 |
రచన,స్వరకల్దన&గానం:డా.రాఖీ
గూడులోకి దూరే పిల్ల పిచ్చుకలా
పసిడి పంజరంలో రామ చిలుకలా
మెలకువ రాగానే మరిచేటి కలలా
తెల్లవారి చందమామ జ్యోత్స్నికలా
ఎందుకలా సూర్యకళా గుండెనెపుడు గిల్లకలా
1.ఘనఘనాల మాటు సౌధామినిలా
ఎంతకూ వేకువవని శర్వర యామినిలా
తలతిప్పని రాజవీథి గజగామినిలా
జలతారు ముసుగులో సురభామినిలా
ఎందుకలా సూర్యకళా గుండెనెపుడు గిల్లకలా
2.బెదురు చూపు చూసే హరిణిలా
కొత్తావకాయతొ నిండిన భరణిలా
ఉత్సవాలకే రంగులీను పుష్కరిణిలా
ఊరించి ఉడికించీ కరుణించని తరుణిలా
ఎందుకలా సూర్యకళా గుండెనెపుడు గిల్లకలా
ఆవుల కాచినోడె అర్జునుడు
ఆపన్నుల బ్రోచినోడె భగవంతుడు
శివుడైనా కేశవుడైనా
సరగున కరుణించిన స్మరణీయులు
హరుడైనా శ్రీ హరియైనా
వరములనిచ్చినపుడె ఆదరణీయులు
ఆవుల కాచినోడె అర్జునుడు
ఆపన్నుల బ్రోచినోడె భగవంతుడు
శివుడైనా కేశవుడైనా
సరగున కరుణించిన స్మరణీయులు
హరుడైనా శ్రీ హరియైనా
వరములనిచ్చినపుడె ఆదరణీయులు
గుళ్ళూ గోపురాలు వందలు వేలు
అడుగడుగున మ్రొక్కులు ముడుపులు
పూజలు ఉత్సవాలు ఎన్నో పర్వదినాలు
భజనలు స్తోత్రాలు విన్నపాలు ప్రార్థనలు
విభవానికి కొదవలేదు కృప జాడైతె లేదు
ఆవుల కాచినోడె అర్జునుడు
ఆపన్నుల బ్రోచినోడె భగవంతుడు
శివుడైనా కేశవుడైనా
సరగున కరుణించిన స్మరణీయులు
హరుడైనా శ్రీ హరియైనా
వరములనిచ్చినపుడె ఆదరణీయులు
అష్టాదశ పురాణాలు ఉపపురాణాలు
దైవత్వం నొక్కితెలుపు ఉపాఖ్యానాలు
మనదాకా రానప్పుడు మహిమలెన్నైతెనేమి
కట్టుకథలు లీలలైతె గుట్టలుగా లాభమేమి
ఉనికి ఋజువు పరచగా అవతరించరేమి
-తరింపజేయరేమి
ఆవుల కాచినోడె అర్జునుడు
ఆపన్నుల బ్రోచినోడె భగవంతుడు
శివుడైనా కేశవుడైనా
సరగున కరుణించిన స్మరణీయులు
హరుడైనా శ్రీ హరియైనా
వరములనిచ్చినపుడె ఆదరణీయులు
రచన,స్వరకల్పన&గానం:డా.రాఖీ
"దొందూ దొందే"
ఇస్తా అన్న మగవాడిని నమ్మకు
మనసిస్తా అన్న మగవాడిని నమ్మకు
వస్తా అన్న మగువనైతె నమ్మకు
తోడొస్తా అన్న మగువనెపుడు నమ్మకు
వ్యాపార లావాదేవీ లవ్వంటే
ఇచ్చి పుచ్చుకోవడమే ప్రేమంటే
1.నచ్చినంత వరకే డేటింగ్ ఔటింగ్
బోరుకొట్టినప్పుడిక హాప్పీగా బ్రేకప్
గాలివాలు చూసి తూర్పార పట్టాలి
పర్స్ బరువుచూసి బాయ్ ఫ్రెండ్ ని పట్టాలి
క్రేజ్ తగ్గనప్పుడే షాపింగ్ షాకెట్టాలి
క్రెడిట్ డెబిట్ కార్డులన్ని డిమ్కీ కొట్టాలి
కొత్తవాడికోసం సెర్చింగ్ మొదలెట్టాలి
2.ఎవరినెలా పడగొట్టాలో డ్రామాలాడాలి
ప్రేమాదోమా లవ్వు లస్క్ హస్కే కొట్టాలి
రిచ్ నెస్ కనబరచి బురిడీ కొట్టించాలి
హోటళ్ళు పబ్బులంటు బుట్టలొ వేయాలి
దొరికినకాడికి వొళ్ళు జుర్రుకోవాలి
గిట్టుబాటయ్యేలాగ ఓ పట్టె పట్టాలి
అటుదిటుకాగానే మరో పిట్టను పట్టాలి
https://youtu.be/kN2AdaZHqgc?si=syUDH0aMTWMJ4FFm
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం: బౌళి
నీ ఆనతిలేక జగతి పరుగెట్టునా
నీ ఆజ్ఞలేకనే చీమైనా కుట్టునా
నీ సంకల్పముతో సృష్టి స్థితి లయములు
నీ అభీష్టమే జన సృజన మరణ పాలయములు
ఈశ్వరా నటేశ్వరా విశ్వేశ్వరా పరమేశ్వరా
హరహరా పరాత్పరా శశిధరా నీలకంధరా
1.మా నడతకు మా నడకకు హేతువునీవే
మాలో మానవతకు దానవతకు కారణమీవే
మేమొనరించెడి నేరములు దోషములు నీవే
చేసే పచ్చిమోసాలు వేసే పిచ్చి వేషాలు నీవే
పరీక్షలు మాకేల అక్షరరూపా శివా విరూపాక్షా
శిక్షలు వేయేల వేయనేల వ్యోమకేశా త్ర్యక్షా
2.ఆకలిదప్పులు నిద్రాభయములు నీ వరాలు
వ్యాధులు బాధలు నలతలు నొప్పులు గ్రహచారాలు
నిగ్రహ శూన్యులము పరిగ్రహించు మా అపచారాలు ఆగ్రహమేలనయ్య అనుగ్రహించు నీవైన ఇహపరాలు
ఈశ్వరా నటేశ్వరా విశ్వేశ్వరా పరమేశ్వరా
హరహరా పరాత్పరా శశిధరా నీలకంధరా
https://youtu.be/Y30TITYGLxM?si=PgCfBERkiggvk3wu
రచన.స్వరకల్పన&గానం:డా.రాఖీ
కన్నులు దివ్వెలు చూపులు దీపాలు
చిరు నవ్వులు సరదాలు మతాబులు
కసుబుసులు చిటపటలే పటాసులు
అలకలు అనునయాలు పూలబాణాలు
అను నిత్యం ఇంటింటా దీపావళి
ప్రతి పూట అనుకుంటే ఆనంద రవళి
1.పొరపొచ్చాల నరకులనే దునుమాడి
సర్దుబాటు బాటలో సత్యభామా కృష్ణులు
కాపురాన ఆధిపత్య ఊసేలేక
సంసారం సాగించగ తారాజువ్వలా
అను నిత్యం ఇంటింటా దీపావళి
ప్రతి పూటా మదిమదిలో ఆనంద రవళి
2.పిల్లల అల్లరులే కాకరపువ్వొత్తులు
మిడిపాటులే ఎగసే చిచ్చుబుడ్డీలు
ఒడిదుడుకుల సుడులే విష్ణు భూచక్రాలు
సంతతి ఉన్నతి నింగికెగయ రాకెట్టులా
అను నిత్యం ఇంటింటా దీపావళి
ప్రతి పూట అనుకుంటే ఆనంద రవళి
https://youtu.be/kjg1sgcHa0M
రచన,స్వరకల్పన&గానం:డా.రాఖీ
ఉక్తులమ్మా కదలకుండ నా కవితల నివసించవే
సొత్తులమ్మా రూకల కలతలన్నీ పరిహరించవే
సత్తువమ్మా నా తనువు నలతలన్నీ దహియించవే
ముగ్గురమ్మల మూలపుటమ్మా ఇల వెతలనే కడతేర్చవే
1.పోతనకు తెనాలి రామకృష్ణకవికి
కాళిదాసుకు రామకృష్ణ పరమహంసకు
శంకరాచార్యునకు ఛత్రపతి శివాజీకి
ఏ తీరుగ తీర్చినారొ ఇడుములను
ఏ విధముగ కూర్చినారొ గెలుపులను
2.పట్టుమని పదిలిప్తలు మది నిలుపగలేను
సారస్వత సాగరాన్ని ఆపోసన పట్టలేను
భవబంధాలనుండి బయటపడగలేను
ఏ తీరుగ తీర్చెదరో నా ఇడుములను
ఏ విధముగ కూర్చెదరో నా గెలుపులను
రచన,స్వరకల్పన&గానం:డా.రాఖీ
మాటల మూట విప్పితే ప్రియా -
ముత్యాలను ఎద దాచుకుంటా
పలుకుల వాన కురిస్తే చెలీ -
తేనెధారలే వీనుల జుర్రుకుంటా
మనసైన నేస్తమా మౌనమే ప్రాప్తమా
భావనలే ఆత్రమవగ నేత్రభాష మాత్రమా
1.మదిసొదనే ఎరుకపరుచ సైగలే కష్టతరం
నా ఆర్తిని నివేదించ భాషకూడ పిపీలికం
అనుభూతిని సాంతం ప్రసరించనీ
నను మొత్తంగా నీలోకి ప్రవహించనీ
2.ప్రణయమే మనమధ్య ఒక యానకమై
మన నడుమన చొరబడు గాలికే భయానకమై
ఉపిరిలో ఊపిరిగా నను మననీ
ఒకే ప్రాణమని లోకమనని మనని
రచన,స్వరకల్పన&గానం:డా.రాఖీ
రాగం: భూపాలం
కోవెల వేలుపు మేలుకొలుపులే శుభోదయం
కువకువ సడులే రేగెడి వేకువ శుభోదయం
తూరుపు వాకిట అరుణ రుచస్సే శుభోదయం
గరికపైన మెరిసే తుషార బిందుల శుభోదయం
1. కనుమల పొడసూపెడి రవికిరణం శుభోదయం
కొలను తామరలు విరిసిన తరుణం శుభోదయం
పడుచు భామల రంగవల్లుల వరవడి శుభోదయం
ఆలమందలు మేతకు చనెడి అలజడి శుభోదయం
2.చిరుచిరు బుడతలు బడులకు వెళ్ళే శుభోదయం
పెరుగు పాలమ్మిలు పరుగున వాడలు తిరిగే శుభోదయం
కూరగాయల బేరం చేసే నారయ్యలు అరిచే శుభోదయం
పేపరు వేసే కర్మవీరుల సైకిల్ సవ్వడి శుభోదయం
https://youtu.be/31kHrpJbcbA?si=KAQ7ij5Y6JOqfTXd
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం: చంద్రకౌస్ / ముఖారి
అంగాంగాన శృంగార రస పాతమై
అణువణువు రతికేళి కొక ఊతమై
నాడులు మీటగా చెలీ నాదాలు రవళించెనే
నీ తనువును తడమగ తమకాలు వికసించెనే
మేనే హరించనీ నను నీలో విహరించనీ
వాసన మించనీ రమించనీ అధరసుధతో తరించనీ
1.జయదేవ అష్టపదుల రాధికవో
విశ్వామిత్ర తపోభంగ మేనకవో
పురూరవుని మురిపించిన ఊర్వశివో
ప్రవరుని వలచిన అపర వరూధినివో
మేనే హరించనీ నను నీలో విహరించనీ
వాసన మించనీ రమించనీ సుధతో తరించనీ
2.ప్రణయసాగరాన్ని మనమే మథించనీ
చుంబనమే చింతామణి కౌగిలి కామధేనువే
రసనాగ్ర సంధానము కల్పవృక్షమే
తపనల తహతహ హయమా ఉచ్ఛైశ్రవమే
మేనే హరించనీ నను నీలో విహరించనీ
వాసన మించనీ రమించనీ సుధతో తరించనీ
రచన,స్వరకల్పన&గానం:డా.రాఖీ
మాయలు చేయాలి సాయి షిర్డి సాయీ
నువ్వు మహిమలు చూపాలి సాయి
గారడిచేయాలి సాయీ బాబా సాయీ
నువ్వు లీలలు చూపాలి సాయి
పనికొచ్చు మాటలు నమ్మరు జనులు నేటికాలాన
పరమిచ్చు బోధలు పట్టించుకోరు ఉత్తపుణ్యాన
1.ధునిలో విభూతి మాకెందుకయ్యా
పిడికిట్లొ పుట్టించి చూపు దాంతొ కష్టాలెడబాపు
పదకొండు సూత్రాలు మాకేలనయ్యా
పసిడి గొలుసైన ప్రసాదించు కనకవర్షాలనె కురిపించు
పనికొచ్చు మాటలు నమ్మరు జనులు నేటికాలాన
పరమిచ్చు బోధలు పట్టించుకోరు ఉత్తపుణ్యాన
2.షిరిడీని దర్శించ సమయం లేదయ్య
కనుల ముందే సాక్షాత్కరించు కోరిందల్లా తీర్చు
సేవచేయగమాకు మనసైతె రాదు
ఆయురారోగ్యాలనందించు పదవులెన్నొ కట్టబెట్టు
పనికొచ్చు మాటలు నమ్మరు జనులు నేటికాలాన
పరమిచ్చు బోధలు పట్టించుకోరు ఉత్తపుణ్యాన
రచన,స్వరకల్పన&గానం:డా.రాఖీ
కష్టాలెన్నో ఇచ్చావా ఫరవాలేదు ప్రభూ
కన్నీళ్ళను ఇగిర్చావా ఇబ్బందేం లేదు ప్రభూ
జీవన పోరాటానికి వెనుకాడిందే లేదు ప్రభూ
పరమ దయాళా నినువేడేదొకటే అనునిత్యం
చెరగనీకు మా ఎదలో స్థైర్యం పెదాల దరహాసం
1.సృష్టిలోని వేదననంతా గుండెనిండ నింపావు
పుండుమీద కారాన్నింకా చల్లుతూనే ఉన్నావు
గాయాలెపుడు మానకుండా కెలుకుతూనె ఉన్నావు
నయమవడమేమోగాని అనునయమూ పొందనీవు
పరమ దయాళా నినువేడేదొకటే అనునిత్యం
చెరగనీకు మా ఎదలో స్థైర్యం పెదాల దరహాసం
2.చుట్టూరా మంటబెట్టి వినోదిస్తుంటావు
కొట్టుమిట్టాడుతుంటే వెక్కిరిస్తు ఉంటావు
నట్టనడిమి సంద్రంలో నెత్తిన బరువెడతావు
సాయంమాట ఏమోగాని కసాయిగా తోస్తావు
పరమ దయాళా నినువేడేదొకటే అనునిత్యం
చెరగనీకు మా ఎదలో స్థైర్యం పెదాల దరహాసం
రచన,స్వరకల్పన&గానం:డా.రాఖీ
పలుకే బంగారమాయేనా
కులుకే సింగార మాయేనా
కునుకే జాగార మాయేనా
అలకే నయగారా మాయేనా
పసిడి నాకేల పలుకు పంచదారలా
సరసమేల తడుపు కాంతిధారలా
చిత్రమైన కాంచనీ చిత్తము నిండేలా
స్ఫూర్తికాస్తమించనీ భావన పండేలా
ఎదుటికొచ్చావంటే నిండిపోతుంది ఎద
నిదుర పట్టిందంటే పండిపోతుంది కల
అలకనీకు అందమే చేస్తాను నిను ముద్దు
యుద్ధమే ముగిసాక మనశ్శాంతికేది హద్దు
రచన,స్వరకల్పన&గానం:డా.రాఖీ
హరిహరులకు కరతలామలకమే
సంగీతనాట్యాల మదియాడును జలకమే
వేణుగానలోలుడు ఒకరు-వీణావాదనానురక్తుడొకరు
తాండవ కృష్ణుడే ఒకరు-నటరాజే సాక్షాత్తు ఒకరు
1. ప్రదోష కాలాన దూర్జటి
ప్రదర్శించు ఆనంద తాండవం
పార్వతీమాతతో ఏకాంత సమయాన
మ్రోయించును అనాలంబ వీణావాదనం
2.జగన్నాటక సూత్రధారి మురారి
మర్ధించనెంచి చేసె కాళీయుని పై నర్తనం
బృందావనిలో రాధమ్మతో రాసలీలవేళ
వాయించెడి పిల్లన గ్రోవి కర్ణామృతం
రచన,స్వరకల్పన&గానం:డా.రాఖీ
నిన్న ఒక పీడకల నేడే శుభోదయం
రేపనేది ఉండదిక నేడే శుభోదయం
ఆచితూచి అడుగే వేస్తే నేడే శుభోదయం
పంచదార పలుకే నుడివితే నేడే శుభోదయం
శుభోదయం శుభోదయం శుభోదయం
1.వినడాన్ని పెంచుకుంటే నేడే శుభోదయం
మౌనాన్ని ఆశ్రయిస్తే నేడే శుభోదయం
చిరునవ్వులు రువ్వుతుంటే నేడే శుభోదయం
నలుగురికి నొవ్వకుంటే నేడే శుభోదయం
శుభోదయం శుభోదయం శుభోదయం
2.తొందరపాటు మానుకుంటే నేడే శుభోదయం
బాధ్యతను వీడకుంటే నేడే శుభోదయం
ఫలితం ఆశించకుంటే నేడే శుభోదయం
ఉండీలేనట్టు ఉంటే నేడే శుభోదయం
శుభోదయం శుభోదయం శుభోదయం
https://youtu.be/QBmDnUqSnlE?si=wdpPumZj7HPEnpzh
రచన,స్వరకల్పన&గానం:డా.రాఖీ
నీ ఆకృతి ప్రణవనాదమై-నీ జాగృతి చతుర్వేదమై
ప్రకృతి నీ భౌతికత్వమై- పంచభూతాత్మకమై
సంసృతియే విశ్వతత్వమై -తాపత్రయాత్మకమై
జగతియే అర్ధనారీశ్వరత్వమై అద్వైతతత్వమై
పంచాక్షరి మంత్రమే పవిత్రమై భవతారక సూత్రమై
ఓం నమఃశివాయ ఓం నమఃశివాయ
1.గజముఖుడే సంకల్పమాత్రుడై
షణ్ముఖుడే కార్య కృపాపాత్రుడై
సంకేతాలతో సాఫల్యము కూర్చగా
ఉపాసన బలముతో ఈప్సితమీడేర్చగా
జగతియే అర్ధనారీశ్వరత్వమై అద్వైతతత్వమై
పంచాక్షరి మంత్రమే పవిత్రమై భవతారక సూత్రమై
ఓం నమఃశివాయ ఓం నమఃశివాయ
2. నిను శోధించగా అంతర్ముఖుడనై
నను నివేదించగా కార్యోన్ముఖుడనై
బంధాలు తొలగ బ్రహ్మానందమునై
తామరాకు మీది నీటి బిందువునై
జగతియే అర్ధనారీశ్వరత్వమై అద్వైతతత్వమై
పంచాక్షరి మంత్రమే పవిత్రమై భవతారక సూత్రమై
ఓం నమఃశివాయ ఓం నమఃశివాయ
రచన,స్వరకల్పన&గానం:డా.రాఖీ
విషయం చిన్నదే మగటిమికెంత గడ్డు
చూపుతిప్పుకునుటకు అదేపెద్ద అడ్డు
పనిలేక పడుండదేం నంగనాచి బొడ్డు
పడతి పొంకాలలో ఊరించేదా లడ్డు
1.దోసగింజ పోలికతో మది దోస్తుంది
ముత్యమంత సొగసుతో మత్తిస్తుంది
లోతెంతో తెలియకుండ వలవేస్తుంది
తొంగితొంగిచూస్తూనే కనికట్టు చేస్తుంది
2.గర్భాన ఉన్నప్పుడు నాభితానె సాకింది
బ్రహ్మావిర్భావానికీ కారణభూతమైంది
దృష్టిదాటి పోనీడు తన సృష్టిని విధాత
మణిపూరక చక్రానికి నాభియే అధినేత
రచన,స్వరకల్పన&గానం:డా.రాఖీ
అందమా అభివందనం
వయసుకు నువుశ్రీ చందనం
వలపునకే సులువైన ఇంధనం
మనసుకు నీవే మాయాబంధనం
ప్రకృతి చిత్రమే ప్రన్నదనం విశ్వరూపమే విన్నాణం
1.సర్వేంద్రీయాణాం నయనం ప్రధానం
ప్రధాన నయనానికి సౌందర్యమె ప్రమోదం
అతివ అంగాంగం అనతిశయ సుందరం
మతికే చూపునిస్తె మహదానందకరం
నడక వయ్యారం నగవు మణిహారం రమణి రమణీయం
2.పురుషుడికిల అస్తిత్వమె ధీరత్వం
వర వక్షస్థల విశాలతే వనితాకర్షకం
మెలితిరిగిన మగటిమిగల బాహువులు
గాఢ పరిష్వంగ కామనా హేతువులు
మూతికి మీసం చేతల రోషం వెరసి మగతమే మురిపెము
రచన,స్వరకల్పన&గానం:డా.రాఖీ
కోపానికి పెద్ద దిక్కు అందాలముక్కు
కోటేరులాంటి ముక్కు కోరుకునే మొక్కు
సంపంగి ముక్కైతే సుముఖకు లక్కు
చప్పిడిముక్కైతే పోల్చగ చచ్చే చిక్కు
1.నాసికయే సూర్యచంద్ర నాడుల మార్గం
నాసికయే ప్రాణవాయు సింహద్వారం
నాసిక వాసన కొరకై పరిశీలనాంగం
నాసిక రామాయణ కావ్య ప్రధానాంశం
2.ముక్కు ముక్కెరది వీడలేని బంధం
ముక్కులేక కళ్ళజోడు తిప్పలేమనందాం
ముక్కుసూటితనమే బహు చక్కని వ్యక్తిత్వం
ముక్కుమూసుకుని చేసే తపమే నిస్సగత్వం
రచన.స్వరకల్పన&గానం:డా.రాఖీ
జన్మ ఖైదు జైళ్ళు నీ కళ్ళు
చూపులు వేస్తాయి మనసుకు సంకెళ్ళు
ఆ కళ్ళు పెంచేను తమకాల ఆకళ్ళు
చూస్తూనె ఉండిపోతాం బ్రతికినన్నాళ్ళు
1.నీ అందచందాలు నేనెంచలేను
నీ మేని పొంకాలపై దృష్టైన లేదు
నీ హావభావలు గమనించలేను
స్థాణువైపోయాను కనగానె నీ కన్నులను
2.హాయిగొలుపు నీ కళ్ళు వెన్నెల లోగిళ్ళు
మత్తైన నీకళ్ళు ఎదలోకి గుచ్చే ముళ్ళు
ఆకర్షించు నీకళ్ళు సూదంటురాళ్ళు
మాయచేయు నీకళ్ళు అమ్మవారి గుళ్ళు
రచన,స్వరకల్పన&గానం:డా.రాఖీ
ఏమన్న ఉందా నీ అందం
నా ముందరి కాళ్ళకది బంధం
గాలిమోసుకొచ్చింది నీ సుగంధం
పరవశించిపోయింది నా డెందం
1.ఇష్టపడుతోంది మిళింది నీ మోవి మకరందం
పోల్చుకుంటోంది హరివిల్లు నీ మేని చందం
కళ్ళలోనె ఇల్లుకట్టి నిన్ను దాచుకుంట
గుండెనే తొలగించి నిన్ను నిలుపుకుంట
2.వందలాది కైతలకు చాలకుంది చక్కదం
కలం రాసి అలసిపోక పొందుగా ఆనందం
నే పడిచస్తాను నీ నవ్వుకోసం
అర్రులు చాస్తాను ఔననుట కోసం
https://youtu.be/CjrUP5BuhNk
రచన,స్వరకల్పన&గానం:డా.రాఖీ
రాగం:భీంపలాస్
మహాదేవి మనసా స్మరామి
వాగ్దేవి వచసా భజామి
శ్రీదేవీ శిరసా నమామి
శూలధరీ శుభకరీ యశక్కరీ
ప్రణతోస్మి సౌందర్య లహరి
నీరాజనం నీకిదే శాంకరి
1.మలక్పేట స్థిరవాసిని
మహిషాసురమర్ధినీ
మానస సంచారిణీ
మహదానందకారిణి
ప్రణతోస్మి సౌందర్య లహరి
నీరాజనం నీకిదె శివకామిని
2.మనో వికాస కారిణి
చతుషష్టికళా విలాసినీ
కవిగాయక వరదాయిని
వీణా పుస్తక హస్తభూషిణీ
ప్రణతోస్మి సౌందర్య లహరి
నీరాజనం నీకిదే పూత్కారీ
3.సౌభాగ్య దాయిని శ్రీకరి
జననీ సకల సంపత్కరి
డోలాసుర భయంకరీ
ధర్మపురి నరహరిసతి సిరి
ప్రణతోస్మి సౌందర్య లహరి
నీరాజనం శ్రీహరి మనోహరి
రచన,స్వరకల్పన&గానం:డా.రాఖీ
రాగం:తోడి
ఉండీలేని రూపము నీది
సైకత నిర్మిత లింగము నీది
పార్వతి మాత పానవట్టము
శంభో నీవేలే నా ఆత్మచుట్టము
ప్రణతోస్మి శ్రీరామలింగం శరణమహం సదాశివం
1.భవానీ నా దేహము భవా నీవె ప్రాణము
భవజలధిని దాటించే నావ నీ నామము
శ్రుతి తప్పని నా ఊపిరి ఉమాదేవి కాగా
లయ నీలో లయమయేలా నువు నాట్యమాడగా
ప్రణతోస్మి శ్రీ రామలింగం శరణమహం సదాశివం
2.ఐహికేఛ్ఛ తగ్గించి మతి నీ గతిగాననీ
మోహపాశాలన్నీ సమూలంగ సడలనీ
చతికిల పడనీయక నను నీపథమే సాగనీ
ఊరు దూరమవనీ నీ తావు కాడు చేరువవనీ
ప్రణతోస్మి శ్రీ రామలింగం శరణమహం సదాశివం
రచన,స్వరకల్పన&గానం:డా.రాఖీ
కన్నతల్లినే కలుసుకొన్నదే శుభోదయం
అమ్మ చల్లని దీవెన పొందగ మహోదయం
పుట్టినూరులో కాలుపెట్టిందె పావన ఉదయం
అన్నదమ్ములతొ గడుపగలిగిందె ఆనందోదయం
1.బాల్యమిత్రులతొ సమావేశమే ఉల్లాసోదయం
మధురస్మృతుల మననంతో హసోదయం
సమాజసేవకు నడుంకట్టగల మా నవోదయం
ప్రేరణనొసగే ప్రబోధగీతం పాడితె చైతన్యోదయం
2.ఎంతో కొంత వితరణ చేయగ దానోదయం
మితాహారమే భుజియించగ ఆరోగ్య ఉదయం
కుశల ప్రశ్నలతొ పలకరించగ స్నేహోదయం
కాఫీ చాయల కమ్మని రుచులతొ రసోదయం
శుభోదయం రసోదయం మహోదయం!!
అప్పలమ్మా ఏమని చెప్పనమ్మా
నీ తనువున ఎన్నెన్ని గొప్పలమ్మ
మనసేదోచేసే ఒప్పులకుప్పలమ్మా
వయసును కాల్చేసే నిప్పులమ్మా
1. నవ్వితె మ్రోగేను గుండెలో డప్పులమ్మ
నీ వాలుచూపుతో వేవేల తిప్పలమ్మా
బ్రహ్మచర్యాని కెన్ని ముప్పులమ్మా
చేయకతప్పదెన్నొ నీకై అప్పులమ్మా
2.నీవెంట పడగ అరిగేను చెప్పులమ్మా
నువు కాదంటే ఉడకవెవరి పప్పులమ్మా
నీ అందాలు ఊరించే అప్పాలమ్మా
నిను విసిగిస్తే కాయాలి నా తప్పులమ్మా
రచన,స్వరకల్పన&గానం:డా.రాఖీ
(యువతకు ఇది బొరుసు వైపే..!
బొమ్మవైపు ఉంది మూడు సింహాల చిహ్నం..!!)
గడిపినంతసేపే బ్రతుకు
దొరికినంత వరకే మెతుకు
హితబోధలు పనికిరావు నేటియువతకు
ఖర్మకు వదిలేస్తేసరి మనశ్శాంతి మనకు
1.విద్యలొ ఉన్నతులే వివేక మితిమతులు
ఉద్యోగం నిర్లిప్తతె విచక్షణా రహితులు
భవితపట్ల బెరుకు లేదు తెలియదు పరిమితులు
వైఫల్యం ఓర్వలేక ఏతావతా తథాగతులు
2.ఆశలేమొ నింగిలో సంపాదన ఉట్టిలో
పొదుపు మాటేమొగాని అదుపేది ఖర్చుల్లో
ఓపిక ఊసేలేక విలాసాలు అప్పులతో
నిన్నచేదు రేపులేదు ఈనాడొక్కటే లెక్కలో
చరాచర జగత్తు నీవె వేంకటేశా
నిరామయ నిరంజన నిర్మల వేషా
కౌస్తుభ వక్షాంకిత మణిమయభూషా
వైజయంతి మాలాలంకృత సర్వేశా
అంతరింప జేయి ప్రభూ మన మధ్య దూరము
అంతర్యామీ నను చేర్చు స్వామీ భవసాగరతీరము
1.మంజుల రూపము నీ మంజుల విగ్రహం
మంజుల వదనము నీ మంజుల వీక్షణం
మంజుల హాసము నిత్య మంగళ కరము
మనుజులకొక వరము నీ అభయకరము
అంతరింప జేయి ప్రభూ మన మధ్య దూరము
అంతర్యామీ నను చేర్చు స్వామీ భవసాగరతీరము
2.నిను మోహించనీ మహా శివుడేడి విశ్వాన
నీ మాయకు లోబడని నరవరుడేడి లోకాన
జగన్నాటకంలో నడుపు నాపాత్రను నీ వైపు
శరణాగతి నొసగెదవని తట్టితిని నీ తలుపు
అంతరింప జేయి ప్రభూ మన మధ్య దూరము
అంతర్యామీ నను చేర్చు స్వామీ భవసాగరతీరము
రచన,స్వరకల్పన&గానండా.రాఖీ
మనది కానిదేదీ మనదసలే కాదు
మనకు చెందే ప్రతీది మనది కాకపోదు
ఇచ్చిపుచ్చుకున్నప్పుడె గౌరవము మర్యాదా
తేరగ పొందేదేదైనా ఒంటికి పడుతుందా
ఇంట ఇముడుతుందా
పైవాడు చూస్తాడు జమాఖర్చులు
కక్కించిమరీ సరిచేస్తాడన్ని లెక్కలు
1.పుణ్యమాశించి చేసేది దానము
సానుభూతితో వేసేది బిచ్చము
ఆపన్నులనాదుకొనట వదాన్యత
మనవంతు అందజేస్తె అది చందా
పైవాడు చూస్తాడు జమాఖర్చులు
కక్కించిమరీ సరిచేస్తాడన్ని లెక్కలు
2.కనుగప్పి చేసేది దొంగతనం
అడ్డగించి దోచేది అది దోపిడి
అవసరార్థమిచ్చేది చేబదులు
వడ్డీ చెల్లించి తీర్చేవి ఋణాలు
పైవాడు చూస్తాడు జమాఖర్చులు
కక్కించిమరీ సరిచేస్తాడన్ని లెక్కలు
3.వస్తుసేవల తగు చెల్లింపే ధర
సంతృప్తితొ ఇచ్చేది నజరాన
ఆవకాశవాది కిస్తే శాపాలమూట
దబాయించి దండుకుంటె మామూలట
పైవాడు చూస్తాడు జమాఖర్చులు
కక్కించిమరీ సరిచేస్తాడన్ని లెక్కలు
https://youtu.be/yDq-JFNf3ag?si=6mzKduvjT_nsHn4e
రచన,స్వరకల్పన&గానం:డా.రాఖీ
తెలుసుకో సోదరా-ప్రమద ఎంతటి ప్రమాదమో
ఎరుగరా నేస్తమా -అతివ ఎంతటి అపాయమో
రంగులు చూసి పొంగులు చూసి పొంగిపోమాకురా
కలలలొ తేలి మత్తులొ మునిగి చిత్తైపోమాకురా, చితికి పోమాకురా
1. కాల్బంతి ఆడుతుంది నీ గుండెనె బంతిగా
పీకికుప్ప పెడుతుంది నీ మనసునె బొమ్మగా
అమ్మాయే ముంచుతుంది నిను నిలువెల్లా
అమ్మాయలొ పడ్డావా బ్రతుకు వెల్లకిల్లా తల్లక్రిందుల్లా
2.అరిటాకువు నీవె సుమా అంగననే కంటకం
నీ భవితను వండుతుంది డోకొచ్చే వంటకం
నిలువుదోపిడే చేసి నిలబెడుతుందీ నిను నడి వీథిలో
ఇంతైనా బుద్దిరాక తగలడుతుంది నీ మది తన యాదిలో
మనాదిలో
OK
రచన,స్వరకల్పన&గానం:డా.రాఖీ
చేదైన నిన్నటి అనుభవం గుణపాఠమై
మధురోహల రేపటి శిఖరమే గమ్యమై
సాగనీ ఈనాటి నీపయనం నిరాటంకమై
ఈ ప్రశాంత ప్రభాతమే సుప్రభాతమై
నా ప్రబోధ గీతమై
1.ఎన్నుకునే అంకురమే నాణ్యత గలదై
నాటుతున్న నేలయే సారవంతమై
చెదరని బెదరని నీ కృషియే ప్రావీణ్యత గలదై
వెలయించనీ నీ దీక్షావృక్షం సత్ఫలితాలనే సఫలమై
ఈ ప్రశాంత ప్రభాతమే సుప్రభాతమై
నా ప్రబోధ గీతమై
2.మార్గమే కఠినమైనా నిర్గమ దుర్గమమైనా
అడుగెయ్యి ఒడుపుగా మడమతిప్పకుండా
మలుపులు గోతులు దారంతా మామూలే
నిశ్చయం ఊతమై ధైర్యమే నేస్తమై గెలుపే ధ్యేయమై
ఈ ప్రశాంత ప్రభాతమే సుప్రభాతమై
నా ప్రబోధ గీతమై
*రచన,స్వరకల్పన&గానం:డా.రాఖీ*
శుభోదయం ఇది పలకరించుతున్నందుకు
శుభోదయం మది పులకరించుతున్నందుకు
శుభోదయం మన మైత్రి వికసిస్తున్నందుకు
శుభోదయం సమస్త ధరిత్రి హసిస్తున్నందుకు
1.)శుభోదయం మానవత మనలో బ్రతికున్నందుకు
శుభోదయం జనతకు మమతకు శ్రుతిఉన్నందుకు
శుభోదయం సమాజాన కొంతైనా బాధ్యత ఉన్నందుకు
శుభోదయం జగాన వింతైనా అనుబంధాలున్నందుకు
2.)శుభోదయం అవినీతిలో నీతి మిగిలున్నందుకు
శుభోదయం న్యాయం కాస్తైనా అన్యాయం కానందుకు
శుభోదయం జాతీయ వాదాన్ని నిలుపుకున్నందుకు
శుభోదయం భారతీయ గౌరవాన్ని గెలుచుకున్నందుకు
ఎన్ని నేనులో ఒకనేనై-ఒకనేనే ఎన్నో నేనులై
నిన్ను నిన్నుగా నిలుపుటకు-నిన్ను నీకే తెలుపుటకు
విశ్వప్రేమనే పంచానే-విశ్వాసమునే పెంచానే
అన్నెంపున్నెం ఎరుగని చిన్నారి
జీవితమేంటో చూసిన నారి
వీడకు ఎన్నడు నీ రహదారి
దారితప్పితే బ్రతుకంతా ఎడారి
1.మత్తెక్కించును మరిమరి మరువము
పరుగెత్తించును పదపడి పరువము
పిలిచేదైనా వలచేదైనా వలపే చేదై
బృందావనాన వేచిన విరహపు రాధై
దాగిన మాగిన రేగిన కోరికలే చకోరికలై
అర్ధాంతర జీవితమే నెరవేరలేని ఓ కలై
2.యుక్తిగ ఎంచితె రక్తి భక్తి ముక్తీ సమమే
అనురక్తిగ వేడగ శ్రీ కృష్ణుడు మీరాపరమే
అలజడి చెలఁగిన మానస సరోవరం వరమా
శివధ్యానమే పరధ్యానమై సదా కలవరమా
అర్ధనారీశ్వరతత్వమే అద్వైత సూత్రమై
సకల జగతికి మానవ జన్మకి కారణమాత్రమై
రచన,స్వరకల్పన&గానం:డా.రాఖీ
గొడుగును కానా నేస్తమా ఎండకు వానకు
ముందడుగును కానా నువు గమ్యం చేరేవరకు
మంచినీటి మడుగౌతా ఎడారిలో నీదాహం తీర్చేందుకు
పంచదార నుడుగౌతా నీపెదాలనే అలరించేందుకు
1.నీ గుండె చప్పుడైపోతా నీతో గుసగుసలాడేందుకు
ఉఛ్వాస నేనౌతా నీ నిశ్వాసతొ యుగళగీతి పాడేందుకు
నీ కన్నీరు తుడిచేటి చూపుడు వేలుగా మారిపోతా
నిను అక్కునజేర్చుకొని సాంత్వన చేకూర్చే ఆప్తుడనౌతా
2.ఏ లోటురానీయని ఎడబాటుకు చోటీయని తోడౌతా
రేయైనా పగలైనా నీఆర్తిని నెరవేర్చే అద్భుత దీపమౌతా
పాదాలుకందకుండ అరిచేతుల నడిపించే సఖుడనౌతా
కోరకనే వరమిచ్చే నీఎదలో వసియించే వేలుపునౌతా
రచన,స్వరకల్పన&గానం:డా.రాఖీ
మనసున ఉన్నది చెప్పేసెయ్
గుప్పిటికాస్తా విప్పేసెయ్
ఎన్నాళ్ళింకా దాయడం ఎదలో దావానలం
పంచే ప్రపంచమేలేదా నిప్పును అర్పే సలిలం
1.నలుగుతన్నదీ బ్రతుకంతా కలుగుకు పరిమితమై
వెలగనిస్తేనె జ్యోతిని తొలుగును తిమిరం హతమై
పసిడిదైతెమాత్రమేమి బంధిఖానయే పంజరము
రెక్కలున్నా ఎగరలేకా నిస్సహాయగా పావురము
త్రెంచేసెయ్ శృంఖలాలను వంచేసెయ్ చువ్వలను
2.మీనం మేషం లెక్కలలో జీవితమెప్పుడు దక్కదులే
తిరిగిపొందనిదె కాలమన్నది చేజార్తె క్షణమిక చిక్కదులే
మానవజన్మకు పరమార్థం పరమానందమొకటేలే
మనువు నుడివిన మనువంటే బాసల బాటలొ బాసటలే
సాధన చెసెయ్ సామవేదమే సాధించేసెయ్ గాంధర్వమే
రచన,స్వరకల్పన&గానం:డా.రాఖీ
రాగం:మధ్యమావతి
వివరించి చెప్పాలా -విరించినీ కన్నవాడికి
చాటింపు వేయాలా-జగముల జనకునికి
మన వెత తెలపాలా నన్ను నిన్ను -నిన్ను నిన్ను
కన్నతండ్రికి
మన కత చెప్పాలా అంతర్యామికి
సర్వాంతర్యామికి
1.మనకేల ఆరాటం మనుగడకోసం
నారుపోసిన దైవం నీరూ పోయడా
మనకెందుకు ఉబలాటం రేపటికోసం
విదియన లేనిశశి తదియన తా కనరాడా
సూర్యుని రథచక్రపు శీలకాదుగా మనం
మన వినా ఆగదెపుడు ఈ కాలగమనం
నిమిత్తమాత్రులం విచిత్ర ఆత్రులం
జగన్నాటకానికి ప్రేక్షక పాత్రులం
2.నాతల్లి నాఆలి నాపిల్లల వికాసం
నాఇల్లు నాఆస్తి అనుకునే మన అయువు నిముసం
వేల సుఖాలనే పొందిన మన మానసం
ఒక్క దుఃఖానికే చేయనేల దైవదూషణం
పుట్టుకపోషణ కారణభూతమైన భగవంతుడు
ఎరుగడా అడుగడుగున మనను నడుపుడు
ఆశించుట మానినపుడు ఏదైనా స్వర్గం
స్వీకరించి ఆచరించు దైవదత్తమే సర్వం
రచన,స్వరకల్పన&గానం:డా.రాఖీ
కోరిందెంత కొండంతా? నీ గుండెంత
ఇచ్చిందెంత ఇసుమంతా? నా మనసంత
కొలమానం అంటూ ఉందా విశ్వైక ప్రేమముందు
రుగ్మతలన్నీ పోగొట్టేది ఒకటే ప్రేమమందు
1.మిలమిలమెరిసే నీ చూపులే దారిదీపాలై
కిలకిలనవ్వే నీ నవ్వులే సాంత్వన రూపాలై
వెనకడుగే వేయనీయనీ నీతోడే ప్రేరకమై
వదలమాకే నా చేయినీ స్ఫూర్తిదాయకమై
2. నీ పలుకే ప్రతీకగా బ్రతుకే వెలగనీ
నీ పదమే నా పథమై పయనం సాగనీ
సంశయాలు తీర్చేటి నా భగవద్గీతవై
సమాయత్తపరిచేటి పాంచజన్యమై
రచన,స్వరకల్పన&గానం:డా.రాఖీ
ఏముంటుంది మనసును మించెడి కానుక
ఏదౌతుంది మైత్రితో తూగెడి బహుమతి
నేస్తమా సర్వం సహా నా సమస్తమా
అందిస్తాను బ్రతుకే కట్నంగా
అర్పిస్తాను భవితే ఇష్టంగా
నువ్వునువ్వని భావించే నువ్వే నా ప్రతిబింబం
నన్నేఆవిష్కరించేటి నువ్వు నా అంతరంగం
నటప్రేక్షక సమాగమానికి నీవే నా రంగస్థలం
నాకు నేనే ప్రేరణ పొందగ నీవే నాకిల
ఉత్ప్రేరకం
ద్వైదీభావన కలిగేటందుకు ఏదీ ఆస్కారం
బాధ నాదయీ నొప్పి నీదయే స్నేహ సంస్కారం
మనో మథనాన కవనామృతమే నిత్య పురస్కారం
నీ చిరునవ్వుల ప్రశంసలే నా సందేహ
పరిష్కారం
రచన,స్వరకల్పన&గానం:డా.రాఖీ
ఎదకూ మేధకూ ఎంతటి వ్యత్యాసం
మనసుకు బుద్దికి ఉండదేల సాపత్యం
ప్రశాంత సరోవరం మానసం
చంచలమౌ సాగరం చిత్తము
1.గణితసూత్ర కచ్చితం ఆలోచనం
మానవీయ దృక్పథం హృదయగతం
ఆత్మ సంబంధమే లలిత కళావితరణం
దేహావసరమైనది క్రీడా వ్యాయామం
2. నిటారుగా గమించేను విజ్ఞానం
క్షతిజసమాంతర వ్యాప్తి మనోల్లాసం
భుక్తికొరకు ఆర్జనకై ఉపయుక్తం మేధస్సు
ముక్తిదాయకం ఆనందమయం మనస్సు
https://youtu.be/nzJe_8EolkM
రచన,స్వరకల్పన&గానం:డా.రాఖీ
నీదీ నాదీ ఒకటే భావం
నీకూనాకూ ఎపుడూ స్నేహం
అనుభవాలు కూర్చాయి అనుబంధం
అనుభూతులు చల్లాయి మైత్రీగంధం
1.నింగీనేలా గాలీనీరూ మనకొకటే తీరు
వేసవి వేడి జాబిలి వెన్నెలా మనపై సమంగ జారు
భరించారు ఒకేలా మీ అమ్మా మా అమ్మా ప్రసవ వేదన
ఊపిరి శ్రుతిగా లబ్ డబ్ లయగా మనం బ్రతుకు పాట సాధన
2.మనసు నీదిగా మాటనాదిగా నా కవిత
గీతం నాదైనా నీ ఎదలోనిదే నా భావుకత
ఇనుమునైన నన్ను పసిడిగ మార్చే పరసువేది నీవు
నిమిత్తమాత్ర పాత్ర నేనై నీవే ఆవాహనమైనావు
OK
రచన,స్వరకల్పన&గానం:డా.రాఖీ
ఫేస్ బుక్కు కంటె నీ ఫేసిష్టం
వాట్సప్ కంటె నీ వలపిష్టం
ట్విట్టర్ కంటె నీ టెక్కిష్టం
టెలిగ్రాంకంటెనీ అనుగ్రహమిష్టం
సోషల్ మీడియాలొ మునిగతేలుతున్నా
అన్నీ నీకొరకే ప్రియతమా ఆత్రంగా వాడుతున్నా
1.గుడ్మాణింగ్ పిక్స్ కొరకు రాత్రంతా గూగులించి
నువు నిద్ర లేవక ముందే పోస్టుల్ని చల్లుతున్నా
మనుముందుగ నేనే నిన్ను పలకరించాలని
మెసెంజర్కు వాట్సప్పుకు పరుగులు పెడుతున్నా
నువు తుమ్మినా దగ్గినా నీ ప్రతి స్టేటస్ కు
లైక్ లు కామెంట్లు మిస్సైపోకుండా కుమ్మరిస్తున్నా
2.తప్పులతడకల రాతల్నీ వంకర టింకర నీసెల్ఫీన్నీ
ఫ్రెండ్సందరికీ షేర్ చేస్తు వార్నీ షేర్చేయమంటున్నా
నీ కాకమ్మ కబుర్ల యూట్యూబ్ ఛానల్ ఫాలోయింగ్ కు
ప్రమోటర్ నేనై సబ్ సబ్ స్క్రై బ్ కోసం చాటింపు వేస్తున్నా
ఇన్నివిధాల నా యత్నాలన్నీ నిన్నింప్రెస్ చేయడానికే
నేను తీసుకున్న క్రెడిట్ డెబిట్ కార్డులన్ని నీకోసమే
రచన,స్వరకల్పన&గానం:డా.రాఖీ
నాభికాదు రసికుల మది రెచ్చగొట్టేది
అరవిరిసిన నవ్వులే చిచ్చుపెట్టేది
నడుంకాదు సరసులనిల మాయచేసేది
అర్ధనిమీలిత నేత్రాలే వలవిసిరేది
పరచిన అందమెపుడు ఉత్తేజపరచదు
విప్పిన యే గుప్పిటి ఉత్సుకతే రేపదు
1.నునుసిగ్గుల లేలేత చెంపలు దింపేను ముగ్గులోకి
నగవులతో జతకట్టిన బుగ్గసొట్టలు లాగేను రగ్గులోకి
అచ్చికబుచ్చిక పలుకుల సమాయత్తమే రస రమ్యము
సురుచిర సుకుమార శృంగార సంగరమే కడు భవ్యము
2.పయోధరాలదేముంది మధురాధరాలదే అలజడి
ముందువెనక తపనల తడితడి ఎద తనువుల సందడి
రసనలు రచించే వైవిధ్య కావ్యాలే చిరస్మరణీయము
హరివిల్లుగ చెఱకువిల్లుగ వన్నెలొలుకబోయ రమణీయము
రచన,స్వరకల్పన&గానం:డా.రాఖీ
సముద్రాలు ఏడన్నది ఎవరు?
కడలికి కడ ఉందన్నదెవరు?
ప్రతి నయనం ఒక అశ్రు సంద్రం
ప్రతి హృదయం వేదనా సాగరం
తీరంచేరని అలలే నెరవేరని కలలు
బడబానలం అంతరంగాన దాచుకున్న తరంగాలు
1.నిశీధిఅగాధాంబుధిలో ఎడతెగకుంది త్రోవ
జలధినధిగమించగ పెదాలచిరునగవే నావ
మింగజూచే తిమింగలాలే నిరాశా నిస్పృహ
నింగికెగయు కెరటాలే ఆశా మధురోహ
తీరంచేరని అలలే నెరవేరని కలలు
బడబానలం అంతరంగాన దాచుకున్న తరంగాలు
2.ఎవరోమరి చేరేరు సుందరమౌ దీవులు
ఎవరికో లభించేను ముత్యాలు పగడాలు
బ్రతుకు జీవుడా అంటూ ఒడ్డున పడితేచాలు
గట్టెక్కితే చాలు నిత్యం ఎదురయ్యే గండాలు
తీరంచేరని అలలే నెరవేరని కలలు
బడబానలం అంతరంగాన దాచుకున్న తరంగాలు
రచన,స్వరకల్పన&గానం:డా.రాఖీ
పక్షపాతి భారతి ప్రియపతి - నీ ఎడల నిరుపమ లేమ
నాల్గుమతుల తులనం చేసి -సృజించాడు నినుఆ బ్రహ్మ
అందంమంత కుప్పగపోసి-అందజేసె సుందరినీకు
ఆనందాన్ని సేకరించి-ధారబోసె హాసిని నీకు
1.మేలైన మీనాలే నీ నయనాలకు అచ్చెరువొందు
దొండపండ్లుగా నీపెదవులగని రైతులే భ్రాంతి చెందు
నవ్వుల్లొ రాలుతుంది నాగమల్లి పూలజల్లు
చూపుల్లొ విరుస్తుంది అబ్బురాల హరివిల్లు
2.నిను తిరిగి చూడకుంటే మదికి అవకరమేదో
నిను చూసి చలించకుంటే ఆరోగ్య లోపమేదో
పడతులెవరైనా ఇలలో ప్రస్తుతించగలరే నిన్ను
ప్రవరాఖ్యుడైనా సరే పాదాక్రాంతుడవునే నమ్ము
రచన,స్వరకల్పన&గానం:డా.రాఖీ
రాగం:తిలాంగ్
విరమింపజేయి శివా నా జీవితాన్ని
తెఱనికవేసేయి ఈశ్వరా ఈ నాటకానికి
చరమగీతమే పాడవోయి నా బ్రతుకునకు
పరమ పదమందించవోయి ఈ నా జన్మకు
1.జన్మకు ఒకసార్థకతే శంకరా లేదాయే
బ్రతుకున కొక సాఫల్యతే హరా కరువాయే
ఆనందం ఆచూకే ఏచోటా కానరాదాయే
మధురానుభూతులే ఏనాడైనా మరీచికలాయే
2.పాటుపడలేదేనాడూ పరమేశా పరులకోసము
బావుకున్నదంటు లేదాయే గౌరీశా నాకోసమూ
ఎందుకు పుట్టించావో నిటలాక్షా నీకెరుకేనా
వృధాగా సృజించబోకు నీలకంఠ ఎవ్వరినైనా
రచన,స్వరకల్పన&గానం:డా.రాఖీ
ప్రేమించిందా రమణి రాధిక
కోపించిందా కలికి కాళిక
జీవితాలు వెలిగించే దివ్య దీపిక
మగవాడి మనుగడకు స్ఫూర్తిదాయక
1.మనసైన రాముడికి మలయవీచిక
దశకంఠ దనుజులకు అందని మరీచిక
జ్వాలనే శీతల పరిచే శీల సూచిక
తరతరాల తరింపజేసే ఆదర్శ సంచిక
2.కాలానికి కట్టుబడింది పంచభతృక
పరాభవం సైచింది నిండైన ఓపిక
పంతమే పూనింది యజ్ఞపుత్రిక
కురుక్షేత్ర రణానికి ప్రారంభ గీతిక
చిత్రాలు: Sri. Agacharya Artist
రచన,స్వరకల్పన&గానం:డా.రాఖీ
పదాలకెంత ఉత్సుకత
నీ అందాలు ప్రస్తుతించ
పెదాలకెంత ఆతురత
నీ అధరామృతం ఆస్వాదించ
చెలీ నువులేక జగమంత శూన్యమే
చెలీ నువువినా బ్రతుకెంత దైన్యమే
1.శ్రీగంధకలప తోనే చెక్కాను కలము చెక్కణాల
కస్తూరి పరిమళాలే కలిపాను సిరా గుభాళింపగ
ఎదలోని అపురూప భావ సంచయం క్రోడీకరించా
సృష్టిలో నీకు నీవె సాటియనగ అపూర్వంగ ప్రవచించా
చెలీ నిను పొగడక కవనం శూన్యమే
చెలీ నిను పొందక జీవనం దైన్యమే
2.క్షీరసాగరం లోని పాలరుచి బాగాతెలుసు
రేపల్లె గొల్లవాడలో వెన్నకమ్మదనమూ ఎరుకే
తేనెపట్టులోని మధువుతీయదనం అనుభవమే
నీచుంబన రసమే పాలువెన్నతేనెల సంగమమే
చెలీ నీ కలయిక రసరమ్యమే
చెలీ నీ ఎడబాటిక విషతుల్యమే
https://youtu.be/GQx_xN4kCGs?si=jiQPQ5god_zsmrJj
రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:హిందోళం
నా తనువే మోహన మురళి
వెదురేల బెదురేల పలికించ రసరవళి
నా మనసే నవనీత కబళి
దోచనేల దాచనైతి గ్రహించ నా సరళి
కన్నెముద్దులు వెన్నముద్దలు నీకే నైవేద్యం
నీరాసకేళి ఎంతోహృద్యం అనుభవైకవేద్యం
1.నవరంద్రకాయమందు ఒలికించు నవరసాలు
అష్టాంగయోగముతో కదిలించు కుండలినీమూలాలు
సప్తచక్రాలతో సిద్ధింపజేయి అలౌకికానందాలు
షడ్రిపులను దునుమాడి తెరిపించు మోక్షద్వారాలు
2.పాంచభౌతిక దేహం నీ పరమే చేసితిని
పురుషార్థ చతుర్థ్యాల నిను నెరనమ్మితిని
గుణత్రయాలనే నీవాక్రమించ స్వామీ వేడితిని
ద్వైతభావరహితమై నీవూనేనేకమై రమించితిని
రచన,స్వరకల్పన&గానం:డా.రాఖీ
తాతకు దగ్గులు నేర్పితే ఎలా
గురువుకు నామం పెడితే ఎలా
హనుమంతుడి ముందే కుప్పిగంతులా
శ్రీరాముడి ముందే శూర్పణఖ వేషాలా
1.ఉండచోటిస్తే ఇల్లునాక్రమించాలా
పండు తినమంటే గుండెకే ఎసరెట్టాలా
ఏకులాగవచ్చి మేకులాగుచ్చుకోకు
బండారం బయలైతే ఏమాత్రం నొచ్చుకోకు
2.వంచన మించిపోతే సాక్ష్యాలు కోకొల్లలు
తోకఝాడింప జూస్తే ఋజువులు వేనవేలు
బుద్దిగా ఉండేవారికి భవితంతా బంగారం
మాటనిలుపుకునే వారికి లోకమే స్వర్గధామం
రచన,స్వరకల్పన&గానం:డా.రాఖీ
రాగం:చక్రవాకం
అభినుతులో వినతులో
మహిమాన్విత నీ చరితలో
ప్రభవించును నా కవితలలో
నినదించును నా గీతాలలో
వేంకటాచలపతి నా కేల దుస్థితి
నీవేగా నాకిల స్వామీ శరణాగతి
1.ఎలా కాదనగలను నీ లీలలను
ఎలాకొట్టివేయను దృష్టాంతాలను
కనులముందె జరిగిన అద్భుతాలను
అసంభవాలె మార్పుచెంద సంభవాలను
వేంకటాచలపతి నిలువవయ్య నా మతి
నీవేగా నాకిల స్వామీ శరణాగతి
2.నందనవనమునే మసనముగా మార్చినావు
ఆనంద సౌధముకే చిచ్చును రగిలించినావు
స్వప్నాల నౌకనే సాగరాన ముంచినావు
ప్రశాంతమానసాన అలజడి సృష్టించినావు
వేంకటాచలపతి చక్కదిద్దు పరిస్థితి
నీవేగా నాకిల స్వామీ శరణాగతి
రచన,స్వరకల్పన&గానం:డా.రాఖీ
మబ్బులమేలిముసుగు చందమామకు
సిగ్గుల జలతారు ముసుగు కలువభామకు
అడ్డుతొలిగితే సులువౌ అనురాగ ధారకు
బిడియమొదిలితే సుగమం ప్రేమసీమకు
1.మొదటిసారి చూడగానె మొదలౌను స్పందన
కనులు కనులు ప్రసరించే అయస్కాంత భావన
ఎదలోన కదలాడు చెప్పలేని అలజడి
ఎరుకపరుచలేక పెదవులు ముడివడి
2.కదలలేక అడుగులు మొరాయించు ఘర్షణ
గుండెను పెకలించి దోచుకెళ్ళు నరకయాతను
వలపుల వలలో విధిలేక చిక్కుబడి
విలవిలలాడునే విరహపు సుడిబడి
PIC courtesy:Sri. Chandra Haasam
రచన,స్వరకల్పన&గానం:డా.రాఖీ
అమ్మచీరకొంగు-బహళార్థాలకే హంగు
అమ్మ చీరకొంగు అనేక సాధనాల ప్రోగు
పట్టుచీర ఐనా నేత చీరైనా
సంతతి చింతలో అంతా దిగదుడుపే
సిల్కు చీర ఐనా చీనాంబరమైనా
బిడ్డ ఎడల ప్రేమముందు బలాదూరే
1.ఎండ లోన నీడ నిచ్చు మానౌతుంది
వానలోన తడవ కుండ గొడుగౌతుంది
ఉక్కపోతలోన చక్కని వీవెన ఔతుంది
చలినుండి కాచెడి దుప్పటిగా మారుతుంది
2.పాలుపట్టువేళ శిశువుకు పరదా ఔతుంది
నిదురించే పసిపాపకు పట్టుపానుపౌతుంది
బిడియపడే పిల్లలకు అభయహస్తమౌతుంది
కన్నీరు తుడిచి ఓదార్చే ప్రాణనేస్తమౌతుంది
https://youtu.be/G7uMN9C8n24?si=zXHkNxsZsTzIROLU
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం:కీరవాణి
కనులు మూసుకున్నాడు కమలనాభుడు
మొహంచాటు చేసాడు మంగావిభుడు
స్థాణువైపోయాడు పాండురంగడు
వృద్ధుడైపోయాడు నృసింహుడు
ఉన్నదాన్ని గుంజుకున్న నంగనాచులు
తిరిగి సమకూర్చలేని తింగరి బూచులు
1.కడలి పాలు విరుగుతాయి మా కన్నీటి ఉప్పుపొగిలి
యాతన పడతాడు మా గుండెకలత ఉసురు తగలి
ఖైదీఔతాడు మా చిత్తపు చెఱసాలలో నిత్యం రగిలి
సేవలు గొంటాడు చేతకాక గుదిబండగా మిగిలి
ఉన్నదాన్ని గుంజుకున్న నంగనాచులందరూ
తిరిగి సమకూర్చలేని తింగరి బూచోళ్ళు
2.కరకు వాడౌతాడా లక్ష్మమ్మ పాదసేవ చేయుచుండ
కఠినాత్ముడౌతాడా కరుణామయి సిరి ఎద కొలువుండ
క్రూరచిత్తుడౌతాడా చెలఁగి రుక్మిణమ్మ చెంతనుండ
దయవిడనాడేనా తల్లి శ్రీదేవి దాపున విలసిల్లుచుండ
ఉన్నదాన్ని గుంజుకుంటే చోద్యమేగా
తిరిగి సమకూర్చకుంటె బ్రతుకు నైవేద్యమేగ
రచన,స్వరకల్పన&గానం:డా.రాఖీ
ఏమాశించావయ్య ప్రభూ ఈ మానవ సృష్టి చేసి
సాధించినదేమయ్యా ఈ అల్ప మనుజులనుండి
పునరపి జననం పునరపి మరణం
బ్రతుకంతా క్షణక్షణం మనుగడకోసం రణం
1.జిట్టెడు పొట్టను ఇచ్చి పట్టెడె పట్టగ చేసి
పడరాని పాట్లనే పడగజేయడం న్యాయమా
తక్కువైతే నీరసం ఎక్కువైతే ఆయాసం
ఆకలీ అన్నమే ప్రాధాన్యం చేయగ భావ్యమా
2.జిహ్వచాపల్యం మనిషికి మరొక ఉత్పాతం
మద్యసేవనం ధూమపానము పరమ దరిద్రం
మాదకద్రవ్యాలకై బానిసలవడం దారుణం
మానవత్వం మృగ్యమై పైశాచికతత్వం నీచం
https://youtu.be/qu86w8vEL2A?si=jEiSB-5VOF2Rs4us
రచన,స్వరకల్పన&గానం:డా.రాఖీ
రాగం : సరస్వతి
చెప్పిందే చెప్పితే చెప్పనీ
పాడిందే పాడితే పాడనీ
నిను పదేపదే స్మరించడం నాధ్యేయం
నిన్నదేపనిగ భజించుటే నా నియమం
నమో నమో ఈశ్వరా గిరిజా ప్రియవరా
శంభో శంకరా సాంబసదాశివా శుభకరా
1.నిష్టగా నీ గుడికి నేను చనకపోతిని
నాదృష్టిని మాత్రం నీనుండి మరల్చనైతిని
ఇష్టమే ఇందుధరా నీఎడ కరుణాకరా
స్పష్టమే నినువినా ఒరులనెపుడు నమ్మరా
నమో నమో ఈశ్వరా గిరిజా ప్రియవరా
శంభో శంకరా సాంబసదాశివా శుభకరా
2.వేదమంత్రాలనే నేను వల్లించకపోతిని
ఎదలయలో నీనామం లయమే చేసితిని
వేదనే నీదిరా మదనంతకా ప్రభో మోదమీయరా
నీ పదమే పరమపదము- నాకిక దయసేయరా
నమో నమో ఈశ్వరా గిరిజా ప్రియవరా
శంభో శంకరా సాంబసదాశివా శుభకరా
OK
https://youtu.be/WiwwHgmk9p0?si=RMY2dDm2lZzuXmCX
రచన,స్వరకల్పన&గానం:డా.రాఖీ
ఒక దసరా విజయం దేవీ భాగవతం
ఒక దసరా విజయం శ్రీరామచరితం
ఒక దసరా విజయం మహాభారతం
ఒక దసరా మననం శ్రీ సాయి జీవితం
అశేష భరతావనికీ దసరా విశేష పర్వదినం
సకల బంధుమిత్రులందరికీ దసరా శుభకామనం
1.పితృవాక్యపాలనం ఏకపత్నిసహజీవనం
సకల జీవజంతు ఆదరణం స్నేహభావనం
దానవ దమనం అప్రతిహత రామబాణం
రావణసంహారం శ్రీ సీతా రామ విజయం
సకల బంధుమిత్రులందరికీ దసరా శుభకామనం
2.వరగర్విత మహిషాసుర దేవతా పీడనం
ముక్కోటి దేవతల శరణాగత అభ్యర్థనం
దశభుజ విజయ దుర్గా అవతరణం
కంటక సంకట మహిషాసుర సంహరణం
సకల బంధుమిత్రులందరికీ దసరా శుభకామనం
3.కౌరవ మాయాజూద పర్యవసానం
పాండవ వనవాసం అజ్ఞాత జీవనం
ఉత్తరగోగ్రహణ సందర్భాన్విత రణం
ఉతరకుమారసారథ్య అర్జునవిజయం
సకల బంధుమిత్రులందరికీ దసరా శుభకామనం
4.షిరిడీపుర సాయి సామాన్యజీవనం
శిథిల ద్వారకమాయిలో సర్వదర్శనం
అవధూతగా ఏకాదశ సూత్ర బోధనం
మానవతకు కరుణకు సాయిబాబ నిదర్శనం
సకల బంధుమిత్రులందరికీ దసరా శుభకామనం
రచన.స్వరకల్పన&గానం:డా.రాఖీ
తరాల అంతరాలలో నిరంతరం ఒక సమరం
నేటికి నిన్న ఎప్పటికీ మరపురాని జ్ఞాపకం
నయా జమాన పిల్లలది కడుదూకుడు తత్వం
వయోజనుల అనుభవాల సూచనలే చాదస్తం
1.అదుపాజ్ఞలు ఆత్మీయత వెన్నతొ పెట్టిన విద్య
గౌరవమర్యాదలు వినయవిధేయతలతో సయోధ్య
జననీ జన్మభూమి భావనయే సర్వులకారాధ్య
సంపాదన తక్కువైన పొదుపు మదుపులే శ్రీరామ రక్ష
కట్టుబాట్ల బాటలో వివాహబంధమే ఒక లక్ష్మణరేఖ
2.స్వయం వికాససూత్రాన వ్యక్తిగత ప్రాధాన్యత
ఉన్నత ఉద్యోగవేటలొ చదువొక గాడిదమోత
విదేశీ మోజులో రోజుకో సంస్థతో బ్రతుకంతా అస్థిరత
భవితనసలె తలవకనే కిస్తులతో నిత్యం విలాసాలజత
కట్టడేకనరాక విలువలు హతమైన విశృంఖల ఆధునికత
OK
https://youtu.be/DckDqt-Sqps
రచన,స్వరకల్పన&గానం:డా.రాఖీ
కన్నవారి కడుపుచక్కితెలుపాలా
జగములనే కన్నతల్లికి
కడుపుతీపి పరులు ఎరుకపరుచాలా
అమ్మలనే గన్న పెద్దమ్మకు
ఎందుకు జనని నువు దయగనని
ఈజన్మనీ కడతేరనీ నీపదముల కడ తేలనీ
శ్రీవాణీ నారాయణీ దాక్షాయణీ శ్రీచక్ర నగర సామ్రాజ్ఞీ
నమోస్తుతే మాతా మహిషాసుర మర్ధిని
1.కడకంటిచూపుకే మురిసేరు ముక్కోటి దేవతలు
నీ అదుపాజ్ఞలలో మసలేరు త్రిమూర్తులు
అఖిలాండకోటి బ్రహ్మాండ నాయకి
చండముండాది దండి దైత్య నాశకి
శుంభ నిశుంభాది దానవ శమని
కినుక నీకేలనే శుకశౌనక వందిని
తుదముట్టనీ నాబ్రతుకుని నీ పదములు పట్టనీ
2.ఇచ్చావు ఎన్నెన్నో నా ఇఛ్ఛ నడగకనే
తుచ్ఛమైన వీయనేల సంతృప్తి మినహా
అనుభవించి సంతసించబోవునంతలోనే
ఉన్నది ఊడ్చేసినావు ఉత్పాలి(ఆరోగ్యము) తో సహా
శ్రీ పీఠ సంవర్ధినీ మేధో ప్రవర్ధిని
కంటగింపు ఏలనే సంకటములు దాటించగ
ముగియనీ జీవితాన్ని నీ పదముల నరయగా
రచన.స్వరకల్పన&గానం:డా.రాఖీ
నిదుర రాదు మనసు చేదయీ
తెలవారునా ఈరేయీ
కలతీరునా తరువాయి మరీచికై హాయీ
1. చెలికాని తలపులు తలగడ లాగా మెత్తగ తాకెనే
తొలివలపులు తపనలు మరి మరి పెంచెనే
మాటలతో సరసపు చేష్టలతో మురిపించెనే
రెక్కల గుర్రం ఎక్కడమన్న ఊహను మెరిపించెనే
2.ఉడికించిన తడిపొడి కాంక్షలు ఆశగా చెలగే
ఊరించిన కసికసి ఊసులు ఉసూరుమనసాగే
ప్రణయభావనలు ప్రలోభాన మది కొనసాగే
కలయిక ఇక కడలేని ప్రతీక్షగ అనుక్షణంమనసాగే
PAINTING:Sri. Agacharya Artist
https://youtu.be/GBw6Q1dx8D8
రచన,స్వరకల్పన&గానం:డా.రాఖీ
రాగం:యమన్ కళ్యాణి
జయకళ్యాణి వీణాపాణి శ్రీవాణీ
జయజయ భారతి జయసరస్వతి నీవే శరణాగతి
నడపవె నా మతి నిరతము సద్గతి
నమామి భగవతి బ్రహ్మసతి
1.వ్యాసపురీశ్వరి వాగీశ్వరి జ్ఞానప్రదాయిని
కాశ్మీరేశ్వరి ముఖనివాసిని కవన ప్రసాదిని
వర్గలువాసిని మేధావిని విద్యా వర్ధిని
అనంతసాగర గేహిని అక్షర వితరణి
2.శృంగేరి స్థిత శంకర పూజిత శారదామణి
కాళేశ్వర విలసిత సుస్వర రూపిణి వేదాగ్రణి
చింగావన స్థిరవాసిని సంగీత సామ్రాజ్ఞి
ధర్మపురీ గౌతమితీర వసని గీర్దేవి
https://youtu.be/X5SeETe8UZw?si=YjUuFm8Dkz9fSa1P
రచన,స్వరకల్పన&గానం:డా.రాఖీ
శైలపుత్రి హే బ్రహ్మచారిణీ చంద్రఘంటా నమోస్తుతే
కూష్మాండ హే స్కందమాతా కాత్యాయినీ నమోస్తుతే
కాళరాత్రి హే మహాగౌరి హే సిద్దిధాత్రీ నమోస్తుతే
భద్రకాళిహే కనకదుర్గ హే శారదాంబా నమోస్తుతే
నమోస్తుతే నమోస్తుతే నమోస్తుతే నమోస్తుతే
1.హే భువనేశ్వరి రాజరాజేశ్వరి శ్రీలలితా పరిపాలయమాం
మణిద్వీప సుస్థిరవాసిని శ్రీచక్ర సంచారిణీ పాహిమాం
జయ జగదీశ్వరి శ్రీ పరమేశ్వరి పాహిమాం పాలయమాం
అఖింలాండేశ్వరి చాముండేశ్వరి శ్రీ దేవీ శరణమహం
2.దనుజహారిని దైత్యదమనీ దాక్షాయణీ మనసా వందనం
మహిషమర్ధిని శత్రునాశిని విజయకారిణీ వచసా వందనం
జ్ఞానవర్ధినీ వేదరూపిణీ శ్రీ సరస్వతీ శిరసా వందనం
నారాయణీ కనకవర్షిణీ మోదదాయినీ తవ చరణం శరణంశరణం
PAINTING:Sri. Agacharya Artist
https://youtu.be/vby_USQHbsQ?si=za4UIP3iahm4QLbC
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం:నాదనామక్రియ
సమాయత్తమైపోవె మనసా అనంతయానానికి
బంధనాలు త్రెంచుకో నీ ఒంటరి పయనానికీ
ఇహముతో మోహపాశ మెందుకు
దేహమైన వదులుకోక తప్పదు
1.చరమాంకం చేరుటకై తోసివేయి బరువులు
ప్రాపంచిక విషయాలకు మూసివేయి తలుపులు
మహాప్రస్థానమే అవస్థలేక సాగగా
సంసిద్ధతతో స్వర్గతి సిద్ధించుగా
2.మమకారము కడుకారము వైరాగ్యానికి
చాపల్యము అవరోధము నిర్వేదానికి
బాధ్యతలంటూ బాధలపాలవకు
జంజాటాలతో గిలగిలలాడకు
3.నువులేని లోటుతో లోకమాగుననుకోకు
నీ పరోక్షవేళలో జగతి గతిని యోచించకు
నాడునేడు ఎప్పడూ నీకునీవే
వాస్తవాన్ని మరువక మనసా నిర్గమించవే
https://youtu.be/f0LHKMTwSm8?si=WpK0n3ccZbOlVPpm
రచన,స్వరకల్పన&గానం:డా.రాఖీ
నిను పిచ్చివాడన్నాడు ఒక తుచ్ఛుడు
నిను బిచ్చగాడన్నాడు ఒక త్రాష్టుడు
మతమునంటగట్టాడు ఒక మ్లేఛ్ఛుడు
ఆకృతులరంగు పులిమాడొక మూర్ఖుడు
సాయీ నీవే సత్యమైన అవధూతవు౹ౘౘ
సాయీ నీవే నిలువెత్తు మాన వతవు
1.సాటి మనిషిగానైన ఎంచలేని మూఢుడు
సాక్షత్తు దైవంగా నిన్నెలా నమ్మౘగలడు
నీ బోధల సారమే ఎరుగలేని జడుడు
సద్గురువునీవని ఎలా భావించంంంగలడు
సాయీ నీవే సచ్చిదానందుడువు
సాయీ నీవే నిత్య జ్యోతిరూపుడవు
ఃంఃఃఃఃౘఃఃఃః
2.శిథిలమైన మసీదునీ ఆవాసమంటివే
పాలరాతి మందిరాలు పట్టిఉంచగలిగేనా
చిరుగుల కఫ్నీనీ నీ మేన దాల్చితివే
పట్టుపీతాంబరాలు నీకు కట్ట మెచ్చేవా
నీ జీవితవిధానమే ఆచరణ గీత
నీ నిరాడంబరమే స్ఫూర్తిదాత
రచన,స్వరకల్పన&గానం:డా.రాఖీ
అతడు-కలయికలోనే కల నెలకొన్నది
అతడు-నెరవేరితే కల వరమౌతుంది
ఆమె:చెదిరిపోతే కలవరమౌతుంది
ఆమె:వలపను దానిలో వలదాగున్నది
అతడు-బతుకే చిగురించులే వలచినంతనే
ఆమె:వెతలే రగిలించులే వలపన్నింతనే
అతడు-1.పరిచయమైన తొలిక్షణమేదో తీక్షణమైనది
పరస్పరం ఎదురైన వీక్షణమే సలక్షణమైనది
ముడిపడిన బంధమే మూడు ముడులుగామారే
తోడుగా నడిచిన పథమే ఏడడుగులై సాగే
కలయికలో కన్న కల నెరవేరి వరమాయే
వలపంత కుమ్మరించ కాపురమే గోపురమాయే
ఆమె-2.తారసపడిన వేళయేదో వెంటాడే కాళమైనది
ఇరు మనసుల తొందరపాటే గ్రహపాటైనది
ప్రణయమూ పరిణయమూ నగుబాటైనది
సర్దబాటు బాటలేక బాస నీటి మూటైనది
కలలన్ని చెదిరిపోగా భవిత ఎడారిచోటైనది
వలపన్నగ చిక్కుబడి బ్రతుకు చితికిబాటైనది
నీ పాటగా సాగనీ జీవితమే
నీ పదముగా చెలఁగనీ నా కవితయే
అన్యమేల రాయగ గాయాలౌ గేయాలే
ధన్యమవని నిను నుడువగ నా గీతాలే
శ్రీ సరస్వతీ మాతా సకలలోక జననీ
కర్త కర్మ క్రియలెపుడు నాకు నీవె వేదాగ్రణి
1. సరసమౌ నవరసాలు నాలో కనుమరుగవనీ
ఐహికమౌ విషయాలిక అంతరించిపోనీ
అవకాశాలే అందగజేయకు అరవిందలోచనీ
నాచిత్తము మరలనీకు నినువినా నిరంజని
శ్రీ సరస్వతీ మాతా సకలలోక జననీ
కర్త కర్మ క్రియలెపుడు నాకు నీవె వేదాగ్రణి
2.చావు పుటుకలేవైనా దుఃఖాన్వితాలు
కరుణరసం ఒక్కటే ప్రతి మనసుకు చేవ్రాలు
ఆర్ద్రత పూరితమౌ భక్తియే సాహిత్యపు ఆనవాలు
నా అక్షరసూనాలికపై సదా నీ చరణాల వ్రాలు
శ్రీ సరస్వతీ మాతా సకలలోక జననీ
కర్త కర్మ క్రియలెపుడు నాకు నీవె వేదాగ్రణి
3.నే లిఖించు ప్రతివర్ణం నీ బీజాక్షరమవనీ
వెలయించెడి ప్రతివాక్యం దివ్యమంత్రమవనీ
మనోవాక్కర్మలన్ని నీపై కేంద్రీకృతమైపోనీ
చరణాలే శరణుకోరి నీవైపే సాగనీ
శ్రీ సరస్వతీ మాతా సకలలోక జననీ
కర్త కర్మ క్రియలెపుడు నాకు నీవె వేదాగ్రణి
https://youtu.be/qem9vBTTrvU?si=7GkzmsuP1CxxD_63
అనంత వర్ణ సంశోభితం పుష్పజాతి సౌందర్యం
అద్భుత సౌగంధికా విరాజితం విరుల పరిమళం
అనన్య లావణ్య సమాశ్రితం కుసుమ కోమలం
జన్మసాఫల్య ధన్యజీవనం పావనం ప్రసూనం
1.మందార పుష్ప పూజిత ప్రియం విఘ్నేశ్వరం
పంకజార్చిత పరమ సంతుష్టం పరమేశ్వరం
అర్క పూమాలాలంకృత సంప్రీతం కపీశ్వరం
చంపక సేవంతికాలంకృతం శ్రీమాతాప్రియకరం
2.దాంపత్యానుకూలదాయకం కుందకుసుమ సౌరభం
మలయమారుతాన్విత ఆహ్లాదకారకం పారిజాత పరిమళం
బతుకమ్మ స్వరూప వలయనిర్మితం విరి ప్రభాస విరాజితం
గులాబీ అలరులకే ప్రేమకు ప్రతిపాదనగా ప్రథమతాంబూలం
పలుకలేవ మమతల మకరందమొలుక
తెలుపలేవ వలపులు శ్రీగంధమే చిలుక
ఎదదాగిన మంజుల సడినుడి ఎవరికెరుక
వేచినకొలది వెతలు పెరుగ బ్రతుకే మరీచిక
గతిగానవే నా మానసం-మతినిండినే నీ ధ్యానం
1.అంతరంగాన అంతేలేని చింతల సాగరం
పెదవుల చెలఁగును నగవుల నయగారం
అనునయ మొకటే హృదయానికి తగు ఔషధం
సాంత్వనకూర్చే ప్రేమ సింధువా నీకిదె ఆత్మీయ చందనం
గతిగానవే నా మానసం-మతినిండినే నీ ధ్యానం
2.జీవితమంతా చేస్తాను నీకే అంకితం
ఏకాకి నేనిక లోకాన సర్వం నీవేగా నేస్తం
నీ సహచర్యం నాకిల ధైర్యం కావేలా సంప్రాప్తం
అందించవే ఇక జన్మజన్మలు నీ స్నేహ హస్తం
గతిగానవే నా మానసం-మతినిండినే నీ ధ్యానం
https://youtu.be/JGCbcHftHuA?si=4wx_IU8Ldhy-_x5h
రచన,స్వరకల్పన&గానం:డా.రాఖీ
శ్రీ ఆంజనేయం దివ్య మహాకాయం
రామనామమంటె నీకు ఎంతో ప్రియం
నిన్ను తలచినంతనే భయమే మటుమాయం
నీ అనుగ్రహమ్ముతో విజయమే మంచినీళ్ళ ప్రాయం
నమో నమో జితేంద్రియా నమోస్తుతే సంజీవరాయా
1.రామ భజన జరుగు చోట నీ ఉనికి ఖాయం
రామకథను వినుట కనుట నీ అవతార లక్ష్యం
రామాయణ పారాయణ నీకు ప్రథమ కర్తవ్యం
రామగాన రసపానమే నీకు సదా ముఖ్యం
నమోనమో చిరంజీవా నమోస్తుతే ప్రభోవాగధీశా
2. ఊరూరికి రక్షణగా నిలవడమే నీ ధ్యేయం
నీ భక్తుల కండదండ కావడమే కడు భవ్యం
పిలిచినంతనే పలుకుతు ఔతావు ప్రత్యక్షం
నిను నమ్మికొలిచినంత సులభతరమె మోక్షం
నమోనమో అంజనానందన నమోస్తుతే దనుజ భంజన
https://youtu.be/TTja0nWVuQo?si=DhbdF3KJRqsxfdjh
రచన,స్వరకల్పన&గాఖనం:డా.రాఖీ
రాగం:హంసానంది
సౌందర్య లహరీ శ్రీ లలితా పరమేశ్వరీ
హృదయ వశంకరీ శాంకరీ కృపాకరీ
సహస్రనామ సంశోభితే సర్వ దుఃఖప్రశమనే
ప్రణమామ్యహం త్వాం శరణమహం ప్రపద్యే
1.మృదుమంజుల భాషిణీ నిత్యసంతోషిణీ
మునిజనవందినీ ముక్తిదాయినీ
త్రిభువన జననీ త్రైలోక్యపావనీ
త్రిమూర్త్యాది సకలదేవ సంసేవిత చరణీ
2.చండముండ దానవ భంజనీ
చాముండీ నిరుమాన నిత్య నిరంజనీ
అండపిండ బ్రహ్మాండ మండల సృజనీ
ప్రచండ తేజోమయి భక్తజన రంజనీ
రచన,స్వరకల్పన&గానం:డా.రాఖీ
కవ్వించకే నీ వాలుచూపులతో
నను చంపకే నీ చిలిపి నవ్వులతో
అందించవే అధరామృతం బ్రతికించగా
బంధించవే బిగికౌగిట దివిని తలపించగా
1.ప్రేమలేఖలేవో కనుపాపల కదలాడే
మూగబాసలేవో మానసాన్ని వెంటాడే
అందరాని చందమామలా దోబూచులాడేవు
హృదయాన్ని బంతిచేసి ఆటలెన్నొ ఆడేవు
2.నీ తనువు కావ్యాన్ని తనివార చదువుకోనీ
నీ మానసవీణపై నవరాగం పలికించనీ
నా పెదాల కుంచెతో నీదేహమంత చిత్రించనీ
అనుభూతుల నవరసాలతో అనుభవాలు మించనీ
రచన,స్వరకల్పన&గానం:డా.రాఖీ
ఉన్నా లేకున్నా రెండు చేతులు నేస్తం
ప్రతి మనిషి కలిగిఉంటాడు మరో హస్తం
అంతరాన అద్భుతమౌ అదృశ్య హస్తం
అదే అదే దయగలిగిన ఆపన్న హస్తం
ఉపయోగించనపుడు జీవితమే వ్యర్థం
1.సంపన్నులమైతేనే అన్న షరతులేదు
పుష్కల ఆదాయమే అర్హత కాదు
ప్రతిఫలమాశించే అవసరమే లేదు
పేరు ప్రఖ్యాతులు పెద్ద విషయమే కాదు
సహృదయత ఒక్కటుంటే పేదరికం అడ్డుకాదు
2.అభద్రతే పిసినారికి అతిపెద్ద ఆటంకం
తృణమో ఫణమో ఇవ్వగలగడం ముఖ్యం
సహానుభూతి చెందితే ఉదారతే సులభం
చందా దానము విరాళము వితరణదొక రూపం
ధనమో వస్తువో శ్రమనో ఏదో ఒక చిరు సాయం
https://youtu.be/KQg1J-n4h7U
రచన,స్వరకల్పన&గానం:డా.రాఖీ
రాగం:దర్బార్ కానడ
దుర్గాభవాని-నేను నీ పసివాణ్ణి
పాలించగా నీవే-లాలించగానూ నీవే
మోకరిల్లుతున్నాను మాతా శాంభవి
ప్రణతులందుకోగదే తల్లీ భార్గవీ
వందనాలు నీకిదే అమ్మా వాగ్దేవి
1.నవరాత్రులూ నిన్ను నమ్మి కొలిచేను
ఏదినమందైనా నిన్నే తలిచేను
నా మనసే నీకు నైవేద్యమర్పింతు
నా ప్రాణజ్యోతులే హారతిగ వెలిగింతు
మోకరిల్లుతున్నాను మాతా శాంభవి
ప్రణతులందుకోగదే తల్లీ భార్గవీ
వందనాలు నీకిదే అమ్మా వాగ్దేవి
2.కోరడానికేముంది జననీ నీవెరగవనా
అడిగేది ఏముంది అమ్మా నువు ఈయవనా
బిడ్డ మనసు తెలిసి తల్లి మసలుకోదా
దొడ్డమనసు నీకుందన్నది లోకానికి కొత్తదా
మోకరిల్లుతున్నాను మాతా శాంభవి
ప్రణతులందుకోగదే తల్లీ భార్గవీ
వందనాలు నీకిదే అమ్మా వాగ్దేవి
https://youtu.be/FSkw3pGC1kU
ముక్కంటి దేవర-నిక్కముగ కావర
మాకు వరమీయర-కలవరమెడబాపర
నమః పార్వతీపతయే హరహరా
శివరాత్రి సంభవా మహాలింగేశ్వరా
1.మది నమ్మినానుర-పదము నడిగినానుర
పదపడి ఇదె వేగరా-దయసేయి శంకరా
నమః పార్వతీపతయే హరహరా
శివరాత్రి సంభవా మహాలింగేశ్వరా
2.నలతల మరి మాన్పర-కలతల పరిమార్చర
కలలిక నెరవేర్చర-కైవల్యమొసగరా
నమః పార్వతీపతయే హరహరా
శివరాత్రి సంభవా మహాలింగేశ్వరా
https://youtu.be/ZMDzGMdeN3o?si=Mqh7GdP4SsvtydE_
రచన,స్వరకల్పన&గానం డా.రాఖీ
ఏమాదీర్ఘాలోచన సులోచన
ఔనోకాదో తెలుపగ లేదా వివేచన
ప్రేమంటే కానేకాదది ఒక యాచన
ఇరు ఎదలే జతగా చేసెడి రచన
1.తొలిచూపుది కాదు నా భావన
నీవేంటో అర్థమైన మనోనివేదన
పరస్పరం అంకితమవడమె ప్రేమ సాధన
చితి దాకా ప్రతి సాగగలిగితే ప్రేమ దీవెన
2.రక్తబంధమే లేని అనురక్తి మనది
మలినమే అంటక నిష్కల్మషమైనది
స్నేహితమునకన్నా అతీతమైనది
అలౌకిమైన అభౌతికమైన తత్వమిది
రచన,స్వరకల్పన&గానం:డా.రాఖీ
వరదలు వరదలు వరదలుఊరంతా వరదలు
వరదలు వరదలు వరదలువాడంతా వరదలు
వరదలు వరదలు వరదలుఇవి కన్నీటి వరదలు
వరదలు వరదలు వరదలు ఎనలేని కష్టాల వరదలు
1.కోరికోరి కొనుక్కున్న ఖరీదైన వరదలు
ఏరికోరి చెఱువుపక్క ఎంచుకున్న వరదలు
ఎడాపెడా అనుమతులతొ లంచాల వరదలు
కుదేలైపోగా బజారుపాలైన బ్రతుకుల వరదలు
2.తామే అమ్ముడై ఎన్నుకున్న ఓట్ల వరదలు
ఏమాత్రమైన నెరవేర్చని నేతల వాగ్దాన వరదలు
గృహనిర్మాణ రంగాన ఇబ్బడి ముబ్బడి డబ్బుల వరదలు
నాలాలూ శిఖముల దురాక్రమణల వరదలు
3.ముందుచూపు కొఱవడిన నిర్లక్ష్యాల వరదలు
తెలిసీగోతిలొ పడే మధ్యతరగతి వరదలు
గతిలేక తలదాచే పేదల గూడుల వరదలు
అతలాకుతలమయే నగరాల పదేపదే వరదలు
4.చుట్టూ నీళ్ళున్నా తీర్చని దాహపు వరదలు
కాలకృత్యాలకై నోచవీలవలేని వరదలు
పసివాళ్ళు ముదుసళ్ళు రోగుల వెతల వరదలు
అన్నీ ఉండీ అనాథలుగ మార్చే వికృత వరదలు
రచన,స్వరకల్పన&గానం:డా.రాఖీ
చూపులకేం పని తూపులు వేయడమే
పెదవులకేం పని వ్యూహమమలు చేయడమే
పగబట్టింది నీ అంగాంగాం నను బంధించుటకై
నీకెంతటి ఉబలాటమో అస్త్రాలు సంధించుటకై
1.కనుగీటితె చాలుగా కదనకుతూహలమేల
నవ్వితె సరిపోవుగా సంగ్రామ తపనయేల
నేనూ ఇక సిద్ధమే నిషిద్దాలు ఆయుధాలు
మల్లయుద్ధమైతే మేలు ఇరువురికి విజయాలు
2.ఊపిరాడనీయను బాహువుల బిగించి
తేరుకోనీయను ముద్దులతో ముంచెత్తి
పట్టేపడతాను ఆయువు పట్లపై సరసంగా
ఉట్టేకొడతాను దండిగ వెన్నా మీగడ లొలుకంగ
https://youtu.be/H4WhiKUp5Fg
వెన్ను చూస్తె కన్ను చెదిరె ఉన్నపాటుగా
ముందు చూస్తే సన్నుతించ నాకిక తరమా
ఎదనెవరో పిండేస్తున్నట్టు ఏదేదో ఐపోతున్నట్టు
నరాలన్ని జివ్వునలాగే తమాయించుకోనట్టు
ఆగలేనే వేగలేనే వేచిఉండలేనే-వేగరావే యోగమవగా ఆగమైపోతానే
1.తురుముకున్న మల్లెచెండు చెండాడుతోందే నిగ్రహాన్ని
ఉండీలేక రవికేమో దండిస్తోందే మనో నిబ్బరాన్ని
బల్మీటికి చూపుకాస్త క్రిందికి తెస్తే నడుమొంపులోనే నలిగిందే
తెల్లచీర సోయగాలు తెప్పరిల్లనీయక గుండె మత్తగా మూల్గిందే
నరాలన్ని జివ్వునలాగే తమాయించుకోనట్టు
ఆగలేనే వేగలేనే వేచిఉండలేనే-వేగరావే యోగమవగా ఆగమైపోతానే
2.పట్టుకుంటె జారిపోయే పట్టులాంటి నీ కోమల దేహము
ముట్టుకుంటె మాసిపోయె దబ్బపండు ఛాయ అంగాంగము
తాకనీయి తమకాన తడమగా తనువు తడిసి ముద్దై పోనీ
పెదాలతో పెదాలు రసనతొ రసనా మెలిపడి అద్భుత ముద్దైపోనీ
నరాలన్ని జివ్వునలాగే తమాయించుకోనట్టు
ఆగలేనే వేగలేనే వేచిఉండలేనే-వేగరావే యోగమవగా ఆగమైపోతానే
OK
రచన,స్వరకల్పన&గానం:డా.రాఖీ
కపోతమా నానేస్తమా
మనసెరిగిన ప్రియతమా
కబురందించవేమే చెలికానికి
తాళజాలకున్నానే విరహానికి
1.శీతాకాలమైనా సెగరేగుతోందని
హేమంతమైనా మంటరగులుతోందని
ఆర్చినా తీర్చినా తానే తగినవాడనీ
ఉపశమనమొసగేది బిగికౌగిలేననీ
పదపడి అందించవే నా విన్నపాలు
పరుగిడి ఎరిగించవే మనోభావాలు
2.ఆరుతున్న నాలుకకు తనముద్దే అమృతం
అదురుతున్న పెదవులకు తనవద్దే మకరందం
చుంబనాలజడితోనే తనువును తడపాలనీ
స్వర్గసీమ అంచులదాకా తోడుగా నడపాలనీ
నచ్చచెప్పి తోడ్కరావే వెనువెంటనే
వెంటబెట్టుక వేగరావే నువు వెంటనే
PAINTING :Sri. Agacharya Artist
రచన,స్వరకల్పన&గానం:డా.రాఖీ
అష్టసిద్ధులున్నవి నీ అంగాంగాన
చతుషష్టి కళలొలుకును నీ గాత్ర రంగాన
టక్కుటమార విద్దెలు నీ హావభావాలు
కనికట్టు కలిగించును నీచూపుల ప్రభావాలు
నువ్వో మాయలాడివి నువ్వే మాయలేడివి
నువ్వో మంత్రగత్తెవి నువ్వే తంత్రవేత్తవి
1.వశీకరణమే నీకు వెన్నతొ పెట్టిన విద్య
ఆకర్శణయే నీకు సహజాతమైన విద్య
అయస్కాంతమైది చూపుకు నీ మధ్య
నువుకాదుపొమ్మంటే బ్రతుకే ఒక మిథ్య
నువ్వో మాయలాడివి నువ్వే మాయలేడివి
నువ్వో మంత్రగత్తెవి నువ్వే తంత్రవేత్తవి
2.చిరునగవులు నువువాడే పాచికలు
లయలహొయల నీకులుకులే మరీచికలు
వగల సెగలు రేపుతాయి నీ వలపుల వలలు
నీ గాలిసోకినంతనే సజీవమౌతాయి శిలలు
నువ్వో మాయలాడివి నువ్వే మాయలేడివి
నువ్వో మంత్రగత్తెవి నువ్వే తంత్రవేత్తవి
రచన,స్వరకల్పన&గానం:డా.రాఖీ
చెప్పగలం కబుర్లెన్నొ కాలుకు మన్నంటకుండ
ఈయగలం సలహాలు ఉచితంగా మేనునొవ్వకుండ
గప్పాలుకొట్టగలం బరిలోకి దిగకుండా
చమత్కరించగలం సహానుభూతిలేకుండా
మనదాకా వస్తేగాని తెలియదు అసలేంటో సంకటం
ఛలోక్తులే విసురుకుంటు హేళనగా నవ్వటం
1.ఆకలిదేముంది ఉపవాసం సులభమేనంటూ
లేనివాళ్ళనెప్పుడూ ఎగతాళి చేసుకుంటూ
నిలవనీడలేకుండుట సౌధవాసి కెలాతెలుసు
ఆపదలో అర్థించుట సంపన్నులకేమెరుక
మనదాకా వస్తేగాని తెలియదు అసలేంటో సంకటం
ఛలోక్తులే విసురుకుంటు హేళనగా నవ్వటం
2.వడ్డించిన విస్తరులౌ జీవితాలెరుగవు
నిరుపేదల నిత్య బ్రతుకు పోరాటాలు
ప్రమాదాలు విపత్తులు మరణాలు నిర్లిప్తాలు
వార్తల్లో కంటూ వింటూ తెల్సుకుంటూ పైశాచిక వినోదాలు
మనదాకా వస్తేగాని తెలియదు అసలేంటో సంకటం
ఛలోక్తులే విసురుకుంటు హేళనగా నవ్వటం
రచన,స్వరకల్పన&గానం:డా.రాఖీ
అనుబంధాలన్నీ ఆర్థికపరమైనవే
భవబంధాలన్నీ అవసరార్థమైనవే
కన్నవారి ప్రేమ ఒకటె హార్ధికమైనది
రక్త సంబంధమే నిస్వార్థమైనది
1.అమ్మ మాత్రమే ఎరుగును పిల్లల ఆకలి
సంపాదనవల్లనే విలువ ఇచ్చు మగనాలి
చీరకూడ కోరదు తల్లి తనయుని నుండి
చేతిఖర్చుకూ మిగల్చదు సతి జగ మొండి
2.తల్లి ఇచ్చు పిల్లలకు చల్లని దీవెనయే
పత్ని చెలాయిస్తుంది పతిపై ఆధిపత్యమే
ఏకులా ఏతెంచి మేకులా మారుతుంది అర్ధాంగి
భరించాలి భర్తయే సాంతం గుదిబండ భంగి
రచన,స్వరకల్పన&గానం:డా.రాఖీ
(గమనిక: జోడించిన చిత్రానికి కవితకు ఏ మాత్రం సంబంధం లేదు)
మనసు కష్ట పెట్టు కుంది స్పష్టత
చోటులేక వాపోయె పారదర్శకత
మారేడు కాయల కెంత సంబరం
నుసిపూసే వంకకి అవేగా ఆధారం
ఏ హృదయం స్ఫటికమంత స్వచ్ఛదనం
ఏ నయనం వెన్నెలంత ఆహ్లాదం
1.మదికి మాటకు చేతకు పొంతన కనరాదు
సమాచారమందించగ నిబద్ధతే ఉండదు
ప్రపంచయుద్ధాలకు సమాచార అంతరమే లోపం
చెప్పేది చేయక చేసింది చెప్పక పరితాపం
ఏ హృదయం స్ఫటికమంత స్వచ్ఛదనం
ఏ నయనం వెన్నెలంత ఆహ్లాదం
2.కుండబద్దలైతేమి నిజం చెప్పడానికి
అండలేకపోతేమి గుట్టు విప్పడానికి
సత్యానికి ప్రతీకగా హరిశ్చంద్రుడీనాడూ
హాయిగ నిదురించేవు సత్యం పలికిచూడు
ఏ హృదయం స్ఫటికమంత స్వచ్ఛదనం
ఏ నయనం వెన్నెలంత ఆహ్లాదం
*చిత్రం -గీతం ఇదే సమాచార అంతరానికి ప్రత్యక్ష ఉదాహరణ*
రచన,స్వరకల్పన&గానం:డా.రాఖీ
తెల్లకలువ సొగసుగాంచ -ఎర్రకలువ విరిసింది
ఎర్ర కలువ విలువనెంచ-తెల్లకలువ మురిసింది
గుసగుసలాడాయి మల్లెలు
రుసరుసలాడాయి మందారాలు
వందనాలు నీ అందానికి కుందనపు బొమ్మా
నీరాజనాలు నీ సౌరుకు చందనపు కొమ్మా
1.అరవిందానన అరవిందలోచన
అరవిరిసిన విరిబోడివి నిజముగ నీవేయన
పరిమళాలు వెదజల్లగ పారిజాతమీవేయన
మరువము నీ పరువము దవనమే జీవనము
వందనాలు నీ అందానికి కుందనపు బొమ్మా
నీరాజనాలు నీ సౌరుకు చందనపు కొమ్మా
2.చామంతులే నీ నయన కాంతులు
పూబంతులే నీసిగ్గుల దొంతరలు
తంగేడు పూలరంగు నీ ఒంటికే హంగు
పున్నాగపూల నునుపు నినుతాక మత్తుగొలుపు
వందనాలు నీ అందానికి కుందనపు బొమ్మా
నీరాజనాలు నీ సౌరుకు చందనపు కొమ్మా
https://youtu.be/lKcrIax83oM
రచన,స్వరకల్పన&గానం:డా.రాఖీ
కంటిలోన ఆరని మంట-నెత్తిన మాత్రం గంగంట
గళమునందున విషమంట-తలన సుధాకరుడంట
ఇరువైరుల ధరించేటి భవానీ ధవా
కరకమలాలర్పించెద కనికరించరా భవా
1.ధ్యానమే సదాశివా నీకు నిరంతరం
నాట్యమూ నటరాజా నీకు ప్రియతరం
భస్మ ధరుడవు ఐశ్వర్య వరప్రదుడవు
కాలకాలుడవు ఆయురారోగ్యకరుడవు
ఇరువైరుల ధరించేటి భవానీ ధవా
కరకమలాలర్పించెద కనికరించరా భవా
2.దేవతలకే దేవుడవు నీవు మహాదేవుడవు
పంచభూత నాథుడవు పంచప్రాణేశుడవు
భోళాశంకరుడవు ప్రళయకాల రుద్రుడవు
నామరూప రహితుడవు సర్వనామయుతుడవు
ఇరువైరుల ధరించేటి భవానీ ధవా
కరకమలాలర్పించెద కనికరించరా భవా
Ok
రాఖీ-బాలగేయాలు-3
చెట్టు జట్టు
చెట్టూ చెట్టూ ఓ చెట్టు
మా మంచి పచ్చని చెట్టు
నీతోనే మేమెపుడు జతకట్టు
నీవే మాకు మంచి తోవ చూపెట్టు
1.నీలా జనులకు నీడను పంచేట్టూ
ఏ వేళా పూలో పళ్ళో ఇచ్చేట్టు
నినుకొట్టే మనిషిని కాయడం
మనుషులందరికి చెంప పెట్టు
2.వేరూ కాండం బెరడు పనికొచ్చినట్టు
నీ వల్లనె భూసారం నిలిచినట్టు
పిట్టలు నీపై గూళ్ళు కట్టినట్టు
మా కన్ను నెత్తురు పరుల ప్రాణం నిలిపేట్టూ
రచన,స్వరకల్పన&గానం:డా.రాఖీ
అంతరార్థమెరుగలేని ఆచారాలు
పరమార్థం గ్రహించని సాంప్రదాయాలు
ముందరికాళ్ళుకు ఔతాయి బంధనాలు
ఎందరి క్షోభకో కారణాలీ దారుణాలు
1.దేశకాల పరిస్థితుల కనుగుణాలు సంస్కృతులు
సంకటాల నధిగమింప సహజాలు సవరింపులు
సర్దుబాటె కరువైతే ప్రతిబాటలొ కంటకాలు
ఆనందమె పరమావధి కావాలి జీవితాలు
2.న్యాయ సూత్రమేది లేదు ఇదమిద్దమైనదంటు
ధర్మరాజు పలికెబొంకు ధర్మసూక్ష్మమిది యంటూ
రాజ్యాంగాలే మారేను సవరణలే నోచుకుంటు
కులమతాల రివాజులూ పట్టువిడుపులుంటూ
3.మూర్ఖమైన వాదనలతొ వివాహాల్లొ వివాదాలు
మూఢమైన నమ్మకాలె వధూవరుల శాపాలు
ఇరుమనసుల కలయికకే ఇన్ని వేదమంత్రాలు
ఇరుసుకాని బంధంతో ఇరుకౌను కంఠసూత్రాలు
OK
రచన,స్వరకల్పన&గానం:డా.రాఖీ
అమ్మ దేహము నాన్న ప్రాణము
మన జీవితమే తలిదండ్రుల దానము
కన్నవారు కన్నకలల పంటే మనము
జననీ జనకుల దయలేక క్షణమైనా మనము
1.పాలు మురిపాలు అమ్మ దయాబిక్షయే
ఈనాటి మన ఉన్నతి నాన్న క్రమశిక్షణే
తమనోరుకట్టుకొని మనమడిగినదొసగినారు
తమ లక్ష్యమె మనమవగా దీక్షగా సాకుతారు
ఏమిచ్చినాగాని తీరిపోదు వారి ఋణము
కన్నందుకు బాధ్యతంటె అది వ్యర్థప్రలాము
2.ముదిమిలోన ఆసరాగ నిలుచుటయే ధర్మము
కంటికిరెప్పలాగ కాచుకొనుటె కర్తవ్యము
ప్రాథమ్యాలలో పట్టించుకొనకుంటే నీచము
వృద్ధాశ్రమాల ఊసు మాయమైతె ధన్యము
ఏమిచ్చినాగాని తీరదు కన్నవారి ఋణము
అనురాగము ప్రతిగచూపి పొందాలి ఆశీర్వచనము
https://youtu.be/hT8k-6p3Ty0
రచన,స్వరకల్పన&గానం:డా.రాఖీ
నిన్ననే నిన్నునే మరచినాను వేంకటేశ్వరా
నీగీతమే రాయనైతి తిరుమలేశుడా
కారణాలేవైనా వృధా కాల హరణాలే
మన్నించి అనుగ్రహించు నీ చరణాలే
1.ఇతర కర్మలైతే తప్పించుకుంటినా
అన్యకైతలైతే రాయకమానితినా
అదేమి చిత్రమో నీ ఊసే తోచలేదు
ఏ మాయో మంత్రమో నీ ధ్యాసే గుర్తులేదు
కారణాలేవైనా కాల హరణాలే
మన్నించి అనుగ్రహించు నీ చరణాలే
2.మదిలో నిను చేయనైతి మననము
శనివారమె నీదను నా పిచ్చి వైనము
స్థలకాలాలు నీకెలా వర్తించును స్వామి
విశ్వరూప జగన్నాథ సర్వాంతర్యామి
కారణాలేవైనా కాల హరణాలే
మన్నించి అనుగ్రహించు నీ చరణాలే
రచన,స్వరకల్పన&గానం:డా.రాఖీ
నా గుండె గడియారమందు
లబ్ డబ్ లబ్ డబ్ లబ్ డబ్
నా ప్రేమ సామ్రాజ్యమంతా
లవ్ లవ్ లవ్ లవ్ లవ్ లవ్
పుట్టింది ప్రేమకోసమే బ్రతికేది ప్రేమకోసమే
పోయేదీ ప్రేమకోసమే
ప్రేమా ప్రేమా ప్రేమా నేనే నీ చిరునామా
ప్రేమా ప్రేమా ప్రేమా నీవే నా జీవితభీమా
1.చిరుగాలి మోసుకొస్తుంది ప్రేమగంధం
నీలికురులేవొ నాపై వాలినట్లు
చిరుజల్లు చిలకరిస్తుంది ప్రేమ మకరందం
చెలిపెదాల తడితాకినట్లు
పంచభూతాలే పంచసాగే నాకే
ఎనలేని ప్రేమానుభూతులు
ప్రకృతి సాంతం అందించసాగే
అనుకూలమయ్యే ప్రేమరీతులు
2.జలపాతమే నేర్పించెనే ప్రేమగీతం
చెలి పాటలా చెవిలోన హోరెత్తగా
సుమలతలే అలరించెనే ప్రేమ మండపం
చెలి తానే అల్లుకున్నట్లు స్ఫురియించగా
చూసే కనులుంటే జగమంతా
అణువణువూ ప్రేమమయం
రాసే కలముంటే భావనంతా
రూపొందదా ప్రేమ కావ్యం
రచన,స్వరకల్పన&గానం:డా.రాఖీ
నిండైన అందమెపుడు ప్రౌఢలదే
మెండైన సోయగమంటే నడివయస్సు భామలదే
హుందాతనంతో కనువిందుగొలిపేరు
లౌక్యతను ఆపాదించి కుసుమ సొగసులీనేరు
1.సౌందర్యపోషణలో ఆరితేరిపోతారు
ఆకర్షణ కేంద్రమేదో ఎరిగి మరీ ఉంటారు
ఆకట్టుకోవడంలో కనికట్టు చేస్తుంటారు
కట్టుబొట్టు గుట్టంతా పుక్కిట పట్టేస్తారు
2.నవ్వులతో పెదాలపై హరివిల్లే వెలిపిస్తారు
చూపులతో కన్నులలో వెన్నెలలే కురిపిస్తారు
మాటమాటలోను మకరందం ఒలికిస్తారు
మనసెరిగిన చేతలతో ఎదుటివార్ని గెలిచేస్తారు
రచన,స్వరకల్పన&గానం:డా.రాఖీ
మనదీ ఒక బతుకేనా కుక్కలవలెనక్కలవలె
మనదీ ఒక బతుకేనా సందులలో పందులవలె
సిగ్గూఎగ్గూ రోషం పౌరుషం ఇంటావంటా కనరాకుండా
మానం అభిమానం పరువు గౌరవం ఏకోశాన లేకుండా
1.ఖాండ్రించి ఉమ్మినా తుడిచివేసుకొంటూ
మన్నుమీద పోసినా దులిపివేసుకొంటూ
నలుగురిలో నిలదీసినా నవ్వులొలుకబోసుకుంటు
పదుగురిలో కడిగేసినా పరాచికాలాడుకుంటు
మనదీ ఒక నడతేనా కప్పలవలె ఎలుకలవలె
మనదీ ఒక క్రమతేనా గోడమీది పిల్లులవలె
2.మంచినీళ్ళప్రాయంగా లంగబొంకులే బొంకుతు
మంచి గంధమని ఎంచి సంకలెన్నొ నాకుతూ
విలువలనే వెలివేసి అడ్డమైన గడ్డిమేస్తూ
బట్టకడితెమాత్రమేమి నగ్నరీతి సంచరిస్తూ
మనదీ ఒక చరితేనా బల్లులవలె నల్లులవలె
మనదీ ఒక శీలతేన పెంటమీది ఈగలవలె
(మొదటి రెండు పంక్తులు శ్రీశ్రీ గారివి -వారికి నమస్సులతో)
https://youtu.be/1DBKrb83wak
రచన,స్వరకల్పన&గానం:డా.రాఖీ
యమన్ కళ్యాణి
అపార విశ్వాసమే సాయీ నీ భక్తులకు
ఎంతటి అంకితభావమో నీ అనురక్తులకు
నీ దాసుల పారవశ్యమేమనవచ్చు
నీ సేవలొ తరించగా బ్రతుకులు వెచ్చించు
సాయీ సహృదయా జగమంతా నీదయ
సాయీ షిరిడీ నిలయా నాపై కురిపించునీ దయ
1.పేరుకు ముందో పేరుకు వెనకో-సాయి యని జతచేసుకొంటారు
పలకరించు వీడిపోవు వేళల్లోను-సాయిరాం సాయిరాం అంటుంటారు
గుడికిపోను కుదరకున్నా నీపటంముందు ధూపమేసి మొక్కుతారు
ఆపద సంపదలందునూ అనవరతం సాయీ యని స్మరిస్తారు
సాయీ సహృదయా జగమంతా నీదయ
సాయీ షిరిడీ నిలయా నాపై కురిపించునీ దయ
2.ఎదురైన ప్రతివారిని నీవుగానె భావిస్తారు
జీవరాశులన్నిటిలో నిండారా నీరూపమె దర్శిస్తారు
యోగక్షేమాలు నీవే చూసెదవని నిశ్చింతగ ఉంటారు
నీ సర్వస్యశరణాగతినే ఎల్లరూ సతతం వేడుకుంటారు
సాయీ సహృదయా జగమంతా నీదయ
సాయీ షిరిడీ నిలయా నాపై కురిపించునీ దయ
రచన,స్వరకల్పన&గానం:డా.రాఖీ
మట్టి దుప్పటి కప్పుకున్నా
కాటిలో కాలి బూడిదైనా
మరువలేనే నేను నిన్ను ప్రియతమా
మరుజన్మకైనా నువ్వు నాకు ప్రాప్తమా
1.నీ చీకటిదారిలోనా ధృవతారనైపోనా
వేకువనే తెలియజేస్తూ వేగుచుక్కనేకానా
పదం మలినపడకుండా ఎదతివాచి పరిచితినే
అడుగేస్తె నొవ్వకుండా అరచేతుల నడిపితినే
ఎలా మనసైందో నీకు నన్నువంచించగా
ఎలా సిద్ధపడ్డావో మనప్రేమను త్రుంచగా
2.నీ కంటికాటుక కోసం నేను మసిగ మారానే
నీ నుదుట సింధూరంగా నా రుధిరం దిద్దానే
నా పాలిటి దేవతగా నిన్ను ఆరాధించానే
సర్వస్వం నీకేనంటూ బ్రతుకు మొత్తం రాసిచ్చానే
మూడునాళ్ళముచ్చటగా అనురాగం పంచావు
మనువు మాటరాగానే నిండా నను ముంచావు
రచన,స్వరకల్పన&గానం:డా.రాఖీ
గేలిచేయకు ఆలినీ నీ ప్రియురాలిని
కించపరచకు ఇల్లాలిని గయ్యాళని
సహానుభూతి చెందితే సైచలేమొక లిప్తపాటు
అర్ధాంగిని తూలనాడితే ఎంతటి పొరపాటు
1.షట్కర్మలానాడు శతకోటి కర్మలతో ఇంతి ఈనాడు
మబ్బునలేచింది మొదలు అర్ధరాతిరి వరకు
ఇంటిల్లిపాదికీ వేళకవసరాలు తీర్చి
బండెడు చాకిరితో గుండెబండబారుతుంటె
హద్దులు దాటదా ఓపిక-ఒద్దికగా మెలగకుంటె
అంతరించదా ఓరిమి-వద్దన్నవి చేస్తుంటే
2.ఊడిగమే చేయగా బానిస కాదు ఊఢ
ఉన్నదా మనకడ చిరుసాయపు జాడ
హితైషిగా సతియన్నది సదా మగని నీడ
ఇంటిని తీర్చిదిద్దు కళాతపస్వి కళత్రము
సవరించకున్నమానె ఇంటిని చెఱపకే మాత్రము
మౌనమొకటె సజావైన సంసారపు మంత్రము
రచన,స్వరకల్పన&గానం:డా.రాఖీ
పసిడిదైతె మాత్రమేమి అది పంజరమే
నగిషీల సంకెళ్ళూ స్వేఛ్ఛా పరిహరమే
అద్దాలమేడలెందుకూ ప్రేమించగ అడ్డుకుంటే
కడుపార విందులెందుకు కన్నీరు పొంగుతుంటే
1.కులమునడిగి ఇష్టపడుట సాధ్యమా
మతమునెరిగి మనసిచ్చుట భావ్యమా
మన ప్రమేయమేలేక మనువాడుట సౌఖ్యమా
కన్నవాళ్ళ గుండెకోత మరవడమే లౌక్యమా
నొక్కబడిపోతుంది అడకత్తెరలో పోకచెక్కగా
నలిగుతుంది నెలత గానుగలో చెఱకు ముక్కగా
2.సంతానపు సంతసమే తలిదండ్రుల ప్రాథమ్యం
కూతురు సుతుల సౌభాగ్యమే శిరోధార్యం
రక్తంలో రక్తమౌ తనుజుల మీదనా తగని క్రౌర్యం
పరువు దరువు కాకూడదు ఎవరి పాడె మేళం
రాసుకోనేలా రమణితానె మరణశాసనం
ఆచితూచి అడుగేస్తే బ్రతుకు ఆనందనందనం
రచన,స్వరకల్పన&గానం:డా.రాఖీ
భరతమాతకు ప్రియతములు ఇరువురు
కడుపునింపే సైరికుడు ఒకడు
కాచుచుండే సైనికుడు ఒకడు
కిసాను జవాను చిర స్మరణీయులే
నిత్యకృషీవలులే నిజత్యాగధనులే
1.ఎండకెండి వానలోనా నానుతారు
రాళ్ళురప్పలు ముళ్ళలోనా సాగుతారు
కర్తవ్యమె దైవమంటూ నమ్ముతారు
దేశప్రజల ఆశలెపుడు వమ్ముకానీరు
కిసాను జవాను చిర స్మరణీయులే
నిత్యకృషీవలులే నిజత్యాగధనులే
2.పొంచిచూసే ఇరుగుపొరుగు శత్రుమూకలు
వరదలుతూఫానులు కరువుకాటకాలు
కబళింపజూచే గుంటనక్కలు దళారీ తోడేళ్ళు
వ్యవసాయికీ సిపాయికి అనునిత్య ఘర్షణలు
కిసాను జవాను చిర స్మరణీయులే
నిత్యకృషీవలులే నిజత్యాగధనులే
రచన,స్వరకల్పన&గానం:డా.రాఖీ
అలలు చెలఁగని కొలనునేను-
మధువు తరగని విరినినేను
మనసు చెదరని ధనిక నేను-
కలత నెరుగని కొమరు నేను
చిరుగాలిలా ఎదసొచ్చినావు-
భీభత్సమే మిగిలించినావు-
వంచించి నీవు
మాయనేర్చిన మారీచా నీచాతినీచా
రచ్చచేసి చిచ్చుబెడితివి కుత్సితా తుఛ్ఛా
1.కుటిల నటనలు ఏమార్చు మాటలు
వలపంటు పన్నినావే వన్నెలున్న వలలు
ఏ లక్ష్మణ రేఖసైతం ఆపలే నీ ఆగడాలు
స్నేహితులెవరైనగాని చూపలే సన్మార్గాలు
మాయనేర్చిన మారీచా నీచాతినీచా
రచ్చచేసి చిచ్చుబెడితివి కుత్సితా తుఛ్ఛా
2 బంగారు భవిష్యత్తని నమ్మబలికితివే
సింగారమె తప్పుకాదని ఒప్పించితివే
తెప్పనే తగులబెట్టి నీవేమొ జారుకొంటివే
గుట్టునంతా రట్టుచేయగ హెచ్చరించితివే
మాయనేర్చిన మారీచా నీచాతినీచా
రచ్చచేసి చిచ్చుబెడితివి కుత్సితా తుఛ్ఛా
PIC:Sri.Agacharya Artist
రచన,స్వరకల్పన&గానం:డా.రాఖీ
నిధినిక్షేపాలెన్నో నీ చెంత నెచ్చెలి
క్షీరజలధికన్నా మిన్నగ ఓ కోమలి
మథిస్తెనే లభించేను పాలకడలి దీక్షతోని
యథేఛ్ఛాగా పొందేనునీకడ కోరిన లక్ష్యాన్ని
1.లక్షణమౌ నీలికురులే ఇంద్రనీలమణులు
కాంతులీను చక్షువులే అమూల్యమౌ మాణిక్యాలు
పరీక్షయే అక్కరలేని వజ్రమంటి నాసిక
మోక్షమే ప్రసాదించే అధరాలె పగడాలు
లక్షలు వెచ్చించినా పొందలేని ముత్యాలే దంతాలు
2.కల్పవృక్షమే నీమేను వలసిన ఫలములనొసగంగ
కామధేనువే నీ హృదయం కాంక్షలనన్నీ తీర్చంగ
నీ పక్ష ఉచ్చైశ్రవమున దక్షతగా విహరించంగా
అక్షయమౌ అమరసుఖములే నేబడయంగా
అక్షరాలె అలిసేను నీ పసిడిపొంకాలే కొలువంగా
రచన,స్వరకల్పన&గానం:డా.రాఖీ
కలతచెందకు ప్రియమైన భక్తా
వగపునొందకు గారాల పుత్రా
విన్నపాలే ఎరిగియుంటిని
లోపాలే సవరించుచుంటిని
సంశయాలిక వీడరా
మడమ తిప్పక సాగరా
1.కవితనొసగితి గీతినిచ్చితి
కలముతో నువుమలచగా
మనస్పూర్తిగ మురిసితి
సంగీత సాధన తెలియకున్నా
స్వరకల్పనే సాధింపజేసితి
తృప్తియన్నది లేకపోతే
నిత్యనరకమె బ్రతుకురా
ఉన్నదానితొ నందమంది
హాయిగా జీవించరా
2.గాత్రముంటే చాలునా
ఆర్తినే పలికించకుంటే
పాడగలుగుటకవధి లేదు
శ్రేష్టులెవరు సృష్టియందు
భావనకె రూపమిస్తే
ఎడదలోతున నాటదా
మనోధర్మము మేళవించగ
హృదయవీణను మీటదా
అంతరాత్మగ నేను వినెదను నమ్మరా
https://youtu.be/E1iMXSRCSI8?si=QHCrC3ae3SaQSNii
రచన,స్వరకల్పన&గానం:డా.రాఖీ
రాగం:శివరంజని
ఓంకారా ఝేంకారా శుభకరా శంకరా
శంభోహరా సాంబ మహాదేవా శివా
వేరే పనేమి లేదు నాకు నిను నుతియించడమే
వ్యాపకమింకేది లేదు నీకు నా అతీ గతీ గానడమే
1.గూడైనానీకు కట్టలేను పత్రిపూలు పెట్టలేను
దివ్య నాగమణులతో నిన్ను అర్చించగలేను
వేయిపంకజాలతో పూజ సలుపలేను
కన్నును పెకలించినీకు అమరించగలేను
నిను కీర్తించడమే ప్రభూ నే చేసెదను
నా ఆర్తిని బాపగా శరణము వేడెదను
2.ఘోరతపము చేయను కైలాసగిరిని మోయను
నాప్రేగులు లాగివేసి రుద్రవీణ మీట లేను
ఎదురొడ్డిపోరాడి నిన్ను మెప్పించలేను
భవబంధాలనే నాకుగా నేను తప్పించలేను
నీలీలావిలాసాల నే లిఖించెదను
నీ గుణగానమే సదా నే చేసెదను
రచన,స్వరకల్పన&గానం:డా.గొల్లపెల్లి రాంకిషన్ రాఖీ
కునుకు దోచుకెళ్ళావే కువలయాక్షి
అబ్బా ఎదకొల్లగొట్టావే గుమ్మా మదిరాక్షి
ఆయుధాలెన్నె నీకు అన్నులమిన్న
వ్యూహాలూ చాలాచాలా వాల్గంటి బాల
1.నల్లనాగులాంటి జడ నాగాస్త్రము
మోమున వంకీలజుట్టు వాయువ్యాస్త్రము
చుబుకాన పుట్టుమచ్చ సమ్మోహనాస్త్రము
పెదవులఅరుణిమే పాశుపత అస్త్రము
2.శంఖమంటి కంఠమే వరుణాస్త్రము
బిగువగు ఎడదనీకు బ్రహ్మాస్త్రము
నడుము వంపేమో ఆగ్నేయాస్త్రము
నాభికింక తిరుగులేదు నారాయణాస్త్రము
రచన,స్వరకల్పన&గానం:డా.రాఖీ
ప్రేమ కుదిరితే కలయే సఫలం
ప్రేమ చెదిరితే మనసే వికలం
ప్రేమే మనిషికి దేవుడిచ్చిన వరం
ప్రేమించు ప్రేమను పంచు నిరంతరం
1.ప్రేమించడానికి ఒక సాకు అందం
ప్రేమ గ్రుడ్డిదన్నదే అనాది వాదం
కులమతాలు గుణగణాలు కావు ఆటంకం
ఆస్తులు అంతస్తులు ప్రేమముందు పిపీలికం
2.బంధాలన్నీ దిగదుడుపే ప్రేమముందు
విశ్వాసమొక్కటే పరస్పర ప్రేమకు మందు
సర్దుకుంటు మనగలిగితే బ్రతుకు నిత్యవిందు
విశ్వజనీనమైన ప్రేమ మానవత్వమే అందు
రచన,స్వరకల్పన&గానం:డా రాఖీ
రాగం:శివరంజని
జ్ఞాపకాలే మధురంమధురం
తీపైతే కల వరం చేదైతే కలవరం
అలనాటి చిననాటి ఆ జీవనం
ఇరుకైనా సంబరం కొఱతైనా నిబ్బరం
1.ఎవరికైనా బాల్యం అమూల్యం
అనుభూతులైతే సర్వం అపూర్వం
ఆ ఆటపాటలు ఆ బడి పాఠాలు
చిన్నారి స్నేహాలు చిరకాల మోహాలు
ఉమ్మడిగా కొనాసాగే బంగారు కుటుంబాలు
2.పండగలు పబ్బాలు ఏటా జాతరలు
పెండ్లీ పేరంటాలు ఊరంతా సందళ్ళు
వారాంతపు సంతలో సరకుల కొనుగోళ్ళు
బంధుమిత్ర బృందాలతొ కళలొలికే లోగిళ్ళు
అనుబంధం ఆప్యాయత చెరగని ఆనవాళ్ళు
3.వేసవి సెలవులకు తాతగార్ల ఊళ్ళకి
సరదా గొడవలే బావలు మరదళ్ళకి
అమ్మమ్మలు కొసరిపెట్టు పెరుగు మీగడలు
ఆరుబయట పడకలు మోచేతులె తలగడలు
కన్నీళ్ళు చిప్పిల్లిగ పొలిమేరలొ వీడుకోళ్ళు
https://youtu.be/nxLdlc3XbUY?si=sxrgDBKKs_DsYlEL
రచన,స్వరకల్పన&గానం:డా.రాఖీ
రాగం:దర్బార్ కానడ
ఏ జన్మలొ ఏ పాపము చేశానో
నీ పూజలొ ఏ లోపము చేశానో
చేసితివే నాకింతటి ఘోర అన్యాయము
గళమధురిమ నొసగక కడు ద్రోహము
భారతీ నీకిది తగునా తల్లీ
నన్నిలా నొప్పించగ కల్పవల్లీ
1.ప్రాధేయ పడుదుచుందునెందరో గాయకశ్రేష్ఠులను
బ్రతిమాలుచుందును మధురగాయనీమణులను
కాదుపొమ్మన్నా కాళ్ళవెళ్ళ పడుకుంటూ
త్రోసిరాజన్నా సదా దేబిరించుకుంటూ
పరుల ఎడల చింతించగ ఏమి లాభము
తీయని గొంతీయని నీది కదా దోషము
2.సైంధవుడివంటి కఫమె నా గొంతుకు శాపము
ఊటగ ఊరేటి లాలాజలమే గానమునకు దైన్యము
సాధన సాగినా బ్రతుకంతా సరిపోదు
ఓషధి వాడినా స్వరమెంతకు సరికాదు
మాధుర్యమెట్లుతేనే నువువరమిస్తేనే
చచ్చిమళ్ళిపుడితేనే కంఠమొలుకు తేనే
https://youtu.be/TS-MI4_fT3Q?si=3tnKIN-dNERectcB
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం :కానడ
నీ తలపుల లహరిలో తానమాడనీ
నీ మురళీరవములో మునిగితేలనీ
మోసితివట గోవర్ధన పర్వతం
భరించగా నీతరమా నాఎదభారం
మోహనకృష్ణా వంశీకృష్ణా రాధాకృష్ణా
1.నా మనమే యమునాతీరం
నేను కనే స్వప్నమే బృందావనం
ఉఛ్వాసనిశ్వాస మలయసమీరం
సదానేను సిద్ధమే ఏల తాత్సారం
నీకృపతో ఏదైనా సులభసాధ్యం
మోహనకృష్ణా వంశీకృష్ణా రాధాకృష్ణా
2.నా స్వేదమే నీకు కస్తూరి పన్నీరు
నా అధరాలు నీకు వెన్నా జున్నులతీరు
పయోధరాలు నీకు పాలకుండలు
హస్తయుగళమే నీగళమున పూలదండలు
రమించరా విరమించక యుగయుగాలు
మోహనకృష్ణా వంశీకృష్ణా రాధాకృష్ణా
రచన,స్వరకల్పన&గానం:డా.రాఖీ
సాగిపోతుందిలే ఈ సమయం
గడిచిపోతుంది ఈ సందర్భం
ఆగిపోతుందీ ఘోర సంపాతం
మానిపోతుందీ తీవ్ర సంఘాతం
1.దాటలేద గతమందు ఒడిదుడుకులు ఎన్నెన్నో
అధిగమించలేదా నాడూ గడ్డుసమస్యలేవేవో
ఉండిపోదు కాళరాత్రి ఉషోదయం తథ్యం
శిశిరమే సుస్థిరమా ఏతెంచు నవ వసంతం
2.రెప్పపాటె కాదా కడుగొప్పదైన జీవితం
అందరికీ అవసరమే అనుష్ఠాన వేదాంతం
కాల గతికి మనం అవ్వాలి సాక్షీభూతం
జగన్నాటకంలో మన నటనం పాత్రోచితం
https://youtu.be/d5wfundpzL8
రచన,స్వరకల్పన&గానం:డారాఖీ
ఎందరు ఏలారో భక్తి సామ్రాజ్యం
ఎందరు పొందారో నిత్యసాయుజ్యం
శ్రీహరీ నీ నామామృతమే గ్రోలి
నరహరీ నీ దివ్య పదముల వ్రాలి
1.కోరినదొసగే చింతామణివే
బలి కడ నువు చేయి సాచితివే
భవజలధి దాటించే సరంగువే
గుహుని సాయాన నది దాటితివే
భాగ్యమెంతటిదో నీ భక్తులది
పుణ్యమెంతటిదొ జీవన్ముక్తులది
2.వసుధను మోసే వరాహమూర్తివే
అల వసుదేవుడే నిను తలనిడెనే
జగతినాక్రమించిన త్రివిక్రమ శక్తివే
మారుతి ఉరమున కొలువైతివే
భాగ్యమెంతటిదో నీ భక్తులది
పుణ్యమెంతటిదొ జీవన్ముక్తులది
రచన,స్వరకల్పన&గానం:డా.రాఖీ
తేనెల నదిలో తానమాడుతున్నా
మంజులస్వనిలో పరవశించిపోతున్నా
ఆనందపు క్షణాలలో మేను మరచిపోతున్నా
నన్ను నేను చదువుకుంటూ సేదతీరుతున్నా
ఇంతకన్న ఏంకావాలి నేస్తం
స్నేహానికి నీవె సరియగు అర్థం
1.ఎడారిలో పిపాసికి సరస్సు మైత్రి
తపననెరిగి తీర్చేను దాహార్తి
బహుదూరపు బాటసారికి బాసట దోస్తీ
చితిని చేరేవరకూ పరస్పరం అనురక్తి
ఇంతకన్న ఏంకావాలి నేస్తం
స్నేహానికి నీవె సరియగు అర్థం
2.సజీవంగ కనిపించే అద్దం స్నేహితం
తీర్చిదిద్దుకోగలిగే అపురూప సాధనం
తప్పుదోవ తప్పించే దిక్సూచి సోపతి
ఆపతిలో తోడుండే నీడే సహవసతి
ఇంతకన్న ఏంకావాలి నేస్తం
స్నేహానికి నీవె సరియగు అర్థం
https://youtu.be/_G11Yf42Ajg
రచన,స్వరకల్పన&గానం:డా.రాఖీ
తపముచేతురు తాపసులు ఋషులు
ధ్యానించెదరు యోగులూ మునులు
జన్మలెన్ని ఎత్తవలెనో నిన్ను చేరుటకు
కర్మలే నశియింప జేయగ ముక్తిదొరుటకు
వేంకటేశ్వర ప్రసాదించు సూక్ష్మమందున మోక్షము
శ్రీనివాసా ప్రాప్తించదా- నీకు మనసైనదంటే మార్గము
1.శబరి ఎంగిలి పళ్ళకిస్తివి సాయజ్యము
జాడతెలిపిన పక్షికిస్తివి పరమపదము
పిడికెడటుకుల మైత్రికిస్తివి పరసౌఖ్యము
తులసిదళముకె వశుడవైతివి ఏమి భాగ్యము
వేంకటేశ్వర ప్రసాదించు సూక్ష్మమందున మోక్షము
శ్రీనివాసా ప్రాప్తించద మనసైనదంటే మార్గము
2.గర్భమందే భక్తి నేర్పిన ప్రహ్లాద చరితము
మొరాలించి మకరిజంపి కరినిగాచిన వైనము
స్పర్శించి కుబ్జను కనికరించిన విభవము
విషముగ్రోలిన మీరాను ఆదరించిన తత్వము
వేంకటేశ్వర ప్రసాదించు సూక్ష్మమందున మోక్షము
శ్రీనివాసా ప్రాప్తించద మనసైనదంటే మార్గము
రచన,స్వరకల్పన&గానం:డా.రాఖీ
పంచకళ్యాణి చెలీ నీ పరువం
అదుపుచేయు రౌతుకెంత గర్వం
కళ్ళెమైన లేకున్నది నీ తమకపు హయం
మచ్చికచేయుటలోనే మగతనం జయం
1.కొండలు కోనలైన ఎక్కేలా
వాగులు వంకలైన ఈదేలా
దుర్గమారణ్యాలూ దాటేలా
స్వారి చేయకావాలి నేర్పరితనం
సహకరించి తీరాలి మేలుజాతి అశ్వం
2.సప్తసముద్రాలపై ఎగురుతూ
దీవిలో మఱ్ఱిచెట్టు మరుగున దాగిన
మాంత్రికుడి ప్రాణప్రద రామ చిలుకను
సాధించి పెట్టేంత చేయాలి సాహసం
సహకరించి తీరాలి రెక్కలగుఱ్ఱం
PIANTING: Sri. Agacharya Artist
https://youtu.be/IvmTC6Svohc
రచన,స్వరకల్పన&గానం:డా.రాఖీ
నూనూగు మీసాల కొంటె పోరగాళ్ళు
నిన్ను చూసి అగుతార దొంగసచ్చినోళ్ళు
పొంకాల పొడనింక ఎరుగనైన ఎరుగనోళ్ళు
గుడ్లుతేలేసి వెళ్ళబెట్టుతారు వాళ్ళనోళ్ళు
పైట జార నీకు పిల్లా దరికి చేరనీకు
నాభి చూపమాకు పిల్లా చూపు కలపబోకు
1. మొహంవాచి ఉన్నారు ఆవురావురంటు వాళ్ళు
రుచిచూడడానికైన ఆశపడుతున్నోళ్ళు
వడ్డించబోకు పిల్ల వలపుల వడ్డన
ఊరించబోకు పిల్ల ఊరగాయ లెక్కన
పైట జార నీకు పిల్లా దరికి చేరనీకు
నాభి చూపమాకు పిల్లా చూపు కలపబోకు
2.కంటి సైగ చేయబోకు కక్కుతారు చెమటలు
పంటినొక్కు నొక్కబోకు పొర్లుతారు పొర్లడాలు
నువ్వు తాకబోకు పిల్లా తల్లడిల్లి పోతారు
ఒళ్ళు వంపబోకు పిల్లా సల్లబడిపోతారు
పైట జార నీకు పిల్లా దరికి చేరనీకు
నాభి చూపమాకు పిల్లా చూపు కలపబోకు
PAINTING: Sri. Agacharya Artist garu
రచన,స్వరకల్పన&గానం:డా.రాఖీ
నవరసమయమే నీ హృదయం
అభినందనీయం నీ ప్రతి గేయం
వెన్నెల జాలువారినట్లుగా
మల్లెలు పరిమళించినట్లుగా
నిదురించిన ప్రతి ఎదకు జాగృత గీతిగా
ప్రబోధాత్మ గీతాలకు మాతృక రీతిగా
నీ ప్రతికవనం శ్రీ చందనవనం
సాహిత్యమంతా ప్రత్యక్ష జీవనం
1.పున్నాగ పూలన్నీ ఏరికూర్చినట్లగా
దవన దళాలనే కలిపి కట్టినట్టుగా
ఆలన పాలనతో అక్షరాల బుజ్జగించి
భావనదారానికి పదసుమాలనల్లగా
నీ ప్రతికవనం శ్రీ చందనవనం
సాహిత్యమంతా ప్రత్యక్ష జీవనం
2.మబ్బులనే బ్రతిమాలి జల్లును కురిపించి
పడమటి రవినింక బామాలి నిలిపించి
ఏడువర్ణాలతో హరివిల్లిల దించినట్లు
ఏబదియారుతో కవితను అలరించినట్లు
నీ ప్రతికవనం శ్రీ చందనవనం
సాహిత్యమంతా ప్రత్యక్ష జీవనం
రచన,స్వరకల్పన&గానం:డా.రాఖీ
అరెరెరె ఎంతెంత పెద్దవే ...నీ.......సోగకళ్ళు
అవ్వేమొ హై బ్రీడు అల్లనేరెడు పళ్ళు
అబ్బా ఎంత మెత్తనే దూదసొంటి నీ...ఒళ్ళు
ముట్టుకుంటె మేను ఝల్లు పట్టుకుంటె గుండె ఝల్లు
1.పెదవులైతె సామిరంగ ఎర్ర చర్రీ పళ్ళు
సిగ్గులొలుకు బుగ్గలేమొ సిమ్లా ఆపిళ్ళు
చుబుకంతొ గుర్తుకొచ్చు రసాలమావిళ్ళు
చిన్నినీ నవ్వుకే రాసిస్తారు ఊళ్ళకూళ్ళు
2.చుక్కలాంటి నల్లబొట్టు తనవంత చిచ్చుబెట్టు
కనుబొమలు విల్లై చూపుతూపు గురిపెట్టు
రెచ్చిపోగ నీ జుట్టు బ్రతుకంత కొల్లగొట్టు
కవ్వింపు నీకాటపట్టు నన్ను కాదంటె సచ్చినంత ఒట్టు
https://youtu.be/9v5FZkuA76U
రచన,స్వరకల్పన&గానం:డా.రాఖీ
ఎన్నిపూనుకున్నాయో నన్ను మలవడానికి
ప్రభావమెంత చూపాయో కవిగ దిద్దడానికి
ననుగన్న తల్లిదండ్రులు వేంకటలక్ష్మీ అంజయ్యలు
నేపుట్టిన మా ఊరు ధర్మపురీ గోదావరీ
నను దయజూచిన పురవేల్పు నరహరీ
ఈమాత్రపు కవనానికి ఇవే మూలతరువులు
ఈ ప్రాభవ భవనానికి ఇవే కదా పునాదులు
1.పౌరాణికశ్రేష్ఠ లక్ష్మీకాంత శాస్త్రి తాత ప్రేరణ
అభినవపోతన శ్రీమాన్ వరదాచార్యుల దీవెన
సినారె ఎన్ గోపి ఇనాక్ గార్ల ప్రశంసా చేతన
సాహితీ బంధుమిత్రులందరి హార్దిక అభినందన
ఈమాత్రపు కవనానికి ఇవే మూలతరువులు
ఈ ప్రాభవ భవనానికి ఇవే కదా పునాదులు
2.సంగీతజ్ఞాని కొంటికర్ల నర్సయ్యగారి ఆలంబన
పాటకు బాణీలు కూర్ప రామయ్య శంకర్ సార్ల ఆదరణ
వెన్నుదన్నైన మా లక్ష్మణ్ సాయి స్నేహభావన
స్వరకల్పన నెరుగుటలో స్ఫూర్తిదాతల వితరణ
ఈమాత్రపు కవనానికి ఇవే మూలతరువులు
ఈ ప్రాభవ భవనానికి ఇవే కదా పునాదులు
*సాహితీ బంధుమిత్రుల స్పందనలకు సదా వినమ్ర ప్రణామాలు💐😊🌹🙏*
రచన,స్వరకల్పన&గానం:డా.రాఖీ
ఎంత సొబగులాడివే బాలామణి
అందమైన ఈర్ష్య పడునె అలివేణి
లేతచివురు రెమ్మవే పూతకొచ్చిన కొమ్మవే
పదహారు ప్రాయాన పరువాల పుత్తడిబొమ్మవే
పదహారణాల తెలుగింటి ముద్దుగుమ్మవే
చక్కనమ్మవే చక్కెరశిల్పమంటె నీవే నమ్మవే
1.ముంగిలికే ముచ్చటౌ సంక్రాంతి రంగవల్లివి
గుమ్మానికి వన్నెలీను మావితోరణానివి
అందెలసందడితో ఇల్లంతా తిరుగాడే హరిణివి
సాంప్రదాయ తరుణివి నిండు కుంకుమ భరిణిని
పదహారణాల తెలుగింటి ముద్దుగుమ్మవే
చక్కనమ్మవే చక్కెరశిల్పమంటె నీవే నమ్మవే
2.పరికిణీ పేరణీ ఓణీ సింగారమొలికె నీతొ నీలవేణీ
ఉయ్యాలలూగ మెరిసెను నీ పదాల పారాణి
నీవున్న చోట నిత్యమూ పండగే పూబోణి
నడిమింట నడయాడగ నీవేలే మహారాణి
పదహారణాల తెలుగింటి ముద్దుగుమ్మవే
చక్కనమ్మవే చక్కెరశిల్పమంటె నీవే నమ్మవే
పెద్దపెద్ద మాటలేవి చెప్పను
ధర్మపన్నాలు వల్లించను
తత్వబోధచేయగా కోరను
ముక్తి ప్రాప్తించమని వేడను
సాయీ నీ మనుగడ సత్యమని నమ్మెద
నా కడగొట్టుపుత్రుని కనిపెట్టు కొమ్మనెద
1.సృష్టిలోని బాధనంత మూటగట్టి ఇచ్చావే
ఓర్చుకోతగనంత వేదన కలిగించావే
తీవ్రమైన యాతనలో మము పడద్రోసావే
పరిష్కరించుకోలేనివి ప్రసాదించినావే
సాయీ నీ మనుగడ సత్యమని నమ్మెద
నా కడగొట్టుపుత్రుని ఎదపెట్టు కొమ్మనెద
2.మొక్కని మొక్కులేదు ఇన్నాళ్ళుగా సాయీ
కట్టని ముడుపులేదు ఇన్నేళ్ళుగా నమ్మవోయీ
తిరుగని జాగలేదు తిరునాళ్ళుగా ప్రతిదీ నీదయీ
వాడని వైద్యమూ వేడని వేలుపూ లేడోయీ
సాయీ నీ మనుగడ సత్యమని నమ్మెద
నా కడగొట్టుపుత్రుని ధ్యాసపెట్టు కొమ్మనెద
https://youtu.be/8nuQ-SmUo-s
రచన,స్వరకల్పన&గానం:డా.రాఖీ
నీలి నీలి బాలగోపాలా మోహన నందలాలా
నీ లీలలు ఎన్నని కొనియాడుదు వందలా వేలా
నా కలములొ స్థిరపడి నీవే నుడువాలవి చాలా
నీ ధ్యాసలొ మునిగితేలి నేను పరవశించాలా
1.నాది మట్టిబుర్రే నీవు మన్ను తినగ
నీ బుల్లినోటిలోపడగ విశ్వగతిని చనగ
నీఅగడాలు సైచనైతి యశోదమ్మలానేను
నా గుండెరోలుకే బంధించెద స్వామి నిన్ను
2.పంచేద్రియాలు నావి పశుప్రవృత్తులు
అదిలించి మళ్ళించవేల సక్రమ మార్గాలు
గోవర్ధనగిరిని కాదు మోయగ నీ ఘనత
నా సంసారభారానికి ఇచ్చిచూడు చేయూత
రచన,స్వరకల్పన&గానై:డా.రాఖీ
ఎలా చిక్కుబడతామో-ఎపుడు రాలిపోతామో
ఒంటిగా మొదలౌను పయనం-ఒంటిగానే చేరేము గమ్యం
కాలం నదిలో కొట్టుక పోయే కట్టెపుల్లలం
ఏవెంతవరకు కలిసిసాగునో
ఏవెప్పుడు వేరై వీడిపోవునో
1.విధిచేతి కీలుబొమ్మలం మనం తోలు బొమ్మలం
భగవంతుడు ఆడుకొనే చదరంగపు పావులం
పాత్రోచితంగా నటిస్తున్న రంగస్థల పాత్రలం
పాములు నిచ్చెలు ఆశానిరాశలౌ వైకుంఠపాళీ గవ్వలం
ఎవరు ఎలా ఆడాలో ఎప్పుడెవరు ఓడాలో
సూత్రధారి నిర్ణయాన మనం నిమిత్త మాత్రులం
2.తలిదండ్రులు భార్యాబిడ్డలు వింతైన బంధాలు
చరాచరాలపైనా వదులుకోలేని అనుబంధాలు
రక్త సంబంధాలు తెగని ఆత్మ బంధనాలు
కలిసిన బాంధవ్యాలు వ్యామోహ పాశాలు
ఏవీ మనను పట్టి ఉంచలేవు కాలమాసన్నమైతే
వద్దన్నా వదిలి వెళ్ళిపోతాము కాలుని ఆనతి ఐతే
రచన,స్వరకల్పన&గానం:డా.రాఖీ
కనులు పలికె కవితలెన్నో
చూపు తెలిపె మమతలెన్నో
ప్రశాంత సరోవరం నీ వదనం
మనోజ్ఞ రసాలరసం నీ రూపం
1.ఊపిరాగిపోతోంది నిను చూస్తూఉంటే
చూడకుంటెనూ నా శ్వాస ఇక అడడంతే
కాలమెంతగడిచేనో నీపై కన్ను కదపలేకుంటే
అద్వితీయ అనుభూతికే నా ఎద లోనౌతుంటే
2.నవ్వుకు తావులు నీ మీన నయనాలో
దరహాసపు నెలవులు నీ మధుర అధరాలో
ముదముకు ముదల ఓ ముదితా నీ కపోలాలో
అంతస్మిత అంకం అందాల నీ చుబుకం కాబోలో
శ్రీగంధం రంగరించి బంగారం పోతపోసి
సృజించబడిన శృంగార దేవతనీవు
విప్పారిన కమలమల్లె విరహోత్కఠింతవలె
వగరు వగల వగపు ద్యోతకమాయె నీలో
మునీశ్వరులు సైతం నీ మురిపానికి మరి వశులే
కవీశ్వరులు మాత్రం నిను పోహణించ పరవశులే
1.బ్రహ్మచారులందరికీ అపురూప కలల రాణివి
వరులకు మాయా ప్రవరులకు ఊహా సుందరివి
కాపురాల పునాదులే కుదుపగలిగే నెరజాణవీ
వార్ధక్యం యవ్వనంగ మార్చగలుగు ఓషధివీ
మునీశ్వరులు సైతం నీ మురిపానికి మరి వశులే
కవీశ్వరులు మాత్రం నిను పోహణించ పరవశులే
2.నిను చూసి గుంభనంగ ఉండిపోయె రంభ
నీమెరుపులు తళుకులు తాళకుంది మేనక
పురుషుడవగ సిద్ధపడే నిను మోహించి ఊర్వశి
తత్తరపాటే చెందే నీ సొగసుకు అప్సర తిలోత్తమ
మునీశ్వరులు సైతం నీ మురిపానికి మరి వశులే
కవీశ్వరులు మాత్రం నిను పోహణించ పరవశులే
రచన,స్వరకల్పన&గానం:డా.రాఖీ
ఎందుకు ఎదురౌతారో మీ సోకుమాడ
పోడిమి పొంకాలతో ప్రాణాలు తోడ
మునగదీసుకొనుటకు మునిపుంగవులమా
ముక్కుచెవులు కోయగ రాముని తమ్ములమా
1.ముందుచూడు వెనక చూడు అందమే అందము
చెఱకును కొరికిచూస్తె ఎటైనా మాధుర్యము
మొదలేదో తుదిఏదో తెలియలేని మైకము
తనువును తడబడగజేయు తహతహ తమకము
2.దాచింది దాచంది ఏదైనా కనువిందే
మచ్చుకే మది మెచ్చగ ఆనందం పొందే
నోట మాటలేల నొసటన ఆహ్వానపత్రమే
ఓరకంటి చూపులోన ఓపలేని ఆత్రమే
రచన,స్వరకల్పన&గానం:డా.రాఖీ
నలుపు తెలుపు ఛాయా చిత్రమే
తీపిజ్ఞాపకాలతో ప్రేమపాత్రమే
అలనాటి ప్రతి రూపమన్న ఆత్రమే
యథాతథపు చిత్రసృష్టి బహు విచిత్రమే
1.జోసెఫ్ నికోఫోర్ నిప్సే పరిశోధన ఫలితం
జగత్తునే కుదిపెనన్నది అక్షర సత్యం
రంగులమయమై సినీరంగమై విరజిల్లె అనంతరం
కదిలీ కదలని బొమ్మలై జనులనలరించనే తరంతరం
2.ఫోటో స్టూడియో మధుర అనుభూతులు
దిగిన పిదప ఉద్వేగపు ఎదిరిచూపులు
పాస్ పోర్టు మొదలుకొని ఫామిలీఫోటో వరకు
చూసి మురిసి ఆల్బంలో భద్రపరచు మేరకు
3.పౌడర్ వేసుకుని మొకానికి ప్రత్యేక మేకప్ లు
బిగదీసుక నవ్వుల చూపుల గమ్మత్తు ఫోజులు
స్వంత కేమరాతో తీసిన సాగరసంగమ భంగిమలు
వెరసి నేటికీ ఏనాటికీ మరువలేని నాటి గురుతులు
రచన,స్వరకల్పన&గానం:డా.రాఖీ
దాసోహమంటుంది అందమే నీకు
పాదాక్రాంతమౌతుంది చందమే నీకు
వయసన్నది ఒక సంఖ్యనీకు ప్రమాణామై
ప్రాయనికి పరువమెపుడు విలోమమై
అభినయ రేఖా అభినవ శశిరేఖా
నభూతో న భవిష్యతి మరో రేఖ
1.ఒడిదుడుకులు ఎన్నో ఎదుర్కొని
అవమానాలే దిగమ్రింగుకొని
అవకాశాలందగ చేజార్చుకొని
నిన్ను నీవె అద్భుతంగ మలుచుకొని
చెక్కుచెదరలేదు నీసొగసిప్పటికి
ఉక్కువంటిదే నీ మనసెప్పటికీ
2.యోగాయే చేస్తావో అనునిత్యము
పాటిస్తావో ఏమో ఆహార పథ్యము
చెరిగిపోదు నీ నవ్వన్నది సత్యము
సాగదునీపై ఎవరి ఆధిపత్యము
వీడలేదు జతనీతో నాట్యమిప్పటికీ
తరగదు నీపై అభిమానమెప్పటికీ
https://youtu.be/FqY-IBMp0yI?si=qllOsk_m6UADsw5C
రచన,స్వరకల్పన&గానం:డా.రాఖీ
కట్టుకోను పట్టుబట్టలేదు-ఇంటికేమొ పై కప్పులేదు
పెట్టుకోను పైడి నగలేదు-మబ్బుల్లొ తిరుగాడె ఎకిరింత లేదు
అయ్యయ్యో మా శివ్వయ్య-అన్నాల మింతగ ఏందయ్య
లోకమంతా ఏమైతెనేమి- నీకింక నేనైతె ఉన్నాయ్యా
1.వల్లకాడా మంచుకొండా నీవుండేందుకు
చితి బూడిదా ఏనుగుతోలా- ఒంటిని చుట్టేందుకు
నా గుండెలొ మస్తు చోటుందయ్య
లచ్చనంగ నువ్వుండిపోవయ్యా
నాచిత్తమైతె పట్టు వస్త్రమేనయ్య
నీ చుట్టూర చుట్టి కట్టుకోవయ్యా
2.బిచ్చమడిగి తినగా నీకొక పుర్రె బొచ్చెనా
ఎక్కితిరుగ నీకైతే ఎద్దుమాత్రమున్నదా
కలోగంజొ కడుపు నింపుతానయ్యా
నా పానమల్లె చూసుకుంటానయ్యా
ఆశల రెక్కల గుర్రమున్నది ఎగిరిపోగా
నా మనోరథము నీదేమరి ఊరేగిరాగా
https://youtu.be/RAkNLXC8gos?si=JhK-LMpmEm23a6lu
ఏనాటికైనా చేరేదినీ పాదాల కడకే
ఏ తీరుగానైన తీరేనుగా- నిను వేడగా నా వేడుకే
అలనాటి నుండి నీ అలవాటుగా
శరణాగతినీయగా నీకు వాడుకే
తిరుమలరాయా నేను పరాయా నమోనమః
గోవింద ముకుంద అనంత నామధేయా నమోనమః
1.ఏపూటనొ ఏచోటనొ రేయి పగలు ఏవేళనొ
ఇంటనో బయటనో ప్రమాదాన ఆకస్మికముగనో
సుదీర్ఘవ్యాధి బాధలతో ఏమనో వేదనలతోనో
ఈ పాంచభౌతిక దేహం పంచభూతాలకాహుతియౌనో
ననుమాత్రం మరవకు మాధవాయ నమోనమః
చేయినైతె వదలకు చక్రధరా నమోనమః
2.అనాయాస మరణముకై వినయముతో నా వినతి
సునాయాస నిహతికై సదానీకు నమస్కృతి
అంత్యకాలమందు నీ స్ఫురణలో కడతేరనీ
అపమృత్యువందుగాని నీ స్మరణలో మృతిరానీ
నీ ధ్యాస దయచేయి దామోదర నమోనమః
నీ ధ్యానము తప్పనీకు శ్రీధరా నమోనమః
https://youtu.be/ApuwDQVOlaA
రచన,స్వరకల్పన&గానం:డా.రాఖీ
కరువాయే మనకు మాటలే
బద్ధకించె ప్రకటించగ అక్షరాలే
కొఱతాయే కొద్ది క్షణాలే
బరువాయే ఎద స్పందనే
ఆసరాగా మారే ఎమోజీ గుర్తులే
ఆలంబన చేకూర్చే గ్రాఫిక్కుల పిక్కులే
1.సామాజిక మాధ్యమాలె వేదికాయే
టైపింగ్ చేయగా వేళ్ళకే నోళ్ళాయే
మది కదిలించినా భావన మూగవోయె
ఉద్వేగం చెందినా భాష ఊతకాదాయే
ఆసరాగా మారే ఎమోజీ గుర్తులే
ఆలంబన చేకూర్చే గ్రాఫిక్కుల పిక్కులే
2.మొక్కుబడిగ చేసేటి లైక్ లు
మొహమాటం కొద్దీ వ్యాఖ్యలు
మోతభారమయ్యే ట్యాగ్ లు షేరింగ్ లు
వితండవాదాల విద్వత్సభలు
ఆసరాగా మారే ఎమోజీ గుర్తులే
ఆలంబన చేకూర్చే గ్రాఫిక్కుల పిక్కులే
రచన,స్వరకల్పన&గానం:డా.రాఖీ
తేనే కళ్ళ చిన్నదీ తెగనీల్గుతున్నది
సొట్టాబుగ్గల చిన్నదీ సోకులుపోతున్నది
అబ్బదీని సింగారం దీని ఒళ్ళె బంగారం
పంటినొక్కునొక్కిందా చిత్తం కాస్త గోవిందా
సిగ్గులొలకబోసిందా గుండె జారి గల్లంతా
1.దిష్టిచుక్క అయ్యింది గద్వమీది పుట్టుమచ్చ
వలపుపట్టు అయ్యింది మట్టమీది పచ్చబొట్టు
వంకీల ముంగురులే - పలికె స్వాగతాలు
ఓరకంటి చూపులే-రాసె ప్రేమలేఖలు
వశమైపోదా మనసే పరవశమై
బానిసకాదా బ్రతుకే దాసోసమై
2.జారగిల నిలబడితే అజంతా జీవచిత్రమే
వాలుజడ ముడిపెడితే హంపి కుడ్యశిల్పమే
బొటనవేలు నేలరాస్తే బాపూ కుంచె బొమ్మనే
పెదవివిప్పి నవ్విందా దివ్య స్వప్న సుందరే
సొంతమైతె ఏముంది -భవ్య భావన
సంసారం సాగరమై నిత్య వేదన
రచన,స్వరకల్పన&గానం:డా.రాఖీ
మరణం లేదు ఇలలో పాటకు
బేధం లేదు బాలుకు పాటకు
అనునిత్యం వినువిందు చేసే అమరుడే బాలు
బాలసుబ్రహ్మణ్యం గాత్రంలో సదా గంధర్వగానాలు
1.కోదండపాణి సారథికాగా
పూరించెను దేవదత్తం అప్రతిహతంగా
సినీమాయారంగంలో రాణించాడు పాత్రోచితంగా
నలభైవేల గీతాల సుదీర్ఘ ప్రస్థానం
భారతీయభాషలెన్నటిలోనో మధురగానం
ఓకే ఒక్క శ్రీపతి పండితారాధ్యుల బాల సుబ్రహ్మణ్యం
మొన్నా నిన్నా నేడూ రేపు ఎప్పుడూ ఎల్లప్పుడూ ధన్యం
2.దివిలోవిరిసిన పారిజాతం భువికి దింపాడు
శంకరాభరణాన్ని సైతం గళమున దాల్చాడు
సాగరసంగమాన్ని అమృతంగ పంచాడు
కులమతాలకతీతమౌ రుద్రవీణ పలికించాడు
బాలు పాడని పాటలేదన అతిశయోక్తి కానేకాదు
తీయగా పాడేవారికి దిక్సూచియే యన వింతేమిలేదు
పాడుతా తీయగా పాడుతీయగా పాడుతాతీయగా అంటూ కదిలాడు
3.రాసుకుంటు పోయేకవికి అలుపురాక తప్పదు
పదివేల చరణాలైనా పాటపూర్తి కానేకాదు
కావ్యంలో చెప్పే భావం గేయంలో సాధ్యమయేనా
ఏకోణం తీసుకున్నా బాలు చరిత భారతమే
గుప్పిటిలో విశ్వం పట్టగ ఘనకవులకైనా తరమే
చిరంజీవిగా బాలు సతతం శ్రోతలనలరిస్తాడు
అభిమానుల గుండెల్లో ప్రాణంగా జీవిస్తాడు
రచన,స్వరకల్పన&గానం:డా.రాఖీ
చెప్పుకొంటె ఎంతైనా తక్కువే
చెప్పు చేయు సేవ కడుగొప్పదే
ముల్లైన గుచ్చకుండ కాచును పాదాలను
కాలకుండ ఎండనుండి అరయును అరికాళ్ళను
చెప్పులే లేకపోతే చెప్పరాని తిప్పలు
కొత్తప్పుడైనా తెగినప్పుడైనా- చెప్పుతొ తప్పవింక ముప్పుతిప్పలు
1.చెప్పులేకదయని కించపరచకవి పాదరక్షలు
కాళ్ళను నాన్నలై నడిపించునెపుడు మేజోళ్ళు
పూజలుగైకొంటాయి పరివ్రాజుల పాదత్రలు
అయోధ్యనేలినాయి శ్రీరామని పాదుకలు
చెప్పుకుంటుబోతే చెప్పుల ఘనతలు
ఒడవనే ఒడవవు చెప్పుల పలు గాథలు
2.చెప్పలేనన్ని రకాలు ఇప్పటి చెప్పులలో
స్లిప్పర్లు బూట్లు ఎత్తు మడమ చెప్పులుగా
ఎన్నలేనన్ని ప్రయోజనాలు నేడు చెప్పులతో
క్రిములను నలుపగ చెంపలు పగలగొట్టగా
చెప్పుకుంటుబోతే చెప్పుల ఘనతలు
ఒడవనే ఒడవవు చెప్పుల పలు గాథలు
https://youtu.be/YB7WLl5C8mw
రచన,స్వరకల్పన&గానం:డా.రాఖీ
అంధకారమందున దారినెరుగకున్నాను
అంధుడనై గతిగానక తిరుగాడుతున్నాను
సద్గురువు నీవె సాయి జగద్గురువు నీవే
ప్రేమతొ నను శిష్యునిగా స్వీకరించరావే
సమర్థ సద్గురు సాయినాథా
యోగిమహారాజా అనాధనాథా
1.ఏకాకిని నేను ద్విజుడను
తాపత్రయములు చతురాశ్రమాలు
పంచేంద్రియాలు అరిషడ్వర్గాలు
సప్తవ్యసనాలు అష్టదరిద్రాలు
నిను దరిజేరగ నాకు అవరోధాలు
నవవిధాల భక్తితో నిను సేవింతును
దశవిధ బలములొసగి ఉద్ధరించుమా
సమర్థ సద్గురు సాయినాథా
యోగిమహారాజా అనాధనాథా
2.శ్రవణం కీర్తనం పరీక్షిత్తు శుకులుగా
స్మరణం అనవరతం ప్రహ్లాదునిలాగా
పాదసేవనం మహాలక్ష్మి మాదిరిగా
అర్చనం వందనం పృథు అక్రూరులుగా
నీ పాదదాసుడనై రామభక్త హనుమగా
నరుడనై సఖుడిగా నిన్ననుసరింతుగా
ఆత్మనే నివేదింతు బలిచక్ర వర్తిగా
సమర్థ సద్గురు సాయినాథా
యోగిమహారాజా అనాధనాథా
రచన,స్వరకల్పన&గానం:డా.రాఖీ
రాగం:శుభ పంతువరాళి
ఎంత పొరపాటు చేసావో ప్రభూ
గొంతు కొందరికి కమ్మగ నువ్విచ్చి
అపాత్రదానమెందుకు చేసావో స్వామీ
వృధాపరచు ప్రతిభను వరమిచ్చి
పాడడానికెందుకో పడరాని పాట్లు
పికమల్లె పాడాలి జగతి పరవశించునట్లు
1.సహజమైన ప్రజ్ఞ నెపుడూ-దాచుకోవు తావిని విరులు
దాహార్తి తీర్చగ నదులూ-మార్చుకోవు తీయని రుచులు
దైవదత్తం వదులుకొనీ-అల్పచిత్తులౌతారు
కొత్తమత్తుకోరుకొని-గమ్మత్తుగ చిత్తౌతారు
పాడడానికెందుకో పడరాని పాట్లు
పికమల్లె పాడాలి జగతి పరవశించునట్లు
2.మనసంతా అందం పైనే-విద్వత్తుకు తిలోదకాలే
కలలన్నీ విలాసాలవే-సాధన బూదిలొ పన్నీరే
బలిమీటికి లింగం కడితే చాటుకెళ్ళివిప్పేస్తారు
పట్టిపట్టి నామం పెడితే పక్కకొచ్చి చెరిపేస్తారు
పాడడానికెందుకో పడరాని పాట్లు
పికమల్లె పాడాలి జగతి పరవశించునట్లు
రచన,స్వరకల్పన&గానం:డా.రాఖీ
నువ్వేమనుకుంటున్నావో అపరంజి
అనీ నేనుకుంటున్నా అనుక్షణం నీగురించి
నువ్వే ఏకైక లోకమైనావే నిన్నే కలవరించి
బ్రతుకు నీ పరమైపోయే నాదిగా అంతరించి
మెదడునంత తొలిచేస్తున్నావే నన్నే వరించి
నీకు నాకు భలే కుదిర్చాడే ఆ విరించి
1.నీ ఊహలతోనే మనసు పులకరించి
నీ తలపులతోనే కాలాన్ని కరిగించి
అద్దానికి ముద్దెడతా నన్నే నీవుగ ఎంచి
జాబిలితొ కబురెడతా నిను స్వాగతించి
మెదడునంత తొలిచేస్తున్నావే నన్నే వరించి
నీకు నాకు భలే కుదిర్చాడే ఆ విరించి
2.నన్ను నేను మరిచానే నిన్ను ప్రేమించి
ఎలా వేగుతున్నానో నిన్ను విరహించి
నీ వెలితి గుండెకోత సాంతం భరించి
నా వెత నెలా చెప్పనే నీకు వివరించి
మెదడునంత తొలిచేస్తున్నావే నన్నే వరించి
నీకు నాకు భలే కుదిర్చాడే ఆ విరించి
FOR audio :contact with whatsapp number 9491042010
రచన.స్వరకల్పన&గానం:డా.రాఖీ
సజీవ శిల్పానివి
త్రిమితీయ చిత్రానివి
గంధర్వ గాత్రానివి
అందానికి సూత్రనివి
నా కలల సామ్రాజ్ఞివి మనోజ్ఞవి
1.అభిజ్ఞవి రసజ్ఞవి ప్రజ్ఞవి ప్రాంజలివి
మంజులవి మంజరివి మంజూషవి
సుధామాధురివి మధుర రసధునివి
మోదినివి వినోదినివి వయ్యారివి మయూరివి
నా కలల సామ్రాజ్ఞివి మనోజ్ఞవి
2.రాగిణివి యోగినివి చింతామణివి
రాధవి సరసగాధవి తీయని బాధవి
రమ్యవి స్నిగ్ధవి ప్రతీక్షవి మోక్షవి
ఊహవి కల్పనవి అనల్ప సౌందర్యరాశివి
నా కలల సామ్రాజ్ఞివి మనోజ్ఞవి
రెప్పపాటులోనె గడిచే- షష్టిపూర్తి జీవితం
గిర్రుమంటు తిరిగింది- కళ్ళముందె కాలచక్రం
మరలిచూసుకొంటుంటే ఎన్నెన్ని జ్ఞాపకాలో
తీపిచేదు కలబోసిన ఎన్ని అనుభూతులో
1.మొన్నమొన్ననే కదా అమ్మ బువ్వ తినిపించింది
నిన్నటికి నిన్నేగా నాన్న నన్ను నడిపించింది
సీతక్క గిల్లిన నొప్పి ఇప్పటికీ తగ్గకుంది
శీనుగాడు తోసినగాయం మచ్చగ మిగిలేఉంది
చిటికెలొన గడిచిన వయసున అనుభవాలెన్నెన్నో
కోల్పోయిన నా బాల్యం మూల్యమెన్నెన్నికోట్లో
2.రాధకీయని ప్రేమలేఖలు రాశులుగా పెట్టెలొ మూల్గే
మధుగాడితొ పోటీపడ్డా ఆమాత్రపు కొలువే దొరికే
గీతతో మనువైతేనేం బ్రతుకు బృందావనమై సాగే
పుట్టిపెరిగి అంతలోనే సంతతి ననుమించి ఎదిగే
పదోన్నతులు పొందీపొందగ పదవి విరమణా అయిపోయే
రెక్కలొచ్చి పిల్లపక్షులు భృతివెతుకుతు ఎగిరిపాయే
మాకు మేమై నాకునేనై అనంత జీవయాత్రాయే
