రచన,స్వరకల్పన&గానం:డా.రాఖీ

(సినిమా కోసం వాడుకోవచ్చు-రచయిత అనుమతితో)

కాటుక మురిసిపోతున్నది
నీ కళ్ళతో జతపడి సార్థకమైనందుకు
తిలకం గర్వమొందుతున్నది
నీ నుదుటన మెరిసిపోతున్నందుకు

ముంగురుల భ్రమరాలే భ్రమిసిపోతున్నాయి
నీ వదన కమలాన్ని ముద్దాడినందుకు
చిరునవ్వుల మల్లియలే ముదమొందుతున్నాయి
నీ పెదవుల నలరించినందుకు

నాదెంత అదృష్టమో నెచ్చెలీ
నీతో సావాసమున్నందుకూ
అనుబంధం పెనవేసినందుకూ

1.పరవశించి పోతున్నది గానము
నువు గాత్ర మాధురిని అద్దుతున్నందుకూ
పలవరించుతున్నది ప్రౌఢ పికము
నీ పాటే మాదిరిగా దిద్దుతున్నందుకూ
నాదెంత అదృష్టమో నెచ్చెలీ
నీతో సావాసమున్నందుకూ
నీ గీత మకరందం గ్రోలుతున్నందుకూ

2.తృప్తిపడుతున్నది భారతీయము
కట్టుబొట్టులో ప్రతీకవే నీవైనందుకూ
చాటిచెప్పుతున్నది మనదైన తెలుగుదనము
సాంప్రదాయ బద్ధమైన నీ నడతకూ
నాదెంత అదృష్టమో నెచ్చెలీ
నీతో సావాసమున్నందుకూ
నూరేళ్ళూ ముడివడి ఉన్నందుకూ

https://youtu.be/CHvEY7gJY7Y


అంటే అంటావుగాని
ఆ కొంటె చూపులెందుకంటా
తిడితే తిట్టావుగానీ
ఆ చిలిపి నవ్వులెవరికంటా
ఆకంటా ఈకంటా నువు పడకుంట
నిన్ను దాపెట్టగ నా కెంతటిదో ఈ తంటా

1. కళ్ళేమో బెల్లాలు నోరూరే తాయిలాలు
ఎదకవి గొళ్ళాలు ఎర వేసిన గాలాలు
పోరే పెడుతున్నాయి మిగిలిన నీఅందాలు
కురులు కెంపుల చెంపలు ఊరించే పెదాలు
రెప్పవాల్చలేని తిప్పలు నాకెన్నో
చెప్పనలవి కాని గొప్పలు నీకెన్నో

2.కచ్చ తీర్చుకోనేల రెచ్చగొడుతు నన్ను
అలసిపోతుందే చూస్తూనె ఉంటె నా కన్ను
ఋజువన్నది లేకుండా చంపగలవె నువ్వు
కత్తికన్న పదునే పరువాలు చిలుకు నీ తనువు
ఛస్తే మాత్రమేమి నిన్నే పొందగా
బ్రతికొస్తా పదేపదే అందాలనందగా

OK

రచన,స్వరకల్పన&గానం:డా.రాఖీ
రాగం:బీంపలాస్

సాకారా నిరాకారా సైకతలింగేశ్వరా
అవ్యక్తా అభివ్యక్తా ఆత్మలింగేశ్వరా
శ్రీ రాఘవ హస్త ప్రతిష్ఠితా
ధర్మపురీ శ్రీరామలింగేశ్వరా
పాలయమాం పంచభూత లింగేశ్వరా
ప్రణమామ్యహం ద్వాదశ జ్యోతిర్లింగేశ్వరా

1.పృథ్వీరూపలింగా కంచి ఏకామ్రేశ్వరా
జలరూపలింగా జంబుకేశ్వరా
తేజోరూపలింగా అరుణాచలేశ్వరా
వాయురూపలింగా శ్రీకాళహస్తీశ్వరా
ఆకాశరూపలింగ చిదంబరేశ్వరా
నమోస్తుతే వేములవాడ రాజేశ్వరా
రాజరాజేశ్వరా

2. శ్రీశైల మల్లికార్జునా సోమనాథేశ్వరా
ఉజ్జయినీ మహాకాలా ఓంకారేశ్వరా
భీమశంకరా పర్లీ వైద్యనాథేశ్వరా
రామేశ్వరా దారుకావన నాగేశ్వరా
త్రయంకేశ్వరా కాశీ విశ్వేశ్వరా
కేదారేశ్వరా ఎల్లోరా ఘృష్ణేశ్వరా
కాళేశ్వర ముక్తీశ్వరా

https://youtu.be/-mDga2xu_v4

రచన,స్వరకల్పన&గానం:డా.రాఖీ

నిన్ను నీవు తెలుసుకొనుటె ఆత్మజ్ఞానము
మనిషి దైవమన్నదే పరమ సత్యము
జగద్గురువు ఆదిశంకర ప్రబోధము
తత్వమసి తత్వమే అద్వైతము
శంకర జయంతి నేడు సద్గురునికి వందనాలు
కంచి పరమాచార్యులకు సాష్టాంగ వందనాలు

1.కాలడిలో ఆర్యాంబ గర్భాన ఉదయించి
ఎనిదేళ్ళ ప్రాయంలో సన్యసించి
గోవింద భగవద్పాదుల గురువుగా పొంది
బ్రహ్మ సూత్రాలకు సరళ భాష్యాలు రచియించి
విఖ్యాతి నొందాడు శంకరుడు అద్వైత సిద్ధాతం ప్రవచించి

2.శృంగేరి పూరీ ద్వారకా జ్యోతిర్మఠాలు
నాల్గు చెరగులా స్థాపించాడు అద్వైత పీఠాలు
కనకధారా స్తవమును ఎనలేని దేవతా స్తోత్రాలను
జగతికి అందగా చేసాడు ఆదిశంకరాచార్యులు
అహం బ్రహ్మాస్మి తత్వాన్ని అవగత పరిచాడు

https://youtu.be/dlO8H6p6NzU?si=P6qRzk_kAT96R7NK

రచన,స్వరకల్పన&గానం:డా.గొల్లపెల్లి రాంకిషన్ రాఖీ

(ప్రతి పంక్తిలో "క్ష కార" పదగీతి)

రాగం:మధ్యమావతి

అక్షయ నిధులను అందించవె
ఆదిలక్ష్మి మాయమ్మా
అక్షయ తృతీయ నేడూ
లక్షణముగ నిన్నర్చించెద మోయమ్మా

అక్షయ నిధులను అందించవె
ధనలక్ష్మీ మాయమ్మా
అక్షయ తృతీయ నేడూ
లక్షణముగ నిన్నర్చించెద మోయమ్మా

1.బిక్షకులే లేనటుల ఈ ఇలలో
క్షుద్బాదలు తీర్చవె మాయమ్మా
నిక్షేపములౌ ధాన్య రాశుల మాకు
దయసేయవె ధాన్యలక్ష్మీ శరణమ్మా

అక్షయ నిధులను అందించవె
గజ లక్ష్మీ మాయమ్మా
అక్షయ తృతీయ నేడూ
లక్షణముగ నిన్నర్చించెద మోయమ్మా

2.నిరక్షరాస్యులను మాటే
ఈ క్షితిలో వినిపించనీకమ్మా
అక్షరమౌ విద్యాసంపద నొసగవె
విద్యాలక్ష్మీ వినతులు గొనవమ్మా

అక్షయ నిధులను అందించవె
వర లక్ష్మీ మాయమ్మా
అక్షయ తృతీయ నేడూ
లక్షణముగ నిన్నర్చించెద మోయమ్మా

3.రక్షించవె ఆయురారోగ్యములిచ్చి
పరీక్షించక మమ్మిక ఓయమ్మా
వీక్షించవే కన్నుల వెన్నెల ఒలుక
సంతాన లక్ష్మీ మాయమ్మా

అక్షయ నిధులను అందించవె
ధైర్యలక్ష్మీ మాయమ్మా
అక్షయ తృతీయ నేడూ
లక్షణముగ నిన్నర్చించెద మోయమ్మా​

https://youtu.be/KGYUnC3KOks

రచన,స్వరకల్పన&గానం:డా.రాఖీ

విజయాలను నెమరువేసుకొంటూ
గుణపాఠాలనే నేర్చుకుంటూ
అధిరోహించాలి ఉన్నత శిఖరాలనూ
అధిగమించి తీరాలి అవరోధాలనూ
జన్మదినం కావాలి స్ఫూర్తికారకం
జన్మదినం  ఎల్లరకూ ఆనందదాయకం
శుభాశీస్సులందుకో సుందరా
శుభాకాంక్షలివిగో హరీష్ భరద్వాజా

1.పిరికితనం నినుచూసి జడుసుకోవాలి
తడబాటే  స్థైర్యానికి తలవంచాలి
ఓరిమి నీవెంటే నీడగ సాగాలి
ఓటమి నీ దీక్షముందు ఓడిపోవాలి
జన్మదినం కావాలి స్ఫూర్తికారకం
జన్మదినం  ఎల్లరకూ ఆనందదాయకం
శుభాశీస్సులందుకో సుందరా
శుభాకాంక్షలివిగో హరీష్ భరద్వాజా

2.ఆరోగ్యం నిన్నెపుడు అంటిపెట్టుకోవాలి
ఆహ్లాదం హృదయంలో ఆవాసముండాలి
గణపతీ మారుతీ నిన్ను దీవించాలి
అమ్మానాన్న అన్నల ఆశీస్సులు పండాలి
జన్మదినం కావాలి స్ఫూర్తికారకం
జన్మదినం  ఎల్లరకూ ఆనందదాయకం
శుభాశీస్సులందుకో సుందరా
శుభాకాంక్షలివిగో హరీష్ భరద్వాజా

రచన,స్వరకల్పన&గానం:డా.రాఖీ

రాగం:కానడ

గడ్డకట్టి పోయాయి కన్నీళ్ళూ
బండబారి పోయింది నాగుండె
ఎటుచూసినా శోకసంద్రమే లోకంలో
జనమంతా అయోమయపు  వింత మైకంలో

1.గడిచెటోడికైనా ఇది గడ్డుకాలమే
పూటగడవనోడికి ఇక దినదిన గండమే
గతిలేక గతపు స్మృతులు నెమరేసుకోవడమే
ఉగ్గబట్టి విపత్కాలమీదుకుంటు సాగడమే

2.తీరిపోతె కష్టమెంత చిన్నదో కదా
మునకలేస్తున్నపుడిక బ్రతుకు విలువ తెలియదా
మించనీకు తరుణమింక మంచిగ మెలగగా
ప్రేమ దివ్వె వెలిగించు చీకటే తొలగగా

ఎన్నిజన్మముల పాపములైనా
ఎంచక తొలగించు వాడు
తెలిసీ తెలియక చేసిన దోషములు
మన్ననచేసి మాన్పెడి వాడు
ఎల్లలోకముల నడిపెడివాడు
చల్లని చూపుల వేంకటేశ్వరుడు
మహిమలు గుప్పించు మదనజనకుడు
సిరులను కురిపించు శ్రీనివాసుడు
గోవింద గోవింద హరినారాయణ
గోవింద గోవింద కరుణాభరణా

1.అడిగేపనిలేదు అంతర్యామిని
కోరేదియు లేదు కొండలరాయుని
వేడాలని లేదు వేంకటా చలపతిని
మనసెరిగిన మా మంగాపతిని
మహిమలు గుప్పించు మదనజనకుడు
సిరులను కురిపించు శ్రీనివాసుడు
గోవింద గోవింద హరినారాయణ
గోవింద గోవింద కరుణాభరణా

2.వ్యాధులకౌషధము వ్యాసవినుతుడే
నలతల లేపనము నారద నాంత్రుడే
రుగ్మతకు వైద్యుడు హరినారాయణుడె
రోగాలకెల్లనూ  ధన్వంతరి తానె
మహిమలు గుప్పించు మదనజనకుడు
సిరులను కురిపించు శ్రీనివాసుడు
గోవింద గోవింద హరినారాయణ
గోవింద గోవింద కరుణాభరణా

రచన,స్వరకల్పన&గానం:రాఖీ

ఖర్చేముంది సాటివారిని కాస్త ప్రేమిస్తే
కష్టమేపాటి తోటివారిని ప్రేమగా ఆదరిస్తే
మనిషిగా జీవించు మనుషులను అభిమానించు
మానవత్వాన్ని ఇంచుకైనా పెంచి పోషించు

1.కొంపలేం మునిగిపోవు కొంతైనా పంచివేస్తే
ఆస్తులేం కరిగిపోవు అన్నార్తులకు వితరణ చేస్తే
ఆకలే కద జీవజాతికి మహిలోన మహమ్మారి
వృత్తి ఉద్యోగాలన్నీ చేయుట భుక్తికే చచ్చీచెడీ

2.రోజువారీ కూలైనా రాజ్యమేలే రాజైనా
అతీతులెవ్వరులేరు  క్షుద్భాద ముందు
ఉపాధే లేనివేళలో ఏ భృతీ నోచనివారికి
ఉడతా భక్తిగా కీర్తి కోరైనా సరే విరాళాన్ని అందజేయి

https://youtu.be/KNrrRpiscrI

రాగం:తోడి

చూపులతో తొలి వందనం ఉగ్రనార సింహం
కరములతో మలి వందనం యోగ నారసింహం
సాష్టాంగ వందనమిదె లక్ష్మీనార సింహం
యాదగిరి లక్ష్మీ నారసింహం
మనసారా గొనుమిదె మా వందనం
ధర్మపురీ నారసింహం మా ధర్మపురీ నారసింహం

1.జనుల తపన నెరవేర్చెడి జ్వాలా నారసింహం
మునుల తపము మెచ్చెడి వరాహ నారసింహం
కనుల గాంచ వరములిచ్చు శాంతనారసింహం
ఇహపర సుఖములొసగు ధర్మపురీ నారసింహం
మా ధర్మపురీ నారసింహం

2.నారద ప్రహ్లాద వరద పవన నారసింహం
హిరణ్య కశిపు సంహరా మాలోల నారసింహం
సర్వరోగహర గండభేరుండ నారసింహం
శేషప్ప కవి సన్నుత ధర్మపురీ నారసింహం
మా ధర్మపురీ నారసింహం

రచన,స్వరకల్పన&గానం:డా.రాఖీ

తపములే చేయాలా నిన్ను రప్పించ
జపములే చేయాలా నిన్ను మెప్పించ
సాధ్యమే కాదు నాకు యాంత్రికుణ్ణి నేను
వాస్తవాలు నిగ్గదీయకు కాస్తనాస్తికుణ్ణి నేను
ఉనికి తెలుపుకోవయ్యా ఉమాశంకరా
పనికిరావేల ఉంటే ఫాలనేత్రుడా

1.అర్చనలూ అభిషేకాలు లంచాలా నీకు
హారతులు నైవేద్యాలు నజరానాలెందుకు
నువ్వు ప్రసన్నం కావాలంటే ప్రదోష దీక్ష చేయాలా
నువ్వు వరములీయాలంటే ముడుపులిచ్చుకోవాలా
బదులు పలుకవేమయ్యా బాలేందు శేఖరా
ఆదుకొనుగ రావయ్యా  అర్ధనారీశ్వరా

2.నీ గుళ్ళూ గోపురాలు నిశ్చయంగ దర్శించాలా
తీర్థాలూ యాత్రలన్ని మేము తిరిగి తీరాలా
కన్నతండ్రి పెట్టగలడా కరుణాకరా ఇలా ఆంక్షలు
ఆత్మలోన కనుగొంటే అవ్యక్తుడా ఏలా పరీక్షలు
చిత్రవధలు మాకేనా చిదానందుడా
ఘోరయాతనకు తుది లేదా నీలకంధరా

OK

రచన,స్వరకల్పన&గానం:డా.రాఖీ

చిన్ని చిన్ని చర్యలతో -ప్రయోజనాలెన్నెన్నో
చిరుచిరుచిరు చేష్టలతో -మనసూరటలెన్నెన్నో
గమనించు నేస్తమా - సూక్ష్మంలో మోక్షాన్ని
పాటించు మిత్రమా-బాంధవ్య సూత్రాన్ని

1.దయచేసి వాడాలి తరచుగా దయచేసి అన్న పదాన్ని
సరే అని అనగలిగావా-త్రుంచగలవు వాదాన్నీ వివాదాన్నీ
విచారాన్ని వ్యక్త పరిస్తే-అణచగలవు ఎదుటివారి ఆగ్రహాన్నీ
కృతజ్ఞతలు తెలిపావంటే-పంచగలవు పరస్పరం ఆనందాన్నీ

2.పలకరించినా చాలు-తీర్చేవు కన్నవారి కాస్త ఋణాన్ని
తాజాగా ఉంచగలిగితే-నిలిపేవు నిండైన స్నేహితాన్ని
కర్తవ్యం మీరకుంటే -గెలిచేవు యజమాని విశ్వాసాన్ని
మక్కువను వ్యాఖ్యానిస్తే-ఇచ్చేవు కవులకు ప్రోత్సాహాన్నీ
చప్పట్ల దుప్పట్లతో సత్కరించగలవు కళాకారులందర్నీ

https://youtu.be/kVz5FWjHOT8

రచన,స్వరకల్పన&గానం:డా.రాఖీ

రాగం:సింధుభైరవి

నందబాలం యదునందబాలం
గోకుల గోపాలం ఆనందమూలం
వందే పరమానందమూలం

వసుదేవ సుతం యశోదా మోదితం
నవనీత హరం గోవర్ధన గిరిధరం
నమామి శిఖిపింఛ శోభితం

యమునా తీర విహారం బృందావన సంచారం
గోపికా ప్రియకరం రాధికా మనోహరం
పాలయమాం మురళీగాన విలోలం

ద్రౌపదీ మాన సంరక్షణం చక్రధరం
పాండవ హితకరం కిరీటి రథచోదకం
భజే గీతా జ్ఞాన సుబోధకం

రచన,స్వరకల్పన&గానం: డా.రాఖీ

రాగం:శివరంజని

స్ఫురించినంతనే రామా నీ రూపం
దివ్య సుందర విగ్రహం
స్మరించినంతనే రామా నీ నామం
మకరంద మాధురీ సమం
అమృత తుల్యం నీ అద్భుత చరితం
అనన్య సామాన్యం ఆదర్శ భరితం

1.తరించింది తాటకి నీ బాణం తాకి
అవతరించింది నాతి నీ పాదం సోకి
వరించింది జానకి విలువిరిచిన నీ శౌర్యానికి
కలవరించింది సాకేతపురి నీ పట్టాభిషేకానికి

2.విలువ హెచ్చింది నీ వల్ల రాజసానికి
జనం మెచ్చింది నువుపాటించ తండ్రిమాటకి
కళవచ్చింది పదునాలుగేళ్ళు దట్టమైన వనికి
కీర్తి తెచ్చింది నీ ధర్మనిరతి భారతావనికి

3.భక్తి కుదిరింది నదిదాటగ బోయవాడికి
బ్రతుకు ఆరింది నిన్నేమార్చ మాయలేడికి
మైత్రి కలిసింది నీకూ కిష్కింద వానరుడికి
ముక్తిదొరికింది రావణుడికి నీ తూపువాడికి

https://youtu.be/WIBOUssIa4A

బ్రతుకు నీ చేతిలో శివశంకరా
భవిత నీ చేతలో పరమేశ్వరా
ఆరిపోయే దీపాన్నీ అఖండంగ వెలిగిస్తావు
ఆకస్మికమైన క్షణంలో అంతరింపజేస్తావు
ఏమిటో నీ క్రీడ మంజునాథేశ్వరా
ఎందుకో సయ్యాట రాజరాజేశ్వరా

1.మార్కండేయులెంతమంది చిరంజీవులైనారు
శిరియాళులెంతమంది కృపాపాత్రులైనారు
బ్రహ్మరాతరాస్తాడేల -శివుడు చెరిపివేస్తాడేలా
అపవాదునీకేల కాలకాలుడా
అపకీర్తి నీకేల విశ్వనాథుడా

2.వైద్యనాథుడవే నీవు రోగాలు బాపలేవా
మృత్యుంజయుడవే అపమృత్యునాపలేవా
ఇదే నీ అభీష్టమా-ఇదే సుస్పష్టమా
కరుణించి కాపాడు చంద్రశేఖరా
శరణంటు వేడేము శంభోహరా

కలం రాయని రాతలెన్నో కన్నీళ్ళు రాస్తాయి
ఎవరు చూడని లోతులెన్నో ఎదలొ ఉంటాయి

జలతారు ముసుగులు మోమునంతా కప్పివేస్తాయి
చిరునవ్వు నివురును ఊదివేస్తే నిప్ప్క లుంటాయి

ఎండమావులు ఎదురువస్తూ అశనిస్తాయీ
తీరలేని తపనింకా పెంచివేస్తాయీ

 తొలగిపోనీ మబ్బులెన్నో శశినిమూస్తాయి
బ్రతుకు సాంతం గ్రహణమల్లే తలపునిస్తాయి

పంచప్రాణాల దేహము అలసిపోతుంది రాఖీ
పంచభూతములప్పుడే కబళించి వేస్తాయి

ఉన్నదే ఇపుడున్నదే జీవితం
చేజారినదంతా గతం
కాలప్రవాహంలో కరిగెను స్వప్నం
ఎపుడే మలుపు తిరుగునో
జీవిత నాటకం

1.బండ్లు ఓడలైతే ఎంతటి అదృష్టం
ఓడలు బండ్లవడమే ఓ నగ్నసత్యం
జీర్ణించుకోగలేని పరిణామాలు
ఊహించగాలేని ఉత్పాతాలు
నిన్నటి నందనవనమే నేటి స్మశానం
కట్టెలమ్ముకొట్టాయే పూలదుకాణం

2.యథాతథంగా సాగాలి బ్రతుకు రథం
ఎత్తు పల్లాలెన్నున్నా ఉన్నది ఒకటే పథం
శీలలే ఊడినా ఆగదు ఈ పయనం
చక్రమే తొలగినా చేరకతప్పదు గమ్యం
ఆశించినప్పుడే మనషికి ఆశాభంగం
ఎదురీదక స్వీకరిస్తే ఎనలేని ఆనందం

రచన,స్వరకల్పన&గానం:డా.రాఖీ

కత్తిమీద సామురా కలికితో స్నేహము
పులిమీద స్వారిరా పడతితో చెలిమి
ఎప్పడెలా పరిణమిస్తుందో
ఏ మలుపు తిరుగుతుందొ
అత్తిపత్తిలాగా ఎంచరా సోదరా
ఉత్తి తోలుతిత్తిగ భావించరా

1.అందమనే వెలుగు శిఖన-శలభమల్లె మాడిపోకు
తామర రేకుల మధ్యన-భ్రమరమోలె చిక్కుబడకు
మోహమనే పాశానికి నువు కట్టుబడకు
వలపుల మాయల వలలోన పట్టుబడకు

2.పట్టించుకోకున్నా ఆకట్టు కొంటారు
తపసుచేసుకుంటున్నా భంగపరుస్తుంటారు
చొరవగ ఉన్నారనీ సొల్లుకార్చుకోకురా
చనువునిచ్చారనీ చంకనెక్కబోకురా

https://youtu.be/BPW8t05I3rw

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఎక్కడ కొలువుంచనూ ముక్కంటి దేవరా
ఏ తావున నిలుపనూ ఓ తిక్క శంకరా
తిరుగ మరిగినోడివి
ఒక పట్టే పట్టనోడివి
నిన్నెలా పట్టేయనూ ఎదకెలా కట్టేయనూ

1.గుండె నుండమనలేను
పాడుబడినదెప్పుడో
మనసున బస చేయమనను
మసిబారిందెన్నడో
నీళ్ళంటే నీకిష్టము గంగాధరా
నా కళ్ళలొ పుష్కలము మునిగితేలరా

2.ఇంటికింక పిలువలేను
ఇక్కట్లే ఆక్రమించుకొన్నాయి
ఒంటిలోన స్థలమీయ లేను
రోగాలే పీడించుతున్నాయి
అక్షరమే నీతత్వము సదాశివా
అక్షరముల బంధింతును నిను సదా శివా

OK

రచన,స్వరకల్పన&గానం:డా.రాఖీ

నారు పోసిన నీవు-నీరు పోయగ లేవా
ఈత నెరుగని మమ్ము-ఏరు కడపగ లేవా
ఏడు కొండల సామి-బదులు పలుకవేమి
మము గన్న మాతండ్రి-దారి చూపవదేమి

1.ఎలుగెత్తి అరిచింది ఏనుగు ఆనాడు
ఆదర బాదరగా - ఆదుకొంటివిగాదా
దీనంగా వేడింది ద్రౌపది శరణంటూ
చీరలనందించి మానము కావగలేదా

2.నీకున్న పని ఏమి లోకాలేలే సామీ
మంచిని పెంచడము -చెడ్డను తుంచడమే
పడక వేసినావొ పడగ నీడలోన
కునుకే తీసినావో లిప్తపాటులోన

రచన,స్వరకల్పన&గానం:డా.రాఖీ

నువ్వొక్కడివే దిక్కు
నీపైనే నమ్మిక మాకు
జగమేలే పరమాత్మా
నువ్వొక్కడివే రక్ష మాకు

1.నరజాతి నశించడాన్ని
కాచే ప్రభుడవు నీవే
ఘోరక(లి)రోనా ఆగడాన్ని
ఆపే యోధుడవల్లా నీవే

2.ముక్తకంఠంతో మేము
నిన్నర్థిస్తూనే ఉన్నాము
గుణపాఠం నేర్చుకున్నాము
పద్ధతులను పాటిస్తాము

https://youtu.be/5TIZYliGxxw?si=wXeQOkD_LjOnhOtf

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:దేవగాంధారి

జననం మరణం సహజాతి సహజం
జన్మకారణం కానేల (అను)నిత్య రణం
జగమే మాయని ఎరిగినగాని
జనులేల జగడాల కడతేరనేల
ఈచక్ర భ్రమణము నాకేలనమ్మా జ్ఞాన సరస్వతి
జననీ జగజ్జననీ కోరితి మరిమరి నీశరణాగతి

1.సతతము మరువక  నెరనమ్మితి భారతీ
మనమున మననము దినమానము జేసితి
మనసేల వచ్చెనే ఇల నన్నొదలగ అనాధగ
అక్కునజేర్చవే చక్కని మాయమ్మ ననువేగ
ఈచక్ర భ్రమణము నాకేలనమ్మా జ్ఞాన సరస్వతి
జననీ జగజ్జననీ కోరితి మరిమరి నీ శరణాగతి

2.తుఛ్ఛమైన ఇఛ్ఛల తీర్చి మోసపుచ్చకే జగన్మామాత
నిత్యానందము నీ పదసన్నిధి దయసేయవె దాక్షాయణీ
ఆప్తుడగానా నీ కృపా ప్రాప్తికి లిప్తపాటైన వృధాపరచక
పరసౌఖ్యదాయిని నిజ శ్రేయకారిణి శృంగేరీ శారదాంబికా
ఈచక్ర భ్రమణము నాకేలనమ్మా జ్ఞాన సరస్వతి
జననీ జగజ్జననీ కోరితి మరిమరి నీ శరణాగతి

రచన,స్వరకల్పన&గానం:డా.రాఖీ

ఎడారిలో తడారిన గొంతును నేను
తుది మెదలు తెగిపోయిన వంతెన నేను
ఊహల స్వర్గానికి నిచ్చెనపై నేను
ఉద్ధరించువారికై ఎదిరిచూస్తున్నాను

1.భగీరథుడనయ్యాను గాత్రగంగ కోసం
గాధేయుడనయ్యాను బ్రహ్మత్వం కోసం
నత్తగుల్ల నయ్యాను స్వాతిచినుకు కోసం
బీడునేల నయ్యాను వానధార కోసం

2. చకోరినయ్యాను కార్తీక వెన్నెల కోసం
చాతకపక్షినైతి మృగశిర కార్తి కోసం
మయూరమైనాను ముసిరే మబ్బుకోసం
శిశిరమై మిగిలాను రాని ఆమని కోసం

రచన,స్వరకల్పన&గానం:డా.రాఖీ

నా కవి తలలో తరగని స్నేహముంది
నా కవితలలో సాహితీ దాహముంది
నే పాడే గీతాల దాగిన అనురాగముంది
నే వేడే భారతీమాత వర యోగముంది

1.ఎనలేని సారస్వత మక్కువ ఉంది
మనలేని సంగీతపు ఆత్రుత ఉంది
రసహృదయుల అగణితమౌ అభిమానముంది
ననుగన్న తలిదండ్రుల మిక్కిలి దీవెన ఉంది

2.దైవమంటె అమితమైన భక్తి ఉంది
దేశమంటె ఎదలో అనురక్తి ఉంది
సమాజమంటె ఇష్టపడే బాధ్యత ఉంది
విశ్వజనీనమైన ప్రేమ అనుభూతి ఉంది

https://youtu.be/-RcIWSlfeL8?si=O-u5GLGnKjVg4iLN

రచన,స్వరకల్పన&గానం:రాఖీ

రాగం:భీంపలాస్

చిత్తములో నీవున్నా ప్రాప్తమేల ఈ గతి
భావనలో కొలువున్నా భవిత కేల దుర్గతి
నిదురలోన కలగా నీవే
నిజములోనా కనులానీవే
నన్నేల ఏలవో నగజా విభో
శరణాగతవత్సలా హరహర శంభో

1.పలుకుతున్న ప్రతి పలుకూ పంచాక్షరిగా ఎంచా
ఎదురైన ప్రతి శిలనూ శివలింగమని తలిచా
కురిసేటి వర్షాన్నే భగీరథిగ భావించా
జీవరాశినంతటినీ నీవుగా ప్రేమించా
నన్నేల ఏలవో నగజా విభో
శరణాగతవత్సలా హరహర శంభో

2.ఉఛ్వాసే నమక స్తోత్రం నిశ్వాస నాకు చమకం
ఆత్మలింగానికి సతతం  రుధిర రుద్రాభిషేకం
నవనాడుల మ్రోగుతుంది నాప్రాణ రుద్రవీణ
గుండెయే తాండవమాడ బ్రతుకే శివా నీకర్పణ
నన్నేల ఏలవో నగజా విభో
శరణాగతవత్సలా హరహర శంభో

రచన,స్వరకల్పన&గానం:డా.రాఖీ

నీ కళ్ళే కలువరేకులు
ఆ కళ్ళే ఎదకు బాకులు
నీ కళ్ళే కదలనీక పాదాలకు మేకులై
ఆ కళ్ళే మెదలనీక గుళ్ళున్న తుపాకులై

1.నీ కళ్ళు నేర్పాయి తారలకు తళుకులెన్నో
నీకళ్ళు కూర్చాయి మెరుపులకు జిలుగులెన్నో
నీకళ్ళే అరువిచ్చాయి నిశీధికే నీలవర్ణము
నీకళ్ళే  స్మృతి తెచ్చాయి నెలలోని కృష్ణపక్షము

2.నీకళ్ళు చూసి చూసీ కృష్ణుడాయే నందబాలుడు
నీకళ్ళు గీసిగీసీ చకితుడాయే చతురాననుడు
నీ కళ్ళే  వరమిచ్చాయి వెన్నెలకు  ఆహ్లాదాన్నీ
నీ కళ్ళే దయతలచాయి కరిమబ్బుకు నల్లదనాన్నీ

దీపం పెట్టి వెతికినా ఆస్కారమెలేదు అందచందాలకి
ఆసాంతం పరిశీలించినా సంస్కారముండదా వ్యక్తికీ
ఉంటారు కొందరు ఊకదంపుడు వాళ్ళు
భజంత్రీలు కార్చేస్తారు ఎనలేని సొల్లు
విచ్చలవిడి తనమన్నదే అర్హతగా
విశృంఖల జీవితమే ఆలంబనగా

1.తలిదండ్రుల ప్రేమకైనా నోచనివాళ్ళు
అందరూ ఉండికూడ ఔతారిల అనాథలు
చిరునవ్వుల ముసగేసుకొని గొంతులే కోస్తారు
నమ్మించినట్టే ఉండి నట్టేట ముంచేస్తారు
పైశాచికత్వమన్నదే ఒక అర్హతగా
హింసించే ఆనందం కడువేడుకగా

2.మనోవైకల్యమే వారికో వైపరీత్యం
బ్రతుకున వైఫల్యమే అసహన కారణం
ఓర్వలేరు సంతోషించే సాటివాళ్ళను
జీర్ణించుకోలేరు తమకు బోధించేవాళ్ళను
అదను చూసి వలవేయడమే అర్హతగా
మోసగించి అవమానించే నెలతగా

https://youtu.be/p137dFrOS6Q?si=xR-UCHWN4WMKLmrd

ఆధిపత్యం లేనపుడే అన్యోన్య దాంపత్యం
ఏ దాపరికం లేనపుడే అపురూపమౌను కాపురం
మూడు ముళ్ళే బంధించాలా ముడిపడిన మనసులుంటే
ఏడడుగులు నడిపించాలా ఏడుజన్మలు తోడుంటే
ఒకరికి ఒకరై జతకడితేనే ప్రణయం
మనసుల మధ్యన వారధియే పరిణయం

1.ఎలా ఏర్పడిపోతాయో అపరిచితమౌ బంధాలు
ఎందుకు పెనవేస్తాయో ఎరుగలేము బాంధవ్యాలు
కళ్ళుమూసి తెరిచేలోగా చిక్కుబడి పోతాము
ఎంతగా విదిలించుకున్నా తప్పుకొని రాలేము
కార్యకారణ సంబంధం ఉండితీరుతుంది
ప్రతి చర్యకు ప్రతిచర్యై ప్రేమగా మారుతుంది

2.భారతీయ వ్యవస్థలో పవిత్రమే వివాహబంధం
హైందవ తత్వంలోనే అద్భుతమీ కళ్యాణ బంధం
ఒడిదుడుకులు ఎదురైనా సర్దుబాటు చేకొంటారు
పొరపొచ్చాలెన్నున్నా దాటవేసి పోతుంటారు
సంతానం లక్ష్యంగా బ్రతుకు బండి సాగుతుంది
కుటుంబమే ఐక్యంగా గండాలు దాటుతుంది

రచన,స్వరకల్పన&గానం:డా.రాఖీ

నను స్పృశియించుమన్న వస్తువే లేదాయే
నను సృజియించమన్న ఆత్మే కనరాదాయే
కవితా నిన్నెలా తీర్చిదిద్దనూ
కవితానిన్నెలా ఇపుడోదార్చనూ

1.రాసాడు వ్యాసుడు పద్దెనిమిది పురాణాలు
నుతించె స్తోత్రాలు జగద్గురు శంకరాచార్యులు
త్యాగయ్యా అన్నమయ్య కృతులెన్నొ కూర్చారు
క్షేత్రయ్యా జయదేవులు రక్తినొలికించారు
కవితా నిన్నెలా తీర్చిదిద్దనూ
కవితానిన్నెలా ఇపుడోదార్చనూ

2.మేఘాల కావ్యాల బంధించెనే అల కాళిదాసు
మనుచరిత్రనే ప్రబందించెనే అల్లన అల్లసాని పెద్దన
విజయవిలాస మొనరించె చేమకూర కవి
కరుణారస మొలికించె తెనాలి వికటకవి
కవితా నిన్నెలా తీర్చిదిద్దనూ
కవితానిన్నెలా ఇపుడోదార్చనూ

3.ప్రకృతినంత పదముల నుడివె కృష్ణ శాస్త్రి
అభ్యుదయమును ఎత్తుకునే అలనాడే శ్రీశ్రీ
మనసును మధించడం ఆచార్య ఆత్రేయకే దక్కే 
అక్షర కన్నెల వెన్నెలనాడించినాడు నాడా తిలక్కే 
కవితా నిన్నెలా తీర్చిదిద్దనూ
కవితానిన్నెలా ఇపుడోదార్చనూ

https://youtu.be/y4GG11iMaq0?si=lJ3dAkaxQLnQ3soO

రచన,స్వరకల్పన&గానం:డా.రాఖీ

వాగధీశాయ నమో వాయుపుత్రాయ
అంజనానందనాయ వానర యోధాయ
వందే వారిజప్రియ శిష్యాగ్రేసరాయ
శరణు శరణు శంకరస్వరూపాయతే నమః

1.కేసరీసూనాయ కేయూరభూషణాయ
సాకేతసార్వభౌమ రామభద్ర సేవకాయ
జానకీ ప్రమోదకాయ లంకాదహనాయ
మహాబల దేహాయ  మారుతీ రాజాయ నమః

2.సంకట హారాయా సంజీవరాయా
సౌమిత్రి ప్రాణదాయా జితేంద్రియాయా
సింధూర దేహాయ చిరంజీవాయా
కొండగట్టువాసాయ కరోనా నాశకాయ నమః

(హనుమజ్జయంతి శుభాకాంక్షలతో)

https://youtu.be/3dJozfr5TZY?si=0LU4oybl-aH9iptG

రచన,స్వరకల్పన&గానం:రాఖీ

నా మత్తుచెడగొడుతూ నీఊపిరి సుప్రభాతం
రవిగ మెరిసెనునీ భృకుటి మధ్య సింధూరం
కురులు విదిలించగా కురిసిందిలే తుషారం
అపురూపమైనీరూపం తలపించె ఇంద్రచాపం
ప్రియమైన నా శ్రీమతి నీవే దైవమిచ్చిన బహుమతి
మనసైన నా ప్రియసఖి నీవే అనురాగానికి ఆకృతి

1.తులసికోట చుట్టూ తిరిగే గృహలక్ష్మి నీవే
రుచురుచుల ఆకలితీర్చే అన్నపూర్ణా దేవివే
ఇల్లుసర్ది సగబెట్టే  ఇంటి యజమానివి నీవే
పడకటింట కులుకులు చిలికే రతీదేవి నీవే
ప్రియమైన నా శ్రీమతి నీవే దైవమిచ్చిన బహుమతి
మనసైన నా ప్రియసఖి నీవే అనురాగానికి ఆకృతి

2.అలసిన నా బడలిక బాపే  పిల్లతెమ్మెర నీవే
అలజడి చెలరేగినవేళ ఊరడించు నేస్తానివే
అలకపాన్పు ఎక్కినంతనే అల సత్యభామవే
అలవోకగనను మురిపించే నిండైన ప్రేమవే
ప్రియమైన నా శ్రీమతి నీవే దైవమిచ్చిన బహుమతి
మనసైన నా ప్రియసఖి నీవే అనురాగానికి ఆకృతి

రచన,స్వరకల్పన&గానం:డా.రాఖీ

అల్లా అల్లా అల్లా -సద్బుద్ధినివ్వు మా కెల్లా
ప్రభువా జీసస్ క్రీస్తు-కలిగించు మాకు శ్రీరస్తు
శ్రీరామచంద్ర మూర్తి-తీర్చవయ్య మా ఆర్తి
జగమేలే  పరాశక్తి-ప్రసాదించవే-కరోనానుండి  విముక్తి

1.హితము కూర్చగ ప్రతి మతము
జనతకు ఎంతో సమ్మతము
మానవతను కోరే అభిమతమూ
ఈ సృష్టికంతటకీ మహితము
సాటి మనుషులతొ సఖ్యత గలిగి
సాగించేదే ఉత్తమ జీవితం
ప్రతి మత గ్రంథం బోధించేది
మనిషి మనిషిని ప్రేమించడం

2.మూడునాళ్ళ బ్రతుకులోనా
విద్వేషాలకు తావేల
పుట్టుక చావు అందరికొకటే
మంచిగ మెలగవు నీవేల
నెత్తురులోనా భేదమెక్కడిది
మతమును తెలిపెడి సూచికగా
గంగా జమున సంగమించవా
మేధనుమార్చకు పాచికగా

రచన,స్వరకల్పన&గానం:డా.రాఖీ

దీపం దైవానికి ప్రతిరూపం
దీపం లోకానికి గురు తుల్యం
దీపం ప్రగతికి ప్రతిబింబం
దీపం సుగతికి ఒక గమ్యం
జ్ఞాన దీపం వెలిగించు-అనురాగ దీప్తిని పంచు
ఆత్మజ్యోతిని ప్రభవిస్తూ-సమైక్య గీతిని వినిపించు

1.పట్టపగలైనా గాని -పగలు కమ్మె చీకటులై
వెన్నెలే కురిసినగాని- విద్వేషం చిమ్మె కరిమబ్బై
విచక్షణే తేజరిల్లితే  -విభేదం మోకరిల్లదా
మానవత్వ కాంతిలోనా-  విశ్వశాంతి వెల్లివిరియదా
జ్ఞాన దీపం వెలిగించు-అనురాగ దీప్తిని పంచు
ఆత్మజ్యోతిని ప్రభవిస్తూ-సమైక్య గీతిని వినిపించు

2.లౌకికత అన్నదే- ప్రపంచాన మన  ఘనత
అనాదిగా పరమత సహనం- మన దివ్య చరిత
నరజాతికి పరమ విరోధి -కరోనా మహమ్మారి
మట్టుబెట్టి చితిపేర్చేద్దాం  -ఒక్కతాటిపైన చేరి
జ్ఞాన దీపం వెలిగించు-అనురాగ దీప్తిని పంచు
ఆత్మజ్యోతిని ప్రభవిస్తూ-సమైక్య గీతిని వినిపించు

https://youtu.be/KojzywMe_L8


https://youtu.be/hA6YW6X6YzY

రచన,స్వరకల్పన&గానం:డా.రాఖీ

రాగం:సారంగ

సరయూ నది తీర సాకేతపుర నికేత సార్వభౌమా
గోదావరి తటవాస ధర్మపురీ నిజధామ శ్రీ రామా
శరణాగత వత్సలా కోదండరామా
శరణు శరణు దశకంఠ రావణ శమనా
 తక్షణమే కరోనాను కడతేర్చి మముకావర

1.పావనమౌ నీకోవెలకరుదెంచ లేనైతి
రమణీయము నీరూపము దర్శించ నోచనైతి
కమనీయమైన నీ కళ్యాణము కాంచనైతి
శరణాగత వత్సలా కళ్యాణ రామా
శరణు శరణు జానకీ వల్లభ రామా
 కరోనాను కడతేర్చి జగత్కళ్యాణమొనరించర

2.మానవీయ విలువలకూ నిదర్శనం నీవె రామ
మైత్రీభావనకూ తార్కాణం నీవే సుమా
ధర్మ సంస్థాపనకు సుభిక్ష రాజ్యపాలనకు ఆదర్శమా
శరణాగత వత్సలా పట్టాభి రామా
శరణు శరణు జగదానందకారక రామా
 కరోనాను కడతేర్చి నరులనుధ్ధరించరా

రచన,స్వరకల్పన&గానం:డా.రాఖీ
రాగం:ఉదయ రవి చంద్రిక

నన్నల్లుకుంది నవ్వుల మల్లెల పరిమళమేదో
నను గిల్లుతోంది మధురిమలొలికే పికగళమేదో
వెన్నెలే తానుగ వచ్చి శార్వరిని వెలిగించిది
ఆహ్లాద ప్రభలే ప్రసరించి నేస్తమై నిలిచింది

1.మంచితనం నిండుగ ఉండగ
మంచుకొండ గుండెగమారె
పసితనం పరువం నిండగ
సెలయేరు పలుకుల పారే
పాటగా రవళించేను శ్రుతిలయల అనుబంధం
తేనెలే సృజియించేను  విరి తేటి బాంధవ్యం

2.శిల్పమే రూపుదిద్దును
ఉలికి శిలకు పొసగినంతనే
కావ్యమే అంకురించును
భావుకతలు చెలగినంతనే
కల కళగ వెలయగజేస్తే బ్రతుకే ఒక నందనం
కలయిక కలగా కరిగితె భవిత ప్రశ్నార్థకం

రచన,స్వరకల్పన&గానం:డా.రాఖీ

https://youtu.be/mD5lQQv8hD4

పోచమ్మ ఎల్లమ్మ మైసమ్మ
మీరు సల్లంగా కాచే తల్లులె గదమ్మా
మిమ్ములను మొక్కంది దినామే గడువదు
మిమ్ములను కొలువంది పానామె ఊకోదు
ఊకూకే గిట్లైతే మేమెట్ల సచ్చూడో
తాపకో మామ్మారిని మీరెట్ల మెచ్చుడో
కూసింత మామీద దయజూడరొ తల్లులు
జర కరోన గండం దాటించరొ అమ్మలూ

1.ప్లేగు మశూచీ కలరా స్ఫోటకపు వ్యాధులు
క్షయ డెంగ్యూ చికున్ గన్యా వంటి రోగాలు
ఎన్నిటినినుండి గట్టెక్కించినారో మమ్ముల
కడుపులవెట్టుక సక్కగ సాకినారో మమ్ముల
కూసింత మామీద దయజూడరొ తల్లులు
జర కరోన గండం దాటించరొ అమ్మలూ

2.యాపమండలె బతుకు దీపాలాయే నాడు విషజ్వరానికి 
పసుపు పూసుకుంటే మందాయే కదమ్మా ప్రతి గాయానికి  
మైలబడకుండా శుచిగా ఉంటిమి  జబ్బుపడినప్పుడు
పత్యం పాటించి నిత్యం మిము తప్పక తలచామప్పుడు
కూసింత మామీద దయజూడరొ తల్లులు
జర కరోన గండం దాటించరొ అమ్మలూ

OK

రచన,స్వరకల్పన&గానం:డా.రాఖీ

ఎవ్వరమూ కాము అనాథలం
మనుషులమంతా ఆత్మబంధువులం
మన మధ్యన బంధుత్వం మానవత్వం
అనంతవిశ్వంలో మన ఉనికే నిత్వత్వం
కలసికట్టుగా చిచ్చేపెడదాం కౄర కరోనాకు
నరుని ఘనతనే చాటిచెప్పుదాం ఈ జగత్తుకు

1.దిగంత అంతరాళంలో మన భూమొక పిపీలికం
ఖగోళ పాలపుంతల్లో ఎంతటిదీ మన స్థానం
రోదసి గ్రహరాసుల్లో పరమాణు పరిమాణం
నక్షత్ర మండలాల్లొ ఒక మూలగ మన వాసం
లక్షల వత్సరాల  మనుగడకే సవాలు
చావోరేవో అనాదిగా ఎన్నని నరజాతి యుద్ధాలు

2.కంటికి కనబడని  లక్షలాది విరోధి వైరస్లు
నిత్యం వెంటాడే వేలాది బాక్టీరియ ఫంగస్లు
పంచభూత విలయాలు ప్రతిఏటా విపత్తులు
వంచన మించిన సాటిమనిషి అనూహ్యమైన వెన్నపోట్లు
లక్షల వత్సరాల  మనుగడకే సవాలు
చావోరేవో అనాదిగా ఎన్నని నరజాతి యుద్ధాలు

రచన,స్వరకల్పన&గానం:డా.రాఖీ

ఔదార్యం ఉండదు కొందరికి ఉంటెనేం ఎంతో  ధనం
అవకాశం దొరకదు ఇంకొందరికి వితరణకై ఏక్షణం
సాటివారి ఎడల స్పందించగ ఇదె తరుణం
మానవాళిపట్ల తీర్చుకొనగ మన ఋణం
కరోనా వైరి ఐనా గుణపాఠం నేర్పగ అయ్యింది కారణం
ప్రతి ప్రతికూలతలోనూ ఉంటుంది ధనాత్మక ప్రేరణం

1.వృద్ధిచెందాయి కరోనా పుణ్యమా అని వ్యక్తిగత శ్రద్ధలు
పెరుగసాగాయి కరోనా మూలాన పరిసర పరిశుభ్రతలు
ఇనుమడించాయి కుటుంబ సభ్యులతో అనుబంధాలు
పెంపొందుతున్నాయి దేశ ప్రజలలో జాతీయ భావనలు
కరోనా వైరి ఐనా గుణపాఠం నేర్పగ అయ్యింది కారణం
ప్రతి ప్రతికూలతలోనూ ఉంటుంది ధనాత్మక ప్రేరణం

2.అలవడింది నేతల పిలుపుతో గడపదాటని క్రమశిక్షణ
ఒంటబట్టింది చట్టానికి సహకారమందించే పౌరబాధ్యత
తెలియవచ్చింది విపత్తునధిగమించు మన ధీరోదాత్తత
అవగతమైనది సమాజశ్రేయస్సుకున్న ప్రాథమ్యత
కరోనా వైరి ఐనా గుణపాఠం నేర్పగ అయ్యింది కారణం
ప్రతి ప్రతికూలతలోనూ ఉంటుంది ధనాత్మక ప్రేరణం

https://youtu.be/4jvkplvQ3Zo

రచన,స్వరకల్పన&గానం:రాఖీ

పైన పటారం లోన లొటారం కాదయ్యా నువు శంకరా
ఎంత పటాలం నీకున్నదో మము కాచుటలో లేదు శంక రా
కైలాసం వదిలేసి గణములనాయత్త పరచి మా వంకరా
పిలిచీ పిలువగనే భక్తుల బ్రోచుటలో నీకు లేదు వంక రా

1.శివునాజ్ఞలేనిదే చీమైనా కుట్టదని మేమెరుగమా
నీ ఆనతిలేనిదే యముడైనా కదలడని అనుభవమేగా
మృత్యుంజయా ఆపరా సత్వరమే కరోనా కరాళ నృత్యం
జీవేశ్వరా ఛేదించరా కరోనా వ్యాప్తి వెనుక దాగిన సత్యం

2.నర జాతియే నాశనమొందువేళ ఏల తాత్సారం
మనుషుల మధ్యన మతమొకగీతగా దేనికి మత్సరం
అధికార దాహాలు రాజ్యాధిపత్యాలు ఎంత కుత్సితం
మానవ సమాజాన  మచ్చగమారనీకు ఏ వత్సరం

రచన,స్వరకల్పన&గానం:డా.రాఖీ
రాగం:మాల్కోస్

త్వమేవాహమ్ పరమ శివమ్
దేహిమే ఆత్మ దర్శనమ్ పరమాత్మ దర్శనమ్
ఏకమ్ సత్ విప్రా బహుదావదంతి
అవలోకయమామ్ ఋగ్వేదోక్తి

1.మమ సంశయమతి అజ్ఞానపూరితమ్
సందేహనివారిణమ్ వందే విశ్వైకగురుమ్
పార్వతీ వల్లభమ్ అర్ధనారీశ్వరమ్
దివ్యానంద ప్రసాదినమ్ దిగంబరమ్ సుందరమ్

2.తత్వమసి అహం బ్రహ్మాస్మి భావనమ్
కించిత్ మీమాంస సంయుతమ్
దేహాత్మ భేదమ్ అవగతవరదమ్
సోహమేకం సత్యం శివమ్ సుందరమ్

రచన,స్వరకల్పన&గానం:డా.రాఖీ

పాటకోసం ఎదిరిచూసే తోటనైనాను
తోటలోని చివురుకోరే పికమునైనాను
గున్నమావి చివురులున్న తోటనేనేను
గొంతువిప్పీ గీతిపాడే కోయిలమ్మనునేను
ఏమనినే చెప్పెదను మనస్నేహం జగతిన సుందరం
ఆమనియే అరుదెంచు మనవల్ల పొందగ ఆనందం

1.వరమునొసగె దైవము నీకు గాత్ర మాధుర్యం
నీది ఎంతటిభాగ్యము మనసంతా ఔదార్యం
ఉన్నదాన్ని ఉపయోగిస్తె జగత్కళ్యాణము
 ప్రతిభనంత ధారపోస్తే  జన్మసార్థక్యము
ఏమనినే చెప్పెదను మనస్నేహం జగతిన సుందరం
ఆమనియే అరుదెంచు మనవల్ల పొందగ ఆనందం

2.వాడే పూవు తెలుపుతుంది తావిపంచడాన్ని
పారెగంగ నేర్పుతుంది తపన తీర్చడాన్ని
పరికించి చూడూ ప్రకృతే గురువౌతుంది
చెలిమిని అందించు చెట్టునేస్తమౌతుంది
ఏమనినే చెప్పెదను మనస్నేహం జగతిన సుందరం
ఆమనియే అరుదెంచు మనవల్ల పొందగ ఆనందం

OK

ఏ దివ్య లోకాలనుండో దిగివచ్చినావే చెలీ
రస రమ్య సోయగాలే ఇల సంధించినావే సఖీ
వెన్నెలనంతా దోచుకొచ్చి వెల్లెవేసావు నీమేనికి
కన్నె పరువం దాచుకొంటూ వన్నెలూనావే నేటికీ
ప్రౌఢలోనీ గూఢపొంకం సాటిరాదది నీకే సొంతం
నీ అంగాంగం మన్మథరంగం నిత్యవసంతం  జీవితాంతం

1.అందంగా జన్మించడం  లలనకు అదృష్టం
కలకాలం సవాలే యవ్వన పరిరక్షణం
ఏపూటన తిన్నావొ పస్తులే ఉన్నావో సౌష్ఠవానికి
వ్యాయామమె చేసావో ఆరోగ్యమె కాచావో సొగసుకి
సౌందర్యపోషణే నిష్టాగరిష్టమైన యజ్ఞం
ఏమరుపాటులేక కాచుకున్నావు సౌందర్యం

2.ఏచోటన తమ అందపు కేంద్రముందొ ఎరుగరు
ఏవర్ణం సొబగుల ఇనుమడించునో తెలియరు
కనులు వీక్షణలు అధరాల విరుపులు బుగ్గసొట్టలు
నాభి నడుమొంపులు పయోధరాలు కురులు జఘనాలు
ఎదగుట్టు కనిపెట్టి కనికట్టు చేసే కప్పుర గంధీ
తాపసులకు కసిరేపి రతికై ఉసిగొలిపే కలశస్తనీ

రచన,స్వరకల్పన&గానం:డా.రాఖీ

ఒంటరిగా నా పయనం
అనంతమే నా గమ్యం
భావాలనే కవితలుగా మలచుకొంటూ
గీతాలనే ఎలుగెత్తి పాడుకొంటూ

1.యుగాలుగా నాదిదే కథ
ఎన్ని జన్మలెత్తినా మారదు చరిత
తామరాకుపై నీటిబొట్టుగా
తాత్కాలికంగా ఇతరుల జతకట్టగా

2.వచ్చింది ఈ ఇలకు ఒంటరిగానే
వదిలేది సైతం ఒంటరిగానే
నాతోనేనే గడిపేను హాయిగా
ఇల్లే ఇలలో ఒక స్వర్గసీమగా

రచన,స్వరకల్పన&గానం:డా.రాఖీ

నరునికీ కరోనాకు నడుమన సమరం
కంటికి కనిపించకుండ రాక్షస యుద్ధం
రాజీపడి మరుగైతె గెలుపు మనదె తథ్యం
ఎదుటపడగ సమిధలై మన సమాధి ఖాయం
నరజాతికి కరోనా పాడుతోంది చరమగీతం

1.పరిశుభ్రత వహించడం ప్రజలను కాచే కవచం
మాస్క్ లూ శానిటైజర్లు సంధించే ఆయుధాలు
ఇంటిపట్టున అంటకమెంటక ఉండడమే పద్మవ్యూహం
సోషల్ డిస్టెన్స్  ఒకటే జనులకు వాడగ పాశపతాస్త్రం

2.మాయలనేర్చిన మారి కరోనా రెచ్చగొట్టేను ఎరలను వేసీ
కాలుకదపక కూర్చొనువేళ కాలుదువ్వును వలలను పన్నీ
యుద్ధనీతే లేదుగా కరోనాకు మననే మార్చును అస్త్రాలుగా
 కబళించైనా మనుషులపైనా గెలుపే ధ్యేయం కౄర కరోనాకు

రచన,స్వరకల్పన&గానం:డా.రాఖీ

రాగం:హిందోళం

కరోనా అంటే  మన జనాలకు ఒక కల'రా
కరోనా అన్నది మన మూర్ఖులకు కల్పనరా
దేశవ్యాప్త లాక్ డౌన్ పెద్ద జోకురా
ఇంటిపట్టునుండమంటె ఎంతడోకురా
ఎవరుచెపితె ఎక్కుతుంది ఈ మూఢులకి
ఎలాచెపితె ఎరుకౌతుందో ఎర్రిమొర్రోళ్ళకి

1.రోజువారి పనులన్నీ యథావిధిగ చేసేరు
రోడ్డుమీది కొద్దంటే వింతగ వాదించేరు
చావులంటె ఎవరికీ ఏమాత్రం లెఖ్ఖలేదు
కర్ఫ్యూ ను పెట్టినా కాస్త ఖాతరైనలేదు
ఎవరుచెపితె ఎక్కుతుంది ఈ మూఢులకి
ఎలాచెపితె ఎరుకౌతుందో ఎర్రిమొర్రోళ్ళకి

2.మొకానికైతె నేమోమాస్కన్నదె ఉండదు
శానిటైజర్ పేరైనా తెలియనే తెలియదు
పరిశుభ్రత అన్నది ఇంటా వంట లేదు
మనుషుల మధ్యన దూరం మాటవరుసకైన లేదు
ఎవరుచెపితె ఎక్కుతుంది ఈ మూఢులకి
ఎలాచెపితె ఎరుకౌతుందో ఎర్రిమొర్రోళ్ళకి

రచన,స్వరకల్పన&గానం:డా.రాఖీ

ఏడేడు లోకాలు నీకళ్ళలో
ఎన్నెన్ని వర్ణాలు చెక్కిళ్ళలో
కడతేరిపోతాను కౌగిళ్ళలో
ముగిసిపోతేమి బ్రతుకు మూన్నాళ్ళలో

1.సమయమెంత దొరికిందో కరోనా మిషవల్ల
తేరిపార చూస్తున్నా సుందరినీ తనువెల్లా
కవితలెన్నొ  రాస్తున్నా కవినైనా కాకున్నా
చూపులతొ చిత్రాలెన్నో చిత్రంగా గీస్తున్నా

2.చేజారిన కాలమంతా తిరిగి ఏరుకుంటున్నా
నీ ఎడల నిర్లక్ష్యానికి దండుగనే చెల్లిస్తున్నా
చేదోడువాదోడై బాధ్యతగా ఉంటున్నా
ఏడాది పండుగలన్నీ ఇపుడె చేసుకొంటున్నా

https://youtu.be/dyTZSqgbTMw

రచన,స్వరకల్పన&గానం:డా.రాఖీ

సాడేసాత్ శని నిన్నూ పట్టబోతుంటేనూ
మఱ్ఱిచెట్టు తొర్ర లో సొర్రలేదా
భస్మాసురుడు నెత్తిమీద సెయ్యిబెట్టబోతేనూ
హరినే శరణుకోరి బచాయించలేదా
మంచుకొండదప్ప మంచి ఇల్లైనా లేదాయే
వల్లకాడెగాని  చిన్న గుడిసైనా లేదాయే
పైలంరా శంకరా అంటురోగమంటరా అమానవీయం 
భద్రంరా ఈశ్వరా ఇలాజ్ లేదంటరా బ్రతుకే అయోమయం 
సల్లంగ బతికుంటే శివరాత్రికి మల్ల శ్రీశైల మొచ్చేము
నూకలు బాకుంటె కోడెనుగట్ట మేము ఎములాడకొచ్చెము

1.కనివిని ఎరుగని కాలనేమి ఇదిరా కాలకాలుడా
నీ ఆనతివినని పెను భూతమేనురా భూతనాథుడా
జాతరలంటూ తిరుగుతూ ఆడికీ ఈడికీ  పోబోకు
భక్తులవెంట బడి నీకున్న మైమలకే ముప్పు తెచ్చుకోకు
పైలంరా శంకరా అంటురోగమంటరా అమానవీయం 
భద్రంరా ఈశ్వరా ఇలాజ్ లేదంటరా బ్రతుకే అయోమయం

2.సల్లబడ్డదేమో సంపనీకి నీకన్ను ముక్కంటీ
శిలుంబట్టిందేమొ పొడవనీకి శూలం శూలపాణీ
వైద్యనాథడువైననూ నీకే అంతువట్టకుంది ఈ వింత వైఖరి 
గరళకంఠుడవైన నీవే హరించలేనిదాయె ఈ వ్యాధి మల్లారి 
దిక్కులకే రారాజువు నీకే దిక్కులేదు మమ్మెట్లకాచేవు
యుమునికే గురుడవు నీకే సక్కిలేదు మమ్మెట్ల సాకేవు

రచన,స్వరకల్పన&గానం:డా.రాఖీ

అరె ఏం జెప్పుడ్రబై మన పబ్లిక్కు
దీన్ని సౌరగజేసుడెంత సిక్కు
నెత్తినోరుగొట్టుకుంటు మొత్తకున్నగాని పట్టించుకుంటే ఒట్టు
ఖుల్లం ఖుల్లజేసి ముంగట్లవెట్టినా ఎక్కదేందిరో గీ కరోనా గుట్టు

1.కాళ్ళుమొక్కిజెప్పినా ఖాతరే జేయరాయె
దండవెట్టిజెప్పినా మొండిగా వినరాయే
దందాలన్ని బందువెట్టి ఇంటికాడ ఉండమంటే
లెక్కజేయకుండ ఇంక సడకు మీద్కి రావట్రి
సబ్బువెట్టి సెయ్యితోమి సచ్చంగా ఉండమంటే
ఏదివడ్తె అదిముట్టి కంపుకంపు జేయవట్రి

2.టీవీల్లల్ల జూపినా సింతాకంత సింతలేదు
మైకువెట్టి జెప్పినా మంచిగైతె ఇనుడెలేదు
దగ్గు తుమ్ము ఏదొచ్చిన మూతిమూసుకోమంటే
నాకేమైతదంటు  పర్వజేసుడె లేదాయే
గజమంత దూరముండి పన్లు సక్కవెట్టమంటె
మీదమీద వడుకుంటూ రాస్కపూస్క తిరుగుడాయె

రచన,స్వరకల్పన&గానం:రాఖీ

రాగం:మాయామాళవగౌళ

అనివార్యం మనిషికి మరణం
అర్ధాంతరమైతేనే అది దారుణం
ఇంటినిలిచి గెలిచేటిదీ రణం
మించిపోనీకు కరోనానరికట్టే తరుణం
బుద్ధి లేక వెధవలై గుంపులుగా గుమిగూడనేలా
మీరూ గుర్తించలేని మీలోని వైరస్ను పరులకంటించనేలా

1.దేశాధినేతలే పబ్బతులిడి చెప్పినా
ప్రపంచమంతా బెదురుతు గడగడలాడినా
వార్తల్లో కళ్ళముందు వ్యాధి వ్యాప్తి ఎరుకైనా
టీకా చికిత్సలూ లేనే లేవని తెలిసినా
బుద్ధి లేక వెధవలై గుంపులుగా గుమిగూడనేలా
మీరూ గుర్తించలేని మీలోని వైరస్ను పరులకంటించనేలా

2.మిమ్మల్ని చేయమన్న దేశ సేవ ఏమిటని
మిమ్మల్ని కోరుతున్న త్యాగం ఏపాటిదని
అంటకమెంటక శుభ్రత పాటించడమేగా
కుటుంబ సభ్యులతో ఇంటగడపమనేగా
బుద్ధి లేక వెధవల్లా గుంపులుగా గుమిగూడనేలా
మీరూ గుర్తించలేని మీలోని వైరస్ను పరులకంటించనేలా

రచన,స్వరకల్పన&గానం:డా.రాఖీ

"అనాయాసేన మరణం
వినా ధైన్యేన జీవనం
దేహాంతే తవ సాన్నిధ్యం
దేహిమే పరమేశ్వరం."

దిక్కులేని చావునే చావాలా
కుక్కచావు లాంటిదే కావాలా
ఇంటిపట్టునుండమంటె ఇంత నిర్లక్ష్యమా
మనకైతే రాదనే వింత ఉదాసీనమా
కొనసాగితె ఇలాగే కరోనా కోఱల్లో చిక్కకతప్పదిక
మృత్యుకరాళ నృత్యానికి కాబోతోంది ప్రతి ఎద ఒక వేదిక

1.చావైనా పండగే  మన ఇండియాలో
చచ్చాకా సందడే సంప్రదాయ రీతిలో
స్వర్గవాసమో ముక్తిధామమో మరణాంతర ఆంతర్యం
కళేబరాలనైనా పూడ్చలేక కాల్చలేక ఇకపైన మనదైన్యం
కరోనా కోఱల్లో చిక్కకతప్పదిక
మృత్యుకరాళ నృత్యానికి ప్రతి ఎద ఒక వేదిక

2.మనం బ్రతికి మందిని బ్రతికించగలగడం
ఎదుటివారికి తగినంత దూరంగా మెలగడం
ఇల్లే ఒక స్వర్గమని ఇంటికి పరిమితమవడం
చేతులు కడుగుకొంటు పరిశుభ్రత పాటించడం
క్రమశిక్షణ కలిగియుంటె  కరోనాకు అంతం
నియంత్రణను మీరకుంటె కరోనాకు మరణం

https://youtu.be/ZUPJ7hW0J0M?si=aJB0iUVASotSnZSg

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం: సారమతి

ఇందరు ఎందుకు కొలుతురు నిన్ను
ఇందిరా రమణా నీ ఉనికే లేకున్న
పరిపరి విధముల పొగడుదురేలను
పురుషోత్తమా నీ గుణగణములను
గోవింద గోవింద హరి నారాయణ
గోవింద గోవింద కరుణాభరణా

1.వందలు వేలు నీ మందిరములు
లక్షలు కోట్లు నీ భక్త జనములు
నిత్యపూజలు కైంకర్యములు
తప్పక జరిపెడి బ్రహ్మోత్సవములు
ఇంతగ ఎందుకు కొలుతురు నిన్ను
ఇందీవరశ్యామ నీ మహిమలు గనకున్న
గోవింద గోవింద వేంకట రమణ
గోవింద గోవింద కరుణాభరణా

2.నారదాది ముని పుంగవులు
అన్నమయ్య వంటి వాగ్గేయ కారులు
స్మరియించిరి సహస్ర నామాల
కీర్తించిరి నిను వేవేల కీర్తనల
కరిని బ్రోచిన మకరి సంహారి
కావవేర కరోనా మహమ్మారి బారి
గోవింద గోవింద శుభ చరణా
గోవింద గోవింద కరుణాభరణా

క-ట్టుబడి ఉంటాను నీ నట్టింటిలో
కాపురముంటాను నీ కాటుక కళ్ళలో
కితకితలే పెడతాను నిను జోకుల్తో
కీర్తనలే పాడతాను నీ అందాలు పొగుడ్తూ

రో-మాంచితమాయే రేతిరౌతుంటేనూ
రౌద్రరసం పొంగుతోంది పడక దక్కకుంటేనూ
రంజైన వయసంతా నీరుగారి పోతోంది
రఃదారి మూసివేయ బతుకు వెగటు కొడుతోంది

నా-కూ నీకు మధ్య దూరముంది సరేనా
నిమిషమైన తప్పుజేస్తె తప్పదింక కరోనా
నీడ కూడ పడకుండా జాగ్రత పడుతున్నా
నువ్వే నేనైతే అదేకదా ప్రేమకు నజరానా

రచన,స్వర కల్పన&గానం:డా.రాఖీ

ఎంత మస్తుగున్నవె నీ సోకుమాడ
మత్తెక్కిస్తున్నావే నీ జిమ్మడ
సూపుల్లో కైపుంది నవ్వుల్లో కిక్కుంది
పడిసస్తాడెవడైనా నీ కాళ్ళకాడ
ఇస్తాడే పానాలైన నిన్ను గూడ

1.పిక్కలపైకెగ గట్టిన సుక్కల కోక
నీ ఎండి కడియాలు కేకోకేక
తిప్పుకుంటు ముప్పుదెచ్చె సుప్పనాతి నడుము
బొడ్డుసూడబోతెనేమొ యాదికొచ్చె కుడుము
నడకేమో హంసనడక తప్పదింక హింస పడక
పడిసస్తాడెవడైనా నీ కాళ్ళకాడ
ఇస్తాడే పానాలైన నిన్ను గూడ

2.సుక్కలన్ని దండగుచ్చి సుట్టావే కొప్పులో
సెంద్రవంకనెట్టినావు ముక్కెరగా ముక్కులో
ముందు ఎనక చెప్పబోతె ఎన్నెన్ని గొప్పలో
కళ్ళబడితె ఆగలేక గుండెకెన్ని తిప్పలో
నువులేక దిగదు మెతుకు నీతోనే నాకు బతుకు
పడిసస్తాడెవడైనా నీ కాళ్ళకాడ
ఇస్తాడే పానాలైన నిన్ను గూడ

https://youtu.be/fEzWA1J8QVQ?si=DKmBE9pyPyu07EJY

రచన,స్వరకల్పన&గానం:డా.రాఖీ

రాగం:రేవతి

భీకరాకారా నరకేసరీ చక్రధరా
ధర్మపురీ సంస్థితా దనుజ సంహారా
ప్రహ్లాద వరదా హే ప్రభో కరుణా సముద్రా
అరిషడ్వర్గమునే హరించరా  కరిరాజ భద్రా

1.విచ్చలవిడి మా నడతను మార్చుకున్నాం
విర్రవీగ గుణపాఠం నేర్చుకున్నాం
మానవతను మా అక్కున చేర్చుకున్నాం
నీవే ఇక దిక్కని అంగలార్చుతున్నాం

2.ప్రకృతి ఎడల మరికాస్త శ్రద్ధవహిస్తాం
పర్యావరణానికి తగినవిలువనిస్తాం
మనిషికి మనిషికి మధ్యన వంతెన వేస్తాం
చిత్తశుద్ధితో నిన్ను సర్వదా స్మరిస్తాం

3.ఇందుగలదందులే దని ఎరుగం
కరోనా అన్నదే బ్రహ్మ పదార్థం
సర్వాంతర్యామివి స్వామీ నీవు
కరతలామలకమే నీకు కరోనా చావు

రచన,స్వరకల్పన&గానం:డా.రాఖీ

వినాలి ఎద సవ్వడి ఏమంటున్నదీ
కవితల కనాలి అనుభూతుల నెలా మలుచుకుంటున్నదీ
చిగురాకులా స్పందించేను చిరుగాలి వీచినా
ఘనఘనమై వర్షించేను తనమేనొకింత తాకినా

1.కలయేదో వచ్చి వాలింది రెప్పలపై చిలుకలా
కలయికయే వరమయ్యేలా ఆశగొలిపింది రేపులా
ఊసులెన్నొ చెప్పింది బాసలెన్నొ చేసింది
కనులు తెరిచి చూసినంతనె కలవరమే రేపింది
కల్లగానె మారింది

2.నా చీకటి జీవితాన ప్రమిదలా వెలుగిచ్చింది
నా ఒంటరి ప్రపంచాన ప్రమదగా తోడొచ్చింది
ఏడడుగులు వేసేతరుణం ఏడు జన్మలదా ఋణం
చెప్పాపెట్టకుండానే బంధాలను త్రెంచేసింది
సంద్రంలో ముంచేసింది

రచన,స్వరకల్పన&గానం:డా.రాఖీ

రాగం:యమన్

కనుగీటనేల మదిమీటనేల
కుదురుగా ఉండేవేళా-ముగ్గులోకి లాగనేల
పట్టించుకోవేల పరువాలు వగచేలా
యవ్వనాన విహరించేలా అందించు రాసలీల

1.ఏ కరోనా కాటువేయునో ఏకరువు పెడుతున్నా
నీ దైనలోకంలోనే కలలు కందువేలా
బ్రతికితె రతికేమి కొదవలే అడ్డుఅదుపులేనేలేదా
ఓపికనువు పట్టావంటే ఓరుగల్లు పట్నమౌనులే

2.చేజారిపోనీకు మనవైన మధురక్షణాలు
మించనీకు సంగమించు ఎదురవనీ మరణాలు
గడిచిపోతె మరలారాదు ఘడియ సమయమైనా
నిమిషమే యుగమయ్యేను సరసమే రసమయమైనా

PIC courtesy:  నీ నేస్తం ID

https://youtu.be/k_cdqXIIMf0?si=MM9tGGFYgGGfxyoz

రచన,స్వరకల్పన&గానం:డా.రాఖీ

రాగం:తిలక్కామోద్

సిద్ధ హస్తుడవు ప్రసిద్ధ వైద్యుడవు
మహమ్మారుల పరిమార్చే దురంధరుడవు
మృత్యువుకే ఎదురొడ్డిన పరమాత్ముడవు
దీనజనుల కాచిన అపర పరమేశ్వరుడవు
కడగళ్లనే కడతేర్చగా కరుణించవో గురునాథా
షిరిడి సాయినాథా జయ జయ సద్గురునాథా

1.కలకలము రేపెను షిర్డీ గ్రామాన కలరా
తిరుగలితొ బాబా గోధుమలు విసరా
పిండినంత షిర్డీలో మూలల్లో విసరా
పారిపోగ చేసావుగ ఎవరైనా నీకు సరా
కడగళ్లనే కడతేర్చగ కరుణించవొ గురునాథా
షిరిడి సాయినాథా జయ జయ సద్గురునాథా

2.గాలిలోన చేతులుతిప్పి గారడీలు చేసేవు
ధునిలోని విభూతినిచ్చి వ్యాధులెన్నొ మాన్పేవు
ఫకీరుగా ఉంటూనే బంధాలకు విలువిచ్చావు
వండివార్చి ఎందరికో క్షుద్బాధను తీర్చావు
కడగళ్లనే కడతేర్చగ కరుణించవొ గురునాథా
షిరిడి సాయినాథా జయ జయ సద్గురునాథా

రచన,స్వరకల్పన&గానం:డా.రాఖీ

ఎంతోకొంత స్వార్థముంటుంది-ప్రేమికుల ప్రేమలో
రక్తబంధమైతే ఉంటుంది- బాంధవ్యాలలో
కలుషితమసలే అవ్వనిది ప్రతి ఫలాల నాశించనిది
సృష్టిలోనే తీయనిది యుగములైనా మాయనిదీ
స్నేహ బంధము మైత్రీ గంధము మహదానందము

1.చెలిమికి కారణమేమిటో ఇదమిద్దంగా తెలియదుగా
మనసుల కలిపే వంతెనేదో ఎవ్వరైననూ ఎరుగరుగా
పురుషులు స్త్రీలను భేదమె లేక సోపతి నావలొ ఎక్కేరు
వయసూ స్థాయీ ఎల్లలనే నేస్తాలెప్పుడు పరిగణించరు
సృష్టిలోనే తీయనిది యుగములైనా మాయనిదీ
స్నేహ బంధము మైత్రీ గంధము మహదానందము

2.బేషరతుగా తోడైనిలుచును స్నేహితమన్నది జీవితాంతం
ధనము సమయము కష్టము కోర్చును ఫ్రండ్షిప్పన్నది కలకాలం
నిస్వార్థం నిర్మలత్వం సంయమనాల సంగమమే సాంగత్యం
త్యాగం కోసం తలపడగలిగే అద్భుత బంధమె సావాసం
సృష్టిలోనే తీయనిది యుగములైనా మాయనిదీ
స్నేహ బంధము మైత్రీ గంధము మహదానందము

OK

రచన,స్వరకల్పన&గానం:డా.రాఖీ

రాగం:దర్బార్ కానడ

సాగర కెరటాలై నీ కరములు
నర్తించువేళల ఉత్తుంగ తరంగాలు
జలపాత ధారలై నీ పదములు
కదలాడు సమయాన ఉరకల తురంగాలు
అభినవ మయూరమా అభినయ మరాళమా
నీ తనువే సప్తవర్ణాల ఇంద్రధనువు

1.మనోజ్ఞమై విలసిల్లు నీ అపూర్వ నృత్యము
రసజ్ఞులను అలరించగ నయనానందకరము
ప్రవర్ధమానమై ఒప్పారు నీ అనన్య నాట్యము
ప్రసిద్ధ నర్తకీమణులకైన అనితర సాధ్యము
అభినవ మయూరమా అభినయ మరాళమా
నీ మేనే నేల దిగిన విద్యుద్ధామము

2.లాస్యబ్రహ్మ నటరాజ ప్రియపుత్రిక నీవే
నాట్య శాస్త్ర భరతమునికి శిశ్యురాలి వీవే
అప్సరసల తలదన్నే హావభావ భంగిమలు
ఆంగిక వాచిక నేత్రాంకిత  నటన ప్రకటనలు
అభినవ మయూరమా అభినయ మరాళమా
నీ గాత్రమే ప్రతి పాత్రకు బ్రాతిపాత్రము

రచన,స్వరకల్పన&గానం:డా.రాఖీ

ప్రణయాలలీలలెరిగిన జాబిలీ జాలిగనవా
అందించు  ప్రియసఖునికి నా అహరహర విరహ వేదన
పరిమళాలు విరజిమ్మే అరవిరిసిన జాజిబాలా
జవరాలి కెరిగించు నా అహరహర విరహ వేదన

1.చేసుకున్న బాసలన్నీ మరచిపోయెనేమో తానూ
తట్టిచెప్పవే కాస్తా నా అహరహర విరహ వేదన
చెప్పుకున్న ఊసులన్నీ చెదిరిపోయెనేమో మదిలో
మొక్కిచెప్పవే ప్రియునికి నా అహరహర విరహ వేదన

2.ఆకుఅలికిడైనా తానని ఆరాట పడుతున్నాను
ఓపలేను నేస్తమా నా అహరహర విరహ వేదన
ఏ మువ్వల సవ్వడివిన్నా తానేనని భ్రమపడుతున్నా
తాళలేను నా ప్రియతమా ఈ అహరహర విరహ వేదన

3.సందేశాలనందించే అందాల మేఘమాలా
చేరవేయి నా చెలునికి ఈ అహరహర విరహ వేదన
ప్రేమలేఖలందించే ఓ చిట్టి పావురమా
వివరించు నెచ్చెలికి ఈ అహరహర విరహ వేదన

రచన,స్వరకల్పన&గానం:డా.రాఖీ

నిన్నే చూస్తు ఉండగలను  ఒక యుగము
నిన్నే చేసుకున్నాను నాదైన జగము
ఇల్లునసలు కదలను రెప్పలైన గిలుపను
దృశ్యారాధనయే జీవితాంతము
సౌందర్యో పాసనయే అనుక్షణము

1.పిడుగులైన పడిపోనీ కుంభవృష్టి కురియనీ
వరదలు తూఫానులు ఎన్నైనా ఇక రానీ
ఇల్లునసలు కదలను దేనికింక బెదరను
చీకటైతె నీ కన్నుల వెన్నెలనే కంటాను
ఆకలైతె నీఅందమునాస్వాదిస్తాను

2.కరోనాను రాకుండా కట్టడియే చేసాను
జ్వరమైన దూరకుండ జాగ్రత్త పడినాను
ఇల్లునసలు కదలను ఇతరములే తలచను
చేదోడుగ నీకెపుడూ నేనుంటాను
నీవాడిగ కడదాకా తోడుంటాను

రచన,స్వరకల్పన&గానం:డా.రాఖీ

రాగం:హంసధ్వని

సరిహద్దుకు వెళ్ళి కంచెను కాచే పనిలేదు
అవసరమొస్తే యుద్ధం చేసే అగత్యమే లేదు
ప్రపంచమంతా మృత్యు విపత్తుతొ విలవిలలాడే
జగత్తుమొత్తం కౄర కరోనా కోరలలోన చిక్కుబడే
ఆపత్కాలమందు సహకారమందిస్తేనే జాతికి శక్తి
ఇంటిపట్టున కొంతకాలం ఉండగలిగితె అదియే దేశభక్తి
వందే మాతరం వందేమాతరం వందే మాతరం వందేమాతరం

1.పెడచెవిన పెట్టకు ప్రభుత సూచనలు ఎప్పటికప్పుడు
అతిక్రమించకు చట్టాన్నెపుడు తప్పవు ముప్పుతిప్పలు
సంయమనం పాటించాలి కష్టకాలన బాధ్యతగా మనం
అంటక మెంటక మెలగాలి అంటువ్యాధితో ప్రతిక్షణం
ఆపత్కాలమందు సహకారమందిస్తేనే జాతికి శక్తి
ఇంటిపట్టున కొంతకాలం ఉండగలిగితె అదియే దేశభక్తి
వందే మాతరం వందేమాతరం వందే మాతరం వందేమాతరం

2.మనిషికి మనిషికి మధ్యన  తగిన ఎడంగా ఉండాలి
పదేపదే చేతులు కడుగుతు పరిశుభ్రపరచుకోవాలి
తుమ్ము దగ్గు తుంపర్లుకు అడ్డుగ గుడ్డను వాడాలి
ముక్కుమూతి కన్నులను విధిలేనప్పుడె తాకాలి
ఆపత్కాలమందు సహకారమందిస్తేనే జాతికి శక్తి
ఇంటిపట్టున కొంతకాలం ఉండగలిగితె అదియే దేశభక్తి
వందే మాతరం వందేమాతరం వందే మాతరం వందేమాతరం

3.కట్టడి చేద్దాం కరోనాను సమిష్టికృషితో మనమంతా
నశింపజేద్దాం వైరస్ ను నామరూపాలు లేకుండా
పొరపాటొక్కరిదైనా భారీ మూల్యం అందరికీ
తీవ్రత గ్రహించకుంటే చరమగీతమే మననరజాతికి
ఆపత్కాలమందు సహకారమందిస్తేనే జాతికి శక్తి
ఇంటిపట్టున కొంతకాలం ఉండగలిగితె అదియే దేశభక్తి
వందే మాతరం వందేమాతరం వందే మాతరం వందేమాతరం

రచన,స్వరకల్పన&గానం:డా.రాఖీ

"ఉగాది శుభాకాంక్షలు-సకారాత్మకతయే జీవితం"

అగత్యమే శార్వరి ఉగాదికీ స్వాగత గీతం
తథ్యమే ప్రతి కాళరాత్రికీ ఓ సుప్రభాతం
శుభకృతును చేరాలంటే శార్వరిని దాటక తప్పదు
పునఃసృష్టి కావాలంటే మృత్యువీణ మీటక తప్పదు
దేశం కోసం ప్రతిపౌరుడు పాటించక తప్పని వైపరీత్యం
కరోనాను కాలరాయగ నిర్భందిత గృహమే ఆయుధం

1.పాపం పండే రోజొకటి రానేవచ్చింది
బలిదానంకోరే తరుణమెప్పుడో తప్పనిది
కోయిలపాటే కాకికూతగా కర్ణకఠోరమౌతోంది
గుణపాఠంనేర్పగ కాలం యుగాంతమైపోతోంది
దేశం కోసం ప్రతిపౌరుడు పాటించక తప్పని వైపరీత్యం
కరోనాను కాలరాయగ నిర్భందిత గృహమే ఆయుధం

2.మూడు వారాల గ్రహచారం ఆరుఋతువుల సంచారం
ఎవరికివారై క్రమశిక్షణగా నడవగ తెలుపును పంచాంగం
చేదుమ్రింగితె చాలు అర్ధమండలం ఏడాదంతా మకరందం
చావూ బ్రతుకూ ఇరుచేతుల్లో చేతలే మార్చేను జీవితం
దేశం కోసం ప్రతిపౌరుడు పాటించక తప్పని వైపరీత్యం
కరోనాను కాలరాయగ నిర్భందిత గృహమే ఆయుధం

రచన,స్వరకల్పన&గానం:డా.రాఖీ

తాకితె అల్లన మోవి
పలికేను రాగాలు పిల్లనగ్రోవి
నల్లనయ్య నన్నుచేరి మేను మీటగా
గమకాలనొలుకుతు మారిపోదు నేను పాటగా

1.బండరాయి సైతం సజీవశిల్పమౌతుంది
ఎండినమోడైనా చివురుతొడుగుతుంది
యదునందనుని ఎదుట నిలువగా
 హృదయమే యమునౌతుంది
మాధవుణ్ణి మతిలో నిలుపగ
మనసు మధువనమౌతుంది

2.కుబ్జవంటి వక్రజీవితం సుందరమౌతుంది
మీరాకోరుకున్న తత్వం నిత్యత్వమౌతుంది
సుధాముడైమెలిగామంటే
గాఢ మైత్రి దొరుకుతుంది
తులసిదళమైపోతేనో
భక్తి  సిరులు తూచుతుంది

https://youtu.be/-FaIjdPL-Hk?si=SC0Z4MqA0QwT3V1y

రచన,స్వరకల్పన&గానం:రాఖీ

నాన్నంటే ప్రాణము
నాన్నంటే జ్ఞానము
నాన్నంటే లోకము
నాన్నేగా దైవము

1.నాన్న బీజము అమ్మ క్షేత్రము
కమ్మని కలల పంటనే సంతానము
నాన్న జీవము అమ్మ దేహము
ఇద్దరి వలపుల ఫలితమే జీవితము
నాన్నంటే మార్గము-నాన్నంటే దుర్గము
నాన్నంటే గోప్యము-నాన్నేగా ధైర్యము

2.నాన్న భద్రత అమ్మ ఆర్ద్రత
వెన్నంటి తోడుండేదే కుటుంబము
నాన్న మేలుకొలుపు అమ్మజోలపాట
ఇరువురి అనురాగమే మాధుర్యము
నాన్నంటే వైద్యము నాన్నంటే హృద్యము
నాన్నంటే ఆరాధ్యము నాన్నే సర్వస్వము

రచన,స్వరకల్పన&గానం:డా.రాఖీ

ఇల్లే జైలు ఇపుడైతేనే మేలు
ఎవరికివారైతేనే తప్పేను చావులు
ఆషామాషీ కాదు నేస్తమా కరోనాకు విరుగుడు
ఇంటిపట్టునుంటేనే వైరసిక ఆగుడు
వెర్రిమొర్రి ధీమాతో విచ్చలవిడి తిరుగకు
కరోనావ్యాప్తి చేయగ తెలికనే సమిధవకు

1.చెవిముందు శంఖమూదినా పట్టించుకోవేల
కంటిముందు కనబడుతున్నా వింతపోకడేల
దుర్దినము దూరములేదు అజాగ్రత్త వీడకుంటే
ఆత్మహత్యయేకాదు హత్యలౌను నువు వినకుంటే
వెర్రిమొర్రి ధీమాతో విచ్చలవిడి తిరుగకు
కరోనావ్యాప్తి చేయగ తెలికనే సమిధవకు

2.దేశ సరిహద్దులైనా  మూసివేసినారు
రాష్ట్రాల మధ్యనా కంచెవేసినారు
ప్రాణాలు ఉగ్గబట్టి ప్రయత్నించ ప్రభుత్వాలు
కొంచమైన జంకులేకా సంకనాకి పోతావు
వెర్రిమొర్రి ధీమాతో విచ్చలవిడి తిరుగకు
కరోనావ్యాప్తి చేయగ తెలికనే సమిధవకు

రచన,స్వరకల్పన&గానం:డా.రాఖీ

రాగం:మోహన

పరమ దయాళా పరమేశ్వరా
కరుణతొమము కావుమయ్య కాలకాలుడా
మించిపోతున్నది మనగలిగే తరుణం
ముంచుకొస్తున్నది అకాల మరణం
కరోనా చెలరేగె అన్యధా శరణం నాస్తి
ఈశ్వరా నువు వినా మానవజాతికి స్వస్తి

1.చదువు లేని మూఢులమే మేమందరం
చదువుకున్న మూర్ఖులమే ప్రతి ఒక్కరం
కష్టకాలమందైనా ఇష్టారాజ్యమె మాది
నియమాల నతిక్రమించు నైజము మాది
పనులుచక్కబెట్టమంటె వంకలతో మానేము
ఇంటిపట్టునుండమంటే బేఖాతరు చేసేము
కరోనా చెలరేగె అన్యధా శరణం నాస్తి
ఈశ్వరా నువు వినా మానవజాతికి స్వస్తి

2.ఆయువు మూడినా అవినీతినొదలము
ప్రళయము కబళించినా నిర్లక్ష్యము వీడము
ఇతరులకన్నా మేమే అతీతులనుకంటాము
చేయిదాటిపోయాకా నెత్తికొట్టుకుంటాము
మా వంకర బుద్ధులింక సరిజేయర శంకరా
మా తింగరి చేష్టలనే అరికట్టర హరహరా
కరోనా చెలరేగె అన్యధా శరణం నాస్తి
ఈశ్వరా నువు వినా మానవజాతికి స్వస్తి

రచన,స్వరకల్పన&గానం:డా.రాఖీ

వేనవేల వందనాలు వైద్యులకు
శిరసువంచి ప్రణామాలు నిత్యారాధ్యులకు
ఎన్నలేము అహర్నిశల మీ సేవానిరతి
జేజేలుకొడుతోంది జనమంతా పడుతోంది హృదయహారతి

1.గుండె బదులు గుండెమార్చి కొత్త ఊపిరులు పోసి
తమప్రాణం ఫణంపెట్టి వికృత విషపూరిత రోగాలనరికట్టి
భేదాలను పక్కనెట్టి మానవుడే దేవుడన్న సత్యాన్ని నిలబెట్టి
సకలమానవాళికి అవిశ్రాంత సేవజేసి ధన్యులైన వైద్యులారా
ఎన్నలేము అహర్నిషల మీ సేవానిరతి
జేజేలుకొడుతోంది జనమంతా పడుతోంది హృదయహారతి

వేనవేల వందనాలు వైద్య సిబ్బందికి
శిరసువంచి ప్రణామాలు నిత్యారాధ్యులకు-
వేనవేల వందనాలు అత్యవసర సిబ్బందికి
శిరసువంచి ప్రణామాలు నిత్యారాధ్యులకు
ఎన్నలేము అహర్నిషల మీ సేవానిరతి
జేజేలుకొడుతోంది జనమంతా పడుతోంది హృదయహారతి

2.శుచీ అశుచి అనిలేక ఎంత కంపైనా అసహ్యించుకోక
తమప్రాణం ఫణంపెట్టి చెత్తను తొలగించే పారిశుద్య కార్మికులకు
అగ్నిమాపక పోలీసు సిబ్బందికి చిత్తశుద్దితొ పనిచేసే యంత్రాంగానికీ
అంబులెన్స్ డ్రైవర్లకు క్యాటరింగ్ కర్తలకు ఆపద్బాంధవులందరికీ
ఎన్నలేము అహర్నిషల మీ సేవానిరతి-కరోనా వ్యతిరేక అవిరళ కృషికీ
జేజేలుకొడుతోంది జనమంతా పడుతోంది హృదయహారతి

రచన.స్వరకల్పన&గానం:డా.రాఖీ

రాగం:పట్ దీప్

నీ వదనమే అరవిందము
నీ అందమే మకరందము
నా చూపులు మారేనూ భ్రమరాలుగా
నీ మోమున వాలేనూ సుధలుగ్రోలగా

1.కలువల వలలోనా -చిక్కుకుంది నాహృదయం
అధర మందారాల్లో మత్తుగొంది నా చిత్తం
కపోలాల నిగారింపులో స్ఫురించింది నవనీతం
కనుబొమల కనుమల్లో సింధూర సుప్రభాతం

2.ఊరించసాగాయి ఉరోజాలు పరువాన్ని
పక్షపాతి అయ్యింది పైటకొంగు తప్పుకొని
ఉపాసించగలనే నిన్ను సౌందర్య దేవత
ప్రసాదించవే వరమును అందించి నీ మమత

https://youtu.be/_Pdu8Byh3fU

రచన,స్వరకల్పన&గానం:డా.రాఖీ

రాగం:తిలాంగ్

శిరమునుండి కరుణగంగ పొంగిపొరలదా
కనులనుండి దయామృతం వరదలై పారదా
భోళాశంకరుడవు సర్వదుఃఖ హరుడవు
శివుడవు భవుడవు ప్రణవ స్వరూపుడవు
సాష్టాంగ వందనాలు సదాశివా
కవనచందనాలు నీకు సాంబశివా

1.కాలకూట విషమునైన కంఠాన నిలిపావు
ప్రళయాగ్నినైనా మూడో కంటిలోన దాచావు
నాగులనే నగలుగా తనువున దాల్చావు
చితివిభూతి ఒంటికంత పూసుకున్నావు
కరోనాను కాలరాయ నీకేపాటి
దీనులనిల కావగా నీకెవరు పోటి

2.కనికరమున వరములీయ లేరునీకు సాటి
కోరినదొసగుటలో అసామాన్యమె నీ దృష్టి
అర్ధాంగినైతె నేమి ఆత్మలింగమైతెనేమి
అడిగినదే తడవుగా ప్రసాదించినావు
కరోనాను కాలరాయ నీకేపాటి
దీనులనిల కావగా నీకెవరు పోటి

రచన,స్వరకల్పన&గానం:డా.రాఖీ

ఒళ్ళుమరిచె ప్రపంచం సోషల్ మీడియాతొ
జగతి విడిచె సమాజం అంతర్జాలంతో
మంటగలిసిపోయాయి మానవీయ బంధాలు
మింటికెగసిపోయాయి రక్తసంబంధాలు
కరోనా కల్పించింది చూరుకింది అనుబంధాలు
కరోనాపెంచింది గృహంలోన బాంధవ్యాలు

1.బందైపోయాయి బయట తిరగడాలు
కుచించబడిపోయాయి హోటళ్ళలొ తినడాలు
ఇల్లాలి చేతివంటలొ వడియాలు అప్పడాలు
పరస్పరం శ్రద్ధాసక్తుల ఆరోగ్య భాగ్యాలు
కరోనా కల్పించింది చూరుకింది అనుబంధాలు
కరోనాపెంచింది గృహంలోన బాంధవ్యాలు

2.సంసారమె ప్రాధాన్యతగా సాగాలి లోకం
వ్యక్తిగత సౌఖ్యమే సంఘానికి శ్రేయోదాయం
ఎవరికివారైతేనే ప్రబలిపోదు అంటువ్యాధి
ఇంటిపట్టునే ఉంటే కట్టగును ప్రతి మహమ్మారి
కరోనా కల్పించింది చూరుకింది అనుబంధాలు
కరోనాపెంచింది గృహంలోన బాంధవ్యాలు

రచన,స్వరకల్పన&గానం:డా.రాఖీ

రాగం:హేమవతి

ఏడు కొండలనైతే వీడవులే సరి
మా గుండెల నెలా చేరుదువో శ్రీహరి
విజృంభిస్తున్నదీ అమానుష వైఖరి
మము కావగ నినువినా ఎవరిక మరి
వేంకట రమణా కరుణా భరణా
శరణుశరణు భవపాపహరణా

1.మా దేహమందు నిన్ను ఆవాహన చేసెదము
మా హృదయమందు నీకు ఆసనము వేసెదము
పన్నీటి పాద్యమిచ్చి పదముల కడిగెదము
కన్నీటి అర్ఘ్యమొసగి కరముల తోమెదము
వేంకట రమణా కరుణా భరణా
శరణుశరణు భవపాపహరణా

2.మాలిన్యము తొలగేలా అభిషేకించెదము
స్వచ్ఛమైన వస్త్రాలను ధరియించెదము
ప్రకృతి పచ్చదనం నిత్యం నిలిపెదము
పర్యావరణమునే పరిశుభ్ర పరిచెదము
వేంకట రమణా కరుణా భరణా
శరణుశరణు భవపాపహరణా

3.సాటివారిపట్ల మేము బాధ్యతగా మెలిగెదము
కలుషితాల నెడబాసి నీ ధ్యాసలొ మనెదము
ప్రతి నరుడిలో మురహరినే దర్శించెదము
మానవీయ బంధాలు పునరుద్ధరింపజేసెదము
వేంకట రమణా కరుణా భరణా
శరణుశరణు భవపాపహరణా

https://youtu.be/PCE_QX0mE7M?si=VI9RCJg8SWu9zUSR

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

అందం సంగతి సరేసరి
ఏర్చి కూర్చాడు విరించినీకై  కొసరికొసరి
అంతకుమించి ఏదో ఉంది
చూసీచూడగానే ఆహ్లాదమాయే నా మది
మంజుల విరి మంజరి నువ్వు
మంజుల శింజినీ సవ్వడి నీ నవ్వు

1.అమావాస్య నాడూ విరిసే కౌముదివే
మృగతృష్ణలోనూ పారే మందాకినివే
నింగికి రంగులు వెలయగజేసే సింగిడివే
బీడును తడిపెడి  తొలకరి  చినుకువు నీవే
మంజుల విరి మంజరి నువ్వు
మంజుల శింజినీ సవ్వడి నీ నవ్వు

2.సుధలు రంగరించిన అనురాగ రాగిణివే
మూర్తీభవించిన అపర సౌందర్య లహరివే
ఆరాధనకే అర్థము నేర్పిన ఆ రాధనీవేలే
ప్రణయానికే భాష్యము రాసిన సూర్యకాంతివే
మంజుల విరి మంజరి నువ్వు
మంజుల శింజినీ సవ్వడి నీ నవ్వు

రచన,స్వరకల్పన&గానం:డా.రాఖీ

చేతితో మూతిఅన్నది నను తాకరాదనీ
పాణితో నేత్రమన్నది ననుతాకరాదనీ
ముక్కుతనను ముట్టవద్దనీ హస్తంతోఅన్నది
నేడు కరోనాను కట్టడిసేయమని మోము కరమునన్నది

1.పరిశుభ్రత పాటిస్తే కరోనా ఏపాటిది
తగు జాగ్రత వహియిస్తే లక్ష్మణ గీటది
సానిటైజర్లనే పరిపరి వాడితీరాలి
పదేపదే చేతులను గిచగిచా తోమాలి
చికిత్సకన్నా ఉత్తమం ముందుజాగ్రత్తలే
నిర్లక్ష్యం చేస్తేనే తప్పవింక తిప్పలే

2.దగ్గినా తుమ్మినా అడ్డుగ దస్తీనుంచాలి
చిన్నసుస్తి చేసినా డాక్టర్ కడకేగాలి
జ్వరమేదైనా సరే నియంత్రింప జేయాలి
ఇతరులతో వేరుగా ఇంటిలోనె ఉండాలి
సూచనలను పాటిస్తే కరోనాకు అంతమే
బెంబేలు పడిపోతే అగమ్యగోచరమే

3.ప్రతి నలతకు కారణం కరోనా ఐపోదు
ప్రతిజలుబూ కరోనాకు దారితీయనే తీయదు
స్వచ్ఛదనం కావాలి మన జీవన విధానం
పరిశుభ్రతె చెప్పుతుంది రోగసమాధానం
రోగనిరోధక వ్యవస్థ వృద్ధి పర్చుకోవాలి
విషమపరిస్థితెదురైనా నిబ్బరంగ ఉండాలి

https://youtu.be/pjSBGChI-3g?si=lUOVpO4dbyZtc0Eg

రచన,స్వరకల్పన&గానం:డా.రాఖీ

మకరి బారి కరిగాచిన శ్రీహరీ
డింభకు బ్రోవగ స్తంభాన వెలసినా నరహరీ
వ్యాధుల పరిమార్చే శ్రీ ధన్వంతరీ
కరోనాను కడతేర్చర కనికరించి మురారీ

1.ఎత్తినావు ఎన్నెన్నో అవతారాలు
తీర్చినావు పలుమార్లు మానవ సంకటాలు
దిక్కుతోచకున్నది మానవజాతి అంతరించు దిశగా
దిక్కికనీవన్నది కరోనా మహమ్మారి నణచగ ఆశగా

2.ఆచారాలన్నీ తగు శాస్త్రీయమైనవే
సంప్రదాయాలూ మనుగడకుపయుక్తమైనవే
నాగరికత మోజులో దిగజారిపోయాము
విచ్చలవిడి స్వేఛ్ఛలో ఉచ్ఛనీచాలవిడిచాము

3.తప్పిదాలు మావెన్నో తలచక మన్నించు
పద్ధతులను అలవరచి మమ్ముద్ధరించు
ఇకనైనా మేల్కొనీ పాటింతుము క్రమశిక్షణ
నిను నమ్మినవారికీ ఇంతటి మరణశిక్షనా

రచన,స్వరకల్పన&గానం:డా.రాఖీ   

రాగం:రేవతి

లేటువయసులో ఘాటు సొగసుతో మాటువేసినావే
రేతిరంతనూ రతీదేవివై నిదురకాసినావే
సూదంటి నీ చూపులు నాటబోకె నాగుండెలో
నీ నవ్వుల వలవేసావో నా బ్రతుకే నీ గుప్పిటిలో
రేవతీ రాగంలా రెచ్చగొట్టమాకే
కార్తీక పున్నమిలా కసిపెంచమాకే

1.ఇన్నాళ్ళు ఏలోకాల్లో విహరించుతున్నావే
నా బ్రహ్మ చర్యమంతా హరియించుతున్నావే
నా జీవన గగనంలో ఇంద్రచాపమైనావు
నా మనసును మాయచేసే ఇంద్రజాలమైనావు
స్వర్గమంటె వేరే కాదు నీ సన్నిధియే
స్వప్నమే నిజమవగా నువ్వు నా పెన్నిధియై

2.నెమలికెంత అసూయనో నీ నాట్య భంగిమలు
గంధర్వ కాంతకు  విస్మయమే నీ నాభి దివ్య సొబగులు
వయసాగిపోయేనీకు పరువాల పాతికలో
మునులైన ముక్తిపొందరా నీ వలపు పాచికలో
తపములేలనే చెలీ తరించరా నీ బిగి కౌగిట కాలి
సుధలేలనే సఖీ అనిమేషులవరా నీ మోవి గ్రోలి

రచన,స్వరకల్పన&గానం:రాఖీ

అనురాగ రంజితం ప్రతి సుప్రభాతం
రసయోగ సంయుతం మన జీవితం
గతంలోని వెతలన్నీ మతిమరచిపోదాం
రేపేంటను ఆందోళననూ విస్మరించేద్దాం
ఆస్వాదిద్దామూ ఇద్దరమే మనదైన లోకాన్ని
ఆనందం చేద్దామూ చేజార్చక అన్ని క్షణాల్ని

1.రాయబడ్డ నాటకంలో నటించే పాత్రధారులం
కాలప్రవాహంలో కలుసుకున్న బాటసారులం
పాత్రోచితంగా   రక్తికట్ట పోషించాలి
ప్రమేయమే లేకుండా ప్రవహిస్తు సాగాలి
ఆస్వాదిద్దామూ ఇద్దరమే మనదైన లోకాన్ని
ఆనందం చేద్దామూ చేజార్చక అన్ని క్షణాల్ని

2.విపత్తులూ విపర్యయాలూ జీవితంలో భాగాలే
వ్యాధులూ యుద్ధాలు మనుగడలో సవాళ్ళే
మరణం అనివార్యమేకద అనుదినం వగయగనేల
రాబోయే మృత్యువుకోసం నేడు స్వాగతించనేల
ఆస్వాదిద్దామూ ఇద్దరమే మనదైన లోకాన్ని
ఆనందం చేద్దామూ చేజార్చక అన్ని క్షణాల్ని

రచన,స్వరకల్పన&గానం:రాఖీ

రాగం:శుభ పంతువరాళి

ముట్టుకుంటే అత్తిపత్తి
పట్టబోతె ద్రాక్షగుత్తి
రెండువైపుల పదునున్న కత్తి
గొంతులింక కోయడమే నీ ప్రవృత్తి
ఆశలెన్నొ కల్పిస్తావు చెలీ అందాలనెరవేసి
నడి కడలిన తోసేస్తావు ప్రేమ నావలోంచి

1.పట్టించుకోకుంటే సెలుకుతావు గిల్లిగిల్లీ
చొరవగా ముందుకెళ్తే చేస్తావు లొల్లిలొల్లి
తప్పించుక తిరుగుతుంటే మాటేస్తావు పిల్లికిమల్లె
చావనీవు బ్రతుకగనీయవు నేనెలాసచ్చేది తల్లే
ఆశలెన్నొ కల్పిస్తావు చెలీ అందాలనెరవేసి
నడి కడలిన తోసేస్తావు ప్రేమ నావలోంచి

2.ప్రేమనొలకబోస్తావనే భ్రమలేర్పరుస్తావు
జీవితమే అంకితమంటూ కథలెన్నొచెబుతావు
పీకల్లోతు మునిగేవరకు దుస్థితే తెలియదెవరికీ
గుండెగాయమైపోయి భవితశూన్యమౌను చివరికి
ఆశలెన్నొ కల్పిస్తావు చెలీ అందాలనెరవేసి
నడి కడలిన తోసేస్తావు ప్రేమ నావలోంచి

రచన,స్వరకల్పన&గానం:రాఖీ

రాయకుండ ఉండలేను నీ మీద గీతమొకటి
తెలుపకుండ ఆగలేను మదిలోని భావసంపుటి
అందమంత కేంద్రీకృతమై నాభిలోనే దాగుంది
నాట్యమాడ నడుమెపుడో వంశధార అయ్యింది

1.గుండెలెన్నొ దండగుచ్చి మెడలోన దాల్చావు
చూపుల్ని మాలకట్టి సిగలోన దూర్చావు
నిన్ను చూసి యువకులంతా అన్నాలు మానారు
ఇంటికో దేవదాసై నీ ధ్యాసలొ మునిగారు
మైకమేదొ కమ్ముతుంది నిన్ను చూసినంతనే
మతి భ్రమించి పోతుంది నవ్వునవ్వినంతనే

2.వయసుకు విలోమానమై  సౌందర్యం వికసిస్తోంది
చెదిరిపోని సౌష్ఠవమింకా బుసలుకొడుతోంది
జన్మలెన్ని ఎత్తితేమి నిన్ను పొందడానికోసం
చచ్చీ చెడైనాసరే బ్రతుకంతా నీదాసోహం
అయస్కాంతమేదోఉంది నీ ఒంటిలో
ఇంద్రధనుసు కనిపిస్తుంది నీ కంటిలో

రచన,స్వరకల్పన&గానం:రాఖీ

నరాలన్ని జివ్వుమంటూ సరాగాలు పాడుతున్నయ్
కోర్కెలకు రెక్కలొచ్చి స్వర్గాన్ని చేరుతున్నయ్
పెదాల్నుండి పెదాల్లోకీ సుధనదులు పారుతున్నయ్
వెచ్చనైన ఊపిరులే చలినింకా పెంచుతున్నయ్
అంగనా నీ అంగాంగమే మదన రంగమయ్యింది
కాయాలు కాలు దువ్వగ కదనరంగమయ్యింది

1.నీ మేని వీణియనే మీటింది నా రసన
నీ ఎడద ప్రేరణగా సాగింది నా రచన
వేణువేదొ మ్రోగుతోంది మోవి తాకినపుడల్లా
మువ్వలే సవ్వడిచేసే నువ్వు నవ్వినపుడల్లా
అంగనా నీ అంగాంగమే మదన రంగమయ్యింది
కాయాలు కాలు దువ్వగ కదనరంగమయ్యింది

2.తబలాల దరువుల్లో తనువు నాట్యమాడింది
చెమట కురియ అణువణువు హరివిల్లు విరిసింది
వ్రేలికొసల వెంపర్లాటకు దేహమే మోహనమైంది
తమకమే హయముగమారి రతివాహనమైంది
అంగనా నీ అంగాంగమే మదన రంగమయ్యింది
కాయాలు కాలు దువ్వగ కదనరంగమయ్యింది

https://youtu.be/0w41gD_9WRY?si=tZxxsdJwUzjL6AxS

చేపరూపుదాల్చి సోమకుణ్ణి జంపి
వేదాలను కాచావు వేదవేద్యా వేంకటేశా
సాగరాన్ని మథించగా మంథరగిరిని మోయగా
కూర్మావతారివై కూర్మికూర్చినావు దేవతారాధ్యా శ్రీనివాసా
ఎత్తక తప్పదిపుడు నరజాతిని రక్షింపగా
ఏదో అవతారం ఏకాదశావతారం
ధన్వంతర మూర్తివై సంజీవని మాత్రవై
ఉద్భవించి నెరపాలి కరోనాది వ్యాధుల సంహారం

1వరాహమూర్తివై  హిరణ్యాక్షు వధియించి
భువి చెఱ విడిపించావు వడ్డికాసులవాడా
నరకేసరి రూపుదాల్చి హిరణ్య కశిపు దునిమి
ప్రహ్లాదుని బ్రోచావు ఆపదమ్రొక్కులవాడా
వామన భార్గవ అవతారములెత్తి దాన ధర్మ
వైశిష్ట్యము తెలిపావు వకుళా నందనా
ఎత్తక తప్పదిపుడు నరజాతిని రక్షింపగా
ఏదో అవతారం ఏకాదశావతారం
ధన్వంతర మూర్తివై సంజీవని మాత్రవై
ఉద్భవించి నెరపాలి కరోనాది వ్యాధుల సంహారం

2.సీతా రామునిగా మానవీయ విలువలనే
జగతికి తెలిపావు జగదానందకారకా
శ్రీ కృష్ణ మూర్తిగా జగద్గురువు నీవై
గీతను బోధించావు గోవింద ప్రియ నామకా
బుద్ధ కల్క్యి రూపుడవై లోకోద్ధరణ జేసి
ప్రసిద్ధికెక్కినావు తిరుమల గిరి దీపకా
ఎత్తక తప్పదిపుడు నరజాతిని రక్షింపగా
ఏదో అవతారం ఏకాదశావతారం
ధన్వంతర మూర్తివై సంజీవని మాత్రవై
ఉద్భవించి నెరపాలి కరోనాది వ్యాధుల సంహారం

రచన,స్వరకల్పన&గానం:రాఖీ

చిన్ని చిన్ని జాగ్రత్తలు
తీర్చివేసేను మన చింతలన్నీ
వస్తే రానీ ఆపత్తులు
తిప్పికొడదాము చిత్తశుద్ధితోని
కలిసి పోరుదాం మనవంతు బాధ్యతగ
కలియబడదాం కరోనా మహమ్మారినణిచేయగా

1.దరిరావు ఏ క్రిములు వైరస్ లూ
పరిశుభ్రతను పాటించినపుడు
మనలేవు ఏ రోగాలు వ్యాధులు
పరిసరాలు స్వఛ్ఛగా ఉంచుకొన్నప్పుడు
నిర్లక్ష్యమే మనకు ఆత్మహత్య వంటిది
నిగూఢతే మనిషిని మట్టుబెడుతుంది

2.పదేపదే చేతులని ప్రక్షాళణ చేసుకుందాం
దగ్గుతమ్ము జలుబుల్లో మాస్కుల్నే వేసుకుందాం
ఏమాత్రం జ్వరమున్నా ఆసుపత్రికి వెళదాం
చికిత్సదాకా ఎందుకు ముందస్తు చర్యలు చేపడదాం
కరచాలనాలే కరోనాకాలవాలం
నమస్కారమొక్కటే రోగవ్యాప్తి పరిష్కారం

3.అంటువ్యాధి కరోనా అన్నది మరువొద్దు
గుంపులుగా పొరపాటుగను కూడిఉండవద్దు
అరికట్టే వరకైనా కట్టుబాట్లు పాటించాలి
చావోరేవో  కరోనాను తుదముట్టించాలి
ప్రపంచానికే ఇది ఒక సవాలయ్యింది
ఘోరకలేదైనా సరే మానవాళే గెలుస్తుంది

రచన,స్వరకల్పన&గానం:రాఖీ

విపత్తులేం కొత్తకాదు మానవాళికీ
ప్రకృతికి ఎదురీత అనాదిగా ఆనవాయితీ
బ్రతుకడమంటేనే నిత్యం సంస్ఫోటం
మనుగడ కోసం తప్పదెపుడు పోరాటం
చచ్చేవరకు జీవించాలి-చావుమిష ను చంపేయాలి
మానవలోకాన్నే స్వర్గతుల్యం చేయాలి

1.టర్నడోలు త్సునామీలు భువి ఎన్ని చూడలేదు
భూకంపాలు జలప్రళయాలెన్ననుభవించలేదు
బెదిరినంతసేపు మ్రింగచూచు ప్రతి సమస్య
ఎదిరించబూనితే తోకముడుచు పురుగు పుట్ర
బెంబేలు పడిపోతే ఉన్నమతి చెడిపోతుంది
జాగరూకులైతేసరి కరోనా కనుమరుగౌతుంది

2.ప్లేగు మశూచి వ్యాధుల మట్టుబెట్టలేదా
క్షయ కలరాలను కట్టడే సేయలేదా
జగమొండి రోగాలకు టీకా కనిపెట్టలేదా
నిరంతరం శోధిస్తూ చికిత్సలే చేపట్టలేదా
ప్రభుత్వ సూచనలన్నీ తు.చ తప్పక పాటించాలి
పాలనా యంత్రాంగానికి సహకరించి తీరాలి

3.నిర్లక్ష్యమె మూలకారణం అన్ని విలయాలకు
స్వయంకృతాపరాధాలే సకల జాడ్యాలకు
పరిశుభ్రత పాటించగలిగితే  పరమ ఔషధమౌతుంది
స్వఛ్ఛదనం పచ్చదనం మనిషికి సంజీవనౌతుంది
ఇంటిపట్టున ఉంటేచాలు కరోనా నరికట్టవచ్చు
మనుషులు తగు ఎడముంటే కరోనాఆట కట్టించవచ్చు

రచన,స్వరకల్పన&గానం:రాఖీ

సిత్రమే శివయ్య నీ తీరు
మొక్కినంత మాత్రాన్నే   ఆత్రాలన్నీ తీరు
వింతలెన్నొ సాంబయ్య నీ చెంతన
చింతలన్ని ఆర్పేను నీ నామ చింతన

 1.ముందూ వెనకా చూడవు
ఆగ్రహమొస్తే అసలే ఆగవు
అడ్డగిస్తే ఎవర్నైనా తలతెంచుతావు
భంగపరిస్తే మరున్నైనా దహియించుతావు
వీరభద్రునివై  కాలరుద్రునివై
శూల శస్త్రముతో జ్వాలనేత్రముతో

2.బూది బూసుకుంటావు
యోగ సమాధిలోన ఉంటావు
యాదిచేసుకోగానె వచ్చేస్తు ఉంటావు
ఏదడిగితే అది ఇచ్చేస్తు ఉంటావు
ఆలైనా ప్రాణాలైనా
పాశుపత అస్త్రమైనా పాశగత ఆయువైనా

రచన,స్వరకల్పన&గానం:రాఖీ

హక్కులంటే ఎంత ప్రీతి ప్రతి ఒక్కరికీ
బాధ్యతల ఊసే పట్టదు  జనాలకెవ్వరికీ
మినహాయింపే లేదు అమాత్యులైనా సామాన్యులైనా
ఓటేసే వరకే స్వీట్ మల్లన్న ఓటు వేసేసాక హేట్ మల్లన్న-బైకాట్ మల్లన్నా

1.ఆశయాలెన్నున్నా అవసరాల వరకే
ఎంతచదువుకున్నాగానీ తమభుక్తి కొరకే
అంతర్జాలంలో చిక్కుకుంది శిఖరాల నెక్కే యువత
రాంకుల పంట పండిస్తేనే ఔతుందా అది ఘనత
జాతీయత అన్నది ఎన్నడూ వినని బ్రహ్మపదార్థం
భారతీయత నాశించి భంగపడుటయే వ్యర్థం

2.అధికారమన్నదే అత్యంత ప్రాథమ్యం
పార్టీ ప్రయోజనాలైతే మరిమరి ముఖ్యం
డబ్బు -పదవి -డబ్బు అన్నదే ఓ విషవలయం
ఉఛ్చం నీచం అన్నవి రాజకీయాలలో మృగ్యం
ప్రజా సంక్షేమమే నేడు  ఓ నేతి బీరకాయ
అధినేతల చేతల్లో సర్వం సహా విష్ణుమాయ

రచన,స్వరకల్పన&గానం:రాఖీ

జయదేవుడు గ్రోలాడు నీ అందాల మకరందాన్నీ
కాళిదాసు రాసాడు నినుచూసే మేఘసందేశాన్నీ
అల్లసాని పెద్దన్న అల్లాడు పద్యాల్ని నీ వల్లనే
శ్రీనాథుడు వర్ణించిన రతిఆకృతి నీముందు కల్లనే
సహస్రదళ వికసిత సువర్ణ కమలం నువ్వు
గంధర్వ సంగీత అపూర్వ రాగస్వర సర్వస్వం నువ్వు

1.కలువలు ముకుళిస్తాయి నీ కనుల సింగారానికీ
 ఆవిరులే విరజిమ్ము విరులు నీ నయగారానికీ
భ్రమరాలు విభ్రములౌ నీ ముంగురుల అంగారానికీ
తారలు శశిని విడుచు నీమోము కోజాగరానికీ
విధాత అతులిత సౌందర్య శిల్పకల్పనా చాతుర్యం నువ్వు
అనన్య మానవ మానినీ సాదృశ ధన్యమాన్యవు నీవు

2.కిన్నెరసాని కన్నెరజేసింది నీ వయ్యారానికి
గోదావరి మ్రాన్పడిపోయింది నీగాంభీర్యానికి
క్రిష్ణవేణి విస్తుపోయింది నీ ఔదార్యానికి
భాగీరథి నివ్వెరపోయింది నీ నైర్మల్యానికి
షట్కర్మయుక్తగా సౌశీల్య వర్తిగా కీర్తిబడసినావు నీవు
సుగుణాల రాశిగా అనురాగరాగిణిగా వరలుతున్నావు

రచన,స్వరకల్పన&గానం:రాఖీ

జీవితం క్షణక్షణం ఒక యుద్ధం -యుద్ధం యుద్ధం యుద్ధం
తలపడుటకు కావాలి సంసిద్ధం-సిద్ధం  సిద్ధం సిద్ధం
గోటితో పోయేవాటికి గొడ్డల్ని వాడక తప్పని అగత్యం
మాటనే ఈటెలా విసరడమే బ్రతుకున అనునిత్యం
నెగ్గడమూ తల ఒగ్గడమూ తప్పవన్నదే పరమసత్యం

1.అమ్మకడుపు చించుకరావడమే ఆది పోరాటం
పరీక్షలెన్నో ఛేదించుకుంటూ గెలుపుకోసం సంస్ఫోటం
సంసారాన్ని దిద్దుకొనుటలో సదా సర్వదా సంగ్రామం
ముసలితనంలో అనాయాస మరణంకై  రోగాలతో రణం
అనితరసాధ్యము అని అనిన కలగలసిన అనుభవాల తోరణం

2.మనుగడ కోసం అడుగు అడుగనా సమాజంతో సమరం
అర్హత ఉండీ అందుకొనుటకై అవకాశాలతొ కలహం
టికెట్టు పెట్టీ సుఖపయనంకై బస్సులొ రైళ్ళో జగడం
ఓట్లను వేసీ సదుపాయాలకు ప్రభుతతోను సమితం
నీలోనీకు నీతోనీకు నిమిషంనిమిషం ఎదలో సంఘర్షణం

https://youtu.be/lzrlcu-q5d8

రచన,స్వరకల్పన&గానం:రాఖీ

రాగం:మధ్యమావతి

కౌసల్య పాడింది రామచంద్రునికీ లాలిపాట రామలాలి పాట
యశోద పాడింది బాలకృష్ణునికీ జోలపాట కాన్హా జోలపాట
ముక్కోటిదేవతలు మురిపెముగ పాడేరు నరసింహస్వామికి సేవపాట
 ఏకాంత సేవపాట పవళింపు సేవపాట
చిన్నారి నా కన్నా నా చిట్టి సుందర నిను నిదుర పుచ్చగ  పాడేను
రామలాలి పాట కాన్హా జోలపాట లాలిలాలి జోజో జోజో బజ్జో బేటా

1.గణపతికి పాడింది పార్వతమ్మ త్రిగుణాతీత లాలిపాట
కుమరయ్యకు పాడారు కృత్తికలంతా ప్రేమతొ లాలిపాట
అయ్యప్పకు పాడేరు స్వాములంతా హరివరాసన లాలిపాట
చిన్నారి నా కన్నా నా చిట్టి సుందర నిను నిదుర పుచ్చగ  పాడేను
రామలాలి పాట కాన్హా జోలపాట లాలిలాలి జోజో జోజో బజ్జో బేటా

2.జీజాబాయ్ పాడింది  వీరత్వమొలక శివాజీకి లాలిపాట
భువనేశ్వరి పాడింది ధీరత్వమొలక వివేకానందునికీ లాలిపాట
శారద పాడింది విశ్వశాంతి చిలుక రవీంద్రనాథునికీ లాలిపాట
చిన్నారి నా కన్నా నా చిట్టి సుందర నిను నిదుర పుచ్చగ  పాడేను
రామలాలి పాట కాన్హా జోలపాట లాలిలాలి జోజో జోజో బజ్జో బేటా

https://youtu.be/wmkAJD-1VuY?si=yq92rqVZ-IQn2Lwv

రచన,స్వరకల్పన&గానం:డా.రాఖీ

రాగం:శివరంజని

ఎలా నమ్మగలను  నీ ఉనికే లేదంటే
నేనెలా ఒప్పుకోగలను నీకు మహిమ లేదంటే
అద్భుతాలన్నీ నీ చలవ వల్లనేగదా స్వామీ
విపరీతాల నిమిత్తము నీవెరుగనిదా ఏమీ
శరణాగతి నీవే తిరుమల తిరుపతి శ్రీవేంకటేశ్వరా
కరుణతొ మమ్మేలు అలమేలు మంగా పతీశ్వరా

1.ఆర్యోక్తి కదా దైవం మానుష రూపేణా
ఎందరిలానో నువ్వై చేసావు నిరూపణ
చూసే కనులకు స్వామీ సృష్టంతా నువ్వే
తలపోసే తపనల పరమార్థం ప్రభూ నువ్వే
శరణాగతి నీవే తిరుమల తిరుపతి శ్రీవేంకటేశ్వరా
కరుణతొ మమ్మేలు అలమేలు మంగా పతీశ్వరా

2.అనుభవాల గుణ పాఠాలెన్నో నేర్పేవు
గతితప్పే మమ్ముల సన్మార్గానికి చేర్చేవు
సుఖ దుఃఖాల వలయంలో స్వామీ మము తిప్పేవు
నిను తెలుకునేటంతలో ఏదో మాయను కప్పేవు
శరణాగతి నీవే తిరుమల తిరుపతి శ్రీవేంకటేశ్వరా
కరుణతొ మమ్మేలు అలమేలు మంగా పతీశ్వరా

https://youtu.be/82jVZmm2Q98?si=xKOdmdD8h2VKyqBy

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం: శివరంజని

పంచాక్షరి జపించెద పరమశివా నీ పంచన జేర్చరా-ఓం నమఃశివాయ
అష్టాక్షరి స్మరించెద హరీ కష్టములెడబాపరా ఓంనమో నారాయణాయ
రామనామమే భజింతు హనుమా సరగున ననుబ్రోవరా
నాదోషము లెంచకా ప్రేమతో గ్రహించరా అనుగ్రహించరా

1.నేనర్భకుడిని నాకు దుర్భరమాయే ఈ మాయ బ్రతుకు
దుర్భల హృదయుడిని చంచలపరచకు నా మనసు
పుండుమీది పుట్రలాగ నా వెతలకంతేలేదా
శిక్షనా పరీక్షనా నీ చేష్టల పరమార్థమేదో కదా
రామనామమే భజింతు హనుమా సరగున ననుబ్రోవరా
నాదోషము లెంచకా ప్రేమతో గ్రహించరా అనుగ్రహించరా

2.క్రూరాతి క్రూరులూ అనుభవించలేదీ తీరు ఈ భవిలో
నీచాతి నీచులూ ఈ విధి యాతన నెరుగరు ఈ సృష్టిలో
ఏ జన్మలోనో ఈ జన్మలోనే చేసితినేమో ఏ ఘోరనేరమో
ఉద్ధరించుస్వామీ పశ్చాత్తపమే ప్రాయశ్చిత్తమౌనేమో
రామనామమే భజింతు హనుమా సరగున ననుబ్రోవరా
నాదోషము లెంచకా ప్రేమతో గ్రహించరా అనుగ్రహించరా

రచన,స్వరకల్పన&గానం:డా.రాఖీ

రాగం:తిలక్కామోద్

బాబా నువు చాటిన బోధలేమిటి
సాయీ నువు తెలిపిన తత్వమేమిటి
అంతరార్థము నొదిలి ఆర్భాటలకై వెంపర్లాట
పరమార్థమే మరచి ఐహిక సౌఖ్యాలకై వింతవేట

1.వెలిసాయి ఎన్నెన్నో నీ మందిరాలు
తిలకించగ గుడులన్నీ బహు సుందరాలు
దర్శించినంతనే కోవెల ప్రతి గురువారాలు
దక్కునా పిచ్చిగాని కోరే గొంతెమ్మ వరాలు
మనశ్శాంతి దొరికేదే బాబా నీ ఆలయం
ముక్తిదారి చేర్చునదే సాయీ దేవాలయం

2.అభిషేకమేలా ఆదరించమన్నావు దీనులను
హారతులవి యేలా ఆచరించమన్నావు నీ సూక్తులను
పల్లకీ సేవకంటె పట్టెడంత పెట్టమన్నావన్నార్తులకు
భజనకీర్తనకంటే భుజంతట్టమన్నావాపన్నులకు
మానవత్వమే బాబా నీ దివ్య బోధన
ప్రేమతత్వమే సాయీ నీ తత్వ సాధన

రచన,స్వరకల్పన&గానం:డా.రాఖీ

వ్యక్తిగా ప్రతిమనిషికీ ఎంతో మంచితనం
ఏ రంగులో పులుముకుంటేనే నీచగుణం
మారుతాడు అవసరాలకై ఊసరవెల్లిలాగా
అవకాశవాదౌతాడు గోడమీది పిల్లిలాగా

1.భూతద్దం తోటి వెదికినా గోచరించదు మానవత
ఆశిస్తే ఎంతటి వింత ఎదల్లో భారతీయత
మతం బురఖాలోనా అభిమతం గొంతునొక్కి
కులం బంధిఖానాలో వ్యక్తిత్వం తొక్కిపెట్టి
బ్రతుకీడ్చుతుంటారు మర మనుషులుగా
మనగలుగుతుంటారూ  జీవశ్చవాలుగా

2.శీలవర్తన ఫణం పెట్టి దిగజారుతారు పదవి కోసం
విలువలన్ని పక్కనెట్టి ఎగబాకుతారు పడతి కోసం
కూడబెడతారు సంపద ఏ దొంగ గడ్డో కఱచి
కీర్తి బడసేరు తేరగా అడ్డదారులనెన్నొ కడచి
కొండంత కోరుతారు గోరంత కృషితోనే
స్వర్గానికెగసేరు ఉట్టైనా కొట్టని శ్రమతోనే

https://youtu.be/Fryq1fQJLrY?si=HJFlcQHbkBM36AHd

రచన,స్వరకల్పన&గానం:రాఖీ

చంపకే చంపక మాలా
ఊరించకే ఉత్పలమాలా
చూపుల్లో తూపులు వర్షించి
పెదవుల్లో మధువులు హర్షించి
ఎంత శ్రధ్ధ తీసుకున్నాడో ఆ బ్రహ్మ
అద్భుతంగ మలిచాడే నీ బొమ్మ

1.దేశాధినేతలైనా తలవంచుతారే  నీ ప్రేమ కోసం
రాజాధిరాజులైనా దాసోహమంటారే నీ పొందు కోసం
కనీవినీ ఎరుగని సౌందర్యం సృష్టిలో నీ సొంతం
నభూతోన భవిష్యతీ నీ  అసమాన లావణ్యం
ఎంత శ్రధ్ధ తీసుకున్నాడో ఆ బ్రహ్మ
అద్భుతంగ మలిచాడే నీ బొమ్మ

2.గణాంకాలు పొంకాల్లో అనల్ప శిల్ప నిర్మాణం
కుంచె దించిన వంపుల్లో అపూర్వ చిత్ర నైపుణ్యం
గుణగణాల పరిగణలో పతివ్రతల సమతుల్యం
తార్కికమౌ వాదనలో అతులిత మేధా చాతుర్యం
ఎంత శ్రధ్ధ తీసుకున్నాడో ఆ బ్రహ్మ
అద్భుతంగ మలిచాడే నీ బొమ్మ

"గెలుపు బా(పా)ట"

ఆశ బ్రతుకు నిస్తుంది
తపన వెన్నుతడుతుంది
జీవన్మరణ ఘర్షణలో
మనుగడకై పోరులో
ఆశయం స్ఫూర్తి నిస్తుంది
సంకల్పం గెలుపునిస్తుంది

1.ఈత నేర్చుకోలేక చేపకు గతిలేదు
రెక్కవిప్పుకోకుంటె పిట్టకు దిక్కులేదు
కూడబెట్టుకోకుంటె చీమకు భవితలేదు
ఉపాధి కనుగొనక యువతకు మారులేదు
సాధన పెంచుతుంది ప్రావీణ్యం
పట్టుదలే తుంచుతుంది ప్రతిదైన్యం

2.తోకతెగిన బల్లైనా వెనుకడుగే వేయదు
మూతికాలి పిల్లీ తన యత్నం మానదు
సూక్ష్మప్రాణి దోమకూడ వేటాడుటనాపదు
ఏదో ఒక మిషతొ యువత ఊసూరుమన తగదు
కంటకాల బాటే జీవితమంటే
ఓటమే ఓడుతుంది మనోధైర్యముంటే

https://youtu.be/5YfRYczs7nM

రచన,స్వరకల్పన&గానం:రాఖీ

రాగం:అభేరి

ఈప్సితార్థ దాయకా ఈశ్వరా
సత్వర వరదాయకా పరమేశ్వరా
క్లేశనాశకా కేశవ ప్రియబాంధవా
ఆశేషైకలోకేశా సువిశాల హృదయా
విశ్వేశా విశేష దైవమా నమఃశివాయ

1.సప్తమహా ఋషీశ్వర సహా మునిజన వందితా
నందీ భృంగ్యాది సపరివార సమేత  సంసేవితా
గణపతీ సేనాధిపతీ సతిపార్వతీ నిజ పాలకా
దేవ యక్ష కిన్నెర గంధర్వ సర్వభూత సంపూజితా
విశ్వేశా విశేష దైవమా నమఃశివాయ నమఃశివాయ

2.గజాసుర రావణాది దైత్య భక్త నిత్యార్చితా
సిరియాళ మార్కండేయాది సిసు ప్రాణ ప్రదాయకా
పాండవ మధ్యమ పార్థార్థ పాశుపతాస్త్రదాయకా
కిరాతావతార గైరిక నేత్రహర మోక్షప్రాప్తికారకా
విశ్వేశా విశేష దైవమా నమఃశివాయ నమఃశివాయ

OK

ఆరు ఋతువుల ఆరంభం ఉగాది
ఆరు రసముల ఆస్వాదం ఉగాది
తెలుగువారి తొలి సంబరం ఉగాది
ఉగాదిరాకతో పులకించు తెలుగువారందరి మది


1.వసంతం ప్రసాదించు తీయని మకరందం
గ్రీష్మం స్ఫురింపజేయు కారపు హాహాకారం
వర్షం కరిగించి మట్టిని కడలిజేర్చు లవణసారం
శరత్తు మత్తుల్లో వలపు వగరు శృంగారం
హేమంత  మిథున పరిష్వంగం ఆమ్లకాసారం
శిశిర విరహ వేదనలో వయసు వగచేదయ్యే వివరం

2.మన సు కవుల కవనంలో సాహితీ సౌరభం
ఆమ్ర తరుల వనంలో పికగాన మాధుర్యం
పంచాగ శ్రవణంలో కలగాపులగ భవితవ్యం
పంచభక్ష్య పరమాన్నాల భోజన సౌఖ్యం
దైవ దర్శన సౌభాగ్యంలో భక్తి పారవశ్యం
ఇంటిల్లిపాది సందడితో  ఆనందాల నృత్యం

విలపించనీ నన్ను బోరుబోరున
దుఃఖించనీ నన్ను ఎద భారం తీరేలా
కన్నీటి సంద్రమంతా ఇంకిపోయేలా
గుండెలోని తడియంతా ఆరిపోయేలా

1.నింగికెంత స్వేఛ్ఛ వానగా కురియడానికీ
నీటికెంత స్వేఛ్ఛ ఆవిరై మురియడానికి
గాలికెంత స్వేఛ్చ ఇఛ్ఛగా విహరించడానికి
నేలకెంత స్వేఛ్ఛ తానుగా కరగడానికీ
ఉగ్గబట్టిన వేదనంతా ఉబికివస్తోంది
బిగబట్టిన యాతనంతా బ్రద్దలైపోదోంది

2.గోటిచుట్టు నొప్పెంతో ఘోరమైనది
దానిపై రోకటిపోటు అతిదుర్భరమైనది
ఆపైన కారంపోస్తే ఆ తీవ్రత చెప్పరానిది
అదేచోట చురకతాకితే అదేకదా నరకమన్నది
ఇంతటి కష్టమైనా అనుభవించు ఆనందంగా
కట్టేసికొట్టినప్పుడు భరించే చందంగా

https://youtu.be/lKbtp7D40_0?si=ywQra4rVBUY8OgYc

రచన,స్వరకల్పన&గానం:డా.రాఖీ

కేవల పంచాక్షరీ మహామంత్రం
కైవల్యసాధనకు సామీప్య సూత్రం
కైలాస నాథుని నామజపం
కైవసమొనరించును శివరూపం
ఓం నమఃశివాయ ఓం నమఃశివాయ

1.ఆద్యంతమే లేనీ మహాలింగం
ఉద్భవించే శివరాత్రి పర్వకాలం
ఆధిపత్యపోరులో హరి బ్రహ్మలు
గెలుపుకై తపించిరి అహర్నిశలు
తుదినెరుగ ఎరిగినాడు హంసగా విధి
మొదలేదో వెదకబూనె ఆదివరాహమూర్తి
ఓం నమఃశివాయ ఓం నమఃశివాయ

2.పరాశక్తి తోనే పరాచికాలాడి
శాపగ్రస్తులైనారు విరించీ విష్ణువులు
మహాదేవుడొక్కడే అఖిలాండకోటికి
తపోధనులు మాత్రమే చేరెదరాచోటికి
శివరాత్రి ఉపవాసం రేయంతా జాగారం
అత్యంత సులభముగా చేర్చేను భవతీరం
ఓం నమఃశివాయ ఓం నమఃశివాయ

రచన,స్వరకల్పన&గానం:డా.రాఖీ

రాగం:యమన్ కళ్యాణి

తేనెలొలుకు తెలుగు భాష-
కస్తూరి సౌగంధి  కన్నడము
భావగాంభీర్యం ఉర్దూ భాష
సాక్షాత్తు దేవభాష సంస్కృతము

కన్నతల్లి వంటిదే మన అందరి మాతృభాష
భాష ఏదైనా నినదించును హృదయ ఘోష

వందనాలు వందనాలు  భాషామతల్లికీ
నా గానచందనాలు వాక్కు కల్పవల్లికి

1.అమ్మ ఆది గురువుగా భాష ఒంటబడుతుంది
పురజనుల వాడుకతోనే అది బలపడుతుంది
ప్రథమ భాషగా ఎల్లరకు బడిలొ నేర్పబడుతుంది
సాహితీ విలువలతో లెస్సగ వెలుగొందుతుంది
వందనాలు వందనాలు  భాషామతల్లికీ
నా గానచందనాలు వాక్కు కల్పవల్లికి

2.గద్యమై పద్యమై హృద్యమై వరలుతుంది
గేయమై గీతమై మదిని రంజింప జేస్తుంది
లఘురూప కైతగా వచనంగా అలరింపజేస్తుంది
నానుడి పలుకుబడులతో అక్షరమౌతుంది
వందనాలు వందనాలు  భాషామతల్లికీ
నా గానచందనాలు వాక్కు కల్పవల్లికి

https://youtu.be/BPRTvT5-0P8

రచన,స్వరకల్పన&గానం:డా.రాఖీ

నంది వాహన నాగభూషణా నమఃశివాయ
మహాదేవ మదనాంతకా నమఃశివాయ
శంభో శంకర సాంబ సదాశివ నమఃశివాయ
వామదేవా వ్యోమకేశా విశ్వేశ్వరా నమఃశివాయ
యతిరాజా యమాధిపా యుగాంతకా నమఃశివాయ

1.నగవుల సరిగమ నర్తన తకధిమి నమఃశివాయ
మగనిగ  సగము మగువగ సగము నమఃశివాయ
శిరమున నెలవంక సిగను గంగ దుంక నమఃశివాయ
వాసిగ వారణాసి వసించెడి విశ్వనాథా నమఃశివాయ
యమ నియమాది యోగ ప్రదాయక నమఃశివాయ

2.నగజా ప్రియపతి ప్రమథాధిపతీ నమఃశివాయ
మృత్యుంజయ మహేశ్వరా ముక్కంటీ నమఃశివాయ
శరణాగతావన బిరుదాంకితా శూలధరా నమఃశివాయ
విషకంఠా విరూపాక్షా వైద్యనాథా నమఃశివాయ
యాచితవరదాయక నిత్య యాచకా నమఃశివాయ

OK

OK

రచన,స్వరకల్పన&గానం:రాఖీ

అందాల నావా అనురాగ నావా
కలల సౌధాలనే కూల్చేసినావా
కడలి నడుమ నన్ను దించేసినావా
కన్నీటి లోనే ముంచేసినావా
నవ్వాలో ఏడ్వాలో తెలియడమే లేదు
బతకాలో చావాలో నిర్ణయించుకోలేను

నవ్వాలో ఏడ్వాలో తెలియడమే లేదు
బతకాలో చావాలో నిర్ణయించుకోలేను

ఇందుకే నా బ్రతుకులోకి తొంగి చూసినావ

ఊరించి ఊరించి అందకనే మరుగైనావా
చిందర వందరైంది పండంటి జీవితం
గందరగోళమైంది మానస సరోవరం
నవ్వాలో ఏడ్వాలో తెలియడమే లేదు
బతకాలో చావాలో నిర్ణయించుకోలేను

అందాల నావా అనురాగ నావా

కలల సౌధాలనే కూల్చేసినావా

కడలి నడుమ నన్ను దించేసినావా

కన్నీటి లోనే ముంచేసినావా

నవ్వాలో ఏడ్వాలో తెలియడమే లేదు

బతకాలో చావాలో నిర్ణయించుకోలేను

నీ మట్టుకు నీకుదొరికె బంగారు భవితయే
పనిగట్టుక  ఆడినట్టు విధివింతనాటకమాయే
ఆశే అడియాసవగా అనునిత్యం నరకమాయే
కవితల భావనంతా విషాద పర్వమాయే
నవ్వాలో ఏడ్వాలో తెలియడమే లేదు
బతకాలో చావాలో నిర్ణయించుకోలేను

అందాల నావా అనురాగ నావా

కలల సౌధాలనే కూల్చేసినావా

కడలి నడుమ నన్ను దించేసినావా

కన్నీటి లోనే ముంచేసినావా

నవ్వాలో ఏడ్వాలో తెలియడమే లేదు

బతకాలో చావాలో నిర్ణయించుకోలేను

https://youtu.be/AIkILZL4LIo

రచన,స్వరకల్పన&గానం:రాఖీ
రాగం:మాయా మాళవగౌళ

ఇల్లూ పట్టూ లేదు నీకు శివుడికిమల్లే
ఊరూపేరు లేదు నీకు ఆదిభిక్షువోలే
శిథిలమైన మసీదే నీ నివాస విలాసము
శితికంఠుని వాసము స్మశానము కైలాసము
షిరిడీ సాయిగా పిలుచుకుంటున్నాము
కులమతరహితంగా కొలుచుకుంటున్నాము
సాయిరాం శివసాయిరాం సాయిరాం షిర్డీ సాయిరాం

1.కనికట్టు చేసేటి గారడివాడవు
మైకంలో ముంచెత్తే మత్తుమందువు
వదలుకోలేనీ సవ్య వ్యసనానివి నీవు
సంతృప్తినీయనీ దివ్య అశనానివి నీవు
తెలిసీ నీమాయలో పడుతున్నాము
సమయమంత నీ సేవలొ కోల్పోతున్నాము
సాయిరాం శివసాయిరాం సాయిరాం షిర్డీ సాయిరాం

2.ఏమిస్తే మాత్రమేమి ఏమీ పట్టనపుడు
ఏంత చేసి లాభమేమి పట్టించుకోనపుడు
రెండురూకలే లంచంగా  అడుగుతావు
శ్రద్ధా సహనాలనే ఎంచి తెలుపుతావు
వంచితి నాతల నీ పాదాలు తాకునట్లు
వంచనచేయబోకు ప్రపంచమే నమ్మనట్లు
సాయిరాం శివసాయిరాం సాయిరాం షిర్డీ సాయిరాం

OK

రచన,స్వరకల్పన&గానం:రాఖీ

రాగం:అమృతవర్షిణి

నేలమీది జాబిల్లీ అమృతవల్లీ
అప్పుడే విరిసిన లిల్లీ నా కల్పవల్లి
నన్ను చంపమాకే నీ చూపుల్తో గిల్లీ
నిను చూడ మనసాయే నవ్వుల సిరిమల్లి

1.ఊహల్లో ఉండిపోక ప్రత్యక్షమైనావే
కావ్యాల్లో బంధిస్తే కంటిముందు కొచ్చావే
ముజ్జగాలు నాకొరకే వెదికి వెదికి వచ్చావో
సరిజోడగు రారాజునేనని నన్నే నువు మెచ్చావో

2.మేనక నను కోరివస్తె ఆనక రమ్మన్నా
ఊర్వశి ఊరించబోతే వలదుపో పొమ్మన్నా
రంభ నన్ను రమ్మంటే కుదరదింక లెమ్మన్నా
అమృతాన్నందించే నవమోహిని కలగన్నా -
అది నీవే నీవే నీవేనని తెలుసుకున్నా

సంగీతం  అమృతమే
మధురగానం నవరసభరితమే
అనుభూతులనే అనువదించగ
సరస హృదయాలే ఆస్వాదించగ -ఆనందించగా

1.షడ్జమ రిషభ గాంధార మధ్యమ
పంచమ ధైవత నిషాదాలు నర్తించ
మానస వీణ ఊపిరి శ్రుతిలో
ఎదస్పందనల క్రమయుత లయలో
శతకోటి రాగాలు పల్లవించగా
అనంతమౌ భావాల వెల్లి విరియగా-జగతి మురియగా

2.పరమ శివుని రచనలో సంగీతశాస్త్రమై
నటరాజ నర్తనలో లయ విణ్ణానమై
వేణుధరుని అధరాల సుధామాధుర్యమై
శ్రీ వాణీ వీణియలో మంద్రస్వర నాదమై
నారద తుంబురు వాదనైకవేద్యముగా
శిశు పశు నాగాదుల రసనైవేద్యముగా-మనో వైద్యముగా

https://youtu.be/ClVUaCdYMvY

రచన,స్వరకల్పన&గానం:రాఖీ

రాగం:సారమతి

ఏమిటి నీమాయ-మా కన్నులు మూయ-అమ్మా అమృత హృదయ
గజిబిజి మాకేలా- తికమక లివియేల- జననీ నీ లీలా
నిను తెలియగ మేమెన్ని -ఎత్తాలో జన్మల్ని
నిను అరయగ మేమెన్ని చేయాలో తపములని
శ్రీ చక్ర సింహాసినీ శ్రీ లలితే జగన్మోహినీ  నమో మోక్షదాయినీ

1.జననాలు మరణాలు సంక్లిష్ట జీవనాలు  నీకేళీవిలాసాలు
ఖేదాలు మోదాలు నాదేయనువాదాలు నీ క్రీడా వినోదాలు
ప్రేమలు పెళ్ళిళ్ళు ఈ గందర గోళాలు నీ లీలా విశేషాలు
ఈ నాటకరంగానికి తెఱదించవె ఇకనైనా
నీపద సదనానికి మముచేర్చవె ఇపుడైనా
శ్రీ చక్ర సింహాసినీ శ్రీ లలితే జగన్మోహినీ  నమో మోక్షదాయినీ

2.ఈ భవబంధాలు తనపర భేదాలు ఛేదించగ దయగనవే
ఈ రాగద్వేషాలు  ఈ మోహపాశాలు తొలగించి వేయవే
అజ్ఞానకృత దోషాలు అహంభావ వేషాలు పరిమార్చవే
ఆత్మదేహ భావననిక అవగతమొనరించవే
విశ్వైక్య మొందించగ అవనతమొందించవే
శ్రీ చక్ర సింహాసినీ శ్రీ లలితే జగన్మోహినీ  నమో మోక్షదాయినీ

రచన,స్వరకల్పన&గానం:రాఖీ

నువ్వంటే నాకు ఆరాధనే
నేనంటె నీకు అనురాగమే
ఇరు హృదయాల్లో ప్రేమ భావనే
మన ఇద్దరి సంగమం రసగాథనే
ప్రేమ ఉన్నచోటని భువిపైకి వచ్చాము
ప్రేమతో బాటే దివి చేరిపోతాము

1.కాలమనే నదిలోనా బ్రతుకుతున్న జలపుష్పాలం
విధివిసిరిన వలపుల వలలో ఎలాగో చిక్కుకున్నాం
మిథునరాశి చేరుకున్నాం మీనరాశినొదిలేసీ
రతిరీతులు నేర్చుకున్నాం ప్రణయ కృతులు చదివేసీ
ప్రేమ ఉన్నచోటని భువిపైకి వచ్చాము
ప్రేమతో బాటే దివి చేరిపోతాము

2.ఖంబు నీవు కడలిని నేను కలుసుకున్నాం దిక్చక్రాన
ఎండ నేను వానవు నీవు జతగూడాం ఇంద్ర ధనసున
స్వప్నలోకాలన్నీ మనవే సాంగత్యజీవితాన
మిథ్యా జగత్తూ మనదే దాంపత్య గమనాన
ప్రేమ ఉన్నచోటని భువిపైకి వచ్చాము
ప్రేమతో బాటే దివి చేరిపోతాము

https://youtu.be/GUrz26vyudg?si=JXMA80NA9VavVyIG

రచన,స్వరకల్పన&గానం:రాఖీ

తొలినాడు బుడిబుడి అడుగై
కడదాకా తడపని గొడుగై
కనిపించని కన్నీటి మడుగై
ముఖాన మఖ్మల్ తొడుగై
నాన్న నాన్న -నాన్న మనసు వెన్న
నాన్న నాన్న-ఎప్పటికీ నాన్నే మిన్న

1.గాంభీర్యం మాటున గారాబమెంత ఉందో
క్రమశిక్షణ పేరునా గుండె రాయైపోయిందో
ప్రశంసిస్తె ప్రగతికి చేటని గొంతు పెగలకుండిందో
దుబారాను కట్టడిసేయ మనసెంత గోలిందో
నాన్న నాన్న  -నాన్న మనసు వెన్న
నాన్న నాన్న -ఎప్పటికీ నాన్నే మిన్న

2.భవిష్యత్తు అవసరాలకై ప్రాణమే ఫణమైందీ
చికిత్సనే దాటవేయ హృద్రోగ మరణమైంది
వండి వండి వంటల మంటకు దేహమే మాడింది
అచితూచి వేసిన అడుగు కుటుంబాన్ని కాచింది
నాన్న నాన్న  -నాన్న మనసు వెన్న
నాన్న నాన్న -ఎప్పటికీ నాన్నే మిన్న

రచన,స్వరకల్పన&గానం:రాఖీ

ఏమీ చేయగలేను-చూస్తూ ఊర్కోలేను
కనలేను నిను నే పరదానిగా
మనలేను నేనూ ఒకమోడుగా
తీరని ఆశే ఉరిత్రాడుగా

1.ఆకాశానికి నిచ్చెనవేసి-దివి చేరాలని కలగన్నాను
అందాల జాబిలి పొందాలనుకొని-అందనిదానికి అర్రులు సాచాను
మేను మరచిన నేనూ-నిప్పై రగిలాను
నిజము నెరిగిన వేళా-నివురై మిగిలాను

2.ఏడేడు జన్మల బంధానికై-ఎన్నాళ్ళుగానో ఎదిరి చూసాను
మూడుముళ్ళ అనుబంధానికి-యవ్వన మంతా ధారపోసాను
శిల్పాలు శిథిలాలుగామారితే-చిత్తరువైనాను
బాష్పాలు రుధిరాలుగా పారితే-విస్తుపోయాను

రచన,స్వరకల్పన&గానం:రాఖీ

ఆసరా అవసరమే వృద్ధాప్యంలో
ఆలంబన ముఖ్యమే ముదిమివయసులో
మేలుకో తమ్ముడా యువకుడిగా ఉన్నపుడే
చేరిపో అటల్ పింఛన్ పథకంలో ఇప్పుడే

1.చేరువలోనే  తెలంగాణ గ్రామీణ బ్యాంకు
అది అందుబాట్లొ ఉండడమే మన అందరి లక్కు
ఆదరించి పంచేరు సిబ్బంది చిరునవ్వులు మనకు
వివరించి తెలిపేరు వివరాలు  ఖాతాదారులకు
మేలుకో తమ్ముడా యువకుడిగా ఉన్నపుడే
చేరిపో అటల్ పింఛన్ పథకంలో ఇప్పుడే

2.వయసు పరిమితి పద్దెనిమిది నుండి నలభైవరకు
ఆధార్ కార్డు మొబైల్ నెంబరుంటె చాలు అర్హతకు
వేయి నుండి ఐదువేలు అందేలా ఎంచుకో ఫించన్కు
సగం  నీవు చెల్లిస్తే చందా సగం భరించు సర్కారు తనవంతుకు
అరవయేళ్ళు దాటాక అందుకో పింఛన్ దర్జాగా
జీవిత భాగస్వామికి సైతం బ్రతుకంతా ఆర్జనగా

అర్థాంతరంగా అంతమైంది  ప్రేమగాథ
మూడునాళ్ళ ముచ్చటగా ముగిసింది మా కథ
ఆదిలోనె హంసపాదెదురయ్యందీ
పురిటిలోనే శిశువుకాస్త మృతిచెందింది
ప్రణయకావ్యాలన్నీ విషాదాంతమే
మనిషికి ఊరట ఎప్పటికీ వేదాంతమే

1.ఎందుకు ఏర్పడిందొ చిత్రమైన పరిచయము
ఎలా పరిణమించిందో ఈ వింత బంధము
ఊహల హంసనెక్కి  దిగంతాలు విహరించింది
కల్పన తల్పముపై స్వర్గాలు చవిచూసింది
అంతలోనె మాయమైంది నేస్తం ఇంద్రచాపమోలే
ఇట్టే కరిగింది నా సమస్తం మంచుశిల్పమల్లే

2.రహదారి కాస్తా అడవిలోకి చేర్చింది
తీతువొక్కటేదో తలపైన ఎగరింది
వెనుదిరిగి చూసుకుంటే త్రోవమూసి ఉన్నది
ఏమీ చేయలేక దిక్కుతోచకున్నది
ఆకలితో అలమటించి కడుపు మండుతున్నది
దప్పికతో పరితపించి గొంతు ఎండుతున్నది