రచన,స్వరకల్పన&గానం:డా.రాఖీ

రాగం:తిలక్కామోద్

అద్దంలో చూసుకో నిన్ను నీవు నిత్యం

మ్రొక్కేవు శ్రీదేవినే గాంచి ఇది సత్యం

ప్రత్యక్షమైనంతనే మది చేయునే నృత్యం

నీ సన్నిధి ప్రాప్తమైతే నా తపన కృతకృత్యం

ఎలాకీర్తించనూ నీ హృదయ ఔన్నత్యం

చేసుకో నీలో ఐక్యం ఇక జన్మరాహిత్యం

1.వరాలేమిమ్మనను నిన్ను మించి వరమేముంది

నోరు విప్పి ఏమి కోరను మైమరపు కమ్ముకుంది

కాలచక్రం అరిగిపోని తిరిగి తిరిగి అలుపే వచ్చి

నీనుండి దూరం చేయకు నీవంటే తరగని పిచ్చి

ఎలాకీర్తించనూ నీ హృదయ ఔన్నత్యం

చేసుకో నీలో ఐక్యం ఇక జన్మరాహిత్యం

2.నీ మాయలో పడిపోయా ఎరుగక నే అయోమయంగా

నీ మత్తులొ కూరుకపోయా సోయిలేక తన్మయంగా

అభావమై ముభావమై నా గొంతు మూగవోయెగా

నీవే మాయవై నేనే మాయమై బ్రహ్మానంద మాయెగా

ఎలాకీర్తించనూ నీ హృదయ ఔన్నత్యం

చేసుకో నీలో ఐక్యం ఇక జన్మరాహిత్యం

8Vijayasanthi Pinninti, Lakshmi Dvdn and 6 others

1 comment

Like

Comment

Share

OK

 రచన,స్వరకల్పన&గానం:డా.రాఖీ

నందనవని నీ మానసం ఆహా-నిన్న ఎంత సుందరం

సుడిగాలి చెలరేగి అయ్యో -నేడు చిందరవందరం

వివిధ వర్ణ విరి శోభితం-నీమది ప్రశాంతమౌ వసంతం

భీభత్సపు వానలు ముంచగ-మోడుబారి ఇపుడో శిశిరం

నందనవని నీ మానసం ఆహా-నిన్న ఎంత సుందరం

సుడిగాలి చెలరేగి అయ్యో -నేడు చిందరవందరం

వివిధ వర్ణ విరి శోభితం-నీమది ప్రశాంతమౌ వసంతం

భీభత్సపు వానలు ముంచగ-మోడుబారి ఇపుడో శిశిరం

పలుకులు తలపించె నాడు-మెలికలతొ పారే సెలయేళ్ళు 

నవ్వుల్ని రువ్వితె చాలు-ఎదలొ దుముకు జలపాతాలు

నీ మౌనమిపుడాయే నేస్తమా -గాంభీర్య గౌతమి పగిది 

నీ హృదయమనిపించే ప్రియతమా అగాధాల జలధి

నందనవని నీ మానసం ఆహా-నిన్న ఎంత సుందరం

సుడిగాలి చెలరేగి అయ్యో -నేడు చిందరవందరం

వివిధ వర్ణ విరి శోభితం-నీమది ప్రశాంతమౌ వసంతం

భీభత్సపు వానలు ముంచగ-మోడుబారి ఇపుడో శిశిరం

నీ కనులు కురిపించాయి అపుడు -పగలైనా వెన్నెలలు

నీ చెలిమి అలరించినంతనే తొలగినాయి ఇట్టే నా వేదనలు

మూగవోయింది వీణ - తీగలే తెగిపోయి- మూలబడి 

రాగాలు మరిచింది తాను - నలుగురిపై గురిపోయి- తడబడి

నందనవని నీ మానసం ఆహా-నిన్న ఎంత సుందరం

సుడిగాలి చెలరేగి అయ్యో -నేడు చిందరవందరం

వివిధ వర్ణ విరి శోభితం-నీమది ప్రశాంతమౌ వసంతం

భీభత్సపు వానలు ముంచగ-మోడుబారి ఇపుడో శిశిరం 

https://youtu.be/MDmFMciHwjE?si=RbmdYIFbIPgP8Gdv

 రచన,స్వరకల్పన&గానం:డా.రాఖీ

రాగం:హుస్సేని

చూపించవయ్యా కైలాస మార్గము

నను చేర్చవయ్యా కైవల్య తీరము

మంచులాంటి మనసే నీది శంకరయ్యా

కురిపించు దయామృతం ఈశ్వరయ్యా

1.మూఢభక్తి నాది ముక్కంటి కనవయ్యా

గాఢానురక్తి నీపై  పెంచుకుంటి లింగయ్యా

నాగుపాము ఏనుగుపాటి  సేవచేతునయ్యా

ఆగలేను ఓపను నీ తావు తోవ నడ్తునయ్యా

2.చేసేను నిను కనగా గణపతి సోపతి

వాడేను దరిజేరగ సేనాపతి పరపతి

ఆదరించి బ్రోచునుమాయమ్మ పార్వతి

ఆలస్యమిక నీదే ఆనతీయ పశుపతి

 రచన,స్వరకల్పన&గానం:డా.రాఖీ     

ఆత్రమేమొ నేత్రాల్లో

ఆర్తి దంతవస్త్రాల్లో

ఆగలేను ఇక ఎంత మాత్రము

చేస్తున్నా చెలి ప్రేమ స్తోత్రము

1.చూపు పంపు ఆహ్వాన పత్రము

వలపు తెలుపు దివ్య సూత్రము

కైపు రేపు నీ కాంతి వక్త్రము

నునుపు గొలుపు నవనీత గాత్రము

2.మనసేమో దయాపాత్రము

సొగసే అపురూప చిత్రము

వయసిక శృంగార శాస్త్రము

మన కలయిక కడు విచిత్రము

 రచన,స్వరకల్పన&గానం:డా.రాఖీ

రాగం:నీలాంబరి

కోపముంటే కొట్టూ తిట్టూ

కినుక కలిగితె పీకను పట్టు

మాటలాడక చేయకు బెట్టు

నొప్పించను నిన్నిక ఒట్టు

చింతించనేల తీవ్రాతి తీవ్రంగా

మంత్రించనేల భవిత శూన్యంగా

1.అంతగా  బాధించానా

ఎదలొ కత్తులు దించానా

మత్తుమందుపెట్టి  మైకంలో ముంచానా

మాయమాటలే చెప్పి నిన్ను వంచించానా

చింతించనేల తీవ్రాతి తీవ్రంగా

దూషించనేల బ్రతుకు నాశంగా

2.నీ గాథనంతా జీర్ణించుకున్నాను

ఆవేదనంతా నే పంచుకున్నాను

కొనసాగలేమా శ్రేయోభిలాషులుగా

మన వ్యాపకాలే ఊపిరులవగా

చింతించనేల తీవ్రాతి తీవ్రంగా

శపియించనేల చితిని పేర్చంగా

FOR audio.. ping un whatsapp

 రచన,స్వరకల్పన&గానం:డా.రాఖీ

రాగం:ముల్తాన్

నీ గానమే రోజూ నా కవితౌతుంది

నీ మౌనమూ నాపాలిట పాటౌతుంది

నీ స్నేహం అపురూప వరమౌతుంది

నీ అలకతో నేస్తమా  కలవరమౌతుంది

ప్రాయశ్చిత్తమేలేదా పశ్చాత్తాపానికి

విషాదాంతమేనా నా జీవితానికి

1.గాయాన్ని చేయాలంటే గుండెనే కోయాలా

గుణపాఠం నేర్పాలంటే ప్రాణమే తీయాలా

నువ్వు మన్నించకుంటే మనుగడే నాకు శూన్యం

నువ్వు చేయిసాచకుంటే నా ఉనికి కడు దైన్యం

ప్రాయశ్చిత్తమేలేదా పశ్చాత్తాపానికి

విషాదాంతమేనా నా జీవితానికి

2.నీ మనసులొ ఏముందో ఎలా తొంగి చూడను

తప్పుకొనగ ఎప్పుడు చూడకు నేను నీనీడను

దాపరికమేలేదు నా మదిలొ ఎన్నడునూ

నమ్మినా నమ్మకున్నా నీ  చేదోడు వాదోడును

ప్రాయశ్చిత్తమేలేదా పశ్చాత్తాపానికి

విషాదాంతమేనా నా జీవితానికి

 https://youtu.be/6t-BPLTzkJw

రచన,స్వరకల్పన&గానం:డా.రాఖీ

వర్షాకాలంలోనూ వన్నెల వసంతం విరిసింది

వానలు ముసిరినగానీ కన్నె కోయిల కూసింది

ఉల్లములో ఉప్పెనలా  ఉద్వేగాలే ఉసిగొలుప 

వలకాక వలపులతో వెల్లువలా పెల్లుబుక

1.ఒంటరి తానైతేమి ఈ తుంటరి లోకంలో

ఎందుకు మునిగుండాలీ పికము ఎప్పుడు శోకంలో

గున్నమావి కవిగామారి భావచివురులందిస్తుంది

ఎలుగెత్తీ  గానంచేయగ ఎంతో పరవశిస్తుంది

2.పాట ఒకటి ఉంటేచాలు ప్రాణానికి సాంత్వన

ఆకలీ దప్పులు తీర్చును గాత్రామృతాస్వాదన

పంచభూతాలే శ్రోతలు పంచమాస్యా సదస్సున

శషభిషలు మానేసీ చెలఁగాలీ స్నేహ జగాన

 రచన,స్వరకల్పన&గానం:డా.రాఖీ

భావానికి అక్షరాల రేపర్ చుట్టి

పొందికైన పదాలతో రిబ్బన్ కట్టి

అందించా కానుకగా నామనసట్టిపెట్టి

ఉంచుకో ఎప్పటికీ గుండెలో నను దాపెట్టి

1.నిను గెలిచానే  ప్రేమనే ఉట్టికొట్టి

నడవాలి ఏడడుగులు నా జతకట్టి

అడుగెట్టు నా ఎదలో మెట్టెల కుడి పాదమెట్టి

అధికారమిచ్చా నడిపించు నను గాడిలొ పెట్టి

2.ఆంక్షలే పెట్టుగాని ముంచకు నా పుట్టి

నీకోసం నీకోసం  ప్రతిసారీ నే పుట్టి

జన్మలెన్ని ఎత్తినా వదలను నిను చేపట్టి

సేవించనీ నను హాయినీ స్వర్గాలు చూపెట్టి

 రచన,స్వరకల్పన&గానం:డా.రాఖీ

మెదడు తొలుస్తున్నావే కుమ్మరి పురుగువై

చెవిలొ పాడుతున్నావే తుంటరి దోమవై

మనసు గ్రోలుతున్నావే తమకపు తుమ్మెదవై

దాడి చేస్తున్నావే తలపులపై నీవే తేటీగవై

ఎలా తట్టుకోనే ఇంతటి నీ ప్రేమ ఒత్తిడి

చిత్తమంత చేసావే పుత్తడిబొమ్మా చిత్తడి చిత్తడి

1.మరాళమే మరలిచూచు నీ హొయలుకు

మయూరమే పురులు విప్పు నీ కురులకు

చకోరమే శశిని మరచు వెన్నెల నీ మేనని

పికమే భావించు కిసలయమని నీ మోవిని

ఎలా తట్టుకోనే ఇంతటి నీ ప్రేమ ఒత్తిడి

చిత్తమంత చేసావే పుత్తడిబొమ్మా చిత్తడి చిత్తడి

2.కస్తూరి విస్తుబోవు నీ దేహపు నెత్తావికి

నాగులెన్నొ నిన్నుజేరు మొగిలి వేదు గాత్రానికి

సీతాకోక చిలుకలే వాలి అతికేను నీ ఒంటికి

చాతకమే పరితపించు చెలీ నీ హర్ష వర్షానికి

ఎలా తట్టుకోనే ఇంతటి నీ ప్రేమ ఒత్తిడి

చిత్తమంత చేసావే పుత్తడిబొమ్మా చిత్తడి చిత్తడి

 రచన,స్వరకల్పన&గానం:డా.రాఖీ

చీర జన్మ ధన్యమైంది నువు కట్టుకొంటే

అబ్బురపడిపోయెమది ఆ కనికట్టు కంటే

నగలమెరుపుతగ్గింది నువ్వు నవ్వుతుంటే

ఇంతకంటె ముదమేముంది నా బ్రతుకే నీదంటే

1.మబ్బు మురిసిపోయింది నీ జుట్టువంటిదంటే

పువ్వు పరవశించింది నీ పరిమళాన్ని పోల్చుతుంటే

పసిడి మిడిసి పడిపోయింది నీ మేనిరంగు తనదంటే

సింగిడి తలవంచింది నీ తనువు వన్నెలుచూస్తుంటే

2.సిందూరం రవిబింబమైంది  నుదుట దిద్దుకుంటే

ముక్కెర ధృవతారయ్యింది దృష్టి తగులుతుంటే

కేణా వడ్డాణమైంది నీ నడుము కెట్టుకుంటే

సంగీతం తరించింది నీ అందెలసడి మంజులమంటే

OK

తలమునకలుగా ఉన్నావు  తిరుపతి బాలాజీ

నీ దృష్టిని మరలించగ పాడెదను రాగమిదే వలజి

నీకెంతో ప్రియమని చల్లెద పరిమళమీ జవ్వాజి

నా బ్రతుకు తీరు మార్చివేయి కాకుండా గజిబిజి

వందనమిదె వేంకటేశ నను దయజూడు

వేడెద నిను వేదాత్మా వేగిరముగ కాపాడు

1.రాదాడి పోదాడిగ నీకడ భక్తుల తాకిడి

వింత వింత విన్నపాలు తీర్చగ నీకెంత ఒత్తిడి

ఏరోజు చూసినా నీగుడిలో సందడే సందడి

అలసినాను నినుజూడ పడిగాపులు పడిపడి

వందనమిదె వేంకటేశ నను దయజూడు

వేడెద నిను వేదాత్మా వేగిరముగ కాపాడు

2.కోరలేదు నిన్నెప్పుడు గొంతెమ్మ కోరికలు

అడగలేదు అప్పనంగ నాకు కీర్తిచంద్రికలు

మనశ్శాంతి లేక నాకు ఎన్నాళ్ళీ లుకలుకలు

ఆరోగ్యపరచు స్వామి ఇఛ్ఛలే మరీచికలు

వందనమిదె వేంకటేశ నను దయజూడు

వేడెద నిను వేదాత్మా వేగిరముగ కాపాడు

 రచన,స్వరకల్పన&గానం:డా.రాఖీ

ఎవరిగోల వారిదే ఎవరి శైలి వారిదే

ఎవరికోసమో తెలియక ఎగజిమ్మడం

ఎందుకోసమో ఎరుగక  మోసెయ్యడం

ఎక్కడెక్కడివో ఏరుకొచ్చి తోసెయ్యడం

మినహాయింపులే లేవు సామాజిక మాధ్యమాన

వెర్రివాళ్ళమే అంతా ఈ వింత మిథ్యా జగాన

1.పుంఖాను పుంఖాలు పోస్టులు పోస్టుతాం

జన్మహక్కుగా భావిస్తాం స్పందనలెన్నోఆశిస్తాం

స్క్రోల్ చేస్తూ పరులవైతే చూడడమూ మానేస్తాం

పరిచయస్తులవి మొక్కుబడిగా లైకేస్తాం ట్యాగేస్తాం

మినహాయింపులే లేవు సామాజిక మాధ్యమాన

వెర్రివాళ్ళమే అంతా ఈ వింత మిథ్యా జగాన

2.వ్యక్తిగతపు స్పర్శనెపుడో చిత్రంగా కోల్పోయాం

హృదయంలో ఆర్ద్రతనే సమూలంగ తుడిచేసాం

యాంత్రికతను మనసుగా మార్చేసుకున్నాం

సరికొత్త బంధాలను ఆతృతగా అలుముకున్నాం

మినహాయింపులే లేవు సామాజిక మాధ్యమాన

వెర్రివాళ్ళమే అంతా ఈ వింత మిథ్యా జగాన

https://youtu.be/4hpQbsD9sdM?si=Z6BY7HBMvzK6k3J4

సరదాల కలబోత దసరా ఇది

దసరాన సరదాల సంబరాలివి

తెలంగాణకంతటికీ పండగంటె ఇదే ఇదే

బంధుమిత్రులందరికీ నా శుభకాంక్షలివే ఇవే

1.దేవీ నవరాత్రులకిది ఆలవాలం

శ్రీరామ విజయోత్సవ భవ్య కాలం

తిరుమల బ్రహ్మోత్సవ సముజ్వలం

ఆటపాట బతుకమ్మల కోలాహలం

2.ఆయుధ వాహన పూజలు  ముందు

దైవ దర్శనాలతో  మనసానందం పొందు

విందులు మందులే పండగలో బహు పసందు

బంధుమిత్ర సమాగమాన సంతసాలె చిందు

3.జయముల సమకూర్చు జమ్మి చెట్టు

శాంతి శుభాలకూ సంకేతం పాలపిట్ట

అలయ్ బలయ్ ఆలింగన ఆత్మీయత

పెద్దల దీవెనలందగ బంగారు భవిత

https://youtu.be/ayfN6xQ4QC8

తేయాకు చూర్ణేన కాళీమాత

క్షీరధార మిళితేన లక్ష్మీదేవి

పంచదార సంయుతేన సరస్వతి

త్రయిమాత్రేన సమన్వితం 'టీ పరమ పవిత్రం

1.సక్రమ కాలకృత్య ఉత్ప్రేరకం

కుశాగ్రబుద్ధి జాగృత ద్రావకం

శిరోవేదన ఉపశమన ఔషదం

ఏతత్ గుణ త్రయేన చాయ దైవరూపకం

2.క్షీర రహిత హరితమై ఆరోగ్య దాయం

మసాలాపూరితమై లాలాజలోదయం

బహువిధ రుచిపూతమై రసన రసమయం

ఆబాలగోపాలం సదా తేనీటి సేవన ప్రియం

 https://youtu.be/5uHd0LtQ-14?si=vwxzR8Q71jZi0dEV

గ్రామదేవతవైనా సంగ్రామ విజేతవైనా

మహిషమర్దినివైనా దనుజ హారిణివైనా

జగన్మాతవు ఐనా జగన్మోహినివైనా

సర్వంసహా విశ్వమంత నీవే నీవే జనని

మము చల్లగ చూడవే నీ పిల్లలమే భగవతి భవాని

1.బ్రహ్మ విష్ణు మహేశ్వరులు  నీ భృత్యులే

ఇంద్రాది దేవతలు నీ పరిచారకులే

సప్తమహా ఋషులు సైతం నీ సేవకులే

అఖిలాండకోటి బ్రహాండనాయకివి నీవే జనని

మము చల్లగ చూడవే నీ పిల్లలమే భగవతి భవాని

2.నీ ఆనతిలేక ఈ లోకమే నిశ్చలము

నీ కనుసన్నలలో జననము మరణము

బుద్ధి యశస్సంపదలన్నీ నీ అధీనాలే 

మణిద్వీపవాసినివి మందహాసినివీ నీవే జనని

మము చల్లగ చూడవే నీ పిల్లలమే భగవతి భవాని

https://youtu.be/GzbOzzivnsw

 రచన,స్వరకల్పన&గానం:డా.రాఖీ

పారాయణి నారాయణి దాక్షాయణి

పరమార్థ దాయని నవ దుర్గా కాత్యాయని

త్రిశక్తి రూపిణి త్రిభువన పాలిని  కపాలిని

శివాని భవాని శాకిని సనాతని మాలిని

త్రిగుణాతీతా  పరదేవతా జగన్మాతా 

నమామి సతతం సకలలోక పూజిత శ్రీ లలిత

1.మాతవే గీతవే నా భవితకు నిర్మాతవే

పునీతవే అనంతవే  అపర్ణవే అపరాజితవే

నగజాతవే సుజాతవే ఆనంద సంజాతవే

పైడినెలతవే మంగళదేవతవే తమ్మింటిగరితవే

1.కాలికవే కరాళికవే అంబికవే కాళికాంబికవే

అమ్మికవే నాలోని నమ్మికవే ననుగాచే చండికవే

చండాలికవే సర్వార్థసాధికవే నా మనస్తోకవే

మాతృకవే పురుహూతికవే బృహద్భట్టారికవే

(దుర్గాష్టమి శుభాకాంక్షలతో)

 రచన,స్వరకల్పన&గానం:డా.రాఖీ

ఏది నాగరికత ఏది ఆధునికత

ఏదీ మన జాతీయ సాంస్కృతికత

ఉనికినే కోల్పోతున్న మన ఘనమైన చరిత

పునరుజ్జీవింపజేయాలి భారతీయ సభ్యత

1.కత్తిరించి విరబోసిన చింపిరి జుట్టు 

అదే సంస్కార హీనతకు ఆటపట్టు

చిరుగుల చింపుల రంగెలిసిన జీన్స్ ప్యాంటు

బిచ్చగాళ్ళకన్న దీనమైన దుస్తులే ఫ్యాషనంటు

2.ధరించినదేదైనా ఈ నాటి ముదిరకు

విశృంఖల ప్రదర్శనే లక్ష్యమాయె చివరకు

వెన్ను నడుము నాభి వక్షస్థలము కొరకు

చూసినంతనే మగాడు రెచ్చిపోవు వరకు

 రచన,స్వరకల్పన&గానం:డా.రాఖీ

ఎవరైనా ఎపుడైనా తాకారా మీ ఎదను

ఏదైనా  ఘటనొకటి తట్టిందా  మీగుండెను

అప్రయత్నంగానే నయనాలు సజలాలై

పొడిబారిన హృదయంలో ఊట ఒకటి మొదలై

నిదురించిన నీలో మనిషి  మేలుకొన్న అనుభూతి

అడుగు పొరల మరుగున అదిగో మానవత్వ ఆచూకి

1.కాసింత సమయమైనా వెచ్చించగలిగి నప్పుడు

పిసరంత సాయమైనా పరులకు నువు చేసినప్పుడు

ఎదుటివారి కన్నుల్లో కనిపించే సంతృప్తి చిహ్నం

కృతజ్ఞతా భావనతో గొంతు మూగవోయిన వైనం

నిదురించిన నీలో మనిషి  మేలుకొన్న అనుభూతి

అడుగు పొరల మరుగున అదిగో మానవత్వ ఆచూకి

2.గోరంత నీ త్యాగం ఆర్తులకు  కొండగా  పరిణామం

పట్టెడంత పెట్టిన అన్నం తరతరాలకది ఆశీర్వచనం

ఆస్తులను పంచకున్నా దాతృత్వగుణమే సుకృతం

సహానుభూతి చెందితె చాలు ఎదుటి మనసు కదియే ఊతం

నిదురించిన నీలో మనిషి  మేలుకొన్న అనుభూతి

అడుగు పొరల మరుగున అదిగో మానవత్వ ఆచూకి

మా ఇంటి తులసిదళం ఆశ పడ్డది 

నీ ఎదపై మాలగా మెరవాలని

మా తోటబంతిపువ్వు ఆరాట పడ్డది

దయతో  నీపాదాల తననివాలని

తిరుమలేశ తులసిదళమె నా హృదయం

వేంకటేశ బంతిపూవు నా నయనం

1.నా ప్రాణ దీపానికి ఒకటే తపన

కలకాలం నీ ఎదుట వెలగాలనీ

నా రసన జపమాల అభిలాష

నిరతము నీనామం పలకాలనీ

తిరుమలేశ చేసేశా  ప్రాణాలు నీ పరం

వేంకటేశ వేడుకుంటి నీ తలపే నా వరం

2.నా గుండె సవ్వడినీ గుడిగంట కానీ

నీ దృష్టి నాపైన నిలుపునట్లుగా

నా ఊపిరేనీకు వింజామరయవనీ

నీ సేదతీర్చుతు కడతేరునట్లుగా

తిరుమలేశ నిమిషమైన నీ ధ్యాసలో

వేంకటేశ వేడ్క తీర్చు ఈ జన్మలో

 రచన,స్వరకల్పన&గానం:డా.రాఖీ

ఆవిష్కరించావు నాలో నేనెరుగని అందాలెన్నో

జాగృత పరిచావు ఏవో తీయనైన తాపాలెన్నో

మూల్గుతోంది నాదేహం తన్మయమై తమకాలు సైచక

నీల్గుతోంద నా పొంకం తన పొగరణిచేయు వారులేక

ప్రియసఖా రా  రసిక శేఖరా సుఖాల ముంచివేయగా

ఇంద్రధనువు నాతనువు  ఎక్కిడి స్వర్గాన్ని గెలిచేయగా

1.మొహంవాచి ఉన్నది పురుష స్పర్శ అన్నదే ఎరుగక

ఇహం మరచి పోయేటి స్వప్నమాయె ఒక మరీచిక

నీ ఊహయే నా జీవన ఎడారికి అమృత వర్షసూచిక

నీ రాకయే వయసు వేసవికి ఆహ్లాద మలయ వీచిక

ప్రియసఖా రా  రసిక శేఖరా సుఖాల ముంచివేయగా

ఇంద్రధనువు నాతనువు  ఎక్కిడి స్వర్గాన్ని గెలిచేయగా

2.ఎదిరిచూసె నా అధరాలు మధువు గ్రోలు వారు లేక

మదనపడె పయోధరాలు మధించు ఆదరణ నోచక

ఎడబాటునోపకుంది సడలిననానడుము ఎవరు బంధించక

యవ్వనాన్ని ఎరవేసితి మ్రింగగ తిమింగలానికేమాత్రం వెరవక

ప్రియసఖా రా  రసిక శేఖరా సుఖాల ముంచివేయగా

ఇంద్రధనువు నాతనువు  ఎక్కిడి స్వర్గాన్ని గెలిచేయగా

https://youtu.be/SPr1vzPp7ks?si=1B5owPy13HgosQJ7

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:నటభైరవి

పసిమొగ్గల కసిగా నుసిగా నలిపేసే పైశాచిక మానవా
జుగుప్సాకరమైన ఆగడాలు అరాచకాలిక మానవా
విషాన్ని చిమ్మే వికృత చిత్తానికి ఉచితానుచితాలానవా
అశుద్ధ భక్షకా కుక్షికి నీవందరిలా  అన్నాన్ని  తినవా

1.నోరులేని పసి కూనలే అభంశుభమెరుగని పాపలే
చిన్నారి ముద్దుగుమ్మలే అందాల గాజుబొమ్మలే
మనుషులకే పుడ్తే బేలను చెరచగ మనసెలా వస్తుంది
మృగాలైన సిగ్గుపడే కీచక నీచ కృత్యమెలా తోస్తుంది

2.ఏ సంస్కృతి నేర్పిన ఆచారం బాలలపై అత్యాచారం
ఏ వంశపు నికృష్ట వారసత్వం హేయమైన ఈ ఘోరం
నరజాతికి రసిగారే వ్రణం కామాంధుడు భువికే భారం
అంగాంగం ఖండించి సజీవంగ దహించినా సరిపోనిదీ నేరం

 రచన,స్వరకల్పన&గానం:డా.రాఖీ

వేళమించిపోతుంది మదిని చదువులోగా

గడువుదాటిపోతుంది  మనసుతెలియులోగా

ఇకనైనా గ్రహించు ఎదుటివారి అనురాగం

ఇపుడైనా అనుభూతించు అసలైన మైత్రీయోగం

1.ఎంతమంది నీకున్నారో ఆప్తులు స్నేహితులు 

ఎంతమందిలో ఉన్నానాకు నీవే పంచప్రాణాలు

వాడుకొని విసిరేసే బాపతైతె కాదు నేను

నిన్ను దప్ప ఎవ్వరినీ దరిదాపుకు రానీను

 2.ఆరిపోయేలోగా సవరించు స్నేహదీపం

మారిపోయేలోగా ఎరిగించు ఎదరూపం

గిచ్చిగిచ్చి చంపకు సరదాకై నా గుండెను

నీ సయ్యాటలలో బ్రతుకు సాంతం మండెను

https://youtu.be/JYHebUTjLE8

ఇందిరా రమణా నీకిరు ఇంతుల పోరు ఎంతయా

పద్మావతి వల్లభా ఒక్కరైనా సరే నా అలవికాదయా

నీకు నీ  సతుల వల్ల యాతన చాలదనా

నాకు ఊఢనంటగట్టి వినోదింతువేలయా

1.సంసార సాగరం దుఃఖం నానుడి వినలేదా

ఏక మార్గ ద్వారం కాపురమని నీకేరుకేలేదా

మరణమొక్కటే త్రెంచగలదు  నా భవబంధం

నీ సన్నిధి మాత్రమే నాకు అనంతమైన ఆనందం

2.అరవయేళ్ళ జీవితం ఇంతటితో ఇక చాలు

క్షణమైనా మనలేను శరణు నీ పాదాలు

సుఖసంతోషాలు కొల్లగొడితె మానె స్వామి

విముక్తైన ప్రసాదించి నను కడ తేర్చవేమి

 రచన,స్వరకల్పన&గానం:డా.రాఖీ

చదువు కొనలేక చదువుకొనలేక

బాల్యానికి అమూల్యమైన విద్య దక్కక

మురికి వాడల్లో దిక్కూ దెస తోచక

రేపటి నా పౌరుల ఆకటి కేక చీకటి రేక

1.చెత్తను ఏరుకొంటు తాలు విత్తనాలుగా 

గారడి చేసుకొంటు కూడలి చిత్తరువులుగా

కప్పులు కడుగుకొంటు బాలకార్మికులుగా

పేపర్ పంచుకొంటు చిరు ఆర్జనపరులుగా

పాలు పంచుకొంటు చేదోడు వాదోడుగా

2.కార్పొరేటు స్కూళ్ళవైపు ఆశగా ఒక చూపు

ఆపసోపాలతో సగటు మనిషి నిట్టూర్పు

ఉట్టికైన ఎగరలేక స్వర్గానికెగిరి ఎగిరి అలుపు

విద్య వైద్యం ఉచితమైతేనే జాతికి సముచిత గెలుపు

ప్రభుతకు ప్రగతి ప్రాథమ్యమైతేనే సముచిత గెలుపు

తట్టి చూసాను నేను ఎందరి ఎదలనో

పట్టి పట్టి చూసాను ఎందరి వదనాలనో

సాయీ నీవంటే భక్తులకు ఎంతటి మైకం 

సాయీ అనురక్తులకు నీవే  ఏకైక లోకం

కలిగించవు  నాకెందుకు అంతటి సౌభాగ్యం

సవరించగ సుతి తప్పిన నా  సుతుని ఆరోగ్యం

1.సముచితమే నేను నిన్ను నిలదీయడం

సహజమే సాయి నాలోని ఈ భావావేశం

పక్షపాతమెందుకు  ఏ కొందరి ఎడల

లక్ష్యపెట్ట వెందుకు నా విశ్వాసం సడల

కలిగించవు  నాకెందుకు నీ అనుభవ సౌభాగ్యం

సవరించగ సుతి తప్పిన నా  సుతుని ఆరోగ్యం

2.సహనానికి సైతం ఉంటుందొక అవధి

పరీక్షించడానికీ ఉండాలి ఒక వ్యవధి

మనసంతా నిండిపోతే బ్రతుకుపట్ల నైరాశ్యం

చోటుండదు నా గుండెలొ నీకై అవశ్యం

కలిగించవు  నాకెందుకు నీ దర్శన  సౌభాగ్యం

సవరించగ సుతి తప్పిన నా  సుతుని ఆరోగ్యం

 రచన,స్వరకల్పన&గానం:డా.రాఖీ

నేనే  నువ్వై  ప్రేమై

మనదే ప్రేమైక లోకమై

శోకాల సడిలేని నాకమై

దేహాలు మైకమై ప్రాణాలు ఏకమై

1.నా కైతకు నీవే కాగితమై

నీ స్వరము నేనను రాగమై

మన సంయోగం ఒక యోగమై

ప్రభవించు జగమున అమోఘమై

2.నా కావ్యపు ముఖ చిత్రానివై

నా హృదయం ఘోషించు స్తోత్రానివై

నేనమితంగ మైమరచు గాత్రానివై

నీవే నీవే నీవే నా జీవన సూత్రానివై

 

https://youtu.be/xK4B5LZdTpA

రచన,స్వరకల్పన&గానం:డా.రాఖీ

రాగం:హిందోళం

శివమేకమ్ సర్వం సహా లోకమ్

శివానందమే సకల భువన విశ్వమ్

శివం శంకరం భక్తవశంకరమ్

శివోహం సత్యం శివం సుందరమ్

నమఃశివాయ పరిపాలయమామ్

ఓం నమఃశివాయ పరిపాలయమామ్

1.శివనామం దివ్యం మంగళకరమ్

శివధ్యానం భవ్యం కైవల్య వరదమ్

శివ స్మరణం అనన్యం ఆత్మానందమ్

శివకారుణ్యం ధన్యం జన్మ సార్థకమ్

నమఃశివాయ పరిపాలయమామ్

ఓం నమఃశివాయ పరిపాలయమామ్

2.శివ రూపం నిరాకార సాకారమ్

శివతత్వం త్రిగుణాతీతమ్ నిర్గుణమ్

శివతేజం భవభయ హరం పురహరమ్

శివ మంత్రం పంచాక్షర సమన్వితమ్

నమఃశివాయ పరిపాలయమామ్

ఓం నమఃశివాయ పరిపాలయమామ్

https://youtu.be/WHjiOEeROn0?si=mqJfEIFe1xgHz1cH

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:బేహాగ్

నుదుటన దిద్దిన కాసంతబొట్టు
తూరుపు దిక్కున సూరీడైనట్టు
సిగ్గులు పూసిన నీ బుగ్గలు 
గురుతు తెచ్చెనే ఎర్రని గులాబీ మొగ్గలు
నువ్వై అగుపించని వస్తువేది లేదు
నువ్వే తలపున తోచని సమయమంటు లేదు

1.తుళ్ళితుళ్ళి తుళ్ళి నవ్వేటి నవ్వుల్లు
సెలయేళ్ళు చేసేటి గలగల సవ్వళ్ళు
చకచక కదలాడు నీ సోగ కన్నుల్లు
కొలనులో తిరుగాడు చిన్నారి మీనాలు
నువ్వై అగుపించని వస్తువేది లేదు
నువ్వే తలపున తోచని సమయమంటు లేదు

2.పిరుదుల్ని దాటిన నల్లటి నీ కురులు
వరదై ఉరికేటి కృష్ణమ్మ జలసిరులు
పిడికిట్లో ఇమిడేటి నీ నడుము పోడుములు
పాపికొండల మధ్య గోదారి పదనిసలు
నువ్వై అగుపించని వస్తువేది లేదు
నువ్వే తలపున తోచని సమయమంటు లేదు

ఆనందాల జలధివి నీవు

నయగారాల నిధివే నీవు

నీ మాటల ముత్యాలు నేనేరుకుంటా 

నీ నవ్వుల రతనాలు నే దాచుకుంటా 

నీ తోటి సావాసం –పూర్వకర్మ పుణ్య విశేషం 

నీ స్నేహ మాధుర్యం-నా జన్మకు సాఫల్యం 

1.మనసెరిగీ మసలుకొనే నేస్తానివి

మనసారా కోరుకునే సమస్తానివి

నా జీవితంలో ఒక భాగమైనావు

నా భవిష్యత్తుకే మార్గదర్శివైనావు

నీ తోటి సావాసం –పూర్వకర్మ పుణ్య విశేషం 

నీ స్నేహ మాధుర్యం-నా జన్మకు సాఫల్యం

2.నా హృదయ పుస్తకం చదివేసినావు

నా మస్తకాన్ని సైతం సంగ్రహించినావు

కల్లోల వేళల్లో నిజమైన సాంత్వన నీవు

కన్నీరు తుడిచేటి ఆత్మబంధువైనావు

నీ తోటి సావాసం –పూర్వ కర్మ పుణ్య విశేషం 

నీ స్నేహ మాధుర్యం-నా జన్మకు సాఫల్యం

OK

 వంచేస్తా ఆకాశం నీకోసం

దించేస్తా జాబిలినే ప్రతి దివసం

తారలనే తగిలిస్తా నీ చెవుల గున్నాలుగా 

సూర్యుడినే దిద్దేస్తా నీ నుదుటికి తిలకంగా

నేను నీలో కలిసిపోతా పెరుగులో వెన్నలా

నిన్ను నాలో నిలుపుకుంటా నీలో నన్నులా

1.చరాచరమంతా నీవేనిండిపోయావే

ఊపిరిలో ఊపిరిగా నీవే ఉండిపోయావే

నా ఎదనాదం మంజులమైపోయిందే

నా ప్రతి భావం నీకే అంకితమయ్యిందే

నేను నీలో కలిసిపోతా పెరుగులో వెన్నలా

నిన్ను నాలో నిలుపుకుంటా నీలో నన్నులా

2.ప్రేమ స్థాయి దాటిందే నీవంటే

పిచ్చి ముదిరిపోయిందే నీవంటే

నన్ను వదిలి పోవద్దే నా ప్రాణమా

నీవే లేని జీవితం అదో జీవితమా

నేను నీలో కలిసిపోతా పెరుగులో వెన్నలా

నిన్ను నాలో నిలుపుకుంటా నీలో నన్నులా

ఉద్యోగం పురుష లక్షణం

మనుగడకు ఉపాధి కారణం

అరవైవత్సరాల ఆయుఃప్రమాణం

వెరసి అనివార్యం ఉద్యోగవిరమణం

రాజకుమార్ గారు మీ లక్ష్యం పరిపూర్ణం

నిర్ధ్వందంగా అప్రతిహతం అజేయం అమోఘం

రాజకుమార్ గారు పదవి విరమణశుభాకాంక్షలు  

మీ స్నేహ శీలతకూ  నా హార్దిక జేజేలు

1.శిఖరాగ్రం చేరుకున్న గ్రామీణ బ్యాంకరు మీరు

యజమాన్యం మెచ్చుకునేలా ఆదర్శం మీ తీరు

ఉద్యోగుల సంఘాలలోనూ ఉద్యమించినారు

సంకటాలు ఎదురైనా అధిగమించినారు

రాజకుమార్ గారు పదవి విరమణశుభాకాంక్షలు  

మీ స్నేహ శీలతకూ  నా హార్దిక జేజేలు

2.చెరిగిపోని చిరునవ్వు మీ పెదవుల కదలాడు

అవగాహన విషయంలోను తడబడరు ఎన్నడు

కష్టమర్ల సేవలలో మీకు మీరే కదా సాటి

ఎవరైనా ఇష్టపడే వ్యక్తిత్వానికి మీరే దివిటి

రాజకుమార్ గారు పదవి విరమణశుభాకాంక్షలు  

మీ స్నేహ శీలతకూ  నా హార్దిక జేజేలు

3.అర్ధాంగికి ఉత్తముడైన ఆదర్శ పతివి

సంతానాన్ని చేర్చినావు అత్యున్నత స్థితికి

సాగిపోని భవితంతా ప్రశాంతమౌ త్రోవగా

ఆనందం వెల్లివిరిసే కుటుంబంతొ హాయిగా

రాజకుమార్ గారు పదవి విరమణశుభాకాంక్షలు  

మీ స్నేహ శీలతకూ  నా హార్దిక జేజేలు

 రచన,స్వరకల్పన&గానం:డా.రాఖీ

ఊహలకు రూపం వస్తే-భావనకు ప్రాణం పోస్తే 

నీలానే ఉంటుంది అచ్చంగా,మనసంతా హాయి వెచ్చంగా

సౌందర్యరాశివే,నా హృదయరాణివే

అందీయవే నీపాదం అందియనై అలరిస్తాగా 

1.పదహారు ప్రాయాన-పరుగులెత్తు పరువాన 

సంతరించుకున్నావే అపురూప అందాన్ని,

సౌందర్యరాశివే,నా హృదయరాణివే

నిను చూస్తేచాలు పొందగలము ఆనందాన్ని

2.వందసార్లు నే ఛస్తాను-వేయి జన్మలెత్తేస్తాను 

నే నెదిరి చూస్తాను నీమదిని దోస్తాను 

సౌందర్యరాశివే,నా హృదయరాణివే

నన్ను నమ్మవే చెలీ నూరేళ్ళూ తోడుగ వస్తాను 

OK

 
https://youtu.be/tTCSx297GCY?si=KDgt24oYE0Cr0kht

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:లలిత

కల నిజమయ్యే ఉషస్సువు

బంగరు రంగుల రోచిస్సువు

నా వశములొ లేని మనస్సువు

నా జీవన జ్యోతికి హవిస్సువు

నిత్య వసంతమై అలరిస్తావు

లాలిత్య గీతమై మదిదోస్తావు

1.నీరెండలా  వెచ్చని హాయివి

విరిదండతో వచ్చిన ప్రియవి

 నా కన్నుల కమ్మేసిన మాయవి

నీవే లోకమైన నా సోయివి

నిత్య వసంతమై అలరిస్తావు

లాలిత్య గీతమై మదిదోస్తావు

2.మాటల మంత్రమేసె జాణవి

పాటల మధువుపోసె పికానివి

సయ్యాటలాడే సౌదామినివి

కౌగిట చేర్చుకునే సమీరానివి

నిత్య వసంతమై అలరిస్తావు

లాలిత్య గీతమై మదిదోస్తావు

 రచన,స్వరకల్పన&గానం:డా.రాఖీ

నీ కడకొంగు నడుమున దోపితె...

కదన కుతూహలమే..

నీ కడకొంగు గొడుగుగ పడితే...

అమృతవర్షిణి తలమే...

1.నీ కడకొంగు వీవెన వీస్తే 

మలయ మారుతమ్మే..

నీ కడకొంగు గాలికొదిలితే..

శంకరాభరణమే...

నీ కడకొంగు ముసుగే వేస్తే..

కళ్యాణ వసంతమే..

నీ కడకొంగు సేద దీర్చగ 

సంమోహనమే....

2నీ కడకొంగుతో..తుడిస్తే..

మేఘ మల్హారే

నీ కడకొంగునే పరిస్తే 

రస రంజనియే..

నీ కడకొంగుతో ముడివడితే

సప్తపది సరాగాలే..

నీ కడకొంగున నను కట్టేస్తే..

అనురాగ మాలికలే...!!

 రచన,స్వరకల్పన&గానం:డా.రాఖీ

నీ పదముల నా గీతుల తలదాల్చనా

నీ పదముల నే ప్రణతుల తలవాల్చనా

షిరిడీపుర శ్రీ సాయి నీ తావు ద్వారకమాయి

తెరిచాను నా హృదయం దయతో దయచేయి

1.చల్లారని ఒక ధునిగా మండుతోంది నా ఎద

కారుణ్యరసధునిగా మది పాడుతోంది సర్వదా

సాంత్వన చేకూర్చే సద్గురుడవు నీవే కదా

స్వాగతమిదె సాయి అందించగ పరసంపద

2.ఎండిపోయింది నా గుండె లేండివనము

పారించు సాయి పదాల జ్ఞాన నదము

పంచహారతులుగా పంచప్రాణాలు గొనుము

జీర్ణమాయే దేహకఫిని స్వీకరించి ధరించుము

OK

సౌమిత్రి సతి సల్పినా ..త్యాగమ్ము కొనియాడ తరమాయేనా..

ఊర్మిళా పాతివ్రత్యమ్ము ..ముల్లోకముల కాదర్శ ప్రాయమేగా 

1.అన్న మాటను అన్న బాటను 

జవదాటనీ..పతి లక్ష్మణ స్వామినీ 

బాసటగ నిలిచి సాగనంపింది 

సాధ్వి ఊర్మిళ తా సగర్వమ్ముగాను

2.జనకుడి౦టను జన్మ దాల్చిన రాణి

దశరథుడి కోడలై అడుగిడిన పూబోణి

అచ్చటా ముచ్చటా తీరలేదెచ్చట

పతియానతిని ఎపుడు  మీరలేదకటా.. 

3.మగడు తగదన్న నిదురను తాను గైకోన్నది

పదునాలుగేళ్ళు మగతలో తానున్నది

భ్రాతృ సేవకు లక్ష్మణుడు విశ్వ విఖ్యాతుడాయెగా

రామాయణమ్మున ఊర్మిళ పాత్ర చిరస్మరణీయ మాయెగా

https://youtu.be/tdmpak6wjIY?si=RMpgk8MFWxotK7dD

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:ముఖారి

ఇంటి ముందే శివా నీ పంచాయతనం
కంటి ముందే హరా చంద్రశేఖరా నీ దివ్య దర్శనం
నీసన్నిధిలోనే గడిచె అనుదినం నా బాల్యం
ఇంతకుమించీ అవసరమా పొందగ కైవల్యం

1.నమచమక స్తోత్ర సహిత నిత్యాభిషేకాలు
హరహర మహాదేవాయను నీ నామ శ్రవణాలు
నిను కీర్తించే వేద పారాయణాలు
మై మరచి ప్రవచించే నీ పురాణాలు

2.ఉత్సవాలందున నీ లీలల హరికథలు
పర్వదినాలలో నీ సంతత సంకీర్తనలు
సోమవారాలలో ప్రదోషోపవాసాలు
ఐహికా ముష్మికమౌ వాదోపవాదాలు

OK

నువ్వంటే పిచ్చేమరి కొందరికి

నువ్వంటే నచ్చవు మరికొందరికి

సాయి నిన్ను సాయబుగా చూస్తారెందుకో

సాయి నీకు మతమంటగడతారేలనో

మానవీయ విలువ తెలుపు మహనీయుడవే

అందరినీ చేరదీసి ఆదరించు వాడవే

1.రోగాలు రుగ్మతలు ఎడబాపిన వైద్యుడవే

ద్వేషవైషమ్యాలు పోకార్చిన సిద్ధసాధ్యుడవే

మానవాళికంతటికీ నిత్య ఆరాధ్యుడవే

జీవకారుణ్య వ్యాప్తికి సాయి నీవు ఆద్యుడవే 

మానవీయ విలువ తెలుపు మహనీయుడవే

అందరినీ చేరదీసి ఆదరించు వాడవే

2.పిలిచినంత పలికేవని నుడివెదరెందరో

తలచినంత ఎదుట నిలుతువందురెందరో

నిన్ను నమ్మి నేను సొమ్ముచేసుకున్నదేమిటని

స్పష్ట పరచు ఇకనైనా అభీష్టమొకటి తీర్చెదవని

మానవీయ విలువ తెలుపు మహనీయుడవే

అందరినీ చేరదీసి ఆదరించు వాడవే

 పండితులకు ఆనదు

పామరులకు చేరదు

ఎవరి కొరకు నా కవితో తెలియదు

ఎంతవరకు నిలిచేనో సందేహం తీరదు

1.ఛందస్సునకు నెలవేకాదు

వ్యాకరణానికి తావే లేదు

ప్రతీకలలో ప్రత్యేకతా లేదు

ఏదీ లేక ఇది కవితైతే కాదు

2.శ్రుతిలయకైతే గతిలేదు

రాగతాళమిదమిద్ధం కాదు

గొంతులో మాధురి జాడే లేదు

ఏదీ లేక నా పాటెపుడూ చేదు

రచన,స్వరకల్పన&గానం:డా.రాఖీ

మూడు నామాలవాడు

మూడు ముడుల బంధం కాపాడు

ఏడు కొండల రేడు

ఏడు జన్మలకూ ముడిపెడతాడు

దంపతులను బంధించే ఆ దారం స్వామి

అనునిత్యం మన బ్రతుకునకాధారం స్వామి

1.మనసు నిలువనీయని మహా మాయలోడు

వాసనల మత్తులో వింతగ ముంచెత్తుతాడు

ఎంతటివాడికైన ఏదో చింత కలుగ జేస్తాడు

సంసార సాగరాన మునకలు వేయిస్తాడు

2.ఉన్నచోట ఉండనీడు ఉట్టికైన ఎగురనీడు

ఎండమావుల వెంట పరుగులు తీయిస్తాడు

నోటి ముందు కూడు కూడ అందకుండ చేస్తాడు

నమ్మాలో కూడదో ఎరుకనెరుక పరుచనీడు

 రచన,స్వరకల్పన&గానం:రాఖీ

చేయలేదు ఇసుమంతయు పుణ్యము

ఇచ్చినావు దండిగానె వరములు

మ్రొక్కలేదు మిక్కిలిగా మొక్కులు

ఎక్కించినావు ఎందుకో అందలాలు

ఏడుకొండలవాడా నీగుండె ఎంత మెత్తనైనదయా

ఆపదమొక్కులవాడా అనితరసాధ్యమయా నీదయ

1.పలుకులందు పంచదార కోరుకుందుమా

ఒళ్ళంతా నింపి మరీ ఊరడింతువా

హృదయాన్ని కరడుగట్టనీయకందుమా

చిట్టి ఆటుపోట్లకే తట్టుకోనట్టు జేతువ

గోరంత వేడితే ఊరంత నీదందువ

అడుగునేల నడుగకున్నా ఆరడుగులనిత్తువా

2.లౌక్యమీయకున్న నేమి నామాల స్వామీ

కరుణతోడ పరసౌఖ్యమీయవయా

శాంతమీయకున్న నేమి వేంకట స్వామీ

కృపమీరగ సాయుజ్యమీయవయా

ఆటలింక చాలించు అలసి సొలసిఉన్నాను

చోటిస్తే చాలు నీ పాదాల వాలుతాను

https://www.4shared.com/s/fv91TQQzvfi

https://youtu.be/SDdFPB7WUA4?feature=shared

రచన,స్వరకల్పన&గానం:డా.గొల్లపెల్లి రాంకిషన్ రాఖీ

అష్టోత్తర గీతాలతొ ఇష్టపడి కీర్తించితి

స్పష్టము కాలేదా ఇప్పటికీ నా వినతి

అదృష్టము లేదా నాకిక వేంకటాచలపతి

గతిగాన నినువినా అన్యధా శరణం నాస్తి

1.కలియుగ వైకుంఠమే తిరుమల తిరుపతి

కలౌ వేంకట నాయకః అని కదా ప్రతీతి

మనసా వాచా కర్మణా నిన్నే స్వామి నమ్మితి

ఎప్పటికిక దొరికేనో నీ కరుణా కటాక్ష ప్రాప్తి

2.పరిపూర్ణత నొందలేదొ నీమీద నా భక్తి

ఐహిక విషయాలు మినహా లేదా నీపైఅనురక్తి

గడ్డు సమస్యలడ్డుంటే ఇంకేదగు అసక్తి

దొడ్డ మనసుగల స్వామి ప్రసాదించు విముక్తి

 https://youtu.be/9ADf6y-cTA4?si=X_JB2IZbSi-T-zXR

రచన,స్వరకల్పన&గానం:రాఖీ

రాగం:శంకర

గంగాంతరంగా నమో రామలింగా

నీ గళమైతె గరళసహితము

నా కంఠము ఏలనయ్య కర్కశము

తేనియ గీతముల నీ అభిషేకము

చేతును నాకీయవయ్య గాత్ర మాధుర్యము

1.పంచామృతధారలతో నమకచమక  స్తోత్రముతో

పంచాననా నీకు పరిచారము లొసగెదను

మారేడు దళములతో నిన్నర్చించెదను

మార్ధవమే నాగొంతున పలికించగ ప్రార్థింతును

తేనియ గీతముల నీ అభిషేకము

చేతును నాకీయవయ్య గాత్ర మాధుర్యము

2.అనాలంబి వీణియధర సంగీత శాస్త్రకార

ఆనందతాండవ కేళీలోల నటరాజేశ్వరా

ఢమరుక వాద్యాన్విత లయయుత లాస్యప్రియ

శృతిపక్వ గమక గానవరదాయక పరిపాలయ

తేనియ గీతముల నీ అభిషేకము

చేతును నాకీయవయ్య గాత్ర మాధుర్యము

 రచన,స్వరకల్పన&గానం:డా.రాఖీ

రాగం:బీంపలాస్

అతి సామాన్యుడ నే స్వామి

మితి మీరి నాతో సయ్యాటలాడబోకు సుమీ

చతికిలబడితిని వేంకటాచలపతి

గతినీవే నాకిక శ్రీపతి కోరితినిదె నీ శరణాగతి

1.నిగ్రహమున్న తాపసినసలే కాను

నిష్ఠగ దీక్షతొ నిను మెప్పించగలేను

ముడుపులు కాన్కలు వేడ్కగనీయలేను

.ఉడుపులు తొడవులు సమర్పించగాలేను

నువుపెట్టే ప్రతి పరీక్ష నాకు కఠినశిక్షయే

 ప్రతీక్షింప అలవిగాదు స్వామీ రక్షింపవే

2.పరాచికాలు సలుప పద్మావతి చాలుగా

కేళీ వినోదమైతే అమ్మ   అలమేలు మేలుగా

భక్తులనే కాల్బంతిగ ఆడుటయే న్యాయమా

కడగళ్ళతొ కన్నీటి పాల్జేయగ పాడియా

కొత్తది అడగకుండ ఉన్నది తొలగింతువే

చీకటి గుప్పిస్తివీవే దివ్వెను వెలిగించవే

 రచన,స్వరకల్పన&గానం:డా.రాఖీ

రాగం:చక్రవాకం

రాధగా మారితే-బాధలన్ని తీరులే

కన్నయ్యని మదిలో నిలిపితె-వెతలన్ని ఆరులే

హృదయమే బృందావని చేసి

అధరాలు వేణువుగా మలచి

తనువునే పరిచానంటే 

మనసార పిలిచానంటే

అరుదెంచుతాడు నాకై మాధవుడు-

అయితీరుతాడు తానే నా విధేయుడు

1.ముడుపు కట్టి ఉంచాను ముద్దులన్నీ

ఉగ్గబట్టి దాచాను వలపులన్నీ

సిగ్గు పడక వదిలేసాను నాకున్న బింకాలన్నీ

నిగ్గుదీర పోషించాను నావైన పొంకాలన్నీ

చూపుల విరి తూపులనే సంధించానంటే

కమ్మని బిగి కౌగిలిలో బంధించానంటే

వశమైపోతాడు నాకే మాధవుడు

అయితీరుతాడు తానే నా విధేయుడు

2.కళ్ళలో వత్తులువేసి ఎదిరి చూస్తున్నా

అలికిడి ఏమాత్రమైనా చెవులు రిక్కిస్తున్నా

అన్యధా శరణం నాస్తిగ ఆరాధిస్తున్నా

త్రికరణశుద్ధిగా సర్వదా ధ్యానిస్తున్నా

రక్తికొరకు రాకున్నా భక్తితోటి మెప్పిస్తా

వచ్చేదాక పట్టువీడక మొండిగా రప్పిస్తా

చేరదీస్తాడు తప్పక మాధవుడు

అయితీరుతాడు తానే నా విధేయుడు

https://youtu.be/l7EJPdOMVQo?si=MrzE65Gz4DC8bTlX

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం :హిందోళం

ఆరాధనంటే ముజ్జగాలలో ఆరాధదే
అద్వైతమంటే అది రాధామాధవీయమే
రాధకు కృష్ణుడిపైననే సర్వదా ధ్యాస
కృష్ణుడు రాధకెపుడు కట్టుబానిస

1.ఇహమును విరమించి అహమున రమించే
పరమాత్మనే తన అంతరాత్మలో గాంచే
జీవనసాగరాన అంతర్మథనమే గావించే
సంగమ సాఫల్యమందు సుధనే సేవించే
రాధకు కృష్ణుడిపైననే సర్వదా ధ్యాస
కృష్ణుడు రాధకెపుడు కట్టుబానిస

2.పరమానందమందు పరవశమొందే
పరస్పరం పరిష్వంగ తన్మయమే చెందే
అధరపుష్పాలలో మకరందము నందే
బింబము ప్రతిబింబము ఐక్యము నొందే
రాధకు కృష్ణుడిపైననే సర్వదా ధ్యాస
కృష్ణుడు రాధకెపుడు కట్టుబానిస

 

https://youtu.be/ZGPghj118sQ?si=TegXMuWaInlMfW6q

రచన,స్వరకల్పన&గానం:డా.రాఖీ

క గుణింతమే కదా జీవితం

కనకం కాంత కిరీట కీర్తులకే అంకితం

కుడిచినదాదిగా అమ్మపాలు పసినాడు

కూలి పోయి చేరునంతదాక కాడు

అక్షరమై మొదలౌతుంది

అక్షరమై కడతేరుతుంది

1.కృష్ణగీతనాచరించ క్రూరకర్మలంతరించు

కెడయికయే నీడైనా కేలొసగిన తరించు

కైవల్యమె ధ్యేయముగా కొత్తెమలా విస్తరించు

కోరికనే త్యజించగా జీవన కౌతుక నిస్తరించు

అక్షరమెరుగుటయే ఆత్మజ్ఞానము

అక్షరముగ సాగాలి నిత్య ధ్యానము

2.కలియుగాన కాత్యాయిని కిణ్వ వారిణి

కీర్తన జేయగ కుమారసువు కూర్చు కూరిమి 

కృతకమాయె బ్రతుకు వికృతమాయే మేధ

కైంకర్యము చేసినంత కరుణించును జనని క్షేమ

అక్షరముతొ సావాసము

అక్షరమున ఆవాసము

https://youtu.be/cEL8tiJKfLM?si=xBCMxYRpCb8Sx-kK

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:శివరంజని

మనిషే పశువైన దుష్కృత వేళ
మగాడే మృగాడైన వికృత హేల
కుతిదీర్చుకొనగ ఆడశునకమైనా హతవిధీ సరే
పసిమొగ్గలైను వదలక చిదిమెడి నికృష్టుల నేమందురే

1.మదపిచ్చి పెట్రేగ నరరూప రాక్షసులై
పురుషాంగపు యావలో కామపిశాచులై
వావిలేక వరుసలేక వయసు ధ్యాసనే లేక
సలిపిన బలత్కార చర్యకు పీకలోనె పసికేక

2.ఆడదై పుట్టడమే అవనిలొ ఒక శాపంగా
స్త్రీ శీలపు రక్షణ వైఫల్యం  జాతికి లోపంగా
అభంశుభం తెలియని ఆడశిశువులే సమిధలై
మానవాళి సిగ్గుపడే అత్యాచారాలే నిత్యం వ్యధలై

 రచన,స్వరకల్పన&గానం:డా.రాఖీ

ప్రకటితమవుతావు ప్రతి తావు

ఆపన్నులనాదుకొనగ అభయహస్తమిసావు

వేంకటరమణా యనే భక్తుల మొరలు వినే

కలియువరదుడవే కరుణాభరణువే

గోవిందా ముకుందా మురారి వేంకటగిరి శ్రీహరి

1.నీదే భారమని మాకాధారమని

నిజమానసమ్ముతో విశ్వాసమ్ముతో

నెరనమ్మినవారికి కొంగుబంగారమీవు

సర్వస్యశరణాగతి వేడగ ఎదుటనిలిచి

కడతేర్తువు కడలేని కష్టాల కడలి గాచి

2.దైవం మానుష రూపేణాయని నిర్ధారణకాగా

మానవుడే మాధవుడనుటకై నిరూపణగా

ఎవరో ఒకరి రూపంలో నీవే అరుదెంచి

నీ దాసుల వెతలను  చిటికెలొ తీర్చేవు

కమ్ముకున్న మబ్బులను తొలగించేవు

 రచన,స్వరకల్పన&గానం:డా.రాఖీ

పోరి నే తేలేనేమో పారిజాత వృక్షం  

కోరితే తేలేనేమో కోహినూరు వజ్రం 

దించగా లేనేమో చందమామ నీకోసం

ఛేదించగా లేనేమో ఏ మత్స్యయంత్రం

ప్రేమనందించగలను పరులెవరు మించనట్లుగా

ఆనందింప జేయగలను ఔరా అనిపించునట్లుగా

1.ఎపుడో చేరిపోయావు నాలో నీవే ఊపిరిగా

ఎపుడో మారిపోయావు నీవే నీవే ఎదలయగా

నీతలపులె నను జో కొడతాయి రోజూ

నీ ఊహలు ఉదయం లేపడమే రివాజు

ఆరాధించరరెవరు ఇలలో నేను మినహా

అనురాగం పంచరెవరు ఇలా నా తరహా

2.గుట్టంటూ ఏమీలేదు గుండెనే తెరిచేసా

నాదంటూ లేనేలేదు జీవితాన్నె పరిచేసా

నా మనసు నీకు తెలుసనీ నాకూ తెలుసు

నీ మనసు నేనెరిగిన సంగతి నీకూ తెలుసు

తెలిసినదైనా తెలియదనడమే నీ బిడియం

తెలిసినదైనా తెలియజెప్పడం నా నైజం

 

https://youtu.be/-n0zwHnSDHA

రచన,స్వరకల్పన&గానం:డా.గొల్లపెల్లి రాంకిషన్

రాగం:భీంపలాస్

నువ్వు ఎలుక వాహనమెక్కి చక చక రా చక చక రా 

నవ్వు గుజ్జు రూపముతోని గున గున రా గునగునరా

నువ్వు రావయ్య విఘ్నపతి నువ్వు పుట్టిన ఈ చవితి

రావయ్య మా ఇంటిలోనికి రావయ్య ఈ మండపానికి

1.వాకిళ్ళలో ముగ్గులెట్టి గుమ్మాల తోరణాలు కట్టి

కళ్ళలొ దీపాలు పెట్టి ఎదిరిచూస్తున్నాం ఉగ్గబట్టి

నువ్వు రావయ్య గణపతి నిలిచిపోగా మా మతి

రావయ్య మా ఇంటిలోనికి రావయ్య ఈ మండపానికి

2.ఇరవయ్యొక్క పత్రి పెట్టి రంగుల పూలెన్నొ తెచ్చి

మందార మాలలు కట్టి దుర్వారాలు ఏరుకొచ్చి

సిద్దపరిచాం పూజకు సిద్దిపతి చూపవయ్య సద్గతి

రావయ్య మా ఇంటిలోనికి రావయ్య ఈ మండపానికి

3.మోదకాలు చేసి పెట్టి ఉండ్రాళ్ళు సైతం పెట్టి

వెలగపండు కోసుకొచ్చి పాయసాన్ని వండి తెచ్చి

నీ ముందుంచాము తినమని మా మనవిని వినమని

రావయ్య మా ఇంటిలోనికి రావయ్య ఈ మండపానికి

 రచన,స్వరకల్పన&గానం:డా.రాఖీ

కలియుగ వైకుంఠమై ధరలొ వరలె తిరుమల తిరుపతి

సుస్థిరముగ సిరియుతముగ శ్రీహరి నిలువగా

సద్గురునాథుడై వెలిసే సాయిగా భువిని కైలాసపతి

పరమేశ్వరుడిల షిరిడీ పురములొ సిద్ధావధూతగా

1.అంగమందు అంబరాల సంబరమే కనరాదు

నివాసమనగరాని వసతే శిథిలమైన మసీదు

భిక్షాపాత్రతొ ఇల్లిల్లు దిరుగ ఆదిభిక్షువనకపోదు

చితాభస్మధారుడిలా మనకు పంచేటిది ఒట్టి ఊదు

2.భోళాతనముతో బాలకులతొ ఆటలాడు

కోపోద్రిక్తతతో దోషములను తూలనాడు

వైద్యనాథుడై ప్రబలిన వ్యాధుల ఆకీడు

పరవశమున చిందులేసి తకిటతధిమి నాట్యమాడు

 రచన,స్వరకల్పన&గానం:డా.రాఖీ

దాటగలము సాగరాన్ని సైతం

కాలికేమాత్రం నీరు తాకనట్లుగా

గడపలేము సంసార జీవితం

కంటికామాత్రం కన్నీరు కారనట్లుగా

అక్షర సత్యమిది జోహారు ప్రవచించిన ఆ కవికి

అనుభవైక వేద్యమిది ప్రభవించిన నిజ రవికి

1.సర్దుకపోయినంత కాలం సరదా దాంపత్యం

గొడవలకొకటే మూలం సైచని ఆధిపత్యం

విడాకులను మాట వస్తే వేరైనట్టే ఇది సత్యం

చావలని ఊహకైన తోస్తే చచ్చినట్టే ఇక నిత్యం

అక్షర సత్యమిది జోహారు ఎన్నో కాపురాలకు

అనుభవైక వేద్యమిది అందరి హృదయాలకు

2.చిరుచిరు కలహాలు చిలుక అలకలు

ఒకటి రెండంటూ చిలవలు పలవలు

ఒక్కరు దాల్చే మౌనం ఇరువురి పాలిటి వరం

ఎదుటివారి విసుగుకు నీ నవ్వు ముసుగు అనివార్యం

అక్షర సత్యమిది జోహారు ఆచరణీయులకు

అనుభవైక వేద్యమిది  చిరస్మరణీయులకు

 నీ పేరే వలపులకే వల

నీవేమో అభినవకోయిల

నీ అందం పోలిక కావల

నీ ప్రణయం నాకో ఎరలా

పడిపోయా నీకే నే చేపలా

1.నీ కన్నులే పున్నమి వెన్నెల్లా

నీ నవ్వులే ఆమని పువ్వుల్లా

నీ పలుకులే జలపాతాల్లా

నీ కులుకులే రాజహంసలా

వర్ణించగ యత్నించానే కవిలా

2.నీ కోసమే చెలీ నా ఎద పరిచా

నీ తలపులలో నను నే మరిచా

నా భవిత నీకై ప్రతిపాదించా

నిను మెప్పించి నీ ప్రేమ గెలిచా

ఫిదానైపోయా నీ దాసునిలా

 రచన,స్వరకల్పన&గానం:డా.రాఖీ

రాగం:నాట

జక్కన చెక్కిన శిల్పమా

రవివర్మ గీసిన చిత్రమా

సౌందర్య భావ సూత్రమా

ఆరాధ్య దివ్య గాత్రమా

బ్రహ్మకైనా భేషుగ్గా పుడుతుంది 

రిమ్మతెగులు నిన్గని అచ్చెరువొంది

1.ముట్టుకుంటె మాసిపోయే అందం నీది

పట్టుకుంటె జారే తత్వం నీ త్వచానిది 

దర్శనంతొ రెచ్చగొట్టే అంగసౌష్ఠవం నీది

స్పర్శతో చిచ్చుపెట్టే దేహమార్ధవం నీది

బ్రహ్మకైనా భేషుగ్గా పుడుతుంది 

రిమ్మతెగులు నిన్గని అచ్చెరువొంది

2.చచ్చినా సంతసమే నీ పొందు పొంది

ఎంతకాలముంటే ఏంది వ్యర్థమైన బొంది

తలతిప్పి తిలకిస్తే ప్రణయానికదే నాంది

నిమిషమైనా చాలు నీతో మనసు పరమానంది

బ్రహ్మకైనా భేషుగ్గా పుడుతుంది 

రిమ్మతెగులు నిన్గని అచ్చెరువొంది

 

https://youtu.be/BaAdDOTcnfM

రచన,స్వరకల్పన&గానం:డా.రాఖీ

రాగం:శివరంజని

నిన్ను నమ్మియుంటిని నా నెమ్మనమ్మునా

వమ్ముజేయబోకే నన్ను పరియాచకమ్మునా

అంకితమైతిని దేవీ మనసా వాచా కర్మణా 

ధన్యుడనౌదునే దయగన భైరవీ ఈ జన్మానా

అన్యమెరుగకుంటిని అంబుజాసనా

నా మనవిని వినవే-మననిక నిను వినా

1.నా అనురాగమే నీ సిందూరము

నా నయగారమే నాసికాభరణము

నా నవ్వులు నీకొప్పున ఒప్పారే పువ్వులు

నా కోర్కెలు నీ కన్నుల వెలిగే చంద్రార్కులు

అన్యమెరుగకుంటిని అంబుజాసనా

నా మనవిని వినవే -మననిక నిను వినా

2.నా ప్రణయము నిను చుట్టిన కంచి పట్టుచేలము

నా హృదయము నీ పదమున మంజుల మంజీరము

నా భావము నాజీవము సకలము నీ ప్రభావము

నా గానము నా ప్రాణము నా కలము నీతొ సంభవము

అన్యమెరుగకుంటిని అంబుజాసనా

నా మనవిని వినవే -మననిక నిను వినా

https://youtu.be/bPTBaxKn6Rg?si=IM_QY8-3VHQN-U34

రచన,స్వరకల్పన&గానం:డా.రాఖీ

రాగం:రేవతి

మనోహరివే-సౌందర్య లహరివే

మురహరి సిరివే శ్రీహరి శ్రీమతివే

శ్రీదేవీ శ్రీవిద్యా శ్రీమత్ లలితేశ్వరీ భవానీ

శ్రీ పీఠసంవర్ధిని భువనేశ్వరీ నమోస్తుతే శివానీ

1.మణిద్వీప నివాసిని సుహాసిని శ్రీవాణి

బాలాత్రిపుర సుందరీ విశ్వజనని

శ్రీరాజరాజేశ్వరీ భ్రామరీ పరాంబికే

నమోస్తుతే గౌరీ శాంకరి మూకాంబికే

2.చంద్రమౌళీశ్వరి సురముని వందిని జగన్మోహిని

మహిషమర్ధిని జ్ఞాన వర్దని సింహవాహినీ మారి

కామేశ్వరి కృపాకరీ పరమేశ్వరి కర్వరి

శాంభవి కాళీ చాముండీ చండి నమోస్తుతే దుర్గే

 https://youtu.be/o7sN9TvjnUY

రచన,స్వరకల్పన&గానం:డా.రాఖీ

తిక్కశంకరయ్యవే నువ్వు

వెర్రి వెంగళయ్యవే నువ్వు

చూడబోదుమా భళా భోళానాథుడవు

ఆగ్రహిస్తెనేమో  ప్రళయకాల రుద్రుడవు

1.విరాగివనియందునా భార్యలేమొ ఇరువురాయె

యోగిగ నిన్నెంచమందువా ఇద్దరు కొమరులాయె

భోగిగ భావింతునా సర్వదా ధ్యానివి మౌనివాయె

సంసారిగ తలచెదనా సదా స్మశాన వాసివాయే

2.పసివాడి తలతెంచితివి నాడు క్రోధావేశాన

ఆలిని వరమడిగినా ఇస్తివి భక్తికి పరవశాన

భిల్లుడిగా మారి పోరి పాశుపతమునిస్తివి పార్థునికి

తిన్నని కన్నుని గ్రహించి కైవల్యమిస్తివా శరణార్థునికి

OK

https://youtu.be/9quWyG_ZZUw?si=p28ttqaKomJXeML_

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:దర్బార్ కానడ

సమ్మోహనమే నీ చారెడేసి కళ్ళు
ఆకర్షణ కలవి నీ కరుణా దృక్కులు
మాయలొ పడవేసి మమ్ముడికించనేల
ఆటలాడి  నిర్దయగా వినోదింతువేల
జగదంబా శాంభవి -వందే సౌందర్య లహరి-సిరి

1.అగుపించెదవని ఆశజూపి
అంతలోనె అడియాస జేసి
ఊరడించెదవని ఊహజేయ
ఉసూరనిపించగ నీకిది సరియా
జగన్మోహినీ నమో జగన్మాయా

2.కాళికవు నీవు కాపాలికవు
లోకాల నేలేటి ఏకైక ఏలికవు
కేళీవిలాస విశేష విభవవీవు
లీలామాత్రము సకలవిశ్వము
ఆనంద పాత్రము నీ సూత్రము

 రచన,స్వరకల్పన&గానం:డా.రాఖీ

బులాకిలో చలాకిదనం

ముక్కెరలో ముగ్ధతనం

కన్నులలో దివ్య తేజోదనం

పెదాలలో  ప్రమోదావనం

దివినుండి దిగివచ్చిన సౌందర్య దేవతవే

జగానికే హితముకూర్చే అపూర్వజాతవే

1.రవిబిబంబం నుదుటదాల్చి

శశి చంద్రిక దృక్కుల నిలిపి

సదానంద ప్రసన్న రూపిణివై

చిదానంద ప్రశాంత ధారిణివై

సచ్చిదానందమయ స్వరూపవై

దివినుండి దిగివచ్చిన సౌందర్య దేవతవే

జగానికే హితముకూర్చే అపూర్వజాతవే

2.మంత్రముగ్ధులం నిను తిలకించి

కామదగ్ధులం నీ వదనం వీక్షించి

యోగదుగ్ధలం నీ కరుణ కాంక్షించి

నిత్య లబ్ధులం నీ కృప ప్రసరించి

తన్మయాబ్దులం నీ సన్నిధి దాల్చి

దివినుండి దిగివచ్చిన సౌందర్య దేవతవే

జగానికే హితముకూర్చే అపూర్వజాతవే

 https://youtu.be/dWKJdu3Llm0?si=SQE-EBioOIv23I6j

రచన,స్వరకల్పన&గానం:డా.రాఖీ

రాగం:మాయామాళవగౌళ

మూడు కన్నుల వాడ ముల్లోకాల రేడ

శివుడా శివుడా ఏడ నీ జాడ

రికామె లేదాయే ఎములాడ కాడ

కాసింతైన నన్ను దయజూడ

1.సోమారమెపుడైన సోకదు నీ నీడ

శావణమైతేనొ  సోచాయించను గూడ

శివరాత్రి నాడైతె నిన్ను వేడనె వేడ

గుండెలో కొలువుండు తండ్రి రాయేశుడ

2.ఉపాసమొల్లను ఉండను తినకుండ

జాగారం చేయను  రేయి నిదరోకుండ

ప్రతి పనికి మానను శివశివ అనుకుండ

జంగమయ్య  నీవే  మాకు అండాదండా

 

https://youtu.be/_5Hh5iAx5Bw?si=o_kZ1XBOQzX5B3dk

రచన,స్వరకల్పన&గానం:డా.రాఖీ

రాగం:సింధుభైరవి

నేనేమో సాహిత్యం-నీవేమో సంగీతం

ఇరువురి సంగమం అద్భుత రసమయ గీతం

నాదేమో అక్షర శరం నీదేమో స్వరమాధుర్యం

వశమైపోదా ఎక్కిడితే సర్వం సహా జగం

పరవశమైపోదా ఎలుగెత్తితే సకల విశ్వం

1.చైతన్యపు ఘన మేఘం నేనేగా

నురగలెత్తు సాగరకెరటం నీ నవ్వేగా

అందుకొనగ ఆత్రంగా ప్రేమసూత్రంగా పవిత్రంగా

అల్లుకొనగ హర్షంగా ఉధృత వర్షంగా ఆదర్శంగా

పదమై పల్లవై రాగమై అనురాగమై జతులై గతులై

చరణాలే వడివడి సాగగా- కడలి ఒడిలో కడతేరగా

2.ప్రత్యూషపు రవి బింబం నేనేగా

సరస్సులో అరవిందం నీ అందమేగా

తొలికిరణం నిను చేరిన తరుణం స్వర్ణంగా ప్రణవార్ణంగా

సితగా వికసితగా అధర హసితగా విలాస విలసితగా

ధన్యవై అనన్యవై ప్రావీణ్యవై ప్రాధాన్యవై మాన్యవై శరణ్యవై

భవమే భావమై అనుభవంగా- విభవమే సంభవమై మిథునంగా

https://youtu.be/zVs1xfadQvI?si=yxGkTtTtlvnOGix1

 రచన,స్వరకల్పన&గానం:డా.రాఖీ

తెరువున తేటగ నడిపే గురుదేవా

చదువును ఆటగ నేర్పే గురుదేవా

బంగరు భవితను చూపే గురుదేవా

బ్రతుకుని తీరిచి దిద్దే గురుదేవా

వందనాలు వందనాలు మీ పాదాలకు

జేజేలు జేజేలుమీ దయా హృదయాలకు

1.ఉపాధ్యాయులు అధ్యాపకులుగ

ఆచార్యులు బోధకులు శిక్షాకరులుగ

జగతికి వెలుగును పంచేరు దారి దీపాలై

విద్యార్థుల పాలిట మీరే  విజ్ఞాన రూపాలై

వందనాలు వందనాలు మీ పాదాలకు

జేజేలు జేజేలుమీ దయా హృదయాలకు

2.అల్ప సంతోషులై ఆత్మసంతుష్టులై

పక్షపాత రహితులై విద్యార్థుల హితులై

అంకితమౌతారు మాన్యులై విద్యా బోధనకే

సాధనాలౌతారు ధన్యులై జాతి ప్రగతి సాధనకే

వందనాలు వందనాలు మీ పాదాలకు

జేజేలు జేజేలుమీ దయా హృదయాలకు

 రచన,స్వరకల్పన&గానం:డా.రాఖీ

కమనీయ నీ మోము కననైతినే చెలీ

కరి మబ్బులు కమ్మెనా పున్నమి  జాబిలి

ఏల నామీద రాదికనూ ఇసుమంత జాలి

తలదన్నేవూ రాధికనూ అందంలో  నెచ్చెలి

1.తటిల్లతలా మెరిసి మటుమాయం

 తేరుకోలేక నేనేమో అయోమయం

 నీ ఊహకే కలుగుతోంది మదిలో విస్మయం

నీ ఊపిరే తాకితే బ్రతుకంతా రసమయం

2.మొగిలి రేకు తావిలా వెంటాడె నీ చూపు

మధువు గ్రోల తుమ్మెదలా నీ నవ్వెంత కైపు

రాజ్యాలు దారబోసినా లభించేనా నీ ప్రాపు

ప్రవరాఖ్యుడైతెనేమి నీ మాటకు తల ఊపు

https://youtu.be/EF6M7rNlTlU?si=CACLfA3UGrMnX67R

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:చంద్రకౌఁస్

శ్రీ పదమును వదలను ఆపదమొక్కులవాడ
సంపదలను అడుగను వడ్డికాసుల వాడ
కోరను నిను ఇంకేదీ శ్రీహరి గోవిందా
ముక్తి ఒక్కటే ఆసక్తిర మురారీ ముకుందా

1.నీ కొండల తత్వమే కుండలినీ విద్య
సప్త శిఖరాలే సప్త చక్ర జాగృత శ్రీవిద్య
సుశుమ్నా నాడి పథమె సాధనామోద్య
త్వమేకమేవం స్వామీ సకల సృష్టి మిథ్య

2.ప్రణవ నాదమే విశ్వ మయమై
ప్రాణాయామమే యోగ నియమమై
సర్వేంద్రియాలలోని శక్తి వినిమయమై
సహస్రారపద్మాన నీ దర్శనమై నిరామయమై

https://youtu.be/fEYNjzdLpLI?si=4o1GnFovCJks2j87

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం :బే హా గ్

తూరుపు తెర మీద-ఉషస్సు గీసే తైలవర్ణ చిత్రం నీదే

కృష్ణపక్ష నిశీధిలో గగనాన-మెరిసే తారలు చేసే లాస్యం నీదే

నీతోనె మలచబడినది విశ్వమంతా ఓ గులాబి బాల

నువు వినా కాంచనైతి ఈ జగాన నా ప్రియ జవరాల

1. హేమంత వేళ  పుష్పాలపై తుషార ధవళ కాంతి నీదే

వసంత వనాల పవనాలు మోసే సుమ గుభాళింపు నీదే

సెలయేటి గలగలలలో శ్రవణపేయమౌ మంజులరవం నీనవ్వే

జలపాతపు ఉరుకులలో ఉధృతమై చెలఁగే చైతన్యం నువ్వే

నీతోనె మలచబడినది విశ్వమంతా ఓ గులాబి బాల

నువు వినా కాంచనైతి ఈ జగాన నా ప్రియ జవరాల

2.అమృతాన్ని మించిన అమ్మపాలలో కమ్మదనం నీవే

నల్లనయ్య తలదాల్చిన శిఖి పింఛపు సౌకుమార్యమీవే

ఒడిదాగిన పసిపాపకు కలిగే నులివెచ్చని హాయీ నీవే

తొలకరితో ఆర్తిదీర  నెర్రెల  నేల తల్లికౌ  మురిపెం నీవే

నీతోనె మలచబడినది విశ్వమంతా ఓ గులాబి బాల

నువు వినా కాంచనైతి ఈ జగాన నా ప్రియ జవరాల

 రచన,స్వరకల్పన&గానం:డా.రాఖీ

రాగం:సింధు భైరవి

ఒక బొమ్మకు ప్రాణం పోసావు-ఒక అమ్మకు దైన్యం తీర్చావు

ఒక భక్తుడి నెత్తురు వైనావు-ఒక తండ్రికి అండగ నిలిచావు

సాయని పిలిచినంత ఓయని బదులిచ్చావే

బాబా అని వేడినంత ఇడుములు తొలగించావే

మా మీద కినుకేల-మామీద అలకేల

ఈ జన్మకి ఇంతేయని చింతలోనె మగ్గాల

1.నోరుతెరిచి ఏనాడు కోరింది లేదు నిన్ను

చేయిసాచి ఇది ఇమ్మని అడిగానా మున్ను

దర్శంచుకొన్నాము షిరిడీ పురమునందు

నిను నిలుపుకొన్నాము మా ఉరము నందు

మా మీద కినుకేల-మామీద అలకేల

ఈ జన్మకి ఇంతేయని చింతలోనె మగ్గాల

2.రాసాను ఎన్నెన్నో పాటలు నిను కీర్తిస్తూ

చేసాను భజనలెన్నొ నిను ప్రార్థిస్తూ

మోసాను గురువారం నీ పల్యంకికను

వేచాను నీ దయకై ఆర్తి మీర ఇంకనూ

మా మీద కినుకేల-మామీద అలకేల

ఈ జన్మకి ఇంతేయని చింతలోనె మగ్గాల

OK

 రచన,స్వరకల్పన&గానం:  డా.రాఖీ

మీరు నుండి నీవులోకి జారిపోతిమే

నీవూ నేనూ ఒకటిగా మారిపోతిమే

పరస్పరం భావాలను పంచుకొంటిమే

కొత్తదైన బంధమొకటి అల్లుకొంటిమే 

నా ప్రాణదీపమా నా మనో రూపమా

1.నన్ను నాకు చూపేటి అద్దానివే

నాతో నేను చేసే అంతర్యుద్ధానివే

నా ప్రజ్ఞ ప్రకటమగుటకై సంసిద్ధానివే

సామాన్యులెరుగలేని అసంబద్ధానివే

నా ప్రేమ సింధువా నా ఆత్మ బంధువా

2.తప్పొప్పులు సరిచేసే స్నేహితవే

నా దిశ నిర్దేశించే స్ఫూర్తి దాతవే

సర్వదా ననుకాచుకొనే జగన్మాతవే

నను కట్టడి చేయగలిగే అధినేత్రివే

నాదైన జీవనమా ఓ పరమ పావనమా

 రచన,స్వరకల్పన&గానం:డా.రాఖీ

పెదవి విప్పవెందుకో

బదులు చెప్పవెందుకో

మనసులోని మర్మమేదొ 

ఎరుక పరుచవెందుకో

1.వద్దనుకొని వదిలేస్తే ఏచింతా ఉండదుగా

కావాలని భావిస్తే మనసంతా నిండేవుగా

పట్టీ పట్టక ఎందులకీ దాగుడు మూతలు

అంటీ ముట్టక ఆటలాడుతూ పడకే కతలు

2.మౌనంగా నేనుంటే సెలుకుతూనె ఉంటావు

నా దారిన నే బోతుంటే కాలడ్డుతుంటావు

జీవితం అంటేనే నాకు ప్రేమ పూల తోట

చింతలేని నీకు బ్రతుకు చింతపిక్కలాట

 రచన,స్వరకల్పన&గానం:డా.రాఖీ

ఓ తపస్విని-నమో తేజస్విని

నిజ సుమనస్విని-మహా యశస్విని

మార్గదర్శి నీవై భవజలధి దాటించు

సద్గురువు నీవై పరమపదం చేర్పించు

1.చంచలమౌ మానసాన్ని-నిలకడగా నిలిపించు

చెలఁగే నా చిత్తానికి-ఏకాగ్రత కలిగించు

శ్వాసమీద ధ్యాస ఉంచే-మెళకువలు బోధించు

ధ్యానసిద్ధి సమకూరే-మౌనముద్ర నేర్పించు

సిద్ధ యోగినివే-మమతానురాగిణివే

మాయా మోహినే-జగదుద్ధారిణివే

మార్గదర్శి నీవై భవజలధి దాటించు

సద్గురువు నీవై పరమపదం చేర్పించు

2.అష్టాంగ యోగాన్ని-ఇష్టంగా మార్పించు

అష్ట సిద్దులన్నీ నాకు-అవలీలగ అందించు

నాలోని చక్రాలేడు-జాగృతం కావించు

సహస్రారం ఛేదనమవగ-కైవల్యం అనుగ్రహించు

 రచన,స్వరకల్పన&గానం:డా.రాఖీ

పింక్ చీర కట్టుకున్న పంకజాక్షి

వంకలేని జాబిలివే వనజాక్షి

శంకలే పెట్టుకోకు నా ప్రేమపై

నావంక జాలిగొని అందీయి నీచేయి

1.దబ్బపండు మేనిఛాయ- అబ్బో అనిపించెనే

మబ్బులంటి కురులేమో-మదిని దెబ్బకొట్టెనే

డబ్బుదస్కమెందుకే-పబ్బమంటి నీవుంటే

సుబ్బరంగజేరరావె-నిబ్బరంగ నన్నుంచగ

2.ఒక్కసారి నను తాకితే-ఓరుగల్లె వశమౌను

చిన్ననవ్వు నువు విసిరితే-చెప్పలేని హాయౌను

నీవున్న తావులో లోకమంత నాకమౌను

నీవే ఇక ఆనతిస్తే మన ఆత్మలు ఏకమౌను

 

https://youtu.be/DRVmkPcKdc8

రచన,స్వరకల్పన&గానం:డా.రాఖీ

చక్కదనాల రాశివే

చుక్కలరేని రూపసివే

చిక్కగ మిక్కిలి చంచలవే

చక్రి హృదయ వాసినివే

1.సిరుల వారాసివే

నరుల అవసరానివే

దొరగ దొంగగ మార్చేవే

దొరకగ నువు దుర్లభమే

2.మరుని జనని నీవేగా

మహా మాయవీవేగా

నీకు లోబడని దెవ్వరు

నీదాసులె లోకులందరు

 రచన,స్వరకల్పన&గానం:డా.రాఖీ

ఏడేడు పదునాల్గు భువనాలు

అద్వితీయ తేజోమయ నయనాలు

నవరసాల నొలికించే ఆ నేత్రాలు

తిలకించ నా మనసుకు ఆత్రాలు

1.ప్రేమను దయను వర్షించే ఆ కళ్ళు 

ఆనందమయమైన వాకిళ్ళు

తీర్చేను లోకాన దీనుల ఆకళ్ళు

కనినంతనే మదిలోన పరవళ్ళు

2.దివ్యమౌ భవ్యమౌ ఆలోచనాలు

పూయించును అధ్యాత్మికాలోచనలు

విధాతనే విస్తుబోయే విశ్వంకరాలు

విశ్వానికంతటికి నిత్య శుభంకరాలు

 రచన,స్వరకల్పన&గానం:డా.రాఖీ

నువు తాజా పుస్తకానివి

నువు అద్భుత సౌధానివి

నువు తాత్విక దర్పణానివి

నువు నా వాస్తవ స్వప్నానివి

1.ముఖపత్రం వద్దనే మునకలేస్తున్నాను

సాంతం నేనిక ఎప్పుడు చదవను

గుమ్మంలోనే చతికిలపడ్డాను 

మొత్తం భవనం ఎప్పుడు చూడను

2.పవిత్ర వేదం నువ్వు గంధర్వనాదం నువ్వు

నా ఎదచేసే మంజుల రావం నీవు

నాలో కదలడే జీవం భావం నువ్వు

ఆరాధ్యదైవం నువ్వు అనుభవైకవేద్యం నువ్వు

3.అమరులు గ్రోలే అమృతం నువ్వు

రాగాలు రంజిల్లే వాద్యం నువ్వు

నువ్వు కానిదంటూ ఏవీ లేనే లేవు

నీఊసు లేనిదంటూ ఇక రోజులు రావు

https://youtu.be/7Wsdbu_qs4E?si=ulZ-79RGsrOyD7wc

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:శివరంజని 

కొంచం కొంచంగా నను చంపకే-పీక లోతులో ననుముంచకే

అందరిలా నన్నెంచకే-నీ ప్రేమను పరులకు పంచకే

గ్రహించలేవా నా మనసును

అనుగ్రహించలేవా నీ అనురాగమును

1.ఒడ్డున పడ్డ చేపలా గిలగిలలాడేను

చిల్లులు పడ్డ నావలా కడలిలొ మునిగేను

ఉగ్గబట్టుకుంటాను ప్రాణాలను సైతం

ఊపిరాపుకుంటాను నీ ఆనతి కోసం

ఔననలేవా అడియాస చేయక

నే మనలేనే నువు బాసచేయక

1.ప్రతిసారీ నీతో నాకు ఒక పరీక్షనే

కలవాలను కున్నపుడల్లా కడు నిరీక్షణే

తిరుమలేశు దర్శనమే సులభసాధ్యం

నీ వీక్షిణ భాగ్యమే గగన సదృశం

తపస్సులే చేస్తున్నా కనికరించవే

నీకొరకే జీవిస్తున్నా నను స్వీకరించవే

https://youtu.be/J7XsIdp8jhc?si=x14QVZAKj8-r7JjN

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:ఆనందభైరవి

వస్తానయ్యా కుస్తాపూరు రామలింగయ్యా
ఇస్తేమేలయ్యా మస్తకానికి స్వస్థత చాలయ్యా
తోచినట్టు వచ్చినట్టు నీ పూజచేతునయ్య
సంతృప్తిని కలిగించి నను సాగనంపవయ్య

1.గంగనీళ్ళు మోసుకొచ్చి నీకు తానంబోతునయ్యా
తుమ్మిపూలు ఏరుకొచ్చి నీమీద పోసెదనయ్య
మారేడు పత్తిరిదెచ్చి లింగంపైన పెడుదునయ్యా
గంగయ్య లింగయ్య సాంబయ్య అంటూ వేడెదనయ్యా

2.మంత్రాలు కొలుపులు నాకెరుకలేవయ్యా
పాటలు భజనలైతే నే చేయగ లేనయ్యా
తెల్సింది ఒక్కటే శివా శివా శివా శివా అనుడే
ఎప్పుడు తప్పక కాచేవంటూ గుడ్డిగ నిన్నూ  నమ్ముడే

 రచన,స్వరకల్పన&గానం:డా.రాఖీ

అరుణ కలువ నీవు

కరుణ నొలుకు తావు

నీ మోము అనందాల తావు

నీ మోవి చిరునవ్వుల రేవు

మాతా శ్రీ లలితా పరాంబికవీవు 

1.సౌందర్య లహరి నీవు

శివానంద లహరివౌతావు

భవరోగ తిమిర దీపికవు

మాధవ హృదయ రాధికవు

2.సకల విశ్వవేషిణివి 

నవరస పోషణివి

నిత్య సంతోషిణివి

మృదుమంజుల భాషిణివి

 https://youtu.be/q1NfaSUqxBc?si=-dgEAIsKaRSlHAb3

*తెలుగుభాషా దినోత్సవ శుభాకాంక్షలు*

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హంసధ్వని

అడ్డుపెట్టలేరా  ఆపన్నహస్తాలు
గడ్డుకాలం దాటించగ తెలుగుకు తెలుగులు
పెను తుఫాను వీస్తోంది ఆంగ్లభాషగా
కొడిగట్టబోతోంది మనభాష దైన్యంగా
తెలుగు నాదని తెగువ చూపరా
తెలుగు ఖ్యాతిని జగతి చాటరా

1.పాల్కురికి సోమనతో పొందింది ప్రాభవం
నన్నయ్య కవనంతో చేకొంది వైభవం
రాయల ఆస్థానంలో సంతరించె రాజసం
పోతన భాగవతాన చిలికించె మాధుర్యం
తెలుగు నాదని తెగువ చూపరా
తెలుగు ఖ్యాతిని జగతి చాటరా

2.గిడుగువారి నుడుగుల్లో వాడుకమాట కైతైంది
గురజాడ అడుగుల్లో సామాన్యుల చేరువైంది
కాళోజీ కలం బలంతో బడుగులకు గొడుగైంది
మహాకవుల సేద్యంతో మహిలో మహితమైంది
తెలుగు నాదని తెగువ చూపరా
తెలుగు ఖ్యాతిని జగతి చాటరా

https://youtu.be/co_MJcHO41M

 *శ్రీ కృష్ణ జన్మాష్టమి/గోకులాష్టమి ముందస్తు శుభకామనలు*

రచన,స్వరకల్పన&గానం:డా.రాఖీ

రాగం: మోహన

మా నవ మోహన కృష్ణా-మానవ మోహన కృష్ణా

మన్మోహన కృష్ణా జగన్మోహన కృష్ణా

నీవే నీవే నా ఏకైక తృష్ణ-తీర్చరా నా బ్రతుకే ప్రశ్న

1.లేత పెదవులతొ-పూతననే-హతమార్చిన-బాలకృష్ణా

వెన్నను మన్నును- సమమని తిన్న -చిన్నారి-చిన్నికృష్ణా

కాళింది మడుగున-కాళీయుపడగల-చిందాడిన-తాండవ కృష్ణా.

గోటితొ కొండను-మేటిగ ఎత్తి-లీలను చాటిన-గిరిధర కృష్ణా

నీవే నీవే నా ఏకైక తృష్ణ -తీర్చరా నా బ్రతుకే ప్రశ్న

2.గొల్లభామల-యమునా స్నానాల-కోకలు దాచిన- తుంటరి కృష్ణా

బృందావనాన-మురళీరవాన-రాధతొ మురిసిన=సారస కృష్ణా

భక్త హృదయాల-సుస్థిర చిత్తాల-మనుగడ సాగించు- మీరా కృష్ణా

అనిమధ్యంబున -జీవన సారం-నరునికై నుడివిన-గీతా కృష్ణా

నీవే నీవే నా ఏకైక తృష్ణ తీర్చరా నా బ్రతుకే ప్రశ్న

 రచన,స్వరకల్పన&గానం:డా.రాఖీ

లాలించే కన్నులు

ఊరించే పెదవులు

నీ తనువున అణువణువున

అమర మధువులు ఇంద్ర ధనువులు

1.నగవుల కురిసేను వసంతాలు

నడకల విరిసేను పారిజాతాలు

నీ మేని కదలికల్లో జలపాతాలు

నీ క్రీగంటి చూపుతో తరియించు జీవితాలు

2.ఘనములై ఒప్పారు జఘనాలు

సగర్వంగ అలరారు పయోధరాలు

నడుము మడతల్లో నను ముంచకే తల్లో

ఎంతగా బంధించను నీ అందాలు కైతల్లో

https://youtu.be/wAOREZdUDZQ

రచన,స్వరకల్పన&గానం:డా.రాఖీ

కమ్మగ పాడే తెల్లని కోయిలవే

ఏడాదంతా నవ్వై విరిసే ఆమనివే

స్వఛ్ఛని స్ఫటికపు నిర్మల మానసవే

ఉషోదయాన మెరిసే తుషార బిందువువే

1. పావన గంగా సమమే నీ గళము

నీ హృదయము మమతకు దేవళము

అందానికి నీవే ఇలాతలాన  తరళము

క్షీరనీర న్యాయమందు నీవే మరాళము

2.లతగా అల్లుకోని మన పరిచయము

కవితగా పరిణమించనీ మన స్నేహితము

మంజులమై నినదించనీ ఇక జీవితము

జనరంజకమై అలరించనీ మనగీతము

 రచన,స్వరకల్పన&గానం:డా.రాఖీ

అలంకారమే అదనపు సొబగు అతివకు

ఆభరణాలే ఆకర్షణలు సుదతి సొగసుకు

నిండైన రూపుతొ రెప్పవాల నీయదు

దబ్బపండు ఛాయతో చూపు తిప్పనీయదు

భారతీయ దీప్తి  వనిత 

చెప్పనలవి కానిది తన ఘనత

1.పాపిట సిందూరం నుదుట తిలకం

సిగలో జాజులు చెవుల జూకాలు

ముక్కున ముక్కెర చెంపసరాలు

మెడలో పచ్చలహారం కటి వడ్డాణం

భారతీయ దీప్తి  వనిత 

చెప్పనలవి కానిది తన ఘనత

2. దండన కేణా  చేతికి గాజులు 

వ్రేళ్ళకుంగరాలు సింగారాలు

జడగంటలు కాళ్ళకు మంజీరాలు

కోకా రైకా కోమలి మేనుకు అందాలు

భారతీయ దీప్తి  వనిత 

చెప్పనలవికానిది తన  ఘనత

 రచన,స్వరకల్పన&గానం:డా.రాఖీ

రాగం:సింధుభైరవి

కొలువై ఉన్నాడు ఏడుకొండలపైన

నెలకొనియున్నాడు మనగుండెలలోన

కడచి చూడవొ ఏడు ద్వారాల

ఎరుక నరయవొ సప్త చక్రాల

దర్శింతువదే వేంకటాచలపతిని

ఛేదింతువికనీ దేహాత్మ భావనని

1.బాహ్యమగు దృష్టి నేత్రానందమే

అంతఛ్ఛక్షు వీక్షణ పరమానందమే

తొలగించినంతనే మనోనిర్మాల్యము

ప్రకటమౌనిక పరమాత్మ రూపము

దర్శింతువదే వేంకటాచలపతిని

ఛేదింతువికనీ దేహాత్మ భావనని

2.సంశయమే వలదు స్వామిని గనుటకు

సాక్షాత్కరించును నిశ్చయమిక నీకు

మనసా వచసా ధ్యానించి నిలువగ

ఏకాగ్ర చిత్తము హరి మీద నిలుపగ

దర్శింతువదే వేంకటాచలపతిని

ఛేదింతువికనీ దేహాత్మ భావనని

https://youtu.be/gnybnXDspOQ

రచన,స్వరకల్పన&గానం:డా.రాఖీ

రాగం: కళ్యాణి

గోవింద ఒకటే తారకమంత్రం

గోవింద ఒకటే సులువైన సూత్రం

గోవింద ఒకటే దరి చేర్చుమార్గం

గోవింద గోవింద గోవింద శరణం

గోవింద గోవింద గోవింద శరణం

1.చీకటిలో వెలుగు గోవింద నామం

చింతల సాంత్వన గోవింద నామం

శ్రవణాల మాధురి గోవిందనామం

రసనకు మాధవి గోవింద నామం

గోవింద గోవింద గోవింద శరణం

2.అష్టాక్షరి సమ గోవింద నామం

ద్వాదశాక్షరి తుల గోవింద నామం

చతుర్వేద సారం గోవింద నామం

కైవల్య తీరం గోవింద నామం

గోవింద గోవింద గోవింద శరణం

https://youtu.be/YZc25Jj9npQ?si=nfPhtPxZus4MC-xe

 రచన,స్వరకల్పన&గానం:డా.రాఖీ

ముమ్మూర్తులకు మూలం అమ్మ

ముజ్జగాలకూ ఏలిక అమ్మ

ముగ్గురమ్మలను కన్నమ్మ

అపారమైన దయగల అమ్మ

పూజలందుకొంటోంది మా ఇంట

శోభాయమానమై మా కంట

1.ఇంటింటి లక్ష్మిగా గృహలక్ష్మిగా

నవమాసాలు మోసి కన్నతల్లిగా

అనురాగం కురిపించే అక్కగా చెల్లిగా

అర్ధభాగమై పతికి తోడునీడగా

ఆదరించబడుతోంది ఆదిలక్ష్మిగా

ప్రస్తుతించబడుతోంది ప్రత్యక్ష దైవంగా

2.చిరునవ్వులు చిందిస్తూ శుభలక్ష్మిగా

పొదుపుగా నడిపిస్తూ ధనలక్ష్మిగా

అవసరాలు నెరవేర్చే వరలక్ష్మిగా

సొబగులతొ మురిపిస్తూ సౌభాగ్య లక్ష్మిగా

వెలుగు నింపుతోంది దీపకాంతిగా

జీవితమానందమయమౌ మనశ్శాంతిగా

 రచన,స్వరకల్పన&గానం:డా.రాఖీ

రాస్తూనే ఉన్నా కరగని గుండెకోసం కవితలెన్నో

తెలుపుతూనే ఉన్నా ప్రతినిమిషం విరహపు వెతలెన్నో

ఇంతకన్న నరకం వేరే ఉంటుందా

చింతలేని నాకం నీ చెంతన లేకుందా

మనసెరిగీ  మౌనం ఏలనే

మది తెలుపగ జాప్యం ఏలనే

1.మాటల్లో చెప్పాను నర్మగర్భంగా

చేతల్లో చూపానే ప్రతి సందర్భంగా

ప్రతిపదార్థతాత్పర్యం విప్పిచెప్పలేను

విడమరచి వివరంగా ఎరుకపరుచలేను

మనసెరిగీ  మౌనం ఏలనే

మది తెలుపగ జాప్యం ఏలనే

2.పరికించమన్నాను చిలకా గోరింకల

తిలకించమన్నాను జంట పావురాల

అంతరార్థమేదో ఆమాత్రం గ్రహించలేదా

ప్రేమ సూత్రమదియేదో సంగ్రహించలేదా

మనసెరిగీ  మౌనం ఏలనే

మది తెలుపగ జాప్యం ఏలనే

నీ పరం చేసేసా నా హృదయం

వరంగా అందించు నీ ప్రణయం

మెడలో నే వేయనా అక్షర నక్షత్ర హారం

నా కవితగ మలచనా నిను జీవన పర్యంతం

1. వల వేసినావే వలపు నెరగవేసి

ఎద దోచినావే వాలుచూపు చూసి

నే మనలేను నినువీడి మరణించినా

ఏమనలేను నన్నే ఉపేక్షించినా

2. కన్నులలో  సాదర ఆహ్వానం

మాటలలో మాత్రం తిరస్కారం

ఊరించనేల ఉత్తుత్తిగానే ప్రతిసారి

నను చేరరావేల నాదానిగా మారి

జీవితం కడు బరువు-

కాలమే నిజ గురువు

ఆత్మస్థైర్యమే నీకు ఆప్తబంధువు

అల్లంత దూరమే ఆనందపు రేవు

ఉల్లాసం నింపుకో భావ కవితగా 

ఆహ్లాదం పంచుతూ స్నేహిత గా

1. బదిలీ చేయి నీ వేదన నాకు

ఆనందించు నా ప్రమోదాలకు

రేయి పగలు ఏ సమయమైనా

నేడు రేపు ఏన్నడు నీకేమైనా

ఉంటాను నేను నీకు చేయూతగా 

నీ చింత దూరంచేసే  భరోసాగా 

2.మనసులో ఉన్నదేది నావద్ద దాచుకోకు

చేరువగా లేనని అసలు నొచ్చుకోకు

తలుచుకున్న తరుణంలోనే

వచ్చి నీ ముందు వాలుతా

కోరుకున్న నీ అక్కఱను

ప్రేమ మీర  నే నెరవేరుస్తా

మనసుడికిపోతోంది గాలి నిను తాకినా

మంటెక్కిపోతోంది సూర్యరశ్మి సోకినా

సామ్రాజ్యం నాదెవరో ఆక్రమించినట్టుగా

నాదైన నిధినెవరో దోచుకున్నట్టుగా

నువ్వు నా సొంతమే జీవితాంతం

నిన్ను వదిలి మనలేను లిప్తపాటు కాలం

1.స్వార్థపరుడనైతే అవనీ నీపై ఈగ వాలనివ్వను

సంకుచితుడనైతేనేమి నీ ముసుగు జార నివ్వను

అపురూపమైన అతివ నీవని- 

బహుమతిచ్చాడు నాకు బ్రహ్మదేవుడు

అనిర్వచనీయమైన ప్రేమ నాదని-

 దారపోసాడు నిన్ను కమలాసనుడు

నువ్వు నా సొంతమే జీవితాంతం

నిన్ను వదిలి మనలేను లిప్తపాటు కాలం

2.నేను కాక పరులెవరు నిన్ను ముట్టకూడదు

నాపై దప్ప ఇతరులపై నీ దృష్టి పెట్టకూడదు

ప్రాణంకన్నా మిన్నగా దైవంకన్న భక్తిగా

నిన్ను చూసుకుంటాను ఎన్నిజన్మలైనా

కంటికి రెప్పలాగ కాలికి చెప్పులాగ

నిన్ను కాచుకుంటాను నమ్మవే ఇకనైనా

నువ్వు నా సొంతమే జీవితాంతం

నిన్ను వదిలి మనలేను లిప్తపాటు కాలం

 

https://youtu.be/gGaf7KRbj0w

రచన,స్వరకల్పన&గానం:డా.రాఖీ

రాగం:దేశ్

జాబిలి తలమానికము-జాలి కడలి మానసము

జాగరణయె నీ వ్రతము-జాగెరుగని కనికరము

జాడగనము జగమందున- శివా నీవంటి దైవము

1.చిరు చిరు సేవలకే సురతిని పొందేవు

తరతమ భేదాలు లేక వరములనొసగేవు

భక్తి ఒక్కటే ముఖ్యము మూఢమైనదే గానిమ్ము

చిత్తము నీపరమైతెచాలు జగడమూ జరుగనిమ్ము

శ్రీ కాళ హస్తి గాథ తెలిపెను గద ఈ సత్యమ్ము

సామాన్యులకైన శివా  కాగలవు కైవసమ్ము

2.నెగ్గజాలనయ్యా శివా పట్టుబట్టి పరికించ

ఒగ్గజాల నీపదాలు నన్నిలా ఉడికించ

అందరినీ ఆదుకొనే ఆప్తబంధువని నమ్మితి

అక్కున ననుగొన అక్కెఱనా అమ్మ సమ్మతి

మంజునాథ మహాదేవ నీవే శరణాగతి

సాంబశివా సదానంద నా కీవే సదాగతి

https://youtu.be/CCEBxd9AfmA

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:మోహన

"యేన బద్ధో బలీ రాజా దానవేంద్రో మహాబలః 
తేన త్వామభి బద్నామి రక్ష మాచల మాచల"

అనురాగం విరిసే వేళ-అనుబంధం మురిసే వేళ/
వచ్చింది నేడే రాఖీ పండగ-శ్రావణ పౌర్ణమి వెన్నెల్లు నిండగ

1.తోబుట్టువుల మమతల వారధి/
సోదరి సోదర ప్రేమకు నెలవిది/
రక్షాబంధన పర్వదినమిది/
సంతోషాలే కొలువు దీరినది

2.ఇందిర బలికి కట్టిన రక్షకు గురుతిది/
ద్రౌపది కృష్ణుల ఆత్మీయ చిహ్నమిది/
లాభ క్షేముల ఆకాంక్షమేరకు/
సంతోషిమాత పుట్టిన దినమిది

3.గాయత్రి మాతను మది కొలిచేది/
నూతన యజ్ఞోపవీత ధారణచేసేది/
నిత్యకర్మానుష్ఠాన అనుజ్ఞను పొందేది/
ప్రాయశ్చిత్త పంచగవ్యం సేవించే రోజిది

వేనోళ్ళ స్తుతించేను శేషుడు

నిరంతరం నుతించేను నారదుడు

వేదోక్త స్తోత్రాల సర్వదా గణుతింతురు సప్త మహా ఋషులు

వేల కీర్తనలతో కొనియాడిరి నిను  త్యాగయ్యా అన్నమయలు

ఏరీతి మెప్పింతును ఏడుకొండలవాడా

ఉడతనైన బ్రోచితివి జాలిగుండె రేడా

1.మనసులోనె తలచేను ఇపుడో అపుడో

ఇంటిలొ పూజింతును వీలున్నపుడెపుడో

గుడిలోనిను దర్శింతును ఏ పండగ పబ్బానికో

తిరుమల కరయడము ఎన్నాళ్ళకొ ఎన్నేళ్ళకో

ఏరీతి మెప్పింతును ఏడుకొండలవాడా

ఉడతనైన బ్రోచితివి జాలిగుండె రేడా

2.నిర్మించలేను స్వామి నీ సుందర మందిరాలు

ఈయగలేను ప్రభూ ఏ ఘనమైన కానుకలు

చేయగలేను నేను విరివిగా దానాలు ధర్మాలు

మోయలేను గోవిందా నిస్సార సంసార భారాలు

ఏరీతి మెప్పింతును ఏడుకొండలవాడా

ఉడతనైన బ్రోచితివి జాలిగుండె రేడా

 రచన,స్వరకల్పన&గానం:డా.రాఖీ

రాగం:నీలాంబరి

జోలపాటనై నిను బజ్జోబెడతా

లాలిపాటనై నిను జో కొడతా

హాయిగా నిదురించు ఈ నాన్న ఎదమీద

రేయంతా ఆదమరచి సేదదీరు నిశ్చింతగా 

జో అచ్యుతానంద జోజో ముకుందా

లాలి పరమానంద రామగోవిందా జో జో

1.ఉలికి పడకు నీకే తెలియని బూచిని తలచి

కలత చెందకు కడుపులోని నలతకు వగచి

నీ జుత్తులొ వేళ్ళు జొనిపి సున్నితంగ రాస్తా తలను

నీ వెన్నుంతా నిమురుతూ హత్తుకుంటా ప్రేమతోను

జో అచ్యుతానంద జోజో ముకుందా

లాలి పరమానంద రామగోవిందా జో జో

2.కథలెన్నో చెపుతాను ఊకొడుతు నువ్వుంటే

నెమరువేస్తాను నీ అల్లరిని మైమరచి నువువింటే

నువు చేసిన మారాము నే చేసిన  గారాలు

నిదురలోకి నీవుజారితె నే ఊపిరి తీసుకుంటా

జో అచ్యుతానంద జోజో ముకుందా

లాలి పరమానంద రామగోవిందా జో జో

 రచన,స్వరకల్పన&గానం:డా.రాఖీ

ఏ దివ్య లోకాలనుండి ఏతెంచినావో ఇలకు

ఏడేడు భువనాలలోనూ సాటిలేనే లేరు నీకు

విరించి సైతం సృజించలేదు నీలా సృష్ట్యాదిగా

తరించిపోతాడు నిను గాంచి ప్రవరాఖ్యుడైనా

1.స్థాణువులౌతారు ఎవరైనా నీవెదురైతే

అనిమేషులౌతారు నీచూపు తమపైన వాలితే

ఇంద్రధనుసే నేలపై దిగినట్టుగా కనికట్టుకాగా

పూలవనమే నడిచొచ్చినట్టుగా ఆకట్టుకోగా

2.ఖంగుతింటారు కవులంతా నిన్ను వర్ణించగా 

విస్తుపోతారులే చిత్రకారులైనా నిను దించగా

చతికిలపడతారు శిల్పులు నిను శిల్పీకరించగా

తికమక పడతారు అందగత్తెలే నిన్ననుకరించగా

 

https://youtu.be/LCvtbFpw4ps

*శ్రావణమాస  వరలక్ష్మీ వ్రత శుభాకాంక్షలు*

రచన,స్వరకల్పన&గానం:డా.రాఖీ

రావమ్మా వరలక్ష్మీ  క్షీరాబ్ధి ప్రియ పుత్రి

అందెలు ఘల్లనగా అడుగిడవే అంబుజనేత్రి

కరుణజూడవమ్మా వరమహాలక్ష్మి

శుక్రవార శుభవేళ అమ్మా సౌభాగ్యలక్ష్మి

1.నీ చలవనే తల్లీ సిరిసంపదలన్నీ

నీ వరములే జనని హోదాలు పదవులన్నీ

ఇచ్చినట్టె ఇచ్చినవన్నీ దూరం చేయకమ్మా

ఉన్నంతలొ పరమానందం ప్రసాదించవమ్మా

2.కలతలు రాకుండా సాగనీయి కాపురం

వెతలేవి కలగకుండా గడపనీ జీవితం

నలతలు సలపకుండా కాపాడు ఆరోగ్యం

నగవులు నిండేలా చెలఁగనీ మా గృహం

https://youtu.be/0lUyQcmUuQo?si=do-JmE0SBuJt98M7

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం : మధువంతి

స్వాగతం ప్రియతమా కలల లోకంలోకి

హాయిగా తీయగా మాయగా అచట మన ఉనికి

దైహిక బాధలు మరచి ఐహిక కాంక్షలు విడిచి

ఆత్మలుగ ఏకమవగా సంగమిద్దాం కాలాలు కడచి

1.తెల్లారిలేస్తూనే చుట్టు ముట్టు జంజాటాలు

మెడకుబడిన పామల్లే బరువులు బాధ్యతలు

తప్పించుకోలేని మూణ్ణాళ్ళ భవబంధాలు

వెంటాడి వేధించే దుర్భరమౌ దుర్గంధాలు

2.ఆకలీ దప్పులమాట లేనె లేదు ఇచ్చోట

ఆంక్షలు కట్టుబాట్లకు అవకాశం ఉండదిట

నాకు నీవు మహరాణి నీకు నేను రారాజు

నిదురించిన సమయమంతా స్వర్గమే మనకేరోజు

OK

 రచన,స్వరకల్పన&గానం:డా.రాఖీ

నీకోసం నేనున్నాను

నీకోసమే నేనున్నాను

ఊపిరిలో ఊపిరిగా

ఎద చేసే సవ్వడిగా

కన్నీరు తుడిచే ఆప్తుడిగా

నీ నలతను తీర్చే వైద్యుడిగా

1.కబురంపే పనిలేదు ఏకాకితోనో

వ్యధ చెందే పనిలేదు ఏకాకివీవనో

అడగాల్సిన పనిలేదు బాధ్యతే నాదంటాను

తలుచుకోనక్కఱలేదు తెలుసుకొంటాను

నిరంధిగా నీవుండు భారమంత నాకొదిలేసి

నిశ్చింతగా నువు బజ్జుండు భరోసా నాపైనవేసి 

2.ఏపనిలో నేనున్నా ఆలోచన నీగురించే

ఎంత నిదురలోనైనా మదినిన్నే కలవరించే

నీకెలా ఉందోగాని నీవు నేను వేరేకాదు

నీవులేక ఏనిమిషం బ్రతుకు నాకు చిరుచేదు

దేహమైతె నీదైనా ప్రాణంలో ప్రాణంనేను

నేనంటు లేనేలేను నీవుగా ఎపుడో మారాను

https://youtu.be/XkGwNwc8sdc?si=TqE1cMnoo4uvy8హాఫ్

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:నట భైరవి

అందంగా తగిలించుకుంటారు
ముందో వెనకో సాయీ నీ పేరు
నీవంటే ఎంతటి భక్తి తమకుందో
లోకానికంతటికీ ఆసక్తితో తెలిపేరు
ఒకసారి నిన్ను నమ్మితే నీకుదాసులౌతారు
సాయీ సాయీ బాబా బాబా అని స్మరించుతారు

1.ఏ పని చేసినా బాబా దయ అంటుంటారు
ఫలితం ఏదైనా సాయి దయే అని వాపోతారు
లీనమైపోతారు బాబా నీ మైకంలో 
మునిగితేలుతుంటారు సాయీ నీ లోకంలో
ఒకసారి నిన్ను నమ్మితే నీకుదాసులౌతారు
సాయీ సాయీ బాబా బాబా అని స్మరించుతారు

2.సాయిరాం అంటూ మాటలు మొదలెడతారు
చీటికి మాటికి బాబా అంటూ కదలాడుతారు
ఎప్పుడు చూడు నీదే ధ్యాసగ ధ్యానం చేస్తారు
తప్పనిసరిగా పలికే దైవం నీవని భావిస్తారు
ఒకసారి నిన్ను నమ్మితే నీకుదాసులౌతారు
సాయీ సాయీ బాబా బాబా అని స్మరించుతారు

 రచన,స్వరకల్పన&గానం:డా.రాఖీ

ఉలుకూలేదు పలుకూలేదు 

కులుకూలేదు అలకా లేదు

మతలబు  ఏంటో నాకు చెప్పమ్మో

మందహాసం కాస్తైనా గుప్పమ్మో

ఎరిగించవే ప్రియా ఓ నా చెలియా

చూపించవేలనే  నామీద నీదయా

1.ముల్లుగుచ్చుకున్నదా గులాబీలు త్రెంచుతుంటే

వేలుకోసుకున్నదా  వెన్నకోయబోతుంటే

వేడిసెగ తాకిందా దీపంవత్తి ఎగదోస్తుంటే

నడుంపట్టివేసిందా దిండు సవరిస్తుంటే

ఎరిగించవే ప్రియా ఓ నా చెలియా

చూపించవేలనే  నామీద నీదయా

2.లాఘవంగ తీయనా నొవ్వకుండ ముల్లుని

మలాంనే పూయనా వేలికైన గాయానికి

నవనీతం రాయనా కాలిన వేళ్ళ కొసలకు 

నూనె మర్ధన చేయనా నాజూకు నడుముకు

ఎరిగించవే ప్రియా ఓ నా చెలియా

చూపించవేలనే  నామీద నీదయా

 2422 పాటల వరకే ముద్రణ కోసం సంగ్రహించడమైనది

వీటిలో అత్యుత్తమమైనవి 108X11= 1188 పాటలు ప్రచురించడం జరుగుతుంది

మాయచేసావు నాకళ్ళను-తొలిచూపులోనే

గాలమేసావు నాగుండెకు-మైమరపు లోనే

కళ్ళు దాటి గుండె మీటి-

దాడిచేసావు నా మనసుమీదే

ఆక్రమించావిక బ్రతుకంత నీదే

1.పారిజాత పరిమళ సహితం

నీ ఆగమనం కమ్మేనేదొ మైకం

నిన్ను చూస్తూ చూస్తూ చూస్తూ

మరిచాను చూట్టూ ఉన్న లోకం

ఊపిరే ఆగింది నీతో ఉన్నంత సేపు

తాగకముందే నిను చూస్తుంటే

ఎక్కింది మొత్తంగ గమ్మత్తు కైపు

2.దూరమైనాయి నా అన్నపానాలు

భారమైనాయి నా పంచ ప్రాణాలు

 ఒట్టేసి చెప్తున్నా  అమ్మతోడు

ఏ జన్మలోను ఇక నువ్వే నాతోడు

నువులేక గడిపే ప్రతినిమిషం నరకం

తెలిసీ నువ్వు మది తెలుపలేకుంటె

గూడు కడుతుంది నీలో మౌనశోకం

OK

దాచుకున్నావు కన్నుల్లొ 

దోచుకొచ్చి వెన్నెల్ని 

పొదువుకున్నావు పెదవుల్లొ

అందమైన నవ్వుల్ని

ఫిదా బన్ గయా తెరే మై జానెమన్

దిల్ తొ కభీదియా అబ్ లేలో మెరే జాన్

1.వాయించకుండ ఉండలేను

నీ మోవి పిల్లనగ్రోవి

ఆఘ్రాణించకుండ మనలేను

నీ మేని కమ్మనితావి

ఒదిగిపో నా కౌగిలింతలో

ఏ చింతలేక జీవితాంతం

ఉంచుకో నీ తోడు నీడగా

చెలికానిగా నే నీకే సొంతం

2. జయించనా మరణాన్ని

అమృత కలశాల నాస్వాదించి

రమించనా నీ సజీవ శిల్పాన్ని

అమర సౌఖ్యాల ననుభూతించి

చెలీ నీ పొందు  పొందడం

మరు జన్మలేని కైవల్యం

నీతో క్షణమైన గడపడం

సచ్చిదానంద సమతుల్యం

https://youtu.be/KFhgeMrOS-0?si=IAY1C3qLw9jk5vyn

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:షణ్ముఖ ప్రియ

పరునిగ తోచవు పరమశివా
నాకిహము పరము నీవే కావా
తండ్రివి నీవు నా తల్లి గౌరి
దండంబులు మీకివే మల్లారి మారి

1.గణపతీ దేవసేనాపతీ
అయ్యప్పా మా కగ్రజ భాతి
ఇందఱి మీ అండ నాకున్నది
ఈశ్వరా ఇక కలగదు వెఱపన్నది

2.బంధుమిత్రులే నీ ప్రమధ గణం 
అంతకుమించింది  దైవబలం
దేవుళ్ళే ఆప్తులైన మనోబలం
సర్వకార్యసిద్ధికి ఆలవాలం

 నా దేశమా నా భారత దేశమా

జగతికి తెలిపెడి మానవతా సందేశమా

చెదరని ఆకృతి చెరగని సంస్కృతి 

మువ్వన్నెల పతాకతో నింగికి పట్టగ హారతి

జోహార్ జోహార్ జోహార్ నీకిదె భారత భారతి

1.సున్నా అన్నది కనుగొని 

శూన్యం గణితాధారమని

వేదవిజ్ఞాన విశ్లేషణలో వికాసమెంతో సాధించి

శాస్త్రవిజ్ఞాన రంగంలో ఆవిష్కరణలుగావించి

ప్రపంచానికే తలమానికమై వరలే నా దేశమా

మేధావులనే విశ్వవ్యాప్తి గావించిన నా దేశమా

2.తాత్విక దర్శనమందించి

యోగ అన్నది అనుగ్రహించి

పారమార్థక సాధనమ్ములో సార్థకతనే బోధించి

మానవసేవయే మాధవసేవగ లోకానికి ప్రవచించి

ప్రపంచానికే తలమానికమై వరలే నా దేశమా

తత్వవేత్తలే విశ్వవ్యాప్తమై వెలిగే నా దేశమా

కదలవు మెదలవు-ఉలకవు పలకవు

పొగడినా పొంగవు-తెగడినా కృంగవు

ఎలా నీవు వశమయ్యేది-శ్రీహరి

ఏ మంత్రానికి లొంగేది తిరుపతి శ్రీపతి

1.గోవింద యనుచు నామాలు పఠించనా

కాలినడకతో నీ సప్తగిరుల నెక్కనా

తలబిరుసుని వదిలేసి నీలాలొసగనా

నీ కోనేటిలొ మునకలేసి పునీతమవనా

2.నీ మంగళ విగ్రహాన్ని దర్శించనా

పలు విధాల సేవలతో అర్చించనా

ముడుపులు కానుకలను సమర్పించనా

మనసావాచా కర్మణా నన్నే నివేదించనా

నీ పాదపద్మాల నా కవి తలనుంచనా

ఎవరిమోవి పైననో  చిరునవ్వుగా

ఏ హృదయ వేదనో తీర్చ నువ్వుగా

ఆనందమై జీవితం హాయిగా

ఆరుబయట పున్నమి రేయిగా

1.డబ్బుకు కొదవేమో నిరుపేదగా

సంపన్నలమే ఎంతైనా ప్రేమపంచగా

ప్రేమిస్తే కోల్పోయేదేముంది మనిషిగా

పోతే సమయం పొందితె ప్రేమమయం

2.వచ్చాము ఒంటరిగా పుడమికి

పోతాము ఒంటిగానే పైకి దివిపైకి

నడుమనే స్నేహితులు బంధువులు

పరులెవ్వరు ఆప్తులవగ నరులందరు

'కిసీకి ముస్కురాహటోంపె-'హిందీ పాటకు నా స్వేఛ్ఛానువాదం)

మనసువిప్పి చెప్పలేరు మగువలంతా

చూపులు ఎక్స్ రేలుగా చేసి 

ఎరగాలి గుండెలోని చింత

ఏదడిగినా కాదది కాదంటారు

కనుగొనడం మీకు చేతకానే కాదంటారు

వేగడం కష్టమే ఇల్లాలితో

కనులనే చెలిమెగా మార్చే చెలితో

1.టిఫినేమి చేయాలంటూ అడిగేరు తీయగా

ఇడ్లీ ఉప్మాలెందుకంటూ మాటల్తో మాయగా

పూరీ వడలైతే గుండెకి చేటంటూ గోలగా

బజ్జీలు దోసెలైతే గ్యాస్ ట్రబులంటూ ప్రేలగా

ఉన్నదేదొ పెట్టమంటే అసలు పట్టించుకోరు

కాలికేస్తె మెడకేసి ఖంగునే తినిపిస్తారు

2. చీర సెలక్ట్ చేయమంటూ షాపింగ్కి తీస్కెళ్తారు

షాపుకో వందచూసి వంద షాపుల్దిప్పుతారు

డైలీయూజ్ కేనంటూ పట్టుచీర పనిపడతారు

రంగంటే అంచంటూ పేచీలు పెడుతుంటారు

నాకు నప్పేదేదో మీకే బాగా తెలుసంటారు

తనికి నచ్చినదాన్నే మనతొ ఔననిపిస్తారు

ప్రియా నీ కోసమే కలవరం

నీ బాధతో ఎద సతమతం

జివ్వునలాగేనా కండరాల సలపరం

నీ వెతను తీర్చలేకుంటే ఎవరికెవరం

1.ఎలా చేయగలిగేవో నీవైన పనులన్ని

ఎంతగా మూల్గేవో గత్యంరంలేక నా చిన్ని

కళ్ళలో నీళ్ళు సుళ్ళు తిరిగేనో

నొప్పితో ఒళ్ళుకుప్పకూలేనో

2.తైలంతో మర్ధన చేస్తే ఉపశమించేనో

లేహ్యాన్ని పూస్తే కాస్త తెరిపి వచ్చేనో

మాత్రలేసుకుంటే ఇంచుక నయమౌతుందే

నా పాట మంత్రమై అనునయమౌతుందే

పది అవతారాల పిదప పదకొండోది

సద్గురువుకు స్వరూపమౌ అవధూతది

సాయీ తత్వమాయె వివాదాస్పదము

వితండవాదనలా విశ్వాసమంటె హాస్యాస్పదము

సచ్చిదానంద సద్గురు సాయినాథ జయహో

అవధూత చింతన గురుదేవదత్త జయహో

1.రంధ్రాన్వేషకులకు తమ జన్మన్నా సందేహమే

నాస్తిక శ్రేష్టులకు తమ తండ్రి ఎడలసైతం సంశయమే

నమ్మకాన్ని నిర్వచించే వారెవరు  సృష్టిలో

అనుభూతులన్ని అనుభవైకవేద్యాలే నా దృష్టిలో

సచ్చిదానంద సద్గురు సాయినాథ జయహో

అవధూత చింతన గురుదేవదత్త జయహో

2.గాలి కంటికి ఆనదు నిప్పు రుచికి అందదు

నీరు గంధమెరుగదు శూన్యాకాశం స్పృశించదు

సాధించే దిశలోనే మన శోధన సాగాలి

యోగించునంతవరకు యోగిని సేవించాలి

సచ్చిదానంద సద్గురు సాయినాథ జయహో

అవధూత చింతన గురుదేవదత్త జయహో

https://youtu.be/rxh5OBp_Peg?si=k-yOLWgeiVN3L5kT

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:వాగధీశ్వరి

నను తరించనీ నీ సేవలో శ్రీ వాణి
నను గమించనీ నీ త్రోవలో కమలాసను రాణి
అవతరించినావే నను ఉద్ధరించగా
నా కవన వధూటివై ఆలంబననీయగా
నేటి మూలా నక్షత్రమందు నీ జన్మదినము
అందుకో భారతీ నీకివే శుభాభివందనలు
నాపై దయతో కురిపించు చల్లని దీవెనలు

1.కలిగించు యోగ లబ్ధి-చేకూర్చు భవరస సిద్ధి
ఓలలాడనీ నీ తన్మయాబ్ధి-వికసించనీ మంద బుద్ధి
పథనిర్దేశమునిపుడే కావించవే-సద్గతిని నాకందించవే
అందుకో భారతీ నీకివే శుభాభివందనలు
నాపై దయతో కురిపించు చల్లని దీవెనలు

2.ఉద్ధీపించు మూలాధారం-ఛేదించు నా సహస్రారం
చెలగనీ నాలోఒక్కో చక్రం-ఐక్యమై లోకాల కాలచక్రం
మరుజన్మేలేని పరమీయవే-నన్నిక వీడనని వరమీయవే
అందుకో భారతీ నీకివే శుభాభివందనలు
నాపై దయతో కురిపించు చల్లని దీవెనలు

 https://youtu.be/SPCCz7GsP8E?si=Ht0ydHO2lI4eZzNb

రచన,స్వరకల్పన&గానం:డా.గొల్లపెల్లి రాంకిషన్(రాఖీ

రాగం : కాపి 

నామ్ కే వాస్తేనా దోస్తానాలు

పేరుకు మాత్రమేన ఫ్రెండ్ షిప్పులు

కష్టంలో సుఖంలో  కలిసిరాని స్నేహాలు

మోదాన్నీ ఖేదాన్నీ పంచుకోని నేస్తాలు

ఎడారిలో ఎండమావులే అజాగళస్తనాలే

1.సూక్తులెన్నొ ఉంటాయి స్నేహితమంటే

సుద్దుల వరకే సాగుతుంది సోపతంటే

అరమరికలె లేనిది అలనాటి బాల్యమైత్రి

కల్మషాలనెరుగనిది చిన్ననాటి చెలిమి

2.ఆశించి చేసేది కాదెప్పుడు మిత్రుత్వం

హృదయమెరిగి మెలగుటయే ప్రియత్వం

గాయం నీదయీ బాధ నాదవడమే నెయ్యము

విజయం నాదయీ  సంబరం నీదైతే సఖ్యము

3.ఫేక్ లే చాలా మటుకు ఫేస్బుక్ స్నేహాలు

టైంపాస్ లే ఈనాటి వాట్సప్ దోస్తీలు

నీకొరకే నేనంటూ నిలిచేదే నిజ స్నేహం

స్నేహానికి నేనెపుడూ మనసారా దాసోహం

https://youtu.be/2sBL4mwzHbw?si=SMruA65Iezua3dCn

వంకర తొండపు దేవర శంకర కుమారా

దీవించరమా వంకర టింకర సంకర బుద్ధులు మార

మొక్కెదనిన్నిదె చక్కని విగ్రహా ప్రియమారా

గ్రక్కున బ్రోవర  చిత్తము నీదిగ చేకొను నే నేమార

1.మరచితివేమో నను నువు స్వామి ఓ బొజ్జగణపయ్యా

అడగకముందే అక్కఱ దీర్చిన అద్భుత దైవం నీవయ్యా

నిద్దుర సమయానా సిద్దివినాయకా అనే కదా నే తలచేది

పొద్దున లేస్తూనే సిద్దివినాయకా  నీ చిత్రపటమునే చూసేది

2.కినుక వహించావు నా ఎడ ఎందుకో నా దోషమేమనో

అలక బూనినావు నావైపు నీచూపు ప్రసరించవైతివేలనో

తెలిసీతెలియకా చేసిన తప్పులకు గుంజీలు తీసెదను సంకటనాశా

తొందరపాటుగనో  నా పొరపాటుగనో చేసిననా ఐపుసైపు విఘ్నేశా

https://youtu.be/KfrI79vEgiE?si=c2jTr2xPpu7byu2H

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:పంతువరాళి (కామవర్థిని )

దివ్య రూపిణి,విద్వన్మణి

తేజో వాహిని,మన్మోహిని

జనని  జగదానందిని

వందనమందుకో పావని

1.చిరుత ప్రాయమునాడె-జీవిత సత్యము తెలిపితివి 

బుద్బుద ప్రాయమిదియని ఎరుక పరిచితివి 

ఆత్మశోధనలోనా అమ్మా నేను అద్వైతినైతిని 

సిద్ధినిపొందగోరి నీ శ్రీరూపమునే మదినిలిపితిని 

2.నా ఆనందానికి నీవే స్వస్వరూపమైతివి

నన్నుద్ధురించ పూనుకొని దయతో సిద్ధమైతివి

అక్కున నను చేర్చి తల్లీ నిక్కముగా బ్రోవవే 

నిరతము నీ సన్నిధిలో నిలువగ వరమీయవే 

https://youtu.be/C--0Ua10sqg?si=O_7EPVL8GLez6lY6

ప్రస్తుతించనేల మానవ కాంతలను

కొనితెచ్చుకోనేల కోరికోరి వెతలను

నీ తలపులు నిలుపనైతి నా తలను

నీ తపనలొ రాయనైతి కవితలను

సౌందర్యలహరి ప్రణతోస్మి భువనసుందరి

సచ్చిదానందిని నమోస్తుతే జగన్మోహిని

1.అందమే నీవైతే నిన్నుమించి ఏముంటుంది

ప్రకృతే నీవైతే ప్రతితావున తెఱగుంటుంది

రాజరాజేశ్వరి అంబా బాలా త్రిపుర సుందరి

శారదాంబా శ్యామలాదేవి అతిలోకసుందరి

సౌందర్యలహరి ప్రణతోస్మి భువనసుందరి

సచ్చిదానందిని నమోస్తుతే జగన్మోహిని

2.ఐహికమౌ సుఖములకై వెంపర్లాడ నీయకే

మూణ్ణాళ్ళ మురిపెంకోసం నన్ను ముంచేయకే

అతివలందరిలోను నీరూపే నా మతి తోచనీవే

శాశ్వత పరసౌఖ్యము నొసగి నన్నుద్ధరించవే

సౌందర్యలహరి ప్రణతోస్మి భువనసుందరి

సచ్చిదానందిని నమోస్తుతే జగన్మోహిని

https://youtu.be/u7K-Rloj6K0

రాగం:మధ్యమావతి

మంగళగౌరి జనని 

కామిత ఫలదాయిని

శుభ శ్రావణ మంగళ వారమున

వ్రతముజేతుమమ్మా కనవెమమ్ము కనికకరమున

1.పాలకడలి చిలుకువేళ కాలకూటమెగియగా

సర్వమంగళ పార్వతీవు హరుని కానతీయగా

గరళము గళమున నిలిపిన చంద్రకళాధరు లీల

మంగళ గౌరీ  కొల్తుము నిను మాంగల్యము కాచేల

2.సోదరి ద్రౌపదికి శ్రీకృష్ణుడు తెలిపినది

నోమునోచుకున్నంత ఐదోతనము నిలిపేది

ఆయురారోగ్యాలు  భోగభాగ్యాలనీయ

మంగళగౌరీ స్తుతించేము సంతతిని బ్రోచేలా  

నా తనువే వేణువు శృతిచేయరా మురళీధరా

నా మనసే స్థాణువు కరిగించరా కరుణాకరా

ఎన్నో జన్మలుగా వేచివేచిచూస్తున్నా 

రాగాలు మరచిపోయి రాటుదేలి నేనున్నా

1.వెన్నలాంటి నాహృదయమాయె పాషాణం

కొడిగట్టిపోతోంది నీ స్మరణలొ నా ప్రాణం

జాలిమాని మనకురా జాగుసేయబోకురా

మరుభూమిగ మారింది మరుల బృందావని

కన్నీరు మున్నీరాయే కన్నయ్య కోసమని

2.పశువును నా మతిజూడ  పాలించు గోపతి

వశపడకున్నది ఉడికించకు నను యదుపతి

శరణుజొచ్చినానురా శకటాసుర సంహారా

అక్కున జేర్చుకో  అమరేంద్ర వినుతా

గ్రక్కున బ్రోవర నను గజేంద్ర సన్నుతా

శిరోజాలకే  పోలిక  మేఘమాలిక

నక్షత్రమయ్యింది నీకు ముక్కుపుడక 

మీనాలు నయనాలై వదన సరోవరాన

నోరూరే చెర్రీలే నీ మధుర అధరాన

స్థాణువులై పోయాయి నినుగని నా కనులు

చేష్టలుడిగి పోయాయి నెచ్చెలి నా చూపులు

1.సిగ్గులు నిగ్గుదేల కెంపులాయే నీ చెంపలు

సమీరాలు సయ్యాడగ చెలగే నీ ముంగురులు

ముద్దరాల ముద్దాడగ నా తపనలే పరితపించు

జవరాల నిను స్పృశించ నా తనువే పరవశించు

స్థాణువులై పోయాయి నినుగని నా కనులు

చేష్టలుడిగి పోయాయి నెచ్చెలి నా చూపులు

2.ఏన్ని జన్మలెత్తినా  నీ కొరకే పుట్టాలి

తపస్సు చేసైనా తప్పక నీచేయిపట్టాలి

మూడుముళ్ళు వేసిమరీ నీ జత కట్టాలి

నీఅడుగు కందిపోకుండా అరచేతులు పెట్టాలి

స్థాణువులై పోయాయి నినుగని నా కనులు

చేష్టలుడిగి పోయాయి నెచ్చెలి నా చూపులు

https://youtu.be/I3D3sRB7E2w?si=lH_SlNgZ1PEz5M3a

నరజన్మ కోరానా పరమేశ్వరా

నరకమే మేలేమొ హరహరా

ఉత్కృష్ట మనుమాట ఉత్తుత్తదే ఉమేశ్వరా

నికృష్టమన్నది నగ్నసత్యమే నటేశ్వరా

శంభో శివశంకరా వందే గంగాధరా

1.నీవైపు ఒక అడుగు నే వేస్తే

ఆమడ దూరం నువు తోస్తే

ఎలా దాటను ఈ వైతరణి

ఎలా ఈదను భవ జలధి

దుఃఖభరితమె ప్రతినిమిషం

ఏమిటి స్వామి నా దోషం

శంభో శివశంకరా వందే గంగాధరా

2.కష్టాల కొలిమిలొ నను కాల్చి

దేహపు మకిలిని పోకార్చి

ఆత్మైకభావన సానబట్టి

పరమాత్మనే ఇక చేరునట్టి

బాటలోన నను నడిపించి

కడతేర్తువా  నా చేయిపట్టి

శంభోశివశంకరా వందే గంగాధరా

మనసుకు పరవశం మనిషిలొ కలవరం

నిన్ను చూసినంత

నను నేను మరచితి హృదయాన్ని పరిచితి 

నీ పాదాల చెంత

నమ్మవే నా చెలీ సృష్టిలో నీఅందం

అదే అదే ఒక వింత పులకింత

1.లేలేత రవికిరణం ఇచ్చే హాయంత

 మొగలిపొదలు గుప్పే తావంత

మరులుగొలుపు పున్నమి రేయంత

నమ్మవే నా చెలీ సృష్టిలో నీ అందం

అదే అదే ఒక వింత పులకింత

2.గులాబీల సుకుమారమె నీ  ఒళ్ళంతా

కలువల నయగారమే  నీ రెండు కళ్ళంతా

పికగాత్ర మాధుర్యమే నీ మార్ధవ గళమంతా

నమ్మవే నా చెలీ సృష్టిలో నీ అందం

అదే అదే ఒక వింత పులకింత

OK

నవ్వుతాయి నీ కన్నులు  

పలుకుతాయి నీ చూపులు 

పెదవులు చదువుతాయి మైత్రీవేదాలు

గొంతులొ ఒలుకుతాయి మంజులనాదాలు

1.కళలు చెలఁగుతుంటాయి తనువులోన

కలలు మెలుగుతుంటాయి మనసులోన

తేజస్సే ప్రజ్వలించు నీ మేధలో

విజయాలే ప్రస్ఫుటించు నీ గాధలో

2.నిజ మహీజవే ఈ మహిలో నిప్పువై

ఎలా ముడిచినా అందగించు కొప్పుపై

ఆరని పోరాటపు బాటలో

తీరని ఆరాటపు వేటలో

https://youtu.be/erysnsPhO7A

అల్లనేరేడు పళ్ళు నీకళ్ళు

కాజూకత్లీలు  చెవి తమ్మెలు

పొంగిన పూరీలు నీ బుగ్గలు

అల్లన పనసతొనలు పెదవులు

నోరూరిపోతోంది నినుగని నెచ్చెలి

నకనకలాడుతోంది వగల సెగల ఆకలి

1.కొరుకుమనే భక్ష్యాలు నమలమనే భోజ్యాలు

నీ దేహపులిహోరలే తమకాగ్నికి ఆజ్యాలు

మెడవంపున లేహ్యాలు చుబుకాన చోష్యాలు

తనువిందు భోజనానికే సరిక్రొత్త భాష్యాలు

నోరూరిపోతోంది నిను గని నెచ్చెలి

నకనకలాడుతోంది వగల సెగల ఆకలి

2.మధురం మాటలో క్షారం చూపులో

కారం వయారంలో పులుపు వలపులో

వగరు నీ వయసులో చేదు నీ చీదఱ లో

రుచులారు  మక్కువే మనసుకు సరసములో

నోరూరిపోతోంది నినుగని నెచ్చెలి

నకనకలాడుతోంది వగల సెగల ఆకలి

OK

https://youtu.be/RB0PxXc844Q

వేంకటేశ వేంకటేశ వేంకటేశ పాహిమాం

శ్రీనివాస శ్రీనివాస శ్రీనివాస పాలయమాం

తిరుమలగిరిరాయ ఈప్సిత ఫలప్రద

భావయామి తం సతతం గోవిందం నమామ్యహం

దర్శయామి భవరూపం హృదయాంతరమహరహం

1.ఇంద్రాది దేవ సంపూజితం-ఇందిర మందిర మానసం

కలియుగ వరదం గోవిందం దీనావన బిరుదాంకితం

భావయామి తం సతతం గోవిందం నమామ్యహం

దర్శయామి భవరూపం హృదయాంతరమహరహం

2.సప్తగిరివాసినం నిరంజనం  సప్త ఋషి సేవితం 

సకలలోక వందితం భవభంజనం జనార్దనం

భావయామి తం సతతం గోవిందం నమామ్యహం

దర్శయామి భవరూపం హృదయాంతరమహరహం

https://youtu.be/cdeB40KIQQ0?si=Gox9XgDN_I9yBZhS

నీ యాదిల నే బతుకుతున్న నా బంగరు బావా

మనాది పెట్టబోకురా మేనత్తకొడుకా శివా శివశివా

ఏటేటా ఊరొస్తనంటివి నన్నుజూడ మరిచావా

ఎదిరిసూసి ఏష్టకొచ్చెరా రోజూ నాకిదే చావా

1.కొలువు కుదిరికుదురంగనె తోల్కపోతనంటివి

గాలిమోటరెక్కంగనె గట్లటెట్ల నువు మారిపోతివి

అమాసలెన్నొవాయే పున్నాలు వచ్చిపాయే

జాతర్లెన్నొ జరిగిపాయే పండుగులింక పండిపాయే

నీ జాడపత్తలేదాయే మాటా మంచి కరువాయే

ఫోనుగన్కలేకపాయే నీ పానమెట్లుందొ ఎర్గనాయే

2.పట్టుచీరనైతె పట్టుబట్టి పంపుతానంటివే

పట్టగొల్సులింక పడిపడి చేయిస్తనంటివే

మనువాడి   మస్కటింక చూపిస్తనంటివే

గుండెల్లొ వెట్టుకొని చూసుకొంట నంటివే

అవ్వేవి నాకొద్దు నువ్వైతే జల్దిరా పడిగాపులు పడ్తిరా

బతుకింక నీకే ముడుపు కడ్తిరా వలపు దాచిపెడ్తిరా

OK

రచన,స్వరకల్పన&గానం:డా.గొల్లపెల్లి రాంకిషన్ రాఖీ

స్పందించని ప్రతి గుండె పాషాణం

పులకించని దేహం ఎముకల భోషాణం

మనసంటూ ఉండాలి నవనీతమైతేనే

మనిషంటూ మనగలిగితే మదిలోనూ మాటలోనూ తేనే

1.చిగురాకు పరవశించదా చిరుగాలి స్పర్శకు

చినుకు పలకరించదా నేలతల్లి ఎదురుచూపుకు

మునగదీసుకోవాలా పట్టువిడుపులే లేక

మూతిముడుచుకోవాలా చిరునవ్వైన రువ్వక

2. కడలి నదిని కౌగిలించదా అలల చేతులు సాచి

వేకువ వెలుతురుకూతమీయదా రవిని రమ్మని పిలిచి

ప్రేమగా మీటలేరా ఎదుటివారి హృదయవీణను

ఒడుపుగా నాటలేరా కరడు ఎదలలొ కాస్త కరుణను

నిదుర పారిపోయింది-నిన్నుచూసాక

గుండె జారిపోయింది-నువుకన్ను వేసాక

ఎలా గడపనే నా చెలీ ఈ రాతిరి

ఎలా ఓపనే నెచ్చలి తనువు తిమ్మిరి

1.ప్రేమ ఒకవైపు తడుతూ-దోమలొకవైపు కుడుతూ

రెప్పవేయలేకున్నా  తిప్పలెన్నొ పడుతున్నా

వయసు గిల్లుడే పడతూ-నల్లులకు నెత్తురు నిస్తూ

కనుకు తీయలేకున్నా -తపన మోయలేకున్నా

2.హంసతూలికా తల్పం- సుతిమెత్తని నీ అంకం

స్వర్గసౌఖ్యమే అల్పం- అనంగరంగం నీ అంగాంగం

ఊహల్లొ విహరిస్తూ ఉద్విగ్నతనాపుకొస్తున్నా

మన కలయిక తలపోస్తూ మరులు నెమరువేస్తున్నా

OK

నీకేమో నవ్వులాట నా కేమో ప్రేమపాట

రైలుపట్టాలయ్యేనా మన బాట

కలవడం సాధ్యమా ఏదో ఒకచోట

ఎపుడో ఒకపూట

ఎన్నాళ్ళిలా మూగవేదన-నరకయాతన

1.మనసులో అనురాగంగా బయటేమో బింకంగా

నీలోనీకే తెలియని వింత మథనంగా

మనలేవు మౌనంగా తెలుపలేవు ఎద భావంగా

పట్టలేని విడువలేని సందిగ్ధంగా

ఎన్నాళ్ళిలా మూగవేదన-నరకయాతన

2.ముట్టబోతే అత్తిపత్తివి-తలచకుంటే అగరుబత్తివి

ఎలా వేగనేనీతో నాచెలీ ఎలనాగ

నిశ్చయంగా నీది ప్రేమే నీ గుండె మండే కొలిమే

మదిముళ్ళు విప్పక  మునిగేది మనమే

ఎన్నాళ్ళిలా మూగవేదన-నరకయాతన

https://youtu.be/Lw1ZPdZtFLo?si=Qv43UYeqFNabi0Et

రచన,స్వరకల్పన&గానం:డా.గొల్లపెల్లి రాంకిషన్ రాఖీ

నమ్మేకద రాసాను సాయి నీపై వందల పాటలు
మమ్మేలెడి వాడవనే బాబా చేసాము నీకు పూజలు
వమ్ముచేయగా నీ మహిమలాయె ఒట్టి గాలి మాటలు
సొమ్మసిల్లెగా నా మది నీ బోధలవగ నీటిమూటలు
సాయిరాం సాయిరాం సాయిరాం సాయిరాం

1.సాయిరాం అంటూ సదా నీ నామమె పలుకుదునే
ఆర్తితో దీనంగా నిను చిత్రపటములందు కాంచెదనే
వెతికి వెతికిమరీ నీవున్న మందిరముకు చనుదునే
గురువారము ఉపవసించి నీ ధ్యానమె చేయుదునే
సాయిరాం సాయిరాం సాయిరాం సాయిరాం

2.మామూలు నరుడవో సద్గురుడవో అది మాకేల
మాయల మరాఠీవొ గారడి వాడివో చూపునీ లీల
ఆశలెన్నొ ఉన్నవి నీఎడ అవి  అడియాసలు కావాలా?
నెరవేరక మా కోర్కెలు కడదాకా నేనిలాగే చావాలా
సాయిరాం సాయిరాం సాయిరాం సాయిరాం

నీ సిగలో నను మందారమవనీ

నీ నుదుట సిందూరమై మనని 

నీ పాదాల పాంజేబునై పరవశించనీ

నీ ఎదపై తాళినై ఎపుడూ నివసించనీ

ప్రియా ప్రియతమా నా జీవన మధురిమ

సదా నినదించే నా హృదయ గీతమా

1.నీ పెదవుల ఎల్లపుడు అల్లలాడె పేరు నాదిగా

నీ తలపుల  అల్లరిగా కదలాడుతు నే మనాదిగా

నీ బడలిక పోకార్చే నినుసేదదీర్చే అమృత ఔషదిగా

నిను లాలించి పాలించి మురిపించగ నే అమ్మ ఒడిగా

ప్రియా ప్రియతమా నా జీవన మధురిమ

సదా నినదించే నా హృదయ గీతమా

2.అడగకనే వసతుల నమరించే నీ వరునిగా

పరకాంతల కలనైనా కాంచబోని ప్రవరునిగా

పడకటింట పరిమళాలు ప్రసరించే మరునిగా

నా తనువున నువు సగమను అపర శంకరునిగా

ప్రియా ప్రియతమా నా జీవన మధురిమ

సదా నినదించే నా హృదయ గీతమా

https://youtu.be/mPxyCoC9hAs?si=1kM1f7qbK9nzJtb5

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

నల్లంచు తెల్లచీర నవమోహిని

కురులలో నెలకొంది కృష్ణయామిని

పలుక పరవశింపజేయు రసరాగిణి

గాలం వేసావు నా గుండెకు భామామణి

1.క్రీగంటి చూపులో ఊరించే కొంటెదనం

మందార పెదాలలో ఉడికించే జాణతనం

చెప్పకనే చెబుతోంది ప్రేమకు సుస్వాగతం

తెలుపుతోంది ప్రణయానికి ప్రియమారగ ఆహ్వానం

2.మత్తెక్కి పోతోంది మల్లెమాలతో సాంతం

కైపు నింక పెంచుతోంది బిగుతైన అంగాంగం

ఊహలు తూనీగలై సెగలు రేపు సంగమం

కౌగిలిలో కడతేరగ స్వర్గమే పాదాక్రాంతం

మది మెచ్చింది నీ పెదవిమీది పుట్టుమచ్చ

ఎద వేగం హెచ్చింది ఎలా ఎరుకపరుచను నా ఇచ్ఛ

అందానికి విలాసం నీవే నీవేనని మనసిచ్చా

కనికరించగా ప్రేయసీ నా మీద నీకెందుకంతటి కచ్చ

1.కన్నులతో చేసావు నను కట్టడి కనికట్టుగా

పెదవులలో దాచావు పుట్టతేనె పట్టు గుట్టుగా

నవ్వుల్లో కురిసావు ఆణిముత్యాలనే గుట్టగా

నడుమొంపులొ దించావు హరివిల్లును బెట్టుగా

2.జాబిలి జాలిగొంది చంద్రిక నీవుగా విరియగా

మల్లిక తల్లడిల్లె  నెత్తావి తననువీడి నిన్ను చేరగా

గులాబీ గునిసింది సుకుమారం నీ మేనిగ మారగా

సెలయేరు తడబడె నీ నడకలు అనుసరించగా