"తస్మాత్ జాగ్రత జాగ్రత"

అనుకోని అతిథి కాదు

అనూహ్యమైన ఆగంతకుడూ కాదు

రాక తప్పని మృత్యుదూత

పడక తప్పదు దానివాత

వస్తుందా ఛస్తుందా అనుకోకు మిత్రమా

నాకైతే సోకదని భావించకు నేస్తమా

మినహాయింపేమి లేదునీకు ప్రియతమా

కనికరం లేనిదే కరోనా

నిర్లక్ష్యానికి మరణమే జరిమానా

1.జాగ్రత్తగ ఉన్నా తప్పుకొనగ కష్టము

ఏమరుపాటైతే కరోనా కడు స్పష్టము

నవ్వులాట కాదు నీదీ నీవారి జీవితం

తిరిగిరానిదొక్కటే మనిషి ప్రాణము

కనికరం లేనిదే కరోనా

నిర్లక్ష్యానికి మరణమే జరిమానా

2.మొక్కుబడిగ పెట్టుకొనే మూతి మాస్కులు

ముక్కువరకు తెరిస్తే తొలగవసలు రిస్కులు

చీటికి మాటికి బయటకొచ్చి ఏల వేస్ట్ హస్కులు

అత్యవసరాలు వినా మాను అన్ని టాస్కులు

కనికరం లేనిదే కరోనా

నిర్లక్ష్యానికి మరణమే జరిమానా

3.నువ్వులు ఆవాలు తప్పని సరి డైట్ కై

నిమ్మ నారింజలు తినాలి  విటమిన్ సి కై

పెంచుకొనే కృషిచెయ్యి  బాడీ ఇమ్యూనిటి కై

భౌతికదూరమొకటె కరోనరహిత కమ్యూనిటి కై

కనికరం లేనిదే కరోనా

నిర్లక్ష్యానికి మరణమే జరిమానా

4.వెంటాడి అంటకునే వింతవ్యాధిది సునో నా

అంటుకుంటె అంతుచూచు వైరసీ కరోనా

లంగ్స్ పగిలి ఊపిరాగి  చిత్రవధతొ  మరో నా

హెచ్చరికలు ఆచరిస్తే కిసీసే కభీ భీ డరో నా

కనికరం లేనిదే కరోనా

నిర్లక్ష్యానికి మరణమే జరిమానా

సాయీ అని పిలిచిచూడు
ఓయీ యని పలుకుతాడు
బాబా అని శరణు వేడూ
కంటికి రెప్పలా కాపాడుతాడు
సాయీ సాయీ సాయీ
బాబా బాబా బాబా

1.మనసారా సాయిని స్మరించు
తక్షణమే నీముందు అవతరించు
నోరారా బాబా యని భజించు
జన్మాంతర పాపాలూ అంతరించు
సాయి ధ్యాసయే ఒక యోగము
చేసుకో అనుక్షణం సద్వినియోగము
సాయీ సాయీ సాయీ
బాబా బాబా బాబా

2.సాయి సేవచేయుచూ తరించు
సకల భాగ్యాలు తాముగా వరించు
బాబా బోధలనే సదా ఆచరించు
బ్రతుకు నల్లేరు నడకయని గ్రహించు
సాయి సన్నిధే పరమ పెన్నిధి
బాబా అనుగ్రహమే జీవిత పరమావధి
సాయీ సాయీ సాయీ
బాబా బాబా బాబా

https://youtu.be/yFvTZ6jt638

మొకమే సూపించక సాటేయ వడ్తివి
మొత్తుకున్నా పెడసెవిన మాట పెట్టవడ్తివి
రంగమ్మా నీ నంగనాచి నాటకాలు సాలుసాలు
నా గుండెకాయ నీదేనని తెల్సుకుంటె మేలుమేలు
మూణ్ణాళ్ళ ముచ్చటాయే ముద్దుమురిపాలు
నూరేళ్ళ పంటకదే అల్లుకుంటె మన బతుకులు

1.మోటబావికాడ నాకు సైగలేవొ జేస్తివి
సేనుగట్టుకాడ నీ సేయినాకు తగిలిస్తివి
ఏపసెట్టు నీడలోన నడుమొంపును సూపిస్తివి
మంచెమీద నీ పెయ్యిని మంచమల్లె పరిస్తివి
మూణ్ణాళ్ళ ముచ్చటాయే ముద్దుమురిపాలు
నూరేళ్ళ పంటకదే అల్లుకుంటె మన బతుకులు

2.మావితోపుకాడికైతె మరిమరి రమ్మంటివి
 దాచుకున్న రెండు పళ్ళు నాకని తీసిస్తివి
ముద్దుగుమ్మ గుమ్మపాలు కమ్మగ తాపిస్తివి
సావకుండ సర్గమేంటో సవిసూపిస్తివి
మూణ్ణాళ్ళ ముచ్చటాయే ముద్దుమురిపాలు
నూరేళ్ళ పంటకదే అల్లుకుంటె మన బతుకులు

OK

https://youtu.be/Qhmlsr8H22E

రచన,స్వరకల్పన&గానం:డా.రాఖీ

ముంగురులు చెప్పే ముచ్చట లేమిటో
ముసిముసి నవ్వులు పూసే ఘటనలు ఏవిటో
ఏ జ్ఞాపకాలు బుగ్గల సిగ్గుల నద్దేనో
ఏ వింతమైకాలు ఒంటిని కమ్మేనో
నీలో నీవే నేనుగా నాలో నేనూ నీవుగా
తడిసేము రేయి పగలు తలపులు ముంచగా

1.నీరెండ పోల్చుకుంది నీ మేని మెరుపుని
బొండుమల్లె తేల్చుకుంది తను కాస్త నలుపని
పచ్చదనం నినుమెచ్చి అలుముకుంది కోకగా
పసిడిగుణం తనువిచ్చి అల్లుకుంది అలవోకగా
నీలో నీవే నేనుగా నాలో నేనూ నీవుగా
నా ఊహల రూపం నీవేగా నీ కలల కల్పన నేనేగా

2.చిత్తరువయ్యాను నీ చిత్తరువు గని నేను
గమ్మత్తుగ చిత్తైనాను కించిత్తు స్పందిస్తేను
ఆషాఢ మాసాలు  పడుచుజంటలకు శాపాలు
కరోనా అంతరాలు చేరనీవు మన తీరాలు
నీలో నీవే నేనుగా నాలో నేనూ నీవుగా
నన్నావరించే సౌగంధి నీవు నిన్నలరించే గాంధర్వం నేను

మరచిపోతే ఎలా నా చెలీ
నను విడిచిపోకే ఓ జాబిలీ
మగువకే సాధ్యమౌనేమో నిర్లక్ష్యము
పడతికే అలవాటేమో ఈ టక్కరితనము

కాలిబంతిలాగా నన్నాడుకుంటున్నావే
పూలచెండులాగా ననువాడుకుంటున్నావే
తగదెనీకు తుంటరితనము-మానవే నెరజాణతనము
నన్నుంచుకోవే నీ తలపులోనా-నన్నుండనీవే నీ గుండెలోనా

మదిలోన మంటలు రేపి జారుకుంటావు
బ్రతుకంతా అలజడిరేపి తుర్రుమంటావు
అనురాగం అన్నదే యోగం-మనలేనే నీ వియోగం
మృతివరకు నిన్నే నే కోరుకుంటా-చితి చేరినాగాని నినువదలనంటా

https://youtu.be/Nf-RhckIolw

రచన.స్వరకల్పన&గానం:డా.రాఖీ

రాగం:రేవతి

ఆషాఢ శుద్ధ ఏకాదశి పర్వదినం
చాతుర్మాస్యదీక్షకు ఈనాడే శ్రీకారం
అలసిన శ్రీహరి విశ్రమించు శుభతరుణం
పరిశుభ్రత శమదమ నియమ పాలన ఆచరణీయం

1.ఆరోగ్యానికే అగ్రతాంబూలం ఏకాదశి మర్మం
జాగరణ ఉపవాసం పండగ అంతరార్థం
చలవ పదార్థాల విస్మరించుటే పరమార్థం
వ్యాధులు ప్రబలకుండ చేపట్టే చర్యలసారం

2.విష్ణునామ సంకీర్తన శ్రేయోదాయకం
విష్ణుప్రియ కన్యను సేవించుట పుణ్యప్రదం
విష్ణుతత్వ జిజ్ఞాస చేర్చునులే పరమపదం
విష్ణు భక్తులమై పొందాలి జన్మసాఫల్యం

రచన,స్వరకల్పన&గానం:డా.రాఖీ

రాగం:మోహన

ప్రధాని పదవే వచ్చింది తానుగా వరించి
ఆర్థిక సంస్కర్తగ నవభారత విరించి
నేడు జగమెరిగిన పీవిగారి శతజయంతి
జేజేలు పలుకుతోంది తెలుగుజాతి గర్వించి
జయహో పాములపర్తి వేంకట నరసింహారావు
జోహార్ నీకిదే తొలి తెలుగు ప్రధానిగా మరపురావు

1.బహుభాషా ధురీణుడు అపర చాణక్యుడు
తెలంగాణ మాగాణి పుత్రుడు రాజకీయ పవిత్రుడు
కాంగ్రేస్ విశ్వసనీయుడు గాంధీ పరివార విధేయుడు
కవిగా పండిత ప్రకండునిగా పేరొందిన వరేణ్యుడు
జయహో పాములపర్తి వేంకట నరసింహారావు
జోహార్ నీకిదే తొలి తెలుగు ప్రధానిగా మరపురావు

2.నిదానమే ప్రధానమని ఆచరించినవాడు
ఆచితూచి అడుగేసిన మంత్రాంగ యోధుడు
ముభావమే సర్వదా భావ ప్రకటనైనవాడు
పక్కా నిర్ణయాలె ప్రతీతిగా కలిగినవాడు
జయహో పాములపర్తి వేంకట నరసింహారావు
జోహార్ నీకిదే తొలి తెలుగు ప్రధానిగా మరపురావు

3.నిరాడంబరుడు నిగర్వి తాను నిస్పక్షపాతి
ప్రపంచాన ఇనుమడింపగచేసె భరతఖ్యాతి
తెలంగాణ మకుటంలో పివి కలికితురాయి
భారతరత్నమై వెలుగొందుటె తరువాయి
జయహో పాములపర్తి వేంకట నరసింహారావు
జోహార్ నీకిదే తొలి తెలుగు ప్రధానిగా మరపురావు

https://youtu.be/JQwpAfS3gGU?si=8kHc-C0i2AYYubZx

రచన,స్వరకల్పన&గానం:డా.రాఖీ

రాగం:శహనా

వందే విశ్వంభరా
నమోస్తుతే ఋతంబరా
ధన్యోహం దిగంబరా
దండంబులు గొనుమిదే హరా నిరాడంబరా

1.ఎలా నీకు తెలుపగలను కృతజ్ఞత
ఎలా ప్రకటించను నా విశ్వసనీయత
ఏవిధి ఎరుకపరుచగలను  నా భక్తి ప్రపత్తత
ఏ రీతి మెప్పించను మార్కండేయవినుత
ధన్యోహం దిగంబరా
దండంబులు గొనుమిదే హరా నిరాడంబరా

2.ఉత్కృష్టమౌ ఈ నరజన్మ నిచ్చావు
ఆరోగ్యభాగ్యాలు నాకొసగినావు
చక్కని ధారా పుత్రుల దయచేసినావు
మిక్కిలి కవన ప్రతిభ వరమిచ్చినావు
ధన్యోహం దిగంబరా
దండంబులు గొనుమిదే హరా నిరాడంబరా

రచన,స్వరకల్పన&గానం:డా.రాఖీ

మల్లెలకెంత తొందర-నీ జళ్ళో మాలగా అలరొందాలని
వెన్నెలకెంత ఆత్రుత-నీ ఒళ్ళు ఒళ్ళంతా  పరుచుకోవాలని
తుమ్మెద కెంత కోరిక-నీ ముఖకమలంపై వాలాలని
ముత్యాలకొకే వేడుక-నీ నగవుల జల్లుగా రాలాలని

1.కిన్నెరసాని నీ నడకచూసాకే-మెలికలు తిరిగింది
పెన్నానది నీ నడుము కనగానే-అలకను పూనింది
కృష్ణవేణి నీ కురుల నలుపుచూసి-తలవంచుక సాగింది
పాపికొండల గోదారి నీ గుండెల ఉన్నతికి-అచ్చెరువొందింది

2.నర్మదానది లోయనే లోతైన -నీ నాభిని తలపించింది
తపతీ నది అందమైన ప్రవాహమే-నీ నూగారును పోలింది
తుంగభద్ర సంగమించ నిను మెళకువలడిగింది
కావేరి నీమేని సోయగాలకే నిలువెల్లా నీరయ్యింది

రచన,స్వరకల్పన&గానం:డా.రాఖీ

ఆమె:
తనువుకే యవ్వనం ముసలితనం
అతను:
మనసన్నది ఎప్పుడూ అజరామరం
ఆమె:
అందాన్ని ఇనుమడించు హుందాతనం
అతను:
నిండైన కట్టుబొట్టు నెలతకు సింగారం

అతను:
1.అరమరికలే లేని అపురూప కాపురం
సాంగత్యమె నిత్యమైన సిసలైన దాంపత్యం
అలకలు కలనైన  కనరాని సంసారం
అతివ చతురతతొ ఔతుంది గృహమే స్వర్గం

ఆమె:
2.కుటుంబమంతటి శ్రేయస్సే ఏకైక లక్ష్యం
సంతానపు ఔన్నత్యమే చేరిన శిఖరం
ఎదలోన అనురాగం ఎదుటేమో గంభీరం
 మగధీరుడే మగనాలికి ఆరాధ్య దైవం

తీరు చూస్తే జలపాతం
ఉరిమితే మరి ఉల్కాపాతం
మనసు లైతే నవనీతం
స్నేహితం మనకాపాతం

1.ఉబుసుపోని జీవితం
మూడునాళ్ళే శాశ్వతం
వెతకు చెలిమొక ఊతం
కరిగనీకు క్షణమే అమృతం

2.దొరికినదె మన ప్రాప్తం
అనుభూతులె అవ్యక్తం
సర్దుకుంటె అది యుక్తం
అంతరంగమన్నది గుప్తం

రచన,స్వరకల్పన&గానం:డా.రాఖీ

నీపదము తడిసింది స్వామి
నా అశ్రుధారతోని
గుడి మారుమ్రోగె వినవేమి
నా హృదయఘోష తోని
మిన్నకుందువేమి గోవిందా
నన్నుగానవేమీ ముకుందా

1.కన్నతండ్రివీవు చిన్నకొడుకునే నేను
చేయవైతివేల గారాబము
తప్పులెన్నబోకు గొప్పలేవిలేవు నాకు
మన్నించవేల నా అజ్ఞానము
పెంకెతనం మంకుతనం సహజమే కదా
మిన్నకుందువేమి గోవిందా
నన్నుగానవేమీ ముకుందా

2.శుంఠనై మిగిలాను మూఢునిగ మసిలాను
శ్రద్ధగా నీవే బుద్ధిగరపక
మొరవెట్టుకున్నాను నిన్ను తిట్టుకున్నాను
నా అవసరాలు నెరవేరక
సన్మార్గం చూపే బాధ్యత నీదే సదా
మిన్నకుందువేమి గోవిందా
నన్నుగానవేమీ ముకుందా

రచన,స్వరకల్పన&గానం:డా.రాఖీ

చలికాలమైనా మేనంతా చెమటలే
తానమాడినా గానీ తనువంతా మంటలే
వేగలేకపోతోంది అంగాగం నీవిరహం
తాళజాలకుంది తపన రేగి నాదేహం
రారా సఖా  ప్రియ ప్రేమికా-నా పరువమే నీకు కానుకా

1.పిచ్చుకల జంటకాస్తా ఇచ్ఛ రెచ్చగొడుతోంది
కపోతాల జతసైతం రచ్చ రచ్చ చేసేస్తోంది
చిలుకాగోరింకల మిథునం కలకలం రేపుతోంది
అభిసారిక ఆవహించి కామార్తి బుసకొడుతోంది
రారా సఖా  ప్రియ ప్రేమికా-నా పరువమే నీకు కానుకా

2.ఏకధార జలపాతం సరస్సులో దూకుతోంది
పుడమి చీల్చుకొంటూ మొలక వెలికి వచ్చింది
సెలయేటి కౌగిట కొండ ఒదిగిపోయింది
పదపడుతు నదితానే కడలితో సంగమించింది
రారా సఖా  ప్రియ ప్రేమికా-నా పరువమే నీకు కానుకా

రచన,స్వరకల్పన&గానం:డా.రాఖీ

జీవితమే చింతల నాటకం
జీవితమే వింతల బూటకం
మనిషికి మనసుకి మధ్యన దొంగాటకం
మనిషికి మనిషికీ నడుమన పితలాటకం

1.రమణి చుట్టు తిరిగే రంగులరాట్నం
గొడ్డు చాకిరితో తిరిగే గానుగ చట్రం
కూపస్థ మండూకం తనలోకమె మైకం
జనన మరణ వలయంలో చిక్కిన జీవితం

2.భావానికి భాషణకు ఎంతటి అంతరం
కార్యానికి వచనానికి పొంతన బహుదూరం
సాటివారి సంక్షేమం మృగతృష్ణతొ సమానం
చిన్నారి నాబొజ్జకు శ్రీరామరక్షయే ప్రమాణం

https://youtu.be/25GI4x29Wdc

రెప్పలెక్కి తొక్కుతోంది కునుకు రక్కసి
తిప్పలెన్నె నీతోటి చక్కని నా ప్రేయసి
కలుసుకోనీయి కలల ఇంటి తలుపు తీసి
మరపురాని ఆనుభూతులనే నాకందజేసీ

1. భాష అడ్డుకాబోదు మన కాపురాన
కులం మతం ప్రసక్తిరాదు ప్రేమ గోపురాన
పేద ధనిక భేదం లేదు  ప్రణయపురాన
జాతి ప్రాంత వివక్షలేదు సంసార తీరాన
కలుసుకోనీయి కలల ఇంటి తలుపు తీసి
మరపురాని ఆనుభూతులనే నాకందజేసీ

2.ఆధిపత్య పోరు ఉండదు దాంపత్యాన
శంకకింక  తావులేదు ఇరువురి మధ్యన
అలకలకు చోటేలేదు సరే అన్న మాట మినహా
అపోహలకు వీలులేదు ఒకే భావమైన తరహా
కలుసుకోనీయి కలల ఇంటి తలుపు తీసి
మరపురాని ఆనుభూతులనే నాకందజేసీ


OK

రచన,స్వరకల్పన&గానం:డా.రాఖీ

చెలియా చెలియా చేయకే గారడీ
లవ్ నే మార్చకే ప్యార్ కీ ప్యారెడీ
సయ్యంటే సయ్యంటూ దేనికైనా నేను రెడీ
సరదాల పేరిట కొట్టించకు నను బురిడీ

1.చాటింగ్ మీటింగ్ డేటింగ్ అన్నిటికీ నేనోకే
ఫైటింగ్ చీటింగ్ బ్రేకింగ్ అంటే మాత్రం చికాకే
షాపింగ్ చేసెయ్ టైమెంతైనా అవనీ హోటల్ బిల్లెంతైనా
బోర్ కొట్టే దూరాలకు ఎంతటి లాంగ్ రైడైనా

2.పబ్బుల్లో స్పెండ్ చేద్దాం లేట్ నైటైనా
పార్టీలలో ఎంజాయ్ చేద్దాం ఎంత ఖర్చైనా
వీకెండ్ రోజున రిసార్ట్స్ కెళ్ళి మజా మరాయిద్దాం ఇకపైన
మల్టీ ప్లెక్స్ కార్నర్ సీట్లలొ ఖుషీగ తిందాం పాప్ కార్నైనా

రచన,స్వరకల్పన&గానం:డా రాఖీ

వందల మందిరాలు సాయీ నీకు
లక్షలాది భక్తజనాలు
దినమంతా పూజలూ అర్చనలు
రోజుకైదు నీరాజనాలు
నిత్యనైవేద్యాలూ భోజనాలు
ఐనా ఏమి పొందినాము బాబా ప్రయోజనాలు

1.రాసాను కీర్తిస్తూ ఎనలేని గీతాలు
నీ గుణ గానాలు నామ భజనలు
చేసాను దీనులకు  సేవలు దానాలు
మోసాను నువ్వెక్కిన పల్లకీ పలుమార్లు
ధరించాను ధుని విభూతి అన్నిదినాలు
ఐనా ఏమి పొందినాము బాబా ప్రయోజనాలు

2.ముగించాను సచ్చరిత్ర పారాయణాలు
చేసాను షిర్డియాత్ర ప్రయాణాలు
కన్నాను కనులారా నీ సమాధి విభవాలు
స్పృశించాను నువు తిరిగిన ప్రదేశాలు
విన్నాను నువు తెలిపిన సూత్రాలు బోధనలు
ఐనా ఏమి పొందినాము బాబా ప్రయోజనాలు

రచన,స్వరకల్పన&గానం:డా.రాఖీ

పాట రాసేదే నీకోసం-నీవుంటే మధుమాసం
వరమీయి దరహాసం-తాళజాల నే మోసం
మెలితిరిగేను నిను చూసి నా మీసం
నిరంతం నీ సన్నిధిలో అంతులేని సంతసం

1.వంచాను అందుకో నీలాల ఆకసం
దించాను హరివిల్లు చేసుకో కైవసం
పెంచాను పూవనం కోసుకో సుమ మానసం
పోషించానీ  గీతంలో ఆసాంతం సరసరసం

2.తారామణులను త్రెంచుకొచ్చి మెళ్ళోమాలవేస్తా
చందమామను తీసుకొచ్చి గుమ్మాన తగిలిస్తా
కీలుగుర్రం ఎక్కివచ్చి నిన్నెత్తుకొని వెళతా
దేవలోక సామ్రాజ్ఞిగా నీకే నే పట్టం కడతా

ముక్కలు చేసినా రాదు చప్పుడు
పిడికిట నొక్కినా ఉంటుంది గుప్పెడు
మంటబెట్టి మసిచేసినా కత్తిబెట్టి కోసేసినా
నీకోసమే కొట్టుకుంటోంది నా గుండె
నీ నామమే జపిస్తూ మిన్నకుండె

1.ఎవడుకనిపెట్టాడో గాని ప్రేమ అన్న ఈ పదాన్ని
ఎలా అంటగట్టాడో ఏమో లలనతో అనుబంధాన్ని
వ్యాపకాలన్నిటికీ తిలోదకాలిచ్చేలా
వ్యామోహపు వలలోనా పడిచచ్చేలా
మధురమైన ప్రణయానా ఈ మరణయాతన
తగదునీకు నెచ్చెలీ దూరమౌట జీవితాన

2.నారి మనసు మర్మమేదో హరికైనా తెలియదంట
పడతి యోచనేంటో పరమేశ్వరుడెరుగడంట
మాయలోడి ప్రాణం చిలుకలోనా
నా పంచప్రాణాలు నీ పలుకులోనా
ఔనని మననీయి నీపాద దాసునిగా
అందాల చేయందీయి పడిఉంటా బంధీగా

శుభోదయం ఓ సుకుమారీ!!
హృదయం నీదే మేరే ప్యారీ
పగలూ రేయీ యాదేఁ తేరీ
సతాయించకే ఓ వయ్యారీ

1.బుర్కపిట్టలాగ దొర్కవాలుతావు
తాయిలం కర్చుకొని తుర్రుమంటావు
చేపపిల్లలాగ చిక్కినట్లే తోస్తావు
పట్టుకొనేలోగా పట్టుజారిపోతావు
నిన్ను సాదుకుంటానే ఎంతోప్రేమగా
నిను చూసుకుంటానే అపురూపంగా

2.దోబూచులాడగా నీకెందుకే సరదా
దొంగాటలాడేవు మజాకా నీకు సదా
సీరియస్గా లవ్ చేస్తుంటే లైట్ తీసుకోనేల
నాపక్కన రిజర్వ్ చేస్తే బ్రేకప్పుల గోలేల
నా ఎదలో చోటుంది నీ ఒక్కదానికే
అప్సరసలె దిగిరానీ లెక్కచేయదే

చెముడున్నదా ఏం వినిపించుకోవు
మిడిసిపాటేమొ నీకు పట్టించుకోవు
ఎంత మార్ధవంగా నే పలకరించినా
ఎంతప్రేమగా నీతో ప్రవర్తించినా
తగదు నీకీ తెగువా తరుణీమణీ
మనసులేని మగువా నా ప్రియభామినీ

1.అనిమేషవు నీవనుకోకు
మిషలింక వెతుకబూనకు
అమరకాంతనీవని తలవకు
కారణాలు వివరించకు
నాకన్న మిన్నగా ప్రేమించరెవ్వరు
అనురాగమంతా నీ ఎదలొ వంపరు

2.తిరిగి తిరిగి అరిగాయి
వెంబడించి నా పాదాలు
వెంటబడి అలిసాయి
విసుగెత్తిన నా తపనలు
తెగేసైన చెప్పవే తప్పుకొమ్మని
తెగతెంపులు చేయవే మూడుముళ్ళని

తనువంతా పూవుల తోట
మనసంతా తేనెల తేట
నను మెచ్చిన నెచ్చెలి  నేనచ్చరువొందేలా
అల్లంత దూరంనుండే పరిమళాలు గుప్పించింది
అధర మందారాల మకరందం అందించింది

1.కన్నుల్లో కార్తీకాలు
గళసీమ మాణిక్యాలు
నను మెచ్చిన నెచ్చెలికి  నేనచ్చరువొందేలా   
నింగిలోని వెన్నెలంతా అంగనపై పరుచుకుంది
తారలన్ని గుచ్చిన హారం మెడను అలరించింది

2.ఇంద్ర ధనుసు కోక
పడమటెరుపు రవికె
నను మెచ్చిన నెచ్చెలికి  నేనచ్చరువొందేలా
అలంకారాలన్ని సృష్టే సమకూర్చింది
అందాలనెన్నెన్నో దృష్టి ఇనుడించింది

https://youtu.be/yJ_eCRTKEsw

 రచన,స్వరకల్పన&గానం:డా.గొల్లపెల్లి రాంకిషన్(రాఖీ)

ఆషాఢమాసాన  అతివలకు
అరుణిమ నొలుకగ అరచేతులకు
మరులెన్నగొలిపేను మగువలకు మైదాకు
ఫిదాగా మారుతారు సుదతులు హెన్నాకు
గోరింటాకుతో  కన్నుల పంట
నిండుగ పండగ కలలపంట

1.ఆరోగ్యాన్నే అందగజేస్తూ
సౌభాగ్యాన్నే ప్రసాదిస్తూ
వర్షాకాలం వైరస్ నంతా
ఒంటికంటకుండగ జేసే
అపూరూపమైన చింతామణి
అపూర్వమైన లోహితమణి

2.ఇంతుల అందం ఇనుమడించగా
పడతుల మనసే పరవశించగా
తీరైన తీగలతో కరములనలరిస్తూ
ఇంపైన పువ్వులనే విరియగజేస్తూ
గోరింట తెలుగింట అమ్మాయిలకాప్తంగా
గోరింట భరతావని సంస్కృతి ప్రాప్తంగా

రచన,స్వరకల్పన&గానం:డా.రాఖీ

కనులలో ఎన్నెన్ని కమనీయ కావ్యాలు
తనువులో ఏవేవొ రమణీయ దృశ్యాలు
నవ్వుల్లొ విరిసేను వేవేల హరివిల్లులు
పలుకుల్లొ కురిసేను పుట్టతేనెల జల్లులు

1.అల్లసాని ప్రబంధంలో వరూధినీ సొగసు నీది
ఆముక్తమాల్యద లో తులసిమాల వలపు నీది
రవివర్మ కుంచె దించిన దమయంతి రూపు నీది
రామప్ప గుడిలోని  శిల్పాల నునుపు నీది

2. మల్లెలు మందారాలు మెరిసేను అధరాన
రోజాలూ సంపెంగా వెలసేను ఆననాన
వాఙ్మయమే నెలకొంది నీ  రసన కొసన
కైతలే జపాతాలై జాలువారె నీ కలాన

రచన,స్వరకల్పన&గానం:డా.రాఖీ

నీ చూపటు నా చూపిటు
ఎలా కలిసేను మనసైటు(Sight)
నీ బాటటు నా చోటిటు
ఎలా ఒకటౌను మన సైటు(Site)
రెచ్చగొట్టమాకు పిచ్చిపడుతోంది
కచ్చతీర్చుకోకు కసిరేగుతోంది

1.ఏం దాచుకున్నావో ఎదలోన సంగతులు
ఎరుగలేకున్నాను నీ చేతల మతలబులు
మొహం తిప్పుకుంటావు మోహనంగ మురిపించి
ఏమెట్టిచేసాడో విరించి వన్నెలన్ని మేళవించి
రెచ్చగొట్టమాకు పిచ్చిపడుతోంది
కచ్చతీర్చుకోకు కసిరేగుతోంది

2.సింగారించి హొయలన్ని ఒలకబోసేవు
సింగారాన్ని రంగరించి గారాలెన్నొపోయేవు
బ్రహ్మచర్యం చౌర్యం చేసే నంగనాచి జాణవె నీవు
మాయామర్మమెరుగని దానిలా బుంగమూతి పెట్టేవు
రెచ్చగొట్టమాకు పిచ్చిపడుతోంది
కచ్చతీర్చుకోకు కసిరేగుతోంది

ప్రపంచ సంగీత దినోత్సవ సందర్భంగా-శుభాకాంక్షలతో

రచన,స్వరకల్పన&గానం:డా.రాఖీ

షడ్జమం సౌరభమందించనీ-రిషభం పరిమళించనీ,
గాంధారం  గుభాళించనీ-మత్తేభం మత్తెక్కించనీ
పంచమం పరవశింపజేయనీ,-ధైవతం తన్మయమొందించనీ,
నిషాదం  ఖుషీలనే పంచనీ-సంగీత వనంలో మనజీవనంలో

1.మంద్ర మధ్యమ తారా స్థాయిల్లో శ్రుతిపక్వమవనీ
ఆరోహణ అవరోహణ సప్త స్వరముల వరమవనీ
లయ గతి జతి గమకాలు గానమందు వికసించనీ
భావ రాగ తాళాలు మనో రంజకమై మేళవించనీ

2.కర్నాటక హిందుస్తానీ భారతీయ సంగీతం వెలగనీ
విశ్వజనీనమై సంగీతం అనురాగ మొలికించనీ
శిశువులు పశువులు పాములనూ గానం అలరించనీ
సంగీతం సాహిత్యం యుగళమై సర్వదా చెలఁగనీ

బోర్ కొడుతోంది రొటీనైన జీవితం
ఉల్లాసమే కోల్పోయిందీ మానసం
గానుగెద్దులా అదే గాడిలో
తిరుగాడి తిరుగాడి
పాసుపండ్ల పాటగాడిలా
పాడిందే పాడి పాడి

1.ఉబలాటం అన్నదే మరుగయ్యింది
గోప్యతలేని మార్మికాలే కనువిందవగా
ఆరాటం అన్నదే కరువయ్యింది
అడగముందే అవసరాలే ఈజీగ పొందగా
వినోదాలు అరచేతిలో ఆడుతుండగా
అనుబంధాలు విలువలనే వీడుతుండగా

2.చెమటోడ్చే తత్వమే  బాధయ్యింది
వక్రమార్గాల తక్కువ శ్రమకే సంపద చేరగా
ఎదురుచూపులో తీపంతా చేదయ్యింది
ఇన్స్టంట్ గా కోరినవన్నీ ఇట్టే నెరవేరగా
మనీకి మనిషికి వాల్యుయే మృగ్యమవగా
ఎవరికివారే యమునతీరే దౌర్భాగ్యమవగా

నీటికరువు అనుభవమే ఇలలోనా
కన్నీటికి కరువన్నది  కనలేదు కలలోనా
హృదయ కుహరమందు ఊట ఆగిపోదు
ప్రమేయమే లేకున్నా బ్రతుకున వెత ఒడవదు

1.రుధిరమేమొగాని అశ్రుధారె నరనరాన
ఆనందమె మరీచిక మనిషి జీవితాన
మనుగడకై పోరాటం బ్రతికినంతకాలం
శ్రమకు తగ్గ ఫలితం శూన్యమే ఆసాంతం

2.దుఃఖాలు పలువిధాలు కారణాలనేకం
నవ్వుల ముసుగేసుకుంది ఈ విషాద లోకం
మునకలేయడంలోనే సంతోషం చవిచూడు
చరమగీతినైనా మోహనంగ పాడు

https://youtu.be/ujVlDELxM1Y?si=kjUCyhFY0BuUeW_F

గరళము మ్రింగితే ఘనతేమున్నది
కఫము నిండ గొంతు యాతనెరుగుదువామరి
పంచభూతనాథుడవైతె మాకేమున్నది
వాతపైత్యాలతో సతమతమై పోబడితిమి
కాశీవిశ్వేశ్వరా కాళహస్తీశ్వరా
కాళేశ్వర ముక్తీశ్వర నమో రామలింగేశ్వరా

1.చావు భయం బ్రతుకు భయం మాకేల శంకరా
మృత్యుంజయ పాహిపాహి అభయంకరా
నిరతము నీనామజపము నీపైనే ధ్యానము
కనికరముతొ చేర్చుకోర నీ సన్నిధానము
కాశీవిశ్వేశ్వరా కాళహస్తీశ్వరా
కాళేశ్వర ముక్తీశ్వర నమో రామలింగేశ్వరా

2.అనివార్యమె మరణము అన్నది సత్యము
అనాయాస మరణమీయి అదే నీ ప్రసాదము
చిత్రవధతొ చిరకాలము మాకొద్దీ జీవితము
మూడునాళ్ళ బ్రతుకైనా కడకీయి కైవల్యము
కాశీవిశ్వేశ్వరా కాళహస్తీశ్వరా
కాళేశ్వర ముక్తీశ్వర నమో రామలింగేశ్వరా

https://youtu.be/593SoT002d0

రచన,స్వరకల్పన&గానం:డా.రాఖీ

రాగం:మానవతి

సప్తగిరులపై వెలిగే వేంకటరమణ
సప్త ఋషులు కీర్తించెడి శ్రీ చరణ
సప్తద్వారాల వైకుంఠమె నీ విలాసము
సప్తజన్మల దోషాలు హరించు నీ స్మరణము
స్వామీ నీకిదే మనసావాచా కర్మణా ప్రణామము

1.పద్మనాభ పురుషోత్తమ ఫణీంద్ర శయన
మాధవా రమాధవా మధుసూధనా
కేశవా సంకర్షణ హృషీకేశ వామనా
సహస్రనామాంకిత శ్రీనివాస పావనా
స్వామీ నీకిదే మనసావాచా కర్మణా ప్రణామము

2.జగన్నాథ జనార్ధనా జగదీశ వాసుదేవా
గోవిందా ముకుందా పుండరీక విఠలా
ఉపేంద్రా అచ్యుతా హరి నారసింహా
సహస్రనామాంకిత నారాయణ శ్రీధరా
స్వామీ నీకిదే మనసావాచా కర్మణా ప్రణామము

OK

రచన,స్వరకల్పన&గానం:డా.రాఖీ

నా అంతట నేనే- పలకరించాలా
నా మటుకు నేనే- పులకరించాలా
ఊసులెన్నొ చెప్పాలా- బాసలెన్నొ చేయాలా
ఎంతకాలమే చెలియా -One way traffic 
ఎందుకోసమే ప్రియా -నా దిల్ మే ధక్ ధక్

1.వెంటబడినా కొద్దీ -ఏం మిడిసిపడ్తున్నావే
అతిగా పట్టించుకొంటే -మితిమీరి పోతున్నావే
అందగత్తెవే నువ్వు - కాదని అనలేను
మంత్రగత్తెవే నీవు- నీ మాయలొపడినాను
దిక్కువేరె లేనేలేదు- నీవు మినహా
లక్కుగా మారిపోవే- లవ్ తో సహా

2.జగదేక సుందరికి- గర్వం సహజమే
అభిమాన ప్రేయసి టెక్కు- అంగీకారమే
నేనెలా మసలాలో -సెలవీయవే సఖీ
ఏరీతి మెప్పించాలో- చెప్పవే చంద్రముఖీ
వేరుదారి లేదు -దాసోహమనకుండా
ఎదిరించలేనే నీకు -నే లొంగిపోకుండా

OK

రచన,స్వకల్పన&గానం:డా.రాఖీ

నయానాలు తెలిపేను నవరసాల భావనలు
నేత్రాలు పలికేను కొంగ్రొత్త భాషలు
చక్షువులు లిఖించేను మది చదివే ప్రేమలేఖలు
కనుదోయి వెలయించేను కమనీయకావ్యాలు
సర్వేంద్రియాణాం నయనం ప్రధానం
అభినయ నృత్తానికి దృక్కులే ఉత్కృష్టం

1.అంబకాన సంభవించు అశ్రువర్షపాతం
అక్షులే కురిపించు శరశ్చచంద్రాతపం
ఈక్షణమే కలిగించు తీక్షణ శరాఘాతం
లోచనమే ప్రకటించును యోచనసారం
సర్వేంద్రియాణాం నయనం ప్రధానం
 అభినివేశ సాధనమున అవలోకనముచితం

2.హృదయానికి లోకానికి పీతువు సేతువు
జ్ఞానదృష్టి కలుగుటలో అంతర్నేత్రమె హేతువు
కళ్ళలో విరిసేను చెలిని కాంచ హరివిల్లు
ఆహ్లాదవేళ విశ్వంకరాల దరహాస పరవళ్ళు
సర్వేంద్రియాణాం నయనం ప్రధానం
అనుభూతి ఆస్వాదనకై నేత్రం అర్ధనిమీలితం

రచన,స్వరకల్పన&గానం:డా.రాఖీ

నువ్వంటె నాకెంతొ లవ్వంట
నువు సయ్యంటే నరాల్లొ జివ్వంట
విప్పిచెప్పినా ఇనుకోవె నీతో తంట
పెట్టేవు గుండెల్లొ హాయిగొల్పు మంట
రావె నారంగీ సింగారి మంగీ ఓ నవ్వుల సారంగీ
మోహనాంగీ కొంటెకోణంగీ ఒహో సంపంగి

1.నిద్దురలేస్తాయి సుద్దులే అవలిస్తు పొద్దుగుంకగానే
వద్దువద్దంటూనే పద్దులే రాస్తాయి ముద్దుముద్దుగానే
ముద్దమింగకున్నామానె  కడుపునిండేను ముద్దులతోనే
పట్టుపరుపులేకున్నగాని అలుపుతీరు నీ ఒడిలోనె
రావె నారంగీ సింగారి మంగీ ఓ నవ్వుల సారంగీ
మోహనాంగీ కొంటెకోణంగీ ఒహో సంపంగి

2.దుప్పట్లొ దూరితే చాలు మొదలౌను ముద్దుమురిపాలు
కౌగిట్లొ ఒదిగితే చాలు దొరికేను అన్నీ నాక సుకాలు
హద్దుపద్దులేకుండ గుద్దులాడజూస్తావె ముద్దరాల
ఎక్కితొక్కి ఎక్కిరించి మాయజేసి నెగ్గేవు సిగ్గురాల
రావె నారంగీ సింగారి మంగీ ఓ నవ్వుల సారంగీ
మోహనాంగీ కొంటెకోణంగీ ఒహో సంపంగి

OK

గుర్తుచేసుకుంటున్నావో
నన్ను తలచుకుంటున్నావో
పొలమారుతోంది తెరలు తెరలుగా
కాకి అరుస్తోంది గోలగోలగా
ఏం చేస్తున్నావో నేస్తమా
నీ దర్శనం నాకు ప్రాప్తమా

1చల్లగాలి నై వచ్చి నిన్ను తాకనా
.వానజల్లునై వచ్చి నిన్ను తడపనా
మల్లెపూవునై విచ్చి జడలొ ఒదగనా
తెల్లచీరనై మెచ్చి నిన్ను చుట్టనా
ఏం చేస్తున్నావో నేస్తమా
నీ దర్శనం నాకు ప్రాప్తమా


2.గోరింటాకునేనై నీ చేతిలో పండనా
పారాణిగా మారి పాదం ముద్దాడనా
చెవికి బుట్టానై ఊసులే గుసగుసలాడన
మువ్వల పట్టీనై కాలికి సవ్వడులే రేపనా
ఏం చేస్తున్నావో నేస్తమా
నీ దర్శనం నాకు ప్రాప్తమా

గులాబి మొగ్గ తొడిగింది నేడే
నిశితా నువు పుట్టిన రోజీనాడే
శుభాకాంక్షలందుకో నవ్వుల ఖజానా
అందుకో మామయ్య గీతికనే నజరానా
హ్యాప్పీ బర్త్ డే విష్యూ హ్యాప్పీ బర్త్ డే
హ్యాప్పీ బర్త్ డే నిశితా హ్యాప్పీ బర్త్ డే

1.ఇందారపువంశానికె అందాలరాణి
భవానీసత్తెన్నల ప్రియనందిని
రవిచంద్రుని సహధర్మిణి,శ్రీద్వైత జనని
దండనాయకుల ఇంట అదర్శగృహిణి
హ్యాప్పీ బర్త్ డే విష్యూ హ్యాప్పీ బర్త్ డే
హ్యాప్పీ బర్త్ డే నిశితా హ్యాప్పీ బర్త్ డే

2.వాగ్ధాటికి వాగ్దేవివి చదువుల మేధావిని
నీ పిక గాత్రముతో మురిసిపోవు ఆమని
సొగసూ సోయగం కలబోసిన భామిని
మమత మానవత సంగమ మనస్విని
హ్యాప్పీ బర్త్ డే విష్యూ హ్యాప్పీ బర్త్ డే
హ్యాప్పీ బర్త్ డే నిశితా హ్యాప్పీ బర్త్ డే

OK 

https://youtu.be/XL_0bxaj-fg?si=qb8-ecUkeQ0YG91Q

నాన్న ప్రాణ స్నేహితుడు
నాన్న జ్ఞాన బోధకుడు
నాన్న మార్గదర్శకుడు
నాన్న శిక్షకుడూ సంరక్షకుడూ
కనిపెంచే కనిపించే నాన్న దేవుడు

1.విశ్వసించగలిగే  ఆత్మీయుడు
విస్మరించలేని ఆప్తమిత్రుడు
మన ఉన్నతి కాంక్షించే గురువర్యుడు
లౌక్యాన్ని నేర్పించే ఆచార్యుడు
కనిపెంచే కనిపించే నాన్న దేవుడు

2.బ్రతుకు బాట వేసే శ్రేయోభిలాషి
దారితప్పనీయని అనవరత హితైషి
క్రమతతొ నడిపించి దరిజేర్చే దిక్సూచి
మన ప్రగతే తనదిగా భావించే మహర్షి
దైవత్వం నింపుకున్న ఇలోని మహా మనిషి

https://youtu.be/ktXSW7w173A?si=NiTUdd0qFRD4XNfH

రచన,స్వరకల్పన&గానం.:డా.రాఖీ

జగమే ఒక ఉయ్యాల-కాలమే జంపాల
జనులనూరడించగా జోలనీవె పాడాల
జంగమదేవరా అర్ధనారీశ్వరా
జననివి జనకుడివీ నీవేరా నీవేరా
రాజరాజేశ్వరా భవా భీమేశ్వరా

1.నీ విశ్వరచనలో మేము తోలు బొమ్మలం
నీ జగన్నాటకంలొ వచ్చే అతిథి పాత్రలం
ఆడించినట్టుగా ఆడి అలసిపోయాము
నడిపించినట్టుగా నడిచి సొమ్మసిల్లాము
మమ్ముల లాలించి పరిపాలించరా
నీ ఒడిలో సేదదీర విశ్రమించనీయరా

2.నియమాలే అతిక్రమించు జీవిత చదరంగం
నిబంధనలు పాటించక సాగు కాలచక్రం
నీ మాయల మర్మమైతె ఎరుగమైతిమయ్యా
నీ లీలల పరమార్థం నీకే తెలియునయ్యా
శోధించగ వేదనలే మిగిలేనయ్యా
నీ పదసన్నిధికై పొగిలితిమయ్యా

రచన,స్వరకల్పన&గానం:డా.రాఖీ

ఎంతగానో  మాకిష్టం -భక్షభోజ్యచోష్యలేహ్యాలు
భోజన ప్రియులకు ఆత్రం పంచభక్ష పరమాన్నాలు
లొట్టలేస్తు లాగించేస్తాం షడ్రసోపేతాలు
నోరూరించే కమ్మనైన తినుబండారాలు

1..నలభీమపాకమైతే చెప్పడానికేముంది
నేతి తీపి మిఠాయిలైతే రసన మురిసిపోతుంది
ఆవకాయ గోంగూరతో అదరహో ప్రతిపూట
అప్పడాలు వడియాలుండగ అదేకదా పండగ

2.అతిథిలాగ వచ్చేస్తాం తృప్తిగా భోంచేస్తాం
అమ్మలా ఆదరిస్తే కొసరికొసరి వడ్డిస్తే
ఆయాసమొచ్చేదాకా కడుపారా తింటాం
అన్నదాతా సుఖీభవా అంటూ దీవిస్తాం

రచన,స్వరకల్పన&గానం:డా.రాఖీ

స్నేహమంటె నాకెంతో  వ్యామోహం
నేస్తాల అంతరంగమంతా అనురాగం
ఏ ప్రేగు బంధం లేకున్నా రక్త సంబంధం కాకున్నా
అనిర్వచనీయమీ అనుబంధం
చిత్రమేసుమా మైత్రీబంధం-మన మైత్రీబంధం

1.ఏ గాలి కలిపిందో ఏ వేళ కలిసిందో
ఏ తీరు నచ్చిందో ఎదలోకి చొచ్చిందో
బలీయమైపోయింది బాంధవ్యం
అనంతమై సాగుతుంది ఈ పయనం
అనిర్వచనీయమీ అనుబంధం
చిత్రమేసుమా మైత్రీబంధం-మన మైత్రీబంధం

2.అద్దమల్లె మనవన్నీ స్పష్టంగా తెలుపుతుంది
కనబడని మనవెన్నే  కంటికి చూపెడుతుంది
పరకాయ ప్రవేశమే చెలిమికెపుడు తగు అర్థం
పరసువేది తత్వమే సఖ్యతకు పరమార్థం
అనిర్వచనీయమీ అనుబంధం
చిత్రమేసుమా మైత్రీబంధం-మన మైత్రీబంధం

రచన,స్వరకల్పన&గానం:డా.రాఖీ

జిత్తులమారి ఓ సుకుమారి
కత్తులునూరి చంపకె ప్యారీ
ఎత్తులతోని మత్తులొ ముంచి
చిత్తం దోచకే ఓ వయ్యారి
నను కడతేర్చడమే నీ వ్యూహం
నీ కడుపు నింపడమే నా ధ్యేయం

1.కొత్తిమీర రెమ్మవో అత్తి పత్తి కొమ్మవో
కమ్మని కరేపాకు రెబ్బవో దబ్బనిమ్మవో
కలపనా పులుసుతో ఘువఘమ  పులిహోర
అందించనా నంజుకోను నా మదితో నోరూర
నను కడతేర్చడమే నీ వ్యూహం
నీ కడుపు నింపడమే నా ధ్యేయం

2.విత్తులేలేని  ద్రాక్ష పళ్ళతోని
రసమే చేసి నోటికీయి సరసంగా
చిక్కనైన గుమ్మపాలు నీ ముద్దు మురిపాలు
తటపటాయించక చేయవె నా పాలు
నా కడుపు నింపజేయుట నీ ధ్యేయం
నిను కడతేఱనీయుట నా వ్యూహం

రచన,స్వరకల్పన&గానం:డా.రాఖీ

రాగం:భీంపలాస్

బంధాలు పెంచకు-బాధ్యతల ముంచకు
నీనుండి క్షణమైనా-నన్ను దూరముంచకు
రాజరాజేశ్వరా రామలింగేశ్వరా
కోరికలను నాలోన కలిగించకు

1.జిల్లుజిల్లుమంటోందా -లింగం పై నీళ్ళధార పోస్తుంటే
గుండె ఝల్లుమంటోందా-నీపై పూలు పత్రి పెడుతుంటే
ఎలా సేవించను నిన్ను-ఏ తీరున మెప్పించను
రాజరాజేశ్వరా రామలింగేశ్వరా
అభయకరము నీకరము-శుభకరము నీ దర్శనము

2.కన్నునీయలేను తిన్ననివోలే-నిను కనక మనలేను రెప్పపాటైనా
కన్నవాణ్ణీయలేను చిరుతొండనంబివలే-మమకారం విడలేను పొరపాటైనా
ఎలా నిన్ను వేడుకోను-ఎలా నిన్ను చేరుకోను
రాజరాజేశ్వరా రామలింగేశ్వరా
కరుణా సాగరం నీ హృదయం-ఆనందనందనం నీ సదనం

OK

సంతోషం దుఃఖం రెండూ కానిది ఆనందం
జననం మరణం తేడా లేనిది ఆనందం
ఇహమూ పరమూ ఏదైనా అదేసదానందం
నీలోనీవే నీతోనీవే రమించడమే ఆత్మానందం

1.నిరామయమై అలౌకికమౌ
అనిర్వచనీయ అనుభూతే
ఆనందం బ్రహ్మానందం పరమానందం
సుఖాల్లో పొంగక కష్టాల్లో కృంగక
నిశ్చల నిర్మల ప్రశాంతమైన దివ్య భావనే
ఆనందం మహదానందం యోగానందం

2. పసిపాప మోమున వసివాడిపోనీ
బోసినవ్వుల్లొ తరగని చెరగని
ఆనందం బాలానందం భవ్యానందం
సంసారం పరిత్యజించి బంధాలను వదిలేసి
అలక్ నిరంజనని తిరిగే యతికి
ఆనందం సత్యానందం నిత్యానందం

కలలొ కలుసుకుందాం ప్రతి రాత్రి
నెమరువేసుకుందాం మన మైత్రి
నిరాశయే దరిరాదు నీకు నేను తోడుంటే
నిస్పృహే మరిలేదు నీవే నా నీడంటే

1.ఉక్కగా ఉన్నాగాని తిక్కగా ఉన్నాగాని
నా పక్కన నువ్వనుకుంటె అదే అదే ఆమని
చీకటే చిమ్మినగాని  అమావాస్య కమ్మిన గాని
నీతో సాహవాసమే   కార్తీక పౌర్ణమి

2.నీ ఊహే మలయసమీరం నీ ఊసే మధుర సంగీతం
నీవున్న  తావే మొగిలి పూల తావి
నీ పలుకే మంజులనాదం నీ భావం పవిత్రవేదం
బంధాలకే అందం నీతో అనుబంధం

OK

OK

ఒక పాట నాకోసం.. పాడవే బంగారూ
నేనంటె ఏలనే నీకంత కంగారూ
నీ గొంతులోనా శంఖనాదాలు
నా మనసులో నీ వీణారవాలు
చెవులలో దూరేనూ తేనెల జలపాతాలు
తనువు తనివితీర్చేను నీ మధురగీతాలు

1.కోయిల జాడేలేదు నీ గళాన కొలువైంది
సన్నాయి ఉలుకేలేదు నీ స్వరాన నెలకొంది
వాయులీన వాద్యమే ఊపిరిలో దాగుంది
వేణువైతేనేమో  పెదవులతో ముడివడింది
ఎద మృదంగమై మ్రోగి లయగ గీతి నడిపింది
నరాలన్ని జివ్వుమనగ మువ్వల సడిరేగింది

2.కొంగ్రొత్త రాగాలే పలుకుతోంది నీ అనురాగం
మత్తుగొలుపు భావాలే చిలుకుతోంది రసయోగం
సంగీత శాస్త్రం లో అద్భుతమే మన అధ్యాయం
గాంధర్వ తత్వంలో అపూర్వమే మనసంయోగం
భావరాగతాళాలై గానమందు ఒదిగుందాం
యుగళగీతమై మనమే యుగయుగాలు బ్రతికుందాం

నీ మాటలు మత్తెక్కిస్తాయి-నీ పాటలు మైకాన్నిస్తాయి
నీ చూపులు కైపుగ తోస్తాయి-నీ నవ్వులు మాయను చేస్తాయి
ఎంజైమ్ లనే ఊరిస్తాయి నీ జ్ఞాపకాలు
ఎంజాయ్ నే కలిగిస్తాయి నీతో ఉన్నక్షణాలు
రసమాధురి హసితాఝరి-మనమైత్రియే పూమంజరి

1.సాంప్రదాయమంతా మేనపూసుకుంటావు
ఆధునాతన భావాలే వెళ్ళబుచ్చుతుంటావు
మూతికేమొ బట్టకట్టి కనువిందు విందులిస్తావ్
కాలికేమొ బేడివేసి ముందుకెళ్ళమని తోస్తావ్
ఎంజైమ్ లనే ఊరిస్తాయి నీ జ్ఞాపకాలు
ఎంజాయ్ నే కలిగిస్తాయి నీతో ఉన్నక్షణాలు

2.ఎక్కడెక్కడో ఎదమీటి రాగాలు పలికిస్తావు
ఒళ్ళంతా తీపులురేపే యోగాలు కలిగిస్తావు
పరుగుతీయబోతుంటే పగ్గాలు బిగబడతావ్
తప్పుకొనిపోయే వేళ తట్టిలేపి ఎగబడతావ్
ఎంజైమ్ లనే ఊరిస్తాయి నీ జ్ఞాపకాలు
ఎంజాయ్ నే కలిగిస్తాయి నీతో ఉన్నక్షణాలు

అందాలరాశి తరిగిపోదు నీ అందం కావ్యాలెన్ని రాసినా
పరువాల రాశి కరిగిపోదు నీ పరువం ఎంతగా గ్రోలినా
చిత్రమైన పొంకాలన్ని చిత్తం మొత్తం చిత్తుచేయగా
తీర్చుకుంట ఉబలాటం నిను వర్ణిస్తూ కించిత్తు రాయగా

1.నిండు జాబిలంటి ముఖబింబ సోయగము
దేవశంఖమంటి కంఠ సౌభాగ్యం
పూర్ణ కుంభాలనే తలపించు కుచద్వయం
నితంబినీ అమోఘమే నీ జఘనాల ఔన్నత్యం

2.పిడికిట ఒదిగెడి కటి సౌష్ఠవం
చూపుతిప్పుకోలేని నాభి ఆగడం
నూగారు రేపేను మరుగైన మరులను సైతం
ఊరువులే ఊరించేను జారేలా రసపాతం

3.తమలపాకు బోలిన లేత అరిచేతులు
అందెలతో డెందము దోచే సుందరమౌ పాదాలు
రతికేళివేళ పరిమితులకు తావేది అంతుచూడగా
స్వేదనదిలో ఈదులాడ ఇరువురొకరిగ కరిగి భావతీరాలు చేరగా

రచన,స్వరకల్పన&గానం:డా.రాఖీ

అల వల కల శిల బోధకులే
చెట్టు మెట్టు గుట్ట పిట్ట ఉపదేశకులే
మనిషి నడవడికి మార్గ దర్శకులే
చక్కనైన పరివర్తనకు నిర్దేశకులే

1.పట్టుదలను ప్రతిబింబించును అల
గుట్టుగా పట్టుకొనుటకు ప్రతీకయే వల
గాలిమేడలెప్పటికీ కూలేనంటుంది కల
శిల్పంగా మలుచుకొమ్మని చెబుతుందీ శిల

2.త్యాగాన్ని నేర్పుతుంది ప్రతిచెట్టు
విజయాన్ని చేర్చుతుంది ఒక్కోమెట్టు
స్థైర్యాన్ని సూచిస్తుంది చెదరని గుట్ట
బ్రతుకునెలా ప్రేమించాలో తెలుపుతుంది పిట్ట

రచన,స్వరకల్పన&గానం:డా.రాఖీ

ప్యార్ కరోనా ముఝె ప్యార్ కరోనా
నీ నిర్ణయమే చెలియా మేరా జీనా యా మర్నా
నువ్వే నా లవ్వు దేవత నా గుండెలొ గుడి కడతా
నువ్వే నా లైఫ్ నమ్మవే కాదంటే  నైఫ్ దింపవే
ఎన్నిజన్మలైనా నిన్నే వైఫ్ గా చేసుకుంటా
నీ  ఇంటి క్వారంటైన్ లో ఖైదీలా పడిఉంటా

1.నీ ఊసే వైరస్ లా నను వెంటాడుతోంది
నీ యాదే కోవిద్ లా వేధించివేస్తోంది
సానిటైజరేదివాడినా నన్ను వదలకుంది
ఫేస్ మాస్క్ యూజ్ చేసినా ఆపలేక పోతోంది
లాక్ డౌన్ చేయాలేమో నా మనసుకి
షడ్డౌనే చేయాలేమో నా తపనకి

2.వ్యాక్సినంటు లేనేలేదు వయసుపోరుకు
మందోమాకొ దొరకదాయే తనువు తీరుకు
భౌతికంగ దూరముండి కళ్ళుకళ్ళుకలపాలి
విహారాలు మానేసి విరహాన్ని గ్రోలాలి
ప్రేమరోగమంటూ రాకుండ మెలగాలి
అనురాగం బారినపడితే చావోరేవో తేలాలి

https://youtu.be/0ZIZEN9dUCQ?si=YPTuKm-X_7i87D98

కుటుంబ నావకు నావికుడు
సంతతికంతా నాయకుడు
అలుపెరుగని అసలైన శ్రామికుడు
తెర వెనకన నడిపించే దర్శకుడు
నాన్నేగా  ఆదర్శ పురుషుడు
నాన్నేగా  భవితకు మార్గదర్శకుడు

1.అవసరాలు నెరవేర్చే ఏటియం కార్డు
అనుక్షణం కంటి రెప్పలా కాచుకునే గార్డు
దారితెన్ను చూపించే కూడలి డైరెక్షన్ బోర్డు
దైవమే కనికరించి మనిషికొసగిన రివార్డు
నాన్న అల్లావుద్దీన్ దీపం
నాన్న బయటపడని ప్రేమరూపం

2.సింహాలను ఆడించే రింగ్ మాస్టర్
తప్పులన్ని మన్నించి చెరిపే డస్టర్
ఆపదలను పసిగట్టే పవర్ టెస్టర్
ఎప్పుడూ మద్దతు తెలిపే ఎనర్జి బూస్టర్
నాన్నంటే పంచప్రాణాలు
నాన్నవెన్నంటే  ప్రయాణాలు

https://youtu.be/zL7pYoF2S_8

రచన,స్వరకల్పన&గానం:డా.రాఖీ

రాగం:శుభాళి

తిట్టితిని మరి మరి గీపెట్టితిని
గొంతెమ్మకోర్కెలకై నే పట్టుబట్టితిని
తిరుమలేశ  నీ పాదాలా తలపెట్టితిని
ఎట్టకేలకు నీ  కావ్యగీతి  తలపెట్టితిని

1.ఒళ్ళుజలదరించేలా నీళ్ళుకుమ్మరించితిని
అభిషేకమేదో అయ్యిందనిపించితిని
తొడిమలైన తీయకుండా పూలన్ని చల్లితిని
వక్షానికి గుచ్చుకున్నా పూజపూర్తి చేసితిని
ఆరాధన పేరిట అపరాధమొనరించితిని
అహంభావినై నీకడ నే ప్రవర్తించితిని

2. ఓరిమిగా మనలేకా నిన్ను నిగ్రహించితిని
బాధ్యతనే విడినాడి నేనాగ్రహించితిని
అనుభవాల సారమంతా నే సంగ్రహించితిని
కర్తా కర్మా క్రియనీవేనని ఇపుడే గ్రహించితిని
ఫలితమేదైనా నే పరిగ్రహించితిని
బ్రతుకునీ  ప్రసాదమనీ ప్రతిగ్రహించితిని

*ఇక నేనాగలేకా చేరితిని తిరుపతిని
శ్రీవేంకటేశ్వరా కనులారనిన్ను దర్శించితిని
నే తరియించితిని*

OK

రచన,స్వరకల్పన&గానం:డా.రాఖీ

ఇంద్రజాలమేదో నీ పలుకుల్లో ఉంది
మత్తుమందుఏదో నీ తలపుల్లో ఉంది
కనికట్టుతోనే కదలకుండ చేస్తావు
మంత్రమేదొ వేసి మనసుకాస్త దోస్తావు

1.పెదాల్లోని మధువంతా నవ్వుల్లో చిందిస్తావు
కళ్ళల్లోని కైపంతా చూపుల్తో అందిస్తావు
భ్రమరాన్నై నేను తనువంతా వాలుతాను
పిపాసినైన నేను ప్రతి చుక్కా గ్రోలుతాను

2.రసన రసము సుధతో సరి సమానము
ఆదిష్టమైతేనో తేనెలా భావనము
తనురసము ప్రేపించు నిక్షిప్త మైకము
షడ్రసోపేతము దేహవిందు సత్యము

నీ ప్రతి కదలిక ఒక గీతి
నీ ముఖకవళిక బహుప్రీతి
ఆనందమే క్షణక్షణము నీతో సోపతి
ఆహ్లాదమే అనుదినము నీతో అనుభూతి

1.మండే ఎండలోనూ నీవొక చలివేంద్రం
కుంభవృష్టిలోనూ నీవే కదా నా ఛత్రం
నేనంటేనే  నేస్తమా నీకు ప్రేమపాత్రం
కలిపిఉంచుతోంది ఏదో చిత్రమైన సూత్రం

2.ఏదో చెప్పలేని వింత ఆరాధన
గుండె గుట్టుకోసమే నా శోధన
నిన్నుకనక పోతే ఎంతో వేదన
ఎలాతెలుసుకోగలవు నామది మధన

మందాకిని సొగసులు నీకే సొంతం
అలకనంద కులుకులు నీ పాదాక్రాతం
చూడబోతె అయస్కాంతం
చుప్పనాతి సూర్యకాతం
ననుచేకొనవే నవనవ లా చేమంతి
మనసందీయవె మిసమిసలా పూబంతి

1.గంగాతరంగిణే నీ అంతరంగం
యమునా తటియే నీ కటియోగం
తరించినా అంతరించినా నీ దయావిశేషం
వరించినా సవరించినా నీ కృపాకటాక్షం
ననుచేరరావే త్రివేణీగ సంగమించినా
నాలో లీనమైపోవే సాగరంగ పరిణమించినా

2.అధిరోహించగలనా ఇరుమేరు పర్వతాలు
అధిగమించగలనా వింధ్యగిరుల శిఖరాలు
లోయలు మైదానాలు దాటలేను నువు వద్దంటే
అరణ్యాలు కొండగుహలు అరయలేను కాదంటే
 సఖీ  నీవుతోడుంటె సాధ్యమే స్వర్గారోహణ
నువ్వు వినా బ్రతుకంటే స్పష్టంగా నరక నమూన

సజల నయనాలు-తెలుపు కథనాలు
వదన వర్ణాలు-ఎద దర్పణాలు
ముడిచిన ఆ పెదాలు-అణిచె వాస్తవాలు
ముదిత వెతకు ఒక్కటే భూతభవిష్యద్వర్తమానాలు

1.అడవి గాచిన వెన్నెల అతివ  అందమే
కొమ్మమీదనే వాడి రాలెడి విరి చందమే
వండిన వెన్నున్నా విస్తరెపుడు ఖాళీయే
తిండి ధ్యాస లేనపుడు షడ్రుచులూ వృధాయే

2.సూటిపోటి మాటలే గుండెలో గునపాలు
సగమై మిగిలినా కరువాయే మురిపాలు
సాంత్వన దొరికినా సమసేను మనాదులు
సుదతుల సౌధాలకు బలహీనమె పునాదులు

రచన,స్వరకల్పన&గానం:డా.రాఖీ

అలక ఏలనే కులుకుల చిలుకా
ఎద పంజరాన బంధించాననా
పలక వేలనే వలపుల మైనా
నిన్ను వదలనే ఇక ఏదేమైనా

1.ఎండైనా వానైనా-గూడు నీడనీయకా
రేయైనా పగలైనా-తోడెవరూ దొరకకా
బేలవైన వేళ నిన్ను చేరదీసానుగా
ముద్దూమురిపాలతో ఆదరించానుగా

2.ఊసులెన్నొ చెప్పాను-బాసలెన్నొ చేసాను
ఊహల్లో తిప్పాను-ఊడిగమే చేసాను
అనుక్షణం వినోదాన్నె కలిగించాను
అనుభూతులెన్నెన్నో నీకై పంచాను

కుంతల జలపాతం నీ నవ్వుల్లో
కురిసెను మకరందం నీ పలుకుల్లో
మంజుల భాషిణీ సుమధుర హాసినీ
నీ డెందము కవితల అందలం
నీ అందము భూతల నందనం

1.పాలకడలియందు ఆవిర్భవించినావొ
పూల పరిమళాలే నీమేనదాల్చినావో
క్షీరజ సంబంధి చందన సౌగంధి
నీవదన కమలం సూర్యకిరణ వికసితం
నీ నయన కుముదం చంద్రాతప హసితం

2.కఛ్ఛపినే ఇఛ్ఛగా వెంటతెచ్చుకున్నావో
పెదవులు వేణుధరునికిచ్చుకున్నావో
మానవ కలకంఠీ అభినవ సితికంఠీ
గంధర్వ గానాలు నీకే ఇల సొంతం
నాట్యశాస్త్రమే నీ నడకలు ఆసాంతం

OK

రచన,స్వరకల్పన&గానం:డా.రాఖీ

కాలం అమృతకలశం
చేజార్చకు ఏ నిమిషం
నిరర్థకంగ కోల్పోతే బ్రతుకు విలువ శూన్యం
నిజం తెలుసుకోకుంటే అది ఎంతటి దైన్యం

1.సుఖం దుఃఖమంటూ వేరువేరు లేవు
దృక్పథం మార్చుకుంటె  రాలేవవి నీ తెరువు
వేదనలో మోదములో ఆనందమె పొందేవు
అనుభవాలు ఏవైనా  ఆస్వాదించేవు

2.అభద్రతే ప్రతిఒక్కరి ఆందోళన హేతువు
నేటికంటె రేపటికే ప్రాధాన్యతనిచ్చేవు
భవితకై వగచివగచి ప్రస్తుతాన్ని వదిలేవు
మనిషిగా జీవించూ  చేరేవు దివిరేవు

రచన,స్వరకల్పన&గానం:డా.రాఖీ

రాగం:మధ్యమావతి

చిత్తశుద్ధిలేకపాయె సాయిబాబా
నా ఏకాగ్రత మాయమాయె సాయిబాబా
మొక్కుబడిగ గుడికేగుట దేనికి బాబా
మొక్కులు ముడుపులేల సాయిబాబా
దిక్కులుచూడనేల చక్కని నీ రూపుగనక
మక్కువ ఎక్కువగా నీపై లేనే లేదుగనక
సాయినాథా షిరిడీ సాయినాథా
సాయినాథా షిరిడీ సాయినాథా

1.మనసు ధ్యాస ఎప్పుడూ నీమీదనే నిలుపనీ
మాటమాటకు మాటిమాటికీ సాయీ అని పలుకనీ
ఏపని చేసినా మునుముందుగ నీకే తెలుపనీ
సఫలమో విఫలమో ఫలితం నీకే సమర్పించనీ
సాయినాథా షిరిడీ సాయినాథా
సాయినాథా షిరిడీ సాయినాథా

2.మనిషి మనిషిలో బాబా నిన్నే కాంచనీ
ఉన్నంతలొ కాస్తైనా నిరుపేదకు పంచనీ
పెద్దల కడ వినయముతో నా తలవంచనీ
ఎదుటివారిలోని మంచి నన్నే గ్రహించనీ
సాయినాథా షిరిడీ సాయినాథా
సాయినాథా షిరిడీ సాయినాథా

OK

మాట్లాడుమా ప్రియా అక్షరాలబాటలో
పలుకరించవే చెలీ పదాల పూలతోటలో
మధువును గ్రోలే మధుపం ఈర్ష్యపడేలా
సీతాకోకచిలుకే అలకతొ అంగలార్చేలా
పచ్చని పచ్చికబయళ్ళే తివాచీలు పరుచగా
అచ్చిక బుచ్చికలాడుతూ నన్నే అలరించగా

1.ఉద్యానవనమందు అందించు వలపులవిందు
వడ్డించవే వగలన్ని రంగరించి సొగసంతకుమ్మరించి
కొసరికొసరి తినిపించు మిసమిసలా పరువాలు
తాంబూలాన్ని మరిపిస్తూ అందించు అధరాలు

2.పవనాన్ని బ్రతిమాలి వీయమను శీతలాన్ని
ఎండవేడి నీడనీయ వేడిచూడు రసాతలాన్ని
నీ ఒడినే పడకగ మార్చి పవళింపనీయవె నన్ను
కలబడిన బడలికనే తీరిపోగ కునుకనిమ్ము

ఇంత చెప్పినా ఎరుగవైతివా-నా ప్రేమ సంగతీ
తెలిసికూడ తెలియనట్టుగా-నటిస్తే ఎలా నా పరిస్థితీ
ఐ లవ్యూ అన్నమాట బూతుకాదుగా
ప్రేమతెలుపడంలో ఏ రోత లేదుగా
మానెయ్యీ మనసుకు ముసుగెయ్యడం
కానియ్యి పారదర్శకం -ఎందుకు దాచెయ్యడం

1.పున్నమి వెన్నెలను ఆస్వాదించరా
మలయ సమీరాన హాయి పొందరా
జలపాతధారలెపుడు మదికి ఆహ్లాదమే
ప్రకృతి పచ్చదనం నయనానందకరమె
కోల్పోక సైతం అభిందించవచ్చు
మనోగతం తెలుపుతూ మన్నన సేయవచ్చు

2.బిడియపడితె భావాలు ఎలావ్యక్తపర్చగలరు
మొహమాటాలతో ఎలా స్వేఛ్ఛ పొందగలరు
తటపటాయిస్తుంటే తరుణం మించిపోదా
భాష చాలదనుకుంటే మార్గమేదొ దొరకదా
నువ్వు నువ్వుగా ఉన్నపుడే బ్రతుకునకర్థం
అర్థవంతమైన కాన్క అర్థమనుటె పరమార్థం

నువ్వా చిన్నదానివి( ?! )ఎన్నో వన్నె లున్నదానివి
వగలే పోతున్నదానివి
మాయచేసి మంత్రమేసి మదిదోచుకున్నదానివి
నీ గుండెలోతుల్లో దాచుకున్నదానివి

నువ్వా చిన్నోడివి (!! )మంచి మనసు ఉన్నోడివి
లౌక్యమే లేనోడివి
పాలేవో నీళ్ళేవో అసలేమాత్రం ఎరగనోడివి
నోట్లో వేలెడితే కొఱకనోడివి

1.1.ఏడ నేర్చుకున్నావే ఇంతటి నెరజాణతనం
చూడబోతే విస్తుబోయె నంగనాచి వైనం
1.2.విప్పిచెప్పినా గాని వినుకోని విశ్శెన్నవు
తెరిచి ఉంచినా నేరుగ చొరబడనేరవు
పాలేవో నీళ్ళేవో అసలేమాత్రం ఎరగనోడివి
నోట్లో వేలెడితే కొఱకనోడివి

2.1కన్నుగీటి సైగచేసి నన్నుకాస్త పిలిచేవు
పంటినొక్కు లెన్నొనొక్కి నీ బాంచను చేసేవు
2.2.మెచ్చిందా మగువ నిను చచ్చేదాక వదలదు
అలకొచ్చిందా మగడా కాళ్ళబేరమైతెగాని కుదరదు
మాయచేసి మంత్రమేసి మదిదోచుకున్నదానివి
నీ గుండెలోతుల్లో దాచుకున్నదానివి

రచన,స్వరకల్పన&గానం:డా.రాఖీ

రాగం:కామవర్ధిని(పంతువరాళి)

అర్థంకాదు అందరికీ నాలోని భావన
వ్యక్తమే చేయలేను నీపై ఆరాధన
నా మౌనభాషకే భాష్యం రాసే నేర్పరినీవు
నీ చిలిపి ఊహకే పదములు అల్లే కూర్పరి నేను
కలలు కల్పనలే కమ్మని కవనాలు
కరుగుతున్న ఈ క్షణాలు ఆనందనందనాలు

1.నేను నిజం నా కవిత నిజం
స్ఫూర్తినీవే అన్నమాట ముమ్మాటికీ నిజం
నీవో భ్రమగా ఒక మధురిమగా
మరులను రేపుతున్నదే పచ్చినిజం
కమలం భ్రమరం సంపర్కం
మిథ్యయన్నదే గుప్పిటగప్పిన నిజం
సృజనకు మూలం సుదతియన్నదే
అనాదిగా ఎల్లరు ఎరిగిన పరమనిజం

2.పరిమితి లేదు అనుమితి కృతిగా
నీ అందచందాలు నీమేని గంధాలు
ఎల్లలు లేవు పరిగణ చేయగా
నీతో ఊసులుబాసలు విరహాలు విహారాలు
ఇంతకన్న గొప్పగా ఎంతగానొ చెప్పినా
పోలికకందదు నీ సౌందర్యం
ఎన్నిసార్లు గ్రోలినా అనుభూతెంత పొందినా
చేదనిపించదు నీ మాధుర్యం

రచన,స్వరకల్పన&గానం:డా.రాఖీ

మీనాల నయనాలు వేసేను గాలాలు ఎంతో చిత్రంగా
చూపుల విరితూపులు చేసేను గాయాలు ఎదకే ఆత్రంగా
కనుబొమల కనుమల్లొ భానూదయాలు
సమసేను ప్రేమల్లో అనుమాన తిమిరాలు
ముంగురులే పాడేను  ప్రణయ గీతాలు
దరహాస చంద్రికలే పూసే నవనీతాలు

1.కవనాలు మౌనంగ రాసే ప్రేమలేఖలు
 కపోలాలు సిగ్గుతొ చేసేను నృత్యాలు
కనుపాపలొ నా రూపును బంధించినావు
కలలోను నను కలువగ తపియించినావు
కడకొంగుకే నన్ను ముడివేసుకున్నావు
కడదాకా నడిచేందుకె చేయందుకున్నావు

2.ఎన్నెన్ని తిరిగానో గుళ్ళూగోపురాలు
అనురాగ దేవతకై మది మందిరాలు
నీయంత నీవే ఎదురొచ్చి మెచ్చావు
గురిఎంతో కుదిరి నీ  మనసిచ్చినావు
నినువీడి మనలేను ఏడేడు జన్మాలు
చావైన బ్రతుకైన తోడుంటే అదిచాలు

https://youtu.be/RwxFxr8jvX4?si=1DgPEnrapfcqHYaT

రచన,స్వరకల్పన&గానం:డా.రాఖీ

రాగం:భీంపలాస్

అమ్మా నిన్నే నమ్ముకుంటే
వమ్ముకాదు ఆశయెన్నడు
అమ్మా నీ పంచన జేరితె
చెమ్మరాదు కంటికెప్పుడు
ముల్లోకాలకె కన్నతల్లివి
దయగల్ల తల్లివి కల్పవల్లివి

1.ఆకలి సంగతి  నీవెరుగనిదా అన్నపూర్ణాదేవి
అన్నమో రామచంద్రా అంటూ అలమటించగానేమి
ప్రపంచానికే ధాన్యాగారమై భారతావని విలసిల్లనీ
ఆకలి కేకల శోకాలు లోకాన కనుమరుగవనీ

2.విద్యలేని మనిషేలేని వసుధగా సంస్కరించు
నలందా తక్షశిలల విద్యను పునరుద్ధరించు
బ్రతుకనేర్చు బుద్ధినీ మాలో జాగృత పరచు
పరమార్థ సాధనకై మమ్ముల సన్నద్ధపరచు

3.నలత కాస్త కలతగా పరిణమించనీయకమ్మ
వాస్తవ భాగ్యమైన ఆరోగ్యము నీయవమ్మ
వికృత వింత వ్యాధుల ధర దరి రానీయకమ్మ
నీవెరుగని సత్యమేది నీకసాధ్యమేదమ్మా

https://youtu.be/0XTZ6RyrSGE?si=P3oJD6త్వసడ్జలీయో

రచన,స్వరకల్పన&గానం:డా.రాఖీ

రాగం:సరస్వతి 

శ్రీదేవీ నమోస్తుతే శివాత్మికా
శ్రీచక్ర విలసిత శ్రీ లలితాంబికా
శ్రీవిద్యాన్వితా సురమునిపూజితా
శ్రీపీఠ సంశోభిత శ్రితజన సేవితా 

1.పరమ దయాళూ పరాంబికా
సరగున బ్రోవవే వరదా వేదమాతా
పరిపరి విధముల నిను నుతియించెదా
పరసౌఖ్యమీయవే పరా పరవిద్యా

2.నీమాయావశమే చరాచరజగము
నీ కనుసైగలతో కదులును మా పదము
తల్లివి నీవనీ తలపున నమ్మితీ
తక్షణమే దయజూపి నీ అక్కునజేర్చవే

https://youtu.be/aKZIOCGCXIs?si=4JLE7YcYyXSqN68m

రచన,స్వరకల్పన&గానం:డా.రాఖీ

మాయామాళవ గౌళ రాగం

నీ వెండికొండ నాగుండె
నా కంటగంగ కొలువుండె
నా మూడో కన్నుమూసుండె
నీకై బ్రతుకు దీపమై మండే
హరహరా సార్థకనామధేయా
శివశివా పరమార్థ ప్రదాయా

1.నా బుద్ధిబూడిదాయె పూసుకో
కామం బుసకొట్టె మెళ్ళోవేసుకో
చిత్తం చపలమాయె మొలకు చుట్టుకో
యోచన వక్రమాయె నెత్తినెట్టుకో
హరహరా సార్థకనామధేయా
శివశివా పరమార్థ ప్రదాయా

2.నీకాలి మువ్వలై మ్రోగనీ నానవ్వులు
నీ చేతి శూలమై చెలగనీ నా బలము
నీ వాహనమవనీ  నా యీ దేహము
ఆవాహనమవనీ నీ స్వస్వరూపము
హరహరా సార్థకనామధేయా
శివశివా పరమార్థ ప్రదాయా

https://youtu.be/ROBaCIrTcYA?si=5OOaXpeMWjwejQMn

రచన,స్వరకల్పన&గానం:డా.రాఖీ

రాగం: షణ్ముఖ ప్రియ

స్వరముల రసమయ సంయోగమే రాగం
హృదయాల లయ లయమైనదే అనురాగం
రంజింప చేసేదె రాగం
మది బంధింపజేసేదె అనురాగం

1.మనసే స్పందింప ఎద పలుకునొక రాగం
నవరసము లందునా చెదరదు అనురాగం
రాగమంటే రసికుల కనురాగం
అనురాగముంటే ఉప్పొంగును రాగం

2.తన్మయముగ తలలూగేను కమ్మని రాగానికి
జీవనమే పావనమై తరియించేను అనురాగానికి
పదముల కదుపును నట్టువాగం
బ్రతుకుల కుదుపును అనురాగయోగం

గునపాలై దిగినాయి నీ చూపులు నా గుండెలో
ననుకట్టి వేసాయి కనుపాపలు  చెఱసాలలో
నను ముంచివేసాయి చిరునవ్వులు సరసాలలో
పందాలే విసిరాయి అందాలే అందమని ప్రతి పొద్దులో

1.పరాక్రమించావు  నీ అస్త్రశస్త్రాలతో
నువు విక్రమించావు నీవైన వ్యూహాలతో
మది నాక్రమించావు తీయని మాయని గాయాలు చేసి
బ్రతుకంతా సేవించే అధరసుధను సేవించే బానిస చేసి

2.వంపులనీ వయ్యారం మరులేగొలిపే
పుష్కలమౌ సౌష్ఠవమే తమకము రేపే
సింగారం నయగారం రంగరించ అంగాంగ సంగమమాయే
సింధూరం మందారం మేళవించ రేయంత జాగారమాయే

రచన,స్వరకల్పన&గానం:డా.రాఖీ

ఇసుకతిన్నెలు అడుగుతున్నవి
చెలి జాడ ఏదని ఏమైందని
వెన్నెలమ్మా వెతుకుతున్నది
మన జంట ఆచూకి ఏదని
గోదావరి కంటనీరే కారికారి ఇంకిపోయే
ఏకాకిగ మారినానని ఎరిగినంతనే ఖిన్నయై

1.గట్టుమీది వేపచెట్టు జాలిగా ననుచూస్తోంది
చెట్టుకొమ్మన పాలపిట్ట ఓదార్చగ కూస్తోంది
బడిగోడల చెక్కబడిన మన పేర్లు వెక్కిరిస్తున్నవి
గుడిలొజేగంట సైతం నన్నుగని మౌనవిస్తోంది
మోడుతోడై నిలుస్తోంది ఇద్దరం ఒకటేనని
కాడు ప్రేమగ పిలుస్తోంది నను రారమ్మని

2.కొండలాంటి బండలే నాగుండె కన్నా మెత్తనైనవి
పాడుబడిన కోటకూడ నామనసుకన్నా కొత్తనైనది
మండువేసవి ఎండ ఎంతో హాయినిస్తోంది నాకు
నల్లతుమ్మ ముల్లుగుచ్చిన నొచ్చినట్టే లేదు నాకు
నీవు లేని లోకమంతా ఎడారల్లే తోస్తోంది
నిన్ను చేరగ ప్రాణమే ఎంతగానో తొందరిస్తోంది

https://youtu.be/mpmq5Ddzp0M?si=nHETkJtgmVOxDMuU

రచన,స్వరకల్పన&గానం:డా.రాఖీ

చెప్పడమెంతో తేలిక
చేయగ మనసే రాదిక
పరులకు పెట్టక మనమూ నోచక
కూడబెడుతూ జీవితమే
గడిపేస్తామూ వ్యర్థంగా

1.పరోపకారం తలవకపోతే ఉండీ ఎందుకు శరీరము
ఉన్నంతలో ఏకొంతైనా ఆపన్నులకిస్తే ప్రయోజనం
పిట్ట చెట్టు నీటిపట్టు దాచుకోవు కలకాలం
అభద్రతా భావనే సంశయానికి మూలం
తెలివికి కృషియే తోడైతే సడలదుగా నమ్మకం

2.దధీచి శిభి బలి ఎందరులేరు చరిత్రలో
దానకర్ణులు నేడు సైతం ఉన్నారు ధరిత్రిలో
వెసులుబాటైతె ధనసాయం శ్రమదానం
రక్తనేత్రఅవయవదానం మరణానంతరం
దానం సంతృప్తికారకం సాయం సంతోషదాయకం

రచన,స్వరకల్పన&గానం:డా.రాఖీ

తెలుపు బలుపుకు
నలిగె నలుపె
విర్రవీగెడి అధికార జులుమే
మానవత్వం మంటగలిపె
నలుపుజాతిని అణీచివేసే
హక్కులేదను విశ్వసూత్రం విస్మరించే

1.మనుషులంతా ఒక్కటే యని
చర్మవర్ణ వివక్ష తగదని
నగ్నసత్యం తెలుపు జనతయె
తెలుపుచుండుటె మంచిమలుపు

2.తరతరాలుగ తెగని వేదన
నలుపు బ్రతుకే యాతన
నలుపు నలుపన సలుపుభావన
కలుపుగోలుతొ మనగ ప్రార్థన

3.నల్లవారలూ మాననీయులె
రామకృష్ణులు నీలి రూపులె
నలుపువారిని కెలుకుచెపుడు
నలుపువారిని నలుపసూచన

రచన,స్వరకల్పన&గానం:డా.రాఖీ

వెన్నదాచి పెట్టమాకు గొల్లభామ
నీమనసే వెన్న కదే తెలియద నా ప్రేమ
నన్ను సతాయించబోకె కలువభామ
సూర్యుడినై ఏలుకోన నమ్మవె లేమ

1.నీ వెంటపడుటకు ఇదికాదు మార్గము
నాతో జత కోసము ఏల ఇంత పంతము
చిత్తశుద్ధి ఉంటె సరి వశుడనై పోనా
మీరావై ఆరాధిస్తె పరవశుడనుకానా

2.నను బంధించడం సులభసాధ్యము
శ్రద్ధాసక్తులె కద చెల్లింగ మూల్యము
రుచులా ప్రాధాన్యము మమతేనైవేద్యము
శబరిలా తినిపిస్తే భుజియింతును తథ్యము

https://youtu.be/i9xcnr5_ScI?si=Ik-6klLayaFpslj7

రచన,స్వరకల్పన&గానం:డా.రాఖీ

నిదురలేని రాత్రులెన్నో-నీ జ్ఞాపకాలతో
మదిదాటని మాటలెన్నో-బిడియాలతో
చొరవ కరువైన వేళ-కాలమే పగబూనింది
మేలుకున్న తరుణాన-బ్రతుకు చేయిజారింది

1.రంగవల్లితొ నినుచూసాకే-నాకు పొద్దుపొడిచేది
గోదారిలొ ఎదురైతేనే-దినం నాకు గడిచేది
నీ జడలొ మెరిసేందుకే-మా గులాబి పూసేది
నీ మేను తడిపేందుకే-మేడపై వెన్నెల కాసేది

2.నా కొలువుతొలిజీతం-మువ్వలై నీ పదములుజేరే
నీవల్లిన ఊలు శాలువా-నను కౌగిట బంధించే
మౌనరాగాలెన్నో మారుమ్రోగె మన మధ్య
మీనమేష గణితాల్లో జీవితమాయె మిథ్య

https://youtu.be/zrSJvlDPCRk?si=kmtMrDvsxbRrAsps

రచన,స్వరకల్పన&గానం:డా.రాఖీ

ఎంత కమ్మగుంటడో  సుందరాంగుడు
చూస్తుంటేనే నోరూరిస్తున్నాడు
ఎంత ముద్దగుంటడో ఆ నంద నందనుడు
వలపుల వలలేసి లాగేస్తున్నాడు
మగవారందరిలో పురుషపుంగవుడు
ఆడవారికైతే పరమ ఆరాధనీయుడు

1.చూపుల వెన్నెల్లొ తడవబుద్ధి
నగవుల తరగల్లొ నానబుద్ధి
బూరెల బుగ్గల్ని నిమిరేయ బుద్ధి
తేనేల పెదవుల్ని జుర్రేయ బుద్ధి
చెవితమ్మెచాక్లేట్ చప్పరించ బుద్ధి
కాజుకత్లిమేను కొరికేయ బుద్ధి

2.పాదపద్మాలను ముద్దాడబుద్ధి
ఊరువులతలవాల్చి సేదదీర బుద్ధి
బాహుబంధాల్లో కడతేరబుద్ధి
ఛాతిరోమాలతో క్రీడించ బుద్ధి
తనువు గంధాన్నీ ఆఘ్రాణించబుద్ది
జతగా బ్రతుకంతా ఆస్వాదించ బుద్ధి

రచన,స్వరకల్పన&గానం:డా.రాఖీ

తడిసిన చెలి తనువు-మదనుడి సుమధనువు
తపనలు తీర్చేటి-తరుణి కామధేనువు
తాకిన వెంటనే ఆత్రంగా
మంటలు రేపుతోంది చిత్రంగా

1.చినుకుల ముద్దులన్ని-మెరిసె మంచిముత్యాలై
వణుకుల మూల్గులన్ని-వెలిసె ప్రణయ గీతాలై
ఆనందపుటంచులలో-దొరికె అమృతకలశమే
అంతులేని తమకంలో-వింతైన పరవశమే

2.ఇరుమేనుల రాపిడితో-చెమట ఊట తటాకమే
బిగికౌగిలి లోగిలిలో-గాలికైనా సంకటమే
గెలిసీ గెలిపించే-సమవుజ్జీలకు స్వర్గమే
అంగాంగ సంగమం-పరసౌఖ్య  మార్గమే

రచన,స్వరకల్పన&గానం:డా.రాఖీ

పిచికారీ చేయొద్దే మత్తునలా
రుచికోరి కొఱకొద్దే పెదవులలా
ఎన్నెన్ని బాణాలో నీ అమ్ములపొదిలో
ఎన్ని దించుతావే నా మెత్తని హృదిలో
దుంపతెంచకే జాణా సిగలొ పూలు దట్టించి
పుట్టిముంచకే పరువానా సెగలెన్నో పుట్టించి

1.నినుచూసి పడిపోని ప్రవరాఖ్యుడె కనరాడు
నీసొగసుకు దాసుడుకానీ భీష్ముడే ఇల లేడు
విఘ్నమే కలిగిస్తావు తపశ్చర్య ఎందరికో
భగ్నమేచేస్తావు బ్రహ్మచర్యమెందరిదో
నీ సఫలత ఎంతటిది చపలచిత్తమే నాదీ
పిచ్చుకై బ్రహ్మాస్త్రం తగదు తరుణీ నీకిదీ

2.రంభనిన్ను కన్నాకే గుంభనంగ ఉంటోంది
మేనకే పోటీపడలేక వెనకడుగు వేసింది
మెళకువలు నేర్చారు సుందరాంగులెందరో
కిటుకులే కనుగొన్నారు గ్రంథసాంగులెందరో
అంగనలే ఆశపడే అంగాంగ అందం నీది
గుండెజారకుంటుందా మామూలు పురుషులది

నరుడే హరుడని భావించాలి
మానవుడే మాధవుడని సేవించాలి
మానుష జన్మ దుర్లభమే సార్థకతను పొందాలి
తరిస్తూ తరింపగజేస్తూ బ్రతుకు చరితార్థం కావాలి

1.కామం దరిరాదు ఉన్నంతలొ తృప్తిపడితె
కోపానికి తావులేదు క్షణకాలం యోచిస్తే
లోభం నిరర్థకం దేహమూ వదిలేదనితోస్తే
ఎప్పుడూగెలుపునీదే లోపలి శత్రువులను హరిస్తే

2.మోహం మించదు వైరాగ్యం బోధపడితె
మదమే హెచ్చదు విశ్వరచననే గ్రహించితే
మత్సరం కుత్సితం ప్రయోజనరహితమే
తప్పటడుగువేయవు కాలం విలువ నెరిగితే

https://youtu.be/M8N9lJP4KaE?si=jBrJ_BINp88GVDOQ

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం :కేదారం

విశ్వసించగలగాలి వందశాతము
వశమైతీరుతాడు నిశ్చయంగ దైవము
నవవిధముల భక్తిమార్గాలతో
శ్రద్ధాసక్తులనే కర్మసూత్రాలతో

1. పురాణాలు వినవలే పరీక్షిత్తువలే
కీర్తించాలి సదా నారద ముని విధి 
స్మరించాలి సర్వదా ప్రహ్లాదుడి మాదిరి
పాదసేవచేయాలి సౌమిత్రి రీతి
తపించాలి మనసా వాచా కర్మణా
అన్యధా శరణం నాస్తియనే సమర్పణ

2.అర్చనసేయాలి పృథు చక్రవర్తి భంగి
వందనమొనరించాలి అక్రూరుడి చందమున
దాస్యం చేయాలి మారుతి తీరుగా
సఖ్యత పొందాలి పార్థుని పగిదిగా
తరించాలి బలివోలె ఆత్మనేనివేదించి
ముంచినా తేల్చినా నీవేనని ప్రార్థించి

రచన,స్వరకల్పన&గానం:డా.రాఖీ

అనురాగమే పాడదా పాటగా
మానసవీణను పాటవంగ మీటగా
స్నేహామృతం లభించదా ఊటగా
నీతోడు నీకుతోడు  నేనన్నదే మాటగా
మనిషిమనిషి మధ్య బంధమే అభినందనీయము
ప్రేమిస్తూ ప్రేమపొందగలగడమే అభిలషణీయము

1.ఉడతసాయమైనా చాలు ఉద్దేశ్యమే ముఖ్యం
చిన్నిచిన్ని గులకరాళ్ళే తీర్చలేదా కాకిదాహం
ఓపికా శక్తి మేరకైనా చేయూత నీయలేమా
ఒక్కొక్క నీటిబొట్టే కలిసీ సంద్రంగ మారడంలేదా
మనిషిమనిషి మధ్య బంధమే అభినందనీయము
ప్రేమిస్తూ ప్రేమపొందగలగడమే అభిలషణీయము

2.విడగొట్టుకుంటూ పోతే విలువ శూన్యమే
ఎవరికెవరేమౌతారంటే బ్రతుకులన్నీ దైన్యమే
గడ్డిపోచలన్నీ కలవగ గజమునైన బంధించవా
చీమలన్ని దండుగ కుడితే పామునైన చంపవా
మనిషిమనిషి మధ్య బంధమే అభినందనీయము
ప్రేమిస్తూ ప్రేమపొందగలగడమే అభిలషణీయము

OK

ప్రాణమై పోయింది గానమే
అనుక్షణం మమేకమై పోతోంది మనమే
అభేదమాయె సంగీతముతొ జీవనమే
మరణానంతరమంతా అనంత మౌనమే

1.ఉఛ్వాస షడ్జమమై నిశ్వాసనిషాదమై
ప్రాణోపానవ్యానోదాన సమానాలే
రిషభ గాంధార మధ్యమ పంచమ ధైవతాలై
లబ్ డబ్ యనిమ్రోగే హృదయ లయతొ లయమై
బ్రతుకే భావ రాగ తాళ సంయుతమై
అమ్మలాలి పాటతోనే ప్రభావితమై

2.వెలువరించిరి గీతాలు సాహితి స్రష్టలు
మధురిమలద్దిరి గేయాలకు సంగీత విధాతలు
సంగీత సాహిత్య లహరిలో తరించిరి వాగ్గేయకారులు
ఎంతటి సాధన చేయాలో పొందగ స్వరవరములు
అనుగ్రహించాలి వీణాపాణి శ్రీ వాణి
గురువై నేర్పాలి హరుడే కరుణించి

రచన,స్వరకల్పన&గానం:డా.రాఖీ

తొట్రుబడితి నీ చూపులు వశపడక
ఆగనైతి నీ చెలిమికై  నేనాశపడక
బెట్టుచేయనైతినే నీ ప్రేమకు వశపడక
నిమిషమైన మనలేను నీవెంటపడక

1.వాస్తవాలు కాస్తా మ్రింగుడుపడక
కలలు కనుటకోసమే రోజూ నా పడక
మనసుకూ బుద్ధికీ ఎప్పూడూ పడక
నిన్నెంచుకున్నా ఏమాత్రం తడబడక

2.తగని తాళిబంధం ముడిపడక
నగవులపాలై ముందడుగే పడక
ఇంతేలే నా బ్రతుకంటూ దిగులే పడక
చేయందుకోవే చెలీ సందేహపడక

రచన,స్వరకల్పన&గానం:డా.రాఖీ

ఉండీలేని నల్లబొట్టు
కనుపాపలొ తేనెబొట్టు
చూపులేమొ బెదిరినట్టు
పెదాలు వదలనట్టు
ఎన్నెన్ని భావాలో జవరాల
తెలుపవెనీ అంతరంగ వివరాల

1.నటనల తింగరిబుచ్చి
సయ్యాటల నంగనాచి
ప్రతిసారీ నీతో ఇదే పేచీ
దరిజేరనీయవే ఓబూచి
నోట్లో వేలెట్టినా కొరకనోణ్ణి
కట్టావే కడకొంగున అమాయకుణ్ణి

2.మంత్రమేదొ వేసేసీ
చేయాల్సిందంతా చేసేసి
నా  మనసునే దోచేసి
నవ్వబోకు పిచ్చోణ్ణి చేసి
నట్టేట నను ముంచబోకే
ఉత్తుత్తిప్రేమలు పంచబోకే

PIC capture courtesy:TIKTOK

రచన,స్వరకల్పన&గానం:రాఖీ

రాగం:  యమన్ కళ్యాణి

శివ శివ శివ శివ శివ శివ శివోహం
భావయామి అహరహం త్వమేవాహం
ఉఛ్వాసనిశ్వాసల  నా ఊపిరి ఓంకారం
ప్రాణజ్యోతి నీ పరమే పరమేశ్వరమ్

1.నా గుణత్రయాలూ నీ మూడు నేత్రాలు
 నా ఈ త్రికరణాలు నీకై త్రికాలాల స్తోత్రాలు
  నాపంచేంద్రియాలు నీవగు పంచాననాలు
  నా ప్రపంచమంత నీవైన పంచభూతాలు

2.అరిషడ్వర్గాలు కాలాత్మా నా షట్చక్రాలు
ప్రలోభపరచు షడ్రుచులు షడ్విధ నరకాలు
నా సప్త వ్యసనములు సప్త సముద్రాలు
నాలోని నవరసాలు  నవవిధ భక్తిమార్గాలు 

రచన,స్వరకల్పన&గానం:డా.రాఖీ

రాగం:మధువంతి

దాహం ఊహాతీతం
దాహం మోహాన్వితం
దాహం జీవనామృతం
దాహం ప్రాణికోటి వాంఛితం
ప్రణయ దాహం విరహం
జీవాత్మ దాహం పరమపదం

1.ఎడారిలో బాటసారి అనుభవైక వేద్యం
వేసవిలో పశుపక్షులు అల్లాడే కడుదైన్యం
పిడచకట్టుకున్న గొంతు తపనల ఆరాటం
నీటి విలువ బోధించే సద్గురువు పాఠం

2.ఆకర్షణ ప్రేమగా తలపోసే వ్యామోహం
అనుభవమే నోచక ఆర్జించే ధన దాహం
పదవికొరకు పతనమయే అధికార దాహం
గుర్తింపును కోరుకొనే వింత కీర్తి దాహం

రచన,స్వరకల్పన&గానం:డా.రాఖీ

నీ విలాసము కైలాసము
నీ విలాసము కైవల్యము
నీ లాసము వేదికే నా మానసం
నీ చిద్విలాసమే నా జీవితం

1.లింగమయ్యవు నీవు
జంగమయ్యవు నీవు
గంగనే తలదాల్చినావు
సంగరమె చేసావు నా బ్రతుకునీవు

2.కనురెప్ప మాటు మంట
నెత్తిన సెంద్రయ్య సలువంట
మితిమీర నేకోరితేనూ తంట
గతిలేక నిన్నే మరి నమ్ముకుంట

3.ఈ దేహమే నేనాయె
నా ప్రాణమే నీవాయె
మన మధ్య ఉన్నదే మిథ్య
నేను నువ్వైనపుడే సయోధ్య

https://youtu.be/e8NpEWAPHO4?si=maZVmCVd8uSNaThr

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం: పుష్పలతిక

తడిసి తడిసి ముద్దౌదాము
పున్నమి వెన్నెల జల్లులలో
సౌరభాల మత్తిలుదాము
వేసవి రాతిరి మల్లెలలో
రసమయం అయిపోనీ ఈ సమయం
మన ఇరువురి లోకమంత  ప్రేమమయం

1. గోదావరి ఇసుకతిన్నె మన పడక
గలగల పారునీరు తీర్చేను దప్పిక
మనోరథం సాగడమిక నల్లేరుమీద నడక
సాదిద్దాం భవసిద్ధిని ఏమాత్రం తడబడక
రసమయం అయిపోనీ ఈ సమయం
మన ఇరువురి లోకమంత  ప్రేమమయం

2.గుచ్చుతోంది మేనంతా ఇసుకరాపిడి
హెచ్చతోంది నరనరాన నెత్తుటి రువ్వడి
వింతైన అనుభూతి నిస్తోంది చెమటతడి
ఎవరమెవరొ తెలియకుంది బంధం ముడివడి
రసమయం అయిపోనీ ఈ సమయం
మన ఇరువురి లోకమంత  ప్రేమమయం

కరోనా కన్న మిన్న వైరస్ నీ కరమునందున్నది
సునామీ కన్న డేంజరస్ నీ ఇల్లు నల్లుకున్నది
విభజించి పాలించే యుక్తిగలది స్మార్ట్ ఫోన్
విశ్వమంత విస్తరించు నేర్పున్నది స్మార్ట్ ఫోన్

1.ఊపిరి ఆగునేమొ గానీ
దివారాత్రాలు బ్రౌజింగ్ ఆగకున్నది
నిద్రాహారాలు మానితేమి
స్మార్ట్ ఫోన్ వినా క్షణం సాగకున్నది
వ్యసనాలను మించిపోయింది సెల్లు ఫోను
ప్రాణంగా పరిణమించిందీ మొబైల్ ఫోను

2.ఏకై వచ్చింది లోకానికి
మేకై గుచ్చుకుంది గుండెలోనికి
కమ్యూనికేషన్ కై పుట్టింది
వామనుడే త్రివిక్రముడైనట్టుంది
అనుబంధాలన్నిటినీ బొందబెట్టింది
మంటే తెలియనట్లు తీయగా కుట్టింది

రచన,స్వరకల్పన&గానం:డా.రాఖీ

ప్రశాంతతేది నాకు విజయం వరించీ
ప్రతిసారీ ప్రగతికై నేనో విరించి
ప్రతిభను కనబరచాలి అంతకుమించి
ప్రస్థానమిరుకౌతున్నా అధిగమించి

1.చూపించగలగాలి కొంగ్రొత్తదనమేదో
ఆకట్టకోవాలి  విషయ వైవిధ్యంతో
పునరుక్తి కాకుండా ప్రస్తావించాలి
ఎదుటివారి నాడేదో పట్టుకోగలగాలి

2.ఊరుతూనె ఉండాలి ఆర్ద్రత హృదయంలో
నిరంతరం  తరించాలి మేధోమథనంలో
మనసును హత్తుకునే మత్తేదో చల్లాలి
ఇదమిద్దం ప్రతీకలతొ అద్దమల్లె తెలపాలి

3.లోకోఃభిన్నరుచి అన్నది మరవొద్దు
అన్నీ అందరూ మెచ్చాలను భ్రమవద్దు
మహామహులకైనా తప్పలేదు ఆటుపోట్లు
పొరపాట్లు సహజమే కూడదు కప్పదాట్లు

OK

నా హృదయం నీ చేతి ఢమరుకమై మ్రోగనీ
నా ఊపిరి నీ పద మంజీరమై రవళించనీ
అవధరించరా శివశంకరా
నను ధరించరా దిగంబరా
సిద్ధపరచరా ఉద్ధరించరా ఉమా మహేశ్వరా
వందే వ్యోమకేశా వందే క్లేశనాశా

1.కైమోడ్చి వేడెద కైలాసం నా ఆవాసం కానీ
కైంకర్యము నొనరించెద మనసే నీ మందిరమవనీ
తేల్చిచెప్పు సత్వరమే ఏది నీకు సమ్మతమో
ప్రసాదించు వేగిరమే ఏది నీకు సాధ్యమో
వందే ఇందుమౌళీ వందే హే కపర్దీ

2.నా ప్రాణపంచకాన పంచాక్షరి లీనమవని
నా నవనాడులసడి నమఃశివాయ గానమవని
నిర్ణయించు నిటలాక్షా నీ కేది సముచితమో
అనుగ్రహించు అంగజహర నాకేది ప్రాప్తమో
వందే వామదేవా వందే సద్యోజాతా

రచన,స్వరకల్పన&గానం:డా.రాఖీ

రాగం:రేవతి

"విశ్వంభర"

కాల గమనంలో- లోకాల భ్రమణంలో
ఎన్ని వింతలో- ఎన్నెన్ని చింతలో
మానవ జీవనమే నవరస కదంబము
నరజాతి మనుగడలో అడుగడుగూ గండము

1.సంభ్రమంగ భువినావిర్భవించి
పలువిధముల పరిణామం చెంది
నాగరికతతో సంస్కారమొంది
పరిశోధనలే సలిపి ఆవిష్కరణలుచేసి
సర్వతోవికాసమొందినాడు మనిషి
సర్వదా సాటివారికై తపించే మహర్షి

2.పాతని సతతం పాతర పెడుతూ
అనవరతం నవ్యతకే పట్టం కడుతూ
అనునిత్యం ఎన్నెన్నో సవాళ్ళు ఛేదిస్తూ
నవతరానికై దారంతా ముళ్ళనేరేస్తూ
యుద్ధానికై సదా సంసిద్ధుడైన యోధుడు
జయాపజయాలలో చలించకున్న సిద్ధుడు

OK

https://youtu.be/QX-KE7SW_Qw?si=0Zy12dm5Ktkno_4O

చకోరి కోరికా-కార్తీక చంద్రిక
సుమాల మాలిక-భ్రమరానికే యిక
ఉషస్సులే మనస్సులో రుచస్సులేయగా
వసంతమే నా సొంతమై ఆసాంతమాయెగా

1.నీలాలనింగి నంటుతున్న నీలగిరి కొండలు
పచ్చికయే పచ్చని చీరగ ప్రకృతి ముస్తాబులు
లేళ్ళను మరిపించి దుముకె చక్కని సెలయేళ్ళు
రవికళ్ళలొ చిరుజల్లుకె మెరిసిన హరివిల్లు
ఆనందమాయెగా-అనంతమాయెగా
అందాల నందనం –గుండెల్లొ విరియగా

2.రాచిలుకలన్ని స్వాగతించి దారి తీయగా
రాయంచలె నా ఎదుటనిలిచి హారతీయగా
మయూరాలు తయారనీ ఆనతీయగా
కోయిలలు మురిసి మేను మరచి పాడె తీయగా
ఆనందమాయెగా-అనంతమాయెగా
అందాల నందనం –గుండెల్లొ విరియగా

రచన,స్వరకల్పన&గానం:డా.రాఖీ

కౌగిలి అనుబంధాలకు లోగిలి
కౌగిలి అనురాగాలకు వాకిలి
కౌగిలి ప్రణయానికి ముంగిలి
కౌగిలి మన్మథ కేళికి దివ్యనివాళి

1.మల్లెతీగ అల్లుకోగ ఆలింగనమే
తల్లి పిల్ల హత్తుకొనగ బరవసమే
స్నేహితుల అలయ్బలయ్ కావలింతయే
ప్రేమికులు పైకొనగ పరిష్వంగమే

2.పెదవుల చుంబనము పరిరంభమే
తనువులు అక్కునజేరగ సమాశ్లేషమే
నులివెచ్చని చెలికౌగిలి స్వర్గతుల్యమే
చెలికాని బిగికౌగిలి ఇల కైవల్యమే

నుదుటి మీది పుట్టుమచ్చ బొట్టు లెక్కనీకు
పెదవి మీది పుట్టుమచ్చ దిష్టి చుక్కనీకు
కమ్ముకున్న కారుమబ్బులల్లె తోచె నీ కురులు
పున్నమి జాబిలియై వెలిగేను నీ మోము సౌరులు
సఖీ  నీవు సౌందర్య దేవతవు
చెలీ నీవు అనురాగ దీపికవు

1.కనులు కనులు కలిపితే-రెప్పగిలుపలేము
చూపు మనసు తెలిపితే-తప్పుకొనగలేము
ప్రవహించెను భావఝరి-హృదయసీమలోకి
ప్రసరించెను రసమాధురి-హాయినంత ఒలికి
సఖీ నీవు ప్రణయ ప్రబంధం
చెలీ నీవు పుష్ప సుగంధం

2.మలయ మారుతం వేసవిలో నీ సహచర్యం
హర్ష వర్షపాతం ఎడారిలో నీ  సహయోగం
లిఖించేను అహరహరం - నీ గీతాగోవిదం
తపించేను ఇహం పరం - నీ జతయే ఆనందం
సఖీ నీవు సత్యం శివం సుందరం
చెలీ నీవు సత్వరజస్తమో మందిరం

https://youtu.be/upSx0ZqhM1g?si=2HX2O2CNRxeyYurg

ఏమ్మాయ చేసావో-ఏ మంత్రమేసావో
వలపు వలల తో నన్ను పట్టేసినావు
కడకొంగుతోనన్ను కట్టేసినావు
నీవులేని జీవితం నిస్తేజము
నిన్నుపొందలేకుంటే మనస్తాపము

వదనారవిందము-చందమామ చందము
మృదుమధుర దేహము-పారిజాత గంధము
అధరాలు గ్రోలితే-అమృత సదృశ్యము
ముంగురులు రేగితే మేఘమాల దృశ్యము
ఏరీతిగా నిన్ను వర్ణించనే చెలీ
ఏమిచ్చి నేనిన్ను చేర్చేను కౌగిలి

తీయని నీ పలుకులలో కురియునులే తేనియలు
గలగల నీ నవ్వులలో దూకేనే జలపాతాలు
కోకిలలే నిను కోరి పాట నేర్చుకున్నాయి
హంసలు నిను బ్రతిమాలి నడక నేర్చుకున్నాయి
జగదేకసుందరీ అందుకోవె వందనాలు
అర్పించినానే నీకు నా ఏడు జీవితాలు

రచన,స్వరకల్పన&గానం:డా.రాఖీ

రాగం:గానమూర్తి

ఎరుగవైతివే మనసా
ఎంతటిదే నీ భరోసా
ఇపుడైతె కాదని
నా కడకు రాదని
నిర్లక్ష్యము నీకిక తగదే
చరమాంకమేదో చిత్తముకానదే

1.రేపనుకున్నది చేయవె నేడే
నేడనుకున్నది కావించు ఇపుడే
మించును తరుణము
మరణమనూహ్యము
తాత్సారమికపై కూడదే
తనువు తపనల  వీడదే

2.దాచినదంతా దానమీయగ
భవబంధములే వదులవగ
తామరాకు పై నీటిబొట్టువై
ఆనందానికి ఆటపట్టువై
పరచింతనలో చింతలు వీడి
పరవశించవే నీవై సిద్ధపడి

రచన,స్వరకల్పన&గానం:డా.రాఖీ

రాగం:శుభ పంతువరాళి

చలనము లేదా చక్రధరా
ఉనికే వికల్పమ ఉరగ శయనా
నిజస్తుతి జేసినా జాడే కనరాదు
నిందాస్తుతికీ స్పందనయే లేదు

1.లేవనుకుంటే ఒకటే నిశ్చింత
కలవనుకుంటే కలతలె చెంత
బలమేనీవూ బలహీనతవూ
కర్మఫలమువై ఇల వరలెదవు
పొగడినా ఆచూకి కనరాదు
తెగడినా ఏ అతీగతి లేదు

2.ఆస్తికతకు నీ కథలెన్నెన్నో ఎన్న
నాస్తికతకు నీవున్న గతి సున్న
ప్రత్యక్షమవరా ప్రహ్లాద వరదా
ప్రత్యక్షరమిక నిను స్మరించెద
తప్పదు స్వామీ ఇదె తరుణము
నీ మనుగడకై ఆవిష్కరణము

రచన,స్వరకల్పన&గానం:డా.రాఖీ

రాగం:కళ్యాణ వసంతం

నీకిది తగదమ్మా పలుకుటెలనాగ
మాయలొ ముంచగ మాటలమిటారి
అద్దమునందు చంద్రబింబం
అరచేతిలోనే అలవైకుఠం
కోరితినానిను కోర్కె మీరగను
గుణరహిత కవితను రసహీనతను

1.ఆకలితీర్చగ అప్పచ్చులేల
ఊరడించగ తాయిలమేల
గాఢత గలిగిన కవనమునీయవె
సారమున్న సారస్వతమొసగవే
కోరితినానిను కోర్కె మీరగను
గుణరహిత కవితను రసహీనతను

2.అగణితమౌ తాలేల కాగితాల
అనుచితమౌ సోదేల నా గీతాల
గాయము నయమౌ గేయము రాయనీ
మనసుల నలరించు సాహితి నీయనీ
కోరితినానిను కోర్కె మీరగను
గుణరహిత కవితను రసహీనతను

రచన,స్వరకల్పన&గానం:డా.రాఖీ

*నవరోజు రాగం*

శ్రీనివాసము నీ హృదయం
నీ నివాసము నా హృదయం
నీ మూడునామాలు నా గుణత్రయములు
నా ఏడు వ్యసనములు నీ సప్తగిరులు
ఏలుకో లోకాలు నాలోన కొలువుండి
మనసెరిగి మసలేవు స్వామీ నీకు కనికరము దండి

1.అలంకారప్రాయాలు కావు నీ ఆయుధాలు
కథలు కల్పనలు కావు నీ అవతారగాథలు
ఖండించు దుష్కృతములన్నీ చక్రధర వేగిరముగాను
నరికేయి దుష్కర్మలన్నీ  నళినాబ్జ నందకముతోను
ఏలుకో లోకాలు నాలోన కొలువుండి
మనసెరిగి మసలేవు స్వామీ నీకు కనికరము దండి

2.నా మదము నణిచేయి స్వామీ బలిని బ్రోచిన రీతి
నన్నుద్ధరించవేమి సుధాముడివంటిదే నా దుస్థితి
త్రికరణాలలోనూ నీ స్మరణ భాగ్యాన్ని కలిగించు
త్రికాలముల యందునూ నీ ధ్యానమనుగ్రహించు
ఏలుకో లోకాలు నాలోన కొలువుండి
మనసెరిగి మసలేవు స్వామీ నీకు కనికరము దండి

రచన,స్వరకల్పన&గానం:డా.రాఖీ

గంధర్వకాంతవో -నవయువకుల చింతవో
అనాదిగా కనివిని ఎరుగని రమణీయ వింతవో
మనాదినే కలిగించే కమ్మని కవ్వింతవో
యుధ్ధాలు వచ్చేదీ సుందరి నీ వలనే
మరణాలు హెచ్చేదీ మానినీ నీ చలవే

1.ఎంతమంది నీకొరకై కలలుకంటున్నారో
ఎంతమంది ఎదపై నిన్ను చిత్రించుకున్నారో
ఎందరు నిను హృదయంలో బంధించుకున్నారో
ఎందరు నిను జీవితాన ఊహించుకున్నారో
పిచ్చిలేసి తిరిగేదీ నీవల్లనే
వెర్రెత్తిపోయేదీ నీ చలవతోనే

2.నీ తప్పు కానేకాదు నీరూపలావణ్యానిది
నీ దోషమేదీలేదు నీ మేని సౌష్ఠవానిది
ఏర్చికూర్చి తీర్చిదిద్దే ప్రతిభ కనబర్చగ బ్రహ్మ
నీతో ముడిపడినవాడికి ధన్యమయ్యేను జన్మ
క్రీగంటిచూపైనా నోచనీవె నెచ్చెలీ
నూరేళ్ళ నా బ్రతుకూ నీకోసమే బలీ

మౌనం విశ్వ సంగీతం
అనురాగం విశ్వజనీనం
భావానికున్న భాష ఏదీ
అనుభూతికి యానకమేదీ
మనసు నుండి మనసుకి ప్రవహించేలా
కనుల నుండి కనులకు ప్రసరించేలా

1.మాటలెన్ని వస్తేనేమి మూగయై పోతాము
గుండె గుట్టు విప్పలేకా మిన్నకుండి పోతాము
ప్రతిపాదన చేసేవేళా ప్రమాదమే తాత్సారం
హృదయాన్ని తెలిపేలోగా చేజారు పుణ్యకాలం

2.బెట్టుచేయనేల బ్రతుకు నిర్ణయాలకు
పట్టింపులింకేలా ప్రేమ అనునయాలకు
మెట్టొకటి దిగివస్తే మకుటమేది పడిపోదు
జంటగా మనగలిగేందుకు సర్దుబాటే మేలు

రచన,స్వరకల్పన&గానం:డా.రాఖీ

కడుపులోని చల్లకాస్త కదలనంత సేపు
మనకాలికి ఏ మట్టీ అంటనంత వరకు
చెబుతాము ఎన్నైనా గొప్పలూ గప్పాలు
బోధిస్తూ ఉంటాము  ప్రవచనాలు నీతులు
సహానుభూతిచెందాలి సాటిమనిషిగా
సాయమందించాలి మనవంతు బాధ్యతగా

1.నిలుచున్న తావులో భూకంపం వస్తుంటే
ఏ అర్ధరాతిరో ఉప్పెన విరుచుకపడితే
కమ్మని కలల వేళ విషవాయువు కమ్మేస్తే
ఉపాధికోల్పోయే విఘాతమెదురైతే
ఉన్నఫళంగా ఇల్లూపట్టునొదలాల్సిరావడం ఎంతకష్టం
దారీతెన్నూ తెలియక విలవిలలాడడం ఎంతటి దురదృష్టం
సహానుభూతిచెందాలి సాటిమనిషిగా
సాయమందించాలి మనవంతు బాధ్యతగా

2.అష్టకష్టాలతో బ్రతుకు భ్రష్టుపడుతుంటే
వికృత మహమ్మారి విచ్చలవిడి కబళిస్తే
ప్రాణాపాయమెదురై ఓడలుబళ్ళైపోతే
మందేలేని రోగాలు పట్టిపట్టి పీడిస్తే
కూలినమేడల కడ నీడైనా దొరకని దుస్థితే దుర్భరం
పట్టెడన్నానికై చేయిసాచాల్సి రావడం మరణ సదృశం
సహానుభూతిచెందాలి సాటిమనిషిగా
సాయమందించాలి మనవంతు బాధ్యతగా

రచన,స్వరకల్పన&గానం:డా.రాఖీ

బాల్యమా నీకెంత నిర్దయనమ్మా
నన్ను గెంటివేస్తివి ఎందుకమ్మా
పాడుబడె నా మది నమ్మవమ్మా
నీ తీపి జ్ఞాపకాలే నాకు ఊపిరమ్మా

1.అమ్మజోల పాటలు
నాన్న గోరుముద్దలు
సోపతోళ్ళ ఆటపాటలు
ఎన్ని ముద్దుముచ్చటలు
బ్రతికినంత కాలం చెల్లిస్తాను మూల్యమే
అందజేయి మరోసారి నీ ఒడి కైవల్యమే

2.అజ్ఞానమైనా ఆనందమే
సుజ్ఞానమైనా ఆనందమే
నిర్మలమైనదే నీ నెలవు
కల్లాకపటాలకు లేదేతావు
మిడిమిడి జ్ఞానమే మ్రింగుడు పడదు
చేజారిపోయిన సమయం దొరకనే దొరకదు

రచన,స్వరకల్పన&గానం:డా.రాఖీ

రాగం:మధ్యమావతి

సాయీ నీకు క్షీరాభిషేకం
బాబా నీకు పుష్పాభిషేకం
సద్గురునాథా నీకు గంధాభిషేకం
హే అవదూతా నీకు భస్మాభిషేకం

1.తీయని పలుకుల సాయినీకు తేనెతొ అభిషేకం
రాజాధిరాజ యోగిరాజ గొనుమిదే ఆజ్యాభిషేకం
పంచభూతాత్మకా చేసేము పంచామృతాభిషేకం
సచ్చిదానంద శివరూపా ఇదెనీకు సలిలాభిషేకం

2.చిత్తమునే స్థిరపర్చగ ముత్యాల అభిషేకం
నడవడినే సరిజేయగ పగడాల అభిషేకం
సద్బోధలు రుచిచూపగ రతనాల అభిషేకం
మానవతను మేల్కొలుపగ ఆనంద భాష్పాల అభిషేకం

వెన్నెలే ముద్దగ చేస్తే నీ ముగ్ధరూపం
క్షీరమే ఘనీభవిస్తే నీ మేని తేజం
విద్యను శిల్పీకరిస్తే నీ రమ్య విగ్రహం
కళలనే కుప్పగపోస్తే అదినీ విలాసం

1.రవికి ఎంతో ప్రియం నీ వదనం
శశికి ఇంకా ఇష్టం నీ నయనద్వయం
గణపతిని అర్చించాలి నీ అధరాలతో
సమరాన పూరించాలి నీ కంఠముతో

2.కేసరి ఆవాసము నీ నడుమే
కలహంసల ఆనవాలు నీ నడకే
కోడెనాగు జాడచూడ నీ వాలు జడలో
మేఘమాల ఏదొ తోచే ముంగురులలో

ఎంతోమంది ఎవరినైనా పొగడవచ్చుగాని
ఎరుగరాయే ధనమేలే అన్నిటికీ మూలమని
చేదోడువాదోడు రేయైనపగలైన బ్యాంకేనని
గుర్తించరేల అనుభవించినా వింతేగాని
నమ్మినా నమ్మకున్నా చెబుతున్నా నిత్య సత్యాన్ని
ఒక పాటగా పాడుతూనే తెలుపుతున్నా మా కష్టమర్ల థాంక్స్ ని

బ్యాంకు సారూ బ్యాంకు సారూ మీకు జోహారు
తోడునీడై ఆదుకొంటూ మా కష్టాలు తీరుస్తారు

1.ఎండైన వానైన ఆగిందిలేదు బ్యాంకు ఎన్నడు
వేళాపాళా చూడకుండా అందుతాయి మీసేవలు
పంటలోన్లనిచ్చేకాలాన పస్తుండైనగాని పంచుతారు
వాపసైతె అసలు పంపరు
మహిళాగ్రూపులు ఎన్నొచ్చినాగాని ఓపికతొ ఉంటారుమీరు
వాళ్ళకు ఆసరా అందిస్తారు
బ్యాంకు సారూ బ్యాంకు సారూ మీకు జోహారు
తోడునీడై ఆదుకొంటూ మా కష్టాలు తీరుస్తారు

2.నోట్లురద్దుకాగ రష్షెంత పెరిగిన సాయపడినారు
అండగనిలబడినారు
కరోనరక్కసి కాలుదువ్వినగాని మడమతిప్పలేదు
జడిసి ముడుసుకోలేదు
డాక్టర్లలాగ సేఫ్టీ కిట్లైన లేకున్నా పనిచేస్తారు
ధైర్యంగ ముందడుగేస్తారు
ప్రశంసలే ఆశించనీ  ఋషులేమీరు మహాపురుషులుమీరు
అభినందనలైనా పొందకున్నా కృంగిపోరు కర్తవ్యం దైవంగ భావిస్తారు

బ్యాంకు సారూ బ్యాంకు సారూ మీకు జోహారు
తోడునీడై ఆదుకొంటూ మా కష్టాలు తీరుస్తారు

రచన,స్వరకల్పన&గానం:డా.రాఖీ

మరలిచూడకు మరలమరల
మరుని శరముల వరదలా
వలలు వేయకు నవ్వి చిలిపిగ
తీపి వలపులు జ్వాల రేపగ

1.మామూలుగ తల తిప్పానని
కథలేవొ నాకిక తిప్పి చెప్పకు
మనసు మనసును తట్టెనిపుడు
వట్టి మాటల చిట్టా విప్పకు

2.ఇంద్రజాలమె నీ రూపము
 నువు వినా నాబ్రతుకు శూన్యము
తాళజాలను చెలీ నిమిషము
తరియింపజేయవె జీవితాంతము

రచన,స్వరకల్పన&గానం:డా.రాఖీ

నమ్మశక్యమైతె కాదు దేవకన్యవే నీవు
నా భాగ్యమేమొ గాని నను వరించినావు
వెదకబోయిన తీగనే తనకుతానె తాకినట్లు
విస్తుబోవ సిరితానే ఇంటితలుపు తట్టినట్లు
దొరికినావే నీవు  నిధిలాగ నాకు
నువు లేక శూన్యమై చితికేను బ్రతుకు

1.అందమైన హృదయం నీది అందించినావే
సరిజోడునని ఎంచి ప్రేమనంత పంచినావె
ఎంతటి అదృష్టమో నీవాడిగ మనగలిగా
దేదీప్యమానమైన దీపమోలే నే వెలిగా
 తీర్చిదిద్దినావే ఆదర్శ పురుషునిగా
మార్చివేసినావే మర్యాద రామునిగా

2.బండరాయినైన నన్ను శిల్పంగా చెక్కావు
గుండెగుడిలొ నెక్కొల్పి  దైవంగా మొక్కావు
కంటగింపుగా ఉంది మనజంట ఎందరికో
కన్నుకుట్టుతోంది ఈర్ష్యాద్వేషాలతో
లోకమంత ఏకమైనా చెరగదు మన అనుబంధం
కాలాలు మారినా ఇగురదు అనురాగ గంధం

https://youtu.be/U3ZBjiGsbuo?si=W3PCR_wtmRa5Qg1V

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:రస రంజని

అలనాటి రాణీ పద్మినివో
అల్లసాని వరూధినివో
రవివర్మ చిత్రాల భామినివో
రామప్పగుడిలోని నాగినివో

1.రంభను తలదన్ను మంజులవో
పలువిరుల రమణీయ మంజరివో
పరువాల నిధులున్న మంజూషవో
రవళించు మనోజ్ఞ మంజీరమువో

2.లలితకళలకు నెలవేనీవో
కళాకారులు కాంచు కలవో
కలహంస నడకల హొయలే నీవో
కలతలు తీర్చే కమ్మని కలయిక నీవో 

ఎప్పుడూ జగడమే నీకురులతో
తప్పవే తిప్పలు నీ ముంగురులతో
ముద్దాడబోగా అవి ముందే తయారు
సంధిచేసుకుంటేనే నా ముచ్చట తీరు

1.కవ్విస్తూ కయ్యానికి కాలుదువ్వు నీకళ్ళు
ఊరిస్తూ పోరుసలుపు నీ నునుపు చెక్కిళ్ళు
పెదాలతో సర్వదా యుద్ధాలే నాకు
చుబుకానికి లోకువే పుణికి పుచ్చుకున్నందుకు

2.చూపులే అస్త్రాలు నవ్వులే శస్త్రాలు
నన్ను లోబరచుకొనగ నీకెన్ని ఆయుధాలు
సరసాల్లో సమరాలు ఇరువురికీ విజయాలు
ఓడినా గెలిచినా ఒకే తీరు తీయని ఫలితాలు

అద్దానికి చెప్పనేల సుద్దులన్నీ
అధరాన దాచనేల ముద్దులన్నీ
ఎడబాటు బాటలో ఎన్నాళ్ళీ నిరీక్షణ
తడబాటు చాటున ప్రేమకే పరీక్షనా

1.ఋతువులెన్నొ వేచేను కోయిల ఆమనికై
మబ్బులకై తపించేను మయూరమే విరహిణియై
ప్రతీక్షించు చకోరమే ప్రసరించే కౌముదికై
ఎదిరిచూచు గోరింక చిలకమ్మతొ చేరికకై

2.రాధకెంత బాధనో మాధవుని రాకకై
మీరాకెంత తపననో గోవిందుని పొందుటకై
నది పరుగులు పెడుతుంది కడలి సంగమానికై
మది గుబులే తీరకుంది చెలీనీ కలయికకై

రచన,స్వరకల్పన&గానం:డా.రాఖీ

దివ్యత్వమేదో కళ్ళనుండి కురిసింది
కనుపాపలందు కరుణ కదలాడింది
కాటుకే చీటికిమాటికి నరదృష్టి మరలిస్తోంది
కనుబొమల ధనువే ఎక్కిడ వక్రబుద్ధి జడుస్తోంది

1.ఒలికీ ఒలకని కలికి నవ్వు కనికట్టుచేస్తోంది
కోటేరసొంటి నాసికేమో వాసిగా ఉంది
చెంపలైతే కెంపులల్లే మెరిసిపోసాగే
చెవిన జూకా ఆకతాయిగ సైగ చేసే

2.వనిత ఒద్దిక దిద్దుకున్న తిలకమే తెలిపే
నీలవేణి కురుల సొగసే మేఘమై తోచే
శంఖమంటి కంఠమే కలకంఠి కింపాయే
పెదవులనుగని మధుపమే భ్రమకు లోనాయే

శుభోదయం ప్రతి ఉదయం
అనురాగయుతం ప్రతి హృదయం
జగమంతా ఆనందమయం
నీలోకి నీవే తొంగిచూచు ప్రతి సమయం

1.మలయమారుతం మనసు తాకినప్పుడు
లేలేత రవికిరణం తనువు మీటినప్పుడు
పక్షులన్ని పనికి వెళుతు పలకరించుకొన్నప్పుడు
నీకోసమె నీవుగా జీవించునప్పుడు

2.గృహదేవత తులసిచుట్టు ప్రదక్షణలు చేసిపుడు
యోగా వ్యాయామం యోగక్షేమమైనప్పుడు
ఘుమఘుమ కాఫీ టీలు ముక్కుపుటాలు చేరినపుడు
నిన్ను నీవు తెలుసుకొనగ బ్రతుకు మలుచుకొన్నప్పుడు

https://youtu.be/PX5LF3_utRE

రచన,స్వరకల్పన&గానం:డా.రాఖీ

శంభో హరా శంకరా
గౌరీ మనోహర గంగాధరా
పదములు చాలవు నీ పదములు కొలువ
నా ఎరుక సరిపోదు నీ తత్వమెరుగ

1.నీ రూపము  నిరాడంబరము
నీ వేషము నిఖిల దిగంబరము
నీ తత్వము నిత్య సంబరము
నీనామమే వరము ఇహఁబరము

2.కాలము నిటారు గమనము
ప్రకృతి విశాల వ్యాపకము
అద్వైతము నీ అర్ధనారీశ్వరము
అనూహ్యమే శివా భవా'నీ లక్ష్యము

OK

రచన,స్వరకల్పన&గానం:డా.రాఖీ

ఆశయాల నిచ్చెనలు ఎన్నో ఎక్కాలి
విశ్వాసం వంతెనెగా అగడ్తలే దాటాలి
అనుదినం అద్దంలో సమీక్షించుకోవాలి
సాధనే ఆయుధంగ యుద్ధాన్ని గెలవాలి
జన్మసార్థకం కావాలి చరితార్థం కావాలి

1.వయసుకూ ఆయువుకూ విలోమానుపాతమే
గడిచే ప్రతి క్షణము చేజారే అమృతమే
అనుభవాలు మార్పుకై గుణపాఠం నేర్పాలి
అనుభూతులు స్ఫూర్తికై నెమరువేసుకోవాలి

2.అనివార్యం మరణం అనూహ్యమకారణం
నిన్ను నీవు మలుచుకొనగ ఇదే కదా తరుణం
తనువు ఉపకరించాలి మానవ హితానికై
మనసు ధ్యానించాలి దైవానుగ్రహానికై

రచన,స్వరకల్పన&గానం:డా.రాఖీ

రాగం:మోహన కళ్యాణి

కదిలివచ్చినావే నదిగ జీవనాన
సంగమించినావే మదిసాగరాన
సుధలే చిలికించినావు మన కాపురాన
కలశమై వెలిసావు దాంపత్య గోపురాన
నేడే మన త్రిదశ వార్షిక వైవాహిక దినోత్సవం
మన కళ్యాణమహోత్సవమే మధుర జ్ఞాపకం
అందుకో శ్రీమతీ గీతాభినందనం-నీతో అనుబంధమే శ్రీచందనం

1.అర్ధాంగిగ నా బ్రతుకున అడుగుమోపినావు
పూర్ణాంగివై నను నీవుగ ఆక్రమించినావు
నీ ప్రేమతొ చేసావు నను బంధీగా
ఎదలో బంధించావు ఆజన్మ ఖైదీగా
నువువేసే తీపి శిక్ష హాయిగొలుపుతుంది
నువు తెలిపే క్రమశిక్షణ  మేలుకూర్చుతుంది

2.నీ ఒడిలో పసివాడిగ ఆదమరచిపోతాను
నీ ఎదుట అమాయకుడిగ మారిపోతాను
ఓరిమిలో ఉర్వి సైతం నీముందు దిగదుడుపే
ఒద్దికలో హరిమ కూడ నీకడ కడు తడబడునే
జన్మల నా భాగ్యమే నీతో సహచర్యం
మన జంట జగమునకే ఒక ఆదర్శం

Ok

రచన,స్వరకల్పన&గానం:డా.రాఖీ

తలపులలో చొరబడకు నేస్తమా
నా మదిలో స్థిరపడకు ప్రియతమా
గాయపడిన గుండెలోన ప్రేమకేది తావు
వంచనతో ముంచేసిన  నావ చేరదే రేవు

1.యవ్వనమున జీవితమొక ఇంద్రధనువు
బంగారు కలలతో తేలియాడు తనువు
అందని ద్రాక్ష గుత్తి ఆంక్షలతో మనువు
అడియాసల నడుమన భవితకు చావు

2.కీలుగుర్ర మెక్కించే రాకుమారుడొస్తాడు
జగదేక సుందరివని వరమాల వేస్తాడు
అనుమానపు పంజరాన ఆత్మను బంధిస్తాడు
స్వేఛ్ఛా కపోతపు రెక్కలు నరికేస్తాడు

3.పదే పదే అదే పనిగ మోసపోలేను
వ్యక్తిత్వం చంపుకొంటు తలవంచుకోలేను
సాధికారికంగా బ్రతికేస్తా సగర్వంగా
స్వావలంబనే ఊతంగా పయనిస్తా కడదాకా

శ్రీ అక్షర ప్రేరణతో-చిత్రానికి సాక్షర భావ సాక్షాత్కారం

https://youtu.be/zPHVIeGTKa0?si=EJ5e7UnrjLWwzg39

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:చక్రవాకం

పోలిక నీకేది సౌందర్య లహరి
ఏలిక నీవేగా భువనైక సుందరి
కనకధార కురిపించే జననీ శ్రీ సిరి
నమస్తే వీణా పుస్తక హస్త భూషిణివిద్యాధరి

1.మనుగడ కోసం మాకు నిత్యపోరాటం
చావు బ్రతుకుల మధ్య క్షణమొక సంకటం
ఏ దిక్కునుండి ఏ ముప్పు కబళించేనో
ఏ రీతి మృత్యువొచ్చి ప్రాణం హరించేనో
కన్నతల్లివైనా నీకు కంటతడి రాదేలమ్మా
జగన్మాతవైనా నీవు మిన్నకుంటివేలమ్మా

2.మనుషులంత వ్యాధులతో మాడిపోవాలా
పంచభూతాల ఘాతకు నేలరాలిపోవాలా
ఇరుగుపొరుగు కౄరత్వానికి బలియైపోవాలా
పైశాచిక ప్రవృత్తితో నరజాతే నశించనేలా
సృష్టిస్థితి లయకారిణీ కరుణించవే తల్లీ
గుణపాఠం గ్రహించినామే కావవే కల్పవల్లీ

రచన,స్వరకల్పన&గానండా.రాఖీ

కొప్పునిండ మల్లెపూల గుత్తులున్నవి
గుప్పుమంటు అత్తరే మత్తుగొలుపుతున్నది
చిత్తైపోయింది ఈ శ్రీవారి చిత్తము
ఆత్రపు ఆర్తిని తీర్చగ శ్రీమతీ నీ చిత్తము

1.తొలినాటి మధుర స్మృతులు తట్టిలేపుతున్నవి
నీ సిగ్గు దొంతరలు గురుతుకొస్తున్నవి
అందించిన పాలరుచి తపన పెంచుతున్నది
గ్రోలిన మకరందముకై  పెదవి గోలచేస్తున్నది

2.ముడివీడని కోకముడులు మూలబడిన సంగతి
తడియారని పరువాలు పోగొట్టెకదా ఉన్నమతి
తెరుచుకున్న తలుపులతో స్వర్గమే స్వాగతించె
అమృత ధార రసన జేర అనుభూతే పరవశించె

రచన,స్వరకల్పన&గానం:డా.రాఖీ

సాయినాథా-సద్గురునాథా
సన్మార్గము చూపితివయ్యా అవధూత
నీ బోధలే మాకు గురుగీత ఇలలో ఆచరణగీత

1.హితము చేయగలిగేదే మహితమనీ
సేవచేయ గలగడమే మానవీయమనీ
మనిషిని అభిమానించడమే  సమ్మతమనీ
జీవకారుణ్యమే అభిమతమవ్వాలనీ
సన్మార్గము చూపితివయ్యా అవధూత
నీ బోధలే మాకు గురుగీత ఇలలో ఆచరణగీత

2.భవబంధనాలనే సడలించుకొమ్మనీ
భువిలోన అందరినీ బంధువులనుకొమ్మనీ
దానమునే జీవన విధానము చేసుకొమ్మనీ
'నేను'ను  నీలోను అనుభూతిచెందమనీ
సన్మార్గము చూపితివయ్యా అవధూత
నీ బోధలే మాకు గురుగీత ఇలలో ఆచరణగీత

చేయని పాపానికీ ఎంతటి దారుణం
తీరని ఆయువుకీ ఆకాల మరణం
తప్పు ఎవరిదో శిక్ష ఎవరికో ఈ ప్రమాదం
దయమానిన దైవమా ఇదా నీకు ప్రమోదం

1.ఏ కలల విహరించే వేళనో
ఏ గాఢ నిద్దుర సమయాననో
ఉసురు తీసెనెందుకో ఈ ప్రాణాంతక వాయువు
ఉక్కిరిబిక్కిరైరి జనం  అందక ప్రాణవాయువు

2.బ్రతికి ఉన్నవారు ఎందరో
చికిత్స అందుకున్న దెందరో
చిందరవందరాయే చిరుచిరు చిరు పొదరిళ్ళు
పుండుమీద పుట్రలాయే కరోనాలు కడగళ్ళు

3.ఊరడించడానికైతె నోరురావడం లేదు
సర్దిచెప్పడానికీ భాష చాలడం లేదు
నిన్న అందరున్న వారు అనాథలై పోయిరి కదా
ఆపన్న హస్తాలే వ్యధార్తుల నాదుకోవాలి సదా

https://youtu.be/TKTT_jSF7bA?si=5ulhxROd2tsKXquK

రచన,స్వరకల్పన&గానం:డా.రాఖీ

క్షణిక చలిత అలకనంద ఉరవడిగా
మందగమన మందాకిని ఒరవడిగా
కదలాడెను పదపదమూ ప్రబంధమై
పరిమళించె కవనమందు చందన గంధమై

1.అలతి అలతి అక్షరతతి భారతి ఆకృతియై
ఏమాత్రమైన సడలని మాత్రాగతి ఆ కృతియై
భావగాంభీర్యమై శ్రవణ మాధుర్యమై
అలరించెను రసజ్ఞ జన మనోజ్ఞమై

2.ఎదలయతో లయమై నటరాజ ఢమరుకమై
ఊపిరిలో స్వరఝరులై నవ జీవన వేణువై
పల్లవించె ఝల్లుమనగ పల్లవిగా గీతమే
నర్తించె చరణాలే తన్మయముగ సాంతమే

రచన,స్వరకల్పన&గానం:డా.రాఖీ

మూగవోతుంటారు మాటరాక
మౌనంగా ఉంటారు చెప్పలేక
ఎదలోని ఉద్వేగం ఎరుకపరుచలేకా
మది మెదిలిన స్పందనలే స్పష్టపరుచలేకా
అభిమానులారా అభివందనం
మీ హృదయంలో నా కవితలు
పదిలపరుచగా ఆనంద నందనం

1.వెచ్చించుతారు మీ విలువైన కాలాన్ని
చదువుతారు ఓపికగా నా కవితలని
వింటారు విసుగొందక నా కర్కష గాత్రాన్ని
భరించుతారు కొన్నికొన్ని నచ్చని భావాలని
అభిమానులారా అభివందనం
నను మరువని మీ మనసుకు
దాసోహం సదా -ధన్యోహం

2.ఏ మూలో దాగిఉంది మీలోన మానవత
ఎక్కడో అణిగి ఉంది ఎనలేని భావుకత
అష్టదిగ్గజాల పోషించిన అల రాయల అంశ మీరు
నవరసాల ఆస్వాదన జన్మతః మీ తీరు
అభిమానులారా అభివందనం
మీ ప్రేరణా ప్రోత్సాహం ప్రశంసలే
 నా కవనానికి స్ఫూర్తిదాయకం

ఎందుకు సుందరీ నీ జోలికైన వచ్చామా
దేనికి భామినీ నిన్నూహించుకున్నామా
ఉచితంగా ప్రదర్శిస్తె తిలకించక మానగలమ
అందాలను ఒలకబోస్తె తాపంతో మనగలమా

1.మార్జాలమల్లె నీవు కవ్విస్తూ ఉంటావు
మూషకాలమే మా ఉసురు తీస్తుంటావు
మా మానాన మమ్మూ బ్రతక నీవె మానినీ
తలవంచుక మమ్మింకా పోనీయవె తరుణీ

2.వాలమైతె లేదుగాని మేము వానరులమే
కైపులోన ఎప్పుడూ మునిగితేలు వారలమే
నీ సొగసు నిప్పు కణిక తొక్కునట్లు జేయకే
చిందులేయ ఉసిగొల్పీ బ్రతుకును చిదిమేయకే

https://youtu.be/NIGVSlAiF3g?si=B8Synu62_iCfLTh-

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం: హంసధ్వని

విఘ్నాధిపతివి కదా వినాయకా
నిమగ్నవని నా 'కుమతికి' పగ్గము వేయరా 
సంకటహర గణపతీ అభీష్టదాయకా
నా ప్రగతి బాట కంటకములు కడతేర్చరా
అన్యధా నాస్తి శరణాగతి నీయరా
నిను వినా వేడనైతి వేగమె కరుణించరా

1.తొలుత నిన్ను తలువకుంటె తప్పదు ఆటంకము
నిను పూజించకుండ సఫలమవదు కార్యము
ఇష్టదైవ మీవేయని స్పష్టపరచినానయ్యా
కష్టాలను తీర్చిమమ్ము గట్టెక్కించవయ్య
అన్యధా నాస్తి శరణాగతి నీయరా
నిను వినా వేడనైతి వేగమె కరుణించరా

2.చిన్ననాటినుండి నిన్ను నమ్మికొలిచినానయ్యా
ఎన్నడైనగాని స్వామి కోరినదొసగితివయ్యా
మన్నించర మహాకాయ నా పొరపాట్లను
పరిమార్చర ప్రమధనాథ నా ఇక్కట్లను
అన్యధా నాస్తి శరణాగతి నీయరా
నిను వినా వేడనైతి వేగమె కరుణించరా

రచన,స్వరకల్పన&గానం:డా.రాఖీ

కొందరి నవ్వుల్లో పూసేను మల్లెలు
కొందరి నవ్వుల్లో విరిసేను జాజులు
ముత్యాలు రాల్చేను మరికొందరి నవ్వులు
రతనాలు పొదుగుతూ మెరిపించేనవ్వులు
నవపారిజాతాలే నెచ్చెలీ నే మెచ్చిన నీ నవ్వులు

1.మొగిలి రేకులై గుచ్చేను కొన్ని నవ్వులు
ముద్దబంతులై విచ్చేను కొన్ని నవ్వులు
చేమంతుల ఘాటుతో కొన్ని నవ్వులు
గులాబీ నాజూకుతొ మరికొన్ని నవ్వులు
నవపారిజాతాలే నెచ్చెలీ నే మెచ్చిన నీ నవ్వులు

2.తంగేడు పూలంటి పాల నవ్వులు
గన్నేరు పూలవంటి గోల నవ్వులు
నందివర్దనాలే నవ్వీనవ్వని నవ్వులు
దవనంలా మత్తుగొలుపు మరికొన్ని నవ్వులు
నవపారిజాతాలే నెచ్చెలీ నే మెచ్చిన నీ నవ్వులు

బ్రహ్మ భువికి రాలేకా అమ్మను పంపాడు
ప్రేమనంత రంగరించి అమ్మద్వార వొంపాడు
సృష్టికే మూలంగా అమ్మని మలిచాడు
అమ్మ ప్రేమకోసమే జన్మలెన్నొ ఎత్తాడు

1.రెండు భిన్న కణాలతో గమ్మత్తే చేసాడు
తొమ్మిది మాసాలూ ప్రేగుతొ ముడివేసాడు
ఊపిరిలో ఊపిరిగా అమ్మతొ జతచేసాడు
దేహాత్మ భావనగా పుట్టుకనేర్పరచాడు

2.శిశువుగ ఉద్భవించ అమ్మ ఒడిలొ వేసాడు
స్తన్యమునే అమృతముని గ్రోలగ చేసాడు
బ్రతుకునేర్పు గురువుగా అమ్మను మార్చాడు
సాటిలేని అనుబంధం అమ్మతో కూర్చాడు

రచన,స్వరకల్పన&గానం:డా.రాఖీ

నీ గళమున పొంగి పొరలిందనా
నా గొంతులొ నింపావు గరళాన్ని
నీ కన్ను భగభగ మండిందనా
నా గుండెలొ రేపావు మంటలని
ఎందుకయా ఓ నీలకంఠా భావ్యమా పరమదయాళా
దేనికయా ఓ ఫాలనేత్రా న్యాయమా ఆశ్రితపాలా

1.గంగలాగ నిరంతం నా కంఠ మంతా కఫం
ఆమ్లంతో జ్వలిస్తోంది నా ఉరఃపంజరం
అలసటగా సాగుతోంది నాహృదయ పనితనం
నాడులే సుడివడి నడక నరకయాతనం
ఎందుకయా ఓ వైద్యనాథా భావ్యమా పరమదయాళా
దేనికయా మృత్యుంజయా న్యాయమా ఆశ్రితపాలా

2.ప్రకోపించ సాగింది కపాలాన పైత్యరసం
ఒంటినాక్రమిస్తోంది విచ్చల విడి వాతం
నరనరాన సన్నగిల్లె పట్టరాని పటుత్వం
సడలనీకు నీ ఎడల ఏమాత్రం విశ్వాసం
ఎందుకయా ఓసుందరేశా  భావ్యమా పరమదయాళా
దేనికయా ఓ కాలకాలా న్యాయమా ఆశ్రితపాలా

రచన,స్వరకల్పన&గానం:డా.రాఖీ

రాగం:హిందోళం

రేపంటూ ఒకటుంది
చీకటులకు సెలవంది
చిగురించును వసంతాలు
ప్రభవించును జీవితాలు

1.ఒంటరినని ఇపుడెంచక
దిగులేల ఏకాంతమనుభవించక
ఆత్మీయుల నడుమన కదలక
గడపడం వరమే ఇంచుక

2.అరచేతి స్వర్గం వదలక
అంబరాన ఉందని భావించక
బలపడు బంధం ప్రేమ దీపిక
కాపురాన కరువిక అరమరిక

3.శుచీ శుభ్రత శుభసూచిక
కల్మష రహిత మలయవీచిక
శతమానం భవతి ఆయువిక
అంతామన మంచికె గనక

రచన,స్వరకల్పన&గానం :డా.రాఖీ

చిగురుటాకూ కదలమాకూ కీచురాయీ ఈలనాపూ
చందమామా తప్పదు నీకు తప్పుకో ఇక మబ్బుచాటుకూ
చీమభామా నీవు సైతం చిటుకు మనకూ
చిన్నారి కన్నయ్యా నిదురపోయేనూ
నా జోల పాటకూ ఈ లాలి పాటకూ
లాలీజో లాలీజో లాలిలాలి లాలీజో

1.ఆటలాడీ అలసిపోయెను చల్లగాలీ వీచాలీ
పాలుతాగక గోల చేసెను నీవే బుజ్జగించాలీ
కిర్రుమనకే ఊయలమ్మా నిదురలోకి జారసాగే
జారిపడకే కొయ్యబొమ్మా ఉలికిపడుతూ బెదరసాగే
లాలీజో లాలీజో లాలిలాలి లాలీజో

2.వంత పాడగ చింత పడకుర పాటలన్నీ నేర్పుతానుర
వీడిపోదను భీతి వీడర హత్తుకొని నిన్నూరడింతుర
కలవరించకు కన్నయ్యా కలత నిదుర ఏలయ్యా
బంగారూ కలలు కంటూ విహరించి రారా విశ్వవీథుల
లాలీజో లాలీజో లాలిలాలి లాలీజో

రచన,స్వరకల్పన&డా.రాఖీ

ప్రేమని మోసుకొస్తుంది
ఒక అల్లరి పలకరింపు
బంధం చిగురింపజేస్తుంది
ఒక చల్లని చిలకరింపు
మానవీయ బంధాలను మించి ఏమున్నది
మహదానందం
మనసువిప్పి మాటాడితే జీవితాన
మకరందం

1.మనుషులమని మరిచిపోయి ముసుగులేసుకొంటాము
కులమతాల రంగులను మేన పూసుకొంటాము
ఎక్కించే రక్తానికి ఎవరిదైన ఎరుపు రంగె
కొట్టుకునే గుండెలధ్వని లబ్ డబ్ లబ్ డబే

2.సంపన్నవర్గమైన తిను అన్నం పరిమితమే
సబ్బండ వర్గానికైనా ఆకలి తీరగ ఉచితమే
ఉన్నోడికి లేనోడికి తేడాయే లేదులే
సంతృప్తి లేనప్పుడు ఏ బ్రతుకూ చేదేలే

3.ఇవ్వడమను గుణానికి పేదతనం తెలియదు
లోభత్వానికీ ఎంతగ ఉన్నా చాలనేచాలదు
పోగేసుక పోయేందుకు నూలుపోగూ రాదు
సాయపడగ సిద్ధపడితె ఏ మాత్రం తరిగిపోదు

మాతృదేవోభవ అన్నది అక్షర సత్యం
అమ్మ అనురాగం అనుభవైక వేద్యం
ఎంత పేద తల్లికైన తనయుడు యువరాజు
కొడుకు కడుపు నిండితేనె తనకు నిదుర రోజు

1.ఢిల్లీకి రాజైనా  తల్లికి ప్రణమిల్లేను
కొడుకు ఎంత దుడుకైనా అమ్మ ఆదరించేను
జగన్మిథ్య అమ్మ సత్యం తత్వమిదియేను
ముదిమివయసున అమ్మసేవయె తృప్తినొసగేను

2.పులకరించు అమ్మహృదయం పలకరిస్తేనూ
కనులనిండును బాష్పకణములు ఎదుటకొస్తేను
కన్నప్రేగు కాంక్షించును కొడుకు కుశలము
అమ్మ ఎదలయ పలవరించు కుమరుని విజయము

https://youtu.be/mw4a8-yUZrU

మొదటి కంటి చూపుతానె అమ్మా
మొట్టమొదటి నేస్తమే అమ్మా
        మొదట నేర్చుకున్న మాట అమ్మా
ఆ అమ్మఋణం తీర్చుకొనగ సరిపోదు జన్మ
ఈజన్మ మరియే జన్మ||

ఊయలగా మార్చింది ఒడినే
సవారికై నిలిపింది తన మెడనే
అంటనీయలేదునా కాలికి తడినే
ఇంటికే తెచ్చింది   తొలి గురువై బడినే-నేర్పింది బ్రతుకు   ఒరవడినే

లాలిపాటలోని హాయి అమ్మా
గోరుముద్ద కమ్మదనం అమ్మా
ముద్దాడే తీయదనం అమ్మా
కనిపెంచే అనురాగం అమ్మా-కనిపించే ఆ దైవం అమ్మా

అ అంటే అమ్మతో విద్యకు శ్రీ కారం
ఏచిన్ననొప్పైనా అమ్మా అని పలవరం
ఎంతవారికైనా అమ్మే ఒక వరం
కలవరించినా అమ్మ కలవరం-నా బాగే అమ్మకో కల-వరం

OK

రచన,స్వరకల్పన&గానం:డా.రాఖీ

( చి॥ ఏ. మనోజ్ఞకు అంకితం)
రాగం:షణ్ముఖ ప్రియ

నటరాజ పుత్రీ అభినవ అభినయ అభినేత్రీ
నీ పదము కదలాడ మురిసెను జనని ధరిత్రీ
ఆంగిక వాచిక భావోద్వేగాల నటనా వైచిత్రీ
భరతముని వరమునుగొని వరలెడి చంచలగాత్రీ

1.తాళము చెవిబడిన తాళదు నీతనువు
జతులకు గతులకు వెలయు ఇంద్రధనువు
మనోజ్ఞమౌ నీ నాట్య భంగిమ నయన మనోహరము
రసజ్ఞులౌ ప్రేక్షక జనులకు హృదయానందకరము

2.నృత్యరీతులేవైననూ దాసోహములే నీకు
లాస్యమన్నది పాదాక్రాంతమే నీ ఆకాంక్షకు
హరిణేక్షణలే నృత్తము నందున నీ నేత్రాలు
మయూరములే నేర్చుకొనును నీకడ పాఠాలు