https://youtu.be/zfyNDP3PKeo

మహా విద్యా మహా మాయా
మహా జ్ఞాన సరస్వతీ
శృంగేరీపీఠవాసిని హే బాసర భారతీ
శరణు తవ దివ్య చరణం  భవతాప హరణం
స్మరణ మాత్రేన జన్మ పావనం
శ్రీ మాత్రే తవ నామ మననం

మహా విద్యా మహా మాయా
మహా జ్ఞాన సరస్వతీ
శృంగేరీపీఠవాసిని హే బాసర భారతీ
శరణు తవ దివ్య చరణం  భవతాప హరణం
స్మరణ మాత్రేన జన్మ పావనం
శ్రీ మాత్రే తవ నామ మననం

శుక పుస్తక హస్త శోభితం-స్వర్ణ కలశ కర ప్రభాసితం
రక్తవర్ణ చేలోపరి విరాజితం-హరితచోలి ప్రఛ్ఛాదితం
ధన్యోహం తవ భవ్య దర్శనం
వీక్షణ మాత్రేన జన్మ పావనం
శ్రీమాత్రే తవ రూప చింతనం

మహా విద్యా మహా మాయా
మహా జ్ఞాన సరస్వతీ
శృంగేరీపీఠవాసిని హే బాసర భారతీ
శరణు తవ దివ్య చరణం  భవతాప హరణం
స్మరణ మాత్రేన జన్మ పావనం
శ్రీ మాత్రే తవ నామ మననం

శంకరాచార్యార్చితం-వ్యాస వాల్మీకి సంసేవితం
నారదాది మునిజన వందితం-కాళిదాస కవి నుతం
భావయామి తవ పాద పంకజం
ధ్యానమాత్రేన జన్మ పావనం
శ్రీమాత్రే తవ గుణగాయనం

మహా విద్యా మహా మాయా
మహా జ్ఞాన సరస్వతీ
శృంగేరీపీఠవాసిని హే బాసర భారతీ
శరణు తవ దివ్య చరణం  భవతాప హరణం
స్మరణ మాత్రేన జన్మ పావనం
శ్రీ మాత్రే తవ నామ మననం

https://youtu.be/2Q-c3cJSsug

భావ వైరుధ్యమే భవా నీ తావు
జన్మ వైరులైనా మైత్రిగానే మనగలవు
భిన్నమైనతత్వాలే శివా నీ కొలువు
ఐక్యతగా సఖ్యతగా మసలుకోగలవు
మనుజుల మనసుల ద్వేషాన్ని హరించు
మానవతను మమతను విశ్వమంత విస్తరించు
శివానీ భవా నమోనమామి-భవానీ శివా సదాస్మరామి

1.నిప్పూ నీరూ ఒప్పనే ఒప్పవు
అట జటాఝూటము ఇట జ్వలిత నేత్రము
అమృతము గరళము పొసగనే పొసగవు
అట సుధాకర భూషణ  ఇట కాలకూటధారణ
మనుజుల మనసుల ద్వేషాన్ని హరించు
మానవతను మమతను విశ్వమంత విస్తరించు
శివానీ భవా నమోనమామి-భవానీ శివా సదాస్మరామి

2.భోళా శంకరుడవే మహంకాళీ సమేతుడవే
రౌద్ర వీరభద్రుడవే అన్నపూర్ణా సంస్థితుడవే
వృషభానికి మృగరాజుకి ఎలా కుదిరె స్నేహము
కైలాసము స్మశానము అదీ ఇదీ నీ గృహము
మనుజుల మనసుల ద్వేషాన్ని హరించు
మానవతను మమతను విశ్వమంత విస్తరించు
శివానీ భవా నమోనమామి-భవానీ శివా సదాస్మరామి

మరలిరాని గతమేదో బావురుమంది
మనసైన నెచ్చెలి చేరువయింది
అలనాటి అనుభూతుల్లో అలరించింది
నన్ను నేను మరిచేలాగా మదినాక్రమింది

1.పెచ్చులూడిన నా భవంతికి వెల్లెవేసింది
దుమ్ముబట్టిన నాముంగిలిలో రంగవల్లి తానయ్యింది
మసకబారిన ఆశాదీపపు మలినాలు కడిగింది
కొడిగట్టి ఆరే వత్తిని వెలిగేలా చేసింది

2.ఎడారైనా దారిలో వసంతమై ఎదురయ్యింది
ఏకాకి నా బ్రతుకులో కోయిలగా కూసింది
తడారే నా గొంతులో అమృతవర్షిణయ్యింది
తనువు మనసు అంకితమిచ్చి తానె నేనుగ మారింది

https://youtu.be/M0w9RjIGOEE?si=rrSH7goaa0yYCC96

జ్ఞాపకాలన్నీ గుండె కెలుకుతున్నాయి
తీపిగురుతులన్నీ గొంతునులుముతున్నాయి
నువ్వెలా తట్టుకుంటున్నావో చెలీ
రోజులెలా నెట్టుకొస్తునావో ప్రియా
మరల మరల రానీ మరులుగొలుపు ఆ క్షణాలు
ఆ తరుణం జారకముందే రాలనీయి జీవితాలు

1సుఖాలన్ని రంగరించి సరసరసం అందించావు
హాయినంత మూటగట్టి నాకు ధారపోసావు
బొందితోనె స్వర్గమంటే నీ పొందే ప్రియతమా
అమృతాల విందంటే నీ చుంబనమే భామా
మరలమరల రానీ మరులుగొలుపు ఆక్షణాలు
ఆ తరుణం జారకముందే రాలనీయి జీవితాలు

2.వాత్సాయన సూత్రాలన్నీ మనవల్లనె వెలిసాయి
శృంగార భంగిమలెన్నొ అనంగుడికే తెలిసాయి
కామశాస్త్ర పాఠాలకూ మన కలయికే మూలం
ఖజురహో శిల్పులకూ మన రసికతె ఆధారం
మరల మరల రానీ మరులుగొలుపు ఆ క్షణాలు
ఆ తరుణం జారకముందే రాలనీయి జీవితాలు

https://youtu.be/9gybBtRiTmE

రచన,స్వరకల్పన&గానం:రాఖీ

రాగం:కల్యాణి

నీ పదముల నా మది కొలిచేను
నా పదముల నీ కృతి మలిచేను
తిరుపతి పుర గోవింద హరీ
శరణు శరణు సప్తగిరీ  ముకుంద మురారీ

1.అక్షర లక్షలు నీకర్పించెద
కవితల కోటి నీకందించెద
గీతమాలికల అలరించెద
కావ్యశతముల కానుకలిచ్చెద
తిరుపతి పుర గోవింద హరీ
శరణు శరణు సప్తగిరీ  ముకుంద మురారీ

2.నిత్య నరకము ఈ నరలోకము
నీ సన్నిధియే భూతల నాకము
తొలగించర నా అవిరళ శోకము
కావించర  కర్మల పరిపాకము
తిరుపతి పుర గోవింద హరీ
శరణు శరణు సప్తగిరీ  ముకుంద మురారీ

విచ్చుకోనీ విరిలా మోవి
విరజిమ్మనీ పలుకుల తావి

దైవాన్ని నమ్మితే మానవుడే మాధవుడు
మనిషినే నమ్మితే మనిషి దైవమౌతాడు

రాగానిదేముంది అనురాగం పంచితే
ఇష్టపదులు వింతకాదు కోయిలనే మించితే

సాగర వైశాల్యం ఎంతుంటే ఏమిటి
నావ  దరిని చేర్చదా ఆటుపోట్లు దాటి

కన్నెంత కార్చినా కన్నీరు దోసిట
గుండె చెలమె తోడితే ఒడవదు ఊట

చిమ్మచీకటైతెనేమి చిరుదివ్వెతొ తొలగదా
కఠిన హృదయమైతేమి రాఖీ చిరునవ్వుతొ కరుగదా

భావనంతా నీదే భాష మాత్రం  నాది
ఊహలన్నీ నీవే అక్షరాకృతి నాది
మనసు మనసుతొ మాటలాడితె
ఉప్పొంగవా మధురానుభూతులు
తత్వమొకటిగ సాగిపోతే
రవళించవా మన స్నేహగీతులు

1.కనురెప్ప మాటున ఒదిగిపోతా
నిదుర చాటున  కలగమారుతా
ఉదయింతునే పెదవిపై చంద్ర హాసమునై
అలరింతునే హృదయమ్మునే ఇంద్రచాపమునై
నేస్తమా నీ జ్ఞాపకాలే చెఱకు గడలు
ప్రియతమా నీతో క్షణాలే పాలమీగడలు

2.అభిరుచుల మాధురి ఒకటిచేసే
అభివ్యక్తులె అనుబంధమై పెనవేసే
ఇవ్వలేనిది ఏదిలేదు ప్రాణమే నీపరం చేసా
కోరగలిగిదేది లేదు నీ ప్రేమనే చవిచూసా
నేస్తమా నీ జ్ఞాపకాలే చెఱకు గడలు
ప్రియతమా నీతో క్షణాలే పాలమీగడలు

రచన,స్వరకల్పన&గానం:రాఖీ

రాగం:మోహనం

చిరునవ్వుకు చిరునామా
ప్రతిస్పందనకే తగు ధీమా
స్నేహానికి  నిలువెత్తు రూపం
మానవతకు తానొక ఊతం
మోహనమే సదా మురళీ రవం
మురళీ మోహనుడే మా వరం

1.వినతులు విను కడు సహనం
పదవిని తలవని ఆ వినయం
ఓపిక కలిగిన అనునయం
ఆదరించెటి దయాహృదయం
మోహనమే సదా మురళీ రవం
మురళీ మోహనుడే మా వరం

2.క్రమశిక్షణకే ఒక నిదర్శనం
నిజాయితీకే ఇల తార్కాణం
విద్యుక్త ధర్మ నిర్వహణం
మన్ననలందే అంకితభావం
మోహనమే సదా మురళీ రవం
మురళీ మోహనుడే మా వరం

రచన,స్వరకల్పన&గానం:రాఖీ

కన్నులు కన్నులతో కలిపి
రాస్తున్నాయీ ప్రేమలిపి
చదివితె భావం ఎంతో చిలిపి
మిన్నకున్నాయేం మనసే తెలిపి

1.పెదవులకెందుకు మాటలు
వలపులు పాడితె పాటలు
బ్రతుకున పువ్వుల తోటలు
భవితన తేనెల తేటలు

2.ఫలించేనులే కలలన్ని
కురిపించునులే వెన్నెల్ని
వినిపించగా సరాగాల్ని
పెంచును అనురాగాల్ని

https://youtu.be/NFos2taRkdA?si=JhWfAK6cbt6CTI5g

రచన,స్వరకల్పన&గానం:రాఖీ

జంట పావురాలే  కంటికింపుగా ఎగిరే
మనజంట కన్నుకుట్టి కంటగింపుగామారే
ఎదిరించుదాం లోకాన్ని-మళ్ళించుదాం కాలాన్ని
ఒకసారి ప్రియా రావేలా-వేచితినే అభిసారికలా

1.కలువనైతిని జాబిలి నీవని
కలువవైతివి నీవెందుకని
కలయిక కలకే పరిమితమా
కలతల నెలవే  జీవితమా
ఒకసారి ప్రియా రావేలా
వేచితినే అభిసారికలా

2.మనసారా నిను వరించితిని
రేయీపవలు కలవరించితిని
నే బ్రతికినట్టు కనిపించే మృతిని
నీవే లేక ఎన్నడు ఆరని చితిని
ఒకసారి ప్రియా రావేలా
వేచితినే అభిసారికలా

PIC COURTESY:P.AGACHARYA sir.

రచన,స్వరకల్పన&గానం:డా.రాఖీ

ఆటలాడినా నీతోనే-పాట పాడినా నీతోనే
సయ్యాటలాడినా నీతోనే-సాపాటు చేసినా నీతోనే
నేస్తమా నా సమస్తమా-స్నేహమా తీరని దాహమా
పున్నమి నెప్పుడొ మరిచానే-నిత్యం వెన్నెల నీమేనే

1.ఎన్నో నా కలవరాలే-నిను చూడగ వరాలాయే
కల్లోల మహా సాగరాలే  -ప్రశాంత సరోవరాలాయే
దివ్యత్వం నీ మోములో-నవ్యత్వం నీ మోవిలో
వలపులు చిలికే చిలుకవో-తలపుల నిలిచే పలుకువో

2.నిజం చెప్పినా నమ్మవులే-ముదములొ చిప్పిలు చెమ్మవులే
మోహనాంగి ముద్దుగమ్మవులే-మిఠాయిదాగిన చిటారు కొమ్మవులే
ప్రేమ తత్వం నీలోలోలోలో-రాగబంధం ఊగిసలాడే ఉయ్యాలో
మౌన వీణను నేనే మీటాలో-స్నేహమొలకను నేనే నాటాలో

రచన,స్వరకల్పన&గానం:డా.రాఖీ

మస్తుగున్నవె పోరీ-జబర్దస్తుగున్నవీసారీ
సూపుల్తోనే కాపేస్తూ-నవ్వుల్తోనే కైపిస్తూ
మాయేదో చేస్తూ-మదినేదోచేస్తూ-మరిమరి మురిపిస్తూ

1. బుంగమూతి నంగనాచి-సింగిరాలు పోనేల
రంగురంగు పెదాలలో-వలపు రంగరించనేల
అంతలోనె నీవే భద్రకాళి-వింతగా నా ఎదలో కాలి
లేదో ఇసుమంత జాలి-చెలీనువు లేక బ్రతుకే ఖాళి

2.కాటుక కళ్ళరూపు-నాటుకుంది వాడి తూపు
అట్టాఅసలు నవ్వబాకు-గుచ్చుతోంది సోకు బాకు
నిన్నుగన్నతల్లి కోదండం-నువే నా యమగండం
సంకకైన ఎక్కవు ఎక్కీ దించనీవు-వంకలేవొ సెప్పవు సాధించుతావు

రచన,స్వరకల్పన&గానం:డా.రాఖీ

మనసు మయూర మౌతుంది నీవు పలకరిస్తే
స్వరము పికమై పాడుతుంది ప్రేమ చిలకరిస్తే
హరివిల్లు దిగివస్తుంది నీవలంకరిస్తే
వయసు పసిగమారుతుంది నన్ను స్వీకరిస్తే..
ఆత్రంగా నీ కరమిస్తే నేస్తంగా అంగీకరిస్తే

1.మలయమారుతాలే నీవు సమీపిస్తే
మార్గమంతా నందనవనమే నీతో నడిస్తే
అష్టావధానమే నీతో స్పష్టంగా వాదిస్తే
ఇష్టానుసారమే కాలం కర్మం సహకరిస్తే
అనుభూతులెన్నో జీవితాన్ని ఆస్వాదిస్తే

2.నాతప్పుకాదు  బంధం మామూలుగ తోస్తే
బోధపడిపోతుంది లోతుగా ఆలోచిస్తే
హృదయాంతరాలలో కనగలవు చూస్తే
కలలన్ని నిజమౌతాయా జన్మలెన్నొ దాటొస్తే
కవి'తలలోనైనా మనగలవు విధి కరుణిస్తే

https://youtu.be/3XGSHZ3dEL8?si=xZuYv9qsuZ2i1tfY

నీ సేవలో ననుతరించనీయీ సాయీ
నీ ప్రేమలో పరవశించనీయవోయీ
నీ ధ్యానములో తన్మయ మొందనీయీ
నీ సన్నధిలో నను కడతేరనీయ వోయి
సాయీ సాయీ షిరిడీ సాయీ సాయీసాయీ దయగనవోయీ

1.గురువారం ఉపవసించ పూనేరు శరణార్థులు
నీ మందిరాన్ని శుద్ధిచేయ తపించేరు సేవకులు
నీ దర్శన భాగ్యానికి బారులు తీరేరెందరో దీనులు
సాయిరామా పాలతొ నిన్నభిషేకించేరు పూజారులు
పూజలు సేయగా హారతులీయగా ధన్యతనొందేరు జనులు

పంచహారతులీయగా ఆనందమొందేరు అర్చకులు
పల్యంకిక మోయగా ఆరాట పడెదరు ఔత్సాహికులు
షిరిడీశా నీకు జేజేలు పలికేరు వందిమాగధులు
నిను కీర్తించగా గొంతెత్తుతాడు గాయకుడు
బాబా నిను భజించగా వంతపాడుతారు నీ భక్తులు

OK

నీవుంటె పాటల తోటే సరి
నీ వెంట తేనెల తోటే మరి
నీ ఊసులన్ని కమ్మని బాసలె
నీ ఊహలన్నీ రమ్మను పిలుపులె

1.నీ భావనలో మధురిమలెన్నో
నీ చెలిమిలోనా సరిగమలెన్నో
ప్రతి కలయిక యిక ఒక గీతమాలిక
శ్రుతిలయ తప్పని రసరాగ గీతిక

 2.కాలమె ఆగి విస్తుపోతుంది
ప్రకృతియే  ఆసక్తిగ చూస్తుంది
కనివిని ఎరుగని వింత బంధం
కవిగాయకుల మధుర సుగంధం

సంపదా  యశస్సూ  ఒకలాంటివె నిజానికి
శ్రమకోర్చుకోక తప్పదు అవి పొందడానికి
ఓపిక నేర్పు కావాలి పెంచిపోషించడానికి
సంకల్పబలం కావాలి సాధించడానికి

1.అడ్డంకులు ఎన్నెన్నో దారిపొడుగునా
దొడ్డమనసు కావాలీ అడుగు అడుగునా
వనరులు ఎన్నో చుట్టూ పరికించి చూడు
ఇసుక నుండి తైలం తీసే నిపుణత వాడు

2.పరుగెత్తి ఎన్నడు పాలకొరకు యత్నించకు
ఉన్న చెమట సైతం ఉరుకులాడి కోల్పోకు
సూక్ష్మం లో మోక్షంలా తెలివిగా వ్యవహరించు
లక్ష్యం ఏదైనా జడవక అలవోకగ ఛేదించు

https://youtu.be/1iNILGXxMeE

రచన,స్వరకల్పన&గానం:డా.రాఖీ

రాగం:కానడ

నీ తలపే తొలగించును ఆటంకం
నీ స్మరణే దాటించును సంకటం
సిద్ది వినాయకా అన్ననీ ఏకైక నామం
చేర్చగలదు భక్తులనూ ముక్తిధామం
జై సిద్ది వినాయకా మోక్షదాయకా
జయహో గణనాయక ఆరోగ్య దాయకా

1.ఊపిరి పీల్చినా నిట్టూర్చినా
హృదయ స్పందనలో నాడీకణములలో
తనువులో మనసులో నాలోని అణువణువులొ
సిద్దివినాయకా నీ ధ్యానమే మెలకువలో నిద్దురలో
జై సిద్ది వినాయకా మోక్షదాయకా
జయహో గణనాయక ఆరోగ్య దాయకా

2.నా క్షేమము నీ బాధ్యత నా తండ్రీ వినాయకా
నా మనుగడ నీ చలవే నా స్వామీ వినాయకా
ఏ జన్మలోనైనా నీ పాదం విడనీయకు వినాయకా
జన్మరాహిత్యమొసగి నీ సన్నధి దయసేయి వినాయకా
జై సిద్ది వినాయకా మోక్షదాయకా
జయహో గణనాయక ఆరోగ్య దాయకా

రచన,స్వరకల్పన&గానం:డా.రాఖీ


హాయి అంటె తెలిసింది చెలీనీ వల్లనే
అనురాగపు జాడలన్నీ నీ ఎదలోనే
నీ జ్ఞాపకాలన్నీ మధురానుభూతులే
నీ సన్నిధిలో క్షణాలు ఆహ్లాద హేతువులే

1.కవితలేల జవరాలా కావ్యాలు రాయనా
నువునడిచే దారిలోనా పూబాట వేయనా
పున్నమికై ప్రతీక్ష ఏల నీ కన్నుల కనుగొననా
మల్లెలకై వెతకగ నేల నీ నవ్వుల ఏరుకొననా

2.ఏనాడు కలిసావో అదియే సుముహూర్తము
ఏ చోట ఎదురైనావో అది పవిత్ర ధామము
మనసులే వేసుకున్నాయీ విడివడని మూడు ముళ్ళు
చినుకులే రాలి అయినాయి మనకు తలంబ్రాలు

OK

రచన,స్వరకల్పన&గానం:డా.రాఖీ

నువు పాడే ఒకే రాగం అనురాగం
నువు చేసే ఒకే లాస్యం పారవశ్యం
నీ ప్రతి పలుకూ త్యాగరాజ కీర్తనం
నీ ప్రతి కదలిక  కూచిపూడి నర్తనం
కోమలీ కోయిల తుల గాయనీ శ్రవణానందినీ
భామినీ కేసరి సరి గామినీ నయనవినోదినీ

1.సామాన్యులు సైతం నిన్ను చూసి కవులౌతారు
గీతనైన గీయనివారు చిత్రకారులౌతారు
సృష్టిలోని  అద్భుతమంటే నీవే నంటాను
రెప్పవేయలేని మిషతో నే అనిమేషుడనౌతాను
నభూతోన భవిష్యతి నీకు సాటి తరుణీ నీలవేణీ
సుందరనారీ వివిధవర్ణ విరి మంజరీ రసరాగిణీ

2.ఎక్కడ మొదలెట్టాలో నీ అందాలు వర్ణించగా
ఏ రంగులొ ముంచాలో కుంచె నిను దించగా
ప్రకృతికే ప్రతిరూపం ఆరాధకుల కపురూపం
రసిక ఎదల పరితాపం నీ తనువే ఇంద్రచాపం
అంగరంగవైభోగం లలనా నీ సహయోగం
ఓపగలేనే క్షణమైనా యుగం మనగలనా నీ వియోగం

రచన,స్వరకల్పన&గానం:రాఖీ

సదా నీ లోకం అదేదో మైకం
నీ సావాసం నిత్యం మధుమాసం
నీగాత్రం ఓ పికమాత్రం-నాకాత్రం లేదోపికమాత్రం
వినిపించవే అభినవ కోయిలా
వికసించ నా మది పున్నమి రేయిలా

1.నా దారి మారింది నువే లేక ఎడారిగా
ఎద తోడు కోరింది దప్పిక తీర్చే సరస్సునీవుగా
ఎడతెగని నిశీధికీ నీవే ఒక ఉషస్సుగా
ఎలమావి తోటలో  కిసలయ రుచులు గ్రోలగా
వినిపించవే అభినవ కోయిలా
వికసించ నా మది పున్నమి రేయిలా

2.నీ గానామృతమే జలపాతమై తడిపేయగా
నీ ప్రణయ గంగలో నే మునకలు వేయగా
కడతేరనీ జన్మజన్మలు నీ కమ్మని ఒడిలో
నను తరించనీ యుగయుగాలూ ఇదే ఒరవడిలో
వినిపించవే అభినవ కోయిలా
వికసించ నా మది పున్నమి రేయిలా

https://youtu.be/rz5g7qSMEbI?si=61lz1CLHe-IiNfct

రచన,స్వరకల్పన&గానం:డా.రాఖీ

మా పొదరింటికినీవే సింహద్వారం
మా మనసులకీవే అపూర్వ మణిహారం
ఎన్నటికీ చెరగని చిరుదరహాసం
ఆరారు ఋతువులకూ నీవే మధుమాసం
మా కన్నుల జాబిలీ సిద్దీశ్ గొల్లపెల్లీ
అందిస్తున్నా జన్మదిన దీవెనలు పాటగ అల్లీ
హాప్పీబర్త్ డే టూ యూ సిద్దికన్నా
విష్యూ హాప్పీబర్త్ డే టూ యూ

1.అమ్మానాన్నల అనురాగం రాగమై
చిన్నారి తమ్ముని అభిమానం గానమై
బంధుమిత్రులందరీ శుభకామనల బృందగానమై
నీ పుట్టినరోజే జగతికి అపురూపమై
వర్ధిల్లు వెయ్యేళ్ళు ఆయురారోగ్యాలతో
విలసిల్లు అసమాన కీర్తి ప్రభలతో
హాప్పీబర్త్ డే టూ యూ సిద్దికన్నా
విష్యూ హాప్పీబర్త్ డే టూ యూ

2.కొలవలేని ఓపికే వ్యక్తిత్వ దీపికగా
ఎనలేని ప్రతిభయే నీ ప్రగతికి సూచికగా
పదిమందిసాయపడే మానవతా వాదిగా
వంశానికె వన్నె తెచ్చు  పరసువేదిగా
వర్ధిల్లు వెయ్యేళ్ళు వినాయకుని కరుణతో
విలసిల్లు కొండగట్టు హనుమంతుని అండతో

https://youtu.be/JLmMSzmPNu0

రచన,స్వరకల్పన&గానం:డా.రాఖీ

రాగం:మధ్యమావతి 

మూఢ భక్తి నీకెంత ఇష్టమో- భోళా శంకరా
గాఢ భక్తి అది ఎంత స్పష్టమో-భక్తవ శంకరా
నెలవంక దాల్చిన జంగమదేవరా గంగాధరా
నా వంక నీవేల రావేలరా  గౌరీవరా అనంగాహరా

1.నాగమణులు రాళ్ళనుకొను ఏనుగు
పత్రి పుష్పాలే చెత్తాచెదారమనే నాగు
దారాల అల్లికతో నీడకూర్తునను సాలెపురుగు
నీపై నిశ్చల భక్తివినా మరి యేమి ఎరుగు
కరుణించవేరా శ్రీ కాళహస్తీశ్వరా
నేనూ పరమ మూఢుణ్ణి గమనించరా

2.గజచర్మాంబరధారిగ గజాసురుని బ్రోచావు
చిరంజీవిగా మార్కండేయుని దీవించావు
కన్నప్పను గుణనిధినీ విధిగా కృపజూచావు
సిరియాళుని వరమొసగగ పరీక్షించినావు
దయజూడవేలరా వేములాడ రాయేశుడ
నేనూ వెర్రిబాగులోడనే పరికించి చూడ

రచన,స్వరకల్పన&గానం:డా.రాఖీ

విరబోసిన నీలికురుల కృష్ణఝరిని కానా
అరవిరిసిన విరజాజిగ నీ జడను చేరిపోనా
ముగ్ధమోహనం నీ వదనం
మకరంద సాగరం నీ అధరం
బొట్టునై వెలగనా నుదుటన
పుట్టమచ్చనై మెరవనా పెదవంచునా

1.సోయగాల నల్లకలువలే నీకళ్ళు
మిసమిసలొలికే రోజాలే చెక్కిళ్ళు
శంఖమంటె ఏమిటో తెలిపే నీ కంఠము
పసిడివన్నె పరిఢవిల్లు నీసుందర దేహము
ఏ జన్మలోను చెలికానిగాను నను మనని
ఈసారికైనా ఆలకించవే నీ దాసుని మనవిని


2.ఊరించే చూపులు ఉడికించే నవ్వులు
తెలిపేను ఎదలోని ఎన్నెన్నో మర్మాలు
నీ మౌన గానాలు కుదిపే నా పంచప్రాణాలు
గుచ్చుకున్నాయెన్నో గుండెకు విరుల బాణాలు
అలరించవే చెలీ ననుచేరి ఆమని భామినిగా
మన జీవనమే పరిణమించగా బృందావనిగా

https://youtu.be/31U5bXfGI9M?si=cQig3kampIpMw2Fl

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:శివరంజని

నీదీనాదీ ఒకటే దేశం
మనలో మనకు ఎందుకు ద్వేషం
వేరనడానికీ నెపములెన్నెన్నో
మనమొకటని భావించగా-కారణమొకటైన దొరకదా
బోలో భారత్ మాతకీ జై-బోలో దునియాకీ జన్నత్ కో జై

1.నేను నా కుటుంబం నా వీథి నాఊరు
నా జిల్లా నా రాష్ట్రం అంటూ విడివడతారు
నా శాఖ నా కులము నా మతమే శ్రేష్ఠము
 నా యాస నా భాష నా ప్రాంతమె నా కిష్టము
పెంచుకోర సోదరా హృదయ వైశాల్యము
కలుపుకుంటె నీదిరా సువిశాల భారతం
బోలో భారత్ మాతకీ జై-బోలో దునియాకీ జన్నత్ కో జై

2.జాతీయస్ఫూర్తియే భరతావనికి పెట్టని కోట
ఐకమత్య లౌకికతే ఇంటా బయట భద్రతకు బాసట
ఘనములకు ఝరులకు జలధికి అనుబంధం
ఒకే దేశ ప్రజాస్వామ్య వారసులం మనకెందుకు భేదం
చేయి చేయి కలుపరా  ప్రగతి బాట పట్టరా
ఎదను ఎదుటను ఎదురౌవైరులను తరిమితరిమి కొట్టరా
బోలో భారత్ మాతకీ జై-బోలో దునియాకీ జన్నత్ కో జై

https://youtu.be/hfKq3Zrt6m8?si=WVETdfk4NxVPI3CM

రచన,స్వరకల్పన&గానం:రాఖీ

రాగం:మోహన

ముక్కోటి దేవతలకు ఒక్కనాడె దర్శనము
వైకుంఠ ఏకాదశి దర్శనము
ఉత్తర ద్వారాన దర్శనము
కోట్లమంది భక్తులకు దివ్య దర్శనం
ప్రభో అను నిత్య దర్శనం
స్వామీ సామీప్య దర్శనం
చిద్విలాసా హే శ్రీనివాసా
అర్ధనిమీలితనేత్రా హే ఆప్తమిత్రా

1.మునులకు ఋషులకైన దుర్లభమే నీదర్శనం
ఇంద్రాది సురులకైన పరిమితమే నీప్రాపకం
ప్రహ్లాద నారదాది భక్తులకూ పరమ విశేషం
సామాన్య మనుజులకు సర్వ దర్శనం భవ్య దర్శనం
ప్రభో అను నిత్య దర్శనంస్వామీ సామీప్య దర్శనం
చిద్విలాసా హే శ్రీనివాసా -అర్ధనిమీలితనేత్రా హే ఆప్తమిత్రా

2.సుప్రభాత సేవ దర్శనం సుఖదాయకం
అభిషేక సేవలో  నిజరూప దర్శనం
తోమాల సేవ దర్శనం నయనానందకారకం
నిత్యకల్యాణ దర్శనం లోక కల్యాణార్థము
సడలింపు పూలంగి తిరుప్పావడ ఏకాంత సేవలు
పూర్వ జన్మసుకృతాన సులభసాధ్యము
చిద్విలాసా హే శ్రీనివాసా -అర్ధనిమీలితనేత్రా హే ఆప్తమిత్రా

రచన,స్వరకల్పన&గానం:రాఖీ

రాగం:రేవతి

“ మాంగల్యం తంతునానేనా
మమజీవన హేతునా!
కంఠే భద్నామి సుభగే
త్వం జీవ శరదాం శతం!! ”

ఎలా కలుపుతాడో భగవంతుడు
భిన్నమైన ధృవాలను
ఎందుకు ముడిపెడతాడో పరమేశ్వరుడు
విభిన్నమైన మనస్తత్వాలను
ఎంతటి బలమైనతాడో చెరోవైపు లాగినా తెగనే తెగదు
ఎందుకీ మాయలో పడతాడో తెలిసీ వగచుట తగదు

1.దాంపత్య మంటేనే ఆధిపత్య రాహిత్యం
నవరసాలు నిండిఉన్న అద్భుత సాహిత్యం
అభిప్రాయభేదాలకు తగ్గదు సాన్నిధ్యం
నిత్యం వాదనల నడుమ చెదరదు బాంధవ్యం
ఎంతటి బలమైనతాడో చెరోవైపు లాగినా తెగనే తెగదు
ఎందుకీ మాయలో పడతాడో తెలిసీ వగచుట తగదు

2.భారతీయ వైవాహిక వ్యవస్థ ఘనతనో ఇది
వేదమంత్రాలలోని మహిమాన్విత ఫలితమో ఇది
ఒకరిపట్ల ఒకరికున్న విశ్వసనీయతనో ఈ గుఱి
కాపురాల కాలాంతర అనురాగ మర్మమో మరి
ఎంతటి బలమైనతాడో చెరోవైపు లాగినా తెగనే తెగదు
ఎందుకీ మాయలో పడతాడో తెలిసీ వగచుట తగదు

రచన,స్వరకల్పన&గానం:రాఖీ
రాగం:విహాగ్

నలిగిపోతున్నాడు నేటి కవి
అలిగి మిన్నకున్నాడు భావాల పీకనులిమి
నిరంకుశా కవయః నిన్నటి మాట
ఆచితూచిఅడుగులదీ ఈనాటి బాట

1.విస్తృతమై వరలుతోంది ప్రకటనా మాధ్యమం
అంతర్జాలవేదికయే నడుపుతోంది ఉద్యమం
అన్నీ ఉన్నా గాని అల్లుడి కేల్నాటి శని
నవ్వలేని ఏడ్వలేని త్రిశంకు స్వర్గమిది
గణణీయమై గుణహీనమై కబంధహస్తాల బలహీనమై
కవుల భవిత ఎంతో వేదనగా ఆదరణే కరువైన అనాధగా

2.ప్రశ్నించే యధార్థవాది విప్లవాల ప్రబోధిగా
తాన అంటే తందాన అనగ అస్మదీయులుగా
సభ్యసమాజానికే కవి జవాబు దారుడిగా
రాజకీయ పార్టీలకు కంటగింపు వాడిగా
రాసే భావాలకు కత్తిరింపు వేసి ఎగసే ఆవేశం అణచివేసి
కనిపించని ఉక్కు సంకెళ్ళతో తానుగా మనసనే చెఱసాలలో

రచన,స్వరకల్పన&గానం:రాఖీ

రాగం:భైరవి

జాబిలి నవ్వింది ఆమని పూసింది
ఆనందం జల్లుగా అవనిపైన కురిసింది
మౌనమే ధ్యానమై నా మనసు మురిసింది

1.ఆటుపోటులన్నిటిని తట్టుకొంది తీరము
కంటిలోని సంద్రానికి వేయలేము యాతము
ఎగసిపడే ఎదమంటకు ఏల వగపు ఆజ్యము
నివురుగప్పుకొంటె నిప్పుకెప్పటికీ సౌఖ్యము

2.నరికి వేయు నరులకూ చెట్లు చేటు చేయవు
మురికి చేయు మనుజులకూ నదులు విషమునీయవు
పంచలేమ నలుగురికీ  ఖర్చులేని నవ్వులను
ప్రకటించలేమ పదిమందికి ప్రేమానురాగాలను

https://youtu.be/3hANlTlEcJ4

రచన,స్వరకల్పన&గానం:డా.రాఖీ

రాగం:కల్యాణి

నా చిత్తపు వ్యవహారము-నీ చిత్తానుసారమే
నా సాహితి వ్యవసాయము-నీ ఆనతి మేరకే
మేధావిని వేదాగ్రణి వాణీ పారాయణీ
నమోస్తుతే సరస్వతి హే భారతి కల్యాణీ

1.అక్షరములు రుచించనీ భావ పథములై
నా పదములు గమించనీ పరమ పదముకై
నవరసములు రంజింపనీ పాఠక హృద్యములై
నా కవన గీతములే నీకు నైవేద్యములై
కదిలించవె నాకలమును అనితర సాధ్యముగా
దీవించవె నారచనలు అజరామరమవగా

2.మనోధర్మ సంగీతము జన మనోహరముగా
తన్మయమౌ రాగతాళ స్వరకల్పన వరముగా
గాయకులే పరవశించి పాడుకొనే గేయముగా
శ్రుతి లయ గతితప్పని అపురూప కీర్తనగా
పలికించవె నా గళమును పదికాలాలు
ఒలికించవే నా పాటలొ  మకరందాలు

https://youtu.be/v4qnytRgkxY

రచన,స్వరకల్పన&గానం:రాఖీ

రాగం:హంసానంది

ఫకీరుగా నిన్ను భావింతురు కొందరు
పరమాత్మగానూ ఎంచెదరింకొందరు
కులమతాలకతీతమౌ నాదమే  నీవు
బైబిల్ ఖురాన్ గీతామృతమౌ  వేదమే నీవు
మానవతకు నిలువెత్తు రూపానివి నీవు
సాయిరాముడవీవు సాయి బాబా నీవు

1.సంకుచితమగు మా బుద్ధికి అందదు నీ తత్వము
గిరిగీసికొని బ్రతికే మాకు బోధపడదు విశాలత్వము
 సద్గురువుగా  నిన్ను స్వీకరించమైతిమి
మహనీయమూర్తిగా అనుసరించమైతిమి
నీ మహిమ నెరుగలేనీ మూర్ఖులమే మేము
నీ లీల లేవీ కనలేని  మూఢులము

2.అభిమతాల కనుగుణంగా మతమునంటగడతాము
నచ్చిన రూపాలలోనే నిన్ను పిలుచుకుంటాము
అవధులలో కుదించలేని అవధూతవీవు
అల్లా జీసస్ కృష్ణులా అవతారమే నీవు
నీ జ్ఞాన జ్యోతిని వెలిగించు మా లోన
సౌహార్ద్ర సౌరభాన్ని వెదజల్లు మా పైన

OK

https://youtu.be/1kMwJ5ZU7-8?si=_tf5bj3oXzMY1vDu

అమ్మా అమ్మా దేవతవే నీవమ్మా
అమ్మా అమ్మా నా బ్రతుకే నీదమ్మా
నేనడిచే సన్మార్గం నీ చలవేనమ్మా
నా పాలిటి ఇల స్వర్గం నీవే నమ్మా
నీ గోరు ముద్దరుచినే నా మనసు మరువకుంది
నీలాలి పాట ఇంకా నన్ను నిదుర పుచ్చుతోంది

1.వ్యక్త పరచలేనమ్మా నీపైని నా ప్రేమని
బదులు ఇవ్వలేనమ్మా నువు చూపెడి ఆ మమతని
దూరాలు పెరిగాయి నీ దరి మనలేక
పలుకరించనైతి నా వెతను తెలుపలేక
మన్నించవమ్మా నిను మన్నన సేయనైతి
కినుకేలనమ్మా నా తలపులనిను నిలిపితి
నీ చేతి వంట తినగ వస్తానమ్మా
నీ పలుకుల పంచదార తింటానమ్మా

2. తట్టుకోనైతిని నువు మోసేబాధ చూసి
సాయపడకపోతిని మిషతో నే దాటవేసి
కష్టాలకు చిరునవ్వే మందని నేర్పావు
కన్నీళ్ళకు తావీయని దృఢ హృదయము నిచ్చావు
ప్రతి జన్మలోనూ నీ కడుపున ననుమోయి
అమితమైన అనురాగం నా కందగజేయి
మళ్ళీపుట్టినపుడు నిను మాడ్వనమ్మా
విధి ఎంతగ వేధించినా నేనేడ్వనమ్మా

OK

రచన,స్వరకల్పన&గానం:రాఖీ

సిత్రమే కవి బతుకు శివుడా
ఆత్రమేలా తనకు భావాలు కక్కంగ భవుడా
పట్టమంటే కప్ప ఒప్పుకోదాయే
విడవమంటే పాము తప్పుకోదాయే
కత్తిమీదిసాము తీరాయే కలమునకు
స్వేఛ్ఛలేకా రాయు కవితలవి ఎందులకు

1.అనుభూతి చెందికద చేయాలి రచనలు
శబ్దరస స్పర్శరూపగంధాలె స్పందనలు
నవరసాలొలికించ తగినదే గద సాహితి
రవిగాంచడేమొగాని కవికేది పరిమితి
కట్టడితొ పుట్టునా కమనీయ కావ్యాలు
ఆంక్షలతొ తీర్చునా అక్షరాలు  లక్ష్యాలు

2.శృంగారం నిశిద్ధమే సభ్యసమాజానికి
అభ్యుదయం కంటగింపు ప్రతి ప్రభుత్వానికి
కరుణరసం పెడసరం నిత్యానందులకు
భీభత్సం భయానకం రౌద్రాలు ఎందులకు
శాంత హాస్య అద్భుతాలు తయారే విందులకు
దశమరసమె మౌనం దాల్చాలి సుఖమందులకు 

రచన,స్వరకల్పన&గానం:రాఖీ
రాగం :శహనా

ఎదురుచూచు వేళలో అభిసారికవో
ఎదను పరచుసమయాన అపర రాధికవో
వలపుకుమ్మరించగా వరూధినీ ప్రతీకవో
అలకబూను తరుణాన ఆభినవ సత్యభామవో
ఓ చంద్రముఖీ నా ప్రాణ సఖీ
నీవులేక నిలువలేను నిమిషమైనా
నినువినా మనలేను ఓక్షణమైనా

1.మైనాను మరిపించును నీ పలుకులు
కలహంసను తలపించును నీ కులుకులు
మయూరమే తయారగును గురువుగ నినుగొనుటకు
చకోరమే దరిచేరును నీకౌముది గ్రోలగనూ
ఓ చంద్రముఖీ నా ప్రాణ సఖీ
నీవులేక నిలువలేను నిమిషమైనా
నినువినా మనలేను ఓక్షణమైనా

2.ముంగిలియే తపించునీ రంగవల్లి కోసమూ
లోగిలిలో తులసికోట ఆశించును సావాసము
గృహమంతా శోభించునీ ఆలన పాలనలో
నా మనసే సేదదీరు నీ ఒడిలో కౌగిలిలో
ఓ చంద్రముఖీ నా ప్రాణ సఖీ
నీవులేక నిలువలేను నిమిషమైనా
నినువినా మనలేను ఓక్షణమైనా

https://youtu.be/8OsBHhtsMQ0

రచన,స్వరకల్పన&గానం:రాఖీ

అవతారమెత్తుతాడు చక్రధారి
అవనీతలానా దనుజవైరి  శ్రీహరి
దుర్జనులను నిర్జించగ-దుష్కృతాలు హరియించగ
వినతులు వింటాడు-వెంటనే ఆదుకొంటాడు
కొలువుదీరి ఉంటాడు-కలియుగవైకుంఠమైన
వేంకటాద్రి శిఖరానా
గోవిందా గోవిందా గోవిందా గోవిందా

1.నదులవరదగొనితెచ్చి-పాపుల ముంచేయును
సుడిగాలిఒడిజేర్చి-కౄరుల పరిమార్చును
అగ్నిశిఖల పడద్రోసి-దూర్తుల దహియించును
పంచభూత ప్రళయాలతో-పతితుల పరిమార్చును

1.పిడుగుపాటు కలుగజేసి-నిహతులవగజేస్తాడు నికృష్టులను
భూకంపాల భీభత్సాన-మట్టుబెట్టి మట్టికప్పు త్రాష్టులను
ఏమానవుడిగానో ఉసురుదీసి-మసిజేయును కామోన్మాదులను
పంచభూత ప్రళయాలతో-పతితుల పరిమార్చును

https://youtu.be/UPOAXRaZ7Kc

రచన,స్వరకల్పన&గానం:రాఖీ

సాయం కోరితి షిరిడీ సాయి నిన్నూ
భరోసా ఇమ్మని బతిమాలితిని బాబా నిన్నూ
ఎవరినడిగినా గాని నీగొప్పలు చెబుతారు
నీ లీలల అనుభవాలనూ ఏకరువెడతారు
నమ్మశక్యమౌతుందా అనుభూతి చెందేవరకు
మా ఇడుములు బాపక తప్పదు నీ ఉనికి కొరకు
శరణంశరణం సాయీ శరణం షిరిడీసాయీ॥

1.నీ నామం జపియించినంతనె- మనఃశ్శాంతి దొరికునందురు
గురువారం ఉపవసించగా-కోరికలీడేరునందురు
షిరిడీలో నీదర్శనమ్ముతో-చిత్త భ్రమలు తొలగునందురు
విభూతిని నుదుట ధరించిన-భయములు మటుమాయమందురు
నమ్మశక్యమౌతుందా అనుభూతి చెందేవరకు
మా ఇడుములు బాపక తప్పదు నీ ఉనికి కొరకు
శరణంశరణం సాయీ శరణం షిరిడీసాయీ॥

2.మా దృష్టి నీపై ఉంటే  బాధ్యతగా మము కాతువందురు
నీ చరిత్ర పారాయణతో-చిక్కులన్నీ తీరునందురు
దానగుణము కలిగుంటే సంపదలు తులతూగునందురు
నిన్ను శరణుపొందితే వ్యాధులన్ని నయమౌనందురు
నమ్మశక్యమౌతుందా అనుభూతి చెందేవరకు
మా ఇడుములు బాపక తప్పదు నీ ఉనికి కొరకు
శరణంశరణం సాయీ శరణం షిరిడీసాయీ॥

OK

రచన,స్వరకల్పన&గానం:రాఖీ
రాగం:కాంభోజి

దేహం నువ్వైతే ప్రాణం నేనౌతా
రాగం నువ్వైతే-గీతం నేనౌతా
దవనం నువ్వైతే మధురిమ నేనౌతా
ప్రణయం నీదైతే నే పరవశమైపోతా

1.నీ కనుబొమల కనుమల్లో ఉదయ సింధూరమౌతా
నీ పెదవుల సింగారానికి అరుణ మందారమౌతా
నీమానస సరోవరంలో కలహంసనై నేవిహరిస్తా
నీపదముల మంజీరము నేనై కదలికల రవళిస్తా
దేవత నీవైతే కోవెల నేనౌతా
నీజీవిత పల్లకీ బోయీని నేనౌతా

2.సాధారణ కృత్యాల్లోనూ మధరానుభూతినౌతా
నిస్తేజ సమయంలోనూ ఉత్సాహం నేనైపోతా
ఎదలోని భావాలను రంజింల్లు కవితగ రాస్తా
నీ ఊహలచిరునావను స్వప్నదీవి నేచేరుస్తా
అమ్మవు నీవైతే అక్కునజేరుతా
పాపవు నీవైతే నా కనుపాపగ సాకుతా

రచన,స్వరకల్పన&గానం:రాఖీ

నా గానమా నా ప్రాణమా
నా జీవమా నా సర్వమా
నా మౌనమా నా ధ్యానమా
నా లోకమేనీవెగా నాసర్వస్వమా

1.గుండెలు రెండు లయ ఒక్కటిగా
కన్నులు నాలుగు ఒకటే చూపుగా
దేహాలు వేరైనా భావాలు ఒక్కటిగా
యుగళద్వయ పాదాలైనా-నడుచు మార్గమొక్కటిగా
పెనవేసుకొంది బంధం యుగాలు దాటి
సాగుతోంది మన పయనం గ్రహాలు మీటి

2.నీలో చీకటి తొలగించే రవినే నేనౌతూ
నీపై వెన్నెల కురిపించే శశినే నేనౌతూ
నదులు సంగమించి కడలైనట్టుగా
మరులుగొన్న విరితావుల్లో మకరందమైనట్లుగా
నేనూ నీవూ  కోల్పోయి మనమై పోయాము
పరస్పరం ఐక్యమై ఒకరిగ మారాము

https://youtu.be/6cH2Ew1il_o?si=ssQzwnrku-5dUHyK

రచన,స్వరకల్పన&గానం:డా.రాఖీ

అలంకారప్రాయమేనా నీ ఆయుధాలన్నీ
పటాటోప భయంకరమేనా నీ విలయనర్తనలన్నీ
రుద్రుడవూ వీరభద్రుడవనునవి నేతి బీరనామాలేనా
మూసుకున్న మూడోకన్ను మదనుని పాలేనా
తలుచుకుంటే శివా జరుగదా ఘోరకలికి న్యాయం
భరతావనిలో భద్రతకరువై ప్రతి కలికి  అయోమయం

1.కుముదాన్ని ఊదితే అవని వణికి ఊగదా
ఢమరునాదమొక్కటే గుండెలదరజేయదా
త్రిశూలాన్ని వాడితే పశుప్రవృత్తి మాయాదా
అనాలంబి మీటితే అనురాగం విరియదా
తలుచుకుంటే శివా జరుగదా  ఘోరకలికి న్యాయం
భరతావనిలో భద్రతకరువై ప్రతి కలికి అయోమయం

2.బుసలుకొట్టు కామాన్ని బూదిచేయవేమయా
గరళకంఠా మద్యమునింక ఇల హరించవేమయా
జనులకొకటె మత్తుకలుగా భక్తి ననుగ్రహించవయా
పడతులంత పార్వతీ మాతగా తలపించవేమయా
తలుచుకుంటే శివా జరుగదా ఘోరకలికి న్యాయం
భరతావనిలో భద్రతకరువై ప్రతి కలికి అయోమయం

అలంకారప్రాయమేనా నీ ఆయుధాలన్నీ

పటాటోప భయంకరమేనా నీ విలయనర్తనలన్నీ

రుద్రుడవూ వీరభద్రుడవనునవి నేతి బీరనామాలేనా

మూసుకున్న మూడోకన్ను మదనుని పాలేనా

తలుచుకుంటే శివా జరుగదా ఘోరకలికి న్యాయం

భరతావనిలో భద్రతకరువై ప్రతి కలికి అయోమయం

దిగబడింది గునపమల్లె
గుండెలోతుల్లో గులాబీముల్లు
మరులుగొంటి భ్రమరమల్లె
మధుర సుధలుగ్రోలు కాంక్షమీర
పూవూ తుమ్మెద బంధమేనాటిదో
రెంటి ప్రణయ బంధమే పాటిదో

1.సీతాకోకా చిలుకలతో పోటీ
తేనేటీగలా ధాటిని దాటీ
నల్లనైన తన ఆకృతి తోటి
ఝంకార సరాగాలె మీటి
ఆకట్టుకోవాలి అందాలవిరులను
రసపట్టు పట్టాలి మకరంద ఝరులను

2పంకజాల జాలం మత్తు మందే
పడమటి పొద్దు వాలకముందే
వదిలి వెళ్ళి తీరాలి కౌగిలి పొందే
తృటిపాటి జాప్యమైతె బ్రతుకుఖైదే
నొప్పింపకతానొవ్వక తప్పుకోవాలి
ఏగాయ మవకుండా ఎగరాలి సుమాలవాలి

కన్నీటిని సిరాగా  నింపిన కలంతో
రాస్తే ఏం కనబడుతుంది గుండె కోత కవితగా
కత్తి దింపి స్రవించిన రక్తంలోనో
కాల్చేసిన మసికల్గిన ద్రావకంలోనో
ముంచి లిఖించు ప్రపంచం కాంచకమానదు
ప్రతి రచనను శిరోధార్యంగా ఎంచక మానదు

1.మితిమీరుతున్నది నానాటికీ నాతి అభద్రత
గతితప్పుతున్నది సమాజంలో వ్యక్తి బాధ్యత
తప్పులను కప్పిపుచ్చు కప్పదాటు చట్టాలు
క్రూరనేరస్తులనూ సమర్థించు న్యాయపరిధి లొసుగులు

దోషులపాలిటి యమపాశలయ్యేలా తక్షణ తీర్పులు
పెట్రేగే అంగాలను ఖండించే రీతి కఠినాతి కఠిన శిక్షలు

2.పునరావృతమౌతుంటే నిర్భయ దుర్ఘటనలు
ఓట్లు రాల్చగలవా కులమత రాజకీయ నటనలు
స్త్రీజాతికి ఎంతటి దుర్గతి భరతమాత లోగిలిలో
దారుణ మారణ మూలాలు పెకలించగ ఏలమీనమేషాలో
రతనాలు అంగళ్ళలోనాడు మద్యం మాదక ద్రవ్యాలు నేడూ
విద్య వైద్యం విపణిలోనేడు  విచ్చలవిడి విలువల దిగజారుడూ

అందరు నిదురోయాక-మేలుకొంటానేను
కవితలద్వారా జగతికి-మేలుకోరుతాను
ఎప్పుడూ కనుమూయని కవినే నేను
అర్దరాతిరైనా వెలిగే రవినే నేను

1.కడుపులొ ఒకటి బయటకు ఒకటి ఎరుగనివాడను
పర్యవసానం ఏదైనా కుండ బ్రద్దలుకొడతాను
ఇతరులు చూడని కోణంలో వెతలను చూస్తాను
విషయం ఏదైన ఎదలకు హత్తుకునేలా చేస్తాను
చైతన్యం జ్వలించే మిత్రుడనేను
అనునిత్యం సత్యం వచించే పవిత్రుడనేను

2.ఎడారి బ్రతుకుల ఎప్పుడు నిలిచే వసంతం నేను
మాటపెగలని మనుషుల తరఫున సమర శంఖం నేను
చిరుస్పర్శకే పులకించిపోయే చిగురాకునే నేను
ప్రశంసకే పొంగిపోయే పసి హృదయం నేను
అర్థంకానివారికి పిచ్చి మాలోకం నేను
పరమార్థం గ్రహించువారికి హాయిగొలిపే మైకం నేను

రిటైర్ మెంట్ song

https://youtu.be/IGehXnIyjbI

రేపటి నిర్వేదం విస్మరించి
తీరని మీ  స్వప్నం ఫలించి
ఫించనే ఆసరాగా హాయిగా బ్రతుకే సాగాలి
ఉద్యోగజీవిత అనుభూతులను నెమరేసుకోవాలి
పదవీ విరమణ తదనంతరమూ ఆనందంగా గడపాలి
అభినందనలు నీకివే మిత్రమా
శుభాకాంక్షలివిగో నా నేస్తమా

1.జీతం కోసమే పనిచేసినా
జీవితాంతం కర్తవ్యానికె కట్టుబడినారు
ఉద్యోగ ధర్మమే ఐనా
ప్రజలకు వీలైనంతగ సేవచేసినారు
యాజమాన్యపు అంచనాలను మించిపోయారు
ఉన్నతపదవులనెన్నెన్నో అధిరోహించారు
మీ నిబద్ధతకు జోహారు మిత్రమా
మీ సౌమ్యతకు జేజేలూ నేస్తమా

2.బాధ్యతలన్ని నెరవేర్చుకొని
కుటుంబానికే అండగ నిలిచారు
కఠినంగా వ్యవహరించినా
ఏ కల్మషాలను ఎరుగని వారు
స్నేహానికెంతగానో విలువిచ్చారు
ఆటుపోట్లనెన్నో తట్టుకున్నారు
మీక్రమశిక్షణకే జోహారు మిత్రమా
మీ విజ్ఞతకే జేజేలు నేస్తమా

https://youtu.be/HFGocHtWfnU?si=ET0FsNtVzfQYr3sG

రచన,స్వరకల్పన&గానం:రాఖీ

రాగం:చంద్ర కౌస్ 

మేలుకొనవు అదేమి స్వామీ⁉️

మేము పాడే మేలుకొలుపులన్నీ వృధానా ఏమీ

ఉన్నావో లేవో అనెడి శంక మా కిపుడింక

ఉండీమిన్నకుంటూ చూడవేమో మా వంక

తిరుమల తిరుపతి శ్రీ వేంకటేశా

ఊరకుండిన నేరమౌను నీదే ఓ శ్రీనివాసా

తిరుమల తిరుపతి శ్రీ వేంకటేశా

ఊరకుండిన నేరమౌను నీదే ఓ శ్రీనివాసా

1.శచీపతి వంచనకు గురియైన ఆ అహల్య నాదరించలేదా

సీతామాతను చెఱబట్టిన రావణుడినీ మట్టుబెట్టలేదా

వేచిచూచిన శబరిని బ్రోచితివన్నది కట్టు కథేనా

స్త్రీ పక్షపాతివే నీ ప్రతీ అవతారమునందునా

ఉదాసీనమేలయ్యా కలి సుదతుల కడగండ్ల ఎడల

తిరుమల తిరుపతి శ్రీ వేంకటేశా

ఊరకుండిన నేరమౌను నీదే ఓ శ్రీనివాసా

2.దుశ్శాసన దుర్యోధనాదుల తుదముట్టించలేదా

కీచకుడి పీచమణచగ భీముడి తోడై నిలువగలేదా

ద్రౌపదిని పదేపదే ఆదుకొన్నది నీవెనన్నది నిజంకాదా 

నీవేగద మార్చినది కుబ్జనొక స్పర్శతో సుందరిగా 

నిర్లక్ష్యము నీకేల కలి  కోమలాంగుల కాపాడగా 

తిరుమల తిరుపతి శ్రీ వేంకటేశా

ఊరకుండిన నేరమౌను నీదే ఓ శ్రీనివాసా

OK

పోయేప్రాణం మనదే-జరిగే నష్టం మనదే
అవమానాలు మనకే-అత్యాచారం మనకే
అవకాశాలే ఇవ్వకూడదు దొంగనాయాళ్ళకు
అడుసుతొక్కి వగచకూడదు కడుగ నీళ్ళకు
జాగ్రత్తలనే మరువకూడదు పొరపాటుగానైనా
నిర్లక్ష్యం అసలేకూడదు  ఏమరుపాటుగనైనా

1.కురచైన దుస్తులతో ఎందులకా ప్రదర్శనలు
భారతీయ కట్టుబొట్టు జగతికి ఆదర్శాలు
విప్పికుప్పబోసాక పశువాంఛే పెట్రేగదా
అందాలనారబోస్తే వెర్రే శృతిమించదా
మగమనసే ఒక వానరము-
అదుపుతప్పు  ప్రతినరము
మృగాలనే రెచ్చగొట్టి  లబోదిబో మనడమెందుకు
పడతికి ప్రతిగా ఏ పసిదాన్నో బలిఎందులకు

2.విచక్షణను కోల్పోవడమే వైపరీత్య కారణము
మత్తులో మైకంలో వావి వరస మరవడము
విదేశీ వికృతమోజులొ విలువలనే కోల్పోవాలా
అంతర్జాల మాయకు లోబడి కామంతో చెలరేగాలా
స్త్రీ స్వేఛ్ఛకు అవధులు లేవా
సమానతకు పరిధులు లేవా
ఆత్మరక్షణ కాయుధముంటే ఎన్నైనా చెప్పవచ్చు
డేగకన్ను పహరా ఉంటే విచ్చలవిడి విహరించవచ్చు

https://youtu.be/b3f8Jl2NCQ8

రచన,స్వరకల్పన&గానం:డా.రాఖీ

మనసాయె మనసాయిపై
షిరిడీ పయనమాయె తలపంత తానై
జయజయసాయీ జగద్గురుసాయీ
మాతండ్రి సాయీ మమతల సాయీ

1.పావన గోదావరిలో స్నానము చేసి
పూలమాలలు ప్రసాదాలు కొనుగోలు చేసి
తోటి భక్తులతొ సాయి లీలల నెమరేసి
ఓపికగా వరుసలొ నడవగ సమాధి కేసి
సాయి రూపమును దనివారచూసి
తెచ్చిన కాన్కల నర్పించేము మురిసి
జయజయసాయీ జగద్గురుసాయీ
మాతండ్రి సాయీ మమతల సాయీ

2.ధునిలో విభూతి నుదుటనబూసీ
తరలగ ద్వారకమాయీ కేసి
అడుగడుగున సాయి అడుగులు తలదాల్చి
సాయీబోధలు మననము జేసి
లేండీవనమున సంచరించి
తరియించెదము సాయి దీవెనలొంది
జయజయసాయీ జగద్గురుసాయీ
మాతండ్రి సాయీ మమతల సాయీ

రచన,స్వరకల్పన&గానం:రాఖీ
రాగం:హిందోళం

శుభోదయం వాట్సప్ సఖులకు
శుభోదయం ముఖపుస్తక నేస్తాలకు
శుభోదయం మిథ్యా ప్రపంచ ప్రముఖులకు
శుభోదయం బంధు మిత్రాదులకు,సహచరులకు
శుభోదయం శుభోదయం శుభోదయం

1.గతి తప్పని మీ నిత్యకర్మలకు శుభోదయం
ప్రగతి చేకూర్చే ప్రణాళికలకు శుభోదయం
సతీ సుతుల ఎడల మీ బాధ్యతకు శుభోదయం
మతిగలిగిన మీ ఆరోగ్య విషయ శ్రద్ధకూ శుభోదయం
శుభోదయం శుభోదయం శుభోదయం శుభోదయం

2.సాటి మనిషి పట్లమీ మానవతకు శుభోదయం
చేయదగిన మీ చిరు సాయానికి శుభోదయం
నవ్వుతు పదిమందికి పంచే నవ్వులకు శుభోదయం
విశ్వజనీనమైన మీ ప్రేమకూ శుభోదయం
శుభోదయం శుభోదయం శుభోదయం శుభోదయం

రచన,స్వరకల్పన&గానం:రాఖీ

రాగం:తోడి

ఎచటనున్నది భువన విజయము
ఏదీ అభినవ శ్రీకృష్ణ దేవ
రాయల విజయనగరము
రాజులూ మహరాజులేరీ
ఏరీ కళాపోషకులెచటగలడా భోజరాజు
ఆదరణకు నోచని కళాకారులెందరో
ప్రతిభకు గుర్తింపులేని కవిపుంగలెందరో
మరుగున పడి మగ్గుతున్న సంగీత స్రష్టలెందరో

1.ఎదురయ్యే అనుభవాలే సమసమాజహితాలై
ఎదపొందే అనుభూతులె కవితలు గీతాలై
ప్రతిక్షణం ప్రసవించే సృజనకారులెందరో
జనరంజకమొనరించే సృష్టికర్తలెందరో
ఆశించరే కానుకలను శభాషనెడి ప్రశంసలనె
ఊహించనూలేరు కప్పేదుప్పట్లని కొట్టగచప్పట్లనే

2.గజారోహణాలెక్కడ గండపెండేరాలెక్కడ
స్వర్ణకంకణాలెక్కడ సత్కారసభలెక్కడ
పత్రికలలో అచ్చైతే అదే కీర్తికిరీటం
కవిత చదువ వేదికపై అవకాశమె పురస్కారం
పైరవీలస్థాయి లేక అందుబాటునందలేని ప్రవీణులెందరో
పక్షపాత వాత పడి ప్రభుత వరకు చేరలేని ధురీణులెందరో

రచన,స్వరకల్పన&గానం:రాఖీ

రాగం:రాగమాలిక

తప్పదు నరుడై పుట్టిన పిదప
అరిషడ్వర్గపు పీడన
అనుభవైకవేద్యమే మనుజులకు
పంచేంద్రియ ఘర్షణ
యోగిపుంగవులకే కష్టసాధ్యము
స్థిరచిత్తపు ఏకాగ్రత
మనోనిగ్రహానికి ఏకైక మార్గం
వైరాగ్య యోచనతో సాధన                            (సారమతి రాగం)

1.కలికీ కనకాలే కలికాలపు మాయలు
సౌఖ్యాలు వైభోగాలే భ్రష్టత్వ కారకాలు
త్యజించ గలిగినప్పుడే తాపసులకు తాదాత్మ్యం
భ్రమరకీటక న్యాయంతోనే భువిభ్రమలకు అంత్యం
రాగద్వేషాలకు కాగలిగితె అతీతులం
రాజయోగమార్గాన పొందగలము కైవల్యం        (అభేరి రాగం)

2.పూర్వకర్మననుభవించడం ఆచరణీయం
నిత్యకర్మానుష్ఠానం గృహస్తు శిరోధార్యం
వర్ణాశ్రమధర్మాల ధర్మవర్తనం అనుసరణీయం
మర్కటకిషోర న్యాయంతోనే మహా ప్రస్థానం
అన్యధా నాస్తి శరణ తత్వ భక్తి
కర్మయోగమార్గాన అందించును ముక్తి              (మోహన రాగం)

3.ఆత్మపరిశోధనలో అన్వేషణ నిరంతరం
ఏకం సత్విప్రా బహుదావదంతి వేదాంతం
త్వమేవాహం భావనలో తత్వమసియె గమ్యం
ఏకమేవా ద్వితీయం బ్రహ్మయనే ఎరుకయె సోహం
నళినీదళగత జలమతి తరళ భంగి స్థితప్రజ్ఞత్వం
జ్ఞానయోగమార్గాన ప్రసాదించు మోక్షం              ( రేవతి రాగం  )

https://youtu.be/c9-GVOTOdnA

రచన,స్వరకల్పన&గానం:రాఖీ

రాగం:ఆరభి

త్రిపురాంతకా గరళము మ్రింగే నరుడను
త్రియంబకా మానవుడను ప్రకృతి హరుడను
త్రిగుణాతీతా మనిషిని భూలోకనాశకుణ్ణి
త్రికాలాధీశా మనుజుణ్ణీ కాలహరుణ్ణి
పాహి పాహి మహాదేవా
దేహిదేహి సుజ్ఞానము జగద్గురుదేవా

1.త్రికరణశుద్ధిగా నెరనమ్మితిరా
త్రిదళబిల్వపత్ర అర్చన జేసెదరా
త్రిశూలధారీ సతతము కాపాడరా
త్రిలోక హితమును చేకూర్చరా
పాహి పాహి మహాదేవా
దేహిదేహి సుజ్ఞానము జగద్గురుదేవా

2.త్రిపుర సుందరీ మనోహరా
త్రివిక్రమ ప్రపూజితా జితేంద్రియా
త్రేతాగ్ని నేత్రా పవిత్రా అత్రివరదా
త్రిజన్మ పాపకర్మ నిశ్శేష హారకా
పాహి పాహి మహాదేవా
దేహిదేహి సుజ్ఞానము జగద్గురుదేవా

OK

https://youtu.be/KkzPG7fBQH4

నా ఊహలు మల్లెపూలు-నీ తలలో తలపులలో
నా ఊసులు విరజాజులు-నీ కలలో కల్పనలో
నా బాసలు బంతిపూలు-ఈజన్మలో ఏడేడు జన్మల్లో

తనువంతా తన్మయమయ్యేంత

పరిమళాలు విరజిల్లుతున్నాయి ప్రేయసీ

జీవనవనమంతా మనప్రేమగా విరగబూసీ

పరిమళాలు విరజిల్లుతున్నాయి ప్రేయసీ

జీవనవనమంతా మనప్రేమగా విరగబూసీ

1.నా భావన కలువలు-నీ కన్నుల్లో పున్నమి వెన్నెల్లో
నా నందివర్ధనాలు
నీ పెదవుల్లో ముసిముసినవ్వుల్లో-నా స్మృతి మందారాలు
నీ బుగ్గల్లో నునులేత సిగ్గుల్లో-నా స్మరణ దవనాలు
తనువంతా తన్మయమయ్యేంత

పరిమళాలు విరజిల్లుతున్నాయి ప్రేయసీ

జీవనవనమంతా మనప్రేమగా విరగబూసీ

2.నా ధ్యాస చేమంతులు-నీమేని ఛాయలో వింతైన మాయలో
నా ధ్యానపారిజాతాలు-నీ తమకంలో ప్రణయమైకంలో
నా జ్ఞాపక రోజాలు-నాపై మోజుల్లో అన్నిరోజుల్లో
నీ విరహ అగ్నిపూలు-ఆరారు ఋతువుల్లో మన రతిక్రతువుల్లో

తనువంతా తన్మయమయ్యేంత

పరిమళాలు విరజిల్లుతున్నాయి ప్రేయసీ

జీవనవనమంతా మనప్రేమగా విరగబూసీ

నా ఊహలు మల్లెపూలు-నీ తలలో తలపులలో

నా ఊసులు విరజాజులు-నీ కలలో కల్పనలో

నా బాసలు బంతిపూలు-ఈజన్మలో ఏడేడు జన్మల్లో

తనువంతా తన్మయమయ్యేంత

పరిమళాలు విరజిల్లుతున్నాయి ప్రేయసీ

జీవనవనమంతా మనప్రేమగా విరగబూసీ

పరిమళాలు విరజిల్లుతున్నాయి ప్రేయసీ

జీవనవనమంతా మనప్రేమగా విరగబూసీ

https://youtu.be/8MSe1SV4h4A

రచన,స్వరకల్పన&గానం:డా.రాఖీ

రాగం:ఆనంద భైరవి

ఉగ్రమూర్తీ మాయ'మ్మా
భద్రకాళీ మా తల్లీ
విజయవాడ కనకదుర్గా
అలంపురం జోగులాంబా
వేములాడ రాజేశ్వరీ మాజననీ
శ్రీ రాజ రాజేశ్వరీ మా మాతా
తల్లీ నీకు పబ్బతులు-అమ్మా నీకు చేజోతలు

1.నిత్యము కాపాడే కలకత్తా రుద్రకాళీ
నిరతము కరుణించే మా లష్కరు మహంకాళీ
బదామిలో వెలసినా వనశంకరీ దేవీ
కళూరులో నెరిసినా మూకాంబికా మాతా
మనసున్న మధురా మీనాక్షీ
మముగన్నా తల్లీ కంచీకామాక్షీ
అమ్మా నీకు వందనాలు తల్లీ నీకు దండాలు

2.కాశీలో నెలకొన్న దయామయీ విశాలాక్షి
ఉజ్జయినిలొ కొలువున్న శక్తీ మహాకాళి
శ్రీ గిరిపై అలరారే శ్రీ భ్రమరాంబికా
శ్రీకాళ హస్తిలోని జ్ఞాన ప్రసూనాంబికా
కొల్హాపురిన వెలుగొందే తల్లీ మహాలక్ష్మి
బాసరలో భాసిల్లే శ్రీ జ్ఞాన సరస్వతీ
జననీ నీకు జేజేలు  తల్లీ నీకు హారతులు

https://youtu.be/Tk3oz4ErAag

రచన,స్వరకల్పన&గానం:రాఖీ

రాగం:సింధుభైరవి

వేంకట రమణా సంకట హరణా

దురిత నివారణ కరుణాభరణా 

పన్నగ శయనా పంకజ చరణా

దీనావనా పరమ పావనా

1.జగన్నాథ పురుషోత్తమ సంకర్షణా

ధర్మ సంస్థాపనార్థాయా దశావతారధరా

శిష్టపాలనా లక్షిత దుష్ట దానవ సంహరణా

భవబంధవిమోచనా భక్త పోషణా

2.ఈప్సితార్థ దాయకా యశోభూషణా

గరుడగమన గజవరదా ఆశ్రిత జన రక్షకా

మానినిద్రౌపదీ మాన సంరక్షకా

కలియుగ నిజ దైవమా వేంకటనారాయణ 

OK

రచన,స్వరకల్పన&గానం:డా.రాఖీ

చెలి సోగ కన్నుల కాటుకే
వగలొలికె వలపు కాటుకే
నను దాచిపెట్టి మది చాటుకే
మంత్రించి రప్పించె తన చోటుకే

1.అక్షరశరములు సంధించి
హృదయములో నను బంధించి
వంపుసొంపులను వడ్డించి
ఆకలి తీర్చె అధరములందించి

2.సరస రుచులను రంగరించి
సరికొత్త సరసాల పాఠాలు నేర్పించి
భువిలోనె స్వర్గాలు చూపించి
కైవల్యమిచ్చింది కౌగిలిపంచి

ఆశవు  నీవే-ధ్యాసవు  నీవే
ఆయువు పెంచే సంజీవనివే..
నామనసున ఇక దేవత నీవే
నాపెదవులపై ఒక పాటవి నీవే
నా పంచ ప్రాణాలూ నీవే-నా ఏడు జన్మలూ నీవే

1.పౌర్ణమి చంద్రుని చందం –అగుపించే నీ ప్రియ వదనం
   ఉదయించే భానుడి బింబం - తలపించే  నుదుటన తిలకం
   సృష్టిలోని అందాలన్నీ నీ రూప లావణ్యాలు
   క్రీ గంటి చూపుకే నీ పాదాక్రా౦తాలు
   చెలీ నా పంచ ప్రాణాలూ నీవే-నా ఏడు జన్మలూ నీవే

2.కొండవాగు నడకల్లోనా నీ నడుము వంపులు
  కడలి అలల తరగల్లోనా నీ నవ్వుల సొంపులు
  తలపులోకి నీవు రాక క్షణమైనా గడిచేనా
  యముడు వచ్చి పిలిచిన గాని  నా తనువు విడిచేనా
  చెలీ నా పంచ ప్రాణాలూ నీవే-నా ఏడు జన్మలూ నీవే

రచన,స్వరకల్పన&గానం:రాఖీ
రాగం:శివరంజని

గుండె పెకిలించినా-పీకనులిమేసినా
ఉండదేమొ ఇంతటి ఈ బాధ
చెలి చేయిజారినంత వ్యధ
కాలమా ఏమినీ మాయాజాలం
కనులు సంద్రాలయ్యే ఈ ఇంద్రజాలం

1.తొలిచూపుల ఆ శుభవేళ
ప్రేమ మొలకెత్తిన నిమిషాన
లెక్కవేయలేదు ఏజాతకాలు
ఎంచిచూడలేదు కులమతభేదాలు
సమాజానికెందుకో చెప్పలేని ఉత్సాహం
ఈ పెద్దలకెందుకో మొత్తుకునే రాద్ధాంతం
నిలువునా కాల్చేసినా-కడుపులో కత్తిదించినా
ఉండదేమొ ఇంతటి ఈ బాధ-చెలి చేయిజారినంత వ్యధ

2.ఊరికెంతెంతొ  కడుదూరానా
బ్రతకనీయరామీరు మమ్ము మా మానాన
విడదీయగలరేమో మా ఇద్దరి తనువులను
వేరుచేయసాధ్యమా ఏకమైన మనసులను
గడపాల్సిన రోజుల్లో విషాదాన్ని నింపుతారు
పండంటి జీవితాల్లో దుఃఖాన్ని వంపుతారు
విషము మ్రింగించినా-గొంతు ఖండించినా
ఉండదేమొ ఇంతటి ఈ బాధ-చెలి చేయిజారినంత వ్యధ

రచన,స్వరకల్పన&గానం:రాఖీ

రాగం:ఉదయ రవి చంద్రిక

ఎక్కడచూసినా మిక్కిలి చక్కదనం
నీ తనువే ప్రేయసీ జక్కనచెక్కిన శిల్పం
నొక్కులున్న చెంపలు-చిక్కిన నడుమొంపులు
చెలీ నీవే స్వప్న సుందరీ-సఖీ నీవే పుష్ప మంజరి

1.అపురూప శంఖమేమో నీ కంఠాన
పూర్ణకలశాలు నీ విశాల వక్షాన
కిన్నెరసాని హొయలేమో నీకటి వలయాన
అహో బిలమెదురాయే ఉదరావర్తనాన
నూగారు మార్గమాయే అడుగిడ స్వర్గాన
చెలీ నీవే స్వప్న సుందరీ-సఖీ నీవే పుష్ప మంజరి

2.కోడెనాగు బుసలేమో వాలుజడ కదలికల
ఇసుకతిన్నెలేమో వెన్నులోయ అంచుల
హంసల దండు నిన్ను అనుసరించేలా
అమృతమంతా నీ మధుర అధరాల
చంద్రికాపాతమంతా రెండునయనాల
చెలీ నీవే స్వప్న సుందరీ-సఖీ నీవే పుష్ప మంజరి

https://youtu.be/-Nnyy8MCR6Q

రచన.స్వరకల్పన&గానం:డా.రాఖీ

రాగం:లలిత

నమ్మితే నష్టమేమిటీ
సాయీ నినువేడితే కష్టమేమిటి
చీకటైన బ్రతుకులకు వెలుతురు నీవని
మండుతున్న గుండెలకు వెన్నెల నీవని
జయహో సూర్య తేజా జయహో యోగిరాజా
జయహో శీతకిరణా జయహో సాయినాథా

1.విశ్వాసమె నా శ్వాస
నీ ఎడల గురి నా ఊపిరి
నా హృదయమే ద్వారకమాయి
నా జీవితమే నీకంకితమోయీ
జయహో సూర్య తేజా జయహో యోగిరాజా
జయహో శీతకిరణా జయహో సాయినాథా

2.నీ నామమె స్మరణీయం
నీ చరణమే   సదా శరణం
నీ బోధలే ఆనుసరణీయం
నీ మార్గమే ఆచరణీయం
జయహో సూర్య తేజా జయహో యోగిరాజా
జయహో శీతకిరణా జయహో సాయినాథా

రచన,స్వరకల్పన&గానం:రాఖీ
రాగం:మధ్యమావతి

నీతో నీవే ఉన్నావు
అనంతయానం చేస్తున్నావు
పుట్టకముందూ పోయిన పిదప
భువిన ఉన్నఈ నాలుగు నాళ్ళు
భావించరా నేస్తం ప్రతి వాళ్ళూ నీ వాళ్ళు
గడిపేయరా సంతోషంగా బ్రతికినన్నాళ్ళూ

1.ఉండబోవు ఉదయాస్తమయాలు
కానరావు రోదసిలో నదీనదాలు
గమ్యం తెలియని దీర్ఘ ప్రయాణం
చూట్టూ చీకటి అంతా ఏకాంతం
ఆకలి దప్పుల ఊసేలేదు రుచికీ పచికీ దిక్కేలేదు
కాలాన్నెపుడూ జుర్రుకో అనుభూతులనే నంజుకో

2.అందమైన నీరూపం ఉండబోదు ఆత్మకు
పంచేద్రియ పరితాపం కలుగబోదు జీవికి
పలికేందుకు ఎవరూ లేక పిచ్చిలేసిపోతుంది
నీ అధీనంలొ నువ్ లేకా విసుగు ఆవరిస్తుంది
కనిపించని దైవమేదో కనికరించి తీరాలి
క్షణం వృధా పరుచుకోక అనుభవించగలగాలి

రచన,స్వరకల్పన&గానం:రాఖీ
రాగం:అమృత వర్షిణి

వెన్నెలే ఘనీభవించి
మోవిలో ద్రవీకరించి
కన్నుల్లో ఆసాంతం కురిపించి
చేసాడు సాయమెంతొ నిను నాకందించి
బ్రహ్మకెపుడు అందుకే వందనమందు శిరసువంచి

1.కమలాలే నయనాలుగ రూపొందించి
అమృతాన్ని అధరాల్లో కూర్చిఉంచి
కపోలాల రోజాలవన్నెలుపంచి
తీర్చిదిద్దాడు నిన్నెంతో నన్ను కనికరించి
అందుకే నాకెపుడు ప్రియదైవమె విరించి

2.గోదావరి నే నీ ఎదగా మలిచి
కృష్ణవేణి వడ్డాణంగ నడుమున బిగించి
హిమనగములు మేరుగిరులు ఇరుదెసల పొదిగించి
సృష్టించి వరమొసగెను విధాత
అందుకే ఆస్వామికి నా చేజోత

రచన,స్వరకల్పన&గానం:రాఖీ

రాగం:కానడ

తాళను నేనిక బాలా,వరాల జవరాలా
ఈవేళనూ నీ రూపుగనిన ఏ వేళనూ
మనజాలను నువువినా విరహసెగలను

1.నీ అంగాంగం మదనకేళీ లీలా విలాసం
నీ మేను ఏడాది పొడుగూ మధుమాసం
నీ తనువు బృందావన యమునావిహారం
నీ దేహమే ఇహపర సుఖకర కైవల్య సారం

2.ముట్టుకుంటె పట్టులాంటిది నీ స్పర్శ
ముద్దెట్టుకుంటే మధువుతీరే ఆ నషా
ముద్దవనీ తడిసి నీ చెమటల వర్షానా
మునిగిపోనీ నను అగాధ జలధులలోనా

రచన,స్వరకల్పన&గానం:రాఖీ
రాగం:మాయామాళవ గౌళ

పురుష పుంగవులం
పేరుకే పురుషోత్తములం
పెళ్ళాడే వరకు తల్లిచాటు పిల్లలం
మూడుముళ్ళు మగువ కేసి
సంకెళ్ళు వేసుకునే మగలం
మృగతృష్ణకు వగచే బాటసారులం
భార్యా బాధితులం

1.శాంతి గురించి ఎరుగని వాళ్ళం
ఏ జ్యోతి వెలగని బ్రతుకులం
వెన్నెల కోసం చూసే చకోరులం
సూర్యకాంతమంటి అయస్కాంతానికే-
బంధీలం జీవిత ఖైదీలం.

2.కొడుకుగా తండ్రిగా సోదరునిగా
చీచా మావా బావా లైన బహురూపిగా
మేకపోతు గాంభీర్యం ఆహార్యంగా
యుగాలుగా దగాపడిన మగజాతికే
వారసులం నామమాత్రపు సరసులం

రచన,స్వరకల్పన&గానం:రాఖీ

రాగం:అఠాణా

ప్రకృతికీ పడతికీ ఎంతటి పోలిక
అందుకేగా సృష్టికే అతివ ఏలిక
లలనలోన అణువణువు
జగతిన సుందర తావు 
కవులెంత వర్ణించినా
జిలుగులెపుడు తరిగిపోవు

1.కృష్ణవేణి సింగారం-తరుణి శిరోనయగారం
గోదావరి గంభీరం-సుదతి వదన సౌందర్యం
ఉషఃకాల రవిబింబం-రమణి నుదుటి సింధూరం
కుసుమ సమకోమలం-కలికి మేని లావణ్యం

2.హిమగిరి తగు  ఔన్నత్యం-హేమ హృదయ వైశాల్యం
కేసరి సరి వయ్యారం-నెలత కటి లతా తుల్యం
ఘన జఘన విన్యాసం-నితంబినీ అతులిత లాస్యం
పల్లవ పద సదృశ మానం-మంజరి మంజీర ధ్వానం

రచన,స్వరకల్పన&గానం:రాఖీ
రాగం:మోహన

సౌందర్యోపాసన
సరస హృదయ భావన
సొగసుల ఆరాధన
మనసుకెంత సాంత్వన
సుందర దృశ్యాల ఆస్వాదన
పూర్వజన్మ పుణ్య వశానా

1.బ్రహ్మ సృజనకు విలువను ఇచ్చి
అందగత్తెల సొబగుల మెచ్చి
మురియని మది ఏమది సమాధి
పులకించని మతి నిజమైన చితి
సుందర దృశ్యాల ఆస్వాదన
పూర్వజన్మ పుణ్యవశానా

2.పరస్పరం పడతీ పురుషులు
అనుక్షణం వలపుతొ ఆకర్శితులు
భేషజాల ముసుగులు ఏలా
గుంభనాల లొసుగులె చాలా
సుందర దృశ్యాల ఆస్వాదన
పూర్వజన్మ పుణ్య వశానా

https://youtu.be/NY94QvJHPIE

రచన,స్వరకల్పన&గానం:డా.రాఖీ

రాగం:భీంపలాస్

దోసిటిలో కాసిన్ని నీళ్ళుతెచ్చి
అభిషేకించగా నను నీవు మెచ్చి
మహాలింగ శంభో చూడునన్ను కనువిచ్చి
కనికరించరా ప్రభో నీ అక్కున ననుజేర్చి

1.తిన్నడు చేసిన పున్నెమేమిటో
తిన్నగ కైలాసవాసమొసగినావు
కరినాగులూ మరి సాలెపురుగూ
చేసిరే పూజలని మురిసినావు
ఆపాటిచేయదా నా నోటి పాట
దూర్జటీ నుదుటికంటి జగజ్జెట్టి శరణంటీ

2.లక్ష్మీపతి కమలాక్షుడు దీక్షగా
నిను లక్ష కమలాల అర్చన జేసే
రావణబ్రహ్మ కుక్షినరములతో
రుద్రవీణమ్రోగించి నిను తృప్తిపరచే
మామూలు మానవుణ్ణి నినునమ్ముకున్నవాణ్ణి
మహాదేవ పంచాక్షరి మాత్రం జపియించువాణ్ణి

ఓం నమఃశివాయ ఓం నమఃశివాయ

ఓం నమఃశివాయ ఓం నమఃశివాయ

OK

అరిచిమొత్తుకొంటోంది ఆరాటపు అంబులెన్సు

వాహనాలకేదీ కామన్ సెన్సు

ఏనాటికి తీరేనో ట్రాఫిక్ న్యూసెన్సు

చేష్టలుడిగి చూస్తోంది గవర్నెన్సు

1.రూల్సెన్ని పెట్టినా పెనాల్టెంత వేసినా

తిరిగి పోయలేము కదా పోయిన ప్రాణాలని

మనమో మన ఆప్తులో ప్రమాదంలొ గాయపడితె

 ఓర్చుకోలేము కదా ఏ అవాంతరాలని

మరుగున పడిపోయిందా సివిక్ సెన్సు

ఆశించినామంటే అత్యాశే సిక్త్ సెన్సు

2.అత్యవసర వాహనాల ప్రాముఖ్యత ఎంతటిదో

ఫైర్  పోలీస్ వైద్యశాఖల విలువ ఏపాటిదో

ఉన్నంతలొ చోటిచ్చి మార్గాన్ని సుగమ పరచి

సహాయపడలేమా సహానుభూతి వ్యక్తపరచి

మరిచామా మనలోని మానవతా ఎస్సెన్సు

ఉంచగలిగితే చాలు మమనసుని ప్రెసెన్సు

https://youtu.be/3LZbLfoBHI4?si=EMAqZR1rruIXbJ4V

నమ్మితినయ్యా నెమ్మనమ్మున
మా అమ్మను అన్నిట నమ్మినట్లుగా
అడిగితినయ్యా ఆదుకొమ్మని
మా నాన్నను యాగితొ అడిగినట్లుగా
కడుపునింపకా తప్పదునీకిపుడు
కలియుగవరదా వేంకటరమణా
కోరినదొసగకా గతిలేదిప్పుడు
కమలనాభా స్వామీ కరుణాభరణా

1.క్షణము విత్తము క్షణము చిత్తము
నా బ్రతుకే నువు రాసిన పొత్తము
భక్తపాలకా భవబంధమోచకా
శరణాగత వత్సల మోక్ష దాయకా
కడుపునింపకా తప్పదునీకిపుడు
కలియుగవరదా వేంకటరమణా
కోరినదొసగక గతిలేదిప్పుడు
కమలనాభా కరుణాభరణా

2.లిప్తపాటె గద మనిషి జీవితం
అంతలోనే నీ జగన్నాటకం
కేళీలోలా శ్రితజనపాలా
దురితనివారణ ధూర్తశిక్షకా
కడుపునింపకా తప్పదునీకిపుడు
కలియుగవరదా వేంకటరమణా
కోరినదొసగక గతిలేదిప్పుడు
కమలనాభా కరుణాభరణా

OK

మౌనమె నా భాష
నగవే నా కవనం
చూపులు ఒలుకును కరుణరసామృతం
మానవతే నా హృదయధ్వానం

1.మనిషికి మనిషికి మధ్యన ఎందుకు
అపరిచిత భావనలు
భూగ్రహవాసులమేకదా దేనికి
వైరులమన్న యోచనలు
నేడోరేపో ఏక్షణమో ఎప్పటిదాకో
చెల్లగ నూకలు
ఉన్నన్నాళ్ళు తిన్నదరుగక
కాలుదువ్వడాలు
నా ఊపిరి వేదమంత్రం
నా గమనం భవ్యమార్గం

2.వేదించి పీడించి మ్రింగుడెందుకు
నెత్తుటికూడు
తేరగవచ్చినదేదైనా బిచ్చంతో
సరి ఏనాడూ
మిద్దెలు మేడలు ఏవైతేం
నీవా ఆస్తిపాస్తులు
ఆరడుగులలో కప్పెడినాక
నేలపాలే అస్తికలూ
నా గీతం తత్వసారం
నా లక్ష్యం స్నేహతీరం

https://youtu.be/6q4fLrdQHBc

రాగం:యమన్ కళ్యాణి


అడుగడుగూ నీ సంకల్పం
ప్రతిపదమూ నీ నామజపం
సద్గురు సాయినాథా
నీవేలేనా గతము భవిత వర్తమానము
ఓం సాయి శ్రీ సాయి జయజయ సాయి
ఓం సాయి శ్రీ సాయి జయజయ సాయి

1.నా బ్రతుకున ఎలా ప్రవేశిస్తావో
దేనికొరకు నను నిర్దేశిస్తావో
ఏ పనినాకు పురమాయిస్తావో
ఏదిశగా నను నడిపిస్తావో
అంతానీదే భారం
జీవితమే నీ బోధలసారం
ఓం సాయి శ్రీ సాయి జయజయ సాయి
ఓం సాయి శ్రీ సాయి జయజయ సాయి

2.సచ్చరిత్ర నాతో చదివిస్తావో
సత్సంగములో నను చేర్పిస్తావో
షిరిడీకెప్పుడు  నను పిలిచేవో
నీదయనెప్పుడు కురిపించేవో
అంతానీదే భారం
జీవితమే నీ బోధలసారం
ఓం సాయి శ్రీ సాయి జయజయ సాయి
ఓం సాయి శ్రీ సాయి జయజయ సాయి

ఎక్కడో బ్రతికి ఉంది నేస్తమా
పూర్తిగా చావలేదు మిత్రమా
కొస ఊపిరితో కొట్టుమిట్టాడుతోంది
జీవించడానికే తాపత్రయ పడుతోంది
తట్టిలేపవేమి తమ్ముడా నీలోని మానవతని
చైతన్యపరచు అన్నయ్యా నీలోని మమతని

1.పుట్టినదాదిగా కరడుగట్టి లేముకదా
ఏబడిలోనూ కాఠిన్యం నేర్పరుగా
మనసుపెట్టి కాస్తచూస్తె కరుణ పొంగి పొరలదా
సహానుభూతితో అభ్యర్థన అర్థమవదా
దువ్వవేమి సోదరా నీలోని మానవతని
బుజ్జగించు చుట్టమా నీలోని మమతని

2.ఒడ్డున ఉన్న నీకు మునకలేయ వెత తెలియున
కడుపునిండి ఉన్న నీకు ఆకలి కత నెరుగుదువా
ఎడారి దారిలో కన్నీటికీ కరువే
నెలజీతగానికీ దినంగడపడం బరువే
అహమింక మాని నీవు  వదాన్యుడవనిపించుకో
విశాల హృదయంతో మాన్యుడిగా మసలుకో

రచన,స్వరకల్పన&గానం:రాఖీ
రాగం:శివరంజని

నిన్నటిదాకా నీవెవరో నేనెవరో
అపరిచితులమైన మనము ఎవరికి ఎవరమొ
ఏ జన్మ బంధమో కలిపింది ఇద్దరినీ
ఇలా ప్రేమ బంధమై మనల ముడివేసింది

1.నదిలాగ సాగే నన్ను కడలికడకు చేర్చింది
గొంగళిపురుగైన నన్ను సీతాకోకచిలుకగమార్చింది
ఆలింగనమ్ముతో నిన్నాదరించానే
పూవుగామారి నా మకరందము పంచానే
ఏ జన్మ బంధమో కలిపింది ఇద్దరినీ
ఇలా ప్రేమ బంధమై మనల ముడివేసింది

2.కాలమాగిపోయింది మనం కలుసుకున్న క్షణంలో
ప్రకృతే స్తంభించింది పరస్పరం నిరీక్షణంలో
సంగమాలు సంభవించి సంభ్రమానికి లోనైనాను
ఎడబాటు సడలగనే ఎదలయతో లయమైనాను
ఏ జన్మ బంధమో కలిపింది ఇద్దరినీ
ఇలా ప్రేమ బంధమై మనల ముడివేసింది

చిన్నమొలకకూ లేవు రామచిలకకూలేవు
వాన చినుకుకైన లేవు వాగువంకకింకలేవు
నీకేలనో ఓమనిషీ ఇంతటి ఈర్ష్యాద్వేషాలు
నీకెందుకో ఓ నరుడా ఈ అసూయా మోసాలు

1.నీకు లేక వగచేవు అదియే  ఒక వ్యధ
సాటివారు కలిగి ఉంటె ఓర్వలేనిదొక బాధ
నీ కళ్ళమంట వల్ల నీవే దుఃఖింతువు
నీ కడుపుమంట నీకే దహన హేతువు
కడలి కెప్పుడూ లేవు ఖంబుకెంతయూ లేవు
నీకేలనో ఓమనిషీ ఇంతటి ఈర్ష్యాద్వేషాలు
నీకెందుకో ఓ నరుడా ఈ అసూయా మోసాలు

2.ప్రతిభను ఈసడిస్తె నీకొరిగే దేమిటి
గుర్తింపును నిరసించే సంస్కారమేపాటిది
సూర్యునిపై ఉమ్మితే పడుతుంది నీపైనే
విద్యుత్తుని ముట్టకుంటె ఎప్పటికీ నీకు హానె
చెట్టుచేమకూ లేవు కొండకోనకూ లేవు
నీకేలనో ఓమనిషీ ఇంతటి ఈర్ష్యాద్వేషాలు
నీకెందుకో ఓ నరుడా ఈ అసూయా మోసాలు

https://youtu.be/5dg_fWtkAug

వెదికితి నీకై ఎన్నిచోట్లనో
శోధించగ పడితిని ఎన్నిపాట్లనో
మోహన కృష్ణా తీర్చర నా జీవనతృష్ణా
రాధారమణా కరుణా భరణా

1.వెన్నను దోచే కన్నయ్య వని
గొల్లవాడనల్లా తిరుగాడితిని
వలువలు దాచే కిట్టయ్యవని
చెఱువుల గట్టున నే దాగితిని
మనసు నవనీతమైతె చాలను
మర్మము నంతలొ నే మరచితిని

2.గర్భగుడిలో కొలువుందువని
వడివడి ప్రతిగుడి కడకేగితిని
యమునా తటిలొ వ్యాహళికని
వెడలితివని నేనటకు జనితిని
మది మందిరమై మనినచాలను
నియమము నేలనొ ఎరుగనైతిని

https://youtu.be/GcwMm-mQeVM

రచన,స్వరకల్పన&గానం:రాఖీ

రాగం:చిత్తరంజని

వాడని మల్లెలు నా అక్షరాలు
అల్లినీకు సమర్పింతు జీవనమాలలు
కొడిగట్టని ప్రమిదలు నా పదములు
ప్రణమిల్లి విరజిమ్మెద గీతాల వెలుగులు
నిలువనీ నీ ఎదపై శ్రీనివాస నను సదా
చెలగనీ నా ప్రభలే వేంకటేశ నీ ముంగిట

1.అన్నమయ్య కీర్తనలట వింటినే ముప్పదిరెండువేలని
ఎన్నగ నా వెన్నని భావించి స్వీకరించు ఈకొన్నే వెన్నని
ఎంత సమయమిస్తివని నను బాధల పాల్జేసి నవ్వుకొని
నమ్మిధారపోస్తిని స్వామీ నీకిక  జన్మే కైంకర్యమని
నిలువనీ నీ ఎదపై శ్రీనివాస నను సదా
చెలగనీ నా ప్రభలే వేంకటేశ నీ ముంగిట

2.ఉన్నదనీ లేదనీ చెప్పలేను నీదయ నా పైన
 మన్నన సేయవయా ఇకనైనా పన్నగ శయనా
కన్నతండ్రినీవని తలవకపోతినా ఎన్నడైనా
కడుపున పుట్టితివని ప్రభూ చేరదీయనైతినా
నిలువనీ నీ ఎదపై శ్రీనివాస నను సదా
చెలగనీ నా ప్రభలే వేంకటేశ నీ ముంగిట

https://youtu.be/Mclf0yhUWHI

రచన,స్వరకల్పన&గానం:డా.రాఖీ
రాగం:కళావతి

ఓంకారమె నీ ఆకారం శంకరా
ఝేంకారమె నీ ప్రాకారం అభయంకరా
ఆదిమధ్యాంతరహితము నీ తత్వము పరమేశ్వరా
మహాలింగ శంభో సాంబ సదాశివ విశ్వేశ్వరా
ఓం నమఃశివాయ ఓం నమఃశివాయ

1.నీ మంద హాసమె మధుమాసం
ప్రజ్వలితమౌ ఫాలనేత్రమే గ్రీష్మం
ఝటా జూటమున గంగధారగా వర్షం
కాలస్వరూపా ప్రకృతి పార్వతి నీలొ సగం
ఓం నమఃశివాయ ఓం నమఃశివాయ

2.నీ శిరసున వెలిగే శరజ్యోత్స్నలు
నీ చల్లని చూపులె హేమంతాలు
నశ్వరమౌ సృజనయే శిశిరము
ఋతంబరా నీ కార్యమె జనన మరణ భ్రమణం
ఓం నమఃశివాయ ఓం నమఃశివాయ

Ok

https://youtu.be/GnsxHqRIDbM?si=eWNyGmfw0pGtjLqi

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం : శివరంజని

"తెలుగదేల యన్న దేశంబు తెలుగేను
తెలుగు వల్లభుండ, తెలుగొకండ,
యెల్ల నృపులు గొలువ యెరుగవే బాసాడి,
దేశభాషలందు తెలుగు లెస్స."

తెగులు తగులుకున్నది తెలుగు తల్లికి
తెల్లబోయిచూస్తున్నది తన పిల్లల చేష్టలకి
తెలుగులు పరభాషా వ్యామోహపు పైత్యములో
తెలుగుభాష పరిస్థితులు చెప్పరాని దైన్యములో
మనతెలుగు భాష అనాథగా జగన్నాటకంలో
మన ఆంధ్రభాష సమాధిగా  అగాధమౌ జలధులలో

1.'అమ్మ'ను మమ్మీగా మార్చినపుడె తొలిగాయం
నాన్నను డాడీగా పిలిచినపుడె దయనీయం
అన్యపదము లాదరించు వైశాల్యము తెలుగుది
ఉన్నప్రథను విస్మరించు వైకల్యము తెలుగులది
మనతెలుగు భాష అనాథగా జగన్నాటకంలో
మన ఆంధ్రభాష సమాధిగా  అగాధమౌ జలధులలో

2.అందలాల నెక్కించి ఎందరికో పట్టం కడితే
ఎంతటి ధర్మమో ప్రజలతో ఆంగ్లం వాడ 'బడితె'
యథా రాజా తథా ప్రజా ఆనాటి మాట
ప్రజాశ్రేయమే కదా ప్రజాస్వామ్య ప్రగతి బాట
మనతెలుగు భాష అనాథగా జగన్నాటకంలో
మన ఆంధ్రభాష సమాధిగా  అగాధమౌ జలధులలో

రచన,స్వరకల్పన&గానం:డా.రాఖీ

రాగం:శుభ పంతువరాళి

నిద్రలేని రాత్రులెన్నో నీకోసం ధారపోసా
నా మనః సాగరాన్ని ఎంతగానొ మథనం చేసా
కవనామృతభాండం కోసం అనవరతం పరితపించా
ఎంత సుధను పంచానో మోహినికే ఎరుక
నిర్లక్ష్యపు గరళాన్ని దిగమ్రింగుతు నే బ్రతికా

భారతీ నీ అందియలే నా ఎదలో మ్రోగనీ
శారదా నీ దీవెనతో నా కలమే సాగనీ,నా కలనెరవేరనీ

1.కదిలించిన ప్రతివస్తువును కవితగా రాసేసా
భిన్నమైన అభిమానులకై పలువిధముల రచనలు చేసా
రంజింప జేయడమే లక్ష్యంగా నే తలపోసా
మానవతే పరమావధిగా గీతాలను నే కృతిచేసా
భారతీ నీ అందియలే నా ఎదలో మ్రోగనీ
శారదా నీ దీవెనతో నా కలమే సాగనీ,నా కలనెరవేరనీ

2.సుందరమౌ చిత్రాలుగా నా పాటలనే మలిచా
శబ్దార్థ కౌశేయములతొ అలంకరింప జేసా
ప్రాసల పసిడి నగలతో నిన్ను తీరిచి దిద్దా
అక్షరమే దైవంగా అను నిత్యం నే కొలిచా
భారతీ నీ అందియలే నా ఎదలో మ్రోగనీ
శారదా నీ దీవెనతో నా కలమే సాగనీ,నా కలనెరవేరనీ

రచన,స్వరకల్పన&గానం:రాఖీ

నిర్లక్ష్యం మాత్రమేనా విధినిర్వహణ
నిబద్ధతా రహితమా కర్తవ్య పాలన
ఈసడింపు అవసరమా ఎదుటివారి ఎడల
సహానుభూతి ఆచూకే దొరకదు ఏ కోశానా
అధికారం అనుభవించు ఉద్యోగులారా
స్థానబలం కలకాలం సాగదనీ మరిచారా

1.ఉద్యోగ భద్రతతో విర్రవీగుతారు
పనిజాప్యతా లక్షణంతొ చెలరేగుతారు
హాజరైతే చాలుకదా నెలజీతం ఖాతలో
ఆకాస్త పని చేసినా ఆమ్యామ్యా కొరకేగా
ఆపన్నుల కన్నీటితొ ఆస్తులు కూడబెట్టి
గోచీకీ నోచకా చితిచేరక తప్పదుగా

2.పదవి ముసుగు తొలగించి పౌరునిగా యోచించు
కార్యార్థుల కడగండ్లను నీవిగా భావించు
పరిధి మించి సహకరించ ప్రతి క్షణం ప్రయత్నించు
దాటవేయ దగినవైతె నియమాలను సడలించు
అభిమానం చూరగొంటె అంతకన్న తృప్తేది
సేవయె పరమార్థమైతె  కర్మకన్న హాయేది

https://youtu.be/0LsFOrW0BNk?si=8i_0nFq_mUx2JxPU

ప్రియంకరీ శుభంకరీ
శాంకరీ అభయంకరీ
కనకదుర్గే శూలధరీ
ఇంద్రకీలాద్రి వసతే మారీ
మహిషాసుర సంహారీ
నమోస్తుతే ఆనందకరీ

1.విశ్వ నాయకి విజయ దాయకి
కరుణామృత ప్రసన్న ముఖీ
త్రిమూర్తి పూజిత త్రిగుణాతీత
పాలయమాం శ్రీ అష్టభుజి

2.ఆత్మజ్ఞాన వరదే మాత
పరమాద్భుత పరదేవత
అతులిత మహిమాన్విత నగజాత
భజామ్యహం నీలలోహిత

రచన,స్వరకల్పన&గానం:రాఖీ

ఆఖరి చుక్కలు మధువున అతిమధురం
చరమాంకంలో  క్షణంక్షణం మనిషికి అపురూపం
చేజారిపోనీకు అనుభూతుల మణిహారం
తిరిగిరాదు కరిగిన కాలం అనుభవించు జీవితం

1.మీనమేషాలు లెఖ్ఖిస్తే - ఉన్నది కూడ ఊడుతుంది
చాదస్తాలను సాగదీస్తే -అసలుకు ఎసరే వస్తుంది
మంచో చెడో మనసుకు తోచిందేదో ఇపుడే చేసెయ్
 ఎదుటివాడికి హానిచేసె యోచనలన్ని మానేసెయ్
ఎంతైదూరమైనా చాపు నీచేతి చూపుడువేలు
ఎవరిముక్కును తాకనట్లుగా చూసుకుంటె అదిచాలు

2.యోగాచేస్తే బెటరేకానీ అన్నీ తినడం యోగమోయి
ఆరోగ్యానికి బ్రతుకెర వేస్తే అదే చోద్యమోయి
ఎలాగుతప్పవు శరీరానికి ముదిమి మరణాలు
యవ్వనదశకే మనసును వదిలెయ్ ఎందుకు కారణాలు
బిడియం వడియం మడిచేసి కట్టిన మడినే విడిచేసెయ్
ఆనందోబ్రహ్మ అన్నదే పరమపథమ్మటు అడుగేసెయ్

మళ్ళీ మళ్ళీ నిన్ను నే మళ్ళి చూసా
కళ్ళల్లోనె పర్మనెంటు టెంటు వేసా
చూపులతో నే లౌ మెసేజ్ లెన్నొ చేసా
నా గుండెలోతుల్లొ నిన్ను దింపివేశా
ఓ చెలీ మనోహరీ కమిటవ్వడం మినహా నీకులేదు దారి
మై డియర్ మైస్వీట్ హార్టంటు నన్ను పిలువు ప్యారీ

1.క్యాంటీనులోనే  కాపుకాసినాను-
మ్యాట్నీ షోకు టిక్కెట్స్ బుక్ చేసినాను
పోదాము లవ్లీ లాంగ్ రైడ్ జల్దీ రిసార్ట్ లో గడుపగా
మేఘాలతేలి స్వర్గాలు తాక రాకెట్ల బైకే నడుపగా
ఓ చెలీ మనోహరీ కమిటవ్వడం మినహా నీకులేదు దారి
మై డియర్ మైస్వీట్ హార్టంటు నన్ను పిలువు ప్యారీ

2.డొంట్ కేర్ ఎవ్రీబడి మనది వేరే లోకం
లీస్ట్ బాదర్ మై సఖీ చెప్తున్నా వెల్ కం
వచ్చేయి నచ్చాక రిస్ట్రిక్షన్సె ఒగ్గేయ్ ప్రేమకై స్వేఛ్ఛగా
నో పెయిన్స్ ఆల్ గెయిన్స్ కలిసుందాం మనస్సాక్షిగా
ఓ చెలీ మనోహరీ కమిటవ్వడం మినహా నీకులేదు దారి
మై డియర్ మైస్వీట్ హార్టంటు నన్ను పిలువు ప్యారీ

రచన,స్వరకల్పన&గానం:రాఖీ
గానం:రాఖీ

కోడె త్రాచు కోరిక
కవ్వించకు ప్రేమిక
సయ్యాటలు చాలిక
మురిపించర  చంపక
నా తనువున ప్రతి అణువూ మధూలిక
అధర విరుల మకరందము గ్రోలిక

1.విరహ సెగల వగలనోప
నే వేచిన అభిసారిక
నాసొంపుల వంపులన్ని
మథించరా కందర్పకా
పరిష్వంగ పంజరాన
నేనే నీ రాచిలుకా
స్వర్గసుఖము వేరేలా
మది మిథునమె కులుకా

2.ఇరుమేనుల రాపిడిలో
ఇంధనమే కాలము
పరస్పరం ఒకవరమై
జతలేక మనజాలము
ఎంత లాఘవమ్ముతో
వేసావో ప్రేమగాలము
నీ మంత్రదండముతో
చేసావు ఇంద్రజాలము

https://youtu.be/hoBlbj-c8X8

రచన,స్వరకల్పన&గానం:డా.రాఖీ

రాగం:హంసనాదం

(కార్తీక సోమవారపు గీతార్చన)

అణువణువూ నిను వర్ణించితిని
ఆపాద మస్తకం కీర్తించితిని
ఇహపర దైవం నీవని ఎంచితి
ఈశ్వరా నాలోనిను దర్శించితి
ఉమాపతే నన్నుద్ధరించరా
ఊహాతీతము నీ తత్వమురా

1.ఋతంబరా ఋషి ముని సేవిత
కౄరకర్మలన్ని నాలొ పరిహరించరా
నా క్ఌఏశములను నాశమొందించరా
ఎటులనేమెప్పింతును ఏకామ్రేశ్వరా
ఐహికాముష్మికాభీష్టదాయకా హరా
ఒకపరి నే ఓలలాడ నామనవిని ఔననరా
అంతఃకరణనాక్రమించరా చంద్రశేఖరా

2.నీ గుణ గణముల నే ప్రణుతించితి
నీ మహిమలు పలువిధముల పొగడితి
నీ ఉత్సవాల పరమార్థం నే ప్రవచించితి
నీ క్షేత్రాల ప్రాశస్త్యం ప్రస్తుతించితి
కైలాస వైభవం వక్కాణించితి
నీకుటుంబ సభ్యుల  నుతియించితి
నేనెరిగిన సారమంత కవితగా పాడితి

ప్రాధాన్యతలే వేరాయే

తెప్పను కాల్చిన తీరాయే

దిక్కేలేకా ఏదైనా ఒకరాయే

నిన్నటి నేస్తం నేడు పరాయే

సంద్రపునీటిని తాగినమేఘం

వర్షం కురియక ఎంతటి ద్రోహం

1.రచ్చను గెలిచే పిచ్చి క్రమంలో

ఇంటికి చిచ్చును రగిలించడమా

ఆటను నెగ్గే ఆరాటంలో

ప్రత్యర్థులనే పరిమార్చడమా

నీడను ఇచ్చే వటవృక్షం

ఊడలనురిగా మార్చుటె లక్ష్యం

2.గుంతల చింతల చింతన లేక

ఒంటెద్దు పోకడ బండికి హితవా

మేసే ఊసే  ఒకటే ధ్యాస

గుడ్డెద్దు చేలుకు చేటే అవదా

కమ్మే చీకటె  అయోమయం

ఎరుగదు మూసుకపోయిన నయనం

రచన,స్వరకల్పన&గానం:రాఖీ
రాగం:మాల్కోస్

ఎదలో ఏదో అలజడి
నీ తలపుల్లో నే చిక్కుబడి
చేసావేదో చేతబడి
చేష్టలుడిగా నీ పాలబడి
బ్రతుకిక నీకే కట్టుబడి
మనుగడ నీకిక లోబడి

1.కవ్విస్తుంటే తడబడి
ఆరిందేనా గొంతు తడి
చేయకు ఇంకే గారడి
భవితే నాకిక గడిబిడి
బ్రతుకిక నీకే కట్టుబడి
మనుగడ నీకిక లోబడి

2.కడితిని మదిలో నీకుగుడి
వేసా మనసుతొ మనసు ముడి
చిక్కితి చిక్కుల చిక్కుబడి
వేడిని తాళక నిను వేడి
బ్రతుకిక నీకే కట్టుబడి
మనుగడ నీకిక లోబడి

రచన,స్వరకల్పన&గానం:రాఖీ
రాగం:కళ్యాణి

కన్నీటికి విలువీయి కాస్తైనా
ఏకైక నేస్తమదియే ఏనాటికైనా
ఏకోరసః కరుణ ఏవ ఏ బ్రతుకు నాటికైనా
బాధాపరితప్తమైనదే ఏ హృదయమైనా

1.బెంగపడకు కారిపోతే నీ అశ్రుధారలు
చింత పడకు తరుగుతాయని భాష్పజలనిధులు
తోడుతున్నా కొలది ఊరుతుంది ఎద చెలమె
సజలనయనాలతో  ఊరడిల్లుతుంది ప్రతి గుండె

2.నేత్ర సలిలమెంతో పవిత్రమైనది
గంగాయమునల్లా వెతల కడిగివేస్తుంది
ఆర్ద్రతే నోచకపోతే అదికూడ మనసేనా
బింకంగా బాధ భరిస్తే సమస్యలే సమసేనా

https://youtu.be/t-A4_ErLlT8

రచన,స్వరకల్పన&గానం:రాఖీ

రాగం :మధుకౌఁస్

యంత్రాలతొ సావాసం చేసి
యాంత్రికంగ మారాడు మానవుడు
అనుభూతుల ఊసే లేక
కృతకంగా బ్రతుకీడ్చేను నరుడు
స్పందనే లేక బండబారింది మనిషిగుండె
ఆనందపు లోతుల నెరుగక
పైపైని మెరుగులకే సంతృప్తి పడుచుండె

1.అందచందాలమర్మం కరతలామలకమాయే
వంపుసొంపులన్నీ అంగడిలో ప్రదర్శితమాయే
ఎక్కడుంది గుంభనము సృష్టికార్య విధానము
స్త్రీపురుష దేహస్పర్శలో లుప్తమాయె పులకరము
సిగ్గు బిడియము లాలిత్యమూ గగన కుసుమాలే
విశ్వాసము నిజాయితీ అందని ద్రాక్ష ఫలములే

2.హక్కులు బాధ్యతలే., అనుబంధం మాయమాయే
స్వేఛ్ఛా స్వాతంత్ర్యాలే .,కట్టుబాట్లు శూన్యమాయే
మానవీయ బంధాలన్నీ ఆర్థికపరమైపోయే
సమాజంలొ  విలువలకు తిలోదకాలైపోయే
అమ్మా నాన్న అనురాగం దొరకని యోగమాయే
అందరూ ఉన్నాగాని అనాథగా బ్రతుకాయే

https://youtu.be/pA5pqVDXKFQ?si=HtA8Ie4EOWUV1daI

రచన,స్వరకల్పన&గానం:రాఖీ

కార్తీకమాసమే భక్తి పూరితం ముక్తిదాయం
కార్తీకమొస్తేనే స్ఫూర్తి దాయకం ఆసక్తిదాయకం
శివకేశవులే మోక్షమొసగు శుభసమయం
హరిహర పుత్ర అయ్యప్ప  దీక్షలనిలయం
తరించండి జనులారా దైవార్చనలో
రాగం యోగం మిథునం కాగ దివ్యమైన భావనలో

1.దామోదరుని ధ్యానములో ధాత్రివృక్షఛాయలో
వనభోజనాదులతో బంధుమిత్ర సమ్మేళనములో
ఆనంద ఘడియలనే అనుభవించి తీరాలి
అనుభూతులెన్నిటినో పదిలపరచుకోవాలి
తరించండి జనులారా దైవార్చనలో
రాగం యోగం మిథునం కాగ దివ్యమైన భావనలో

2.పరమశివుని ధ్యాసలో సోమవార అర్చనలో
రుద్రాభిషేకాలే భద్రంగా అనువర్తిస్తూ
పంచాక్షరి మంత్రాన్నే అనవరతం స్మరియించాలి
పరమపదము నందుటకై మనసునివేదించాలి
తరించండి జనులారా దైవార్చనలో
రాగం యోగం మిథునం కాగ దివ్యమైన భావనలో

3.కార్తీక పౌర్ణమి నాడు స్వామి మాలధారణతో
మండలవ్రతమును బూని ఇరుముడి తలనే దాచ్చి
శబరిమలను చేరి మణికంఠుని దర్శించాలి
మకరజ్యోతి తిలకించి ఆహ్లాదమొందాలి
తరించండి జనులారా దైవార్చనలో
రాగం యోగం మిథునం కాగ దివ్యమైన భావనలో

రచన, స్వరకల్పన&గానం:రాఖీ
రాగం:పట్ దీప్

ఆరాధన ఒక్కటే దృక్పథం భిన్నమైనా
అనురాగ మొక్కటే భావుకత వేరైనా
విశ్వమంత ప్రేమమయం అది ప్రకృతి దృగ్విషయం
ప్రతి మనసూ పరితపించడం ఇదే సృష్టి నియమం

1.అమ్మ పంచగలిగేది అనుపమానమైన మమత
నాన్న గుండెలోనా అతులితమౌ వాత్సల్యత
సోదరీ సోదరుల అగణితమౌ ఆప్యాయత
ప్రేయసీ ప్రియులజన్యమౌ అద్వైత ప్రణయ రమ్యత
విశ్వమంత ప్రేమమయం అది ప్రకృతి దృగ్విషయం
ప్రతి మనసూ పరితపించడం ఇదే సృష్టి నియమం

2.గురువులకు శిశ్యుల ఎడల అనునయ భావన
మిత్రుల్లో నెలకొన్న పరస్పర ప్రతిస్పందన
నేతలు నటుల పట్ల అభిమానుల వ్యక్తీకరణ
దైవమంటె భక్తులకుండే ఆత్మ నిజ నివేదన
విశ్వమంత ప్రేమమయం అది ప్రకృతి దృగ్విషయం
ప్రతి మనసూ పరితపించడం ఇదే సృష్టి నియమం

కన్నీరుగా ప్రియా కారిపోకుమా..
కనుపాపల నీరూపే నిలుపుకున్నా సఖీ
నా గుండెలో నుండి జారిపోకుమా చెలీ చేజారిపోకుమా
మధురోహల దాహములో నే పరితపిస్తున్నా పలవరిస్తున్నా

1. మనిషినిక్కడున్నా గాని మనసునీ వెంటే ఉంది
దేహాలువేరైనా ఆత్మ నీలొ ఐక్యమైంది
రోజుకెన్ని సార్లునీకు పొలమారిపోతుందో
పదేపదేనిన్నే తలవ గొంతారిపోతుందో

2.మన వింత బంధానికి పేరే లేదు ఇలలోన
కలవరించడం మినహా కలవగలమ కలలోన
చల్లగాలి నిన్నుతాకితే అది ప్రేమసందేశం
వానచినుకు నిను తడిపితే నా ఆనందభాష్పం

https://youtu.be/Hbnjwpe3gF0?si=_KvT_ఫకిజర్మసో

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:శివరంజని

సోదరుడు:

అక్కయ్య అంటె మెరిసే చుక్క
చెల్లెమ్మ అంటే విరిసిన మల్లి
స్నేహానికి ప్రతిరూపం సహోదరే
అనురాగ దీపమంటే ఆడకూతురే

సోదరి:

అన్నంటే నా ఆరో ప్రాణం
నా తమ్ముడంటె తానే సర్వం
కంటిరెప్ప తానే సోదరుడు
చంటిబిడ్డ లాంటి సహజుడు

సోదరుడు:

చ1.అమ్మలాగ లాలిస్తుంది
నాన్నలాగ నడిపిస్తుంది
ఆటపాటలెన్నో నేర్పుతుంది
అంతలోనె అత్తారింటికి తుర్రుమంటుంది

సోదరి:

గొడుగులాగ నీడౌతాడు
అడుగడుగున తోడౌతాడు
కళ్ళు తడుచు చేయి తానౌతాడు
కన్నుమూసి తెరిచేలోగా వదినమ్మకు జతఔతాడు

సోదరుడు

చ.2.పండుగ శుభహారతి తానే
ఆడపడుచు అధికారంతానే
పుట్టినింటి గౌరవం తానే
 మెట్టినింటి ఆర్భాటం తానే

సోదరి:

ఆపదకు సంపదకు ఆప్తుడుతానే
కష్టసుఖాల్లో కాచే తోబుట్టువు తానే
ఏకాకిని నేను కాదను ధైర్యం తానే
బామ్మర్దుల బలమైన అనుబంధం తానే

రచన,స్వరకల్పన&గానం:రాఖీ

అప్సరసల అందం నీది
మిసమిసల పరువం నీది
రుసరుసల అలకే నీది
శషభిషల పలుకే నీది
ఆగలేను వేగలేను  సతమతమయ్యేను
విడువలేక పట్టలేకా నీతో చిక్కేను

1.ఉన్నచోట ఉండీలేకా ఉండనీవు
నన్ను నా మానానా బ్రతుకనీవు
తప్పుకోబోతే ఎరవేసి లాగేవు
పట్టుకోబోతే నిన్ను కన్నెర చేసేవు
ఆగలేను వేగలేను  సతమతమయ్యేను
విడువలేక పట్టలేకా నీతో చిక్కేను

2.నీవు చూపే చొరవ వల్లనే ఎదలోకి చొరబడతాను
నిజాయితీ ప్రేమ నీదని ప్రతిసారీ పొరబడతాను
కోపముంటె  చంపివేయి-నీ కౌగిట నలిపేసి
పబ్బమింక గడిపివేయి నన్నిపుడే బలిచేసి
ఆగలేను వేగలేను  సతమతమయ్యేను
విడువలేక పట్టలేకా నీతో చిక్కేను

రచన,స్వరకల్పన&గానం:రాఖీ

గుండెరగిలిపోతేనేం -కంటనీరు పొరలింది
గొంతుమూగ వోతేనేం-చూపు మనసు విప్పింది
బాధలకేదారమే అవనీతలమంతా
వేదనే సాధనైతే ఆనందమే వెతలచెంతా

1.సుఖదుఃఖాలు రెండు నాణేనికి భిన్నముఖాలు
ఓటమీ గెలుపులలో ద్వయరూప బాష్పాలు
జీవనమరణాలకు తేడా ఒక వెంట్రుకవాసి
ఎదభారం తీరేదైతే యత్నించు వలపోసి

2.ఏకష్టం ఎంతగొప్పదో కొలమానముందా
ఏనొప్పి తీవ్రత ఎంతో అవగతమౌతుందా
భరించేతత్వం వల్లనె విలువ మారిపోతుంది
చావుకన్న మిక్కిలి లేదు దీపమారిపోతుంది

రచన.స్వరకల్పన&రాఖీ

ప్రణయ భావం ఒకరిది
వినయ ధ్యానం ఒకరిది
అనురాగ మైకం రాధికది
ఆరాధనా లోకం మీరాది

1.రాధ శోధన బృందావనమున
మీరా దర్శించె తనమనములోన
లోబరుచుకుంది రాధ మాధవుని
లీమయ్యింది మీరా కృష్ణునిగని
ప్రేమ నిత్యం ఒకరికి -భక్తి తత్వం ఒకరికీ

2.రాధ అందించె అధరసుధల
మీరా గ్రోలింది విషమునవలీల
తనువు గానమై మురళిగ ఆ రాధ
గుండె గాయమై మువ్వగ ఈమీర
పెదవుల రాధ-పదముల మీరా

https://youtu.be/4EkRDxwyQ3s?si=6jXXf6fkbnuE5j85

రచన,స్వరకల్పన&గానం:రాఖీ

ధర్మపురి సంస్థిత ధర్మానువర్తీ సమవర్తీ
యమధర్మరాజా దక్షిణదిక్పాలక చక్రవర్తీ
పాపప్రక్షాళనానురక్తీ ప్రసాదించు జీవన్ముక్తి
యమునా సహజా శని అశ్వినీ దేవతాగ్రజా
నీకిదే నా సాదర ప్రణతి ఈయవె శరణాగతి

1.ధర్మాధర్మ విచక్షణా న్యాయమూర్తి
కర్తవ్యపాలనలో అగణిత గుణకీర్తి
మహిషవాహనారూఢ భీకర ముఖదీప్తి
పక్షపాత రహితా పరమ పావనమూర్తి
యమునా సహజ శని అశ్వినీ దేవతాగ్రజా
నీకిదే నా సాదర ప్రణతి ఈయవె శరణాగతి

రవి సంజ్ఞా ప్రియ పుత్రా శ్యామల ఏలికా
దండపాశధరా ప్రచండ ధర్మ పాలకా
కాల నీలాది చతుర్దశనామ విరాజితా
గ్రహరూప ప్రదీపకా అనుగ్రహ ప్రసాదకా
యమునా సహజా శని అశ్వినీ దేవతాగ్రజా
నీకిదే నా సాదర ప్రణతి ఈయవె శరణాగతి

https://youtu.be/yn1BIwRijsk

రచన,స్వరకల్పన&గానం:రాఖీ

రాగం:జోన్ పురి

నీమాలనెరుగను స్వామీ నీ నామాలే
హోమాలు చేయగలేను నీకు ప్రణామాలే
నా పాలిటి వేదాలు నీ పాదాలే
నాలోకపు రవిచంద్రులు నీ నేత్రాలే
గోవిందా గోవిందా పాహిపాహి ముకుందా
గోవిందాగోవిందా పరమానందా

1.స్తోత్రమేమి చేయగలను  సోదివెళ్ళ గ్రక్కెదగాని
స్తుతియించలేను నేను అర్తి తెలుపగలనేగాని
మంత్రము తంత్రమురాదు మనసార తలచెదగాని
మెక్కులు ముడుపులు సైతం నావెతల కథలేగాని
గోవిందా గోవిందా పాహిపాహి వేంకటరమణా
గోవిందాగోవిందా కరుణాభరణా

2.నా చిత్తమె పీతాంబరము  ధరియించు స్వామి
నా హృదయము కౌస్తుభము శ్రీవత్సాంకితమవనీ
నా బుద్ధియే వైజయంతి నీమెడనలరించనీ
నాకవనమె నందకమై నీ కర శ్రీకరమై వరలనీ
గోవిందా గోవిందా పాహిపాహి శ్రీనివాసా
గోవిందాగోవిందా భక్తజనపోషా

OK

రచన,స్వరకల్పన&గానం:రాఖీ

రాగం:ఖమాస్

మరచిపోలేవు నన్ను మనసైన నేస్తమా
ఏనాటికైనా ఎదలో పారద్రోల సాధ్యమా

1.కునుకు నీకు పడితేచాలు కలలోకి చొరబడతాను
మెలకువ ఐనంతనే తలపులలో దిగబడతాను
నీలోన ఊపిరిగా వచ్చిపోతుంటాను
నీ కను కొలుకులలో అశ్రువై నేనుంటాను
జ్ఞాపకాల చితిలో ఎపుడూ కాలుతూనె ఉంటాను
నీడలాగ నిన్నెపుడూ వెంటాడుతుంటాను

2.అద్దంలో నీఅందాలకు మెరుగుదిద్దుకుంటేనో
అందులోన ప్రతిబింబంగా కనబడుతు నేనుంటాను
గాలిలోన చేరవచ్చే పాటలాగ తోడుంటాను
మధురస్మృతులు మెదిలినంత పెదవులపై నవ్వౌతాను
మనచెలిమి గురుతులు మదిలో శిలాశాసనాలు
మరుజన్మకైనా మరలా   మరులుగొనే అంకురాలు

రచన,స్వరకల్పన&గానం:రాఖీ

ఏ పూర్వ పుణ్యమో నీతొ నాసావాసం
ఎంత అదృష్టమో మన ఇరువురి సాంగత్యం
లోకమంతా ఏకమై మనకు ఎదురు తిరిగితె ఏమి
కక్షగట్టి విడదీసే కుట్రలెన్ని పన్నితె ఏమి
మన ప్రణయ బంధం త్రెంచలేరెవ్వరు
మన ప్రేమ సౌధం కూల్చలేరెవ్వరు

1. కులాల కుత్సితాల బలాబలాలో
మతాల సంకుచితాల వికృత పోరులో
సమాజాన్నె వెలివేసి మన బాటలొ సాగుదాం
కుటుంబాలు వదిలేసి మనకు మనమె బ్రతికేద్దాం
మన ఆశయాలు మార్చలేరెవ్వరు
మన ఆశలెన్నటికీ త్రుంచలేవ్వరు

2.వివరాలనెరిగాకే అనురాగం పుడుతుందా
ప్రణాళికలు రచియిస్తేనే అనుబంధం బలపడుతుందా
ఎవరికెపుడు ముడిపడుతుందో ఎవరికి ఎరుక
అందమో అందుబాటో స్పందిస్తేనె కలయిక
స్వర్గంలో జరిగిన పెళ్ళిని  నరకంగా చేసుడెందుకో
పరస్పరం అభీష్టముంటే కట్టుబాట్లు కాసుడెందుకో

OK

ఓ అభినవ వరూధినీ
నీ మానస సరోవరతీరముకే చనీ
నీ హృదితో సంగమించు కోర్కె మించనీ
త్రికరణశుద్ధిగా మన ఎదలే రమించనీ
ఇహలోక భావనలే ఇకపై విరమించనీ

ఓ అభినవ వరూధినీ
నీ మానస సరోవరతీరముకే చనీ
నీ హృదితో సంగమించు కోర్కె మించనీ
త్రికరణశుద్ధిగా మన ఎదలే రమించనీ
ఇహలోక భావనలే ఇకపై విరమించనీ

విరించినై ప్రణయ కృతులు రచించనీ
విపంచియై  నీమేని జతులు ధ్వనించనీ
రాయంచలా క్షీరధారలారగించనీ
రాచిలుకలా ఫలములాస్వాదించనీ
గెలుపోటమేలేక ఇరువురమూ నెగ్గనీ

ఓ అభినవ వరూధినీ
నీ మానస సరోవరతీరముకే చనీ
నీ హృదితో సంగమించు కోర్కె మించనీ
త్రికరణశుద్ధిగా మన ఎదలే రమించనీ
ఇహలోక భావనలే ఇకపై విరమించనీ

మనమనమే నందనవని అవని
అవనీ తలమే భూతల స్వర్గమవని
స్వేఛ్ఛగా యధేఛ్ఛగా నను విహరించనీ
నీ మనసూ తనువూ సర్వం హరించనీ
నీవే నేనై నేనే నీవైన మిథునమై జీవించనీ

ఓ అభినవ వరూధినీ
నీ మానస సరోవరతీరముకే చనీ
నీ హృదితో సంగమించు కోర్కె మించనీ
త్రికరణశుద్ధిగా మన ఎదలే రమించనీ
ఇహలోక భావనలే ఇకపై విరమించనీ

Singer Sid sriram's true voice classic,classical,tabala,mrudangam, dholak,flute,veena,violin

https://youtu.be/jt3JFHvzV4M?si=9-GxcPYs23-hkDvZ

యవ్వనాన విరిసాయి సోయగాల విరులెన్నో
పరిమళాలు విరజిమ్మాయి పలువన్నెల కుసుమాలెన్నో
పయ్యెదనే పరిచాను పవళింపు సేవకొరకు
నా అంగరంగాన  క్రీడించు గెలిచే వరకు

1.కనుసైగలతోనే ఆహ్వానమందించేను
చిరునవ్వులు వెదజల్లి స్వాగతాలు పలికేను
కోటగోడలన్ని దాటుకరా బ్రద్దలుకొట్టి
అంతరంగ అంతఃపురమే ఉంచాను తెరిచిపెట్టి
నన్నేలుకోరా రారాజు నీవేరా
మురిపాలు గ్రోలరా మోజుతీరా

2.మూలబడి పోయింది వాత్సాయన కావ్యము
మామూలైపోయింది ఖజురహో శిల్పము
సింగారమంతా చిలుకరా నవ్యంగా
రసరమ్య గ్రంథమే రాయరా రమ్యంగా
మలుచుకో మోవినే లిఖించే కలంగా
నామేనే నీకికమీదట శ్వేతపుటల పుస్తకమవగా

రచన,స్వరకల్పన&గానం:రాఖీ

పెద్దపులి తోలు కట్టకున్నోడా
పుర్రె బొచ్చె చేత బట్టెటోడా
ఇల్లిల్లూ బిచ్చమెత్తెటోడా
ఎద్దునెక్కి వాడ వాడా ఊరేగే వాడా
జంగమయ్య నీకు నా దండాలయ్యా
లింగమయ్య నీకు పూల దండాలయ్యా

1.వల్లకాడే నీకు నివాసమైనదట
చితిలో బూదినే పూసుకుంటావంట
కపాలమాలనే వేసుకుంటావంట
కాలకాలుడను పేర వరలుదువంట
జంగమయ్య నీకు నా దండాలయ్యా
లింగమయ్య నీకు పూల దండాలయ్యా

2గిరిజమ్మకే నీవు పెనిమిటి వంట
గంగమ్మనైతే నెత్తికెత్తుకుంటవంట
ఆడంబరం లేని దిగంబరుడవు
అందరినీ ఆదరించేటి హరుడవు
జంగమయ్య నీకు నా దండాలయ్యా
లింగమయ్య నీకు పూల దండాలయ్యా

https://youtu.be/nZWbTJ67nFk

రచన,స్వరకల్పన&గానం:రాఖీ

రాగం:భీంపలాస్ 

ముక్కోటి దేవతల మురిపెమే నీ రూపు
పదునాల్గు భువనాల పరవశం నీ తలపు
శతకోటి భక్తుల కలా- వరం నీ చూపు
ఏడుకొండలస్వామి నీవెల్లరకు వేలుపు
నీ దృష్టి పడదేల గోవింద నా వైపు
నిను నమ్మి కొలిచేను ప్రతి పొద్దుమాపు

1.ఏ పుణ్యమో స్వామి ద్వారపాలకులది
ఎంత ధన్యమొ జన్మ నీ అర్చకులది
పావనమె ఆ బ్రతుకు పరిచారకులది
భాగ్యమే జీవితము గుడి సేవకులది
నా కీయవైతివే స్వామి నీ ప్రాపు
నిను నమ్మి కొలిచేను ప్రతి పొద్దుమాపు

2.నీ గర్భగుడిలోని దివ్వెదే సౌఖ్యము
నీ పాదపీఠిపై పువ్వుకూ మోక్షము
తరియించి పోతుంది అభిషేక సలిలము
ఆనందమొందేను నిను తాకి మారుతము
చెవిబడలేదా  ఆర్తియుత నా పిలుపు
నిను నమ్మి కొలిచేను ప్రతి పొద్దుమాపు

OK

రచన,స్వరకల్పన&గానం:రాఖీ
రాగం:భైరవి(హిందుస్తాన్)

అపరంజి బొమ్మవే విరజాజి తీగవే
పట్టుకుంటె రాలిపోయే గులాబి రేకువే
ముట్టుకుంటేగుచ్చుకునే ముళ్ళకొమ్మవే
ముద్దులొలికే ముద్దుగుమ్మవే
హద్దు చెరిపి ఆశగొలిపే చక్కనమ్మవే

1.పాలవెల్లి  తెలుపును తెలుపు నీ మేని సొంపు
మెరుపుకన్న మిరుమిట్లు  నీ తళుకులు
కొండవాగుకన్నా మెలికలు నీ కులుకులు
మనసు దోచే మంత్రగత్తెవే
హద్దు చెరిపి ఆశగొలిపే చక్కనమ్మవే

2.చిక్కకుండ జారే పాదరసం ఊరించే నీ  సరసం
తపనలే పెంచు  ద్రాక్ష పళ్ళు  నీకళ్ళు
మోవి తడి రేపు ఆపిళ్ళు నీ బుగ్గలు
నటనలాడే నంగనాచివే
హద్దు చెరిపి ఆశగొలిపే చక్కనమ్మవే

అపరంజి బొమ్మవే విరజాజి తీగవే

పట్టుకుంటె రాలిపోయే గులాబి రేకువే

ముట్టుకుంటేగుచ్చుకునే ముళ్ళకొమ్మవే

ముద్దులొలికే ముద్దుగుమ్మవే

హద్దు చెరిపి ఆశగొలిపే చక్కనమ్మవే

https://youtu.be/JBlUCmBfnbQ?si=HcQXAJ0F8KDcNziA

హంస రాయబారమూ

మేఘ సందేశమూ
పావురాయి చేత ప్రేమ పత్రమూ
ఏలా తెలుపను నా మనసు ఆత్రమూ
చెలీ చేరగలిగిచాలు నీకు మాత్రమూ

1.పాదలేపనమ్ముతో గగనవీథి ఎగిరినిన్ను కలవనా
ఒంటికంటి రాక్షసున్ని మట్టుబెట్టి నిన్ను గెలవనా
మంత్రాలదీవిలోని మర్రిచెట్టు తొర్రలోని చిలకనితేనా
రెక్కల గుర్రమెక్కి దిక్కులన్ని దాటుకొంటు నిన్నెత్తుకరానా
ఏ సాహసాలు నేను చేయనూ నీ కోసమూ
చెలీ ఏ అద్భుతాలు సాధించి పొందనూ నీసావాసమూ

2.ఊర్వశివే నీవు ప్రేయసీ పురూరవుడనై నేపుట్టనా
మేనకవే నీవు కాబోలు సఖీ రాజర్షిగ తపములనొడిగట్టనా
రంభవు నీవైతే నలకుభేరునిగనే అవతారమెత్తనా
మోహినివే నీవు సుమీ శివుడిలాగ నిన్ను మోహించనా
ఏరీతి నిన్నాకట్టుకోను జగదేక సుందరీ
ఏవిధి నీ ప్రణయాన్ని గొనను రసరాగమంజరీ

https://youtu.be/CJyMiyDJXHw?si=dRlH7BdXrkWXX6SB

దండలెన్నొ వేస్తున్నా -గండాలు కాయమని
దండాలు పెడుతున్నా-అండగా ఉండమని
బండరాయి నాగుండె-నువు కూర్చుండ బాగుండె
సద్గురు సాయినాథా నీదయతో  నా కలలే పండే

1.ఇంటింటా పటములు నిలిచె-ఊరూర నీ గుడులే వెలిసే
ప్రతి మనిషీ నిన్నే తలచే-ప్రతి నాలుక నీనామం పలికే
గురు పౌర్ణమి ఉత్సవమాయే-గురువారం జాతరలాయే
ఇంతకన్న ఇంకేముంది నిదర్శనం-మదికెంతొ హాయీ నీ దర్శనం

2.తిరుపతీ  కాశీ సమము-షిరిడి యాత్రచేయగ ఫలము
ద్వారకామాయి స్థానము-అపర ద్వారకే నిజము
విభూతి ధారణతో అనుభూతులు అనుపమానము
సకలదేవతా స్వరూపము సాయినాథ నీ అవతారము

రచన,స్వరకల్పన&గానం:డా.రాఖీ
రాగం:హిందోళం

ఏ విధి పొగడనే పలుకులబోడి
పొందనిదేదమ్మ నిను మదివేడి
పొడిబారనీకు పొరబడి ఎదతడి
పబ్బతులిడెదనె నే సాగిలబడి

1.అడుగేయనీకు ఎపుడూ తడబడి
మాటజారనీకమ్మా మతిచెడి పదపడి
చేసితినమ్మా నా గుండె నీ గుడి
కొలువుదీరవమ్మా కడదాక తిరపడి

2.అచ్చరపడు రీతి అచ్చరాలు కూర్చనీ
ఎడదలు మురియగ పదములు సాగనీ
నా కవనమంతా పలు వన్నెలు పూయనీ
నా కైతలలో  నీ తలపులె నిలువనీ