https://youtu.be/dCw6ynpAtcg?si=tdJdiwXTw2P4B4Kx

రచన,స్వరకల్పన&గానం:డా.గొల్లపెల్లి రాంకిషన్ రాఖీ

వాడి తగ్గిపోయిందా నీ సుదర్శనం వాడి వాడి

సొట్టలు పడిపోయిందా కౌమోదకి మోదిమోది

పదును కోల్పోయిందా నీ ఖడ్గము నందకానిది

మూల జేరిపోయిందా నీ సారంగము నారి తెగి

ఏమైంది స్వామీ నీకు దుష్ట శిక్షణా లక్ష్యము వీగి

చతికిల పడిపోయావా బాలాజీ నువు చేష్టలుడిగి

1.సిరి సహురిలతో నిరంతరం సరసాలా

నైవేద్యాలలో చక్కెర పొంగలి పాయసాలా

లడ్డూ దద్దోజనాలూ ఆరగించ ఆయాసాలా

భక్తుల ముడుపులతో సరదాలు విలాసాలా

ఏమైంది స్వామీ నీకు దుష్ట శిక్షణా లక్ష్యము వీగి

చతికిల పడిపోయావా బాలాజీ నువు చేష్టలుడిగి

2.ఖండించు మాలోదాగిన దుష్ట శక్తులను

దండించు మదిలోని దానవీయ యుక్తులను

నిర్జించు అంతరాన పెట్రేగే దుర్జన మూకలను

సరిదిద్దు మా బ్రతుకును మెలితిప్పే వంకలను

ఏమైంది స్వామీ నీకు దుష్ట శిక్షణా లక్ష్యము వీగి

చతికిల పడిపోయావా బాలాజీ నువు చేష్టలుడిగి

 https://youtu.be/H8N2AAtzrDw

*రథసప్తమి శుభాకాంక్షలు*28/01/2023

రచన,స్వరకల్పన&గానం:డా.రాఖీ

తిమిరాన్ని పరిమార్చే అరుణభాస్కరా

జీవదాతవీవే పరంజ్యోతివీవే కరుణాకరా

చంద్రునికోనూలుపోగు చందాన రవీ నీకు నీరాజనం

నీవులేక మనుగడ సాగించలేరు మా ధరణి జనం

1.సప్తాశ్వరథా రూఢుడవు

సప్తవర్ణ సమ్మిళిత కిరణుడవు

కర్మసాక్షివీవు ధర్మం తప్పని వాడవు

నవగ్రహాధినేతవు అనుగ్రహ దేవుడవు

మంగళ హారతిదే మిత్రుడా

అక్షర హారతిదే ఆదిత్యుడా

2.సంధ్య ఛాయల ప్రియ పతివి

యముడు శనిదేవుల పితరునివి

ఆహార ఆరోగ్య వరప్రదాతవు నీవు

ప్రత్యక్ష నారాయణమూర్తి నీవు ఆర్తిని బాపేవు

కర్పూర హారతిదే కమలాప్తుడా

నక్షత్ర హారతిదే నమస్కార తుష్టుడా

 

https://youtu.be/MWLlb-tC568?si=9itduX73YdGNIHTu

రచన,స్వరకల్పన&గానం:డా.గొల్లపెల్లి రాంకిషన్ రాఖీ

వేడకు నన్ను ఆజ్ఞాపించు

అడగకు నన్ను పురమాయించు

నీ సేవ చేసుకొనుటె నాకు భాగ్యము

నీ పద దాసునిగా కడతేరిన ధన్యము

1.కడగంటి చూపులకే కరిగిపోతాను

పెదవంచు నవ్వులకే మురిసిపోతాను

ఒక్క పలకరింపు కొరకై అర్రులు చాస్తాను

దర్శనమిస్తివా ప్రేయసీ పరవశించి పోతాను

2.కలయిక కలయిక నడుమన స్థాణువునౌతాను

నువు నడిచిన దారులలో దుమ్ము రేణువునౌతాను

రోజొకపరి ననుతలవగ మంత్ర ముగ్ధుడనవుతాను

శ్రద్ధను కనబరచితివా నీ ప్రేమాగ్ని దగ్ధుడనవుతాను

https://youtu.be/0hu-3sjaMg4?feature=shared

 రచన,స్వరకల్పన&గానం:డా.రాఖీ

శ్రీ లలితా పరాభట్టారికా

శ్రీ రాజ శ్యామలా మణిద్వీపనగరి ఏలికా

శ్రీ చక్రరాజ సింహాసనేశ్వరీ జగదంబికా

శ్రీ రాజ రాజేశ్వరీ శ్రీవిద్యా శివాత్మికా

నమస్సులు నీకివే మానసా దేవీ

రుచస్సును నింపవే మామదిలో మంజులభార్గవీ

1.సూర్యకాంతి జగతికి ఐనా తిమిరమె మాకు

నెలకో పున్నమి లోకానికి చీకటే మా కన్నులకు

కన్నతల్లివే గదా గతుకులేలా మా పథములకు

జీవశ్చవాల రీతిగడుప తగునా నీ పుత్రులకు

నమస్సులు నీకివే మానసా దేవీ

రుచస్సును నింపవే మామదిలో మంజులభార్గవీ

2.ఏడాదికి ఒకమారు వస్తుందిగా వాసంతము

ఎడారిలోనూ కురియునెప్పుడో చిరు వర్షము

ఏది ముట్టుకున్నా ఔతోంది అంతలోనే భస్మము

ఈ జన్మకు లేదా మరిమా బ్రతుకుల హర్షము

నమస్సులు నీకివే మానసా దేవీ

రుచస్సును నింపవే మామదిలో మంజులభార్గవీ

https://youtu.be/9O6dzR_9i5A?si=_3B395pvXpYJpExM

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:అమృతవర్షిణి

వందనమిదె శ్రీ వాణీ

విద్యాదేవి వీణాపాణి

శరణు శరణు వేదాగ్రణి

శరణు తల్లీ విధిరాణి

1.నా ఆరాధ్య దేవతవు

నా హృదయ  సంస్థితవు

నా మానస వికసితవు

నా కవన విలసితవు

2.పాలించవె నలువరాణి

పలికించవె నుడుగుల చెలి

దయజూడవే ధవళాంగి

మముగావవే మేధావిని

 https://youtu.be/Wjn8Gtkq068

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:అభేరి(భీంపలాస్)

పంచవిధ కృతులతో సుప్రభాతం

పంచోపనిషత్తులతో నిత్యాభిషేకం

పంచభక్ష్యాలతో హృదయనైవేద్యం

పంచ జ్యోతులతో దివ్యనీరాజనం

నరహరే భక్తవరద నీకిదే శ్రీ చందనం 

ధర్మపురి హరీ స్వామి సాష్టాంగ వందనం

1.గోదావరి దరి అంచున జన్మించితిమి

నీ పాదాల పంచన నే జీవించితిమి

తల్లి తండ్రీ గురువుగ నిన్నెంచితిమి

కనురెప్పగ కాచెదవని విశ్వసించితిమి

మమ్మేలే మా రాజువని భావించితిమి

నరహరే భక్తవరద నీకిదే శ్రీ చందనం 

ధర్మపురి హరీ స్వామి సాష్టాంగ వందనం

2.ప్రతిరోజూ ఇరుసంధ్యల నీదర్శనం

మా మది భక్తి ప్రత్తులకది నిదర్శనం

అనుక్షణం అభయమొసగు నీ సుదర్శనం

ఇహపర సుఖదాయకం నీక్షేత్ర సందర్శనం

పావన ధర్మపురి తీర్థ క్షేత్ర సందర్శనం

నరహరే భక్తవరద నీకిదే శ్రీ చందనం 

ధర్మపురి హరీ స్వామి సాష్టాంగ వందనం

 https://youtu.be/ClaJw-nUoJE

రచన,స్వరకల్పన&గానం:డా.గొల్లపెల్లి రాంకిషన్ రాఖీ

కూపస్థ మండూకాన్ని

వ్యవస్థకు తూగని తూకాన్ని

నాకు నేనైన ఓ లోకాన్ని

నేనో పిచ్చి మాలోకాన్ని

1.పెద్దగా సాధన చేయను

ఏమంత వాదన చేయను

కాకిపిల్ల కాకికి ముద్దులా

కవితలెన్నో రాస్తుంటాను

2.ఎదుటి వారి ఊసేగిట్టదు

ఎవరేమను కున్నా పట్టదు

అందలాల  ఆశైతే గిట్టదు

అంతర్ముఖుడి నవగా తట్టదు

 

https://youtu.be/8Uxvhsp5CYk

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాధా రాధా నా ప్రణయ గాధ

కృష్ణాకృష్ణా నీవేలే నా జీవనతృష్ణ

సృష్టి ఉన్నంత కాలం విశ్వమంత విశాలం

మన అనురాగం మధురస యోగం 

మన సంయోగం  అపవర్గం

1.నా రేయికి హాయిని కలిగించే వెన్నెలవీవు

నా నోటికి ఉవ్విళ్ళూరించే వెన్నవు నీవు

నీ పదముల కంటిన మట్టిరేణువునే నేను

నా తలనలరించిన నెమలి పింఛము నీవు

2.శ్రుతివే నీవు లయను నేనైన గీతిగా

మువ్వలు నేను మురళివి నీవైన కృతిగా

యుగయుగాలుగా తీరని చిగురాశగా

మన ఆత్మల కలయిక పరమాత్మ దిశగా

 https://youtu.be/fbKSQ39DqIc

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ప్రతి భంగిమ ఒక మదన సంచిక

పడతి ప్రతికదలిక మలయవీచిక

ప్రణయోద్దీపికగా ప్రమద అష్టవిధ నాయిక

రాసకేళి మార్గదర్శికగా రమణి రమ్య వైణిక

1.కుచ్చిళ్ళను పెకెత్తి గోదాట్లో కాళ్ళకడుగు వేళ

లేత తమలపాకులా పాదాల మంజీరాలే కళకళ

కొంగును నడుము దోపి చంక నీటి బిందెనెట్టి

తడిపొడిగా తనువే వయారాలతో ఊగే పుట్టి

2.వాకిట ముగ్గునెట్టు తరుణాన వలపుల తరుణీ 

వాలే ముంగురులను ఎగదోస్తూ ఓ ఇంద్ర నీలమణి

పూజకు పూలుకోస్తూ కొసకొమ్మకు ఎగిరే ఎలనాగ

దాగిన అందాలే కనువిందుచేయు షడ్రసోపేతగా

3.కురులార బెట్టకొని చిక్కులు తొలగించుకొనే చిగురుబోడి

పురుష పుంగవుల కెవరికైనా రేపును ఒంటిలోన వేడి

చతుర్విధ జాతుల కలబోతగా తలపించును అర్ధాంగి

షట్కర్మయుక్తగా మగని బ్రతుకున అడుగుడుగున శుభాంగి

 

https://youtu.be/INrWlojbEtE?si=M_U1u_BEFFBSzWAU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:చంద్రకౌఁస్

ఉగ్ర నారసింహా యోగనారసింహా

ధర్మపురీ లక్ష్మీనరసింహా

ఏ దేవుడు లేడు ధరలో నీ తరహా

దూరాల భక్తులకు నీవు కల్పవృక్షము

మాఊరి దాసులకు ఎప్పటికిక మోక్షము

1.దీపం క్రిందే స్వామీ చీకటటా

నీపదముల కడ మేముంటిమి అకటా

కుదరదాయే మాపై నీదృష్టి సారించుట

తప్పించుము సత్వరమే మా కటకట

2.ఇంటి చెట్టు మన మందుకు పనికిరాదట

నీ వరములు కనికరములు  మందికేనట

దగ్గరి వారమంటె నరహరి నీకైతే  అలుసట

నిను వేడివేడి చాన్నాళ్ళుగ పొందితిమి అలసట

https://youtu.be/mj2OrKXBCX0

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హంసనాదం

బుట్టలో పడబోకే బుట్టబొమ్మా

మత్తులో మునిగిపోకే పూలకొమ్మా

మొహం మొత్తుతుంది ఏదో రోజు

కొత్త పాతై రోతగ మారడమే రివాజు

1.కైపు కలుగజేస్తాయి ప్రశంసలు పొగడ్తలు 

అలవాటుగ అయిపోతేనో అవి అగడ్తలు

కూరుకపోతాము మనకు తెలియకుండానే 

మొగ్గగానే వాడుతాము ఎదిగి ఎదగకుండానే

2. దీపానికి ఆహుతి ఔతాము శలభాలమై

జీవితాన్ని కోల్పోతాము సాలెగూటి ఈగలమై

చుట్టూరా కోటరి చూసైనా మేలుకుంటె మేలు

పట్టుబట్టి వినకుంటే నిస్సహాయత నా పాలు

https://youtu.be/9ORZc_gYTUU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

చిత్రాలు:బాలినేని వరప్రసాద్

రాగం:మాండు

రాజేశుడ రాజేశుడ ఎములాడ రాజేశుడ

అక్కపెల్లి రాజేశుడ మా దరంపురి రాజేశుడ

బుగ్గరాజేశుడ  దుబ్బ రాజేశుడ  గుట్ట రాజేశుడ

నీకు దండాలు 

దయగల్ల మా రాజేశుడా నీకు పొర్లుడు దండాలు 

1.కొబ్బరికాయలు  కొట్టిమొక్కేము

కోడెను గట్టి గట్టిగా మొక్కేము

తలకున్న నీలాలు నీకిచ్చుకుంటాము

బెల్లంతొ తూకాలు వేయించుకుంటాము

గండా దీపాలు వెలిగించుతుంటాము

సల్లంగా సూడమని సాగిల పడుతుంటాము

2.నమ్ముకుంటె సాలు సత్తెము సూపేవు

కొలుసుకుంటె ఎదలొ కొలువు దీరేవు

పేదోళ్ళ పాలిటి పెద్ద పెన్నిధివి నీవు

పాడి పంటల్నిచ్చి మము పెంపు జేసేవు

ఒక్కపొద్దు నోముబట్టి సోమారముంటాము

మా నవ్వుల పువ్వుల్ని వాడ నీకంటాము

 https://youtu.be/xZDVfD1hzIg

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హిందోళం

వేంకటేశం పరమ పురుషమ్

శ్రీ వేంకటేశం ధర తిరుమలేశమ్

అశేష భక్తజన విశేషమ్ సప్తగిరీశం

అలమేలు మంగా హృదయేశం

పద్మావతీ ప్రియేశం వందే రాఖీకవి పోషమ్

1.బ్రహ్మేంద్రాది దేవ సుపూజితమ్ 

శంఖ చక్ర గధాయుధ విరాజితమ్

కౌముదీ సమ వీక్షితమ్ కౌస్తుభ వక్షాంకితమ్ 

తులసీదళ ప్రియం వైజయంతి మాలాశోభితమ్

జగదీశం హృషీకేశమ్ వందే రాఖీ కవిపోషమ్

2.సదా అమందానంద కందళిత 

హృదయారవిందమ్ గోవిందమ్

శరణాగతవత్సలమ్ కరుణాకరమ్

అనాథనాథమ్ ఆపద్బాంధవమ్ ముకుందమ్ 

అఖిలాండేశమ్ శ్రీశమ్ వందే రాఖీకవిపోషమ్

https://youtu.be/gC_Hxs7baiU?si=TLxKGz7AUKQOmpVX

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:రేవతి

ఓం ఓం ఓం ఓం ఓం

ప్రణవమే విశ్వాధారం

ప్రణవమే విశ్వానికి మూలం

ప్రణవమే ఓం కార బీజ నాదం

ప్రణవమే సృష్ట్యాది మూలవేదం

ఓం ఓం ఓం ఓం ఓం

1.అకార ఉకార మకార సంయుతం ఓం

సత్వరజస్తమో గుణత్రయాతీతం ఓం

నిరాకార నిరామయ నిరంజనం ఓం

బ్రహ్మవిష్ణుశివాత్మకం జగన్మాత రూపం ఓం

ఓం ఓం ఓం ఓం ఓం

2.సప్త స్వర వర ప్రదం ఓం కారం

సప్త చక్ర ఉద్దీపక సాధనం ఓంకారం

సప్తధాతు చైతన్యకరం ఓకారం

సప్తవ్యసన సమూల హారకం ఓంకారం

ఓం ఓం ఓం ఓం ఓం

 

https://youtu.be/PA38Bj-xPpQ

రచన,స్వరకల్పన&గానం:డా.గొల్లపెల్లి రాంకిషన్ రాఖీ

మరుగు పరచినాను మనసులో నీ చిత్రాన్ని 

పదిల పరచినాను మదిలోన నీ తలపులని

ప్రతీకగా ఏదో ఒకదాన్నీ-నీవే అనిపించిన ప్రతిదాన్నీ

జత పరచుతాను ప్రతి కవితకు-శ్రుతి కలుపుతాను గీతానికి,ఊహకు ఊతానికి

1.చిత్తరువులొ ఏదో ఒకటి-నీ సాటికి పోల్చుకొని

సొగసులలో మిలమిలలేవో నీవిగా భావించుకొని

ఏ మాటా రాకూడదని ఇబ్బంది పడకూడదని

నాకు నేనే తృప్తి పడి వెలువరిస్తున్నా చిత్రకవితని

కవితకు చిత్రాన్ని

2.బిడియమెంతొ పడుతూనే బింకాన్ని నటియించి

హృదయానికి చేరువ అవుతూ దూరాన్ని పెంచి

వదలలేకా చేపట్టలేకా సాకులేవో బుకాయించి

ఆటాడుకుంటూనే ఉంటావు నా కవిని ప్రేమించి

నన్ను తప్పించి

 

https://youtu.be/zNp94vR3ius

రచన,స్వరకల్పన&గానం:డా.గొల్లపెల్లి రాంకిషన్ రాఖీ

జయము జయము మహాకవీ వాచస్పతికి

జేజేలు జేజేలు సంస్కృత సారస్వత మూర్తికి

శ్రద్ధాంజలి శ్రీభాష్యం విజయసారథీ ఆచార్యులకు

జోహారు జోహారు సంస్కృత భారతీ గురువర్యులకు

1.జన్మించిరి గోపమాంబ నరసింహాచార్యులవారి తపః ఫలమ్మున

గుర్తింపు తెచ్చిరి పుట్టిన చేగుర్తి గ్రామానికే జగాన

గీర్వాణ విద్వద్వరేణ్యులై ఉదయించిరి శ్రీభాష్యం వంశాన

పేరొందిరి విజయసారథి గురువర్యులు మహామహోపాధ్యాయ నామాన

2.చిరుతప్రాయమందుననే  అమరభాష నేర్చినారు

మాతృమూర్తి స్ఫూర్తితో శ్రీ వ్రతగీతిని కూర్చినారు

షట్ శాస్త్రాలను అవలీలగా ఆపోశన పట్టినారు

యుక్తవయసులోనే ఖండకావ్య సృజన సల్పినారు

నివాళులివే విఖ్యాత మందాకిని గ్రంథకర్తకు

నీరాజనాలు సంస్కృత సీసశ్ఛందావిష్కర్తకు

3.దేశభక్తి ప్రేరేపిత భారతభారతి కావ్య కవనమ్

కృష్ణభక్తి పూరిత రసరమ్యం సంగీత మాధవమ్

వెలయించిరి యజ్ఞవరాహక్షేత్రం వైదిక సంస్థానమ్

వరించెనీ శతాధిక కృతికర్తను పద్మశ్రీ పురస్కారమ్

నివాళులివే విఖ్యాత మందాకిని గ్రంథకర్తకు

నీరాజనాలు సంస్కృత సీసశ్ఛందావిష్కర్తకు

 

https://youtu.be/rz9qbE770l0

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:జోన్ పురి

ఆపక తప్పదు ముందుకేగు నా పయనం

వదలక తప్పదు ఈ బాహ్యం ఏదో ఒక శుభోదయం

సాగాలి నాలోని అంత రాల లోనికి

వీడ్కోలు చెప్పాలి వ్యామోహాల లోకానికి

1.త్యజించటం సాధన చేయాలి ఒకటిఒకటిగా

విదిలించుకోవడం అలవర్చుకోవాలి పరిపాటిగా

ఎంతగా  భారాలు తగ్గించుకొంటే అంతటి సౌఖ్యం

బంధాలు బంధనాలుగా మారకుండుటే ముఖ్యం

2.అరవయ్యేళ్ళ జీవితాన ఆటుపోటులెన్నెన్ని

అనుభవాలు అనుభూతులు కావలసినన్ని

రేపు మాపని వాయిదాలు వేయుటే పిచ్చిపని

మీనమేషాలేలా నను కనుగొన శషభిషలాపని

 https://youtu.be/mZtfpa_i5hQ

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:పుష్పలతిక

దయా హృదయవీవు

సామ ప్రియ శారదవు

కఛ్ఛపి వీణా వాదన వైశిష్ట్యవు

మంజుల మంద్రస్వర సంతుష్టవు

ప్రణతులివే ప్రణవీ మా ఇష్ట దేవతవు

మా మతిలో కృతిలో భారతీ నీవే కలవు

1.శ్వేత పద్మాసిని శ్వేతాంబరధారిణి

హంసవాహిని ప్రశాంత రూపిణి

చంద్రానన వాణీ సుమధుర హాసిని

ప్రణతులివే ప్రణవీవే మా ఇష్ట దేవతవు

మా మతిలో కృతిలో భారతీ నీవే కలవు

2.సప్త స్వర మాతృక సప్త వర్ణాత్మిక

సప్త జ్ఞాన భూమిక సప్తచక్రోద్దీపిక

సప్త జన్మ కృత దోష పీడా హారిక

ప్రణతులివే ప్రణవీవే మా ఇష్ట దేవతవు

మా మతిలో కృతిలో భారతీ నీవే కలవు

https://youtu.be/aJ2sfizseJ8?si=sba9M6Wvb_PQo_0b

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఆడుతూ పాడుతూ ఆనందంగా

అనుక్షణం సాగాలి బ్రతుకే వినోదంగా

కుదరనపుడు వదిలేసెయ్ జస్ట్ లైక్ దట్

కొత్త షూలొ కాలెట్టేసెయ్ దట్స్ మై ఫూట్

1.పదేపదే పాకులాడడం

చూరొట్టుక వ్రేలాడడం

ఛీదరించి ఛీ కొట్టినా దేబిరించడం

బ్రేకప్పని చెబుతున్నా బ్రతిమిలాడడం

లైట్ తీస్కో గింజుకోక

ఫర్ గెటిట్ ఖంగుతినక

2.అడుగెయ్యి కాన్ఫిడెన్స్ గా

యూత్ ఐకాన్ కి  రెఫరెన్స్ గా

లైఫంటే ఎంజాయే లైఫంతా ఎంజాయే

వీకెండొస్తే పబ్బు పార్టీ మజా మజాయే

సాలరినంతా బర్నింగ్ చెయ్యి

మోర్ అండ్ మోర్ ఎర్నింగ్ చెయ్యి

 

https://youtu.be/ANNH7rNfMX4

రచన,స్వరకల్పన&గానం:డా.గొల్లపెల్లి రాంకిషన్ రాఖీ

కట్టెలమోపు నెత్తి నెత్తుకొని

పిల్లా జెల్లా సంక నెట్టుకొని

చేయీ చేయీ చేరి పట్టుకొని

వస్తిమి నర్సయ్య నీ జాత్రకని

ధరంపూరి నర్సయ్యా జాత్రకని

1. గోదాట్లొ సరిగంగతానాలు చేసుకొని

కొబ్బరికాయలు బత్తెరసాలు కొనుక్కొని

బుక్కగులాలు తుల్సి మాలలు చేకొని

నర్సిమ్మసామి గోవిందా అని మొత్తుకొని

వస్తిమి నర్సయ్య నీ గుళ్ళకని

ఏగిరమే నిను జూడ మనసు పడి

2.పుట్టెంటికలూ సామి నీకిచ్చేసి

మొక్కులు ముడుపులు ఇడిపించేసి

పట్టెనామాలు కోరమీసాలు నీకు పెట్టేసి

పట్టుబట్టలు బాసికాలను ముట్టజెప్పేసి

వస్తిమి నర్సయ్య ఈ ఏట నీ లగ్గానికని

సంబురపడ్తిమి సామి లచ్చమ్మతొ నీ పెళ్ళి గని

https://youtu.be/cNa4NNVwFXE?si=zrSX9puZDwMojfik

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

చినుకు పలకరిస్తుంది-గాలి అనునయిస్తుంది

పువ్వుసైతం రువ్వుతుంది-ఓ నవ్వు నా కోసం  

నీకేలనే చెలీ నేనంటే ఇంత ఉదాసీనం

చంపివేయి ఒక్కసారే సైచలేను నీ మౌనం

1.నేనంటూ ఉన్నానని అసలు గుర్తించవు

నేనంటూ ఉంటానని ఏ మాత్రం గుర్తుంచుకోవు

నా అంతట నేనే చొరవతీసుకుంటా కలవడానికి

పట్టిపట్టి నీతో మాటకలుపుతాను దగ్గరవడానికి

దాటవేస్తుంటావు కుంటిసాకులెన్నో చెప్పి

మాటమార్చుతుంటావు మరులనే గుప్పి

2.ప్రణాళికలు రచించాలి నీ అందం చూడడానికి

ప్రయత్నాలు ఫలించాలి నిమిషమైన గడపడానికి

గుడిలోని దేవత సైతం ఇస్తుంది దివ్యదర్శనం

నా దేవిగా ఆరాధించినా ప్రసాదించవేల వరం

ఎలా చేసుకోను నిన్ను అనునిత్యం ప్రసన్నం

నీవు లేని నా బ్రతుకే అత్యంత అధ్వాన్నం

 https://youtu.be/wqPxxn9A15Y

రచన,స్వరకల్పన&గానం:డా.గొల్లపెల్లి రాంకిషన్ రాఖీ

గోదావరి స్నానమంటె పరమానందము

నరసింహుని దరిశించుకొంటె జన్మ ధన్యము

ధర్మపురి తీర్థ క్షేత్ర సందర్శన భాగ్యము

పుణ్యానికి పుణ్యము కలుగును ఆరోగ్యము

1.సత్యవతి గుండము సర్పదోష హరము

బ్రహ్మగుండ దృశ్య వీక్షణం మనోహరము

గౌతమినదీ తీర విహారము ఆహ్లాదకరము

ముమ్మారులు మునిగితే సిద్ధించును పరము

2.స్నాన ఘట్టాలలో భద్రతా సౌలభ్యము

గలగలపారే ప్రవాహాన కడు సౌకర్యము

చిన్నగడి పెద్దగడి శివ పంచాయతన ప్రాంతము

చిన్నా పెద్దా ఇంటిల్లిపాదికీ అనుకూలవంతము

2.హన్మాన్ కోవెల సంతోషీ మాత గుడి

 దత్తమందిరం శ్రీ సీతా రామాలయము

షిరిడీ సాయిబాబ సంస్థిత సన్నిధానము

నది ఒడ్డున ప్రతి గుడీ భక్తి ముక్తిధామము

 https://youtu.be/3EwRhVk0OZQ?si=TQ_1ZONMhkfxh8-S

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:నాట

మనసు నీమీద నిలుపనైతి ఓ మహాదేవ

చిత్తమందు భక్తిభావం అస్థిరమాయే పరమశివా

చేరదీయి ప్రేమమీర నన్ను ప్రభో చంద్రశేఖరా

మార్గదర్శి నీవే నాకు నమో రామలింగేశ్వరా

1.బిల్వదళాలతో కొల్వనైతి ఖట్వాంగధరా

దోసెడు నీరైన నీపై పోయకుంటి గంగాధరా

వేదమంత్రాలతో పూజించకుంటిని విశ్వేశ్వరా

భజన గీతాలతో కీర్తించకుంటిని భీమేశ్వరా

2.గుడిలో నీ లింగాన్ని దర్శించనైతి దూర్జటి

శివ క్షేత్రాల కెపుడు యాత్రగా చననైతి ఝర్ఝరీ

సోమవారమునాడైనా ఉపవసించనైతిని కపర్దీ

శివరాత్రి జాగరణా ఎరుగకుంటి నేను ఉదర్బీ

https://youtu.be/eycd43Rvz_A?si=y32uNBpRrtHBbLyR

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:ద్విజావంతి

నాకింతటి అంతులేని దేహ మనో చింత నా

అనంతా అచ్యుతా తిరువేంకటనాథా కొఱవడెనా నీ చింతనా

నను మననీయవైతివే మంగాపతి నీ చెంతన

నిర్మించనీయవైతివే నీకూ నాకూ నడుమన వంతెన

వాసుదేవ గోవిందా వనమాలీ నరహరి

వామన పురుషోత్తమా ముకుంద మురారి

1.మొక్కుబడిగ నిను మొక్కితె చిక్కెడి వాడవేఁ?

మొక్కనుండి విడివడితే నీ తలపుల పూలు వాడవేఁ!

మా మొక్కులు ముడుపులు మిక్కిలై ఏవీ వాడవేఁ?!

మొక్కవోని భక్తితో ఎక్కిన దక్కెడి ఏడుకొండల రేడువే !

వాసుదేవ గోవిందా వనమాలీ నరహరి

వామన పురుషోత్తమా ముకుందా మురారి

2.గరుడాద్రి వృషభాద్రి నధిగమించ మా గండాలు తొలగు

అంజనాద్రి నీలాద్రి నధిరోహంచగ నీ అనుగ్రహమే  కలుగు

శేషాద్రి వేంకటాద్రి నెక్కితే మా ఆత్మజ్యోతి వెలుగు

నారాయణాద్రి చేరితే స్వామి నీ దివ్య దర్శనము దొరుకు

వాసుదేవ గోవిందా వనమాలీ నరహరి

వామన పురుషోత్తమా ముకుంద మురారి

 

https://youtu.be/oMcgAGVGonU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:పీలూ

పౌష్యలక్ష్మి నీకుమా హార్దిక  స్వాగతం

ధాన్యలక్ష్మి నీదయతోనే మా జీవితం

మకర సంక్రాంతి లక్ష్మి మంజుల మానస లక్ష్మీ

ఏతెంచును నీతోనే భువిన ఉత్తరాయణం 

మేమర్పింతుము  పితరులకు తిల తర్పణం

సంకురాతిరి పండుగ మా సంతోష కారణం

1.పాడీ పంటలతో నిండును మా గాదెలు

పిల్లాపాపల సందడితో పండును మా కలలు

అంబరాన ఎగురును రంగురంగుల పతంగులు

పందాలు పరాచికాలు విందులు వినోదాలు

సంబరము సంరంభము  సయామీ కవలలు

సంకురాతిరి పండుగ మా సంతోష కారణం

2.భోగి మంటలు పిండి వంటలు కొత్త జంటలు

సకినాలు చెవోడీలు జంతికలు లడువాలు 

రంగవల్లులు రథం ముగ్గులు పల్లె పడుచుల సిగ్గులు

డూడూ బసవలు రంగని తలచే హరిదాసులు

బంతులు చామంతులు ఇంతుల కనుమ నోములు

సంకురాతిరి పండుగ మా సంతోష కారణం

OK

*సంక్రాంతి శుభాకాంక్షలు*

 

https://youtu.be/umpwCFBdiqA?si=4xG4awI6OCIFVO8q

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:పహాడి

నరహరీ నీ దయ-మా బ్రతుకే నీదయ

నీ నామమే ధ్వనించు మా ఎద లయ

ఉఛ్వాస నిశ్వాసల నీ  స్మరణమేనయా

నీ నీడలొ కడతేరుట మా ధర్మపురీయుల భాగ్యమయా సౌభాగ్యమయా

1.గోదావరి ఆలపించు నీ సంకీర్తన గలగలరావాలతో

కోనేరు పులకించు తెప్పోత్సవ డోలోత్సవాలతో

వరాహతీర్థము మురిసేను నీవే తనదరి చేరినంతనే

తామర పూలకొలను తరించును ఏటా తనకడ నీవొచ్చినంతనే

2.నీ సుప్రభాత గీతాలు మము మేలుకొలుపును

నదికి పోయి తానమాడ మా పాపాలు తొలగును

మందిరాన నీ సుందర రూపుగని ధన్యత నొందేము

నిత్యము నీ చింతనలో మునిగే మా పుర జనులకు

వైకుంఠప్రాప్తి తథ్యము

https://youtu.be/8qIaolh_GVI

 రచన,స్వరకల్పన&గానం:డా.రాఖీ

రాగం:రేవతి

గానము రమణీయము

గానము కమనీయము

గానమెపుడు శ్రవణపేయము

గానమే అమృత పానీయము

సంగీతజ్ఞులకు అనుభవైకవేద్యము

1.గానమనగ సామవేదము

గానము ఓంకార నాదము

గానము సప్తస్వర సంభవము

గానము సరస హృదయ రవము

రసపిపాసులచే  ప్రశంసనీయము

2.శిశుర్వేత్తి పశుర్వేత్తి గానము

  సర్వరోగ ఔషధము గానము

  నారద తుంబురు ప్రియగానము

  ప్రాణప్రదమే సర్వదా నాకు గానము

  మనసా వచసా శిరసా మాననీయము

 https://youtu.be/1u-gf2tx4eE?si=cBbUnqWS7nNukuem

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:ఉదయ రవి చంద్రిక

అక్షర కుసుమాలతో అర్చించెదను

సలలిత పద మాలతో ఆరాధించెదను

గేయాల పాయసాన్ని నైవేద్యమిడెదను

నీ చరణదాసునిగా నను మననీయమని వేడెదను

తన్మయముగ ఎలుగెత్తి భారతీ నీ గీతి పాడెదను

1.హంసవాహినీ మాతా పుస్తక హస్తభూషిణి

కర మాలాధారిణి వాణీ శ్వేతాంబర శోభిణి

వాగ్రూపిణి పారాయణి వేదాగ్రణీ విధిరాణీ

కరుణామృతవర్షణి మేధావిని మాం పాహి సనాతని

వీణాపాణి మంజుల వాణి

2.మిడి మిడి జ్ఞానము మా పూర్వజన్మ పాపము

వికృత ప్రేలాపనం మా కుత్సిత కుంచిత నైజము

పుట్టుకలో తల్లిదండ్రలనే ప్రశ్నించే నికృష్ట వైనము

ప్రక్షాళనచేయవే స్థాయినిమించిన మా కుతర్క వాదము,వితండ వాదనము

 https://youtu.be/mjn4ayelz68?si=FoOwY7_lIbdU3fuC

రచన,స్వరకల్పన&గానం:డా.గొల్లపెల్లి రాంకిషన్ రాఖీ

మనసు మాటవినదు ఎంతగా చెప్పిచూసినా

తలపు జాలి కనదు పదేపదే ప్రాధేయపడినా

నీవైపే లాగుతుంది దృష్టిని మరలించినా

నిన్నే తలచుకొంటుంది వలదని బెదిరించినా

వ్యర్థ పోరాటమే నాది  చెలీ నిత్య ఆరాటమే మదిది

1.మనిషిగా దూరమవుతున్నా 

బ్రతుకు నీతో ముడిపడిపోయింది

పైకి చూడ నాటక మాడుతున్నా

అంతరంగమే నిన్ను ఆరాధిస్తోంది

నూటిలో ఒక్కడిగా నన్ను జమకట్టావే

నువ్వే నా దేవతగా ఎదలో గుడికట్టానే

2.నిన్ను వంచించుకుంటూనే

నన్ను ఉడికించ కించపరిచేవు

నిన్ను నిభాయించుకోలేకా

నన్ను మాత్రం దబాయిస్తునావు

నీకు నేను నిజంగానే ప్రియా ఓ పిపిలికం

నీవున్న చోటే నాకు సఖీ అసలైన నాకం

 https://youtu.be/oG7voDtQzeA?si=T-Qdj-UyjRa2g3xN

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:ఆనంద భైరవి

శాంతమూర్తి ప్రశాంత మూర్తి

యోగమూర్తి అనురాగమూర్తి

నమోస్తుతే ధర్మపురీ నరసింహమూర్తి

పరిమార్చరా ప్రహ్లాద వరదా మా ప్రపన్నార్తి

1.నరకేసరీ భక్తవత్సలా నీకులేరెవరు సరి

అడియాసకు లోనవరు ఎవరూ నినుకోరి

కొంగున బంగారమే నిను వేడిన ప్రతిసారి

మంగళ గ్రహ దోష హారి చక్రధారి నరహరి

2.రంగరంగా కరుణాంతరంగా నరసింగరాయ

మనసారా నమ్మితిమి మముగన్న నరసయ్యా

మంచిబుద్ధి ప్రసాదించు గోదావరి తీర నిలయ

ముక్తిదిశగ నడిపించు పరమ దయా హృదయా

 https://youtu.be/8fiaYRDCuXU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:శివరంజని

నే పుట్టీపుట్టగానే కలం పట్టీపట్టగానే

మొదలెట్టా నీపై చెలీ ఇలా కవితనల్లడం

నీ అపురూప ముగ్ధ మనోహర సౌందర్యం వర్ణించడం

లలిత లావణ్యమౌ నీ మంజుల హాసం ప్రస్తుతించడం

అరవయేళ్ళొచ్చినా అయిపోలేదు ఆ కవనం

ఆపను నీతో నా ఆఖరి శ్వాసదాక ఊహా సహజీవనం

1.నీతో ఉన్నంతసేపూ నా ఎదర వసంతమే

పగలైనా వెన్నెల చిలికేను నీ మధుర హాసమే

మంచులా కరుతుంది సమయం విస్మయంగా

యుగాలైనా క్షణాలై రెప్పపాటే నీతో జీవితంగా

అరవయేళ్ళొచ్చినా అయిపోలేదు ఆ కవనం

ఆపను నీతో నా ఆఖరి శ్వాసదాక ఊహా సహజీవనం

2.మనమున్నదే లోకమై,లోకులెవరూ లేనిదై

నిన్ను చూస్తూ కాలాన్ని భోంచేస్తూ నీ ధ్యానినై

కాగితాలు చాలవు నా గేయం ఆగని హయమై

లక్షణాలు లక్షలై పాటే నీవుగా ధ్యేయం కావ్యమై

అరవయేళ్ళొచ్చినా అయిపోలేదు ఆ కవనం

ఆపను నీతో నా ఆఖరి శ్వాసదాక ఊహా సహజీవనం

 

https://youtu.be/NjmsA8nMfVU?si=9Jc9NcP6D8nTG7rU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:ముఖారి

విశ్వనాథుడు విశ్వేశ్వరుడు

విశ్వానికి మూల పురుషుడు

విశ్వతేజుడు విశ్వాత్ముడు

విశ్వసించదగిన భక్తపరాయణుడు

శివుడు సదా శివుడు సాంబ శివుడు భవుడు

ఓం నమఃశివాయ ఓం నమః శివాయ

1.గరళము మ్రింగిన సరళ హృదయుడు

పిలిచిన పలికే భోలాశంకరుడు

సరగున బ్రోచే కరుణాకరుడు

బాలకుడా మార్కండేయ వరదుడు

శివుడు సదా శివుడు సాంబ శివుడు భవుడు

ఓం నమఃశివాయ ఓం నమః శివాయ

2.త్రిపురాసుర హరుడు భవహరుడు

త్రిలోకపూజ్యుడు త్రిగుణాతీతుడు

త్రిభువన సుందరి ప్రియవరుడు

త్రినేత్రుడు శంభుడు త్రిశూలధరుడు

శివుడు సదా శివుడు సాంబ శివుడు భవుడు

ఓం నమఃశివాయ ఓం నమః శివాయ

https://youtu.be/ONu0VN1p6ck

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

కాపురాలకెసరొచ్చే రేపల్లెలో నీ మాయ జిక్కి కృష్ణా

గోపికలే మైమరచేరు నువు మభ్యపెడితె దొంగ కృష్ణా

మచ్చిక చేసుకొనగ నిను మించరెవరు కొంటె కృష్ణా

నువు విసిరే వలలొ పడని వనితే లేదు వంశీకృష్ణా

1.నాదస్వరమల్లే మురళిని వాయించి లొంగదీస్తావు

పొగడ్తలే కుమ్మరించి గొల్లభామలందరి ఉల్లము దోస్తావు

నీ మాటల మత్తులో చిత్తుకాని చిత్రాంగి ఇలలో లేదు

నీ అక్కునజేరాక మతిపోని అతివంటూ ఉండనే ఉండదు

2.ఇంటిలోన బొంకి సైతం నీ వంకవచ్చేరు జంకులేక

ఒంటి పైన ధ్యాసేలేక నీ వెంటబడతారు కాదు కుదరదనక

అష్టభార్యలందరినీ ఆకట్టుకున్నావు కనికట్టుచేసేసి

ఇష్టసఖులెందరున్నా వద్దనక మురిపిస్తావు ముద్దుచేసి

 https://youtu.be/LGVUIdUI49I?si=Kb-Rm60Szy0qu8FI

రచన,స్వరకల్పన&గానం:గొల్లపెల్లి రాంకిషన్ రాఖీ

పూర్వజన్మ సుకృత వరమే పురందరదాసుది

అపూర్వ తపఃఫలంబే ఆ అన్నమాచార్యునిది

సర్వస్య శరణాగతి ప్రతిఫలమే త్యాగరాజుది

ఏ వ్రత ఫలితమ్మో తరిగొండ వెంగమాంబది

మధురమైన గళముతో తిరుమలేశ నిను నుతించిరి సంప్రీతి

గాత్రమే గరళమై గానమునకు దూరమై వేంకటేశ ఏల నాకీ దుర్గతి

1.ప్రయాసలెన్ని పడినానో పాట పాటవానికై

ప్రయత్నమెంత చేసానో గానమాధురి కొరకై

జన్మతః శాపమే కంఠమందు మార్ధవమే కరువై

జన్యులోపమే నా గొంతులోన కర్కశమే కొలువై

గాత్రమే గరళమై గానమునకు దూరమై వేంకటేశ ఏల నాకీ దుర్గతి

2.విధేయుడినై నుడివితి నా కృతులు పాడమని

ప్రాధేయ పడితిని పదేపదే గాయనీ గాయకులని

కనిపించినవారినల్ల అడిగితిని పాడుదురాయని

కన్నీటితొ వేడితిని స్వామీ నాకు గొంతీయగలేదని

గాత్రమే గరళమై గానమునకు దూరమై వేంకటేశ ఏల నాకీ దుర్గతి

 https://youtu.be/l4o-i9hwTIE?si=NfODglm9udHLidVu

రచన,స్వరకల్పన&గానం:డా.గొల్లపెల్లి రాంకిషన్ రాఖీ

హేమంత సాయంకాలమైంది

గిలి పెడుతూ చలి చంపుతోంది

సొగసైన ప్రేయసి సన్నిధిని మది కోరుతోంది

చెలి కౌగిలిలో నులివెచ్చగా  కరగాలనుంది

1.చామంతులు పూబంతులు వంత పాడాయి

కొంటెగా కంటిముందే పావురాలు జత కూడాయి

ఒంటిని కొరికే ఈదురు గాలితోనే  నాకు లడాయి

తొలి రాతిరి తీపి గురుతులూ ఎదనెంతో తోడాయి

2.అరవిరిసిన సిరిమల్లెలన్నీ మాలగ మారాయి

మరులను రేపుతు చెలి జడ పాయలొ దూరాయి

ఘుమఘుమలతొ రిమరిమలేపుతు సవాలు విసిరాయి

జాగు చేయుచూ జాము గడపకని ప్రేమతొ కసిరాయి

https://youtu.be/Pty64HNVDrk?si=iIL0ggDSHH3UVS1R

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

ప్రేమగా పలకరించు

చెలిమి చిగురించు

చిరునవ్వును పంచు

బంధాలు మించు

ఈ క్షణమే మనదని తలచి

మమతనందించు హాయిగా జీవించు

1.కొండనే తాకిన మబ్బు

గుండె కరిగి కురియునుగా

పూవుపై వాలిన తుమ్మెద

తేనె గ్రోలి మురియునుగా

చరాచరమేదైనా అలంబన కోరుగా

మనసుతో మనసును ముడివేయి నేరుగా

2.కడలిలో కలవాలని 

నది మదికి ఎంతో తొందర

కలువను కలువాలని

జాబిలికి తరగని ఆతురత

కలవరమయ్యేను సంగమించునందాక

కల వరమై తరిస్తుంది తలపోసినదందాక

 

https://youtu.be/Qjk06hkSXmE

రచన,స్వరకల్పన&గానం:డా.రాఖీ

రాగం:ఆందోలిక

సర్వసంగపరిత్యాగీ బిచ్చమెత్తు బైరాగీ

ఖండయోగ సాధన చేసే ఓ మహాయోగీ

షిరిడీ పుర శ్రీసాయి జయము జయము జయము

నీవంటే మాకెంతో ప్రియము చేయవయ్య నయము

1.అద్భుతమే అభయమొసగు నీ చేయి 

సత్వరమే సాయీ మా కన్నీరు తుడిచేయి

సంతోషాలనే మా బ్రతుకులలో కలుగజేయి

నిన్ను తలచినంతనే కలిగేను మదికి హాయి

2.నిను నమ్మినవారికి నీవే నిజదైవము

నిను కొలిచేవారికి నీవె కొంగు బంగారము

నీవే భక్తుల పాలిటి ఇలను కల్పవృక్షము

నిన్ను శరణుబొందితే బొందికింక మోక్షము

https://youtu.be/NMYUbEgrSgg?si=NGUay6EK9drYoDZe

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

దిగజారుతున్నది దినందినం రాజకీయం

మితి మీరుతున్నది పరస్పరం నిందారోపణం 

వ్యక్తిగత తీవ్ర దూషణలతో

అశ్లీల పద ప్రయోగాలతో

సభ్యత అన్నదే మరచిపోయి

సంస్కారానికే దూరమయి

1.ఆరోగ్యకరమైన స్పర్ధ వాంఛనీయమే

వెన్నుపోట్లు కప్పదాట్లు అతిహేయమే

ఏ పార్టీ వాలకమైనా ప్రతి వాదనలో డర్టీ డర్టీయే

నను ఫోర్టొంటీవంటే నేనంటా నువు ఎయిట్ ఫార్టీయే

2.అధికార దాహానికి అంతూపొంతూ లేదే

అవకాశం దొరికిందంటే అవతలి పక్షం ఖైదే

దాడులు ఎదురుదాడులు పగలు ప్రతీకారాలు 

కార్యకర్తల మధ్యన వికారాలు హాహా కారాలు

3.మంచి ఇంచుకైన చేసి గెలవవచ్చు ధీమాగా

 ఐనా తీర్చని హామీలు వాగ్దానాల వింత డ్రామాగా

కుల మత ప్రాంత పక్షపాతాలే తమ ప్రాతిపదికగా

అప్పచ్చులిచ్చి నోటుకు ఓటుకొనే ఎన్నికల వేదికగా

 https://youtu.be/Wr-mmKTtD14

రచన,స్వరకల్పన&గానం:డా.రాఖీ

రాగం:భైరవి

ఇసుకమీది రాతాయె నా జీవితం

మార్చుకుంటివేల ప్రియా నీ అభిమతం

బంగారు కలలన్నీ కల్లలైన ఆ క్షణం

బ్రతుకున మిగిలింది మరుజన్మకై నిరీక్షణం

1.చేయి సాచినావు నీవు భావించి చెలిమిగా 

ఊహించుకొన్నాను నాకు నేను నీ చెలియగా

సాయమందించే  సహజాతమైన నీ సుగుణం

నిను ప్రేమించేలా నను మార్చేసింది ఆ ఆకర్షణం

2.కలవరమే రేపాయి నా మదిలో కలయికలు

చనువును పెంచాయి మన మధ్యన గీతికలు

గానమే ప్రాణమనే నీ అంకిత భావం అనుపమానం

నా పాటనే మైత్రికి బాసటగా తలచె నీ అభిమానం

 https://youtu.be/i2qCWqTWx7k

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:శంకరాభరణం

వాగధీశ్వరీ అమ్మా బాసర జ్ఞాన సరస్వతీ

శ్రీ చక్రనగర సింహాసనేశ్వరీ మాతా భారతీ

వ్యాస ప్రతిష్ఠిత వేదాగ్రణీ వాణీ నమస్కృతి

నా ధ్యాసవు శ్వాసవు నీవే పారాయణీ శరణాగతీ

1.విద్యయు వివేకము విచక్షణా నీ వరమే

  ఆలాపన ప్రేలాపన ఆలోచన అన్నీ నీ చలవే

సుభాషితాలు మాత్రమే వాక్కున దయచేయవే

అనురాగ రాగాలే ఇలలో వెలయింపజేయవే

2.బుద్దిని మనసును చిత్తమును శుద్ధిచేయవే

అహంకారమంతటినీ అణచి పారవేయవే

ఉచితా నుచిత వివేచన మదిలో వికసించనీవే

మాలో నీ నిజరూపునీ దేవీ ప్రకటింప జేయవే

 https://youtu.be/Dln0O6J3yNs

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:మధ్యమావతి

భక్తి నాలొ ఇనుమడించనీ భక్తాంజనేయా

శక్తివంతమవనీ నా దేహం వీరాంజనేయా

అహము నాలొ నశించనీ దాసాంజనేయా

నీ అనుగ్రహము పొందనీ ప్రసన్నాంజనేయా

నమోస్తుతే జితేంద్రియా నమో మృత్యుంజయా

1.రామాయని అనెడి పదము నీకిష్టమే కదా

  శ్రీ కృష్ణుని ఆదేశము అని పాటించలేదా

రామకృష్ణ యుగ్మమే నా నామము భక్తవరదా

నన్ను బ్రోవగ హేతువిదియే స్వామీ చాలదా

నమోస్తుతే జితేంద్రియా నమో మృత్యుంజయా

2.నా చంచల మానసాన్ని నీ పంచన చేరనీ

నిశ్చలంబగు భక్తి నదిని నామదిలో పారనీ

కోరికపై విముఖతనే హరీ ఇక నను కోరనీ

కొండగట్టు మారుతీ నను నీ ధ్యాసతో కడతేరనీ

నమోస్తుతే జితేంద్రియా నమో మృత్యుంజయా

 https://youtu.be/udu2zx7-_ug

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:కళ్యాణి

ఇచ్చిఇచ్చి అలసిపోయినావా

ఇవ్వడానికేమి లేక ఒడిసిపోయినాయా

అడిగినదేదీ కాదని అనవని

కోరినదేదైనా ఒసగేవాడవని

నీకున్నపేరు ఏమవునో ఉమాశంకరా

నిన్నే నమ్ముకున్నానుర నిటలాక్షుడా

1.మనసెరిగీ ఇచ్చినావు మమతతో ఇచ్చినావు

ఒళ్ళు మైమరిచిపోయి నీఆలినీ వరముగ ఒసగినావు

భక్తికి పరవశించి నిన్ను నీవు సైతం వదులుకున్నావు

అందరికన్నీ ఇచ్చిన సుందరేశ్వరా ఏల మిన్నకున్నావు

నీకున్నపేరు ఏమవునో ఉమాశంకరా

నిన్నే నమ్ముకున్నానుర నిటలాక్షుడా

2.అంతలేసి వాంఛలుకావు వింతైన కాంక్షలులేవు

నువ్విచ్చి తిరిగి తీసుకున్నదే ఇవ్వలేకున్నావు

కన్నవారిపైనను ఏకాస్త కరుణను చూపలేకున్నావు

మరోమారు మైమచూపి నిందను తొలగించుకో నీకు నీవు

ఉన్నపేరు ఏమవునో ఉమాశంకరా

నిన్నే నమ్ముకున్నానుర నిటలాక్షుడా

 https://youtu.be/I2mtNgc9G3Q

రచన,స్వరకల్పన&గానం:డా.రాఖీ

రాగం:రేవతి

సాక్షినారాయణా మోక్షనారాయణ

యోగ నారాయణా కర్మయోగినారాయణా

నిత్యనారాయణా స్వామి సత్యనారాయణా

జీవనారాయణా భావనారాయణా

దివ్యనారాయణా నమో సూర్యనారాయణా

1.లోకానికి వెలుగునిచ్చే పరంజ్యోతివి

జీవులకిల జవము కూర్చే అపారశక్తివి

లయ తప్పని నిరంతర కాలవలయ చక్రివి

మానవాళి మనుగడకై కారుణ్యమూర్తివి

దివ్యనారాయణా నమో సూర్యనారాయణా

2.షడృతు పరిణామకా ద్వాదశ నామకా

సప్త చక్ర ఉద్దీపకా సప్తాశ్వ రథారూఢకా

అష్టాంగయోగ ప్రసాదక అష్టదిక్పాలపాలకా

నవనవోన్మేష నవగ్రహాధీశ నవరస పోషకా

దివ్యనారాయణా నమో సూర్యనారాయణా

*ఆంగ్లవత్సరాది శుభాకాంక్షలతో…!*

 https://youtu.be/2BhIIEB-4ao

రచన,స్వరకల్పన&గానం:డా.గొల్లపెల్లి రాంకిషన్ రాఖీ

పట్టుకుంటే జారిపోతావు

వదులుకుంటే వాలిపోతావు

ఉదయంలా నువ్వెంతో సరికొత్తగా

దవనంలా నాకైతే మరీ మత్తుగా

దూరమైతే నేనైతే బ్రతుకలేను

భారమైనా నేరమైనా తప్పుకోను

1.కాలమై వేసావు ఎదకు గాలాన్ని

శూలమై గుచ్చావు ప్రేమ శూలాన్ని

కవితలో కవితగా నా వెతలకు లేపనంగా

పలుకులే ఊతంగా ఎంతో సాంత్వనంగా

నిత్య వసంతమౌతూ కోయిల గీతమౌతూ

2.జ్యోతిలా వెలిగే నా దారి దీపానివి

అద్దమల్లే నన్ను నాకు చూపే నేస్తానివి

ఆశ పడితే శలభమై స్నేహమైతే సులభమై

చూసేటి కుసుమమై వాడితే విఫలమై

నా కను'బంధమౌతూ పర'మానందమౌతూ

https://youtu.be/iXFMSBrrIMM

https://youtu.be/ypn-TjVNJc8?si=VGKdhPQhHZ592wDv

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:మోహన

మూలమంత్ర జప మొకటే గోవింద యనుటే

మూలదైవ మొకడే తిరుపతి శ్రీ వేంకటేశుడే

మూర్తీభవించిన పరమదయాళువు శ్రీనాథుడే

మూలిక తానై భవరోగములు బాపు ఘనవైద్యుడే

1.గోవింద యనినంత ఎనలేని నిశ్చింత

గోవింద యనినంత స్వామియే మనచెంత

గోవింద నినదించు తిరుమల సప్త గిరులంతా

గోవింద యనినంత  తరింతురు భక్తవరులంతా

2.కురులను అర్పించ వరముల నందేరు

ముడుపులు చెల్లించ ఇడుముల బాసేరు

స్వామిని దర్శించ  మనఃశాంతిని పొందేరు

శ్రీశుని సేవించ సకల కుశలములు బడసెదరు

 

https://youtu.be/y_pOuv0eRGk?si=wiN886pMlY318850

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:చక్రవాకం

ఎన్నెన్ని కథలో ఎన్నెన్ని వెతలో

ఎద ఎద మాటున-విధి గ్రహపాటున

మన ప్రమేయమే కనము మనుగడన

కొట్టుమిట్టాడెదము గట్టుచేరగా నట్టనడి కడలిన

1.ఎన్నిమలుపులో ఈ జీవన పథమున

ఎన్ని మజిలీలో అనంత పయనమున

ఆడుగుఅడుగులో ఎన్నో గుంతలూ ముళ్ళు

నడక తడబడునటుల చింతలూ కడగళ్ళు

2.పూట గడుచుట కొరకు నిత్యం పోరాటాలు

ఆశలు తీరే వరకు వ్యర్థ ప్రయాసతొ ఆరాటాలు

దారీ తెన్నూ తెలియక తిమిరంలోనే గమనాలు

కాలపు తీర్పుకు వేచి చూస్తూ అపార సంయమనాలు

 

https://youtu.be/FcCVx9hyHXU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:దర్బార్ కానడ

కృష్ణపక్ష చంద్రుడినై-కృంగిపోతున్నా .…

పడమటింటి రవినేనై-కనుమరుగౌతున్నా

నీ నుండి దూరంగా…మరణమే తీరంగా

మౌనంగా ధ్యానంగా-శూన్యంగా దైన్యంగా

1.తప్పుకుంటున్నా నీ జీవితం నుండి

ఎప్పటికీ తీరని ఆశలతో నాగుండె మండి

కార్చడానికి కన్నీరు సైతం లేక కనులెండి

నువ్వాడే సయ్యాటల్లో సైచలేక తొండి

2.పెద్దపీట వేయవు నాకెపుడూ నీ మదిలో

నాకంటూ ఓ పేజీ ఉండదు నీ ఆత్మకథలో

పట్టుకొని ప్రాకులాడడం నీకై నేనుమాత్రమే

తుమ్మితే ఊడే ముక్కైతే మన మైత్రి కృతకమే

https://youtu.be/_GEcEfUOEqc

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

రాగం:హిందోళం

దాసుని తప్పులకు నీ దయతో సరి

చేసిన దోషాలకు నీ క్షమతో సరి

జన్మజన్మల మా పాపాలు నీ శరణాగతితో సరి

స్వామియే శరణం అంటూ అయ్యప్పా

వేడెద నిన్నూ ఇప్పటినుండి మరిమరి

1.నియమాల పాలనలో నా ఉదాసీనత

నిష్ఠగ చేసే దీక్షలో నా నిర్లక్ష్యపు నడత

పదిమంది కోసం అందరిలో గంభీరత

ఏకాంతంలో కప్పదాట్లతో తప్పిన నా క్రమత

2.అనుకూలంగా సౌకర్యంగా సూత్రీకరణ

తెలిసీ తెలియని జ్ఞానంతో వితండవాదన

లోకాభి రామాయణపు కాలాయాపన

శరణుఘోషనే మానేసి ఐహిక విషయాలోచన

OK

https://youtu.be/KyAYyZjLfE4

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఆరు పండుగలొస్తాయి…ఒకేసారి…

నువ్వు నవ్వుతు ఎదురైతే

ఆరు ఋతువులు వెలుస్తాయి…ఒకేసారి…

నీతో ఏడడుగులు నే వేస్తే

చెలీ మమతల జాబిలీ మంజుల రవళి

నా కలతలు తీర్చగ నువ్వే ఓ గులేబకావళి

1.నీపెదవుల దివ్వెలో నవ్వులు వెలిగితే దీపావళి

రాలిన ముత్యాలు ముగ్గుగ మారితే సంకురాతిరి

నీ తనువే ఇంద్రధనువై వర్ణాలు వర్షిస్తుంటే అదిహోళీ

చెలీ మమతల జాబిలీ మంజుల రవళి

నా కలతలు తీర్చగ నువ్వే ఓ గులేబకావళి

2.నువు కట్టూబొట్టుతో ఉట్టిపడగా తెలుగుల ఉగాదిగా

నీ మోమే పలురకాల పూలున్న బతుకమ్మ పండగగా

సరదాగా ఓ సుముహూర్తాన నీతో విందారగిస్తే దసరాగా

చెలీ మమతల జాబిలీ మంజుల రవళి

నా కలతలు తీర్చగ నువ్వే ఓ గులేబకావళి

https://youtu.be/dPQGVPkuK1E?si=nLbMxz8XYGX_kS6s

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:సారమతి

నన్నేల మరచితివి శ్రీ గణనాథా

నీ అండ లేకుండ నేననాథ

వక్రతుండ నిను నెరనమ్మితి ఏకదంత

ఏమరుపాటేల తొలగించగ నా చింత

1.నా నాలుకపై నీనామమే సదా

త్రికరణశుద్ధిగ నిను కొలిచితి కదా

నీ తలపులతో నిండెను నా ఎద

నను కనికరించగ నీ దయరాదా

2.నాడూ నేడూ మరి ఏనాడూ

నిజముగ నీవే స్వామీ నా తోడు

రుజలను బాపగ ఇక వేగిర పడు

చిగురించనీ ప్రభు నా బ్రతుకు మోడు

https://youtu.be/9GNDrOI11zA

రచన,స్వరకల్పన&గానం:డా.గొల్లపెల్లి రాంకిషన్ రాఖీ

కొడిగట్టనీకు నేస్తమా స్నేహదీపం

మన మైత్రి నాకైతే అపురూపం

తేలికగా భావిస్తే నాకెంతో పరితాపం

చితిపేర్చి తెలుపకు చెలిమికి సంతాపం

1.నాకెపుడూ అవసరమే నీ సహవాసం

దాటవేసి నిన్నునీవు చేసుకోకు మోసం

నీ సాంత్వన కోరుకుంటె ఔతుందా దోషం

అనుబంధం పెనవేయకుంటేనే అది  విశేషం

2.నీ అంతట నీవెపుడూ నన్ను పలకరించవు

నాదైన అతీ గతీ ఆరాలేవీ నువు తీయవు

యాంత్రికంగా ప్రవర్తించ ప్రయత్నిస్తుంటావు

స్నేహితమా పరిచయమా అన్నట్టుగ ఉంటావు

 

https://youtu.be/myrpFn6CKtk?si=TkzStAAUQf2ywEie

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:మోహన

కనుగొనలేదు విష్ణువైనను నీ మూలము

ఎరుగలేదసలు సృష్టికర్తయు నీ అంత్యము

నరులము నిన్ను రామలింగేశ్వర తెలియ జాలము

నీ కరుణలేనిదే గ్రహియించలేము నీదైన శివ తత్త్వము

1.బంధాలు అనుబంధాలు నీకున్నట్టే తోస్తాయి

రాగాలు వింత మోహాలు నిన్ను కట్టిపడ వేస్తాయి

తామరాకు మీద నీటి బొట్టే కద ఐనా నీ మార్గము

ఒంట బడితె స్వామి ఇంకోటుంటుందా అంతకన్న స్వర్గము

2.రెప్పపాటులోనే తెప్పరిల్లగలుగు రౌద్రావేశము

చిప్పిల్లే కళ్ళలో కదలాడు నంతలో భోలా నైజము

చెప్పలేము కద ఎప్పుడుపోతుందొ బొందిలో ప్రాణము

ఇప్పటికిప్పుడు ఎప్పుడూ తప్పనీయకు స్వామీ నీ ధ్యానము

https://youtu.be/Kg5cJ_sXVPQ

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

అగ్నిమాపకమే లేదు ఆర్పడానికి-

నిరంతరం నను కాల్చే నీ జ్ఞాపకాలని

ప్రేమమాపకమేదీ లేదు కొలవడానికి

అపారమైన నీమీది అనురాగానికి

నా గుండె సడివి నా మది అలజడివి

జన్మలెన్ని ఎత్తినా నను వీడని ముడివి

1.నేను నిన్ను ఆరాధిస్తా ప్రియమైన దేవతగా

నన్ను మాత్రం పరిగణించవు నీ కనీస భక్తుడిగా

షరతులంటు ఉంటాయా ప్రణయాను బంధాన

అవధులంటు ఉంటాయా ఆత్మలేకమయ్యాక

నా గుండె సడివి నా మది అలజడివి

జన్మలెన్ని ఎత్తినా నను వీడని ముడివి

2.గులాబివే నీవు ఘుమఘుమలు గుభాళిస్తూ 

కంటకమని నను భావించినా వెన్నంటి కాపుకాస్తా

సితారవే నీవు మంజుల స్వరములు రవళిస్తూ

తప్పని తప్పెటనై విప్పిన గుప్పిటినై లయకూరుస్తా

నా గుండె సడివి నా మది అలజడివి

జన్మలెన్ని ఎత్తినా నను వీడని ముడివి

 

https://youtu.be/iHdqMeMKZ9w?si=renWtd-PIFeSxd_8

రచన,స్వరకల్పన&గానం:డా.రాఖీ

రాగం:ఖరహర ప్రియ

జయము నీకు జగన్నాథ వేంకటేశ్వరా

జయవిజయులు నీ భృత్యులు జగదీశ్వరా

అబ్జదళనేత్ర నీ పదాబ్జముల శరణంటిరా

కుబ్జను దయతో బ్రోచిన హరీ ననుపాలింపరా

1.దుర్జనులను నిర్జించే అర్జున రథ సారథీ

సజ్జన పక్షపాతివే ప్రభూ పక్షి వాహన ప్రణతి

ముజ్జగములు కొలిచేటి అలమేలు మంగపతి

నను చేర్చుము వేగిరముగ స్వామి కైవల్య గతి

2.రుజలను బాపగలుగు వైద్య ధన్వంతరి

ప్రజలను ప్రేమ మీర ఆదరించు మురారి

శత్రు భంజనా విప్ర వినుత నిరంజనా శౌరి

ప్రభంజన సూన వందిత వందనమ్ము మనఃసంచారి

https://youtu.be/gvKmVCDSSx0?si=Qd_gDJh1b1403bM9

 రచన,స్వరకల్పన&గానం:డా.రాఖీ

రాగం:ఖమాస్

అందాలకు లోగిళ్ళు అరవిరిసిన ఆ కళ్ళు

ఎంతగా చూసినా తీరవు నా చూపుల ఆకళ్ళు

కళ్ళు కళ్ళతో కలిపామా వేస్తాయి సంకెళ్ళు

అప్సరసల మనోహర నేత్రాల కవి నకళ్ళు

1.అలవోకగ చూసినపుడు అల్లనేరేడు పళ్ళు

క్రీగంట చూస్తేనో కొంటె కోణంగులా జంట మీనాలు

అబ్బురాన విప్పారితె తామర పువు రేకులు

రెప్పలల్లార్చినపుడు తళుకుమనే తారకలు

2.నవరసాల నొలికించే అభినయ తారలు

విశ్వభాష పలికించే అపురూప యానకాలు

ఎన్నటికీ ఎండిపోని గుండె ఊట బావులు

ఇరు మనసుల కలిపేటి వింతైన వంతెనలు

 

https://youtu.be/w2SVrgaGNqE?si=O72i0C1Y9Dzle2E0

30) గోదాదేవి ముప్పయవ ఆఖరి పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:సిందు భైరవి

ఆచరణతొ ధన్యమగును జీవితము

శ్రీ రంగని కొలిచే  తిరుప్పావై వ్రతము

ధనుర్మాస మార్గళి నియమానుసారము

నోము నోచినంత తీరేను వాంఛితార్థము

1.సాగర మథనాన గిరిధర కూర్మావతారుడు

దానవుడగు కేశిని సంహరించినట్టి కేశవుడు

గోదాదేవి పాశుర వినుతుడు గోపాల కృష్ణుడు

ఆముక్తమాల్యద దాల్చిన ఆండాళ్ ప్రియవరుడు

కరుణించును వ్రత ఫలమున శౌరి భక్త వరదుడు

2.విష్ణుచిత్తుని ముద్దుల పట్టి గోదాదేవియే కవై

గోపికల అనుభూతులనల్లిన మాలే తిరుప్పావై

పఠితులకవి వరలును ఇహపరసాధకమగు త్రోవై

మన్నించును దోషములను హరి మననేలే ప్రభువై

నడిపించును సన్మార్గము మనల శ్రీ మహావిష్ణువై 

 

https://youtu.be/kzXe_IQJ19I?si=AF9bX8SpTtBZnA6z

29) గోదాదేవి ఇరవై తొమ్మిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:షణ్ముఖప్రియ

వేగుచుక్క పొడవగనే

వేకువనకు మునుపుననే

చేరవచ్చినాము నీ పదసన్నిధికి

పాటపాడుతున్నాము నీ సుప్రభాత సేవకి

మేలుకోరా శ్రీనాథా శ్రీరంగనాథా

మా మేలుకోరే గోకుల గోపీనాథా

1.యాదవుల ఇంటిలో నీ సామాన్య జీవనము

గోవులకాచే గొల్లపిల్లవాడిగా సాగే నీవే ఆదర్శము

కొంటెచేష్టలు కోణంగి ఆటలు మామూలుగా మనడము

అంతలోనె వింతగొలుపు లీలలతో నీ శౌర్యమే ఆశ్చర్యము

మేలుకోరా నందనందనా మందస్మిత వదనా

మా మేలుకోరే యశోదా కిశోరా మురళీధరా

2.అన్యథా శరణం నాస్తి మాకీవే శరణాగతి

నీ దాసాను దాసులకు సైతం మా పబ్బతి

నిరంతరము నిన్నే తలవనీ చెలఁగెడి మా మతి

మా మనోకామన లీడేర్చి మము  చేర్చుము సద్గతి

మా నోము ఫలమే పరమార్థ సాధనము

మమ్మేలుకొనగ మేలుకో గోవిందా అనుదినము

 

https://youtu.be/aD7a9UPeZjM?si=a7bXqvKvSysB7gnM

28) గోదాదేవి ఇరవై ఎనిమిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:కళ్యాణి

దయనే కురిసేటి కన్నులతోటి మము కన్నయ్యా

గోకులమంతా మురిసేటి వెన్నలాంటి మనసున్నయ్యా

నందకిషోరా నవనీతచోరా రేపల్లె అల్లరి నల్లనయ్యా 

గొల్లభామల ఉల్లములే కొల్లగొట్టిన కొంటె కిట్టయ్యా

నీ చెలులము నిను చనువుగా ముద్దుపేర్ల పిలిచేము

అలుగక చెలఁగక అడిగినవొసగి నెరవేర్చు మా నోము

1.పశువుల కాపరులము ఐనా నీకు కాముపరులము

అన్నెం పున్నెం ఎరుగని అన్నుల మిన్నలం గోపకన్నెలం

అమాయకపు భామలం మోహన కృష్ణా నీ మాయకు అధీనులం

త్రికరణ శుద్ధిగా ప్రభూ నిన్ను మాత్రమే నమ్ముకున్న దీనులం

2.నీ పదధూళితో పునీతమైంది మా గోకులమంతా

ఏ సంచిత కర్మతోనో గడిచింది బ్రతుకంతా నీ చెంత

ధన్యమాయే మాజన్మ నీవల్ల తొలగేను మా యే చింత

ప్రసాదించు స్వామి పురుషార్థాలను హే అనంతా

https://youtu.be/pJeoIwrJ8PI?si=Qe3P0C1fuGRMeyw3

 27) గోదాదేవి ఇరవై ఏడవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:హిందోళం

వాంఛితార్థ దాయకా-యదుకుల దీపకా

మాధవా కేశవా గోవిందా మనసిజ జనకా

కరివరదా వరములీయి కనికరముతొ మాకికా

వ్రత ఫలమును అందీయవొ జాగు సేయకా

1.సామగ్రీయుటె కాదు స్వామి తీర్చాలి మా కోరిక

లోకులంత చకితులై చూడగ మానోము వేడుక

రవ్వల గాజులు మువ్వల పట్టీలు చెవికమ్మలు

కంకణాలు కేణీలు మాకొసగుము పసిడి నగలు

2.పట్టుచీరలేకట్టి నగలన్ని మా మేన దిగబెట్టి

పరమాన్నము వండి పెట్టి నీకు నైవేద్యమెట్టి

జుర్రాలి పాయసాన్ని కమ్మని నేయిని కలిపిపెట్టి

ప్రసాదించు ఈ రీతి నోముఫలము జగజ్జెట్టీ

 

https://youtu.be/x-s9SF70vbs?si=5FqyMjNvqoLoKzW3

26) గోదాదేవి ఇరవై ఆరవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:అమృత వర్షిణి

నిమిత్తమాత్రులమే మేము శ్యామసుందరా

నీ ప్రేమ పాత్రులమే ప్రభూ ప్రేమ మందిరా

కర్తా కర్మ క్రియా సర్వం నీవే ఆశ్రిత వరదా మాధవా

మనసా వాచా కర్మణా నిను నమ్మితిమి ఆపద్బాంధవా

1.వ్రతాచరణలో అర్చనకై వలయు సరంజామా

అమర్చవయ్యా తగువిధి నీ కరుణే మాకు ధీమా

శంఖము ఢంకా గంటలు తప్పెట తాళవాద్యాలు

మంగళ మాణిక్యాలు ధ్వజారోహణకై పతాకాలు

2.మంగళా శాసన పరులు ఆచార్య భూసురులు

నీ ధ్యానమగ్నులు నిత్యాగ్నిహోత్రులు యాజ్ఞికులు

నిష్ఠతో చేసేము కృష్ణా తిరుప్పావై వ్రతాచరణ రీతులు

సిద్ధింపజేయవయ్యా దయతో నీవు వ్రత ఫలశ్రుతులు

 https://youtu.be/UtB6oxI59fw?si=RQ4HOESefvcrc1uC

25) గోదాదేవి ఇరవై ఐదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:రేవతి

అష్టమ గర్భాన అష్టమీ తిథి రోజున

జన్మించినావు దేవకీదేవికి చెఱసాలన

చేరినావు కృష్ణా యశోదానందుల గృహము నందున

గోలలే చేసినావు లీలలే చూపినావు వారి భాగ్య వశమున

1.మేనమామ కంసుని నిను దునిమే యోచనని

వమ్ము చేసినావు దమ్ముచూపినావు దుమ్మురేపినావు

మీ తలిదండ్రుల ఖైదు చేసిన మథురాధీశుని గని

రొమ్ము చరిచినావు నేలకూల్చినావు చంపివేసినావు

2ఎన్నని కొనియాడెదము నీ లీలని యదుభూషణా

నిన్నే శరణంటిమి బ్రోవగ మాపై ప్రేమగొన్న శ్రీ కృష్ణా

కోరివచ్చినాము వరమీయవయ్య మాకు పురుషార్థాలను

దయచేయవయ్యా మేము చేసెడి వ్రత పరమార్థమిలను

 

https://youtu.be/J96SI_FVyNI

రచన,స్వరకల్పన&గానం:డా.రాఖీ

నువ్వు నేనుగా మారిచూడు

నా అడుగులలో అడుగిడి నడు 

నిరంతరం నాఎద ఆరని కాడు

దరికొస్తే తెలుస్తుంది ఆ ధగడు

1.మనస్ఫూర్తిగానే చేస్తా నా ప్రతి చర్య

కోరుకుంటానదే ఎదుటివారి ప్రతిచర్య

నీ పట్ల నా తీవ్రతను అలా తీసి పారేయకు

అందరిలా నను జమకట్టి కొట్టి పారేయకు

2.ఉంటే ఉండాలి ఇరువురమొకటై

వద్దంటే మన ఇంట్లోనే మన ఇష్టమై

బరిలోకి దిగిపోయాకా ఇంకా ఇంత దూరాలా?

పరస్పరం అనవరతం మనమే మది దూరాలా!

 

https://youtu.be/l2cPkRRgKeg

రచన,స్వరకల్పన&గానం:డా.రాఖీ

వాలు కన్నులు నాపై-వాలుతున్నవి

చిలిపి నవ్వులు నన్నే-ఏలుతున్నవి

బిగబట్టిన పెదాల ఎరుపే-మెరుపులీనుతున్నది

పట్టిపట్టి పదేపదే నను-నీ చూపు లాగుతున్నది

నేనోపలేనే ఎడబాటునీ-మన్నించవే నా పొరపాటునీ

1.నా బింకం సడలుతున్నది నీ పొంకం ముందు

నా గర్వం అణుగుతున్నది ఊహించగ నీ పొందు

కైపులో ముంచుతున్నది నీ అందం మత్తు మందు

దాసోహం దాసోహం ప్రేయసీ ఇంతకన్న ఇంకేమందు

నేనోపలేనే ఎడబాటునీ-మన్నించవే నా పొరపాటునీ

2.బెట్టునంత కట్టకట్టి కలిపేసా నది గోదాట్లో

పట్టుబట్టి దూరంపెట్టి నను ముంచకు నట్టేట్లో

మట్టిగొట్టుక పోతానే నన్నంటి ముట్ట నట్టుంటే

కంటికే కనిపించనే  కంటగింపుగా జమకట్టుంటే

నేనోపలేనే ఎడబాటునీ-మన్నించవే నా పొరపాటునీ

 

https://youtu.be/CM-0jPiyKcE?si=ZDvNbWdVTtSIFzes

24) గోదాదేవి ఇరవై నాలుగవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:బృందావన సారంగ

మూడు అడుగులతోటి ముల్లోకములు గొలిచి

కీర్తినొందిన శ్రీ కృష్ణమూర్తీ 

నీ పాదపద్మాలకు ఇదే శుభ మంగళం

ఆజానుబాహులతో శరపరంపర వైచి

లంకేశు కూల్చిన కోదండ పాణీ

నీ బలమైన కరములకు జయ మంగళం

1.చిననాటనే అకటా !శకటాసురుని ద్రుంచి

వాసికెక్కిన వాసుదేవా నీకు సుమ మంగళం

వృత్తాసురుని వడిసెల రాయిగా విసిరిన హరీ

వీరగాథతో అబ్బురపరచిన నీకు కర్పూర మంగళం

2.గోటితో గోవర్ధన గిరినెత్తి గోకులాన్ని కాచినా

గోపాలకృష్ణా నీ అపార కృపకిదే భవ్య మంగళం

కపిత్థాసురాది శత్రువులను వధియించిన

సుదర్శన చక్రధారీ నీ శౌర్యానికిదె దివ్య మంగళం

3.జయమంగళం నిత్య శుభమంగళంబనుచు

నీ లీలలు మహిమల గుణ గానమే మావ్రతం

ఇహపరములందును పరమార్థమొందుచును

తరియించగా సిద్ధింపజేయుమా మా నోము ఫలితం

 https://youtu.be/ovxNA3qH1Rc?si=vVzfj30Ai1ADPIcu

రచన,స్వరకల్పన&గానం:డా.రాఖీ

రాగం:శుభ పంతువరాళి

జయ జయ జయ శంభోశంకరా

జయ త్రిపురాసురవిజయ శుభకరా

జయ పార్వతీ వల్లభా మనోహర హరా

జయ గోవిందార్చిత భవహరా పరా

1.నీ పదధూళి మాకు పరమపావనం

నీ తాండవకేళి కనగ తరియించును జీవనం

చంద్రమౌళీ నీ అభిషేకమే కైవల్యదాయకం

శుభపంతు వరాళీ రాగాన్విత గాన ప్రియం

2.పత్రం పుష్పం ఫలం తోయం కావు విశేషం

శివా నీ ఆరాధనకై వలయు నిర్మల మానసం

నిశ్చలమైన భక్తి మూఢమైదైనా కాదు దోషం

శ్రీ కాళ హస్తి చరిత తెలుపునదియె సందేశం

 

https://youtu.be/EO4VgWAKFS8?si=mwlo1Ts9i2pPYx-3

23) గోదాదేవి ఇరవై మూడవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:సింహేంద్ర మధ్యమం

దయచేయవయ్యా నవనీత హృదయా మాపై

దయచేయగ నీతలపులు మదిలో పొద్దూమాపై

వానకారున కుహరాన నిదుర చెదిరిన హరి రూపై

ఒళ్ళు సాగదీసి జూలును విదిలించి గర్జించిన సొంపై

నల్లనయ్యా నీ కృపతో వ్రత ఫలితము దక్కు మా మదికింపై

1.సర్వాలంకార శోభితుడవై  సభ కరుదెంచి

రత్నఖచితమౌ సింహాసనమును అధిష్ఠించి

విన్నపాలనాలకించి ఆపన్నుల అనుగ్రహించి

పరిపాలించెదవు నిఖిల జగతికి శుభములు కూర్చి

నల్లనయ్యా నీ కృపతో సత్ఫలితమునందేము వ్రతమాచరించి

2. నందకిషోర సందడిజేయగ వేంచేయరా

యదుకుల వీర గోవర్ధన గిరిధరా బలరామ సోదరా

పీతాంబరధారి వైజయంతి వనమాలి జగదీశ్వరా

కస్తూరితిలకాంకిత కౌస్తుభాలంకృత మురళీధరా

నల్లనయ్యా నీ కృపతో సత్ఫలితమునందేము వ్రతమాచరించనీయరా

 

https://youtu.be/hyAToMyzAJE?si=uLFm9VePZ3eZbYS4

22) గోదాదేవి ఇరవై రెండవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:చారుకేశి

సురలు భూధరులు మునివరులు

నీ మేలుకొలుపుకై పడుదురు పడిగాపులు

అధికార మదమునొదిలి దేహమోహమూ వీడి

నీదరి కరుదెంచి నీ దయనాశించెడి పగిది

మేమంతా కూడివచ్చి నిలిచితిమి నీదివ్య సన్నిధి

1.విచ్చిన తామరల తీరు తెరువు ప్రభూ- నీ నేత్ర యుగళి

చల్లని కరుణను ప్రసరించు స్వామి-గొని వేగమే జాలి

మువ్వగోపాలా అలరించనీ అందమైన నీ నవ్వుల సరళి

మ్రోగించవో హృదయాను రాగాల తేల నీ మోహన మురళి

2.జగద్రక్షకా చాలించు నీ పరీక్ష ఓపలేము ప్రతీక్ష

సత్ఫలితమునందగా పూర్తిచేయనీ  శ్రీ వ్రత దీక్ష

నీ కృపాకటాక్ష వీక్షణతో పాపములే హరించ నీవె రక్ష

మేలుకొనవయ్య మమ్మేలుకొనగ నమో పుండరీకాక్ష

https://youtu.be/lPb0vdiwrSU?si=0U-r4josaaxfdtZk

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హంసానంది

నేలబాట పట్టింది మేఘమాలిక

నీ కురులు చూస్తె తోచిందీ పోలిక

సుందరాంగుల లోకానికి నీవే ఏలిక

దిగిరావే ఒదిగిపోవే నీతోడే కావాలిక

1.నీ పలువరుసే ముత్యాల పేరు

నగవులందు వెన్నెల సెలయేరు

చెంపల సొట్టలలో పుట్టతేనెలూరు

కెంపులే పెదాలకే అరుణిమనే కూరు

2.చుక్కే దాక్కుంది ముక్కుపుడకతో పడక

కనుబొమలే సుమధనువై దోగాడిన వేడుక

నీ కనులే మీనాలై నా చూపుల వలలలో పడక

నీ తలపుల తూపులతో అంపశయ్య నా పడక

 https://youtu.be/m49YERE0gAU?si=vX_j5hT_FUYxJD82

రచన,స్వరకల్పన&గానం:డా.రాఖీ

పాడిందే పాడి పాడి-వేడిందే వేడి వేడి

విసిగినాను విప్పలేక బ్రతుకులోని చిక్కుముడి

అనుకున్న ప్రతిసారీ అడుగులు తడబడి

వేంకటేశ పనికిరాద వసతికి నా గుండెగుడి

మొక్కుచుంటి మొరవినమని స్వామీ సాగిలబడి

1.పడగెత్తి బుసకొట్టు పాము నా కోపము

పవళించవయ్యా చేకొని నీ  శయ్యాతల్పము

రెక్కలను సాచి ఎక్కడికొ ఎగిరేటి పక్షి నా కామము

ఎక్కి తిరుగవయ్యా చక్కని గతి వదలక ఏ క్షణము

చెలఁగేనా గుణగణములు చేయనీ నీకై కైంకర్యము

2.నా జీవితదశలు నీ దశావతారాలుగను

తల్లిగర్భాన చేపను శిశువుగ తాబేలును

ఉచితా నుచితములెరుగని వరాహము మృగమును

మరియాద రామునిగా మనుటకొరకు వగచెదను

గీతా కృష్ణునిగా జీవన పరమార్థమెరుగ ప్రార్థించెదను

 

https://youtu.be/xQ8YVPH04lU?si=Trr0j6UDdRXoAtPv

21) గోదాదేవి ఇరవైఒకటవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:చక్రవాకం

గోవర్ధన గిరిధారి గోకుల శౌరి

గోవింద నామాంకిత కృష్ణా బృందావిహారి

అభివందనచందనాలు నీకు మురారి

నిను లేపగ వచ్చితి నీ నీలను గోదా బృందముచేరి

నిదురలేచి సిద్దపడగ నోముఫలముకై నిను కోరికోరి

1.కుండలు నిండిపోగ దండిగ పాలుపొరలెడు

ఆవులమందలకే అధిపతి మా నందగోపుడు

యశోదానందులకే గారాల సుతుడవు

ఈ నీలా సుందరికే  ప్రియతముడవు నీవు

నిదురలేవవయ్యా నీవే నిజమగు ఆశ్రితవరదుడవు

2.సర్వస్య శరణాగతివేడి అంకితమైతిమి

శత్రుంజయ సురేంద్ర విజయ నమోనమామి

నీవారము మేము వరమిచ్చేవని వచ్చితిమి 

కరుణించెదవని నిన్నూ మనసారా నమ్మితిమి

కనికరించి నిదురలెమ్ము తరించెదము నోమునోమి

 

https://youtu.be/qiIMpX9cFUg?si=fGdpeq34vVl7QVVL

20) గోదాదేవి ఇరువదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:ఆనంద భైరవి

నగుమోము రూపుడు నారద వినుతుడు నిరంజనుడు నీల శరీరుడు నులివెచ్చని దేహుడు నూఱుతప్పులు సైచినవాడు నృత్యప్రియుడు నెచ్చెలులు మెచ్చువాడు నేరేడు కనులవాడు నైకమాయు మిత్రుడు నొడుగు తేనియవాడు /

నోము ఫలమువాడు- నౌచరుడు భవజలధికివాడు/

నందకుమారుడు ఆనందకరుడగువాడికి నమో నమః

1.సురలకు సైతం భయహరుడు శ్రీ కృష్ణుడు

తెల్లారినా తెగదా గోపాలా నిను మేలుకొలుపుడు

స్వర్ణ కలశస్తని ప్రవాళ అధర భామిని నీలామణీ

నాజూకు నడుమున్న నీలాదేవీ నీవే భూ సిరివి

హరిని మనోహరుని మేల్కొపి సిద్ధపరచు జాగుమాని

2.నగధరునికి ప్రియ సతివని కోరితిమి శరణము

అందీయవె నోముకై వలయు ఆలవట్టం,దర్పణము

సపర్యలే చేయుచు సహకరించవే నందకిషోరునికి

నీరాడగ జేయవే నీ ప్రియ వరదుడిని మాతో కూడి

మదనగోపాలుని పదిలముగా లేపవే బ్రతిమిలాడి

 https://youtu.be/whslj5sxmYw?si=TlMD7yNwSfip218n

రచన,స్వరకల్పన&గానం:డా.రాఖీ

నిష్కారణ స్వేచ్ఛ పుష్కలమగు స్వేచ్ఛ

స్వతంత్ర భారతావనిలో యధేచ్ఛగా స్వేచ్ఛ

స్వేచ్ఛా భారత్ మనది అచ్ఛా వతన్ మనది

1.మతస్వేచ్ఛకు కొదవేలేదు వాటంకొద్దీ కప్పదాటు

వాక్స్వేచ్ఛకు అదుపేలేదు బూతులతో మాటల కాటు

వస్త్రధారణ మనోభీష్టం నప్పకుంటె మనకేం నష్టం

మనోభావాలు సుస్పష్టం దృష్టికానకుంటే దురదృష్టం

2.విద్యా వైద్యం ప్రాథమిక హక్కు ధనికులకే దక్కు

వాహనదారులు రాదారి నియమాలు తుంగలొ తొక్కు

ఊసరవెల్లులై రాజకీయనాయకుల రంగులు పెక్కు

కట్టుబాటు కలిగిన స్వేచ్ఛ స్వాతంత్ర్యమై గణుతికెక్కు

 

https://youtu.be/4wjTJVmoTag?si=vGWBIYjGgkFhDhtl

19) గోదాదేవి పందొమ్మిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:కాపి

కాటుక కళ్ళతో కళకళలాడే నీలాదేవీ నీకు వందనం

కనికరముతొ సడలించు స్వామికి నీ కౌగిటి బంధనం

మత్తిలి నిదురించసాగే నీలాధవుడు మాధవుడు

వత్తిగిలి పడుకోక ఇరువురు లేచి మము దయగనుడు

వ్రతముపూర్తి చేయించి మాకు వరములొసగుడు

1.వేకువ తలపించదు వెలిగే దీపపు సెమ్మెలతో

లేవాలనిపించదు పడక దంతపు మంచమ్ముతో

నీలా కావలించగా ఏదీ కావాలనిపించదుగా శిఖిపింఛమౌళీ

నిదురలేవవయ్యా మమ్ముద్ధరించ చాలించి నీకేళీ

2.ఎవరికి మాత్రము వదలగ తరము ప్రియపతిని

చివరికి మాకైనా వీడగకాదువశము నీ స్థితిని

నీలాసుందరీ గొప్పమనసు నీది మన్నించు మా అల్ప మతిని

స్వామిని ప్రేమతో మేలుకొలుపగలిగేది నీవేనని నమ్మితిని

 https://youtu.be/_6zJtODPjxI?si=ILLI0B6SYd6Xhgvv

18) గోదాదేవి పదునెనిమిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:శ్యామ 

నీలిమేఘశ్యాముని కృష్ణుని నీ నాథునిగాగొని

నందగోపరాయుని ముద్దుల కోడలైన భామిని

నీలాసుందరి దేవీ నిదురలెమ్ము సతీశిరోమణి

ఫలింపజేయి శ్రీనోము నోచెటి మా మనోకామనని

1.పరిమళాలలు వెదజల్లే  నీలి కురుల ఓ రమణి

తొలికోడి కూస్తోంది తలుపు తెరువు శుభ తరుణి

పికమాలపిస్తోంది గురువిందతీగ పందిరిపై కూర్చొని

గడియతీయి  పూమంజరి గొనినచేత ఓ గజగామిని

2.కెందామరలైతోచు నీ సుందరమగు చేతులు

కదలమెదల పలుకును నీగాజులు సంగీతసంగతులు

గోవిందుని గుణగణాలు కీర్తించును మా గీతులు

తొందరించి నిదురలేచి తీయవమ్మ గది తలుపులు

 https://youtu.be/RRjBJUMKSaQ

రచన,స్వరకల్పన&గానం:డా.రాఖీ

పిల్లనగ్రోవి నా మోవే-ఉల్లము నీ తావే

నీ ఉనికిని తెలిపేను మొగిలిరేకు తావే

వదలక నను ముద్దూమురిపాలలొ ముంచుతావే

వేణుగోపాలా మువ్వగోపాలా నందగోపాలా

వందనాలు వందనాలూ ఆనందగోపాలా

1.నా అధరము మృదువుగ నీవందగను

సుధలూరును మధుర నదమూ పారును

వనమాలి శిఖిపింఛమౌళి రాసకేళి తలచను

మరులూరును మనమున మయూరమాడును

వేణుగోపాలా మువ్వగోపాలా నందగోపాలా

వందనాలు వందనాలూ ఆనందగోపాలా

2.దోబూచులాడేవు నా మది గది లో నక్కి

దొంగాటలాడేవు  నెమ్మదిగా నాలో నను నొక్కి

తిప్పలుబడి పట్టినా తప్పించుకుంటావు చిక్కినట్టె చిక్కి

తరింపజేయరా అలసితిని ఇకనైనను నాకు దక్కి

మదనగోపాలా కదనగోపాలా ఎద సదన గోపాలా

కృష్ణ గోపాలా నీపై తృష్ణ గోపాలా నీ లీలనాపాలా

 

https://youtu.be/SJq072qQE5k?si=iD2VOKewt-LSAdv5

రచన,స్వరకల్పన&గానం:డా.రాఖీ

మతమొకడికి గతమొకడికి

ప్రాంతీయ ఊతమింకొకడికి

జనహితమెవరికీ పట్టదు ఎప్పటికీ

నలుగుతోంది నాదేశం నేతల మధ్య

నవ్వులపాలౌతోంది బూతుల మధ్య

1.తాతలు తాగిన నేతుల  సంగతులే

చేజేతులారా చేజార్చుకున్న అధిపతులే

సత్తువకొరవడినా వింత వారసత్వ ఒరవడి

ఎందుకు కొఱగాక తందనాలాడే చతికిలబడి

2.మసిబూసి మారేడు కాయజేసి కాజేసి

మంచి మనుషుల మధ్యన విద్వేషాలే రాజేసి

అరచేత స్వర్గం చూపించేసి మోచేయినాకించేసి

వ్యాపారుల పాలైనా రాజకీయాల ముసుగులేసి

3.కొట్టిన ఉట్టిని పంచిపెట్టలేక బుట్టదాఖలాజేసి

పట్టుబట్టి ఊపిరి బిగబట్టి ఆశావాదులనంత పోగేసి

కాళ్ళక్రింద నేలకదుల్తున్నా గాలిలో గారడీలు చేసి

ఉన్నదీ సాధించుకున్నదీ కుక్కలు చించే విస్తరి చేసి

https://youtu.be/ghffvMxFri8?si=wh9YMoxFwbcBbEup

 17) గోదాదేవి పదిహేడవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:భీంపలాస్(అభేరి)

తిరుప్పావై వ్రతమొనర్చు తరుణులము

వ్రతఫలితము మాకొసగగ మీరే శరణము

గోపకుల గోపాలకుల ఏలికా

నందగోప స్వామీ మేలుకోఇక

ఏలోటు రానీయక మమ్మేలే మారాజా

మాకు మేలుకూర్చగా మేలుకో రవితేజా

1.అన్నపానాదులకు ఉన్ని వస్త్రాదులకు

కొదవలేని విధముగా మము కాచే నేతకు

యదుకుల మానినీ యశోదా భామామణీ

దంపతులిరువురు  మేలుకూర్పరో మేల్కొని

2.త్రివిక్రముడిగా మూడడుగులతో ఈ జగతిని

ఆక్రమించిన శ్రీకృష్ణ పరమాత్మా వదులు నిద్రని

రత్నకంకణధరా బలరామా విని మా మనవిని

మేలొనర్పు మాకు తమ్మునితో సహా మేల్కొని

https://youtu.be/5xQ-0-Y2fXo

 రచన,స్వరకల్పన&గానం:డా.రాఖీ

రాగం:ఖరహరప్రియ

కచ్ఛపి వీణా మంజుల వాద వినోదిని

ఇచ్ఛా జ్ఞాన క్రియాశక్తి స్వరూపిణి

శ్రీ విద్యా ఆత్మవిద్య పరవిద్యా దాయిని

వందే భారతీ తవ చరణారవిందమే శరణాగతి

1.మూలాధార స్వాధిష్ఠాన 

 మణిపూరచక్ర   ప్రేరేపణి

అనాహత  విశుద్ధి సహిత 

ఆజ్ఞా చక్ర జగృత కారిణి

సహస్రార చక్ర సిద్ధి ప్రదాయిని

2.సప్త స్వర వర సంధాయిని

సప్తవర్ణ సంభావిత జనని

సప్త చక్రానుగ్రహ మేధావిని

సప్తధాతుయుత దేహ విదేహిని

సప్తజన్మ కృత దోషనివారిణి వాణీ

 

https://youtu.be/uFPlWTxTDeE?si=26D-47FgY53xp0ah

16) గోదాదేవి పదహారవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం: ధర్మవతి

నీదెంతటి భాగ్యమో  కక్షావేక్షకా

నందగోప  మందిర సంరక్షకా

సుందర కుడ్యాలు చెక్కణాల సౌధ ద్వారపాలకా

సుప్రభాత సేవకై స్వామిమేలుకొలుపు మా వేడుక

వేడుచుంటిమి దారివిడువు ఏ మాత్రం మమ్మాపక

1.శ్రీవ్రత దీక్షాదక్షులము మేము ముముక్షులము

యదు ముదితలము గోవిందుని కొలిచే బేలలము

నీలమణుల రుచిర దేహుడు కృష్ణుడంపె ఆహ్వానము

మురళీధరుడే వరమీయగ బాస చేసె నిన్నటి దినము

2.నీలమేఘశ్యాముని ఈవేళ నిద్రలేపుదామని

వనితలమంత గూడి తిరుప్పావై వ్రతాచరణకని

శుభోదయాన ఈ శుభసమయాన గానము చేయబూని

వచ్చితిమిటకు వారించకు మము తలుపులు తెరువగ మాని

 https://youtu.be/W5qjut6NROY

రచన,స్వరకల్పన&గానం:డా.రాఖీ

లోకమంతా నిదురలో జోగుతున్నవేళ…

మౌనాన్ని జోకొడుతూ మన కలయిక ఓ కల 

జ్ఞాపకాలు కొన్ని  కలబోసుకొని

అనుభూతులెన్నో నెమరేసుకొని

1.తారాడిన తారా తారా-దూరాలు దాటుకొని

వెన్నెల జల్లులలో తడిసి- జాబిలిని చేరుకొని

అలవాటుగా మాటల మల్లెలనే వాటేసుకొని

నవ్వులని నంజుకొంటూ సమయాన్ని జుర్రుకొని 

చూపుల తాంబూలంతో పెదవులెరుపు చేసుకొని

2.అలక పానుపు దులిపేసి-ఆనందపు దుప్పటి వేసి

అలుపుదీరే ఉపాయమేదో -మేనంతా శోధించేసి

వద్దన్నదల్లా వద్దకే లాక్కొని ముద్దునే ముద్దుచేసి

వలపు తలపులు తీసేసి హాయికే హద్దులు చెరిపేసి

మధురమైన తీరాలనే చేరు కోరిక తీరాలనే కృషిచేసి

 https://youtu.be/gyeNGVuwIx8

రచన,స్వరకల్పన&గానం:డా.రాఖీ

తచ్చాడుతుంది ఏదో ఒకభావం మది మాటున

పెనుగులాడుతుంది బయట పడగ ఒక్క ఉదుటున

ప్రతి పాట ప్రతిపూట మారుతుంది సవాలుగా

తనకు తానే ప్రత్యేకమై అనుభూతికి ఆనవాలుగా

1.ఎదను కదిలిస్తుంది ఒక దృశ్యం తనదైన ముద్రతో

ప్రతీకలేవో కదిలివచ్చి వరుసకడతాయి ఆర్తితో

పదాలన్ని పదిలంగా అందగించుకుంటాయి పాటలో చోటుకై

పల్లవొకటి తళుకుమని పొడసూపుతుంది చరణాలకు బాటయై

2.తొలి అడుగు పడడమే తరువాయి ఆగదు నడక 

వడివడిగా సాగును చరణాలు గమ్యానికి తడబడక

విషయమేదైనా సరే విశ్వాసమేమాత్రం సడలక

సంగీతం ఊతమై ఆహ్లాదమె ధ్యేయమై పుడుతుంది గీతిక

 https://youtu.be/OYLlnCdeakM?si=GVgohm_lcuyNClgz

15) గోదాదేవి పదిహేనవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం: కీరవాణి

చిలుక పలుకుల ఓ చినదానా

గోవిందుని మది దాచినదానా

వేకువాయేను మేలుకొనవే వేగిరాన

కులుకులొలికే నెరజాణలారా

కాకిగోలగ సణిగే రణగొణలేలా

అందరినొదిలి ముందుగ నన్నే లేపాలా

1.మాటలతొ మాయచేసే మానినీ

సరిచూసుకో లేచివచ్చి మన లెక్కనీ

సజావుగా సాగనీవే సిరి వ్రతమునీ

ఎరుగవే రోజూ నీదే జాప్యమనీ

2.మత్తగజమునే వధించిన విధి

కంసుని సంహరించిన సంగతి

లీలామానుష వేషధారి మురారికీర్తి

కీర్తించెదము నోరారా తీరగ మన ఆర్తి

 

https://youtu.be/_hc_kw6Y2to?si=iy0mir6H-WYoXeEj

రచన,స్వరకల్పన&గానం:డా.రాఖీ

నా కవన ఉషఃసుందరి,

నా మనోజ్ఞ రసమంజరి

నా జీవన బృందా విహారి

తరించనీ నిను నిత్యం ఆరాధించి

ఈ జన్మకు నాకదే రాసాడు విరించి

1.ముట్టుకుంటె మాసిపోవు అందము

పట్టుకుంటె నవనీతపు చందము

నీవున్న తావు పారిజాత గంధము

నీకన్న లేదు మరో పరమానందము

2.సంతూరు సంగతులే నీనవ్వులో

కోయిల గళమాధురి నీ పలుకులో

తటిల్లతలు తళుకులీను నీమేనులో

రాజహంస స్ఫురించును నీ నడకలో

https://youtu.be/qm2pfd_iuzo?si=ktFQqnW8knJWFr2i

 రచన,స్వరకల్పన&గానం:డా.రాఖీ

తిరువేంకటగిరి శ్రీహరి

కొలిచితి నీ పదముల చేరి

విసిగితి ప్రతిదీ నిను కోరి కోరి

నేనే నీకొసగెద ప్రాణాలైదీసారి

గోవిందా గోవిందా గోవిందా

పరమదయాళా పాహి ముకుందా

1.స్వామీ నీ నామార్థాలు నిరర్థకాలు

నమ్మితిమా  అవి అజాగళస్తనాలు

పేరుకు మాత్రం వేనకు వేలు అనంతాలు

పేరుకపోయెను తీరని మా విన్నపాలు

గోవిందా గోవిందా గోవిందా

పరమదయాళా పాహి ముకుందా

2.సర్వాంతర్యామివి నా ఎదలో లేమివి

నేననాథను ఐనా జగన్నాథుడ వైతివి

ఘటనాఘటన సమర్థుడివి నే పార్థుడిని

ఆపద మొక్కుల వాడివి నీ శరణార్థుడిని

గోవిందా గోవిందా గోవిందా

పరమదయాళా పాహి ముకుందా

 https://youtu.be/e7KRUZPHbKY?si=-ej45F8KEcPRtkqN

14) గోదాదేవి పదునాలుగవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం: హరి కాంభోజి 

కన్యకామణీ యదుకుల కలికి

అదమరిచి నిదురోయావా కలలో కులికి

అలసిపోయినావా కవ్వంతో పెరుగు చిలికి

మునగదీసుకున్నావా మము లేపెదవని బీరాలు పలికి

తయారుకావమ్మా మన సిరి వ్రతమును ఆచరించగా

శంఖచక్రధారి బృందా విహారి శౌరి లీలలాలపించగా

1)బుకాయింపు నీకేల తెల్లవారలేదని

శికాయతే ఊరంతా నంగనాచివేనని

కొలనులో కలువలే ముడుచుకొనే వేకువనేగని

ఎర్రని తామరలే విరియమురిసె రవియేతెంచునని

తయారుకావమ్మా మన సిరివ్రతమును ఆచరించగా

శంఖచక్రధారి బృందా విహారి శౌరి లీలలాలపించగా

2.గుడి పూజారుల అలజడులే వినలేదా

భక్తులు కదలాడే అలికిడి చెవిబడలేదా

నవ్వుకొందురే నలుగురు నీమొండి తనమునకు

గుసగుసలాడుదురే ప్రియసఖీ నీ పెంకె తనమునకు

తయారుకావమ్మా మన సిరి వ్రతమును ఆచరించగా

శంఖచక్రధారి బృందా విహారి శౌరి లీలలాలపించగా

 

https://youtu.be/cVEtXJB8iZo

రచన,స్వరకల్పన&గానం:డా.రాఖీ

నా కలమొలికే ప్రతిగీతం

నీ తలపుల కది సంకేతం

నాదంటూ ఉండిన జీవితం

ఎపుడో చేసా నీకు అంకితం

1.విరిసిన విరులాయే 

ఉదయాన మరులన్నీ

రేయిన తారకలాయే

నే కన్న స్వప్వాలన్నీ

2.అలరించెను పరిమళమేదో 

అది నీ కురులదే  చెలీ

పులకించెను నా ఒళ్ళంతా

స్పృశించింది నిను తాకిన గాలి

 

https://youtu.be/3o5toGOulyo?si=EKCkBVq3SKdBtuej

13) గోదాదేవి పదమూడవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం: కర్ణరంజని

జాగృతి జాగృతి జాగృతి 

జాగిక సేయకు ఓ గోప పడతి

పద్మవదనా హరిణ నేత్రీ

ముగిసెను సుదీర్ఘ రాత్రి

జలకములాడే ఈ సమయాన

దుప్పటి ముసుగేయ తగునా

తిరుప్పావై నోమునోచగ-వేళమించునే

కపట నిదురమాని మా-మాట మన్నించవే

1.రావణుడి ప్రాణహారి రామ గుణ గాన లహరి

బకరాక్షస సంహారి యదునందన ముకుంద శౌరి

కీర్తనలే పాడుకొంటూ కన్యకలు చేరారు వ్రతస్థలి

పానుపింక వదిలేసి వేగిరముగ రావేమే నెచ్చెలి

తిరుప్పావై నోమునోచగ-వేళమించునే

కపట నిదురమాని మా-మాట మన్నించవే

2.గురుగ్రహం కనుమరుగై వేగుచుక్క పొడచింది

గూళ్ళు వదిలి పక్షిసమూహం నింగివంక ఎగిరింది

మిత్రుడి తొలికిరణం తూరుపింట మొలిచింది

శుభోదయం అంటూ నీకై గుడిగంటా మ్రోగింది

తిరుప్పావై నోమునోచగ-వేళమించునే

కపట నిదురమాని మా-మాట మన్నించవే

https://youtu.be/PSZ7WvdEPKM

 రచన,స్వరకల్పన&గానం:డా.రాఖీ

కురులు నవ్వుతాయి-గాలికి చెలరేగి

కనులు నవ్వుతాయి- క్రీగంట కవ్వించి

పాపిటి సిందూరమూ గర్వంగా నవ్వుతుంది

పెదాలు నవ్వితే వింతేముంది 

నవ్వు మత్తుజల్లితే కొత్తేముంది

మహిమ గలదిలే చెలీ అందమైన నీ నవ్వు

మహిలోన సాటిరాదు నీ నవ్వుకు ఏపువ్వు

1.చెవి జూకాలు నవ్వుతాయి-చెక్కిళ్ళు నవ్వుతాయి

కెంపుల చెంపల సొట్టలు సైతం నవ్వుతాయి

నాసికా నవ్వుతుంది-చుబుకమూ నవ్వుతుంది

చుబుకానికున్న చిన్ననొక్కూ నవ్వుతుంది

నవ్వుకు నిలువెత్తు రూపం నీది

నవ్వుకు సరియైన విలాసం నీమది

2.నవ్వుల పాలైతాయి -లోకంలో ఎన్నోనవ్వులు

జీవమే లేక పూస్తాయి కొన్ని ప్లాస్టిక్ పువ్వులు

జలతారు ముసుగులవుతాయి-మోముకు కొన్ని నవ్వులు

ఎద వేదన పదిలంగా కప్పిపుచ్చుతూ నవ్వులు

మహితమైన మణిరత్నం అపురూపపు నీ నవ్వు

మహిళలంత కుళ్ళుకునేలా కాంతులెన్నొ రువ్వు

 

https://youtu.be/Xe7Y7_w-wsI?si=vy-TS74sZQOQPjAH

12) గోదాదేవి పన్నెండవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం: హంసానంది

కదలవే సుందరి గోపికా తక్షణము 

నిష్ఠగ చేయగా తిరుప్పావై వ్రతాచరణము

పొందెదము మనమిక శరణము 

రాయినే రమణిగ చేసిన  రామ చంద్రుని చరణము

1.పశుసంపద మిక్కిలి గల యదు శ్రేష్ఠుని చెల్లెలా

లేగలు పొదుగులు చేపగ కారిన పాలాయే బురదలా

మంచు కురియ తలలు తడవ వాకిట మాకేలా నీకై ఈ కాపలా

పండుకొన్నదిక చాలు లేలే ఇక గారాలు పోమాకే పసి పాపలా

2.తండ్రిమాట జవదాటని సాకేత రాముని కథను

పతి బాటను చేపట్టిన మహిజ సీత పాతివ్రత్య చరితను

తన సతినపహరించ దశకంఠు దునిమిన కోదండరామ గాథను

ఎలుగెత్తీ ఆలపించ వినిసైతం లేవనట్టి నీదెంతటి విడ్డూర మననూ

https://youtu.be/3MTtVNLGdk0

 రచన,స్వరకల్పన&గానం:డా.రాఖీ

పొరపొచ్చాలే ఎరుగనిది

తెరచిన మనసుతొ  మసలేది

మన్నింపెన్నడు కోరనిది

ఎదీప్రతిగా  ఆశించనిది

చెలిమి కన్నా కలిమే లేదు జగనా

తన పర భేదమె కనరాదు స్నేహానా

1.మంచీ చెడులను వివరించేదీ

 తప్పుల నెన్నక సవరించేదీ

ఒంటరితనమును మరపించేది

అండగ ఉంటూ నడిపించేది

చెలిమి కన్నా కలిమే లేదు జగనా

స్వార్థపు ఛాయే కనరాదు స్నేహానా

2.ఎందరు ఉన్నా ముందుగ మెదులును నేస్తం

ఖేదం మోదం పంచుకొనుటకు తానే సమస్తం

చీకటి కమ్మిన వేళలలో మిత్రుడే మనదారిదీపం

పూర్తిగ నమ్మెడి ఆప్తుడొకడే పరమాత్మ రూపం

చెలిమి కన్నా కలిమే లేదు జగనా

వంచన యన్నది కనరాదు స్నేహానా

 https://youtu.be/nzoS6uCcVFE

రచన,స్వరకల్పన&గానం:డా.రాఖీ

ఇంతి నీ అణువణువున  చంద్రకాంతి

పూబంతి నీ మోము కనగ మదికి ప్రశాంతి

నిలువెల్లా వెల్లువై తెలుపు తెలుపుతోంది

పాలని బోలిన స్వచ్ఛత నీ మనసుదంది

1.తెల్లచీర అందాన్ని సంతరించుకొంది

నీ తనువును పెనవేసి పులకించింది

తల్లోన మల్లెమాల తరించిపోయింది

నీ కురులను అలరించి పరవశించింది

2.ఫక్కున  నవ్వితే పల్వరుసే వజ్రదంతి

మిక్కిలి పరిమళమే నీకడ తెల్లచామంతి

చుక్కల మెరుపంతా నీ అక్కున జేరింది

నీ కదలిక తటిల్లతగ చూపరులకు తోచింది

 

https://youtu.be/sh4Lqtrxw5c?si=4PRr86n5jPbQ47Ly

11) గోదాదేవి పదకొండవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం: మోహన

భామామణీ గొల్లభామామణీ

అందరిలోకి నీవె అందాల భరణి

యదుయోధుల వంశజవయ్యీ రాజిలు రాణి

సుగుణశీలివి ధైర్యశాలివి స్వర్ణలతాంగి రమణి

సుప్రభాత సమయమాయె వ్రతపు నియమమాయే

త్వరపడి నిదురలేచి రంగని మార్గళిసేవకు చనవాయే

1.వనమయూర ఛాయతో వరలే వనితామణీ

నీ జఘనము తలపించునే విప్పిన నాగ ఫణి

ఇరుగుపొరుగు ఇంతులు పాడిరి కృష్ణగీతాలని

ఎంతకూ ఉలకవు పలకవు కారణాలేవొ పూని

సుప్రభాత సమయమాయె వ్రతపునియమమాయే

త్వరపడి నిదురలేచి రంగని మార్గళిసేవకు చనవాయే

2.ఒరులకు బుద్దిగరపు శుభలక్షణ లక్షితవు

శ్రీ వ్రత నియమాలు నీవె దీక్షగ పాటింతువు

ఆవుల పొదుగుల పాలు పితుకు సడినీ వినవు

చెలులమంత చేరిచేసే ఈ అలజడినీ కనవు

సుప్రభాత సమయమాయె వ్రతపునియమమాయే

త్వరపడి నిదురలేచి రంగని మార్గళిసేవకు చనవాయే

https://youtu.be/Eyj2863shx0?si=YHRJQDjF-ZSaXtJA

 రచన,స్వరకల్పన&గానం:డా.రాఖీ

తిరిగి చూసుకుంటే-చిత్రమైన పరిచయం 

ఏ విధి పెనవేసెనో-మన పవిత్ర స్నేహం

ఎడారిలో దొరికింది-అమృత మైత్రి కలశం

మండుటెండలో నేస్తం-మలయ సమీరం

1.కలిసిన అభిరుచులే పెంచెను అభిమానము

వెతలో కలతలో మనకు చెలిమె సాంత్వనము

వెన్నుతట్టి ప్రోత్సహించు అతులితమౌ ప్రేరణము

కన్నుకు రెప్పలాగా నిరతము కాపెట్టే సాధనము

 

2.రంగు రూపు ఏదైనా మనసుల సాంగత్యము

 ఆడా మగయన్నదేది కాదొక అవరోధము

ధనిక పేద భావనలకు తావీయదు ఆభిజాత్యము

పరస్పరం అనుక్షణం హృదయాంతర ప్రియత్వము

 

https://youtu.be/toshHSrZAPY

రచన,స్వరకల్పన&గానం:డా.రాఖీ

ఉసిగొలుపుతున్నాయి నీ మేని మిసమిసలు

కసిపెంచుతున్నాయి నీ వొంటి పదనిసలు

పసివాడినే ప్రేయసీ మసిచేయకే ముసిముసిగ నవ్వేసి

వసివాడి పోయానే నిన్నే చూసి చూసి చూసి కళ్ళే తేలేసి

1.రసాభాస కానీకు నువు చేసిన బాసలన్నీ

గాలిమేడలవనీకు నీవాడిన ఊసులన్నీ

ఊసూరంటూ ఉన్నానే ఊరించకు ఇక నన్ను

ఉప్పెనయై ఎగసే కెరటం వారించకు నా తపనను

2.మూలకున్నవాడిని ముగ్గులోకి దింపావు

వలపులన్ని రంగరించి మనసుమీద వంపావు

పద్మవ్యూవ యుద్ధరచనలో అభిమన్యుడ నేను

సంసిద్ధమై దూకానంటే వెన్నుచూపి మనలేను

https://youtu.be/IsWnOexJR5o

 రచన,స్వరకల్పన&గానం:డా.రాఖీ

నీలినీలి కోకలోన కోమలాంగి

అప్సరసగ తోచావే ఓ శుభాంగి

నీ పలుకులు తలపించును సారంగి

మహిలోన సాటిలేదు నీ అందానికి ఓ సంపంగీ

1.అజంతా చిత్రాలు గీసింది నిను చూసే…

ఎల్లోరా శిల్పాలలోనూ అట నీ రూపసే

ఇంద్రధనుసు కున్నదంత నీ సొగసే

పరవశమై పోయింది నినుగని నా మనసే

2.వాలిన నీ రెప్పల వెనుక నను స్వప్నమవనీ

మెరిసే నీ బుగ్గలపైన నును సిగ్గునవనీ

మందార అధరాలపై చిరునగవు నవనీ

నీ నుదుట సిందూరమై నను చెలఁగనీ

 

https://youtu.be/w1PY17zB4Ik?si=4V1Q5aK-Uax0y7xN

10) గోదాదేవి పదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం: భాగీశ్వరి

తలుపు తీయవే నెరజాణా ప్రియ గోపచానా

గోపాలుని తీయని తలపుల మునిగినదానా

అహరహము నిదురనూ హరి నొదలనిదానా

వేకువజామాయే వేగలేవగ జాగేల ఇభయాన

వనమాలినేగొలుచు వ్రతమాచరించగ లెగవా

ఈ గాఢ నిద్దుర నికనైన వీడి సిద్ధపడవే మగువా

1.కుంభకర్ణుణి భగినివో కన్మోడ్పునకు

ఓర్మిగల ఊర్మిళ పూర్వజవో శయనానికి

బదులైన పలుకవే మా అరుపుల గోలకు

పదపడి వీడవే మొద్దునిద్దుర శౌరి సేవకు

2.జాగృతమైనా అనృతమాడకు నిదురయని

తప్పించుకోకు తప్పునోయని తీయక తలుపులని

కొలిచెదము ప్రీతిగ తులసీదళమాలి నారాయణుని

పొందగ వ్రతఫలము అంగజ జనకుని అండను కోరి

 https://youtu.be/YKtpuwOveio

రచన,స్వరకల్పన&గానం:డా.రాఖీ

రాగం:దర్బార్

మురళీ మనోహరం

శీకర శరీరం వశీకరం

రాధికా హృదయేశ్వరం

గోపికా చిత్తచోరం

కృష్ణం వందే జగద్గురుమ్

కృష్ణం వందే జగద్గురుమ్

1.యమునా తీర సంచారం

బృందావన రాస విహారం

కరుణాకరమ్ గిరిధరమ్

ఘన శ్యామ సుందరమ్

కృష్ణం వందే జగద్గురుమ్

కృష్ణం వందే జగద్గురుమ్

2.సమ్మోహన విగ్రహమ్

ప్ర జ్ఞానా నుగ్రహమ్

సుజన రంజనమ్ నిరంజనమ్

నందనందనం ఆనందవర్ధనమ్

కృష్ణం వందే జగద్గురుమ్

కృష్ణం వందే జగద్గురుమ్

 https://youtu.be/R55WQZrjun4?si=EhV41Z8YpriJokbT

రచన,స్వరకల్పన&గానం:డా.రాఖీ

శివమైనా కానీ నను శవమైనా కానీ ధృతి

నీవే వశముకాక పరవశ మాయేనా నామతి

పశుపతి పార్వతీపతి  నాకీవే శరణాగతి 

అహర్పతి జగత్పతి నాకీవే భవా సదాగతి

1.ఆశే దోషమై బహుకృత వేషమై

అశనిపాతమై అంతట ఆవేశమై

అస్థిర చిత్తమై బ్రతుకే అస్థవ్యస్థమై

నిత్యం రణదృశ్యమై మరణ సదృశ్యమై

2.నిను తలవని క్షణమే తీక్షణమై

చంచల హృదితో కాల భక్షణమై

దశ దిశా లేక శిశు పశు లక్షణమై

నీ కృపాకటాక్ష వీక్షణకై నిరీక్షణయై

https://youtu.be/K-n7dHTb9R4?si=16oUnmK0QuqZvKQx

 9) గోదాదేవి తొమ్మిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం: వలజి

అత్తకూతురా మేనత్తకూతురా

వగలమారి వన్నెలున్న వదినమ్మా

మత్తు నిదుర వదలవే ముదురమ్మా

భక్తపరాయణుడా నారాయణుని కొలువగ వేళాయెనే

దిండును హత్తుకుని పండుకొన్నదిక చాలు మేలుకొనవదేలనే

1అత్తరు పరిమళాలు చిత్తము చిత్తుచేయగా

సుతిమెత్తని పరుపుమీద వత్తిగిలినావా

రతిసుఖసారుని మతిలో నిలిపి కమ్మని కలకంటివో

ఇరుకైన వాడలో అద్దాల మేడలో ఇభవరదుని బిగికౌగిటి కలకంఠివో

భక్తపరాయణుడా నారాయణుని కొలువగ వేళాయెనే

దిండును హత్తుకుని పండుకొన్నదిక చాలు మేలుకొనవదేలనే

2.మమతలు పంచేటి మా ప్రియమైన అత్తమ్మా

నీ గారాల సింగారాల కూతురిని కుదిపైనా లేపవమ్మా

చెవిటిదీ మూగదీ కానైతె కాదుగాని కదలదేలనమ్మా

కన్నయ్య లీలలెన్నొ గానం చేసే మా అలికిడికి ఉలకదు పలకదేలనమ్మా

భక్తపరాయణుడా నారాయణుని కొలువగ వేళాయెనే

వ్రతదీక్ష కొనసాగ వదలము వదినను తప్పదు తననికా మేలుకొలుపవమ్మా

 

https://youtu.be/SPlvkJDOAxA?si=9zCQxtTiaEUaExjn

రచన,స్వరకల్పన&గానం:డా.రాఖీ

జలతారు ముసుగు వెనక

జవరాలిదే సొగసు కనక

జాబిలికి ఎంతొ కినుక

జారుకుంది వగచి తానే మనక

1.కురులన్ని తామసిని బోలి

కనులు తారకలై మిలమిలలాడి

దరహాసమే చంద్రికయై కురిసి

శశి బదులు తానని సవాలు విసిరేసే

2.చూపులలోనా వింత కవ్వింతలు

చెంపలలోనా నను సిగ్గు దొంతరలు

వలపు పిలుపుతో మేన పులకింతలు

తలపుకొచ్చినంత అంతులేని చింతలు

 https://youtu.be/DYyZvGUI7O0?feature=shared

8) గోదాదేవి ఎనిమిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం: దేశ్

ఓ గోపికా నువు నిదురించుట నాపిక

నిను మేలుకొలుపగ సన్నగిల్లె మా ఓపిక

శ్రీకృష్ణుని సేవలో నీకు ఆసక్తి మెండు కనుక

నిను తోడ్కొని పోవగ తప్పదు మాకీ జాగృత గీతిక

శ్రీ రంగశాయి కీయగా మనము మంగళహారతిక

1.పొద్దెక్కి పోతోంది సద్దు పెద్దదవుతోంది

ఆలమందయూ పచ్చిక బయలుకు చేరింది

మంచు ఆవరించిన పచ్చికను మేయసాగింది

నీదే ఇక ఆలిసెము మనబృందమంత సిధ్ధమైంది

శ్రీ వ్రతమాచరించ నిను శీఘ్ర పరచుతోంది

2.చాణూర ముష్టికుల మట్టి కరిపించిన వాడు

వైకుంఠధాముడైన మహావిష్ణు అవతారుడు

గానవిలోలుడా గోపాలుని ప్రణుతించినంతనే

ఇహపర సౌఖ్యమొసగి మనల ఆదరించుతాడు

వెంటనే కనులు విప్పి మా వెంటను చని తీరాలిక

https://youtu.be/2bP7TZHy3QE?si=voR9D4zNkBmcaOIG

 రచన,స్వరకల్పన&గానం:డా.రాఖీ

రాగం:హంస నాదం

నిమిత్త మాత్రుడను-చిత్త ప్రవృత్తుడను

కర్మాను వర్తుడను-నీ చరణ శరణాగతుడను

వేంకటరమణా సంకట హరణా కరుణాభరణా

నీ నిజ భక్తుడను సేవానురక్తుడను నీ దాసదాసుడను

1.పాండురంగ విఠలునిగా భజింతును

   శ్రీరంగ నాథునిగా నిను కీర్తింతును

   గోదా ప్రియ నాథునిగా మది ప్రార్థింతును

   శ్రీనాథా అనాధనాథా యనిసదా స్మరింతును

2.భద్రాద్రి రాముడవని నిను భావింతును

   ధర్మపురి నరహరిగా నిను సేవింతును

   బదరీనాథునిగా ఎద నిను నిలిపెదను

   శ్రీ సత్యనారాయణ స్వామిగ అర్చింతును

https://youtu.be/i_MXwItjoYU?si=bLa1ShkmONN-PwN2

 7)గోదాదేవి ఏడవ పాశురగీతం-స్వేచ్ఛానువాదం

30రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం: శ్రోతస్విని 

కేశవ మాధవ ముకుంద శౌరి

గీతాలు ప్రియమార కోరి కోరి

ఆలపించెడి మా బృంద నాయకీ

కనకపోతిమి చెలీ నీ ఆచూకి

ఆదమరచి నిదురింతు వేల

శ్రీ వ్రతమాచరించెడి శుభవేళ

1.వేకువ జామాయే వేగిరపడవు

ఊరంత సందడి నీవేల వినవు

నీ నటనలు కడు విడ్డూరమే

నోము నోచుట నెరిగీ నిర్లక్ష్యమే

ఆదమరచి నిదురింతు వేల

అలసిన మిషతో బద్దకమేల

2.క్రౌంచ మిథునపు కీచు రొదలు

గొల్లభామల గాజుల సడులు

పెరుగు చిలికెడి వింత పదరులు

వినరావా రావాల హరి కీర్తనలు

ఆదమరచి నిదురింతు వేల

వేచితిమి నీకై పదపడి రావేల

 

https://youtu.be/I-s34VyWyHo

రచన,స్వరకల్పన&గానం:డా.రాఖీ

బద్దకించే చిన్నముల్లువి నువ్వు

సుద్దులాడే పెద్దముల్లుని నేను

మన జీవితమే చెలీ గోడ గడియారం

నాకు పయనమెంతో దూరం

నీకు అడుగు కదపడమే భారం

1.సూర్యకాంతి పువ్వులా నీవైపు నాచూపు

చంద్రగోళమల్లె నీ చుట్టు దిరుగుడె పొద్దుమాపు

తుమ్మెదనై చిక్కుబడితి నీ తమ్మికనుల మద్దెన

పట్టొదలక నీ వెంటబడితి ఎంతగ నువు వద్దన్నా

2.గొడుగును నేనై అడుగడుగున తోడుంటా

పదముల నీ పట్టీనై ఘల్ ఘల్లని మ్రోగుతా

సెకనుల ముల్లెక్కించి సుఖములు చూపుతా

కాలమున్నంత కాలం నీ జతగా కడతేరుతా

 

https://youtu.be/x_CuJbKZgWE?si=hYmVHtmesnSbBmXX

రచన,స్వరకల్పన&గానం:డా.రాఖీ

ఎన్ని కారణాలో అప్సరసవు నీవని  నమ్మడానికి

రూపం సౌందర్యం గాత్రం గాంధర్వం ఉనికే మార్మికం

ఎన్ని అనుభవాలో నిన్నే దేవతగా కొలవడానికి

దివ్యమైన విగ్రహం వరముల అనుగ్రహం ధర్మాగ్రహం

మనసా వచసా శిరసా అందానికి వందనం

దేహం జీవం భావం సర్వం నీకే అంకితం

1.మురిపిస్తావు సొగసులతో

బులిపిస్తావు సోకులతో

అందీ అందక ఎందుకో ఏమారుస్తావు

కలలో మాత్రం ప్రత్యక్షం

కలయిక కేలనో నిర్లక్ష్యం

ఎప్పటికిక దొరుకేనో నిను పొందే మోక్షం

2.పరీక్షించి చూస్తావు నా ఓర్పుని

నిరీక్షింప కురుస్తావు ఓదార్పుని

ప్రాణం పోతుంటే పోస్తావు  అమృతాన్ని

నిలిచేవు నిత్యం నా కలమందు

పూసేవు కాలే నా హృదయానికి మందు

నవ్వుల దివ్వెలునాకై వెలిగిస్తావు అంధకారమందు

 

https://youtu.be/jJNzcRSxryo?si=pqFrEinmRJcPjiGU

(6) గోదాదేవి ఆరవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:మలయమారుతం

నీల మేఘ శ్యాముడు

లీలా మానుష విగ్రహుడు

గరుడ గమనుడు శేష శయనుడు

కొలువై ఉన్నాడు కోవెల లోన శ్రీ రంగనాథుడు

నిలుపరో చెలులార హృదయములోన రేపవలు

మేలుకొనరో ముదితలార చేయగ మార్గళి సేవలు

1.ఆలకించరో ఆరుబయట పక్షుల కువకువలు

వినరో మందిరమందున శంఖమూదు నాదాలు

మునులూ యోగులు ఒనరించు హరినామ స్మరణలు

భక్తుల ఎలుగెత్తు గోవింద గోవింద స్వన సందడులు

మేలుకొనరో ముదితలార చేయగ మార్గళి సేవలు

2. ఘాతకి పూతన పాలుత్రాగి హతమార్చినాడు

శకటాసురుని పదతాడనతో తుదముట్టించినాడు

మన్నుదిన్న కన్నయ్య మైమలు జనులు మరువరు

బాలకృష్ణుని ఎనలేని లీలలు ఎన్న జాలరెవరు

మేలుకొనరో ముదితలార చేయగ మార్గళి సేవలు

 

https://youtu.be/WthZYkYzr9U?si=x3M1YM9_xCcAUdiJ

(5)గోదాదేవి ఐదవ పాశురగీతం-స్వేచ్ఛానువాదం

30రోజుల వ్రతం-ముప్పై రాగాలతో గీతా ఆరాధన

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:కనకాంగి

అష్ట పుష్పార్చన స్పష్ట పరచును

కృష్ణుడి ఇష్టమే విశద పరచును

మురళీధరుని సలువుగ వశపరచును

మురారి లీలలు మనల అబ్బుర పరచును

1.అహింసా కుసుమ ప్రియుడు మధురాధీశుడు

ఇంద్రియజిత పూమాల ధరుడు యమునాతీర సంచారుడు

దయ క్షమ యను విరుల పూజకు సంప్రీతుడు

యశోదమాత వాత్సల్యానికి బంధన బద్ధుడు

2.యదుకుల దీపుడు జ్ఞాన రూపుడు

జన్మాంతర పాప ధ్వంసుడు తపఃప్రసూన కాంక్షుడు

సత్యసూన మోహితుడు నృత్యగాన లోలుడు

ధ్యాన ననమున పాడి తరించగ గోపికలారా ఈ గోదా నుడి వినుడు

 

https://youtu.be/Gq1p4r6wY7M?si=ZaeFNFL8NJkucPo9

రచన,స్వరకల్పన&గానం:డా.రాఖీ

రాగం:ఉదయ రవి చంద్రిక

ప్రేమ మొలకెత్తింది నా హృదయానా

కారణమైతే నీవేలే నా ప్రియ నేస్తమా

గులాబీ రెక్కల మెత్తదనం అనుభవానా

జవ్వాజి పరిమళ ఆఘ్రాణం మానసానా

రావే చెలీ సుమలతవై  ననల్లుకోవే 

నీవే సఖీ జతవై నా ఇల్లాలుకావే

1.బీడుగా మారిన నా మదిలోనా 

నీ పలకరింపే పుట్ట తేనె వానా

నీవే నా బండ బారిన గుండె వేదికన

మ్రోగే మంజుల నిక్వణ మాణిక్యవీణ

రావే చెలీ సుమలతవై  ననల్లుకోవే 

నీవే సఖీ జతవై నా ఇల్లాలుకావే

2.నీ ఎద కమలం విరియుటకై

ఉదయం నా కవి రవి ఉదయించేది

నీ కను కలువలు మురియుటకై

కవితల కైరవి పపి నీపై కురిపించేది

రావే చెలీ సుమలతవై  ననల్లుకోవే 

నీవే సఖీ జతవై నా ఇల్లాలుకావే

 

https://youtu.be/gDq1sD3uGdM?si=uFlWh-S0wmcuSoZ6

4)గోదాదేవి నాలుగవ పాశురగీతం-స్వేచ్ఛానువాదం

30రోజుల వ్రతం-ముప్పై రాగాలతో గీతా ఆరాధన

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:మధ్యమావతి

పారణదేవా కరుణజూపుమా

అనుకూలముగా కురియుమా

ఘనాఘన సుందర దేహుడు

దయా సముద్రుడు మా కృష్ణుడు

నీ ప్రతి కదలిక తానైనవాడు

సర్వజగత్కారణ భూతుడు,తులసీదళ సంప్రీతుడు

1.మహాసాగర నడుమన కేగి

అపార జలమును  కడుపార త్రాగి

గర్జించు  పర్జన్యవై నిండాలి నింగి

వర్షించు శార్ ఙ్గ ధనుర్భాణ భంగి

స్ఫురణకు రావాలి నారాయణుడు

శరణము నీయాలి శ్రీరంగనాథుడు

2.అతివృష్టికానీకు అనావృష్టిరానీకు

దాతృత్వములో సాటి రారెవరు నీకు

నీ వాన మేలవని  భూలోక జనులకు

మార్గళి స్నానమై వరలనీ మా మేనులకు

సన్నుతులివె మా స్వామి రంగరంగనికి

సాష్టాంగ ప్రణతులివె మా నరసింగునికి

 

https://youtu.be/Eb0iUQAqhuA?si=iRV0CNzlt5mL61xL

(3)గోదాదేవి మూడవ పాశురగీతం-స్వేచ్ఛానువాదం

30రోజుల వ్రతం-ముప్పై రాగాలతో గీతా ఆరాధన

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:మాయా మాళవగౌళ

మూడడుగులు బలిని దానమడిగినవాడు

చూడముచ్చటైన మన వామన బాలుడు

ఏడేడు లోకాల నాక్రమించి వ్యాపించినాడు

జగన్నాటక సూత్రధారి విరాట్రూపి త్రివిక్రముడు

విశ్వశ్రేయస్సు కూర్చాలి శ్రీకాంతుడు అనంతుడు

1.మార్గళి స్నానమాచరించు వ్రత ఫలమున

మూడు వానలు ఆరు పంటల సమృద్ధిగా

ఇంటింటా గోకులాన కురియనీ వాన సంపదగా

భారమైన గోపొదుగుల కారాలి పాలుధారగా

జగన్నాటక సూత్రధారి విరాట్రూపి త్రివిక్రముడు

విశ్వశ్రేయస్సు కూర్చాలి శ్రీకాంతుడు అనంతుడు

2.పచ్చదనము తో ప్రకృతి కనువిందు చేయగా

జుమ్మను తుమ్మెదలే కలువల ఎదల వాలగా

పెరిగిన పైరుల ధాన్యము అపారమై గాదెలు నిండగా

రేపల్లే బృందావనాల కావాలి అనునిత్యం పండగా

జగన్నాటక సూత్రధారి విరాట్రూపి త్రివిక్రముడు

విశ్వశ్రేయస్సు కూర్చాలి శ్రీకాంతుడు అనంతుడు

https://youtu.be/0p0TuAu9jIA

 రచన,స్వరకల్పన&గానం:డా.రాఖీ

రాగం:శివరంజని

మనసు పరితపిస్తోంది నిన్ను కలవాలని

కన్ను కాంక్షపడుతోంది నిన్ను కాంచాలని…

గుండె మరిచిపోయింది లబ్ డబ్ శబ్దాన్ని

వందసార్లు స్పందిస్తోంది ప్రేయసీప్రేయసని

1.పదేపదే నీపదం ముద్దాడనీ నను మువ్వనై

అదేవిధిగ మోవినీ అలరించనీ చిరునవ్వునై

నీ ఎదలో సుస్థిర స్థానం ఇకనైనా నను పొందనీ

నీ భావ కవితల్లో నీ హాయి తలపుల్లో నను చేరనీ

2.నీ సమయం నిమిషమీయి మేనుసేవ చేస్తా

క్రీగంట  వీక్షించూ బ్రతుకు ధారపోస్తా

నీ మదిలో మెదిలానా వచ్చి ఎదుట వాలుతా

కోరుకుంటె ప్రాణాలైనా నవ్వుకుంటు వదిలేస్తా

 

https://youtu.be/vu6hthsF8RI

రచన,స్వరకల్పన&గానం:డా.రాఖీ

ఈ చల్లని సాయంకాలమే

చేసింది ఇంద్రజాలమే

వెలిసింది నీ సుందర రూపమే

ఇంకేది కాదది ఇంద్రచాపమే

1.గాలికి చెలరేగే నీ కురులై మేఘాలు

ముఖ సరసున  కనుల బోలి కలువలు 

నాసికా చెక్కిళ్ళుగ సంపెంగలు రోజాలు 

మురిసే అధరాలై విరిసే మందారాలు

2.గిరులు ఝరులు ప్రకృతి వనరులు

గుర్తు తెచ్చేను చెలి నీ సోయగ సిరులు

చిలుకల పలుకులు హంసల కులుకులు 

పలువన్నెలు దివిచిన్నెలు నీ కలబోతలు

 https://youtu.be/yzNyKKr7wNo?si=JCrC9Vpr6fpIopT9

రచన,స్వరకల్పన&గానం:డా.రాఖీ

రాగం:ఆనంద భైరవి

మంగళ హారతిదే మాధవా

కర్పూర హారతిదే రమాధవా

జయ మంగళ హారతిదే సత్యదేవా

శుభ మంగళ హారతిగొని

శుభములు మాకీవా

1.నియమముతో ఏటేటా చేసెదము సత్య వ్రతము

నీ దయతో దూరమగును గతములోని మా దురితము

ఐదు కథలు గలిగిన నీ మహిమ మహితము

ఇహపర సాధకము స్వావి నీ దివ్యచరితము

2.ధనధాన్యాదులు కురిపించు మా ఇంట సిరులు

ఇడుములు దుఃఖములు కడతేర్చు మా బాధలు

అసత్యమే పలుకము ఆదుకొనగ స్వామీ నీవే గద

శ్రీ సత్యనారాయణ త్రికరణశుద్ధిగా నిన్నే నమ్మెద

https://youtu.be/-rwRzTE5pL4?si=1mykx0pIFEUn5VWx

 రచన,స్వరకల్పన&గానం:డా.రాఖీ

అద్దంలో ప్రతిబింబం అది నీ హృదయం

ఎదురుగా నా చెలీ నిలువెత్తు నీ సౌందర్యం

నిన్ను నీకు చూపించే నేనే నీ నిజనేస్తం

బహుజన్మల పుణ్యఫలం నాకు నీ సంప్రాప్తం

1.జీవితాన నువులేక జీవితమే కడుచేదు

నీ తోడు లేక  స్వర్గమైనా సఖీ అది ఖైదు

నీ మాట నటనయని ఊహకైనా రాదు

నీ కొరకై భరియిస్తా తెగువతొ అపవాదు

2.నీ సహచర్యముంటె నాకెంతో ధైర్యం

నీ సాంత్వన మాన్పేను నా ఎదగాయం

నీ పెదవుల మధువనిలో నిత్య వసంతం

నీ పలుకే  హాయి గొలుపు మంజుల గీతం

https://youtu.be/5JfFV8v2ZeA?si=z8uWfcN8WT7PIy5R

 రచన,స్వరకల్పన&గానం:డా.రాఖీ

నోచాను నీకై ప్రణయసార వ్రతము

వేచాను విరహాన ఈ సాయంత్రము

కొలను కలువల ఎడబాటు తీరెను

గగనమున జాబిలి ఆగమనమున

అభిసారికనైతి ప్రియా నీరాకను కనరాకను

కామనము తీరక వగచితి నా మనమున

1.ప్రశాంతమైన పూవన ప్రాంతమున

ఏకాంతమే దొరికిన ఈ సమయమున

నిను వలచిన కాంతనై చింతాక్రాంతమున

వలపులు చిలుకు వన్నెల ప్రాయమున

అభిసారికనైతి ప్రియా నీరాకను కనరాకను

కామనము తీరక వగచితి నా మనమున

2.మల్లెల మాలనే వాలుజడలో తురిమి

తెల్లని చీరతో పెంపొందించగ కూరిమి

రమించగ శ్రమించగ నశించు నీ ఓరిమి

లాలించగ పాలించగ చేసుకో నను మాలిమి

అభిసారికనైతి ప్రియా నీరాకను కనరాకను

కామనము తీరక వగచితి నా మనమున

 https://youtu.be/vOEfVUTJ-VE?si=kAJpV6Ws6WQXVscf

రచన,స్వరకల్పన&గానం:డా.రాఖీ

రాగం:మధ్యమావతి

సతీదేవి గతించగా చలించెగా నీమతి

పరితపించి అయితివిగా నీవొక యతి

మరలా జనియించి వరించినది మా పార్వతి

అర్ధదేహమిచ్చావని తృప్తినొందెనీ శ్రీమతి

హరా హరహరా భవహరా శివశంకరా

పరా పరాత్పరా ప్రణతులివే పరమేశ్వరా

1.గంగని సిగనిడితివి గంగాధరా

సోముని తలదాల్చివి సోమేశ్వరా

మూడుకన్నులున్న త్రయంబకేశ్వరా

నాగులే నగలు నీకు నమో నాగేశ్వరా

హరా హరహరా భవహరా శివశంకరా

పరా పరాత్పరా ప్రణతులివే పరమేశ్వరా

2.గరళము గళమునగల నీలకంఠేశ్వరా

ఉరమున విశ్వమున్న విశ్వేశ్వరా

కరమున శూలముగల రుద్రేశ్వరరా

ఢమరును మ్రోయించెడి నటేశ్వరా

హరా హరహరా భవహరా శివశంకరా

పరా పరాత్పరా ప్రణతులివే పరమేశ్వరా

3.భస్మాంగరాగా భవా రామలింగేశ్వరా

చర్మాంబరధరా  శివా రాజరాజేశ్వరా

మర్మతత్వ బోధకా శంభో మహేశ్వరా

ధర్మస్థల దీపకా శ్రీ మంజునాథేశ్వరా

హరా హరహరా భవహరా శివశంకరా

పరా పరాత్పరా ప్రణతులివే పరమేశ్వరా

 

https://youtu.be/sdb87UgrFYM?si=lUfP583eVRuUFtX6

రచన,స్వరకల్పన&గానం:డా.రాఖీ

నిండు పున్నమి నిశిలో 

వెండి వెన్నెల శశినీవే

కవన గగన తారా రాశిలో

వెలుగులీను ధృవతారవే

రెప్పలమాటున నను దాచేయగా

స్వప్నలోకాల విహరింపజేతువే హాయిగా

1.అవశ్యమై ఎదనావరించు పారవశ్యము

నీ కవితనుంది మదినేదోచేసే రహస్యము

ఆసాంతం ఆస్వాదింపజేయు బిగువే నీ సొంతం

అభిమానిగ మార్చేసే పాటవమే నీ సహజాతం

2.కవిత్వ మాధుర్యం నీకు కరతలామలకం

నీ మేని సౌందర్యం అప్సరసలకే తలమానికం

రెంటిగొప్ప తేల్చుటలో నా గుండెయె లోలకం

నచ్చుతుంది నాకెపుడూ నగవుల నీ వాలకం

 https://youtu.be/C12ZhlMd9_0?si=8l8n3svtM32hQJcX

1)గోదాదేవి తొలిపాశురగీతం-స్వేచ్ఛానువాదం

30రోజుల వ్రతం-ముప్పై రాగాలతో గీతా ఆరాధన

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:దర్బార్ కానడ

గొల్లభామలారా-రేపల్లె లేమలారా

మార్గశిర మాసమెంతొ మేలైనది

మన నందబాలునర్చించే వేళైనది

మార్గళి స్నానముకై  చనుచుంటినే నది

చెలులార ఆలకించరో మేలుకొనగ గోదా పిలుపిది

1.ఘనశ్యామ సుందరుడు నంద కిశోరుడు

డెందాలను మురిపించే బృందావిహారుడు

రవి తీక్షణుడు శశి వీక్షణుడు సర్వసులక్షణుడు

అన్యధా శరణం నాస్తి మనకు శ్రీమన్నారాయణుడు

అనవరతము తపించ శ్రీ వ్రతఫలమీయును కృష్ణుడు

2.వలువలు దాచేసే నవనీతచోరుడు

వదులుకొనే తెగువుంటే మదినే దోచువాడు

ఆనందవర్దనుడు అహంకార మర్దనుడు

జగన్మోహనాకారుడు జగదుద్ధారుడు జనార్ధనుడు

అనవరతము తపించ శ్రీ వ్రతఫలమీయును కృష్ణుడు

 

https://youtu.be/C12ZhlMd9_0?si=8l8n3svtM32hQJcX

(2)గోదాదేవి రెండవ పాశురగీతం-స్వేచ్ఛానువాదం

30రోజుల వ్రతం-ముప్పై రాగాలతో గీతా ఆరాధన

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు

రచన:డా.గొల్లపెల్లి రాంకిషన్(రాఖీ)

రాగం:నీలాంబరి

(రాగ ఆధారం జంటిల్ మెన్ సినిమా పాట- నా ఇంటి ముందున్న పూదోటనడిగేనూ)

ధనుర్మాస శుభవేళ తిరుప్పావై వ్రతదీక్ష

నీమాల నాచరించ నిక్కము ఒక పరీక్ష

పురుషోత్తమ మాధవా పుండరీకాక్ష

శరణంటిమి పరిసమాప్తి చేయగ మాకీవె రక్ష

1. చేసెదము మబ్బుననే కావేటి స్నానము

సతతమూ  రంగనాథ మదిలో నీ ధ్యానము

పలికెదము గోవిందా మా నోట నీ నామము

ఆచరించెదము ఆర్తిమీర మార్గళి సిరినోము

2.కంటికి నిను అంటించి-కృష్ణా కాటుక మానేము

కమలాక్షుడ తలనిడి నిను- పూలకొప్పు ముడువము

నెయ్యిని పాలను నీనెయ్యముకై మేమారగించము

ప్రియమగు సత్యమగు నుడుగులనే నుడివెదము

3.పాలకడలి శయనించే పద్మనాభ మంగళము

విబుధవరేణ్యుల కొసగెదము విరళ దానము

సాధు సంతులకు బ్రహ్మచారులకు నిత్య సమారాధనము

క్రమతను మము నడుపగ స్వామీ నీకు వందనము

https://youtu.be/wC7IG3Rn09U

 రచన,స్వరకల్పన&గానం:డా.రాఖీ

రాగం:సారమతి

నిరంతరం నీగానము

అంతరాన నీధ్యానము

నీ ఎరుకయె నిజ జ్ఞానము

స్వామీ నా ఎడ ఇక వీడు మౌనము

జగన్నాథ జగదీశా జనార్ధనా శ్రీరమణా

తప్పనీకు స్వామీ నను నీ మననము

1.నీకే అంకితము ఈ ప్రాణము

ఉద్ధరించనీ ననునీ కథాశ్రవణము

మది నీవు మెదిలితివా జన్మ ధన్యము

నను గాచు దైవమేది నువువినా అనన్యము

2.నీ మీది భక్తే నాకు ప్రాధాన్యము

భవ జలధిని దాటించగ నీదే ప్రావీణ్యము

నీ మహిమలు నీలీలలు ఎంతో ప్రాచుర్యము

ఇహమున పరమున నీ అండయె నా ధైర్యము