ ల పాత్ర ల పై విచారణచేయటానికి సామ్రాజ్య విధాన మండలి (ఇంపీరియల్ లెజిస్లేటివ్ కౌన్సిల్)చే నియమించ బడిన రౌలట్ అధికార సంఘం (రౌలట్ కమీషన్) సిఫార్సులకణుగుణంగా రౌలట్ పేరుపై ఈ చట్టం చేయబడినది. చీకటి చట్టంగా పరిగణింపబడిన రౌలట్ చట్టం వైస్రాయి పభుత్వానికి కుట్రని విచ్ఛినం చేయటానికనే సాకుతో వార్తాపత్రికలపై ఆంక్షలువిధించటం, రాజకీయ కార్యకర్తలను విచారణ లేకుండానే బహిష్కరించటం, సామ్రాజ్యానికి వ్యతిరేకంగా కుట్రకు పాల్పడుతునారనే అనుమానంపై ఏ వ్యక్తినైనా ధృవీకరించకనే నిర్భంధించటం లాంటి విశేష అధికారాలను దకలు పరిచింది.

https://youtu.be/oEDs4ZcDoPA?si=vOeD7yBx2F87GpyO

 రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం :కళ్యాణి

అన్నా చెల్లీ అభిమానాలు
అనురాగపు కొలమానాలు
కల్లాకపటమేలేని పసి హృదయపు వైనాలు
ఒకరంటె ఒకరికెపుడు పంచప్రాణాలు

బంధాలు కానేరవు బంధనాలు
బాధ్యతలే మరువకు నీవు బ్రతికినన్నాళ్ళు
జరుపుకో హాయిగా రక్షా బంధనాలు
అందుకో నేస్తమా రాఖీ అభివందనాలు
అభినందన చందనాలు

1. ఇందిరమ్మ రక్షాబంధం-చందమామతో
గౌరీమాత రక్షాబంధం-విష్ణుమూర్తితో
సంతోషి రక్షాబంధం-శుభలాభులతో
యమునమ్మ రక్షాబంధం-యమరాజుతో

అన్నా చెల్లీ అభిమానాలు
అనురాగపు కొలమానాలు
కల్లాకపటమేలేని పసి హృదయపు వైనాలు
ఒకరంటె ఒకరికెపుడు పంచప్రాణాలు

2. మల్లెతీగ అనుబంధం-అల్లుకున్న పాదుతో
కోయిలమ్మ అనుబంధం-లేమావి చివురులతో
మేఘమాల అనుబంధం-చల్లగాలి స్పర్శతో
వానచినుకు అనుబంధం-మట్టి పరిమళాలతో

అన్నా చెల్లీ అభిమానాలు
అనురాగపు కొలమానాలు
కల్లాకపటమేలేని పసి హృదయపు వైనాలు
ఒకరంటె ఒకరికెపుడు పంచప్రాణాలు

అన్నా చెల్లీ అభిమానాలు
అనురాగపు కొలమానాలు
కల్లకపటమేలేని పసి హృదయపు వైనాలు
ఒకరంటె ఒకరికెపుడు పంచప్రాణాలు

బంధాలు కానేరవు బంధనాలు
బాధ్యతలే మరువకు నీవు బ్రతికినన్నాళ్ళు
జరుపుకో హాయిగా రక్షా బంధనాలు
అందుకో నేస్తమా రాఖీ అభివందనాలు
అభినందన చందనాలు

1. ఇందిరమ్మ రక్షాబంధం-చందమామతో
గౌరీమాత రక్షాబంధం-విష్ణుమూర్తితో
సంతోషి రక్షాబంధం-శుభలాభులతో
యమునమ్మ రక్షాబంధం-యమరాజుతో

అన్నా చెల్లీ అభిమానాలు
అనురాగపు కొలమానాలు
కల్లకపటమేలేని పసి హృదయపు వైనాలు
ఒకరంటె ఒకరికెపుడు పంచప్రాణాలు


2. మల్లెతీగ అనుబంధం-అల్లుకున్న పాదుతో
కోయిలమ్మ అనుబంధం-లేమావి చివురులతో
మేఘమాల అనుబంధం-చల్లగాలి స్పర్శతో
వానచినుకు అనుబంధం-మట్టి పరిమళాలతో

అన్నా చెల్లీ అభిమానాలు
అనురాగపు కొలమానాలు
కల్లకపటమేలేని పసి హృదయపు వైనాలు
ఒకరంటె ఒకరికెపుడు పంచప్రాణాలు

https://youtu.be/eFuA0ifgCzI

దయామృత వర్షిణీ-చిన్మయ రూపిణి
శ్రీ చక్ర సంచారిణి-శ్రీ దేవీ-శ్రీ పీఠ సంవర్ధిని

1. అష్టదరిద్రనివారిణి-అష్టైశ్వర్యప్రదాయిని
అష్టలక్ష్మీ అవతారిణి-అభీష్ట వరదాయిని
నమోస్తుతే డోలాసుర సంహారిణి
నమోస్తుతే కోల్హాపుర నారాయణి

2. మాయా మోహిని-చంచలగామిని
సౌభాగ్య సంరక్షిణి-మంగళకారిణి
నమోస్తుతే నారసింహప్రియే
నమోస్తుతే ధర్మపురి నిలయే

3. కడలిపుత్రి కమలనేత్రి సంక్షేమ సంధాత్రి
మార్దవ గాత్రి మాధవ మైత్రి సకల జన సవిత్రి
నమోస్తుతే కౌశిక వాహిని
నమోస్తుతే కరినగర వాసిని

నేడు నా అర్ధాంగి-గీత-జన్మదిన సందర్భంగా- “గీతార్చన

నేడు నా అర్ధాంగి-గీత-జన్మదిన సందర్భంగా-
“గీతార్చన”
అనురాగం పుట్టిన రోజు ఇది- అభిమానం పొంగిన రోజు ఇది
గంగ అవతరించినది-గీతను ప్రవచించినది
హరివిల్లిల విరిసినది-హరునివిల్లు విఱిచినది
ఈనాడే ఈనాడే చిగురించె ప్రతి మోడే
నేడు గీత బర్త్ డే-ఆనందాల సందడే
హాప్పీ బర్త్ డే టూయు-గీతా- హాప్పీ బర్త్ డే టూయూ

1. బంగారాన్ని కరిగించి-శ్రీగంధాన్ని రంగరించి
లావణ్యాన్ని మేళవించి-దృష్టిని కేంద్రీకరించి
పోతపోసినాడు నిన్ను ఆ బ్రహ్మా- అందానికి నిర్వచనం నీవేనమ్మా
మానవతను కుమ్మరించి-భూతదయను కూర్చిఉంచి
సంస్కారాన్ని కలబోసి-లౌక్యమంత పోగుచేసి
తీర్చిదిద్దినాడు నిన్ను సృష్టి కర్త- ధన్యుడాయె నినుగని వాణిభర్త

2. చిద్విలాస విలాసానివి-ఆదరణలొ అన్నపూర్ణవి
క్షమలొనీవు క్షితీదేవివి-అలుపెరుగని అలకనందవి
నీవున్నచోట పదుగురి నెలవమ్మా-అమావాస్య నాడైన కురిసేటి వెన్నెలవమ్మా
నీకులేదు చేతికి ఎముక-ఆతిథ్యంలొ నీవే పొలిక
వాదనతో చేస్తావ్ తికమక-ఎన్నటికీ నీదే గెలుపిక
ఆత్మగౌరవం నీకు ఆభరణం-అత్మీయత నీ ఇంటి తోరణం

_ప్రేమతో రాఖీ 27-07-2011

https://youtu.be/N-WqK9TZPTk

అపర కైలాసమే వేములవాడ
అడుగడుగున శివుడిజాడ తఱచి చూడ
తలాపునే గంగయుండ దప్పిగొన్నవాడ
తీర్చగలడు రాజన్న మోహదాహాలనీడ
1. నీమొక్కులు సిద్దించగ సిద్ది గణపతి
అపారముగ ఈయగలడు నీకు సంపతి

ఆదరించి అభయమొసగి అమ్మ రాజేశ్వరి
తొలగించును నీకొచ్చిన ప్రతీ ఆపతి

బెంబేలయి దిక్కేతోచకున్నవాడ
రాజేశుని సన్నిధిలో భరోసాగ నిదురపోర

2. పీడలన్ని రూపుమాపు బద్దిపోచమ్మ
ముడుపుగట్టిబోనమిస్తె మురియునన్న

కొండంత అండనీకు మంచుగుండె భీమన్న
చెంబునీళ్ళుకుమ్మరిస్తె సంబరపడునన్న

పాపాలుసమసిపోవు మునకేస్తె (ధర్మ)గుండాన
కోడెగడితె వృద్ధిజెందు వంశమింక తరతరాన

ప్రణయ ప్రబోధం

ప్రణయ ప్రబోధం

మానిపోతున్న గాయాన్ని కెలుక మాకు
మరుగుపడిన స్మృతులేవి గురుతు తేకు
గడచిపోయెమన గతమంతా ఒక పీడకలగా
మసలుకోవమ్మ ఇకపై ఓ అపరిచితగా

1. తలపుకొచ్చు చిహ్నాలన్నీ చెఱిపివేయి
అపురూప కాన్కలన్ని పారవేయి
మన ఉమ్మడిగ ఇష్టాలను వదిలివేసేయి
పంచుకొన్న అనుభూతులు పాతఱవేసేయి
ఏ జన్మకు చెయిసాచకు స్నేహమనే ముసుగుతో
ఏ బంధం ఆశించకు నయవంచక వాంఛతో

2. ఇంద్రజాలమంటి చూపు ఇకవాడబోకు
చంద్రశాలమల్లె నవ్వు ప్రదర్శించకు
అర్భకు’లౌ’ అర్చకులతొ ఆటలాడకు
నిజాయితే లేక ఎపుడు ప్రవర్తించకు
అందాన్ని ఎరవేసి పబ్బాన్ని గడుపుకోకు
ప్రేమయే దైవమన్న సత్యాన్ని మరచిపోకు

“జ్ఞాపకాల అంపకాలు”

“జ్ఞాపకాల అంపకాలు”

భాష చెప్పలేని భావం-స్పర్శ తెలుపుతుంది
మనసు విప్పలేని మర్మం-చూపు చాటుతుంది
అనుభూతుల సారం ఎపుడూ-అనుభవైక వేద్యమే
మధురమైన స్మృతులన్నీ-అనుక్షణం హృద్యమే

1. సంవత్సరమంతా- వసంతమే ఉండదు
నూరేళ్ళ బ్రతుకంతా-ఆనందం నిండదు
చీకటే లేకపోతే వెలుగుకున్న విలువేది
ఆకులే రాలకుంటే-కొత్త చివురు సృష్టేది

ఆడుకో నేస్తమా -జీవితం కేళిగా
మసలుకో మిత్రమా- వైకుంఠపాళిగా

2. ప్రభాతాలు సాయంత్రాలు-రోజూ అతిసహజాలు
కలయికలు వీడ్కోళ్ళు-పయనంలో పదనిసలు
వరదనీరు వచ్చేస్తే-పాతనీరు మటుమాయం
గడిపిన మన సంగతులెపుడు-మరపురాని మధుకావ్యం

నెమరువేయి నేస్తమా-దిగులుగా ఉన్నపుడు
దరికిచేరు మిత్రమా-గుబులుగా ఉన్నపుడు

ప్రేమ యాతన-(దుల్హాదుల్హన్ హిందీ సిన్మాలోని-“జో ప్యార్ తూనే” ముఖేశ్ గీతానికి స్వేఛ్చానువాదం)

ప్రేమ యాతన-(దుల్హాదుల్హన్ హిందీ సిన్మాలోని-“జో ప్యార్ తూనే” ముఖేశ్ గీతానికి స్వేఛ్చానువాదం)
ఏ ప్రేమ కోసం తపియించినానో
ఆ వంకతోనే బలిచేసినావు
అనురాగరాగం పలికించమంటూ
నమ్మించి నాగొంతు నులిమేసినావు

1. ఏ ఆయుధం నీవు వాడావొ గాని
ఎదనెంత చిత్రంగ నరికేసినావు
నీకెంత కసిఉందొ ఏనాటిదో గాని
ప్రణయాన్ని మొదలంటు పెరికేసినావు

నిన్నెంత నిందించి ఇక ఏమిలాభం
ఏమంటె మాత్రం తొలిగేన శోకం

2. వేధించు వారింక ఇకనీకు ఎవరు
రేపింక నీవెంట పడువారు లేరు
నీ స్వేఛ్ఛలోకాన యువరాణి నీవు
ఇక నీకు నావల్ల ఇబ్బంది లేదు

వీడ్కోలు నేస్తం ఇక జీవితాంతం
అబినందనలునీకు శుభమస్తు నిత్యం

3. ఎవరైన నిను చూస్తె ఈర్ష్యొందు వారేరి
నీహాస చంద్రిక కోరే చకోరేది
మనసెరిగీ నీ కోర్కె తీర్చేటి వారేరి
నీ బాధ తనదంటు వగచేటి వారేరి

దొరకాలి నీకు మరీ మంచివారు
కావాలి భవితే బంగారు తేరు

జై జగజ్జననీ...లోకపావనీ
నీ దయ లేనిదీ అడుగైన కదలదీ అవనీ
పాహిమాం..సదా..పాలయమాం - పాహిమాం..సదా..పాలయమాం

1. దాక్షాయణి మోక్షదాయినీ
కృపా జలనిధీ కైవల్యదాయినీ
అరివర్గభేదినీ మాయామోహినీ భవానీ
పాహిమాం..సదా..పాలయమాం - పాహిమాం..సదా..పాలయమాం

2. క్షీరాబ్ది పుత్రీ కమల నేత్రీ
చంచలప్రవృత్తీ అభినేత్రి
సుందర మందస్మిత మధురగాత్రీ గాయిత్రీ
పాహిమాం..సదా..పాలయమాం - పాహిమాం..సదా..పాలయమాం

3. వరవీణా మృదుపాణీ అక్షర రూపిణీ
వేదాగ్రణి విధిరాణీ సకల కళా కళ్యాణీ
వాణీ గీర్వాణీ పారాయణి హంసవాహినీ
పాహిమాం..సదా..పాలయమాం - పాహిమాం..సదా..పాలయమాం

కల-కాలం

కల-కాలం

కాలమెంత కఠినమైనది
బ్రతుకెంత జటిలమైనది
స్వర్గారోహణ రీతి తిరిగి చూడదేమైనా
పద్మవ్యూహమల్లే వెనుదిరుగనీయ దెటులైనా

1. తప్పు తెలుసుకున్నామన్నా-మరలిరాదులే గతము
తపములెన్ని చేసినా-మరల రాదు బాల్యము
మళ్ళీమొదలెట్టువీలు కల్పించదు జీవితం
వర్తమానాన్ని నీవు చేజార్చకు నేస్తము

2. నాటినుండి వ్యాయామం - చేస్తె కలుగునా చేటు
సమతులమిత ఆహారం- తింటె వచ్చునా ముప్పు
వ్యసనాలకు దూరముంటె- కలుగకుండుగా హాని
సమయోచిత నిర్ణయమే- భవితకిచ్చు హామీ

3. అమితవేగ చోదనం-అవకరమే మూల్యం
విచ్చలవిడి వ్యవహారం-ఆదాయమె కైంకర్యం
తేరగ దొరకుననే పేరాశ- ఫలితమే పతనం
పట్టుదల శ్రమలు కోర్చు-విజయమే కైవసం

ప్రేమగా పెంచుకొన్న మల్లె తీగ
పక్కింటిలోకి పాకి పూలు పూసెగా
ముద్దుగా సాదుకున్న రామచిలుక
రెక్కలొచ్చాకచెప్పకుండ పారిపోయెగా

తిన్నింటి వాసాలే లెక్కించు నీ నైజం
కన్నీటి వరదలనే పారించు నా మోహం

1. ఆశించని నదిని సైతం చేస్తారా అపవిత్రం
ఫలమిచ్చే తరువును కూడ నరికేస్తే అదేమి చోద్యం
పంది మెచ్చు పంకాన్ని ఏల పన్నీటి జలకం
మార్చలేము వక్రమైతే శునకం వాలం వాలకం

అమ్మరొమ్ము గుద్దేటి విశ్వాస ఘాతుకం
వెకిలి నవ్వు నవ్వేటి వికృత పైశాచికం

2. ఇరువురికి మారుతుందా రెండిండ్ల మధ్యదూరం
తలోరీతి అనిపిస్తుందా స్నేహమనే పదానికర్థం
స్వీకారం మాత్రమే బంధాన్ని నిలుపుతుందా
పరస్పరం సూత్రమే పనికి రానిదవుతుందా

అందరినీ అన్నిసార్లు చేయలేముగా దగా
నిజాయితే లేనిచోట అనురాగం ఉండదుగా

“త్వమేవాహం”

“త్వమేవాహం”

మనసంతా నీవే నిండిపోతే-ప్రేమకింక తావేది
బ్రతుకంతా నీవే ఉండిపోతె-నీది కాని బ్రతుకేది
ఓ నేస్తమా!ఏదీ నా ఉనికి
నేనేనీవై పోయా చివరికి

1. ప్రేమలూ పెళ్లిళ్లు అల్పమైన విషయాలు
బాధలూ కన్నీళ్లూ-నవ్వుకొనే సంగతులు
అనుభవాలు నీవైనా-అనుభూతులు నావేగా
ఒడిదుడుకులు నీవైనా-స్పందనలు నావేగా

ఓ నేస్తమా!ఏదీ నా ఉనికి
నేనేనీవై పోయా చివరికి

2. నా తలపుల మెదిలేది-నీ ఊహలే
నేను కనే కలలన్నీ-నీ ఆశలే
ప్రయత్నాలు నీవైనా –ఫలితాలు నావేగా
విక్రమమే నాదైనా-విజయాలు నీవేగా

ఓ నేస్తమా!ఏదీ నా ఉనికి
నేనేనీవై పోయా చివరికి

3. అర్థించడాలు-మన్నించడాలు- అర్థరహితాలే మన జగతిలో
ద్వేషించడాలు-వేధించడాలు- దొరకనిపదాలే-మన భాషలో
పెదాలే నీవైనా హాససుధలు నావేలే
పదాలే నావైనా స్మృతులు కృతులు నీవేలే

ఓ నేస్తమా!ఏదీ నా ఉనికి
నేనేనీవై పోయా చివరికి

https://youtu.be/Qz_M-oiisKg

శ్రీరామ నవమి శుభాకాంక్షలతో------
గీత రామాయణం

రామా అతులితము నీ ప్రేమా
శ్రీ రామా స్నేహానికి నీవే చిరునామా
కదలాడే జీవకారుణ్యమా-దరిజేర్చే పుష్పక విమానమా

1. మునివర్యుల యాగం కావగ-తాటకిని వధియించావు
మునిపత్నికి శాపం బాపగ-నీ పాదం తాకించావు
హరుని విల్లు విఱిచి వేసి-మైథిలినే వరియించావు
పరశురాము ప్రజ్వల తేజం-ప్రసన్నంగ హరియించావు

కమనీయం సీతారామ కళ్యాణం-జరిగింది జరిగింది లోకకళ్యాణం||

2. తండ్రిమాట దాటక నీవు-రాజ్యాలను త్యజియించావు
బ్రతుకునావ సరంగువైనా-గుహుడి పడవన పయనించావు
మాయలెరిగిఉన్నాగాని-లేడినడుగ మన్నించావు
మామూలు మనిషిలాగా-సీతకొఱకు విలపించావు

రామరామరామ సీతా రామరామ రాం-ప్రేమ మీరగ మమ్ముగాచే నీలమేఘశ్యాం||

3. జానకి జాడకోసం అవని అంత గాలించావు
జటాయువే కబురు తెలుపగా-కిష్కిందకు అఱుదెంచావు
సుగ్రీవుతొ మైత్రి చేసి-వారధినే నిర్మించావు
ఉడతనైన హనుమనైనా-ఆదరించి అక్కునచేర్చావ్

శ్రీరామ లక్ష్మణ జానకీ-జై బోలోహనుమాన్ కీ||

4. జలధిని లంఘింపజేసి-మారుతినే లంకకు పంపావ్
సీత జాడతెలిపిన హనుమకు-హృదయము లో చోటునిచ్చావ్
అల్పమైన వానరమూకతొ-రావణున్ని కాటికి పంపావ్
అరిసముడైనగాని-శరణంటే ఆదరించావ్

రఘుపతిరాఘవ రాజారాం-పతితపావన సీతారాం||

హోళీ పండగ శుభాకాంక్షలతో వర్ణార్ణవం

హోళీ పండగ శుభాకాంక్షలతో
వర్ణార్ణవం

అందాల హోళీ హోళీ-చిందేసి ఆడీ పాడీ- రంగుల్లో తేలీ సోలీ
ఆనందం పొంగీ పోయిందీ-అనుబంధం వెల్లి విరిందీ

1. చీకటింట తెఱలే తీసీ-వాకిట్లో వెలుగులు పూసీ
జంకుగొంకు వదిలీ వేసీ-గుండె గుండె నొకటిగ చేసీ
మౌనానికి మసినే పూసీ-మాటలతో గారడి చేసీ
దిగులన్నది దూరం తోసీ-చిరునవ్వుల మల్లెలు పోసీ

సంబరంగ సంబరమిచ్చిందీ-రంగరంగ భోగం తెచ్చిందీ
ఆనందం పొంగీ పోయిందీ-అనుబంధం వెల్లి విరిందీ

2. చిన్నపెద్ద తేడా నొదిలీ-బిడియాలను గాలికి వొదిలి
చొరవతోను చనువుగ మెదిలీ-అరమరికలు లేక కదిలి
బంధాలకు జీవం పోసీ-మైత్రి గీతి గానం చేసి
అనుభూతుల గంధం పూసీ-గత స్మృతులను మననం చేసీ

హరివిల్లును నేలకు తెచ్చిందీ-వర్ణాలను వర్షించేసింది
ఆనందం పొంగీ పోయిందీ-అనుబంధం వెల్లి విరిందీ

చేత కాని నేతలు

చేత కాని నేతలు

చేనేత విధికి ఎదురీత
చేనేత వక్రించిన నుదుటి గీత
చేనేత అనునిత్యం ఒక వెత
చేనేత ఎన్నటికీ మారని చరిత

1. మానం కాచే నేతన్నకు-అవమానం మిగిలింది ఈ జన్మకు
కళాకారుడైన ఈ బ్రహ్మకు-కళంకమే ఒరిగింది తన ప్రజ్ఞకు
పెట్టుబడే భార్య పుస్తెల తాడై-అమ్ముడవని సరుకంతా తన గోడై
బ్రతుకలేక ఛస్తుంటే-ఛస్తూ బ్రతుకుతుంటె
చేనేత తీరని వెత-చేనేత ఎన్నటికీ మారని చరిత

2. తీసుకున్న ఋణమే దారుణమై-తీర్చలేని మోయలేని భారమైంది
రద్దుపరచు ఋణపద్దుల వాగ్దానమే-చేతకాని ప్రభుతకది ఋజువయ్యొంది
వసంతాలు రాని చోట తానొక మోడై-తా నేసిన చీరే మెడకురితాడై
మరణమే శరణమైతె-ప్రభుతే కారణమైతె
చేనేత ఒక గుండెకోత- చేనేత నేతల వంచిత

వల(పుల) వల-వల వల

వల(పుల) వల-వల వల

వేటగాడి వేణువు పాటకు వివశవు కాకే లేడికూనా
జాలరి వేసే గాలపు ఎరకు బలియైపోకే చిట్టి మీనా

వలపులోన వలలుంటాయి-మేకవన్నె పులులుంటాయి
జిత్తులమారి నక్కలుంటయ్-విస్తరి చించే కుక్కలుంటయ్

ఆదమఱచి నిదురే పోకు ఓ నేస్తమా!
మాయలోన భ్రమసే పోకు నా మిత్రమా!!

1. దాహార్తితొ పరుగుతీయకు మృగతృష్ణ ఎదురవుతుంది
అనురక్తితొ నింగికెగురకు-సింగిడి కనుమరుగవుతుంది

కలల పల్లకీ నుండి కాలు క్రింద పెట్టు నేస్తం
ఊహల లోకం విడిచి గ్రహియించు నగ్నసత్యం

వయసు నిన్ను ఊర్కోనివ్వదు- మనసు నిన్ను కుదురుగ ఉంచదు

జారిపడితె పగిలే అద్దం నీ జీవితం
జాలికైన నోచుకోదు ఏ నిర్లక్ష్యపు ఫలితం

2. దిగితెగాని లోతు తెలియదు ఏ నది లోనైనా
పడితెగాని ముప్పు తెలియదు ఏ ఊబిలోనైనా

అనుభవంతొ చెప్పే మాటలు పెడచెవిన పెట్టబోకు
చరిత నేర్పు గుణపాఠాలు ఏ మఱచి సాగబోకు

విజ్ఞతనే వీడకు నేస్తం-విచక్షణే మూల మంత్రం

ప్రేమగాథ లెప్పటికీ విషాదాంతమే
ప్రణయానికి పర్యవసానం వేదాంతమే

https://youtu.be/xY3UsSE9CTQ

ప్రాణాలకు తెగించి సాధించుకొన్నదీ స్వాతంత్ర్యం
మేధస్సులు మధించి రూపొదించుకొన్నదీ గణతంత్రం

మహామహుల త్యాగనిరతి-పోరాటాల ఫలశ్రుతి
అలుపెరుగని భరతజాతి
సంతరించుకొన్నది ఖండాంతరాల ఖ్యాతి

గాంధీ మహాత్ముని చలవ ఇది-అంబేడ్కర్ మహాశయుని కృషియే ఇది
వర్ధిల్లు భరతమాత జయహో జయహో-వందనాలు భరతమాత జయజయ జయహో

1. పౌరులకే పెద్దపీట-ఓటు హక్కు ఆయుధమిట
రాజ్యాంగాన లేనెలేదు అనువంశికత మాట
ప్రజలచే ప్రజలకొఱకు ప్రజలే పాలించుట
ప్రపంచానికే చూపెను సరికొత్త ప్రగతి బాట

గాంధీ మహాత్ముని చలవ ఇది-అంబేడ్కర్ మహాశయుని కృషియే ఇది
వర్ధిల్లు భరతమాత జయహో జయహో-వందనాలు భరతమాత జయజయ జయహో

2. అణగారిన వర్గాలకు అగ్రతాంబూలం
నిమ్నజాతి జనులకే నిత్య నీరాజనం
అల్పసంఖ్యాకులకిట ఆదరించు సదుపాయం
మహిళలకిట సాధ్యము సాధికార స్వావలంబనం

గాంధీ మహాత్ముని చలవ ఇది-అంబేడ్కర్ మహాశయుని కృషియే ఇది
వర్ధిల్లు భరతమాత జయహో జయహో-వందనాలు భరతమాత జయజయ జయహో

3. పంచవర్ష ప్రణాళికలు-ఆర్థికరుగ్మత గుళికలు
అభ్యున్నతి పథకాలు-అభివృద్ధికి బాసటలు
ఉచితాలు రాయితీలు ఋణబకాయి రద్దులు మద్దతులు
బడుగూ బలహీనులకు బ్రతుకు దిద్దు పద్ధతులు

గాంధీ మహాత్ముని చలవ ఇది-అంబేడ్కర్ మహాశయుని కృషియే ఇది
వర్ధిల్లు భరతమాత జయహో జయహో-వందనాలు భరతమాత జయజయ జయహో

’అం-ద’-“మా!-నం-ద-మా-యె-నే”!!

నిలువెల్లా కనులున్నా తనిదీరదే చెలీ నినుజూడ
పదివేలా నాలుకలే సరిపోవే సఖీ నిను పొగడ
అంద మంటె నీ దేలే- ఆనందం నీ వల్లే

1. పోతపోసిన అపరంజి బొమ్మవే నీవు
పూతపూసిన విరజాజి కొమ్మవే నీవు
సీతాకోక చిలుకవే నీవు-మకరందం చిలుకవే నీవు
పంచవన్నెల చిలుకవె నీవు-తేనెలొలుక పలుకవె నీవు
సౌందర్యం నీదేలే-ఆహ్లాదం నీవల్లే

2. నడయాతున్న హరివిల్లువే నీవు
అమవాస్య లేరాని జాబిల్లివే నీవు
శ్వేతవర్ణ కోకిల నీవు-మధుర గీతి నాకిల నీవు
ఆరుఋతువులూ నాకామని నీవు-ఆరని కర్పూర హారతి నీవు
హొయలంటె నీదేలే-హర్షమంత నీవల్లే


OK

“నువ్వెప్పటికీ అర్థంకావు”

“నువ్వెప్పటికీ అర్థంకావు”

ప్రేమ గీతంలో ఏమి దాగుంది
నీ వలపులు నీ పిలుపులు నీ తలపులు
మౌన హృదయంలో ఏమి మిగిలుంది
నీ ఊసులు నీ ఊహలు నీ బాసలు

ఓ సయ్యాటల నెరజాణా
నా జీవితాన మ్రోగని వీణ

1. గిల్లి కజ్జా పెట్టుకుంటావ్
నల్లిలాగ కుట్టుతుంటావ్
లొల్లిలేని క్షణమేదైనా మిగిలిందా మన మధ్య
కల్లబొల్లి మాటల ప్రేమ ఎప్పటికీ ఒక మిథ్య
వల్లకాడుగా మార్చి సేదదీరుతుంటావు
బ్రతుకుగోడుగా చేసి నువ్వు నవ్వుకుంటావు

2. ఎలానడుచుకుంటే మెచ్చుకుంటావో
ఏమాటకు నువ్వు నొచ్చుకుంటావో
ఎడారిలో వసంతమల్లె మల్లెలనే రువ్వుతావు
శరత్తులో తుఫానులాగా భీభత్సం సృష్టిస్తావు
నిన్నువదిలి నిలువలేనే నిమిషమైన నా చెలీ
నిన్ను నేను గెలువలేనే-నీకు వశమైనానె చెలీ

తప్పేనేమో నాకు తెలియదు- తప్పనిసరిగా జరగక తప్పదు
ఎందుకిలా జరుగుతోంది- మనసు వశం తప్పుతోంది
జీవితమే పరవశమై క్షణం కదలనంటోంది
అంతులేని స్వార్థం నన్నే కబళించి వేస్తోంది

1. గాలి చెలిని తాకిన గాని తాళలేకపోతున్నా
నేల చెలిని మోస్తూఉన్నా ఓర్చుకోక పోతున్నా
చెలి చూపులు నాకు వసంతం
చెలి నవ్వులు నాకే సొంతం
ఏడేడు జన్మలు సైతం తనకు నేను అంకితం

2. కోపంతో నిప్పులు కురుసిన-వెన్నెలగా తలపోస్తాను
మౌనంగా నిరసన తెలిపిన-సమ్మతిగా భావిస్తాను
చెలియ పలుకులన్నీ నాకే
చెలియ వలపులన్నీ నావే
చెలియలేని నా భవితవ్యం అంతులేని శూన్యమే

“మా ’నవ’ కోయిలా!”

“మా ’నవ’ కోయిలా!”

అనుపమా! అభినవ పికమా!
అనుపమా!సార్థక నామధేయమా!!
సరస్వతే నీకు నేస్తము
సంగీతమే నీ సమస్తము

1. కలవరించగా
చేష్టలు నిలువరించగా
హరి నీ హృదయమే హరించీ వరించెగా
నీ సగభాగమై అవతరించగా తరించెగా

సరస్వతే నీకు నేస్తము
గానల’హరి’యే నీ సర్వస్వము

2. జ్ఞాన దాయిని
విజ్ఞాన వాహినీ
మేధావినే తొలుత నీ గర్భాన ఉద్భవించే
సుమేధ్ గా ప్రమోదమై ఆవిర్భవించే

సరస్వతే నీకు నేస్తము
ప్రజ్ఞా ’పాట’వాలే నీ సొంతము

3. వరవీణా మృదుపాణీ
సకల కళాస్వరూపిణీ
శ్రీవాణియే మలి నీ తనువున ఉదయించే
సుస్వరమే సుకృతిగా ప్రభవించే

సరస్వతే నీకు నేస్తము
సుమధుర గాత్రమే నీ అస్త్రము

“ఏదో రాయి”

“ఏదో రాయి”

రాయివై పోయినావా
చెలీ పరాయివై పోయినావా
నట్టనడి సంద్రాన నా బ్రతుకు నావా
ముంచేసినావా-నను వంచించినావా

1. సూదంటురాయిలా ఆకట్టుకొన్నావే
గీటురాయి మీద గీసి నాడి పట్టుకొన్నావే
తూనికరాయితొ మనసును సరితూచుకొన్నావే
కలికితురాయిలా సిగ దాల్చుకొన్నావే

నట్టనడి సంద్రాన నా బ్రతుకు నావా
ముంచేసినావా-నను వంచించినావా

2. కొక్కిరాయిదొంగజపం చేస్తావని అనుకోలేదు
కీచురాయిలా కఠోరంగ రొద చేస్తావనుకోలేదు
కల్తీ సారాయిలాగ ముప్పుతెస్తావనుకోలేదు
ప్రేమ పావురాయి గొంతు నులిమేస్తావనుకోలేదు

నట్టనడి సంద్రాన నా బ్రతుకు నావా
ముంచేసినావా-నను వంచించినావా

ప్రే-మ-(మ)-ర-ణం

https://youtu.be/Xd_oPljBdLk?feature=shared

రచన :రాఖీ ॥ ప్రే-మ-(మ)-ర-ణం

నీ చెంత నీ మనసు ఉందనీ-కాసింత నాకు చోటుందనీ
తిరిగాను భ్రమరంలా-తికమకగా భ్రమలోనా

ఇవ్వడానికేమీ లేదనీ-నవ్వడానికే నీవనీ
జాలిగ నే చూసానా- జాగు నే చేసానా..

ప్రేమా..ప్రేమా నీవింత కౄరమా..
నిన్ను కోరు కోవడమే నా నేరమా...

1.ఎరుగలేక పోయాను-దొరకని దానికై వెతుకుతున్నానని
తెలుసుకోక పోయాను-కన్నుమిన్ను గానక బతుకుతున్నానని

తొలిచూపులోనే పడిపోయానని-పడిలేచే లోగా కోల్పోయానని
కోల్పోయినదెప్పుడు తిరిగిపొందలేమని-పొందలేని దెప్పుడూ తీయనైనదేనని

ప్రేమా..ప్రేమా నీవింత క్రూరమా..
నిన్ను కోరు కోవడమే నా నేరమా...

2.అయిపోయిన పెళ్ళికినే బాజా వాయిస్తూ-కరిగిపొయిన కలనే కలవరిస్తూ
పగిలిన నా హృదయం అతికించేస్తూ-అతకలేక అంతలోనె అస్తవ్యస్తమనిపిస్తు

చెప్పడానికేమీ..లేనే లేదనీ-లేదనే మాటకూ..అర్థం శూన్యమనీ
శూన్యమనే దున్నప్పుడు లేనిదెలా అవుతుందని-అవ్వాల్సినదెన్నడూ కాక తప్పలేదనీ

తప్పలేని దేదీ తప్పించు కోలేమని-తప్పైనా ఎప్పటికో తప్పదనీ..అయినా అది గొప్పదనీ
ఎరిగిన నామనసే పిచ్చిదనీ-అమాత్రం తెలియకుంటె మరీ వెర్రిదేననీ..నేననీ నీవనీ..లేమనీ

ప్రేమా ప్రేమా ధిక్కారమా..ఇది క్రూరమా..పరిహాసమా..పరితాపమా..
ఇవ్వడానికేమీ లేదనీ-నవ్వడాని కే నీ వ నీ......


Listen to నీ చెంత నీ మనసు ఉందనీ by rakigita9 #np on #SoundCloud
https://soundcloud.com/rakigita9/5thdjjpzpob5

OK

“ మరో మొహింజదారో ”
(చలో ఎక్ బార్ ఫిర్సే అజ్నబీ బంజాయె హమ్ దోనో...స్పూర్థి తో..పల్లవి లో రెండు పంక్తులు)

చెలీ ఒకసారి మనమే -అపరిచితులవుదాము ఈ క్షణమే
తప్పులను సవరించ గ’మనమే - జీవితం బృందావనమే

1.మోడువారిన కొమ్మ సైతం- తొలకరికి చిగురించేను
బీడు వారిన నేలసాంతం- చినుకులకు పులకించేను
పడిలేచే కడలి తరంగం-అలుపెరుగునా నింగి కోసం
సుడితిరిగే వాగు పయనం-ఆపునా అడ్డుంటె మాత్రం
నేస్తమా..ఎందుకనుమానం-నమ్మికకు ఏది కొలమానం
సహజమే బేధ భావనం-సర్దుకొనగలిగితేనె పూవనం

2.మనసునెరిగి మనలేకుంటే- ప్రత్యక్ష నరక యాతన
అంకితమై మసల కుంటే- ప్రతిక్షణం తీవ్ర వేదన
నీవు నేను వేరనుకోంటే- వ్యధలన్నిటి కదె మూలం
నీలో లయమైనాను నేస్తం-నిగ్గు తేల్చాలి ఇక కాలం
ఈ స్థితికి నాదే దోషం-చేసుకోనిక నన్ను మోసం
తలను వంచాను నీ ముందు-ఇంతకంటే నేనేమందు

“’కమ్మ’-నీ” గీతిక

“’కమ్మ’-నీ” గీతిక

ఎందుకమ్మా ఓ కమ్మా-నీకు అంత సహనం (కమ్మ=కాగితం=paper)
నేలకైనా ఉందా అమ్మా-నీ అంత సత్వగుణం
ఎపుడైనా వస్తే భువికే కోపం-తెస్తుంది తెగటార్చే భూకంపం
దెబ్బతింటె భూ పర్యావరణం-రాస్తుంది జీవ జాతికే మరణ శాసనం

1. స్వఛ్ఛమైన నీ మనసుపై-పిచ్చి రాత రాస్తారు
శ్వేతవర్ణ దేహం పైన -గీతలెన్నొ గీస్తారు
కలాలతో కఠినంగా రాసి గాయం చేస్తారు
ముద్రించే తరుణంలో-యంత్రాల్లో నలిపేస్తారు
చరిత్రనే మోసుక వచ్చిన ఘన చరితే నీదమ్మా
నిన్ను మఱచి ఏమరిస్తే మాకు భవిత లేదమ్మా

2. వ్యాసవాల్మీకాదులు –అక్కున నిను జేర్చారు
కవిత్రయము నిన్నెపుడూ పుత్రికగా చూసారు
అష్ట దిగ్గజాలు నీకు సాష్టాంగ పడ్డారు
జ్ఞానపీఠాధిరోహులు వేలుపుగా కొలిచారు
వెదురు నిన్ను కన్న తల్లి మా కల్పవల్లి
వేణువే నీకు చెల్లి ఓ పాలవెల్లి

3. జ్ఞానమొసగు దేవతగా నిన్నారాధిస్తారు
నేర్చుకున్న అనుభవాలు నీలొ పదిల పరిచేరు
అనుభూతులు పంచుకొని చరితార్థను చేస్తారు
తప్పుగా భావించకమ్మా-తల్లిగ నిను ప్రేమిస్తారు
ఏది చేసినా గాని ఉభయ కుశలోపరే నమ్మా
బాధ కలిగించినా సదుద్దేశమే గదమ్మా

OK

“కుంచాకు పావుశేరు –అయినా సరె నీ తీరు-నా కోరిక తీరు ”

“కుంచాకు పావుశేరు –అయినా సరె నీ తీరు-నా కోరిక తీరు ”

కొల్లగొట్టావు సర్వం-నా మనసుతో సహా
కోరుకున్నదేమి నిన్ను-ఓ చిరునవ్వు మినహా
చిన్న చిన్న తీపి గురుతులె-అనుభూతి మిగులుస్తాయి
చిరు చిరు చిరు సంగతులన్నీ-ఆహ్లాదమనిపిస్తాయి

1. చుక్కలొచ్చి రాతిరినే-సుందరంగ చేస్తాయి
కలలొచ్చి నిద్దురలో కమ్మదనం తెస్తాయి
హరివిల్లు నింగికే అలంకార మవుతుంది
వానజల్లు నేలకే అప్తురాలు అవుతుంది
చిన్న చిన్న తీపి గురుతులె-అనుభూతి మిగులుస్తాయి
చిరు చిరు చిరు సంగతులన్నీ-ఆహ్లాదమనిపిస్తాయి

2. నీ ఎదలో తొంగి చూస్తే-దొరికేను నా ఆచూకి
నీ చిత్తం మొత్తం వెతికితె-ఉంటుంది నా చిరునామా
బింకమెంత ప్రదర్శించినా- ఆంతర్యం తెలియదనా
పైకివ్యతిరేకించినా-అంతరంగ మర్మమెరుగనా
చిన్న చిన్న తీపి గురుతులె-అనుభూతి మిగులుస్తాయి
చిరు చిరు చిరు సంగతులన్నీ-ఆహ్లాదమనిపిస్తాయి

https://youtu.be/MrnnHcUEFKo?si=DvQ9BjWBqSZ_m1hv

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం :శివరంజని

శిథిలమైంది గుండె గుడి- ఇంకింది కంట తడి
అలసినాను వెంటపడి- అందుకోలేక చతికిలబడి

1. తీరాన్ని చేరలేవు - కడలికెరటాలు
దాహాన్ని తీర్చలేవు- ఏ మరీచికలు
ఇంద్రధనుసు నెప్పుడూ -సంధించలేము
ఈ మనసునెవ్వరం -బంధించలేము
ఆకాంక్షల అరణ్యరోదన -అడియాసల నిత్య వేదన

2. వలనే అని తెలిసినా -వలపులోన పడ్డాను
దీపకళిక మోహంలో -శలభమే అయినాను
సాలెగూడు సంగతినెరిగీ-కీటకమై వాలాను
వేటగాడి వేణుగానపు-హరిణమై చిక్కాను
ప్రణయమా నీకు జోహారు-నువ్వేఅందాల రక్కసితీరు

“(మెటీ) రియల్ లవ్"

“(మెటీ) రియల్ లవ్"
సెల్ ఫోన్ నేనైతే చెంపల చుంబింతలు
నిలువుటద్దం నేనైతే అందాల వింతలు
వేసుకున్న డ్రస్ నేనైతే వెచ్చనికౌగిలింతలు
వేలాడే చున్నీనైతే ఎక్కడో గిలిగింతలు

మనిషిగా మరణించైనా జన్మలేవొ ఎత్తుతుంటా
నిర్జీవ వస్తువునై నిన్నేనే హత్తుకుంటా

1. నీ చేతిలొ పెన్నునైతే పెదాలపై పదనిసలు
మణికట్టున వాచ్ నైతే క్షణక్షణం సరిగమలు
చదువుకునే బుక్కునైతే ఎదపై నిదురింతలు
నిద్దురలో డ్రీమ్ నైతే పదేపదే కలవరింతలు
మనిషిగా మరణించైనా జన్మలేవొ ఎత్తుతుంటా

నిర్జీవ వస్తువునై నిన్నేనే హత్తుకుంటా
2. ఇంటిలోని టీవీ నైతే కళ్ళప్పగింతలు
తాగే టీకప్పునైతే నీ నాలుక చప్పరింతలు
వొంటికి నే సోప్ నైతే చెప్పలేని పులకింతలు
పదాలపసిడి పట్టీనైతె హాప్పీ వెయ్యింతలు

మనిషిగా మరణించైనా జన్మలేవొ ఎత్తుతుంటా
నిర్జీవ వస్తువునై నిన్నేనే హత్తుకుంటా

3. నువ్వుచూసె కార్టూనైతే ఫక్కున నవ్వింతలు
నువ్వుగనని వండర్ నైతే వొళ్ళు జలదరింతలు
ఊహించని గిఫ్ట్ నైతే అహా థ్రిల్లింతలు
నువ్ మెచ్చె సాంగ్ నైతే మనసు తుళ్ళింతలు

మనిషిగా మరణించైనా జన్మలేవొ ఎత్తుతుంటా
నిర్జీవ వస్తువునై నిన్నేనే హత్తుకుంటా

https://youtu.be/OCDmSHIuNrI

గాలికిపెట్టిన ముద్దు-నీ చెంపను తాకిందే
నన్నే తాకిన నీరు- నీ వొంటిని తడిపిందే
నాపైవాలిన సీతాకోక చిలుక నీ చెక్కిలి నిమిరిందే
నే పట్టిచూసిన కొత్తకోక నీ తనువును చుట్టిందే
తప్పుఅనిఅనగలవా-తప్పుకొని మనగలవా
తప్పనిసరి తోడైనప్పుడు-తప్పించుకొనగలవా

1. కాటుకై మారినేను కంటికే అందమిస్తా
హారమై మెడలోచేరి మేనుకే వన్నె తెస్తా
శిరోజాల రోజాపూవై సొగసులే పెంచేస్తా
చెవులకే జూకాలై సోయగాల నందిస్తా
తప్పుఅనిఅనగలవా-తప్పుకొని మనగలవా
తప్పనిసరి తోడైనప్పుడు-తప్పించుకొనగలవా

2. చేతులకు గాజులుగా సొబగులే కలిగిస్తా
పాదాల మంజీరాలై నాదాలు పలికిస్తా
మనసులోమనసును నేనై నిన్నంత ఆక్రమిస్తా
మోవిపై చిలిపినవ్వునై కడదాక నివసిస్తా
తప్పుఅనిఅనగలవా-తప్పుకొని మనగలవా
తప్పనిసరి తోడైనప్పుడు-తప్పించుకొనగలవా

నిను వీడని నీడను

నిను వీడని నీడను

నువు వద్దని అంటూనే ఉన్నా- నీ వద్దనె నేనుంటున్నా
చీదరించుకొన్నాగాని-ఛీత్కరించు కొన్నగాని
చూరుపట్టుక వ్రేలాడుతున్నా-నీడ లాగ వెంటాడుతున్నా

1. అపోహలోనే బ్రతికేస్తున్నావు- అపార్థాలకే తావిస్తున్నావు
ఊహకు మాత్రమె పరిమితమన్నా
బంధం నమ్మకున్నావు-భయం పెంచుకున్నావు
నీ తప్పేం లేదులే చుట్టూ లోకం అలాంటిది
నీ యోచన అంతేలే-నీ వయసే ఎదిగీఎదగనిది

2. తాడు చూసి తత్తరపడకు-పామనుకొని బిత్తరపోకు
పసుపుతాడు కాబోదు ఉరితాడసలేకాదు
మనసిచ్చేస్తాడు కడదాకా-తోడొచ్చేస్తాడు
కంటికి రెప్పలా వీడు కాపాడుతాడు
ఎందుకో తెలియదులే పూర్వజన్మ బంధమేమో
ఎప్పటికిక తేలునొలే-బదుల్లేని ప్రశ్నేనేమో

మౌన వీణ

మౌన వీణ

ఈ ఉదయ వేళలో-నీ హృదయ సీమలో
నాపై దయ రాదేలనో-ఈ అలక్ష్యమేలనో
శుభోదయం కానేకదమ్మా-నీ బదులే లేకుంటే
అయోమయం అవుతుందోయమ్మా-నువ్వే కనరాకుంటే

1. నా కన్నులకారాటం-నిన్ను చూడాలని
నా మనసుకు ఉబలాటం-ఏదో తెలపాలని
చూపులు మాటాడ లేవు-పెదవులసలు విచ్చుకోవు
గుండె గొంతులోకి వచ్చి-ఊపిరాడకుంటుంది-ఉక్కిరిబిక్కి రవుతుంది
శుభోదయం కానేకదమ్మా-నీ బదులే లేకుంటే
అయోమయం అవుతుందోయమ్మా-నువ్వే కనరాకుంటే


2. ఇంకా తెలియదేమని-ఎక్కడో అనుమానం
తెలిసీ నటిస్తావనీ-నాకు గట్టి నమ్మకం
నేను తప్పుకోలేను-నువ్వు ఒప్పుకోలేవు
అడుగడుగున ఎన్ని మలుపులో-విధి ఆడే నాటకంలో-ఈ వింతనాటకంలో
శుభోదయం కానేకదమ్మా-నీ బదులే లేకుంటే
అయోమయం అవుతుందోయమ్మా-నువ్వే కనరాకుంటే

వీడుకోలు-వేడికోలు

వీడుకోలు-వేడికోలు
నువ్వెళ్లిపోతానంటే –గుండెల్లొ గుబులవుతుంది
నువుకనుమరుగవుతూ ఉంటే-కళ్ళల్లొ వరదవుతుంది
నువ్వులేని ప్రతిక్షణం- వెలితి గానె ఉంటుంది
నీ రాక కోసమే-మది తపించిపోతుంది
ఎలా తెలుపనే చెలిమీ-ఎదలొ అనుభూతిని
ప్రణయమూ పరిణయమేనా- ప్రేమకు పరమావధి

1. మనిషిగా ఎక్కడ ఉన్నా –మనసు నిను గాలిస్తుంది
ఆచూకి పట్టలేక- తల్లడిల్లి పోతుంది
ఏ పని నే చేస్తూ ఉన్నా-ధ్యాసంతా నీదవుతుంది
ఏకాగ్రత కుదరక ఎపుడు- అలజడి చెలరేగుతుంది
ఎలా తెలుపనే చెలిమీ-ఎదలొ అనుభూతిని
ప్రణయమూ పరిణయమేనా- ప్రేమకు పరమావధి

2. అమ్మనైన తలపించే –ఆత్మీయత కురిపిస్తున్నా
ఎనలేని నా అనురాగం -నీకెంత చులకనో
నాన్ననైన మరపించే-ఆప్యాయత పంచుతున్నా
తులలేని నా అభిమానం-నీకెంత పలుచనో
ఎలా తెలుపనే చెలిమీ-ఎదలొ అనుభూతిని
ప్రణయమూ పరిణయమేనా- ప్రేమకు పరమావధి

నీ నవ్వే చాలు...

నీ నవ్వే చాలు...

ఎవరెస్ట్ ఎక్కితేనె విజయమా- చంద్రుడిపై కాలిడితే ఘనకార్యమా
సప్తసాగరాలీదితే సాహసమా- జగజ్జేత కావడమే సంబరమా
నీ చిరునవ్వుకేదీ సరితూగదు-నీ మనసుగెలువ లేనప్పుడు ఏదీ గెలుపవదు

1. అంబానీ ఆస్తినంత నీ పేర రాస్తాడు
ఒబామా అధ్యక్షపదవిని వదిలేస్తాడు
అబ్దుల్ కలాం నిన్ను అర్ధాంగిగ కోరుతాడు
బిన్ లాడెనైన లొంగి నీకు మోకరిల్లుతాడు
రాజ్యాధినేతలంత నీ నవ్వుకు బానిసలు
వీరాధివీరులంత నీ నవ్వుకు దాసులు

2. చిరునవ్వుతొ నువ్వడిగితె తెలంగాణ ఇస్తారు
కాశ్మీరును కోరుకుంటె పాకిస్తానె ఇస్తారు
అందాల పోటీలు నీవల్ల బందవుతాయి
సన్యాసం వైరాగ్యం మటుమాయ మవుతాయి
నీ కనుచూపుకై పదేపదే ఛస్తారు
ఎవరైనా నీ నవ్వుకై చచ్చీ బ్రతికొస్తారు

“నిను గనని బ్రహ్మని”

“నిను గనని బ్రహ్మని”

ఎంతమందిని పంపిస్తావు ఎర్రగడ్డకు
వేలమందిని చేర్చినావు వైజాగుకు
ఎరుగనట్టె ఉంటావు నంగనాచిలా
కొంపలే ముంచుతావు నవ్వుల ’వర’దలా

1. నిన్ను చూసి శిలలైనా చైతన్యమవుతాయి
నీ అందం తట్టుకోక జీవులు స్థాణువులౌతాయి
నాట్యశాస్త్రమంతా నీ నడకల కలబోత
నిను మలచినదెవ్వరని నివ్వెర పడెనే విధాత
ఎరుగనట్టె ఉంటావు నంగనాచిలా
కొంపలే ముంచుతావు నవ్వుల ’వర’దలా

2. ఏ కావ్యము వెతికినా దొరకని నాయికవు
ఏ కుంచె గీయనీ అసమాన చిత్తరువీవు
వ్యక్తీకరించలేని అత్యద్భుత భావన నీవు
అనుభూతి చెందినపుడె అవగతమవుతావు
ఎరుగనట్టె ఉంటావు నంగనాచిలా
కొంపలే ముంచుతావు నవ్వుల ’వర’దలా

చూపు తిప్పుకోలేను-చూసి తట్టుకోలేను
ఎంత ప్రయత్నించినా-దృష్టి ని మరలించలేను
నిన్ను గెలుచుకోలేను-ఓటమి భరియించలేను
రెండింటి మధ్యనలిగి రేవడినై పోలేను
కుమ్మరి పురుగై నా మెదడంతా తొలిచేవు
సాలెపురుగులాగ నీ వలలో బంధించేవు

1. అపరంజి తళుకులు నీ ముందు వెలవెల
మేఘాల మెరుపులూ తలదించుకోవాల
చందమామ బెంగపడీ చిక్కిశల్యమవ్వాల
నక్షత్రకాంతి కూడ నగుబాటు చెందాల
అందానికి కొలమానం నీ అందమేలే
అపురూప ఉపమానం ఇకనుండి నీవేలే


2. పెద్దన ముద్దుల నాయకి వరూధినే వణకాల
కాళిదాసు కావ్య కన్య శకుంతలే జడవాల
అప్సరసలు నీ ముందు అణిగిమణిగి మెలగాల
మోహినే దిగివచ్చి నీకు మోకరిల్లాల
ఎంతవారలైనా కాంతల దాసులే
సౌందర్యవతులైనా నీ పాదా క్రాంతులే

“ప్రణయ దేవేరి ? ”

“ప్రణయ దేవేరి ? ”
నా మనసు (నీ) కో’వెలా-వెల కట్టేవెలా
ఎరుగలేవు ఎదుటి మనిషి విలువ
వేయబోకు ప్రేమనెపుడు శిలువ
ప్రేమంటే ఏమిటో తెలుసా-అనురాగమంటె ఇంత అలుసా
1. పరికించు ఎపుడైనా చిలుకాగోరింకను
గమనించు ఏ రేయో కలువానెలవంకను
పువ్వూతుమ్మెద బంధం-తెలుపుతుంది ఎదబంధం
ప్రేమానుభూతిలో-బ్రతుకంతా మకరందం
ప్రేమంటే ఏమిటో తెలుసా-అనురాగమంటే ఇంత అలుసా
2. మేఘమొస్తె మేనుమరచి-ఆడుతుంది మయూరం
మధుమాసం ఏతెంచితె-ఎలుగెత్తి పాడు పికము
పల్లానికి పారు ఝరి-లయమగును కడలి చేరి
అస్థిత్వం కోల్పోతే-అదే కదా ఆనందం
ప్రేమంటే ఏమిటో తెలుసా-అనురాగమంటే ఇంత అలుసా

“వినవా-వినతి”

“వినవా-వినతి”
నడుము నంగనాచే
నాభి నాతొ దోబూచే
జఘనాలతో పేచే
జడ పామై తోచే
జవరాలా జగడాలా- ఇంతే నా జన్మంతా
జర నాతో జతకలిపీ-మనరాదా బ్రతుకంతా

1. ఎదలు చూపు బంధించె
పెదవి రక్తపోటు పెంచె
నాసిక నను వంచించె
నయనాలు పరిహసించె
జవరాలా జగడాలా- ఇంతే నా జన్మంతా
జర నాతో జతకలిపీ-మనరాదా బ్రతుకంతా

2. గొంతు మైమరపించె
మాట మత్తునెక్కించె
నవ్వుమాయ లోన ముంచె
నడక దాసునిగ మార్చె
జవరాలా జగడాలా- ఇంతే నా జన్మంతా
జర నాతో జతకలిపీ-మనరాదా బ్రతుకంతా

3. విసుగు నీ ప్రేమ ముసుగు
విరుపు నీ మేని మెరుపు
కోపం నీలోని వలపు
ద్వేషం ఇష్టాన్ని తెలుపు
జవరాలా జగడాలా- ఇంతే నా జన్మంతా
జర నాతో జతకలిపీ-మనరాదా బ్రతుకంతా

“మహామాయ”

నువ్వు ఒక హంతకివి-చూపులతొ ప్రాణం తీస్తావు
నువ్వు ధన్వంతరివి-నవ్వులతొ బ్రతికించేస్తావు
నువ్వు ఒక మాయలాడివి-మనసుతో గారడి చేస్తావు
నువ్వు ఒక మాయలేడివీ-అందీఅందక ఊరిస్తుంటావు

1. యుద్ధాలు జరిగేది –నీ ప్రాప్తి కోసమే
రక్తాలుపారేదీ –నీ ప్రాపకానికే
ఎదురుగా నువ్వుంటే ఎక్కి వస్తుంది దుఃఖం
కంటికే కనబడకుంటే ఎదలొ ఎనలేని ఖేదం
తీయనైన వేదన నీవే-తీరలేని వేడుక నీవే
నువ్వు కరుణించకుంటే ఎన్ని ఉన్నా శూన్యమే

2. కృతయుగాన పుట్టి ఉంటే-మనకపోవు ఏ మునీ
త్రేతాయుగాన పుడితే-చెడగొడుదువు రాముని వ్రతముని
ద్వాపరాన పుడితే కృష్ణుడు తలచకుండు మరియే భామని
కలియుగాన పుట్టి నువ్వు తట్టినావు నాలో ప్రేమని
గీయలేని చిత్రం నీవే-రాయలేని కావ్యం నీవే
నిన్ను వర్ణించగా కాళిదాసు కైనా తరమే

OK

కళ్ళు నీకు ఇస్తా కానుకగా- కబోధి నైనా కలల్లోనె చూస్తా వేడుకగా
మాటనీకు ఇస్తా బహుమతిగా- మూగనైనా స్మరిస్తా నిన్నే దేవతగా
దూరంగానె ఆరాధిస్తా-బ్రతుకు నీకు అంకితమిస్తా
ఏదోఒక జన్మలో -నువ్వు కరుణిస్తానంటే-ఎన్నిసార్లైనా
పదపడినే మరణిస్తా-పదేపదే నే జన్మిస్తా

1. ఎంతగా వద్దనుకున్నా-దృష్టి మరలి పోనేపోదు
ఎన్నిమార్లువారించినా-ధ్యాస చెదరిపోనేపోదు
ఆకర్షణ నీలో ఉంది-అది నన్ను బంధించింది
సమ్మోహనమేదో ఉంది-నన్ను వశపర్చుకుంది
నిస్సహాయిణ్ని నేను-నియంత్రించుకోలేను
నీ మయాజాలంలోపడి దిక్కుతోచకున్నాను

2. అభిమానం చాటడానికి-మాటకెపుడు చేతకాదు
అనుభూతిని తెలపదానికి-ఏ భాషాసరిపోదు
తర్కానికి దొరకని భావం-హేతువే ఎరుగని బంధం
నిఘంటువులొలేని పదము-మేధకే అందని పథము
కోరడానికేదీ లేదు-ప్రత్యేకించిపొందేదిలేదు
కరిగిపోవు జీవితకాలం-అనందం మిగిలిస్తేచాలు

ఎదను కొల్లగొడతావు-మనసు దోచుకొంటావు
గుండెకెలికి గాయంచేసి-బాధపడితె నవ్వుతావు
ఓనా నేస్తమా- ఓనా ప్రియతమా
నీ మదికానందమైతె-ఏదైనా భరిస్తాను
నువు సంతోషపడితె-ఎంతైనా సహిస్తాను

1. నిద్రకు నన్నెపుడూ దూరంచేస్తావు-మనశ్శాంతి నానుండి మాయం చేస్తావు
ఏ పనీ చేయనీవు-క్షణం నాకు దక్కనీవు
పిచ్చోడిగ మార్చివేసి-కేరింతలు కొడుతావు
ఓనా నేస్తమా- ఓనా ప్రియతమా
నీ మదికానందమైతె-ఏదైనా భరిస్తాను
నువు సంతోషపడితె-ఎంతైనా సహిస్తాను

2. ఎవరైనా సరె నువ్వే అనిపిస్తావు-నా మెదడంతా ఆక్రమించు కుంటావు
నా శ్వాస నీవైనావు – నా ధ్యాస నీవైనావు
చావలేక బతుకుతుంటె-చోద్యం చూస్తుంటావు
ఓనా నేస్తమా- ఓనా ప్రియతమా
నీ మదికానందమైతె-ఏదైనా భరిస్తాను
నువు సంతోషపడితె-ఎంతైనా సహిస్తాను

OK

ఓ గోదావరి-తెలంగాణ ఊపిరి
ఓ గోదావరి-మా ప్రాంగణ జీవఝరి
మా పున్నెఫలమువల్ల- నీ దరిపై పుట్టితిమి
అన్న పూర్ణ నీవై -ప్రాణ భిక్ష పెట్టితివి

1. చిన్ననాట నీ ఒడ్దున -ఆటలెన్నొ ఆడుకుంటి
నిర్భయంగ నీ ఒడిలో-ఈదాడుట నేర్చుకొంటి
కన్నతల్లిలాగ నీ చనుబాలను ఇచ్చావు
కల్పవల్లి లాగ మా పాపాలను కడిగావు

2. నీ నడకల హొయలుతో -సాహిత్యం ఉబికింది
నీ అలల గలగలలో -సంగీతం అబ్బింది
నీ నీళ్ళు తాగి మేము చురుకుదనం పొందితిమి
నీ చలవ వల్లనే మేధావుల మైతిమి

3. నీ కృపతో మా బీళ్ళు -పంటసిరుల నిస్తున్నవి
నీదయతో కన్నీళ్ళు మాదాపుల రాకున్నవి
గౌత’ముని’కి వరమిచ్చిన తల్లీ ఓ గౌతమి
మనసుతో మాటతో తలలు వంచి మొక్కితిమి

OK

https://youtu.be/qUdqszjxY9o?si=01ZsqFigKKIDTsCf

నీ చిరునవ్వు కోసమే-నే పరితపిస్తున్నా
కడగంటి నీ చూపుకె నే కలవరిస్తున్నా
ఎవరెవరికొ నువ్విచ్చినంత-ప్రాధాన్యత కోరానా
ఇష్టపడే వారంటే-ఇంతి కింత నిరాదరణ నా

1. కడుపునిండ నువు తింటే-నా ఆకలి మటుమాయం
కళ్ళముందు కనబడితే-నా రుగ్మతలన్ని నయం
కాసింత స్పందిస్తేనే- ఉన్నమతి పోతుంది
రవ్వంత దయతలిస్తె-నా గుండె ఆగుతుంది

2. మనసార పలకరిస్తే-మాణిక్యాలెందుకు
క్షణమైన దృష్టి పెడితె-లక్షలు కోట్లెందుకు
నీ వద్దనుండి నేను- లాక్కున్న సొమ్మేంలేదు
నువ్వెంత దోచుకున్నా-కిమ్మని అననైన లేదు

3. నీచర్మం గీరుకపొయినా-నా ప్రాణం విలవిలా
నీకేచిన్న గాయమైనా-నాకు నరక ప్రాయంలా
నీ ప్రసన్నవదనమే- నా కిల బృందావనం
నువు చల్లగ వర్ధిల్లుటే- నా మనోభీష్టం

https://youtu.be/zwz7r5XjhM8

ఓం శ్రీ సరస్వత్యై నమః

తవ చరణ శరణ్యమే సుఖజీవనము
శ్రీవాణీ నీ కారుణ్యమే ఘనసాగరము

1. మూలా నక్షత్ర అవతారిణి
వాంఛితార్థప్రదాయిని చింతామణి
సంగీతవాహిని అనిల సరస్వతి
విజ్ఞాన దాయిని జ్ఞాన సరస్వతి

2. నటగాయక వందిని ఘట సరస్వతి
వీణాపాణి వేదాగ్రణి హే కిణి సరస్వతి
అంతరంగ నియంత్రిణి అంతరిక్ష సరస్వతి
అరిషడ్వర్గ నిర్మూలిని మహా సరస్వతి

నీకు ఎంతో ఉన్నది లోకం-నాకు మాత్రం నీవే మైకం
ఎక్కడుంటుందో నీ చిత్తం-నా తలపుల నువ్వే మొత్తం
ఎందుకో మరి తెలియదు నాకు-అయిపోయా బానిస నీకు

1. అందగత్తెవి నువ్వనుకోకు-సుందరాంగులెందరొ తెలుసు
అందుబాట్లొ ఉన్నాననకు-మార్గాలెన్నొ ఎరుగును మనసు
ఎందుకో మరి తెలియదు నాకు-అయస్కాంతమున్నది నీకు

2. చూపులతో తూపులు వేసి-కనుసన్నల కట్టేస్తావు
నవ్వులనే ఎఱగా వేసి-నీ బుట్టలొ పడవేస్తావు
ఎందుకో మరి తెలియదు నాకు-ఇంద్రజాలమున్నది నీకు

3. కోపంగా నేనున్నప్పుడు-నిన్ను చూసి మంచై పోతా
వేదనతో వేగేటప్పుడు-కనబడితే సేదతీరుతా
ఎందుకో మరి తెలియదు నాకు-మహిమ ఉన్నదేదో నీకు

ప్రేమైక్యం

ప్రేమైక్యం
ప్రేమ కోసం చావను
ప్రేమనెపుడూ చంపను
ప్రేమమార్గం వీడను
ప్రేమగానే చూసుకుంటా ప్రేమను
ఐ లవ్యూ మై డియర్-లవ్యూ లవ్యూ ఫరెవర్
1. దొంగచాటుగ ఎపుడో సొచ్చి
ఎదనంతా ఆక్రమించి
అదేపనిగ వేధిస్తోందీ ప్రేమ
అధోగతికి చేర్చేసింది ప్రేమ
ఐ లవ్యూ మై డియర్-లవ్యూ లవ్యూ ఫరెవర్

2. ప్రేమ సృజనకు హేతువు లేదు
ప్రేమ కొరకే ఋతువూ లేదు
ప్రేమ పుట్టుటకర్థం లేదు
ప్రేమకే పరమార్థం లేదు
ఐ లవ్యూ మై డియర్-లవ్యూ లవ్యూ ఫరెవర్

3. ప్రేమప్రేమను ప్రేమిస్తుంది
అనుభూతిని ప్రేమిస్తుంది
వ్యక్తపరచ లేనిదె ప్రేమ
అనిర్వచనీయమె ప్రేమ
ఐ లవ్యూ మై డియర్-లవ్యూ లవ్యూ ఫరెవర్

OK

చిన్నబుచ్చుకున్నాగాని-ముఖం మాడ్చుకున్నాగాని
నన్ను కసురుకున్నాగాని-లోన తిట్టుకున్నాగాని
నిన్నువీడి పోనేపోను నేస్తమా-నన్ను తప్పుకోవడం నీకు సాధ్యమా
ప్రేమించడమంటేనే ఒక నేరమా-ప్రేమనాశించడమే విడ్డూరమా

నీ గుండెస్పందన నవుతా- నీ గొంతు మార్దవమవుతా
ఊపిరిలో ఊపిరినవుతా-కణకణమున నెత్తురు నవుతా
నడకలొ వయ్యారము నవుతా-మేనిలొ సుకుమారమునవుతా
ఉసురునాకు తాకినగాని-ననుగోసగ చూసినగాని
నిన్నువీడి పోనేపోను నేస్తమా-నన్ను తప్పుకోవడం నీకు సాధ్యమా
ప్రేమించడమంటేనే ఒక నేరమా-ప్రేమనాశించడమే విడ్డూరమా

పెదాల చెదరని నవ్వునౌతా- బుగ్గన మెరిసే సొట్టనౌతా
జడలో ఒదిగిన పువ్వునౌతా-నుదుటన చెరగని బొట్టునౌతా
కంటికి కాటుక రేఖనౌతా-చెంపల వెంట్రుక పాయనౌతా
పీడగ నను తలచినగాని-నీడగ నిను వదలని వాణ్నీ
నిన్నువీడి పోనేపోను నేస్తమా-నన్ను తప్పుకోవడం నీకు సాధ్యమా
ప్రేమించడమంటేనే ఒక నేరమా-ప్రేమనాశించడమే విడ్డూరమా

అద్దంలో బింబమునవుతా-నిద్దురలో స్వప్నమునవుతా
రెప్పమాటు చీకటినవుతా-చూడగలుగు వెలుగే అవుతా
పుట్టుమచ్చ నే నవుతా-పచ్చబొట్టు నేనవుతా
నీ ఎదలో భావమునవుతా-వెంటాడే జ్ఞాపక మవుతా
నిన్నువీడి పోనేపోను నేస్తమా-నన్ను తప్పుకోవడం నీకు సాధ్యమా
ప్రేమించడమంటేనే ఒక నేరమా-ప్రేమనాశించడమే విడ్డూరమా

https://youtu.be/Qr_kajlZecg?si=bCqYItXzqvbqwx-F

శ్రీ దుర్గా నవరాత్ర్యోత్సవ శుభాకాంక్షలు!!
జై భవాని! జై అష్టైశ్వర్య ప్రదాయిని! జై శర్వాణి!

నవదుర్గే –మానవ జీవన సన్మార్గే
భవబంధ విసర్గే-నమోస్తుతే మానస సంసర్గే

1. శైలపుత్రి కాలరాత్రి సిద్దిదాత్రి గాయత్రి
స్కందమాత చంద్రఘంట కూష్మాండే చాముండి
మహాగౌరి బ్రహ్మచారిణి కాత్యాయిని సింహవాహిని
కామరూపిణి కామ వర్ధిని కామ్యార్థదాయిని హే జననీ

2. కాదంబరి బాలాత్రిపురసుందరి సౌందర్యలహరి
శ్రీలలితేశ్వరి రాజరాజేశ్వరి సర్వేశ్వరీ వాగీశ్వరీ
జయజగదీశ్వరి అన్నపూర్ణేశ్వరి హే భువనేశ్వరి
పాలయమాం మహేశ్వరి అఖిలాండేశ్వరి శ్రీశాంకరీ

3. మణిద్వీప నిలయిని మహాశక్తి నారాయణి
శ్రీచక్ర చారిణి కల్యాణి కారుణ్యరూపిణి
ఓంకార సంభవి శాంభవీ మహాదేవి
అఖిలాండకోటి బ్రహ్మాందనాయకి జగద్రక్షకీ

https://youtu.be/aYNswwK94qk?si=VEJLL4iFDUelU7జబీన్ఫ్

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:శివరంజని

కన్నులలో కారం పోసీ-నవ్వులకే దూరం చేసీ
ఆటాడుకున్నావేం నేస్తమా!
ఆషామాషా జీవితమంటే -నా ప్రాణమా
నీవైనా అక్కునజేర్చుకొ-ఓ మరణమా!!

1. అందమైన నాకలలన్నీ-కొల్లగొట్టి పోయావు
మధురమైన ఊహలన్నీ-మాలిన్యం చేసావు
సీతాకోక చిలుకై ఎగిరితె-నిర్దయగా రెక్కలు త్రుంచావ్
సరదాగా గడిపేనన్ను-నరకంలో తోసెసావు
అనురాగరాగమంటే-ఇంతకర్ణ కఠోరమా
ప్రణయానికి పర్యవసానం-ప్రతినిమిషం విషాదమా
ఆషామాషా జీవితమంటే -నా ప్రాణమా
నీవైనా అక్కునజేర్చుకొ-ఓ మరణమా!!

2. కవ్వించీ ఉడికించీ –నాలోన నేనే మురిసా
కాదుపొమ్మంటూనే-మనసారా నిన్నే వలచా
మగువ మనసు మర్మం తెలియక-మాయచేసి ముంచేసావు
పడతి ప్రేమ తత్వం ఎరుగక-వంచనతో నను గెలిచావు
చేజారిన హృదయం ఎపుడు-తిరిగి నన్ను చేరుకోదా
విధి వేసిన ఏ చిక్కుముడీ-ఎన్నటికీ వీడి పోదా
ఆషామాషా జీవితమంటే -నా ప్రాణమా
నీవైనా అక్కునజేర్చుకొ-ఓ మరణమా!!

https://youtu.be/y0o9rAvVE30?si=R0HQabE87h0DUA6K

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం :శివరంజని

చూపులతో నను చంపేసీ-నవ్వులతో ప్రాణం పోసీ
ఆటాడుకుంటావేం నేస్తమా!
ఆషామాషా జీవితమంటే-కుందనాల బొమ్మా
మేడగట్టి కూలగొట్టకు- వందనాలు నీకమ్మా!

1. నువ్వు మాటలాడుతుంటే- ఏరుకుంట ముత్యాలెన్నో
నీ కన్నుల గనులలోన-తవ్వుకుంట రతనాలెన్నో
ఎంత తోడుకున్నాగాని-తరిగిపోని నిధివే నీవు
ఎంతనీరు వాడుకున్నా- ఎండిపోని నదివే నీవు
దాచుకున్నా గాని దాగనివే సౌందర్యాలు
పంచుకున్నా కొద్దీ ఇనుమడించునీ సంపదలు
ఆషామాషా జీవితమంటే-కుందనాల బొమ్మా
మేడగట్టి కూలగొట్టకు- వందనాలు నీకమ్మా!

2. నీ ప్రతి ఒక కదలికలోనా-పల్లవించు మధుమాసాలు
నీ ప్రతి ముఖ కవళికలోనా-శీతల ఋతు పవనాలు
మరణాన్నైన ఆహ్వానిస్తా-క్రీగంటి నీ వీక్షణకై
మళ్ళీ మళ్ళీ నే జన్మిస్తా-నీ మధుర హాసముకై
నన్ను ద్వేషించడమే- నీ కున్న జన్మహక్కు
నిన్నారా ధించడమే -నాకు వరమై దక్కు
ఆషామాషా జీవితమంటే-కుందనాల బొమ్మా
మేడగట్టి కూలగొట్టకు- వందనాలు నీకమ్మా!

https://youtu.be/SQ3dP3ttR1A

జెండా జాతీయ జెండా- మన భారతీయుల కలలే పండా
జెండా మన జెండా- కోట్లాది గుండెల నిండా

చూసీ చూడగనే-ఒక పవిత్ర భావం
మదిలో తలవగనే-సమైక్యతా రాగం

1. కాషాయం ప్రతిఫలించు –హైందవత్వం
తెలుపు రంగు తలపించు-క్రైస్తవ తత్వం
హరితవర్ణమే గుర్తుకు తెచ్చు-ఇస్లాం మతము
ధర్మచక్రమే ప్రబోధించును-లౌకిక తత్వం

చూసీ చూడగనే-ఒక పవిత్ర భావం
మదిలో తలవగనే-సమైక్యతా రాగం

2. నాగరికతకే ప్రతిరూపాలు-హరప్పామొహెంజదారోలు
శాస్త్రపురోగతినిదర్శనాలు-ఆర్యభటావరహమిహిరులు
ఆధ్యాత్మికతపునాదులే-అలరారే హిమాలయాలు
భిన్నత్వంలో ఏకత్వాలే-మన శైలీ సంస్కృతులు

ప్రపంచ మంతటికీ –ఆదర్శం మనదేశం
భారతీయత అంటేనే-జగానికే ఒక సందేశం

3. మందిర్ మస్జిద్ చర్చిలొ కాదు-దేవుడు కొలువుండేది
అణువుఅణువులో నిండి ఉన్నదే కాదా ఆ దైవం
గీతా ఖురాన్ బైబిల్ సారం-మానవతే కాకమరేది
మనిషి మనిషినీ ప్రేమించమనీ-తెలిపేదే మతము

మతమెప్పుడు కారాదు-మారణాయుధం
గతమెప్పుడు తేరాదు-భవితకు సంకటం-ప్రగతికి సంకటం

ప్రణయ ప్రవచనం

ప్రణయ ప్రవచనం

తెలుగులోనె పలికినా తెలియదెలా నీకు
వివరించి చెప్పినా మదికి ఎక్క దెందుకు
అమాయకం అనుకుంటే హాస్యాస్పదమే
నటనని భావించితే అతులితమౌ ప్రతిభయే

1. కలువనేమి కోరుతాడు నింగిలోని చందురుడు
కమలా న్నేం వేడుతాడు జీవదాత సూరీడు
పొంగే అభిమానానికీ ఏవీ అవధులు
గుండె దాటె అత్మీయత కేవీ పరిధులు

2. తుమ్మెదనే వాలకుంటె విరితరువుకు మనుగడేది
ప్రేమ నోచుకోకుంటే మనిషి జన్మకర్థమేది
"ఎక్కడ పుడుతుందో(?)యీ" అనురాగ గంగ
ఉనికి కోల్పోతుందే(!)మది(?) సాగరాన్ని చేరంగ

3. చిలుకా గోరింకలే ప్రణయానికి ప్రతీకలు
రాధామాధవులే కదా పవిత్ర ప్రేమికులు
కొన్ని కొన్ని బంధాలు విధి లీలావిలాసాలు
హేతువుకే అందలేని వింతైన సమాసాలు

కన్నీటి బొట్టు-గుండియ లోగుట్టు- దాచలేనట్టు

మోడైన చెట్టు-చిగురించినట్టు- కంటే కనికట్టు

అందాలు లోకాన అవి మిథ్యలే- ఆనందతీరాలు మృగతృష్ణలే

1. మెరిసే మేఘం-కరిగే కాలం-కనురెప్పపాటే
కురిసే వర్షం-జీవన గమనం-సుడిగాలి తోటే
అరుణారుణ కిరణాలు అర ఘడియేలే
వర్ణాల హరివిల్లు వేషాలు నిమిషాలె

అందాలు లోకాన అవి మిథ్యలే-
ఆనందతీరాలు మృగతృష్ణలే

2. నింగికి ఎగసే-సాగర కెరటం- ఎంత ఆరాటం
నీటిని తాకే-గగనపు తాపం- వింత పోరాటం
ఆటుపోట్ల అవధి ఎపుడు చెలియలి కట్టేలే
కడలి ఖంబు(ఆకాశం) కలయిక ఇల దిక్చక్రమేలే

అందాలు లోకాన అవి మిథ్యలే-
ఆనందతీరాలు మృగతృష్ణలే

https://youtu.be/EF62yc1jz-s?si=NFgqed0p9QJnZ6nq

అభీష్టదాయకం-శ్రీ గణనాయకం
విఘ్న వినాశకం-వినాయకం నమామ్యహం

జయ లంబోదరం-మోదకా మోదకం
దూర్వార ప్రియం- దురితదూర భజామ్యహం

జయ నీరాజనం- ప్రియ నీరాజనం
అందుకో నీ భక్త -జనo నీరాజనం

ప్రణమామ్యహం-ప్రణవ స్వరూపం

ప్రణమామ్యహం-ప్రణవ స్వరూపం

1. భవబంధ మోచకం- భవానీ నందనం
మునిజన వందితం-మూషిక వాహినం
సిద్దిబుద్ది సంయుతం-చిన్ముద్ర ధారిణం
శీఘ్రవర ప్రసాదకం-చిన్మయానందకం

జయ నీరాజనం- ప్రియ నీరాజనం
అందుకో నీ భక్త -జనo నీరాజనం
ప్రణమామ్యహం-ప్రణవ స్వరూపం

ప్రణమామ్యహం-ప్రణవ స్వరూపం

2. పాశాంకుశ ధరం-జగదేక సుందరం
పాపధ్వంసకం-ఫాలచంద్ర పాహిమాం
గజముఖఏకదంత-వక్రతుండ వందనం
శరణం శర ణం-మాం పాహి తవచరణం

జయ నీరాజనం- ప్రియ నీరాజనం
అందుకో నీ భక్త -జనo నీరాజనం

ప్రణమామ్యహం-ప్రణవ స్వరూపం

ప్రణమామ్యహం-ప్రణవ స్వరూపం

https://youtu.be/eS9lGPqqzsg?si=pHrAKFGf1zw_K0LN

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం: నట భైరవి /ఆనంద భైరవి

ఏ లాలి పాడితే జగములనేలే ఏకదంతా నీకు ప్రియం
ఏలీల పొగడినా మహిమలు వేలే గజముఖా ఈయి నాకు అభయం
లాలి పాటకే కైలాసం అటు ఇటూ కదలాలి
గొంతు విప్పితే హిమవన్నగమే ఊయలై ఊగాలి

జోలాలి వినాయకా నా ఎదనీ పాదాల వాలాలి
జోలాలీ శుభదాయకా నీవే-అంతరంగతరంగాల తేలాలి

1. అల్పమైన ఎలుకనెక్కి ఆపసోపాలు పడి
నవరాత్రి సంబరాల మండపాల అడుగిడి
విన్నావు దీనజనుల విన్నపాలు విఘ్నపతి
సేదదీరగా నీవు చేకొనుమా విశ్రాంతి
జోలాలి వినాయకా నా ఎదనీ పాదాల వాలాలి
జోలాలీ శుభదాయకా నీవే-అంతరంగతరంగాల తేలాలి

2. నీ గుజ్జు రూపముతో ముజ్జగాలు తిరిగితిరిగి
భక్తుల కోర్కెలన్ని తీర్చుటలో అలసిసొలసి
బడలికనే గొన్నావు ఓ బొజ్జ గణపతి
శయనించర ఇకనైనా మన్నించి నావినతి
జోలాలి వినాయకా నా ఎదనీ పాదాల వాలాలి
జోలాలీ శుభదాయకా నీవే-అంతరంగతరంగాల తేలాలి

https://youtu.be/iWGxmqwQXp0

సిరులకు శ్రీ పతి-బుద్దికి బృహస్పతి
చదువుల సరస్వతి- నీవె గణపతి

నీవే శరణాగతినీ-పాదాలకు పబ్బతి
ఈయవయ్య సద్గతి- కలిగించు మాకు ప్రగతి

నీకిదె మా హారతి....మంగళ హారతి...మంగళహారతి...మంగళహారతి

1. కదిలిరావయ్య ఓ కైలాస గణపతి
ఎదలొ నిలువవయ్యా కాణిపాక గణపతి

నీ పుట్టిన రోజే ఈ భాద్రపదా శుద్ద చవితి
నవరాత్రుల సంబరమే –వెదజల్లును నవకాంతి

చిత్రమె నీ అకృతి-చిత్రమె నీ ప్రకృతి
అందుకొమా ఈ కృతినీ- పాదాలకు పబ్బతి

నీకిదె మా హారతి....మంగళ హారతి...మంగళహారతి...మంగళహారతి

2. విఘ్నాలను తొలగించే స్వామీ విఘ్నపతి
బంగారు మా భవితకు నీవే నయ్యా... స్థపతి

సన్మార్గము నడిపించే మా జీవన సారథి
చేసుకొన్నామునిన్నె మా బ్రతుకున కధిపతి

కనిపెట్టు మా సంగతి-స్థిర పరచుము మా మతి
చూడవయ్య అతీగతినీ- పాదాలకు పబ్బతి

నీకిదె మా హారతి....మంగళ హారతి...మంగళహారతి...మంగళహారతి

https://youtu.be/9sxzgEjOFok?si=fPtNa7ZbHgh3dCOk

సరిగమపదనీ సంగీతము
ఏడాదంతా వసంతము
పంచమ స్వరమున కోయిలగానం
ఎడారి ఎదలో బృందావనం

1. వాణీవీణా తంత్రులలోనా-జనియించినదీ స్వరగంగా
నారదతుంబుర గాత్రములోనా- ధర దరి జేరెను సురగంగా

ఎంతగ్రోలినా తీరదు తపనా-అమృత సమమీ రసగంగా
ఆలపించినా ఆలకించినా-బ్రతుకే మారును స్వర్గంగా

2. శ్రమజీవి బడలిక కుపశమనమిచ్చె-దివ్యౌషధమీ గాంధర్వము
అలసిన మనసును అనునయించే-సరిలేని నేస్తమీ స్వరసప్తకము

దిక్కేతోచని దీనుల పాలిటి-మార్గదర్శి ఈ బయకారము
ఇహలొ రక్తికి పరములొ ముక్తికి-ఏకైక సాధనమీ సామగానము

“రాఖీ” పౌర్ణమి-రక్షా బంధన దినోత్సవ శుభాకాంక్షలతో.....

అన్నాచెల్లీ అనుబంధం-ఎన్నడువాడని సుమగంధం
అన్నాచెల్లీ అభిమానం-ఆత్మీయతకిల సంకేతం
కలకాలం నిలిచేది రాఖీ బంధం
కలనైన వీడనిదీ రక్తబంధం

1. స్వార్థమెరుగనిది-స్వఛ్ఛమైనది
పాపమెరుగనిది-పావనమైనది
కపటమెరుగనిది-సత్యమైనది
కాలంవలె ఇది-శాశ్వతమైనది
కలకాలం నిలిచేది రాఖీ బంధం
కలనైన వీడనిదీ ఆత్మబంధం

2. ఆపదలోనా ఆదుకుకునేది
వేదననంతా పంచుకునేది
అనురాగానికి ఆలయమైనది
త్యాగానికి ఇది అంకితమైనది
కలకాలం నిలిచేది రాఖీ బంధం
కలనైన వీడనిదీ రక్షాబంధం

కోహినూర్ కేమెరుకా-తన వెల యెంతో
తాజ్ మహల్ కేమెరుకా-తన విలువెంతో
కోయిల కేమెరుకా-తన పాట కమ్మదనం
విరుల కేలా తెలిసేను-మకరందపు తీయదనం

ప్రాజ్ఞులు మాత్రమే గుర్తింతురు ప్రతిభ
అభిరుచి గలవారే కీర్తింతురు ఘనత

1. మేఘమెపుడు గమనించునొ-బీడుల దాహార్తిని
వర్ష మెలా గుర్తించునొ-మోడు జీవితేఛ్ఛని
కరిగిపోవు కాలమెపుడు-హారతి కర్పూరం
తిరిగిరాని గతమెప్పుడు-చేజారిన మణిహారం

ప్రాజ్ఞులు మాత్రమే గుర్తింతురు ప్రతిభ
అభిరుచి గలవారే కీర్తింతురు ఘనత

2. ఎడారిలో బాటసారి-ఎండనెలా మెచ్చగలడు
హిమవన్నగ పరిసరాల-శిశిరమెలా ఓర్చగలడు
అనువైనపుడె కదా-ఆనందం సొంతం
అనుభూతుల అస్వాదనె-జీవిత పరమార్థం

ప్రాజ్ఞులు మాత్రమే గుర్తింతురు ప్రతిభ
అభిరుచి గలవారే కీర్తింతురు ఘనత

https://youtu.be/hScJUO4tOt0?si=u0YRQEmjl-vu8K2k

చంద్ర వదన అందామా-మచ్చలేని అందమాయె
దేవకన్య అందామా-ఇలలో ప్రత్యక్షమాయె
పోలికే లేదు నీ అందానికి నాదృష్టిలొ
ఎవరికైన నీవేలే ఉపమానం ఈ సృష్టిలొ

1. ఎదుటనీవు కనబడితే-ప్రతి యెదలో ప్రమోదాలు
చూపు తిప్పుకోలేకా-దారంటా ప్రమాదాలు
నిన్నుచూస్తు బ్రతుకంతా హాయిగా గడపగలను
నీ చిన్ని నవ్వుకొరకు-ఏడు జన్మలెత్తగలను

పోలికే లేదు నీ అందానికి నాదృష్టిలొ
ఎవరికైన నీవేలే ఉపమానం ఈ సృష్టిలొ

2. కనులముందు నీవుంటే-వాల్చలేను రెప్పలైన
కలనైనా కలతువంటె-నిద్రిస్తా ఎప్పుడైన
క్రీగంటి నీచూపుకు-నూరేళ్లు ధారపోస్త
నువు చేయి అందిస్తే-చావునైన ఎదిరిస్తా

పోలికే లేదు నీ అందానికి నాదృష్టిలొ
ఎవరికైన నీవేలే ఉపమానం ఈ సృష్టిలొ

పాలనురుగు నీ నవ్వు-పసిడి మెరుగు నీ నవ్వు
పరవశాన నీ నవ్వు- పరిమళాలు రువ్వు

1. ముత్యాలు కోరుకొని –అగాధాల శోధనేల
నీ పెదవుల ముంగిలిలో-ఏరుకొంటె పోలా
రతనాల రాశులకై-గనులు త్రవ్వనేల
నీ వదన సీమలో-దొరుకుతాయి చాలా

సరిగమలే పలుకుతుంది- నీ నవ్వుల వీణ
నీ నవ్వులకేది సాటి- నువ్వే ప్రవీణ

పంచదార నీనవ్వు-తేనె ధార నీ నవ్వు
నీ నవ్వుల రుచి మరిగితె- నా నరాలు జివ్వు

2. విషాదాలు మరచుటకై-మత్తు మందు అవసరమా
నీ హర్ష మధువులో-ఓలలాడి పోమా
ఆహ్లాదం పొందుటకు-చందమామ ముఖ్యమా
నీ హాస చంద్రికలే-బ్రతుకంతా పరుచుకోవ

గలగలా పారుతుంది-నీ నవ్వుల గోదారి
నీ నవ్వుల సవ్వడికే-జేగంటలు రావు సరి

వరదాయిని నీ నవ్వు-మన్మోహనమీ నవ్వు
ఎప్పటికీ శరణ్యమే- నా కిక నువ్వు-నీ నవ్వు

ఊహా మోహిని

నువ్వే తోడుంటే –స్వర్గం నా వెంటే
నీతో నా బ్రతుకే- పువ్వుల పల్లకే
నీ...పలుకుల్లో-తేనెల వర్షాలే
నీతో అనుక్షణమూ- తరగని హర్షాలే

1. ఎప్పుడు కలిసామో-అదియే శుభలగ్నం
నీ సాన్నిధ్యమే-నందనవన చందం
ఏ జన్మలో –విడిపోని అనుబంధం
ఏనాడో దైవం-ముడివేసినదీ బంధం

2. కోయిల పాటలో- వినిపించును నీగానం
మేఘం మెరుపుల్లో- కనిపించును నీ రూపం
అందమైన ఓ..-ఊహవు నువు నేస్తం
వాస్తవ లోకం లో- ఎప్పుడు నువు ప్రాప్తం

మనసారా....!

నీకు మామూలే- నాకు మనుగడ లే
నీకన్ని సరదాలే-నాకవి నరకాలే
మెరుపులా మాయమవుతావ్-ఉరుములా భయపెడతావ్
నట్టనడి సంద్రాన-పుట్టి ముంచ్ వేస్తుంటావ్

1. హాయిగా పాడుతున్న గీతాన్ని- అర్ధాంతరంగా ఆపేస్తావ్
సాఫీగా సాగుతున్న కథనాన్ని-ఊహించని మలుపు తిప్పుతావ్
జీవితాలెప్పుడూ ఆషామాషీలా
స్నేహితాలంటెనే-కాలక్షేపాలా
నీకు చెలగాటం-నాకుప్రాణసంకటం
నీకు అలవాటే-నాకు గ్రహపాటే

2. ఉన్నత శిఖరాలపైకి చేరడానికి-చేయూత నందజేస్తావ్
గమ్యాన్ని చేరునంతలోనే-చెయ్యొదిలి నను తోసేస్తావ్
నమ్మకాన్ని నువ్వెపుడూ-నమ్మనే నమ్మనంటావ్
దగాపడిన అనుభవాలే-గుణపాఠాలంటుంటావ్
షరా మామూలే-నాకెప్పుడు గుబులే
నీకు శతకోటే-నాకు నువ్వొకటే

స్నేహ మేఘం

దూదిపింజలాగ తేలి వస్తావు-గాలివాటుకే వెళ్ళి పోతావు
చుట్టమల్లె నన్ను చూడ వస్తావు-చెప్పకుండ మాయ మైపోతావు
ఓ మేఘమా - జీవన రాగమా
నా దాహమే- తీర్చే స్నేహమా

1. మనసైతే మాత్రము-ఓ చినుకై పలకరిస్తావు
అభిమానం వెల్లువైతే-తొలకరినే చిలకరిస్తావు
ఎదనదులకు జీవం నీవు-ప్రేమికులకు ఊతం నీవు
అంతరంగ గగనానా-అందమైన సుందరి నీవు
అనురాగ సీమలోనా-ఆరాధ్య దేవతవీవు

2. కాళిదాసు నిన్ను చూసి-కావ్యమే రాసాడు
తాన్ సేన్ తాళలేక-రాగమే తీసాడు
కవి కవితకు వస్తువు నీవు-గీతకర్త స్పూర్తివి నీవు
చిత్రమైన ఆకృతులెన్నో-సంతరించుకుంటావు
కొత్త కొత్త ఆ కృతులెన్నో-ఆవిష్కరిస్తుంటావు

https://youtu.be/mdNdhWP0NiU?si=PKs0dEEqfNA2thNA

అతికించుకున్న చిరునవ్వులెన్నో- పెదవులపై మెరిసినా....
నయనాలలోనా కదలాడుతున్నా- వేదనయే దాగునా...
మేలిముసుగు వేసుకున్నా జాలిమోము తెలియకుండునా
గుండెరాయి చేసుకున్నా గొంతు జీర పలుకకుండునా

1. వెంటాడే జ్ఞాపకాలే జోరీగల గోలవుతుంటే
వేధించే గతస్మృతులే కంట నలుసులవుతుంటే
పీడ కలలే నీడ లాగా వీడలేకుంటే
మానలేని వ్యాధిలాగ కబళిస్తుంటే
ఎంతగా .....ఎంతగా .......ఎంతగా||అతికించుకున్న||

2. మత్యాలుపగడాలు కడలికి నెలవనుకొంటే
గర్భాన దాగున్న బడబానలం తెలియదంటే
ఉప్పెన ముప్పు కప్పిపుచ్చి దబాయిస్తే
ప్రళయంచేసే విలయం గూర్చి బుకాయిస్తే
ఎంతగ ......ఎంతగా..... ఎంతగా.......

ప్రణయ ప్రాణం-హృదయ గానం

ఎంత చిన్నదీ...ఈ గుండె
విశ్వమంత దీనిలోనె దాగుండె
ఎంత మర్మమైనదీ ఈ మనసు
అంతు చిక్కలేకున్నది తన ఊసు

1. చూడబోతె ఎద చేసే ఆపని ఆ పనితీరు
తీరికే దొరకదని ఎవరైనా నమ్మితీరు
ఎడదే మారితె ఏమారితే చాలుక్షణాలు
హరీమంటాయి కదా మనిషి ప్రాణాలు
స్నే-హానికి ఎందుకు చేయిసాచునో మరి
బంధానికి తానెలా బంధీ యగునొగాని
ఉల్లమెల్ల తెలుసుకోగలమా మనము
గుంబ(న)మే ఎల్లరకు ఈ మనము

2. నిరంతరం డెందము చేస్తుంది ఘోరతపం
లబ్ డబ్ అనునదే తనుచేయు మంత్ర జపం
జరిగిపోతె ఎపుడైనా మదికి తపోభంగం
తక్షణమే అయిపోదా నీర్జీవమై దేహం
ప్రేమవైపు ఎప్పుడు దృష్టి సారించునో
అనురాగం అను రాగం ఎపుడు ఆలపించునో
ఎరుగలేము ఎవరము దీనిమాయ
చిత్రమే కదా సదా హృదయ లయ

“త్రిశంకు స్వర్గం”

ఎందుకు కన్నెర చేస్తావో- ఎందుకు వరముల నిస్తావో
ఎరుగడు విధాత సైతం
ఎప్పుడు నవ్వులు పూస్తావో- ఎప్పుడు గుండెను కోస్తావో
తెలియదు పరమాత్మకేమాత్రం
1. ఏదైనా కోరానా-పరిచయాని కంటే క్రితము
తపస్సులే చేసానా-నువ్వెదురు కాక పూర్వం
దారిన పోయేవాడిని-దగ్గరగా తీసావ్
దగ్గరైపోగానే-నిర్దయగా నను తోసేసావ్
ఏమిబంధమో నీది-యమపాశం కన్నా గట్టిది
ఏమి తత్వమో నీది-పాదరసం కన్నా మెత్తది
2. నిజాయితీ అన్నపదం-నిఘంటువులొ లేకుంటే
విశ్వాసం అన్నమాట-అర్థరహితమని నువ్వంటే
నీ వాదనలౌతాయి-నిత్యసత్యాలు
నీ సిద్ధాంతాలన్నీ-స్వాతి ముత్యాలు
జీవిత పరమావధి-కాలక్షేపమా నీకు
విలవిలలాడే హృది-హస్యాస్పదమని అనుకోకు

“అప్రమేయం”

“అప్రమేయం”
జాబిలికీ..నేలమ్మకు..ఏ బంధం ఉందని... ఈ అనుబంధం
వెన్నెల అడవిగాచినా...గాని ..భ్రమణం ఆగిపోదు ఎందుకని..?
లహరికీ.. కడలికి యే చుట్టెరికం ఉన్నదని..ఈ మమకారం
తనరంగు రూపు రుచీ మారినగాని..లయమై కొనసాగుట దేనికని?
విధి వేసిన చిక్కుముడులు ఎవరు విప్పలేనివి..
కాలం పొడుపు కథలు..విప్పిచెప్పలేనివి..
1. కోరుకున్న వారిని అమ్మగా పొందగలమ
ప్రయత్నించి గొప్పింట్లో జన్మించగలమా
అనుకొన్నవన్నీ అయిపోతాయనుకొంటే
పెళ్ళిళ్ళు స్వర్గంలో జరుగుట యెందుకని?
తలచినవేజరిగే వెసులుబాటు మనిషికుంటే
ఇన్ని ఆత్మహత్యల ఆంతర్యమేమిటి?
విధి చేసే గారడీలు వింతయే కదా
కాలం ఇంద్రజాలం విడ్డూరమే సదా

2. జీవన యానంలో తారస పడునెవ్వరో
చితి చేరే ఈయాత్రలో కడదాకా తోడెవరో
ఎదురైన ప్రతివారితొ..కబురులాడ మనతరమా
మాటా-మంతి తో బంధాలు వేయగలమ
మాయజేసి అనుబంధం కొనసాగించగలమ
అవకాశమె లేనిదాన్ని అందిపుచ్చుకొనగలమా
విధి ఆడే నాటకాలు..చిత్రమే మరి..
కాలం ప్రవహ్లికలు కష్టమే మరి..

అనిర్వచనీయ అనుభూతి

నీ పాద ధూళైనా పరమ పవిత్రం
నీ గాలి సోకెనా జన్మయే చరితార్థం
ఓ నా నేస్తమా....ఓ నా సమస్తమా..
నీవేలే నా బ్రతుకునకర్థం
నీవేలే నా జీవితలక్ష్యం
1. అమ్మవూ నాన్నవూ గురువూ దైవానివి
అక్కవూ చెల్లివీ నా అర్ధ భాగానివి
బంధనాలెరుగని బాంధవ్యం మనది
భావనకే పరిమితమయ్యే అనుబంధం మనది
ఓ నా నేస్తమా...నా సర్వస్వమా...
నీవే నా అత్మ బంధువు- నీవేలే ప్రేమ సింధువు
నీవే నా వీనుల విందువు -నీవే నా కేంద్ర బిందువు
2. ప్రేమా ,అనురాగం,ఆత్మీయత నీ రూపం
చెలిమీ ,స్నేహం,మైత్రీ ..నీ విలాసం..
కనులు మూసుకుంటేనీ సాక్షాత్కారం..
కలల బృందావనానా నీ సాహచర్యం..
ఓ నా నేస్తమా...ఓ నా.. స కల మా..
నీవే నా ప్రాణ దీపం-నా ’లో’ చైతన్య భావం
నీవే మాధుర్య రసగీతి-అనిర్వచనీయ అనుభూతి

OK

నా కలా! ఎందుకలా?
“ ’కల’వని “ తలవనా
కలనైనా కలవని నేస్తమా
కలయిక మనకిక సాధ్యమా
కలవరమే నాకిక ప్రాప్తమా
1. కలకాలం నిలిచే స్నేహము
కలదో లేదో ఎరుగము
కలరవమగు నా జీవితగీతం
కలగాపులగం నా భవితవ్యం
కలయిక మనకిక సాధ్యమా
కలవరమే నాకిక ప్రాప్తమా
2. కలకోకిల వైనం నీ గానం
కలహంసల తుల్యం వయ్యారం
కలమే రాయని నువు మధు కావ్యం
కలత చెందె నా ఎద నీకోసం
కలయిక మనకిక సాధ్యమా
కలవరమే నాకిక ప్రాప్తమా

OK

https://youtu.be/dcl0mFeVzZY?si=cUv45HwNXmEXULSm

గుండెపిండి చూడు కారుతుంది కన్నీరు
మనసుతట్టి చూడు మ్రోగుతుంది నీ పేరు
నరనరాలలో పారేది నెత్తురు కాదు నీఊసే
రేయీ పగలూ దినమంతా ఎప్పుడు చూడు నీ ధ్యాసే
కాదులే చెలీ(నా) “ప్రేమ” నాటకం
ప్రేమ అంటెనే ఒక నమ్మకం

1. ఏ సాక్ష్యం చూపింది చిలకకు గోరింక
ఏ ఋజువులు తెచ్చింది కలువకు నెలవంక
ఏ మంత్రం వేసిందీ మేఘానికి చిరుగాలి
ఏ హామీ ఇచ్చిందీ భ్రమరానికి సిరిమల్లి
కాదులే చెలీ(నా) “ప్రేమ” నాటకం
ప్రేమ అంటెనే ఒక నమ్మకం

2. కన్నెవాగు ఏ కానుక తో కడలి ఒడిని చేరుతుంది
గున్నమావి ఏ బహుమతి తో కోయిల జత కడుతుంది
ఏ మత్తు జల్లి హరివిల్లు నింగి కొల్లగొడుతుంది
ఏ లంచమిచ్చి జడివానా నేలను ముద్దెడుతుంది
కాదులే చెలీ(నా) “ప్రేమ” నాటకం
ప్రేమ అంటెనే ఒక నమ్మకం

నేనేం పాపం చేసాను నేస్తమా..
నేనేం ద్రోహం చేసాను..మిత్రమా..

1. కొందరితో నువ్వు గొడవైనా పెట్టుకుంటావ్
కొందరితో నీవూ తిట్లైనా భరించుకుంటావ్
నేనేం మోసం చేసాను ప్రాణమా
నేనేం దోషం చేసాను స్నేహమా

2. పరాకుగా కొందరున్నా మాటాడుతుంటావ్
చిరాకుగా నీవున్నా కులాసగా చాటుతుంటావ్
నేనేం తక్కువ చేసాను..నెచ్చెలీ
నేనేం గొప్పలు పోయాను నా చెలీ

3. కోరకున్న గొంతెత్తీ కోయిలల్లె పాడుతుంటావ్
వేడుతు నే ఉన్నాగానీ రాయిలాగ పడిఉంటావ్
నేనేం సిరులను కోరాను ప్రియతమా
నేనేం వరముల నడిగాను..దైవమా..

OK

కరుణతొ..మొరవిను..

ఎచటని వెతకను నిటలాక్షా నిను
అంతట నిండిన అంతర్యామి-
అట నిట నిటులనే గాలించగనే
కాంచనైతి నిను కరుణతొ మొరవిను
1. చల్లగ వీచే గాలివి నీవై-ఉల్లాసమునే చేకూర్చరా
అల్లనసాగే సెలయేరు నీవై-ఆహ్లాదమునే కలిగించరా
ప్రకృతిలోని ప్రతి అణువు నీవై-నాడెందమునే అలరించరా
2. ఓదార్పు నిచ్చే నేస్తానివీవై-ఎద భారమునే తొలగించరా
కడదాక సాగే ఒక తోడు నీవై-నందన వనముల నడిపించరా
కలలో ఇలలో నా లో లో లో నేనే నీవుగ తలపించరా

ప్రేమ గీతం

నెరవేరని కోరిక నేను-ఫలియించని వేడుక నేను
మెప్పించని నమ్మిక నేను.....నేస్తమా!
1. నా మోవే ఓ కలమవగా-నీ మేనే కాగితమవగా
రాస్తాను..ముద్దుముద్దుగా..ప్రేమలేఖ లెన్నెన్నో
చేస్తాను..పద్దుపద్దుగా..వలపులెక్క లెన్నెన్నో

రవి చూడని తిమిరం నేను..దరిచేరని కెరటం నేను
అలుపెరుగని యత్నం నేను..నేస్తమా..!

2. నా కన్నుల కుంచెల తోనే-నఖ శిఖ పర్యంతము నిన్నే
గీసేస్తా బ్రహ్మ ఎరుగని అందలెన్నెన్నో
తగిలిస్తా,,నా ఎదకే నీ చిత్రాలెన్నో

పలికించని గాత్రం నేను-నువు చదవని శాస్త్రం నేను
పులకించని ఆత్రం నేను..నేస్తమా!

ప్రేమ-పిచ్చి-ఒకటే

పిచోడినై పోయా నెచ్చెలి నీ ప్రేమకై
వెర్రోడినపోయా నేస్తమ నీ జాడకై
నా లో ప్రేమ వరదవు(Flood) నీవే
నాకు ప్రేమ వర ద వు(వర=వరము :ద=ఇచ్చునది) నీవే

1. నన్నుచూసి ఎగతాళిగ నవ్వుకుంటావేమో
నన్ను గేలిచేసి సంబరపడుతుంటావో
చంపనైన చంపవూ-కరుణతొ బ్రతికించవూ
ఏమిటి ఈ చిత్ర హింస-చెప్పవె నా రాజ హంస

2. తలవంచుక పోతుంటే కవ్విస్తావు
అలిగినేను కూచుంటే నవ్విస్తావు
మరపురానీయవు నిను- చేరరానీయవు
ఏమిటి ఈ వింత గారడీ-నా బ్రతుకు నీకు పేరడీ

https://youtu.be/BneCYWXmIsI

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఒక పాట పాడవే ఓ కోయిలా..
నీ కెందుకే బెట్టు గడుగ్గాయిలా
ఉలకవు పలకవు ఒక రాయిలా
నా వేడ్క తెల్లరనీ రేయిలా...

1. ఏ పుణ్య ఫలమో నీ గాత్రము
ఏ జన్మ వరమో సంగీతము
ఎలమావి కొమ్మలు నీ కూయలే
చవులూరు చివురుతినీ కూయలే
వేదనాదానివై..నాద వేదానివై
కూయాలి ఇల హాయికే హాయిలా
తీయాలి రాగాలు సన్నాయిలా

2. వేచింది ఆమని ఏడాది నీకని
తీర్చింది మామిడి నీ ఆకలిని
జుమ్మను తుమ్మెద సవ్వడి మరపించి
జారే జలపాత హోరును మించి
ఓంకార రవమై..జీవన లయవై
వ్యాపించనీయి గానం దిగ్దిగంతాలు
తలపించనీయి సాంతం నిత్య వసంతాలు

OK

గారాల బంగారాల సింగారాల నిదుర

నిదురే బంగార మాయేనా...
మంచి కునుకే సింగార మాయెనా
...గాఢ నిదురే బంగార మాయేనా
నిదురే బంగార మాయె.. కునుకే సింగార మాయె
కలయన్న మాట కూడ-కలగానె మిగిలి పోయె
కలయన్న మాట కూడ –కలదాయని యనిపించునాయె
1. ఉరుకులు పరుగులు జీవిత మాయె
వడివడి బ్రతుకుల జగమే మాయె
అలనాడు ఆదమఱచు నిదురే మాయె
గుఱకేసి శయనించు విధియే మాయె
(నిద్ర)సుఖమే గగన సుమమాయెనా
(పడక)హాయే –ఓ ఎండమావాయెనా
2. ఆఫీసుల్లో పనిచేస్తు జోగుతారు
బస్సుల్లోనా పయనిస్తు తూగుతారు
బళ్ళునడుపుతు మైమఱచి తూలుతారు
కళ్లుతెఱచీ కాసింత సోలుతారు
గుడ్డు(Good)స్లీపే(sleep)కరువయ్యి పోయేనా
బెడ్డు(Bed)రెస్టే(Rest) ప్రియమయ్యీ పోయేనా
3. టీవీ పెట్టే(TV Set) నిదురని హరియించె
ఇంటర్నెట్టే(Internet)కునుకును ముంచే
సందట్లో సడేమియా అయ్యింది క్రికెట్టు మ్యాచే
వేళాపాల లేక నడిరాత్రి సెల్(cell)సందడించె
స్వప్నం ఒక వరమై పోయేనా
శయనం అత్యవసరమై పోయేనా

https://youtu.be/6fPSeKYkmuk

తెలుగు ప్రజల తెలుగుజాతి (తెలుగు భాషా )మాతృభాషా దినోత్సవ సందర్భంగా-

తేనె వంటిదీ మన తెలుగు కదా
’మరి చే’దెలా అయ్యింది మాతృభాష-మన మాతృభాష
అమ్మ అంటెనే హాయికదా
’మమ్మీ’ అనుమాటలో ప్రేతమనీ తోచదా
కన్నతల్లి కన్నమిన్న ఇంకేది లోకాన
సొంతఊరు అవ్వనుడుగు సాటిలేనివెపుడైనా

1. క్షరము కానిదే అక్షరము కదా
కొఱవడుతున్నాయెలా క్ష ఱ లు
సమసిపోనిదే వర్ణం కదా
లుప్తమెలా అయ్యాయి ఌ ౡ లు
ఇంద్ర ధనుసు కున్నవి ఏడే వర్ణాలు
తెలుగు భాష వర్ణాలు యాభయ్యారు

2. ఋణములు,ౠకలు నిత్యాగత్యమే కదా
మాయమెలా అయ్యాయి ఋ,ౠలు
మనఃపూర్వకంగా తెనుఁగు అనాలన్నా
అవసరమవుతాయికదా అరసున్నా విసర్గలు
భిన్నమైన యాసలే తెలుగు గర్వకారణం
ముత్యాల దస్తూరే తెలుగులిపికి ఆభరణం

3. అచ్చరువొందే అచ్చరాలే
అచ్చతెనుఁగుకే మెచ్చుతునకలు
దేశ భాషల్లో తెలుగు లెస్సగా
రాయల పలుకులే జిలుగు కణికలు
నిలపాలి మనమెప్పుడు తెలుగు ఆత్మగౌరవము
గుర్తెరిగీ మసలాలి తెలుగు భాష గొప్పదనం
తూర్పులోని ఇటలిభాషగ కీర్తించెను ప్రపంచం

త్యాగానికి ప్రతిరూపం నాన్న!

నాన్నా నీవేలే త్యాగానికి ప్రతిరూపం
నాన్నా నీవేమా ఈ ఉన్నతి తార్కాణం
ఏమి చేసినా గాని తీరిపోదు నీ ఋణం
ఈయగలము మనసారా మా అశ్రుతర్పణం

1. అనురాగ మూర్తియైన అమ్మను నా కిచ్చేసి
ఆనందలోకమైన అమ్మఒడిలొ నను వేసి
కాలుకంది పోకుండా భుజాన నను మోసి
అందమైన బాల్యాన్ని అందజేసావు వెఱసి

2. దొంగబుక్కలెన్నెన్నో కుడిపించావు
అంగలేయ వేలుపట్టి నడిపించావు
కంటి చూపుతోనే క్రమశిక్షణ నేర్పావు
మౌనదీక్షతోనే నిరసన ప్రకటించావు

3. మా పోషణె ధ్యేయంగా బ్రతుకు ధార పోసావు
రేయిపవలు మాకోసం నీరెక్కలు వంచావు
ఎంతకష్టమైనా సరె నవ్వుతు భరియించావు
నీ బిడ్డలమైనందుకు గర్వపడగ పెంచావు
నాన్న అంటె ఇలాగే ఉండాలనిపించావు

ఎక్కడ పుట్టావే ప్రేమా... గుండెలొ ఎప్పుడు అడుగెట్టావే
ఎందుకు వచ్చావే ప్రేమా... నా మదికి ఎలాగ నచ్చావే
నా ప్రమేయమే లేదు- నాప్రయత్నమే లేదు
చాపక్రింది నీరు లాగ - ఆక్రమించుకున్నావే
కన్నుమూసి తెఱిచేలోగా- నన్ను దోచుకున్నావే

1. వాలే పొద్దుకు వాన జల్లుకు-ముడి పెడతావు
నీ అవతారం ఇంద్రధనుసుగా-చూపెడతావు
వాలే తేటికి విరిసిన విరికీ-జత కడతావు
నీ ప్రతిరూపం మాధుర్యంగా-తలపిస్తావు
మాయలాడివే ప్రేమా-గారడీలు చేస్తావు
మాయలేడివే ప్రేమా-విరహాలు సృష్టిస్తావు

2. రాధామాధవ చరితం అంతా-నువ్వే నిండావు
ప్రణయం అంటే సరియగు అర్థం-జగతికి తెలిపావు
రతీ మన్మధుల ఆంతర్యమే-నీ జన్మకి కారణం
పతీ పత్నుల సాహచర్యమే-నీ ఉనికికి తార్కాణం
దైవత్వం నీవే ప్రేమా- లీలలెన్నొ చూపేవు
అద్వైతం నీవే ప్రేమా-శాశ్వతంగ నిలిచేవు

ఎరుగని ఓ నగ్న సత్యం ప్రేమా- ఎరిగిన గూఢ రహస్యం ప్రేమా

ఎరుగని ఓ నగ్న సత్యం ప్రేమా- ఎరిగిన గూఢ రహస్యం ప్రేమా
తెలిసితెలిసీ జనులు ఎందుకో ప్రేమిస్తారు
సాఫీగ సాగే నావను సుడిలోన ముంచేస్తారు
1. ప్రేమ పుట్టుకనే ఎరుగం-ప్రేమ గిట్టుటనే ఎరుగం
నట్టనడిమి సంద్రంలో కొట్టుమిట్టాడుతునే ఉంటాం
ప్రేమ ఒక గమ్మత్తు-అనురాగమే మత్తు
మనచిత్తమన్నది చేయిజారితే భవిష్యత్తే చిత్తు
బయటపడలేని ఉబి ప్రేమైనా-త్రెంచుకోలేని వల ప్రేమైనా
తెలిసి తెలిసీ జనులు ఎందుకో దిగబడతారు
ప్రేమకొరకై మూర్ఖులు వెర్రిగా ఎగబడతారు
2. అందాల హంగులు ఉంటాయి
పరువాల పొంగులు ఉంటాయి
మనసు వయసూ ఎపుడూ దొంగాటలాడుతు ఉంటాయి
విధి వేచి చూస్తుంది-గారడీలు చేస్తుంది
పొరపాటుచేసి ప్రేమిస్తే మన పనిపడుతుంది
ప్రేమ సాలెగూడైనా-ప్రేమే ఉరిత్రాడైనా
తెలిసితెలిసీ జనులు ఎందుకో చిక్కడతారు
భగ్నమైన హృదయంతో బేలగా తలపెడతారు
3. మజ్నూల గాథలు వింటారు
దేవదాసు కథనే వింటారు
అనార్కలిని సమాధిచేయడం-అందరూ ఎరిగే ఉంటారు
కావ్యాలు చదివేస్తారు-కన్నీరు కార్చేస్తారు
తమదాక వస్తేనే కథ మళ్ళీ మొదలెడతారు
ప్రేమ గరళమే ఐనా- ప్రేమ నరకమే ఐనా
తెలిసి తెలిసీ జనులు ఎందుకో తాగేస్తారు
ప్రేమకొరకై అందరు ఎందుకో పడిఛస్తారు
ఆనందమనుకొని తామే వేదనను కొనితెస్తారు................................!!!??

https://youtu.be/NuT9iodQ_6A

శ్రీ రాజ రాజేశ్వరా నీరాజనం శంకరా
చంద్రశేఖరా హరా-భస్మధరా సుందరా
గంగాధరా శివా-వృషభ వాహనా భవా
హేఅర్ధ నారీశ్వరా-నమో రామ లింగేశ్వరా

1. జ్వాలనేత్ర దహియించు-చెలరేగే మా కోర్కెలు
గరళకంఠ హరియించు-ప్రకోపించె దుష్కర్మలు
ఐశ్వర్యమీయరా ఈశ్వరా-పరసౌఖ్యమీయర పరమేశ్వర
చంద్రశేఖరా హరా-భస్మధరా సుందరా
గం గా ధరా శివా-వృషభ వాహనా భవా
హేఅర్ధ నారీశ్వరా-నమో రామ లింగేశ్వరా

2. బుద్బుదమీ జీవితము-కలిగించు సాఫల్యం
అద్భుతమే నీ మంత్రం-కావించు ఉపదేశం
కైలాసవాసా హేమహేశ్వరా-కైవల్యదాయకా కరుణించరా
చంద్రశేఖరా హరా-భస్మధరా సుందరా
గంగాధరా శివా-వృషభ వాహనా భవా
హేఅర్ధ నారీశ్వరా-నమో రామ లింగేశ్వరా

https://youtu.be/nKgxSPUNZcc?si=NDcQntaRkwMb8s2U

శివలీలలే పాడనా-భవసాగరమును
అవలీలగా ఈదాడనా
శివ పదములు దాల్చ-నా-కవితలలో
ప్రతి పదమున కొనియాడనా

1. భవహరుడు-మనోహరహరుడు-భవుడు-ప్రణవ సంభవుడు
త్రిపురాసుర సంహరుడు-త్రిశూలధరుడు-భార్గవుడు
పంచభూతాత్మకుడు-పరమేశ్వరుడు-పంచాననుడు-ప్రభవుడు
దక్షాధ్వరధంసి-సతిప్రియతమ పతి-సదాశివుడు-విభవుడు

2. గంగాధరుడు-లింగస్వరూపుడు-జంగమదేవుడు-దిగంబరుడు
గౌరీవిభుడు-గజచర్మధరుడు-గరళకంఠుడు-జటదారీ -గిరీశుడు
అర్ధనారీశ్వరుడు-తాండవప్రియుడు-నటరాజేశ్వరుడు-అభవుడు
కపాలధరుడు-భూతనాథుడు-కాలకాలుడు-మృత్యుంజయుడు

3. భోలాశంకరుడు-అభయంకరుడు-భక్తవశంకరుడు-నభవుడు
రుద్రుడు-వీరభద్రుడు-కాలభైరవుడు-నిటలాక్షుడు
శంభుడు-శాంభవీ వల్లభుడు-సద్యోజాతుడు-సర్వజ్ఞుడు
సాంబుడు-నాగాభరణుడు-శశిధరుడు-త్రియంబకుడు

4. వృషభవాహనుడు-వసుధారథుడు-వామదేవుడు-విధుడు
శమనరిపుడు-కపర్ది-నీలకంఠుడు-నిరంజనుడు
పింగాక్షుడు- దూర్జటి-పినాకపాణి- పశుపతి-పురహరుడు
భస్మాంగుడు-రాఖీసఖుడు-ధర్మపురీశుడు-శ్రీరామలింగేశుడు

ఆత్మహత్య ఎలాచూసినా-అవమానం అతిహేయం

నేర్పుతుంది జీవితమే
అనుక్షణం కొత్త పాఠమే
ఓడిపోతుంది ఒకనాడు ఓటమే
ఓర్పుతో సాధిస్తే వరించేను విజయమే
1. అద్భుతాలు జరిగి ఎవ్వరూ- కాలేదు గొప్పవారు
అదృష్టం నమ్ముకొని అవలేదు-మహానీయులు
ఇటుక మీద ఇటుక పేర్చి -కడితేనే మేడగ మారు
పునాదియే పటిష్టమైతే –కట్టడాలు చరితనుచేరు
2. నిద్రలేమి రాత్రులెన్నో- గడిపారు కీర్తి చంద్రులు
సాధనయే ఊపిరిగా- సాగారు లక్ష్య పథికులు
పక్కదోవ పట్టలేదు –ఎన్నడైనా విజేతలు
ధ్యేయాన్ని మరువలేదు –కలనైనా జిష్ణువులు
3. భగీరథుని సంకల్పం-అవ్వాలీ నీకభిమతం
సడలని విక్రమార్కుని-పట్టుదలే నీకాదర్శం
ఏకలవ్యు నేకాగ్రతయే- ఎప్పటికీ నీకు హితం
అభిమన్యుని విక్రమతే-సదా నీకు ప్రామాణ్యం
4. ఆత్మహత్య ఎలాచూసినా-అవమానం అతిహేయం
కన్నవారి గుండెకోత- అసమానం దయనీయం
సంపూర్ణ ఆయుర్దాయం-సర్వులకిల అనుభవనీయం
ప్రయత్నిస్తె ఎన్నటికైనా-పాదాక్రాంతం నీకు జయం

https://youtu.be/62elY1Ae2ck?si=cppzeTpC515NB8mj

నమామ్యహం గౌతమీ తటవాస గౌరీశ్వరా
ప్రణమామ్యహం ధర్మపురివాస శ్రీరామలింగేశ్వరా

1. నా కంజనేత్రాలు నీకు బిల్వపత్రాలు
నా నోటి వాక్యాలునిను కీర్తించు స్తోత్రాలు
ఎదచేయు నాదాలు యజుర్వేద మంత్రాలు
నా కరకమలములే శివ శంకరా నీ పూజా పుష్పాలు

2. శ్రీ కాళహస్తుల బ్రోచిన శశిభూషణ
కన్నప్పను కరుణించిన కారణ కారణ
మార్కండేయు ఆయువుగాచిన నాగాభరణ
ఈ రాఖీని కావగ జాగేలా గిరిజా రమణ భక్త పరాయణ

OK

https://youtu.be/7FKTKfNnu08

లీలలన్ని లాలిపాడి ఊయలూపనా
మహిమలన్ని జోలపాడి నిదురబుచ్చనా
లాలిజో-జో-లాలిజో ....
శంకరా అభయంకరా
ఈశ్వరా పరమేశ్వరా

1. రోజంతా ఆడినావు-ఆర్తుల కాపాడినావు
ఇల్లిల్లూ తిరిగినావు వేసటనే పొందినావు
చితాభూమిలోన నిలిచి చీకాకు చెందావు
వేళమించిపోతోంది విశ్రమించరా
శంకరా అభయంకరా
ఈశ్వరా ప్రాణేశ్వరా

2. గంగ సద్దుమణిగింది-నాగుపాము బజ్జుంది||
చందమామ ఇప్పటికే మబ్బుచాటు దాగుంది
గణపయ్య కుమరయ్య అలికిడి లేకుంది
ఆదమఱచి నీవింక సేదదీరరా హరా
శంకరా అభయంకరా
ఈశ్వరా జగదీశ్వరా

https://youtu.be/rbbtP6e0h-U

రచన:డా.గొల్లపెల్లి రాంకిషన్ రాఖీ,ధర్మపురి

సంగీతం:లక్ష్మణ్ సాయి

గానం:సాయి శ్రీకాంత్

ప్రమధ గణములు భక్తి ప్రణుతులే నుతియింప
నందికేశుడు నమక చమకాల కీర్తింప
సుముఖ షణ్ముఖు పక్క వాద్యాలు వాయింప
నారదాదులు మధుర గీతాలు పాడగా
సాగింది సాగింది శివతాండవం
ఊగిందిఊగింది హిమవన్నగం

1. పదునాల్గు భువనాలు పరవశమ్మొందగా
ముక్కోటిదేవతలు మురిపెముగ తిలకింప
మహర్షుల నయనాలు ముదముతో చెమరింప
భూతగణములు హస్త తాళముల భజియింప
సాగిందిసాగింది ఆనంద నర్తనం
తలవూచి ఆడింది వాసుకీ పన్నగం

2. తకఝణుత తఝ్ఝణుత మద్దెలారావం
ధిమిధిమిత ధిధ్ధిమిత ఢమరుకా నాదం
తధిగిణుత తకతోంత మృదు ఘట ధ్వానం
ఝేంకార ఓంకార రాగ ప్రవాహం
సాగింది సాగింది లయతాండవం
నటరాజ పాదాల నా అంతరంగం

https://youtu.be/Zq5Z1OpiQoY

నీ కైలాసం.... అయ్యింది నా మానసం
మధుకై లాసం చేసింది నా మానసం
కమనీయం శివా.... నీ విలాసం
రమణీయం శివానీ చిద్విలాసం

1. కొలువుంది గంగమ్మ నీ నడి శిరమున
ఇగమనిపించదా శివా ఈ శిశిరమున
చలికాచుకొందువా కాటి-కా-పురమున
మముకాచుచుంటివా మా ధర్మపురమున
చిత్రమే పరమశివా.... నీ విలాసం
సచిత్రమేకదా శివానీ చిద్విలాసం

2. నీ గిరి నెత్తాడు రావణుడు కండ కావరమున
ఎలా కనికరించినావు త్రయంబకా.... వరమున
విరులే సంధించె రతిపతి దైవ కార్యమున
విభూతిగా మారె పశుపతీనీ... క్రోధానలమున
వింతయే సదాశివా.... నీ విలాసం
కవ్వింతయే సదా శివానీ చిద్విలాసం

నువ్వు నాకు వద్దు-ఈ పొద్దు
దాటినావు హద్దు –తాకొద్దు
చేసినాను రద్దు-మనపద్దు
చేయకుంటె ముద్దు-ఏ సద్దు
1. ఏమిటి ఈ నిత్య ఘర్షణ
తాత్కాలిక ఆకర్షణ
అవసరమే లేదు ఏ వివరణ
ఉండబోదు ఇంక ఏ సవరణ
2. అర్థమైతె చాలు నా మనసు
కాకూడదు కంటిలోని నలుసు
తెలిసింది నిమ్మకాయ పులుసు
రాలిపోకతప్పదు పైపై పొలుసు
3. తెలివైన వారికి చాలు సైగలు
పెడితెచాలు పొమ్మన్నట్టె పొగలు
హర్షణీయమే కాదు పగలు
రాజుకుంటాయి రాతిరి సెగలు

నవ దశక వత్సరాది శుభ కామనలతో.......

నవ దశక వత్సరాది శుభ కామనలతో.......
చలి నిను బాధిస్తే నెచ్చెలి
వెళ్ళమాకు వెళ్ళమాకు నన్నొదిలి
ఈదర నిను వేధిస్తే నా సఖీ
నీ పనులు చక్కబెట్ట నేను సదా సుముఖి
హాయికే హాయి గొలుపు మన వలపు
ప్రేమకే ప్రేమ గొలుపు మన తలపు
1. నీ వొంటి వాకిలి లో చిమ్మనా
ఊపిరి చీపిరి తో దుమ్ముని
కౌగిలి లోగిలిలో చల్లనా
పుట్టే చెమటనే కల్లాపి
హాయికే హాయి గొలుపు మన వలపు
ప్రేమకే ప్రేమ గొలుపు మన తలపు
2. పెదవుల ముంగిలిలో వేయనా
తీయని ముద్దుల రంగవల్లి
నాజూకు నడుము గడప దిద్దనా
పిడికిళ్ళ పసుపూ కుంకుమలద్ది
హాయికే హాయి గొలుపు మన వలపు
ప్రేమకే ప్రేమ గొలుపు మన తలపు
3. ప్రకటిద్దాం ఉదయానికి సెలవుని
ప్రేమికులని విడదీయగ తగదని
పొడగిద్దాం రోజంతా రేయిని
రాతిరి అల్పమైతె నేరమని-బ్రతుక నేరమని
హాయికే హాయి గొలుపు మన వలపు
ప్రేమకే ప్రేమ గొలుపు మన తలపు

https://youtu.be/yfHLbObh2ng?si=-uSgKrlpd3-7n8Sd

హరియంటె హరియించు పాపములు
నరహరియంటె శమియించు దోషములు
ధర ధర్మపురి ధాముడే దయార్ద్ర హృదయుడు
ప్రహ్లాదు బ్రోచిన సిరి వల్లభుడు

1. భూషణ వికాస శ్రీ ధర్మపురవాస
యని కొలువ శేషప్ప సాయుజ్యమొందె
ఇందుగలడందులేడను సందేహమొదిలిన
కవిపోతన్న పరసౌఖ్యమొందె
కలిలో గోవింద నామస్మరణయే
సంసార కడలిని కడతేర్చు నౌక
ఇలలో కల్మష చిత్తాలు శుద్ధిగా
మార్చేసాధనము హరి భజనమేయిక

2. నీవే తప్ప ఇతఃపరంబెరుగనని
మొఱలిడిన గజరాజు ప్రాణము గాచే
సర్వస్య శరణాగతి కోరుకొన్న
మానిని ద్రౌపది మానము నిలిపె
ఏ తీరుగ నను దయజూతువోయన్న
కంచర్ల గోపన్న కైవల్యమొందె
కలవో నిజముగ కలవో హరియని
ఎందుకు రాఖీ మది కలతజెందె
https://www.4shared.com/s/fX6YlR5Fggm

https://youtu.be/PgrPc-3MDUU

మౌనం మాట్లాడుతుంది-వింత భాష
తెలుపుతుంది-నినదించే హృదయ ఘోష

1. కంటిసైగలే వర్ణాలు-ఒంటి చేష్టలే ...పదాలు
మూతివిరుపులు-ముసిముసి నవ్వులు వాక్యాలు
ఎర్రబడిన కళ్ళు -గులాబి చెక్కిళ్ళు వ్యాకరణాలు
తిప్పుకొను తల ఛందస్సు-చిలిపి చూపే లిపి

2. నిదుర రాస్తుంది కలల కావ్యాలని
కలత నిదుర తెలుపుతుంది కావ్య భాష్యాలని
అలక, ప్రణయ మొలక కావ్యానికి వస్తువులు
ఒలికే బుసలు ఓర చూపులు కావ్య శిల్పాలు

3. జగమంతా ఎరుగుతుంది మూగ భాష
జనులంతా వాడ గలుగు మౌన భాష
అపరిమితం అనంతం చిత్రమీ భాష
చెప్పకనే నేర్చుకొన్న చిన్ననాటి భాష

https://youtu.be/0AxscNrBxKE?si=l3_cu_vYb8Yj0LpF

మానవ జీవితం-నవపారిజాతం
చేయాలి ఇకనైనా పరమాత్మకు అంకితం
వికసిత హృదయం-ఒక మందారం
అర్పించుకోవాలి-అహరహం
1. గరికపోచ సైతం - చేరుతుంది గణపతిని
గడ్డిపూవైనా- కోరుతుంది ఈశ్వరుణ్ణి
పంకజాల ఆకాంక్ష- విష్ణుపత్ని పాదాలు
జిల్లేళ్లూ మారుతికి-అవుతాయి మెడలొ నగలు
2. సాలెపురుగు తనుకట్టె- శివమందిరం
ఉడతైనా తలపెట్టె- శ్రీరామ కార్యం
చిట్టి ఎలుకేగా-గజముఖుని వాహనం
అల్పమౌ పక్షేకద-శ్రీహరికి విమానం

OK

అందాల చందమామా- నీ మీద ఎంత ప్రేమా
కలగన్న కలువ భామా- ఇలనిన్ను కలువ తరమా

అందాల చందమామా- నీ మీద ఎంత ప్రేమా

కలగన్న కలువ భామా- ఇలనిన్ను కలువ తరమా

చుక్కలు నిన్ను – చుట్టుముట్టగా
మబ్బులు మిన్నులొ- దాచిపెట్టగా
కన్నులసైతం-నిలుపనీయ నట్టుగా
కష్టాలొచ్చెను-కలిసి కట్టుగా
కన్నీటి మడుగులోనా- వగచింది చంద్రకాంతా
అందాల చందమామా-ఇలనిన్ను కలువ తరమా

అందాల చందమామా- నీ మీద ఎంత ప్రేమా
కలగన్న కలువ భామా- ఇలనిన్ను కలువ తరమా

మిత్రుని బారిని- తప్పించుకొని
రజనీశా నిను మదికోరుకొని
వేచెను నీకై వేల క్షణములు
అర్పించనెంచె-తన ప్రాణములు
దూరాలలోన ప్రణయం-వ్యధచెందె దీన కుముదం
కరుణించకుంటె ఓ సోమం-ఉత్పలకు గుండె హోమం

అందాల చందమామా- నీ మీద ఎంత ప్రేమా
కలగన్న కలువ భామా- ఇలనిన్ను కలువ తరమా

పాటకు అందాల పల్లవి
మోమున నగవుల మోవి
వర్ణాలేవైన పొసగాలి ఆ’కృతి’
పదములు కదలాలి వయ్యార మొలికి
1. ప్రాసల కుసుమాలు సిగలో తురమాలి
అపురూప అలంకారము చేయాలి
శబ్దావళుల నగలను వేయాలి
ఆహ్లాదముగ తీరిచి దిద్దాలి
2. ప్రతిపాదము పదిలంగ వేయాలి
చరణాలు లక్ష్యాని వైపే సాగాలి
భావము ప్రాణము చైతన్య పఱచాలి
మైమరచు రుచులని అందించాలి

చూడ చక్కని దానివే నాచెలి
చూడ ముచ్చటేస్తుందే కోమలి
చూస్తుండి పోవాలి నిను జన్మంతా
దరిచేరవు నిను చూస్తే చీకూచింతా
1. కన్నులెంత చేసాయో పుణ్యము
రెప్పలిచ్చి తప్పుచేసె దైవము
తల తిప్పలేను రెప్పవాల్చలేను
దృష్టి ని క్షణమైనా మరల్చలేను
2. కళ్ళురెండు చాలనే చాలవు
వొళ్ళంత కళ్ళున్నా తపనలు తీరవు
బ్రహ్మసృజన తలదన్ను-సృష్టించిరెవరు నిన్ను
నభూతో న భవిష్యతి నీ సుందరాకృతి

https://youtu.be/yjtWvX8AD0k

ఆశలు రేపకు- మోసము చేయకు-చెలియా చెలియా
కలలో రాకు- కలతలు తేకు-చెలియా చెలియా
నన్ను నా మానానా ఉండనివ్వవా ప్రియా
గుండెనే పుండుగ మార్చి కెలుకుడెందుకే సఖియా

1. నా జ్ఞాపకాలలో ఎవరు ఉండమన్నారు
మదిలోన బసచేయుటకు అనుమతి నీకెవరిచ్చారు
పిల్లిలాగ మెల్లగ దూరి కొల్లగొట్టు తున్నావే
చాపక్రింది నీరులాగా ఆక్రమించు కున్నావే
బాసలు చేయకు-అవి త్రుంచేయకు చెలియా చెలియా
నను కవ్వించకు –నాటక మాడకు చెలియా చెలియా
నీ నవ్వుతోనే నా కొంపముంచేయకు
ఉసిగొలిపి ఊబిలోకి నన్నుదించేయకు

2. ప్రమదలంటే నిప్పుగ ఎంచి ఎప్పుడు దరిజేరలేదు
ప్రణయమంటే ముప్పని తలచి జోలికసలు పోనేలేదు
కళిక మోవి రుచి నందించి శలభాన్నిచేయకు
ఎండమావి చూపించి దాహాన్ని పెంచేయకు
మాయలు చేయకు-ఎద దోచేయకు చెలియా చెలియా
వన్నెలు చూపకు-కన్నులు కలపకు చెలియా చెలియా
ఏమారి నేనున్నప్పుడు బరిలోకి నను తోసెయ్యకు
తపనల తడిగుడ్డతోనే నా గొంతు కోసెయ్యకు

Ok

చిట్టిచినుకా నువు తాకగానే
మట్టికూడ పరిమళించులే
రామచిలుకా నువు తలుచుకొంటే
జాతకాలె మారిపోవులే
ఉడతా లేనిదే రామాయణం లేదులే
బుడత లేనిదే భాగవతం చేదులే

1. అణువులోన బ్రహ్మాండం దాగిఉన్నది
తనువులోన జ్ఞానబండారమున్నది
మనసులోన మర్మమెంతొ మరుగున ఉన్నది
తఱచితఱచి చూడనిదే తెలియకున్నది
నింగితారకా నీ రాకతో చందమామ బెంగతీరులే
ఓ చకోరికా నీచిరుకోరికా వెన్నెలమ్మ తీర్చగలుగులే

2. సింధువు మూలము ఒక బిందువేగా
తరువుకు ఆధారం చిన్ని బీజమేగా
కావ్యమెంత గొప్పదైన అక్షరమే కుదురు కదా
దివ్యవేణుగానమైన పలికేది వెదురే కద
ఓకోయిలా ఎందుకోయిలా
నీ పాట వినుటకే వచ్చునే వసంతము
ఓరాయిలా-నే-మారాయిలా
శిల్పివై చెక్కితే-నే-జీవ శిల్పము

వరము లీయరా ప్రభూ!
కాస్త నీ వివరములీయర
కలవరమాయెను నినుగనక
’కల’వరమగును నువు దయచేస్తే గనక

1.అంతట నిండిన అంతర్యామి
అనుపేరు నీకు తగదా ఏమి
చిత్తములోనా గుప్తముగానే
స్థిరపడినీవు దోబూచులాడేవు
వెతకబోతే ఆచూకి దొరకదు
కలతచెందినా నీ మది కరుగదు

                                                               
2.నీ కరుణ వితరణ కిదియే తరుణము
నీ చరణము కొఱకే నీతో రణము
నాకీయ లేకుంటె నీశరణము
ఈయనైనఈయవ మరణము
అభయ హస్తమె నీకాభరణము
అనుపలుకు కానీకు అనృతము

నిన్ను నీకు చూపు విధి ఎవరిది- అద్దానిది అద్దానిది
నినుతీర్చిదిద్దేపని ఎవరిది- చెలికానిది చెలికానిది
సిసలైన నీ నేస్తం దర్పణము- చేస్తుంది నీకొరకే బ్రతుకే అర్పణము

1. నీ అందచందాలు-నీలోని సుగుణాలు
తెలియజేస్తుంది నిస్పక్షపాతంగా
అంటుకొన్న మరకలు-కంటిలోని నలుసులు
ఎరుకపరుస్తుంది నిర్మొహమాటంగా
తను కోరుకోదెన్నడు నీ సహాయము
చేజార్చుకొన్నావా పగులుట ఖాయము
సిసలైన నీ నేస్తం దర్పణము
చేస్తుంది నీకొరకే బ్రతుకే అర్పణము

2. ఉన్నదిలేనట్టుగా భ్రమను కలుగజేయదు
గోరంతనుకొండతగ ప్రతిబింబం చూపదు
రంగుల తెఱవేయదు-జలతారు ముసుగేయదు
నిజమైన సౌందర్యం చెక్కుచెదరనీయదు
సరియైన తీర్పునిచ్చు న్యాయమూర్తి
కడదాకా తోడు వచ్చు స్నేహమూర్తి
సిసలైన నీ నేస్తం దర్పణము
చేస్తుంది నీకొరకే బ్రతుకే అర్పణము

OK

ధర్మపురీ ధామ-హే నారసింహా
పవళింపుసేవకు వేళాయెరా
ప్రహ్లాద వరద-ఆర్తత్రాణ బిరుదా
శయనించు తరుణము ఇదియేనురా
స్వామీ నా బ్రతు కేలాలీ-లాలీ- నా బ్రతుకే లాలీ
స్వామీ నామది తోలాలి-లాలీ- నామదితో లాలి

1. నా గుండియనే ఊయల గా
నా నవనాడులే చేరులుగా
నాజీవ నాదమె నీ జోలవగా
నిదురించు నా స్వామి-నువు హాయిగా
స్వామీ నా బ్రతు కేలాలీ-లాలీ- నా బ్రతుకే లాలీ
స్వామీ నామది తోలాలి-లాలీ- నామదితో లాలి

2. కఠినము సేయకు నా ఎదనెపుడు
కష్టము నీకే పరుండినపుడు
తడబడనీయకు హృదయమునెపుడు
అలజడిరేగితె ఆదమరచవెపుడు
స్వామీ నా బ్రతు కేలాలీ-లాలీ- నా బ్రతుకే లాలీ
స్వామీ నామది తోలాలి-లాలీ- నామదితో లాలి

OK

కంటిచూపు చాలు- వింటితూపులేల
ఒంటి వంపు చాలు-ఇంక ఖడ్గమేల
మాటలే కావాలా మనసు దోచడానికి
పదములే కావాలా ఎదను గెలవడానికి

1. చిన్న నవ్వు చాలు చిత్తు చేయడానికి
బుగ్గ సొట్ట చాలు బుగ్గి చేయడానికి
పెదవి మెరుపు చాలు మృతులవ్వడానికి
మూతి విరుపు చాలు చితిని చేరడానికి

2. వయ్యారాల నడకనే వెర్రెక్కించు
సోయగాల ఆ నడుమే కైపుతలకెక్కించు
అంగాంగ భంగిమలే చొంగనే కార్పించు
పడతి పరువాలే పిచ్చిగా పిచ్చెక్కించు

https://youtu.be/JnPoG1wX4ok?si=1NloDGK-HonsfxFW

పల్లవి(అతడు): ఏళాలేదు పాలా లేదు ఏమిటి రవణమ్మో ఎక్కెక్కి వస్తోంది నా మీద నీప్రేమ ఎందుకు చెప్పమ్మో

 కొత్తచీర కావాలా-పట్టురైక తేవాలా-

ఏకంగా వడ్డాణమే చేయించుకురావాలా 

(ఆమె):ముద్దూ లేదు మురిపెం లేదు ఎందుకు కిట్టయ్యో గానుగెద్దులా గంగిరెద్దులా బతుకే అయ్యిందయ్యో 

కొత్తచీర నాకొద్దు చేరదీస్తె చాలయ్యో- పట్టురైక నాకేల నన్ను పట్టుకోవయ్యో- ఉడుంపట్టు పట్టావంటే వడ్డాణాలే దండుగయ్యో 

1. చరణం(అతడు): చంకకెత్తుకుందామంటే-గంగవై నెత్తికెక్కేవు కోరికోరి చేరువైతే-గౌరిలాగ ఆక్రమిస్తావ్ 

చిక్కేనే నీతోటి చక్కనైన చినదానా 

చిక్కకుంటె దిక్కేలేదు నను వలచినదానా 

2. చరణం(ఆమె):రాముడోలె నిన్నెంచుకుంటే-సీత కష్టాలు నావాయే 

కృష్ణుడని భావించుకుంటే-భామలు గుర్తొచ్చి భయమాయె వేగలేను నీతోటి తిరకాసు చిన్నయ్యా 

నన్నునేనె ఇచ్చుకున్నా మనసుదోచినయ్యా

https://youtu.be/HDuusk2D2ఫస్ట్

శరణాగత వత్సలా-హే భక్త వత్సల
కలియుగ వరద-కరుణాభరణ
వేంకట రమణ-తిరుపతి వేంకట రమణ-తిరుమల వేంకట రమణ

1. కొండలు ఏడు ఎక్కేటప్పుడు
మా గుండెలు నిను వేడు- దిక్కే నీవెపుడు
బండబారిన మా బ్రతుకులలో
అండగ నీవుండి మము నడిపించు

2. బంగారు శిఖరాల నీ ఆలయం
సింగార మొలికించు నీ సొయగం
కనులార దర్శించు ఆ సమయం
మా జీవితానికి రసమయం

3. శ్రీనివాసుడవు నీవైతె చాలదు
హృదయాన బంధిస్తె సిరి మాకు దొరకదు
మా యింటివాడవై వీడని తోడువై
మాకంటి జ్యోతివై నీవుండిపో

https://youtu.be/3hQ5yBa1UkI?si=dWGLGaFMUGkmkxMV

వేసినాము మెడలోన స్వామి నీ మాల
పాటించగ సాయమీయి నిష్ఠగ నేమాల
ఎరుగనైతిమయ్యప్పా మాయా మర్మాల
కలనైనా వల్లింతుము స్వామి నీ నామాల

1. కఠినతరము స్వామి ఈ మండల దీక్ష
పెట్టబోకు అయ్యప్పా మాకే పరీక్ష
సడలని సంకల్పమే శ్రీరామ రక్ష
తెలియక మే తప్పుజేస్తె వేయకు ఏ శిక్ష

2. ఏనాడు చేసామో కాసింత పుణ్యం
దొరికింది నీ పాదం మా జన్మ ధన్యం
చూపినావు దయామయా మాపై కారుణ్యం
జన్మజన్మలకైనా నీవె మాకు శరణ్యం

3. అందుకో అయ్యప్ప మా ప్రణామాల
చేకొను మణికంఠా మా హృదయ కుసుమాల
మహిమల శబరిమల కలిగించు క్షేమాల
జరగనీయి జీవాత్మ పరమాత్మ సంగమాల

https://youtu.be/ak8x425hrsE?si=foseL9MDCoYFmDdk

షిర్డీ సాయే శేష శాయి
ద్వారకమాయే వైకుంఠమోయి
విభూతియే ఐశ్వర్యలక్ష్మీ మాయే
భక్తజన సందోహమె పాలసంద్రమాయే

1. శ్రద్ధ-ఓరిమిలు శంఖ చక్రాలు
బాబా చిరునవ్వులె వికసిత పద్మాలు
చేతిలో చిమ్టాయే మదమదిమే గద
చిరుగుల కఫ్నీయే పీతాంబరము కద

2. ఊరేగే పల్లకే గరుడ వాహనం
సాయిరూపమే నయన మోహనం
సాయి లీలలే మహిమాన్విత గాధలు
సాయి పదములే పరసాధకమ్ములు

https://youtu.be/_lfuAjCzeFM?si=T71iLBK38dcFcy4G

ఎందుకయా నామీద నీకు ఇంత దయ
నే చేసిన సత్కర్మ ఒకటైన గుర్తే లేదయ
పరమదయాళ ఈ నా సంపద నీదయ
నిన్నేమని పొగడను హే దయామృత హృదయ

1. ఏ నోము నోచిందని కోకిల కిచ్చావు తేనెల పాట
ఏ వ్రతము చేసిందని నెమలికి ఇచ్చావు చక్కని ఆట
ఏ రీతి మెప్పించెనో మల్లెలకిచ్చావు మధుర సువాసన
ఏ మని ఒప్పించెనో మామిడికిచ్చావు కమ్మని రసన

దయా గుణమే నీలో ఉన్నదయా
మాగొప్పతనమేమి కానే కాదయా

2. నోరార పిలిచిందనా మానిని బ్రోచావు మానము సంరక్షించి
ఎలుగెత్తి అరిచిందనా కరిని కాచావు మకరిని సంహరించి
అనుక్షణము తలచాడనా వెలిసావు ప్రహ్లాదునికై స్తంభాన
శరణంటు పాడిందనా నిలిచావు మీరా హృదయాన

దయా గుణమే నీలో ఉన్నదయా
మాగొప్పతనమేమి కానే కాదయా

విధి శాపగ్రస్తుడా! తమ్ముడా!!
ఆ జన్మ ఋణగ్రస్తుడా
గ్రామీణ బ్యాంకుకే కట్టుబానిస నీవు
నామ మాత్రపు జీతం-వెట్టిచాకిరి జీవితం
1. నీ ముద్దుపేరు స్వల్ప వ్యవధి పనివాడు
సమయాసమయాలు లేవు నీకేనాడు
సూర్యుడితో బ్యాంకు కొచ్చి చంద్రుడితో వెళతావు
ఏ సెలవులు పనివేళలు నీకసలు వర్తించవు
2. సిబ్బంది తలలోన నాలుక వైపోతావు
తెఱమరుగున నీవే ఏలిక వైపోతావు
మేనేజర్ కన్నువు-ఫీల్డాఫీసర్ కాలువు
అక్కౌంటెంటు క్యాషియర్ల అంగాంగమేనీవు
3. అన్నా తమ్మీ మావా బావా వరసలు నీవైతావు
ఖాతాదారులందరికీ ఆత్మ బంధువౌతావు
వ్యక్తిగత శ్రద్ధ చూపు వ్యక్తిత్వమే నీది
విశ్వసనీయతకే పెట్టిన పేరు నీది
4. ఏ పట్టాలేని పట్టభద్రునివి నీవు
ఏ శిక్షణ పొందని నైపుణ్య వంతుడవు
నువు చేయని పని ఏది మోయని భారమేది
గుర్తింపే లేదు గాని బహుముఖ ప్రజ్ఞాశాలివి
5. పేస్కేళ్ళు ఎదిగాయి డిఏ లు పెరిగాయి
వెతలు వేతనాలు నీవి మారకున్నాయి
ఉద్యోగ భద్రత ఎండమావే నీకెపుడు
క్రమబద్ధీకరణ నీ తీరని కల ఎపుడు
6. మోములోన చిరునవ్వు చెఱగనీయవు
తిట్లైనా దీవెనలని తలపోస్తావు
ఎదుటివారు ఎవరైనా సమాధాన పరుస్తావు
గ్రామీణ భారతంలొ అభినవ అభిమన్యుడవు
7. ఎంత కీర్తించినా నీసేవకు అది తక్కువె
ఎంత చెల్లించినా నీశ్రమకది తూగదే
దగాపడిన తమ్ముడా నిజమైన త్యాగ ధనుడ
జోహారు నీకిదే ఓ కారణ జన్ముడా,!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,రచన:రాఖీ-9849693324.

https://youtu.be/f575y8F8nUs

నాదానివై భాసిల్లు
ఓంకార నాదానివై భాసిల్లు బాసరమాతా
నా స్వరపేటి అనునాదానివై రాజిల్లు
వేదానివై విలసిల్లు
నామది చదివేదానివై విలసిల్లు విశ్వమాతా
నా గళసీమ నిక్వాణివై విరాజిల్లు

1. నా భాషణమున మకరందానివై
నా జీవనమున సుమగంధానివై
నాహృదయమున సదానందానివై
పదపదమున ప్రభల ప్రబంధానివై
ప్రభవించవే ప్రణవదేవీ
ప్రణతులందవే వాగ్దేవీ

2. సుతి తప్పనీయకు నా ఏ గీతి
గతి వీడనీయకు నా అభినుతి
మతి మరవనీయకు ఏ సంగతి
సద్గతి సాగనీయవె జ్ఞానద్యుతి
భారమికనీదే హే భారతీ
ప్రగతి నాకీవె బ్రహ్మసతి

OK

స్త్రీ నిత్యకృత్యాలే నృత్యరీతులు

నారీమణి నడకలే నాట్య శాస్త్రాలు 

అంగన భంగిమలే రంగరంగ వైభవాలు 

నితంబినీ కదలికలే చకిత దివ్య విలాసాలు 

కల్లాపిచల్లితే – రంగవల్లి దిద్దితే 

తులసికోట చుట్టూ బిరబిరా తిరిగితే 

కురులార బెట్టితే-వాల్జెడనే అల్లితే 

మల్లెపూలమాల గట్టి కొప్పులోన తుఱిమితే 

అంగన భంగిమలే రంగరంగ వైభవాలు 

నితంబినీ కదలికలే చకిత దివ్య విలాసాలు 

పాలను పితికితే-పెరుగును చిలికితే 

తలపైనాకటిలోనా బిందెలతో నీళ్ళు తెస్తె 

రోకటి పోటేస్తే-చాటతొ చెరిగేస్తే 

ఒళ్ళంతా ఊయలవగ జల్లెడతో జల్లిస్తే 

అంగన భంగిమలే రంగరంగ వైభవాలు 

నితంబినీ కదలికలే చకిత దివ్య విలాసాలు 

 

వడివడిగా వండితే –వయ్యారంగ వడ్డిస్తే 

కడుపారగ కొసరి కొసరి విందారగింపజేస్తె 

తాంబూలం చుట్టితే- అంగుళితోనోటికిస్తె 

కొఱకబోవు అంగుటాన్ని కొంటెగా తప్పిస్తే 

అంగన భంగిమలే రంగరంగ వైభవాలు 

నితంబినీ కదలికలే చకిత దివ్య విలాసాలు 

 

మేని విరుపులు-మూతి విసరులు 

సిగ్గుతో నేలమీది బొటనవ్రేలు రాతలు 

కంటి భాషలు-మునిపంటినొక్కులు 

కడకొంగును వ్రేలిచుట్టుచుట్టుకొలతలు 

అంగన భంగిమలే రంగరంగ వైభవాలు 

నితంబినీ కదలికలే చకిత దివ్య విలాసాలు 

దుప్పటి మారిస్తే-శయ్యను సవరిస్తే 

చేయిపట్టి చేరదీయ చిలిపిగ వదిలించుకొంటె 

పాలను అందిస్తే-మురిపాలను చిందిస్తే 

అర్ధనారీశ్వరాన కైవల్య గతిసాగితె 

అంగన భంగిమలే రంగరంగ వైవిభవాలు 

నితంబినీ కదలికలే చకిత దివ్య లాసాలు 

అతిథుల ఆహ్వానం అపర కూచిపూడి

పండగ సందడిలో అభినవ కథాకళి 

భామిని చైతన్యం అమోఘ భరతనాట్యం 

రమణి రూపులో అభినయ నటరాజే ప్రత్యక్షం 

అంగన భంగిమలే రంగరంగ వైభవాలు 

నితంబినీ కదలికలే చకిత దివ్య విలాసాలు 

https://youtu.be/7l6bOetX_dk?si=ZWNJUuuNOKjY7gm0

'మా తా’పాలకే పరితపించి పోతున్నా
'నీ రూ’పాలకే నే చిక్కిపోతున్నా
గుక్కపట్టి ఏడ్చినా లెక్క చేయవేమమ్మా
అక్కున నను చేర్చుకొని నా ఆకలితీర్చవమ్మ
1. సాహితి సంగీతములు చనుదోయె కదనీకు
స్తన్యమీయ వేమమ్మా కడుపారగ ఈ సుతునకు
అర్ధాంతరముగనే అరకొఱగా గ్రోలగనే
నోరుకట్టివేయగా నీకు న్యాయమా
మాటదాటవేయగా నీకు భావ్యమా
2. అమ్మవు నువు కాకపోతె నాకెవ్వరు దిక్కమ్మా
అమ్మా దయగనకపోతె అనాధనే నౌదునమ్మ
మారాముచేసినా గారాలుపోయినా
నీ వద్దనేగదా మన్నించవమ్మా
నీ చెంతకే నన్ను చేరదీయవమ్మా
3. కొందఱు నీ కరుణతో కవిపుంగవులైనారు
ఇంకొందఱు నీ కృపతో గానశ్రేష్ఠులైనారు-సంగీత స్రష్టలైనారు
వాగ్గేయకారులైన వారిదెంత భాగ్యమో
నీ పదములు సాధించగ చేసిరెంత పుణ్యమో
నీ వరములు ప్రాప్తించగ బ్రతుకెంత ధన్యమో
నా బ్రతుకెంత ధన్యమో

https://youtu.be/BIyjjWPunbo

సంగీతం సౌందర్యరాశి
సాహిత్యం సమకూరితేనె పరిపూర్ణత విలసిల్లు
సంగీతం అపరంజి సదృశి
పసిడికి (కవి)తావబ్బితేనె పరిమళాలు వెదజల్లు

1. శ్రుతి సుకుమారంగా- లయనే హొయలుగా
(సం)గతులు గమకాల-చిరునవ్వులు చిందించినా
తన్మయత్వమే లేక శోభించదు
కవితాత్మ లేకుండ రాణించదు

2. వర్ణాల వలువలతో- రాగాల నగలతో
స్వరసుమాలతో ఎంత-సింగారించుకోగలిగిన
భావ ప్రకటనే లేక భాసించదు
మనోధర్మమే లేక మహితమవ్వదు

3. అనురాగం రంగరించి-రాగమాలపించాలి
ఎద తాళం మేళవించి-ఎలుగెత్తి పాడాలి
పదములు పదిలంగా-అక్షరాలు లక్షణంగ
పలికితేనె పాట ఎపుడు-మధువులు చిందు

సుశారీర లతికయే-కనులవిందు
సుశారీర గీతికయే-చెవులవిందు

https://youtu.be/50D5iO4pdMA

క’సాయి’ లోన సాయిని చూడు
సారాయి లోను సాయి ఉన్నాడు
ఏసానీయింటిలో సాయి దర్శనమిస్తాడు
అంతావసాయి లోను సాయి అవతరిస్తాడు
చూసావాయిలలో అంతా సాయి మయం
మనసాయే ’మనసాయే నా’ మదియే ప్రేమమయం

1. పైసాయే పరమాత్మ తెలుసుకో ఈ సత్యం
గోసాయే అంతరాత్మ గ్రహియించు ఇది నిత్యం
ఊసాయే ఉత్తుత్తి ఈ బ్రతుకే బుద్బుదప్రాయం
బానిసాయే వ్యసనాలకు భవితే కంటకప్రాయం

2. మురిసాయే తలపులన్ని సాయిని తలవగనే
కురిసాయే మమతలన్ని సాయిని కొలువగనే
విరిసాయే ఎద కలువలు సాయి చూపు తగలగనే
జడిసాయే దుష్కర్మలు సాయి వైపు నడవగనే

’మది’ద్వార’కసాయి లోన సాయిని చూడు
మనసా’రాయి” లోను సాయి ఉన్నాడు
ఏ’సానీ’చర్చయినా సాయి దర్శన మిస్తాడు
అంతావసాయి లోను సాయి అవతరిస్తాడు
చూసావాయిలలో అంతా సాయి మయం
మనసాయే ’మనసాయే నా’ మదియే ప్రేమమయం

OK

ఏల నా స్వరములో మాధుర్యమే పలుకదు
ఏల నా గళములో మకరందమే చిలుకదు
ఎందుకు భారతి -నాకీ దుస్థితి
ఎరిగించవే తల్లి -గాన జ్ఞాన సరస్వతి

1. ఒనరించినానేమొ గతజన్మలోనా
నీ ఉపచారాన నేనపచారము
చేసితినెవరినొ సంగీతజ్ఞుల
గర్వాతిశయమున అపహాస్యము
పశ్చాత్తాపమే నా దోష పరిహారం
పరితప్త హృదయమె నా నివేదనం

2. పాడితినేమో ఎరుగక ఎపుడైన
పదపడి అపశ్రుతిలో గీతాలు
నుడివితినేమో ఎంచక ఎపుడైన
పదముల అపరాధ శతాలు
శిక్షణయే నాకు తగిన శిక్ష
సాధనయే నాకిక అగ్నిపరీక్ష

3. వహియించినాను చిననాటి నుండి
నా గొంతు ఎడల నిర్లక్ష్యము
కనబఱచలేదు అలనాటి నుండి
సంగీతమంటే సౌజన్యము
ఇకనైన ప్రసాదించు ప్రాయశ్చిత్తం
పైజన్మకైనా దయచేయి (సు)స్వరవరం