https://youtu.be/UBHantvRSv8

జయ జనని జయ జనని జయతు జగజ్జనని
జగతిని జనతతి నేలెడి జగదోద్ధారిణీ
జిజ్ఞాస కారిణి జన్మరాహిత్యదాయిని
జ్ఞాన సరస్వతి మాతా పరవిద్యా వరదాయిని ప్రణమామ్యహం

1.వాగ్గేయకార వాంఛిత పలదాయిని
సంగీతామృతధారా వర్షిణి
శృతి లయ భావ విస్తృత సంచారిణి
వీణాగాన వినోదిని మందస్మిత హాసిని
జ్ఞాన సరస్వతి మాతా పరవిద్యా వరదాయిని ప్రణమామ్యహం

2.సప్త చక్ర పరివేష్ఠిని యోగిని
సప్త స్వర విహారిణి రాగిణి
సప్తతాళ ఘోషణి ప్రణవరూపిణి
సప్త ఋషి సేవిని పారాయణి
జ్ఞాన సరస్వతి మాతా పరవిద్యా వరదాయిని ప్రణమామ్యహం

https://youtu.be/snxmvQtBeAI?si=f0-SohVhv95MeTfJ

ఎందుకే కన్నీటి చినుకా- ఇంత ఆరాటం
నా కంటినుండి దుముకా-వింత పోరాటం
నా గుండె లోతులనుండి
నా గొంతు మలుపులనుండి
నా కనుల కొలుకులనుండి
కారిపోవగ-జారిపోవగ

1.ఎండి పోయిన ఏరులన్నీ- నిండి పారగా
ఇంకిపోయిన నదులన్నీ -వరదలై ఉప్పొంగగా
మిగిలిపోయిన నేలనంతా- కడలిలో కలిపేయగా
మనసుమాట మీరుతుంటూ-గుట్టు గట్టు తెంచుకొంటూ
కుంభవృష్టితొ ముంచివేయగ-ఉప్పెనల్లే ఊడ్చివేయగ

2.పెదవిమాటున నొక్కి పెట్టా బాధనంతా
నవ్వుచాటున దాచిఉంచా వేదనంతా
కవితల జలతారుముసుగే వేసా బ్రతుకంతా
మిన్నుకే చిల్లు పడినట్టు-కన్నుకే గాయమైనట్టు
నీటిబదులుగ నెత్తురొస్తూ- రెప్పలను తోసివేస్తూ

అమ్మంటే ఆర్ద్రత
అమ్మంటేనే మమత
అమ్మంటే త్యాగశీలత
అమ్మేగా ఇలలో  దేవత

1.అమ్మంటే అంతులేని ఆప్యాయత
అమ్మంటే కొలవలేని కారుణ్యత
అమంటేనే  ఎనలేని బాధ్యత
అమ్మేగా అమ్మకు  సారూప్యత

2.అమ్మంటే లాలించే ఒడి
అమ్మంటే తొలుదొల్త బడి
అమ్మతావు అనురాగపుగుడి
అమ్మేగా వీడని కన్నప్రేగు ముడి

3. అమ్మంటే తీర్చలేని ఋణం
అమ్మంటే తెంచలేని బంధం
అమ్మంటే స్నేహసుగంధం
అమ్మేగా మన మనుగడకర్థం 

రచన,స్వరకల్పన&గానం:రాఖీ

చిత్రమైన తత్వం నీది
తత్వమున్న రూపంనీది
భిన్నమైన అస్తిత్వం నీది
ధన్యమాయే నినుగని జన్మే నాది
భోలా శంకరా-భక్తవశంకరా
లయకారాహరా -ప్రళయభయంకరా

1.కంటిలోన కాల్చెడి మంట
తలమీద ఆర్పెడి గంగంట
గొంతులోన కాలకూట విషమంట
శిరమందు శీతల సుధాంశుడంట

2.మహాకాయగణపతికి మూషకము
బాలసుబ్రహ్మణ్యానికి మయూరము
జంగమయ్య నీ వాహనం నందియట
జగదంబ మా గౌరమ్మకు కేసరియట

3.ఎలుకను మ్రింగే నాగులె నగలు
పాములు జడిసే నెమలికి నెలవు
ఎద్దుని చంపే సింహానికి తావు
అన్నీ ఒకేచోట మనేలా చేస్తావు

4.తైతక్క లాడుతావు
తపస్సులూ చేస్తావు
ఇల్లిల్లూ బిచ్చమెత్తుతావు
అడిగినదేదైనా ఇచ్చేస్తావు

https://youtu.be/IravMQw3UKU

నీకు సాటి ఎవరయా వేంకట రమణా
కలియుగదైవమీవె కరుణాభరణా
మొక్కులు ముడుపులు తలనీలాలు
లెక్కకు మిక్కిలిగా భక్తులు తండోపతండాలు
ఏడుకొండలవాడా గోవిందా గోవిందా
వడ్డికాసులవాడా గోవిందాగోవిందా

1.పాదచారులౌతారు సప్తగిరులనెక్కుటకై
పడిగాపులు పడతారు నీ  దర్శనానికోసమై
పిల్లాపాపలతో వస్తారు నీ కృపకొరకై
చల్లగచూడమని వేడుతారు నమ్మికతో
ఏడుకొండలవాడా గోవిందా గోవిందా
వడ్డికాసులవాడా గోవిందాగోవిందా

2.పాపాలు తొలగించగ పాపనాశనం
పుణ్యాలనందగ ఆకాశగంగాస్నానం
తిరుమల వీథులే అపర వైకుంఠం
సిరులను కురిపించగ మంగాపట్నం
ఏడుకొండలవాడా గోవిందా గోవిందా
వడ్డికాసులవాడా గోవిందాగోవిందా

OK

https://youtu.be/NsLzF-PdyvM?si=um-hVWDejWZGUxFd

అమ్మ అనే మాట ఎంత విలువైనది
అమ్మ ఉన్నచోటి బ్రతుకు సులువైనది
అమ్మ ఎడద ఎంతటి విశాలమైనది
జనమంతా బిడ్డలుగా భావించగలుగునంతటిది
అమ్మంటే అనురాగమూర్తిరా
ప్రేమపంచడానికి అమ్మనే స్ఫూర్తిరా

1.ఆకలేసినప్పుడల్లా అమ్మతలపుకొస్తుంది
దిక్కుతోచనప్పుడల్లా అమ్మగురుతుకొస్తుంది
దెబ్బతాకినప్పుడూ అమ్మాఅని అరిచేము
నొప్పితాళనప్పుడూ అమ్మనే పిలిచేము
అమ్మంటే ఆదుకొనే ఆత్మబంధువు
అమ్మంటే  అంతేలేని అమృత సింధువు

2.చందమామనైనా నేలకు దింపుతుంది
గోరుముద్దలోనా మమత కలిపిపెడుతుంది
కథలెన్నొచెప్పుతూ బ్రతుకు బోధచేస్తుంది
హాయిగొలుపు జోలపాడి నిదురపుచ్చుతుంది
అమ్మ పేగు పంచుకొన్న బంధమురా
సకలజీవరాశుల్లో అమ్మ అద్భుతమ్మురా

3.రాసి రాసి కలం సిరా ఇంకిపోయినా
గుట్టలుగా పుస్తకాల రాశి మారినా
సృష్టిలోని ఘనకవులే ప్రతిభచూపినా
అమ్మ కవన వస్తువుగా అసంపూర్ణమే
అమ్మంటే కమ్మనైన భావనరా
అమ్మంటే దివ్యమైన దీవెనరా

గల గల పారుతోంది సెలయేరు
కళకళలాడుతోంది మన ఊరు
స్వచ్ఛనైన  జలాలతో
పచ్చనైన  పొలాలతో
రారా నేస్తం ఈతలు కొడదాం
సరదాసరదాగా చేపలు పడదాం

వేసవి సెలవులు ఆనందంగా
ఆటల పాటల గడిపేద్దాం
రెక్కలు సాచిన పక్షుల్లాగా
గగనపు వీథుల విహరిద్దాం
రారానేస్తం దోస్తీ చేద్దాం
సరదాసరదాగా కుస్తీ పడదాం

తోటమాలి గన్నుగప్పి
మామిడికాయలు కోద్దాం
మనని పట్టుకోను వస్తే
పరుగులు పెడదాం
దొరికిదొకటైనా పంచుకుందాం
కాకెంగిలి చేసైనా కమ్మగ తిందాం

చెట్టు చెట్టు పైనా
కోతికొమ్మలాడుదాం
పిట్టపిట్టతోనూ
కబురులు చెబుదాం
రారా నేస్తం కోయిలతో పోటీపడదాం
సరదాసరదాగా జాబిలితో జట్టే కడదాం

https://youtu.be/zmMcOU16Lj4

నా పుట్టుక కర్థమేమిటో
నా జన్మకు పరమార్థమేమిటో
ఎరిగించరా షిరిడిసాయీ
భవజలధిని వేగమే దాటించవోయీ
నా జన్మదినమున తీర్చరా వేదన
నా మనసే నీకు  సాయీ.... నివేదన

1.అడగనిదే ఇచ్చావు ఎన్నో
అడుగడుగున తోడై నిలిచావు
అందలాలనెక్కించావు
అంతలోనె నిర్దయగా పడద్రోసావు
నా జన్మదినాన తీర్చరా వేదన
నామనసే నీకు  సాయీ......నివేదన

2.ఎంతమందికో నీవు మహిమలు చూపావు
మరెంత మందికో ఆత్మ బంధువైనావు
సడలని విశ్వాసమే ఉన్నది
నను అక్కున జేర్చుకుంటావన్నది
నా జన్మదినాన తీర్చరా వేదన
నామనసే నీకు  సాయీ...... నివేదన

https://youtu.be/MUWNdy4EjwM?si=7SuYDgZ8FCtxnJ6o

నా పలుకుల్లో సుధలొలికే జనని
నా కవితల్లో ప్రభవించే తల్లీ
నా పాటకే ప్రాణమైన మాతా
ఏజన్మలోని పుణ్య ఫలమో
ఏకర్మలోని దివ్య బలమో
నన్నాదరించితివే సరస్వతి
నను అక్కునజేర్చుకుంటివే వాణి
ఎలానిన్ను కీర్తించనూ ఏ వరములనర్థించనూ
నమోనమో భారతీ నమోస్తుతే భగవతీ

1.చదువలేదు ఏనాడు ప్రాచ్యకళాశాలలో
పట్టాలు పొందలేదు సాహిత్య శాస్త్రములో
ఛందస్సు వ్యాకరణం చెలగి నేర్వనేలేదు
భాష పట్ల బహువిధముల కృషి సల్పలేదు

ఏ తొలి ఉషస్సులో నీ దృక్కులు ప్రసరించెనో
ఏ శుభ ఘడియలో నీ వాక్కులు ఫలియించెనో

నను కరుణించితివే వేదమయీ
నను దయజూసితివే నాదమయీ
ఎలానిన్ను కీర్తించనూ ఏవరములనర్థించనూ
నమోనమో భారతీ నమోస్తుతే భగవతీ

2.స్వరముల సంగతే ఎరిగింది లేదు
శృతిలయ సూత్రాలు తెలియగలేదు
రాగతాళాలను సాధన చేయలేదు
వాగ్గేయకారుల కృతులను వినలేదు

అమ్మలాలి పాటలోని హాయి ఎదను కదిపిందో
కోయిల గొంతులోని మధురిమ నను కుదిపిందో

నను కృపజూసితివే పాట పల్లవింపజేసి
నా తలనిమిరితివే మనోధర్మ రీతిగఱపి
ఎలానిన్ను కీర్తించనూ ఏవరములనర్థించనూ
నమోనమో భారతీ నమోస్తుతే భగవతీ

కన్న ప్రేమ ఎవరికైన ఒకటే
ఆ ప్రేమముందు దైవమైన దిగదుడుపే
కడుపు ప్రేగు బంధము తెగదు జీవితాంతము
స్వంత రక్తపాశము వెంటాడును సాంతము

1.నలుగు పిండి బొమ్మచేసి మురిసె పార్వతి
కరిశిరమును పొందివెలిసె సిద్ధి గణపతి
తండ్రి ప్రేమ ఎంతటిదో తొలివేల్పుగ నుడివె పశుపతి
సుబ్రమణ్యస్వామిని చేసే దేవసేనాపతి

2.పుత్రప్రేమ పరాకాష్ఠ తార్కాణం దశరథుడు
కనకున్నా ప్రేమపంచె యశోదానందులు
గతములోన ఎన్ని లేవు కడుపుతీపి కథనాలు
నా సుతుడిని కరుణించగ ఏలమీనమేషాలు

ఇచ్చిన పండుతోనె కడుపు నింపుకో
ఇదే ప్రసాదమనుకొని కళ్ళకద్దుకో
దైవాన్ని ప్రశ్నించగ నీ అర్హతేమిటి
విధినే నిలదీయగ నీ ప్రజ్ఞ ఏపాటిది

1.వికృతంగ నీకు ఆకారమిచ్చినా
వక్రబుద్ది నీలోన కలిగించినా
వీథుల్లో తిరిగులాగ అనాథనే చేసినా
క్షుద్బాధ తాళలేని దొంగగ నిను మార్చినా
దైవాన్ని నిందించగ నీసుకృత మేపాటిది
విధిని తూలనాడగనీ పుణ్యశేష మెంతటిది

2.కష్టాలు మూకుమ్మడి దాడి చేసినా
మానలేని రోగాలు ఎంతగ పీడించినా
ఋణ బాధలు కరుణమాని కలచివేసినా
లోకమంత ఏకమై నీపై పగబూనినా
దైవం దయజూడగ నీ నమ్మిక ఎంతటిది
విధినీకు వరమీయగ నీవినతులు ఏపాటివి

3.మునులవోలె తీవ్రమైన తపస్సులే చేసావా
ఋషులతీరు యజ్ఞయాగ హవిస్సులే వేసావా
రావణబ్రహ్మ లాగ రుద్రవీణ మీటావా
శబరిలాగ ఏళ్ళకేళ్ళు వేచివేచి చూసావా
అంతటివారికే తప్పలేదు తిప్పలు
ఎంతటివారికైన విధివింత పరీక్షలు

మనసు ఏ మూలల్లోనో-గుండె ఏ లోతుల్లోనో
దాగి ఉంటుంది మానవత్వము-
మిగిలి ఉంటుంది ప్రేమతత్వము
మనిషివనే సంగతి మరచి మనబోకు నేస్తమా
మూడునాళ్ళ జీవితానికి సార్థకతను కూర్చుమా

1.ఏదో ఒక దృశ్యం నిన్ను కదిలించక మానదు
ఏదో ఒక కవనం నిన్ను మేల్కొలుపక సాగదు
బండరాళ్ళు సైతం కరుగుతాయి సంగీతానికి
లోకమంత క్షామమైనా కరువుండదు కంటనీటికి
మనిషివనే సంగతి మరచి మనబోకు నేస్తమా
మూడునాళ్ళ జీవితానికి సార్థకతను కూర్చుమా

2.గోచైనా లేకుండా వచ్చాము ఇలాతలానికి
చిల్లికాసునైనా కొనిపోము మనతో స్వర్గానికి
ఉన్నదాంట్లొ ఎంతోకొంత సాయపడితె సంతృప్తి
చేదోడువాదోడై ధైర్యమిస్తె తరగదు ఆస్తి
మనిషివనే సంగతి మరచి మనబోకు నేస్తమా
మూడునాళ్ళ జీవితానికి సార్థకతను కూర్చుమా

3.అరిషడ్వర్గాలలో లోభమే కడు హీనం
పదితరాలసంపద ఉన్నా చేయబోము చిరుదానం
నేత్రమూ రక్తమూ ఏదైనా వితరణయే
చితిలొ కాలు అవయవాలు వదాన్యతకు అర్హమైనవే
బలి శిభి దధీచి కర్ణులు దాతృత్వ శ్రేష్ఠులు
లేదనక కోరిన దిచ్చిన ఆదర్శప్రాయులు

https://youtu.be/G8W6Is-TjDU?feature=shared

ప్రేమికులరోజు శుభాభినందనలతో...

రచన,స్వరకల్పన&గానం:రాఖీ

ఇది ప్రేమికుల రోజు
ఇదంటేనే ప్రేయసీ ప్రియులకు మోజు
తెలుసుకుంటారు పరస్పరం మనసులను
గెలుచుకుంటారు నమ్మకము ప్రేమలను

1.అనురాగం నోచని హృదయం అర్రులు చాస్తుంది
మూసుకున్న తలుపులను ఆతృతగా తీస్తుంది
చిన్న పలకరింపుకే పులకరించి పోతుంది
చిరు స్పర్శకైనా పరవశించి పోతుంది
వలపు వలలో పడినా ప్రేమికులకు అది మోదం
ఎదుటివారి ప్రతి ప్రతిపాదన మదికి ఆమోదం

2.త్యాగమే ఆయుధమై విజయాలనందిస్తుంది
చెలిమి తను అంకితమై కాలాన్ని బంధిస్తుంది
కోరింది కాదనకా కానుకలతో మురిపిస్తుంది
అడిగింది వద్దనకా దేహాలను మరిపిస్తుంది
ఆకర్షణ మత్తులో విచక్షణే నశియిస్తుంది
సాహసమే ప్రభవించి తెగువ వెలుగు చూస్తుంది

OK

కాణిపాక గణపతి నిను కనికరముతొ చూడనీ
కొండగట్టు మారుతి దండిగ దీవించనీ
ధర్మపురి నరహరీ నిను దయగననీ
నీ జన్మదినమీనాడు ఆయురారోగ్యాలు ప్రసాదించనీ
శుభాశీస్సులివిగో హరీష్ భరద్వాజా
శుభాకాంక్షలందుకో మా యువరాజా

1.బాసర సరస్వతి నిను వాసిగ పలికించనీ
తిరుపతి బాలాజీ సప్తగిరులనెక్కించని
వెములాడ రాజన్న కోడెను కట్టించనీ
నీ జన్మదినమీనాడు ఆయురారోగ్యాలు ప్రసాదించనీ
శుభాశీస్సులివిగో హరీష్ భరద్వాజా
శుభాకాంక్షలందుకో మా యువరాజా

2.భద్రాద్రి రామయ్య లగ్నము జరిపించనీ
శబరీశుడు అయ్యప్ప దీక్షను పండించనీ
షిరిడిసాయినాథుడు జన్మ ధన్యతనొందించనీ
నీ జన్మదినమీనాడు ఆయురారోగ్యాలు ప్రసాదించనీ
శుభాశీస్సులివిగో హరీష్ భరద్వాజా
శుభాకాంక్షలందుకో మా యువరాజా

ఎలా దాచిఉంచావో గొంతులొ హాలహలం
ఎలా భరిస్తున్నావో కంటిలొ ప్రళయానలం
బుసకొట్టే విషనాగులె నగలంట
చితికాలిన విభూతియే మేనంతా
కాలకంఠ కాసింత కనికరించరా
జ్వాలనేత్ర రవ్వంత కరుణించరా

1.శ్మశానంలొ ఉంటావు పుర్రెలోన తింటావు
అఘోరాలగురువై అలరారుతుంటావు
సన్యాసివనలేను సంసారిగ ఎనలేను
పరిశీలచేసినను ఎంతకూ గ్రహించనైతి
మదనారి ఇసుమంత దయజూడరా
జడదారి క్రీగంట ననుజూడరా

2.చూడబోతె సతులిద్దరు వీరులైన సుతులిద్దరు
పట్టించుకుంటావో పట్టనట్టుంటావో
మాయకులోబడితివో మాయకే మాయనీవొ
తరచితరచి చూసినా తత్వమెరుగనైతిని
జంగమయ్య నన్నొకింత కృపజూడరా
సిద్ధయోగి సత్వరమే నను బ్రోవరా

3.కఫమునిండె నాగళమున నిను స్తుతిచేయనీదు
కన్నులందు భగభగ దనివారగ నిను చూడనీదు
నీ చలవ వల్లైతే తప్పును సవరంచరా
నాచిత్తవృత్తిదైతె బుద్దినిపుడె సరి దిద్దరా
వైద్యనాథ దీననాథ నా ఔషధమీవేరా
మృత్యుంజయ పాహిపాహి  ఆరోగ్యమునీయరా

OK

ఊరడించలేని ప్రజాక్షేమమెందులకు..!
ఉసురుతీసుకున్నా ఉలకని మతి ఎందులకు
కడుపునింపలేని కంటితుడుపులెందులకు
ఓదార్పే ఎరుగలేని అధినేత లెందుకు

1.కొండగట్టుదుర్ఘటనకు స్పందించని దెందులకు
పూజారి హత్యకైన చలించలేనిదెందులకు
సిరిసిల్లదురాగతాల ఊసెరుగని దెందులకు
పసుపురైతు గోసెరుగని పద్ధతి మరిఎందులకు

2.విద్యార్థుల ఆత్మబలికి విలువీయక పోవనేల
పట్నాల దుస్థితిపై పట్టింపుమరువనేల
పార్టీలను పరిమార్చగ కంకణబద్ధతేల
పక్షపాతధోరణితో ప్రతిభను తొక్కేయనేల

3.ఇల్లుచక్కదిద్దకుండి ఊళ్ళేలడమెందుకు
తన్నుమాలిన ధర్మం కొమ్ముకాసుడెందులకు
ఆశపెట్టి బాసచేసి మాట తప్పుడెందులకు
కన్నుమిన్నుకానకుండి కాలుదువ్వుడెందులకు

నా తలపుల కల్పన నీవే
నా ఎదగల భావన నీవే
నా గళమున ఆలాపనవే
నా కవితల సృజనవు నీవే
నా సేదదీర్చే మలయసమీరమువే
నా తపనలనార్పే మధురసరస్సువే
నా చెలీ నన్ను చేరరావే
వేగిరంనా  కంటిపాపకావే

1.పరుగులు తీరే నీలిమేఘం నీవేనీవే
పుడమిని తడిపే వానచినుకై రావే
హొయలే పోయే  సెలయేరంటే నీవే
కడలికౌగిట ఒదిగే నదివైరావే
నా చెలీ నన్ను చేరరావే
వేగిరంనా  కంటిపాపకావే

2ఎడారిదారుల ఒయాసిస్సువు నీవే
చీకటి రేయికి తొలిఉషస్సువు నీవే
చకోరి పాలిటి శరత్తువైరావే
శిశిరపు వాకిటి ఆమనివై రావే
నా చెలీ నన్ను చేరరావే
వేగిరంనా  కంటిపాపకావే

గమ్యం లేని పయనం
లక్ష్యం లేని హననం
జిహాద్ పేరిట నరమేధం
ఈనాటి ఉగ్రవాదం
పెట్రేగే తీవ్రవాదం

1.సిద్ధాంతం లేని వాదం
అంధకారపు జూదం
విధ్వంసమే నినాదం
పిచ్చోడి చేతి రాయే విధానం
జిహాద్ పేరిట నరమేధం
ఈనాటి ఉగ్రవాదం
పెట్రేగే తీవ్రవాదం

2.దేశమేదైనా విద్వేషమే
సాటిజనులైనా విరోధమే
పాపభీతిఅంటే పరిహాసమే
ఆత్మాహుతంటే పరితోషమే
జిహాద్ పేరిట నరమేధం
ఈనాటి ఉగ్రవాదం
పెట్రేగే తీవ్రవాదం

3. లేకపోతేనేం ఏ బంధమూ
తప్పుకుంటేనేం ఆ మార్గము
వేటాడే పులి నైజం ఆ ఇజం
వెంటాడే మృత్యుతత్వం ఆమతం
జిహాద్ పేరిట నరమేధం
ఈనాటి ఉగ్రవాదం
పెట్రేగే తీవ్రవాదం

రచన,స్వరకల్పన&గానం:రాఖీ

తలమీద మాతల్లి ఊరేగంగ
సగమేను మాయమ్మ ఆక్రమించంగ
కన్నుల కురిసే వెన్నెల వర్షంగా
హృదయమంత ఉప్పొంగే కరుణామృతగంగ
శంకరా అభయంకరా..శంకరా భక్తవశంకరా..
భక్త వశంకరా

1.ఇవ్వాలనుకున్నప్పుడె ఇస్తావు నువ్వు
ఇచ్చేదాకా వదలను నీ పాదాలతావు
బెట్టుజేయబోకురా ఓ మెట్టుదిగితె చాలురా
చావు పుట్టుకలన్నీ నీ కనుసైగతోనెరా
ఆటలాడబోకురా నటరాజ నిన్నె నమ్మితిరా
శంకరా అభయంకరా..శంకరా భక్తవశంకరా..
భక్త వశంకరా

2.దీనులెలా అయ్యాము నీ దయలేకనే
ఇడుములపాలైతిమెలా నీకృప లేకనే
పక్షపాతివైతివో మము లక్ష్యపెట్టకుంటివో
కొందరికే ఎందులకు ఆవేదన
మరికొందరికేలా ఆనందము
శంకరా అభయంకరా..శంకరా భక్తవశంకరా..
భక్త వశంకరా

రచన,స్వరకల్పన&గానం:రాఖీ

కలే నీవై.. వలే నీవై
ఆకలే నీవై ..కావలే నీవై
రావే చెలీ నన్నలరించగా
నీవే చెలీ వెన్నెలలు చిలకరించగా

1.నవ్వులే కురిపించేవు సదా
మనసునే మురిపించగ అమరసుధ
తీరదా నా వ్యధ
వింతయే నా గాథ

2.బాల్యమే నీకు నేస్తం
యవ్వనం నీకు చుట్టం
అందమే నీకు దాసోహం
అందుకే నీపై నా మోహం

3.తిరగరాద్దాం ప్రణయ చరితలు
చెరిపివేద్దాం విరహ గురుతులు
కలిసి ఉందాం కాలమంతా
పంచుకుందాం బ్రతుకు పంథా

రచన,స్వరకల్పన&గానం:రాఖీ

కష్టాల కడలిలో
శిథిలమైన నావలో
ఎన్నాళ్ళు సాగునో
నా జీవితం
తప్పుకోను వీలులేదు
దూకినా ఈత రాదు
తీరమే కానరాని
ఈ పయనం

1.ఎంతకు తెగని
చీకటి రేయి
ముంచెత్తేలా
తుఫాను గాలి
చేజారి పోయింది
ఆశల చుక్కాని
చుక్కైనా చూపకుంది
తూరుపు దిక్కుని

2.అలలే చెలరేగి
చెరిపాయి కలలనెన్నో
మింగచూస్తున్నాయి
తిమింగలాలెన్నో
రాసిపెట్టి ఉన్నాకా
అద్భుతాలు జరుగవా
నావికులెదురొచ్చి
గమ్యాన్ని చేర్చరా

https://youtu.be/5lN76mV4I-Q

విపంచే తరించే నువు ధరించగా
విరించే వరించే నీవవతరించగా
వ్యాసుడే వినుతించే నువు అవధరించగా
వాల్మీకే వినుతికెక్కె నువ్వు ఆదరించగా
వాఙ్మయ రూపిణి వాణీ పారాయణీ
సన్నుతి నీకిదే సరస్వతీ భారతీ

1.శారదలు నీ కన్నులు నీవి దయాదృక్కులు
కారునీరదలు  కురులు  నగవుల మౌక్తిక సిరులు
పుస్తక హస్తభూషిణి మస్తక జడతవారిణి
జపమాలా కరధారిణి జన్మరాహిత్యకారిణి
వాఙ్మయ రూపిణి వాణీ పారాయణీ
సన్నుతి నీకిదే సరస్వతీ భారతీ

2.సప్తస్వర వరదాయిని సప్తతాళ వితరణి
సప్తవర్ణ కదంబశోభిణి సప్తలోకైక పావని
సప్త ఋషీ సంసేవిని  సప్తవ్యసన పరిహారిణి
హంసవాహిని జనని పరమ హంసానందిని
వాఙ్మయ రూపిణి వాణీ పారాయణీ
సన్నుతి నీకిదే సరస్వతీ భారతీ

OK

https://youtu.be/C1n8ruxE_2k?si=2vz94knAtrIsidq7

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం: శుభపంతువరాళి

ఏ దైవం మొరాలిస్తుందో
ఏ దీవెన ఫలిస్తుందో
ఏదేవత కరుణిస్తుందో
నా దైన్యం పరిహరిస్తుందో

1.ఎక్కని గుట్టలేదు
మొక్కనివేలుపు లేదు
చేయని పూజలేదు
నోచని వ్రతమేలేదు
ఏ మంత్రం ఉద్ధరిస్తుందో
ఏ యంత్రం అభయమిస్తుందో

2.వాడని వైద్యంలేదు
చేయని చికిత్సలేదు
వేయని ఔషధిలేదు
రాయని తైలం లేదు
ఏ మందు నయంచేస్తుందో
ఏన్నడు జయం వరిస్తుందో

https://youtu.be/nNFb1ghqcpU?si=PIJYqf6T-460wN4J

రచన స్వరకల్పన &గానం డా. గొల్లపెల్లి రాంకిషన్ రాఖీ 

రాగం :హరి కాంబోజి 

వేంకటాచలపతి అందుకొ మా హారతి
పరవశమున నీ నుతి-పాడెద నే సన్మతి
కోరెదనేనొక్కటే కలిగించగ సద్గతి
వేడెద నిను సర్వదా ఈయగ శరణాగతి

1.విషయవాంఛలెప్పుడు తొలచేను నా మది
విశేషించి అరివర్గము విక్రమించు నెమ్మది
నను మించును వంచనతో పంచేంద్రియ సంకీర్ణము
నడిపించు సారథివై గెలిపించగ సంగరము
కోరెదనేనొక్కటే కలిగించగ సద్గతి
వేడెద నిను సర్వదా ఈయగ శరణాగతి

2.నువు దయకురిపించగా-భక్తి ఇనుమడించదా
నీ కరుణ ప్రసరించగ జన్మయే తరించదా
నిత్యము నీ సేవలో బ్రతుకే పులకించదా
నీ పాద సన్నధిలో ఆత్మైక్య మొందదా
కోరెదనేనొక్కటే కలిగించగ సద్గతి
వేడెద నిను సర్వదా ఈయగ శరణాగతి

మంచుకొండ శివయ్యా
జాలిగుండె నీదయా
మండుకన్ను రుద్రయ్యా
నువు దండివాడవేనయా
పుట్టక చావు అంతా నీ మాయ
ఏమీ ఎరుగనట్టు ముక్కుమూసుకుంటావయా

1.ఇల్లేమో శ్మశానం-ఒళ్ళంతా శామీలం
నగలు పన్నగాలు-నడుముకు పులితోలు
పగటి వేషగాడివయా-నిత్య బిచ్చగాడివయా
కుబేరునికె దాతవయా-విశ్వానికె నేతవయా
ఆపద సంపద నీమాయ
ఏమీ ఎరుగనట్టు గమ్మున ఉంటావయా

2.ఆలేమో భద్రకాళి-నీవేమో మల్లారి
సంతతేమొ శూరులైన షణ్ముఖుడు గణపతి
తలమానికమే శశి నెత్తిన భాగీరథి
తడుపగ మురిసేవయా తపనల తీర్చేవయా
అనురాగము అనుబంధము అంతానీ మాయ
ఏమీ పట్టనట్టు తపము చేసుకొంటావయ

https://youtu.be/awqZtH9b9nU?si=OqUkvtwpDumW9bc5

ఓటంటే కాదురా వెన్నుపోటు
ఓటంటే కాదురా చెల్లని నోటు
ఓటు వేయుటే ప్రగతి బాటరా
ఓటువేస్తె బ్రతుకు పూలతోటరా-నామాట సద్దిమూటరా

ఐదేళ్ళే ఆయువురా ఓటుకు
ఆయుధమది అవినీతి వేటుకు
ఆచితూచి ఓటెయ్యి తగునేతకు
నువ్వేరా బ్రహ్మవు తలరాతకు-నేతలరాతకు

 తాయిలాలకాశపడును వానరమురా
 అప్పచ్చికి చొంగకార్చు శునకమురా
అడ్డమైన గడ్డికరుచు  ఖరమురా
వ్యక్తిత్వము వీడకురా నరవరా-ఓటరు ప్రవరా

పౌరులందరికీ ఓటన్నది అమ్మేరా
హీనులైనగాని ఇలన అమ్మనమ్మేరా
ఆత్మవంచకులను ఎవరైనా నమ్మేరా
ఓటుతొ గుణపాఠంనేర్పు జన్మజన్మేరా-ఓటేయకుంటె నీ ఖర్మేరా

https://youtu.be/TQXsON0FGBU?si=0zORkZmaUP1Rll0u

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం : భీంపలాస్ (అభేరి )
మేధకు అధిదేవతవు-వాక్కునకే ఏలికవు
బాసరపుర భాసితవు-జ్ఞానసరస్వతి మాతవు
అంజలి నీకిదే మంజుల వాణీ
హారతిగైకొనవే వీణాపాణీ

1.మరపునకే వెరపు నీవు-నన్నేల మరచినావు
శారదవై వరలుతావు-తపనలేల పెంచుతావు
తల్లివి నీవుండగ-తల్లడిల్ల జేతువేల
అమ్మవు నీవాదరించ-ఆదుర్దాకు తావేల
దయగనవే తక్షణమే-తరగని కరుణా వీక్షణివీవే

2.మనసుకు హాయిగొలుపు-సంగీతము నీవు
మెదడును చైతన్య పరచు-ఉత్తేజము నీవు
నీ గానము కాదేల-దివ్యమైన ఔషధము
నీ ధ్యానము కూర్చదేల-ఆత్మానందము
లోపములెంచబోకె-లోకజనని సనాతని

https://youtu.be/eYLuGQovBhs?si=PLDnK02fLK-hce7B

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం : సారంగ తరంగిణి

రాధ :
మురళిని నేనౌతా మోహన మురళిని నేనౌతా
నీ పెదవుల మధువులు గ్రోలగ
లాలించరా మురిపాల తేలించరా
మ్రోయించరా తపనలు తీర్చరా 
సారంగ తరంగిణుల నొలికించరా

కృష్ణ :
రవళిని నేనౌతా నీ అందెల రవళిని నేనౌతా
నీ పదముల పదనిస లలరగా
పాలించవే నను పరిపాలించవే
నీ ఒడిలో బడలిక మరవగ
స్పర్శించవే మేనంత స్పృశియించవే

కృష్ణ :
దేహము రాధగ ఈ మాధవు భావము
గోవిందుడే ఆత్మగ రాధికా నీ జీవము
అద్వైతామృతం మన సంగమ జనితము
రాధా  కృష్ణ-కేళీ విలాసము-సదా సరస భరితము

రాధ :
క్షీరభాండ ప్రియం,-పూతన ప్రాణహారిణమ్
యదుకుల జనరంజకం ఆనంద వర్ధనమ్
గోకుల గోపికా మానస సంచారిణమ్
మీరా హృదయ బృందావన విహారిణమ్ 

కమలం నీవైతే భ్రమరం నేనౌతా
మేఘం నీవైతే పవనం నేనౌతా
వాహిని నీవైతే కడలిని నేనౌతా
ఆమని నీవైతే కోయిల నేనౌతా
నీదానగా నీ శ్వాసగా సాగిపోతా జీవితాంతం ఒకటే ఆత్మగా
నీవాడిగా నీ నీడగా ఉండిపోతా జన్మజన్మలు నీ తోడుగా

1.నా ఎడారి దారిలో ఒయాసిస్సు నువ్వు
నా చీకటి రేయికీ ఉషస్సువే నువ్వు
తీయని తీరని తపనలు తీర్చే శరత్తు నువ్వు
ఎదలో దాగిన వేదన మాన్పే మహత్తు నువ్వు
శిలలా మిగిలిన నన్ను శిల్పం చేసావు
మునిలా ఉన్న నన్ను రామునిలా మార్చావు
అధరం నీవైతే వెదురును నేనౌతా
పరువం నీవైతే ప్రణయం నేనౌతా

2.నేను పాడే రాగంలో సప్తస్వరములు నువ్వు
నేను నడిచే మార్గంలో ఏడు అడుగులు నువ్వు
మనసును ఓలలాడించే మధుర సంగీతం నువ్వు
బ్రతుకున చైతన్యం నేర్పే జీవ జలపాతం నువ్వు
దారం తెగినా గాలిపటానికి ఆధారమైనావు
తీరం దొరకని నా నావకు దిక్సూచి వైనావు
గాత్రం నీవైతే గానం నేనౌతా
దేహం నీవైతే ప్రాణం నేనౌతా

రంజింపజేయమందురె
రసికజనులెందరో
నా గాత్ర మాధుర్యములో
పరవశింపగా
నను కోరుచుందురే
అభిమానులందరూ
నా గానలాహిరిలో
ఓలలాడగా

కోయిలే నాకు గురువు గొంతెత్తి పాడగా
సెలయేరె ఆదరువు
నా పాటగతులు సాగగా
తోటలోని ప్రతితరువు
నాకు శ్రోతకాగా
అనుదినము నాకచ్చేరి ఆనందవర్షితగా

రాగాలనెరుగనైతి త్యాగరాజులాగా
పదములు పలికించనైతి
అన్నమయ్యలాగ
మనోధర్మ సంగీతం నాకు ఊతము
హృదయజన్య నిజభావం నా గీతము

https://youtu.be/mUg_dRHnFRo?si=xUS5zIBh2IJ8CvJr

"నేటి నిజం"

వలువలు జారవిడిచి రాజకీయం

విలువలు కోల్పోయి రాజకీయం

రాజకీయమంటేనే మాయోపాయం

రాజకీయ మంటల్లో భారతీయం-నేటి భారతీయం

అధికారమొక్కటే ప్రధాన లక్ష్యం

పదవి పీఠమెక్కుటే ఏకైక ధ్యేయం

అడ్డమైన గడ్డిమెక్కుటే పక్షాల ఆశయం

అడ్డగాడిద కాళ్ళైన మొక్కుటే నేతల దైన్యం

రాజకీయమంటేనే మాయోపాయం

నేటిరాజనీతి చూడ కౌటిల్యుడె అయోమయం

వక్ర మార్గాలే ఈనాటి ప్రతి పార్టీ ట్రిక్స్

అక్రమాలతోనే ఇప్పటి డర్టీ పాలిటిక్స్

చక్రం తిప్పుతూ చేస్తారు జిమ్నాస్టిక్స్

విక్రమార్కులై నెగ్గుతారు దిగజార్చి ఎథిక్స్

రాజకీయమంటేనే మాయోపాయం

జంపింగ్ జిలానీల వైఖరే అయోమయం

సీటుకొరకు డబ్బెంతో వెదజల్లుతారు

ఓటుకొరకు ఏదైనా ప్రలోభపెడతారు

నీటి మూటనే ప్రజాసేవ అన్నమాట

దోచుకునే దొంగాటనె రాజకీయమంతటా

రాజకీయ మంటేనే మాయోపాయం

ఓటరు తీర్పుతోనె జరుగుతుంది తగున్యాయం

https://youtu.be/juzmxCvdsmQ?si=tIRQIF77DuqylBXX

నమ్మినవారికి నడిచే దేవుడవు
నాస్తికులకి సైతం ఆదర్శ ప్రాయుడవు
అనాథగా అవతరించి ఆత్మబంధువైనావు
షిర్డీలో వసియించి ఎదఎదలో వెలిశావు
కులమతాతీతంగా మనిషిని ప్రేమించావు
జీవకారుణ్యమూ మానవత పంచావు
దైవంమానుష రూపేణా నీవేలే సాయి
మనిషే దైవమనగ నీవేగా బాబా
బాబా సాయిబాబా- బాబా షిర్డీ బాబా

1.మహిమల దాపున ఆకర్షణ ఉన్నది
లీలల వెనుక నీ ఆదరణ ఉన్నది
బూడిద నొసగుటలో పరమ తత్వమున్నది
నీ మాటల మాటున వేదాంత మున్నది
దైవంమానుష రూపేణా నీవేలే సాయి
మనిషే దైవమనగ నీవేగా బాబా
బాబా సాయిబాబా- బాబా షిర్డీ బాబా

2.నీ జీవిత మర్మమే గురు గ్రంథము
నీ బోధలసారమే గీతా మకరందము
నీకరుణా దృక్కుల్లో కనిపించును క్రైస్తవము
నీ దరహాసములో వికసించును ఇస్లాము
దైవంమానుష రూపేణా నీవేలే సాయి
మనిషే దైవమనగ నీవేగా బాబా
బాబా సాయిబాబా- బాబా షిర్డీ బాబా

https://youtu.be/Wj1AGXdllPY

తెలుసుకో నరుడా శివరాతిరి అంతరార్థం
మసలుకొ పామరుడా ఎరిగి లింగార్చన పరమార్థం
శివుడొక్కడే విశ్వనాథుడు-భవుడొక్కడే ఆత్మరూపుడు
శివోహం సదాశివోహం-దాసోహం సదా సోహం

1.పంచభూతాత్మకుడు-పంచానన రూపుడు
పంచప్రాణాధీశుడు- పంచామృత ప్రియుడు
సలిలధారతోనే సంతుష్టుడు
మారేడు దళమిడితే పరవశుడు

2.అహరహరం హరధ్యానము-శివరాతిరి మర్మము
నవవిధభక్తి యుతము శివదీక్షా విధానము
నదీ స్నానం ఉపవాసం పాపహారకం
జాగరణ నామ స్మరణ ముక్తి కారకం

3.ప్రకృతియే పార్వతి-కాలాత్ముడే రుద్రుడు
భక్తవశంకరుడు అభయంకరుడు
అర్ధనారీశ్వరమే సకల సృష్టికి మూలం
అంబా శివ కళ్యాణమె ఆనంద దాయం

OK

మన'సు'మాలే!భలే భలే
నీ సొగసంతా ఋతుశోభలే!
కన్నుల్లో వెన్నెల ప్రభలే
నా కవితలన్ని నీ కళాప్రతిభలే

అదేలే పదేపదే మది కుదేలే
సరేలే నీ పరువానికవి కొసరేలే

భామిని మేనే ఆమని
సెగలు రేపు పంటివిరుపు వేసవి
నవ్వులజల్లే వానకారుగా గని
చూపుల మత్తుచిమ్మె శరత్తుని

అదేలే పదేపదే మది కుదేలే
సరేలే నీ పరువానికవి కొసరేల

 బిగికౌగిట నలిగె హేమంతము
దరిచేర బెదిరేను శిశిరము
 నీవున్న తావే నిత్య వసంతం
నీతోటిలోకం స్వర్గ తుల్యము

అదేలే పదేపదే మది కుదేలే
సరేలే నీ పరువానికవి కొసరేలే

https://youtu.be/_AhmY7Ja45Q?si=vLylpks5bnscVRV6

కఛ్ఛపి నామ విపంచి ధారిణి
మంద్రస్వర మధుర నాదవినోదిని
కలవాణి విధిరాణి కలహంస వాహిని
సకలజన శ్రేయోదాయిని నమోస్తుతే జగజ్జనని

1.షడ్జమ రిషభ గాంధార మధ్యమ
పంచమ ధైవత నిషాద స్వరధుని
ధ్రువ మఠ్య రూపకైక
ఆట త్రిపుట ఝంపె తాళ రంజని
సంగీత సామ్రాజ్ఞి సాయుజ్య వరదాత్రి
సకలజన శ్రేయోదాయిని నమోస్తుతే జగజ్జనని

2.నవరస పోషణి జ్ఞాన ప్రదాయిని
మనోవికాస ప్రేరేపక సాధిని
సామగాన సమ్మోహ ప్రకాశిని
మేధో కణచేతన అనుకూలకారిణి
సర్వరుగ్మహారిణి పరమ దయావర్షిణి
సకలజన శ్రేయోదాయిని నమోస్తుతే జగజ్జనని

రథసప్తమి శుభకామనలతో...

రచన,స్వరకల్ప&గానం:రాఖీ

అరుణ కిరణ భాస్కరా
జన జాగృత దినకరా
అర్ఘ్యములివె అందుకో-ఆరోగ్యదాయకా
మా అంజలిగొనుమిదే-ఆదిత్య నామకా

1.తిమిరాంతక ధీ ప్రదీప లోకమిత్ర
సప్తాశ్వ రథారూఢ తేజో నేత్ర
సప్తవర్ణ సమ్మేళన శ్వేతకాంతి ధాతా
ప్రజ్వలిత జ్యాలాయుత ప్రభాకరా పవిత్రా
వందనమిదె అందుకో వేదవేద్యా
మా అంజలి గొనుమిదే ఆదిదేవా

2.ఏక చక్ర కూబర ప్రవేత విఖ్యాత
సంజ్ఞా ఛాయా ద్వికళత్ర విరాజిత
నవగ్రహ కేంద్రక శక్తియుత అధినేత
రవి సూర్యాది ద్వాదశ నామాంకిత
ప్రణతులివే అందుకో పద్మబాంధవా
మా అంజలి గొనుమిదే అహర్బాంధవా

రచన,స్వరకల్పన&గానం:రాఖీ

ఎన్ని వలపులో
మలుపు మలుపులో
ఎన్ని తలపులో
మూగ మనసులో
విధి చేసే వింత గారడీ
వివరించగ ప్రతి కలమూ తడబడీ

1.ఏ వంక లేనిది ఈ నెలవంక
ఉప్పెనలే ఆపింది రెప్పల వెనక
కాలానికి తానే కట్టుబడి
బంధపు గుప్పిటిలో పట్టుబడి
సర్దుకపోతోంది మదినే సమాధి చేసి
రోజుగడుపుతూ ఉంది కలలను నలిపేసి

2.చేయని తప్పుకే శిక్షననుభవిస్తూ
కట్టబాట్ల సంకెళ్ళు కడదాకా మోస్తూ
మోవిపై నవ్వులు పూస్తూ
లోలోన అనుక్షణం మరణిస్తూ
నటియిస్తున్నది పాత్రోచితంగా
బ్రతుకుతోంది జీవశ్చవంగా

వెళ్ళిపోయిన ఆవసంతం మళ్ళివస్తుందా
తోటకు మరలి వస్తుందా
మూగవోయిన పికమే ఇకపై మరలకూస్తుందా
మదికే హాయినిస్తుందా
చేజారి పగిలిన అద్దం మామూలుగ ఔతుందా
చెదిరిపోయిన మధురస్వప్నం తనువరిస్తుందా

1.మడమతిప్పదెప్పుడూ ముందుకే సాగేకాలం
గుఱే తప్పదెన్నడూ విధి విధిగ సంధించేబాణం
జ్ఞాపకాలు శూలాలై గుండెనే గుచ్చుతుంటే
అనుభూతులు జ్వాలలై మనసునే మండిస్తుంటే
 ఎలానయమౌతుంది సలుపుతున్న గాయం
ఓర్చుకోలేని వ్యధ కంటే నరకమెంతో నయం

2.ఆ దారం తెగిన పతంగం జారేది ఏ తావో
తుఫానులో చిక్కిన నావ చేరేది ఏ రేవో
రెప్పపాటులోనే జీవితమే కుప్పకూలు
తప్పుమనది కాకున్నా జాతకాలె తారుమారు
ఎవరు మార్చి రాయగలరు నుదుటిరాతను
ఎవరు మాన్పివేయగలరు కడుపుకోతను

https://youtu.be/k8JrRHGpVxw?si=papoiXh-cyoDZuet

రాగము నీవై అనురాగము నీవై
భావము నీవై నా జీవము నీవై
ఏలగరావో వేంకటరమణ
నన్నేలగ రావో సంకటహరణ

1.బండరాయి కూడ కరుగుతుంది నా ఆర్తనాదాల నేవిని
కౄరమృగము దారినొదులుతుంది నా గుండె కోతను తను గని
కరుణ మరచినావేల దయాసాగరా
పట్టించుకోవేలా నను నటశేఖరా
ఏలగరావో వేంకటరమణ
నన్నేలగ రావో సంకటహరణ

2.బంధమెరుగవైతివి పాశశూన్య నిరంజనా
బాధలెరుగవైతివి దేహరహిత పరమాత్మా
తెలుసుకోగ నీ వశమా నా వ్యధ
మాన్పివేయ నీ తరమా రమాధవా
ఏలగరావో వేంకటరమణ
నన్నేలగ రావో సంకటహరణ

https://youtu.be/DYUpalYKsCE

మనిషిగ పుట్టి దేవుడివైనావో
దేవుడివైనా ఇలపై మనిషిగ మాకై పుట్టావో

నాకేమిచ్చావు ఇంకేమిస్తావు

నిశ్చింత నిచ్చావు 
సాయిరాం షిర్డీ సాయిరాం
సాయిరాం ద్వారకమాయిరాం

1.తప్పటడుగులను తప్పించి చేయూత నిచ్చావు
దారీతెన్నూ తెలియని వేళల దిక్సూచి వైనావు
తీరం దొరకని నావల పాలిటి దీపస్తంభము నీవు
భారం మోసి గమ్యం చేర్చే మార్గదర్శివి నీవు
సాయిరాం షిర్డీ సాయిరాం
సాయిరాం ద్వారకమాయిరాం

2.అందరు ఉన్న అనాధనీవు అనాధలందరి బంధువువు
బిచ్చమునెత్తే యాచకుడవు కోరినదొసగే దాతవునీవు
బూడిదతోనే వ్యాధులు మాన్పే ఘన సిద్ధవైద్యుడవు
మననముతోనే మహిమలు చూపే ఐంద్రజాలికుడవు
సాయిరాం షిర్డీ సాయిరాం
సాయిరాం ద్వారకమాయిరాం

https://youtu.be/dlVKkr93dLk?si=Az6UaoOZGQ37Z9hj

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం : తోడి

ఎలా తొలగించనూ నీ వేదన
ఎలా మాన్పించనూ నీ రోదన
ఎలా పంచుకోనూ నీ నరక యాతన
ఎలా ఓదార్చనూ ఎడతెగదు గుండెకోత

1.అశ్వినీ దేవతలైనా ఔషదమందించలేదు
సాక్షాత్తు ధన్వంతరే మందు ప్రసాదించలేదు
చరకుడు శుశ్రుతుడు చికిత్సేది చూపలేదు
జగతిలోని వైద్యమేది నివారణే చూపలేదు
చేష్టలుడిగి ఉన్నాను నిస్సహాయంగా
అద్భుతాలనాశిస్తూ ఎంతెంతో అతృతగా

2.పులిపాలతొ తగ్గేదైతే అయ్యప్పను శరణందు
సంజీవని సరిపోతేను అంజన్నను ప్రాధేయపడుదు
అమృతమే అవరమైతే మోహినినే వేడుకొందు
వైద్యనాథుడే దిక్కంటేను స్వామితోనె మొరలిడుదు
మహిమలింక చూపాలి మహేశుడైనా
కలవరము తీర్చాలి వరములిచ్చి నేడైనా

         

                              

                                        

"అందరి బంధువు"

అనాధవెన్నటికీ కావునేస్తం
ఏకాకిగ తలపోయకు నీదేఈ సమస్తం
విధాత రాసిన నుదుటి రాత మార్చివేసి
కరువైన కన్నవారి లోటే పూడ్చివేసి
 నిను వెన్నంటి ఉంటుంది మానవలోకం
నీకు చేయూత నందించి మాన్పుతుంది గుండె శోకం

1 .పూర్తిగా చావలేదు  మానవత్వము
అంతరాల్లొ దాగుంది ప్రేమతత్వము
వితరణ చాటుతుంది దాతృత్వము
జాలిని ఆశించక కసిని పెంచుకోక
తీర్చిదిద్దుకో ఉన్నతంగ వ్యక్తిత్వము
నిను వెన్నంటి ఉంటుంది మానవలోకం
నీకు చేయూత నందించి మాన్పుతుంది గుండె శోకం

2.ఆకలికెపుడు లొంగి దొంగగా మారకు
ద్రోహుల చెంతజేరి నేరాలకు పాల్పడకు
తేరగా వస్తుందని బిచ్చగాడివైపోకు
శ్రమనెప్పుడు నమ్ముకో కృషిచేస్తూసాగిపో
ఆత్మవిశ్వాసమే గెలుపుమూలమని మరువకు
నిను వెన్నంటి ఉంటుంది మానవలోకం
నీకు చేయూత నందించి మాన్పుతుంది గుండె శోకం

https://youtu.be/HAs7w-Hr91w?si=ssVWGVr11N01CF5G

విద్యయు విజ్ఞానము-తల్లీ నీ ప్రసాదము
కవనము సంగీతము-నీదయా విశేషము
జగతికి మూలమీవె-మూలా నక్షత్ర జాత
తరగని మేధనీవె -కృపగని మము జగన్మాత
నమోస్తుతే సరస్వతీ-ప్రణతులివే భారతీ

1.వసంత పంచమిన ప్రభవించినావు
విధాత నెచ్చెలివై వరలుతున్నావు
నీవీణా నాదముతో ఊపిరులూనినాము
నీచల్లని చూపులతో రూపుదిద్దుకున్నాము
అనురాగము మాలోన విలసిల్లనీయవే
మానవతను మాలోన పరిమళింపజేయవే
నమోస్తుతే మాతా శారదా-ప్రణుతులివే ధీవరదా

2.కాశ్మీర క్షేత్రాన భువిని వెలసినావు
బాసర పురమందును కొలువుదీరి యున్నావు
శృంగేరి పీఠాన్ని అధివసించియున్నావు
మా ధర్మపురియందున విరాజిల్లుతున్నావు
మాహృదయము సదానీకు ఆవాసము కానీయవె
మావాక్కున నీ విభవము ప్రకటింపజేయవే
నమోస్తుతే జననీశ్రీవాణీ-ప్రణుతులివే పారాయణీ

రచన,స్వరకల్పన&గానం:రాఖీ

పంచె కట్టులోనే అందమెంతొ ఉంది
పంచెకట్టులో ఆనందమెంతొ ఉంది
పంచె కట్టిచూడు ప్రపంచం తలవంచు
పంచెకట్టుహుందాకే పడతి పడిపడి ప్రేమించు

1.మెలిపెట్టే మీసకట్టు పౌరుషం ప్రతీక
బిళ్ళగోచి పంచెకట్టు మగతనం దీపిక
పాగాను తలన చుట్ట ఎదురే లేదిక
తొడగొట్టి కాలుదువ్వ విరోధి ముడుచుతోక

2.భారతీయ ప్రతిబింబం పంచె కట్టు
హైందవ వనితకు సౌందర్యం చీరకట్టు
మనదైన కట్టుబొట్టు జగతినే ఆకట్టు
అస్తిత్వం నిలపాలి తరాలు గర్వపడేట్టు

పలుక తగని పలుకులెన్నొ పలికినాను
చేయకూడని పనులెన్నో చేసినాను
అహంకార భావనతో విర్రవీగినాను
కన్నుమిన్నుగానక ప్రవర్తించినాను
దురితములెంచకురా రత్నగర్భ గణపతి
నను మన్నించరా కన్నిమూల గణపతి

1.పిట్టకైన వేయలేదు పిడికెడు మెతుకులు
సాయపడుటె ఎరుగని స్వార్థపు బతుకులు
అవగుణాలు నిండిన మా దారంతా గతుకులు
న్యాయానికి ధర్మానికి పేర్చాము చితుకులు
నేరములెంచకురా కాణిపాక గణపతి
కనికరమున కావరా వాతాపి గణపతి

2.గతజన్మ పాపాల సంచిత ప్రారబ్ధము
తెలిసితెలిసి చేసిన దోషాల ఫలితము
నీ దయావిశేషమె ఈ పశ్చాత్తాపము
నీ కృపాకటాక్షమే ఈ ప్రాయశ్చిత్తము
సన్మార్గము నను నడపర సిద్ది గణపతి
సంకటముల నెడబాపర విఘ్న గణపతి

https://youtu.be/_uaKtq4I7n8

కరుణకు సాకారమే నీవు
భక్తుల ప్రాకారమే నీవు
కపర్దీ కపాలీ కామారి
ఝర్ఝరీ దూర్జటీ కేదారి
నన్నెరుగవనా నీకు విన్నపాలు
ముంచినా తేల్చినా వదలను నీ పాదాలు

1.నా చిన్ని జీవితాన ఎన్నెన్ని అనుభవాలు
వెలుగు నీడలై...    వెంటాడె కష్ట సుఖాలు
సదాశివా  భవానీధవా-
సాంబశివా  శివానిప్రభువా
నన్నెరుగవనా నీకు విన్నపాలు
ముంచినా తేల్చినా వదలను నీ పాదాలు

2.కాలకూట విషము మ్రింగి కాచావు లోకాన్ని
కన్నతండ్రి వని నమ్మితి మాన్పవేల శోకాన్ని
నిటలాక్ష నీలకంఠ నిరంజనా-
జటదారి శశిధర నాగభూషణా
నన్నెరుగవనా నీకు విన్నపాలు
ముంచినా తేల్చినా వదలను నీ పాదాలు

OK

రచన,స్వరకల్పన&గానం:రాఖీ

దోచేయడం ఏదేదో చేయడం నీకు పరిపాటేగా
ఎదనేదో చేయడం మదినే దోచేయడం నీకు అలవాటేగా
నవనీతచోర నందగోపాల గోపీలోల గోకులబాల

1.తెరలే తీసాను తలపులకు
తెరిచే ఉంచాను తలుపులను
ఎత్తుకెళ్ళు స్వామి నా మొత్తమంతా
ఆక్రమించు స్వామి నా చిత్తమంతా
అడ్డుకొనువారు అసలేలేరు
 ఒంటరి నేను తుంటరినీవు
నవనీతచోర నందగోపాల గోపీలోల గోకులబాల

2.మనసు చిలికి వెన్ననంత ప్రేమగ ఉంచాను
విరహంతో వేగిఉన్న తనువు సిద్ధపరిచాను
దొంగిలించ పనిలేదు నీ పరమే చేసాను
మత్తుజల్ల పనిలేదు నీ మాయలోనె ఉన్నాను
పట్టించుకోవేల జాలిమాని మానినిని
జాగుసేతువేల కరుగనీకు యామినిని
నవనీతచోర నందగోపాల గోపీలోల గోకులబాల

https://youtu.be/ddXjgj8JEKE

నా దేశం  హిమవన్నగ సమున్నతం
నా దేశం గంగా యమునా నదీ పునీతం
నా దేశం చతుర్వేద యుత సకల శాస్త్ర సంశోభితం
నా దేశం తలమానికమౌ నాగరికత గల భారతం
జై హింద్ జై హింద్ జైహింద్ జై హింద్

1.పరదేశీయుల దండయాత్రలకు చెక్కుచెదరని దేశం
పరవ్యాపారుల మాయోపాయపు పాలనలో చిక్కిన దేశం
ఆటుపోట్లు చెలరేగిన గాని సంస్కృతి చెదరని దేశం
వెన్నుపోట్లు కడు తగిలినగాని భారతీయతను బాయని దేశం
జై హింద్ జై హింద్ జైహింద్ జై హింద్

2.గోవును సైతం తల్లిగ తలచే జీవకారుణ్య దేశం
తల్లి దైవమని నిత్యం కొలిచెడి మానవతాసందేశం
పలు కుల మతముల  మనుగడ గలిగిన సమైక్య దేశం
భిన్నత్వంలో ఏకత్వంగా అలరారే విశిష్ట విశాల దేశం
జై హింద్ జై హింద్ జైహింద్ జై హింద్

3.భాషలనెన్నో కలిగినగాని భావన ఒకటిగ మసలే దేశం
ప్రాంతాలుగ ఎన్నున్నా ఆసేతు హిమాచల అఖండ దేశం
పురోగామిగా పరుగెడుతున్న ప్రపంచఖ్యాతిగన్న దేశం
నాడు నేడు ఏనాడు జగతికి దీపిక నా దేశం భారతదేశం
జై హింద్ జై హింద్ జైహింద్ జై హింద్

https://youtu.be/y2KygESoZ_I?si=1cdyzEQRBg47V6R4

ఏముంది చెప్పడానికి.. నీగురించి కొత్తగా
ఏముంది విప్పడానికి ..నీ గుట్టు తెలియనట్టుగా
యదుకులబాలా..హే నందలాలా
గోపీలోలా గిరిధరగోపాలా

1.చిన్ననాట నీనోట జగతిని చూపావట
వెన్నముద్దలన్నీ వేడ్కగ దోచావట
జలకమాడు పడతుల వలువలు దాచావట
ప్రార్థించిన పాంచాలికి చీరలిచ్చి కాచావట
మధుసూదనా హే వాసుదేవా
పురుషోత్తమా పాండురంగ విఠలా

2.కుచేలుణ్ణి ఆదరించి మైత్రి విలువ నిలిపావట
కుబ్జను కనికరించి మానవతను చాటావట
రాధతోడికూడినీవు పరమ ప్రేమ నేర్పావట
బ్రతుకుసారమంతనీవు గీతలోనె తెలిపావట
అచ్యుతా అనంతకృష్ణ హేమాధవా
గోవిందా హరి ముకుంద జగన్నాథ జనార్ధనా

వాలుచూపుల నెరజాణ
వాలుజడనూ వాడకుమా
వాలిపోయెద నీఒడిలోనా
నీ వాడినయ్యీ తడిసేను
నీ వలపుల జడిలోనా

1.ప్రత్యూషపు తుషారమీవు
ప్రదోషాన సింధూరమువు
పారిజాత పరిమళమీవు
మంజీర నాదము నీవు
పంచభూతాత్మకమైన
నా ప్రాణ పంచకమీవు
వాడబోకు నీచిరునవ్వు
అది మదనశరములు రువ్వు

2.శ్రీనాథుడు వ్రాయగలేడు
అల్లసాని తెలియగ లేడు
కాళిదాసు వర్ణించలేడు
రవివర్మ చిత్రించగలేడు
జక్కనైన చెక్కని శిల్పం
బ్రహ్మ సృష్టించని అందం
నాకు దక్కిన భాగ్యం
వద్దని వారిస్తా వరమిస్తే స్వర్గం

https://youtu.be/WlMEj_-6SvI

జాబిలి నీ సిగ పూవు
చీకట్లను పారద్రోలు నీవున్న తావు
జాలిగుండె దేవుడవు
ఇక్కట్లను కడతేర్చి కాపాడుతావు
మల్లన్నగా రాజన్నగా మహిలొ కొలువు దీరినావు
భక్తులపాలిటి పెన్నిధిగా వెలుగొందుతున్నావు
ఓం నమఃశివాయ వందనమందుకోవయ్యా
నమో నమఃశివాయ మా మతిలొఉండి పోవయ్య

1.లోపాలనెంచక నీ చూపు మాపై నిలుపు
తప్పిదాలు మన్నించి ఇకనైనా కనికరించు
కానుకగా నీకు మా మనసునర్పించెదము
కన్నతండ్రి నీవని నమ్మి నిన్ను కొలిచెదము
లింగయ్యగా జంగయ్యగా జగతినేలుతున్నావు
భక్తులపాలిటి పెన్నిధిగా వెలుగొందుతున్నావు
ఓం నమఃశివాయ వందనమందుకోవయ్యా
నమో నమఃశివాయ మా మతిలొఉండి పోవయ్య

2.మంచిరోజులొస్తేనే మెదులుతుంది నీతలపు
కర్మపండిపోతేనే అందుతుంది నీ పిలుపు
మా ఈతిబాధలకు ఈయవయ్య ముగింపు
చెరిగిపోని నగవును మా పెదవులపై నిలుపు
శివయ్యగా సాంబయ్యగా  ఇలన నిలిచి ఉన్నావు
భక్తులపాలిటి పెన్నిధిగా వెలుగొందుతున్నావు
ఓం నమఃశివాయ వందనమందుకోవయ్యా
నమో నమఃశివాయ మా మతిలొఉండి పోవయ్య

OK

https://youtu.be/LM35eMj2-iY?si=bp9R8NvuTvQbm84V

రాఖీ"తెలుగింటి ఇంతి -వెలుగుల సంక్రాంతి"

కళ్ళాపి జల్లిన లోగిళ్ళు
ముత్యాలముగ్గుల ముంగిళ్ళు
గోమయపు తీరైన గొబ్బిళ్ళు
సంక్రాంతి శోభతో తెలుగిళ్ళు

పంటసిరులతో నిండిన గాదెలు
గంగిరెద్దుల ఆటల వీధులు
హరిదాసు పాడే తత్వగాథలు
సంక్రాంతి సంబురాల తెలుగిళ్ళు

కోనసీమ పచ్చని అందాలు
కోరికోరి ఆడే కోడిపందాలు
పల్లెపడుచు పరికిణీ ప్రబంధాలు
సంక్రాంతి సంతసాల తెలుగిళ్ళు

ఉత్తరాయణ శుభ పర్వదినాలు
పితరులకిల తిలతర్పణాలు
నోములు వ్రతముల భక్తిభావనలు
సంక్రాంతి వైభవాల తెలుగిళ్ళు

చిటపట చిటపట భోగిమంటలు
సకినాలర్సెల పిండివంటలు
పండగ నిండగు కొత్త జంటలు
సంక్రాంతి సరదాల తెలుగిళ్ళు

చిన్నారులపై భోగిపళ్ళు
నింగిలొ ఎగిరే పతంగులు
బంధుమిత్రుల సందళ్ళు
సంక్రాంతి లక్ష్మి తో వెలుగిళ్ళు మన తెలుగిళ్ళు

OK

https://youtu.be/yJ9asIdZQGM?si=Rsroq9PH7oE1RQip

రచన,స్వరకల్పన&గానం:రాఖీ

కొలిచినవారికి కొంగు బంగారమీవు
నమ్మినవారికి కొండంత అండనీవు
వరములనిచ్చేటి కోనేటిరాయుడవు
ననుదయగనగఏల జాలిమానినావు
తిరుమలతిరుపతి వేంకటేశ్వరా
ఆపదమొక్కులవాడ అడుగడుగు దండాలవాడ

1.తలపుల నిను నిలిపెద- తలనీలాలిచ్చెద
ఏడుకొండలుకాలి నడకతొ నే నెక్కెద
నీగుడిముందే జోలె తెరచి నిలిచెద
మనసావాచాకర్మల నిను మ్రొక్కెద
గొంతెమ్మకోర్కెలేవి కోరను సుమ్మీ
నా సతిసుతులను చల్లగ చూడుము స్వామీ

2.నీ సుప్రభాతముతో- నేనిద్రలేచెద
నిండుమనసుతో నిన్ను-నిత్యము అర్చించెద
శనివారము నీ ధ్యాసతొ ఉపవసించెద
అష్టాక్షరి నామజపం నిరతము నే చేసెద
ఇహపర సుఖదాయకా ఇందిరా రమణా
జాగు నోపలేను స్వామి వర్షించునీ కరుణ

https://youtu.be/08Dpc6evSLo

రచన,స్వరకల్పన&గానం:రాఖీ

సాయి అనే నామమెంతొ హాయి
సాయిసాయి సాయిసాయి సాయి
అణువణువున క్షణక్షణమున సాయి
నాలోను నీలోను కొలువుదీరెనోయి

1.ప్రతి పని నువు మొదలుపెట్టు సమయాన
సాయిని తలచినంత తొలగు ఆటంకాలు
ప్రతిఫలమేదైనగాని కార్యాంతాన
సమర్పించు సాయికి ఆ శుభాశుభాలు
మాటల్లో సాయి పాటల్లో సాయి
సాయిసాయి సాయిసాయి సాయి

2.నువు పలికే ప్రతి మాట సాయితోనె అనుకో
నువుచేసేది సాయి సేవగ భావించుకో
ఎదురయ్యే ప్రతివారిని సాయిగ తలపోయి
తప్పులైన ఒప్పులైన సాయికే ధారపోయి
సుఖదుఃఖాలు సాయి ఇహపరాలు సాయి
సాయిసాయి సాయిసాయి సాయి

మెడవొంపులోనా ఒక కుంపటి
కౌగిలింతలోను మండుతోంది కొలిమి
ఒళ్ళంతా వెచ్చదనం స్పర్శంతా కమ్మదనం
తపనలింక పెంచుతోంది వణుకుతున్న తమకం
తీయనైన బాధ ఏదో గొణుగుతోంది గమకం

1.చలి గాలి లోను సెగరేగుతోంది
వదులుతున్న ఊపిరి సైతం నెగడు కాగినట్టుంది
లతల్లాగ మారినాయి అల్లుకున్న దేహాలు
ఎవరుఎవరమో తెలియని వింతవింత వైనాలు
కుంచెగా మారుతు మోవి గీసెనెన్నొ చిత్రాలు
తడిమిన తనువణువణువు చేసెనెన్నొ చిత్రాలు

2.తుదిఏదొ మొదలేదో ఎరుగలేని మైకాలు
దారితప్పి చేరుకునే దివ్యమైన లోకాలు
అద్వైతమంటే సులువుగానె బోధపడింది
అర్ధనారీశ్వరతత్వం అనుభవైకవేద్యమైంది
మదనుడైన నేర్చుకొనే కొత్తకొత్త పాఠాలు
ఎంతసేపు రాసినా ఒడవని రసకావ్యాలు

అల్పమైన యానకాలు-ప్రేమకు ముద్దు ఆలింగనాలు
విశదపరచవే కవనాలు-మమతలకల్పనలో తడబడగా అక్షరాలు
భాష వ్యక్త పరుచలేదు-స్పర్శ తృప్తి కలిగించదు
పుక్కిట బంధించలేము-అనురాగ సాగరాలు
గ్రక్కున ప్రకటించలేము-ఉప్పొంగే మమకారాలు

1.చూపుల తూపులు సంధించినా
పెదవుల నవ్వులనే చిందించినా
తీయనైన పలుకులతో లాలించినా
అనునయ చర్యలతో సాంత్వనకూర్చినా
ధారపోయలేము సర్వస్వము
హృదయభరితమైన ప్రణయము
శూన్యపరచలేము మనో సరసము
తోడుతుంటె ఊరేటి ఆబంధము

2.స్వీయ చిత్రికలతో బంధించినా
కానుకలు బహుమతులు అందించినా
హస్తసంతకాలనే సేకరించినా
సన్మానం సత్కారం సమకూర్చినా
అసంపూర్ణమెప్పటికీ మనోగతము
పంచినా  తరిగిపోదు ఆ భావము
వింతవింత సంగతులకు ఆలవాలము
ఎనలేనిది ఘనమైనది అభిమానము

ఎంత ప్రేమ కొలవలేనంత ప్రేమ
ఎంత ప్రేమ చెప్పరానంత ప్రేమ
ఒక్కచోటనే కుప్పబోసిన సృష్టిలొ ఉన్నంత ప్రేమ
కాలానికి రెండు కొసలదాక వ్యాపించి ఉన్నంత ప్రేమ
సుందరా నీవంటే ప్రేమెంతో ఉందిరా
సుందరా నీవెంటే నా ప్రేమంత ఉందిరా

1.దశరథ మహరాజు రాముణ్ణి ప్రేమించింది చిన్నగా
చిన్నిశిశువుపై యశోదమ్మకున్న ప్రేమకన్న మిన్నగా
బ్రతుకు మీద ఉన్న తీపికన్న మారుగా
పంచ ప్రాణాలూ నీవే అయిన తీరుగా
సుందరా నీవంటే ప్రేమెంతో ఉందిరా
సుందరా నీవెంటే నా ప్రేమంత ఉందిరా

2.లోకమంత ఒకవైపుపెట్టి తూచిన నీవైపె మొగ్గుగా
బంధాల ప్రేమలు మరుగౌనుగాని నా ప్రేమ అక్షయపాత్రగా
జన్మలు దాటి అల్లుకున్న ఆత్మబంధంగా
త్వమేవాహమై రూపుదిద్దుకున్న చందంగా
సుందరా నీవంటే ప్రేమెంతో ఉందిరా
సుందరా నీవెంటే నా ప్రేమంత ఉందిరా
https://www.4shared.com/s/fsKY_Sa1Rda

ఏదో కావాలి ఇంకేదో పొందాలి
తెలియని అది ఏదో తెలుసుకో గలగాలి
తెలుసుకొన్న పిదప మదిసేద తీరాలి

1.తెలుసుకొన్న కొలది
తెలివి పెరుగుతున్నది
తెలివి తెచ్చుకొన్నకొలది
తెలసిందే లేదని తోస్తోంది

2.ఆటలు పాటలు చదువులు
పోటీలు గలాటలు పదవులు
యంత్రాలుగ మార్చుతున్న కొలువులు
ప్రేమలు పెళ్ళిళ్ళు సుడులకు నెలవులు

3.దాహం పెంచుతున్న కోరికలు
మోహం ముంచుతున్న జీవికలు
అహమై చెలరేగుతున్న ఏలికలు
విశ్వరచన ముందు పిపీలికలు

4.అంతర్ముఖంగా చూడాలి
చింతపైన చింతననే వీడాలి
ఎంతమందిలో ఉన్నా ఏకాంతులమవ్వాలి
మన మనముతో మనమెప్పుడు గడపాలి

https://youtu.be/uuzlxBks9-o?si=sVMkEXrOw7mhLSJX

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం :సిందు భైరవి 

కళ్యాణి రేవతి మధ్యమావతి

ఏరాగమైతేమి నీ దివ్యగీతి

మోహనము  వలజి తోడి

నిన్ను గానాభిషేకాల కొలిచి

తరియించెదము  మారుతి

నీ ధ్యానమున మేనుమరచి

అభయాంజనేయా శుభ హారతి

ప్రసన్నాంజనేయా ప్రియ హారతి

వీరాంజనేయా జయ హారతి

భక్తాంజనేయా మంగళ హారతి

1.మా భాగ్యనగరాన నీ దయ మీరుపేటన

సుఖశాంతులకు తావైన ప్రశాంతి మలన

నెలకొని యున్నావు కనికరముతోడ

పిలిచినంతనే బదులు పలికేటి వాడ

అభయాంజనేయా శుభ హారతి

ప్రసన్నాంజనేయా ప్రియ హారతి

వీరాంజనేయా జయ హారతి

భక్తాంజనేయా మంగళ హారతి

2.ఉరుకుపరుగుల జరుగు మా జీవితాన

పాపపుణ్యము మరచు ప్రజల పక్షాన

కల్పవృక్షమువోలె  మమ్మాదుకుంటావు

అభయహస్తముతోడ కాపాడుతుంటావు

అభయాంజనేయా శుభ హారతి

ప్రసన్నాంజనేయా ప్రియ హారతి

వీరాంజనేయా జయ హారతి

భక్తాంజనేయా మంగళ హారతి

3.నోములు వ్రతములకు తావు నీకోవెల

పండుగలు పర్వాల నెలవు నీ సన్నిధి

భక్తి తత్వము మాలొ ఉప్పొంగునట్లుగా

ఆయత్తపరచుము అనుదినము మమ్ము

అభయాంజనేయా శుభ హారతి

ప్రసన్నాంజనేయా ప్రియ హారతి

వీరాంజనేయా జయ హారతి

భక్తాంజనేయా మంగళ హారతి

https://youtu.be/t3mOX1qgs0o?si=_vKyc489XaQkA2MW

వేదనా బాధలూ అనాధలు
ఎవరైనాఏవగించుకొనే గాధలు
నేనాదరించుతానని-అక్కునజేర్చుకుంటానని
నా పంచన చేరాయి-ప్రపంచమింక మించి
నన్నల్లుకపోయాయి-నా ప్రేమనాశించి

1.తానుకూడ దూరింది దురదృష్టము
తోడువీడలేకుంది అనారోగ్యము
కన్నీటి వానలతో ఇల్లంతా వరదలు
విధిరేపే జ్వాలలతో గుండెల్లో మంటలు
అగ్ని నీరు చిత్రంగా నా కడనేస్తాలు
పరస్పర ప్రేరణతో ఇనుమడించు కష్టాలు

2.జన్మహక్కు తనదంటూ ఆక్రమించె దరిద్రము
ప్రతిపనిలో తలదూర్చకమానదు అవమానము
ప్రయత్నాన్ని పరిహసించు ఆదిలోనె అపజయము
అనునిత్యం తలుపుతట్టు అలసిపోక పిరికి తనము
బెదిరిపోదు చెదిరిపోదు బ్రతుకు పట్ల నమ్మకము
ఏశక్తీ హరియించదు చిరంజీవి ఆనందము-నా ఆనందము

తరగని గని నీ అందం
ఆమని వని అలరారు చందం
విరిసిన విరి మకరందం
వలపన్నును వలపుల బంధం

1.కోయిల  ఇల గానపు వైనమై
చిలుకల కల తెలిపే చిత్రమై
పురివిప్పిన మయూరి నృత్యమై
కలహంసల కదలికల కల వయారమై
ఎదన దించినావే మదన శరములు
కలను చెలగు మరువని కలవరములు

2.నీ మేను  హరివిల్లుకు ఈర్ష్యగా
నీ హొయలే ఖజురహో మార్గదర్శిగా
నీ కన్నులు వెన్నెల పుట్టిల్లుగా
నీ నవ్వులు ముత్యాల విలాసంగా
ఇంద్రజాలమే చేసి బంధించుతావు
చంద్రతాపమే రేపి పొందీయరావు

రచన:గొల్లపెల్లి రాంకిషన్(రాఖీ)-9849693324

సార్థక నామధేయ-చంద్రశేఖర రాయ
కలువకుంట్ల చంద్ర శేఖర రాయ
తెలంగాణ రాష్ట్ర సాధకా-తెలంగాణ ప్రగతి రథ చోదకా
'భారత రాష్ట్ర సమితి' నిర్దేశకా

భావి భారత దేశ ఆదర్శ ఏలికా
జయహో జయహో జయ జయ జయహో

1.నీ తల'పుల జీవగంగ-దేశమంత పారంగ
నేల సస్యశ్యామలంగ-దాహార్తీ తీర్చంగ
మార్చితీరుతుంది-మహిని సుభిక్షంగా
జయహో జయహో జయ జయ జయహో

2.మనసంతా భోళాగా-చూపులు వెన్నెలగా
నవ్వడం ఇవ్వడం నీకు భూషణాలుగా
నిరంతరం నీధ్యానం -జన శ్రేయమే కాగా
జయహో జయహో జయ జయ జయహో

3.జగతికి సుధ పంచనెంచి-గరళమంత నువు మ్రింగి
బయలుదేరినావు-ప్రమధ గణాల స'హితంగా
త్రిపురాసుర హరుడిగా-భరతావని మెచ్చే నరుడిగా-అపురూప నరుడిగా
జయహో జయహో జయ జయ జయహో

OK

గెలుపుకు తొలి రూపమే సడలని సంకల్పము
నెగ్గుటకై వెన్నుతట్టు నేస్తమే ప్రయత్నము
విజయానికి మార్గదర్శి చెదరని విశ్వాసము
సాధన ఓపిక నెరవేర్చును లక్ష్యము
ఇది గీతాగోవిందం ఇదె జీవిత మకరందం

1.స్వాతంత్ర్యోద్యమమే చరిత్రలో నిదర్శనం
తెలంగాణ సాకారమె చక్కని తార్కాణము
దెబ్బతినీ కోలుకున్న జపాన్ దేశ మెక ప్రతీక
మనుగడకై పోరాటమె బ్రతుకుల్లో వెలుగు రేఖ
ఇది గీతాగోవిందం ఇదె జీవిత మకరందం

2.థామస్ ఆల్వా ఎడిసన్ విధానమే ఉదాహరణ
అబ్దుల్ కలాం ఒడుదుడుకుల పయనమే నిరూపణ
స్టీఫెన్ హాకింగ్ లోని తపనయె ఆదర్శము
పివి నరసింహరావు రీతియె ప్రామాణ్యము
ఇది గీతాగోవిందం ఇదె జీవిత మకరందం

https://www.4shared.com/s/f80y3CoAigm

https://youtu.be/zftFuFNDnJY

ఆనంద నిలయం మహదానంద నిలయం
జీవిత చరమాంకాన సేదదీర్చు సదనం
అనురాగం నోచని అనాథ బాలలను
అక్కునజేర్చుకొనే అమ్మ హృదయం
వృద్ధుల గుడిగా చదువుల బడిగా
మమతల ఒడిగా ఆదరించు ఆశ్రమం

1.కో అంటే కో అనే కొమురవెల్లి మల్లన్న కనుసన్నలలో
ఋషులు సత్పురుషులు నడయాడిన పునీత నేలలో
సిద్ధులూ సాధ్యులూ తిరుగాడిన పుణ్యభూమిలో
వెలసింది వైకుంఠధామం నెలకొంది భూలోక స్వర్గం
వృద్ధుల గుడిగా చదువుల బడిగా
మమతల ఒడిగా ఆదరించు ఆశ్రమం

2.పచ్చదనం స్వచ్ఛదనం ప్రకృతి'రమణీ'యం కనువిందుగా
ఆరోగ్యకారకం ఆహ్లాదదాయకం మదికే పసందుగా
ఇంటికన్న పదిలంగా వసతులు సౌకర్యంగా అలరారుతున్నది
వేంకట రమణుని కోవెల పెన్నిధిగా పారమార్థికమ్మైనది
వృద్ధుల గుడిగా చదువుల బడిగా
మమతల ఒడిగా ఆదరించు ఆశ్రమం

OK

https://youtu.be/qEVJWZRRNxI?si=tB25EsX3z6R6G8VC

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:దేశ్

సుందరేశ్వరా-నీ మందహాస-వదనమే-ఆనంద సదనము/
చంద్రశేఖరా-నీ నర్తిత పాదాలకిదే-వందనము అభివందనము
ఓం నమఃశివాయ నమో నమఃశివాయ

1.జటాఝూట గంగాధర -ఫాలనేత్ర పురహర-నీకు నమోవాకము/
నీలకంఠ ఫణిభూషణ-చితాభస్మ ధర శరీర-నీకు నా ప్రణామము/

2. శూలపాణి చర్మధారి-గౌరీ మనోవిహారి-నీకిదె అభివాదము/
దీనపాల భక్త పోష-దీర్ఘ రోగ పరిహారి-నీకు నమస్కారము

https://youtu.be/p_-Ul1TH_rE

రచన,స్వరకల్పన&గానం:రాఖీ

మిథ్యా జగత్తులో నిత్య సత్యము నీవు
అగమ్య గోచరాన పరంజ్యోతివి నీవు
ఇహపర సాధకమౌ బ్రహ్మత్వము నీవు
స్థితప్రజ్ఞ సంస్థితమౌ అస్తిత్వము నీవు
తిరుమలగిరిరాయా శరణుశరణుశరణమయా
అష్టాక్షరి దివ్యనామ ఓంనమో నారాయణాయ

1.పురంధర దాసుని పుణ్యమే పుణ్యమయా
అన్నమయ్య భాగ్యమేమొ చెప్పనలవి కాదయా
త్యాగరాజు శ్యామశాస్త్రి తరియించినారయా
ముత్తుస్వామి దీక్షితులు నీ సేవలొ మునిగిరయా
తిరుమలగిరిరాయా శరణుశరణుశరణమయా
అష్టాక్షరి దివ్యనామ ఓంనమో నారాయణాయ

2.భవబంధాల నుండి విడుదల చేయవయా
భవసాగరమీదగా సత్తువ నొసగవయా
భవతారక మంత్రమై నాలోన చెలగవయా
అనుభవైకవేద్యమై నను కడతేర్చవయా
తిరుమలగిరిరాయా శరణుశరణుశరణమయా
అష్టాక్షరి దివ్యనామ ఓంనమో నారాయణాయ

https://www.4shared.com/s/fMof2IgCkda

https://youtu.be/P-ivaOT74QI?si=sJSF7gHqFJy4pZvu

రచన ,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం : తోడి 

ఎంత హాయిగొలుపుతుంది అమ్మ ఒడి

ఎంత కమ్మనైనదీ నాన్న కౌగిలి

అంతులేని అనురాగం అమ్మ చెంతన

చింతలేని ధైర్యమెంతొ నాన్న కౌగిలింతన

తిరిగిరాని బాల్యంలో తీపి గురుతులే అవి

కరుగుతున్న కాలంలో మధురానుభూతులవి

కొసరి కొసరి నాకు మీగడ పెరుగేసి

పలుచనైన చల్లనే అమ్మ పోసుకునేది

పండుగల్లొ కొత్తబట్టలు నాకు కుట్టించి

ఉన్నవాటితో నాన్న సరిపెట్టుకొనేది

నాసంతోషం కోసమెంత త్యాగం చేసారో

నా సౌఖ్యాల కొరకె బ్రతుకు ధారపోసారు

నన్ను నిద్ర పుచ్చుతూ ఎంతసేపు మేల్కొనేదొ

నా అల్లరి భరియిస్తూ అమ్మ ఎంత అలసేదో

నా ముచ్చట నెరవేర్చగ ఎంత ఖర్చుచేసాడో

నా చదువులకైతె నాన్న శ్రమనెంత ఓర్చాడో

ఏమి చేసినా తీరదు కన్నతల్లితండ్రి ఋణం

మలిసంధ్యలొ చేరదీసి సేవచేయి అనుక్షణం 

https://www.4shared.com/s/fhbDIeKTJgm

అందనంత ఎత్తులో
అందమైన నేస్తము
మాటలే కరువాయె
తెలుపగ ప్రాశస్త్యము

1.విశ్వకర్మ విస్తుపోయె చిత్రకారిణి
మయబ్రహ్మ చకితుడయే రూపశిల్పిణి
తుంబురుడే తలవంచు గాయనీమణి
భారతి వరమందిన రచనాగ్రణి

2.అందానికి రతీదేవి
అపర పార్వతీదేవి
మనసైన స్నేహశీలి
ఎప్పటికీ నా నెచ్చెలి

3.అపురూపమే రూప
కళలకు కనుపాప
పూర్వపుణ్య కానుక
తన చెలిమొక వేడుక

https://youtu.be/dUIoCTIvuuw

రచన,స్వరకల్పన&గానం:రాఖీ

వజ్రఖచిత మకుటము-నిండునిలువు నామము
కృపాకటాక్ష వీక్షణము-మందస్మిత వదనము
సుందరాకార నిన్ను వర్ణించగ ఎవరి తరము
గోవిందనామ ప్రియ అందుకోర వందనము

తిరుమలేశ గోవిందా వేంకటేశ గోవిందా
శ్రీనివాస గోవిందా పాపనాశ గోవిందా

1.శంఖచక్ర హస్త భూషితా!
వైజయంతీ మాలాలంకృతా!
శ్రీనివాస హృదయ శోభితా
అభయ ముద్ర హస్తాన్వితా

సుందరాకార నిన్ను  వర్ణించగ ఎవరి తరము
గోవిందనామ ప్రియ అందుకోర వందనము

2.తులసీదళ వనమాలీ! పీతాంబర ధారీ!
రత్నకాంచనా భరణ రాజిత మురారి!
భక్త సులభ వరదా భవహర శౌరీ!
భవ్యపద్మ పాదయుగ్మ -శ్రిత శరణాగత శ్రీహరీ!

సుందరాకార నిన్ను -వర్ణించగ ఎవరి తరము
గోవిందనామ ప్రియ అందుకోర వందనము

OK

రచన,స్వరకల్పన&గానం:రాఖీ

మనమన్నది కాదనితోసేస్తూ-తామన్నదె సరియని వాదిస్తూ
తిరకాసుల మెలికెలువేస్తూ-తికమకలే మరి కల్పిస్తూ
తమ భావం మనతో పలికిస్తూ-జవదాటని భ్రమ సృష్టిస్తూ
ఇంతింత కాదయా ఇల్లాలి లీలలు
ఇలలోని పతులంతా తోలుబొమ్మలు,కీలుబొమ్మలు

1.సింగారించు చీరలు మనకోసమే నంటూ
అలంకరణ సాధనాలు మన మెప్పుకేనంటూ
ప్రతికొట్టుకు తిప్పుతూ డ్రైవరుగా మారుస్తారు
బేరమాడి మేల్చేసామని డబ్బంతా గుంజుతారు
పిల్లలనాడించమంటూ హుకుం జారి చేస్తారు
బరువుమోయలేమంటూ బ్యాగులెన్నొ మోపిస్తారు
ఇంతింత కాదయా ఇల్లాలి లీలలు
ఇలలోని పతులంతా తోలుబొమ్మలు,కీలుబొమ్మలు

2.కాస్త రిలాక్సౌతుంటే కూరలన్ని తరిగిస్తారు
వంటబాగ చేస్తారంటూ చాకిరెంతొ చేపిస్తారు
చుట్టాలొస్తారంటూ ఇల్లు సర్దిపిస్తారు
ఉన్నఫళంగా తెమ్మంటూ సరకుల లిస్టిస్తారు
మీవైపు వాళ్ళేనంటూ చూపొకటి విసిరేస్తారు
మీ అత్తామామలె అంటూ టెక్నిగ్గా బుక్చేస్తారు
ఇంతింత కాదయా ఇల్లాలి లీలలు
ఇలలోని పతులంతా తోలుబొమ్మలు,కీలుబొమ్మలు

https://www.4shared.com/s/fTNo8TGiUda

https://youtu.be/Yv5lA4ofVTQ

రచన.స్వరకల్పన&గానం:రాఖీ

నీ పాదాల్లో పుడతాయి నదీనదాలు
నీ పలుకుల్లో ఒలుకుతాయి నాల్గు వేదాలు
నీ కరుణతొ మనగలుగుతాయి జీవజంతుజాలాలు
నీ ఆజ్ఞతొ తిరుగుతాయి విశ్వాంతర గోళాలు
సాయి నీవు సాక్షాత్తూ పరమాత్మవే
నాలోనూ వెలుగొందు జీవాత్మవే

సాయిరాం శ్రీ సాయిరాం సాయిరాం షిర్డీ సాయిరాం
సాయీరాం ఓం సాయిరాం సాయిరాం జయజయ సాయిరాం

1.నీ కను సన్నలతో ఋతువులు కాలాలు
నీ దయాభిక్షతోనె చావులు పుట్టుకలు
ఊపిరిలో ఊపిరివై చైతన్యం నింపేవు
మనసులో మసలుతూ భావుకతను వొంపేవు
సాయి నీవు జగత్తుకే పరంజ్యోతివి
నాలో తిమిరాలు బాపు జ్ఞానజ్యోతివి

సాయిరాం శ్రీ సాయిరాం సాయిరాం షిర్డీ సాయిరాం
సాయీరాం ఓం సాయిరాం సాయిరాం జయజయ సాయిరాం

2.రాగద్వేషాలు నీ మాయా విశేషాలు
భవబంధాలు నీ జగన్నాటకాలు
ప్రలోభాల పొరలుగప్పి మమ్ము పరీక్షస్తావు
మర్మమెరుగునంతలోనె మరపులోకి తోస్తావు
అలసినాను ఆటలాపు ఓ సూత్రధారీ
శరణాగతి నీవయ్య నా మానస విహారీ

సాయిరాం శ్రీ సాయిరాం సాయిరాం షిర్డీ సాయిరాం
సాయీరాం ఓం సాయిరాం సాయిరాం జయజయ సాయిరాం

https://www.4shared.com/s/fBXxSJI_lda

OK 

https://youtu.be/bHR-G1nGQoo?si=1KyVQYb959L0KFW5

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం : దర్బార్ కానడ

మనసా వాచా కర్మణా-
నిను నమ్మితిరా గిరిజారమణా
నిన్నా నేడూ రేపూ-
నీవే దిక్కురా కరుణా భరణా
ఏలమానినావురా అవధరిండం
నీకు కొత్త కాదురా కనికరించడం

మార్కండేయ పోష ఈశ్వరా
శిరియాళ ప్రాణరక్షా పరీక్ష'నా'పరా

1.చిన్ననాటినుండి నీవెన్ని కథలు విన్నానో
నీవరాలు పొందిన వారి వార్త లెరిగానో
పురాణాలు స్థలమహత్మ్యా లెన్ని తెలుసుకున్నానో
పంచాక్షరి జప మహిమల నాలకించియన్నానో
అనుభవానికేలరావు భవానీ ప్రియ పతి
తాత్సారమేలనయ్య నీ తనయుడె విఘ్నపతి

మార్కండేయ పోష ఈశ్వరా
శిరియాళ ప్రాణరక్షా పరీక్ష'నా'పరా

2. కాళేశ్వర ముక్తీశ్వర దర్శనమే నేగొంటి
కాళహస్తీశ్వరుణ్ణి కనులారా కనుగొంటి
శ్రీశైల మల్లన్న శిఖరమునే చేరుకొంటి
వేములాడ రాజన్న లింగమునే అంటుకొంటి
కాశీ విశ్వనాథ హారతులే నే కంటి
ధర్మపురీ రామలింగ ఇకనైన దయగను ముక్కంటి

మార్కండేయ పోష ఈశ్వరా
శిరియాళ ప్రాణరక్షా పరీక్ష'నా'పరా

https://www.4shared.com/s/f63WF3wbrgm

రచన,స్వరకల్పన&గానం:రాఖీ

కనులు కనులు కలపకున్నా
పెదవులసలేం పలకకున్నా
నా గుండెవిన్నది నీ హృదయ స్పందన
మనసు కనుగొన్నదీ ప్రణయ ఆరాధన

చేరలేనీ దూరమున్నా
కాలమే కరుణించకున్నా
తలపులకు తొలి వలపుసోకే
కలలు అలలై నిన్ను తాకే

నీది నాదీ ఒకే భాష
లలిత కళలే మనకు శ్వాస
కుంచె దించే అపురూప మీవు 
కలము వెలయించు కవితనేను

https://www.4shared.com/s/fwSGbelougm

https://youtu.be/R2BBr2osUUw?si=fd9wVTgfHWthZHzT

రచన,స్వరకల్పన&గానం:రాఖీ

నా ఊహకు రూపం నీవే
నా ఆశల దీపం నీవే
నా కలలకు సాక్ష్యం నీవే
నా జీవిత లక్ష్యం నీవే

చెలీ నీవేలే నా లోకం
ప్రియా నీ వలపే ఓ మైకం

1.నా కవితల కల్పన నీవే
నా గానపు మధురిమ నీవే
నా చిత్రపు ఆకృతి నీవే
నా భవితకు అతీగతి నీవే

చెలీ నీవేలే నా లోకం
ప్రియా నీ వలపే ఓ మైకం

2. నా  గుండెకు సవ్వడి నీవే
నా బ్రతుకున ఊపిరి నీవే
నా మనసున దేవత నీవే
ఏడేడు జన్మల జతవీవే

చెలీ నీవేలే నా లోకం
ప్రియా నీ వలపే ఓ మైకం

https://www.4shared.com/s/fQMaraYadfi

https://youtu.be/7RqCwGDm47w

మల్లెవిరిసె వేళ ఇది –కన్నెమురిసె కాలమిది
ఎదలు కలిసె తరుణమిది
ఇదే ఇదే వసంతము-మరులొలికే కాలము

1.మావి చివురు వేసేది పికము కోసమే
చెలియ మురిసి వేచేది ప్రియుని కోసమే
పికము కొసరి కోరేది చివురు మాత్రమే
ప్రియుడు చేయి సాచేది ప్రేమ యాత్రకే

2.మధురిమల మల్లియ మధువు గ్రోలు మధుపం
మనసిచ్చిన చెలియ వలపుకోరు ప్రియుడు
అనురాగ జగానికి ఎదురులేని ఏలికలు
ప్రేమమందిరాన వారే ఆరాధ్య దేవతలు

OK

https://youtu.be/KvgKXFR9oEY

రచన,స్వరకల్పన&గానం:రాఖీ

పెదవుల దివ్వెలపై నవ్వులు దీపిస్తే దీపావళి
కన్నుల ప్రమిదలలో వెన్నెలలే పూస్తే దీపావళి
అగమ్యగోచరమౌ జీవితాన జ్ఞానజ్యోతి వెలిగిస్తే దీపావళి
ప్రతి బ్రతుకున ఆనందం వెల్లివిరియ దీపావళి
దీపావళి నిత్య దీపావళి-దీపావళి విశ్వ దీపావళి

1.ఆకలి చీకటి తొలగించే కంచమందు అన్నమే అసలు 'రుచి'
అంధులకిల దారి చూపు చేతి ఊతకర్ర రవిని మించి
మిరుమిట్ల కాంతులు దద్దరిల్లు ధ్వనులు అంతేనా దీపావళి
అంబరాల సంబరాలు విందులు వినోదాల వింతేనా దీపావళి
ఒక్కనాడు జరుపుకుంటె అదికాదు దీపావళి
ప్రతిరోజూ పండగే సంతోషం నిండిన జీవన సరళి

2.సుదతులంత సత్యలై నరకుల దునిమితే దీపావళి
సిరులొలికే ధనలక్ష్మి జనుల ఎడల హాయికురియ దీపావళి
పాడీపంటలతో పిల్లాపాపలతో  శోభిస్తే దీపావళి
చదువు సంధ్యలతో పరువు సంస్కృతితో విలసిల్లితె దీపావళి
ఒక్కనాడు జరుపుకుంటె అదికాదు దీపావళి
ప్రతిరోజూ పండగే సంతోషం నిండిన జీవన సరళి

https://www.4shared.com/s/fALbrLmoUfi

కన్నుల ఆనందం
మదివిరిసెను పూగంధం
పెదవుల దరహాసం
నా బ్రతుకున మధుమాసం
రాధవే రసగాధవే మధురానుభూతివి నీవే
మాధవా ప్రియ బాంధవా సుధలందుకోగ రావా

1.కళ్ళలోని కాంతులు
చెంపల్లోని కెంపులు
ఇంపైన నీ వంపులు నా వే లే

గుండెలోని తలపులు
గొంతులోని పిలుపులు
ఒంటిలోని మెరుపులు నీ వే లే

2.చిన్న చిన్న ఆశలు
చిన్ననాటి బాసలు
చిన్నదాని అన్ని ఊసులు నీవేలే

నా పంచ ప్రాణాలు
నా ప్రేమ గానాలు
అందాల నందనాలు నీవేలె

పదరాపోదాం కలల పడవనే ఎక్కి ఆనంద తీరాలకూ
తావేలేదు ఆ నందనవని లో ఏఘోరాలకూ ఏనేరాలకూ

1.మన ప్రమేయమేలేక మన విధానమేకాక బలియౌతున్నాము
పరోక్షంగ కారణమై వికాసమే ఓ తృణమై మనుగడ కోల్పోతున్నాము
ఎదిరించలేకా భరియించలేకా సతమతమౌతున్నాము గతిగానకున్నాము

పదరాపోదాం కలల హంసనే ఎక్కి ఆనంద గగనాలకూ
తావేలేదు ఆ రోదసిదరి లో ఏ కల్మషాలకూ అనారోగ్యాలకూ

2.గతమంత మరిచి వెతలన్ని విడిచి సుఖ నిద్ర పోవాలిరా
రేపటిదిగులువీడి ఆశల జట్టుకట్టి  ఊహల్లొ తేలాలిరా
తెల్లారితేచాలు అగచాట్లువేలు ఈరేయి మనదేనురా ఇక హాయి నొందాలిరా

పదరా పోదాం కలల పల్లకీ ఎక్కీ ఆనంద లోకాలకు
తావేలేదు ఆ సుందర దివిలో ఏ బాధలకూ ఏశోకాలకు

బురదలోనె పుట్టినా మకిలి అంటనీయదని
పరిమళమే లేకున్నా  పునీతగా ఉంటుందని
కళ్ళకద్దుకొన్నాము ఒంటిగా కమలాన్ని
నెత్తినెట్టి కొలిచాము దైవమంటు అబ్జాన్ని
జన నమ్మిక వమ్ముచేయనది యే వి ధా న మో
ప్రగతిలేక నీతిగా జాతి మనుటె ప్ర ధా న మో..

1.మానలేని రోగాలకు చేదు మాత్ర మింగించి
కుంటుకుంటు నడుస్తుంటె రెండుకాళ్ళు విరిచేసి
ఉన్నదేదొ తినబోతే నోరుకాస్త కుట్టేసి
దాచుకున్న సొమ్మంతా దయ్యంలా మాయచేసి
లోకమంత తిరుగుతూ ఇంటి ధ్యాస మరిచేసి
లాభమేంటి కచ్చేరికై గొప్పలెన్నొకోసి
కొండంత రాగంతీసి పల్లవితో వదిలేసీ
జన నమ్మిక వమ్ముచేయనది యే విధా'నమో
ప్రగతిలేక నీతిగా జాతి మనుటే ప్రధా'నమో..

2.తాతల నేతుల ఘనతను జాతిపట్ల పంచి
అవినీతి అంటుకొన్న చేతిని కడిగేయనెంచి
ఏ అతుకులబొంతైనా చింతేయని భావించి
అతులిత ప్రతిభను గతచరితనగాంచి
పదవుల అందలాల అవలీలగ ఎక్కించి
కొందరికేకొమ్ముకాచి సామాన్యుల విదిల్చి
జన నమ్మిక వమ్ముచేయనది యే విధా'నమో
ప్రగతిలేక నీతిగా జాతి మనుటే ప్రధా'నమో..

3.భావి భవనమేమొ గాని బ్రతకు బజార్ పాల్జేస్తే
పన్నుకట్టి దున్నెద్దును అదే పనిగ పొడుస్తుంటె
సగటుజీవి సొంతసొమ్ము నందని ద్రాక్షగజేస్తే
పెద్దలింక పెద్దలై పేదలు నిరుపేదలైతె
రద్దుల పద్దులెగాని ఫలితాలు వ్యర్థమైతె
అంతర్జాలమాయలో వికాసంనల్లపూసైతే
దిక్కులేక ఆముదమె  వృక్షంగా తలపోస్తే
ఓటు తెలుపు గుణపాఠం చరితే పునరావృతం
మేలుకొనిన మేలుగలుగు చేసుకోగ ప్రాయశ్చిత్తం

https://youtu.be/_18EIBZA1sU

సమాధి సైతం మాట్లాడుతుంది
చిత్రపటమైనా సరె బదులిస్తుంది

ధునిలో విభూతి ఐశ్వర్యమిస్తుంది ఆరోగ్యమిస్తుంది

ద్వారకమయితాను మనశ్శాంతి నిస్తుంది సంతృప్తి నిస్తుంది

సాయి రూపదర్శనం పరవశ నిదర్శనం
సాయినామ భజనం భవతాప భంజనం
వర్ణనాతీతము సాయి లీలామృతము
మానవసేవయే సాయీసేవగా తరించు జీవితము

ఇటుకను గురువుగా భావించిన వైనము
 సకల చరాచరజగత్తు దైవమే అను తత్వము
 ఖండయోగ సాధనలో సాయి అంతరార్థము
 ఆత్మను దేహమును వేరుపరచు  బోధనము
 వర్ణనాతీతము సాయి లీలామృతము
 మానవసేవయే సాయీసేవగా తరించు జీవితము

ప్రతిగ్రామము నగరము ఆ షిరిడీ సరిసమము
జంతు జీవ జాలమంత బాబా ప్రతి బింబము
చేయబడెడి కర్మలన్ని సాయి ప్రేరితమ్ములే
ప్రతిఫలమేదైన మానె సాయి ప్రసాదించినదే
వర్ణనాతీతము సాయి లీలామృతము
మానవసేవయే సాయీసేవగా తరించు జీవితము

సమాధి సైతం మాట్లాడుతుంది
చిత్రపటమైనా సరె బదులిస్తుంది

ధునిలో విభూతి ఐశ్వర్యమిస్తుంది ఆరోగ్యమిస్తుంది

ద్వారకమయితాను మనశ్శాంతి నిస్తుంది సంతృప్తి నిస్తుంది

సాయి రూపదర్శనం పరవశ నిదర్శనం
సాయినామ భజనం భవతాప భంజనం
వర్ణనాతీతము సాయి లీలామృతము
మానవసేవయే సాయీసేవగా తరించు జీవితము

https://www.4shared.com/s/fG5dXka6Pfi

https://youtu.be/it6xpr0NocY

శ్రావణమాసాన శ్రేష్టము
శ్రీ లక్ష్మీ శ్రీగౌరి అర్చనము
నిత్యజీవితాన ఎంతొ ప్రాశస్త్యము
గృహలక్ష్మిని ఆదరించు సంస్కారము

అడిగితె వరమిచ్చును అమ్మవారు
విడువక సేవించును  ఇల్లాలు

1.లోకానికంతటికీ వరలక్ష్మి
సౌభాగ్యమొసగుతుంది పూజలంది
పతియును సంతతియే లోకంగా
భావించును ఇంతి ఎంతొ సంతసమొంది
చిరునవ్వుల సిరులు పంచుతుంది
అన్నపూర్ణగా ఆకలి తీర్చుతుంది

అడిగితె వరమిచ్చును అమ్మవారు
విడువక సేవించును  ఇల్లాలు

2.సేవించిన పలుకుతుంది మంగళగౌరి
కంటికి రెప్పలా కాపాడుతుంది
సేవయే బాధ్యతగా తలపోయును కులనారి
కాపురాన్ని నడుపుతుంది చూపు తానుగామారి
కర్పూరము తానై కరుగుతుంది
ఇంటికి హారతిగా వెలుగుతుంది

అడిగితె వరమిచ్చును అమ్మవారు
విడువక సేవించును  ఇల్లాలు

https://youtu.be/VvkOmCbBeP8

మంగళ హారతి గొనవే- మహాశక్తి మాతా
మనోరథపు సారథి నీవే-జై త్రిశక్తి దాతా
అర్థము శాస్త్రము శస్త్రము నీవే- భాగ్యము జ్ఞానము విజయము నీవే
మాతా మహాశక్తి జయహో-వరదాతా మహాశక్తి జయహో

1.కూటికి లేనివాడిని కూడ కోటికి అధిపతి జేసే లక్ష్మీ
కరుణిస్తే సరి కనకధారలే కురిపించేటి మాతా శ్రీ సిరి
          అర్థము శాస్త్రము శస్త్రము నీవే- భాగ్యము జ్ఞానము విజయము నీవే
           మాతా మహాశక్తి జయహో-వరదాతా మహాశక్తి జయహో

2.కాళిదాసుకు కవితలు కూర్చిన అమ్మా భారతీ
త్యాగరాజుకు గళమున నిలిచిన మాతా సరస్వతి
          అర్థము శాస్త్రము శస్త్రము నీవే- భాగ్యము జ్ఞానము విజయము నీవే
          మాతా మహాశక్తి జయహో-వరదాతా మహాశక్తి జయహో

3.రామకృష్ణుడికి దర్శనమిచ్చిన కాళికాదేవి జనని
ఛత్రపతి రాజు శివాజికి ఖడ్గమొసగిన దేవీ భవాని
          అర్థము శాస్త్రము శస్త్రము నీవే- భాగ్యము జ్ఞానము విజయము నీవే
          మాతా మహాశక్తి జయహో-వరదాతా మహాశక్తి జయహో

https://youtu.be/dDSeIdjMPGo

మహాలక్ష్మి కరుణించరావే-మాపూజలే అందుకోవే
ప్రతివారము నిన్ను దర్శించుకొంటాము
ప్రతి క్షణము నిన్నే స్మరియించు చుంటాము

అమ్మలగన్న అమ్మవు నీవే మమ్ముల గన్న అమ్మవు నీవే
నీ పిల్లలపై దయలేదా- నీ భక్తులపై కృపరాదా
ఆదిశక్తి వీవే మహా శక్తివీవే- మహా కాళి వీవే శార్వాణివే
ముంబాయి నగరిన వెలసిన తల్లీ ఉమాదేవి నీవే మహాలక్ష్మినీవే

క్షీరసముద్రుని పుత్రికవీవే- మా నరసింహుని పత్నివి నీవే
వేంకటేశ్వరుని మంగవు నీవే-సిరులనొసగే ధనలక్ష్మివే

ఓంకార సంభవి నీవే అయితే
శ్రీకారమే నీ రూపమైతే
మాకోరికలే తీర్చవే మామిదిలో నిలువవే
అమ్మా మహాలక్ష్మీ-అమ్మా ఆది లక్ష్మీ
అమ్మా అష్టలక్ష్మీ- అమ్మా కనక మహాలక్ష్మీ

https://youtu.be/i_tn1YyuydY?si=8Nc71jhmo8szTLN1

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం: గౌరీ మనోహరి

దేవీ శ్రీ దేవీ మంగళ హారతి గైకొనుమా
మము కావగ రావేమీ-మము బ్రోవగ రావేమీ

నీ భజనలు చేసి-నిన్నే పూజించి
నీకు హారతులిచ్చి-నిన్నే కొలిచెదము
మాపై దయలేదా మాపై దయ రాదా
మము కావగ రావేమీ-మము బ్రోవగ రావేమీ

నరసింహుని సతివై మాపురమున వెలసితివి
మాకు సిరులే ఇచ్చీ మమ్మే రక్షించుమా
నిన్నే వేడెదము-నీకై వేచెదము
మము కావగ రావేమీ-మము బ్రోవగ రావేమీ

https://youtu.be/GRITJ-hB1ds

జయము నీవే జగన్మాత
వరములీయవె శ్రీ లలిత
కరుణజూడవె కామరూప
వెతలు బాపవె విశ్వజేత

1.ఆదిమధ్యయుఅంత్యమీవె
సత్య శివ సుందరియునీవే
సత్వరజస్తమో తత్వమీవే
సృష్టిస్థితిలయ కర్తవీవె
కరుణజూడవె కామరూప
వెతలు బాపవె విశ్వజేత

2.ఓంకార నాదమీవె
హ్రీంకార రూపమీవే
శ్రీంకార మూలమీవే
యంత్రమంత్రతంత్రమీవే
కరుణజూడవె కామరూప
వెతలు బాపవె విశ్వజేత

3.ఇచ్ఛాశక్తివి నీవె నీవె
జ్ఞాన శక్తివి నీవె నీవే
క్రియాశక్తివి నీవె నీవె
కామేశ్వరి వజ్రేశ్వరి భగమాలినివీవే
కరుణజూడవె కామరూప
వెతలు బాపవె విశ్వజేత

https://www.4shared.com/s/fGM326Q1wee

https://youtu.be/xmPztak2Jyo

మరణిస్తేమాత్రమేమి షిరిడీ దర్శించి
తనువుచాలిస్తెనేమి సాయి పాదం స్పృశించి 
జన్మలెన్నెత్తితేమి సాయిచూపు సోకగా
యాతన భరియిస్తె నేమి బాబా కైతపించగా
సద్గురునాథా సాయిరాం
సచ్చిదానందా పాహిమాం

1.రెండురూకలిస్తెనేమి సాయికీ
శ్రద్ధా సహనములవి ఏనాటికీ
ఏకాదశబోధలు ఆచరించు హాయికీ
జడవనే జడవము బ్రతుకు మాయకీ
బ్రహ్మాండనాయకా సాయిరాం
యోగిరాజ పరబ్రహ్మ పాహిమాం

2.భేదభావమేది లేదు సాయికీ
ప్రేమ పంచమన్నాడు ప్రతిజీవికీ
ఉన్నంతలొ కొంతైనా చేసిచూడు వితరణ
పొందగలవు అంతులేని శ్రీ సాయికరుణ
ద్వారకామయివాస సాయిరాం
సబ్ కామాలిక్ తూహై పాహిమాం

OK

ఓ ఓంకారేశ్వరా శివా
ఓ లయకార ఈశ్వరా భవా
కామదహన అజ్ఞాన హనన
గౌరీ రమణ కరుణాభరణా
ఆదియు అంత్యము నీవేనయ్యా
నాహితునిగ నెరనమ్మితినయ్యా

1.నాసేవలు గొన జనియించితివి
నేతరించగ అవతరించితివి
ఋణము తీర్చగ కొమరుడవైతివి
ఓర్పును నేర్పగ ఇడుములనిడితివి
ఎరుగజాలనూ నీ జాలమును
తాళజాలనూ నీ మాయలను
దయగని వేగమె ఉద్ధరించరా
భవ సాగరమును దాటించరా

2.అలసినాను నే బ్రతుకు పోరులో
చితికినాను ఈ ముళ్ళదారిలో
నువు తలచుకొంటె సవరించలేవా
నువు కనికరిస్తే భవితే పూదోవ
తట్టుకొనకనే నిను తిట్టినేమో
బెట్టువీడి నను చేపట్టు ప్రభో
నిర్లక్ష్యమేలా నా మొరలను సరి విన
గతిలేదు రుజహర నాకిల నిను వినా

https://youtu.be/spJ066nt6Fo?si=qgACaugXGoI0GJZC

రచన,స్వరకల్పన&గానం:రాఖీ

శ్రద్ధా సహనము నీ బోధలు సాయీ
నీ అడుగుజాడల్లో మా బ్రతుకే హాయి
త్రికరణ శుద్ధిగా నిను నమ్మితిమోయి
త్రిగుణాతీతా విడవకు మా చేయి
ఓం సాయి శ్రీసాయి జయజయ సాయి
ఓం సాయి శ్రీసాయి జయజయ సాయి

1.నువు ధరియించిన చిరుగుల వస్త్రాలు
జీర్ణమయే కాయానికి తార్కాణాలు
నువు చూపిన జీవకారుణ్యాలు
'ఆత్మైక తత్వానికి' నిదర్శనాలు
దేహము పై మోహాన్ని వీడమన్నావు
సర్వులకూ రాగాన్ని పంచమన్నావు
ఓం సాయి శ్రీసాయి జయజయ సాయి
ఓం సాయి శ్రీసాయి జయజయ సాయి

2.కులమతాల భూతాలను వదిలించావు
జన హితమును చేతలలో చూపించావు
ప్రతివారిని బంధువులా భావించావు
వేడగనే వేగిరంగ వేదనలే తీర్చావు
నీనామ స్మరణయే తారక మంత్రం
నీ జీవన సారమే గీతా మకరందం
ఓం సాయి శ్రీసాయి జయజయ సాయి
ఓం సాయి శ్రీసాయి జయజయ సాయి

https://www.4shared.com/s/fQhiQ2tMMgm

https://youtu.be/COfvA8iV8UI?si=fXYd_r1SjaCkm4Ur

రచన,స్వరకల్పన&గానం:రాఖీ


వెన్నెలొలుకు కన్నులున్న కన్నయ్యా
మా కన్నులా దయను కురియనీయవయ్యా
నిండార నీ రూపము వర్ణించగా
నీ నిజ దర్శనభాగ్యమే కలుగజేయవయ్యా
మోహన కృష్ణా మన్మోహన కృష్ణా
చిద్విలాస చిన్మయ విస్మయ కృష్ణా

అందమైన లోకమని అందురే
అందానికి అర్థమే నీవు కదా
జగమే మాయ అని అందురే
మాయనే నీచెంత మాయమవదా
మది పులకరించుగా నీ భావనలుదయించగా
అణువణున నీవై అగుపించరా నాకగుపించరా

వసుదేవుని దెంత పుణ్యము
పసిబాలునిగా నిను మోసె గదా
యశోదమ్మ  బ్రతుకె కడుధన్యము
బ్రహ్మకైన దొరకని లీలలెన్నొ చూసె కదా
నీపెదవుల ఒదగనైతి నే వేణువుగా
కనికరించి మననీయి నీపద రేణువుగా

https://www.4shared.com/s/fYkJ4-N2Oda

https://youtu.be/q0JhvSf0kXI

కొండాకోనా వెదికి వెదికి-గండశిలను గాలించి
గుండెలోని భావానికి-అందమైన రూపమిచ్చి
ఏడుకొండలమీద-నిలిపినాము భక్తిమీర
అండగా ఉంటావని-నమ్మినాము మనసారా
వమ్ము చేయబోకురా వేంకటేశ్వరా
మమ్ము మరువ బోకురా మా హృదయేశ్వరా

1.వైకుంఠ దర్శనము -మాకు గగన కుసుమమని
వాసిగా తిరుమలలో -స్థిరవాసమున్నావు
రానుపోను దూరమయ్యే -కాలమింక భారమయ్యే
కల్మషాలు తొలగించి శుద్దిచేసి సిద్దపరిచాం
కనికరించి మాఎదలో సిరితొ కూడి ఉండరా

వమ్ము చేయబోకురా వేంకటేశ్వరా
మమ్ము మరువ బోకురా మా హృదయేశ్వరా

2.మానవత నింపుకుంటాం-  అభిషేకపు పాలుగా
సుగుణాలు పెంచుకుంటాం-నీ పూజకు పూలుగా
నైవేద్యమిచ్చుకుంటాం-పండంటి జీవితాలను
కైంకర్య మొనరిస్తాం- రెప్పపాటు కాలమైననూ
హారతులేపడతాం-మా ఆత్మ జ్యోతులను
వమ్ము చేయబోకురా వేంకటేశ్వరా
మమ్ము మరువ బోకురా మా హృదయేశ్వరా

https://www.4shared.com/s/f1HLMQ3BKgm

https://youtu.be/2Svwc4A9IO8?si=rr2RfqPywlbch4y6

రచన,బాణీ,వాణీ:రాఖీ
"జీవన యానం"

మౌనం దాల్చిన భావాలెన్నో

కన్నుల జారిన అశ్రువులెన్నో

తీరం చేరని స్వప్నాలెన్నో

కంచిని చూడని కథలెన్నెన్నో

నేస్తమా

పరిచయమెరుగని బాటసారులం

కలయిక తెలియని రైలు పట్టాలం

పయనం ఎక్కడ  మొదలయ్యిందో

గమ్యం ఎప్పుడు చేరరానుందో

దారంతా ఊహకు అందని మలుపులు ఎన్నో

దాహంతీర్చి అక్కునజేర్చే చలివేంద్రాలెన్నో

అలసటతీర్చి బాసటనిలిచే మజిలీలెన్నెన్నో

ఎందాక కలిసుంటామో ఏనాడు మరుగయ్యేమో

నేస్తమా

వాడనీకు మైత్రీ సుమం

వీడినా ఆరనీకు స్నేహదీపం

అనుభవాలను అనుక్షణం పంచుకుంటూ

అనుభూతులనే పరస్పరం నెమరేసుకొంటూ

నవ్వుల వెన్నెల  పూయిద్దాం అమాసనాడూ

ఆనందాలను తెగ పారిద్దాం ఎడారిలోను

రెప్పపాటు ఐతేనేం గొప్పనైనదీ జీవితం

నేస్తమా

సాగిపోని పాటగా ప్రయాణము

మిగిలిపోనీ స్మృతులే ఆసాంతము

https://www.4shared.com/s/fdrhnXriffi

ఈ ఉదయం జగతికి శుభోదయం
ప్రతి హృదయానికి నవోదయం
భానుడు భాసిలు అరుణోదయం
ప్రకృతి రమణీయ హరితోదయం

పలకరింపుల మిత్రోదయం
చిత్రవిచిత్రాల చిత్రోదయం
పెదవుల విరిసే హసితోదయం
మనసుల మహదానందోదయం

అనుభవాల సంధాత్రోదయం
అనుభూతుల సంధానోదయం
వింతలు తెెలిసే ఉషోదయం
చింతలు మరచే రసోదయం
                  నవరసోదయం

https://youtu.be/yrEQVM4ylWU?si=w8aK3UYL49TQ618y

మా ఇంటి బతుకమ్మ
మాకు బతుకీవమ్మ
తంగేడు పూవుల
బంగారు బతుకమ్మ
రంగారు బంగారు
భవిత మాకీవమ్మ

1.తెలంగాణ ఉనికికి
గురుతు నీవమ్మ
తెలంగాణ ప్రజలకు
ఊపిరివి నీవమ్మ
తొమ్మిది రోజులు
నెమ్మది పూజలు
ఆటలు పాటలు
అతివల సయ్యాటలు
సుద్దులు సద్దులు
సంస్కృతికి పద్దులు

2.గునుగు పూవులు
గుమ్మడీ పూవులు
బంతులు చామంతులు
తీరొక్క వర్ణాల
సుమకాంతులు
ఇంపైన ఆకృతులు
ఇంతులలంకృతులు
బృంద గానాల
వలయ సంగతులు
కనులకు విందిది
చెవుల పసందిది

OK

[శుద్ధ ధన్యాసి:రాగం]

మళ్ళీ ఒకసారీ ... బాబా నువు పుట్టాలి
లేండీ వనాన్ని మా ఎదల్లోన నాటాలి
కోల్పోయిన దయాగుణం మా తలుపు తట్టాలి
నీవల్ల జనమంతా ప్రేమబాట పట్టాలి
ఉదయించరా మా హృదయాల షిరిడీసాయీ
వెలయించారా మది మమతల ద్వారకమాయి

ఉదయించరా మా హృదయాల షిరిడీసాయీ

వెలయించారా మది మమతల ద్వారకమాయి

అడుగుకో గుడిని సాయి నీకు కట్టినాము
అనురాగం పునాదుల్లొ పాతిపెట్టినాము
ఘనముగా ఉత్సవాలు తలపెట్టినాము
మనుషులుగా ఎంతగానొ దిగజారినాము
ఉదయించరా మా హృదయాల షిరిడీసాయీ
వెలయించారా మది మమతల ద్వారకమాయి

మళ్ళీ ఒకసారీ ... బాబా నువు పుట్టాలి

లేండీ వనాన్ని మా ఎదల్లోన నాటాలి

కోల్పోయిన దయాగుణం మా తలుపు తట్టాలి

నీవల్ల జనమంతా ప్రేమబాట పట్టాలి

ఉదయించరా మా హృదయాల షిరిడీసాయీ

వెలయించారా మది మమతల ద్వారకమాయి

చందాలకు దానాలకు కొదవనేలేదు
అవినీతి దందాలకు అదుపన్నదేలేదు
హారతులు అందలాలకు లోటేలేదు
మనుషుల్లో బంధాలకు చోటేలేదు
ఉదయించరా మా హృదయాల షిరిడీసాయీ
వెలయించారా మది మమతల ద్వారకమాయి

మళ్ళీ ఒకసారీ ... బాబా నువు పుట్టాలి
లేండీ వనాన్ని మా ఎదల్లోన నాటాలి
కోల్పోయిన దయాగుణం మా తలుపు తట్టాలి
నీవల్ల జనమంతా ప్రేమబాట పట్టాలి
ఉదయించరా మా హృదయాల షిరిడీసాయీ
వెలయించారా మది మమతల ద్వారకమాయి