https://youtu.be/pINORdvYnjc

కాలభైరవా భవా-
మహా కాల హే శివా
నీ సరి పిసినారి ఇలలోలేడు
నీ అంతటి లోభి దొరకనే దొరకడు

లేనివెలాగూ ఈయనే ఈయవు
తీయగలిగినా తీయవు ఆయువు

1.గొంతులో దాచావు గరళము
రెప్పక్రింద కప్పావు జ్వలనము
వాడితే అరుగునా త్రిశూలము
ముంచితే తరుగునా గంగా జలము

పేరుకే మదనాంతకుడవు
వేడినా దయసేయవు మృత్యువు

2.కరిపించగ కరువా పన్నగములు
తోస్తెచాలు చుట్టూరా హిమనగములు
నందికొమ్ముచాలదా పొడిచి చంపడానికి
ఢమరుకం ధ్వనించదా గుండె ఆగడానికి

రుసుము కూడ ఉచితమే రుద్రభూమి నీదెగా
పైకమీయ పనిలేదు కాపాలివి నీవేగా

OK

https://youtu.be/A1zKwAxW0a4?si=MCGhIft7CDD1_kj2

రచన,స్వరకల్పన&గానం:రాఖీ

కరకు హృదయ ముంటుందా కన్నతల్లికి
కరుణకు లోటుంటుందా కల్పవల్లికి
జగన్మాతవన్న మాట అనృతమేనా
అమ్మలకే అమ్మవంది అది నిజమేనా
ఎలా ఊరుకుంటావు మావెతలు చూసి
మిన్నకుందువెందుకు మా యాతన తెలిసి

దయను కురియ జేయవమ్మా దాక్షాయిణి
ఎద మురియగ కాయవమ్మా నారాయణి

1.బ్రతుకునింత ఇరుకు చేసి బావుకున్నదేమిటి
మనసుకింత మంటబెట్టి వినోదింతువేమిటి
నిధులడిగానా నిన్ను ఎన్నడైనా
పరమ పదమడిగానా నేను ఎప్పుడైనా
మామూలుగ మమ్ములనిల గడపనిస్తే అది చాలు
సంతృప్తితొ కడదాకా మననిస్తే పదివేలు

వెతలు త్రుంచవమ్మ మావి వాగధీశ్వరీ
మమత పంచవమ్మ మాకు మాధవేశ్వరి

2.అల్లుకున్న పొదరిల్లును మరుభూమిగ మార్చావు
కట్టుకున్న కలలమేడ నిర్దయగా కూల్చావు
పదవిమ్మని కోరలేదె పొరబాటుగను
ఆస్తికొరకు పోరలేదె నాహక్కుగనూ
ఒంటికెపుడు నలతనైన కలిగించకు తల్లీ
ఇల్లంతా తుళ్ళింతలు నింపివేయి మళ్ళీ

దండించిన దిక చాలు కాత్యాయణి
పండించవె భవితనైన బ్రహ్మచారిణి

https://www.4shared.com/s/f2JD540r_fi

https://youtu.be/nvaBgb3XRWI?si=jPgr34VSL1dlr5SN

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం :యమన్ కళ్యాణి 

తొలి గురువే అమ్మా శిక్షకుడే నాన్నా
ఓనమాలు నేర్పించే బడిపంతులు విద్యాగురువు
నడవడికను నేర్పించే సమాజమూ సహజగురువు

కర్మను పరిపూర్తి జేయ పురికొల్పువారె గురువు
జన్మను తరియింపజేయు మార్గ దర్శియే గురువు
వందనాలు వందలాది గురువులందరికీ
గురు పౌర్ణమి ప్రణామాలు ఆ మహనీయులకి

1.ఆదిగురువు పరమ శివుడు జగద్గురువు శ్రీ కృష్ణుడు
అయ్యప్ప హన్మానులు అభిమత గురుదేవులు
వేదాలనందించిన వ్యాసుడే వసుధ గురువు
కలియుగాన సద్గురుడు షిరిడి సాయినాథుడు

కర్మను పరిపూర్తి జేయ పురికొల్పువారె గురువు
జన్మను తరియింపజేయు మార్గ దర్శియే గురువు
వందనాలు వందలాది గురువులందరికీ
గురు పౌర్ణమి ప్రణామాలు ఆ మహనీయులకి

2.త్రిమూర్తిస్వరూపమైన శ్రీదత్తుడు పరమ గురువు
ఆదిశంకరాచార్యుడు అద్వైత మతగురువు
మహ్మదూ జీససూ పరమతముల ప్రవక్తలు
ఉద్ధరింపజేయు మనల ఉపదేశ గురువు

కర్మను పరిపూర్తి జేయ పురికొల్పువారె గురువు
జన్మను తరియింపజేయు మార్గ దర్శియే గురువు
వందనాలు వందలాది గురువులందరికీ
గురు పౌర్ణమి ప్రణామాలు ఆ మహనీయులకి

3.జిజ్ఞాస కలిగియన్న ప్రకృతే ప్రథమ గురువు
పంచభూతాలు సైతమెంచగ తా గురువులు
చెట్టూ పిట్టా గుట్టా నదీ కడలి గురువులు
నిశితదృష్టి గమనిస్తే బోధపరచు నిర్జీవులు

కర్మను పరిపూర్తి జేయ పురికొల్పువారె గురువు
జన్మను తరియింపజేయు మార్గ దర్శియే గురువు
వందనాలు వందలాది గురువులందరికీ
గురు పౌర్ణమి ప్రణామాలు ఆ మహనీయులకి

4.అజ్ఞాన తిమిరాన్ని తొలగించును గురువు
సత్యాన్ని ధర్మాన్ని విశదపరచు గురువు
తనను  మించువానిగా తర్ఫీదునిచ్చు గురువు
పరమపదము సులభంగా చేర్పించును గురువు

కర్మను పరిపూర్తి జేయ పురికొల్పువారె గురువు
జన్మను తరియింపజేయు మార్గ దర్శియే గురువు
వందనాలు వందలాది గురువులందరికీ
గురు పౌర్ణమి ప్రణామాలు ఆ మహనీయులకి

5.బుద్ధుడు నానకూ మహావీరుడూ గురువులు
రమణుడు రామకృష్ణ రాఘవేంద్రులు గురువులు
మహావతార్బాబా మెహరు బాబా గురువులు
మానవరూపంలో మనియెడి ఇల దైవాలు గురువులు

కర్మను పరిపూర్తి జేయ పురికొల్పువారె గురువు
జన్మను తరియింపజేయు మార్గ దర్శియే గురువు
వందనాలు వందలాది గురువులందరికీ
గురు పౌర్ణమి ప్రణామాలు ఆ మహనీయులకి

https://youtu.be/FAuKTaA6XpA?si=tCmoyzLvhEE2jYU_

రచన,స్వరకల్పన&గానం:రాఖీ

చుంబనాల వాన ఇది
ఆలింగనాల గంగ ఇది
తడవనీ తనువులనీ తపనలు దీరా
మునగనీ మేనులనీ తమకములారా

చ 1.వికసించని మల్లిక
ఎదురైనా..మరీచిక
విధివిసిరిన పాచిక
ఒడలు వడలు వీచిక

ఎడారిలో తడారినా నాలుకా
సరస్సులో ఈదాడదా అలువకా

2.అహరహము విరహము
అంతెరుగని మోహము
ఎంతవింత దాహము
చింతపెంచు తాపము

కరుగనీ కాలమై కాయము
కాలనీ కర్పూరమై సాంతము

https://www.4shared.com/s/fnnSPkvXdee

https://youtu.be/ekRCyWyCfzk?si=O1ARZl9-PYPSAIdJ

గోవింద గోవింద అభివందనం
పాహిముకుందా పరిమార్చు భవబంధనం
తిరుమల గిరివాస ఇదెనీకు శ్రీచందనం
వేంకటాచలమిల నవనందనం

1.నిత్యవైభోగ నీ నిజ దర్శనం
జన్మాంతర కృతదోషభంజనం
కృష్ణవిగ్రహనీ రూపేమనోరంజనం
దుఃఖహారక నీహాసమే నిరంజనం

2.ఆపదమొక్కుల వాడ
సార్థకనామధేయుడ
శ్రీనివాసుడ సిరిరేడ
సంపద వరదుడ
నామస్మరణతొ నామాలవాడ
దరిజేర్చుకోనా ఎదమాలవాడ

https://youtu.be/7zalZd09Vh0?si=dn6NGtiDAq_VKd7F

అలుపుసొలుపు లేక
నిమిషమాగిపోక
చెయ్యాలి సాధన
గెలుపొకటే భావన
జీవఝరే నీకు గుఱి
జలధి వరకు సాగు మఱి

1.ప్రయత్నమే ప్రశస్తము
పాల్గొంటెనె ప్రాప్తము
ఓటమి నూహించి
ఆటమానుకోకు
నెగ్గేవరకెపుడూ
తల ఒగ్గి ఉండకు
విత్తనమై మొలకెత్తు
వృక్షమల్లె రేకెత్తు

2.విజయలక్ష్మి కొరకు
ఊపిరున్న వరకు
అనుయోగమే చెయ్యి
అనుమానం వదిలెయ్యి
నెరవేరును సంకల్పం
విజితి కైపు అనల్పం
పిపీలికం నీకు ప్రతి
పట్టుదలకు ప్రతినిధి

మరచినావ మహేశా
నీకు మహిమలున్న సంగతి
బధిరునివైపొయినావా
నీ భక్తులకెవరు గతి
(పర)ధ్యానమింక వీడరా
ధ్యాసపెట్టి చూడరా
ముక్కుమూసుకొంటు మమ్ము
లెఖ్ఖచేయవేలరా

1.మరణము తప్పించినావు మార్కండేయునికి
ముక్తి ప్రసాదించినావు శ్రీ కరి నాగులకు
మొరలిడినదె తడవుగా ఆపదల్లొ కాచేవు
పరమదయాళువన్న బిరుదెపుడో పొందినావు

2.(పార్వతమ్మకైన)అమ్మకైన వినిపించద
ఆర్తజనుల వినతి
తొలిపూజలు గొనుటకేన నీతనయుడు గణపతి
షణ్ముఖునికి తెలియదా చేరదీయు పద్ధతి
అయ్యప్పా ఎరుగడా ఏమిటొ శరణాగతి

3.అంతులేని వేదనను భరించాను మౌనంగా
గుండెకోతనైన స్వీక రించాను నీ వరంగ
హద్దుఅదుపు లేదా నువు పెట్టే పరీక్షకు
ఈ తీవ్రత సరిపోదా  నువువేసిన శిక్షకు

https://youtu.be/Vtnn-9SCkDs

అనివార్యమేఅని తెలిసినా ఉద్యోగధర్మమే ఐనా
బంధాలనొదలలేకా బదిలీని సైచలేకా
అతలాకుతలం ప్రభుత్వ ఉద్యోగి జీవితం
సర్కారు వేతనజీవి సతమతమే సతతం సతతం

1.బ్రతుకు పోరాటంలో వలసలు అతిసామాన్యం
బాధ్యతలను నిర్వహించగా అనుబంధం పద్మవ్యూహం
ఉన్నతకాలం ఆనందం పంచాలి
విడిచివెళ్ళినా గాని మధుర స్మృతులు మిగల్చాలి
మనదైన ముద్రను శాశ్వతంగ వేయాలి
ఎన్నినాళ్ళు ఐనాగాని గుర్తుండిపోవాలి

2.విద్యార్థులందరికీ విజ్ఞానం అందించాలి
మానవత్వ విలువలను ప్రతివారికి బోధించాలి
పెదవుల పూదోటల్లో నవ్వులు పూయించాలి
సాటి ఉద్యోగులతోనూ సఖ్యతగా మెలగాలి
ఉన్నతాధికారుల మెప్పుపొందగలగాలి
ఫలానా వారంటూ ప్రజలు మనను కొనియాడాలి

కలనైన కలుసుకుందాము
వెతలన్ని పంచుకుందాము
జతగూడ నోచలేకున్నా
చితిదాక తోడు ఉందాము

1.గతస్మృతులు  నెమరు వేసుకుంటూ
అనుభూతులు కల బోసుకుంటూ
ముడి వడని బంధం మనదన్నా
సంఘమంత చోద్యమనుకున్నా
అనిర్వచనీయమైన అనురాగం ఆలపిద్దాం
అమలినభావుకతతో స్నేహగీతి  వినిపిద్దాం

2.నీ కష్టం నాదిగ తలపోస్తూ
నా వేదన నీదిగ భరియిస్తూ
అవసరాల్లొ ఆసరానందిస్తూ
ఆపదల్లొ ఆదుకొంటుంటూ
నిజమైన మైత్రికి పర్యాయపదమౌదాం
చెలిమి అంటె ఏమిటో లోకానికి నేర్పిద్దాం

OK

పలుకుతోనె జీవితం
మాటతోనె మనుగడ
నా వాక్కున తేనియలే చిలికించవె శ్రీవాణి
నా నుడుగులు మీగడలా తలపించవె గీర్దేవి

శరముల కానీయకు నాఅక్షరమ్ముల
ఎదుటివారి గుండెలను గాయపరచగ
పదముల నను పదిలముగా వాడగజేయి
ఎద ఎద కవి నవనీతముగా తోచగా

వందనాలు గొనవే వీణాపాణి
నా నాలుక  స్థిరవాసము చేసుకోగా
ప్రణతులందుకొనవే వేదాగ్రణి
నా గళమే అవనీ ఇక నీ దేవళముగా

నా కవనము నువు మనియెడి పూవనమైపోనీ
పాఠకులకు సుమగంధము మకరందము పంచగా
నా గీతములన్ని నీకు నగలై ఒప్పారనీ
సాహిత్యము సంగీతము ధగధగలతొ మెరియగా

నమస్సులివిగో సారస్వత సామ్రాజ్ఞి
క్రీగంటనైన నన్ను నువుకాంచగా
చేజోతలందుకోవె పారాయణి
నాతలపై చేయుంచి దీవెనలందించగా

https://youtu.be/4jUFAHuNJPw

తొలిపూజ గైకొనే ఘన దైవమా
మా గణపతి కావుమా
పలువిధముల నీకు పబ్బతులివె గొనుమా

1.మేలుకొన్న వెంటనే విఘ్ననాయకా
నీ రూపమె చూసెదము మరియేది కనక
మొదటి మాట పలికెదము శ్రీ గణనాయకా
నీ నామమొక్కటే ఇంకేది అనక

కష్టమొచ్చినా కడకు నిట్టూర్చినా
తలుచుకునేది నిన్నె సిద్దీ వినాయకా

2.ఏ చోటికి పనిమీద బయలుదేరినా
ముందుగ మొక్కేదినీకె మూషక వాహన
శుభకార్యమేదీ తలపెట్టినా
తొలుత నిన్నె కొలిచేము గజాననా

అణువణువున నీవుగ మా బ్రతుకువైనావు
కడతేర్చి దరిజేర్చు కరుణాంతరంగా

https://www.4shared.com/s/fINaOK3KNee

హితము కూర్చని మతములేల
మానవత నేర్పని బోధలేల
హిందువైనా ముస్లిమైనా
బంధుజనులమె అందరం
రాముడైనా రహీమైనా అందకోరా మనసలాం
కృష్ణుడైనా క్రీస్తువైన అందుకోరా వందనం


1.శిశువుకెక్కడ గురుతులుండును
కులముమతముజాతులెరుగ
మనిషికెవ్వరు మార్గదర్శి
సాటిమనిషిని ద్వేషించగ
నేల సర్వుల తల్లిరా
అన్నమే మన నాన్నరా
ఎరుపువర్ణపు రక్తమే
ఎల్లరుల కలిపెడి బంధమౌరా

2. గీత బైబిల్ ఖురానెప్పుడు
భేదభావము నూరిపోసే
ఇరుగు పోరుగు ఎదలనెప్పుడు
గుడి మసీదులు వేరుచేసే
భారతీయత జాతిరా
ప్రేమతత్వమె నీతిరా
ఒకరినొకరు గౌరవించే
ఆనవాయతి మేలురా

https://youtu.be/SP6PjgvSTyg

వచ్చీనప్పూడల్లా నిన్ను వాటేసుకుంటానె పిల్లా
ముట్టీనప్పూడల్లా నిన్ను ముద్దెంటుకుంటానె పిల్లా
కలలోకొచ్చీనప్పుడల్లా
నిన్నుహత్తూకుంటానె పిల్లా
కబురు ముట్టీనప్పూడల్లా
పెరుగు ముద్దెట్టుకుంటానె పిల్లా

తగవూ నాతోనా  పిల్లా ఆపిక అలకలను
తగదే నీకిదీ అమ్మీ సరదాకైననూ

1.పొద్దూ పొద్దంత నిన్నూ బ్రతిమాలుకున్నా గాని
సుద్దుల సద్దే లేకా  మూతిముడుచూకుంటుంటావు
అద్దారాతిరి నువ్వు గుర్తూకొస్తుంటావు
వద్దూవద్దన్నగాని నన్ను గిచ్చీపోతుంటావు

తగవూ నాతోనా పిల్లా ఆపిక అలకలను
తగదే నీకిదీ అమ్మీ సరదాకైననూ

2.చుక్కలమల్లేలన్ని తుంచి సిగలో తురిమెదనమ్మి
వెన్నెల దుప్పటితెచ్చి పడకన పరిచెద నమ్మి
నీచేతి గాజులు మీటి కొత్తపాటలు కట్టెదనమ్మి
పూచేటి నవ్వులతోటి
సరసాల ముంచెద నమ్మి

తగవూ నాతోనా  పిల్లా ఆపిక అలకలను
తగదే నీకిదీ అమ్మీ సరదాకైననూ

విషాదమే పలికే వీణను మ్రోగించకు

వివాదమే రేపే వాదన పొడిగించకు

మరపునీకు హాయినిస్తే తలపు తలుపు తీయకు

రేపు నిన్ను భయపెడుతుందని నేడు నగవు వీడకు

చింతగూర్చి ఎందుకురా అనవరత చింతన

సంతసాల నందుమురా సమయం చేజార్చక

సంస్కారం నేర్పుతుంది నీకు దువ్వెన

శిఖరాన్ని చేర్చుతుంది నిన్ను నిచ్చెన

మానవతకు కావాలి నీవె వంతెన

అసాధ్యమే సాధ్యమురా చేయగ నువు సాధన

చింతగూర్చి ఎందుకురా అనవరత చింతన

సంతసాల నందుమురా సమయం చేజార్చక

దాహాన్ని తీర్చుతుంది పారేసెలయేరు

త్యాగాన్ని బోధిస్తుంది పచ్చనైన చెట్టు తీరు

మడమతిప్పనప్పుడే గమ్యాలు నిను చేరు

చిత్తశుద్ధి ఉన్నపుడే లక్ష్యాలు నెరవేరు

చింతగూర్చి ఎందుకురా అనవరత చింతన

సంతసాల నందుమురా సమయం చేజార్చక

***   ***   ***  ***   ***   ***   ***   ***  

https://youtu.be/JYoAnu1l1Uw?si=lkr7ru2u8SDVfqbb

ఏది ఆనందమో
ఎవరికేది మోదమో
ఏది సుధలు వర్షించే
రసరమ్య రాగమో
ఏది దిగులు తొలగించే
భవభవ్యయోగమో

1.తుషారమే మణులై మెరిసే
ఉషాకిరణ దర్శనమో
సమీరమే తనువు తడిమే
ఆత్మీయ స్పర్శసౌఖ్యమో
సీతాకోకచిలుకలు ఎగిరే
పుష్పవన దృశ్యమో
గిరిశిఖర చుంబనతో
పులకించే మేఘమైకమో

2.లేడికూనలా దుమికే
జలపాత పరవశమో
చిరుజల్లుకు తడిసిన నేలన
గరికవిరుల సంబరమో
విరిసిన హరివిల్లుకు మురిసే
ప్రకృతికాంత ఆహ్లాదమో
వెన్నెల రేయి కొలను కలువకు
కలిగే కడు తన్మయమో
https://www.4shared.com/s/ffzpUKgJCgm

ఫలించిన కలవే నీవు-వరించిన వరమే నీవు
హృదయాంతరాలలోని-ప్రణయ భావన నీవు
జన్మాంతరాలనుండి-పెనవేసిన బంధము నీవు
త్వమేవాహమైన వేళ-తన్మయత్వమేనీవు

ఆనందము నువ్వు ఆహ్లాదము నువ్వు
తలపులకే పులకరమొలికే-అనుభూతివి నువ్వు
జీవన 'గీత'వు నువ్వు

1.నన్ను లాలిస్తూ అమ్మవైపోతావు
నడవడికను సరిదిద్దుతూ నాన్నగా మారుతావు
లౌక్యాన్ని బోధిస్తూ గురుతుల్యవౌతావు
నీడలాగ తోడుంటూ నేస్తమే నీవైనావు
బేలగా అడుగిడినావు భార్యామణివైనావు
ఆలిగా ముడిపడినావు అర్ధాంగివైనావు

ఆనందము నువ్వు ఆహ్లాదము నువ్వు
తలపులకే పులకరమొలికే
అనుభూతివి నువ్వు జీవన 'గీత'వు నువు

2.ఇంటికే వన్నెలుతెచ్చే-ఇల్లాలివైనావు
మాటకే పదుగురు మెచ్చే-మమతవే నీవైనావు
మా చిన్ని సామ్రజ్యాన మహారాణివే నీవు
పలు చింతల కాపురాన చింతామణివైనావు
ఊరుఊరంతా బాంధవ్యం కలిపేస్తావు
ఆతిథ్యం అన్నపదానికి మరో అర్థమేనీవు

ఆనందము నువ్వు ఆహ్లాదము నువ్వు
తలపులకే పులకరమొలికే అనుభూతివి నువ్వు
జీవనగీతవు నువ్వు

మెరిసి కురిసె ఘన మేఘం..
తడిసి మురిసె అవని దేహం
పాడెను ప్రకృతి అమృతవర్షిణి రాగం
పరవశించి నర్తించెను హృదయ మయూరం

1.పిల్ల తెమ్మెరలు అల్లన వీచగ
నీటి తుంపరలు ఝల్లన తాకగ
మోడులు సైతం చివురులు వేయగ
వర్ష ఋతువు హర్షాల నీయగ

పాడెను ప్రకృతి అమృతవర్షిణి రాగం
పరవశించి నర్తించెను హృదయ మయూరం


2.కరువు కాటకముల దరిరానీయక
చెరువులు నదులు
కళకళలాడగ
విశేషమ్ముగా పంటలు పండగ
కృషీవలుడి కిల కలలు పండగ

పాడెను ప్రకృతి అమృతవర్షిణి రాగం
పరవశించి నర్తించెను హృదయ మయూరం


https://www.4shared.com/s/fx3PCSyP_gm

నిద్దురతో దూరము
మనసుకున్న భారము
శయనమె పరిహారము
వెతల చితుల హననము

గాయాలకు ఔషధము
బడలికకుపశమనము
మేను నేను పరస్పరం
మెలకువయే వరకు ఎరికివారం

కలలకు ఉద్యానము
కథలకు ఉద్దీపనం
వరించినంత భాగ్యము
దరిజేరకున్న  వైరాగ్యము

నిద్ర ఒక రోగము
నిద్ర వైభోగము
నిద్ర ఒక యోగము
నిద్ర మనిషికి యోగము

https://youtu.be/g6XdhsEU61Y

వెన్ననీకు వ్యసనము
మన్ను నీకు అశనము
వన్నెల గోపికలు
వెన్నెల వీచికలు
కన్నయ్యా నీకు
కడు ప్రీతికరములు
కృష్ణయ్యా నీకివే
మా ముకుళిత కరములు

1.ఇంటిసొమ్ము పంచుతావు
పరులది ఆశించుతావు
చోరుడ వను పేరునీకు సార్థకమే
కొల్లగొట్ట ప్రతి బ్రతుకు పారమార్థికమే

2.వెదరునూద సుధలు చిలుక
రాసలీల మధురమొలక
యమున తాను స్థాణువవద
బృందావని మురిసిపోద

3.సమాగమాన తాత్వికతను
అంతానీదగు భావుకతను
అడుగడుగున తెలిపినావు
అనిగీత నుడివినావు

లాలిపాట ఇది
జాలిపాట ఇది
జోలపాట ఇది
విధిలీల పాట ఇది
లాలి జో ...జోలాలిజో

1.సమసిపోని వెత ఇది
ముగిసిపోని కథ ఇది
మరపురాని గతమిది
అంతులేని పథమిది
లాలిజో.. జోలాలిజో..

2.గెలువలేని ఆట ఇది
నిలువరాని చోటు ఇది
పలుకలేని మాట ఇది
చెల్లలేని నోటు ఇది

లాలిజో..జోలాలిజో..

3.మందేలేని నొప్పిది
తీర్చలేని దప్పిది
రాయలేని కవిత ఇది
మోయలేని బ్రతుకిది

లాలిజో..జోలాలిజో..

https://youtu.be/QoC0DdepXjk?si=j8TWyCK62NYn-2MY

పరాయి వాడివనా నిన్ను నేను 

పదేపదే ఏమని వరాలు కోరను
ఇలవేల్పువు నీవేకద అడగక ఈడేర్చనూ
పవనాత్మజా నీ పాదాలు కలనైనా వదలను

కొండగట్టుమీద దండిగ కొలువైనావు
గుండెధైర్యమీవె మా గండాలు తొలుగగను

1.నిన్ను నమ్మితే చాలని చెప్పినారు
చిన్ననాటినుండి మా అమ్మానాన్నలు
కంటికి రెప్పవై కాచెద వంటూ
కథలుకథలుగా నీమహిమలు తెలిపినారు
భూతాలు ప్రేతాలు మనోఉన్మాదాలు
నీపేరు పలికినంత తోకముడుచు వైనాలు

కొండగట్టు మీద దండిగ కొలువైనావు
గుండెధైర్యమీవె మా గండాలు తొలగగను

2.అలనాడుసీతమ్మకంగుళీయకమ్మిచ్చి
ముదమార దీవెనలు అందుకొన్నావు
ఎడబాసిన దంపతులకు ఊరట కలిగించి
రామబంటువైనీవు కీర్తిపొందినావు
రోగాలు పీడనలు ఏఈతి బాధలైన
తొలగిపోవునయ్య స్వామి పాడుకుంటె నీ గాథలు

కొండగట్టు మీద దండిగ కొలుమైనావు
గుండె ధైర్యమీవె మా గండాలు తొలుగగను

https://youtu.be/tKfkzIcUDe4?si=O3oBQcZu27DbyE00

"పర్యావరణం"

ప్లాస్టిక్కవరు మానండి బాబులూ -

క్లాత్ బ్యాగు వాడండి

పేపర్ ప్యాక్ మేలండి తల్లులూ 

ఇకనైనా కళ్ళుతెరవండి

నశించి పోనట్టి వస్తువేదైనా

వసుధకు భారమె ఏనాటికైనా

మట్టిలో కలిసిపోని దేదైనా

ముప్పే ఈ ప్రకృతికి ఎప్పటికైనా

నదులు సముద్రాలు 

కలుషితమౌతున్నాయి

జీవజాలమెంతో 

అంతరించిపోతోంది

శతాబ్దాల ముందెంతో 

హాయిగా ఉండేది

పర్యావరణమే తానుగ

సమతుల్యత నొందేది

మట్టి, లోహ పాత్రలదే

ప్రముఖ పాత్ర బ్రతుకున

నూలువస్త్రాలతో మేనికి

హానిలేని సుఖపోషణ

రాబోయే తరాలనూ 

భూమి మీద మననిద్దాం

హాని అంటూ లేనేలేని

స్వర్గాన్నిలపై సృష్టిద్దాం

https://youtu.be/byjNugYz33k

వెదికినా దొరకదు దయ నీ లోన
కనుగొనలేదెపుడు కరుణ నీహృదయాన
భోలా శంకరా మార్చుకో పేరైనా
భక్తవ శంకరా సవరించకో తీరైనా

1.తండ్రివి నీవని తలిచాను ఇన్నాళ్ళు
దాతవు నీవని మొక్కాను మొక్కుళ్ళు
నీకూ ఉన్నారుగా ఇరువురు సుతులు
వారివైన చూస్తావా అతీగతీ స్థితులు
పట్టించుకోకనే ముక్కుమూసుకున్నావా
ఇల్లుచక్కబెట్టలేక దేశద్రిమ్మరైనావా
పరమ దయాళా మార్చుకో పేరైనా
కాళహస్తీశ్వరా మరువకు నీ తీరైనా

2.పగవాడు కూడ పెట్టడయ్య ఇంత హింస
మరణమే మేలని భరించక ఈవింత గోస
విషం మ్రింగి కాచినావు లోకాలను సైతం
విషమైనా ఈయలేవ తీర్చకుంటె నా దైన్యం
చక్కదిద్దలేకుంటే నీ పిల్లల జీవితాలు
మన్నుబుక్కనా స్వామినీ కిన్నిగుళ్ళుగోపురాలు

గోకర్ణేశ్వరా ఇదేనా నీ భూకైలాసం
ఎంతకాలమయ్యా నీ ఈ కౄరవిలాసం

రచన:రాఖీ

నటియించలేనురా నీయంత చతురతన
నేనాడలేనురా నీ రీతి నిపుణతన
జగన్నాటక సూత్రదారీ
జగన్నాథ హే మురారీ
హద్దంటు లేదా ప్రభూ నీ సయ్యాటకు
తెరదించవేలరా ఇకనైనా నా బ్రతుకు ఆటకు

1.అడుగడుగున సుడిగుండాలు
పథమంతా కడుగండాలు
ఊహించని ఎన్నో మలుపులు
ఉత్కంఠతొ ఓటమిగెలుపులు
రసకందాయమయ్యేలా నా కథను
అనుక్షణమూ పెంచేయాలా నా వెతను

పద్ధతే లేదా స్వామీ నీ దొంగాటకు
నిచ్చెనల ఊసేలేకా బలేనా పాముకాటుకు

2.కష్టాల కడలిన నను తోస్తే
శరణంటా ననుకున్నావా
వేదనల ఊబిలో పడవేస్తే
వేడెదనని భావించావా
ముంచినా తేల్చినా దిక్కెవ్వరు నువ్వు వినా
ఇచ్చింది ఏదైనా పొగడగ నే ఘన కవినా

వెంటాడి క్రీడించకు చదరంగ బంటును
సుధామధురమాశించకు నేను చొప్పదంటును

https://www.4shared.com/s/ft4HLZH5uee

బాధ్యతలను పంచుకొని బంధనాలు తెంచుకొని
ఎగిరిపోతుందిగా చిలుకా
దీని మర్మమేమిటో ఎవరికి ఎరుకా

1.ఉన్నంతకాలమే
ఐనవాళ్ళు కానివాళ్ళు
నాదినాదనుకుంటూ
ఈ ఇళ్ళూ వాకిళ్ళూ
నూలుపోగైన వెంట
తేలేదని మరచిపోయి
గడ్డిపరకైన మోసుకెళ్ళమనే
నిజం విడిచి

ఆరాటమెంత,ఎంత చింతరా
అద్దెకొంప దేహమెంత వింతరా
వదలాలని లేకున్నా నిస్సహాయంగా
ఎంతగింజుకున్నాగాని
గత్యంతరమేలేకా

ఎగిరిపోతుందిగా చిలుకా
ఏడవాలుతుందో ఎవరికి ఎరుకా

2.వచ్చిన పని ఏమిటొ
ఎంతకూ గ్రహించక
సాటిమనిషి నిలలో
ఎందుకో ప్రేమించకా
ఉఛ్ఛ నీచాలస్థాయి
నసలే మరి ఎంచక
కూడనివన్నిచేసి
తప్పని తానొప్పక

ఎదుటివారు బాగుపడితె
ఏమాత్రం ఓర్వక
మంచికొరకు ఇంచుకైన
సమయం వెచ్చించక
చేయగలుగు సాయమైన
ఏనాడూ చేయక
రేపు చూద్దామనుచు
వాయిదాల నొదలక

ఎగిరిపోతుందిగాచిలుకా
బ్రతుకు వృధా అయ్యిందని తెలియకా

ఏటేటా జరుపుకో ఆనందంగా
నూటొక్క పుట్టినరోజులు
అందిస్తున్నానూ అందుకో
మనసారా నా శుభాకాంక్షలు
హ్యాప్పీ బర్త్ డే టూ యూ
విష్యూ హాప్పీ బర్త్ డే టూయూ

1.అమ్మా నాన్నలకు పేరెంతొ తేవాలి
వంశానికి నీవే కీర్తి,స్ఫూర్తి కావాలి
నిన్ను చూసి బంధుజనం ఎంతో పొంగిపోవాలి
సాటివారు కాసింత నీపై అసూయ చెందాలి

దైవం నీమీద దయా దృష్టి నిలపాలి
చల్లనైన దీవెనలు సదా కురియ చేయాలి
హాప్పీ బర్త్ డే టూయూ
విష్యూ హాప్పీ బర్త్ డే టూయూ

2.తలలో నాలుకగా జనులతో మెలగాలి
ఇలకే ఏలికగా నిను కొనియాడాలి
కల్మషమే లేని ప్రేమ సర్వులకూ పంచాలి
నీ పుట్టినరోజుకై ప్రజలు ఎదిరిచూడాలి

బంగారు కలలన్ని పండించుకోవాలి
బ్రతుకంతా కోరికోరి
విజయం నిను వరించాలి
హ్యాప్పీ బర్తడే టూయూ
విష్యూ హాప్పీ బర్త్ డే టూయూ

రచన,స్వరకల్పన&గానం:రాఖీ

ముద్దాడనా వేణువునై నీ పెదవుల
కడతేరనా రేణువునై నీ పదముల
జిలుగులీననా పీతాంబరమునై నీ మేనిన
వన్నెలూననా పింఛమునై నీ శిరసున
నను చేర్చుకో గోపీలోలా నీలోనే
నను మార్చుకో మోహన బాలా నీలానే

1.బంధించనా ఎదరోలునా యశోదమ్మలా
పండించనా తీపికలలు రాధమ్మలా
పరితపించనా త్వమేవాహమని మీరాలా
ఇల తరించనా అవకరమే శ్రీకరమైన కుబ్జలా

ననుచేర్చుకో గిరిధర నీలోనే
ననుమార్చుకో గీతావర నీలానే

2.సఖుడను కానా చేరువగా సుధాముడిలాగా
సోదరిగా మారనా నను కావగ పాంచాలిగా
ఆత్మబంధువైపోనా తలపోయగ పార్థుడిలా
పుండరీకుడినై మురియనా
వాలగ విఠలా నీ చరణాలా

నను చేర్చుకో పాండురంగ నీలోనే
నను మార్చుకో రంగనాథ నీలానే
 https://www.4shared.com/s/fjQ_hT8bgee

https://youtu.be/r1fc0VTf6Fo

కొత్తగా కోరుకునేదేదిలేదురా
ఉన్నదాన్ని గుంజుకోకపోతె చాలురా
షిరిడీ సాయినాథా షిరిడీ సాయినాథా
నీవెరుగనిదా నా దీనగాథ
నీవున్నా ఔతానా నేననాథా

1.బంధాలు బంధనాలు అనుబంధాలు
సన్యాసివైనా గానీ నీ కనుభవాలు
తాత్యాకు మామవై తల్లడిల్లి నావు
భక్తుల బాగుకొరకు  దిగులుచెందినావు
మహల్సాపతితోని మంతనాలు చేసినావు
యోగిరాజు వైననీకె  మోహపాశముందంటే
మామూలు పామరుణ్ణి మాయకు లోబడనా

2.ఏమి బావుకున్నాని నాకింతటి యాతనా
రాజభోగా లేవొనాకు తేరగ ఇచ్చావనా
ఆనందం దోచుకుంటె అదీఓ పరీక్షనా
మనసారా నమ్మినందు కింతవింత శిక్షనా
కరుణాసాగరం కదా సాయి నీహృదయం
కాసింత దయజూస్తే తరిగేనా సంద్రము
ఉత్తుత్తి పుకార్లేనా నీ మహిమలు లీలలు

OK

నీ కంట కన్నీరు ఊరనీకు
పెదవెంట చిరునవ్వు చెరగనీకు
సడలని విశ్వాసమే నీశ్వాసగా
చెదరని సంకల్పమే చేయూతగా
జారిపోనీకు నీ గుండె ధైర్యం
సాగుతూ చేరుకో నీ బ్రతుకు లక్ష్యం

1.ఏ గాలి వానకో ఏ డేగ దాడికో
చెదిరినా తనగూడు బెదరేదేనాడు గిజిగాడు
ఒక్కొక్కపుల్లగా గూటి నోర్మితో నిర్మించి
మనుగడను సాగించదా సంతతిని పోషించదా

పట్టుజారుట మానవ సహజము
పట్టుదలతో చేరుకోవాలి గమ్యము

2.తీరొక్క పూవులో తీయనీ తేనెలే
తీయగా దాయగా తుట్టెనే పెట్టవా తేటీగలు
పొగమంటపెట్టినా నిధికొల్లగొట్టినా
వెంటాడికుట్టవా పగబట్టుతూ
ఆనందమొందవా కూడబెట్టుతూ

కోల్పోయినా గాని రాజ్యాధికారం
మరలసాధించుటే మహరాజు ధ్యేయం

ధర్మపురిలొ ఎడారి-నీరు లేక గోదారి
అలనాటి తలపులతో-గతవైభవ స్మృతులతో
ధర్మపురీ వాసులకు గుండె చెరువు
యాత్రిక భక్తుల కళ్ళలో కాల్వలుకొలువు

1.బాల్యాన ఆడుకున్న ఒండ్రుమట్టి దిబ్బలు
సేదదీర ఆదరించు-ఇసుక తిన్నె పరుపులు
సలిలంలో సంగీతం-సృజియించే కృష్ణశిలలు
స్ఫటికమంటి స్వఛ్చతతో-హాయిగొలుపు జలాలు
ఏవితల్లీ నాడు పారిన-గలగలా జలజలా పారకాలు
ఏవితల్లీ చిననాడు దిద్దీదిన-పరిశుధ్ధ గంగ అక్షరాలు

2.సత్యవతి బ్రహ్మగుండ-తరిగిపోని క్షీరము

దేవతల మడుగు నింపు-పవిత్రమైన తీర్థము

నరసింహుని జలకాలకు-ఉత్కృష్ట ఉదకము

ఔషధ తుల్యమైన పరమ పావన తోయము

కనుమరుగైన తీరు-కొరుకుడు పడనిది

గౌతమి తరంగిణి ఇక-చరిత్రలోనె జీవనది

3.సమతుల్యత లోపించిన -పర్యావరణం
నిర్లక్ష్యం వహియించిన-ఏలికలూ కారణం
కలుషితాలు వ్యర్థాలు-కలగలిపిన పాపము
ఇసుకను తరలించిన-అక్రమాల ఫలితము
గోదావరి నదిపాలిట-ప్రతిదీ ఒక శాపము
కూడనిదంత చేసి-వగయ ఏమిలాభము

OK

కొత్త పాట రాస్తున్నా
ప్రగతి బాట వేస్తున్నా
ఆనందం ఆవరించినా
లోకమొకటి నిర్మిస్తున్నా

1.దుఃఖాలకు దురాశ మూలం
యుద్ధాలకు అహమే ఆలవాలం
కాముకతకు గోప్యత హేతువు
పాశవికత ఆవేశపు ధాతువు

ఎదుటివారి స్థితి మతినిడితే
అరమరికలకు తావే ఉండదు
ఒక్క క్షణం యోచించ గలిగితే
ఆత్మహత్యలకు అయిపే ఉండదు

విలువనెరిగి మసలుకో జీవితం అమూల్యమే
అనుభూతులు దాచుకో గతం రమ్యకావ్యమే

2.సమాచార అంతరం
విపత్తులకు ఆస్కారం
నిర్లక్ష్య విధి నిర్వహణం
స్వీయ మరణ శాసనం

పనిలొ మజా అలవడితే
వినోదమే రోజంతా
సమయపాలనతోనే
ఆహ్లాదం నీ పంథా

శ్రద్ధ వల్లనే నీకు కార్యసిద్ధి అవుతుంది
మొక్కవొని నీయత్నం గెలుపు కాన్క నిస్తుంది

https://youtu.be/C0YJRKkkoD4

నమ్మికదా చెడినాను నారసింహా-ధర్మపురీ నారసింహా
నీ మాయలొ పడినాను ఓ పరబ్రహ్మా- ఓ పరబ్రహ్మా

తప్పునీది కానే కాదు నారసింహా
ఏ దేవుడు లేడయ్యా నీ తరహా

1.ఎంత అలసి పోయావో
ఎంత విసిగి పోయావో
చేత కాక కూర్చున్నావో
చేష్టలుడిగి చూస్తున్నావో
నన్ను ఒడ్డు చేర్చలేక నారసింహా
నాకు దారి చూపలేక నారసింహా
తప్పు నీది కానే కాదు నారసింహా
నాకు దిక్కు వేరే లేరు ఒక్క నీవు మినహా

2.అంతట నువ్వున్నావంటూ
వింతమాటలెన్నో విన్నా
ఆర్తుల పాలించెదవంటూ
భక్తినెంతొ పెంచుకున్నా
పుక్కిటి పురాణమేనా ప్రహ్లాదుని కాచింది
కాకమ్మ కథయేనా శేషప్పను బ్రోచింది
తప్పునీది కానేకాదు నారసింహా
గొప్పగ నిను భావించడమే నాఖర్మ
 https://www.4shared.com/s/fFIohPi0jee

సంతోషిమాతవు సంతస సంకేతవు
ధర్మపురీ విలసితవు ఆనందనికేతవు
నీ కృపకోరని వారేరీ నిన్నర్థించని వారేరీ
జయ జయ సంతోషీ మాతా
జయహో సంతోషీమాతా

1.పరమ శివుని గారాల పౌత్రివి నీవు
వరసిద్దిగణపతికి ప్రియ పుత్రికవు
లాభక్షేములకు అనుంగు సహజవు
కారణజన్మురాలివమ్మా సంతోషి నీవు

2.దయగలిగిన హృదయమె నీకావాసము
విచ్చుకున్న పెదవులె రత్నఖచిత ఆసనము
చెదరని దరహాసమె నీ ఆవాహనము
ధవళ గోవు నువు ఊరేగు వాహనము

3.శుక్రవార వ్రతము అభీష్టదాయకం
పులుపు రుచివివర్జనం మూలసూత్రము
షోడషవారాల ఆచరణయె శ్రేష్ఠము
సంతోషము వ్యాప్తిజేయ మాతానీకిష్టము

అభినందనలు మీ విజయానికి
జేజేలు పొందిన ఈ శుభ ఫలితానికి
వందనాలు సలిపిన సాధనకు కృషీకీ
జోహారులు మొక్కవోని సంకల్పానికి

1.మీ అద్భుత మేధస్సుకు ఇది గుర్తింపు
కఠోరమైన మీ శ్రమకు ఇది ఒక మెప్పు
నాయకత్వ పటిమకు ఇదియే నజరాన
మీ క్రీడాస్ఫూర్తికి ఇదే కీర్తి పతాక

2.అంచలంచల ఉన్నతికి ఇది బహుమానం
నిబద్ధమైన మీప్రగతికి ఇది కొలమానం
తడబడని అనుభవాని కిదియే తార్కాణం
కష్టేఫలి నానుడికి మీరేగా ప్రమాణం

శిలలోనూ కొలువున్న దేవుడు
మనుషులలో చైతన్యమయీ మనలేడా
మనసుపెట్టి చూడవేల స్నేహితుడా
దైవం లేనితావు  పొందలేవురా

1.బంధాలు కలిగినచో బాధ్యతగా ఉందువు
ఈగవాలనీయకుండ కాపాడుకొందువు
పరులపట్ల పలుచనైన భావము నీకేలరా
జనులంతా జగమంతా సొంతమనుకొ హాయిరా
మనసు పెట్టి చూడవేల స్నేహితుడా
మధురానుభూతుల నెడబాయకురా

2.మూణ్ణాళ్ళ ముచ్చట ఈబ్రతుకురా
వేణ్ణీళ్ళకుచన్నీళ్ళుగ బ్రతకరా
ప్రేమపంచు సాధనయే చేయరా
వసుధైక కుటుంబమపుడె సాధ్యమురా
మనసుపెట్టి మసలవేల స్నేహితుడా
మానవీయ కోణమెపుడు
వీడకురా

ప్రేమకు ఒక భాష ఉన్నది
అది మనసులు మాట్లాడుకునేది
కనులతొ కనులు
కలిపి లిపిగా
మోవి కలముతో
ఒకింత చిలిపిగా
తెలుప గలగు భావ ప్రకటన
ఎరుకపరచు ఎద నివేదన

1.వర్ణాలే లేనిది వర్ణించలేనిది
పదములు లేనిది నడకలు నేర్చినది
వాక్యాలు లేనిది లౌక్యమే ఎరుగనిది
వ్యక్తిగతమైనది
వ్యకపరచలేనిది
ఎపుడో అప్పుడు
ఎల్లరూ చదివేది
ఏదో ఒక వయసులో
బోధపడిపోయేది

2.సంధులు లేనిది సంధి పొసగ గలిగేది
సమాసాల ఊసులేక సమావేశమయ్యేది
అలంకార ప్రియమైనది
ఆకార రహితమైంది
చందస్సే లేనిది చందనమయమైంది
లేఖలతోమొదలయ్యి
గ్రంథసాంతమయ్యేది
గెలుపోటములలోను
చరితరాయగలిగింది

దిగంతాల అంచులనే దాటినా
గ్రహగోళాలన్నిటినీ మీటినా
వినబడలేదా నా మొరా
కరుణ మరచినావా ఈశ్వరా

1.ఏమీ పట్టనట్టు ముక్కుమూసుకొంటివా
పిచ్చీలేచినట్టు
బూడ్దిపూసుకొంటివా
అన్నిట ఉన్నానని అంటివా
ఎంతవెదకినా దొరకకుంటివా
ఎందుకీ నంగనాచి వేషాలు
ఏదో పూనినట్టు నాట్యాలు
మహామాయకు నువు లోబడి ఉన్నావో
మము మాయలోన ముంచాలనుకొన్నావో

2.చించుకున్న గొంతు బాధ నెరుగవా
విషము దాచుకోవడం మాతరమా
అవయవాల పట్టుగుట్టు తెలుపవా
పరమయోగివైన నీకసాధ్యమా
తిరోగామిగా నన్ను చేస్తివా
వినోదంగ నన్నుమారుస్తివా
దీనిభావమేమిటో మహేశా
విప్పిచెప్పు మర్మాన్నిక సర్వేశా

నా చిన్నారి ప్రియతమ తనయుడు
చి.హరీష్ భరద్వాజకు పుట్టిన రోజు సందర్భంగా
నాన్నయ్య చిరుకానుక-💐💐💐

ప్రతి మనిషి పుట్టుకకొక-పరమార్థం ఉంటుంది
పదుగురికై మనగలిగితె-అది సార్థకమౌతుంది
ఎరిగి మసలుకొనగలిగిన అంతరార్థము
మన జన్మ ఔతుంది చరితార్థము-
మానవ జన్మ ఔతుంది చరితార్థము
హ్యాపి బర్త్డేటూయూ-విష్యూ హాపీబర్త్డే టూయూ

1.తలవొగ్గని వ్యక్తిత్వం-తలపడే ధీరత్వం
తరువుకున్న త్యాగము-తర్కించే లౌక్యము
అవరోధాలెదురైనా-ఆపని నీ గమనం
ఆటంకాలెన్నున్నా-ఆగని నీ పయనం

గుణపాఠాలెన్నో నేర్చుకొని-జీవన మార్గం చక్కదిద్దుకొని
సాగిపోగలిగావు అవలీలగా-కలనైన తలవవు నువు బేలగా
హ్యాపి బర్త్డేటూయూ-విష్యూ హాపీబర్త్డే టూయూ

2.విధికే ఎదురీది-విషమ పరీక్షలేనెగ్గి
చుట్టుముట్టు సవాళ్ళను-సులువుగా ఛేదించి
ప్రతిక్షణం పురోగతిని పునస్సమీక్షించుకొంటు
ఇరుగుపొరుగునేస్తాలతొ అవగాహనగలిగియుంటు

అందమైన నీనవ్వును అందరితో పంచుకో
జన్మాంతరాలుదాటు అనుబంధం పెంచుకో
హ్యాపి బర్త్డేటూయూ-విష్యూ హాపీబర్త్డే టూయూ

ధన్యవాదాలు వదాన్య మిత్రులకు..
కృతజ్ఞతాంజలులు ప్రేమ పాత్రులకు
ఎంచలేనివీ మీ అభిమానాలు
వర్ణించ లేనివిమీ గుణగణాలు

1.వెన్నుతట్టు ప్రోత్సాహమె నా విజయ కారణం
భుజంతట్టు ప్రేరణయే నా గెలుపు మర్మం
ఆదర్శమూర్తులైన మీరె స్ఫూర్తిదాయకం
కురిపించే మీ ప్రశంసలే నా ప్రగతి కారకం

2.జీవితాన ప్రతిమలుపున మీరేకద నాతోడు
అడుగడుగున మీరిచ్చే సూచనలే కాపాడు
నను మరువక తెలిపేరు శుభాభినందనలు
నమస్సులనగ వినా ఏమీయను కానుకలను

శూన్యమంటె తెలిసింది
దైన్యమంటె ఎరుకైంది
నీవు లేని బ్రతుకంతా ఎంతెంతో ఇరుకైంది
నేనెవరో ఎరుగనంతగా నాదినాకె మరుపైంది

1.గాలి వీచినా గాని
ఊపిరాడలేకుంది
నాడికొట్టుకుంటున్నా మెదడు
మొద్దుబారింది
లబ్ డబ్ అని అనడం మాని
గుండె స్థాణువయ్యింది
అవయవాలు పనిచేస్తున్నా
నియంత్రణే కరువయ్యింది

2.వెతకులోతు ఎంతుందో
అవగతమిపుడయ్యింది
భవిత ఎండమావంటే
అతిశయమనిపించకుంది
ఎలాతిరిగితెచ్చుకోను
కోల్పోయినజీవితాన్ని
మరుజన్మకైనా పొందగ
చేసెదనిక ఘోరతపాన్ని

ఎందుకు కొందరికి అవకరమిస్తావు
ఎందుకు కొందరికే సుఖకరమౌ బ్రతుకిస్తావు
ఎందుకు కొందరిని ఆపదలలొ తోస్తావు
ఎందుకు కొందరినే అందాల అందలమెక్కిస్తావు
అంతా నీ బిడ్డలైతె ఇంతపక్షపాతమా
గుణదోషాల కర్త నీవన్నది అనృతమా

1.ఆగర్భ శ్రీమంతులు కొందరు
ఆజన్మాంత నిర్భాగ్యులు కొందరు
అద్భుతమౌ మేధస్సుతొ కొందరు
అయోమయపు మందమతితొ కొందరు
చెదరని ఆరోగ్యంతో కొందరు
మందేలేని రుగ్మతలతొ కొందరు
ఎందుకు స్వామీ ఇంత నిరాదణ
ఏమిటిస్వామీ అస్మదీయ వివక్షత

2.ఉన్నదాంట్లొ తృప్తితో కొందరు
తాపత్రయముల బారిన కొందరు
కీర్తిశిఖరమెక్కతూ కొందరూ
ఆర్తితోనె కడతేరుతు కొందరూ
మానవత్వ తత్వముతో కొందరు
పాశవికత జతకడుతూ కొందరూ
మంచిని నేర్పించగ నువు నేరవా
నువ్వాడిందే ఆటయనుట మానవా

OK

నిద్దురమ్మా రావమ్మా నీకు వందనం

సిద్ధపరచి ఉంచానమ్మా కలల అందలం

మత్తు మత్తుగ నన్నూ హత్తుకోవమ్మా

చిత్తమంతా ఆక్రమించి చుట్టుకోవమ్మా

1.మెత్తనైన పరుపును వేశా -నా గుండెసొంటి దిండునుంచా

హాయిగొలుపే జోలపాటలు-అల్లనల్లన ఆలపించా

నల్లనైన తెరలు దించా-కళ్ళఅలసట నంత తీర్చా

దోమలేవీ దూరకుండా గట్టి బందోబస్తే చేసా

నీఒడిలో చోటునివ్వు నిద్దురమ్మా

సేదదీరగ చేరదీయవె నిద్దురమ్మా

2.ఉక్కపోతను దూరం చేసా-అగరు బత్తుల ధూపం వేసా

ఎంతగానో బ్రతిమిలాడి రెప్పల్నీ వాలగజేసా

తీపి కబురుల ఊసులు తెలిపా-వింత వింత కథలే చెప్పా

తలను నిమిరి వెన్నుజో జోకొట్టి-వెచ్చగా నే అక్కున జేర్చా

 రాక తప్పదు నీవింక నిద్దురమ్మా

కరుణజూడవె నావంక నిద్దురమ్మా

https://youtu.be/6VTU76wgxqI

"ఓధీర వనిత.,ఓ జగజ్జేత"

ఓ ఆడపిల్లా.. 'ఆడ'పిల్లవె

నువ్వేనాటికైనా...

ఓ లేడి'కూనా...

విషాదభరితమె 

నీకథ ఏ'నాటికైనా

అండంగాఉన్ననాటి నుండి

గండాలే నీ మనుగడకెపుడైనా

పసికందుగ చిన్ననాటి నుండి

అగచాట్లే అడుగుతీసి అడుగేసినా

ఆంక్షల లక్ష్మణ రేఖలు

అనుక్షణం అగ్నిపరీక్షలు

ఓ భూజాతా ,ఓ వహ్నిపునీతా

బాల్యాన అమ్ముడయే దైన్యమైనా

బాలికవధూ దురాచారమైనా

అలనాడు స్త్రీగా విద్యకు దూరమైనా

బాల్యవింతతువుగ బ్రతుకు భారమైనా

నిస్సహాయంగా, ఏతోడు లేక

నిర్హేతుకంగా ,నీకుమద్దతే లేక

బాలగా తలవంచావు

బేలగా విలపించావు

ఆంక్షల లక్ష్మణ రేఖలు

అనుక్షణం అగ్నిపరీక్షలు

ఓభూజాతా,ఓ వహ్నిపునీతా

వికృతసతీసహగమనమైనా

ఒకనాటి కన్యా శుల్కమైనా

ఈనాటి వరకట్న పిశాచమైనా

ఉద్యోగినిగా ఆకాశపు సగమైనా

ప్రకృతే పదేపదే బెదిరించినా

సమాజమే హద్దు నిర్ణయించినా

వంచితగా వేదన సహియించావు

పరిణీతగా వెతలు భరియించావు

ఆంక్షల లక్ష్మణ రేఖలు

అనుక్షణం అగ్నిపరీక్షలు

ఓభూజాతా,ఓ వహ్ని పునీతా

 3.రోదసిలో శోధనలే చేసినా

క్రీడలలో చరిత్రలే రాసినా

పదవులతో ప్రపంచమే ఏలినా

హిమవన్నగ శిఖరాల చేరినా

వివక్షనే ఎదురుకొన్నాగాని

విధేనీకు ఎదురుతిరిగిన గాని

నిన్ను నీవు నిరూపించుకుంటున్నావు

పోరాడిమరీ సాధించు కుంటున్నావు

స్వావలంబన దిశగా

సాధికారతే లక్ష్యంగా

ఓ ధీరవనితా,ఓ జగజ్జేత...!!

OK

జాగేలా ప్రభూ ననుజేర
నిను తలపులలో నిలిపి ఉంచా
నా ఎద తలుపులు తెరిచే ఉంచా
రావేరా బిరబిర నను చేర
రావేరా పరుగున దరి చేర
యుగయుగాలుగా నా ప్రతీక్ష
నువు లేక ఈ బ్రతుకే శిక్ష

1.కథలెన్నో నీ గాథ లెన్నో
తార్కాణాలు పు రాణాలెన్నో
మహిమలు లీలలు మరియింకెన్నో
ఋజువులు సాక్ష్యాలింకెన్నెన్నో
నా నమ్మికనే వమ్ము సేయకా
నా ఆశను అడియాస జేయకా

2.సరసములాడుతు సిరితో నుంటివొ
ఘన భక్తుల కడకేగి యుంటివో
నాపై కినుకను పూనియుంటివో
నా మెరలను వినీ వినకయుంటివో
రా తీరిక లేకున్న నను రప్పించుకో
పరమ దయాళుడ వని మెప్పించుకొ

అన్నయ్య పక్కనుంటె చాలు
బ్రతుకంత నందన వనాలు
అన్నయ్య అండగుంటె చాలు
గుండెల్లొ ధైర్య సాహసాలు

రాముడంటి అన్నయ్య తాను
నేను లక్ష్మణుడిగ మారిపోతాను
ధర్మరాజె అన్నయ్య నాకు
సిద్దపడిపోతాను తన సేవకు

అన్నయ్య తోడుగుంటె చాలు
ఛేదించ గలను ప్రతి సవాలు
అన్నయ్య వెన్నుతడితె చాలు
గెలిచేయగలను అన్ని యుద్ధాలు

అమ్మలాగ నన్ను లాలిస్తాడు
నాన్నలాగ నన్ను నడిపిస్తాడు
నాకొంటెచేష్టలు భరిస్తాడు
సరదాగతీసుకొని క్షమిస్తాడు

అన్నయ్యఅంటె నాకు అపురూపం
అన్నయ్యె దేవుడి ప్రతిరూపం
అన్నయ్యతానౌట నాకువరం
అన్నగా నేను పుట్టి తీర్చుకుంట తన ఋణం

పెదవి మీద విరిసెడి మరుమల్లివి నువ్వు
కన్నుల్లో ఉబికెడి కడలివి నువ్వు
మనసుంతా పరుచుకున్న వెన్నెల నువ్వు
గుండెలోన ఎగసిపడే లావా నువ్వు
ప్రాణవాయువు నువ్వు ప్రాణదీపము నువ్వు
ప్రాణ పంచకమీవు

1.చిరుగాలిగ ననుతాకే పులకింతవు నువ్వు
చిరుజల్లుగ మదితడిపే గిలిగింతవు నువ్వు
చిరుచెమటల సెగరేపే కవ్వింతవు నువ్వు
చిరునామా నీదిక నా ఎద యగు వింతవు నువ్వు
నా భావము నువ్వు
నా భవమువు నువ్వు
నా స్నేహము నువ్వు

2.చేరువయీ చేరరాని దూరము నువ్వు
దూరమైనా చేరగలుగు తీరము నువ్వు
నిర్వచించ గలుగలేని బంధము నువ్వు
జన్మలుగా వీడని అనుబంధము నువ్వు
నా బ్రతుకువు నువ్వు నా భవితవు నువ్వు
వీడ్కోలు పలుకలేని ఆత్మవు నువ్వు-అంతరాత్మవు నువ్వు

https://youtu.be/gBcI-pkz3ec?si=yudKzsaBHxiTfNid

గెలుపు వైపే సాగుదాం
మలుపులెన్నో దాటుదాం
అలుపు లేకా సొలుపు లేకా
గమ్యమికపై చేరుదాం
గగనమైనగాని తాకుదాం

1.విజయమెపుడు తేరగా నీ ఒళ్ళొవచ్చి వాలదు
కలుపుకున్న ముద్ద సైతం తనకు తానై నోటికందదు
కృషితొనాస్తి దుర్భిక్షమన్నది నాటి నుండి నానుడి
సమయాన్నికపై ఒడిసిపట్టు
మచ్చికగు నీ ఒరవడి

2.విలాసజీవిత మెప్పుడో తను కాక తప్పదు నీకు సొంతం
విద్యార్థిదశలో అనుభవిస్తే
విచారమే ఇక బ్రతుకు సాంతం
లక్ష్యసాధన దృష్టి మరల్చక
కొట్టగలిగెదవెట్టి ఉట్టి
నెగ్గగలవు ప్రతి సవాలు
నిబ్బరముతో జట్టుకట్టి

మండే ఎడారుల్లో ఎండేటి గొంతులకెదురయ్యే ఒయాసిస్సులాగా
నా సేదదీర్చావు నన్నాదరించావు శరణంటు నినువేడగానే స్వామీ  నినువేడగానే

1.తెఱచాప చిఱిగి చుక్కాని విరిగి  సుడిలోన అల్లాడు నావలా
ఏ తోడులేక ఏకాకిలాగా బెంబేలు పడుతున్న వేళ
నువుదారి చూపి నారేవు చేర్చి గండాలు దాటించినావే నను గట్టుఎక్కించినావే
నానేస్తమైనావు నా ఆత్మవైనావు శరణంటు నిను వేడగానే స్వామీ నినువేడగానే

2.చెలరేగుతున్న దావానలం కూడ దహియించ లేదు నువు దయచూస్తే
గాఢాంధకారాలు పటాపంచలయ్యి విరిసేను జాబిల్లి నువు కరుణిస్తే
మోళ్ళైన చిగురించు బీళ్ళైన పులకించు నువు ప్రేమజల్లే కురిపించగానే
ననుగన్నతండ్రివలే ఉద్ధరించు గురువల్లే చేయి పట్టి నడిపించినావు తిమిరాలు పరిమార్చినావు

3.భవబంధమేది బంధించకుండా సంసార సంద్రం నను ముంచకుండా
ఏఈతి బాధలు బాధించకుండా ఏమోహ మాయలో నేచిక్కకుండా
ఎదిరించు ధైర్యం నాలోన పెంచు నువ్వున్న దిక్కు నన్నింక నడుపు నువ్వే ఏకైక దిక్కు
దిక్సూచిలాగా ధృవతారలాగా సన్మార్గమిక నాకు చూపు  సారించు నాపై నీ చూపు

🌳🦋🌹విలంబి ఉగాది    💐💐💐💐💐శుభాకాంక్షలు🌹🦋🌳


రచన:రాఖీ,గానం:S.నరేంద్ర శర్మ

మామిడి కొమ్మమీద
కొలువైంది కోయిలమ్మా.
కిసలయముల రుచినే గ్రోలే
ఈ పాటలమ్మా

1.ఉగాదికే స్వాగతమంటూ
హుషారుగా రాగం తీసీ
మధురమైన తన గాత్రంతో
ఆహ్లాదపు జల్లులు కురిసీ
జగములోని జనులందరికీ తరగని ఆనందం పంచే

2.వనమంతా పూవూ పూవూ
వసంతపు విలాసమైంది
చిత్రమైన ప్రకృతి కాంత హరితవర్ణ వికాసమైంది
చిరుగాలి విరితావిని పంచీ
నేస్తమల్లె అలరించింది.

3.ఆరు రుచుల అంతరార్థమే
జీవిత పరమార్థం నేస్తం
నీ కృషినే నమ్ముకుంటే
సహకరించు నీ గ్రహచారం
సాధనతో సఫలీకృతమౌ
ఉన్నతమగు నీ ఆశయము


Listen to మామిడి కొమ్మ మీద by rakigita9 #np on #SoundCloud

https://youtu.be/gxZ6gfsyZVY

వేడుక చూస్తున్నావా
వేదనలిస్తున్నావా
వేడిననూ మొరవినవా
వేంకట రమణా బిగువా

1.నీలా ఎవరిల లేరనీ
తలనీలా లిత్తురు నీకు
నీల మేఘశ్యామా
నిర్లక్ష్యము తగదిక స్వామీ

2.కోరినదీయవు మానే
అడగని వెతలిచ్చెదవేల
లంపటముల తగిలించీ
ఇగిలించెదవేల స్వామీ

3.ఏడుకొండలూ నడిచీ
ఎక్కెదరెందుకు వగర్చీ
నువు పిల్లాపాపల కాచే
దయగలతండ్రిగ ఎంచీ

https://youtu.be/EDqhTCqi33U

ప్రేమైక లోకంలో 

అరవిరిసే అందాలు అనుబంధాలు ఆనందాలు
అరవింద నందనంలో 

మది మురిసే చందాలు సుమగంధాలు మకరందాలు

కాలమనే పళ్ళెం లో ఋతువులన్నీమారు 

నోరూరు రుచులు షడ్రుచులు అభిరుచులు

ఆమని కమ్మని మామిడి కిసలయ కలవడు 

కోయిల కూజిత మకరందాలు

వేసవి ఎండలు గ్రీష్మపు తపనలు మాడ్చే 

వడగాడ్పలు ప్రతీకారా కారాలు
తీరే దాహాల తీరులు స్వేదాలనార్పే 

పవన ఓదార్పులుమజ్జిగ నీళ్ళు మకరందాలు

ఉరుములు మెరుపులు మేఘ వర్షాలు 

మట్టి హర్షాలు లవణమిళిత సెలయేరులు
వడగళ్ళు నాగళ్ళు పల్లెటూళ్ళు 

పురివిప్పి నర్తించే నెమళ్ళు కాకక్క పెళ్ళిళ్ళు
 
తారల చెలియలు వెన్నెల చెలిమెలు 

చెలియతొ ఏకాంతాలు నిశాంతాలు
శరదృతుమత్తులు మన్మధ గమ్మత్తులు 

అగరొత్తులు వగరు పెదవి మకరందాలు

వింతలు కవ్వింతలు ఇంతని లేని 

ఇంతుల కాంతుల పలు చింతలు
హేమంత కౌగిలింతల వలపు పులుపు 

గెలుపు పందాల మకరందాలు

లేని రాని రాలేని రాయలేని అనుభూతులు 

తీరని విరహ శిశిర పత్రాలు
వసంతాలు ఆసాంతాలు ఆకాంక్షల చేవ్రాలు

వేదనలు మరి'చేదే మకరందాలు

https://youtu.be/esgQZxXXjMY

దయగనరా నను నరహరి బిరబిర
కరుణను బ్రోవర శ్రీహరి వేగిర
ధర్మపురీశా ధర నిజ భక్తపోషా
ప్రహ్లాద వరదా ఆర్తత్రాణ బిరుదా

1.ఊహ తెలిసినాడే ఊరి దేవుడవంచు
శేషప్ప పద్యాల నీ గుణగణముల వినుచు
పొద్దూమాపు నిను దరిశించుకొంటూ
నిను నెఱనమ్మితి ననుగాతువంటూ

2.ఏ సుఖములు బడసె నీదాసులు
ఎపు డానందించిరి నీ సిసువులు
బ్రతుకంతా నిను బ్రతిమాలుకొనుడే
మతిమాలి గతిలేక నిను స్తుతించుడే

3.నీ మైమలు మాకూకదంపుడే
నీ లీలలు ఇల పుక్కిటి గాథలే
ఋజువు పరచుకో ఇక నీ ఉనికిని
స్పష్టపరచు స్వామీ కలవని కలవుకావని

రాతి గుండె నాతి
ఎరుగలేము నీ రీతి
కవ్వింతలు నీకాన వాయితి
చితి పేర్చుటే పరిపాటి

1.చిరునవ్వుకె దాసులై
కరస్పర్శకె బానిసలై
చూపులవలచిక్కి చేపలై
ఆకర్షణజ్వాలన శలభాలై
బలిచేసుకునే అర్భకులు
ఈ పురుష పుంగవులు

2.స్నేహ మనే మాయలో
ప్రేమయనెడి భ్రమలో
తడిలేని వింతబంధాలలో
వృధా క్షణికా నందాలలో
కాలంమంత కరగదీయు మగవారు
బ్రతుకంత వేదనలో మునుగుతారు

3.ఏ చరిత్ర చూసినా
భామా బాధితులే
దేవదాసు మజ్నూలు
వనితోపహతులే
లేమయన్నదెవ్వరీ శిలాహృదయను
నఖశిఖపర్యంతము కనలేము దయను

విద్దెల తల్లి ఓ పాలవెల్లి
ముద్దు సేయవే నను వద్దనక
నీ బాలుడనే పలుకుల నెలత
నను దయగనవే గొనవే చేజోత

1.మదిలో మెదిలిన సుద్దులనన్ని-ఒద్దికగా నుడివించవే
మతిలో చెలగెడి చింతనలన్ని-సుగతినెప్పుడు నడిపించవే
పెదవులు దాటెడి పదముల-నొడుపుగ సడిసేయవే
తలపుకు మాటకు పొంతన నెఱపి-తెఱకువ నీయవె

2.తేనియలొలికే సుతినే-స్వరమున వరమీయవే
నయమును గూర్చెడి అనునయ బాసను-దయసేయవే
చెవులకు చవులూరు నాదము గొంతున-వెలయించవే
కవితా పాటా పాటవమున-నొప్పారగా దీవించవే

https://youtu.be/-8D6eHdRxH4

శారదా...కవన గాన జ్ఞానదా
స్మరియింతును మదినిను సదా సర్వదా

1.అర్దశతయుత షడక్షర సమన్విత
ఆంధ్ర వాఙ్మయ విభూషిత
గణిత విజ్ఞాన తర్క విరాజిత
అభ్యసింతునిను అనవరతముగా

2.షడ్జమ రిషభ గాంధార
మధ్యమ పంచమ ధైవతనిషాద
సప్తస్వర వర సంగీత సమ్మోహిత
సాధనజేతునే నిరవధికముగా

https://youtu.be/QQB3P-rYQwE?si=jHSwoDU8taoZffnP

"వలస"-రాఖీ

తల్లిని విడిచి ఇల్లును విడిచి

నేల తల్లిని విడిచి పుట్టినూరును విడిచి

పయనమై పొయినావా చిన్ని తమ్ముడా

పదిలంరా ప్రతి అడుగున తుమ్మ కంపరా

పల్లెగాని పల్లెకు భాషరాని చోటుకు

దేశంవిడిచావుగా వలసగా 

పరదేశానికి బ్రతుకు తెరువుగా

ఉన్న ఊరు కొంతైనా చేయూతనీయనపుడు

బంధువులు స్నేహితులు ఊరడించ లేనప్పుడు

బీడువడ్డ చేనుచెల్కనెవ్వరికో కుదువబెట్టి

భార్యా పిల్లలను పుట్టింటికి జారగొట్టి

గుబులునంత దిగమింగి గుంభనంగ బింకమంది

 బొంబాయి బొగ్గుబాయి దుబాయి చమురుబాయి

చేరినదేదైనా ముందు నుయ్యివెనుక గొయ్యి

పొట్టచేతబట్టుకొని ఆశకూడగట్టుకొని

పరువును విడిచావుగా పనినెంచక బేలగా

నలుగురుండుగదిలో నలుబదిమందుంటూ

ఏపూటో తింటూ మరోపూట పస్తులుంటు 

ఒక్కొక్క రూపాయి పదిలంగా కూడబెడుతు

తీసుకున్న అప్పులన్ని సక్రమంగ ముట్టజెప్తు

దినదినగండంగా ఏళ్ళకేళ్ళుదొర్లిస్తూ

యజమానికోపానికి తగుమూల్యం చెల్లిస్తూ

ప్రమాదాలు ఒకవైపు దుర్భరస్థితులొకవైపు

బ్రతుకును బలిచేస్తూ భవితను కబళిస్తూ

దేహం విడి'చావుగా పరలోకం వలసగా

॥రాఖీ॥ప్రేమాన్వితం

ముందు వెనక చూడనిది

ఉచితానుచితం ఎంచనిది

ఏ తర్కాలకు అందనిది

ఏ త్యాగాలకు వెరవనిది

అనురాగమే అది అనన్యమైనది

ప్రేమైక జీవనం ధన్యమైనది...

1.అమ్మ పేగుబంధం తో-పురుడు పోసుకున్నది

చిన్ననాడు స్నేహంతో -చెలిమి చేసుకున్నది

కాకి ఎంగిళ్ళతో-కలగలిసిపోయింది

చెట్టపట్టాలతో-చెలరేగిపోయింది

మాయమర్మం ఎరుగనిది

కల్లాకపటం తెలియనిది

ఏ కలమూ రాయలేనిది

ఏ కుంచె దించలేనిది

అనురాగమే అది అనన్యమైనది

ప్రేమైక జీవనం ధన్యమైనది...

2.కౌమార ప్రాయంలో-రంగుల కలలు కన్నది

యవ్వనాన రివ్వుమంటూ-ఎల్లలెరుగ కున్నది

చెలియ చిరునవ్వుకే-పరితపించిపోయింది

చెలికాని స్పర్శకే-పులకరించిపోయింది

మాటల కోటలు కట్టింది

తిరుగుబాటుచే పట్టింది 

ఏ కులమూ వంచలేనిది

ఏమతమూ త్రెంచలేనిది

అనురాగమే అది అనన్యమైనది

ప్రేమైక జీవనం ధన్యమైనది...

3.అర్ధాంగితొ అనునిత్యం-ప్రణయ కావ్య దాంపత్యం

సంతానపు సౌభాగ్యం-వాత్సల్యపు సాంగత్యం

అరమరికలు లేనిది-అద్భుతమౌ బాంధవ్యం

ఏ స్స్వార్థం లేనిదీ-అపురూప రక్తబంధం

బ్రతుకును అంకిత మిచ్చేది

భవితను తీరిచి దిద్దేది

ప్రతిజీవి కోరుకునేది

ప్రతిమనిషి ఆశపడేది

అనురాగమే అది అనన్యమైనది

ప్రేమైక జీవనం ధన్యమైనది...

4. వివిధమైన రూపాల్లో- విశ్వవ్యాప్త మైనది

వేరువేరు కాలాల్లోనూ-ఉనికి చాటుకున్నది

ఇష్టమన్న మాట సైతం-అల్పమే ప్రేమ ముందు

అభిమానం అనుపదమైనా-ప్రేమకు ఎటు సరిపోదు

అనుభూతికి మాత్రం అందునది

హృదయానికి మాత్రమె తెలియునది

కారణమేదో చెప్పరానిదిమ

మరణం కూడా ఆపలేనిది

అనురాగమే అది అనన్యమైనది

ప్రేమైక జీవనం ధన్యమైనది...

*** **** *** *** *** *** *** ***

ప్రేమ గురించి కావ్యం రాసినా పూర్తిగా చెప్పడం కష్టం

నాలుగు చరణాల్లో కూర్చడానికి అది మరీ మరీ కష్టం

మీ ప్రతి-స్పందనతో నే నినదిస్తాసు!!

రచన:రాఖీ

మూసిన రెప్పల వెనుక దాగిన కలలెన్నో
తెరిచిన కన్నులగుండా కారిన అశ్రువులెన్నో
జీవితమే రంగుల ఇంద్రచాపము
జీవితమే మరీచికలా అశనిపాతము-తీరని తాపము

1.నిర్మాణపు నైపుణ్యం చూడు- పెట్టిన పిచ్చుక గూడు
చీమలపుట్టలు పాములపాలైతే చింతించకు ఏనాడు
జీవితమే ఊహల వింత సౌధము
జీవితమే అంతేలేని చింతల అగాధము

2.నిద్రించని రాత్రుల కృషితో నీ భవితకు నిచ్చెనలు
అడ్డదారుల వరదల్లో మునిగిన ప్రతిభావంతెనలు
జీవితమే ఎగిరే గాలి పటము
జీవితమే వదలని కంపల లంపటము

3.చీకటి వద్దనుకొనుటే చిత్రమైన పేరాశ
వెలుతురే రాదనుకొంటే
వ్యర్థమే ఆ నిరాశ
జీవితమే ఆటుపోట్ల సాగరము
జీవితమే సుఖదుఃఖాల సంగమము

కరుణించలేవా మరణించులోగా
దయమానినావా నవనీత హృదయ
నీ మననం లేక నేనిల మనలేను
నువు లేని బ్రతుకే ఊహించలేను
నేస్తమై రావా దేవీ ఆసరాగా అందించు చేయి

1.చూపుల పూలతో కొలిచేను నేను
పలుకుల స్తోత్రాల అర్చింతునేను
ఉఛ్వాసనిశ్వాస ధూపాలు వేసేను
ప్రాణాలనైదు వెలిగించినాను
నేస్తమై రావా దేవీ ఆసరాగా అందించు చేయి

 2.పగలే కురిసేను వెన్నెల్లు నీవుంటే
ఆమనే వెన్నంటు నువుతోడుఉంటే
ఆహ్లాదమేనీ సావాసమెపుడు
ఆనందమేనీ సాన్నిధ్యమెపుడు
నేస్తమై రావా దేవీ ఆసరాగా అందించు చేయి

తిరిగిరాని లోకాలకు తరలినావా
మధురమైన మీ స్మృతులను వదలిననావా
ఓ మనీషీ ఓ మహాత్మా ఓ ధన్య చరితా
కాకెర్ల దత్తాత్రేయ శర్మా పరోపకార పరాయణా స్వధర్మా
మనసావాచా కర్మణా అందుకో మా నివాళి
మరువలేరు మిమ్మెరిగిన జనాళి

1.మాన్యుడివైనా మనినావు సామాన్యుడిలా
కర్మయోగివై నిలిచావు జనులకు ఆప్తుడిలా
వృత్తిలో ప్రవృత్తిలో ప్రత్యేకత నిలుపుకొని
తలలోని నాలుకగా ప్రతిఫలించినావు-ప్రతిభచాటినావు
॥ఓ మనీషీ॥

2.పురాణ ప్రవచనం జ్యోతిష్య గణనం
సంగీతనాటక రంగాలలో ప్రావీణ్యం
పాటైనా పద్యమైన గాత్రమే కడు హృద్యం
కరతలామలకమే మీకు విద్య,వైద్యం
॥ఓ మనీషీ॥

3.బంధుగణమునందున అందరివాడివి
వెన్నుతట్టి ధైర్యమిచ్చు నిజనేస్తావి
హాస్య  భాషణా భూషణ చతురుడినవి పురోహితుడివి
చంద్రకళాయుత సంసార ధీర నావికుడివి
॥ఓ మనిషీ॥

కొలిచేరు నిన్ను కోటానుకోట్లు
నువులేవనంటే నే నమ్ముటెట్లు
ఓ చిద్విలాసా సాయీ
ఓ చిన్మయానంద సాయీ
 నాపైన నీవేల దయ మానినావు
నన్నేల మరచి నువు మౌనివైనావు

1.మనిషై వెలసిన దైవానివా
దైవంగ మారిన మానవుడవా
పెట్టేరు నీకు మణిమయ మకుటాలు
కట్టేరు నీకుపట్టు పీతాంబరాలు
పట్టేరు ప్రతిపూట పంచహారతులు
హుండీలో దక్షిణలునీ చుట్టూ ప్రదక్షిణలు

నువ్వంటు ఉంటే ఈ బింకమేల
నావంక చూడంగ తాత్సారమేల

2.గురువారమొస్తే నీ గుడి తిరునాళ్ళే
రోజంతా నీ భక్తులకుపవాసాలే
ఏముంది నీవద్ద ధునిలో విభూది
కాశీయా తిరుపతా షిరిడీ సమాధి
వేలం వెర్రిగా ఎగబడే జనాలు
వ్యధతీర్తువనుకొనే ఈ నీరాజనాలు

ఆనందమేల హరియింతువయ్యా
నీ ఉనికికిఇకనైన ఋజువీయవయ్యా

నీ దాసుడనే నీ ధ్యాసుడనే
నిమిషము మరువని నీ భక్తుడనే అనురక్తుడనే
దయగను దేవీ హృదయముగనవే
కణకణమూ నీ భావనయే
అనుక్షణమునీ ఆరాధనయే

1.నీ పద సన్నధి నాకది పెన్నధి
నీ వీక్షణలో కరుణరసాంబుధి
నీ దరహాసము నిజ మధుమాసము
నీ సాన్నిధ్యము నిత్య కైవల్యము 
దయగను దేవీ అనురాగము గనవే
అక్షరమౌ నీ భావనయే
సలక్షణమౌ నీ సాధనయే

2.నీ పూజకు నే చామంతిని
నీ ఆటకు నే పూబంతిని
నటనలు చాలించి అక్కున జేర్చవె
చరణము లందించి  గ్రక్కున బ్రోవవె
పలుకుల రాణీ నను చులకన జేయకు
శరణము నీవే శరదిందు వదన
ననునడిపించవె సవ్య పథమున.. నవ్య పథమున

OK

రాఖీ॥విరహిణి

రాధిక రాదిక
గోపాలా...
కరిగే కల చేదిక
ఎద కలచే దిక
ఏవేళా...
నా జీవనమున బృందావనమున
కలువల కన్నుల
ఎదురు తెన్నులా...

1.అకులసడినీ రాకగ పొరబడి
కోకిలపాటని మురళీ రవమని
పొదలో కదిలే నెమలి నీ పింఛమని
ఆరాటపడితిని నేభంగపడతిని

2.పున్నమి వెన్నెల ఉసిబోవనేల
అన్నులమిన్నల ఊరించనేల
వెన్నలదొంగా బాసలు నీకేల
వన్నెలు మార్చే మోసములేల

అలాగేకాని ప్రభూ అలాగేకానీ
ఇలా వేధించడం నీకిష్టమైతే
అలాగేకానీ అలాగేకానీ
జాలిమానిన కర్కషుడిలా
కరుణనెరుగని రాక్షసుడిలా
ఇలా హింసించడం నీకిష్టమైతే
అలాగే కానీ అలాగే కానీ

1.దయగలిగిన దాఖలాయే ఎరుకలోన లేనే లేదు
పసితనాన సైతం కనికరించిందిలేదు
పుట్టిబుద్దెరిగేనాడు సుఖపడ్డ రోజేలేదు
నీసృష్టిలోపాన్ని సవరించు సోయేలేదు
అలాగేకాని ప్రభూ అలాగేకానీ
ఇలావంచించడం నీకిష్టమైతే
అలాగే కానీ అలాగే కానీ

2.వింతవింత వ్యాధులన్ని అంటగట్టిఆనందిస్తావ్
భరించరాని వెతలలొ నెట్టి పదేపదే చోద్యం చూస్తావ్
సూదిపోట్లు గుచ్చిగుచ్చి వాయిదాల్లొ చంపేస్తావు
భూతలాన వెదికితె దొరకని కౄరమైన శిక్షలువేస్తావ్
అలాగే కాని ప్రభూ అలాగే కానీ
ఇలా నేఅఘోరించడం నీ తత్వమైతే
అలాగే కానీ అలాగే కానీ

కవితా దినోత్సవ శుభాకాంక్షలతో

॥రాఖీ॥కవి సంగమం

https://youtu.be/aORL7y24quM

కవి సంగమం-హృదయంగమం
బహుముఖ ప్రజ్ఞా పాటవ అపూర్వ మేళనం
కవితలపుల ఉదయించిన కవితల పుట్టిల్లు
భావుకతల చిరుజల్లు..అనుభూతుల హరివిల్లు

1.అక్షర శిల్పులు చెక్కిన రమ్య శిల్పారామం
పదపదమున ఎద కుదిపిన మానవతా ధామం
మల్లెలు మొల్లలు ముళ్ళున్న రోజాలు
పారిజాత మధూ’క ‘ వనాలు...మొగిలి పొదల ప’వనాలు
కవితలపుల ఉదయించిన కవితల పుట్టిల్లు
భావుకతల చిరుజల్లు..అనుభూతుల హరివిల్లు

2.మాటలు తూటాలుగ పేల్చే తుపాకులు
భావాలు బాంబులే సంధిచే శతఘ్నులు
గేయాలు గీతాలు నానీలు ఫెంటోలు హైకూలు
తీరైన కవితారీతులు తీరని కవిత్వ ఆర్తులు
కవితలపుల ఉదయించిన కవితల పుట్టిల్లు
భావుకతల చిరుజల్లు..అనుభూతుల హరివిల్లు

15/10/2017

("కవి సంగమం" ఒక ఫేస్ బుక్ గ్రూపు)

OK

రాఖీ ॥"రమ్యస్మృతి"॥

నిదుర నేను పోదామంటే
ఎప్పుడు నువ్వొస్తావో
మెలకువగా ఉందామంటే
కలనైన కనిపిస్తావో

అశ్రు తర్పణం చేద్దామంటే
కనుల నుండి నువు జారేవో
హృదయ మర్పితం చేద్దామంటే
తెలియకుండ అది నిను చేరేనో

ఏమివ్వగలను నేను
ఏమవ్వగలను నేను
కవితయై నిన్నలరిస్తా
రమ్యస్మృతినై నీలొ నిలుస్తా

OK

ముద్ద బంతి పూవు నీ మోముకు ముద్దు
ముద్ద మందారమంటి బుగ్గన ముద్దు
తేనెలూరు మోవికి చుంబనాల సేవ
ముద్దరాలి మేనంతా ముద్దుల వాన

పల్లవాల వంటి ఆ పాదాలకు ముద్దు
తమలపాకులాంటి నీ అరచేతికి ముద్దు
దృష్టిని మరలింపలేని నాభిపైన ముద్దు
స్రష్టయైన తట్టుకోని నడుము పైన ముద్దు

తేనెలూరు మోవికి చుంబనాల సేవ
ముద్దరాలి మేనంతా ముద్దుల వాన

శంఖమంటి కంఠానికి నులివెచ్చని ముద్దు
గగనమంటు జఘనానికి సుతిమెత్తని
ముద్దు చెవితమ్మెల యుగ్మానికి తమకమైన
ముద్దు
పరవశ హృదయానికి రసికతగల ముద్దు

తేనెలూరు మోవికి చుంబనాల సేవ
ముద్దరాలి మేనంతా ముద్దుల వాన

https://youtu.be/eY2fhpMiFSU?si=JaBHLFtxuAeMxp8H

ఏడుకొండల మీద వెలిగి పోతున్న వేంకటేశ్వర స్వామి నీకు దండము
కొండగట్టు మీద కొలువు దీరి ఉన్న మాతండ్రి అంజన్న నీకు దండము
ఎములాడ రాజన్న భద్రాద్రి రామన్న దయగల్ల మాస్వామి దరంపూరి నర్సన్న నీకు దండము స్వామి నీకు దండము

1.విన్నమాటేగాని కన్నదెపుడూలేదు
మీరంత చేసిన మైమల గూర్చి
తీర్థాలుక్షేత్రాలు తిరుగుడేగాని తీరిన ముడుపుల చిట్టానే లేదు
మొక్కిన మొక్కులు లెక్కకు మిక్కిలి
ఎక్కిదిగిన గడపల కంతైతే లేదు

2.ఇచ్చేది చెప్పరు అడిగింది ఇవ్వరు
ఒంటికో ఇంటికో మంట బెడతరు
ఉన్నట్టు ఉంచరు ఊబిలోకి తోస్తరు
లబలబమనిమేము మొత్కోంగజూస్తరు
ఆటలాడందెమీకు పూట గడువదేమో
నటనలాపిమాకు నవ్వులందించరో

రచన&స్వరకల్పన:రాఖీ

ఎలా వ్యక్త పరుచాలో ఎరగనిదే ప్రేమా
ఎలా నిర్వచించాలో తెలియనిదే ప్రేమా

యుగయుగాలుగా ఎన్నో గాథలు విఫలమైనాయి ప్రేమనుదహరించలేక

తరతరాలుగా ఎన్నో రచనలు చతికిల పడినాయి
ప్రేమను వివరించ లేక

1.అమ్మ ప్రేగు పంచి ఇచ్చే అనురాగం ప్రేమ
నాన్న బ్రతుకు ధారబోసే వాత్సల్యం ప్రేమ
యువజంట మధ్య పుట్టే ప్రణయమే ప్రేమ
వార్ధక్యాన తోడుగ నిలిచే అనుబంధం ప్రేమ-బాంధవ్యం ప్రేమ

2.నేస్తాల నడుమన వెలిసే స్నేహమే ప్రేమ
అభిరుచుల ఎడల చూపే అభిమానం ప్రేమ
సోదరీసోదరులపైన కలిగియున్న మమతయే ప్రేమ
జీవరాశిపై మనిషికి ఉన్న కారుణ్యమే ప్రేమ-మానవత్వమే ప్రేమ

3.కనులుకనులతో కలుపుతు చేసే సైగల్లో ప్రేమ
నుదుటిపై పెదవులు రాసే కైతల్లొ ప్రేమ
చేతిలో చేయితొనొక్కే కరస్పర్శయే ప్రేమ
అలయ్  బలయ్ ఆలింగనమే అంతులేని ప్రేమ-ఆత్మగతమే ప్రేమ

https://youtu.be/NSiJDqY7mGE

మమతల కోవెల మాఇల్లు
అమ్మానాన్నలె.దేవుళ్ళు
మా ఇంటకురిసేను నవ్వుల వెన్నెల జల్లు
ప్రతిపూట విరిసేను సంబురాల హరివిల్లు

1.బంధుమిత్రులకు ఆతిథ్యాలే మాకు తిరునాళ్ళు
ఆటపాటలతొ ఆనందాలే గోదారిలాగా పరవళ్ళు
పచ్చదనాల పలుమొక్కలతో కళకళలాడును మాలోగిళ్ళు
స్వఛ్ఛదనాల పరిసరాలే ఆహ్లాదానికి ఆనవాళ్ళు

2.నోరూరించే కమ్మని రుచులకు కార్ఖానాయే మావంటిల్లు
వరుసపంక్తుల్లొ వడ్డించె భోజనాల మా నడిమిల్లు
చల్లనివెన్నెల కాలవాలము మలయసమీరపు మాడువిల్లు
సరససల్లాపముల సేదదీరగా శాంతినొసగమా పడకటిల్లు

3.తాతా బామ్మా మందలింపులతొ ఇంపైనది
అరమరికలెరగని అమ్మానాన్నల మనసైనది
అన్నదమ్ము లేరాళ్ళు కలివిడిగా అలరారునది
ఉమ్మడికుటుంబమంటే ఉదాహరణగా విలసిల్లునది

https://youtu.be/WXm36qB6Rmc

అమ్మతోనె జగతిరా
పలుకు తోనె ప్రగతిరా
అమ్మ భాషతోనె మనిషి భవితరా
కమ్మని మన తెలుగె బ్రతుకు బాటరా

1.ఉగ్గుపాలతోనె పద్యాలు నేర్వాలి
అమ్మలాలి పాటలో గేయలయను పట్టాలి
బామ్మ ఒడిలొ బజ్జుని భాగవతం వినాలి
తాతయ్యే తలనిమరగ
నీతికథలు గ్రోలాలి

అమ్మభాషతోనె మనిషి మనుగడరా
కమ్మని మనతెలుగె చెఱకు గడరా

2.చందమామ కన్ననీవు
చందస్సుని కనరా
అందచందాలకన్న
అలంకార శాస్త్రమెరుగర
పలకబలపం పట్టే సరికే
వ్యాకరణం నేర్వర
తొలి బడి వయసులోనె
పలుకుబడులు గ్రహించర

అమ్మభాష నెపుడు యాది మరువకురా
కమ్మని మనతెలుగె పాలమీగడరా

3.పాఠశాల స్థాయిలోనె
భాష పట్టు సాధించర
యవ్వన తొలినాళ్ళలోనె
కవనము చిలికించరా
పూర్వకవుల గ్రంథాలు
ఆపోశన పట్టరా
అవధానం,శతక రచన
ఆకళింపు చేకొనరా

అమ్మభాష అంతులేని సంపదరా
కమ్మని మన తెలుగును
కలలోను పొగడరా

కూతవేటు దూరం-బంగారు తెలంగాణా అన్న స్వప్నం
చరితే పునరావృతం-రామరాజ్యం ఇక అనుభవైకవేద్యం

రైతేరాజై
బడుగు ప్రగతి తొలి అడుగై
సర్వతోముఖవికాసం
తెలంగాణ ప్రజలకు తరగని దరహాసం


1. సింగాలను లొంగదీయు శాతవాహన శౌర్యం
 కోటిలింగాల రాజధాని బోలు పునర్వైభవం
 కాకతీయ కదన మదన కళాప్రాభవం
కులీకుత్బుషాషి నవాబ్ జనసమైక్య జీవనం


 కలలిక సాకారం-కళలకు సత్కారం
తెలంగాణ రాష్ట్ర ప్రభుత ప్రాధాన్యతా క్రమం


 2.ఆడపడుచు పురిటిికి కేసియార్ కిట్టు,
కన్నపిల్లపెళ్ళికి కల్యాణలక్ష్మి గిఫ్టు
అసరాకరువైన అతివలకు ఒసిగె భృతి
అన్నివర్గాల జనుల నాదుకొనే ధర్మనిరతి


పచ్చదనం పరిశుభ్రత ప్రజల వంతు
ప్రగతి రథంనడిపించుట ప్రభుతవంతు


3.నిరంతరం విద్యుత్తు ఉద్యోగుల శ్రేయస్సు
ఉద్యోగకల్పనతో యువత భవిత ఉషస్సు
టి ఎస్సై పాస్ తొ పరిశ్రమస్థాపన భేషు
స్త్రీకి షీ టీం కవచం మేలైన పోలీస్ బలం


ఆసరా పింఛన్లు డబల్ బెడ్రూమిళ్ళు
బడుగుల బతుకుల్లో బంగారు వరాలజల్లు


 4.కోటిఎకర చెలకలకు నీటి వనరు సహకారం
వ్యవసాయ ఖర్చులకు ఎనిమిదివేల ధనసాయం
కాకతీయ భగీరథ పథకాల ఫలసాయం
పంటపొలం ,తాగుజలం కరువెరుగని వైనం


మాటనిలుపుకున్నతీరు కమనీయం
మనసుగెలుచుకున్న రీతి మహనీయం

నీ సహవాసం మధుమాసం
నీ సహచర్యం రసమాధుర్యం
నీ సహయోగం కుసుమ పరాగం
నీ సహ జీవనం నందనవనము

1.నీ తలపే నిదురకు వెరపే
నీ ఊహే చెఱకుకన్న తీపే
నీపలుకే మురళికి ముప్పే
నీ నవ్వే వెన్నెల కుప్పే

2.నీతో పయనం దిగంతాలకే
నీతో ప్రణయం ప్రబంధాలకే
నీ పరిష్వంగం రసజగాలకే
నీ చుంబనమైకం రమ్యలోకాలకే

https://youtu.be/EuxGq641WxI?si=Wj69p9YFrANOEEbt

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం: ఉదయ రవిచంద్రిక(శుద్ధ ధన్యాసి)

ధర్మపురీ ,శ్రీ లక్ష్మీ నరసింహుని దివ్య క్షేత్రము
ధర్మపురీ,గోదావరి ప్రవహించే పుణ్య తీర్థము
కర్మలు నశియింప జేయు సన్నిధానము
జన్మను తరియి౦పజేయు ముక్తి ధామము

1.దక్షిణ వాహిని గా అలరారే గోదావరి ఒక వరము
 దక్షిణ కాశీ గా వాసికెక్కి యున్నదీ ఈ పురము
 దక్షిణ దిక్పతి నెలకొని యున్న స్థలము
 దక్షిణ భారతాన ప్రసిద్ధ యాత్రాస్థలము 

2.వేదాలకు నెలవైన విప్రవరుల  నిలయము
సంస్కృతీ సనాతన సంప్రదాయ సహితము
సంస్కృతము జ్యోతిష్యము సమకూరి యున్నది
సంగీతము సాహిత్యము సకల కళల పెన్నిధి

3.శివకేశవులభేదమైన హరిహరక్షేత్రము
పరమత హితమెరిగిన మహిత స్థావరం
నిత్యమూ భక్తులతో అలరారే జనపదము
ప్రతిరోజు పండగనే తలపించే ఒకజగము

https://youtu.be/_WS2-0M1m88

కన్నె స్వామిని కావాలనుంది
నాకు మళ్ళీ ఒకసారి
తీర్చి దిద్దుకోవాలని ఉంది
గాడి తప్పిన బ్రతుకు దారి
ఎంతో తెలుసను అహము నుండి
ఏమీ తెలియని నిజము వరకు
చేరుకోవాలని ఉంది
మారిపోవాలని ఉంది

1.నియమాలంటే నిర్లిప్తమై
దీక్షపట్ల శ్రద్ధ నిర్లక్ష్యమై
కప్పదాటులె వేసుకుంటు
అనుకూలంగా మలచుకుంటూ
కొత్త భాష్యాలే చెప్పుకుంటూ
వక్రమార్గాలే ఎన్నుకుంటు
భ్రష్టుపట్టి పోయినాను స్వామి
దృష్టి తప్పి తిరిగినాను స్వామీ

2.వేడినీటి తో స్నానాలు
వేళతప్పి పడక శయనాలు
నోటరాని శరణుఘోషలు
గురుస్వామి మినహాయింపులు
నిష్ఠ లేక ఇష్టా రాజ్యాలు
వదలలేని జిహ్వచాపల్యాలు
నియతిలేని వాగ్వాదాలు
నియంత్రణలేని ఇంద్రియాలు
విలాసమయ్యింది నీ దీక్ష
శరణు శరణు స్వామి నీవే రక్ష

https://youtu.be/iRGTHuY5IZQ?si=4UIaom1810-fViKt

నీ నవ్వులో విచ్చుకున్న పారిజాతాలు
నీ చూపులో గుచ్చుకున్న వసంతాలు
నీ చేరువలో మలయమారుతాలు
నీ తలపులలో ఆహ్లాద జలపాతాలు

1.నీ సుందర వదనం ఉదయ సూర్య బింబం
నీ చందన దేహం నిశి శశి చందం
చేజారిన మణిపూసవు ఈ నాటికి
పదిల పరుచుకుంటా అనుభూతులు ఏనాటికి

2.నా కొరకై దిగి వచ్చిన దేవత నీవు
నాకిలలో వరమిచ్చే విధాతవు నీవు
నీ సహవాసం ప్రతిరోజు మధుమాసం
నీ దరహాసం అపురూప బహుమానం

3.మనం కలుసుకున్న ప్రతిక్షణం మరువం
మన కలల నందనం మరులు రేపు దవనం
వచ్చేజన్మ లోనూ పెనవేయనీ మన బంధం
ఊహకూ హాయి గొలుపు మన సహజీవనం

https://youtu.be/TXlcEs17IHA?si=MN7xqgCuQCz4to-I

చూస్తూ ఉండి పోనీ
నీ కళ్ళ లోగిళ్ళ లోకి
నే రెప్పలే గిలపకుండా,
శిలలా మారిపోనీ
నీ ఎదుట  నా గుండె సైతం
కొట్టుకోకుండా

కాలాలు కరిగిపోనీ
ఋతువులే జరిగిపోనీ 
సృష్టియూ స్రష్టయూ
నిర్వీర్యులవనీ

1.స్నేహానికే కొత్త అర్థాలు చెబుదాం
ప్రణయానికే వింత భాష్యాలు రాద్దాం
కలవలేనీ ప్రేమ కథలు మనవి
కలలయందైన కలవ మనవి
చూపులే చుంబనాలై
పలుకులే ఆలింగనాలై
సగము సగమై సంగమిద్దాం
సరస జగమై పరవశిద్దాం

2.అనురాగ రాగాలు ఆలపిద్దాం
హృదయాల లయలోన అడుగులేద్దాం
విరహాలు దరిరాని అనుబంధము
కలతలే కనరాని
సహయోగము
మనసులే మరులు రేప
మమతలే దారి చూప
స్వర్గ ద్వారాల తలుపు తడదాం
స్వప్నలోకాన కాలు పెడదాం

శిథిలమైన శిల్పాన్ని తిరిగి చెక్కుతున్నా..
భిన్నమైన ప్రతిమకు ప్రాణప్రతిష్ట చేస్తున్నా
పాడుబడ్డ గుండెనే గుడిగాచేస్తున్నా
మనసు లేని దేవతకే మరీమరీ మొక్కుతున్నా

1.వరములేవి అడుగకున్నా కరుణ మానెనెందుకో
పూజలెన్ని చేస్తున్నా లెక్కచేయదెందుకో
దోషమేదొ ఎరిగింపక చింతపెంచె నెందుకో
ఊపిరాడలేకున్నా వింతగ చూసెనెందుకో

2.బాధపంచుకుంటె చాలు భాగ్యమునందించినట్టె
క్రీగంట చూస్తెచాలు దయామృతం చిలికినట్టె
చిరునవ్వితేనె చాలు వెన్నెల వర్షించినట్టె
స్నేహంగా ఉంటెచాలు బ్రతుకు బాగుచేసినట్టె

https://youtu.be/8T0JNAyYob0?si=uiNl-Oa90XVr5g3A

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం : హంసానంది

యుగ యుగాల వెలుగులీనె మన తెలుగు
దిగంతాల కీర్తి మించె మనతెలుగు
తెలంగాణ- 'తెలుగు' పురిటి గడ్డ
తెలంగాణ పలుకు - అప్యాయత అడ్డా

1.పాల్కుర్కిసోమన్న ప్రణీత ద్విపదగా ఆద్యమై
పనిపాటల పల్లె జానపదముగా హృద్యమై
తెలంగాణ నుడికారపు మమకారమై
కోనసీమ వెటకారపు వ్యవహారమై
రాయలసీమ మాండలీక మణిహారమై
కళింగాంధ్ర పదగతి  ప్రాకారమై

మాధుర్యం చిలుకుతుంది మన భాష
ఆంతర్యం ఒలుకుతుంది మనభాష

2.వేమన బద్దెనల నీతిశతక బోధకమై
పోతన్న గోపన్నల భక్తిభావ సాధకమై
దాశరథీ వరదన్నల వాణీ పద మంజీర నాదమై
కాళోజీ సినారెల ఆధునిక వచన గీత వేదమై
హృద్య పద్య ప్రసిద్ధగా లోకామోదమై
సహజసిద్ధ భావనాయుత ఆహ్లాదమై

ప్రభలు చిమ్మె తెలంగాణ తెలుగు తేజమై
సుధలు కురిసె తెలంగాణ విశ్వ విరాజమై

3.అజంతా సుందరిగా అరుదైన పదాకృతి
ముత్యాల దస్తూరిగ తీరైన వర్ణ లిపి
జగతిలోన ఏ సాహితి నోచని పద్య సంస్కృతి
ప్రభుత కొలువందు కొలువొంద మనస్కృతి
అధికార భాషగా ఆదరించమని వినతి
తెలుగువారు మాతృభాష మన్నింపగ ప్రణతి
ఇటలిభాష 'పడమటి తెలుగని'పొందగ ఖ్యాతి
పాడుకోవాలి జనమంతా మక్కువతో తెలుగుగీతి

చెరగనీకు పెదవులపై
చంద్రవంక చిరునగవు
చేయబోకు ఎడదనెపుడు
వెతలకింక తావు

ఆటుపోట్ల తాకిడికి
వెరవబోదు రేవు
కలతలు కన్నీళ్ళు
కలకాలం మనలేవు

1.ఎండకైన వానకైన
కొండ చెక్కుచెదరదు
తనగొంతు ఎండినా
ఎడారింక బెదరదు

రేయైనా పగలైనా
నదీ నడక నాపదు
ఋతువులెన్ని మారినా
చెట్టు ఎపుడు జడవదు

2.బతుకు చిటికెడైనగాని
బుడగకింక పంచదా
తలకుమించు బరువైనా
చీమకు తలవంచదా

గెలుపు ఎంత గొప్పదైన
మోడి(పట్టదల)ముందు ఓడదా
ప్రేమ తో జతకడితే
హాయివంత పాడదా

OK

https://youtu.be/AzziBXkX_78?si=XX7WdxH6oD8EpxDg

ఇంతకన్న ఇంకేమి చేయగలవు
పూవులాంటి జీవితాన్ని చిదిమేయ గలవు
ఇంతకన్న ఇంకేమి చేయగలవు
కడివెడు పాలల్లో ఉప్పురవ్వ వేయగలవు
ఇంతకన్న ఇంతకన్న ఇంతకన్నా
ఇంతకన్న ఇంకేమి చేయగలవు

1.ఆశల సౌధాల నెన్నొ కూలద్రోయగలవు
నడికడలిన బ్రతుకు నావ ముంచగలవు
పచ్చనైన కాపురాన చిచ్చు రేపగలవు
చేతికందు పంటనంత
బుగ్గిపాలు చేయగలవు
ఇంతకన్న ఇంతకన్న ఇంకన్న ఇంకేమి చేయగలవు
విధివిలాసమంటు వింత
తత్వబోధ చేయగలవు

2.నాటుకున్న మొక్కనైన పెకలించి వేయగలవు
ముక్కుపచ్చలారకున్నా
పీకలు నులిమేయగలవు
బంగారు భవితనంత
గంగపాలు చేయగలవు
అందమైన దేహాన్ని
అవకరంగ మార్చగలవు
ఇంతకన్న ఇంతకన్న ఇంతకన్న
ఇంకేమి చేయగలవు
కర్మ సిద్ధాంతమంటు గీతబోధ
చేయగలవు

రచన:
RAMKISHAN RAKI GOLLAPELLI

చిలకా గోరింక
చెరిసగమైనాయి
కలువ నెలవంక
ఒక జగమైనాయి
గత జన్మల ప్రణయాల గురుతుగా
దివిన జరుగు పరిణయాల
ఋజువుగా

1.మనసులు ఏకమైన మనువుగా
తపనలు కలగలిసిన తనువుగా
అర్థవంతమైన బంధాన అడుగిడగా
అర్ధనారీశ్వరమైన మనుగడగా

సాగిపోతుంది జీవితం
కలలే సాకారమై
విలసిల్లుతుంది కాపురం
మమతల ప్రాకారమై

 2.ఒడుదుడుకుల జడివానల నధిగమించి
చిరుచిరు కలహాలనే విరమించి
ఒకరి కొరకు ఒకరనే ఎప్పుడూ తలంచి
ఎదుటివారి సలహా శిరసా వహించి

ఆదర్శవంతమై నిలవాలి దాంపత్యం
పిల్లాపాపల నవ్వులు పూయాలి ప్రతినిత్యం

https://youtu.be/AK_5st3yhT0

బ్రతుకీయగ చేతగాని శివశంకరా
చంపేయగనైనా సంకోచమేలరా
క్షణక్షణం భరియించెడి యాతనకన్నా
తీక్షణ మైనదా ఏరౌరవ నరకమైన

1.తోటలేల పెంచేవు
జిల్లేళ్ళూ నాగజెముళ్ళతో
బాటలేల వేసేవు
సమాధులూ చితులతో

ఇస్తే ఆనంద మీయి
బెదిరిస్తే భవిత బాగుచెయ్యి

2.మందే లేని రోగాలను
అప్పనంగ ఇచ్చేవు
తాళలేని వేదనలను
తలకు అంటగట్టేవు

ఇస్తే కాస్త అమృతమీయి
 దారుణ విషమైనా దయచేయి

3.నీ తావే సదాశివా శ్మశానవాటికా
నీ కడ గరళం
పుష్కలమేగా

దరి జేర్చుకో బిరబిరగా
మరుజన్మయే లేనట్లుగా

OK

https://youtu.be/QJaCVXAp9N0

రచన:రాఖీ -రాధికలా...!

రాధనే నేనూ..ఆరాధనే నేను
విచ్చిన కలువను(నిను) ఎచటని కలువను
నామది యే బృందావనిగా,
నా పెదవే పిల్లనగ్రోవిగ
కలవని భావించి నే వేచితిని
రాగలవని నేనెంచి నిను నోచితిని

1.వేలగోపికల కలవేనీవు
వలపులతోనే వలవేసెదవు
మురళిని మ్రోయించి మత్తులోముంచేవు
చిత్తమునేమార్చి గమ్మత్తులు చేసేవు
కలవని భావించి నిను పిలిచితిని
కలయని తోచగ చింతించితిని

2.అష్ట భార్యల ఇష్టసఖుడవే
స్పష్టతలేదా నన్నలరించగ
కుబ్జయుతరించె నీ పదాబ్జమున
మీరా రమించె నిను తనమనమున
కలవని భావించి నిను తలచితిని
కలవరించినేనిల శిలనైతిని

https://youtu.be/yeLuyTcAFbc

రచన,స్వరకల్పన&గానం:రాఖీ

"దైవం మానుష రూపేణా..."

నిజమే లేదు-నువ్వున్నావను మాటలో
ఋజువే లేదు- మా అనుభవాలలో
ఉన్నావో లేవో తెలియని ఓదైవమా...
నమ్మలేను నిన్ను మనస్పూర్తిగా
అర్థించక మానలేను ఆర్తిగా

1.చెప్పడానికేముంది-పుక్కిటి పురాణాలు
విప్పడానికేముంది-గుప్పిటి రహస్యాలు
అదిగోపులి యిదిగో తోకయన్న చందము
మేమిచ్చిన గొప్పతప్ప ఏదీనీ మహత్మ్యము

మార్చుకోను నాగతి ఆధ్యాత్మిక దారికి మళ్ళక
ఉండలేను మసీచ్చర్చ్ గుళ్ళకు నే వెళ్ళక

2.ఉన్నట్టుండి తేగలవు-ఉపద్రవాలు
నట్టేట ముంచగలవు -మా జీవితాలు
పరిష్కార మెరుగక'నే వేతు వేల(?) సవాళ్ళు
ఉంటేగింటే నీ ఉనికి -చేయవేల అద్భుతాలు

కలోగంజో తాగుతా నా కష్టార్జితం
సాటిమనిషినడుగుతా ఆదుకొనగ సాయం

మనిషి మనిషిలో చూస్తా దైవమనే నీ భావం

28/10

https://youtu.be/fUxtddMiA20?si=PVeTbJiwvwb9ఎల్ఫ్ల్

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం :వసంత

కోరనివెన్నో - తేరగ ఇచ్చావు
వేడని నాడూ - వేదన తీర్చావు
కంటిపాపలా - ననుకాచావు
మంచి మార్గమే-నువుచూపావు
ఆనందాల-తేలునంతలో
ఎందుకు స్వామీ-ననువీడావు
సుడిగుండాలలొ-ననుతోసావు

1.శ్రద్ధాసక్తులు-కనబరచలేదు
రేయీపగలూ-కృషిసలుపలేదు
ఉన్నత లక్ష్యాలు-ఊహించలేదు
ఏసరదాలు-నే కోల్పోలేదు
ఐనా స్వామీ-అంతానీదయ
పొందినదంతా-నీ దయా

2.ఆశించినది-నాకందలేదు
అంతకు మించే-ప్రసాదించావు
తలచినదేదీ-నువుచేయలేదు
ప్రతి ప్రతిఫలము-నాకతిశ్రేయము
కష్టాలకడలిలో-ఈదాడినా స్వామీ
ఏతడి ఒంటికి-అంటనీయవు

3.మొగ్గలోనే-పువ్వును చిదిమేవు
మధ్యలోనే-నాచేయి వదిలేవు
మందేలేని-గాయాలు చేసేవు
గుండెను పిండిమరలో నలిపేవు
ఎరుగము స్వామీ-నీ అంతరంగము
నను దరిజేర్చగ-నీదే భారము

https://youtu.be/LVWQdy-LXaI

సేవల పాయసము
చేసి ఉంచాను నీ కోసము
ఆరగించర మూషిక వాహన
నన్నాదరించర దీనజనావన

1.కమ్మని వాసన రావాలని
తుమ్మెద వాలని మల్లెలని
ఎరుపంటె నీకెంతొ ఇష్టమని
విరిసిన మందార పూవులని
సిద్ధపరిచాను సిద్ధివినాయక
చిత్తగించర శ్రీ గణనాయక

2.పంచామృత సమ నీనామగానం
పంచమ స్వరమున పలికించు వైనం
తలపోయ తెలిసే పికగాత్ర మర్మం
పులిమితి నామేన ఆకృష్ణ వర్ణం
ఆలపించితి నీ దివ్య గీతి
ఆలకించర ఓ బొజ్జ గణపతి

3.నా నయనాలే దివ్వెలుజేసి
వెలిగించానిదె మంగళ హారతి
నా హృదయము జే గంటగజేసి
మ్రోయించానిదె మంజుల రవళి
నా మనసే గొను నైవేద్యము
కరుణించి వరమిడు కైవల్యము

గుండె లో గుచ్చుకున్న పూబాణం నీవు
తలపులో చిక్కుబడిన తూనీగవు నీవు
నవ్వుతో చంపుతున్న ప్రియవైరివి నీవు
చూపులతో లోబచే మంత్రగత్తెవే నీవు

నీకు గులాం కానివారు లేరెవరూ ఇలలోనా
నీకు సలాం చేస్తానే బ్రతకనీయి కలనైనా..

1.సౌందర్యం మోహినిదే అదికాదు నీ ఘనత
మాధుర్యం కోయిలదే గాత్రం కాదు ప్రథ
ఔదార్యం శిబి దేలే అది ఓ పాత కథ
సహచర్యం నీదైతే విశ్వంలో నవ్య చరిత

నీకు గులాం కానివారు లేరెవరూ ఇలలోనా
నీకు సలాం చేస్తానే బ్రతకనీయి కలనైనా..

2.అధరాలకు అడ్డుగా తుమ్మెదలతొ ఒక బాధ
నయనాలకు సీతాకోక చిలుకలే ఎపుడు జత
కపోలాల నందబోగ కందిరీగలతొ చింత
నాభి చెంతచేరనీక తేనెటీగలే రొద

నీకు గులాం కానివారు లేరెవరూ ఇలలోనా
నీకు సలాం చేస్తానే బ్రతకనీయి కలనైనా..

OK

స్మృతులే మధురం
మదిలో పదిలం
మృతి త్రెంచని బంధం
స్నేహం స్నేహం స్నేహం

1.అలనాటి బాల్యం
అపురూప కావ్యం
విలువే అమూల్యం
చెలిమి సదా నవ్యం

2.విద్యార్థి లోకం
వింతైన మైకం
దరిరాదు శోకం
సర్వస్వమే నేస్తం

3.నిండైన హితుడు
గుండె నిండ మిత్రుడు
ఏకైక ఆప్తుడు
నిజప్రేమ పాత్రుడు

https://youtu.be/35z3oVUxIGo?si=QDB1JQbwyYBMseXx

వృధా చేయబోకు నేస్తం-ఏఒక్క క్షణము చేజార్చుకున్నావంటే-దొరకడమిక దుర్లభము

జీవితానికి పరమాధియే- ఆనందము
ఆనందించు మోదం పంచు- జీవితాంతము
హాప్పీ హాప్పీ న్యూ ఇయర్!అందుకో ఓ మై డియర్!!

1.అంగడిలో కొనగలేనిది
వ్యసనాలతొ పొందలేనిది
ఎంతగాలించినా ప్రపంచాన దొరకనిది
ఏడేడు లోకాల్లోనూ లభ్యమవనిది
నీలోకి తొంగి చూడు నిత్యమూ కనబడుతుంది                            నీ అంతరంగానా నివాసమై ఉంటుంది

జీవితానికి పరమాధియే- ఆనందము
ఆనందించు మోదం పంచు- జీవితాంతము
హాప్పీ హాప్పీ న్యూ ఇయర్!అందుకో ఓ మై డియర్!!

2.ఆరోగ్యం ఆత్మబంధువు-
ఉత్సాహం ప్రాణమిత్రుడు
దరహాసపు తోటలోన సంతోషమె అమరపుష్పము
సంతృప్తి తామరాకుపై గెలుపే తుషార బాష్పము
పంచుతూ పోయే కొద్దీ పదింతలై పెరిగేదీ
ఓటమన్నదిలేకున్నా ఒదిగి ఒదిగి ఉండేది

జీవితానికి పరమాధియే- ఆనందము
ఆనందించు మోదం పంచు- జీవితాంతము
హాప్పీ హాప్పీ న్యూ ఇయర్!అందుకో ఓ మై డియర్!!

https://youtu.be/4jUO7j3T68w?si=d1u7haz9Sre99MYM

చీకటి రేయి తెల్లవారదు,
వెన్నెల హాయి నన్ను చేరదు
ఎదురుతెన్నులే జీవితమంతా
అశనిపాతమే బ్రతుకంతా!!

చెలగాటం చెలియ నైజము
ఆరాటం నిత్యకృత్యము
తీరేనా నా మధుర స్వప్నము
తీరానా..కన నవ్యలోకము

వలపన్నె వలపుతోనే
ఎరవేసే సొగసుతోనె
మీనం మేషం లెక్కలెంచక
మీనము నైతి బెట్టుసేయక

నుదుటి పైన ముద్దు పెడితె నందివర్ధనం
కనులపైన ముద్దు పెడితె కమల కోమలం
ముక్కు పైన ముద్దు పెడితె సంపంగి పరిమళం
పెదవి పైన ముద్దుపెడితె పారిజాత పరవశం

చెక్కిలి పైముద్దు పెడితె ముద్దమందారం
చుబుకముపై ముద్దుపెడితె
శ్రీగంధ చందనం
చెవితమ్మెన ముద్దుపెడితె సన్నజాజి సోయగం
మెడవంపున
ముద్దుపెడితె
మొగిలిరేకు సౌరభం

ఎదపైన చుంబిస్తే
బంతిపూల మెత్తదనం
నాభిమీద చుంబిస్తే
పున్నాగ పులకరము
నడుము మడత ముద్దెపుడు
నిద్రగన్నేరు
గులాబి గుభాళింపు
తమకాల ముద్దుతీరు

తనువణువణువు ముద్దు తంగేడు పువ్వు సొగసు

వెన్నెలంతా ముద్దగజేసి
నింగి సింగిడి రంగులనద్ది
మంచుకొండలు గుండెలు జేసి
మమతలెన్నో మనసున కూర్చి
నిన్ను సృష్టి చేసినాడు ఆబ్రహ్మా
చేసిచేయగానె ధన్యుడాయె నోయమ్మా

1.మేఘాలే కురులుగ మారే
కమలాలే కన్నుల చేరే
ముక్కుజేరగ ముక్కెర కోరే
పగడాలే పెదవుల రాలే
రోజాలే చెంపలపూసే
చుబుకం తీరు లేతకొబ్బరే

నువ్వు నవ్వు నవ్వగానె ఓయమ్మా
మాయలేవొ కమ్ము నమ్ము నమ్మవమ్మా

2.కుంభరాశి ఎద తులతూగె
సింహరాశి కటిలో నిలిచే
కన్యారాశి నాభిలొ మెరిసె
మిథునరాశి మతిపోగొట్టె
వృషభమేమొ జఘనమ్మాయే
మేను మేను మీనమాయే

నీ నడకల హొయలేచూస్తె ఓ కొమ్మా
హంస ఘనత ధ్వంసమగునులే
ఓ గుమ్మా

నీవేలే నా జీవితమంతా
నీ అడుగులె నా జీవన పంథా
నిను తలవక నా మనుగడ మృగ్యం
నువు కలవక నా బ్రతుకే శూన్యం


కేవలం ఇక నీవేలే
నాలోకమే ఇక నీవేలే

నా ధ్యానము నా మౌనము
నా గానము మరి నీవేలే
నా దేహము నా హృదయము
నా ప్రాణము ఇక నీవేలే

1.నీ విరహం అహరహ నరకం
నీ సంగమమే నాకిల నాకం
నిను పొందక నే జీవశ్చవము
నీ సన్నిధియే నందనవనము
 .
నా శ్వాసయే నీ ఊపిరి
నా గుండెలో నీ సవ్వడి

నా ప్రణయము నా పరువము
నా పరవశం నీవేలే
అనుభూతులు మధురోహలు
రసజగత్తులు నీవేలే

2.జన్మలు దాటెను మన అనుబంధం
కాలపు అంచులు మీటిన చందం
నీ సహవాసం నిత్య వసంతం
నీతో గడిపే యుగమే క్షణము

కేవలం ఇక నీవేలే
నా లోకమే ఇక నీవేలే

నా వేదన నా సాధన
నా ప్రార్థన మరి నీవేలే
నా పంతము నా సొంతము
ఆసాంతము  ఇక నీవేలే

ప్రేమ(వ)లయం

ఎనలేని మిన్ను అనురాగం
మనలేని కడలి కడు మోహం
దరిచేరలేని ఆరాటం
నెరవేరలేని బులపాటం

1.కెరటాలు చేసె పోరాటం
ఎగిరేందుకెంత ఉబలాటం
అలరించునంత తామే
అలసె అలలంతలోనే

వగచిందిలే తరంగం
కలచేంత అంతరంగం
అశ్రుధారచేర్చె లవణం
సింధువాయె క్షారక్షీరం

2.రేగింది విరహ తాపం
ఎగసింది నింగి భాష్పం
చుంబించె దివిని మేఘం
తీరంగ నే'మో వి'యోగం

అంబరానికెంతొ హర్షం
కురిసింది ప్రణయ వర్షం
ప్రవహించి వాగునదులై
చేరేను జలధి ఎదలో