 |
రచన,స్వరకల్పన&గానం:డా.రాఖీ
సైగతొ రమ్మంటావు-మాటతొ పొమ్మంటావు
వస్తే జారుకుంటావు-పోతే జాలిగొంటావు
అదేంటో ప్రియతమా నీ వాలకం
నీ హృదయమయ్యిందా ఒక లోలకం
1.చేరువకాబోతే మూతివిరుపులు
దూరంగా జరిగితే వలపు పిలుపులు
కబురంపుతావు కపోతాలతో
కలలోన దూరుతావు వరమాలతో
అదేంటో ప్రియతమా నీ వైఖరి
అర్థమై చావదు నీదైన ఈ శైలి
2.వెళ్ళబోస్తావు నాతో నీ వేదనంతా
సాయపడగ వద్దంటావు ఇసుమంతా
వినకుంటే విసుగేల నీకు
మనసుకింక ముసుగేయకు
అదేంటో ప్రియతమా నీతత్వము
సాంత్వనకోసమేనా ప్రతి నేస్తము
https://youtu.be/ryHd9sFXZSU
రచన,స్వరకల్పన&గానం:డా.రాఖీ
పాలు నా లోపాలు- నీకె అందించెదరా
రోలు నా చిత్తము -నిను బంధించెదరా
వెన్ననే నా మనసు -ఇంక అపేక్షించరా
నా కన్నుల యమునవంక -విహరించరా
జగన్మోహన కృష్ణా -నను గ్రహించరా -అనుగ్రహించరా
1.వలువలు నా వాంఛలు సంగ్రహించరా
చిలువలు పలువలు వలపులు నిగ్రహించరా
కాళీయునివంటివి నా కామనలు మధించరా
కబళించే రిపులార్గురు తక్షణమే వధించరా
జగన్మోహన కృష్ణా నను గ్రహించరా అనుగ్రహించరా
2.గోవులు నా ఇంద్రియాలు పాలించరా
కుబ్జయే నా వక్ర బుద్ధి చేరి లాలించరా
రాధికగా ఎంచి నాతో రతి కేళించరా
సుధామునిగ భావించి నన్నుద్ధరించరా
జగన్మోహన కృష్ణా నను గ్రహించరా అనుగ్రహించరా
రచన,స్వరకల్పన&గానం:డా.రాఖీ
విరహిణి ఈ విరిబోణీ
మురహరినే కూడ కోరి
అరవిరిసిన ఆ విరుల
భ్రమరాలు వాల సంభ్రమంగ
ఆవిరులే రేగిపోగ వేచె అవిరళంగా
1.అలనాటి బృందావన రాధికగా
కలలుగన్న రేపల్లె గోపికగా
ఎదనే పరిచింది పడకగా
యుగాలె వేచింది ఓపికగా
గోవిందుడు రాడేమని విభ్రమంగా
ఆవిరులే రేగిపోగ వేచె అవిరళంగా
2.మీరాలా అనురక్తి మీరగా
అనవరతం భక్తి ఇనుమడించగా
అంతర్యామితో సఖ్యత మించగా
అంతరాన రక్తితో రమించఎంచగా
ముకుందుడి జాడగనక అలజడిగా
ఆవిరులే రేగిపోగ వేచె అవిరళంగా
రచన,స్వరకల్పన&గానం:డా.రాఖీ
అందమైన పాదాలు అతివకు అదనపు మవ్వం
ఆ పాదాలకు మంజీరాలే మరి మరి వైభవం
మంజీరాలకు మంజులనాదం కూర్చేను నవజీవం
మంజులనాదమె ఎదలో రేపును ప్రణయభావం
1.తీర్చి దిద్దిన పారాణి పదముల సొబగు
పారాణి అరుణీమయే ముచ్చట గొలుపు
అరుణిమ బుగ్గల సిగ్గుగ మారి పెంచును సొంపు
సిగ్గులొలికే ముద్దరాలే అయస్కాంతమై ఆకర్షించు
2.గోరింటాకే చరణాలకు ఎంతటి ఇంపు
చరణాల చిత్రించిన చిత్రాలే సొగసుకు పెంపు
చిత్రంగా కోమలి పావర ముద్దాడాలనిపించు
కోమలి కోమల అడుగులకు మడుగులొత్తాలనిపించు
రచన,స్వరకల్పన&గానం:డా.రాఖీ
తుర్రు పిట్టలా మాయమౌతావ్ -వచ్చీరాగానే
రామచిలుకలా జారుకుంటావ్-జాతకమిస్తూనే
మెరుపుతీగలాగ నీవు-మెరిసి వెళ్ళిపోతావు
స్వాతి చినుకువైనీవు-కురిసి వెలిసి పోతావు
ఎలా నిన్ను పట్టుకోనూ వలపుల వలన
ఎలా నిన్ను పెట్టుకోను నా ఎదమాటున
1.నువ్వు తోడుగా ఉంటే అనుక్షణం పాటలే
నువ్వంటూ లేనినాడు చెప్పని రాని పాట్లే
అలా అలలా పొంగి వస్తుంది కవ్విస్తూ కవిత్వం
ఇలా ఇలలో నందనవనిలా మారుస్తూ జీవితం
ఎలా నిన్ను పట్టుకోనూ వలపుల వలన
ఎలా నిన్ను పెట్టుకోను నా ఎదమాటున
2.బీడైన గుండెల్లో పండిస్తుంది కైత కలలు పంటలు
మోడైన తలపుల్లో వేయిస్తుంది ఆశల చివురులు
కడలేని ఎడారి దారుల్లో అనునయాల ఒయాసిస్సై
ఎడతెగని చీకటి రాతిరికి ఊరడించు తొలి ఉషస్సై
ఎలా నిన్ను పట్టుకోనూ వలపుల వలన
ఎలా నిన్ను పెట్టుకోను నా ఎదమాటున
రచన,స్వరకల్పన&గానం:డా.రాఖీ
అద్దంలో నన్ను నేను చూసుకుంటే
ప్రతిబింబం నువ్వుగా తోస్తుంటే
తలపులలో పదేపదే నువ్వే వస్తుంటే
నాలోనేనే పిచ్చిగా నవ్వుకుంటుంటే
నమ్మలేవా ఇపుడైనా నీపై ప్రేమంటే
నువ్వు మాత్రమే ఇకపై నా బ్రతుకంటే
1.వెన్నెలలో ఈదాడాలనిపిస్తుంటే
మబ్బులే అబ్బురాలై కనిపిస్తుంటే
వానలోన వెర్రిగా గెంతాలనిపిస్తుంటే
ఒంటిమీద ధ్యాసంటూ లేకపోతుంటే
ఒప్పుకోవా ఇపుడైనా నీపై ప్రేమంటే
ఒక్కమాటే ఇకపై నా నువ్వే బ్రతుకంటే
2.కొత్తగా తెగువేదో వెల్లువెత్తుతుంటే
లోకమే నీముందు లోకువైపోతుంటే
ఆకలి దప్పులు అస్తవ్యస్తమౌతుంటే
నిద్దురమాని నీపై ఎన్నో కవితలు రాస్తుంటే
అర్థమైంది పూర్తిగా ఏమిటో ప్రేమంటే
నువ్వే లేక శూన్యమే ఇకనా బ్రతుకంటే
https://youtu.be/6Oku00xmehk
రచన,స్వరకల్పన&గానం:డా.రాఖీ
రాగం:ముల్తానీ
ఘోరతపము సలుపలేను
ఆఘోరాగ మసలలేను
ఘోటక బ్రహ్మచర్య మవలంబించలేను
ఘోరరాసి జిత్తులనూ త్యజించలేను
పరమశివా నన్నుద్ధరించుటే నీకు సవాలు
ప్రమథాధిప నీవెంత ఎత్తితేనేం శివాలు
హరహర భవహర హరహర నమశ్శంకరా
1.ఝషాది దశావతారాలు నీవూ ఎత్తైనా
ఝర్ఝరీ గంగతొ ప్రక్షాళనమొనరించైనా
ఝరుక రొదలా నా చెవుల పంచాక్షరి నుడివైనా
ఝలిలాగ వదలక నను పట్టుపట్టైనా
పరమశివా నన్నుద్ధరించుటే నీకు సవాలు
ప్రమథాధిప నీవెంత ఎత్తితేనేం శివాలు
హరహర భవహర హరహర నమశ్శంకరా
2.నా డెంద పుష్పమందించెద సదాశివా
మిళిందమోలే గ్రోలరా నాలోని ఇహయావ
నీ చరణావిందములందు నా మది బంధించరా
చిదానంద నాకిక కైవల్య సదానందమొసగరా
పరమశివా నన్నుద్ధరించుటే నీకు సవాలు
ప్రమథాధిప నీవెంత ఎత్తితేనేం శివాలు
హరహర భవహర హరహర నమశ్శంకరా
https://youtu.be/NInj3KHvOE4
రచన,స్వరకల్పన&గానం:డా.గొల్లపెల్లి రాంకిషన్ రాఖీ
అమ్మకే తొలుత నా ఎదలో చోటు
ఎవరూ పూడ్చలేరు అమ్మలేని లోటు
అమృతమే ఏనాడు అమ్మచేతి సాపాటు
అమ్మా అనురాగం వేరంటే పొరపాటు
అమ్మ అన్న భావనే అపురూప మోయి
అమ్మ ఇచ్చు దీవెనతో బ్రతుకే హాయి
1.తల్లిపక్షికెంత ప్రేమనో తన పిల్లల మీద
గోమాతకెంత ధ్యాసనో లేగదూడ ఎడల
పిల్లికెంత జాగ్రత్తనొ తన కూనల హితము
క్రిమికీటకాలలోనూ ఘనమే అమ్మతనము
అమ్మ అన్న భావనే అపురూప మోయి
అమ్మ ఇచ్చు దీవెనతో జీవితమే హాయి
2.ఎండకు వానకు అండగ తానుండును
తెగబడి పోరును హానికలుగకుండను
ఆహారమునార్జించి కోరికోరి తినిపించును
సృష్టిలో మాతృత్వమె మహనీయమనిపించును
అమ్మ అన్న భావనే అపురూప మోయి
అమ్మ ఇచ్చు దీవెనతో జీవితమే హాయి
భావానికి జన్మస్థానం ఏ తావో
ప్రాణానికి మర్మస్థానం ఎచ్చటనో
గుండెలోన నిండి ఉంటుంది అరుణము
మెదడంతా పరుచుకొని ఉంది కణజాలం
అనుభూతులకు ఆలవాలమేమిటో
అనుభవాలకు భండాగారం ఎక్కడో
1.కణకణమున జీవపు జాడలు
అంగాంగ చైతన్యపు పొడలు
నిర్మాణపు మర్మం ఎవరు చెప్పగలరిలలో
విధివిధులను పురమాయించే వారెవరిలలో
అండాలు సంకలిస్తేనే పుట్టుక సాధ్యమా
మృతి సంక్రమిస్తే ఆత్మసంగతి చోద్యమా
2.ఆయువుపట్టుకు మూలం ఎక్కడో
ప్రాయము మించగ మరణం ఎందుకో
నాసికవాదం వైద్యవిధానం తేల్చని ప్రశ్నలే
మతతత్వం వేదాంతం ఊరటనిచ్చే ఊతాలే
నిరంతరం కొనసాగాలి సత్యశోధనే
ఆన్వేషణలో వికసించాలి మానవ మేధనే
రచన,స్వరకల్పన&గానం:డా.రాఖీ
ఒక రాజకుమారి నా ప్రేమను కోరి
వీక్షిస్తోంది నాకై గవాక్షాన్ని చేరి
ఒక వయ్యారి చంద్ర చకోరి
నిరీక్షిస్తోంది నాకై ఆత్రుత మీరి
రెక్కల గుర్రం మీద చుక్కల లోకం దాకా
ఎక్కించుకొని ఎగరేసుకొని వెళ్ళేటందుకా
1.తోటరాముడంటి నన్ను ఏటివద్ద చూసిందేమో
పాటపాడుతున్న నన్ను కోటలొ కనుగొన్నదేమో
మల్లయుద్ధ సాధనపుడు నా ఒంటిని కాంచిందేమో
నేదిద్దే కోరమీసం తన అంచనాను పెంచిందేమో
పావురంతొ కబురెట్టింది ఎంతో పావురంగా
వెన్నెలవేళ కలువగరమ్మని మరీ మరీ మురిపెంగా
2.చోరులను పట్టినపుడు ధీరునిగా ఎంచిందో
మగటిమికి పడిపోయి మనసు పారవేసుకుందో
ఆపన్నులనాదుకోవడం ఆనోటా ఈనోటా విందో
తనకు తగిన వరుడను నేనని నిర్ణయించుకుందో
పావురంతొ కబురెట్టింది ఎంతో పావురంగా
వెన్నెల వేళ కలువగరమ్మని మరీ మురిపెంగా
రచన,స్వరకల్పన&గానం:డా.రాఖీ
మనసుంటే ఉండదా మార్గము
చెలీ నీవున్న చోటే కద స్వర్గము
అనురాగం మనిషికి జన్మతః నిసర్గము
నాణానికి ఇరువైపులె ప్రేమా విసర్గము
1.పొంగిపొరలిపోతోంది నాలో ప్రణయము
దాగడమే నోచుకోదు నీపైన మోహము
కలిసికట్టుకుందాము అన్యోన్య భవనము
కాపురాన్ని పండిస్తూ గడుపుదాము జీవనము
2ఎనలేని విలువిస్తా నీ వ్యక్తిత్వానికి
గగన సుమం కోసిస్తా నీ అభీష్టానికి
ముల్లుగుచ్చకుండా నా అరచేతుల నడిపిస్తా
ఏడేడు జన్మలకూ నన్నే కోరేలా ముడివేస్తా
నా ధ్యాస నీమీదనే శ్రీనివాస
నాకికపై నీ ఎడలనె ఏకైక జిజ్ఞాస
నీగురించి ప్రజ్ఞానమే నా ఉఛ్వాస
ఐహికగత అజ్ఞానమే నా నిశ్వాస
నా ధ్యానము చెదరనీకు ప్రభో తిరుమలరాయ
ఆత్మ జ్ఞానమొసగు స్వామి నమో అచ్యుతాయ
1.పరమపదము కన్న మిన్న మరియేది వరము
నీ శ్రీపదము చెంత నున్న కలుగునా కలవరము
అనవరతం వ్రతముగా స్మరించనీ తిరునామం
అనుక్షణం దీక్షగా జపించనీ అష్టాక్షరి మంత్రం
నా ధ్యానము చెదరనీకు ప్రభో తిరుమలరాయ
ఆత్మ జ్ఞానమొసగు స్వామి నమో అచ్యుతాయ
2.తొలుత నీ సన్నిధిలో ఆత్మ పరమాత్మలం
పరీక్షించదలచి నన్ను పడద్రోస్తివి ఈ ఇలాతలం
చెరిపివేయి మనదూరం చేర్చు స్వామి భవతీరం
సర్వస్యశరణాగతినీవే అభయకరం నీ శ్రీకరం
నా ధ్యానము చెదరనీకు ప్రభో తిరుమలరాయ
ఆత్మ జ్ఞానమొసగు స్వామి నమో అచ్యుతాయ
రచన,స్వరకల్పన &గానం:డా.రాఖీ
మనకు లేక వెలితితొ వెత ఒక ఎత్తు
ఎదుటివారికుంటే తెలియని బాధెందుకో కించిత్తు
అసూయకు ఆజ్యం పోస్తే మనుగడకే విపత్తు
ఈర్ష్యకంటూ చోటిస్తే భవితా బ్రతుకూ చిత్తు చిత్తు
1.సుయోధనుడి అసూయ ఫలితం కురుపాండవ సంగ్రామం
అర్జునుడి అసూయవల్ల ఏకలవ్యు అంగుళి మాయం
సత్యభామ అసూయతోనే కృష్ణ తులాభారం
అనర్థమౌ అసూయతో వ్యక్తిత్వానికి కళంకం
2.మాత్సర్యం వల్ల మనసుకంటుకుంటుంది మసి
దృక్పథాన్ని మార్చుకుంటే ఇనుమడించు పట్టుదల కసి
సకారాత్మకత మనుషులకెప్పుడు చక్కని మార్గదర్శి
తెలియకనే సదరువ్యక్తులను ఆరాధించడమే వెరసి
రచన,స్వరకల్పన&గానం:డా.రాఖీ
హృదయంలో ఆర్ద్రత
మనసులో ప్రశాంతత
కర్మ ఎడల నిబద్ధత
ఫలితమంటే నిరాసక్తత
ఇదికదా జీవన విధానం
ఇదే సదానంద సంధానం
1.అనుభవాలు జీవితాన భాగాలై
జ్ఞాపకాలేవైనా అధర దరహాసాలై
సహానుభూతులే మానవతా వేదాలై
అనురాగం రవళించే సమైక్యతా నాదాలై
ఇదికదా జీవన విధానం
ఇదే సదానంద సంధానం
2.పాత్రకేమాత్రం అంటని పాదరసమై
తామరపత్రాన తారాడే నీటిబిందువై
అత్తిపత్తిలాగా తాకనీక తప్పుకుంటూ
ఉల్లిపొరల బంధాలన్నీ విప్పుకుంటూ
ఇదికదా జీవన విధానం
ఇదే సదానంద సంధానం
సప్తగిరీశా అష్టైశ్వర్య వికాస
నవరసపోష దశవిధ వేషా
సహస్రనామ విశేషా జగదీశా
భక్తజనాకర్ష శ్రీరమణ నమోస్తు సంకర్షణ
1.అతిపవిత్రము ఇల తిరుమల క్షేత్రము
ధన్యమే మనుజజన్మ నీ దర్శన మాత్రము
దయకురిపించును నీ అర్ధనిమీలిత నేత్రము
నీ తిరునామమే పరమొసగెడి మంత్రము
2.ఆకాశ గంగ పావన కపిలతీర్థము
నిండామునుగంగ భవ పాపనాశనము
అలమేలుమంగాపట్టణ భవ్య వీక్షణము
పరిణమించు జీవితాన మోక్ష కారణము
https://youtu.be/qZCbUodkjLA?si=QwmDFkeTkGon7QZd
రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం : అభేరి (భీంపలాస్ )
ప్రియాతి ప్రియమైన స్వప్నలోక సామ్రాజ్ఞికి
ఈ గీతమే ఊతమైంది నీకు రాయు ప్రేమలేఖకి
సరస హృదయ సుమకోమల భావాల నగకి
లలిత లలిత అలతి అలతి పదాలనే అతికి
నా ఎదనే అందించా నీ పాదాల ముందుంచా
సమాదరించవే అవధరించవే నను ధరించవే
1.అల్లసానివారి జిగిబిగి అల్లికను అరువు తెచ్చుకున్నాను
శ్రీనాథసార్వభౌము శృంగార రసాన్ని పుణికిపుచ్చుకున్నాను
పోతనార్యు కవన ద్రాక్షాపాకాన్ని నే గ్రోలియున్నాను
కృష్ణశాస్త్రి అనన్య లావణ్య శైలిని ఆకళింపుగొన్నాను
నభూతో నభవిష్యతిగ ఈ ప్రణయ గీతి రాస్తున్నాను
2.హంసరాయభారమై ఆలరారును ఈ గీతము
కపోతప్రాప్త సంకేతమై నిను చేరును నా చిత్తము
కిసలయ రుచి మరిగిన పిక కూజితమీ గేయము
మేఘసందేశమై ధర వరలును సఖీ ఈ ఉత్తరము
సంపూర్తిగ కడు ఆర్తిగ నీలో లయించ నామానసము
రచన,స్వరకల్పన&గానం:డా.రాఖీ
కలం సాగడం లేదు నువు వరించక
పదం పొసగడం లేదు సవరించక
నా స్ఫూర్తివి ఆర్తివి నువ్వే అది నువ్వే
కవితకు స్ఫురణ ప్రేరణ నువ్వే అదినువ్వే
కనిపించవేమే కనికరించవేమే
వివరమెరిగినాగానీ వరమీయవేమే
1.నన్ను పలకరించి ఎన్నాళ్ళైందో
మనసు పులకరించి ఎన్నేళ్ళైందో
నీకలా ఏమాత్రం అనిపించదా
ఎదసవ్వడి కాస్తైనా వినిపించదా
దేవతవే నీవంటే శిలలాగ మారాలా
గుండెనే అర్పిస్తే బండలాగ మార్చాలా
కనిపించవేమే కనికరించవేమే
వివరమెరిగినాగానీ వరమీయవేమే
2.మాటలతో మభ్యపెట్టీ నెగ్గగలరు మా'తలంతా
మౌనంతో ఉగ్గబెట్టీ గెలువగలరూ నెలతలంతా
క్రిందైనా మీదైనా చెలీ మీదేగా మాపై పైచేయి
ముందైనా వెనుకైనామీరే పడగొట్టే గడుగ్గాయి
కాళ్ళబేరాలే మీతో మాకు పరిపాటి
యోధానుయోధులైనా రాలేరు మీకు పోటి
కనిపించవేమే కనికరించవేమే
వివరమెరిగినాగానీ వరమీయవేమే
రచన,స్వరకల్పన&గానం:డా.రాఖీ
అతను: వేచివేచి చూసే ఘడియ నిజమయ్యే దెన్నడో
ఆమె: ఎదిరిచూసి అలసిన మనసుకు ఊరట మరి ఎప్పుడో
అతను: ఎడబాటులోనా పెరిగేను ప్రేమా
ఆమె: విరహాల లోనా కాగేము కామా
అతను: కాలమా పరుగిడవే చెలిచెంత లేనివేళలందున
ఆమె: సమయమా కదలకుమా ప్రియుని కూడియున్న తరుణాన
1.అతను: ప్రతీక్షయే తీక్షణమైతే ప్రతీక్షణం అది ఒక శిక్ష
ఆమె: నిరీక్షణకు మోక్షం లేక అనుక్షణమో అగ్నిపరీక్ష
అతను: లక్ష్యపెట్టి ననుచేర పక్షిలాగ ఎగిరొచ్చి ఎదవాలు
ఆమె: నీ దక్షత చూపించి వశపరుచుకొ నా పరువాలు
అతను: కాలమా పరుగిడవే చెలిచెంత లేనివేళలందున
ఆమె: సమయమా కదలకుమా ప్రియునికూడియున్న తరుణాన
2.అతను: అర్థమే కాలేదు అందుబాటైనంత వరకు
ఆమె: వ్యర్థమై పోనీయకు దాచిన విలువైన నిక్కు
అతను: దారితప్పి పోమాకే మనసా రమించక
ఆమె: స్వర్గాన్ని చేరేదాకా శ్రమిద్దాం విరమించక
అతను: కాలమా పరుగిడవే చెలిచెంత లేనివేళలందున
ఆమె: సమయమా కదలకుమా ప్రియునికూడియున్న తరుణాన
https://youtu.be/Y8fyPjJCd6Y
రచన,స్వరకల్పన&గానం:డా.రాఖీ
గురువారం గురువారం
గురుదేవ దత్తుని ప్రియవారం
షిరిడీ సాయి దర్శనవారం
సిరులను కూర్చెడి లక్ష్మీవారం
గురురాఘవేంద్ర స్మరవారం
మనమంతా సద్గురు పరంపర పరివారం
మనసా శిరసా వచసా గురువులకిదె నమస్కారం
1.అత్రివర పుత్రుడిగా శ్రీపాద శ్రీవల్లభ మూర్తిగా
ధర గురు నరసింహ సరస్వతిగా
సాయిబాబాగా పత్రిలొ పర్తిలొ పుట్టిన అవధూతగా
గజానన మహరాజ్గా అరుణాచల రమణునిగా
అందరం గురువుల నెరిగిన వారం మనం వారి పరివారం
మనసా శిరసా వచసా గురువులకిదె నమస్కారం
2.మంత్రాలయ దైవంగా కంచి పరమాచార్యునిగా
మెహర్బాబాగా గురునానక్ గురుగోవింద సింగ్ గా
గౌతమబుధ్ధునిగా మహావీరునిగా మహావతార్ బాబాగా
జన్మగురువులు అమ్మానాన్నలు ఉపదేశ విద్యాబోధకులుగా
తీర్చుకోలేము వారి ఋణం ఎవరం మనంవారి పరివారం
మనసా శిరసా వచసా గురువులకిదె నమస్కారం
రచన,స్వరకల్పన&గానం:డా.రాఖీ
ఈ ఒంటి కంటి కొంటె చూపులేంటో
నీ పంటినొక్కు వెంటాడగ వలపు పిలుపులేంటో
జడుడైనా మడివీడి నీ జంటగా మారడా
మునియైనా తపముని మాని తుంటరైపోడా
కేశిని కలశస్తని తాటంకిని నితంబిని
నెరజాణా తరళేక్షణా సరస శృంగార వీణా
1.వాలు చూపులు ఓర చూపులు దాటేసినావే
వేలి చుట్టులు కాలి గీతలు మించిపోయావే
నర్మగర్భ ఆహ్వానాలు మాయమాయెనే
సంకేత పదబంధాలు పాతవింతలాయెనే
విప్పేయకే చప్పున ఇప్పుడే విస్మయగుప్పిటి
ఊరించగ ఉడికించగ రాజేయవే తపనల కుంపటి
2.ఏటివంక నువ్వు రావడం నీటివంకతో
గోడ మాటు మాట కలపడం గోరువంకతో
కోవెల గంటల గణగణలో రహస్య భాషలో
కోనేటి కలువలడగడం కలువగ మిషతో
అపురూపమౌ అరుదైన ఆ విలక్షణ లక్షణాలు
అనుభూతులై ఆహ్లదమొలుకగ నిరీక్షణ క్షణాలు
రచన,స్వరకల్పన&గానం:డా.రాఖీ
ఏది కమలమో పద్మముఖీ భ్రమరానికి విభ్రమమే
ఏది ఝషమో మీనాక్షీ జాలరికీ సంశయమే
కెంపులు వెలవెలబోయాయి నీ చెంపల సోంపు చూసి
దానిమ్మలు ఖంగుతిన్నాయి నీ దంతాల ఇంపు గాంచి
నీలవేణీ నీవంటి నాయకిలేదు ఏ కావ్యాన
ఇగురుబోణి నినుబోలిన ఇంతేలేదు లోకాన
1.పూవనమే నీ తనువు యవ్వనమే నీ ధనువు
పావనమే నీతో మనువు జీవనమే దివితావు
అనన్యమౌను సంగమం ధన్యమౌను నీతో జన్మము
నీలవేణీ నీవంటి నాయకిలేదు ఏ కావ్యాన
ఇగురుబోణి నినుబోలిన ఇంతేలేదు లోకాన
2.ఊహలకే పరిమితము నీవేనా అభిమతము
మరిచానే నా గతము నువ్వే ఇకనా జీవితము
బ్రతుకే నీకు అంకితము నీతో భవితే కాంచనము
నీలవేణీ నీవంటి నాయకిలేదు ఏ కావ్యాన
ఇగురుబోణి నినుబోలిన ఇంతేలేదు లోకాన
రచన,స్వరకల్పన&గానం:డా.రాఖీ
సాఫీగ రోజుసాగాలంటే
కాఫీలు చాయలు తాగాలంతే
సూఫీ కవితలు తెలియదంటే
మాఫీ చేసేదంటూ లేనేలేదైతే
ఉత్తేజమేదో అలలెత్తుతుంది కాఫీ ఆస్వాదిస్తే
చైతన్యమేదో శివమెత్తుతుంది తేనీరు సేవిస్తే
1.సురాపానమే మానేవాళ్ళు
అసురులు కాఫీ ఎరిగుంటే
సుధారసమునే గ్రోలకపోదురు
దివిజులు చాయను త్రాగుంటే
మైకమేదో కమ్ముతుంది కాఫీని చప్పరిస్తే
మత్తన్నదే ముంచెత్తుతుంది టీని సిప్ చేస్తే
2.తత్వాలెన్నో చెప్పేస్తారు
కాఫీని నమ్మెడి కాఫిర్లంతా
గజళ్ళనెన్నో గుప్పిస్తారు
చాయను కోరెడి షాయర్లంతా
కబుర్లకే వేదికలౌతూ కాఫీషాప్ లు
చిట్ చాట్ స్నేహపు బంధాలౌతూ టీకొట్టులు
OK
రచన,స్వరకల్పన&గానం:డా.రాఖీ
వేతన జీవులు చేతన శూన్యులు
ఆ యాతన జీవులు వాస్తవ మాన్యులు
దేశానికి ఊతమై వరలే ధన్యులు
సగం జీతాన్ని జాతికి పంచే వదాన్యులు
జయహో ఆ పన్నుల వెన్నుదన్నులారా
జోహార్ బడుగు జనుల పెద్దన్నలారా
1.ధరలేమో ధరను వీడి గగనసుమాలై
నిత్యావసర వస్తువులే నింగిలొ తారలై
గుట్టుగా నెట్టుకొచ్చే కుటుంబరావులు బాహుబలులై
అప్పుకు గొప్పకు మధ్యన నలిగే అప్పుల అప్పారావులై
2.బెట్టుగ ఉట్టికి ఎగరలేక స్వర్గానికి నిచ్చెనలు
చీటికి మాటికి చీటీ పాటలె గండాలకు వంతెనలు
ఇంటినిండా విలాసాలుగా నెలసరి వాయిదాలు
మధ్యతరగతి మారాజులకు రోజూ మహా ప్రస్థానాలు
కూచిపూడి నర్తనమే భామా నీ కలాపం
కథాకళీ నృత్యమే పడతీ నీ తల్పవిలాపం
పేరిణీ శివతాండవమే ప్రమదా నీ సంవిధానం
భరతనాట్యమే రమణీ గృహిణిగ నీ విన్యాసం
కూచిపూడి నర్తనమే భామా నీ కలాపం
కథాకళీ నృత్యమే పడతీ నీ తల్పవిలాపం
పేరిణీ శివతాండవమే ప్రమదా నీ సంవిధానం
భరతనాట్యమే రమణీ గృహిణిగ నీ విన్యాసం
కస్సుబుస్సు లాడితె కలికీ ఒడిస్సీ లాస్యం
చరణాల త్వరణమె నారీ మణిపురీ విలాసం
నయనాల పంజళే నాతీ కథక్ నృత్తము
మోహనాంగి వయ్యారాలే మోహినియాట్టం
కూచిపూడి నర్తనమే భామా నీ కలాపం
కథాకళీ నృత్యమే పడతీ నీ తల్పవిలాపం
పేరిణీ శివతాండవమే ప్రమదా నీ సంవిధానం
భరతనాట్యమే రమణీ గృహిణిగ నీ విన్యాసం
పండుగ వచ్చిందంటే పాటలగంధీ భాంగ్రా నృత్యం
పెండ్లీపేరంటాలలో నెలతా నీనడకల నట్టువాంగం
మొండిపట్టు సాధించే క్రమం ముదితా యక్షగానం
వండివార్చే సాధనలో వనితా అనునిత్యం గర్భానృత్యం
కూచిపూడి నర్తనమే భామా నీ కలాపం
కథాకళీ నృత్యమే పడతీ నీ తల్పవిలాపం
పేరిణీ శివతాండవమే ప్రమదా నీ సంవిధానం
భరతనాట్యమే రమణీ గృహిణిగ నీ విన్యాసం
రచన,స్వరకల్పన&గానం:డా.రాఖీ
నీవంటే ఈశ్వరా నాకెంతో ఈర్ష్యరా
నెలవంక గల శంకరా మా బ్రతుకేల వంకరా
ఇరువురు సతులతో ఇద్దరు సుతులతో
నీవైతే చల్లంగ మనరా మాకేల ఈయవా దీవెనరా
హరునివైతే నీకో ధర్మమా నరులమైతే అది మాఖర్మమా
1.తల త్రెంచుతావు మరల మొలిపించుతావు
దహియించుతావు పిదప కనిపెంచుతావు
గుంజుకుంటివైతివే మము రంజిల జేయవే
బ్రతుకులకగ్గి పెడితివే ఎదలికనైనా చల్లార్పవే
హరునివైతే నీకో ధర్మమా నరులమైతే అది మాఖర్మమా
2.బిచ్చమెచ్చి తెచ్చినా ఆకలైతె మాన్పుతావు
మంచులోనె ముంచినా వెచ్చగ బజ్జుంచుతావు
ఒక ముద్దైనా నోటికింక అందకుండ జేసావే
మా నిద్దురనూ కంటలేక పారద్రోలి వేసావే
హరునివైతే నీకో ధర్మమా నరులమైతే అది మాఖర్మమా౹
అపచారమే భవా నీ ఉనికిని ప్రశ్నిస్తే
కడుపాపమే హరా నిను నిరసిస్తే
దయ్యాలకు మాత్రం పీడించే శక్తులా
భూతాలకు సైతం వేధించే యుక్తులా
పరమాత్మవు నువులేక ప్రేతాత్మలుండునా
జగత్పితవు నీముందు పిశాచాలు మనునా
1.పూజించిన వేళలో వరములైతె ఈయవు
దూషించినంతనే శాపమేల ఇచ్చెదవు
గతజన్మల కర్మలంటు కట్టు కథలెందుకు చెప్పెదవు
జగత్కర్తవీవే కద తప్పు మాదేయని ఎలా నుడివెదవు
నీ నాటకాలలో బలిపశువులు మేమా
నీ కేళీవిలాసాలకు మేమాట బొమ్మలమా
2.దుష్టుమూక తాండవించ నీవొక జడుడివా
కష్టాలలొ మముద్రోయగ నీవూ దేవుడివా
దయ్యాలను శరణంటే కాస్తైనా కనికరించు
భూతాలను బతిమాలితె జాలైనా చూపించు
నిన్నే కదాశివా భూతనాథుడంటారు వృధాగా
నిన్నే సదాశివ వైద్యనాథుడంటారు అపప్రథగా
https://youtu.be/u94_9l0MTj8?si=R3yjUPBo0jOwACjS
రచన,స్వరకల్పన&గానం:డా.రాఖీ
బూడిద బుశ్శన్నవే-కాడున విశ్శెన్నవే
భోలానాథుడవే-నీలకంధరుడవే
ఐశ్వర్యమీయగలవా ఈశ్వరా
నా శంకమాన్పగలవా శివశంకరా
హరహరహర నమః పార్వతీ పతి
శివశివశివశివ శివ ఓం ప్రమథాధిపతి
1.యోగివందామంటే ఆదిదంపతులు మీరు
సుముఖుడు షణ్ముఖుడు నందనులిరువురు
భోగివందామంటే సచ్చిదానందమై తాపసి తీరు
దేహ మోహ భావాతీతమై నీవాలక మలరారు
తామరాకుమీది నీటిబొట్టులాగ నీతత్వం
భ్రమలకు లోనుచేసే కనికట్టుగుట్టు నీ సూత్రం
2.పూజించ చూడబోతే లింగమే కదానీ విగ్రహం
ధ్యానించ పూనుకుంటే చూడచక్కనిదాయె నీరూపం
నాగాభరణా ఢమరుకహస్త గంగాధర హే చంద్రమౌళీ
ఫాలనేత్ర శూలపాణీ భస్మవేష నమో చర్మాంబరధారీ
అలంకార శోభిత మూర్తివె మోహనాకారుడవే
ఆర్ధనారీశ్వర స్ఫూర్తివె అనంగ ప్రేరితుడవే
https://youtu.be/9DTLTv1e9gg?si=jjsY2NsQxt88kjO6
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం :సునాదవినోదిని
కొంచంకొంచంగా నీగురించి
బంధం కలిపాడు ఆ విరించి
స్నేహం మోహం ఎంతో కొంత రంగరించి
పరస్పరం ఒకరిని ఒకరం కాస్తోకూస్తో భరించి
1.ప్రతిక్షణం నీ ఊహలనే పలవరించి
ఆడుకొన్న ఊసులనే కలవరించి
తలపుకు రాగ వెంటనే కన్నులు చమరించి
మనదైన కవితల ఇలలో ఈలోకాన్నే విస్మరించి
2.అడుగులు తడబడ నాకు నీవు ఆసరాగ
తోడుగ నీడగ కలకాలం నీకు ఆలంబనగా
రైలుపట్టాలం మనం వదలము చెట్జపట్టాలు కలకాలం
ఏ రక్త బంధాలు లేకున్నా దైవం కలిపిన ప్రియమైన చుట్టాలం
రచన,స్వరకల్పన&గానం:డా.రాఖీ
స్వేదంతో రాసేస్తున్నావు సరసవేదం
మైకంగా ఒలికిస్తున్నావు నవరసనాదం
కొత్తకొత్తలోకాలకు దారులువేస్తున్నావు
వింతైన అనుభవాలకు తెఱలే తీస్తున్నావు
గజగామిని నీవే తొలి యామిని తేవే
రసమాధురి నీవే రతి ఆకృతి కావే
1.ఉగ్గబట్టుకున్నాను ఉద్వేగాన్ని
మగ్గబెట్టుకున్నాను నా తమకాన్ని
నను చేరవచ్చు శుభతరుణం కోసం
నువు కోరివచ్చు క్షణమే మధుమాసం
అభిసారిక నీవే అభిహారిక నీవే
2.తరువుగా నేను తపములో ఉన్నాను
తనూలతిక నీవై నన్నల్లుకున్నావు
పరువుగా నేను బ్రహ్మచర్యమున్నాను
విరహిణివి నీవై రమించగానున్నావు
మధూళిక నీవే సురతగుళిక నీవే
అమ్మయాదిలో నీలో(అనంతా చార్యలో) పరకాయప్రవేశం చేసి -డా.రాఖీ
కార్చగలను కడలెడు కన్నీళ్ళైనా
అంగలార్చగలను అమ్మకై ఎన్నేళ్ళైనా
అమ్మను నాకిమ్మను కిమ్మనక ఏదేవుడినైనా
జన్మనే ధారబోసెద అమ్మప్రేగు ముడి కిప్పటికిప్పుడైనా
మరలిరావే ననుగన్న తల్లీ ప్రార్థిస్తున్నా నీకు ప్రణమిల్లీ
మరణాన్నీ తరుణమే జయించీ అజరామరమై జీవించీ
1.కళ్ళలో వత్తులేసుకొని చూసుకొన్నది
కంటికి రెప్పలా ననుకాచు కొన్నాది
అందరిలో ఒక్కడినని అపురూపం చేసింది
నందుడనేనని ఇంటికే యువరాజుగ చూసింది
ఋణముతీర్చుకోలేను ఎన్నిసార్లు పుట్టినా
ఇంత ప్రేమ పొందలేను ఇంకెవరి కడుపునా
మరలిరావే ననుగన్న తల్లీ ప్రార్థిస్తున్నా నీకు ప్రణమిల్లీ
మరణాన్నీ తరుణమే జయించీ అజరామరమై జీవించీ
2.ఆడింది ఆటగ నను గారాబం చేసింది
పాడిందె పాటగా వెన్నుతట్టి మురిసింది
నా కాలున ముల్లు దిగితె అమ్మ కంట చెలిమె ఊట
కాస్తనాకు సుస్తిచేస్తె అమ్మకు శివరాత్రేనట
నా సేవల విలువ ఎంత అమ్మ ఊడిగానికి
నే చూపిన శ్రద్ధ ఎంత అమ్మ ముదిమి తనానికి
మరలిరావే ననుగన్న తల్లీ ప్రార్థిస్తున్నా నీకు ప్రణమిల్లీ
మరణాన్నీ తరుణమే జయించు అజరామరమై జీవించు
OK
https://youtu.be/tcs3Tbtpyzg?si=lexrFa5-Sf35DrGC
రాగం :భీంపలాస్
పాలకడలి ఎండిపోతుందేమో
పాదాల గంగ ఇంకిపోతుందేమో
వేంకటరమణా శంఖచక్రకరభూషణా
గొంతులో ఊరే కఫముకు అంతులేదురా
గళములో చేరే శ్లేష్మం ఆగిపోదేమిరా
1.ధన్వంతరినీవే కదరా దయజూడరా
హయగ్రీవ అవతారా జాలిగనుమురా
వేంకటరమణా శంఖచక్రకరభూషణా
పగవాడికైనా ఈ హింస వలదురా
హాస్యానికైనాఈ యాతన వద్దురా
2.అనుభవించి చూడు ఈ నరకము
ఊహకైనా నీవు తాళలేవు ఈ రకము
వేంకటరమణా శంఖచక్రకరభూషణా
అడుగంటి పోతోంది నీవంటె నమ్మకము
నిరూపించుకోకుంటే నీవా ఓ దైవము
https://youtu.be/Fu07RkhBYWc?si=jH2xlhswYEAe9fKa
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం : నాట (జోగ్ )
దూరం పెంచే గౌరవాలు మాకనవసరం
భారమనిపించే మరియాదలే కొసరం
మేమొకరికి ఒకరం అపురూపంగా దొరికిన వరం
ఎప్పటికీ తానంటే నాకెంతో పావురం
నేనంటే తన ఎదలో విప్పలేని వివరం
1.పరిచయమందామంటే అంతకు మించి స్నేహం
స్నేహితమందామంటే అంతకు మించిన ఆత్మీయం
పుస్తకాలలో ఎవ్వరు రాయని వింత బంధం మాది
అనుభవాలలో ఎవ్వరు ఎరుగని ఆత్మబంధం మాది
గుండెలు రెండైనా ఇద్దరిలోనూ ఒకటే స్పందన
కన్నులు నాలుగూ ఒకేచూపుగా మా యోచన
2.కారణాలు దొరకనివెన్నో మా మైత్రి లాగ
ఊహలకైనా సాధ్యం కానివెన్నో మా చెలిమిలాగ
ఇవ్వడమంటూ ఉండదు నచ్చితే తీసేసుకోవడమే
అడగడమంటూ ఉండదు వద్దంటున్నా ఇవ్వడమే
దేహాలు వేరైనా భావాలన్నీ ఒకటే
శ్రుతి లయ రెండైనా పాటమాత్రం ఒకటే
రచన,స్వరకల్పన&గానం:డా.రాఖీ
చెఱకుగడ నీ కవిత్వం-పాలమీగడ నీ తత్వం
తోచదెందుకో నేస్తం-నీలోకి తొంగి చూడక నాకు నిత్యం
వానవెల్లువ భావుకత్వం-రెల్లుగడ్డీ నా వస్తుతత్వం
కవితామయం సమస్తం-నిన్నలరించుటె నా పరమార్థం
1.అక్షరాలు దోసిటపట్టి-పదములుగా మూట కట్టి
అందిస్తా గీత నిధులనే-నీకు నా బహుమతిగా
వెన్నెలనే పోగుచేసి-చుక్కలనే ఏర్చికూర్చి
ఊలుతో షాలువ నేసి-సత్కరిస్తా కడుప్రీతిగా
2.నీకు నచ్చితె నా కవిత-ఔతుంది చరితార్థం
నువు మెచ్చుకున్నావంటే-ఆ ప్రశంస అపురూపం
మన'సు'కవనమెప్పటికీ-అజరామరమవనీ
మనసు నుండి మనసులోకి-జీవనదిగ ప్రవహించనీ
రచన,స్వరకల్పన&గానం:డా.రాఖీ
అతను :వసంతం వచ్చివాలింది
ఆమె :తనంత తానై మోడైన నా మదిమానున
అతను :మధుస్వరం ఆలపించింది
ఆమె :సాంత్వన గీతమైనా ఎదగాయం మానున
అతను :వసంతమే నీ స్నేహితం
ఆమె : ప్రతిగీతం నీ ప్రోద్బలం
1.అతను :నీ నవ్వులన్నీ అందం గంధం కలిగిన విరులే
ఆమె :నీ చేరువ వల్ల మరులే రేపే వెచ్చని ఆవిరులే
అతను :నీ ఊపిరిలో ఊపిరినై కవితలు మొలిపిస్తా
ఆమె :గళమున గమకాలొలికిస్తూ మాధురి చిలికిస్తా
అతను :నీ గానమే నా ప్రాణము
ఆమె :నీ నీడగా నా జీవితం
2.ఆమె :గులాబీలనే నువు నడిచే దారంతా పరిచేస్తా
అతను :అనుక్షణం కనిపెట్టేలా నా చూపులు నీ కాపరిచేస్తా
ఆమె :హితమును కూర్చే గతులకు మార్చే సూచికనౌతా
అతను :బడలిక తీర్చి ఉల్లాసమిచ్చే మలయామల వీచికనౌతా
ఆమె :నా ఆశయం నీ ఉన్నతి
అతను :కర్తవ్యమైంది నీ ప్రగతి
రచన,స్వరకల్పన&గానం:డా.రాఖీ
వికసించనీ ఎదసుమం నీ అనురక్తితో
ముకుళించనీ కరద్వయం నీపై భక్తితో
తిలకించనీ నీ రూపమే ఆసక్తితో
పులకించనీ నా మది కడుప్రీతితో
సాయీ దయచేయి సాయీ వరమీయి
సాయీ వందనమోయీ సాయీ ఆనందమీయి
1.నిను నమ్మితే కొదవుండదు
నిను వేడితే భయముండదు
నిను శరణంటే నిశ్చింత
చోటీయీ పదముల చెంత
సాయీ దయచేయి సాయీ వరమీయి
సాయీ వందనమోయీ సాయీ ఆనందమీయి
2.సాయి రాం నాకూతపదం
సాయి నీ స్తోత్రమే భువివేదం
నిను తలవగనే మది మోదం
సాయి నీనామం ఆహ్లాదం
సాయీ దయచేయి సాయీ వరమీయి
సాయీ వందనమోయీ సాయీ ఆనందమీయి
రచన,స్వరకల్పన&గానం:డా.రాఖీ
వానకెంత ఆతురత -జాణా నీమేను తడమాలని
తన చినుకుల కనులతో
జ్యోత్స్నదెంత చతురత-తరుణీ నిను కౌగిలించ
తన శీతల చేతులతో
నేనాగలేను నేవేగలేను రమించగ
రమణీ నే విరమించగా
నేనోపలేను నేసైచలేను రతికుతి మించగ
ప్రకృతిగ పరిణమించగా
1.జలపాతానికీ ఉత్సుకత-నీ ఒళ్ళంతా ముద్దాడగ
తన తుంపరలతొ వింతగ
ఇంద్రచాపానికి ఒక కలత-నిలువెల్లా నిన్నలుకోవాలని
ఏడురంగులున్న చీరగా
నేనాగలేను నేవేగలేను రమించగ
రమణీ నే విరమించగా
నేనోపలేను నేసైచలేను రతికుతి మించగ
ప్రకృతిగ పరిణమించగా
2.మల్లికలకు ఎంతటి ఆశ-నీ వీనులకడ ఊసులాడాలని
మాలలొ దారం ఊపిరాడనీకున్నా
అందియల కొకే ధ్యాస-నీ పదాలనే అంటి పెట్టకోవాలని
దుమ్ముధూళీ తమపై రాలుతున్నా
నేనాగలేను నేవేగలేను రమించగ
రమణీ నే విరమించగా
నేనోపలేను నేసైచలేను రతికుతి మించగ
ప్రకృతిగ పరిణమించగా
రచన,స్వరకల్పన&గానం :డా.రాఖీ
అంతా నార్మల్ ఐతే-అంతకన్న ఏముంది
ఆల్ ఈజ్ వెల్ అని భావిస్తే-ఆనందం మనదౌతుంది
నిన్న చేదు రేపు రాదు-నేడే మనదనుకొంటేనే
సంతోషమే సౌఖ్యమన్నది మననెప్పుడు వీడదు
1.హాప్పీ అడ్రస్ ఎంతవెతికినా బయట దొరకదు
ఎంజాయన్నది మనసులో మినహా ఇలలో ఉండదు
ఎప్పటికప్పుడు మనని మనం రివ్యూచేసుకోవాలి
ఎదుటివారికి నిర్మలంగా లవ్యూ చెప్పుకోవాలి
2.కూలిన సౌధం నిలుపుట అన్నది సాధ్యమే కాదు
పూరిగుడిసెలో ఉంటేనేం సంతృప్తితొ లోటే ఉండదు
నవ్వుల పువ్వులు పూయించాలి పెదాల మీద
మమతల జల్లులు కురిపించాలి ఎదుటి ఎదల్లోన
https://youtu.be/0BkHX-Gqzv8?si=9CdRoSShsWTziOac
రచన,స్వరకల్పన&గానం:డా.గొల్లపెల్లి రాంకిషన్ రాఖీ
బ్రహ్మ పదార్థమా-దేశమన్న మాట వ్యర్థమా
నేటి యువత మనసులో అదే అంతరార్థమా
తమ స్వార్థం తమ ఆర్జన తమదైన జీవితమే పరమార్థమా
1.దేశభక్తి యన్న పదమే ఎదల్లో ఎంత వెతికినా మృగ్యం
జాతీయభావనంటె కొందరు యువకుల్లో చిత్రమైన వైరాగ్యం
ఇకనైనా మేలుకోకో ఓ యువతా నీదే ఈ దేశం ఇది నీకోసం
ఇకనైనా తెలుసుకో ఓ భవితా ఇది సత్యం ఇది తథ్యం
2.స్వాతంత్ర్య యోధుల ప్రాణత్యాగాల విలువ తెలియదు
ఉద్యమాలలో బలిదానాలతో సాధించిన ఘనత లెరుగరు
కేంద్రంలో రాష్ట్రంలో ప్రముఖులెవరెవరో వారి ఊసేపట్టదు
గంజాయి మత్తులో పబ్బల గమ్మత్తులో దేశపు ధ్యాసే గిట్టదు
3.భారతదేశమే ఇండియా అంటే కొందరికొక వింత
జాతీయగీతాలాపన ఇంకొందరికెందుకో కడు రోత
తల్లిపాలు తాగి-రొమ్ముగుద్దు వైఖరితో-విద్యావంతుల నడత
స్వదేశానికైతే అతిథులవలెనే -డాలర్లకోసమే విదేశాల వలస
4..వాడుకొనుట ఎరుకె కాని మనదను భావన లేదు
కలర్లకో రిపేర్లకో ఇల్లంటే ఇసుమంతైనా శ్రద్ధలేదు
జీవితాలు కాపురాలు యువతరానికి తృణప్రాయం
బ్రతుకును నిమ్మళంగ ఆస్వాదించగ ఏదీ సమయం
రచన,స్వరకల్పన&గానం:డా.రాఖీ
తారకాసుర హర హరోంహర హరహర
కృత్తికానందన కుమారా పార్వతీ వరపుత్రా
నమోనమః నమోనమః శివాయసూనవే నమః
శూలధరాయ నమో శిఖి వాహనాయ నమో నమః
1. విఘ్నేశ్వరానుజాయ అగ్నితేజాయ నమో
వల్లీ దేవసేన పతయే నమో సురవందితాయ నమః
పాలకావడి నీకు పరమ ఇష్టమటస్వామి
పళనిమల బాలసుబ్రహ్మణ్యస్వామి నమో నమామి
2.చిన్మయానందుడవు సచ్చిదానందుడవు
కచ్చ ఏలనీకు మామీద నిత్య లీలావినోద
షణ్ముఖుడవునీవు అరిషడ్వర్గము నిర్జించేవు
వేడినంతనె వేగమె ఆయురారోగ్యము లిచ్చేవు
రచన,స్వరకల్పన&గానం:డా.రాఖీ
చక్కెర కర్మాగారం నాదేహం
పంచదార సంచుల గోదాం
పలుకులే పటిక బెల్లాల తీరు
పాటల్లొ తేనె ఊటలై పుసిపారు
చొరబడుతోంది త్వరితంగా మధుమేహం
ఆరోగ్యవంతమైన మేనుకెంతటి ద్రోహం
1.తీయనైన వస్తువులతొ నోరూరు
భక్షపాయసాలతో మనసు బేజారు
పిండిపదార్థాలంటే జిహ్వకెంత జోరు
ఏలికైన నా నాలుకా నీకు జోహారు
చొరబడుతోంది త్వరితంగా మధుమేహం
ఆరోగ్యవంతమైన మేనుకెంతటి ద్రోహం
2.ఐదు రుచులు మాత్రమే ఇకనుండి రసనకు
మరిచే'దై'పోయింది మధురమే బ్రతుకునకు
తీపి రోగమొకటిచాలు కబళించేటందుకు
ఒకసారి వచ్చిందా బ్రహ్మతరమా వదిలేందుకు
చొరబడుతోంది త్వరితంగా మధుమేహం
ఆరోగ్యవంతమైన మేనుకెంతటి ద్రోహం
(నా సాహితీ అభిమానులకు,బంధుమిత్రులకు,సమస్త నా దేశ పౌరులకు 72వ గణతంత్ర దినోత్సవ శుభాకాంక్షలతో)
రచన,స్వరకల్పన&గానం:డా.రాఖీ
హలం చేతబట్టి పొలం దుక్కిదున్ని
ఆహార సృష్టి చేసే రైతన్నే భారత రత్న
తుపాకి చేతబూని సరిహద్దు కాపుకాచి
దేశాన్ని రక్షించే సిపాయన్నకే పరంవీరచక్ర
వందనాలనందుకో సైరికుడా గణతంత్ర దినోత్సవాన
జోహారులు నీకివే సైనికుడా సమగ్రభరత మహోత్సవాన
1.అన్నం పెట్టి అందరి ఆకలి తీర్చే అమ్మరా కిసాను
బ్రతుకును తాకట్టుపెట్టి కాపాడుకొనును తన జమీను
ఫలసాయం చేకూర్చి ఉత్పత్తులనందించి
ఎందరికో దేశాన ఉపాధులెన్నొ కలుగచేయు
కారణభూతుడు కృషీవలుడు-కారణజన్ముడీ క్షేత్రకరుడు
వందనాలనందుకో సైరికుడా గణతంత్ర దినోత్సవాన
జోహారులు నీకివే సైనికుడా సమగ్రభరత మహోత్సవాన
2.చలికి ఎండకు వానకు మననికాచు నాన్నేరా జవాను
బ్రతుకునే ఫణం పెట్టి పోరాటం చేసేటి ప్రాణమున్న మిషను
కంటినిండ మన నిద్రకు కునుకులేని రాత్రులె తనకు
ఇంటాబయటా సింహస్వప్నమే అరాచకమూకలకు
ఆపద్భాంధవుడే సేనాచరుడు-ఆదరణీయుడా క్షేత్రజ్ఞుడు
వందనాలనందుకో సైరికుడా గణతంత్ర దినోత్సవాన
జోహారులు నీకివే సైనికుడా సమగ్రభరత మహోత్సవాన
రచన.స్వరకల్పన&గానం:
ప్రణవానికి పూర్వం మౌనం
ప్రళయానంతరం మౌనం
జననానికి తొలుతగ మౌనం
మరణానికి అవతల మౌనం
మౌనమే గానానికి ముందుగా
మౌనమే సంతృప్తికి సాక్షిగా
ఆత్మను అల్లుకున్నది మౌనం
పరమాత్మను ఆవరించెనుమౌనం
1.మౌనమే మనిషికి పెట్టని అలంకారం
మౌనమే వ్యక్తిత్వాన్ని తూచే తులాభారం
నీలోకి నీవే తొంగిచూడు అంతా మౌనమే
కన్నులతో మాటాడగలిగే వింతా మౌనమే
2.కంచు మ్రోగేలాగ కనకం మ్రోగదు
మౌనం దాల్చావంటే కలహం ఉండదు
ఎల్లలు లేని విశ్వభాష ఏకైక మౌనమే
అక్షరమాల లేనిభాష లోకాన మౌనమే
3.మనసుకు మనసుకుమధ్యన వారధి మౌనమే
మనోరథాన్ని నడిపించే గీతాసారథి మౌనమే
ఎన్నో చిక్కు సమస్యలకు మౌనమే సమాధానం
ఆత్మజ్ఞానం పొందే క్రమాన మౌనం ధ్యాన సాధనం
రచన,స్వరకల్పన&గానం:డా.రాఖీ
గాలిలో తేలిపోతోంది నీ ఊహకే నా ఒళ్ళు
ఎన్నాళ్ళు ప్రియతమా నా యవ్వనానికి సంకెళ్ళు
ఎంతగా అలిసాయో ఎదిరిచూసి చూసి నా సోగకళ్ళు
ఎద గోదారిలోనా ఉద్వేగాల పరవళ్ళు
1.రెక్కలే కట్టుకొని ఎగిరిరానా నీ దరికి
రెప్పలే మూసుకొని కలల ప్రపంచానికి
రెండు కలిసి ఒకటయ్యే కొత్త గణితం మన ఉనికి
ఏకాంతమే లోకమయ్యే రసరమ్య మధువనికి
2.తెల్లచీర ఉల్లమంతా తెలుపుతోందిగా
మల్లెతావి మనసునంతా నలుపుతోందిగా
పల్లెసీమ పంటచేలు మంచెనే మన పడక
అల్లరే చేస్తోంది ఆకతాయి మది వశపడక
రచన,స్వరకల్పన&గానం:డా.రాఖీ
నీ యాదే నాకు మనాది
నీ చెంత నిత్యం ఉగాది
నీపేరే అనూ అనూ అంటోది నా హృది
మనకలయిక కింకా ఎంతుందో వ్యవధి
మేఘాలలో తేలితేలి రావే చెలి
కరిగిపోగ కాచుకుంది బిగి కౌగిలి
1.కటిక చీకటి రాత్రులే లోకమంతా నువులేక
చందమామ వెన్నెల మానేసే పున్నమైనా నిను కనక
కాస్త ఎక్కువైందనిపించినా ఇదే నాకు నిజం కనుక
ఇకనైనా వీడవే ప్రేయసీ నా ఎడల నీ కినుక
మేఘాలలో తేలితేలి రావే చెలి
కరిగిపోగ కాచుకుంది బిగి కౌగిలి
2.కొత్తగా మొదలెడదాం మనదైన జీవనం
సంతోషాలే తొణికిసలాడే అపురూప భావనం
నవ్వుల పువ్వులతో దారంతా నందనవనం
రాధాకృష్ణుల ప్రేమలాగా మన వలపూ పావనం
మేఘాలలో తేలితేలి రావే చెలి
కరిగిపోగ కాచుకుంది బిగి కౌగిలి
శ్రీ విశ్వేశ్వర వారణాసి పుర (కాశీ నగర ) వైభవం
రచన,స్వరకల్పన&గానం:డా.రాఖీ
శివుడే ఆది దేవుడు-శివుడనాది పరమగురుడు
శివుడే విశ్వనాథుడు-శివుడే కాశీపురాధీశుడు
భవాయనమో భవానీధవాయ
శర్వాయనమో పార్వతీ వల్లభాయ
ఓం నమఃశివాయ ఓం నమఃశివాయ
ఓం నమఃశివాయ ఓం నమఃశివాయ
ఓంకారేశ్వరుడు శంకరుడు-
సంధ్యావాటి నర్తన ప్రియుడు
జ్యోతిర్లింగ స్వరూపుడు నభవుడు
ప్రళయకాల జ్వాలి కపాలి శంభుడు
గంగాధరాయనమో గజచర్మాంబరాయ
అంగజహరాయనమో సాంబశివాయ
భగీరథుని మనోరథము నెరవేర్చగా
దక్షిణవాహినియై ఉత్తమగతులీయగ
ఇలవంక వదిలీ గంగ కడకొంగు వీడక
కాశీయే కడయాత్రకు పావనస్థలిచేయగా
వెలసినాడు కాశీలో విశ్వేశ్వరుడై
అన్నపూర్ణ విశాలాక్షి సమేతుడై
గంగాతరంగాలు మృదంగాలుగా
జపమాలల సవ్వడులే మంజీరనాదాలుగ
నమఃశివాయ ధ్వానాలతొ పురము మారుమ్రోగగా
చతుర్వేద పారాయణ శంఖారావముగా
నటరాజే కనువిందుగ చిందేయగా
వారణాసి అపరకైలాసమై వెలిసెగా
గంగలోన మునకలేయ పునీతులవగా
డూండీ గణపతినర్చించి అనుమతి బడయ
కాశీపురపతి విశ్వపతి మందిరమరయ
నమకచమకస్తోత్రాల అభిషేక పూజలు సేయ
కరుణించు భోళా శంకరుడు
వరములిచ్చు లీలా విలాసుడు
అన్నపూర్ణ భవానిమాతను దర్శించగా
అన్నవస్త్రాలకెప్పుడు కొదవరాదుగా
విశ్వజనని విశాలాక్షిని అర్థించగా
విజయమే కలుగజేయుచు రక్షించుగా
వందనాలివిగొ మముగన్నతల్లీ అన్నపూర్ణా
హారతులు గొనుము కల్పవల్లీ విశాలాక్షీ
కనురెప్పలా కాపుకాయును కాలభైరవుడు
పరాన్నదోషము నివారించు పరాన్నభుక్తేశుడు
సప్తమోక్షద్వారాలకు శ్రేష్ఠతమమీ వారణాసి
ఉత్తరాదిన బనారసను నామమే కడు వాసి
కాశీ దర్శన ఫలప్రాప్తి పూర్వపుణ్యమే
కాశీలో మరణిస్తే శివ కైవల్యమే
సురలకు నరులకు ముక్తిధామము
దేశవిదేశీ భక్తుల కాలవాలము
సనాతన సంస్కృత విద్యా పీఠము
ప్రాచీన సంస్కృతీయుత ప్రాభవము
కాశీనగరము విశ్వానికి కేంద్రము
కాశీ స్మరణయు భాగ్య విశేషము
ఎనుబది నాలుగు లక్షల రకాల జీవరాశి
ఎనుబది నాలుగు గంగాఘాట్లతో కాశి
అస్థికాభస్మాలకు గంగానిమజ్జనమే స్వస్తి
మనిషి జన్మ పరమార్థ సార్థకతకది సంప్రాప్తి
శవభస్మవిలేపనయే ఈశ్వరునికి తృప్తి
కాలకాలుడే ప్రసాదించును జన్మ నివృత్తి
నవరంధ్రాల కాయం అనూహ్యమై మటుమాయం
నవరాత్రులు కాశీపుర శయనం గంగాతోయం
నవవిధ భక్తుల అనుభవం శవం శివమైతే నయం
నవధాన్యాల నవరత్నాల కైంకర్యం కమనీయం
నవనవోన్మేషం నేటి కాశీ పట్టణం
భువి అభినవ కైలాసం వారాణసి పురం
ఓం నమఃశివాయ ఓం నమఃశివాయ
ఓం నమఃశివాయ ఓం నమఃశివాయ
ఓం నమఃశివాయ ఓం నమఃశివాయ
ఓం నమఃశివాయ ఓం నమఃశివాయ
ఓం నమఃశివాయ ఓం నమఃశివాయ
రచన,స్వరకల్పన&గానం:డా.రాఖీ
మనసుల్లో వేరే ఏదోగా
మనషులెంతొ హుందాగా
తలపుల్లో ఎంతో తేడాగా
దాగుడుమూతల్లో స్నేహంగా
1.ఆకర్షణ చూపు తిప్పుకోనంతగా
అనుబంధాలే తెంచుకోలేనంతగా
ఒకరిష్టం మరొకరికి ఆమోదయోగ్యమై
పరస్పరం అభిరుచులే గౌరవించదగినవై
నీకోసం నేనుగా నీ బ్రతుకే నాదిగా
అనురాగమంటె ఇదేగా అనాదిగా
2.తెలుపలేకపోతే తిరిగిరాదు సమయం
తెలుసుకోక పోతే ప్రణయమెలా రసమయం
మాటలకందనపుడు భావం మాట్లాడును మౌనం
మౌనం రవళించి పాడుతుంది హృదయగానం
ముసుగులన్ని తొలగించి పారదర్శకంగా
లొసుగులేవి లేకుండా మార్గదర్శకంగా
రచన,స్వరకల్పన&గానం:డా.రాఖీ
నీ కళ్ళలో మధిర నిషా
నీ చూపులో కైపు హమేషా
ముగ్గులోకి లాగడం నీకు తమాషా
మొగ్గలోన త్రుంచేయకు ప్రేమంటే ఆషామాషా
1.నా మగటిమికి నిగ్రహమే ఓ పరీక్ష
నీ సొగసులు ప్రకటిస్తూ నా కెందుకే శిక్ష
తాళజాల బాలా లిప్తైనా ఈ ప్రతీక్ష
వేగిరమే వేయవే నీ వలపులనే భిక్ష
2.ఉండాలా కూడదా నా కంటూ ఒక రేపు
ఊరించే నీ పెదాలే ఎదలోన మంటలు రేపు
గాలిలోన తేలేలా చేస్తుంది నీ ప్రతి తలపు
స్వర్గసుఖాలందేలా ఈ క్షణమే నను చంపు
రచన,స్వరకల్పన&గానం:డా.రాఖీ
సంకటములు బాపరా వేంకటాచలపతి
ఆపదమ్రొక్కులవాడా అలమేలు మంగాపతి
ఎంతగానొ చేసితి నీ గుణగణాల సన్నుతి
వింతదేమొగాని నిన్ను మెప్పించగ విఫలమైతి
1.పలుమార్లు పొగిడితి సైచక నే తెగిడితి
చలనమే కనరాని శిలవైతివ శ్రీపతి
అన్నమయ్య చేసుకున్న పున్నెమేమిటో మరి
పురంధరునికీ అంతటి భాగ్యమెలా శ్రీహరి
అజ్ఞాన కృతదోషములన్ని మన్నించరా
సుజ్ఞాన మార్గానికి నను మళ్ళించరా
2.తాయిలాల నడుగులాగ మాయలొముంచేవు
ఐహిక వాంఛలపై మోహాన్ని పెంచేవు
వీలైనంతగా మమ్ముల దూరంగా ఉంచేవు
తాత్కాలిక సుఖాలకై పరుగెత్తించేవు
పక్షివాహన నా లక్ష్య మింకనీవేనురా
సాక్షాత్కరించి నాకు మోక్షపదము నీయరా
రచన,స్వరకల్పన&గానం:డా.రాఖీ
ఎంత చెప్పినా ఒడవని రామాయణం
ఎంత వగచినా మారని భారతం
ఇంటింటా ఉన్నదే ఈ భాగోతం
ఇలా కూడ ఉండేదే జీవితం
1.గిల్లికజ్జాలు చిరుచిరు కలహాలు
ఎంత కీచులాడినా వీడని మోహాలు
ఎవ్వరూ ఇవ్వకూడదు ఉచితసలహాలు
సంసారాలు అంటేనే నాకం నరకం తరహాలు
2.పగలంతా పగలౌతూ యుద్ధభేరీలు
రాత్రైతే సంధి కోరుతు కాళ్ళబేరాలు
మనసు మనసుకు చేరువకాని వింతదూరాలు
లోకులకోసం వేసుకొనెటి ముసుగుల మమకారాలు
రచన,స్వరకల్పన&గానం:డా.రాఖీ
ఏమని రాయను నా కవిత
దుఃఖం గడ్డకట్టిన వెత
చేజారినే చెలిమి జత
అశ్రువులే సిరాగ మారిన కత
1.ఏడంటే ఏడే అడుగుల పయనం
మూడంటే మూన్నాళ్ళైన జీవనం
సుడి గాలి చెలరేగి చెదిరిపోయింది
వడగళ్ళ వానలోనా కమిలిపోయింది
2.చిన్నారి గూడు ఛిద్రమై పోయింది
అందాల లోగిలి వన్నె కోల్పోయింది
జంట పక్షి ఎక్కడికో ఎగిరిపోయింది
ఒంటరి తల్లేమో పిల్లల పొదివి పట్టుకుంది
https://youtu.be/Sz_QWORta-U?si=wT63UpFAwgndk2iN
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం:తిలక్కామోద్
నా తనువే తెరిచిన పుస్తకం
నువు చదువుకో ఆపాదమస్తకం
నా మనసే ప్రణయ ప్రబంధం
పఠించుకో పరవశాన ఆసాంతం
1.చుంబనాల సొంపైన చంపకమాలలు
ఆలింగనాల ఇంపైన ఉత్పలమాలలు
మధించతగిన మత్తేభకుంభస్థలాలు
జయింపదగిన శార్దూల విక్రీడితాలు
మేధకు పదనుపెట్టు ఛందో గంధాలు
అంగాంగం ఊరించే అనంగ రంగాలు
2.సరిక్రొత్త అర్థాల విస్మయ శబ్దావళులు
తమకాల గమకాల సమ్మోహన జావళీలు
అలంకార రహితమైన రహస్య దృశ్యాలు
అనాఛ్ఛాదితాలుగ అసూర్యంపశ్యలు
రాసుకో తరచితరచి ఎన్నైనా భాష్యాలు
చేసుకో నీదైన భాషలోకి తగిన తర్జుమాలు
రచన,స్వరకల్పన&గానం:డా.రాఖీ
పరస్పరం ఆత్మీయ పలకరింపు
హాయెంతగానొ గొలుపు
నేస్తాలమైన మనకదియే
పన్నీటి చిలకరింపు
1.ఒంటరినేనని తలపుకొస్తే
గురుతుకొస్తుంది నీ చెలిమి
నా కంట నీరు చిప్పిల్లితే
తుడిచివేస్తుంది నీ కూరిమి
2.దేహాలు వేరైనా ఒకే ప్రాణము
మనం శ్రుతి లయల మధుర గానమ
బొమ్మబొరుసులున్న ఒకే నాణెము
అక్షరాలు రెండున్నా ఒకే స్నేహము
https://youtu.be/S8KtsUX6dJ4?si=bAickW6JedpeTiee
రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:భీంపలాస్ (అభేరి )
అవధూతవు నీవని అననా దత్తావతారమె నీదని
ఫకీరు నీవని ఎంచనా అల్లాహ్ మాలిక్ అంటావని
ఏసుగ నిను భావించన మరణించీ బ్రతికొచ్చావని
మానవతా వాదివననా నిస్వార్థపు సేవలు చేసావని
సాయిబాబా షిరిడి బాబా-సాయిబాబా సద్గురు బాబా
1.కులమతాలు మాకెందుకు బ్రతుకు తెరువు నిస్తెచాలు
వేషభాషలేవైనా మా ఆశలు నెరవేర్చు చాలు
నీ పలుకులననుసరిస్తె హితమనిపిస్తె చాలు
నీ బోధలు పాటిస్తే మహిత తత్వమిస్తె చాలు
సాయిబాబా షిరిడి బాబా-సాయిబాబా సద్గురు బాబా
2.గుడులనింక వదిలివేసి మా గుండెల్లో కొలువుండు
ఊరూరూ షిరిడీగా మారిపోతే బాగుండు
మనిషి మనిషి లో నీవే అగుపిస్తే కడుమెండు
శరణాగతి మా కొసగితె మా జన్మలు పండు
సాయిబాబా షిరిడి బాబా-సాయిబాబా సద్గురు బాబా
రచన.స్వరకల్పన&గానం:డా.రాఖీ
నెలవంక తలనున్న శివశంకరా
నా వంకలెంచక అనుకంపగనరా
గరళాన్ని మ్రింగినా భోళాహరా
అజ్ఞాని నేనని అలుసేలరా
పశుపతి గిరిజాపతి కైలాసపురపతి
నాకీయరా సద్గతి కపర్దీ శరణాగతి
1.లింగరూప గంగాధర జంగమదేవర
త్ర్యంబకా కంకటీక అంతకాంతకా
కపాలీ శూలీ భగాలీ పింగళీ అస్థిమాలీ
నా గుణదోషాలు నీవే కరుణాకర కనికరించరా
2.వృషవాహన ఋతధ్వజా దూర్జటీ
త్రిపురారి భృంగీశా సితికంఠా ముక్కంటీ
మృత్యుంజయ భస్మాంగ సంధ్యావాటి
నా భవతాపాలు నీవె పరిహరించరా ఉద్ధరించరా
రచన,స్వరకల్పన&గానం:డా.రాఖీ
నవ్వే నీ మోముకు నవరత్నాభరణం
నీ మంజుల హాసానికి నా ప్రాణాలే తర్పణం
ఎంతని పొగడను నీ అందం చర్విత చరణం
అందాన్ని మించి అపురూపమే నీ సౌశీల్య గుణం
1.చూపుల్లో మెరిసె నిశి రాతిరి చుక్కలు
చుబుకానికె సోయగమా చిన్నారి నొక్కులు
చెంపలకే ఇంపైన విన్నాణపు సొట్టలు
వంకీల ముంగురులే విలాసాన దిట్టలు
2.సన్నధిలో పరిమళించు మధువన గంధాలు
వాగ్ఝరిలో ప్రవహించు మందార మరందాలు
సఖ్యతలో పొంగిపొరలు అతులిత ఆనందాలు
సౌమ్యతలో హాయిగొలుపు వీరంధర చంద్రకాలు
https://youtu.be/k16ju5S4bCI
సప్తగిరి శ్రీపతి
గొను భక్తకోటి హారతి
నీవే శరణాగతి
మాకీయగ నిర్వృతి
1.శేషాద్రి పదపీఠము
నీలాద్రి మంజీరము
గరుడాద్రి కటి చేలము
అంజనాద్రి కౌస్తుభము
శిలశిలలో నీరూపము
తిరుమలయే అపురూపము
2.వృషభాద్రి వక్షము
నారాయణాద్రి వదనము
వేంకటాద్రి తిరునామము
వేంకటాచలపతీవె కలి దైవము
మోకాళ్ళమెట్లు ముక్తిదాయకాలు
తిరుకోవెల ధర వైకుంఠపు ఆనవాలు
OK
https://youtu.be/DlSw4jbOdxE?si=J2x46FmTTMetAlO1
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం : భీంపలాస్
నీ తడి తనువును చూడగనే
చిత్తడిరేగెను చిత్తములో
తహతహ తపనల రాపిడిలో
మత్తడి దూకేను తమకములే
1.రెచ్చగొట్టుతావే పచ్చిపచ్చిగా వచ్చి
చిచ్చుపెట్టుతావే వెచ్చవెచ్చగా కాల్చి
నచ్చాననుకోనా నను మెచ్చావనుకోనా
పిచ్చిపట్టే నీ పొంకాలతొ రచ్చచేయకె లచ్చమ్మా
2.మత్తులొ ముంచబోకే నిను గుత్తగా నాకిచ్చి
చిత్తుచేయబోకే పోట్లగిత్తనేనని మరిచి
ఇద్దరి సుద్దుల పొత్తు పొద్దుకు మాపుకు గమ్మత్తు
హద్దులు దాట నీ ముద్దు తీర్చగ ఆపద్దు ఆ పద్దు
రచన,స్వరకల్పన&గానం:డా.రాఖీ
పుట్టుకలో పోరాటం-బ్రతుకంతా ఆరాటం
అనునిత్యం మృత్యువు చెలగాటం
అనుభవాలే మనిషికి గుణపాఠం
నేస్తమా ఈ క్షణమే తరగని ఆనందం
చెరగని నవ్వులె పెదవులు పంచే మకరందం
హాప్పీ బర్త్ డే టూ యూ-విష్యూ హాప్పీ బర్త్ డే టూ యూ
1.వదలకు దొరికిన మంచి అవకాశం
మరవకు చేయగ పరులకు చిరుసాయం
ప్రతి మనిషీ పుట్టుకకు ఉంటుందొక పరమార్థం
విజ్ఞత కలిగి చేసుకో నీ జన్మ సార్థకం
నేస్తమా ఈ క్షణమే తరగని ఆనందం
చెరగని నవ్వులె పెదవులు పంచే మకరందం
హాప్పీ బర్త్ డే టూ యూ-విష్యూ హాప్పీ బర్త్ డే టూ యూ
2.ధీరత్వం వీడకపోవుటె విబుధుల సుగుణం
విధికైనా ఎదురీదడమే యోధుల లక్షణం
మననం చేసుకొ మధురానుభూతుల నీ గతం
ఆదర్శంగా మారాలి లోకానికి నీ జీవితం
నేస్తమా ఈ క్షణమే తరగని ఆనందం
చెరగని నవ్వులె పెదవులు పంచే మకరందం
హాప్పీ బర్త్ డే టూ యూ-విష్యూ హాప్పీ బర్త్ డే టూ యూ
రచన,స్వరకల్పన&గానం:డా.రాఖీ
స్నిగ్ధవై ముగ్ధవై ఉద్విగ్నవై
చొరబడతావే నా తలపులలోకి
శశివై పున్నమి నిశివై తరగని ఖుషీవై
లాగేస్తావే నను వలపులలోకి
నన్ను నా మానానా బ్రతుకనీయవెందుకే
ఊరించి చంపేవు నీ అందాల విందుకే
1.కిసలయాలు కొసిరేటి కోయిల పాటవై
కరిమబ్బుల మురిసేటి మయూరపు ఆటవై
పలు వన్నెలు విసిరేటి విరిసిన విరితోటవై
వయారాలు వంపులతోటి కులికే సెలయేటివై
మురిపించబోకే నన్ను ఆణిముత్యాల సరమై
ఉడికించమాకే నన్ను ఎదదాగిన కల'వరమై
2.వాలుజడలో పూలుబెట్టి మది కట్టివేయకే
వాలువాలు చూపుల తోటి కనికట్టుచేయకే
పరువాలు ఎరవేసిమరీ ఈ పసిచేపను పట్టకే
అనుభవాలు జతజేసీ నను గురిచూసి కొట్టకే
సూదంటురాయిలాగా నన్నుంటుకోకే
వేధించు హాయిగా చేయీయవే నాతో జంటకే
రచన,స్వరకల్పన&గానం:డా.రాఖీ
వలపు నేరమయ్యింది
చెలిమి దూరమయ్యింది
మనసు భారమయ్యింది
బ్రతుకు ఘోరమయ్యింది
వెతల జీవితంలో మతుల కతలు ఎన్నో
కలత నిదురలోనా కరిగిన కలలెన్నో
1.కొత్తదనం ఏమీలేదు అనుభవాలలో
భావుకతకు జాడేలేదు వాస్తవాలలో
జ్ఞాపకాలు ఊపిరాడనీయకుంటే
అనుభూతులు గొంతునులుముతుంటే
క్షణక్షణం మరణమై నీరీక్షణయే రణమై
2.ఎదురు పడితె మాత్రమేమి తలతిప్పుకుంటుంది
తన ప్రపంచమంతా పంజరమనుకుంటుంది
ఎంత బాధపడుతుందో విధికైనా తెలిసేనా
జీవశ్చవమల్లే బ్రతికేదీ ఓ బ్రతుకేనా
దినదినమూ దైన్యమై భవిష్యత్తే శూన్యమై
రచన,స్వరకల్పన&గానం:డా.రాఖీ
ఆనందం అంతరంగాన
ఆందోళన జీవిత చదరంగాన
నీతోనే పోరాలి నీలోనే పోరాలి
నిన్ను నీవే గెలవాలి
గెలవాలన్న తలంపుని సైతం గెలిచితీరాలి
1.క్షణికమైన గెలుపుకోసం వెంపర్లాట
గుర్తింపు కీర్తింపుకై దోబూచులాట
మన ప్రతిభకు మనకన్నా నిర్ణేతలెవ్వరు
మంచిచెడ్డల ఎంపికకు మనం వినా చక్రాంగమెవరు
2.జిహ్వకో రుచిలాగా చిత్తప్రపృత్తి
మనిషికి మనిషికీ తనదైన అభిరుచి
ఒప్పించుట కొందరిని నొప్పించుట కొందరిని
ఆత్మ తృప్తికన్న మిన్న చేర్చదేది నిను దరిని
https://youtu.be/8QwshHfvSfA?si=BUMSlXgVCB8KKCSE
రచన,స్వరకల్పన&గానం:డా.రాఖీ
ఇచ్చినా నువ్వే మా ఇలవేల్పువి
నొప్పిచ్చినా నువ్వే నా ఇఛ్ఛాదైవానివి
గుండెన గుడికట్టితి కొలువై నిలువరా
కొండగట్టు కపివరా వేగమె నను కావరా
శ్రీ రామదూతం శిరసానమామి
శ్రితపారిజాతం సతతం భజామి
1.మహాబలుడవే నీ శక్తి అతులితమే
వాయునందనుడవే వాలాసనుడవే
శ్రీరామ బంటువే నీ భక్తి అపూర్వమే
సీతమ్మకు ముదమొసగిన పుత్రసముడవే
నువు దృష్టి పెడితె చింతలన్ని చిటికెలొ మటు మాయం
నువు వెన్నుతడితె గెలుచుటయే సదా మాకు ఖాయం
2. రవిశిష్యా అవలీలగ సాగరాన్ని దాటావే
పింగాక్షా రాక్షసల దుంపతెంచినావే
లంకాదహనమే జంకక కావించినావే
రావణుడి దర్పాన్ని అణచివేసినావే
నీ పేరు చెబితె చాలు స్వామి భూతప్రేతాలు హతం
నిను దర్శిస్తె చాలు ప్రభూ భయాలు బాధలు ఖతం
రచన,స్వరకల్పన&గానం:డా.రాఖీ
చెప్పడమెంతో తేలిక
వాస్తవాలే మ్రింగుడు పడక
నాదీ అని ప్రేమ పెంచుకొన్నాక
వదలుకోవడమే ప్రహేళిక
మనదనుకొన్నదేదీ దొరకదు చేజారితే
పుణ్యకాలం గడిచేపోతుంది ఏమారితే
1.వాడి త్రోసివేసే జీవితాలు కావు మావి
మమతానురాగాలతొ పెనవేసుకొన్నవి
ఒకే కంచం లో పంచుకుంటు తినడం
ఒక మంచంలో ఒరుసుక పడుకోవడం
తలనొప్పికి చనువుగ రాసే జండూబామ్ లు
బడలిక తీరేదాకా పెద్దల ఒళ్ళుపట్టడాలు
మనదనుకొన్నదేదీ దొరకదు చేజారితే
పుణ్యకాలం గడిచేపోతుంది ఏమారితే
2.చిరిగితేనో అతుకులు చిరుచిరు మా బ్రతుకులు
మరమ్మత్తులు చేస్తూనే వాడుకొనే వస్తువులు
అనుబంధం పెంచుకుంటూ ఆప్యాయత నంజుకుంటూ
మూగజీవాలనైనా ఇళ్ళూ పొలాలు ఊళ్ళపైన
మాఊరు మాజిల్లా మా రాష్ట్రం మా దేశంగా
మావిగా అనుభూతి చెందే విశాల హృదయంగా
మనదనుకొన్నదేదీ దొరకదు చేజారితే
పుణ్యకాలం గడిచేపోతుంది ఏమారితే
https://youtu.be/Wba6MR529UQ?si=LgbMoD5Md4QPVMj5
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం : చక్రవాకం
నీవే మ్రింగావో నాకే పంచావో
గరళమే నిండింది నా గళములో
మాధురే కొఱవడింది గాత్రమ్ములో
నీలకంఠ కాలకూట విషతుల్యమాయే నా గానము
కపర్దీ కఫమే ఊరుతు కర్ణకఠోరమాయె నా కంఠము
1.కమ్మగ పాడనాయే ఈ జన్మకు
శ్రోతల నలరించనాయె ఏ పాటకు
శ్రావ్యము మార్దవము శ్రవణపేయమే కాదాయే
భావ రాగ తాళ యుక్తమై ఏదీ ఒప్పారదాయే
2.గరగరలే గొంతులో లాలాజలం నోటిలో
పాటపాటకూ ఆగని ఊటలా ఆటంకమై
జన్మతః నోచుకోని గీతం జీవితపు లక్ష్యమై
అమృత సమగానమే బ్రతుకునకే మోక్షమై
3.పికమేమి పూజచేసి మెప్పించిందో
మైనా ఏమైనా మంత్రజపం చేసిందో
సెలయేరు వరమడిగి అభిషేకమొనరించిందో
పర్జన్యం మౌనంగా తపమెంత చేసిందో
4.సంగీత శాస్త్రరచన చేసిన వాడవే
నటరాజ లయాత్మకంగా తాండవమాడావే
నామీద నీకేల ఇసుమంతయు దయలేదా
కరుణా సముద్రా ఆర్ద్రతే కరువయ్యిందా
https://youtu.be/lDLkwQKb2S8
రచన,స్వరకల్పన&గానం:డా.రాఖీ
బాంధవ్యము నెరుగవా శివా
భార్యాద్వయాన్విత గంగాధరా గౌరీవరా
వాత్సల్యము లేదనా అభవా
కుమరులిరువురౌ గజముఖషణ్ముఖ ప్రముఖ
నీదైతే పరివారమా మాదైతే ప్రవ్రాజ్యమా
పరితోషము మాకీయగ నీకేదో వ్యాజ్యమా
1.తలమీద నీకు గంగ కంటిలో నాకు గంగ
నిరంతరం తడుపుడే నిండా మునగంగ
గణాధిపత్యమొకరికి చేయగ ధారాదత్తం
సేనాధిపత్యాన్ని చేసితివింకొకరి పరం
నా పుత్రులు సైతం నీకాప్తులు కారా
పరమపితవు నీవుకదా నీదే నా అగత్యం
2.మందుమాకులేనివైన వ్యాధులతో మాదైన్యం
వైద్యనాథుడవీవాయే మీకంతా ఆరోగ్యం
యాతన మాకెంతనొ లేక ప్రత్యామ్నాయం
మృత్యుంజయుడవీవు ఉండదుగా ఏ భయం
మేమంతా నీ వారము మేమూ నీ పరివారము
విశ్వనాథ చూడవేల మా యోగ క్షేమము
OK
రచన,స్వరకల్పన&గానం:డా.రాఖీ
ఆదివారం ఆనందతీరం
అలుపు తీరగ పరిహారం
నిద్రలేచుట ఎంతో భారం
కోడికూరతొ యవ్వారం
నోరూరించే మాంసాహారం మైకమిచ్చే విస్కీ రం
ఆదివారమంటేనే విలాసం విలాసాలకే విలాసం
1.మందు విందు ఫ్రండ్స్ తో దినమంతా పసందు
వారంమంతా చేసిన శ్రమకు రోజంతా ఆటవిడుపు
ఉరుకుల పరుగుల ఉద్యోగానికి ఊరట కలిగింపు
సండే అంటే ఎందరికో ఎంజాయ్ దొరికే తలంపు
ఆదివారమంటేనే విలాసం విలాసాలకే విలాసం
2.ఇంటిల్లి పాదికీ సండేనే సరదా పంచే హాలీడే
ఇల్లాలికి మాత్రం రుచురుచులన్నీ వండే చాకిరే
కాలైనా కదపకుండా కాఫీ టీ టిఫిన్ల అర్డర్లిచ్చుడే
ఓపిక గలిగిన అమ్మకు ఆలికి తప్పక సలాం చేసుడే
ఆదివారమంటేనే విలాసం విలాసాలకే విలాసం
(నేను స్వచ్ఛమైన శాఖాహారిని-మందు,దమ్ము లాంటి ఎటువంటి అలవాట్లు లేవు,ఐనా కవి అన్నవాడు ప్రతి హృదయాన్ని ప్రతి ఫలింపజేయగలగాలి అనే ఉద్దేశ్యంతో)
రచన,స్వరకల్పన&గానం:డా.రాఖీ
రెచ్చగొట్టకే నచ్చినదానా
పిచ్చిపట్టు నీ సొగసును నే కన
పచ్చి ప్రాయమౌ చిత్తములోన
మచ్చిక చేయగ నను దేవాంగనా
1.అచ్చికబుచ్చిక లాడుదువే
వెచ్చని కౌగిట చేర్చుదువే
ముద్దూముచ్చట తీర్చుదువే
బానిసగా నను మార్చుదువే
2.మూడుముడుల బేరంపెట్టి
ఏడడుగుల దూరం నెట్టి
ఏమార్చి నా ఎదను కొల్లగొట్టి
కొంగునకట్టేవు చుక్కల చూపెట్టి
రచన,స్వరకల్పన&గానం:డా.రాఖీ
పువ్వునేర్పుతుంది మనకు- నవ్వడం ఎలాగో
దివ్వె తెలుపుతుంది మనకు- వెలగడం ఎందుకో
పిట్ట ఎరుకపరుస్తుంది- బ్రతుకు విలువ ఏమిటో
పిల్లి బోధచేస్తుంది- తల్లి ప్రేమ ఎంతనో
1.పికము పాట పాడుతుంది- మొహమాటం లేకనే
నెమలి నాట్యమాడుతుంది- మైమరచి లోకమే
ఎదిరిచూపు మాధురికి- చకోరమే ఒక పోలిక
తేటతెల్ల పరచుటకు- మరాళమే తగు తూనిక
2.తరువూ గురువే- త్యాగమెలా చేయాలో చెప్పుతూ
చిరుగాలి ఘనఘనము -స్నేహంలో కరుగుతూ
నదీ కడలి సంగమం- అనురాగ రాగమవుతు
పిపీలికం పట్టుదలకు- పట్టదగిన యోగమవుతు
https://youtu.be/0JXR-IT4JWU?si=daRyGl_4zZ8StgfM
భక్త వరదుడవే ఆర్తత్రాణ బిరుదుడవే
శరణాగత వత్సలుడవే కరుణాంతరంగుడవే
తిరుమల గిరిరాయా జాగేల సరగున అరయా
మకరి బారి కరి కరిగాచిన సిరి పరిణేతా నీకిది సరియా
నమో వేంకటేశ నమో శ్రీనివాసా
నమోనమో బాలాజీ తిరునామ విరాజీ
1.ఎలా పరిష్కరిస్తావో జటిల సమస్యల ద్రోసి
ఎలా సంస్కరిస్తావో భవబంధాలు వేసి
సరసిజ నాభా మనలేను ఇకపైన నిను బాసి
ఉపేంద్రా ఉద్ధరించు ఉపేక్షింపక దయచేసి
నమో వేంకటేశ నమో శ్రీనివాసా
నమోనమో బాలాజీ తిరునామ విరాజీ
2.ఒకటిని మించి ఒకటి వెతలెన్నని కోటి
దుఃఖమందె నినువేడుట మాకెపుడు పరిపాటి
నటన సూత్రధారీ నీవాటలొ ఘనాపాఠి నేనేపాటి
జగన్నాథ జనార్ధనా అజన్మమీయ నీకెవరు సాటి
నమో వేంకటేశ నమో శ్రీనివాసా
నమోనమో బాలాజీ తిరునామ విరాజీ
https://youtu.be/hNU0eri8Dt0?si=c8rAh_n9jq7అడ్లిల్
రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:దర్బార్ కానడ
చనుబాలను అందించి-మురిపాలను చిందించి
అరచేతికి హాయినిచ్చి-శిశువుకు పరవశమిచ్చి
కృతార్థతనొందేటి ప్రలంబమా
స్త్రీత్వానికి అర్థమైన పయోధరమా
ఎన్నటికీ మగజాతి నీకు బానిస
ఎంతవారికైనా నీమీదే ధ్యాస
1.పసివారి ఆకలి తీర్చే అమృత భాండమా
మాతృత్వ మధురిమలో బ్రహ్మాండమా
కోడెవయసు కోర్కె రేపు అగ్నిగుండమా
జగజ్జెట్టినీ పడగొట్టే వలపుకోదండమా
ఎన్నటికీ మగజాతి నీకు బానిస
ఎంతవారికైనా నీమీదే ధ్యాస
2.త్రిమూర్తులే దత్తుడై గ్రోలిన చందమా
శివభక్తుడు లింగమని పూజించిన వైనమా
పురుషుని చూపులాగు అయస్కాంతమా
సేదతీర్చి ఊరడించు పరమ ఔషధమా
ఎన్నటికీ మగజాతి నీకు బానిస
ఎంతవారికైనా నీమీదే ధ్యాస
రచన,స్వరకల్పన&గానం:డా.రాఖీ
ఎవరు చెక్కినారమ్మా ఇంత చక్కటి శిల్పాన్ని
భువికి ఎవరు దింపిరమ్మ నీ సజీవ రూపాన్ని
శివుడే పరవశుడైన ఆకాశ గంగవా
కౌశికుడే వివశుడైన అప్సరాంగనవా
అందానికి ఇంతకన్న ఏదీ నిదర్శనం
సౌందర్యానికే నిలువెత్తు నిర్వచనం
1.రతిని మతిని తలవడు నిను గంటే మదనుడు
రాధనెదను నిలుపడు నినుగాంచ మాధవుడు
బ్రహ్మమానస పుత్రికవో
నవ మోహిని చిత్రికవో
అందానికి ఇంతకన్న ఏదీ నిదర్శనం
సౌందర్యానికే నిలువెత్తు నిర్వచనం
2.అతిలోక సుందరి నీ జతకు తూగరతివలు
మదగజగామిని నీ హొయలెరుగరు ముదితలు
అంగనగా మారిన సింగిడి నీవు
మెలికల మేని కిన్నెరసాని వీవు
రెప్పలైనవాలవు నిను తిలకించినంత
జన్మలెన్ని చాలవు వలపు చిలకరించినంత
రచన,స్వరకల్పన&గానం:డా.రాఖీ
సిగ్గేలనే ఓ చినదానా
నను ముగ్గులోకి లాగి వలచినదానా
ఎన్నాళ్ళుగానో నాకై వేచినదానా
నన్ను నన్నుగా ప్రేమించినదానా
నాకై కలవరించినదానా,నన్నే వరించినదానా
1.తల ఎత్తి తరుణి వైపు చూడని వాడను
పల్లెత్తి పరపడతితో ఎన్నడు మాటాడను
అల్లసానివారి అభినవ ప్రవరాఖ్యుడను
నిగ్రహ పరిగ్రహాన మునిజన ముఖ్యుడను
2.అమ్మ కొంగు చాటుమాటు పిల్లవాడినే
కొమ్మా నను పడగొట్టి కొంగున కట్టావే
నువు గీచిన గీతను జవదాటకుంటినే
నీమాటనెపుడు మీరక నడుచుకుంటినే
https://youtu.be/NFymiOi5YOQ?si=vRbbwWeXAGjeBHAK
రచన,స్వరకల్పన&గానం:డా.గొల్లపెల్లి రాంకిషన్ రాఖీ
లోపమేదొ తెలియకుంది నా కవనంలో
శాపమేదొ తగులుకుంది నా జీవనంలో
ఎంత వైవిధ్య భరింతంగా కవితలున్నా
భావుకతను ఎంతగానొ కుమ్మరిస్తున్నా
ఆదరణకు నోచుకోవు కైతలెందుకో మరి
ఎదలను కదిలించవేమొ కొసరి కొసరి
1.లలితమైన హృదయమే నాకు లేకుందో
అనుభూతి చెందడమే అసలు రాకుందో
సరళమైన పద పొందిక కొఱవడి పోయిందో
వాడుక భాషలోన నా సాహితి సాగకుందో
ఆదరణకు నోచుకోవు కైతలెందుకో మరి
ఎదలను కదిలించవేమొ కొసరి కొసరి
2.పరులను విరివిగా ప్రశంసించ లేదేమో
స్పందించే మిత్ర తతి మెండుగ లేదేమో
ఆర్భాటం హంగామా నాకు చేతకాదేమో
అసలు సిసలు కవిత్వమే నాది కాదేమో
ఆదరణకు నోచుకోవు కైతలెందుకో మరి
ఎదలను కదిలించవేమొ కొసరి కొసరి
https://youtu.be/yRui5mblBW4
రచన,స్వరకల్పన&గానం:డా.రాఖీ
రాగం:సారంగ
నా నాలుక కుంచెగా -నీ తనువున దించునే
ముద్దుల తైలవర్ణ చిత్రాలెన్నో
నీ మేనే వీణియగా-పెదవులు పలికించునే
తమకాల గమకాల రాగాలెన్నో
ప్రియసఖీ నీవే శృంగార దేవతవు
ప్రేయసీ నీవే మదన కదన గీతవు
1.అజంతా చిత్రాలను కపోలాన ఆత్రంగా
ప్రత్యూష చిత్రాలను పదముల పాత్రంగా
రామప్ప శిల్పహోయలు నూగారుమాత్రంగా
ఖజురహో భంగిమలే రతికేళీ శాస్త్రంగా
చిత్రించెద రసనతో అసిధారావ్రతంగా
శ్రమించెద విరమించక విశ్వకర్మ సాధనంగ
2.కలశస్తన మర్ధనలో రమ్య కామవర్ధినిని
వ్యూహరచనలో కదనకుతూహలాన్ని
పరిష్వంగ ప్రమోదాన బృందావన సారంగని
సంగమక్షేత్రాన తారాస్థాయిగ ఆనంద భైరవిని
రవళించెద సరసరాగ సమ్మోహనంగా
కురిపించెద ఎదను తడుప సురగంగా
OK
రచన,స్వరకల్పన&గానం:డా.రాఖీ
రాగం:చంద్ర కౌఁస్
రమ్మంటే రావేలా పడకటింటికి
గంధర్వకాంతలా కనిపిస్తూ నా కంటికి
తలనిండా మల్లెదండ తహతహ పెంచ
న్యాయమా అర్ధాంగీ నన్నుడికించ
1.ఎప్పుడొస్తానా అని ఎదిరిచూపు నా కొరకు
అభిసారికవై సాయంత్రం నేనిల్లు చేరే వరకు
వచ్చీరాగానే జాప్యానికి హెచ్చిన అలకలై
ఉవ్విళ్ళూరే యవ్వనమే ఉసూరనగ కలై
తెల్లచీర ఉల్లమందు ఉద్విగ్న పరచ
ధర్మమా శ్రీమతి నా మదిని దోచ
2.సత్యభామ పదములొత్తు కృష్ణుడకానా
మోహినినే బ్రతిమాలెడి శివుడనేనైపోనా
కట్టుకున్ననాడె నీ దాసుడనై పోయానే
బెట్టేజేయ తగదు సఖీ నీ ప్రియపతినికానే
ఓరచూపు మూతివిరుపు నీకందమే
ప్రేయసీ ఊర్వశీ ఇకనైనా అందవే
https://youtu.be/W__mGEV-4ng?si=ovWZzG2s2eMl7_em
రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:ద్విజావంతి, కాపి
ఎవరిని అడిగి చేరావు షిరిడి
ఏమాశించి పంచావు ప్రేమని
తొలగించావు తీవ్రమైన బాధలని
ప్రవచించావు ఉచితమైన బోధలని
సాయిబాబా దత్తావదూత నమస్సులివే
నీపద పుష్పాలుగ మా మనస్సులివే
1.అందరినీ ఆదరించు ఆత్మబంధువైనావు
అంతెరుగని అనురాగ సింధువైనావు
దీర్ఘకాల వ్యాధులకు నీవే మందువైనావు
దివ్య దర్శనమ్మీయగ కను విందువైనావు
సాయిబాబా దత్తావదూత నమస్సులివే
నీపద పుష్పాలుగ మా మనస్సులివే
2.చెబితేనే చూస్తావా మా శ్రేయస్సు
కోరితేనె ఇస్తావా మాకు జ్ఞాన రుచస్సు
దశదిశలా వ్యాపించె నీ లీలల యశస్సు
పొందిన ప్రతి ఉన్నతి నీవొసగిన ఆశీస్సు
సాయిబాబా దత్తావదూత నమస్సులివే
నీపద పుష్పాలుగ మా మనస్సులివే
https://youtu.be/bqpnYy-SZXY?si=SFyaX3GIM1fQPxxF
రచన,స్వరకల్పన&గానం:డా.రాఖీ
అభావమయ్యింది మనసెందుకో
కలతచెందింది కలమెందుకో
కవితకొరకు వస్తువులేకా
ఏ ఘటనకైనా ఎద చలించకా
రాయడానికేముంది నవీన కోణం
చెప్పిందే చెప్పుతూ చర్వితచరణం
1.తాదాత్మ్యత లోపించింది ఆధ్యాత్మికతన
సర్వస్యశరణాగతిలేదు భక్తితత్వాన
ఢాంభికాలు ప్రదర్శనలు అట్టహాసాలు
ఆత్మలోకి అవలోకించక పరమత పరిహాసాలు
రాయడానికేముంది నవీన కోణం
చెప్పిందే చెప్పుతూ చర్వితచరణం
2.పూలుపళ్ళు పోలికతో వనితల ఒళ్ళు
ప్రేమా ప్రణయం అనురాగం శృంగారాలు
విరహాన వేగిపోయే ప్రేమికుల వేదనలు
అనుభవైక వేద్యమైన అను నిత్య భావనలు
రాయడానికేముంది నవీన కోణం
చెప్పిందే చెప్పుతూ చర్వితచరణం
3.కంఠశోష మినహాయించి మంచిమార్పు సాధ్యమా
పుర్రెకో బుద్ది తరహా వైవిధ్య ప్రపంచమా
ప్రవక్తలు సంస్కర్తలస్వప్నం ఈ సమాజమా
భ్రష్టుపట్టి పోతున్న మానవ భవితవ్యమా
రాయడానికేముంది నవీన కోణం
చెప్పిందే చెప్పుతూ చర్వితచరణం
రచన,స్వరకల్పన&గానం:డా.రాఖీ
మది గదిలో ఏదో మౌన గీతం
పాడుతోంది నా శూన్య జీవితం
శిశిరాన ఆశలు ఆకులై రాల
ఎండమావులే ఎదురేగి రాగ
1.వసంతమే సొంతమయ్యే దారి కనరాక
గగనాన మేఘం వర్షించు వైనం తెలియక
సాగుతోంది బ్రతుకు పయనం సాగరాన
తీరమేది కనుచూపుమేర అగుపించక
2.నిర్మించుకున్న హర్మ్యాలు సైతం నేల కూల
ఊహించుకున్న స్వర్గాలు కూడ నరకాలై పోగ
చేయూత కోసం వగచేది లేక నడిపేను నావ
కాలం చేసే మాయాజాలం వేయాలి పూల త్రోవ
పలుకుటకే పరిమితమై పరమత సహనం
ఎద ఎదలో బుసలుకొట్టే పరమత హననం
ఆచరణకు నోచుకోని లౌకికత్వ విధానం
వేదికలకె భాషణలకె సమైక్యతా నినాదం
మరలిరా మహాత్మా సమసమాజ నిర్మాతా
తిరగరాయి మహాశయా రాజ్యాంగ నిర్ణేతా
1.చర్చ్ ల దర్శనాలు ఫాదర్ ల దీవెనలు
దర్గాలకు మొక్కులు గురుద్వార యాత్రలు
సంకుచితం కానరాని హైందవ ధర్మాలు
అన్యమతం అతిహేయం మునుగడకే తావీయం
ప్రసాదమే విషతుల్యం ఈసడించు మతమౌఢ్యం
తిన్నింటి వాసాలకు లెక్కలు హక్కుల వితండం
మరలిరా మహాత్మా సమసమాజ నిర్మాతా
తిరగరాయి మహాశయా రాజ్యాంగ నిర్ణేతా
2.రంజాన్ వేడుకలు విందుల వాడుకలు
ఏ ఈద్ కైనా శుభాకాంక్షల వెల్లువలు
అలయ్ బలయ్ హత్తుకునే ఉత్సాహాలు
గంగా జమునా తహజీబ్ భావన తరహాలు
క్రిస్మస్ కానుకలు న్యూ ఇయర్ సంబరాలు
పడిపడి చెప్పుకునే విశాలహృదయ విషెస్ లు
తిలకించు మహాత్మా సమసమాజ నిర్మాతా
పులకించు మహాశయా రాజ్యాంగ నిర్ణేతా
3.దైవాల దూషణలు పురాణాల హేళనలు
అవకాశం అంటుఉంటే అంతానికె సవాళ్ళు
బలవంతపు మార్పిడులు వింతైన ప్రచారాలు
ఇతరులెవరు ఇలలోనే కూడదనే బోధనలు
అనైక్యతే బలహీనత సనాతన ఉదాసీనత
అంతరించు దిశగా నిర్వేదగా అనాథగా ధార్మికత
ఉద్భవించు మహాత్మా సమసమాజ నిర్మాతా
శాసించు మహాశయా శాసన నిర్ణేతా
https://youtu.be/ThtCMvvprdA
రచన,స్వరకల్పన&గానం:డా.రాఖీ
ఇదేనా నీ దయాపరత్వము
ఇదేనా భక్తపరాయణత్వము
ఇదేనా భోళాశంకర తత్వము
ఇదేనా జగతఃపితరః ఔచిత్యము
శివా నీ లీలలు అవగతమే కావా
భవా నీ మహిమల అనుభవమీవా
1.ధర్మపత్ని నిచ్చావట ఆత్మలింగ మొసగావట
పాశుపతాస్త్రమునే పార్థుకు ప్రసాదించావట
గరళము మ్రింగావట గంగను దాల్చావట
గజాసురుని కడుపులో వాసమున్నావట
కోరనైతి నేను గొంతెమ్మ కోరికలు
వైద్యనాథ మాకీయి ఆయురారోగ్యములు
2.చిరంజీవిగా మార్కండేయుని జేసి
సిరియాళుని సైతం పునర్జీవింపజేసి
కరినాగులు సాలీడుకు సాయుజ్యమిచ్చేసి
కన్నిచ్చిన తిన్ననికీ కైవల్యము నందజేసి
వినోదింతువేలమమ్ము వెతల పాలబడవేసి
ఆనందమునొందేవా దేవా మా బ్రతుకులు బుగ్గిచేసి
రచన,స్వరకల్పన&గానం:డా.రాఖీ
కూలగొట్టితేనేం ఎవరిదో ఒక దేవళం
కాలబెట్టితేనేం ఏదైనా అది దైవ విగ్రహం
కొల్లగొట్టితేనేం మనదైన దేశ సంపద
తలబెట్టితేనేం సాటివారి బ్రతుకులకాపద
మౌనమే సర్వదా మా విధానం
సహనమే మాకు సాంప్రదాయం
1.తురుష్కులానాడు శిథిలపరచలేదా
మొగలాయిలు సైతం మంటబెట్టలేదా
ఆంగ్లేయులు మన సంస్కృతిని మట్టుబెట్టలేదా
అరచేత బెల్లం పెట్టి మతమంటగట్టలేదా
అనైక్యతే కదా మా బలహీనత
నైరాశ్యమే సదా మా అశక్తత
2.కులలా పేరిట నశింపచేస్తాం బలాలు బలగాలు
మతాల పేరిట బలిచేస్తాం ప్రేమ మానవత్వాలు
మత గ్రంథం బోధిస్తుందా ప్రవక్తనే ప్రవచిస్తాడా
లౌకికత్వ దేశంలో అమానవీయ కృత్యాలు
సామాజిక దురాచారమే మా అపచారం
జాతీయభావన కొఱవడుటే మా గ్రహచారంP
రచన,స్వరకల్పన&గానం:డా.రాఖీ
ఆనందం వర్షించనీ
అనుదినమూ హర్షించనీ
అందరిలో మానవత్వం దర్శించనీ
అనురాగం ఎద ఎదనూ స్పర్శించనీ
శుభోదయం శుభోదయం నేస్తమా
మహోదయం జగానికవనీ మిత్రమా
1.వ్యక్తిత్వం యుక్తమై వికసించనీ
సమానత్వం మానవాళిలో వ్యాపించనీ
స్నేహతత్వం జీవితాంతం ప్రభవించనీ
దాంపత్యం అన్యోన్యమై పరిమళించనీ
శుభోదయం శుభోదయం నేస్తమా
మహోదయం జగానికవనీ మిత్రమా
2.జాతీయతే పౌరులలో పెల్లుబుకనీ
సమైక్యతా రాగమే నినదించనీ
లౌకికతత్వం దేశమంతా వెల్లివిరియనీ
విశ్వైకభావన ప్రపంచమంతా పరిఢవిల్లనీ
శుభోదయం శుభోదయం నేస్తమా
మహోదయం జగానికవనీ మిత్రమా
రచన,స్వరకల్పన&గానం:డా.రాఖీ
వచ్చెటప్పుడేం తెచ్చామని
కొనిపోవడం జరగని పని
పదవులు పేరు ప్రతిష్ఠలన్నీ
ఊరువాడ ఇల్లు పట్టులన్నీ
ఉన్నదంతా వదిలివెళ్ళడమే
కన్నవాళ్ళనైన విడిచి పోవడమే
1.పోగుచేసుకున్న సంపదనంతా
కూడబెట్టుకున్న ఆస్తిపాస్తి అంతా
నూలుపోగైనా మేనలేకుండా
పుట్టినప్పుడున్నట్టి వైనంగ
తెలియని ఏవేవొ దారులగుండా
మరలిరాలేని లోకాలె గమ్యంగా
ఉన్నదంతా వదిలివెళ్ళడమే
కన్నవాళ్ళను విడిచి పోవడమే
2.బొందిలొ ప్రాణం ఉన్నంత వరకే
నా తల్లి నా చెల్లి నా నాన్న నా అన్న
చివరి నిద్దుర పోనంత వరకే
నా భర్త నా భార్య నా కొడుకు నా బిడ్డ
బంధాలన్నీ వట్టి నీటి మూటలే
బతుకు నాటకాన ఆడేటి పాత్రలే
ఉన్నదంతా వదిలివెళ్ళడమే
కన్నవాళ్ళను విడిచి పోవడమే
(ముఖ్యంగా ఘంటసాల భగవద్గీత అంతిమ యాత్రా గీతంగా పరిణమించడాన్ని నిరసిస్తూ- తగిన ఓ పది వరకు గీతాలను ప్రజలకు అందుబాటులోకి తెచ్చే ప్రయత్నంలో )
రచన,స్వరకల్పన&గానం:డా.రాఖీ
ఊహలేవొ రేపెను ఉదయాన్నే
ఊదారంగు రంజిల్లి నా హృదయన్నే
మంజుల రవళులె వీనుల విందుగ
మదివీణియ అనురాగము చిందగ
1.తెలుపు తెలుపు శాంతి సహనాన్నీ
నలుపు నలుపు జీవితాన ఉత్సాహాన్ని
ఎరుపు అరుపు జాగృతించు ఉద్యమాన్ని
పసుపు చూపు సంస్కృతి సాంప్రదాయాన్ని
2.హరితమే జగతికి నవ చేతనము
నీలమే నింగికి ఘన ఆఛ్ఛాదనము
నారింజ వర్ణమే త్యాగనిరతి కేతనము
హరివిల్లు అందాలతొ అలరారు జీవనము
రచన,స్వరకల్పన&గానం:డా.రాఖీ
ఖజురహో శిల్ప భంగిమలే
ఆంధ్రభోజు కావ్య వర్ణనలే
ప్రతి రాతిరి రతి పాఠాలై
దంపతులే మొండి ఘటాలై
సాగుతుంది పోటీ గెలుపుకోసం
ఓడిపోయినాగాని అధర దరహాసం
1. ఎలనాగ ఒళ్ళే ఎక్కిడిన హరివిల్లు
నారి నారి సారించ రసన నా'రసముల్లు
ఎక్కడో తాకుతుంటే ఎదలొ సరస జల్లు
గుట్టు వీడిపోతుంటే మేనుమేనంత ఝల్లు
సాగుతుంది పోటీ గెలుపుకోసం
ఓడిపోయినాగాని అధర దరహాసం
2.వలకాని పరవళ్ళు అలవికాని తిరునాళ్ళు
ఊపిరాడనీయని ఉద్వేగ బిగికౌగిళ్ళు
తట్టుకోనంతగా చుంబనాల వడగళ్ళు
తనువుల సంగమాన స్వర్గాల లోగిళ్ళు
సాగుతుంది పోటీ గెలుపుకోసం
ఓడిపోయినాగాని అధర దరహాసం
శ్రీనివాస హే మురహరి గోవింద
వేంకటేశ మాం పాహి ముకుందా
చిద్విలాస వదనారవింద
చిన్మయానంద నమో భక్తవరద
1.మా దుఃఖాల అభిషేకాలు
నిందలే అష్టోత్తరాలు
ఆవేదనలన్నీ నివేదనలు
నిరసన జ్వాలలు హారతులు
నీకే సమర్పితం నీ ఈ ప్రసాదాలు
ఎంతకూ ఒడవని మా విషాదాలు
2.నిత్యం గొడవలు నీ భజనలు
మా నిట్టూర్పులె స్తోత్రాలు
మా మొరలే నీకై కీర్తనలు
చావో రేవో మా ప్రార్థనలు
నీకే అంకితం మా జీవితాలు
కొఱవడిపోయిన సంతసాలు
రచన,స్వరకల్పన&గానం:డా.రాఖీ
నిను చూసిన వెంటనే రెప్పలల్లార్చి
కలయా నిజమాయని నా ఒంటిని గిచ్చి
తెప్పరిల్లి- మళ్ళీమళ్ళీ మైకం వచ్చి
గుండె ఆగిపోయింది ఒక్కక్షణం- నువు పిచ్చిగ నచ్చి
పొగడలేక తడబడుతున్నానే- ఓ అప్సరస
కవులెవ్వరు కాంచి ఉండరు- నీఅంతటి మిసమిస
1.పాతబడ్డ ఉపమానం చంద్రవదనం
రివాజైన ఉత్ప్రేక్షే హరిణి వీక్షణం
నీ రూపానికి ఇలలోలేదు తగిన రూపకం
నీవే విరహాగ్నికి ప్రేరేపకం-నీవే ఎద మంటల అగ్నిమాపకం
పొగడలేక తడబడుతున్నానే ఓ అప్సరస
కవులెవ్వరు కాంచి ఉండరు నీఅంతటి మిసమిస
2. నా అపూర్వ నాయిక వీవే ఓ అవంతిక
నీవేలే నన్నలరించెడి మనోజ్ఞ గీతిక
కరకరలాడుతు నోరూరించే కమ్మని జంతిక
నిను ఆరాధించుట ఒక్కటే నావంతిక
పొగడలేక తడబడుతున్నానే ఓ అప్సరస
కవులెవ్వరు కాంచి ఉండరు నీఅంతటి మిసమిస
రచన,స్వరకల్పన&గానం:డా.రాఖీ
జాగో జాగో సాహెబా
నీకున్న ఈ ఈగో సబబా
అడ్జస్ట్ మెంట్ లేక స్టంట్లు
ఫ్యూచర్ని ఏమరచి జడ్జ్ మెంట్లు
1.తొలి అడుగే తప్పటడుగు
బ్రతుకు కన్నీటి మడగు
కార్తీకదీపాలు కంటికి వెలుగు
భరోసాకు డౌటేలా భవితకు
2.చక్కని జీవితాన్ని అక్కున జేర్చుకో
ముళ్ళదారి వదిలేసి రాదారిని ఎంచుకో
ఆచితూచి అడుగేసి అనుకున్నది సాధించు
గతం మరచి హితం నేర్చి ఆనందించు
https://youtu.be/32DqXvk7WgU?si=t3EmLl-GMUMNaOWt
"హాప్పీ(?) న్యూ ఇయర్"
నిరుటికి నేడే చెప్పేసెయ్ బై బై
కొత్తేడాదిని ఇప్పుడే ఇన్వైట్ చెయ్
నిన్నటి చేదు అనుభవాలకు సమాధికట్టేసెయ్
రేపటి కమ్మటి ఊహలనే మొదలెట్టేసెయ్
ఫ్రష్ట్రేషన్ ఉంటేగింటే పక్కకి నెట్టేసెయ్
అనుక్షణం ఎంజాయ్ కే ఫస్ట్ ఓటేసెయ్
హాప్పీ న్యూ ఇయర్ బాసూ
పెంచేసెయ్ ఉత్సాహం డోసూ
1.కరోనా కాటు వేయ నందుకూ సంతోషించు
చలానా దాట వేసి నందుకూ ఆనందించు
పరీక్షలే లేకుండా పదిపాసైనందుకు నీకూ నాకు హైఫై
వర్క్ ఫ్రం హోమైనందుకు వైఫ్ కు నాకూ వైఫై
ఫ్రష్ట్రేషన్ ఉంటేగింటే పక్కకి నెట్టేసెయ్
అనుక్షణం ఎంజాయ్ కే ఫస్ట్ ఓటేసెయ్
హాప్పీ న్యూ ఇయర్ బాసూ
పెంచేసెయ్ ఉత్సాహం డోసూ
2.ఓటీటీలో నీటుగా ఘాటైన మూవీలెన్నోచూసేసాం
ఇంటిపట్టున ఉంటూ వండుకుంటూ తింటూ వొళ్ళు పెంచేసాం
ఆన్లైన్లోనే అనవరతం గడిపేస్తూ బ్రతికేసాం
డబ్బుకన్నా సబ్బే గ్రేటని ఏడాదంతా కడిగేసాం
ఫ్రష్ట్రేషన్ ఉంటేగింటే పక్కకి నెట్టేసెయ్
అనుక్షణం ఎంజాయ్ కే ఫస్ట్ ఓటేసెయ్
హాప్పీ న్యూ ఇయర్ బాసూ
పెంచేసెయ్ ఉత్సాహం డోసూ
https://youtu.be/cIlLHAri2cs
రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:హిందుస్తాన్ భైరవి
నీ దయా భిక్షనే తల్లీ నా కవిత్వము
పూర్వపుణ్య సమీక్షయే నా సారస్వతము
శ్రీ వాణీ వేదాగ్రణి పారాయణీ భగవతి
హే భారతి బ్రహ్మసతీ నాకీవే శరణాగతి
1.నీవల్ల నీచేత నీకొఱకే నా గీతా మకరందము
నావి అనుకొనేవన్నీ నీవై అవతరించు చందము
వినితీరాలి కల్పించగ కవితకు పరమార్థము
కవిని ఆదరించకుంటె నీవైనా బ్రతుకే వ్యర్థము
శ్రీ వాణీ వేదాగ్రణి పారాయణీ భగవతి
హే భారతి బ్రహ్మసతీ నాకీవే శరణాగతి
2.సరసత యున్నచోట సమయము లేదు
సమయము కలిగియున్న సరసత లేదు
రాయలు రసరాజులు నిజ భోజుల ఆచూకి లేదు
అష్టదిగ్గజాలకు నవరత్నాలకు ఆలన పాలన లేదు
శ్రీ వాణీ వేదాగ్రణి పారాయణీ భగవతి
హే భారతి బ్రహ్మసతీ నాకీవే శరణాగతి
రచన,స్వరకల్పన&గానం:డా.రాఖీ
నీవే ఒక అద్భుతము నా జీవితాన
నీ స్నేహమె ఒక వరము నా అనుభవాన
ఏదో తెలియని ఆత్మీయ బంధము
ఎద మాత్రమె ఎరిగిన పరమానందము
1.వెయ్యేనుగుల బలం కవితకు నీ ప్రోద్బలం
అలుపెరుగక సాగుతోంది అందుకే నా కలం
నీ పలుకులు ఎనలేని స్ఫూర్తికి ఆలవాలం
నీ ప్రశంసలే నా ఆర్తికి పావన గంగాజలం
2. కష్టసుఖాలు పంచుకునేవు నా ప్రాణనేస్తం
వెదకబోయిన తీగలాగ ఎదురై నువు ప్రాప్తం
ఆలోచన ఏదైనా తెలిపేవు నాకు యుక్తాయుక్తం
యుగ యుగాలు సాగేటి మన మైత్రే అవిభక్తం
నెత్తురు చిక్కనైతె అది దుఃఖం
ఊపిరి వెక్కుతుంటె అది దుఃఖం
ఆశలు ఎక్కువైతె అది దుఃఖం
బ్రతుకులు బిక్కుమంటె అది దుఃఖం
దుఃఖం సర్వ వ్యాపి దుఃఖం విశ్వ రూపి
దుఃఖం మహామాయ దుఃఖం అద్వితీయ
హరిహరాదులెవ్వరినీ వదలలేదు దుఃఖం
రాముడికీ కృష్ణుడికీ తప్పలేదు దుఃఖం
జననంలో దుఃఖం మరణంలో దుఃఖం
జీవితాంతం వెంటాడుతు వేధిస్తూ దుఃఖం
దుఃఖం సర్వ వ్యాపి దుఃఖం విశ్వ రూపి
దుఃఖం మహామాయ దుఃఖం అద్వితీయ
సంసారం కడు దుఃఖం సన్యాసం బహు దుఃఖం
కాలచక్ర భ్రమణంలో విధి విన్యాసం పెను దుఃఖం
ప్రకృతి ప్రళయం దుఃఖం మానవ క్రౌర్యం దుఃఖం
స్వార్థం జడలువిప్పి చేసే కరాళ నృత్యం దుఃఖం
దుఃఖం సర్వ వ్యాపి దుఃఖం విశ్వ రూపి
దుఃఖం మహామాయ దుఃఖం అద్వితీయ
https://youtu.be/JSMfc9qvcME?si=Z-SGKPajhZoPjuiJ
రచన,స్వరకల్పన&గానం:డా.రాఖీ
రేవు చేరులోపే నావ వెళ్ళిపోయింది
ఊరు వచ్చులోపే దారిమారిపోయింది
ఆశలన్నీ మూటగట్టి ఆతృతగా నీకడకొచ్చా
బాసలన్నీ పాతరవేస్తే నిట్టనిలువుగ నా ఎద చీల్చా
1.శ్రుతి తప్పిన పాటయ్యింది జీవనగీతం
గురి తప్పిన వేటయ్యింది బ్రతుకు సాంతం
మిగిలింది ఏముంది జ్ఞాపకాల గోడు మినహా
భవిత శూన్యమయ్యింది ఒంటరైన కాడు తరహా
2.వేలముక్కలయ్యింది గాజులాంటి నా ప్రణయం
పదిలంగా కాచుకోక చేజార్చినందుకు ఫలితం
అందాల భరిణెవు నీవు నీకు ఫరకు ఏముంది
తెగిపోయిన పతంగి నేను నాకు దిక్కులేకుంది
రచన,స్వరకల్పన&గానం:డా.రాఖీ
గమ్యమెంత దవ్వైనా చెదరనీకు పెదవుల నవ్వు
సర్వాన్ని కోల్పోయీ వదులుకోకు ఆశను నువ్వు
ఒక్కక్షణం యోచిస్తే మనవన్నవన్నీ అయాచితమే
వాస్తవాన్ని గ్రహియిస్తే ఆనందమయం జీవితమే
1.పుల్ల పుల్ల పేర్చుకొని కడతాడు తన గూడు
గాలివానకు కూలిపొయినా బ్రతుకునాపడు గిజిగాడు
పువ్వు పువ్వు తిరిగైనా తేనె కూర్చు జుంటీగ
పట్టునంత మంటబెట్ట తిరిగి పట్టును పెట్టునుగా
2.మోయలేని భారమైనా గొనకమానదుగా చీమ
పట్టువిడువక పట్టుబట్టి పుట్టచేర్చుటె గొప్ప ధీమా
అలసిపోక అలలు సైతం ఆపబోవా యత్నము
కడలి తీరం చేరలేకా వెనుదిరిగితేనేం నిత్యము
రచన,స్వరకల్పన&గావం:డా.రాఖీ
నను తడిసిపోనీ నీతలపులతో
నను మిడిసి పడనీ నీ వలపులతో
అనుభవాల వానలో తానమాడనీ
అనుభూతుల జల్లులో ఆటలాడనీ
1.సరికొత్త లోకాలేవో చూపించినావు
బ్రతుకు తీరు తెన్నులెన్నో నేర్పించినావు
అండగా ఉంటూ నన్ను నడిపించినావు
కోరదగిన మొనగాడివని నిరూపించినావు
2.స్పందనే లేని నాలో సరిగమలు పలికించావు
స్థాణువంటి నామదిలో మధురిమల నొలికించావు
నూరేళ్ళు తోడౌతానని బాసలెన్నొ చేసావు
నేకన్న కలల వరమే నీవుగ లభియించినావు
రచన,స్వరకల్పన&గానం:డా.రాఖీ
తోలుతిత్తి నశ్వరమౌ నా నారీ దేహము
ఈ మానిని మేను ఎడల ఎందుకంత మోహము
గ్రోలిన కొద్దీ పెరుగుతుంది రాగ దాహము
జనన మరణ దరుల నడుమ మన జీవన ప్రవాహము
1.నీ సృజనకు మూలము ఒక దేవత గర్భగుడి
నీకు పానుపైనది నిను కన్నతల్లి కమ్మని ఒడి
నీ ఆకలి తీర్చినవి నీ ఆటకు ఇచ్చినవి ఆ గుండెలే
నిను ముద్దాడినవి మాటలెన్నొ నేర్పినవి ఆ పెదవులే
2.నా మిసమిసలన్ని వసివాడును ఒకనాడు
వయసు మీరిపోతే రానైనా రావు నాతోడు
ముఖ్యమే కాదనను యవ్వనాన కామము
కామమే ముఖ్యమైతె పశువుకన్న నువు హీనము
నీ lookకే ఇస్తుంది ఒంటికి ఎంతో kickకు
చూసావంటే నాకేసి అది నా luckకు
భవిష్యత్తే అయిపోతుంది నీlovlely loveకే bookకు
అదృష్టం అంటూ ఉంటేనే నా life long నువు దక్కు
1.చిన్న నవ్వు నవ్వావా గుండెలో Kassakకు
కొంటె సైగ చేసావా నా బ్రతుకే fussakకు
Novel లో దృష్టిపడిందా నావల్లైతే కాదు తల్లో
Cleavage raaz కోసం సాహసించాలి వీరlevel లో
2.waist మడతలొ చిక్కామా life కే పెద్ద risk
Lip to lip kiss ఐతే తట్టకోవడం big task
Hug చేసి అతుక్కపోతే మారుతాయి Clalander లే
Chating dating meeting mating ప్రతిదీ నీతో wonderలే
నీ lookకే ఇస్తుంది ఒంటికి ఎంతో kickకు
చూసావంటే నాకేసి అది నా luckకు
భవిష్యత్తే అయిపోతుంది నీlovlely loveకే bookకు
అదృష్టం అంటూ ఉంటేనే నా life long నువు దక్కు
రచన,స్వరకల్పన&గానం:డా.రాఖీ
చెరిపివేసావా నా గురుతులని నీ మనో ఫలకం నుండి
బూది చేసావా అనుభూతులని నీ హృదయం మండి
శిథిలం కానిస్తానా మారిపోతే శిలగా
శిల్పినై తీర్చిదిద్దనా అపురూప శిల్పంగా
1.నా పాట నిన్నెపుడూ వెంటాడుతుంది
నా పలుకు నీ ఎదనెపుడూ కుదిపివేస్తుంది
అంత తేలికనుకున్నావా నా నుండి పారిపోవడం
ఎంత దూరమున్నాగాని కల్లయే వదులుకోవడం
ఊరుకోలేను ఉరివేసినా గాని
మారిపోలేను ఊచకోతకైనా గాని
2.నీ అందచందాలు ఎపుడైన నేనెంచానా
నీవైన ఆనందాలు ఎన్నడైన కాదన్నానా
నీపు పంచిన ప్రేమతోనే తలమునకలైనాను
అనురాగం నువు కురిపించగ తడిసిముద్దైనాను
ఈ జన్మకేనా మరుజన్మలొ వేధిస్తా
ఎంతగా కాదన్నా దేవతగా ఆరాధిస్తా
రచన,స్వరకల్పన&గానం:డా.రాఖీ
చూస్తేనే నోరూరుతోంది ప్రేయసీ నిన్ను
ఆస్వాదిస్తేనే ఆర్తి తీరుతుంది నను నమ్ము
ఎంత వింత దాహమో ఎనలేని ఈ ప్రేమది
ఎంత వింత మోహమో ఓపకుంది నా మది
1.సింగారించకుంటేనేం సహజాతం నీ అందం
పన్నీరు జల్లకున్నా పరిమళించు అంగాగం
సంసిధ్ధమే సదా నీ దేహం మన్మథ రంగం
నిత్య యుద్ధమే కదా పడకటింటి వీరంగం
2.తలవాల్చ భాగ్యమే నీ నడుము వంపులో
చుంబించ సౌఖ్యమే నీ నాభి సీమలో
గ్రోలడమే ఒక వరము నీ అధర సుధలన్నీ
కవగొనడమె ఒక యోగం నీ దివ్య నిధులన్నీ
రచన,స్వరకల్పన&గానం:డా.రాఖీ
ఎందుకు పుడతారో భూమ్మీదే
మమ్మల్ని చంపటానికిట్లా సుందరంగా
ఒలకబోస్తారేల అందాల బిందె
చూసినంతనె మాకు సొల్లుకారంగా
పిచ్చుకల మీద బ్రహ్మాస్త్రాలు మీవైన పొంకాలు
ఘోటక బ్రహ్మచారులకైనా సడలుతాయిలే బింకాలు
1.మేనకలై వచ్చి చెడగొడతారు తపస్సును
రాధికలై గిచ్చి చెదరగొడతారు మనస్సును
కునుకున కలై సొచ్చి సోకనీయరు ఉషస్సును
యవ్వన కోరికలై ఎక్కడిదురు తనువు ధనస్సును
పిచ్చుకల మీద బ్రహ్మాస్త్రాలు మీవైన పొంకాలు
ఘోటక బ్రహ్మచారులకైనా సడలుతాయిలే బింకాలు
2.దాచుకునే నిధులన్ని బట్టబయలు చేసి
చేసేదంత చేసేసి మాపై అపనిందలు వేసేసి
ఏమెరుగని నంగనాచి కథలెన్నో చెప్పేసి
చేస్తారు మమ్మల్ని మారెడు కాయలల్లె మసిపూసి
పిచ్చుకల మీద బ్రహ్మాస్త్రాలు మీవైన పొంకాలు
ఘోటక బ్రహ్మచారులకైనా సడలుతాయిలే బింకాలు
https://youtu.be/dZHTyZgNwYA
రచన,స్వరకల్పన&గానం:డా.రాఖీ
చంద్రశేఖరా హరా భవహరా
పురహరా గంగాధరా పరాత్పరా
నందివాహనా భవా సాంబశివా
శంభో త్రయంబకా మహాదేవా
బ్రహ్మాది దేవతలు దితి సుత తతులు
దేవ దానవ మానవులంతా నీ దాసులు
ఓం నమః శివాయ ఓం నమః శివాయ
1.కమలలోచనుడు కమలనాభుడు
కమలాలయ శ్రీ కాంతుడు నీ భక్తుడు
సహస్రకమలాల కరకమలాలతొ
పూజించెను నిను శ్రద్ధాసక్తులతో
బ్రహ్మాది దేవతలు దితి సుత తతులు
దేవ దానవ మానవులంతా నీ దాసులు
ఓం నమః శివాయ ఓం నమః శివాయ
2. భక్త గజాసుర భస్మాసురులు
రావణాసురుడు బాణాసురుడు
అర్జునుడు భక్త మార్కండేయుడు
శ్రీ కాళ హస్త్యాదులు కన్నప్ప తిన్నడు
బ్రహ్మాది దేవతలు దితి సుత తతులు
దేవ దానవ మానవులంతా నీ దాసులు
ఓం నమః శివాయ ఓం నమః శివాయ
రచన,స్వరకల్పన&గానం:డా.రాఖీ
కొందరి చూపుల్లో కొంటె వాక్యాలు
ఈ సుందరి చూపుల్లో ప్రణయ కావ్యాలు
మానస వనాన అనురాగ పుష్పాలు
నయన కమలాల ఆనంద భాష్పాలు
1.భాషలెందుకు కన్నులే భావమొలికితే
శబ్దాలెందుకు చూపు కలిపి కొత్త లిపిరాస్తే
ఆడవారిమాటల్లో అర్థాలే ఒకటికి ఇం'కోటి
చూపులకు భాష్యాలైతే రాయడే ఘనపాటి
2.పెదాలతో పొమ్మంటూ కన్నుల్తొ ఆహ్వానిస్తూ
పలుకులతొ వద్దంటూ సైగలతొ స్వాగతిస్తూ
నిఘంటువుల దొరకనివే నీవైన మౌనపదాలు
నిర్వచించలేనివే మగువా నీ మనోభావనలు
https://youtu.be/nFOLMUZhP7E
రచన,స్వరకల్పన&గానం:డా.రాఖీ
ఒడి బియ్యము పోతుమే-మా ఇంటి మా ఆడపడుచుకి
ఒడిని నింపి వేతుమే-మా కంటికే ఇంపైన రుచికి
మా ఇంటి మాలక్ష్మికి తోబుట్టువైన మా కల్పవల్లికి
చీరసారెలనిచ్చి సత్కరించేము
నిండైన దీవెనలు దండిగా ఇచ్చేము
1.అష్టైశ్వర్యములు బడసి వర్ధిల్లగా
అత్తింటి పుట్టింటి కీర్తి పెంపొందగా
దాంపత్య జీవితము అన్యోన్యమై సాగ
పిల్లాపాపలతొ మీ వంశాభివృద్ధికాగా
చీరసారెలనిచ్చి సత్కరించేము
నిండైన దీవెనలు దండిగా ఇచ్చేము
2.మమతానురాగాలె పసుపుకుంకాలు
ఒద్దికా ఓపికలే పుట్టింటి కానుకలు
ఆదరణ అణకువలు తరగనీ సంపదలు
సంస్కృతీ సాంప్రదాయలే తగిన ఆభరణాలు
చీరసారెలనిచ్చి సత్కరించేము
నిండైన దీవెనలు దండిగా ఇచ్చేము
రచన,స్వరకల్పన&గానం:డా.రాఖీ
ఉదయాన మధురిమ నీవల్లే
హృదయాన రసధుని నీవల్లే
నీవల్ల రేయంత వెన్నెల జల్లే
నీవల్ల హాయెంతొ రాజిల్లే
1.నీ జ్ఞాపకాలే నన్నావరించే
నా వలపులన్నీ నిన్నే వరించే
గతజన్మలెన్నో మన ప్రేమను వివరించే
మన తలరాతలనే విధి విధిగా సవరించే
2.సర్వదా నిన్నే మది కలవరించే
నిదురలోను నీపేరే పెదవి పలవరించే
తీపి తీపులెన్నిటితోనో మేను పులకరించే
కలయికల కలలతోనే బ్రతుకే తరించే౹
https://youtu.be/GSSyg4la75A?si=ఎకామోర్ఫ్లమక్వాటేఫ్
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం :కనకాంగి
ప్రాణమున్న పాలరాతి బొమ్మలు
పదారణాల తెలుగింటి ముద్దుగుమ్మలు
నటరాజు పాదాల రవళించు మువ్వలు
సరస్వతి చరణాల కడతేరు పువ్వులు
నా పాటలు రసహృదయుల మనోరంజితాలు
నా పాటలు పాఠకాభిమానుల ప్రశంసా ఫలితాలు
1. శ్రీ కృష్ణుని పదహారువేల గోపికలు
అష్టదశ పురాణాల సంగ్రహ దీపికలు
గీతామృత సారమొలుకు సంచికలు
భవ జలధిని దాట దారి సూచికలు
నా పాటలు రసహృదయుల మనోరంజితాలు
నా పాటలు పాఠకాభిమానుల ప్రశంసా ఫలితాలు
2.సైరిక సైనిక శ్రామిక భావనా ప్రతీకలు
కులమతాతీత మానవతా గీతికలు
మమతానురాగాల స్నేహ వీచికలు
భరతమాత కీర్తిచాటు పతాకలు
నా పాటలు రసహృదయుల మనోరంజితాలు
నా పాటలు పాఠకాభిమానుల ప్రశంసా ఫలితాలు
3.విశ్వజనీనమైన ప్రేమ సంతకాలు
సరస ప్రణయ శృంగార ఉత్ప్రేరకాలు
విరహానల జ్వాలాన్విత తమకాలు
దీనుల వేదనాశ్రుధారల ప్రవాహకాలు
నా పాటలు రసహృదయుల మనోరంజితాలు
నా పాటలు పాఠకాభిమానుల ప్రశంసా ఫలితాలు
తిరుక్షవరం తలదాల్చి తిరుకొలనులొ మేను ముంచి
తిరుపావడ పరిఢవించి తిరునామం నుదుట తీర్చి
తిరుగాడుదు స్వామి గుడి వాకిట పరమే తిరిపెముగా
1. తిరుముత్తము కేతించి తిరుమలేశుని గాంచి
తిరుమంజన మాచరించ తిరువారాధన గావించి
తిరునిగ తిరుముడినై తరించెద తిరుప్పావై పఠించి
2.తిరువీసము నా హృదయము తిరుబోనము నర్పించి
తిరునాళ్ళలో తీరుబడిగ తిరువీథుల చరించి
తిరుచలొ స్వామి ఊరేగ కృతినౌదు తిరుముద్రల భుజమిచ్చి
రచన,స్వరకల్పన&గానం:డా.రాఖీ
అనురాగం రంగరించి
నయగారం కుమ్మరించి
మనసారా నిను వరించి
విరహాగ్నిని నే భరించి
అంగాంగం సిద్ధపరిచా నీగురించి
శృంగార రససృష్టికి నీవే విరించి
1.భక్ష్యమే నా చుబుకం కొఱుకు చిన్నగా
భోజ్యమే నా అధరం నములు మెత్తగా
చోష్యమే చెవితమ్మెలు చప్పరించు హాయిగా
లేహ్యమే మెడవంపు నొల్లు రంజిల్లగా
పయోధర పానీయం ప్రాశిల్లు మత్తిలగా
2.అణువణువును స్పృశించు తమకంగా
కంపించగ మేనుమీటి పలికించు గమకంగా
అత్తరునే మించు స్వేదమాఘ్రాణించు మైకంగా
రెప్పార్పక తిలకించు అసూర్యంపశ్యలనేకంగా
రసన సృణికనే గ్రోలు వదలక అదేలోకంగా
రచన,స్వరకల్పన&గానం:డా.రాఖీ
నిత్యం పున్నమలే-నీ కన్నుల వెన్నెలలో
రోజూ ఆమనిలే-నీ నవ్వుల పువ్వులతో
కోయిల గానములే-నీ కోమల గళసీమలో
తేనెల మధురిమలే -నీ పలుకుల ఝరిలో
1.ఏనాడూ ఉగాదులే చెలీనీ సన్నిధిలో
దసరా ఉత్సాహాలు నీ సహవాసములో
దీపావళి ఆనందాలు నీతో పయనములో
సంక్రాంతి సంబురాలు నీవున్న తావులలో
2.పంచామృతాలు దాంపత్య రుచులు
షడ్రసోపేతాలు నీతో గడుపు నిమిషాలు
సప్తపదితొ ఒనగూరును స్వర్గసౌఖ్యాలు
నవవిధ సరసాలు ఒలుకు నీతో సంగమాలు
https://youtu.be/5jHaPLxpCaE
రచన,స్వరకల్పన&గానం:డా.రాఖీ
రాగం:హంసానంది
తెరుచుకుంది ఉత్తర ద్వారము
మోక్ష ప్రాప్తికి అదియే నిజమార్గము
ముక్కోటి దేవతలకు అందెడి భాగ్యము
మనుజులకైనను దొరికే అదృష్టము
నరసింహస్వామీ నీ దివ్యదర్శనం
ధర్మపురే ఇల వైకుంఠ మన నిదర్శనం
1.విచ్చుకోనీయి నా మనో నేత్రం
మరవకు స్వామి నన్ను మాత్రం
ముక్కోటి ఏకాదశి నేడు పరమ పవిత్రం
నీ దయా దృక్కులకై మాకెంతటి ఆత్రం
నరసింహస్వామీ నీ దివ్యదర్శనం
ధర్మపురే ఇల వైకుంఠ మన నిదర్శనం
2.రాలేదని కినుక వలదు నీ కడకు
నమ్మితి నినుస్వామీ నాచేయి విడకు
తెలువలేను గెలువలేను నాతో ఆడకు
శరణు నీ పాదాలే నరహరి మాకు కడకు
నరసింహస్వామీ నీ దివ్యదర్శనం
ధర్మపురే ఇల వైకుంఠ మన నిదర్శనం
రచన,స్వరకల్పన&గానం:డా.రాఖీ
చేను చుట్టు కంచె ఉంది
నడుమనేమొ మంచె ఉంది
మించిపోని మంచి ఏళ ఉంది
పంచుకోను పడక ఉంది
బేగిరార బిడియాల బావా
ఓపలేను నేనింక మేని యావ
1.పండిన సొగసుంది నాకు
వండిన వలపుంది నీకు
మండిన వయసుంది మనకు
నంజుకోను వగరుంది అంచుకు
బేగిరార బిడియాల బావా
ఓపలేను నేనింక మేని యావ
2.నీ కోరమీసం నచ్చింది
ఎకరమంత నీఛాతి బాగుంది
ఓ పట్టుబడితె నలగాలనుంది
నిను పట్టుబట్టి కట్టుకోవాలనుంది
బేగిరార బిడియాల బావా
ఓపలేను నేనింక మేని యావ
PIC:SRI. Agacharya Artist
రచన,స్వరకల్పన&గానం:డా.రాఖీ
ఇల్లేమో ఇరకటం ఇల్లాలో మరకటం
జీవితాంతం మగనికెంత ఎంత సంకటం
తప్పదు తల ఒగ్గటం ఎప్పుడూ ఆమే నెగ్గటం
మెడకు పడ్డ డోలును విధిలేకే మోయటం
1.పదిమందిలొ నాటకం అన్యోన్యపు కాపురం
నాలుగు గోడల మధ్యన సంసారం సాగరం
పట్టలేని విడవలేని వింతగు పితలాటకం
గుట్టుగ నెట్టుక రావడమే మగవాడికి నరకం
2. మహిమ మాట వట్టిదే మనువు మంత్రాలకు
మనసెలా ఉంటుంది మొండిఘటపు యంత్రాలకు
కీచులాటలన్నీ సద్దుమణగాలి సాయంత్రాలకు
సరే యనక కుదరదు దాంపత్యపు తంత్రాలకు
రచన,స్వరకల్పన&గానం:డా.రాఖీ
నువ్వే నాకు ఒక టానిక్కు
లేకుంటే లైఫే మెకానిక్కు
ఎక్కితే మనం ఫ్రెండ్షిప్ టైటానిక్కు
బతుకంతాలక్కు ,లేకుంటే నేనైతే బక్కెట్ కిక్కు
1.మునిగినా సంతోషమే మూణ్ణాళ్ళు కలిసున్నా
మురిపాల కావాసమే నీ చెలిమితొ అన్నులమిన్నా
మళ్ళీ మళ్ళీ జన్మిస్తా నీకొరకె నేస్తమా
మరణాన్ని ఆహ్వానిస్తా మరుజన్మకైనా ప్రాప్తమా
2. నేను కలమై రాయాలంటే పారాలీ సిరావు నీవై
నేను పాటగ మారాలంటే చేరాలీ నా ఊపిరి నీవై
నేను నేనుగ లేనేలేను పరిణమించా నీవుగా
నాలో ఉన్న నీతో ఎపుడో పరిణయించా హాయిగా
రచన,స్వరకల్పన&గానం:డా.రాఖీ
రాగం:కురంజి
సద్గురుడవు నీవు కదా సాయి
అందుకో ఇకనైనా ఈ శిశ్యుడి చేయి
వెతుకుతూ వస్తాడట గురువు శిశ్యుడిని
తాత్సారమెందుకు నను ఉద్ధరించడానికి
సచ్చిదానంద సద్గురు సాయినాథా
వందనం యోగిమహారాజా అనాథ నాథా
1.అన్నీ తెలుసుననే అజ్ఞానిని
ఏమీ తెలియని మూఢుడిని
దారీతెన్ను లేక తిరుగుతున్నా
సన్మార్గము చూపమని వేడుతున్నా
సచ్చిదానంద సద్గురు సాయినాథా
వందనం యోగిమహారాజా అనాథ నాథా
2. నా పుట్టుక ప్రయోజనం ఎరుగను
నా జన్మకు పరమార్థం గ్రహించను
కాలయాపనే చేసా ఈనాటి వరకు
తపించిపోతున్నా నీ పాద సేవకొరకు
సచ్చిదానంద సద్గురు సాయినాథా
వందనం యోగిమహారాజా అనాథ నాథా
"సింగరేణి" శత వార్షికోత్సవ సందర్భంగా-
రచన,స్వరకల్పన&గానం:డా.రాఖీ
రాగం:కీరవాణి
మా తెలంగాణ ఇంధనమా
సింగరేణి కృష్ణ కాంచనమా
శ్రమైక సౌందర్య జీవనమా
జోహారులమ్మా మా వందనం గొనుమా
1.బాసర పునాదిగా భద్రాద్రి తుదిగా
గోదావరి నదీ లోయ ప్రాతిపదికగా
విస్తరించినావమ్మా మా ఆర్తిని తీర్చగా
తరగని బొగ్గుగనిగ కీర్తిని చేకూర్చగా
జోహారులమ్మా మా వందనం గొనుమా
2.పరిశ్రమల మనుగడకే ప్రాణవాయువై
విశేషించి విద్యుత్తు ఉత్పాదక మూలమై
ప్రభుత ఖజానాకు నీవు సదా చేయూతవై
ప్రజల ఉపాధికల్పనలో ప్రధాన భూమికవై
జోహారులమ్మా మా వందనం గొనుమా
3.శ్రమజీవుల ఘర్మజలం నిన్నభిషేకించగా
అనవరతం అలుపెరగని కన్నులు హారతిగా
సింగరేణి కార్మిక జీవితకాలమే నైవేద్యంగా
నీదైన ప్రత్యేక లోకమే జనులకు హృద్యంగా
జోహారులమ్మా మా వందనం గొనుమా
OK
https://youtu.be/G3Mqpr9m55M?si=Gc3ek_1yr8w1grov
రచన.స్వరకల్పన&గానం:డా.రాఖీ
నీకెందుకు అనిపించదు నాలా
పదేపదే నన్నే పలకరించమనాలా
ప్రేమంటె ఇరువురికీ రెండర్థాలా
ఒకవైపే చొరవ ఉంటె చాలా?
పరస్పరం ఆశిస్తే ఆ బంధం విలువ చాలా!
1.కలవకుంటె ఎంతగానొ ఆరాటం
కనబడితే తీరుతుంది ఉబలాటం
అనుక్షణం నీ గురించె మనమున మననం
నీకెందుకలా తోచదో అగమ్యగోచరం
2.నీ పలుకులు పంచదార చిలుకలు
నీ నవ్వులు సంతూర్వాద్య రవళులు
నీ సన్నిధి నవపారిజాత పరిమళం
నా మదియే ఓ దేవీ నీ పవిత్ర దేవళం
రచన,స్వరకల్పన&గానం:డా.రాఖీ
వలపుకు ప్రతిబంధకమే కాదు వయసు
నిత్య యవ్వనంతో చెలగును మనసు
అనుభవాన దొరికిన స్త్రీ అనుభూతులు
పలవరించి మురిసిన మధురస్మృతులు
జీవితం ఎప్పటికీ నవరసభరితం
సరసం విరసం సమపాళ్ళై సమ్మిళితం
1.సౌందర్యోపాసనే పూర్వజన్మ సుకృతం
సౌందర్యారాధనే అపురూప అవకాశం
సౌందర్య పోషణ అనవరతమౌ ఘోరతపం
సౌందర్య లహరితొ తరియించట తథ్యంతథ్యం
జీవితం ఎప్పటికీ నవరసభరితం
సరసం విరసం సమపాళ్ళై సమ్మిళితం
2.సుందరమౌ వదనమే సుదతికి వరం
శరీర సౌష్ఠమే తోయజాక్షికి అదృష్టం
హోయలొలికెడి నడకలు అదనపు సొత్తు
ప్రియవచనములే పడతిజల్లెడి మత్తు
జీవితం ఎప్పటికీ నవరసభరితం
సరసం విరసం సమపాళ్ళై సమ్మిళితం
https://youtu.be/e3XkqnCMNUU?si=FlHAxiYPg8gsPpdi
రచన,స్వరకల్పన&గానం:డా.రాఖీ
రాగం:హిందోళ వసంతం
శుభంకరా శివ శంకరా
శంభోహరా గంగాధరా
నమఃపార్వతీ పతయే శశిధర
జయజయ జయజయ రాజేశ్వర
జయహే కాశీ విశ్వేశ్వరా జయహే రామలింగేశ్వరా
1.చమరించిన నా నయనమ్ములలో
తరగక ఊరెను సలిల ధారలు
సంతతధారగ అభిషేకించగ
ఎంచుకుంటివా నను పరమ శివా
సరిపోవేమో నా ఆశ్రువులని
సందేహించకు సాంబశివా
నా చివరి రుధిర బిందువు సైతం
అర్పణ జేసెద నీకే రుద్రా
2.అవధరించు నను నువు ధరించగా
నా చర్మము గలదు చర్మాంబరధరా
పరవశించగా నువు వసించగా
నా మానసమే కైలాసమాయెగా సదాశివా
నీ నాట్య వేదికగ నా చిత్తము చేకొను
తకిట తధిమియని నా మదము నణచగా
కరకమలములే సమర్పించెద ప్రియమారగా
సరగున బ్రోవగ సన్నుతించెద మహాదేవా
రచన.స్వరకల్పన&గానం:డా.రాఖీ
ఎదుటి మనసు గాయపరచు ఆగ్రహమది ఎందుకు
నీ ఎదకే ముప్పుతెచ్చు ఆవేశమెందులకు
ఎవరిమీది కోపమో పరుల ఎడల ఎందుకు
అసహాయత ఆవరించ వృధా అరుపులెందుకు
ఇదే మన ఖర్మమని భరించక
ఇందుకే మనమున్నదని సహించక
1.తెలివైనవాడు అమాయకుణ్ణి
ధనికుడు కడు పేదవాణ్ణి
బలవంతుడు బలహీనుడిని
యజమాని సేవకుడిని
అడుగుడుగున వంచనతో ముంచుతున్నా
ప్రతిసారి మోసగించి దోచుకున్నా
ఇదే మన ఖర్మమని భరించక
ఇందుకే మనమున్నదని సహించక
2.చిన్న చేపను ఓ పెద్దచేప మ్రింగు రీతి
ఆ పెద్దచేపను మరో పెద్దచేప మ్రింగడమే లోకనీతి
మోసపోవడం జీవితంలో ఓ భాగమై
అనునిత్యం అంతర్మధన దౌర్భాగ్యమై
ఘర్షణతో నిరంతరం జ్వలించినా
వాదనతో అనవరతం వచించినా
ఇదే మన ఖర్మమని భరించక
ఇందుకే మనమున్నదని సహించక
రచన,స్వరకల్పన&గానం:డా.రాఖీ
నువ్వే కారణం నీ నవ్వే కారణం
నా ఎద గుమ్మాన అనునిత్యం నీ జిలిబిలి పలుకుల తోరణం
నీ చూపుల వెన్నెలతో నా వెతలన్నీ నివారణం
1.నువ్వే కాదన్నావంటే మరణమె నాకు శరణం
నీతో నాబ్రతుకంటే ఈ జన్మకే విశేషణం
నీవంటూ లేకపోతే నాకేది దిక్కూదివాణం
నాజీవితాన నువు కాలుమోపినదే శుభతరుణం
2.ప్రేమకు ప్రణయానికి మనమే ప్రమాణం
మనసుకు మనసుకు జరిగినదే మనకళ్యాణం
సహనశీలతే నీకు అపురూప ఆభరణం
ఆదర్శమైన గృహిణిగా ఎందరికో నువ్వే ప్రేరణం
రచన,స్వరకల్పన&గానం:డా.గొల్లపెల్లి రాంకిషన్ రాఖీ
గులాబి చెప్పింది గుడ్మాణింగ్
మల్లిక చెప్పింది మనసారా మాణింగ్
మందారం తెచ్చింది అందాల మాణింగ్
పున్నాగ అందించింది ఫ్రెష్ నెస్ మాణింగ్
1.నందివర్దనంతో నవ్వుల మాణింగ్
పారిజాతాల పరిమళ మాణింగ్
బంతిపూలతో బంగారమే మాణింగ్
చేమంతి పూలంటి మాటామంతి మాణింగ్
2.నిద్రగన్నేరంటి గమ్మత్తు మాణింగ్
తంగేడు పూలంటి రంగారు మాణింగ్
చంపకాలంటి ఈ చైతన్య మాణింగ్
ఉత్పలాలంటి కడు ఉత్తేజ మాణింగ్
తీరిపోతె ఏముంది కోరిక
నిస్సారమే ఈ జీవనం ఇక
ఫలించినంత అంతటిదే వేడుక
అసంతృప్తిలోనె ఉంది భవితవ్య దీపిక
వేంకటరమణా నేనేంటో నీకే ఎరుక
కరుణాభరణా నన్నుద్ధరించు జాగు సేయక
1.మితిమీరిన సుఖములనే బడసి
మతినైనను నిను నిలపనైతి అరసి
గతినీవే అన్యమెరుగ దయగను శ్రీపతి
ద్యుతినీవే అంధకార బంధురమవ నా ఋతి
వేంకటరమణా నేనేంటో నీకే ఎరుక
కరుణాభరణా నన్నుద్ధరించు జాగు సేయక
2.అలసినాను బ్రతుకున పరుగిడి పరుగిడి
ఎండమావులైన ఐహిక బంధాల పాలబడి
నొచ్చినప్పుడే నీ శరణుజొచ్చితి భయపడి
వెతల కాన్కలిచ్చైనా మరువనీకు పొరబడి
వేంకటరమణా నేనేంటో నీకే ఎరుక
కరుణాభరణా నన్నుద్ధరించు జాగు సేయక
రచన,స్వరకల్పన&గానం:డా.రాఖీ
దాహాన్ని తీర్చేటి నది నీ మది
తోడునీడ నిచ్చేటి తరువు నీ తనువు
నీ అనురాగం నను తడిపేను మేఘమై
నా జీవితాన అడుగిడినావే చెలీ రసయోగమై
1.హరివిల్లులె నీ బుగ్గల్లో సిగ్గు బిడియాలు
విద్యుల్లతల పుట్టిళ్ళు మన్మోహన నీ హాసాలు
జలపాత వేగాలు వంకలేని నీ పనిపాటలు
నీవు నడయాడే చోట వెలసేను విరితోటలు
దాహాన్ని తీర్చేటి నది నీ మది
తోడునీడ నిచ్చేటి తరువు నీ తనువు
నీ అనురాగం నను తడిపేను మేఘమై
నా జీవితాన అడుగిడినావే చెలీ రసయోగమై
2.నీ మేను అందంకన్నా నీ మనసే సుందరం
నీలో నేను మెచ్చే గుణమే నీవుచేసే పరోపకారం
మంచులా కరిగుతుంది నీ దయార్ద్ర హృదయం
దీపమల్లె వెలుగిస్తుంది ఆదరించు నీ సౌశీల్యం
https://youtu.be/hJkaY-NoHy8
రచన,స్వరకల్పన&గానం:డా.రాఖీ
రాగం:భీంపలాస్
చిత్తజ జనని విత్తరూపిణీ
అప్రమత్తవై ననుగాంచవే
సమాయత్తమై ఏతెంచవే
నమస్తే సంపద సమృద్ధిని
నమోస్తుతే ఐశ్వర్య దాయిని
1.శ్రీ చక్రరాజ సింహాసినీ
శ్రీ హరి హృదయేశ్వరి
శ్రీ పీఠ సంవర్ధినీ సిరి
శ్రీ దేవీ సురనర సేవినీ
నమస్తే సౌభాగ్యద
నమోస్తుతే విజ్ఞానద
2.ఓం కార నాదాత్మికా
హ్రీం కార బీజాత్మికా
క్లీం కార మంత్రాత్మికా
శ్రీం కార రూపాత్మికా
నమస్తే ఆనందవరద
నమోస్తుతే కైవల్యద
రచన,స్వరకల్పన&గానం:డా.రాఖీ
పచ్చని పైరంటి కోమలీ
వెచ్చని నెగడంటి నెచ్చెలీ
నా ఊసులు నా బాసలు గ్రహించవేమే
నా ఊహలు తపనలు ఫలించనీవే
చిరుగాలితొ కబురంపినాను
నీ చెవిలో నా మనసును
గుసగుసగా వినిపించమని
మరుమల్లితొ విన్నవించినాను
నా చిత్త వాసన తన సువాసన
మేళవించి నిన్నలరించమని
బదులుపలుక వైతివే-ఎదను తెలుపవైతివే
నా జీవన ఆమని-నా హృదయ మధువని
తొలిపొద్దును అడిగినాను
సిందూరతిలకమై
నీ నుదురును ముద్దాడమని
గోదారిని వేడినాను
తన అలల చేతులే నావిగా
నిను కౌగిలించమని
మౌనము వీడవైతివే-ప్రేమను పంచవైతివే
నా జీవన ఆమని-నా హృదయ భామిని
రచన,స్వరకల్పన&గానం:డా.రాఖీ
(యుగళగీతం)
అతను: గాజుకళ్ళ పిల్లా
నా మోజుతీర్చవెల్లా
పడిపోయా నిను చూసి వెల్లాకిల్లా
ముంచేయకె నంగనాచి ననునిలువెల్లా
ఆమె: చొంగకార్చు బావా
ఎప్పుడూ నీకదే యావా
మనువయేదాక ఆ మాత్రం ఆగలేవా
అంతలోనె మతిమాలుతు ఇంతటి కరువా
అతను:1.తిప్పుకుంటు తిరుగుతుంటె
ఎవరైనా చప్పున పడిపోరా
చుప్పనాతి బుంగమూతి మొహందాన
సూదంటు రాయంటి సోకుదాన
ఆమె: ఉత్తినె ఊరిస్తే ఉరికొస్తావు
చనువిస్తే కాస్త సంక నెక్కుతావు
ఏదో పాపం పోనీ లెమ్మంటే
పోకిరోడా నా ఎదనే దో చేసేస్తావు
అతను:2.నాటకాలంటేనే నాకెంతకు పడవే
తాయిలాలిస్తె నువ్వస్సలు పడవే
నడపవె చుక్కానివై నా బతుకు పడవే
తింగరి బుచ్చి నాపై ఏల మనసు పడవే
ఆమె: లగ్గమింక చేసుకో తిరకాసు బావ
పగ్గాలింక నీకిస్తా పరుగులె మన తోవ
దగ్గరైపోతా నీ మనుసులొ మనసుగా
ఒగ్గుతా నా తనువును తపనలారగా
OK
నీ కడ లేకనే ఇవ్వలేదో
నాకివ్వాలనిలేకనే ఇవ్వలేదో
నీ పోకడ అర్థమే కాదెవరికీ
బ్రతుకును చేయకు చేదెవరికి
దయచేయుమా సాయిరామా
వేంచేయిమా నా హృదయ సీమ
1.నవ్వులనే ఎత్తుకెళ్ళావు సాయిబాబా
పువ్వులనే నలుపుచుందువు నీకిది సబబా
కవ్వముమై చిలుకుమయ్య నా మదిని
తొవ్వలైతే తప్పనీకు చేరగ నీ సన్నధిని
దయచేయుమా సాయిరామా
వేంచేయిమా నా హృదయ సీమ
2.పక్షపాతముందేమో నీకు సాయిబాబా
లక్ష్యపెట్టవెందుకు మరి నన్ను భక్త సులభా
నిను నమ్మితె వమ్ముకాదు ఇది జనవాక్కు
నిను వదలను వరమీయగ అదినా జన్మహక్కు
దయచేయుమా సాయిరామా
వేంచేయిమా నా హృదయ సీమ
రచన,స్వరకల్పన&గానం:డా.రాఖీ
ఈ నాన్నకే నాన్నవౌతుంటావు
నీ వెన్న మనసు పంచుతుంటావు
తొక్కుడు బండకున్న ఓపిక నీది
మిక్కిలి వెలుగులీను దీపిక నీ మది
అశీస్సులివే నీకు సిద్దీశ్ కన్నా
జన్మదిన దీవెలివె వృద్ధినొందు సాటివారి కన్నా
హ్యాప్పీ బర్త్డే టూయూ విష్యూ హ్యాప్పీ బర్త్డే టూయూ
1.విలువలకే విలువనిచ్చు నీ సంస్కారం
బంధాలను బలపరిచే నీ జీవన విధానం
జగతిలోన నీవే ఆదర్శం కావాలి
ప్రగతి పొంది ఇంటిపేరు నిలపాలి
అశీస్సులివే నీకు సిద్దీశ్ కన్నా
జన్మదిన దీవెలివె వృద్ధినొందు సాటివారి కన్నా
హ్యాప్పీ బర్త్డే టూయూ విష్యూ హ్యాప్పీ బర్త్డే టూయూ
2.ముంబై సిద్దివినాయకుడు చల్లగ చూడాలి
కొండగట్టు అంజన్న కరుణను కురిపించాలి
వెములాడ రాజేశుడు నీ వేడ్కలు తీర్చాలి
ధర్మపురి నరుసన్న నీకు అండ ఉండాలి
అశీస్సులివే నీకు సిద్దీశ్ కన్నా
జన్మదిన దీవెలివె వృద్ధినొందు సాటివారి కన్నా
హ్యాప్పీ బర్త్డే టూయూ విష్యూ హ్యాప్పీ బర్త్డే టూయూ
