OK

రచన,స్వరకల్పన&గానం:రాఖీ

అద్దరాతిరి నిద్దురలేపి  సుద్దులేలనో
లలనా ఈ ముద్దుముచ్చటలేలనో
కలలొ వచ్చి కలతను రేపగ గిచ్చుడేలనో
సుదతి అచ్చిక బుచ్చిక లేలనో
మేలుకొంటే ఊరుకోక ఊహల్లొ చొరబడతావు
నిదురబోతే వీడలేక స్వప్నాల్లోను సాధిస్తావు

1.ఉషోదయం చూడగ నీ- సింధూరం అగుపిస్తుంది
చిరుగాలి తాకగనే నీ స్పర్శనె అనిపిస్తుంది
కొలనులో కలువలు కనబడి నీ కన్నులుగ తోస్తాయి
మందారాలు కోయబోతే నీ బుగ్గలు గురుతుకొస్తాయి
మేలుకొంటే ఊరుకోక ఊహల్లొ చొరబడతావు
నిదురబోతే వీడలేక స్వప్నాల్లోను సాధిస్తావు

2.సాయంత్రం ఇంద్రధనుసులో నీ అందం స్ఫురియిస్తుంది
పున్నమి జాబిల్లి సైతం నీ మోమును పోలుతుంది
దూరాన కోయిల కూసినా నీ గొంతే వినిపిస్తుంది
గగనాన మెరిసే ప్రతి తారా నీ తళుకే చిమ్ముతుంది
మేలుకొంటే ఊరుకోక ఊహల్లొ చొరబడతావు
నిదురబోతే వీడలేక స్వప్నాల్లొ సాధిస్తావు

అద్దరాతిరి నిద్దురలేపి సుద్దులేలనో

లలనా ఈ ముద్దుముచ్చటలేలనో

కలలొ వచ్చి కలతను రేపగ గిచ్చుడేలనో

సుదతి అచ్చిక బుచ్చిక లేలనో

మేలుకొంటే ఊరుకోక ఊహల్లొ చొరబడతావు

నిదురబోతే వీడలేక స్వప్నాల్లోను సాధిస్తావు

ఏమీరాకపోత ఎంత బాగుండు
ఆన్నీ వచ్చిఉంటే మరెంత బాగుండు
తెలిసీ తెలియని జ్ఞానము
ఉండీలేని పాండిత్యము
కాబోదు మనిషిజీవితం సంతృప్తికరము
బుద్ధికి మనస్సుకు తప్పదుగా నిత్యఘర్షణం

1.కడుపులో చల్ల ఎపుడూ కదలకూడదు
ఉన్న ఊరునెప్పుడూ వదలకూడదు
నా చిట్టి బొజ్జకు శ్రీరామ రక్ష
ఫలితాలు ఏమైతేమి ఎదుర్కోనేల పరీక్ష
కాబోదు మనిషిజీవితం సంతృప్తికరము
బుద్ధికి మనస్సుకు తప్పదుగా నిత్యఘర్షణం

2.కాగల కార్యమేదో గంధర్వులె తీరుస్తారు
కాలమే కలిసొస్తే కొడుకులే నడిచొస్తారు
తిన్నామా పడుకున్నామా బ్రతుకంటే ఇంతేగా
ఆశయమేలేనివాడికి భవితెపుడూ వింతేగా
కాబోదు మనిషి జీవితం సంతృప్తికరము
బుద్ధికి మనస్సుకు తప్పదుగా నిత్యఘర్షణం

https://youtu.be/0-0SJPjCdT4

సంకట హర చతుర్థి వ్రత దీక్ష పూని 
ఆరాధించాలి శ్రద్ధగ శ్రీ సిద్ధి గణపతిని
నియమ నిష్టలన్ని పాటించాలి
వరసిద్ధి వినాయకుని కరుణ పొందాలి
జైజై వినాయకా జయగణనాయకా
జయ లంబోదరా పాశమంకుశ ధరా

1.అమావాస్య పిదప వచ్చు చవితి నాడు
సంకష్టి వ్రతము ఆచరించ తగినది
అది మంగళ వారమైతె విశిష్టతే ఆనాడు
అంగారకి గా మరింత విశేషమై భాసిల్లు
జైజై వినాయకా జయగణనాయకా
జయ లంబోదరా పాశమంకుశ ధరా

2.గణేశోపనిత్తుతొ అభిషేకించాలి
రక్త వర్ణ వస్త్రాన్ని సమర్పించాలి
మందార పూలతో అలంకరించాలి
కుడుములు నివేదించి సేవించాలి
జైజై వినాయకా జయగణనాయకా
జయ లంబోదరా పాశమంకుశ ధరా

3.దినమంతా ఉపవసించి తీరాలి
విఘ్నేశుని నామాలే భజించాలి
చంద్రోయమైనంత స్వామిని పూజించాలి
దీక్షను విరమించి భుజించాలి
జైజై వినాయకా జయగణనాయకా
జయ లంబోదరా పాశమంకుశ ధరా

తలకునీళ్ళోసుకున్న నీలవేణి
నా తలపులలో దూరుట ఎందుకని
కురులార బెట్టుకున్న తరుణీమణి
మరులురేప మాయజేయుటేలయని
ఎన్నివన్నెలున్నాయో నీకడ అన్నులమిన్నా
నీవెన్ని వలలు పన్నావో నీపై వలపులు గొన్నా

1.వాలుజడే కోడే త్రాచులా వయ్యారమొలుకుతుంది
మల్లెచెండే వెన్నెలమంటలా పరువాన్ని కాల్చుతుంది
అలకలో విసిరిన నీ కీల్జడ ఎంతో రుసరుసలాడుతుంది
శిరమున తురుముకున్న చూడామణి మిసమిసలాడుతుంది
ఎన్నివన్నెలున్నాయో నీకడ అన్నులమిన్నా
నీవెన్ని వలలు పన్నావో నీపై వలపులు గొన్నా

2.ముడిచిన నీ కొప్పుముడి మది చిత్తడిరేపుతోంది
చుట్టిన చేమంతి దండ ఎద తపనలు పెంచుతోంది
నుదుటిపైన ముంగురులు సింగారాలు పోతున్నయ్
పాపిట బిళ్ళ తాను సయ్యాటలాడుతోంది
ఎన్నివన్నెలున్నాయో నీకడ అన్నులమిన్నా
నీవెన్ని వలలు పన్నావో నీపై వలపులు గొన్నా

సాహిత్యం సంగీతం మేలుకలయికే గీతం
ఆత్మా పరమాత్మలాగా ఐక్యమైన బంధం
అనుభూతి అనుభవాల సారం
ఎంతగ్రోలినా తనిదీరని అమృతకాసారం

1.ఆలాపనగా అంకురిస్తుంది భావన
ఆస్వాదనలో చిగురిస్తుంది  తపన
కలమూ గళమూ పాలుపంచుకునేదీ పోటీ
నిర్ణయించ తరమా ఏదో మేటీ
అనుభూతి అనుభవాల సారం
ఎంతగ్రోలినా తనిదీరని అమృతకాసారం

2.అక్షరాలు మెదులుతాయి లయనే శ్వాసగా
పదాలు కదులుతాయి లక్ష్యందిశగా
పల్లవి అనుపల్లవి జోడుగుర్రాలుగా
చరణాలే చక్రాలై గీతరథం  ప్రగతి పథంగా
అనుభూతి అనుభవాల సారం
ఎంతగ్రోలినా తనిదీరని అమృతకాసారం

చిన్నపాటి వెన్ను చఱుపులే బలవర్ధకాలు
ఊహించని మెచ్చుకోళ్ళే ఉత్ప్రేరకాలు
ఖర్చువెచ్చమే లేని అపురూప కానుకలు
మనస్ఫూర్తి స్పందనలే ఎనలేని బహుమానాలు
అల్ప సంతోషి మనిషి పొంగుతాడు పొగడ్తకు
పల్కు ఎదన గుచ్చుకుంటే జారుతాడు అగడ్తకు

1.ఇల్లాలి సేవలెన్నో గుర్తిస్తె పరవశాలు
వంటకాలు రుచిచూసి కీర్తిస్తే పదివేలు
కట్టుబొట్టు అందాలు చీరకట్టు చందాలు
ప్రశంసిస్తె రోజంతా స్వర్గ సౌఖ్యాలు
అల్ప సంతోషి మనిషి పొంగుతాడు పొగడ్తకు
పల్కు ఎదన గుచ్చుకుంటే జారుతాడు అగడ్తకు

2.విద్యార్థి కృషి గమనించి గుప్పించు అభిందనలు
పరీక్షా ఫలితాల్లో జరుగుతాయి అద్భుతాలు
ఓటమి గెలుపుల్లో వెన్నంటి ఉంటె చాలు
మాయమై పోతాయి అన్ని ఆత్మహత్యలు
అల్ప సంతోషి మనిషి పొంగుతాడు పొగడ్తకు
పల్కు ఎదన గుచ్చుకుంటే జారుతాడు అగడ్తకు

3.కవులూ కళాకారుల మనసులే సున్నితాలు
కరతాళధ్వనులే వారికి ఘనమైన సత్కారాలు
కండువా కప్పినా అదియే  కాశ్మీరుషాలు కవులకు
కవితను కొనియాడితే జ్ఞానపీఠే వారి చెవులకు
అల్ప సంతోషి మనిషి పొంగుతాడు పొగడ్తకు
పల్కు ఎదన గుచ్చుకుంటే జారుతాడు అగడ్తకు

నువ్వే నాప్రాణం నువ్వే నా గానం
ప్రతిక్షణం నువ్వే నా జీవనం
నువ్వే నా మౌనం నువ్వే నా ధ్యానం
నువ్వేగా చెలీ నాదైనలోకం

1.ఊపిరి నిలిపే ఆక్సీజన్ నువ్వే
ఉద్వేగం నింపే చైతన్యం నువ్వే
ఊహలు గొలిపే మాధుర్యం నువ్వే
ఉల్లాసం పెంచే ప్రేరణ నువ్వే నువ్వే

2.కలనూ వదలని కవనం నువ్వే
నా తొలిచూపు ప్రణయం నువ్వే
జన్మలు వీడని బంధం నువ్వే
జగమే ఎరుగని సత్యం నువ్వే

చీరకట్టు నుదుట బొట్టు
ఆకట్టుకుంటాయి చూపరులను
నా అందం నా ఇష్టం అంటూ
పట్టించుకోకపోతె ఎలా పరులను

1.బొంత పురుగు వింతగా
రంగులు సంతరించుకొని
సీతాకోకచిలుకవగా
కాంతలంత ఎందుకో
విదేశీవస్త్రాల మోజులో
కోక కట్టుకోక కులుకుదురుగా
దాగీ దాగనిదే కదా సౌందర్యము
విప్పికుప్పబోసాక ఏమున్నది మర్మము

2.సిగలోన మల్లెపూల చెండు
మతినే మత్తిలజేయుచుండు
పాపిట ధరియించిన సింధూరము
ఇనుమడింపజేయును స్త్రీ ఎడ గౌరవము
నగవులే పసిడి నగలు
క్రీగంటి చూపుల్లో వగలు
భారతీయ సంస్కృతి తెలుగు సంప్రదాయరీతి
జగతిలోనె గడించెను ఎనలేని ఖ్యాతి

రచన,స్వరకల్పన&గానం:రాఖీ

వెన్నంటి వస్తాడు వెన్నదొంగ
కన్నెపిల్ల మనసూ దోచుకొనంగ
రంగ రంగా వీడినెలా తప్పుకొనంగా
పంచప్రాణాలే అదుపుతప్పంగా
హరిహరి నారాయణా
అనవరతం ప్రేమపారాయణ

1.మురళీ గానమే నాదస్వరమై
తనువూగిపోతుంది పరవశమై
నీలినీలిదేహమే ఘనమేఘమై
పురివిప్పి ఆడుతుంది మదిమయూరమై
ఏమీ ఎరుగనట్టు వగలుపోతాడు
చక్కనయ్య వేస్తాడు ముక్కుతాడు
హరిహరి నారాయణా
అనవరతం ప్రేమపారాయణ

2.కనుసైగలోనే ఏదో కనికట్టూ
వద్దనివారించినా బుద్ధి వాని చుట్టూ
ఆచిరునవ్వే వెన్నెల కురిసేట్టూ
గోముగ పిలిచాడా అది తేనె పట్టూ
మైకం కమ్మనిదెవరికి మరునిగన్నవానిగని
శోకమె దరిచేరదుగా కమ్మని తన కౌగిలిని
హరిహరి నారాయణా
అనవరతం ప్రేమపారాయణ

గోవిందా గోవిందా విఠల విఠల గోవిందా
గోవిందా గోవిందా పాండురంగ గోవిందా
గోవిందా గోవిందా పండరినాథ గోవిందా
గోవిందా గోవిందా పుండరీక వరద గోవిందా

1.గోవిందా గోవిందా పరమ పురుష గోవిందా
గోవిందా గోవిందా పరంధామ గోవిందా
గోవిందాగోవిందా రుక్మిణివల్లభ గోవిందా
గోవిందా గోవిందా రాధికా ప్రియగోవిందా

2.గోవిందా గోవిందా దీన బంధో గోవిందా
గోవిందాగోవిందా జ్ఞాన సింధో గోవిందా
గోవిందా గోవిందా పాహిపాహి ముకుందా
గోవిందా గోవిందా దేహిదేహి సదానందా

https://youtu.be/aShud7jyZJA

బొజ్జ నింపుతుంది మా అమ్మా
బజ్జోబెడతాడు మా నాన్న
నవ్వులముంచెత్తుతాడు మా అన్న
కావలిసిందేముంది ఇంతకన్నా

1.పొద్దున్నే అమ్మ బూస్ట్ పాలు పోస్తుంది 
తీరొక్క టిఫిన్లతో బ్రేక్ ఫాస్ట్ పెడుతుంది
ఇష్టపడే వంటకాలు లంచ్ లో తయారు
స్నాక్స్ లూ డిన్నరూ తల్చుకుంటె నోరూరు

2.చిక్కులన్నీ ఇట్టే నాన్న తీర్చేస్తాడు
అడగక ముందే అన్నీ కొనిపెడతాడు
నా మూడ్ మార్చేలా పాటలు వినిపిస్తాడు
సాఫీగా సాగేలా తగు బాటలు వేస్తాడు

3.వింత వింత వార్తలన్ని అన్న మోసుకొస్తాడు
చాక్లెట్లు పిజ్జాలు కొని తీసుకొస్తాడు
సినిమాల కబుర్లెన్నొ చెపుతుంటాడు
క్రికెట్ మ్యాచ్ మజా ఏంటొ చూపెడతాడు

రచన,స్వరకల్పన&గానం:రాఖీ

ఊరట దొరకని ఊరట
స్మార్ట్ఫోన్ వాడని వాడే లే(డ)దట
ప్రతి ఇంట మౌనమేనంట
బంధాలు బాధ్యతలూ
మాయమౌతున్నవంట

1.సాధలనాలెన్నో మింగేసెనంట
సాధ్యాలనెన్నో చేసేసె నంట
నెట్టింట తానంట నట్టింట తానంట
పగటికీ రేయికీ భేదమే లేదంట
ప్రాథమ్యాలనన్నీ హరియించె నంట
గుప్పిట్లో ప్రపంచ మంట
ప్రపంచమంతా తన గుప్పిట

2.పిచ్చిగా మారినా సెల్ఫీల ముచ్చట
ముచ్చట్లె పిచ్చిగా మారేను ఇచ్చట
మోసాలవాసమైనా కుక్కతోక వంకరా
స్వార్థలె పరమార్థం  స్నేహాలు  వంక రా
మిథ్యా ప్రపంచమే వాస్తవాన్ని ముంచెరా
పరివార బంధాలెన్నో తెగతెంచెరా
వాడేలా వాడకుంటే వాడిముళ్ళకంచెరా

3.ఫేస్ బుక్ టిక్ టాక్ ఫేమసై పోయాయి
వాట్సప్ ట్విట్టరూ వ్యసనంగ మారాయీ
టెలిగ్రాం ఇన్ట్సాగ్రాం ఇష్టాలైపొయినాయి
యూట్యూబ్ గూగుల్ దినచర్యలైనాయి
కరెన్సీ కరువై ఈ-వాలెట్లు వెలసాయి
భీము పేటీయం ఫోన్పే చెల్లింపుచేస్తున్నాయి
జగమే మారెనో ప్రగతి ఏమారెనో ఏగతిని చేర్చునో

OK

నీ జడ కుప్పెగా ఒప్పారనీయవే
పాపిటిబిళ్ళగా నన్ను ఒదగనీయవే
నుదుటన సింధూరమై వెలుగనీయవే
బుగ్గన చుక్కనై దిష్టి కాచనీయవే
అంగాంగాన నీకు ఆభరణమై
నీ అందాలకు నను మెరుగులు దిద్దనీ
నీమేని వర్ణాలు ఇనుమడింపజేయనీ

నీ అందాలకు నను మెరుగులు దిద్దనీ
నీమేని వర్ణాలు ఇనుమడింపజేయనీ

1.చెవులకు జూకాలై గుసగుసలాడనీ
ముక్కున ముక్కెరనై జిలుగులు చిమ్మనీ
కంఠాభరణమై కనికట్టుచేయనీ
ఎదమంగళసూత్రమై బంధం బిగియించనీ
నీ అందాలకు నను మెరుగులు దిద్దనీ
నీమేని వర్ణాలు ఇనుమడింపజేయనీ

నీ జడ కుప్పెగా ఒప్పారనీయవే
పాపిటిబిళ్ళగా నన్ను ఒదగనీయవే
నుదుటన సింధూరమై వెలుగనీయవే
బుగ్గన చుక్కనై దిష్టి కాచనీయవే
అంగాంగాన నీకు ఆభరణమై
నీ అందాలకు నను మెరుగులు దిద్దనీ
నీమేని వర్ణాలు ఇనుమడింపజేయనీ

2.కటివడ్డాణమై ననువగలొలుకనీ
కాంచన కేణా నై దృష్టినా కట్టుకోనీ
గాజుల సోయగమై సరిగమలే పలకనీ
మువ్వల పట్టీలనై పదములు ముద్దాడనీ
నీ అందాలకు నను మెరుగులు దిద్దనీ
నీమేని వర్ణాలు ఇనుమడింపజేయనీ

నీ జడ కుప్పెగా ఒప్పారనీయవే

పాపిటిబిళ్ళగా నన్ను ఒదగనీయవే

నుదుటన సింధూరమై వెలుగనీయవే

బుగ్గన చుక్కనై దిష్టి కాచనీయవే

అంగాంగాన నీకు ఆభరణమై

నీ అందాలకు నను మెరుగులు దిద్దనీ

నీమేని వర్ణాలు ఇనుమడింపజేయనీ

https://youtu.be/kbt8Z9iHmoE

రచన,స్వరకల్పన&గానం:రాఖీ

రాగం:దేశ్

నీ రూపమే నయనానందము
నీ నామమే రసనానందము
నీ తలపులే హృదయానందము
నీ సేవలే సాయి పరమానందము
జయజయసాయి సద్గురు సాయీ
జయజయ సాయీ జగద్గురు సాయీ

1.నీ చరితయే పఠనానందము
నీ లీలలే శ్రవణానందము
నీ సన్నిధే దివ్యానందము
నీ బోధలే సచ్చిదానందము
జయజయసాయి సద్గురు సాయీ
జయజయ సాయీ జగద్గురు సాయీ

2.నీ భజనలే బృందానందము
నీ పాటలే ఆత్మానందము
నీ ధ్యానమే యోగానందము
నీ తత్వమే మోక్షానందము
జయజయసాయి సద్గురు సాయీ
జయజయ సాయీ జగద్గురు సాయీ

https://youtu.be/kbt8Z9iHmoE

రచన,స్వరకల్పన&గానం:రాఖీ

అందని వాడివో-అందరి వాడివో
వందనాలనందుకో-నందలాలా
నీదరిజేర్చగా ఆనందలీల

1.మన్ను తిన్న వైనము వెన్నదొంగిలించడము
నీకొంటె చేష్టలతో అదే గోకులము
.అదె యమునానది అదే బృందావని
వందలాది గోపికలతొ అదే రాసకేళి
జయదేవుడు ఆదిగా రాసారు ఎందరో
విసుగన్నదేరాదు అదిఏమి చిత్రమో
భాగవతసుధలో ఇమిడున్న సూత్రమో
వందనాలందుకో శ్యామసుందరా
పదములనందీయరా మురళీధరా

2.ప్రహ్లాద చరితము వామనావతారము
గజేంద్రమోక్షము ద్రౌపది సంరక్షణము
ఆవతారమేదైనా ఆర్తత్రాణపరాయణము
సందర్భమేదైనా గీతామకరందము
పోతనకలమందలి హృద్యమైన పద్యాలు
తనివేదీరదూ అదిఏమి వింతయో
కలతలుతొలగించెడి వైష్ణవ మాయయో
వందనాలందుకో హే దీనబాంధవా
భవబంధము తొలగించర ప్రేమసింధువా

https://youtu.be/s-7Ty8Zj2Gc

ఆశలకెక్కడిది పేదరికం
ఊహలకుండదుగా బీదతనం
మధ్యతరగతిదో విచిత్రమైన ఆర్తి
ఉట్టికి స్వర్గానికీ అదో వింత వారధి

1.ఎంతమేత మేసినా గొర్రె తోక బెత్తెడు
ఎంతగా తోమినా బర్రెనలుపు వీడదు
సంపాదన సంగతేమొ సరదాలకు కొదవలేదు
అప్పులపాలైతెనేమి బడాయిజోరు తగ్గదు
మధ్యతరగతి  తిరిగినా జరగని గానుగ
మీసాలకు సంపెంగనూనె తీరుగ

2.లూనా ఉన్నాచాలు అదే బెంజికారు
పరివారమంతా దానిమీదె షికారు
సండే(చుట్టం) వస్తే ఇకచూడు మటన్ బిర్యానీలు
వారమంత  కారంతో బుక్కెడంత తిన్నాచాలు
మధ్యతరగతి అది ప్రత్యేక సంస్కృతి
సగటు భారతీయకు అదేకదా హారతి

పల్లె గొల్లుమన్నది తన గోడుచెప్పుకున్నది
వాడ వాడ నడయాడు జనమే లేదన్నది
ప్రేమతోటి పలకరించు నరుడే లేడన్నది
ఆప్యాయత చిలకరించు ఎదనే లేదన్నది

1.సందెల కడ అంబలితో సంబరమేదన్నది
గట్కకూ గంజికీ జాడలెరుగ నన్నది
చేసుకున్న కూరల అదల్బదలు ఏదన్నది
బుక్కెడంత తినిపొమ్మను కొసరుడెక్కడన్నది
కడుపారా వడ్డించెడి మమతే లేదన్నది

2.కచ్చరాల మాటేమో ఎద్దుజాతి ఏదన్నది
సవారి బండ్ల పైనం మచ్చుకైన లేదన్నది
గోచికట్టు చీరలతో పడుచందం ఏదన్నది
మాయదారి నాగరికత తనమనుగడ కీడన్నది
పండగొస్తె మాత్రమే యాదికొస్తె ఎట్లన్నది

3.పొలాలు మేడలైతే కూడుకేది గతియన్నది
రైతే ఇక మాయమైతె బ్రతుక్కు చేటన్నది
పచ్చదనం తరిగిపోతె ప్రకృతి విలయమన్నది
వ్యవసాయం కుంటుబడితె సంకటమేనన్నది
పల్లెకు బలమీయకుంటె మనిషికి ముప్పన్నది

నీటి వెతుకులాటలో జాబిలిపై రాకెట్లు
మంచి నీటికటకటలో చచ్చేంతగ ఇక్కట్లు
సంకలోని పాపగతి పట్టించుకోని ప్రభుతా
సందమామ నందుకొంటె  అసలది ప్రగతా

1.మానిని మానానికి ఎక్కడుంది భద్రత
నడపడానికైతే స్కూటీల బహుమతా
ప్రపంచకప్పుకై చెప్పరాని తహతహ
గంజి కైన నోచుకోని నిరుపేద దేశప్రజ

2.చలువరాతి భవంతికై ..ఉన్నవేమొ కూల్చుడట
నిలువనీడలేనివారి వ్యధకుఎపుడొ  ఊరట
విశ్వనగర గగనాల రైళ్ళరాకపోకలట
రాదారుల గుంతల చింతలింక వీడవట

3.అడుగడుగున మద్యమింక చోద్యమే ఇట
తాగుబోతు చోదకుల భరతం పట్టుడట
అన్నపూర్ణ పథకాల ఆడంబరాలట
అన్నదాత గోడేమో అరణ్యరోదనమిట

రచన,స్వరకల్పన&గానం:రాఖీ

నా జీవితమొకవైపు
నా తనయుడి మనుగడ ఒకవైపు
బదులుగా ఏదైనా నానుండి తీసుకో
నా సుతుని భారమింక నువు చూసుకో
ఓ విశ్వకవి మిత్రుడా ఓ విచిత్ర చిత్రకారుడా

1.జన్మలే దాటివచ్చే కర్మలను పరిమార్చు
ఈజన్మలొ చేసినట్టి దోషాల తెగటార్చు
అనుభవించితీరాలంటే ఖాతాను నాకు మార్చు
శిక్షనే ఖరారు చేస్తే అది నాకే జతకూర్చు
ఓ న్యాయమూర్తీ విశ్వచక్రవర్తీ

2.ఇంద్రియాలు నీవశమై ఇకనైనా సాగనీ
నీ ఇంద్రజాలాలు మాపైన  ఇపుడైనా ఆగనీ
ఆడిఆడిమేమెంతో అలసిపోయనాము స్వామీ
విసుగూ విరామమే నాకథలో లేదా ఏమీ
నటన సూత్రధారీ ఓ ధర్మాధికారీ

3.దారి తప్పువేళలో నీదరికి మము జేర్చు
మాచీకటి బ్రతుకుల్లో వెలుగుపూలు పూయించు
మానవతా విలువలను మనిషిమనిషిలోన పెంచు
ప్రేమానురాగాలు మాకింక బోధించు
ఓ సద్గురునాథా జగద్గురుదేవా

https://youtu.be/HB6uYaOfozQ?si=LNBMUeUge2BG3Vqn

రచన,స్వరకల్పన&గానం:రాఖీ

బ్రతుకు భారమై-ముదిమి నేరమై
చేయిసాచలేక-ప్రేమనోచలేక
ఆత్మాభిమానమే ఆభరణమై
దినం దినం అనుక్షణం  రణమై

1.రెక్కల కష్టాన్నే నమ్ముకొని
చిక్కులనెన్నో దాటుకొని
బాధ్యతలన్నీ నెరవేర్చుకొని
చరమాంకానా విశ్రాంతి కోరుకొని
బడుగుజీవి మనుగడ తృణమై

2.ఎండావానలకు ఓర్చుకొని
గుండెను బండగా మార్చుకొని
బంధాల గుణపాఠం నేర్చుకొని
చేసిన పొదుపూ చేజార్చుకొని
జీవితాంతం సాంతం మరణమై

అది తెలుసు ఇది తెలుసు
అది ఇది ఏలా అన్నీ తెలుసు
ఉన్నది తెలుసు లేనిది తెలుసు
ఉండీలేనిది ఏదో తెలుసు
ఎంతతెలిసినా మరెంత మరచినా
తెలియనిదెంతెంతొ ఉందని తెలుసు
అది ఒక వింతనీ తెలుసు

1.మనసొకటుందని మరిమరి తెలుసు
మనిషీ మనసూ  వేరని తెలుసు
మనసులేని మనుషులు తెలుసు
మనిషిలేక మనలేక ఏమనలేక
మనసు దుర్గతి తెలుసు
ఎంతతెలిసినా మరెంత మరచినా
తెలియనిదెంతెంతొ ఉందని తెలుసు
అది ఒక వింతనీ తెలుసు

2.ప్రేమ సంగతి పూర్తిగ తెలుసు
ప్రేమ అంటెనే ఆర్తిగ తెలుసు
ఆకర్షించే అయస్కాంతం ప్రేమని తెలుసు
త్యాగం భోగం మధ్యన ఊగే
లోలకం ప్రేమని తెలుసు
ఎంతతెలిసినా మరెంత మరచినా
తెలియనిదెంతెంతొ ఉందని తెలుసు
అది ఒక వింతనీ తెలుసు

3.దైవం ఏమిటోతెలుసు
నమ్మిక అంటేను తెలుసు
నమ్మితేనే దైవమని తెలుసు
దైవం దర్పణమని తెలుసు
ఆత్మసమర్పణే ఆతత్వమని తెలుసు
ఎంతతెలిసినా మరెంత మరచినా
తెలియనిదెంతెంతొ ఉందని తెలుసు
అది ఒక వింతనీ తెలుసు

https://youtu.be/i1aOV0Ckgf4

అలమేలుమంగకు పతియతడు
అలపద్మావతి ప్రియసఖుడతడు
ఇరువురు సతుల నిజవల్లభుడు
తిరువేంకటాచల మురిపెమువాడు

1.నారదాది మునిజనవరదుడు
నమ్మికొలిచెడి భక్తసులభుడు
గరుడవాహన గమనకాముకుడు
క్షీరసాగర ఆదిశేషశయనుడు
కలియుగమందున సరిదేవుడు
తిరువేంకటాచల మురిపెమువాడు

2.కమలలోచనుడు కరుణాత్ముడు
వైజయంతి మాలాశోభితుడు
శంఖచక్రయుత కరభూషణుడు
ఆపన్నహస్తమునందించువాడు
అన్నమయ్యకే నెయ్యము వాడు
తిరువేంకటాచల మురిపెమువాడు

రచన,స్వరకల్పన&గానం:రాఖీ

గంగను వదలరా-బెంగను తీర్చరా
జంగమదేవరా-సరగున బ్రోవరా
గౌరీమనోహరా-అర్ధనారీశ్వరా

1.సంతత ధారగ నీకభిషేకమునొనరింతుము
నమకచమక స్త్రోత్రాలతొ నినుకీర్తించెదము
గోవర్ధన గిరిధారిని నీ సరిపూజించెదము
ఋష్యశృంగుడిని పరవశునిగ చేసెదము
తాగునీటి కష్టాలు కడతేర్చరా
సాగునీటి వనరులన్ని పొంగిపొరలనీయరా

2.కప్పల పెళ్ళిచేతుము తిప్పలు తప్పించరా
మేఘమథనమూ జేతుము వానలు రప్పించరా
పెద్దయ్య గజాలనే ఊరేగింతుమురా
ఇంటింటికి చెట్లుపెంచి ఇలస్వర్గము చేతుమురా
తాగునీటి కష్టాలు కడతేర్చరా
సాగునీటి వనరులన్ని పొంగిపొరలనీయరా

3.అన్నపూర్ణ కడుపునింపు గతినిక గానరా
అన్నదాత పంటపండు తెరువిక చూడరా
పాతాళ గంగను పెల్లుబుక జేయరా
ఆకాశగంగను నదుల పారనీయరా
తాగునీటి కష్టాలు కడతేర్చరా
సాగునీటి వనరులన్ని పొంగిపొరలనీయరా

మోయలేని తీయదనం నీ ఆలింగనం
ఓపలేని కమ్మదనం నీ చుంబనం
తనవులోని అణువణువు
తాకినంత  మ్రోగు వేణువు
చెఱకువింటి వేలుపు చూడని
నీ మేనే  సుమధనువు

1.ముట్టుకుంటె కందిపోయే
నీ అందచందాలు
పట్టుకుంటు జారిపోయే
నవనీత చందాలు
పెదాలలో జాలువారే
మందార మకరందాలు
మెడవంపు వెచ్చదనంలో
శ్రీ చందన గంధాలు

2.చెవితమ్మెలు రసనకు
 పుట్ట తేనె పట్లు
చెక్కిలిపై  పల్లే ఉలులై
చెక్కేటి మెత్తటి గాట్లు
గుట్టు విప్పడాని కొరకు
పడరాని వింతపాట్లు
ప్రావీణ్యం ఎవ్వరిదైనా
నెగ్గుతాయి ఇరుజట్లు

https://youtu.be/-mRnQpvzNzA?si=h-yzY7j_p8lnbiJz

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:కానడ

జోహారు జోహారు జవానన్న నీకూ
వీరమరణమొందితివా దేశంకొరకూ
నీ జన్మ చరితార్థమేనాటికీ
భరతమాత ముద్దుబిడ్డ నువ్వే ముమ్మాటికీ
జై జవాన్ జయహో జవాన్- జైజవాన్ జయహో జవాన్

1.జన్మించి చితిలోగతించేరు అందరూ
చావుతోనె చెలిమిచేయ పుట్టినారు మీరూ
ఎదిరించుటకేనాడు బెదిరింది లేదు
పోరునుండి వెనకడుగే వేసిందిలేదు
విజయమో వీరస్వర్గమో వరించేరు
చావో రేవో దేనికైన మీరెప్పుడు తయారు
జై జవాన్ జయహో జవాన్- జైజవాన్ జయహో జవాన్

2.వీరమాత నినుగన్న తల్లి
దేశమాతకందించె నిన్ను ఆ కల్పవల్లి
యోధులై పోరుతారు ప్రాణమే ఫణంగా
అమరులై వెలుగుతారు అజరామరంగా
మీశౌర్యం మీ త్యాగం మీ తెగింపు ఫలితంగా
రెపరెపలాడుతోంది నింగిలో తిరంగా-మన భారత పతాక
జై జవాన్ జయహో జవాన్ -జైజవాన్ జయహో జవాన్

పాండురంగా పాండురంగా-భక్తాంతరంగా
పాండురంగా పాండురంగా-కరుణాంతరంగా
పండరి పురవాస హేపాండురంగ
చంద్రభాగనదీ తీర శ్రీపాండురంగ

1.నిలవమని ఇటుకవేయ-కదలక నిలుచున్నావు
తలిదండ్రుల సేవయే-మనిషికి తగునన్నావు
కన్నవారి కన్నమిన్న-మరిలేదని అన్నావు
భక్తుని ఆనతియే-శిరోధార్యమన్నావు
పాండురంగా పాండురంగా-నీ సన్నిధె స్వర్గంగా
పాండురంగా పాండురంగా-నీ స్మరణే ముక్తికి మార్గంగా

2.కొలువై ఉన్నావు-రుక్మిణీ సహితంగా
పండరిపురమేదక్షిణ -మథురానగరంగా
దోచుకోవయ్యా-వెన్నలాంటి మా ఎదలు
కాచుకోవయ్యా-గోవులె మా బుద్ధులు
పాండురంగా పాండురంగా-నీ నామమే అమృతంగా
పాండురంగా పాండురంగా-నీ గానమే మకరందంగా

మనసుకు మెదడుకు ముడిపడదెన్నడు
మమతా నియతీ జత పడవెప్పుడు
అవధులేలేనిది అనురాగము
పరిధిమించనీయదు అధికారము

1.తర్కాలు రచియిస్తుంది వాదనలు నిర్మిస్తుంది
గెలుపుకోసమే ఎపుడు మేధ కృషిసల్పుతుంది
లాభాలునష్టాలు బేరీజువేస్తుంది
ఆచితూచి అడుగేస్తూ జాగ్రత్తపడుతుంది

మూర్ఖంగ స్పందిస్తుంది మౌనంగ రోదిస్తుంది
తనదృష్టికోణంలోనే ప్రపంచాన్నిచూస్తుంది
అనుచితాలు ఉచితాలు పట్టించుకోదు హృదయం
బంధాల ఆరాటంలో తాను బలియౌతుంది

2.ఋజువులే కోరుతుంది  వాస్తవాల్నె నమ్ముతుంది
ఆచరణ సాధ్యాలనే అమలుపరచబూనుతుంది
ఎదరొదను ఏమాత్రం బుద్ధి లెఖ్ఖచేయదు
లక్ష్యాన్ని సాధించుటలో విలువలకూ విలువీయదు

కలలెన్నొ కంటుంది కల్పనలో బ్రతికేస్తుంది
అనిర్వచనీయమైన అనుభూతికి లోనౌతుంది
మేధస్సు బోధలను మది ఖాతరె చేయదు
మానవీయనైజాన్ని మాటవరుసకైన మరువదు

అయోధ్యలో పుట్టాడు  శ్రీ రఘురాముడు
మహు లో జన్మించాడు  అంబేద్కర్ భీముడు
మానవ జాతికే ఆదర్శం ఆ రాముడు
భారతభూమికే మార్గదర్శి ఈ భీముడు

రాజ్యాన్నే త్యజించాడు ఆ రాముడు
పదవి కాలదన్నాడు ఈ భీముడు
సకల ప్రాణికోటిని ఆదరించినాడు ఆరాముడు
నిమ్నజాతుల నుద్ధరించారించాడీ భీముడు

రామరాజ్యమంటే అపురూపం ఏనాడు
భారత రాజ్యాంగమె స్ఫూర్తి జగతికీనాడు
ప్రజారంజకంగా పాలించెను రాజ్యాన్ని రాముడు
ప్రజామోదకంగా తీర్చిదిద్దె రాజ్యాంగం అంబేద్కరుడు

అనుదినమూ ఉగాది వేళనే
మదిమదిలో వసంత హేలనే
మావితోటల్లో కోయిలల పాటలే
మేను మరచి పాడే  కూని రాగాలే

1.తీపి చేదు ఏదోఒకటి
నిరీక్షణకు సార్థకంగా
గెలుపు ఓటమేదైనా
పరీక్షలకు ఫలితంగా
అనుభూతుల ఆస్వాదనలో
షడ్రసోపేతంగా
నవరసాల కలబోతే
రమ్యమైన జీవితంగా

2.ఉషోదయం ఆమనిగా
మధ్యాహ్నం వేసవిగా
సాయంత్రం చిరుజల్లుగా
రేయంతా శరత్తుమత్తుగా
చెలిసావాసమే చలికాలంగా
విరహాలు రేగా శిశిరంగా
ఆరుకారులే అరుదెంచంగా
రోజంతా బ్రతుకే మధురంగా

మాట లేని లోకమెంతో మధురమైనది
పలుకెరుగని ప్రపంచమే ఫ్రశాంతమైనది

ఈటెలూ తూటాలూ చీల్చబోవు గుండెలని
గాయపడని హృదయాలకు నిలయమైనది

అసత్యాలు బొంకడాలు తార్చబోవు వాస్తవాన్ని
స్వచ్ఛమైన మనసులకు  నెలవైనది

ద్వందార్థ భాషణలు కూల్చబొవు బంధాల్నీ
ఎద పెదవుల మధ్యదూరం లేనెలేనిది

భావాల్ని తెలుపుటకు చిక్కేది లేదు రాఖీ
చూపైనా స్పర్శైనా మదిని మీటుతుంది

https://youtu.be/4tcwmqHYmf0?si=s37EiEDHyV88WQ_9

రచన,స్వరకల్పన&గానం:రాఖీ

కలువలే విస్తుపోయినాయి
కమలాలూ బిత్తరపోయాయి
అల్లనేరేడు పళ్ళు గొల్లుమన్నాయి
మీనాలన్నీ సరితూగనన్నాయి
నీనయనాలు అనుపమానాలు
నీ నేత్రాలు అపురూప చిత్రాలు

1.కాటుకసైతం పోటీపడనంది నీకనుపాపలతో ఇక
చీకటి కూడ దాక్కుందెక్కడో కని నీ కనీనిక
రవి ఎపుడూ కనలేదు ఇటువంటి లోచనము
కవులెవరూ నుడువలేదు ఈగతి అవలోకనము
నీ నయనాలు అనుపమానాలు
నీ నేత్రాలు అపురూప చిత్రాలు

2.వెన్నెల వెలవెలబోయింది ఈక్షణము కాంతిగని
దివ్యత్వం గూడుకట్టుకుందినీ చక్షువు తగినదని
నాలికచాపితే అపర కాళికలా తోస్తావు
నవ్వులు సోకితే నీవే ఆమనివని పిస్తావు
నీనయనాలు అనుపమానాలు
నీ నేత్రాలు అపురూప చిత్రాలు

https://youtu.be/FuVpbmMhxOI?si=rOjRk6IvHodBnDHK

రచన,స్వరకల్పన&గానం:రాఖీ
రాగం:శివరంజని

నీకిదే నా అంతిమ నివేదన
ఇకనైనా తొలగించు నా వేదన
ఈ చరాచరజగత్తుకే కారణమైన దేవి
కరిగిన నా ఆనందాన్ని తిరిగి అందించవేమి

1.వేదాంత వాక్యాలు వల్లించబోనమ్మా
అద్వైత సూత్రాలు నాకింక వలదమ్మా
నీవుదప్ప పరులెవరూ పట్టించుకోరమ్మా
ప్రతిగా ఏమీయాలో నన్నిపుడె కోరవమ్మా
దుఃఖాలకు సంతోషాలకు మూలమైన దేవి
కరిగిన నా ఆనందాన్ని తిరిగి అందించవేమి

2.వీణ పట్టుకున్నపుడు వాణిగా నిను కొలిచేను
సిరులు ధారబోయునపుడు శ్రీలక్ష్మిగ అర్చించేను
ధైర్యమే దిగజారినపుడు శక్తిగా పూజించేను
చావోరేవో తేల్చుకొనగ చాముండిగ అర్థించేను
సకల జీవులన్నిటికీ తల్లివైన దేవీ
కరిగిన నా ఆనందాన్ని తిరిగి అందించవేమి

రచన,స్వరకల్పన&గానం:రాఖీ

అందమె ఆనందమనీ అన్నారు ఆనాడు..
ఆనందమె అందమనరా నిను చూసిన ప్రతివారు
స్వచ్ఛమైన నీ నవ్వు మనసుకెంత ఉల్లాసం
హాయిగొలుపు నీ నవ్వు కనినంతనె ఆహ్లాదం
నిన్నుచూస్తు గడిపేస్తాను ఈ జీవితాంతం
రెప్పవాల్చలేకున్నాను లిప్తపాటుకాలం

1.కన్నులూ నవ్వుతాయని నీవుకదా తెలిపింది
వెన్నెల్లు రువ్వుతాయనీ ఇపుడె కదా ఎరుకైంది
హరివిల్లు విరిసిందీ నీ కనుబొమ్మల్లోనా
సింధూరం మెరిసింది నీ నుదుటి కనుమల్లోనా
నిన్నుచూస్తు గడిపేస్తాను ఈ జీవితాంతం
రెప్పవాల్చలేకున్నాను లిప్తపాటుకాలం

2.ముక్కుపుడక నవ్వుతుందా ఎక్కడైనా
సంపంగి నీముక్కున అది సాధ్యమేగా
పలువరుసలోనా ముత్యాల వానా
నీఅధర దరహాసం వర్ణించ నాతరమౌనా
నిన్నుచూస్తు గడిపేస్తాను ఈ జీవితాంతం
రెప్పవాల్చలేకున్నాను లిప్తపాటుకాలం

రచన,స్వరకల్పన&గానం:రాఖీ
రాగం:మాల్కోస్

ప్రతి స్పర్శలోనూ పరవశాల జల్లు
ఎదకుహత్తుకొనగ ఆత్మీయత విలసిల్లు
అంగాంగ సంగమాన అనురాగం పెల్లుబుకు
కరచాలనమందైనా అభిమానమే ఒలుకు

1.తొలి స్పర్శ మనిషికి అమ్మ ఒడి
నాన్న పొదువుకున్నప్పుడు హాయిదూకు మత్తడి
చెట్టాపట్టాలే బాల్యంలో  చెలిమికిపడే ముడి
చెలి స్పర్శ యవ్వనాన వింతైన అలజడి

2.అలయ్ బలయ్ అల్లికే తెలంగాణ అనుబంధం
తలనిమిరే  అనునయమే జబ్బుకెపుడు ఔషధం
గురువు పాదస్పర్శనమే శిశ్యుల అభివాదము
జాతీయ స్ఫురణయే పౌరుల అభివందనం

చిరునవ్వు స్థిరవాసము నీ అధరము
ప్రణయానికి ఆహ్వానము నీ నయనము
పున్నమి వెన్నెలకే విలాసము నీ వదనము
కవి కలమున ఉదయించే సుప్రభాత గీతము

1.జడ చూడగ యమునయే స్ఫురణము
మెడవంపున మందాకిని సౌందర్యము
తీయని నీ పలుకుల్లో గంగావతరణము
అణువణువున తొణుకుతోంది లావణ్యము

2.గిరులనుండి జారే కోకే జలపాతము
కటి చీకటిలో దాగే నాభే ఘనకటకము
పాదాల పట్టీల నాదమే రసభరితము
నిలువెత్తునీ అందం కననివినని చరితము

https://youtu.be/qOn5bzOjb4M?si=0e_vYbG2Lj6OpouL

రచన,స్వరకల్పన&గానం:రాఖీ

రాగం:జయంత శ్రీ

అనిమేషుడనే నినుచూడ
ఏడుకొండల వాడ
నీ దాసుడనేనైతిని
కోనేటిరాయా నినువీడ

1.కొడిగట్టక వెలుగనీ
గర్భగుడిలొ నను దివ్వెగ
వసివాడక నిలువనీ
నీ పదముల పువ్వుగ
అనిమేషుడనే నినుచూడ
ఏడుకొండల వాడ
అన్నమయ్యనేనౌదు
మరిమరి నినుపొగడ

2.దినమైనా దీపించని-నీ
నుదుటన తిరు నామమై
క్షణమైనా వ్యాపించనీ
సాంబ్రాణి ధూపమై
అనిమేషుడనే నినుచూడ
ఏడుకొండల వాడ
పురంధరుడ నేనౌదు
కమ్మని నీకృతులు పాడ

https://youtu.be/4bl1o0-r6P8

రాగం:శుద్ధసీమంతిని

శివనామమే సంగీతమూ
శివగానమే ఆనంద జనితము
శివతత్వమే అద్వైతము
శివమంత్రమే భవతారకం
ఓం నమఃశివాయ ఓం నమఃశివాయ
ఓం నమఃశివాయ ఓం నమఃశివాయ

1.పరవశమున శివశివయనగా
నరుని వశమగును హరహరుడు
విశ్వాసముగా విశ్వేశ్వరా యనగ
కరమందీయడ శంకరుడు
కపోతమునకే కైవల్యమొసగెను
శ్రీశైల  మల్లికార్జునుడు
గిరి పరిక్రమతో పరసౌఖ్యమీయడ
అరుణాచలేశ్వరుడు
అరుణాచలశివా అరుణాచలశివా అరుణాచలశివా

2.సైకతమైనను లింగాకృతి నర్చించ
భవజలధిని దాటించును రామేశ్వరుడు
సుమమేకాకున్ననూ మారేడునర్పింప
ముక్తిని దయసేయడా ముక్తీశ్వరుడు
తలమీదగంగమ్మ కాపురమున్ననూ
చెంబుడునీటికే చేరదీయు కాళేశ్వరుడు
కోడెనుకట్టినంత గోడే వినగలడు
వేములవాడ రాజేశ్వరుడు
మహాదేవ మహాదేవ శంభో సదాశివా

https://youtu.be/4emcEB_IYNU?si=QWoZbHm5l7iKxzpp

రచన,స్వరకల్పన&గానం:రాఖీ

రాగం:తిలక్ కామోద్

మ్రొక్కి మ్రొక్కి నేనూ చిక్కినాను,నీకే చిక్కినాను
వెక్కి ఎక్కి ఎంతగానొ ఏడ్చినాను,నిన్నే మాడ్చినాను
అమ్మవేనా అసలు నువ్వు,మాయమ్మవేనా
ఆలనపాలన వదిలీ ఎందుకు,ఊళ్ళేలనా
పట్టించుకోవమ్మ పిసరంతైనా,తల్లీ సరస్వతీ
కన్నబిడ్డనొదిలేసే కసాయివా మాతా భారతీ

1.మెదడులోని ప్రతికదలిక నీ చలవేకాదా
కణములు మరణిస్తే మరలా పుట్టించగ రాదా
చితికిపోతె ప్రతి బ్రతుకూ చితికే పోతుందా
నీ ఆనతి విస్మరించి దుర్గతి పాలౌతుందా
ఓపిక అను పదానికే ఓపిక లోపించింది
ఒకే ఒక్క లోపానికి భవిత శూన్యమయ్యింది

2.మారాము చేయుటలో కానిదేమి కోరాము
అరచిగీపెట్టినా అనుచితమేమడిగాము
పరులెవ్వరు తీర్చేదరూ కన్నతల్లి మినహా
పడిన తిప్పలికచాలు నిత్యం నరకం తరహా
నిర్ణయమేదైనా సత్వరమే అమలు పరచు
కర్ణపేయమైన వరమె  జీవితాలు బాగుపరచు

ఎందుకో ఏడుస్తోంది వాయులీనము
ఎందుకో మరి వెక్కుతోంది వేణుగానము
కళ్యాణి రాగమైనా కాంబోజి రాగమైనా
రేవతియే అనిపిస్తోంది,శివరంజని వినిపిస్తోంది

1.బావురుమని దుఃఖిస్తే మదిభారం తీరుతుంది
వెతను కథగ వివరిస్తే గుండె తేలికౌతుంది
ఊరడించు వారుంటే మనసు కుదుట పడుతుంది
దిగమింగితేనె వ్యథతో బ్రతుకు నరకమౌతుంది
మోహనే వీణియపైన ముల్తాను పలుకుతోంది

2.తల్లికీ బిడ్డకూ పుట్టుకలో యాతనా
అప్పగింతలెప్పటికీ తెగని వేదనా
అడుగుగున మనిషిజీవితం-అంతులేనిబాధేనా
అంతిమ యాత్రలోను అశ్రునయన రోదనా
అభేరినే పాడినా శహనాయే శహనాయ్ వాదనా

https://youtu.be/8jW0oZRtt5A

ముడిచిన పెదవులు ముద్దొస్తుంటే
ముందుకొచ్చి మరిమరీ ముద్దిస్తుంటే
ఆగడం తరమా చెలియా ఆనాటి ప్రవరునికైనా
నిలువవశమౌనా ఏ ముని వరునికైనా

1.ఆకళ్ళు పెంచేనూ ఆ సోగ కళ్ళు
చూపులే పంపేనూ ప్రణయలేఖలూ
ప్రపంచాన్ని పాదాక్రాంతం చేస్తె తప్పేముంది
జగమంత దాసోసం అనడంలొ గొప్పేముంది
ఒక్కనవ్వుకోసం లక్షసార్లు చావొచ్చు
చిన్ననవ్వుకోసం జన్మలెన్నొ ఎత్తొచ్చు

2.నీ చెలిమి కోసం అందరిని వీడొచ్చు
నీ స్పర్శకోసం సంద్రాలు ఈదొచ్చు
నీ పొందు ముందర స్వర్గసౌఖ్యం దండగ
నువు చేయినందిస్తే బ్రతుకంతా పండగ
ఊరించకేచెలీ  ఊహలోనైనా
వారించకే నన్ను స్వప్నమందైనా

OK

రాగం:ఖమాస్

మనుజునివై పుట్టినావు సాయీ
మమతను పంచగా-నడతను బోధించగా
కరుణకు మారు పేరు నీవేనోయీ
దయకురిపించగా-హృదయం మురిపించగా
సాయీ సాయీ సద్గురు సాయీ
సాయీసాయీ జగద్గురు సాయీ

1.వైద్యునిగా మారినావు సాయీ
రుజలను మాన్పగా-రుగ్మతలను ఆర్పగా
సిద్ధునిగా వెలసినావు సాయూ
విద్దెలచూపగా బుద్ధులు గఱపగా
సాయీ సాయీ సద్గురు సాయీ
సాయీసాయీ జగద్గురు సాయీ


2.బంధువే అయినావు సాయీ
బంధాలను తెలుపగా-బాధ్యతలను నేర్పగా
సేవకుడివి నీవైతివి సాయీ
అహమును బాపంగా-మానవతా రూపంగా
సాయీ సాయీ సద్గురు సాయీ
సాయీసాయీ జగద్గురు సాయీ

మత్తడి దాటెను పరువాలు-పుత్తడి బొమ్మకు
చిత్తడాయెను సింగారాలు-సొగసుల కొమ్మకు
ఊరించే సోయగాలు-ఉడికించే నయగారాలు
వాటంగా కవాటాలు- పోటెత్తిన నయాగరాలు.

1.తడిసిన కోక చూసాక -తహతహ దప్పిక
మడి ముడి వీడగ ఆరైక-తమకపు దుప్పిక
జడివానలు మడినేతడుప-ఎగవడి దడి సిగ్గే విడువ
తొరపడి వలపుల వలబడి-దిగబడింది ఊబి చొరబడి

2.నాలుకే నాగలై-మేను చేను దున్నింది
అధరమే గుంటుకై-మోము కలుపు తీసింది
ఒకరికొకరు సాయం చేయగ-వ్యవసాయం సాగింది
నారుపోసి నీరు పెట్టగ కలల పంట పండింది

https://youtu.be/_ynVuQNtZ4M?si=jCN2IRlhwQm8NDFd

సొట్టా బుగ్గలా పిలగాడా

సోకూ నవ్వులా పిలగాడా

కొంటే సూపులా సినవాడా

కోఱా మీసమూ ఉన్నవాడా

అందమంటె నీదేర సుందరూడ

నెల్లాళ్ళు నిండైన సెందురూడ

1.రోడెంట నువుబోతె-పోరిలెంట బడతారు

కాలేజికోతుంటె-కన్నె లెంట బడతారు

నీతోటి సెల్ఫీకి-బతిమాలుకుంటారు

టింగురంగ డేటింగు-కెన్కెకబడ్తారు

లక్కంటె నీదేర-సక్కానోడా

లైఫంటె నీవెంటె-ఓ లౌకుమారా

సిక్స్ పాక్ నీదేర ఓ డ్రీమ్ హీరో

సెక్సి లుక్కు నీదేరా అరె దిల్కీ యార్

అందమంటె నీదేర సుందరూడ

నెల్లాళ్ళు నిండైన సెందురూడ

2.షాపింగ్ కంటూ-సోకులే పోతారు

అబ్బబ్బ రమ్మంటు-పబ్బుతీసుకెల్తారు

లాంగ్ రైడ్ కోసమూ లైన్లే కడతారు

హోటెల్కి తీస్కెళ్ళి నీకుదినవెడ్తారు

లక్కంటె నీదేర-సక్కానోడా

లైఫంటె నీవెంటె-ఓ లౌకుమారా

సిక్స్ పాక్ నీదేర ఓ డ్రీమ్ హీరో

సెక్సి లుక్కు నీదేరా అరె దిల్కీ యార్

అందమంటె నీదేర సుందరూడ

నెల్లాళ్ళు నిండైన సెందురూడ

3.పేరెంట్స్ నెదిరించి పెళ్ళిచేసుకుంటారు

జిందగంత నీసేవ చేసుకుంటమంటరు

పేచీలు పెట్టమంటు పూచికత్తులిస్తరు

రాజీకి తామెపుడు సిద్ధమంటుంటరు

లక్కంటె నీదేర-సక్కానోడా

లైఫంటె నీవెంటె-ఓ లౌకుమారా

సిక్స్ పాక్ నీదేర ఓ డ్రీమ్ హీరో

సెక్సి లుక్కు నీదేరా అరె దిల్కీ యార్

అందమంటె నీదేర సుందరూడ

నెల్లాళ్ళు నిండైన సెందురూడ

సొట్టా బుగ్గలా పిలగాడా

సోకూ నవ్వులా పిలగాడా

కొంటే సూపులా సినవాడా

కోఱా మీసమూ ఉన్నవాడా

అందమంటె నీదేర సుందరూడ

నెల్లాళ్ళు నిండైన సెందురూడ

https://youtu.be/BMa7UjLyOBM?si=W9ISqIBX0Sv8udiA

ఆధిపత్యమెరుగని దాంపత్యం
సరసమే సారమైన సంసారం
ప్రేమకే గోపురం మీకాపురం
వర్ధిల్లనీ నిరంతంరం వికసించనీ అనవరతం

చిలకా గోరింకలు చిన్నబుచ్చుకుంటాయి
కలువా నెలవంకలు కాస్తనొచ్చుకుంటాయి
కన్నుకుట్టుకుంటుంది మిముచూసి ప్రతిజంట
మీ మిథునం జగతికే కన్నుల పంట

రాధాకృష్ణుల అనురాగ రూపమై
సీతారాముల జతలా అపురూపమై
శివపార్వతుల అర్ధనారీశ్వరమై
మీఅన్యోన్యతయే అజరామరమై

రచన:గొల్లపెల్లి రాంకిషన్ (రాఖీ)

తొలగినాయి చీకట్లు
కడతేరెను ఇక్కట్లు
తెలంగాణ అంతటా లేనె లేవు పవరుకట్లు
అంతరాయమే లేని విద్యుత్తు మిరుమిట్లు
చంద్ర శేఖరునీ ప్రణాళికే గెలువ
ప్రభాకరుని అద్వితీయ  విద్వత్తు వెలుగ

1.సగటు మనిషికొఱకు ఇంటింటికి కరెంటు
పంటబావి మోటార్లు నాణ్యమైన కరెంటు
కంటతడి పెట్టకుండ రైతుకుచిత కరెంటు
కుంటుపడనీయకుండ ఇండస్ట్రీకి కరెంటు
చంద్ర శేఖరునీ ప్రణాళికే గెలువ
 ప్రభాకరుని అద్వితీయ  విద్వత్తు వెలుగ

2.కాళేశ్వర ప్రాజెక్టుకు రికార్డుగా కరెంటు
మిషన్ భగీరథ కోసం ఆగిపోని కరెంటు
పల్లెకు పట్నానికి నిరంతరం కరెంటు
ఎకసెక్కెమాడినోళ్ళనోళ్ళలో చొప్పదంటు
చంద్ర శేఖరునీ ప్రణాళికే గెలువ
 ప్రభాకరుని అద్వితీయ  విద్వత్తు వెలుగ

మోము చూపవా సఖీ
ఎటులనిను పోల్చగలనే చంద్రముఖీ
వెన్నుచూడగ కనులల్లాడగ
మొగము చూపితే స్థాణువునవనా

సొగసుబలగాల వ్యూహము మొహరించి
నను బంధించెదవో కౌగిలి చెఱవేసి
నీకురులతో నాకురివేసి
చంపవైతివే చంపకమాల
నీ దర్శనమో కరస్పర్శనమో
దయసేయగదే వసంత బాల

నీకవ్వింతలొ కడువింత దాగుంది
నీకనుబొమలలొ హరివిల్లుబాగుంది
దాగుడుమూతలు నేనాడలేను
నీ ఉడికింతలు నేసైచలేను
నీ వదనవీక్షణ నాకొక పరీక్షనా
నీకై ప్రతీక్ష  నాకిక ఆజన్మ శిక్షనా

హిమవన్నగాలకు మేరునగాలకు
నడుమన ఉన్నది నడుమనులోయ
ఎన్నెన్ని వన్నెలొ అందీఅందక
నా ప్రాణాలు నిలువున తీయ
ఇసుక గడియారం నీమేను వయ్యారం
పెదవులతడియార్చు నీ దేహ సౌందర్యం

రచన,స్వరకల్పన&గానం:రాఖీ

సాకి:
అంతర్యామి
సర్వాంతర్యామి
నీకు నాకు ఇక భేదమేమి..

పల్లవి:
నా ఊపిరి జపమాలా
ఉఛ్వాసనిశ్వాస నీ స్మరణా..
నా తనువూ నా మనసూ నీకే సమర్పణా


1.ప్రతి కార్యం నీ సేవ
నా నడకలు నీ త్రోవ
నా మదిలో నీరూపం
నా ప్రాణమే నీ దీపం ..

2.అశ్రువులే అభిషేకం
ప్రతిపలుకూ నీ శ్లోకం
నా మౌనం నీ ధ్యానం
నా జీవితం నైవేద్యం..

అతిలోకసుందరీ గతినీవె సౌందర్యానికి
జగతి నీకు దాసోహం నీ సౌకుమార్యానికీ
మతి భ్రమించి పోయిందేమో ఆబ్రహ్మకు
నీ సృజనచేసి చేతులెత్తినాడమ్మా ఈజన్మకు

1.ముంగురులకు ఎంత తొందరో-చెంపల చుంబనానికై
ముక్కపుడక కేమి ఆత్రమో-తళుక్కున మెరవడానికై
పలువరుస తలపోస్తోంది నగవుల నగ అవడం కొరకై
నొక్కుబడిన చుబుకం సైతం ఉబలాటపడతోంది తను మెప్పుకై
నేరేడు పళ్ళకళ్ళతొ పోటీకి సాధ్యమౌనా అందమైనవెన్నున్నా
కనికట్టు చేసే కళ్ళను దాటగలుగు ధీరులెవ్వరు భూనభోంతరాలలోనా

2.నయనభాష నేర్చుకుంటే ప్రబంధాలు తెలిసొచ్చేను
చూపులనే  గ్రోలగలిగితే మధిరలాగ మత్తెక్కేను
అల్లార్పని రెప్పల్లో సందేశాలెన్నెన్నో
ఆ సోగ కాటుకలో రవివర్మ చిత్రాలెన్నో
వర్ణించ నాతరమా చూపులే ఆపుతుంటే నాకలమును
తప్పుకోను నా వశమా కన్నుల్లో ఖైదుచేస్తే నా బ్రతుకును

కన్నుల్లో కరకుదనం
అధరాల్లో చెఱకుదనం
వదనంలో నందనం
ఎదలో ఆరాధనం
అందాల నాచెలీ నీకు వందనం
ప్రణయాల నాసఖీ నీకు చందనం

1.ముట్టబోతె నిప్పులా కాల్చుతుంటావు
పట్టబోతె పాములా బుస్సుమంటావు
కస్సుబుస్సు లన్నీ పైపైనే
మరులుగొనుడు మాత్రం నాపైనే
కలలోకి వస్తావు కవ్విస్తుఉంటావు
కనిపించినంతనే నువుతప్పుకుంటావు

2.ఊరించుడెందుకో
ఉబుసుపోకనా
ఉడికించుడెందుకు
బొమ్మలాటనా
మనసువిప్పి చెప్పవే నీ ప్రేమని
బాసచేయవే చెలి కలిసుందామని
చితిచేరునందాక నాచేయివీడనని
మృతిలోనసైతం నీవాడనేనని

https://youtu.be/WaIb0jyNFzM?si=T4FQY79g6ohjyvuc

చురకత్తుల చూపులదానా
మది మత్తగు వలపుల జాణ
పరిచయమైతివె పరువాన
నీ సోపతిలో  మల్లెల వాన

1.మంచి గంధమంటే నీ సామీప్యము
మలయపవన మంటే నీ సహచర్యము
వెన్నెలరేయి హాయి నీకన్నులలో
ఉషస్సులో కువకువలే నీ పలుకులలో

2.నీలి మేఘాలే నీ కురుల సోయగాన
మంజీరనాదాలే వయ్యారి నడకలలోన
సంతూర్ రావాలె గాజుల సవ్వడిలోన
మ్రోగించ గలిగేలా నీమేనే రసవీణ

https://youtu.be/FITobRd_sHE?si=3Da9Ec9Gr4_quHfI

గుండెకు గొంతుకు సంధికూర్చుతూ
కవి భావనకే వంతపాడుతూ
పాడాలి ప్రతి పాట తన్మయ మొందుతూ
శిలలైన కరగాలి పరవశమెందుతూ
పాడవే అభినవ కోయిలా
పాటకే బాటగా సన్నాయిలా
సవరించుకోవాలి శ్రుతినిను చూసి
లయనేర్చుకోవాలి కలయగ జూసి

1.పికమున కొకటే వసంతము
ప్రతిఋతువు కావాలి నీసొంతము
గ్రీష్మము నేర్పగ ఎదతాపము
ఆర్తిగ పలకాలి నీ గాత్రము

వర్ష ఋతువులో మేఘగర్జనే
మేల్కొలపాలి ఉద్రేకము
శరశ్చంద్రికలె కలకలము రేప
ఊరేగాలి రసజగము

హేమంతకాంత చేరగ చెంత
పారిపోవాలి శీతలము
శిశిరము తరహా విరహము సైచగ
మది మురియపూయాలి పూవనము

2.జలపాత హోరున సంగీతము
నదికదలికలో మృదునాదము
కడలి అలలలో కమనీయ రవము
చిరుగాలి సవ్వడిలొ మధుగీతము

వెదురు గాయాల  సుధాగానము
మువ్వల యాతన కడుశ్రావ్యము
గళము పెగిలితే రసరమ్యము
ప్రేగు అదిలితే శ్రవణపేయము

పెదవులు ఆడితె పైపైన పలికితె
గానమెంతో పేలవము
మేను మరచి నాభినుండి
పాడితేనే పాటవము
ఇహము దేహము మీరునటుల
తల్లీనమైనదే కదా గానము

ఎందుకు వెళ్ళాలి సాయీ షిరిడీ పురము
దేనికి చూడాలి బాబా నీ మందిరము
మార్చవయ్యా మా గుండె షిరిడీగ
మా మనసే నీ మందిరముగ
తలచినంతనే దర్శనమీయి మాతలపులందున
పిలిచినంతనే నువు బదులీయి ఆపదలందున

1.నువు దైవమని నేను భావించనూ
పూజలు భజనలు నే చేయను
నీ బోధనలే పాటించెదనూ
నీ మార్గములో నే సాగెదను
సాటి మనిషిలో నిను చూసెదను
తోచిన సాయము నే చేసెదను
మానవత్వమె నీ తత్వము
జనుల హితమే నీ మతము

2.నీ హుండీలో వేయను రొక్కము
నీ ముందు వెలిగించనొక దీపము
ఆకలి తీర్చగ జీవుల కొఱకు
రూకలు రెండైన వెచ్చించెదను
దుఃఖము మాన్పగ దీనార్తులకు
చేయూత నందించి ఓదార్చెదను
మానవ సేవే మాధవ సేవ
సంతృప్తి నిచ్చేదె ముక్తికి త్రోవ

https://youtu.be/hQvaYj6GT80?si=n9lKcJRZQ3kpYxhZ

రచన,స్వరకల్పన&గానం:రాఖీ
రాగం:తోడి
కోవెలలో ఉన్న దేవీ ఈవలకేల వచ్చెనో
ఈ భక్తుని కరుణించగా నా సేవలె నచ్చెనో
హరి మనోహరి సిరీ-శివకామిని  శివానీ- వాణీ

1.ఏపూలమాలైన నే వేయలేదు
ఏ పూజసైతం నే చేయలేదు
స్తోత్రాల నైనా వల్లించలేదు
ఏ మొక్కులైనా చెల్లించలేదు
గుడిచేర్చినాను ముసలమ్మను
బడి చూపినాను పసి బాలకు

2.యజ్ఞాలు యాగాల ఊసైన లేదు
వేదాలు శాస్త్రా ధ్యాసైన లేదు
దానాలు ధర్మాల చేసింది లేదు
పుణ్యాలు పాపాల నెరిగింది లేదు
మా అమ్మ పాదాలు వదిలింది లేదు
మా నాన్న ఆజ్ఞల్ని  మీరింది లేదు

OK

ఆ రెండు కళ్ళుచాలు నా గుండె ఆగడానికి
ఆ చిలిపినవ్వు చాలు ఎద తిరిగి మోగడానికి
సంపంగి నాసికే వేస్తుంది పూబాణాలు
సొట్ట బుగ్గ అందాలు తీస్తాయి నాప్రాణాలు

1.చూపు సుప్రభాతమై మేలుకొలుపుతుంది
పలుకు ప్రణయగీతమై మరులుగొలుపుతుంది
ఊహల్లో ఇంద్రధనసులే వెలయింప జేస్తుంది
స్వప్నాల్లో స్వర్గసీమలో విహరింపజేస్తుంది

2.సౌందర్య దేవతగా సాక్షాత్కరిస్తుంది
అపురూప భావనలే ఆవిష్కరిస్తుంది
జన్మకోశివరాత్రిగా  బ్రతుకుమార్చి వేస్తుంది
రెప్పపాటులోనే మధురస్మృతిగ మారుతుంది

https://youtu.be/LXh1rI2t0Vk?si=C5XoNSSKWl_wU_tz

నీ రూపమే అంతటా
దర్శించనీ మము అన్నిటా
పసివారిలో బాల త్రిపుర సుందరిగా
ప్రౌఢకాంతలెవరైనా జగన్మాతగా
ఏ స్త్రీ రూపమైన మము కన్నతల్లిగా
ముగురమ్మల మూలపుటమ్మగా

1.అర్భకులముమేము -చంచల చిత్తులము
మోహావేశములో మృగయా ప్రవృత్తులము
చిత్తరువుకే మేము మత్తెక్కి తూలేము
కాసింత చనువిస్తే నెత్తినెక్కి సోలేము
హద్దుమీరునంతలోనే బుద్ధిచెప్పవే మాత
సద్బుద్ది మాకిచ్చి నిబద్ధతే నేర్పవమ్మా

2.బ్రతుకంతా మా పయనం భామలేక లేదమ్మా
పడతితోడు లేకమాకు ఏ పొద్దూ గడవదమ్మా
అమ్మా ఆలి అక్కాచెల్లీ కూతురుగా బంధాలన్నీ కలికితోనె
భార్యను మినహాయించి కామకాంక్ష  త్రుంచవమ్మా
ధర్మరతిని దాటువేళ మగటిమి చిదిమేయవమ్మా
విచ్చలవిడి కాముకతకు తగినశాస్తి చేయవమ్మా

https://youtu.be/wm2hnRgFBLY?si=QcgTcEZg2LFxltzp

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం :వలజి 

నా తలపుల తులసీదళాలను

నా మనసను దారముతో అల్లెదను

అదితాకగ పరవశముగ నీ ఎదను

అలరించగ నీ మెడలో వేసెదను

ఒక్కదళానికే తూగిన కృష్ణా

తులసిమాలనేవేసితిని తీర్చర నాతృష్ణా

1.వెన్నముద్దలే లేవు నా వన్నెలు మినహా

నెమలికన్నులే లేవు నా సోగ కనులు వినా

తనివారగ గ్రోలరా నా తపనల నార్పరా

నయనాల దాగరా స్వప్నాల కూర్చరా

గోపికల కలల బాల మురళీలోలా

2.అష్టభార్యలున్నను రాధను లాలించితివి

వేలగొల్లభామలనూ వేడ్కగ పాలించితివి

మీరాలా గ్రోలెదనూ నీ భక్తి ధారనూ

ఆరాధింతునెగాని నీ ఆనతి మీరనూ

యమునా విహారా బృందావన సంచారా

https://youtu.be/jDrZVWcLirU?si=0Z8UjAQCbYP1BjVs

ఆషామాషీ కాదురా శంకరా శివశంకరా
మనిషిగ పుట్టి మహిలోమనుట సవాలురా
అల్లాటప్పా కాదురా ఈశ్వరా పరమేశ్వరా
నీతీనియతీ లేని చోట బ్రతుకే నరకంరా

1.గరళం తాగి ఘనతే చాటా వనుకోకెప్పుడు
సరళం కాదుర కల్తీ మింగి బాల్చీ తన్నకుండుడు
గంగను తలపై పెట్టుకుంటే  తపనంటేమిటొ తెలిసేనా
దప్పిక తీరక చుక్కనీటికై అలమటించడం ఎరుకౌనా
కైలాసాన్నే వీడరా భువికి విలాసం మార్చరా
పట్టుమని నువు పదినాళ్ళుంటే ఒట్టంటే ఒట్టేరా

2. పాములే నగలనుకొంటూ గొప్పలు చెప్పితే ఎట్టా
పసికూనలనే  కాటువేసే విషనాగులు మాచుట్టా
భూతనాథుడవు నీవంటే నమ్మేదది ఎట్టా ఎట్టెట్టా
వావివరుసలు మరచిన కామ పిశాచాలు మాచుట్టా
ఉంటేగింటే నీ మహిమలనే చూపరా ఇకనైనా
కాల్చివేసే కన్నే ఉంటే అమానుషం మసిచేయరా

మూగవు కావురా-మౌనము వీడరా
పలుకుల ఝరి నీలో ప్రవహింపజేయరా
మాటల తేనెల్లో మము ముంచివేయరా
బిడియము ఏలరా-తడబడనేలరా
తెలిసిన భాషలోనె తెగబడి భాషించరా
మనసులోని భావమంత సూటిగ సంధించరా

1.నిన్ను నీవు ఎన్నటికీ చులకన చేసుకోకు
పరులకన్న నీవెపుడూ అల్పుడవని అనుకోకు
అణగారి పోయింది నీలొ ఆత్మవిశ్వాసం
తట్టిలేప గలిగితే చేయగలవు సాహసం
న్యూనతాతత్వాన్ని నీనుండి తరిమికొట్టు
సంకల్పం గట్టిదైతే చేరగలవు తుదిమెట్టు
బేలవుకావురా ధీరుడవీవురా
మడమతిప్పకుండనీవు ముందుకె అడగేయరా

2.అలసటనే ఎరుగునా అల ఎన్నటికైనా
చెలియలికట్టనే అడ్డుగ కట్టినా
ప్రయత్నాన్ని విరమించక అంచనాలు మించదా
సునామిగా మారి గట్టు దాటక తా మానునా
ఆటంకం నీలోన పెంచాలి పట్టుదల
ఓటమి నీకెపుడూ నేర్పాలి మెళకువ
ఇటుకమీద ఇటుక పేర్చి కట్టాలి భవంతిని
ఓపికతో జట్టుకట్టి కొట్టాలి ఉట్టిని

మిరపకాయ బజ్జీ-పేరు చెప్పగానే తిన బుద్ది
ఘుమఘుమ వాసన-నీళ్ళూరగ రసన
బంగారు వన్నెతో అలరారు చుండగ
బండిని దాటిపోవ బ్రహ్మ కైన సాధ్యమా

1.శ్రేష్ఠమైన పచ్చిమిర్చి-రెండవకుండ చీల్చి
మధ్యలోన ఉప్పు వాము చింతపండు కూర్చి
చిక్కనైన శనగపిండిలొ ఒకే వైపు ముంచి
కాగిన నూనెలో కడాయిలోకి జార్చి
కాలీకాలకుండ జారమీద ఆరనిచ్చి
మరిగిన నూనెలో మరలా వేయించి
తరిగిన సన్ననైన ఉల్లిపాయల్ని చల్లి
 గరం మీద కొరికితింటె నా సామి రంగా
చస్తేనేం తిన్నాకా ఉన్న ఫళంగా

2.వేడితో ఒకవైపు కారంతో మరోవైపు
సుర్రుసుర్రుమన నాల్కె హుషలుగొట్ట తింటుంటే
ముక్కునుండి కళ్ళనుండి గంగధార కడుతుంటే
ఎన్ని తిన్నామో తెలియనంత మైమరచి
పెదవి నుండి పెద్దప్రేగు చివరి వరకు మండినా
ఆపమెపుడు తినడాన్ని తనివి తీరునంతదాక
తెలుగువారికెంతగానొ ప్రియమీ చిరుతిండి
ప్రతిరోజూ తిన్నాగాని మొహంమొత్తబోదండి
మిర్చిబజ్జి తినని జన్మ నిజంగానె దండగండి

పడవే నీవిక వానా
పడవే పల్లెలలోనా
పడవే మాకు ఆటవస్తువు కాగా
కాగితపు పడవే పిల్లకాల్వలో సాగా

1.జలజలరాలే చినుకుల్లోనా
బిలబిల పిల్లల పలుకుల్లోనా
వానావానా వల్లప్పా
చేతులుచాపే చెల్లెప్పా
గిరగిర తిరుగుతు గంతులు వేయ
తడితడి దుస్తుల నర్తన లాడ

2.వెలిసీవెలియని వర్షంలోనా
ఇసుక మేటల కుప్పల్లోనా
పాదము జొనిపి ఇసుకను కప్పి
పిచ్చుక గూళ్ళే ఒడుపుగ కట్టి
పుల్లలతోని ఎరలను కదిపి
ఆరుద్ర పురుగుల పెటెలొ పెట్టగ

https://youtu.be/k5V32vXSzLc?si=T3QhOxyQPH3S0E3r

శ్రీ వేంకటేశా అనినంతనే తొలగును పాపాలు
శ్రీనివాసా అని అర్థించగనే కలుగును సిరిసంపదలు
ఆపదమెక్కులవాడా అని తలవగనే అంతరించు ఇక్కట్లు
ఏడుకొండలవాడా అంటూ వేడగనే వీడును మదిచీకట్లు
నమో వేంకటేశా నమో శ్రీనివాసా
గోవిందా హరి నమో నారాయణా

1.బంగారు శిఖరాల అలరారు ఆలయం
భువిలోన వెలసిన అపర వైకుఠం
సప్తగిరులపై వెలసిన స్వామి చిద్విలాసం
దర్శించగ  తరియించును మన జీవితం
నమో వేంకటేశా నమో శ్రీనివాసా
గోవిందా హరి నమో నారాయణా

2.కోట్లమంది భక్తులకు స్వామి ఎడల విశ్వాసం
నిలువుదోపిడనునది భవబంధమోచనం
తలనీలాలీయగా సమసిపోవు అహంభావం
అడుగడుగు దండాలతొ జన్మ సాఫల్యం
నమో వేంకటేశా నమో శ్రీనివాసా
గోవిందా హరి నమో నారాయణా

https://youtu.be/PoPTz1iui4I

రచన:గొల్లపెల్లి రాంకిషన్(రాఖీ)

ఒళ్ళంతా కళ్ళు చేసుకొని-
కళ్ళల్లో వత్తులేసుకొని
పగలంతా పనులు మానుకొని-
రేయంతా నిదుర వదులుకొని

చకోరి పక్షుల్లా వేచి చూసాము రామా
చాతక పక్షుల్లాగా తపన పడ్డాము రామా
ఇళ్ళూ వాకిళ్ళ ధ్యాస మరిచాము రామా
పద్నాలుగేళ్ళూ దారి కాచాము రామా

నువ్వింక వస్తావని-మా ఆర్తి తీర్చేవని
మారాజు వౌతావని-మమ్మేలుకొంటావి
రఘుకుల సోమా రామా కారుణ్య ధామా
దశరథ నందన రామా  హే పట్టాభిరామా

అనుకున్న క్షణము వచ్చిందిగా
కల నిజమై  ఎదుటే నిలిచిందిగా
స్వాగతమయ్యా సాకేత రామా
సుస్వాగతమయ్యా హే సార్వభౌమ

నీవేలేనీ రాజ్యం బీడై పోయింది
నీవేలేని నగరం అడివే అయ్యింది
కష్టాలు తీర్చేవాళ్ళు కరువాయెగా
కన్నీళ్ళు తడిచేవాళ్ళే లేరాయెగా


నువ్వొచ్చినావంటె మా బత్కులె పండేను
నువురాజ్యమేలితెమా కడుపులె నిండేను
విజేతవై నువ్వు వచ్చావయ్యా
అయ్యోధ్యపురికే వన్నె తెచ్చావయ్యా

సుగ్రీవునితో మైత్రి చేసావట
బలశాలివాలిని మట్టుబెట్టావట
మారుతినే బంటుగ చేసుకున్నావట
అంబుధికే వారధికట్టి దాటావట

సీతమ్మను చెఱనే బెట్టిన-
లంకేశుడు రావణున్ని
ఒక్క బాణంతో నేల కూల్చావట
శరణన్న విభీషణున్కి పట్టం కట్టావట

దండాలు నీకు కోదండ రామయ్యా
జేజేలు నీకివే మాజానకి రామయ్యా

నీ చూపు పడితేనే మేఘాలు మెరిసేను
నువ్వడుగు పెడితేనె వానల్లు కురిసేను
పంటలే పండేను గాదెలే నిండేను
ఊరూర ఇకపై ప్రతిరోజు పండగౌను

నీ గాధలే మాకు మార్గాన్ని చూపేను
మా బాధలింక మటుమాయమయ్యేను

ఇంటింట ప్రతి పూట నవ్వులే విరిసేను
ప్రతినోట రామ రామ రామయే పలికేను
వందన మిదిగో అందాల రామా
మావినతులందుకో నీలమేఘశ్యామ

https://youtu.be/S4hMSOIDkas?si=uTV1nbdyl1qaxwI0

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఏమౌతున్నది నాదేశం
జగతికి ఏమని సందేశం
హిందూ ముస్లిం సిక్కు ఇసాయి
లౌకిక తత్వమె మతమిట భాయి
భారతీయతే అభిమతమోయి
జై జవాన్ జై కిసాన్
జైవిజ్ఞాన్ జై అనుసంధాన్

1నేటికి సైతం నింగివైపు
ఆశగ చూసే భారతరైతు
జీవనదులు గంగాయమునలు
కాకూడదిక అంబుధి పాలు
నదులన్నీ మళ్ళాలి బీడు భూములలోకి
పండిన పంటచేరాలి హర్షంగా పెదాలపైకి
వర్షం ఎన్నడు రాయకూడదు
కృషీవలుని తలరాతలను
కంటతడే పెట్టక కర్షకుడికపై
కననేకూడదు కలచేకలను

2.నెత్తురుకూడ గడ్డకట్టే చలిలోను
కణకణమండే ఎండల్లో ఎడారిలోను
తుఫానువేళనైనా సాగరతీరంలోను
అడవులు కొండలు కోనలలోను
రేయీపగలు పహారా కాచే సైనికుడు
శత్రువుగుండెలొ నిద్రపోయే యోధుడు
వీరమరణంపొందినా లోటురావద్దు
తన భార్యాపిల్లలెపుడూ అనాధలుకావొద్దు
మననిశ్చింతకు జవాను త్యాగం మూలంమరవొద్దు
రోజొక రూపాయ్ వితరణ చేయగ వెనుకాడవద్దు

3.ఉన్నతవిద్యలు నేర్చాకా జాతికి వెన్నుపోటు వద్దు 
పరదేశాల పౌరులగుటకై ఎవరూ మోజు పడవద్దు
తెలివితేటలు దేశ ప్రగతికై ధారపోయాలి
పరిశోధనలు ప్రావీణ్యతలు ఇటనే చూపాలి
విద్యా వైద్యం ప్రభుతచొరవతో ఉచితం కావాలి
తేరగ ఇచ్చే తాయిలాలిక రద్దుకావాలి
ఆదుకునేందుకు సర్కారే ముందుకురావాలి
ఉపాధి కల్పనతోనే ఉత్పాదక పెరగాలి
మన ద్రవ్యానికి ప్రపంచమంతా విలువీయాలి
భారతదేశం ఇలలోనే తొలిస్థానానికి ఎదగాలి

ఏమౌతున్నది నాదేశం
జగతికి ఏమని సందేశం
హిందూ ముస్లిం సిక్కు ఇసాయి
లౌకిక తత్వమె మతమిట భాయి
భారతీయతే అభిమతమోయి
జై జవాన్ జై కిసాన్
జైవిజ్ఞాన్ జై అనుసంధాన్

1నేటికి సైతం నింగివైపు
ఆశగ చూసే భారతరైతు
జీవనదులు గంగాయమునలు
కాకూడదిక అంబుధి పాలు
నదులన్నీ మళ్ళాలి బీడు భూములలోకి
పండిన పంటచేరాలి హర్షంగా పెదాలపైకి
వర్షం ఎన్నడు రాయకూడదు
కృషీవలుని తలరాతలను
కంటతడే పెట్టక కర్షకుడికపై
కననేకూడదు కలచేకలను

2.నెత్తురుకూడ గడ్డకట్టే చలిలోను
కణకణమండే ఎండల్లో ఎడారిలోను
తుఫానువేళనైనా సాగరతీరంలోను
అడవులు కొండలు కోనలలోను
రేయీపగలు పహారా కాచే సైనికుడు
శత్రువుగుండెలొ నిద్రపోయే యోధుడు
వీరమరణంపొందినా లోటురావద్దు
తన భార్యాపిల్లలెపుడూ అనాధలుకావొద్దు
మననిశ్చింతకు జవాను త్యాగం మూలంమరవొద్దు
రోజొక రూపాయ్ వితరణ చేయగ వెనుకాడవద్దు

3.ఉన్నతవిద్యలు నేర్చాకా జాతికి వెన్నుపోటు వద్దు 
పరదేశాల పౌరులగుటకై ఎవరూ మోజు పడవద్దు
తెలివితేటలు దేశ ప్రగతికై ధారపోయాలి
పరిశోధనలు ప్రావీణ్యతలు ఇటనే చూపాలి
విద్యా వైద్యం ప్రభుతచొరవతో ఉచితం కావాలి
తేరగ ఇచ్చే తాయిలాలిక రద్దుకావాలి
ఆదుకునేందుకు సర్కారే ముందుకురావాలి
ఉపాధి కల్పనతోనే ఉత్పాదక పెరగాలి
మన ద్రవ్యానికి ప్రపంచమంతా విలువీయాలి
భారతదేశం ఇలలోనే తొలిస్థానానికి ఎదగాలి

రచన,స్వరకల్పన&గానం:రాఖీ

రాగం:మధ్యమావతి

సంగీతం సంగీతం
సంగీతంతో మనిషి జీవితం
సంగీతంతో బ్రతుకు సార్థకం
సంగీతం సంగీతం
అణువణువున సంగీతం
అడుగడుగున సంగీతం
సంగీతమే ప్రకృతి సాంతం
సంగీతమే సృష్టి స్థితి లయం

1.సాగర ఘోషలొ సంగీతం
ఊపిరులూనగ సంగీతం
తొలకరి చినుకుల సంగీతం
లబ్ డబ్ ఎద లయ సంగీతం
సంగీతమే ప్రకృతి సాంతం
సంగీతమే సృష్టి స్థితి లయం

2.మేఘ గర్జన లొ సంగీతం
గాలి కదలికలొ సంగీతం
శకుంత కువకువ సంగీతం
సమ్మోహక పిక  సంగీతం
సంగీతమే ప్రకృతి సాంతం
సంగీతమే సృష్టి స్థితి లయం

3.శిశు రోదనలో తొలిసంగీతం
లాలిపాటలో మధుర సంగీతం
కిరుకిరు ధ్వనులే తొట్లె సంగీతం
చిటపటమంటలె చితి సంగీతం
అణువణువున సంగీతం
అడుగడుగున సంగీతం

https://youtu.be/tOl0FVV4wjs?si=FoAydomzag_43JPh

రచన,స్వరకల్పన&గానం:రాఖీ
రాగం:చక్రవాకం
చంద్రమౌళీశ్వరీ రాజరాజేశ్వరీ
మాతా శ్రీకరి శ్రీ లలితేశ్వరి
నీపాద పద్మాల భ్రమరమై మననిమ్ము
నీ చరణ మంజీరమై మ్రోగనిమ్ము

1.నీ నయనాలలో కేదార క్షేత్రాలు
నీ దరహాసములొ భగీరథీ తీర్థాలు
నీసన్నిధిలో జన్మరాహిత్యాలూ
నీ సేవలే ఇల ఆనంద సూత్రాలు
హే త్రిపుర సుందరీ భువనైక మోహినీ
మాతా శ్రీకరి శ్రీ లలితేశ్వరి
నీపాద పద్మాల భ్రమరమై మననిమ్ము
నీ చరణ మంజీరమై మ్రోగనిమ్ము

2.బ్రహ్మాది దేవతలు నీ భృత్యులే తల్లీ
ఏడేడు లోకాల సామ్రాజ్ఞి నీవె జనని
సృష్టిస్థితి లయలు నీమాయలే
అంతఃకరణాలు నీ ఆజ్ఞలోనే
శ్రీచక్ర రూపిణి మణిద్వీపవాసినీ
మాతా శ్రీకరి శ్రీ లలితేశ్వరి
నీపాద పద్మాల భ్రమరమై మననిమ్ము
నీ చరణ మంజీరమై మ్రోగనిమ్ము

OK

రచన,స్వరకల్పన&గానం:రాఖీ

రాగం:సింధుభైరవి

నటరాజా శంభో  నగజా విభో
తాండవ కేళీ లోలా లయకారా ప్రభో
తెరవాలీ మూడో కన్ను కలపాలీ మన్నూ మిన్నూ
మ్రోగాలీ ఢమఢమఢమఢమ ఢమరూ
సాగాలీ ధిమిధిమి నీ నర్తిత పదములూ

1.ఊపిరినే శృతి చేసెను  ప్రకృతి
ఎద స్పందన లయ కూర్చితివా పశుపతి
జీవనాదమొనరించి ఇచ్చితివీ మానవాకృతి
తపించి తరించగ జన్మరాహితి
వచ్చిన సంగతి మరచి నీచకర్మలాచరించి
భ్రష్టులమైతిమి పతనగతిని చరించి

2.ఉత్కృష్టమైనది ఈ మానుష జన్మము
ఉన్నతమైనది మనిషి మనిషి బంధము
సృష్టికార్యమన్నది అతి పవిత్రమైనది
వావివరుస వయసు మరచి నికృష్టమైనది
నీవె ఇక దిగివచ్చి మాకు నియతి నేరుపు
మారని మనుజులను నీవె మంటగలుపు

https://youtu.be/skYpE7rpAOE?si=Kd_hKA__LWaxIoXu

రచన,స్వరకల్పన&గానం: రాఖీ

రాగం:చంద్రకౌఁశ్

చిద్విలాసా తిరువేంకటేశా
అర్ధనిమీలితనేత్రా నిజ శ్రీనివాసా
శిలాసదృశా సర్వేశా
భక్త పోష బిరుదాంకిత సప్తగిరీశా
నటనలు చాలించి మము పాలించరా
దుర్ఘటనలు వారించి  దృష్టి సారించరా

1.నిన్ను నమ్ముకుంటే నట్టేట ముంచుదువా
నీవే  శరణనన్ననూ  స్వామీ మిన్నకుందువా
 ప్రహ్లాదుని కోసము నరహరివై వెలిశావట
ధృవుడిని సైతము ఆదరించినావట
ప్రకటితమవ్వాలి ఇపుడే నీమహిమలు
లోకానికి చూపాలి నీ అద్భుత లీలలు

2.ఎలుగెత్తి పిలిచిందని బ్రోచితివా కరిరాజును
దుఃఖితయై ప్రార్థించగ కాచితివా పాంచాలిని
నిన్నేమి కోరనని కొరవితొ మంట పెట్టితివా
నీ కొండకు రానని గుండెను మండిచితివా
పరమదయాళా  తాళను మన్నించరా
దండించినదిక చాలు  దయగన జాగేలరా

https://youtu.be/_OITNfNoLsA?si=atgIr96PI8ChCUFc

రచన,స్వరకల్పన&గానం:రాఖీ

రాగం:సరస్వతి

గజాననా నగజానందనా
నిజముగ నిను నమ్మితిని
రుజలను మాన్పరా స్వస్థత కూర్చరా
లంబోదరా పాశాంకుశ ధరా
చిత్తము శీఘ్రమే కట్టడి సేయరా క్రమతను నడపరా

1.తలపులొ వాక్కులో సతతము నిను నిలిపెద
ప్రతి పనియందును తొలుతగ నిను మ్రొక్కెద
నిద్దురలో మెలకువలో నిన్నే స్మరియించెద
సత్వరమే వరమీయగ నిను ప్రార్థించెద
ఏకదంతా మూషకాసుర నుతా
నమోవాకమిదిగో మోదకామోదకా

2.తొందరపాటుతో పొరబడనీయకుమా
లౌక్యము నాకు గఱపి నన్నుద్ధరించుమా
అహంభావమంత నాలొ అంతరింపజేయుమా
కడతేరు వరకునూ ఆరోగ్యమునీయుమా
వక్రతుండా నీవే నాకు అండదండ
ప్రణవాత్మజ నీకిదే ప్రణుతుల పూదండ

https://youtu.be/0sXbtMmcXb0

రచన,స్వరకల్పన&గానం:రాఖీ

అక్కున జేర్చవే గ్రక్కున బ్రోవవే
ముక్కెర దాల్చిన తల్లి
చక్కెర పల్కుల పాలవెల్లి
చక్కని మాయమ్మ చదువులమ్మా
వక్కాణించవె వరములు వాక్కాంతమ్మా

1.నిక్కము చూడగా మిక్కిలి నాతప్పులు
లెక్కలు వేయగా దుఃఖమె కద దక్కెనూ
మొక్కెదనమ్మా చెల్లించగ నా మొక్కులు
తక్కించకు నన్నికపై తనయునిగా లెఖ్ఖించి
చక్కని మాయమ్మ చదువులమ్మా
వక్కాణించవె వరములు వాక్కాంతమ్మా

2.ఒక్క నిమిషమైన నన్ను పక్కన పెట్టకు
నా తిక్క తగ్గించగ నీవె నాకు ఇక దిక్కు
మొక్కలాగె ఉన్నాను ఎదగని నను వృక్షంగా
తక్షణమే దరిజేర్చు మోక్షమె నా లక్ష్యంగా
చక్కని మాయమ్మ చదువులమ్మా
వక్కాణించవె వరములు వాక్కాంతమ్మా

https://youtu.be/m2uY5gOUhj8

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:ఖరహరప్రియ

ఏడు స్వరములు ఏబదియారు అక్షరములు
ఎదలో భావాలు వేనవేలు-గీతాలై ఇల జాలువారు

1.అనుభూతి మెదులు -సరిగమలు వెలయగ
పదములు కదులు- పదనిసల దెసగా
తనువే ఊగు లయ కలయగా
తన్మయముగ సాగు పాటే తేనెల ఊటగా

2.చతురత మీరగ జంత్రవాద్యములు
నిపుణత తోడుగ జతులు గతులు
గళమున గంగా యమునలు పొంగగ
మనోధర్మ సరస్వతి మధుర సంగమ కృతి

https://youtu.be/mHjyLX6pXQ8?si=typEwyTs2bAWVDW8

రచన,స్వరకల్పన&గానం:రాఖీ
రాగం:హంసనాదం

చైతన్యము నీవే-నా ఊపిరి కావే
నవనాడుల క్రియాశీల జీవకణము కావే
జపమాలా కరధారిణి-జయతు శారదామణీ

1.యోచన జనియించనీ-కార్యరూపు దాల్చనీ
సత్కర్మలననుష్ఠింప-జనతతి నుతియించు రీతి
ప్రయోజనము తక్షణమే సిద్ధించనీ-
ప్రమోదమే ఈప్సితమై వర్షించనీ
పుస్తక హస్త భూషిణీ-జయతు శారదామణీ

2.పంచజ్ఞానేంద్రియములు-నీకై తపియించనీ
పంచకర్మేంద్రయములు-నీ దిశగా సాగనీ
త్రికరణ శుద్ధిగా నా బుద్ది మెదలనీ-
త్రిగుణాతీతముగా నన్ను కదలనీ
జాగృతనాద వీణాపాణీ-జయతు శారదామణీ

https://youtu.be/fe7TKc0k3gw?si=GrwVpJz2z8WGh5t-

అన్నీ లైట్ తీస్కో-లైఫే హాయి చూస్కో
ఏక్షణం వేస్ట్ చేయకుండా ఎంజాయ్ చేస్కో

1.అప్పుడు మనతో  ఉన్నవాళ్ళే ఆప్తులు
తప్పులన్ని సరిదిద్దే వాళ్ళే దోస్తులు
ఎప్పటికీ సప్పోర్ట్ చేస్తూ సాగేదే ఫ్రెండ్ షిప్
మామా,బావా,చిచ్చా,భయ్యా అనే పిలుపు
ఏర్పరుస్తుంది పక్కా రిలేషన్ షిప్

2.పడినా లేస్తూ పరుగెత్తాలి కాన్ఫిడెన్స్ తో
ఓటమి గెలుపులు కామనేగా స్పోర్ట్స్ మీట్ లో
క్రీడాస్ఫూర్తిని మాత్రమే నువు ఆప్ట్ చేసుకో
జిందగీహై  పల్ పల్ జీనా పల్ పల్ మర్నా
హెల్పింగ్ నేచర్ పాలసీ నువ్వడాప్ట్ చేస్కో

చెలి నవ్వులే హరివిల్లులు
చెలి చూపులో వెన్నెల జల్లులు
తొలి ప్రేమ గురుతులు ప్రియురాలి తలపులు
యాదికొస్తేనె మదికెంత పులకింతలు

గుడిమెట్లమీద నది గట్టుకాడ
కాపు కాసి చూసేటి ఆ దొంగ చూపులు
అలనాటి స్మృతులు చిననాటి చేష్టలు
గుర్తుకొస్తేనె కన్నుల్లొ చెమరింతలు
తొలి ప్రేమ గురుతులు ప్రియురాలి తలపులు
యాదికొస్తేనె మదికెంత పులకింతలు

తెల్లారిమసకల్లొ ముగ్గేయచూడగ
తెల్లార్లు నావింత కలవరింతలు
నా మూగ ప్రేమ నా మౌన భాష
ఎదవిప్పజాగైన నా చింతలు
తొలి ప్రేమ గురుతులు ప్రియురాలి తలపులు
యాదికొస్తేనె మదికెంత పులకింతలు

బడివదిలినపుడో నడివీథిలోనో
వెనువెంట నడిచే ఆ వెంబడింతలు
అవి స్వప్నలోకాలు చెలి జ్ఞాపకాలు
భగ్న ప్రేమైతెనేమి మధురక్షణాలు
తొలి ప్రేమ గురుతులు ప్రియురాలి తలపులు
యాదికొస్తేనె మదికెంత పులకింతలు

https://youtu.be/pCrQjazIUWQ

గురువారం ఇది సద్గురువారం
వారానికి ఒకమారైనా సాయికోవెలకు వెళ్ళే వారం
సాయికి పంచ హారతులు మనసారా ఇచ్చేవారం
సాయి పల్లకీ మోసేవారం సాయి భజనలు చేసేవారం
ఓంసాయి శ్రీసాయిజయజయ సాయి
ఓంసాయి శ్రీసాయి జయజయసాయి

1.సుప్రభాతముతొ సాయిని లేపి
పాలతొ సాయిని అభిషేకించి
షాలువ సాయికి మేనున చుట్టి
విభూతిగంధము తిలకము దిద్ది
మెడలో పూలమాలలు వేసి
ధూపము దీపము వెలిగించి
నైవేద్యము సాయికి నివేదించి
నీరాజనమే సాయికి ఇచ్చి
మంత్రపుష్పమే భక్తిగ చదివి
ధునిలోభస్మము  నుదుటను దాల్చి
తీర్థప్రసాదము స్వీకరింతుము

2.సాయి ఎదుటన ఆసీనులమై
మదిలోసాయిని పదిలపర్చుకొని
బాధలనన్ని పోగొట్టమని
సంపదలెన్నో సమకూర్చమని
ఆపదలోన ఆదుకొమ్మని
విద్యాబుద్దులు నేర్పించమని
మిద్దెలు మేడలు ఇవ్వమని
పదవులు బిరుదులు ఆశించి
సాయిని వేడుదమని ఎంచి
ధ్యానములోనా మైమరచి
సాయినామమే జపియించెదము

OK

ఏడుపెలా వస్తుంది కారికారి కన్నీరే ఇంకిపోతే
దుఃఖమెలా తీరుతుంది అగచాట్లే ఆగకుంటే
మిణుకుమిణుకుమనే ఆశను విధి చిదిమేస్తుంటే
ఏల్నాటి శని పగబూని బ్రతుకును కబళిస్తుంటే

1.దురదృష్టం త్వరపడి తానే అడ్డుపుల్లలేస్తుంటే
అడుగులోన అడుగేవేసి పదిలంగానే నడుస్తుంటే
వైకుంఠ పాళిలో పాములన్ని కాటేస్తుంటే
జీవితచదరంగంలోనా చుట్టుముట్టి చంపేస్తుంటే
దినం ఎలాసాగుతుంది బలిచేస్తుంటే

2.సంసార సాగరంలో బిగబట్టి ఈదుతుంటె
దారితెన్ను కానరాక చీకట్లు ముసురుతుంటే
దిక్కుతోచకుండా తుఫానులో చిక్కుకుంటే
ఇంతచాలదన్నట్టు తిమింగలం మింగబోతే
భవిత ఎలా ఉంటుంది బడుగుజీవికి

విధాత సృజనలో రూపు దిద్దుకున్నాము
నీ వీణానాదములో మేధ పెంచుకొన్నాము
ఎందులకమ్మా మాలో ఈ వికృత తత్వాలు
అపశృతులేలమ్మా చెలరేగ పైశాచికత్వాలు
భారతీ నీకిదె ప్రణతి-మము సరిజేయగ వినతి

1.మారదేమొ నుదుటిరాత మంచిగ రాయొచ్చు కదా
సత్కర్మలు చేయునట్లు నాడేసరి దిద్దొచ్చు కదా
తల్లివని నమ్మితిమి మా ఆలనచూడవే
కల్పవల్లివని వేడితిమి సన్మార్గము నడపవే
భారతీ నీకిదె ప్రణతి-మము సరిజేయగ వినతి

2.యాచించకుండా బ్రతుకు సాగనీయవే
వంచించకుండా మాకు బుద్దిగరపవే
చదువు సంస్కారమిచ్చి మము తీర్చిదిద్దవే
అనుబంధం ఆత్మీయత మాఎదలో నాటవే
భారతీ నీకిదె ప్రణతి-మము సరిజేయగ వినతి

బీడు నేలలో మోడును నేను
తొలకరి జల్లుల పులకరమీవు
వల్లకాడులో బూడిదనేను
మృతినే తరిమే అమృతమీవు
నన్ను చిగురింప జేయవే
నాకు మరుజన్మ నీయవే

1.వసంతాలు  వాకిట్లో ఆటలాడె నాడు
ప్రభాతాలు  చీకట్లకు తావీయలేదపుడు
నరదృష్టే తాకిందో-నా విధి వక్రించిందో
పేకమేడలాగా కూలిపోయె జీవితం
శిథిమైన కోవెలలా మిగిలిపోయె నాగతం

2.అనురాగ చదరంగంలో పావునై పోయాను
చెలి ప్రేమ నాటకంలో అతిథి పాత్రనైనాను
ఎందుకు మురిపించిందో-ఎందుకు వంచించిందో
బిచ్చగాడినైనాను  బ్రతుకు ధారపోసి
పిచ్చివాడినైనాను  భవితను బలిచేసి

https://youtu.be/6eF4wG1wiFw?si=y9Ze6iY1AfoVIlZu

రచన,స్వరకల్పన&గానం:రాఖీ

నయనాలు మూసుకొన్నావో
నామాల్లో దాచుకొన్నావో
దారుణాలే చూడలేక -కారణాలే చూపలేక
శ్రీవేంకటేశ శ్రీశా- చిద్విలాస భవ్యవేషా

1.జగమంత నీదు మాయే-జనులంత బొమ్మలాయే
ఈ కుటిల నటనలేల-ఈ జటిల బ్రతుకులేల
తెఱదించవేల ఈవేళ-పట్టించుకోవ మాగోల
శ్రీవేంకటేశ శ్రీశా- చిద్విలాస భవ్యవేషా

2.నియమాలు నీకు లేవు-తర్కాలు పనికిరావు
నీగెలుపు కొరకె నీవు -తొండి నీ ఆడుతావు
పితలాటకాల క్రీడ-సరదాయే నీకు ఆడ
శ్రీవేంకటేశ శ్రీశా- చిద్విలాస భవ్యవేషా

https://youtu.be/oUkzonVGVa8

జాతీయ భావన-ప్రతిపౌరుని ఎదలోనా

ఊపిరులూనాలి-ఉద్వేగం పొంగాలి

మువ్వన్నెల ఝండాను కన్నా-జనగణమన అను గీతం విన్నా

జయహే జయహే- జయ భారత జనని-జయజయజయహే

జయహే జయహే- ప్రియ భారత జనని-జయజయజయహే

1.దేశమే కాదు  విశాలమే ప్రజల మనసులు సైతం

హిమాలయాలే కాదు జనుల యోచన కూడా ఉన్నతం

వర్ణాలెన్నున్నా అందమే నింగికి సింగిడి

భిన్నత్వంలో ఏకత్వం అన్నది ఇక్కడి నానుడి

జయహే జయహే- జయ భారత జనని-జయజయజయహే

జయహే జయహే- ప్రియ భారత జనని-జయజయజయహే

2.మేధావులకే ఆలవాలం అనాదిగా వేదాలకు మూలం

జగమంతటికీ అందించెనుగా అద్భుత శాస్త్ర విజ్ఞానం

గుంటనక్కలవైనం మన ఇరుగూ పొరుగుల వ్యవహారం

తొంగిచూసినా సరే తప్పక నేర్పుతాము గుణపాఠం

జయహే జయహే- జయ భారత జనని-జయజయజయహే

జయహే జయహే- ప్రియ భారత జనని-జయజయజయహే

OK

మత్తులోన మునుగుతున్న మానవా
మాయదారి మధువు నీవు మానవా
సారా రక్కసి లిక్కరింక మానవా

మేలుకోరి చెబుతున్న వినవా
మేలైన విధమే కనవా
పూబాటను బట్టి సాగుమా

ముద్దుల్లోన ముంచురా
కౌగిట మురిపించురా
మగువను మించి మత్తు లేదురా గమ్మతులేదురా

1.ఇప్పసార తాగుతూ వీధికెక్కబోకురా
ఫుల్లేసి కక్కబోకురా
తాటికల్లు తాగుతూ తగువెట్టుకోకురా
ఒళ్ళుమర్చి దొర్లకురా
విస్కీబీరు రమ్ము జిన్నూ  లివరుకు ముప్పురా
వోడ్కా బ్రాందీ స్కాచ్ వైన్ ఏదైన విషమేనురా
మాన మరియాదలన్ని మంటగలుసురా
ఇల్లు ఒళ్ళు గుల్లయీ చిత్తు చిత్తౌదువురా
కల్లుమానకుంటే చింతా సంక్షోభము
కళ్ళుతెరుచుకుంటేనే  అంతా సంక్షేమము

2.సంకలో పెట్టుకొని లోకమంత వెతుకకు
 ఇంటనే ఉంది కిక్కు నిచ్చే ఇల్లాలు
మచ్చిక చేసుకొని ముద్దుముచ్చటలాడుకో
ఉండనే ఉండవు సరసాలకెల్లలు

దేశాలైనా ఏలేనేతలు ఆలికి మాత్రం బానిసలే
యుద్ధాలైనా గెలిచే రారాజులు రాణికి రేయంతా దాసులే
ప్రేమను పంచరా నీ భామనింక అనునయించరా
తరుణి తనువు హాయిపలుకు వీణరా వాయించరా

OK

సారాకొట్టు దారిబట్టు ఫుల్లుబాటిలెత్తి కొట్టు సాంబన్నా ఓ సత్తెన్నా
ఆలినే బూతులు తిట్టు రాతిరంత బాధలు వెట్టు దాసన్నా దేవదాసన్నా
 ఒళ్ళు గుల్లచేసుకొని ఇల్లు వీథికీడ్చుకొని మర్యాదమంటగలుపకోరన్నా
పెళ్ళాం పుస్తె గుంజుకొని లిక్కర్లొ నంజుకొని కంటతడివెట్టనిత్తువేలన్నా

1.సొంతడబ్బు పెట్టిమరీ తాగుబోతుగామార్చి వింతగా నవ్వుతుంది లోకం
చుక్కదిగకుంటేను అప్పుపుట్టకుంటేను ఎక్కివస్తుంది నీకు శోకం
కల్లు సారా బీరు రమ్ము ఒక్కటే లివరుకింక ముప్పన్నది దక్కుటే
విస్కీ జిన్ను వోడ్కా బ్రాందీ స్కాచ్ లు-నిషా గొలిపి చంపే విషాలు

2. ప్రేమపంచుతుంది ప్రాణమైన ఇస్తుంది మనసుపెట్టి చూస్తే ఇల్లాలు
తనకడుపు మాడ్చుకొని కోడికూరపెడుతుంది అమ్మలా సాకుతుంది  మగనాలు
మగువే  గమ్మత్తురా  తనతనువే మత్తురా మరిగితె వదలవా మధురాలు
ముద్దుల్లొ ముంచురా కౌగిట బిగియించురా వశమైతే దొరుతాయి స్వర్గాలు

https://youtu.be/_rr1Bd-CE00

వందే చంద్రమౌళి వరదం
వామస్థిత పార్వతీ సంయుతం
గంగాధరం గణనాథస్య సహితం
మాతాంకాసీన స్వామినాథ సేవితం
వృషభాది వాహన సమాయుతం
 కైలాస పురపతిం భజామ్యహం సతతం॥


ఈశ్వరం గంగాధరమ్
గౌరీమనోహరమ్
గుహగణనాథయోః ప్రియకరమ్
మయూర మూషక మృగనందీ
పరివారమ్
వందే శంకరం భవపాపహరమ్  ॥

సుముఖ షణ్ముఖయోః జనక గంగాగౌరీ నాయక
శశి భూషణ నాగాభరణ నీలకంఠ త్రినయన
వృషభ మూషిక కేసరి మయూర  పరివేష్ఠిత
శూల ఢమరు ధర నటరాజ భక్తవశంకర
దయాసాగర పురహర నమస్తే రామలింగేశ్వరా॥

https://youtu.be/0mMNuaA9RLA

చిరంజీవి హనుమా-మా ఆర్తిని వినుమా
మా దుస్థితి కనలేవా-మా ఎదలో మనలేవా
రామనామ భజనతో-నిను మెప్పించెదను
సీతమ్మకు విన్నవించి-నిను ఒప్పించెదను
జయజయహే పవనసుతా-నమోస్తు శ్రీ రామదూత

1.ఈ కలి యుగమందున ప్రత్యక్షదైవమీవు
ఇడుములనెడబాపుటకై కంకణబద్ధుడవు
కోరినదొసగుటలో పరమేశ్వర సముడవు
కొండగట్టులోన హరిహరిగా నెలకొన్నావు
జయజయహే పవనసుతా-నమోస్తు శ్రీ రామదూత

2.నీవు తలచుకొంటే నిమిషమేచాలు
కనుమరుగైపోతాయి కష్టాలు కన్నీళ్ళు
నీ అండమాకుంటే నిశ్చింత జీవితాలు
మనసారా నమ్మినాము వదలము నీచరణాలు
జయజయహే పవనసుతా-నమోస్తు శ్రీ రామదూత

చూసినప్పుడే సుప్రభాతం
గొంతువిప్పితే  చైత్రగీతం
నీతో ఉన్న సమయం పరుగుల జలపాతం
నీ విరహంలో ప్రతిక్షణం నిప్పుల సుడిగుండం

1.ముట్టుకోబోతే ముడుచుకుంటావు అత్తిపత్తిలాగా
పట్టుకోబోతే జారిపోతావు మంచుముక్కలాగా
అంతలోనే చేతికందే చందమామవౌతావు
వింతగానే నవ్వులవెన్నెల రువ్వుతుంటావు
ఊరిస్తావు ఉడికిస్తావు పిచ్చివాడిగ మారుస్తావు
నీతో ఊహసైతం నిజమగు స్వర్గలోకం
నీ తలపులలో అనుక్షణం ఆనందనందనం

2.నేను శ్వాసించే ప్రాణవాయువై బ్రతికిస్తావు
నేను ప్రేమించే హృదయరాణివై అలరిస్తావు
వద్దంటూనే వారిస్తూనే    నా వద్దకొస్తావు
ఆకాశంలో మెరుపల్లే నువు మాయమౌతావు
ఆశలు రేపి బాసలు చేసి నన్నే నమ్మిస్తావు
వదులుకోలేని వజ్రం నువ్వే నా చెలీ
సత్యంకాని స్వప్నం నువ్వే నా సఖీ

https://youtu.be/VaJe9zpS2eU

కోరడానికొక్కటైన వేరే కోరిక లేదు
తీర్చడానికిప్పటికీ నీకు తీరిక లేదు
నువ్వుత్త గారడోడివి-నువ్వొట్టి మాయగాడివి
సాయి నువ్వు గరీబా-బాబా నీ కింతటి డాబా

1.షిర్డీ దర్శించినా  దుఃఖము హరియించలేదు
సిరిసంపదల ఊసు అసలే ఎత్తలేదు
మము రక్షింతువన్న మాటనీటి మూటాయే
త్రికరణశుద్ధిగా శరణన్నా వినవాయే
కాలహరణమే గాని కరుణించక పోతివి
సమాధిమీదనీవు కొలువైన ఒక రాతివి

2.గుడ్డిగా నిను నమ్మితిమి దృష్టిని సారించవేమి
మా భారము నీదంటిమి ఇంతటి తాత్సారమేమి
పరిపరివిధముల నిను ప్రార్థనైతె జేసితిమి
నీగుడి మెట్లన్నీ ఎక్కిఎక్కి అలసితిమి
నీ ఉనికిని చాటుకొనగ నీదే ఇక తరువాయి
నీ పటమైనా పలుకునన్న నీవాక్కును నిజం చేయి

OK

భుజంగ భూషిణమ్
అనంగ నాశినమ్
జంగమ వేషినమ్
అంతరంగ వాసినమ్
వందే శశిధారిణమ్
వందే వృషవాహినమ్

1.అర్ధనారీశ్వరమ్
అవ్యయ గంగాధరమ్
మృగచర్మ ధారిణమ్
భవతాప హారిణమ్
వందే నటేశ్వరమ్
వందే జటాధరమ్

2.త్రినేత్ర శోభినమ్
త్రిశూల పాణినమ్
త్రిలోక పూజితమ్
త్రిగుణాతీత్మకమ్
వందే పంచాననమ్
వందే ప్రమధాధిపమ్

3.పత్నిద్వయ భోగినమ్
నిత్య సత్య యోగినమ్
గణనాథ గుహనాథ పితరమ్
అభిషేకప్రియం నిరంతరమ్
వందే నీలకంఠమ్
వందే కాలకాలమ్

శ్వేతాంబరధారీ-మాతా కృపాకరీ
వీణామృదునాద ప్రియకరి శుభంకరీ
మందస్మితవదనారవింద వాగీశ్వరీ
వినుతింతు సదా నీ కృతులనే
విన్నవింతు నెరవేర్చ నా వితులనే

1.తలపుల నువు నిలిచి-మరపుని తరమనీ
గళమును నువు మలచి-మార్ధవమే కురవనీ
నా ఎదలో సుస్థిరపడి-అజ్ఞానము వెరవనీ
నన్ను నేను తెలుసుకొనగ-నా బ్రతుకే మురవనీ
నా జన్మ ముగియనీ

2.సంగీత సాహితీ గంగలు నను ముంచనీ
వాదనలో వాదములో కుశలత మరి మించనీ
మాధుర్యము ఔదార్యము జగతికి నను పంచనీ
విద్యలకే శ్రీ విద్యవు-నీ ఎరుక నాలొ దీపించనీ
అహమును వంచనీ

https://youtu.be/ntOShIKSa2U?si=0Wdj2I5iPW2-NzwQ

రచన,స్వరకల్పన&గానం:రాఖీ

నీ పదముల రేణువు నేను
నా పదముల ప్రాణము నీవు
బాసరలో భాసిల్లే భగవతి
స్థిరపరచవే సంస్థితవై నామతి
భారతీ దయా జలధీ
నా ప్రతి గీతీ నీ అభినుతి

1.నా పలుకునకర్థము నీవే
నావాక్కున చక్కెర కావే
అక్కరముల అక్కెర ప్రియమై
చక్కని చిక్కని భావన నీవే
వాగీశ్వరీ కరుణా ఝరీ
నా జిహ్వ నీకవని కవనవని

2.నా గళమే కర్ణకఠోరం
చేయవె సత్వరమే మృదుమధురం
శ్రవణపేయమై శ్రావ్యగాత్రమై
దయసేయవె హృదయనాదం
సంగీత సామ్రాజ్ఞి కృపావర్షిణి
కలవాణి నా కలల ఫలదాయిని

https://youtu.be/EX_d4fCGBEc

రచన,స్వరకల్పన&గానం:రాఖీ

మళ్ళీ బ్రతికొచ్చావని ఏసని భావించనా
ఫకీరులా గడిపావని మహ్మద్ వని ఎంచనా
పూజలు గొన్నావని ఈశుడవని సేవించనా
సాయీ నీ తత్వమె చిత్రమోయి
సాయీ నీ చరితమే పవిత్రమోయి
జయజయజయ జయసాయి-
సచ్చిదానందరూప సద్గురు సాయి

1.రోగాలను విభూతితో మాన్పే వైద్యుడవు
శోకాలను అనునయముతొ తీర్చే హితుడవు
జీవిత సత్యాలను బోధించే గురుడవు
భవజలధిని అవలీలగ దాటించే సరంగువు
సాయీ నీ తత్వమె చిత్రమోయి-సాయీ నీ చరితమే పవిత్రమోయి
జయజయజయ జయసాయి-సచ్చిదానందరూప సద్గురు సాయి

2.బంధాలు లేకున్నా మాకు బంధువైనావు
రాగద్వేష రహితుడవైనా మోహవశుడవైనావు
మాలోన ఒకడవుగా షిరిడీలో మసలినావు
మానవతను ఎరుక పరచి దైవమై నిలిచావు
సాయీ నీ తత్వమె చిత్రమోయి
సాయీ నీ చరితమే పవిత్రమోయి
జయజయజయ జయసాయి-
సచ్చిదానందరూప సద్గురు సాయి

https://youtu.be/IG6B1kj6cLE

రచన,స్వరకల్పన&గానం:రాఖీ

రూపము గనినంత చూపరులకు భీకరము
చల్లనైన నీదృక్కులు సర్వదా శ్రీకరము
నీ దర్శన భాగ్యమే ఆనందకరము
భవభయ హారకము నీ అభయకరము
ధర్మపురీ నరహరీ నీకు వందనాలయా
మము దయజూడగ శ్రీ చందనాలయా

1.వైశాఖ శుద్ధ చతుర్ధశీ రోజున
గోధూళివేళ స్తంభమునందున
నీ శ్రీ హరిఏడీ ఢింబకా చూపుమని
హిరణ్యకశ్యపుడు గద్దించినంతనే
సర్వాంతర్యామివని చాటిచెప్పడానికి
ఉద్భవించినావు ప్రహ్లాదుని మొరవిని

2.శిరమేమో కేసరిగా నరశరీరధారిగా
ద్వారమే పీఠముగా ఆసీనుడవయ్యి
భీషణ దంష్ట్రలు వాడియౌ నఖములతో
ఊరువుల పైనా ఒక ఉదుటున వేసుకొని
ఉగ్ర నారసింహుడవై ఉదరమే చీల్చివేసి
దితి సుతుని హతమార్చి నీ భక్తుని బ్రోచితివి

3.గోదావరి తీరమున ధర్మపురీ క్షేత్రమున
శ్రీ లక్ష్మీ సహ యోగ నరసింహమూర్తిగా
వెలసినావు స్వామి నీ మహిమలు జూపగా
మలచినావు స్వామీ మా బ్రతుకులు నీవిగా
శేషప్పవరదుడవై శతకము రాయించితివి
రాఖీప్రియ సఖుడవై సతతము నువు కాచితివి

రచన,స్వరకల్పన&గానం:రాఖీ

చలనం లేని శిలవైనావు
స్పందన ఎరుగని ఎదవైనావు
ఉలులెన్ని విరిగాయో నిను చెక్కలేక
కలలెన్ని కరిగాయో నువు కానరాక

1.అమావాశ్య బ్రతుకే నాది
తెల్లారని రేయి నాది
వేగుచుక్కలాగా తట్టిలేపుతావు
మలయమారుతానివై చుట్టుముట్టుతావు
ఎంతకూ పొద్దుపొడవదు
వింతగా లిప్తగడవదు
తూర్పు తలుపు తెరవకనే దినం గడచును
మేలుకొలుపు తెలియకనే నిద్ర కమ్మును

2.పరిచయాలె సరిగమలై
స్నేహితాలె పికగీతాలై
జీవితాన సంగీతం జలపాతమవ్వాలి
అనుభూతుల సుమగంధాలే విరజిమ్మాలి
నీచర్యలు చిత్రమైనవి
నీ చేష్టలు ఆత్రమైనవి
తప్పుకపోతుంటే నన్ను  సెలుకుతుంటావు
ముట్టుకోబోతుంటే నువు ముడుచుకుంటావు

రచన,స్వరకల్పన&గానం:రాఖీ

నీ కాలిమువ్వనౌతా నే కాలి కాటుకనౌతా
నీ మోవినవ్వునౌతా నీ గుండె గువ్వనౌతా
నా హృదయ రాణీ నీ ఇంటి దివ్వె నౌతా
నా ప్రణయ దేవీ నీ పూజ పువ్వునౌతా

1.క్రీగంటి చూపుకే నేను పడిపోయాను
నీవొంటి స్పర్శకే వివశుడిని అయ్యాను
సోయగాలు తిలకిస్తూ నే సోలిపోయాను
నీ హొయలుకే తరిస్తూ మైమరచిపోయాను

అతిలోక సుందరీ బానిసగా మార్చావే
శతపుష్ప మంజరీ దాసునిగ జేసావే

2.నీ వాలు జడలోనా మిన్నాగు నాట్యాలు
నీకొంగుముడిలోనా భూలోక స్వర్గాలు
నీ నడుము వంపుల్లో ఇసుక మైదానాలు
నీ అడుగుజాడల్లో నవపారిజాతాలు

రసరమ్య వాహినీ మాయలేవొ చేసావు
జగదేక మోహిని మత్తులోన ముంచావు

https://youtu.be/OGklIEuyh2g?si=At7JPfoXTbJEw0xK

రచన,స్వరకల్పన&గానం:డా.గొల్లపెల్లి రాంకిషన్ రాఖీ

తీరదు ఋణము నను గన్న మా అమ్మది
తీరదు ఋణము నడిపించు మాయ'మ్మది

కడుపు చించి జన్మనిచ్చినందుకు
కడలి దాటించి దరిచేర్చునందుకు

1.స్తన్యమిచ్చి నా బొజ్జనింపింది
కంటికి రెప్పలా ననుకాచింది
తననోరుకట్టుకొని కోరినదిచ్చింది
కథలుచెప్పి జోలపాడి
నన్ను నిదురపుచ్చింది

నిస్వార్థపు సేవచేసి
ప్రేమగా పెంచింది
తనకుతాను మొత్తంగా
నాకే బ్రతుకు పంచింది

2.స్థిరమైన చిత్తముతో
చిత్ర పటము చూడలేదు
ఏకాగ్ర దృక్కులతో
తల్లి ప్రతిమ దాల్చలేదు
స్తోత్రాలు మంత్రాలతొ
అంబనుపూజించలేదు
మనసుపెట్టి ఎన్నడు
మాతను ధ్యానించలేదు

ఎందుకో జగజ్జననికి నాపై అనురాగం
ఏ పుణ్య విశేషమో
కవిగాయక ఘనయోగం

https://youtu.be/fygR1mFyMrY?si=EfOSr6cMDibReCqb

చెప్పుకుంటె సిగ్గుచేటు
చెప్పకుంటె గుండె పోటు
మానవత అనాధగా తిరుగుతోంది
మాయువత మత్తులో జోగుతోంది
నా దేశ ప్రగతి ఆకాశవీథిలో
నా దేశ సంస్కృతి నడివీథిలో

1.ఎన్నికలే కల్లోలం నా ప్రజా స్వామ్యంలో
అధికారమె ప్రాథమ్యం రాజకీయమైకంలో
వ్యక్తిత్వం ఆత్మహత్య చేసుకుంటుంది
సిద్ధాంతం పట్టపగలు హత్యచేయ బడుతుంది
నా దేశ రాజ్యాంగం ఆదర్శప్రాయము
నా దేశ స్వాతంత్ర్యం అనిర్వచనీయము

2.నగ్నత్వం నగ్నంగా నాట్యమాడుతుంది
మృగత్వం పసికూనలననుభవిస్తుంటుంది
విలువల వలువలిచట చిరుగుల పేలికలు
కన్నవారి బంధాల్లో కాముకతల కతలు
నా దేశం ఉమ్మడి కుటుంబాలకాలవాలం
నా దేశం చిత్తకార్తి కుక్కల వ్యవహారం

3.విద్య భారతావనిలో చుక్కలుచూపెడుతోంది
మార్కులవేటలో మూర్ఖంగా నలుగుతోంది
వైద్యం విధిని విడిచి డబ్బులెక్క పెడుతోంది
నైపుణ్యం విదేశాల వెర్రిలో ఎదుగుతోంది
నా దేశం మేధావుల ఖజానా
నా దేశం స్వార్థానికి నమూనా

https://youtu.be/mklodNueYqg?si=kMhmBGq7SWtngL45

రచన,స్వరకల్పన&గానం:రాఖీ

ద్వయరూపా దనుజారి నరకేసరి
జగతిలోన లేరెవరూ నీకు సరి
దుర్జన నిర్మూలన కంకణధారి
ధర్మపురి సంస్థిత హే చక్రధారి
కరములు మోడిచి శరణంటిమి స్వామి
కనికరమును జూపగ చరణాల వాలితిమి

1.ఉగ్ర యోగ రూపాలతొ వెలసినావు
అనుగ్రహము మాపైన కొనియున్నావు
నిత్యపూజలెన్నో అందుకొనుచున్నావు
నిరతము భక్తజనుల కాచుచున్నావు
కరములు మోడిచి శరణంటిమి స్వామి
కనికరమును జూపగ చరణాల వాలితిమి

2.జయంతోత్సవమును జయతుగ జరిపేము
చందనోత్సవమును కనువిందుగ చేసేము
డోలోత్సవాలు  సంబరాలె  ఏటేటా
వసంతోత్సవాలు ఆనందాలు మాకంట
కరములు మోడిచి శరణంటిమి స్వామి
కనికరమును జూపగ చరణాల వాలితిమి

https://youtu.be/UBHantvRSv8

జయ జనని జయ జనని జయతు జగజ్జనని
జగతిని జనతతి నేలెడి జగదోద్ధారిణీ
జిజ్ఞాస కారిణి జన్మరాహిత్యదాయిని
జ్ఞాన సరస్వతి మాతా పరవిద్యా వరదాయిని ప్రణమామ్యహం

1.వాగ్గేయకార వాంఛిత పలదాయిని
సంగీతామృతధారా వర్షిణి
శృతి లయ భావ విస్తృత సంచారిణి
వీణాగాన వినోదిని మందస్మిత హాసిని
జ్ఞాన సరస్వతి మాతా పరవిద్యా వరదాయిని ప్రణమామ్యహం

2.సప్త చక్ర పరివేష్ఠిని యోగిని
సప్త స్వర విహారిణి రాగిణి
సప్తతాళ ఘోషణి ప్రణవరూపిణి
సప్త ఋషి సేవిని పారాయణి
జ్ఞాన సరస్వతి మాతా పరవిద్యా వరదాయిని ప్రణమామ్యహం

https://youtu.be/snxmvQtBeAI?si=f0-SohVhv95MeTfJ

ఎందుకే కన్నీటి చినుకా- ఇంత ఆరాటం
నా కంటినుండి దుముకా-వింత పోరాటం
నా గుండె లోతులనుండి
నా గొంతు మలుపులనుండి
నా కనుల కొలుకులనుండి
కారిపోవగ-జారిపోవగ

1.ఎండి పోయిన ఏరులన్నీ- నిండి పారగా
ఇంకిపోయిన నదులన్నీ -వరదలై ఉప్పొంగగా
మిగిలిపోయిన నేలనంతా- కడలిలో కలిపేయగా
మనసుమాట మీరుతుంటూ-గుట్టు గట్టు తెంచుకొంటూ
కుంభవృష్టితొ ముంచివేయగ-ఉప్పెనల్లే ఊడ్చివేయగ

2.పెదవిమాటున నొక్కి పెట్టా బాధనంతా
నవ్వుచాటున దాచిఉంచా వేదనంతా
కవితల జలతారుముసుగే వేసా బ్రతుకంతా
మిన్నుకే చిల్లు పడినట్టు-కన్నుకే గాయమైనట్టు
నీటిబదులుగ నెత్తురొస్తూ- రెప్పలను తోసివేస్తూ

అమ్మంటే ఆర్ద్రత
అమ్మంటేనే మమత
అమ్మంటే త్యాగశీలత
అమ్మేగా ఇలలో  దేవత

1.అమ్మంటే అంతులేని ఆప్యాయత
అమ్మంటే కొలవలేని కారుణ్యత
అమంటేనే  ఎనలేని బాధ్యత
అమ్మేగా అమ్మకు  సారూప్యత

2.అమ్మంటే లాలించే ఒడి
అమ్మంటే తొలుదొల్త బడి
అమ్మతావు అనురాగపుగుడి
అమ్మేగా వీడని కన్నప్రేగు ముడి

3. అమ్మంటే తీర్చలేని ఋణం
అమ్మంటే తెంచలేని బంధం
అమ్మంటే స్నేహసుగంధం
అమ్మేగా మన మనుగడకర్థం 

రచన,స్వరకల్పన&గానం:రాఖీ

చిత్రమైన తత్వం నీది
తత్వమున్న రూపంనీది
భిన్నమైన అస్తిత్వం నీది
ధన్యమాయే నినుగని జన్మే నాది
భోలా శంకరా-భక్తవశంకరా
లయకారాహరా -ప్రళయభయంకరా

1.కంటిలోన కాల్చెడి మంట
తలమీద ఆర్పెడి గంగంట
గొంతులోన కాలకూట విషమంట
శిరమందు శీతల సుధాంశుడంట

2.మహాకాయగణపతికి మూషకము
బాలసుబ్రహ్మణ్యానికి మయూరము
జంగమయ్య నీ వాహనం నందియట
జగదంబ మా గౌరమ్మకు కేసరియట

3.ఎలుకను మ్రింగే నాగులె నగలు
పాములు జడిసే నెమలికి నెలవు
ఎద్దుని చంపే సింహానికి తావు
అన్నీ ఒకేచోట మనేలా చేస్తావు

4.తైతక్క లాడుతావు
తపస్సులూ చేస్తావు
ఇల్లిల్లూ బిచ్చమెత్తుతావు
అడిగినదేదైనా ఇచ్చేస్తావు

https://youtu.be/IravMQw3UKU

నీకు సాటి ఎవరయా వేంకట రమణా
కలియుగదైవమీవె కరుణాభరణా
మొక్కులు ముడుపులు తలనీలాలు
లెక్కకు మిక్కిలిగా భక్తులు తండోపతండాలు
ఏడుకొండలవాడా గోవిందా గోవిందా
వడ్డికాసులవాడా గోవిందాగోవిందా

1.పాదచారులౌతారు సప్తగిరులనెక్కుటకై
పడిగాపులు పడతారు నీ  దర్శనానికోసమై
పిల్లాపాపలతో వస్తారు నీ కృపకొరకై
చల్లగచూడమని వేడుతారు నమ్మికతో
ఏడుకొండలవాడా గోవిందా గోవిందా
వడ్డికాసులవాడా గోవిందాగోవిందా

2.పాపాలు తొలగించగ పాపనాశనం
పుణ్యాలనందగ ఆకాశగంగాస్నానం
తిరుమల వీథులే అపర వైకుంఠం
సిరులను కురిపించగ మంగాపట్నం
ఏడుకొండలవాడా గోవిందా గోవిందా
వడ్డికాసులవాడా గోవిందాగోవిందా

OK

https://youtu.be/NsLzF-PdyvM?si=um-hVWDejWZGUxFd

అమ్మ అనే మాట ఎంత విలువైనది
అమ్మ ఉన్నచోటి బ్రతుకు సులువైనది
అమ్మ ఎడద ఎంతటి విశాలమైనది
జనమంతా బిడ్డలుగా భావించగలుగునంతటిది
అమ్మంటే అనురాగమూర్తిరా
ప్రేమపంచడానికి అమ్మనే స్ఫూర్తిరా

1.ఆకలేసినప్పుడల్లా అమ్మతలపుకొస్తుంది
దిక్కుతోచనప్పుడల్లా అమ్మగురుతుకొస్తుంది
దెబ్బతాకినప్పుడూ అమ్మాఅని అరిచేము
నొప్పితాళనప్పుడూ అమ్మనే పిలిచేము
అమ్మంటే ఆదుకొనే ఆత్మబంధువు
అమ్మంటే  అంతేలేని అమృత సింధువు

2.చందమామనైనా నేలకు దింపుతుంది
గోరుముద్దలోనా మమత కలిపిపెడుతుంది
కథలెన్నొచెప్పుతూ బ్రతుకు బోధచేస్తుంది
హాయిగొలుపు జోలపాడి నిదురపుచ్చుతుంది
అమ్మ పేగు పంచుకొన్న బంధమురా
సకలజీవరాశుల్లో అమ్మ అద్భుతమ్మురా

3.రాసి రాసి కలం సిరా ఇంకిపోయినా
గుట్టలుగా పుస్తకాల రాశి మారినా
సృష్టిలోని ఘనకవులే ప్రతిభచూపినా
అమ్మ కవన వస్తువుగా అసంపూర్ణమే
అమ్మంటే కమ్మనైన భావనరా
అమ్మంటే దివ్యమైన దీవెనరా

గల గల పారుతోంది సెలయేరు
కళకళలాడుతోంది మన ఊరు
స్వచ్ఛనైన  జలాలతో
పచ్చనైన  పొలాలతో
రారా నేస్తం ఈతలు కొడదాం
సరదాసరదాగా చేపలు పడదాం

వేసవి సెలవులు ఆనందంగా
ఆటల పాటల గడిపేద్దాం
రెక్కలు సాచిన పక్షుల్లాగా
గగనపు వీథుల విహరిద్దాం
రారానేస్తం దోస్తీ చేద్దాం
సరదాసరదాగా కుస్తీ పడదాం

తోటమాలి గన్నుగప్పి
మామిడికాయలు కోద్దాం
మనని పట్టుకోను వస్తే
పరుగులు పెడదాం
దొరికిదొకటైనా పంచుకుందాం
కాకెంగిలి చేసైనా కమ్మగ తిందాం

చెట్టు చెట్టు పైనా
కోతికొమ్మలాడుదాం
పిట్టపిట్టతోనూ
కబురులు చెబుదాం
రారా నేస్తం కోయిలతో పోటీపడదాం
సరదాసరదాగా జాబిలితో జట్టే కడదాం

https://youtu.be/zmMcOU16Lj4

నా పుట్టుక కర్థమేమిటో
నా జన్మకు పరమార్థమేమిటో
ఎరిగించరా షిరిడిసాయీ
భవజలధిని వేగమే దాటించవోయీ
నా జన్మదినమున తీర్చరా వేదన
నా మనసే నీకు  సాయీ.... నివేదన

1.అడగనిదే ఇచ్చావు ఎన్నో
అడుగడుగున తోడై నిలిచావు
అందలాలనెక్కించావు
అంతలోనె నిర్దయగా పడద్రోసావు
నా జన్మదినాన తీర్చరా వేదన
నామనసే నీకు  సాయీ......నివేదన

2.ఎంతమందికో నీవు మహిమలు చూపావు
మరెంత మందికో ఆత్మ బంధువైనావు
సడలని విశ్వాసమే ఉన్నది
నను అక్కున జేర్చుకుంటావన్నది
నా జన్మదినాన తీర్చరా వేదన
నామనసే నీకు  సాయీ...... నివేదన

https://youtu.be/MUWNdy4EjwM?si=7SuYDgZ8FCtxnJ6o

నా పలుకుల్లో సుధలొలికే జనని
నా కవితల్లో ప్రభవించే తల్లీ
నా పాటకే ప్రాణమైన మాతా
ఏజన్మలోని పుణ్య ఫలమో
ఏకర్మలోని దివ్య బలమో
నన్నాదరించితివే సరస్వతి
నను అక్కునజేర్చుకుంటివే వాణి
ఎలానిన్ను కీర్తించనూ ఏ వరములనర్థించనూ
నమోనమో భారతీ నమోస్తుతే భగవతీ

1.చదువలేదు ఏనాడు ప్రాచ్యకళాశాలలో
పట్టాలు పొందలేదు సాహిత్య శాస్త్రములో
ఛందస్సు వ్యాకరణం చెలగి నేర్వనేలేదు
భాష పట్ల బహువిధముల కృషి సల్పలేదు

ఏ తొలి ఉషస్సులో నీ దృక్కులు ప్రసరించెనో
ఏ శుభ ఘడియలో నీ వాక్కులు ఫలియించెనో

నను కరుణించితివే వేదమయీ
నను దయజూసితివే నాదమయీ
ఎలానిన్ను కీర్తించనూ ఏవరములనర్థించనూ
నమోనమో భారతీ నమోస్తుతే భగవతీ

2.స్వరముల సంగతే ఎరిగింది లేదు
శృతిలయ సూత్రాలు తెలియగలేదు
రాగతాళాలను సాధన చేయలేదు
వాగ్గేయకారుల కృతులను వినలేదు

అమ్మలాలి పాటలోని హాయి ఎదను కదిపిందో
కోయిల గొంతులోని మధురిమ నను కుదిపిందో

నను కృపజూసితివే పాట పల్లవింపజేసి
నా తలనిమిరితివే మనోధర్మ రీతిగఱపి
ఎలానిన్ను కీర్తించనూ ఏవరములనర్థించనూ
నమోనమో భారతీ నమోస్తుతే భగవతీ

కన్న ప్రేమ ఎవరికైన ఒకటే
ఆ ప్రేమముందు దైవమైన దిగదుడుపే
కడుపు ప్రేగు బంధము తెగదు జీవితాంతము
స్వంత రక్తపాశము వెంటాడును సాంతము

1.నలుగు పిండి బొమ్మచేసి మురిసె పార్వతి
కరిశిరమును పొందివెలిసె సిద్ధి గణపతి
తండ్రి ప్రేమ ఎంతటిదో తొలివేల్పుగ నుడివె పశుపతి
సుబ్రమణ్యస్వామిని చేసే దేవసేనాపతి

2.పుత్రప్రేమ పరాకాష్ఠ తార్కాణం దశరథుడు
కనకున్నా ప్రేమపంచె యశోదానందులు
గతములోన ఎన్ని లేవు కడుపుతీపి కథనాలు
నా సుతుడిని కరుణించగ ఏలమీనమేషాలు