రచన,స్వరకల్పన&గానం:డా.రాఖీ

ఎన్నాళ్ళైందో గుండెనిండా గాలిపీల్చి
ఎంతకాలమైందో బ్రతుకుపట్ల భయం మరచి
అడుగుతీసి అడుగువేస్తె కరోనా పంచన
ఏమరుపాటేమైనా మరణం అంచున
మనదీ ఒక బ్రతుకేనా నిత్యం ఛస్తూ
మనకూ ఇక భవితుందా ఆంక్షలన్ని భరిస్తూ

1.రోజు గడుపుతున్నాం గతస్మృతులను నెమరువేస్తు
బ్రతుకువెళ్ళదీస్తున్నాం అద్భుతాలనూహిస్తూ
విందులూవినోదాలు ఎపుడో బందైనాయి
బంధాలు ఇంటికే బంధీలైపొయినాయి
మనదీ ఒక బ్రతుకేనా శ్వానాల్లా స్వేఛ్ఛేలేక
మనదీ ఒక బ్రతుకేనా శవాల్లా ఇఛ్ఛే లేకా

2.పండగ పబ్బము పెండ్లీ పేరంటాలన్నీ మృగ్యము
ఎన్నడూలేనంతగా శ్రద్ధవహించాలి ఆరోగ్యము
సినీహాళ్ళు షికార్లు దుర్లభమైనాయి
స్నేహాలు మోహాలు పరిమితమైనాయి
మనదీ ఒక బ్రతుకేనా లక్ష్యమే శూన్యమై
మనదీ ఒక బ్రతుకేనా  గమ్యమే దైన్యమై

SRI.V.JANAKIRAMARAO' POST inspiration

https://m.facebook.com/story.php?story_fbid=4169565813118855&id=100001964310859

రచన,స్వరకల్పన&గానం:డా.రాఖీ

రాగం:ముల్తాన్

కొడుకునైనా కాచలేక తల్లికెంత తపన
అమ్మ ఆతృత కానలేక బిడ్డకెంతటి వేదన
సంసార సాగరంలో ఉన్నఫళమున పడవ మునక
బిక్కుబిక్కని బిక్కచచ్చిరి దిక్కుదెసనే తోచక

1.కార్చిచ్చే కాల్చివేసెనొ-వరదలొచ్చే ఊరు ముంచెనొ
అయినవారికి దూరమైనా-బ్రతుకు వారికి భారమైనా
భవిత సంగతినెరుగకున్నా-దారితెన్నూ తెలియకున్నా
పయనమైరీ కాలమే చేర్చు తీరానికి
సాగసాగిరి దైవమే కూర్చు గమ్యానికి

2.ఒంటిపైని బట్టమినహా-చేతబట్టిన పొట్టతోసహా
గడిపితీరాలిక పోరుతీరు అనుదినం వెతలేలా తీరు
మానవతపై ఆశచావక-మనుషులంటే వెర్రి నమ్మిక
పయనమైరీ కాలమే చేర్చు తీరానికి
సాగసాగిరి దైవమే కూర్చు గమ్యానికి

For AUDIO plz contact whatsapp no.9849693324

https://youtu.be/PRO6NbpabgA?si=ZN2z4cwWbxJes7IU

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:బృందావన సారంగ

పుట్టింది ఎక్కడో పెరిగింది ఎక్కడో
చేసే పని ఏమిటో తెలిపే నీతేమిటో
ఎక్కడ తానున్నా ఆనందనందనం
ఏ పనిచేస్తున్నా మహిమాన్వితం
వందే గోకులబాలం వందే నందకిశోరం

1.గోపికల చీరలే ఎత్తుకెళ్ళినా
ద్రౌపదికి చీరలెన్నొ అందించినా
ఎంతగానొ వెన్ననే దొంగిలించినా
సుధాముని అటుకులే ఆశించినా
ప్రతిచర్యలోను అంతరార్థమెంతొ ఉంది
నమ్ముకున్న వారికెంతొ ప్రతిఫలముంది
వందే గోపికాలోలం వందే యశోదానందనం

2.రాసలీలలో మునిగి తేలినా
రాయభారమే చెలగి చేసినా
సారథిగా ధర్మ యుద్ధం నడిపించినా
జీవన సారమున్న గీతను బోధించినా
ప్రతికర్మలోను పరమార్థముంది
ప్రభావవంతమైన తాత్వికత ఉన్నది
వందే గోవర్ధన గిరిధరం వందే కృష్ణం జగద్గురుమ్

రచన,స్వరకల్పన&గానం:డా.రాఖీ

అతిథిగా వస్తేనే ఆ కాస్త ఆదరణ
ఏకైవచ్చి మేకైపోతే ఎవరికైనా ఛీత్కరణ
కరోనా నువు వచ్చిన కొత్తలొ మాకెంత జాగరూకత
పాతబడిపోయావిపుడిక  నువుకాదు వింత
లేనే లేదు మా జనాలకు చింతాకంత చింత

1.తొలుదొలుత ఆనాడు చప్పట్లు తప్పెట్లూ
ఉత్సాహపూరితంగా హారతులు లైట్లూ
దేశమంతా లాక్డౌన్లు మూసాము ఇంటిగేట్లు
వార్తల్లో నీ గొప్పలు కూడళ్ళలొ నీ కటౌట్లు
పాతబడిపోయావిపుడిక  నువుకాదు వింత
లేనే లేదు మా జనాలకు చింతాకంత చింత

2.మా మొహాల మాస్కులు ఆన్లైన్ల టాస్కులు
సానిటైజర్ యూజర్లు ఫిజికల్ గ్యాప్ సిటిజన్లు
బ్రతికితే చాలనుకొంటూ బలుసాకు భోజనాలు
అలవాటైనావు కదా మాకు నీతో సహజీవనాలు
పాతబడిపోయావిపుడిక  నువుకాదు వింత
లేనే లేదు మా జనాలకు చింతాకంత చింత

INSPIRATION:ATTACHED VIDEO

రచన,స్వరకల్పన&గానం:డా.రాఖీ

అడ్డుకాదు మూతిగుడ్డ అందానికి
కనులు చాలు భావాలను తెలుపడానికి
మహరాణులు వాడలేద జలతారు ముసుగులు
మాస్క్ లతో స్కార్ఫ్ లతో మరుగౌను లొసుగులు

1.దుమ్ము ధూళి నాపుటలో సాధనాలు
వాహనదారులకు కాలుష్య రోధకాలు
వైద్యవృత్తి వారికైతె నిత్యాభరణాలు
పారిశుధ్యకార్మికులకు రక్షణ కవచాలు
మాస్క్ లతో స్కార్ఫ్ లతో కట్టడౌను వ్యాధులు

2.ఎదలోని వేదనలను దాచుటకై నగవులు
సుందరీకరణనైతె ఇనుమడించ రంగులు
రాతిరి చీకటిని కప్పిపుచ్చగా వెన్నెలలు
బహుళార్థ సాధకాలు అలనాటి బురఖాలు
మాస్క్ లతో స్కార్ఫ్ లతో మట్టికఱచు వైరస్ లు

https://youtu.be/v6-FHakWYYY

రచన.స్వరకల్పన&గానం:డా.రాఖీ

సాయి నామం జపించరా
సాయి కోసం తపించరా
సాయినాథుని విశ్వసించర
సాయి సాయని శ్వాసించరా
ఓం సాయి శ్రీ సాయి జయజయ సాయి॥

1.షిరిడి ధాముని చిత్తాన నిలుపు
సాయి రాముని దీవెన గెలుపు
సాయి గాధలు మేలుకొలుపు
సాయి బోధలు బ్రతుకున మలుపు
ఓం సాయి శ్రీ సాయి జయజయ సాయి॥

2.సాయికర్పణ చేయి కర్మలు
సాయి ఇచ్చును సత్ఫలితములు
సాయిని శరణన సకల శుభములు
సాయి చరణముల అక్షయ సుఖములు
ఓం సాయి శ్రీ సాయి జయజయ సాయి॥

రచన,స్వరకల్పన&గానం:డా.రాఖీ

మదన పంజరం మంజరీ నీ శరీరం
ఒక్కొక్క అవయవం పదునైన  విరి శరం
వంపువంపులోనూ వలపు వలల పన్నాగం
చిత్తుచిత్తైపోదా మత్తుగొంటు ప్రతి చిత్తం

1.పరువాల పందెంలో వస్త్రాలకె పరాజయం
పొంకాల బింకంలో హస్తాలకె పరాభవం
పట్టులాగ జారుతుంది పట్టుబోతే నీ నడుము
తోకముడుస్తుందేమో పట్టలేకనే ఉడుము

2.ఎత్తైన కొండలు లోతైన లోయలు
ప్రకృతికే ప్రతిరూపం నీ మేని హొయలు
మొదలు పెడితె చాలు నీ ఒడిలో సరసాలు
కడతేరు వేళ మధురమౌ సుధా రసాలు

FOR audio,u may whatsapp to 9849693324

రచన,స్వరకల్పన&గానం:డా.రాఖీ

ప్రేమ అనురాగం ఆకర్షణ ఆరాధన
పేరేదైనా పెట్టుకో నను మాత్రం నీగుండెల్లో పెట్టుకో
ఎంత అందం మూటగట్టుక వచ్చావే చెలీ
నిను చూసి పడిపోని ధీరుడెవ్వడే జాబిలీ

1.నువ్వడిగితె స్వర్గమైనా నేలకు దించుతా
తారలమాలగ గుచ్చి జడనలకరించుతా
నువు కోరితె ప్రపంచాన్నే ఇప్పుడే జయించుతా
నువ్వు హుకుంజారీ చేస్తే యోధులనే బంధించుతా
నీకు ఫిదా కానిదెవ్వరె ఈ జగాన
ప్రాణాలూ ధారపోతురె ఏ క్షణాన

2.ఏడువింతలేమోగాని ఏకైక వింతనీవు
సొంతమైతెగానీ నా చింతలన్ని తీరిపోవు
నగుమోము కంటుంటే కడుపునిండిపోతుంది
నయగారం ఒలికిస్తుంటే బ్రతుకు గడిచిపోతుంది
వర్ణించగాలేదు ఏ కలము నిన్ను
తిలకించగానే స్థాణువౌను నమ్ము

రచన,స్వరకల్పన&గానం:డా.రాఖీ

రాగం:తిలాంగ్

నీకున్నది తరిగిపోదు
వేరొకరిది నీకు రాదు
ఎంతటి నిష్ప్రయోజనం అసూయ అన్నది
ఓర్వలేకపోవడం అతివిచిత్రమైనది

1.చెప్పకనే నీ న్యూనత చెప్పినట్లౌతుంది
గొప్పెవరో నీకు నీవె ఒప్పినట్లౌతుంది
స్పర్ధే ప్రేరకమై  నీ ఔన్నత్యం వర్ధిల్లాలి
ఈర్ష్య ఏ కోశానానూ నీవై వర్జించాలి

2. ప్రజ్ఞంటూ నీకుంటే కీర్తి తలుపు తడుతుంది
నీ కడ ఉన్న ప్రతిభ రేపైనా వెలుగుతుంది
ఎదుటివారి పట్ల  కినుక గౌరవ భంగమే
తుఛ్ఛమైనదే మచ్చరమున్న అంతరంగమే

రచన,స్వరకల్పన&గానం:డా.రాఖీ

సాటివారి పట్ల సానుభూతి
అపన్నుల ఎడల సహానుభూతి
సాయం చేయగలుగు సన్మతి
సోనూ సూద్ లాగ ఉమాపతి
దయచేయగ మనసారా నా వినతి
ఇదేనా ప్రణుతి అందుకో నాప్రణతి

1.సంపద  ఉండీ ఏమిటీ ప్రయోజనం
అలమటించి పోతుంటే ఆర్తజనం
తృణమో ఫణమో చేయూత నీయగా
ఆస్తిపాస్తులేవీ తరగనే తరగవుగా
దైవం మానుష రూపేణా సోనూ సూద్ గా
మానవతా విలువలనే మాకు చాటి చెప్పగా

2.అరిషడ్వర్గాలలో లోభమే ఘనవైరి
ఆర్జింతుము తరతరాల మనుగడ కోరి
రేపటికై చింతించగ నేడూ చేయి జారి
మేము కుడువమొరులకైన పెట్టము ఏమారి
పుణ్యపురుషులున్నారు సోనూ సూద్ తీరున
వితరణే ప్రేరణగా మము జేర్చుము ఆ  సరసన

కడుపే కైలాసం -హరహరా అదే సదా నీ ఆవాసం
ఇల్లే వైకుంఠం- శ్రీహరీ ఇదేకదా నీవుండే సదనం
వెదకబోను వేరెచటా దైవమా నినుకానగ
చంకలొ పాప కనక వృధాగ ఆరాట పడగ
వందే శంభుముమాపతిం-గోవిందం శ్రీపతిం నమామ్యహం

1.అర్ధనారీశ్వరా నీదైన స్థానము
మహాశక్తి కాలవాలము
తరగదింక నా గుండె బలము
శ్రీనివాసమే గోవిందా నీ హదయము
కొదవలేని సిరుల భోషాణము
దరిరాదెప్పుడు దారిద్ర్యము
వందే శంభుముమాపతిం-గోవిందం శ్రీపతిం నమామ్యహం

2.నీవుంటే చుట్టూరా మంచేనంట
చంద్రచూడ తలనెలవంక
వెన్నెల పంచేనంట
నీవున్నతావంతా పాలేనంట
శేషశయన తాపాలనింక
మదినెడ బాపేవంట
వందే శంభుముమాపతిం-గోవిందం శ్రీపతిం నమామ్యహం

ఇల్లు చిన్నబోయింది నీవు లేక
వాడ అడుగుతున్నది నీ రాకపోక
నిన్నమొన్న వెళ్ళావేమో సరిహద్దున యుద్ధంకై
యుగాలల్లె తోస్తోంది  పరితపించ హృదయం నీకై

1 దేశాన్ని భద్రంగా కాచే జవాను నీవు
కంటిమీద కునుకు లేక సంరక్షిస్తున్నావు
నెత్తురైన గడ్డకట్టే మంచుకమ్ము లోయలు కొండలు
ఎండవేడినోర్వలేక ఎడారుల్లొ మండును గుండెలు
జాతికె అంకితమాయే నూరేళ్ళ నీజీవితం
చావంటే బెదురే లేదు ప్రాణమే తృణప్రాయం

2.అనుక్షణం క్షేమం కోరుతు నీ తల్లి దీవిస్తోంది
మనసంతా నీవేనిండగ నీకై అర్ధాంగి ప్రార్థిస్తోంది
వందముప్పైకోట్లమంది వెన్నంటి వెంటున్నారు
మడమతిప్పకుండా నీకు మద్దతెంతొ ఇస్తున్నారు
సైనికుడా ధన్యుడవే నీ జన్మ చరితార్థకమవగా
యోధుడా మాన్యుడవే మాతృభూమి ఋణం తీర్చగా

ఎదుట ఒక కవిత
ఎదలొ ఒక కవిత
హరివిల్లు వర్ణాలు కనుల ముందు
పరవళ్ళ వర్ణాలు హృదయమందు

1.పదములే కదిలాయంటే
 అందెలే రవళించేను
పదములే కుదిరాయంటే
కవనమే వికసించేను
కవిత నడకలన్నీ కలహంసకు పాఠాలు
నాకావ్య గతులన్నీ జవరాలికి భాష్యాలు

2.కవిత  మోములోనా
కలువలు మందారాలు సంపెంగ రోజాలు
కవిత రీతిలోనా
ఉత్పలాలు చంపకాలు ఆటవెలదికందాలు
కవిత వెలయించేను కవితలు వేవేలు
కవితలకు స్ఫూర్తి నిచ్చే కవితకు జేజేలు

రచన,స్వరకల్పన&గానం:డా.రాఖీ

రాజ్యమెందుకు రాజసానికి
మకుటమెందుకు గౌరవానికి
పదవి వల్లనె వెలిగిపోదురు ఎందరెందరొ నేతలు
పదవికే తగు వన్నె తెత్తురు జనహృదయ నేతలు

1.అడ్డదారుల తెచ్చుకొందురు
 తేరగా అధికార యోగం
అర్హతన్నది మృగ్యమైనా
వారసత్వపు రాజకీయం
అంచలంచెలు ఎదుగువారికి ఎదురుండబోదిక ఎన్నడు
వ్యక్తిత్వమే ఆభరణమైతే  వెలిగిపోదురు ఎప్పుడు

2.కులమతాలే అండకాగా
పక్షపాతమే ఆలంబనం
సంపదెంతో లంచమీయగ
అధిరోహింతురు అందలం
భాగ్యమన్నది ప్రాప్తముంటే తలుపుతట్టును భోగము
మేధావులంతా జాతికెప్పుడు సేవచేయగ సిద్ధము

నేనేమో ఉత్తర ధృవం-నీవైతే దక్షిణ ధృవం
అందుకేనేమో ఆకర్షణ పరస్పరం
నాలోని వెలితికి నీ జతయే ఒకవరం
నా కోసమె పుట్టించెను నిన్నా దైవం
ఈనాడే నా శ్రీమతీ గీతా నీ జన్మదినం
ఎన్నో జన్మలుగా అన్యోన్యమైన దంపతులమే మనం
హ్యాప్పీ బర్త్ డే టూ యూ గీతా
విష్యూ హాప్పీ బర్త్ డే టూయూ

1.పనైపోవడమొకటే నా లక్ష్యం
పద్ధతిగా చేయడం నీకు ముఖ్యం
బండవేసి దాటుటే నా కర్తవ్యం
వంతెన నిర్మించడం నీ ఉద్దేశ్యం
అర్ధపూర్ణత్వమే నువులేక జీవితం
అర్ధనారీశ్వరమే మన ఇరువురి కాపురం
హ్యాప్పీ బర్త్ డే టూ యూ గీతా
విష్యూ హాప్పీ బర్త్ డే టూయూ

2.ఇరుగూ పొరుగులతో సఖ్యత నీకిష్టం
ఏకాంతం ప్రశాంతత దొరికితె నా కదృష్టం
ఎముకలేని చెయ్యినీది ఉదారతకు పెన్నధి
నీకెదురు చెప్పలేని అపూర్వ ప్రేమ నాది
నియతి లేక ఎగిరేటి గాలిపటం నేను
క్రమత నడుపు ఆధారం ఆ దారం నీవు
హ్యాప్పీ బర్త్ డే టూ యూ గీతా
విష్యూ హాప్పీ బర్త్ డే టూయూ

రచన,స్వరకల్పన&గానం:డా.రాఖీ

పిడికెడు మెతుకుల కోసమని
రెక్కల కష్టం నమ్ముకొని
ఒకరికి చేయి సాచకూడదని
ఎవరి పంచనో చేర బోమని
చిరువ్యాపారం చేసుకొని బ్రతికే అభాగ్యులెందరో
బేరసారాలు చూసుకొని జీవించే వ్యథార్థులెందరో

1.బుట్టెడు ఫలాలు మోసుకొని-తట్టెడు పండ్లే అమ్ముకొని
పొద్దంతా శ్రమకోర్చి వచ్చినదానితొ తృప్తి పడి
నిజాయితీగా నడుచుకొని బ్రతికే అభాగ్యులెందరో
ఎండావానల వీథిన బడుతూ జీవించే వ్యథార్థులెందరో

2.గీచిగీచి బేరమాడే గిరాకినైనా వదల లేక
ఆచితూచి చిల్లర కోరే పినాసినైనావెళ్ళగొట్టక
గిట్టుబాటే గిట్టకున్నా ఏదో ధరకు విక్రయించే అభాగ్యులెందరో
మామ్మూళ్ళెన్నో ఇచ్చుకొని గిరిగిరి వడ్డీ కట్టుకొనే వ్యథార్థులెందరో

రచన,స్వరకల్పన&గానం:డా.రాఖీ

ప్రేమ మీర నను స్పృశించగా
నీ చేతి స్మార్ట్ ఫోనైనా కాకపోతి
నా హృదయ ధ్వనినే వినిపించగా
నువు వాడే హెడ్ ఫోనైనా అవకపోతి
వస్తువుకున్న విలువ ఆప్తులకూ కరువాయే
వాస్తవికత నొదిలివేయ మిథ్యా బ్రతుకాయే

1.చేదబావే లేక బోర్వెల్ కరెంటు బిచ్చమాయె
  వీచు గాలినోచక సీలింగ్ ఫ్యాన్లే దిక్కాయే
  సహజవనరులన్నీ తత్వాలను కోల్పోయే
  యాంత్రికత గుప్పిట ప్రకృతి  నీరుగారిపోయె
  వస్తువుకున్న విలువ ఆప్తులకూ కరువాయే
  వాస్తవికత నొదిలివేయ మిథ్యా బ్రతుకాయే

2.మనిషి మనిషి మధ్యలో అంతర్జాలమాయే
కాలక్రమేణా ఎన్నో పనిముట్లే మాయమాయే
అనుబంధం ఆత్మీయత మొక్కుబడిగ మారెనాయె
సాంప్రదాయమంటేనే పురావస్తు శిథిలమాయే
వస్తువుకున్న విలువ ఆప్తులకూ కరువాయే
వాస్తవికత నొదిలివేయ మిథ్యా బ్రతుకాయే

రచన,స్వరకల్పన & గానం:డా.రాఖీ

జడత్వమే ఆదరువు నియంత్రణే నాకు కరువు
శాఖోపశాఖలై విస్తరిల్లె నా కవన తరువు
నిమిషమైన మోయలేను నాలో భావాల బరువు
గీతమై వెలువరించ నా మనసే ఆపోవు
కవనమే నాకు జీవనం గీతమే ప్రియతమం

1.పగలు లేదు రాత్రి లేదు ఇపుడపుడని లెక్కలేదు
భక్తీ రక్తీ ముక్తీ దేశానురక్తిగా విషయమొక్కటని కాదు
అనుకోని అతిథిగా ఏదెపుడెద తడుతుందో
ఏ రూపుదిద్దుకొని ఎలా వెలుగు చూస్తుందో
కవనమే నాకు జీవనం గీతమే ప్రియతమం

2.ఊపిరాడని ఒత్తిడి ఎన్నెన్నో సవాళ్ళ  దాడి
రచనచేయ అడుగడుగున అవాంతరాల సుడి
దొరికిన సమయాన్ని లిప్తపాటు వదలను
అనుకున్న అనుభూతి వచ్చు వరకు వదలను
కవనమే నాకు జీవనం గీతమే ప్రియతమం

3.ప్రశంసలు విమర్శలు ఏవైతేం స్పందనలు
సత్కారం బహుమానం కావు తూచు తూనికలు
పాఠకుల ఎదలోన స్థిరపడాలి పదిలంగా
అభిమానుల మన్నలు పొందాలి ఘనంగా
కవనమే నాకు జీవనం గీతమే ప్రియతమం

రచన,స్వరకల్పన&గానం:డా.రాఖీ

వేదాంత మెంతగ చెప్పితేనేం చట్టాలనెన్ని గుప్పితేనేం
తన్నుమాలిన ధర్మమేది ఉండబోదుర సోదరా
పనికిమాలిన సొల్లుకబురులు వాగడం తగదురా

ధర్మ పన్నాల్ వల్లించితేనేం మూల్యమే చెల్లించితేనేం
తన్నుమాలిన ధర్మమేది ఉండబోదుర సోదరా
వంచనల పంచన చేరగ మినహాయింపే లేదురా

నీతులే బోధించితేనేం న్యాయముగ వాదించితేనేం
తన్నుమాలిన ధర్మమేది ఉండబోదుర సోదరా
తమదాక వస్తే నియమాల మాటే చేదురా

బాసలెన్నైనను చేసితేనేం ఆశలే కల్పించితేనేం
తన్నుమాలిన ధర్మమేది ఉండబోదుర సోదరా
పదవి వరకే పలుకు విలువ నిజం చెబితె బాధరా

సాంత్వనలు కల్పింతేనేం ఉచితసలహాలిచ్చితేనేం
తన్నుమాలిన ధర్మమేది ఉండబోదుర సోదరా
నొప్పి తీవ్రత చెప్పతరమా రాఖీ లోకం వినదురా

రచన,స్వరకల్పన&గానం:డా.రాఖీ

తలపుల తోటలో వలపుల పాటవే
తపనల బాటలో తరగని ఊటవే
తన్మయమొందగా అందాల విందువే
తమకము తీరగా పరువాల పొందువే
చేజారిన మణిపూస రాలేవే నా దెస
ఏమారిన వేళలో ఎదురైందీ అడియాస

1.బ్రతుకునకొక్క మారె చావన్నది బూటకం
క్షణక్షణం ఛస్తున్నా నీ ప్రేమే పితలాటకం
నీతో జతగా నీ ప్రతి ఊహా కర్పూరం
వెలిగి కరిగి పోయింది బంగారు జీవితం
చేజారిన మణిపూస రాలేవే నా దెస
ఏమారిన వేళలో ఎదురైందీ అడియాస

2.నిస్సహాయమైననీ చూపేనా గుండెకోత
డోలాయమానమైన నీ మనసే విధివంచిత
ఎదురొచ్చి ప్రతిసారి ఇరువురిలో కలవరం
పొరపాటో గ్రహపాటో ఎరుగమైతిమే వివరం
చేజారిన మణిపూస రాలేవే నా దెస
ఏమారిన వేళలో ఎదురైందీ అడియాస

అమ్మ మీద రాయనా కమ్మని పాట
అమ్మ అన్న మాటలోనె తేనెల ఊట
అమ్మే దైవము అమ్మే లోకము
అమ్మ చెంత ఉంటే దరిచేరదు శోకము

1.నాన్నకు నాకు రాయబారి అమ్మ
వీథి గొడవలేవైనా నా వకీలు అమ్మ
దాచినాకు రొక్కమిచ్చు మహాదాత అమ్మ
పూచికత్తు తానై నా తప్పుకాయు అమ్మ

2.తీరొక్క రుచులతో కడుపునింపు అమ్మ
ఉన్నదూడ్చి మూటకట్టి సాగనంపునమ్మ
లేదను మాటనదు చేతికెముక లేని అమ్మ
అమ్మంటె నాకే కాదు ఊరంతకు తాను అమ్మ

https://youtu.be/mlxPwf_jvDk?si=5jvWk9nGTEJad-kA

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం :అఠాణా

శ్రీ వాణీ పార్వతీ సేవితే
శ్రీచక్ర రాజ సింహాసనీ శ్రీ లలితే
శ్రీ విద్యా పరాంబికే పరదేవతే
శ్రీ మాతా భువనేశ్వరీ నమోస్తుతే

 1.ఏకమేవా బ్రహ్మ రూపితే
    ద్విజ తతి నిత్య సంపూజితే
    త్రిమూర్తి సహిత భృత్య వందితే
    చతుర్వేదాంతర్గత ప్రతిఘోషితే
 
2.పంచకోశ మాయా నిగూఢితే
  షడ్చక్ర ఛేదనానంతరప్రకటితే
  సప్త స్వర సంగీత గానలోలితే
  అష్టాంగ యోగసిద్ధి ప్రసాదితే

నేటి నిజం దిన పత్రిక
మేటిదైన మన వార్తా పత్రిక
బైస దేవదాసు మానస పుత్రిక
పాఠక జనులకైతె నిత్య వేడుక

1.నిక్కచ్చి నిజాల కిది వేదిక
వాస్తవాల్నె ఘోషించే గొంతుక
పూర్తిగా పక్షపాతరహితమైనది
ఏ రాజకీయ పక్షానికి చెందనిది
పాత్రికేయ విలువలకు పేరొందినది
నమ్మిన సత్యానికే కట్టుబడినది

2.సారస్వతానికిచట పెద్దపీట
గురువారం సాహితీ కెరటాలె ప్రతిపుట
వర్ధమాన కవులకిచ్చు తగు బాసట
ఉత్తమ కవితలకు చోటు దొరికేనిట
తెలుగు రాష్ట్రాల ప్రభావవంతమైంది
పత్రికాలోకంలో మకుటాయ మానమిది

https://youtu.be/2deP8qqIdpI?si=XPUwPBJ0xFDJWu5E

రచన,స్వరకల్పన&గానం:డా.రాఖీ

రాగం:దర్బార్ కానడ

పటాపంచలే చేయి సాయి

మా అజ్ఞాన తిమిరము

మనస్థైర్య మందించవోయి

నెగ్గునటుల బ్రతుకు సమరము

సాయిరాం షిరిడీ సాయిరాం

సాయిరాం ద్వారకమాయి రాం

1.కులమతాల నంటగట్టు నీకో గిరిగీసిపెట్టు

కుంచితమౌ మనోభ్రమలు మావి

మనిషివో దేవుడివో మర్మమునే ఎరుగనట్టి

సంచితమౌ దుష్కర్మలు మావి

సాయిరాం షిరిడీ సాయిరాం

సాయిరాం ద్వారకమాయి రాం

2.నమ్మిక తక్కువ భయమే ఎక్కువ

దైవమంటె మా మదిలో భావము

వంచనలే మించిపోయి లంచాలే వ్యసనమై

ప్రాయశ్చిత్తమటుల నీ శరణము

సాయిరాం షిరిడీ సాయిరాం

సాయిరాం ద్వారకమాయి రాం

https://youtu.be/l7ui7Ml52xA?si=ygg2gXVvXxeCJBhW

రచన,స్వరకల్పన&గానం:డా.రాఖీ

రాగం:అమృత వర్షిణి

యతులకైన మతిచలించు

మునుల దీక్షనే ముంచు

ఋషులైనా పరవశించు

యోగుల భోగులగావించు

నీ అందానికి వందనాలు  వన్నెల సుందరీ

నీ పరువానికి ప్రణామాలు సొగసుల మంజరీ

1.కలములనే కదిలించు

కుంచెలైన  పులకించు

ఉలులింక ఉరకలెత్తు

అందెలు ఆరాటమొందు

నీ అందం బంధించగ వన్నెల సుందరీ

నీ పొంకం ప్రకటించగ సొగసుల మంజరీ

2.కుర్రకారు వెర్రెక్కు

దంపతుల కొంపముంచు

ముదుసలికే కసిరేపు

ముదితలైన మోహించు

నీ చక్కదనం అతి మిక్కిలి వన్నెల సుందరీ

నీ రూపం ఎదతాపం సొగసుల మంజరీ

https://youtu.be/SM5s3sOrcJ8?si=9Oqn5VEqWkvpgsrU

రచన,స్వరకల్పన&గానం:డా.రాఖీ

రాగం:భూపాలం

హాయిగొలుపు శ్రీ నరహరి సుప్రభాతం 

ధర్మపురి జనులకది అనునిత్య జాగృతం

మబ్బుననే మేలుకొని గోదారికి పయనం

స్నానానుష్ఠాలతొ ప్రతి దినం పావనం

మదినూయలనూపుతాయి మాఊరి(ధర్మపురి) జ్ఞాపకాలు

మధురానుభూతులతో కూడుకున్న వైభవాలు

(రాగం:మోహన)

1.ఆండా గాగిరుల నిండ స్వఛ్ఛమైన నదీజలం

దారంతా పలుకరిస్తు పరుల కుశల ప్రస్తావనం

ఇల్లుచేరి పూలు వత్తులతో మందిరాలకు చనడం

నరహరి హర బ్రహ్మలను ఆర్తి మీర అర్చించడం

ప్రదక్షిణాలు చండీలు సాష్టాంగ ప్రణామాలు

స్తోత్రాలు కీర్తనలు వేదోపనిషత్తుల పారాయణాలు

(రాగం:షణ్ముఖ ప్రియ)

2.పొద్దస్తమానం తమతమ పనులలో మునగడం

పురాణాలు హరికథలు ఇష్ఠాగోష్ఠుల మాపు గడపడం

పండుగలు పబ్బాలు బోయనాలు వాయనాలు

ప్రతి రోజూ ఉత్సవాలు ఆధ్యాత్మిక అనుభవాలు

నోములు వ్రతాలు దంపతీ సహితమైన ఆతిథ్యాలు

దానధర్మాలు ఆచార సంస్కృతీ సంప్రదాయాలు

(రాగం:సింధు భైరవి)

3.ఊరంతా బంధువులు పరమతాల స్నేహితులు

పెండ్లి పేరంటాలకు సకల జనులు ఆహూతులు

రుద్రాభిషేకాల వాడవాడ శివ పంచాయతనాలు

బతుకమ్మల ఆటలు  పీర్లు లాల్ సాబులు

జమ్మిపత్రాల దసరా ఆలింగనాలు అభివాదాలు

కడతేరాలి ధర్మపురిలో మాజీవితాలు జన్మజన్మలు

రచన,స్వరకల్పన&గానం:డా.రాఖీ

కాళ్ళక్రింద ఉన్న నేల కదిలిపోతున్నప్పుడు

నీ అవయవాలేవీ సహకరించకున్నప్పుడు

జగమంతా నిండి ఉన్న గాలి నీకు అందనపుడు

ఉక్కిరిబిక్కిరేంటొ అనుభవానికొచ్చి నపుడు

కళ్ళుతెరుచుకున్నా అప్పుడేమి ప్రయోజనం

ముందస్తు జాగ్రత్తతోనే బ్రతికి బట్ట కట్టు జనం

1.నెత్తినోరు మొత్తకొని చెప్పినా వినరాయే

ఎదుట జరుగు భీభత్సం ఏ మాత్రం కనరాయే

తమదాకా వస్తెగాని పట్టించుకోరాయే

తబ్బిబ్బైపోతె వినా తీవ్రతనెరుగరాయే

కళ్ళుతెరుచుకున్నా అప్పుడేమి ప్రయోజనం

ముందస్తు జాగ్రత్తతొ బ్రతికి బట్ట కట్టు జనం

2.తమ కాయమైనా సరె శ్రద్ధన్నదే మృగ్యం

కాసింత వ్యాయామం మెరుగు పరచు ఆరోగ్యం

రోగాలకు దూరముంటే అదే కదా సౌభాగ్యం

జీవించుటకై త్యజించుటే మనుజాళికి యోగ్యం

కళ్ళుతెరుచుకుంటేనే కలుగుతుంది ప్రయోజనం

ముందస్తు జాగ్రత్తతొ బ్రతికి బట్ట కట్టు జనం

https://youtu.be/aBetYMQWEmI?si=s7pj3PNjWpfqtmo0

 రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం :మధ్యమావతి

నట్టింట తిరుగాడే మహలక్ష్మి మా చెల్లెమ్మ
కనురెప్పలాగా నను కాచు మా అన్నయ్య
సోదరిసోదరుల పండగే రక్షాబంధనం
అనురాగం యోగంగా నడిపించే ఇంధనం

1.హరివిల్లు విరిసేను నా చెల్లి నవ్వులలో
అమృతమే కురిసేను నా అన్న చూపులలో
చెదరనిది మరవనిది తోబుట్టుల అనుబంధం
సృష్టిలోన తీయనైనది ప్రేగు పంచుకున్న బంధం

2.యమద్వితీయ నాడు  భగిని నీ హస్త భోజనం
రాఖీ పున్నమి రోజు అన్నా నీకు నీరాజనం
రక్తసంబంధం మనది ఎన్నడు వీడిపోనిది
ఆత్మీయ గంధం మనది ఎన్నడు వాడిపోనిది

ప్రేమ భిక్ష పెట్టవే ప్రియురాలా
జాలి చూపెట్టవే జవరాలా
బానిసగానైనా నన్నట్టిపెట్టుకో
నీదాసుడనేనని గుర్తుపెట్టుకో

1.కనుకొలుకుల జారే కన్నీరే
తలపిస్తోంది వరద గోదారే
ఫక్కున నవ్వుతూ రెచ్చగొట్టు నీతీరే
చంద్రహాసవీక్షణ నీమోముకనగ తీరే

2.నీపాదం బొటనవేలు నావేణువు
ఊదేను నా పెదాలు తాకనివ్వు
నీ గుండెనే నా కిక ఏకైక తావు
నువుకాదంటే మిగిలింది నాకిక చావు

https://youtu.be/Q3-WGwK2DOM?si=ZB8X_CmhC6pUtd8G

రచన,స్వరకల్పన&గానం:డా.రాఖీ

ప్రలోభాలు ప్రలోభాలు ప్రలోభాలు
మనిషి బలహీనతపై స్వారిచేసె మత్తేభాలు
జ్వాలల మోజులో కాలిపోవు నెన్నో శలభాలు
వేటగాళ్ళ ఉచ్చులో చిక్కేను బేల శరభాలు

1.స్వేఛ్ఛను హరింపజేసే ఓట్ల బేరసారాలు
విచ్చలవిడిగా పంచేటి నోట్లు సారాలు
ఇఛ్ఛను భ్రమింపజేసే మతబోధ సారాలు
లౌకికతే భ్రష్టుబట్టు విషమయ కాసారాలు
తార్పిడులకు మార్పిడులకు తావా మన మానస వసారాలు

2.ఆత్మను అమ్ముకొనుటె తీసుకుంటె లంచం
డబ్బిస్తే నాకడమేనా  ప్రతివాడి ఎంగిలి కంచం
కష్టార్జితానికే విలువనీయగలదు ఈ ప్రపంచం
పరాన్నబుక్కులు దొంగల బ్రతుకే నీచాతినీచం
తలతెగితేనేం మనుషుమైతె మనం ఎవరికి తలవంచం

https://youtu.be/B4kk6DcDtM4

రచన,స్వరకల్పన&గానం:డా.రాఖీ

రాగం:కళావతి

పొన్నచెట్టు పొదలమాటు
ఏకాంతమైన చోటు
కన్నయ్యకోసమే కాచుకుంది
అన్నులమిన్న వేచిఉంది
తమకం కమ్ముకున్న అభిసారిక
తపనలనోర్వక అభినవ రాధిక

1.నల్లనయ్యకోసమని పిల్లనగ్రోవి గొని
వేణుగాన మాధురిలో పరవశమొందాలని
మువ్వలపట్టీలు కట్టి నాట్యమాడాలని
మువ్వగోపాలుని మురియగ జేయాలని
తహతహలాడుతోంది అభిసారిక
తపనలనోర్వక అభినవ రాధిక

2.కలువల కళ్ళతోని   పూజించాలని
అధరసుధారసములనే నివేదించాలని
తనువు కర్పూరమవగ హారతి పట్టాలని
మనసు మనసు సంగమించ స్వర్గం ముట్టాలని
తరుణముకై తొందరించె అభిసారిక
తపనలనోర్వక అభినవ రాధిక

రచన,స్వరకల్పన&గానం:డా.రాఖీ

రాగం:శివరంజని

తల్లిగర్భములోని పిండానికి అండదండెవ్వరో
ఇహలోక బంధాలు అవలీలగా ముడివేయునెవ్వరో
పురిటిగుడ్డుకు రోదనలు నేర్పింది ఎవ్వరో
అమ్మరొమ్మును కుడువ బోధించెనెవ్వరో
అట్టి పరమేశునికి నా అభివందనం
అఖిల విశ్వేశ్వరునికి నా ఆత్మ వందనం

1.ఆకలిదప్పులు అంగాంగ నొప్పులు శిశువుకెవ్వరు తీర్తురో
ఆహార లభ్యతను స్వీయ సంరక్షణను పశువుకెవ్వరు కూర్తురో
పక్షులకు చేపలకు ఎగరగా ఈదగా ఎవరు శిక్షణ నిత్తురో
క్రిమికీటకాదుల మనుగడకు ఏర్పాటు నెవరుకావింతురో
అట్టి పరమేశునికి నా అభివందనం
అఖిల విశ్వేశ్వరునికి నా ఆత్మ వందనం

2.మనిషికీ మనిషికీ నిమిషనిమిషానికీ బుద్ధినెవ్వరు మార్తురో
బహువింతరోగాలు ఉన్నతులు దుర్గతులు ఎవరంటగడ్దురో
విపరీతపోకడల పైశాచ కృత్యాల పురికొల్పు దాతెవ్వరో
పంచభూతాల భీభత్సకాండతో లోకమే హరియించు నేతెవ్వరో
అట్టి పరమేశునికి నా అభివందనం
అఖిల విశ్వేశ్వరునికి నా ఆత్మ వందనం

https://youtu.be/H8c8FDdKII0

రచన,స్వరకల్పన&గానం:డా.రాఖీ

ప్రకృతి పార్వతి కాలమే అహర్పతి
అర్ధనారీశ్వరమే సర్వం సహా జగతి
క్షితిజగామి భగవతి ఊర్ధ్వగామి పశుపతి
సంతులన సాధనయే సమకూర్చును సద్గతి
శ్రీవిద్యాన్విత ప్రాణాయామమే  శివశక్తుల సంగమము
ఓం నమఃశివాయ శ్రీ మాత్రే నమోనమః

1.పంచకోశమయమీ పాంచభౌతిక దేహం
అరిషడ్వర్గాలతొ సతతం అతలాకుతలం
ఉద్దీపనకావాలి నిద్రాణమైన కుండలినీ శక్తి
శ్రీచక్రోపాసనతో సంప్రాప్తమౌను నరజన్మకు ముక్తి
శ్రీవిద్యాన్విత ప్రాణాయామమే  శివశక్తుల సంగమము
ఓం నమఃశివాయ శ్రీ మాత్రే నమోనమః

2.అద్వైత భావనయే పరయోగ పథము
ఆత్మైక దర్శనమే  పరాశక్తి వరప్రదము
మూలాధారాన జాగృతమై షడ్చక్ర చైతన్యమై
 నిర్వికల్ప సమాధిగా సహస్రారమే ఛేదనమై
శ్రీవిద్యాన్విత ప్రాణాయామమే  శివశక్తుల సంగమము
ఓం నమఃశివాయ శ్రీ మాత్రే నమోనమః

OK

రచన,స్వరకల్పన&గానం:డా.రాఖీ

బృందావన సంచారా యమునా తీర విహారా
రాధికా హృదయ చోర మీరా మానస పచేరా
నీ అష్టభార్యలే అష్టవిధ శృంగార నాయికలు
పదారువేల గోపికలు రసకేళికే దివ్యదీపికలు

1.స్వాధీన పతిక నీకు ప్రియసతి సత్యభామ
వాసక సజ్జికయే సలక్షణ ధర్మపత్ని లక్షణ
విరహోత్కంఠిత ఏకాంత విరిబోణి సుదంత
విప్రలబ్ద విజయలబ్ద సుదతి జాంబవతి
అష్టభార్యలే అష్టవిధ శృంగార నాయికలు
పదారువేల గోపికలు రసకేళికే దివ్యదీపికలు

2.ఖండిత విరహజ్వలిత ఉవిద మిత్రవింద
కలహాంతరిత నీ సహధర్మచారిణి రుక్మిణి
ప్రోషిత భతృక ఇంతి పాలుషి కాళింది
అభిసారిక సంగమగీతిక నీ కళత్రమౌ భద్ర
అష్టభార్యలే అష్టవిధ శృంగార నాయికలు
పదారువేల గోపికలు రసకేళికే దివ్యదీపికలు

https://youtu.be/HzD3PNkuJUw?si=XrcvqmhC5pwd2aR1

రచన,స్వరకల్పన&గానం:డా.రాఖీ

అందమంటే నీలా ఉంటుందా
అందమంటే అందనంటూ పందెం వేస్తుందా
అందలం ఎక్కిస్తాను అందుబాటులో ఉంటే
అందరికీ చెప్పేస్తాను బంధం పెనవేస్తానంటే

1.అందెలు నీపాదాల సుందరంగ అమరాయి
చిందులు వేస్తుంటే గుండెలెన్నొ అదిరాయి
కందిపోతాయేమో  సుకుమారం నీ అరికాళ్ళు
అందనీయవే నాకు నీ సొగసులు సోయగాలు

2.అరవిందాలే చెలీ సంకెళ్ళువేసే సోగకళ్ళు
మకరందాలే సఖీ నీళ్ళూరించే నీ మోవిపళ్ళు
ఏ డెందమైనా మందిరమయ్యేను దేవి నీవుగా
ఆనందనందనమే జీవితమంతా నీతొ మనువుగా

(చిత్రం కవితకు ప్రేరణ,ఆలంబన మాత్రమే-వ్యక్తిగతమైన ఏ సంబంధం ఈ గీతానికి చెందని గమనించ ప్రార్థన)

OK

రచన,స్వరకల్పన&గానం:డా.రాఖీ

పట్టించుకోకుంటె పరితాపం
పట్టిపట్టి చూసామా ఎంతటి కోపం
అందాలన్ని ఆరబోసే ఆ వైనం
కనువిందనుకొన్నామా సంస్కార హీనం
ప్రాణాలు తోడేసే  ఎలనాగలు అలివేణులు 
శవాలకూ జీవం పోసేరు సుందరాంగులు అమృతగుళికలు

1.అల్లార్పే కన్నులు బుగ్గన సొట్టలు చుబుకం నొక్కులు
క్రీగంటి చూపులు మునిపంటినొక్కులు అన్నీచిక్కులు
మామూలు బాణమైన ఛేదించగలిగేను హృదయము
దివ్యాస్త్రాలైతేనో నిలువెల్లా దహియించు తథ్యము
అత్తిపత్తులే నత్తగుల్లలే అతివలు అందని ద్రాక్షలు

2.చిచ్చుపెట్టే చిట్కాలెన్నో వెన్నతో పెట్టిన విద్యలు
రెచ్చగొట్టే ఆయువు పట్లే  కరతలామలకాలు
మెండైన ప్రలంబాలు నిండైన నితంబాలు
ప్రధానమే సదా వగలాడికి ప్రతారికా ప్రదర్శనం
పృష్ఠము కటి వళి అంగమేదైనా అయస్కాంతము

https://youtu.be/H8aSi5alAKs

మందిరాలు గోపురాలు అవసరమా
సర్వాంతర్యామివి కదా స్వామి నీవు
విగ్రహాలు ముక్కోటి పేర్లేల దైవమా
నామ రూప రహితుడవే స్వామీ నీవు
నమో వేంకటేశా నమో శ్రీనివాసా
నమో తిరుమలేశా నమో పాపనాశా

1.విన్నవించుకోవాలా మా వినతులు
జగముల కన్నతండ్రివే నీవైనప్పుడు
విడమరచి చెప్పుకోవాలా మాకున్న వెతలు
సర్వజ్ఞుడివే స్వామీ నీవైనపుడు
నమో వేంకటేశా నమో శ్రీనివాసా
నమో తిరుమలేశా నమో పాపనాశా

2.కలతచెందాలా మేం పుట్టుక మరణాలకై
కర్తా కర్మా క్రియా అన్నీ నీవై నప్పుడు
బాధ్యత వహించాలా నిమిత్తమాత్రులమై
జగన్నాటక సూత్రధారివే నీవై నప్పుడు
నమో వేంకటేశా నమో శ్రీనివాసా
నమో తిరుమలేశా నమో పాపనాశా

రచన,స్వరకల్పన&గానం:డా.రాఖీ

పొగిడితే పొంగవు తెగిడితే కృంగవు
ఏ ప్రలోభాలకూ లొంగనే లొంగవు
కలుషితాలు తొలిగించే పావన గంగవు
దత్తాత్రేయుని అవతారమేనీవు
షిరిడీ సాయిగ మాకై వెలిసావు
అఖిలాండకోటి బ్రహ్మాండ నాయకా
ఆశ్రితజనాభీష్ట వర ప్రదాయకా

1.సాయి నీనామం నిరంతరం మా స్మరణం
బాబా నీ రూపం అనవరతం మా ధ్యానం
పగలూ రేయీ కలలో ఇలలో నీపై ధ్యాస
పీల్చిన వదిలిన నీదేనీదే నా ప్రతి శ్వాస
అఖిలాండకోటి బ్రహ్మాండ నాయకా
ఆశ్రితజనాభీష్ట వర ప్రదాయకా

2.ఆపదలోను సంపదలోను ఆప్తుడవీవే
వేదనలోనూ మోదములోనూ నేస్తము నీవే
తల్లిదండ్రి గురువూ దైవము సర్వము నీవే నీవే
అన్యధాశరణం నాస్తి ఆదుకోగ వేగ రావే
అఖిలాండకోటి బ్రహ్మాండ నాయకా
ఆశ్రితజనాభీష్ట వర ప్రదాయకా

https://youtu.be/jT0dhpAWH1I?si=6AZdP1rRNlck8913

రచన,స్వరకల్పన&గానం:డా రాఖీ

పాలకావడి పట్టుకొచ్చా పళనిమలవాసా
పంచదార మోసుకొచ్చా పార్వతి ఔరసా
ఆయురారోగ్యాలకు  నీదేలే స్వామి భరోసా
నమ్మికొలుచుకుంటున్నాను చేయకయా అడియాసా

సుబ్రహ్మణ్యం సుబ్రహ్మణ్యం షణ్ముఖనాథ సుబ్రహ్మణ్యం
సుబ్రహ్మణ్యం సుబ్రహ్మణ్యం స్వామినాథా సుబ్రహ్మణ్యం

1.మార్గశీర్ష శుద్ధ షష్ఠి సుబ్రహ్మణ్యా నీ జన్మదినం
మనసారా చేయుదు నీకు అభిషేకం అర్చనం
అగ్నితోజోమూర్తీ వర్ణించ నా వశమా నీ కీర్తీ
నీవే ఇక నెరవేచ్చాలి తీరని నా హృదయపు ఆర్తి

2.గుహ్యతరమైనది నీ జన్మ వృత్తాంతం
భవ్యమయమైనది నీ దేవ సేనాధిపత్యం
శ్రీ వల్లీ ప్రియ మనోహరా హర కుమారా
సంతానం నీ వరప్రసాదం షణ్ముఖా కావరా

3.కుక్కుటధ్వజానీకు బహుపరాక్ బహుపరాకు
శిఖివాహన స్కందా వేలవందనాలు నీకు
వేలాయుధపాణి నీకు శతకోటి దండంబులు
కార్తికేయ శరవణభవ నీకివె నా శరణార్థులు

రచన,స్వరకల్పన&గానం:డా.రాఖీ

రాగం:ఉదయ రవిచంద్రిక

చిదిమి దీపం పెట్టుకోవచ్చు బహు చక్కని రూపం
మదిని చిత్రం నిలుపుకోవచ్చు సంశయించక ఏమాత్రం
అందానికే నీవు అసలైన కొలమానం
ఏ కవీ ఉపయోగించని అపురూప ఉపమానం

1.కళ్ళలో ఏదో అద్భుత దివ్యత్వం
చూపుల్లో జింకపిల్లలా  అమాయకత్వం
చెంపలింక సిగ్గులొలికే మంకెన మొగ్గలు
కురులైతే కారుకొనే పట్టుకుచ్చులు
దొండ పళ్ళు మరిపించే నీ పెదవులు
కౌముదే కలత చెందే నీ నగవులు

2.తలని నిమురాలనిపించే ముగ్ధత్వము
తెలవారువేళలో విరుల స్నిగ్ధత్వవము
ముట్టుకుంటె మాసిపోయే సౌందర్యము
పట్టుకుంటె కందిపోయే సౌకుమార్యము
అపరంజి బొమ్మవు నీవు లేలేత కొమ్మవు నీవు
ఆహ్లాదం కురిపించే ఏడురంగుల నింగి విల్లువు

రచన,స్వరకల్పన&గానం:డా.రాఖీ

ఎద తలుపు తట్టేదెవరో
నా కవి తలపు కొచ్చేదెవరో
అతిథిగా వేంచేసేది ఏ వస్తువో
తానుగా స్పృశియించేది ఏ విషయమో
ఏ రసం వర్షిస్తుందో ఎంతగా అలరిస్తుందో

1.అన్నమయ్య ఆవహించి భక్తి వెలువరించేనో
క్షేత్రయ్య ప్రేరేపించి శృంగారం కురిపించేనో
వేమనే స్ఫూర్తినీయ సమాజమే స్ఫురించునో
దేశమాత బోధించ జాతీయత నినదించేనో
ఏ రసం వర్షిస్తుందో ఎంతగా అలరిస్తుందో

2.తొలి ప్రేమలోని బిడియాలు ఒలికేనో
దాంపత్యమందలి అనురాగం చిలికేనో
స్నేహబంధంలోని మధురిమే పలికేనో
మగతలోని మానవతనే మేలుకొలిపేనో
ఏ రసం వర్షిస్తుందో ఎంతగా అలరిస్తుందో

రచన.స్వరకల్పన&గానం:డా.రాఖీ

అన్నం పరబ్రహ్మ స్వరూపం

అన్నమో రామచంద్ర అని ఘోషిస్తోంది నిరుపేద ప్రపంచం

ఆకలి ప్రేగుల నులిమేస్తుంటే

పట్టెడుమెతుకులకై  పాట్లెన్నొ పడుతోంది కడు దయనీయం

1.తలదాచుకోనడానికి పంచనేది దొరకక

కడుపుకింత తినడానికి మట్టికంచమూ లేక

కునుకైన తీయుటకొక కుక్కిమంచమూ నోచక

బ్రతుకొక శాపంగా భవిత ప్రశ్నార్థకంగా

దినదినగండం నూరేళ్ళ ఆయువుగా

కూడూ గూడూ లేని జనం గోడు వెళ్ళగ్రక్కుతోంది

2.తింటే అరగని రోగం వండి వృధాపర్చు వైనం

విందూవినోదాల్లో విచ్చలవిడి పదార్థాల వ్యర్థం

జనం విదిలించు తాలు నిలుపునెన్నొ జీవితాలు

అదుపు చేయు విలాసాలు ఏర్పరచును విలాసాలు

అందించే చేయూతలు మార్చగలుగు తలరాతలు

మనిషి కొరకు మనసుపెడితె  మనిషిలో ఋషిత్వాలు

రచన,స్వరకల్పన&గానం:డా.రాఖీ

కవినైనాను నేను నీ చలవవల్లే చెలియా
కవితలే రాస్తున్నాను నా అనుభూతులే ప్రియా
కనులముందుకొస్తే ప్రణయైక కవిత
కనుమరుగైతేనో విరహాగ్నే కవిత
అహరహమూ నీదే ధ్యాస
అనవరతము నీమీదే ఆశ

1.గూఢంగా నిన్నే ఎపుడూ వెంబడించాను
మౌనంగా నిన్నే   ఆర్తితో ఆరాధించాను
చెలరేగిన భావాలన్నీ మదిలొ దాచుకున్నాను
ఏరుకొన్న నీగురుతులను పదిలపరచుకున్నాను
మనువాడగ కలలే కంటూ తాత్సారం చేసాను
రెప్పపాటులోగా నిన్ను  పరభార్యగ చూసాను

2.నాహృదయ గోదావరిని వరదలే ముంచెత్తాయి
ఊహలన్ని ఊడ్చిపెట్టి ఎడారిగా మార్చేసాయి
యాంత్రికంగ నా బ్రతుకేదో అలా గడిచి పోతోంది
నువ్వు ఎదురైనపుడల్లా లావా పెల్లుబుకుతోంది
నవ్వులనే పులుముకున్న జీవశ్చవాన్ని నేను
మరుజన్మకైనా నీవాడిగా వరము కోరుకుంటున్నాను

రచన.స్వరకల్పన&గానం:డా.రాఖీ

గార్హపత్యాయ నమో
ఆవహనీయాయనమో
దక్షిణాగ్ని సంయుతా
త్రేతాగ్ని రూపాయ నమో నమో
అగ్ని దేవాయా నమో నమో నమో నమో

1.తమసోమా జ్యోతిర్గమయా వహ్నిదేవాయ నమో
యజ్ఞయాగాది క్రతు అధిప హవ్యవాహనాయ నమో
సూర్యచంద్ర తేజో ప్రదాయకాయ అనలాయనమో
అరణి మథన ఆవిర్భవ కృశానాయ నమో నమో

2.ఖాండవ వన దహనాయ ధూమధ్వజాయనమో
సర్వభక్ష ద్విశీర్శాయ స్వాహా పతయే నమో
సీతా పునీత శీలపరీక్ష సాక్షీభూతాయతే నమో
బ్రహ్మ జ్యేష్ఠ పుత్రాయ దిక్పాలక శ్రేష్టాయ హుతాశనాయ నమో

రచన,స్వరకల్పన&గానం:డా.రాఖీ

నా ప్రతిగీతం ఒక సుప్రభాతం
నా భావావేశం జోగ్ జలపాతం
జీవధార ప్రవహిస్తుంది
ఆత్మఘోష నినదిస్తుంది
అనవరతం నామనోరథం కవనపథం
నవనవోన్మేషం  నవరసభరితం ఎద ఎదకూ శుభసందేశం

1.ఉపమానాలు ఉత్పేక్షలు నాకు అపేక్షలు
పొంతనలేని ప్రతీకలు పునరుక్తులు నాకుపేక్షలు
అన్నిపాటలు అన్నిపూటలు నాకు విషమ పరీక్షలు
విద్యాబుద్ధులు గేయ సిద్ధులు వాగ్దేవి భిక్షలు

2.ఏ వస్తువు ఎదురైనా నోచేను నా ఆదరణ
ఏ విషయం పలకరించినా చేరున నాఅక్కున
మనోధర్మ మనుసరించి రూపొందును స్వరరచన
అనురాగం రంగరించగా రంజకమౌ నా కీర్తన

https://youtu.be/6MBRAUogQnY?si=AX2T2Fdnw-dD3hjC

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం : ఉదయరవిచంద్రిక (శుద్ద ధన్యాసి )

లేనివాణ్ణి ఉన్నాడన్కొని
విన్నపాల నెన్నో వేడ్కొని
వలసినన్ని పేర్లతో పేర్కొని
నమ్మినాను సేవలే చేస్కొని
తెలుసుకో మనసా నీ సమయం హుళిక్కి 
ఎరుగవే మనసా దొరికిందింతే బ్రతుక్కి

1.మంగళవారం గణపతి మారుతి నరహరి యని కొలిచి
బుధవారం వాణీ మణికంఠుల ప్రణుతించి
గురువారం సాయిబాబా శరణాగతి జొచ్చి
శుక్రవారం జగన్మాతనే యథోచితంగా కీర్తించి
ఖంగుతిన్నాను మనసా ఎంతగానో భ్రమించి

2.శనివారం వేంకటపతినే కొనియాడి
ఆదివారం ఆదిత్యుని శ్రీరాముని శ్రీకృష్ణుని పాడి
సోమవారం సదాశివునితో మొరలిడి
అహోరాత్రాలు దైవచింతనే తలపులనిడి
భంగపడినాను మనసా గుడ్డిగా బోల్తాపడి

రచన,స్వరకల్పన&గానం:డా.రాఖీ

జన్మదిన శుభవేళ శ్రీమతి Manjula Surya కు-
-డా.రాఖీ చిరుకానుక

పాలకడలి మథనాన క్షీరజ నీవై
మానస సరోవరాన నీరజ రూపై
ఆవిర్భవించితీవు  నేడే మంజులమౌ మంజులా
పరిణమించె పరవశాన అవనియే మధువనిలా

శుభాకాంక్షలందుకో మంజుల సూర్యా
శుభాశీస్సులివిగో హృదయ ఔదార్యా
హ్యాపీ బర్త్ డే టూయూ మంజులా
విష్యూ హ్యాపీ బర్త్ డే టూయూ ఈశుభవేళా

1.మందహాసమే మణిహారం
మధుర భాషణే సుధారసం
దయార్ద్రమౌ వీక్షణే పూర్ణిమ శరత్తు
కపోలాల తీక్షణే గులాబీ తటిత్తు
ఎంత శ్రద్ధ కనబరచాడో నీ సృజనలొ బ్రహ్మ
చక్కగా ముడిపెట్టాడు సంజయ్ తో నీ జన్మ

శుభాకాంక్షలందుకో మంజుల సూర్యా
శుభాశీస్సులివిగో హృదయ ఔదార్యా
హ్యాపీ బర్త్ డే టూయూ మంజులా
విష్యూ హ్యాపీ బర్త్ డే టూయూ ఈశుభవేళా

2.విరులకున్న సౌందర్యం నీ సొత్తు
కవనంతో చేస్తావు చిత్తాలనే చిత్తు
గాత్రానికి చేయాలి న్యాయం కించిత్తు
ఆపత్తులొ సంపత్తులో వీడబోకు మైత్రి పొత్తు
సౌశీల్యం సౌహార్ద్రం సమపాళ్ళుగ నీకు సంపద
శతమానం భవతిగ వర్ధిల్లు ఆదర్శమూర్తివై సదా

శుభాకాంక్షలందుకో మంజుల సూర్యా
శుభాశీస్సులివిగో హృదయ ఔదార్యా
హ్యాపీ బర్త్ డే టూయూ మంజులా
విష్యూ హ్యాపీ బర్త్ డే టూయూ ఈశుభవేళా

రచన,స్వరకల్పన&గానం:డా.రాఖీ

చరమగీతం పాడుతోంది ధరణీతలం
మన నరజాతి సమస్తం మృత్యుదూత బాధితులం
తర్కించకు నేస్తమా మనం వెక్కుతున్న వెతలం
చితికిన బ్రతుకులతో చితికి చేరుకొనే కతలం

1.ఎటుచూడు కరోనా మృత్యు పాశమౌతోంది
ఏమరుపాటైతే మరణశాసనం రాస్తోంది
ఆరోగ్యవంతుణ్ణీ రోగిగా మారుస్తోంది
శుభ్రత పాటించకుంటే ప్రాణాల్ని కబళిస్తోంది

2.పదే పదే గుర్తు చేసినా ఏ మాత్రం చికాకుపడకు
అదే పనిగ హెచ్చరించినా బేఫికరుగ వ్యవహరించకు
కరోనా కోరల చిక్కక మూసుకోర ముక్కూమూతి
భౌతిక దూరం జరుగుతు తప్పించుక తిరుగర సుమతి

PIC courtesy:Agacharya Artist

రచన,స్వరకల్పన&గానం:డా.రాఖీ

ఎన్ని కలాలు రాస్తాయో నిన్నుచూడగానే
 కలలెన్నెన్ని వెలుస్తాయో నువ్వు చూడగానే
 ఎలా వర్ణించాలో ఎప్పుడూ తికమకనే
కుదించి చెప్పడానికి గీతికైతె సతమతమే

1.కలువరేకులైతే నీ కన్నుల బోలు
కృష్ణవేణిపాయలే నీకురుల చేవ్రాలు
కనుబొమలు మాత్రం మన్మథుడి విల్లు
మేను మేనంతా వెన్నెలఝరి పరవళ్ళు

2.ఏ శిల్పి చెక్కాడో చక్కనైన నీ ముక్కు
ఎంతటివాడైనా నీ నవ్వుల వలలో చిక్కు
అనిమేషులమౌతామే నిశ్చలమై మాదృక్కు
చుబుకాన పుట్టుమచ్చా లాగుతుంది తనదిక్కు

https://youtu.be/6nPvxUi_jQU

రచన,స్వరకల్పన&గానం:డా.రాఖీ

పూలబాలవో
శృంగార హేలవో
రసరమ్యలీలవో
అభినవ శకుంతలవో

1.ఊహాసుందరివో
ఉత్పలమాలవో
దివ్యగాన మంజులవో
ఉదయరాగ మంజరివో
అల్లసాని వరూధినివో

2.నింగి జాబిల్లివో
భవ్య హరివిల్లువో
నా స్వప్న దేవతవో
హరిత లలిత ప్రకృతివో
అతిలోక సుందరివో

రచన,స్వరకల్పన&గానం:డా.రాఖీ

వీడ్కోలు నేస్తమా
సెలవింక మిత్రమా
మన స్నేహం సాక్ష్యంగా
నీ సుఖమే లక్ష్యంగా
కడసారి ఈ గీతం నీకేలే అంకితం
నువులేక శూన్యమే మిగిలున్న జీవితం

1.పదేపదే ఇకనిన్ను విసిగించబోను
అదేపనిగ ఎప్పుడూ కల్లోల పర్చను
ఎలా వచ్చినానో అలా తప్పుకుంటాను
అగుపించిన మాదిరే మాయమైపోతాను
నాజ్ఞాపకాలు సైతం మదినుండి చెరిపెయ్యి
నాగురుతులేవైనా చెత్తబుట్ట పాలు చెయ్యి

2.వరదలో కొట్టుకవచ్చె పుల్లలుగా కలిసాము
క్షణకాలమైనా ఎందుకొ తోడుగా సాగాము
ఏజన్మ బంధమో ఆపాటిదైనా ఋణము
పదిలపరచుకుంటాను నీతో ఉన్న ప్రతిక్షణము
మన్నించు మనసారా ఎదగాయ పర్చానేమో
మరచిపో ఎప్పటికి నిన్ను ఏమార్చానేమో

రచన,స్వరకల్పన&గానం:డా.రాఖీ

గుండె ఉన్నవాళ్ళకే నొప్పి వస్తుంది
మనసు ఉన్నచోటనే ప్రేమ పుడుతుంది
బండారాయికేముంటుది ఆకారం అస్థిత్వం
చెక్కితే విగ్రహమై మొక్కబడుతుంది
తొక్కితే తొక్కుడు బండగ కడతేరుతుంది

1.అనుభూతులెన్నో పేర్చి నిర్మించా ప్రణయ సౌధం
స్వప్నాలను సమీకరించి ప్రకటించా అనురాగం
తుఫానులో చిక్కింది సహచర్య నావ
శిథిలమైపోయేలా బ్రతుకునే చేసినావ
ఆరాధన ఫలితం చివరకు ఆవేదనేనా

2.పరాచికమై పోయింది  వలపు నీకు కేళి
చిరాకైపోతోంది  నీ వ్యవహార సరళి
కాలరాచివేయకే మనవైన గురుతులను
నేలపాలు చేయకే మన భవితలను
మించిపోయిందిలేదు ఇకనైనా మేల్కొంటే

రచన,స్వరకల్పన&గానం:డా.రాఖీ

ఏ శిల్పి చెక్కినాడో

బ్రహ్మనే మలిచాడో

అంగాంగ సౌష్ఠవం చొంగకారేలా

దేహసోయగం కనినంత గుండె జారేలా

1.పాలరాయిని వాడాడో

పాలకడలిన ముంచాడో

వెన్నెలనే లేపనంగా ఒళ్ళంతా పూసాడో

మల్లెలనే బతిమాలి తనువుకే అద్దాడో

వంపుసొంపులెంతగానో ఇంపాయెగా

వన్నెచిన్నెలెన్నెన్నో అన్నీ సమకూరెగా

2.జఢుడైన చెలరేగేను

యతికైన మతిపోయేను

యవ్వనం వనమల్లే పచ్చగా విరిసింది

పరిమళం మనసంతా  ఆక్రమించింది

విరహోత్కంఠితయై స్వాగతించగా

జన్మయే తరించదా సంగమించగా

రచన,స్వరకల్పన&గానం:డా.రాఖీ

ప్రమద సామీప్యం కనులకు దేదీప్యం
సుదతి సావాసం మనసున మధుమాసం
అతివ సాన్నిధ్యం శుక్లపక్ష కార్తీకం
ముదిత సౌరభం జీవితానికే శుభం

కంజముఖిని కాంచగా మది రంజిస్తుంది
అలివేణి అగుపిస్తే దివే భువికి వస్తుంది
సుజఘనను చూడగా మతిచలించిపోతుంది
కలశస్తని కలికిని తిలకిస్తే శ్రుతిమించి రాగమౌతుంది

వనితే తలపున వెన్నెల్లో ఆడపిల్ల
మగువే కలలో మధురమైన రసగుల్ల
కోమలి ఊహల్లో ఎద ప్రియబాంధవి
తరుణే ఎదుటన జగములగను జనని సకల జగజ్జనని 

గాజు కన్నా పారదర్శకం
గంగ కన్నా పరమ పునీతం
వజ్రాన్ని మించిన దృఢతరం
మన స్నేహితం అది శాశ్వతం

1.అశించుటకేమి లేనిది
పంచుకొనగ ఎంతో ఉన్నది
ఎద గానం కోరుకున్నది
మన మైత్రి అన్నది చితిదాటనున్నది

2.ప్రణాళికతొ సాధ్యపడనిది
అనూహ్యంగ ప్రాప్తమైనది
నిర్వచించ వీలుకానిది
మనదైన చెలిమి అదే మనకు కలిమి

3.కృతజ్ఞతను కాంక్షించనిది
మన్నింపును వాంఛించనిది
అభ్యర్థనలే అపేక్షించనిది
మన సౌరభం సదా సులభం

https://youtu.be/5FRrSbXF5zo?si=6U5NXbQsH554xX8S

మరీచికవో మలయవీచికవో
నా మనోనావ దిక్సూచికవో
విధి చేతి పాచికవో నా బ్రతుకు సంచికవో
అపురూప సాలభంజికవో
ఎన్నాళ్ళు నాకు ప్రతీక్ష ఎందుకే ప్రేమ పరీక్ష
లక్ష్యపెట్టట్టానికేల లలనా నీకీ వివక్ష

1.నింగి నీవు నేల నేను
దిక్చక్రమల్లె తోచే మన సంగమం
ఎండ నీవు వాన నేను
సింగిడినే తలపించే మన ప్రణయం
ఊహలకే పరిమితమైతే
మనుగడకు ఊతమేది
ఆశించుటె దోషమైతే
చితికి పోని జీవితమేది

2.ముంచవూ తేల్చవూ
వినోదిస్తావూ నే మునకలేస్తుంటే
ఔననవూ కాదనవూ
ఆనందిస్తావు నే సతమతమైపోతుంటే
ఒప్పుకుంటే ఇలయే నాకం
తప్పుకుంటె భవితే నరకం
కొట్టుమిట్టాడుతున్నా
నేనున్నది త్రిశంకు స్వర్గం

ఉన్నదో లేదో తెలియని స్వర్గమంటె ఇఛ్ఛయేల
పరికించు ప్రకృతిని భువి దివియై దిసించదేల
అందనిదానికై అర్రులు సాచనేల
పరిసరాలు రమతిగా మలుచుకోవేల

1.ఎదుటివారుండరెపుడు నీకనుకూలంగా
పట్టువిడుపునీకుంటే ఆప్తులే జనమంతా
మార్చలేవు పరిస్థితులు నీకనుగుణంగా
పరివర్తన చెందగలవు నీవె తగిన విధంగా

2.స్పందించరెవరని వగపునీకెందుకు
పరుల ఎడల ప్రథమంగా నీవే చేయిసాచు
ఇతరులకీయగలదె ఆశించుట సబబు
ప్రశ్నించుట సరెగాని చెప్పెదవా జవాబు

https://youtu.be/2s1zA1NwJ4A?si=87BB4H4v8mOhjvsc

రచన,స్వరకల్పన&గానం:డా.రాఖీ

రాగం:రేవతి

నుతించినా గతిగానవైతివి గంగాధరా
నిందాస్తుతికైనను స్పందించవైతివి సతీవరా
ఎందరెన్ని తీరుల నిను మును కొనియాడిరో
ఎవ్వరేమి ఆశించి నిను మది ప్రణుతించిరో
నన్నేల సదాశివా చేరనీవు నీదరి
నాకేల మహాదేవ వేదనలీ మాదిరి

1.భగీరథుని మనోరథము నెరిగితివే
లంకేశుడహంకరించ ఒప్పితివే
పాశుపతమునర్థించ పార్థుని బ్రోచితివే
మార్కండేయుని మృత్యువు బాపితివే
నన్నేల సదాశివా చేరనీవు నీదరి
నాకేల మహాదేవ వేదనలీ మాదిరి

2.పావురాల పరిక్రమకు పరసౌఖ్యమా
శునకానికి శివరాత్రిన సాయుజ్యమా
కరినాగుల అర్చనకూ కైవల్యమా
కన్నప్ప మూఢభక్తి ముక్తిదాయమా
నన్నేల సదాశివా చేరనీవు నీదరి
నాకేల మహాదేవ వేదనలీ మాదిరి

https://youtu.be/J2JLOrauz4Q?si=_w77wlEFEa6o7XQ4

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం : మాయా మాళవ గౌళ

ఆది గురువు నీవే-పరమ గురువు నీవే
జగద్గురువు నీవే-సద్గురుడవు నీవే
గురు దక్షిణామూర్తియే నమః
ఓం శ్రీగురు దక్షిణామూర్తియే నమః

1.తొలి పలుకులు నేర్పించిన అమ్మరూపు నీవే
ఓనమాలు దిద్దించిన ప్రథమ గురువు నీవే
సందేహాలు తీర్చిన అధ్యాపకుడవు నీవే
బ్రతుకు తెఱువు చూపించిన మార్గదర్శి నీవే
గురు దక్షిణామూర్తియే నమః-ఓం శ్రీగురు దక్షిణామూర్తియే నమః

2.వేదవాఙ్మయ దాత వ్యాసుని ఆత్మనీవె
ఆదిశంకరునిగా జన్మించినదీ నీవే
గురు రాఘవేంద్రునిగా వెలసింది నీవే
మహావతార్ బాబావై ఉదయించినదీ నీవె
గురు దక్షిణామూర్తియే నమః-ఓం శ్రీగురు దక్షిణామూర్తియే నమః

3..అజ్ఞానము నెడబాపే ఆత్మగురువు నీవే
బ్రహ్మావిష్ణుమహేశ్వర స్వరూపుడవీవే
గురుదేవ దత్తుని మూల తత్వమీవే
సద్గురు సాయినాథ అవతారము నీవే
గురు దక్షిణామూర్తియే నమః-ఓం శ్రీగురు దక్షిణామూర్తియే నమః

రచన,స్వరకల్పన&గానం:డా.రాఖీ

రాగం:మోహన

పరులకోసం బ్రతుకడ మన్నమాట అటుంచు
నీకోసమె నీకు నీవుగ ఇకనైనా జీవించు
కోల్పోతే తిరిగిరాదని తెలుసుగా సమయం
నీఎడల నీవే శ్రద్ధగా చేసుకో కాలాన్ని వినిమయం

1.ఎన్నాళ్ళైనదో నిలువుటద్దం ముందు నిలిచి
తేరిపార ఆసక్తిగా నిన్ను నీవే పరికించి చూచి
ఎన్నిమార్పులు చేర్పులో నీదైన దేహస్థితిలో
వన్నెలెన్ని తరిగెనో వడిగ సాగే కాలగతిలో
ఎపుడుతీరునొ బ్రతుకు పరుగున ఆయాసం
ఎపుడుదొరుకునొ నీది మాత్రమే ఐన నిమిషం

2.నీలొకి నీవే తొంగిచూసిన సందర్భమే లేదు
నీతొ నీవే గడుపగలిగిన క్షణమొక్కటైన లేదు
చల్లగాలిని చందమామను అనుభూతి చెందావా
వాన ధారను వాగు ఈతను ఆస్వాదించావా
సమయమేదను సాకును నీకోసమైనా మరచిపో
బాల్యమిత్రుల స్నేహితాన్ని ఇపుడైన అందిపుచ్చుకో

రచన,స్వరకల్పన&గానం:డా.రాఖీ

రాగం:కళ్యాణి

నిష్కామకర్మలే ఉత్కృష్టమైనవి
కర్మఫలాలేవైనా అన్నీ దైవానివి
కర్తవ్యపాలనయే కర్మానుష్ఠానము
నిస్పక్షపాతమే ఆచరించ శ్రేష్ఠము
వెంటాడును జన్మలు దాటి మన కర్మలు
వేధించును వ్యాధులతోని దుష్కర్మలు

1.యథాతథంగ స్వీకరించు జీవితం
అతిగా ఆశిస్తే అడియాసయె సంప్రాప్తం
వెతలన్నీ కతలేలే కలతల జతలేలే
అహమునొదల ఇహమున సుఖమేలే
వెంటాడును జన్మలు దాటి మన కర్మలు
వేధించును వ్యాధులతోని దుష్కర్మలు

2.సమర్పణ భావనే శిరోధార్యము
స్వీయాపాదనే ఫలితమందు వ్యర్థము
వికసించాలి ఎద ఎద ఔదార్యము
వసుధైక కుటుంబమే మనుగడ ఔషధము
వెంటాడును జన్మలు దాటి మన కర్మలు
వేధించును వ్యాధులతోని దుష్కర్మలు

నిన్ను చూడాలనుంది ఎన్నో చెప్పాలనుంది
మనసు విప్పాలనుంది మాట కలపాలనుంది
దాగుడుమూతలేల ధవళాంగి
గుండెలో గోప్యమేల కోమలాంగి

1.పొద్దుపొడుపు చూడగ నీ నుదుటిబొట్టు గుర్తొచ్చే
నింగిలో సింగిడి గాంచ  నీ హంగులే స్ఫురించే
గోరింటాకు కనగ నీ అరిచేతుల ఎరుపు తోచె
సెలయేటి గలగలలే నీ నవ్వులు స్మృతికి దెచ్చె
ప్రకృతిలో ప్రతిదృశ్యం తలపించె నీ రూపం
ఓపలేను ఇక జాప్యం నీ దర్శనమవశ్యం

2.నా కోసం  ఎంతగా ఎదిరిచూస్తున్నావో
మన ఎడబాటును ఎలా సహిస్తున్నావో
శుకమును చేరలేని శాపగ్రస్త శారికనే నేను
నా రాకను ప్రతీక్షించె అభిసారిక నీవైనావు
ఓర్వలేని విధి మనలను ఈ విధి వేధించే
జ్ఞాపకాలె కాలుతున్న విరహాగ్నిని చల్లార్చే

"తస్మాత్ జాగ్రత జాగ్రత"

అనుకోని అతిథి కాదు

అనూహ్యమైన ఆగంతకుడూ కాదు

రాక తప్పని మృత్యుదూత

పడక తప్పదు దానివాత

వస్తుందా ఛస్తుందా అనుకోకు మిత్రమా

నాకైతే సోకదని భావించకు నేస్తమా

మినహాయింపేమి లేదునీకు ప్రియతమా

కనికరం లేనిదే కరోనా

నిర్లక్ష్యానికి మరణమే జరిమానా

1.జాగ్రత్తగ ఉన్నా తప్పుకొనగ కష్టము

ఏమరుపాటైతే కరోనా కడు స్పష్టము

నవ్వులాట కాదు నీదీ నీవారి జీవితం

తిరిగిరానిదొక్కటే మనిషి ప్రాణము

కనికరం లేనిదే కరోనా

నిర్లక్ష్యానికి మరణమే జరిమానా

2.మొక్కుబడిగ పెట్టుకొనే మూతి మాస్కులు

ముక్కువరకు తెరిస్తే తొలగవసలు రిస్కులు

చీటికి మాటికి బయటకొచ్చి ఏల వేస్ట్ హస్కులు

అత్యవసరాలు వినా మాను అన్ని టాస్కులు

కనికరం లేనిదే కరోనా

నిర్లక్ష్యానికి మరణమే జరిమానా

3.నువ్వులు ఆవాలు తప్పని సరి డైట్ కై

నిమ్మ నారింజలు తినాలి  విటమిన్ సి కై

పెంచుకొనే కృషిచెయ్యి  బాడీ ఇమ్యూనిటి కై

భౌతికదూరమొకటె కరోనరహిత కమ్యూనిటి కై

కనికరం లేనిదే కరోనా

నిర్లక్ష్యానికి మరణమే జరిమానా

4.వెంటాడి అంటకునే వింతవ్యాధిది సునో నా

అంటుకుంటె అంతుచూచు వైరసీ కరోనా

లంగ్స్ పగిలి ఊపిరాగి  చిత్రవధతొ  మరో నా

హెచ్చరికలు ఆచరిస్తే కిసీసే కభీ భీ డరో నా

కనికరం లేనిదే కరోనా

నిర్లక్ష్యానికి మరణమే జరిమానా

సాయీ అని పిలిచిచూడు
ఓయీ యని పలుకుతాడు
బాబా అని శరణు వేడూ
కంటికి రెప్పలా కాపాడుతాడు
సాయీ సాయీ సాయీ
బాబా బాబా బాబా

1.మనసారా సాయిని స్మరించు
తక్షణమే నీముందు అవతరించు
నోరారా బాబా యని భజించు
జన్మాంతర పాపాలూ అంతరించు
సాయి ధ్యాసయే ఒక యోగము
చేసుకో అనుక్షణం సద్వినియోగము
సాయీ సాయీ సాయీ
బాబా బాబా బాబా

2.సాయి సేవచేయుచూ తరించు
సకల భాగ్యాలు తాముగా వరించు
బాబా బోధలనే సదా ఆచరించు
బ్రతుకు నల్లేరు నడకయని గ్రహించు
సాయి సన్నిధే పరమ పెన్నిధి
బాబా అనుగ్రహమే జీవిత పరమావధి
సాయీ సాయీ సాయీ
బాబా బాబా బాబా

https://youtu.be/yFvTZ6jt638

మొకమే సూపించక సాటేయ వడ్తివి
మొత్తుకున్నా పెడసెవిన మాట పెట్టవడ్తివి
రంగమ్మా నీ నంగనాచి నాటకాలు సాలుసాలు
నా గుండెకాయ నీదేనని తెల్సుకుంటె మేలుమేలు
మూణ్ణాళ్ళ ముచ్చటాయే ముద్దుమురిపాలు
నూరేళ్ళ పంటకదే అల్లుకుంటె మన బతుకులు

1.మోటబావికాడ నాకు సైగలేవొ జేస్తివి
సేనుగట్టుకాడ నీ సేయినాకు తగిలిస్తివి
ఏపసెట్టు నీడలోన నడుమొంపును సూపిస్తివి
మంచెమీద నీ పెయ్యిని మంచమల్లె పరిస్తివి
మూణ్ణాళ్ళ ముచ్చటాయే ముద్దుమురిపాలు
నూరేళ్ళ పంటకదే అల్లుకుంటె మన బతుకులు

2.మావితోపుకాడికైతె మరిమరి రమ్మంటివి
 దాచుకున్న రెండు పళ్ళు నాకని తీసిస్తివి
ముద్దుగుమ్మ గుమ్మపాలు కమ్మగ తాపిస్తివి
సావకుండ సర్గమేంటో సవిసూపిస్తివి
మూణ్ణాళ్ళ ముచ్చటాయే ముద్దుమురిపాలు
నూరేళ్ళ పంటకదే అల్లుకుంటె మన బతుకులు

OK

https://youtu.be/Qhmlsr8H22E

రచన,స్వరకల్పన&గానం:డా.రాఖీ

ముంగురులు చెప్పే ముచ్చట లేమిటో
ముసిముసి నవ్వులు పూసే ఘటనలు ఏవిటో
ఏ జ్ఞాపకాలు బుగ్గల సిగ్గుల నద్దేనో
ఏ వింతమైకాలు ఒంటిని కమ్మేనో
నీలో నీవే నేనుగా నాలో నేనూ నీవుగా
తడిసేము రేయి పగలు తలపులు ముంచగా

1.నీరెండ పోల్చుకుంది నీ మేని మెరుపుని
బొండుమల్లె తేల్చుకుంది తను కాస్త నలుపని
పచ్చదనం నినుమెచ్చి అలుముకుంది కోకగా
పసిడిగుణం తనువిచ్చి అల్లుకుంది అలవోకగా
నీలో నీవే నేనుగా నాలో నేనూ నీవుగా
నా ఊహల రూపం నీవేగా నీ కలల కల్పన నేనేగా

2.చిత్తరువయ్యాను నీ చిత్తరువు గని నేను
గమ్మత్తుగ చిత్తైనాను కించిత్తు స్పందిస్తేను
ఆషాఢ మాసాలు  పడుచుజంటలకు శాపాలు
కరోనా అంతరాలు చేరనీవు మన తీరాలు
నీలో నీవే నేనుగా నాలో నేనూ నీవుగా
నన్నావరించే సౌగంధి నీవు నిన్నలరించే గాంధర్వం నేను

మరచిపోతే ఎలా నా చెలీ
నను విడిచిపోకే ఓ జాబిలీ
మగువకే సాధ్యమౌనేమో నిర్లక్ష్యము
పడతికే అలవాటేమో ఈ టక్కరితనము

కాలిబంతిలాగా నన్నాడుకుంటున్నావే
పూలచెండులాగా ననువాడుకుంటున్నావే
తగదెనీకు తుంటరితనము-మానవే నెరజాణతనము
నన్నుంచుకోవే నీ తలపులోనా-నన్నుండనీవే నీ గుండెలోనా

మదిలోన మంటలు రేపి జారుకుంటావు
బ్రతుకంతా అలజడిరేపి తుర్రుమంటావు
అనురాగం అన్నదే యోగం-మనలేనే నీ వియోగం
మృతివరకు నిన్నే నే కోరుకుంటా-చితి చేరినాగాని నినువదలనంటా

https://youtu.be/Nf-RhckIolw

రచన.స్వరకల్పన&గానం:డా.రాఖీ

రాగం:రేవతి

ఆషాఢ శుద్ధ ఏకాదశి పర్వదినం
చాతుర్మాస్యదీక్షకు ఈనాడే శ్రీకారం
అలసిన శ్రీహరి విశ్రమించు శుభతరుణం
పరిశుభ్రత శమదమ నియమ పాలన ఆచరణీయం

1.ఆరోగ్యానికే అగ్రతాంబూలం ఏకాదశి మర్మం
జాగరణ ఉపవాసం పండగ అంతరార్థం
చలవ పదార్థాల విస్మరించుటే పరమార్థం
వ్యాధులు ప్రబలకుండ చేపట్టే చర్యలసారం

2.విష్ణునామ సంకీర్తన శ్రేయోదాయకం
విష్ణుప్రియ కన్యను సేవించుట పుణ్యప్రదం
విష్ణుతత్వ జిజ్ఞాస చేర్చునులే పరమపదం
విష్ణు భక్తులమై పొందాలి జన్మసాఫల్యం

రచన,స్వరకల్పన&గానం:డా.రాఖీ

రాగం:మోహన

ప్రధాని పదవే వచ్చింది తానుగా వరించి
ఆర్థిక సంస్కర్తగ నవభారత విరించి
నేడు జగమెరిగిన పీవిగారి శతజయంతి
జేజేలు పలుకుతోంది తెలుగుజాతి గర్వించి
జయహో పాములపర్తి వేంకట నరసింహారావు
జోహార్ నీకిదే తొలి తెలుగు ప్రధానిగా మరపురావు

1.బహుభాషా ధురీణుడు అపర చాణక్యుడు
తెలంగాణ మాగాణి పుత్రుడు రాజకీయ పవిత్రుడు
కాంగ్రేస్ విశ్వసనీయుడు గాంధీ పరివార విధేయుడు
కవిగా పండిత ప్రకండునిగా పేరొందిన వరేణ్యుడు
జయహో పాములపర్తి వేంకట నరసింహారావు
జోహార్ నీకిదే తొలి తెలుగు ప్రధానిగా మరపురావు

2.నిదానమే ప్రధానమని ఆచరించినవాడు
ఆచితూచి అడుగేసిన మంత్రాంగ యోధుడు
ముభావమే సర్వదా భావ ప్రకటనైనవాడు
పక్కా నిర్ణయాలె ప్రతీతిగా కలిగినవాడు
జయహో పాములపర్తి వేంకట నరసింహారావు
జోహార్ నీకిదే తొలి తెలుగు ప్రధానిగా మరపురావు

3.నిరాడంబరుడు నిగర్వి తాను నిస్పక్షపాతి
ప్రపంచాన ఇనుమడింపగచేసె భరతఖ్యాతి
తెలంగాణ మకుటంలో పివి కలికితురాయి
భారతరత్నమై వెలుగొందుటె తరువాయి
జయహో పాములపర్తి వేంకట నరసింహారావు
జోహార్ నీకిదే తొలి తెలుగు ప్రధానిగా మరపురావు

https://youtu.be/JQwpAfS3gGU?si=8kHc-C0i2AYYubZx

రచన,స్వరకల్పన&గానం:డా.రాఖీ

రాగం:శహనా

వందే విశ్వంభరా
నమోస్తుతే ఋతంబరా
ధన్యోహం దిగంబరా
దండంబులు గొనుమిదే హరా నిరాడంబరా

1.ఎలా నీకు తెలుపగలను కృతజ్ఞత
ఎలా ప్రకటించను నా విశ్వసనీయత
ఏవిధి ఎరుకపరుచగలను  నా భక్తి ప్రపత్తత
ఏ రీతి మెప్పించను మార్కండేయవినుత
ధన్యోహం దిగంబరా
దండంబులు గొనుమిదే హరా నిరాడంబరా

2.ఉత్కృష్టమౌ ఈ నరజన్మ నిచ్చావు
ఆరోగ్యభాగ్యాలు నాకొసగినావు
చక్కని ధారా పుత్రుల దయచేసినావు
మిక్కిలి కవన ప్రతిభ వరమిచ్చినావు
ధన్యోహం దిగంబరా
దండంబులు గొనుమిదే హరా నిరాడంబరా

రచన,స్వరకల్పన&గానం:డా.రాఖీ

మల్లెలకెంత తొందర-నీ జళ్ళో మాలగా అలరొందాలని
వెన్నెలకెంత ఆత్రుత-నీ ఒళ్ళు ఒళ్ళంతా  పరుచుకోవాలని
తుమ్మెద కెంత కోరిక-నీ ముఖకమలంపై వాలాలని
ముత్యాలకొకే వేడుక-నీ నగవుల జల్లుగా రాలాలని

1.కిన్నెరసాని నీ నడకచూసాకే-మెలికలు తిరిగింది
పెన్నానది నీ నడుము కనగానే-అలకను పూనింది
కృష్ణవేణి నీ కురుల నలుపుచూసి-తలవంచుక సాగింది
పాపికొండల గోదారి నీ గుండెల ఉన్నతికి-అచ్చెరువొందింది

2.నర్మదానది లోయనే లోతైన -నీ నాభిని తలపించింది
తపతీ నది అందమైన ప్రవాహమే-నీ నూగారును పోలింది
తుంగభద్ర సంగమించ నిను మెళకువలడిగింది
కావేరి నీమేని సోయగాలకే నిలువెల్లా నీరయ్యింది

రచన,స్వరకల్పన&గానం:డా.రాఖీ

ఆమె:
తనువుకే యవ్వనం ముసలితనం
అతను:
మనసన్నది ఎప్పుడూ అజరామరం
ఆమె:
అందాన్ని ఇనుమడించు హుందాతనం
అతను:
నిండైన కట్టుబొట్టు నెలతకు సింగారం

అతను:
1.అరమరికలే లేని అపురూప కాపురం
సాంగత్యమె నిత్యమైన సిసలైన దాంపత్యం
అలకలు కలనైన  కనరాని సంసారం
అతివ చతురతతొ ఔతుంది గృహమే స్వర్గం

ఆమె:
2.కుటుంబమంతటి శ్రేయస్సే ఏకైక లక్ష్యం
సంతానపు ఔన్నత్యమే చేరిన శిఖరం
ఎదలోన అనురాగం ఎదుటేమో గంభీరం
 మగధీరుడే మగనాలికి ఆరాధ్య దైవం

తీరు చూస్తే జలపాతం
ఉరిమితే మరి ఉల్కాపాతం
మనసు లైతే నవనీతం
స్నేహితం మనకాపాతం

1.ఉబుసుపోని జీవితం
మూడునాళ్ళే శాశ్వతం
వెతకు చెలిమొక ఊతం
కరిగనీకు క్షణమే అమృతం

2.దొరికినదె మన ప్రాప్తం
అనుభూతులె అవ్యక్తం
సర్దుకుంటె అది యుక్తం
అంతరంగమన్నది గుప్తం

రచన,స్వరకల్పన&గానం:డా.రాఖీ

నీపదము తడిసింది స్వామి
నా అశ్రుధారతోని
గుడి మారుమ్రోగె వినవేమి
నా హృదయఘోష తోని
మిన్నకుందువేమి గోవిందా
నన్నుగానవేమీ ముకుందా

1.కన్నతండ్రివీవు చిన్నకొడుకునే నేను
చేయవైతివేల గారాబము
తప్పులెన్నబోకు గొప్పలేవిలేవు నాకు
మన్నించవేల నా అజ్ఞానము
పెంకెతనం మంకుతనం సహజమే కదా
మిన్నకుందువేమి గోవిందా
నన్నుగానవేమీ ముకుందా

2.శుంఠనై మిగిలాను మూఢునిగ మసిలాను
శ్రద్ధగా నీవే బుద్ధిగరపక
మొరవెట్టుకున్నాను నిన్ను తిట్టుకున్నాను
నా అవసరాలు నెరవేరక
సన్మార్గం చూపే బాధ్యత నీదే సదా
మిన్నకుందువేమి గోవిందా
నన్నుగానవేమీ ముకుందా

రచన,స్వరకల్పన&గానం:డా.రాఖీ

చలికాలమైనా మేనంతా చెమటలే
తానమాడినా గానీ తనువంతా మంటలే
వేగలేకపోతోంది అంగాగం నీవిరహం
తాళజాలకుంది తపన రేగి నాదేహం
రారా సఖా  ప్రియ ప్రేమికా-నా పరువమే నీకు కానుకా

1.పిచ్చుకల జంటకాస్తా ఇచ్ఛ రెచ్చగొడుతోంది
కపోతాల జతసైతం రచ్చ రచ్చ చేసేస్తోంది
చిలుకాగోరింకల మిథునం కలకలం రేపుతోంది
అభిసారిక ఆవహించి కామార్తి బుసకొడుతోంది
రారా సఖా  ప్రియ ప్రేమికా-నా పరువమే నీకు కానుకా

2.ఏకధార జలపాతం సరస్సులో దూకుతోంది
పుడమి చీల్చుకొంటూ మొలక వెలికి వచ్చింది
సెలయేటి కౌగిట కొండ ఒదిగిపోయింది
పదపడుతు నదితానే కడలితో సంగమించింది
రారా సఖా  ప్రియ ప్రేమికా-నా పరువమే నీకు కానుకా

రచన,స్వరకల్పన&గానం:డా.రాఖీ

జీవితమే చింతల నాటకం
జీవితమే వింతల బూటకం
మనిషికి మనసుకి మధ్యన దొంగాటకం
మనిషికి మనిషికీ నడుమన పితలాటకం

1.రమణి చుట్టు తిరిగే రంగులరాట్నం
గొడ్డు చాకిరితో తిరిగే గానుగ చట్రం
కూపస్థ మండూకం తనలోకమె మైకం
జనన మరణ వలయంలో చిక్కిన జీవితం

2.భావానికి భాషణకు ఎంతటి అంతరం
కార్యానికి వచనానికి పొంతన బహుదూరం
సాటివారి సంక్షేమం మృగతృష్ణతొ సమానం
చిన్నారి నాబొజ్జకు శ్రీరామరక్షయే ప్రమాణం

https://youtu.be/25GI4x29Wdc

రెప్పలెక్కి తొక్కుతోంది కునుకు రక్కసి
తిప్పలెన్నె నీతోటి చక్కని నా ప్రేయసి
కలుసుకోనీయి కలల ఇంటి తలుపు తీసి
మరపురాని ఆనుభూతులనే నాకందజేసీ

1. భాష అడ్డుకాబోదు మన కాపురాన
కులం మతం ప్రసక్తిరాదు ప్రేమ గోపురాన
పేద ధనిక భేదం లేదు  ప్రణయపురాన
జాతి ప్రాంత వివక్షలేదు సంసార తీరాన
కలుసుకోనీయి కలల ఇంటి తలుపు తీసి
మరపురాని ఆనుభూతులనే నాకందజేసీ

2.ఆధిపత్య పోరు ఉండదు దాంపత్యాన
శంకకింక  తావులేదు ఇరువురి మధ్యన
అలకలకు చోటేలేదు సరే అన్న మాట మినహా
అపోహలకు వీలులేదు ఒకే భావమైన తరహా
కలుసుకోనీయి కలల ఇంటి తలుపు తీసి
మరపురాని ఆనుభూతులనే నాకందజేసీ


OK

రచన,స్వరకల్పన&గానం:డా.రాఖీ

చెలియా చెలియా చేయకే గారడీ
లవ్ నే మార్చకే ప్యార్ కీ ప్యారెడీ
సయ్యంటే సయ్యంటూ దేనికైనా నేను రెడీ
సరదాల పేరిట కొట్టించకు నను బురిడీ

1.చాటింగ్ మీటింగ్ డేటింగ్ అన్నిటికీ నేనోకే
ఫైటింగ్ చీటింగ్ బ్రేకింగ్ అంటే మాత్రం చికాకే
షాపింగ్ చేసెయ్ టైమెంతైనా అవనీ హోటల్ బిల్లెంతైనా
బోర్ కొట్టే దూరాలకు ఎంతటి లాంగ్ రైడైనా

2.పబ్బుల్లో స్పెండ్ చేద్దాం లేట్ నైటైనా
పార్టీలలో ఎంజాయ్ చేద్దాం ఎంత ఖర్చైనా
వీకెండ్ రోజున రిసార్ట్స్ కెళ్ళి మజా మరాయిద్దాం ఇకపైన
మల్టీ ప్లెక్స్ కార్నర్ సీట్లలొ ఖుషీగ తిందాం పాప్ కార్నైనా

రచన,స్వరకల్పన&గానం:డా రాఖీ

వందల మందిరాలు సాయీ నీకు
లక్షలాది భక్తజనాలు
దినమంతా పూజలూ అర్చనలు
రోజుకైదు నీరాజనాలు
నిత్యనైవేద్యాలూ భోజనాలు
ఐనా ఏమి పొందినాము బాబా ప్రయోజనాలు

1.రాసాను కీర్తిస్తూ ఎనలేని గీతాలు
నీ గుణ గానాలు నామ భజనలు
చేసాను దీనులకు  సేవలు దానాలు
మోసాను నువ్వెక్కిన పల్లకీ పలుమార్లు
ధరించాను ధుని విభూతి అన్నిదినాలు
ఐనా ఏమి పొందినాము బాబా ప్రయోజనాలు

2.ముగించాను సచ్చరిత్ర పారాయణాలు
చేసాను షిర్డియాత్ర ప్రయాణాలు
కన్నాను కనులారా నీ సమాధి విభవాలు
స్పృశించాను నువు తిరిగిన ప్రదేశాలు
విన్నాను నువు తెలిపిన సూత్రాలు బోధనలు
ఐనా ఏమి పొందినాము బాబా ప్రయోజనాలు

రచన,స్వరకల్పన&గానం:డా.రాఖీ

పాట రాసేదే నీకోసం-నీవుంటే మధుమాసం
వరమీయి దరహాసం-తాళజాల నే మోసం
మెలితిరిగేను నిను చూసి నా మీసం
నిరంతం నీ సన్నిధిలో అంతులేని సంతసం

1.వంచాను అందుకో నీలాల ఆకసం
దించాను హరివిల్లు చేసుకో కైవసం
పెంచాను పూవనం కోసుకో సుమ మానసం
పోషించానీ  గీతంలో ఆసాంతం సరసరసం

2.తారామణులను త్రెంచుకొచ్చి మెళ్ళోమాలవేస్తా
చందమామను తీసుకొచ్చి గుమ్మాన తగిలిస్తా
కీలుగుర్రం ఎక్కివచ్చి నిన్నెత్తుకొని వెళతా
దేవలోక సామ్రాజ్ఞిగా నీకే నే పట్టం కడతా

ముక్కలు చేసినా రాదు చప్పుడు
పిడికిట నొక్కినా ఉంటుంది గుప్పెడు
మంటబెట్టి మసిచేసినా కత్తిబెట్టి కోసేసినా
నీకోసమే కొట్టుకుంటోంది నా గుండె
నీ నామమే జపిస్తూ మిన్నకుండె

1.ఎవడుకనిపెట్టాడో గాని ప్రేమ అన్న ఈ పదాన్ని
ఎలా అంటగట్టాడో ఏమో లలనతో అనుబంధాన్ని
వ్యాపకాలన్నిటికీ తిలోదకాలిచ్చేలా
వ్యామోహపు వలలోనా పడిచచ్చేలా
మధురమైన ప్రణయానా ఈ మరణయాతన
తగదునీకు నెచ్చెలీ దూరమౌట జీవితాన

2.నారి మనసు మర్మమేదో హరికైనా తెలియదంట
పడతి యోచనేంటో పరమేశ్వరుడెరుగడంట
మాయలోడి ప్రాణం చిలుకలోనా
నా పంచప్రాణాలు నీ పలుకులోనా
ఔనని మననీయి నీపాద దాసునిగా
అందాల చేయందీయి పడిఉంటా బంధీగా

శుభోదయం ఓ సుకుమారీ!!
హృదయం నీదే మేరే ప్యారీ
పగలూ రేయీ యాదేఁ తేరీ
సతాయించకే ఓ వయ్యారీ

1.బుర్కపిట్టలాగ దొర్కవాలుతావు
తాయిలం కర్చుకొని తుర్రుమంటావు
చేపపిల్లలాగ చిక్కినట్లే తోస్తావు
పట్టుకొనేలోగా పట్టుజారిపోతావు
నిన్ను సాదుకుంటానే ఎంతోప్రేమగా
నిను చూసుకుంటానే అపురూపంగా

2.దోబూచులాడగా నీకెందుకే సరదా
దొంగాటలాడేవు మజాకా నీకు సదా
సీరియస్గా లవ్ చేస్తుంటే లైట్ తీసుకోనేల
నాపక్కన రిజర్వ్ చేస్తే బ్రేకప్పుల గోలేల
నా ఎదలో చోటుంది నీ ఒక్కదానికే
అప్సరసలె దిగిరానీ లెక్కచేయదే

చెముడున్నదా ఏం వినిపించుకోవు
మిడిసిపాటేమొ నీకు పట్టించుకోవు
ఎంత మార్ధవంగా నే పలకరించినా
ఎంతప్రేమగా నీతో ప్రవర్తించినా
తగదు నీకీ తెగువా తరుణీమణీ
మనసులేని మగువా నా ప్రియభామినీ

1.అనిమేషవు నీవనుకోకు
మిషలింక వెతుకబూనకు
అమరకాంతనీవని తలవకు
కారణాలు వివరించకు
నాకన్న మిన్నగా ప్రేమించరెవ్వరు
అనురాగమంతా నీ ఎదలొ వంపరు

2.తిరిగి తిరిగి అరిగాయి
వెంబడించి నా పాదాలు
వెంటబడి అలిసాయి
విసుగెత్తిన నా తపనలు
తెగేసైన చెప్పవే తప్పుకొమ్మని
తెగతెంపులు చేయవే మూడుముళ్ళని

తనువంతా పూవుల తోట
మనసంతా తేనెల తేట
నను మెచ్చిన నెచ్చెలి  నేనచ్చరువొందేలా
అల్లంత దూరంనుండే పరిమళాలు గుప్పించింది
అధర మందారాల మకరందం అందించింది

1.కన్నుల్లో కార్తీకాలు
గళసీమ మాణిక్యాలు
నను మెచ్చిన నెచ్చెలికి  నేనచ్చరువొందేలా   
నింగిలోని వెన్నెలంతా అంగనపై పరుచుకుంది
తారలన్ని గుచ్చిన హారం మెడను అలరించింది

2.ఇంద్ర ధనుసు కోక
పడమటెరుపు రవికె
నను మెచ్చిన నెచ్చెలికి  నేనచ్చరువొందేలా
అలంకారాలన్ని సృష్టే సమకూర్చింది
అందాలనెన్నెన్నో దృష్టి ఇనుడించింది

https://youtu.be/yJ_eCRTKEsw

 రచన,స్వరకల్పన&గానం:డా.గొల్లపెల్లి రాంకిషన్(రాఖీ)

ఆషాఢమాసాన  అతివలకు
అరుణిమ నొలుకగ అరచేతులకు
మరులెన్నగొలిపేను మగువలకు మైదాకు
ఫిదాగా మారుతారు సుదతులు హెన్నాకు
గోరింటాకుతో  కన్నుల పంట
నిండుగ పండగ కలలపంట

1.ఆరోగ్యాన్నే అందగజేస్తూ
సౌభాగ్యాన్నే ప్రసాదిస్తూ
వర్షాకాలం వైరస్ నంతా
ఒంటికంటకుండగ జేసే
అపూరూపమైన చింతామణి
అపూర్వమైన లోహితమణి

2.ఇంతుల అందం ఇనుమడించగా
పడతుల మనసే పరవశించగా
తీరైన తీగలతో కరములనలరిస్తూ
ఇంపైన పువ్వులనే విరియగజేస్తూ
గోరింట తెలుగింట అమ్మాయిలకాప్తంగా
గోరింట భరతావని సంస్కృతి ప్రాప్తంగా

రచన,స్వరకల్పన&గానం:డా.రాఖీ

కనులలో ఎన్నెన్ని కమనీయ కావ్యాలు
తనువులో ఏవేవొ రమణీయ దృశ్యాలు
నవ్వుల్లొ విరిసేను వేవేల హరివిల్లులు
పలుకుల్లొ కురిసేను పుట్టతేనెల జల్లులు

1.అల్లసాని ప్రబంధంలో వరూధినీ సొగసు నీది
ఆముక్తమాల్యద లో తులసిమాల వలపు నీది
రవివర్మ కుంచె దించిన దమయంతి రూపు నీది
రామప్ప గుడిలోని  శిల్పాల నునుపు నీది

2. మల్లెలు మందారాలు మెరిసేను అధరాన
రోజాలూ సంపెంగా వెలసేను ఆననాన
వాఙ్మయమే నెలకొంది నీ  రసన కొసన
కైతలే జపాతాలై జాలువారె నీ కలాన

రచన,స్వరకల్పన&గానం:డా.రాఖీ

నీ చూపటు నా చూపిటు
ఎలా కలిసేను మనసైటు(Sight)
నీ బాటటు నా చోటిటు
ఎలా ఒకటౌను మన సైటు(Site)
రెచ్చగొట్టమాకు పిచ్చిపడుతోంది
కచ్చతీర్చుకోకు కసిరేగుతోంది

1.ఏం దాచుకున్నావో ఎదలోన సంగతులు
ఎరుగలేకున్నాను నీ చేతల మతలబులు
మొహం తిప్పుకుంటావు మోహనంగ మురిపించి
ఏమెట్టిచేసాడో విరించి వన్నెలన్ని మేళవించి
రెచ్చగొట్టమాకు పిచ్చిపడుతోంది
కచ్చతీర్చుకోకు కసిరేగుతోంది

2.సింగారించి హొయలన్ని ఒలకబోసేవు
సింగారాన్ని రంగరించి గారాలెన్నొపోయేవు
బ్రహ్మచర్యం చౌర్యం చేసే నంగనాచి జాణవె నీవు
మాయామర్మమెరుగని దానిలా బుంగమూతి పెట్టేవు
రెచ్చగొట్టమాకు పిచ్చిపడుతోంది
కచ్చతీర్చుకోకు కసిరేగుతోంది

ప్రపంచ సంగీత దినోత్సవ సందర్భంగా-శుభాకాంక్షలతో

రచన,స్వరకల్పన&గానం:డా.రాఖీ

షడ్జమం సౌరభమందించనీ-రిషభం పరిమళించనీ,
గాంధారం  గుభాళించనీ-మత్తేభం మత్తెక్కించనీ
పంచమం పరవశింపజేయనీ,-ధైవతం తన్మయమొందించనీ,
నిషాదం  ఖుషీలనే పంచనీ-సంగీత వనంలో మనజీవనంలో

1.మంద్ర మధ్యమ తారా స్థాయిల్లో శ్రుతిపక్వమవనీ
ఆరోహణ అవరోహణ సప్త స్వరముల వరమవనీ
లయ గతి జతి గమకాలు గానమందు వికసించనీ
భావ రాగ తాళాలు మనో రంజకమై మేళవించనీ

2.కర్నాటక హిందుస్తానీ భారతీయ సంగీతం వెలగనీ
విశ్వజనీనమై సంగీతం అనురాగ మొలికించనీ
శిశువులు పశువులు పాములనూ గానం అలరించనీ
సంగీతం సాహిత్యం యుగళమై సర్వదా చెలఁగనీ

బోర్ కొడుతోంది రొటీనైన జీవితం
ఉల్లాసమే కోల్పోయిందీ మానసం
గానుగెద్దులా అదే గాడిలో
తిరుగాడి తిరుగాడి
పాసుపండ్ల పాటగాడిలా
పాడిందే పాడి పాడి

1.ఉబలాటం అన్నదే మరుగయ్యింది
గోప్యతలేని మార్మికాలే కనువిందవగా
ఆరాటం అన్నదే కరువయ్యింది
అడగముందే అవసరాలే ఈజీగ పొందగా
వినోదాలు అరచేతిలో ఆడుతుండగా
అనుబంధాలు విలువలనే వీడుతుండగా

2.చెమటోడ్చే తత్వమే  బాధయ్యింది
వక్రమార్గాల తక్కువ శ్రమకే సంపద చేరగా
ఎదురుచూపులో తీపంతా చేదయ్యింది
ఇన్స్టంట్ గా కోరినవన్నీ ఇట్టే నెరవేరగా
మనీకి మనిషికి వాల్యుయే మృగ్యమవగా
ఎవరికివారే యమునతీరే దౌర్భాగ్యమవగా

నీటికరువు అనుభవమే ఇలలోనా
కన్నీటికి కరువన్నది  కనలేదు కలలోనా
హృదయ కుహరమందు ఊట ఆగిపోదు
ప్రమేయమే లేకున్నా బ్రతుకున వెత ఒడవదు

1.రుధిరమేమొగాని అశ్రుధారె నరనరాన
ఆనందమె మరీచిక మనిషి జీవితాన
మనుగడకై పోరాటం బ్రతికినంతకాలం
శ్రమకు తగ్గ ఫలితం శూన్యమే ఆసాంతం

2.దుఃఖాలు పలువిధాలు కారణాలనేకం
నవ్వుల ముసుగేసుకుంది ఈ విషాద లోకం
మునకలేయడంలోనే సంతోషం చవిచూడు
చరమగీతినైనా మోహనంగ పాడు

https://youtu.be/ujVlDELxM1Y?si=kjUCyhFY0BuUeW_F

గరళము మ్రింగితే ఘనతేమున్నది
కఫము నిండ గొంతు యాతనెరుగుదువామరి
పంచభూతనాథుడవైతె మాకేమున్నది
వాతపైత్యాలతో సతమతమై పోబడితిమి
కాశీవిశ్వేశ్వరా కాళహస్తీశ్వరా
కాళేశ్వర ముక్తీశ్వర నమో రామలింగేశ్వరా

1.చావు భయం బ్రతుకు భయం మాకేల శంకరా
మృత్యుంజయ పాహిపాహి అభయంకరా
నిరతము నీనామజపము నీపైనే ధ్యానము
కనికరముతొ చేర్చుకోర నీ సన్నిధానము
కాశీవిశ్వేశ్వరా కాళహస్తీశ్వరా
కాళేశ్వర ముక్తీశ్వర నమో రామలింగేశ్వరా

2.అనివార్యమె మరణము అన్నది సత్యము
అనాయాస మరణమీయి అదే నీ ప్రసాదము
చిత్రవధతొ చిరకాలము మాకొద్దీ జీవితము
మూడునాళ్ళ బ్రతుకైనా కడకీయి కైవల్యము
కాశీవిశ్వేశ్వరా కాళహస్తీశ్వరా
కాళేశ్వర ముక్తీశ్వర నమో రామలింగేశ్వరా

https://youtu.be/593SoT002d0

రచన,స్వరకల్పన&గానం:డా.రాఖీ

రాగం:మానవతి

సప్తగిరులపై వెలిగే వేంకటరమణ
సప్త ఋషులు కీర్తించెడి శ్రీ చరణ
సప్తద్వారాల వైకుంఠమె నీ విలాసము
సప్తజన్మల దోషాలు హరించు నీ స్మరణము
స్వామీ నీకిదే మనసావాచా కర్మణా ప్రణామము

1.పద్మనాభ పురుషోత్తమ ఫణీంద్ర శయన
మాధవా రమాధవా మధుసూధనా
కేశవా సంకర్షణ హృషీకేశ వామనా
సహస్రనామాంకిత శ్రీనివాస పావనా
స్వామీ నీకిదే మనసావాచా కర్మణా ప్రణామము

2.జగన్నాథ జనార్ధనా జగదీశ వాసుదేవా
గోవిందా ముకుందా పుండరీక విఠలా
ఉపేంద్రా అచ్యుతా హరి నారసింహా
సహస్రనామాంకిత నారాయణ శ్రీధరా
స్వామీ నీకిదే మనసావాచా కర్మణా ప్రణామము

OK

రచన,స్వరకల్పన&గానం:డా.రాఖీ

నా అంతట నేనే- పలకరించాలా
నా మటుకు నేనే- పులకరించాలా
ఊసులెన్నొ చెప్పాలా- బాసలెన్నొ చేయాలా
ఎంతకాలమే చెలియా -One way traffic 
ఎందుకోసమే ప్రియా -నా దిల్ మే ధక్ ధక్

1.వెంటబడినా కొద్దీ -ఏం మిడిసిపడ్తున్నావే
అతిగా పట్టించుకొంటే -మితిమీరి పోతున్నావే
అందగత్తెవే నువ్వు - కాదని అనలేను
మంత్రగత్తెవే నీవు- నీ మాయలొపడినాను
దిక్కువేరె లేనేలేదు- నీవు మినహా
లక్కుగా మారిపోవే- లవ్ తో సహా

2.జగదేక సుందరికి- గర్వం సహజమే
అభిమాన ప్రేయసి టెక్కు- అంగీకారమే
నేనెలా మసలాలో -సెలవీయవే సఖీ
ఏరీతి మెప్పించాలో- చెప్పవే చంద్రముఖీ
వేరుదారి లేదు -దాసోహమనకుండా
ఎదిరించలేనే నీకు -నే లొంగిపోకుండా

OK

రచన,స్వకల్పన&గానం:డా.రాఖీ

నయానాలు తెలిపేను నవరసాల భావనలు
నేత్రాలు పలికేను కొంగ్రొత్త భాషలు
చక్షువులు లిఖించేను మది చదివే ప్రేమలేఖలు
కనుదోయి వెలయించేను కమనీయకావ్యాలు
సర్వేంద్రియాణాం నయనం ప్రధానం
అభినయ నృత్తానికి దృక్కులే ఉత్కృష్టం

1.అంబకాన సంభవించు అశ్రువర్షపాతం
అక్షులే కురిపించు శరశ్చచంద్రాతపం
ఈక్షణమే కలిగించు తీక్షణ శరాఘాతం
లోచనమే ప్రకటించును యోచనసారం
సర్వేంద్రియాణాం నయనం ప్రధానం
 అభినివేశ సాధనమున అవలోకనముచితం

2.హృదయానికి లోకానికి పీతువు సేతువు
జ్ఞానదృష్టి కలుగుటలో అంతర్నేత్రమె హేతువు
కళ్ళలో విరిసేను చెలిని కాంచ హరివిల్లు
ఆహ్లాదవేళ విశ్వంకరాల దరహాస పరవళ్ళు
సర్వేంద్రియాణాం నయనం ప్రధానం
అనుభూతి ఆస్వాదనకై నేత్రం అర్ధనిమీలితం

రచన,స్వరకల్పన&గానం:డా.రాఖీ

నువ్వంటె నాకెంతొ లవ్వంట
నువు సయ్యంటే నరాల్లొ జివ్వంట
విప్పిచెప్పినా ఇనుకోవె నీతో తంట
పెట్టేవు గుండెల్లొ హాయిగొల్పు మంట
రావె నారంగీ సింగారి మంగీ ఓ నవ్వుల సారంగీ
మోహనాంగీ కొంటెకోణంగీ ఒహో సంపంగి

1.నిద్దురలేస్తాయి సుద్దులే అవలిస్తు పొద్దుగుంకగానే
వద్దువద్దంటూనే పద్దులే రాస్తాయి ముద్దుముద్దుగానే
ముద్దమింగకున్నామానె  కడుపునిండేను ముద్దులతోనే
పట్టుపరుపులేకున్నగాని అలుపుతీరు నీ ఒడిలోనె
రావె నారంగీ సింగారి మంగీ ఓ నవ్వుల సారంగీ
మోహనాంగీ కొంటెకోణంగీ ఒహో సంపంగి

2.దుప్పట్లొ దూరితే చాలు మొదలౌను ముద్దుమురిపాలు
కౌగిట్లొ ఒదిగితే చాలు దొరికేను అన్నీ నాక సుకాలు
హద్దుపద్దులేకుండ గుద్దులాడజూస్తావె ముద్దరాల
ఎక్కితొక్కి ఎక్కిరించి మాయజేసి నెగ్గేవు సిగ్గురాల
రావె నారంగీ సింగారి మంగీ ఓ నవ్వుల సారంగీ
మోహనాంగీ కొంటెకోణంగీ ఒహో సంపంగి

OK

గుర్తుచేసుకుంటున్నావో
నన్ను తలచుకుంటున్నావో
పొలమారుతోంది తెరలు తెరలుగా
కాకి అరుస్తోంది గోలగోలగా
ఏం చేస్తున్నావో నేస్తమా
నీ దర్శనం నాకు ప్రాప్తమా

1చల్లగాలి నై వచ్చి నిన్ను తాకనా
.వానజల్లునై వచ్చి నిన్ను తడపనా
మల్లెపూవునై విచ్చి జడలొ ఒదగనా
తెల్లచీరనై మెచ్చి నిన్ను చుట్టనా
ఏం చేస్తున్నావో నేస్తమా
నీ దర్శనం నాకు ప్రాప్తమా


2.గోరింటాకునేనై నీ చేతిలో పండనా
పారాణిగా మారి పాదం ముద్దాడనా
చెవికి బుట్టానై ఊసులే గుసగుసలాడన
మువ్వల పట్టీనై కాలికి సవ్వడులే రేపనా
ఏం చేస్తున్నావో నేస్తమా
నీ దర్శనం నాకు ప్రాప్తమా

గులాబి మొగ్గ తొడిగింది నేడే
నిశితా నువు పుట్టిన రోజీనాడే
శుభాకాంక్షలందుకో నవ్వుల ఖజానా
అందుకో మామయ్య గీతికనే నజరానా
హ్యాప్పీ బర్త్ డే విష్యూ హ్యాప్పీ బర్త్ డే
హ్యాప్పీ బర్త్ డే నిశితా హ్యాప్పీ బర్త్ డే

1.ఇందారపువంశానికె అందాలరాణి
భవానీసత్తెన్నల ప్రియనందిని
రవిచంద్రుని సహధర్మిణి,శ్రీద్వైత జనని
దండనాయకుల ఇంట అదర్శగృహిణి
హ్యాప్పీ బర్త్ డే విష్యూ హ్యాప్పీ బర్త్ డే
హ్యాప్పీ బర్త్ డే నిశితా హ్యాప్పీ బర్త్ డే

2.వాగ్ధాటికి వాగ్దేవివి చదువుల మేధావిని
నీ పిక గాత్రముతో మురిసిపోవు ఆమని
సొగసూ సోయగం కలబోసిన భామిని
మమత మానవత సంగమ మనస్విని
హ్యాప్పీ బర్త్ డే విష్యూ హ్యాప్పీ బర్త్ డే
హ్యాప్పీ బర్త్ డే నిశితా హ్యాప్పీ బర్త్ డే

OK 

https://youtu.be/XL_0bxaj-fg?si=qb8-ecUkeQ0YG91Q

నాన్న ప్రాణ స్నేహితుడు
నాన్న జ్ఞాన బోధకుడు
నాన్న మార్గదర్శకుడు
నాన్న శిక్షకుడూ సంరక్షకుడూ
కనిపెంచే కనిపించే నాన్న దేవుడు

1.విశ్వసించగలిగే  ఆత్మీయుడు
విస్మరించలేని ఆప్తమిత్రుడు
మన ఉన్నతి కాంక్షించే గురువర్యుడు
లౌక్యాన్ని నేర్పించే ఆచార్యుడు
కనిపెంచే కనిపించే నాన్న దేవుడు

2.బ్రతుకు బాట వేసే శ్రేయోభిలాషి
దారితప్పనీయని అనవరత హితైషి
క్రమతతొ నడిపించి దరిజేర్చే దిక్సూచి
మన ప్రగతే తనదిగా భావించే మహర్షి
దైవత్వం నింపుకున్న ఇలోని మహా మనిషి

https://youtu.be/ktXSW7w173A?si=NiTUdd0qFRD4XNfH

రచన,స్వరకల్పన&గానం.:డా.రాఖీ

జగమే ఒక ఉయ్యాల-కాలమే జంపాల
జనులనూరడించగా జోలనీవె పాడాల
జంగమదేవరా అర్ధనారీశ్వరా
జననివి జనకుడివీ నీవేరా నీవేరా
రాజరాజేశ్వరా భవా భీమేశ్వరా

1.నీ విశ్వరచనలో మేము తోలు బొమ్మలం
నీ జగన్నాటకంలొ వచ్చే అతిథి పాత్రలం
ఆడించినట్టుగా ఆడి అలసిపోయాము
నడిపించినట్టుగా నడిచి సొమ్మసిల్లాము
మమ్ముల లాలించి పరిపాలించరా
నీ ఒడిలో సేదదీర విశ్రమించనీయరా

2.నియమాలే అతిక్రమించు జీవిత చదరంగం
నిబంధనలు పాటించక సాగు కాలచక్రం
నీ మాయల మర్మమైతె ఎరుగమైతిమయ్యా
నీ లీలల పరమార్థం నీకే తెలియునయ్యా
శోధించగ వేదనలే మిగిలేనయ్యా
నీ పదసన్నిధికై పొగిలితిమయ్యా

రచన,స్వరకల్పన&గానం:డా.రాఖీ

ఎంతగానో  మాకిష్టం -భక్షభోజ్యచోష్యలేహ్యాలు
భోజన ప్రియులకు ఆత్రం పంచభక్ష పరమాన్నాలు
లొట్టలేస్తు లాగించేస్తాం షడ్రసోపేతాలు
నోరూరించే కమ్మనైన తినుబండారాలు

1..నలభీమపాకమైతే చెప్పడానికేముంది
నేతి తీపి మిఠాయిలైతే రసన మురిసిపోతుంది
ఆవకాయ గోంగూరతో అదరహో ప్రతిపూట
అప్పడాలు వడియాలుండగ అదేకదా పండగ

2.అతిథిలాగ వచ్చేస్తాం తృప్తిగా భోంచేస్తాం
అమ్మలా ఆదరిస్తే కొసరికొసరి వడ్డిస్తే
ఆయాసమొచ్చేదాకా కడుపారా తింటాం
అన్నదాతా సుఖీభవా అంటూ దీవిస్తాం

రచన,స్వరకల్పన&గానం:డా.రాఖీ

స్నేహమంటె నాకెంతో  వ్యామోహం
నేస్తాల అంతరంగమంతా అనురాగం
ఏ ప్రేగు బంధం లేకున్నా రక్త సంబంధం కాకున్నా
అనిర్వచనీయమీ అనుబంధం
చిత్రమేసుమా మైత్రీబంధం-మన మైత్రీబంధం

1.ఏ గాలి కలిపిందో ఏ వేళ కలిసిందో
ఏ తీరు నచ్చిందో ఎదలోకి చొచ్చిందో
బలీయమైపోయింది బాంధవ్యం
అనంతమై సాగుతుంది ఈ పయనం
అనిర్వచనీయమీ అనుబంధం
చిత్రమేసుమా మైత్రీబంధం-మన మైత్రీబంధం

2.అద్దమల్లె మనవన్నీ స్పష్టంగా తెలుపుతుంది
కనబడని మనవెన్నే  కంటికి చూపెడుతుంది
పరకాయ ప్రవేశమే చెలిమికెపుడు తగు అర్థం
పరసువేది తత్వమే సఖ్యతకు పరమార్థం
అనిర్వచనీయమీ అనుబంధం
చిత్రమేసుమా మైత్రీబంధం-మన మైత్రీబంధం

రచన,స్వరకల్పన&గానం:డా.రాఖీ

జిత్తులమారి ఓ సుకుమారి
కత్తులునూరి చంపకె ప్యారీ
ఎత్తులతోని మత్తులొ ముంచి
చిత్తం దోచకే ఓ వయ్యారి
నను కడతేర్చడమే నీ వ్యూహం
నీ కడుపు నింపడమే నా ధ్యేయం

1.కొత్తిమీర రెమ్మవో అత్తి పత్తి కొమ్మవో
కమ్మని కరేపాకు రెబ్బవో దబ్బనిమ్మవో
కలపనా పులుసుతో ఘువఘమ  పులిహోర
అందించనా నంజుకోను నా మదితో నోరూర
నను కడతేర్చడమే నీ వ్యూహం
నీ కడుపు నింపడమే నా ధ్యేయం

2.విత్తులేలేని  ద్రాక్ష పళ్ళతోని
రసమే చేసి నోటికీయి సరసంగా
చిక్కనైన గుమ్మపాలు నీ ముద్దు మురిపాలు
తటపటాయించక చేయవె నా పాలు
నా కడుపు నింపజేయుట నీ ధ్యేయం
నిను కడతేఱనీయుట నా వ్యూహం

రచన,స్వరకల్పన&గానం:డా.రాఖీ

రాగం:భీంపలాస్

బంధాలు పెంచకు-బాధ్యతల ముంచకు
నీనుండి క్షణమైనా-నన్ను దూరముంచకు
రాజరాజేశ్వరా రామలింగేశ్వరా
కోరికలను నాలోన కలిగించకు

1.జిల్లుజిల్లుమంటోందా -లింగం పై నీళ్ళధార పోస్తుంటే
గుండె ఝల్లుమంటోందా-నీపై పూలు పత్రి పెడుతుంటే
ఎలా సేవించను నిన్ను-ఏ తీరున మెప్పించను
రాజరాజేశ్వరా రామలింగేశ్వరా
అభయకరము నీకరము-శుభకరము నీ దర్శనము

2.కన్నునీయలేను తిన్ననివోలే-నిను కనక మనలేను రెప్పపాటైనా
కన్నవాణ్ణీయలేను చిరుతొండనంబివలే-మమకారం విడలేను పొరపాటైనా
ఎలా నిన్ను వేడుకోను-ఎలా నిన్ను చేరుకోను
రాజరాజేశ్వరా రామలింగేశ్వరా
కరుణా సాగరం నీ హృదయం-ఆనందనందనం నీ సదనం

OK

సంతోషం దుఃఖం రెండూ కానిది ఆనందం
జననం మరణం తేడా లేనిది ఆనందం
ఇహమూ పరమూ ఏదైనా అదేసదానందం
నీలోనీవే నీతోనీవే రమించడమే ఆత్మానందం

1.నిరామయమై అలౌకికమౌ
అనిర్వచనీయ అనుభూతే
ఆనందం బ్రహ్మానందం పరమానందం
సుఖాల్లో పొంగక కష్టాల్లో కృంగక
నిశ్చల నిర్మల ప్రశాంతమైన దివ్య భావనే
ఆనందం మహదానందం యోగానందం

2. పసిపాప మోమున వసివాడిపోనీ
బోసినవ్వుల్లొ తరగని చెరగని
ఆనందం బాలానందం భవ్యానందం
సంసారం పరిత్యజించి బంధాలను వదిలేసి
అలక్ నిరంజనని తిరిగే యతికి
ఆనందం సత్యానందం నిత్యానందం

కలలొ కలుసుకుందాం ప్రతి రాత్రి
నెమరువేసుకుందాం మన మైత్రి
నిరాశయే దరిరాదు నీకు నేను తోడుంటే
నిస్పృహే మరిలేదు నీవే నా నీడంటే

1.ఉక్కగా ఉన్నాగాని తిక్కగా ఉన్నాగాని
నా పక్కన నువ్వనుకుంటె అదే అదే ఆమని
చీకటే చిమ్మినగాని  అమావాస్య కమ్మిన గాని
నీతో సాహవాసమే   కార్తీక పౌర్ణమి

2.నీ ఊహే మలయసమీరం నీ ఊసే మధుర సంగీతం
నీవున్న  తావే మొగిలి పూల తావి
నీ పలుకే మంజులనాదం నీ భావం పవిత్రవేదం
బంధాలకే అందం నీతో అనుబంధం

OK

OK

ఒక పాట నాకోసం.. పాడవే బంగారూ
నేనంటె ఏలనే నీకంత కంగారూ
నీ గొంతులోనా శంఖనాదాలు
నా మనసులో నీ వీణారవాలు
చెవులలో దూరేనూ తేనెల జలపాతాలు
తనువు తనివితీర్చేను నీ మధురగీతాలు

1.కోయిల జాడేలేదు నీ గళాన కొలువైంది
సన్నాయి ఉలుకేలేదు నీ స్వరాన నెలకొంది
వాయులీన వాద్యమే ఊపిరిలో దాగుంది
వేణువైతేనేమో  పెదవులతో ముడివడింది
ఎద మృదంగమై మ్రోగి లయగ గీతి నడిపింది
నరాలన్ని జివ్వుమనగ మువ్వల సడిరేగింది

2.కొంగ్రొత్త రాగాలే పలుకుతోంది నీ అనురాగం
మత్తుగొలుపు భావాలే చిలుకుతోంది రసయోగం
సంగీత శాస్త్రం లో అద్భుతమే మన అధ్యాయం
గాంధర్వ తత్వంలో అపూర్వమే మనసంయోగం
భావరాగతాళాలై గానమందు ఒదిగుందాం
యుగళగీతమై మనమే యుగయుగాలు బ్రతికుందాం

నీ మాటలు మత్తెక్కిస్తాయి-నీ పాటలు మైకాన్నిస్తాయి
నీ చూపులు కైపుగ తోస్తాయి-నీ నవ్వులు మాయను చేస్తాయి
ఎంజైమ్ లనే ఊరిస్తాయి నీ జ్ఞాపకాలు
ఎంజాయ్ నే కలిగిస్తాయి నీతో ఉన్నక్షణాలు
రసమాధురి హసితాఝరి-మనమైత్రియే పూమంజరి

1.సాంప్రదాయమంతా మేనపూసుకుంటావు
ఆధునాతన భావాలే వెళ్ళబుచ్చుతుంటావు
మూతికేమొ బట్టకట్టి కనువిందు విందులిస్తావ్
కాలికేమొ బేడివేసి ముందుకెళ్ళమని తోస్తావ్
ఎంజైమ్ లనే ఊరిస్తాయి నీ జ్ఞాపకాలు
ఎంజాయ్ నే కలిగిస్తాయి నీతో ఉన్నక్షణాలు

2.ఎక్కడెక్కడో ఎదమీటి రాగాలు పలికిస్తావు
ఒళ్ళంతా తీపులురేపే యోగాలు కలిగిస్తావు
పరుగుతీయబోతుంటే పగ్గాలు బిగబడతావ్
తప్పుకొనిపోయే వేళ తట్టిలేపి ఎగబడతావ్
ఎంజైమ్ లనే ఊరిస్తాయి నీ జ్ఞాపకాలు
ఎంజాయ్ నే కలిగిస్తాయి నీతో ఉన్నక్షణాలు

అందాలరాశి తరిగిపోదు నీ అందం కావ్యాలెన్ని రాసినా
పరువాల రాశి కరిగిపోదు నీ పరువం ఎంతగా గ్రోలినా
చిత్రమైన పొంకాలన్ని చిత్తం మొత్తం చిత్తుచేయగా
తీర్చుకుంట ఉబలాటం నిను వర్ణిస్తూ కించిత్తు రాయగా

1.నిండు జాబిలంటి ముఖబింబ సోయగము
దేవశంఖమంటి కంఠ సౌభాగ్యం
పూర్ణ కుంభాలనే తలపించు కుచద్వయం
నితంబినీ అమోఘమే నీ జఘనాల ఔన్నత్యం

2.పిడికిట ఒదిగెడి కటి సౌష్ఠవం
చూపుతిప్పుకోలేని నాభి ఆగడం
నూగారు రేపేను మరుగైన మరులను సైతం
ఊరువులే ఊరించేను జారేలా రసపాతం

3.తమలపాకు బోలిన లేత అరిచేతులు
అందెలతో డెందము దోచే సుందరమౌ పాదాలు
రతికేళివేళ పరిమితులకు తావేది అంతుచూడగా
స్వేదనదిలో ఈదులాడ ఇరువురొకరిగ కరిగి భావతీరాలు చేరగా

రచన,స్వరకల్పన&గానం:డా.రాఖీ

అల వల కల శిల బోధకులే
చెట్టు మెట్టు గుట్ట పిట్ట ఉపదేశకులే
మనిషి నడవడికి మార్గ దర్శకులే
చక్కనైన పరివర్తనకు నిర్దేశకులే

1.పట్టుదలను ప్రతిబింబించును అల
గుట్టుగా పట్టుకొనుటకు ప్రతీకయే వల
గాలిమేడలెప్పటికీ కూలేనంటుంది కల
శిల్పంగా మలుచుకొమ్మని చెబుతుందీ శిల

2.త్యాగాన్ని నేర్పుతుంది ప్రతిచెట్టు
విజయాన్ని చేర్చుతుంది ఒక్కోమెట్టు
స్థైర్యాన్ని సూచిస్తుంది చెదరని గుట్ట
బ్రతుకునెలా ప్రేమించాలో తెలుపుతుంది పిట్ట

రచన,స్వరకల్పన&గానం:డా.రాఖీ

ప్యార్ కరోనా ముఝె ప్యార్ కరోనా
నీ నిర్ణయమే చెలియా మేరా జీనా యా మర్నా
నువ్వే నా లవ్వు దేవత నా గుండెలొ గుడి కడతా
నువ్వే నా లైఫ్ నమ్మవే కాదంటే  నైఫ్ దింపవే
ఎన్నిజన్మలైనా నిన్నే వైఫ్ గా చేసుకుంటా
నీ  ఇంటి క్వారంటైన్ లో ఖైదీలా పడిఉంటా

1.నీ ఊసే వైరస్ లా నను వెంటాడుతోంది
నీ యాదే కోవిద్ లా వేధించివేస్తోంది
సానిటైజరేదివాడినా నన్ను వదలకుంది
ఫేస్ మాస్క్ యూజ్ చేసినా ఆపలేక పోతోంది
లాక్ డౌన్ చేయాలేమో నా మనసుకి
షడ్డౌనే చేయాలేమో నా తపనకి

2.వ్యాక్సినంటు లేనేలేదు వయసుపోరుకు
మందోమాకొ దొరకదాయే తనువు తీరుకు
భౌతికంగ దూరముండి కళ్ళుకళ్ళుకలపాలి
విహారాలు మానేసి విరహాన్ని గ్రోలాలి
ప్రేమరోగమంటూ రాకుండ మెలగాలి
అనురాగం బారినపడితే చావోరేవో తేలాలి

https://youtu.be/0ZIZEN9dUCQ?si=YPTuKm-X_7i87D98

కుటుంబ నావకు నావికుడు
సంతతికంతా నాయకుడు
అలుపెరుగని అసలైన శ్రామికుడు
తెర వెనకన నడిపించే దర్శకుడు
నాన్నేగా  ఆదర్శ పురుషుడు
నాన్నేగా  భవితకు మార్గదర్శకుడు

1.అవసరాలు నెరవేర్చే ఏటియం కార్డు
అనుక్షణం కంటి రెప్పలా కాచుకునే గార్డు
దారితెన్ను చూపించే కూడలి డైరెక్షన్ బోర్డు
దైవమే కనికరించి మనిషికొసగిన రివార్డు
నాన్న అల్లావుద్దీన్ దీపం
నాన్న బయటపడని ప్రేమరూపం

2.సింహాలను ఆడించే రింగ్ మాస్టర్
తప్పులన్ని మన్నించి చెరిపే డస్టర్
ఆపదలను పసిగట్టే పవర్ టెస్టర్
ఎప్పుడూ మద్దతు తెలిపే ఎనర్జి బూస్టర్
నాన్నంటే పంచప్రాణాలు
నాన్నవెన్నంటే  ప్రయాణాలు

https://youtu.be/zL7pYoF2S_8

రచన,స్వరకల్పన&గానం:డా.రాఖీ

రాగం:శుభాళి

తిట్టితిని మరి మరి గీపెట్టితిని
గొంతెమ్మకోర్కెలకై నే పట్టుబట్టితిని
తిరుమలేశ  నీ పాదాలా తలపెట్టితిని
ఎట్టకేలకు నీ  కావ్యగీతి  తలపెట్టితిని

1.ఒళ్ళుజలదరించేలా నీళ్ళుకుమ్మరించితిని
అభిషేకమేదో అయ్యిందనిపించితిని
తొడిమలైన తీయకుండా పూలన్ని చల్లితిని
వక్షానికి గుచ్చుకున్నా పూజపూర్తి చేసితిని
ఆరాధన పేరిట అపరాధమొనరించితిని
అహంభావినై నీకడ నే ప్రవర్తించితిని

2. ఓరిమిగా మనలేకా నిన్ను నిగ్రహించితిని
బాధ్యతనే విడినాడి నేనాగ్రహించితిని
అనుభవాల సారమంతా నే సంగ్రహించితిని
కర్తా కర్మా క్రియనీవేనని ఇపుడే గ్రహించితిని
ఫలితమేదైనా నే పరిగ్రహించితిని
బ్రతుకునీ  ప్రసాదమనీ ప్రతిగ్రహించితిని

*ఇక నేనాగలేకా చేరితిని తిరుపతిని
శ్రీవేంకటేశ్వరా కనులారనిన్ను దర్శించితిని
నే తరియించితిని*

OK

రచన,స్వరకల్పన&గానం:డా.రాఖీ

ఇంద్రజాలమేదో నీ పలుకుల్లో ఉంది
మత్తుమందుఏదో నీ తలపుల్లో ఉంది
కనికట్టుతోనే కదలకుండ చేస్తావు
మంత్రమేదొ వేసి మనసుకాస్త దోస్తావు

1.పెదాల్లోని మధువంతా నవ్వుల్లో చిందిస్తావు
కళ్ళల్లోని కైపంతా చూపుల్తో అందిస్తావు
భ్రమరాన్నై నేను తనువంతా వాలుతాను
పిపాసినైన నేను ప్రతి చుక్కా గ్రోలుతాను

2.రసన రసము సుధతో సరి సమానము
ఆదిష్టమైతేనో తేనెలా భావనము
తనురసము ప్రేపించు నిక్షిప్త మైకము
షడ్రసోపేతము దేహవిందు సత్యము

నీ ప్రతి కదలిక ఒక గీతి
నీ ముఖకవళిక బహుప్రీతి
ఆనందమే క్షణక్షణము నీతో సోపతి
ఆహ్లాదమే అనుదినము నీతో అనుభూతి

1.మండే ఎండలోనూ నీవొక చలివేంద్రం
కుంభవృష్టిలోనూ నీవే కదా నా ఛత్రం
నేనంటేనే  నేస్తమా నీకు ప్రేమపాత్రం
కలిపిఉంచుతోంది ఏదో చిత్రమైన సూత్రం

2.ఏదో చెప్పలేని వింత ఆరాధన
గుండె గుట్టుకోసమే నా శోధన
నిన్నుకనక పోతే ఎంతో వేదన
ఎలాతెలుసుకోగలవు నామది మధన

మందాకిని సొగసులు నీకే సొంతం
అలకనంద కులుకులు నీ పాదాక్రాతం
చూడబోతె అయస్కాంతం
చుప్పనాతి సూర్యకాతం
ననుచేకొనవే నవనవ లా చేమంతి
మనసందీయవె మిసమిసలా పూబంతి

1.గంగాతరంగిణే నీ అంతరంగం
యమునా తటియే నీ కటియోగం
తరించినా అంతరించినా నీ దయావిశేషం
వరించినా సవరించినా నీ కృపాకటాక్షం
ననుచేరరావే త్రివేణీగ సంగమించినా
నాలో లీనమైపోవే సాగరంగ పరిణమించినా

2.అధిరోహించగలనా ఇరుమేరు పర్వతాలు
అధిగమించగలనా వింధ్యగిరుల శిఖరాలు
లోయలు మైదానాలు దాటలేను నువు వద్దంటే
అరణ్యాలు కొండగుహలు అరయలేను కాదంటే
 సఖీ  నీవుతోడుంటె సాధ్యమే స్వర్గారోహణ
నువ్వు వినా బ్రతుకంటే స్పష్టంగా నరక నమూన

సజల నయనాలు-తెలుపు కథనాలు
వదన వర్ణాలు-ఎద దర్పణాలు
ముడిచిన ఆ పెదాలు-అణిచె వాస్తవాలు
ముదిత వెతకు ఒక్కటే భూతభవిష్యద్వర్తమానాలు

1.అడవి గాచిన వెన్నెల అతివ  అందమే
కొమ్మమీదనే వాడి రాలెడి విరి చందమే
వండిన వెన్నున్నా విస్తరెపుడు ఖాళీయే
తిండి ధ్యాస లేనపుడు షడ్రుచులూ వృధాయే

2.సూటిపోటి మాటలే గుండెలో గునపాలు
సగమై మిగిలినా కరువాయే మురిపాలు
సాంత్వన దొరికినా సమసేను మనాదులు
సుదతుల సౌధాలకు బలహీనమె పునాదులు

రచన,స్వరకల్పన&గానం:డా.రాఖీ

అలక ఏలనే కులుకుల చిలుకా
ఎద పంజరాన బంధించాననా
పలక వేలనే వలపుల మైనా
నిన్ను వదలనే ఇక ఏదేమైనా

1.ఎండైనా వానైనా-గూడు నీడనీయకా
రేయైనా పగలైనా-తోడెవరూ దొరకకా
బేలవైన వేళ నిన్ను చేరదీసానుగా
ముద్దూమురిపాలతో ఆదరించానుగా

2.ఊసులెన్నొ చెప్పాను-బాసలెన్నొ చేసాను
ఊహల్లో తిప్పాను-ఊడిగమే చేసాను
అనుక్షణం వినోదాన్నె కలిగించాను
అనుభూతులెన్నెన్నో నీకై పంచాను

కుంతల జలపాతం నీ నవ్వుల్లో
కురిసెను మకరందం నీ పలుకుల్లో
మంజుల భాషిణీ సుమధుర హాసినీ
నీ డెందము కవితల అందలం
నీ అందము భూతల నందనం

1.పాలకడలియందు ఆవిర్భవించినావొ
పూల పరిమళాలే నీమేనదాల్చినావో
క్షీరజ సంబంధి చందన సౌగంధి
నీవదన కమలం సూర్యకిరణ వికసితం
నీ నయన కుముదం చంద్రాతప హసితం

2.కఛ్ఛపినే ఇఛ్ఛగా వెంటతెచ్చుకున్నావో
పెదవులు వేణుధరునికిచ్చుకున్నావో
మానవ కలకంఠీ అభినవ సితికంఠీ
గంధర్వ గానాలు నీకే ఇల సొంతం
నాట్యశాస్త్రమే నీ నడకలు ఆసాంతం

OK

రచన,స్వరకల్పన&గానం:డా.రాఖీ

కాలం అమృతకలశం
చేజార్చకు ఏ నిమిషం
నిరర్థకంగ కోల్పోతే బ్రతుకు విలువ శూన్యం
నిజం తెలుసుకోకుంటే అది ఎంతటి దైన్యం

1.సుఖం దుఃఖమంటూ వేరువేరు లేవు
దృక్పథం మార్చుకుంటె  రాలేవవి నీ తెరువు
వేదనలో మోదములో ఆనందమె పొందేవు
అనుభవాలు ఏవైనా  ఆస్వాదించేవు

2.అభద్రతే ప్రతిఒక్కరి ఆందోళన హేతువు
నేటికంటె రేపటికే ప్రాధాన్యతనిచ్చేవు
భవితకై వగచివగచి ప్రస్తుతాన్ని వదిలేవు
మనిషిగా జీవించూ  చేరేవు దివిరేవు

రచన,స్వరకల్పన&గానం:డా.రాఖీ

రాగం:మధ్యమావతి

చిత్తశుద్ధిలేకపాయె సాయిబాబా
నా ఏకాగ్రత మాయమాయె సాయిబాబా
మొక్కుబడిగ గుడికేగుట దేనికి బాబా
మొక్కులు ముడుపులేల సాయిబాబా
దిక్కులుచూడనేల చక్కని నీ రూపుగనక
మక్కువ ఎక్కువగా నీపై లేనే లేదుగనక
సాయినాథా షిరిడీ సాయినాథా
సాయినాథా షిరిడీ సాయినాథా

1.మనసు ధ్యాస ఎప్పుడూ నీమీదనే నిలుపనీ
మాటమాటకు మాటిమాటికీ సాయీ అని పలుకనీ
ఏపని చేసినా మునుముందుగ నీకే తెలుపనీ
సఫలమో విఫలమో ఫలితం నీకే సమర్పించనీ
సాయినాథా షిరిడీ సాయినాథా
సాయినాథా షిరిడీ సాయినాథా

2.మనిషి మనిషిలో బాబా నిన్నే కాంచనీ
ఉన్నంతలొ కాస్తైనా నిరుపేదకు పంచనీ
పెద్దల కడ వినయముతో నా తలవంచనీ
ఎదుటివారిలోని మంచి నన్నే గ్రహించనీ
సాయినాథా షిరిడీ సాయినాథా
సాయినాథా షిరిడీ సాయినాథా

OK

మాట్లాడుమా ప్రియా అక్షరాలబాటలో
పలుకరించవే చెలీ పదాల పూలతోటలో
మధువును గ్రోలే మధుపం ఈర్ష్యపడేలా
సీతాకోకచిలుకే అలకతొ అంగలార్చేలా
పచ్చని పచ్చికబయళ్ళే తివాచీలు పరుచగా
అచ్చిక బుచ్చికలాడుతూ నన్నే అలరించగా

1.ఉద్యానవనమందు అందించు వలపులవిందు
వడ్డించవే వగలన్ని రంగరించి సొగసంతకుమ్మరించి
కొసరికొసరి తినిపించు మిసమిసలా పరువాలు
తాంబూలాన్ని మరిపిస్తూ అందించు అధరాలు

2.పవనాన్ని బ్రతిమాలి వీయమను శీతలాన్ని
ఎండవేడి నీడనీయ వేడిచూడు రసాతలాన్ని
నీ ఒడినే పడకగ మార్చి పవళింపనీయవె నన్ను
కలబడిన బడలికనే తీరిపోగ కునుకనిమ్ము

ఇంత చెప్పినా ఎరుగవైతివా-నా ప్రేమ సంగతీ
తెలిసికూడ తెలియనట్టుగా-నటిస్తే ఎలా నా పరిస్థితీ
ఐ లవ్యూ అన్నమాట బూతుకాదుగా
ప్రేమతెలుపడంలో ఏ రోత లేదుగా
మానెయ్యీ మనసుకు ముసుగెయ్యడం
కానియ్యి పారదర్శకం -ఎందుకు దాచెయ్యడం

1.పున్నమి వెన్నెలను ఆస్వాదించరా
మలయ సమీరాన హాయి పొందరా
జలపాతధారలెపుడు మదికి ఆహ్లాదమే
ప్రకృతి పచ్చదనం నయనానందకరమె
కోల్పోక సైతం అభిందించవచ్చు
మనోగతం తెలుపుతూ మన్నన సేయవచ్చు

2.బిడియపడితె భావాలు ఎలావ్యక్తపర్చగలరు
మొహమాటాలతో ఎలా స్వేఛ్ఛ పొందగలరు
తటపటాయిస్తుంటే తరుణం మించిపోదా
భాష చాలదనుకుంటే మార్గమేదొ దొరకదా
నువ్వు నువ్వుగా ఉన్నపుడే బ్రతుకునకర్థం
అర్థవంతమైన కాన్క అర్థమనుటె పరమార్థం

నువ్వా చిన్నదానివి( ?! )ఎన్నో వన్నె లున్నదానివి
వగలే పోతున్నదానివి
మాయచేసి మంత్రమేసి మదిదోచుకున్నదానివి
నీ గుండెలోతుల్లో దాచుకున్నదానివి

నువ్వా చిన్నోడివి (!! )మంచి మనసు ఉన్నోడివి
లౌక్యమే లేనోడివి
పాలేవో నీళ్ళేవో అసలేమాత్రం ఎరగనోడివి
నోట్లో వేలెడితే కొఱకనోడివి

1.1.ఏడ నేర్చుకున్నావే ఇంతటి నెరజాణతనం
చూడబోతే విస్తుబోయె నంగనాచి వైనం
1.2.విప్పిచెప్పినా గాని వినుకోని విశ్శెన్నవు
తెరిచి ఉంచినా నేరుగ చొరబడనేరవు
పాలేవో నీళ్ళేవో అసలేమాత్రం ఎరగనోడివి
నోట్లో వేలెడితే కొఱకనోడివి

2.1కన్నుగీటి సైగచేసి నన్నుకాస్త పిలిచేవు
పంటినొక్కు లెన్నొనొక్కి నీ బాంచను చేసేవు
2.2.మెచ్చిందా మగువ నిను చచ్చేదాక వదలదు
అలకొచ్చిందా మగడా కాళ్ళబేరమైతెగాని కుదరదు
మాయచేసి మంత్రమేసి మదిదోచుకున్నదానివి
నీ గుండెలోతుల్లో దాచుకున్నదానివి